താഴ്വാരത്തിലെ പനിനീർപൂവ് 10 (ക്ലൈമാക്സ്‌ )

താഴ് വാരത്തിലെ പനിനീർപൂവ് പാർട്ട് 10 (അവസാന ഭാഗം) [ഒരു പ്രണയ കഥ] അജിയുടെ ജീവിതം……….

“ഏട്ടാ.. അജിയെട്ടാ. എഴുന്നേൽക്കു”

മധുരമുള്ള ശബ്ദം എന്നെ തേടി എത്തി.

ഞാൻ എവിടെയാ? എന്നെ ആരാ വിളിച്ചേ?, ഉറക്കത്തിൽ നിന്നും പെട്ടന്ന് കണ്ണ് തുറന്നപ്പോൾ ആദ്യം എനിക്ക് ഒന്നും മനസ്സിൽ ആയില്ല,

അപ്പോഴാണ് എന്റെ അടുത്ത് നിറപുഞ്ചരി യോടെ കീർത്തി നില്കുന്നതു കണ്ടത്.

“എന്തു ഉറക്കമാ ഇതു, അമലേട്ടൻ വിളിക്കുന്നുണ്ട് ഏട്ടനെ “

കീർത്തി പറഞ്ഞു.

അപ്പോഴാണ് ഞാൻ അമലിന്റെ ഫ്ലാറ്റിൽ ആണെന്നും,കീർത്തി എന്നെ വിളിക്കാൻ വന്നതും ആണെന്നും മനസ്സിൽ ആയതു.

“ആ ഞാൻ ഇപ്പോ വരാം കീർത്തി “

ഞാൻ അവളോട്‌ പറഞ്ഞു.എന്നിട്ട് ഞാൻ എഴുന്നേറ്റു ബാത്‌റൂമിലേക്ക് നടന്നു.

കീർത്തി പുറത്തേക്കും.

“അതെ ആ മുഖം ഒക്കെ നന്നായി കഴുകികൊള്ളു ,”

അവൾ വാതിലിന്റ അടുത്ത് ചെന്നു കൊണ്ട് പറഞ്ഞു. ഞാൻ എന്താ എന്നർത്ഥത്തിൽ അവളുടെ മുഖത്തു നോക്കി.

“അതെ ആ കണ്ണീർ വേറെ ആരും കണ്ണേണ്ട, ഉറക്കത്തിൽ കരയുന്ന ആളെ ഞാൻ ആദ്യം ആയി ആണു കാണുന്നത് “

അവൾ ചിരിച്ചു കൊണ്ട് അതും പറഞ്ഞു പുറത്തേക്കു പോയി.

ഞാൻ അപ്പോഴാണ് കണ്ണാടിയിലേക്ക്‌ നോക്കിയത്. അവൾ പറഞ്ഞത് ശെരിയാ കരഞ്ഞു തളർന്ന കണ്ണുകൾ ആയിരുന്നു എന്റെ. ഇന്നലെ കുറെ നേരം ലെച്ചുവിനെ ആലോചിച്ചു കൊണ്ടാണ് കിടന്നത് ആ സമയം അവളുടെ ഓർമ്മകൾ എന്റെ കണ്ണുകളിലൂടെ മഴ ആയി പെയ്തിറങ്ങി അതിന്റെ പാടുകൾ മുഖത്തു അവിടെ ഇവിടെ ആയി കാണാം, അതിനെ കുറിച്ച് ആണ് കീർത്തി പറഞ്ഞത്.

അങ്ങനെ ഞാൻ മുഖം ഓക്കേ കഴുകി അമലിന്റെ അടുത്തേക്ക് ചെന്നു.

അവൻ എന്നെ രാവിലെ തന്നെ അനേഷിച്ചത് അച്ഛൻ കാലത്തു വിളിച്ചിരുന്നു എന്നു പറയാൻ ആയിരുന്നു. പിന്നെ നാട്ടിൽ പോവുക ആണെങ്കിൽ കീർത്തിയെ കൂടെ കൊണ്ടുപോകണം എന്നു പറയാനും. അവൾ ഇവിടെ വന്നിട്ട് ഒരു വർഷം ആയലോ അതിനാൽ അവൾക്കു നാട്ടിൽ പോകാൻ ആഗ്രഹം ഉണ്ടെന്നു.

അന്നത്തെ ദിവസം എല്ലാവർക്കും ഓഫ്‌ ആയതു കൊണ്ട് ഞാൻ അവരെ എല്ലാവരെയും കൊണ്ട് ദുബായ് നഗരം ഒക്കെ ചുറ്റി കറങ്ങി,എന്റെ ഫ്ലാറ്റിലും അവരെ കൊണ്ട് പോയി . എല്ലാവർക്കും സന്തോഷത്തിന്റെ നിമിഷങ്ങൾ സമ്മാനിച്ചു. അന്ന് ഞങ്ങൾ വൈകി ആണു അമലിന്റെ ഫ്ലാറ്റിൽ തിരിച്ചു എത്തിയത്. ഇതിനോടകം ഞാൻ അച്ഛനെ വിളിച്ചു സംസാരിച്ചു. പിന്നെ അനിൽ സാറിനെ വിളിച്ചു ലീവിന്റെ കാര്യം പറഞ്ഞു. അനിൽ സാർ സമ്മതിച്ചു പുതിയ പ്രൊജക്റ്റ്‌ തുടങ്ങുന്നതിനു മുൻപ് തിരിച്ചു വരണം എന്നും പറഞ്ഞു.

കീർത്തിയുടെ ലീവിന്റെ കാര്യം പറഞ്ഞപ്പോൾ അവൾക്ക് രണ്ടാഴ്ച അനുവദിക്കാം എന്നു പറഞ്ഞു. അതും എന്റെ റെക്കമെന്റഷൻ ഉള്ളത് കൊണ്ട്. അങ്ങനെ എല്ലാം ശെരി ആയി.

“അമലേ ഞാൻ എന്നാ ഇറങ്ങട്ടെ “

കറക്കം ഒക്കെ കഴിഞ്ഞു അവന്റെ ഫ്ലാറ്റിൽ എത്തിയ ഞാൻ അവനോടു പറഞ്ഞു.

“നാളെ നിനക്ക് ഇവിടുന്നു ഓഫീസിലേക്ക് പോയ പോരെ “

അവൻ ചോദിച്ചു. ഒപ്പം കീർത്തിയുടെ മുഖത്തു നാളെ പോയാപ്പോരേ എന്നുള്ള ഭാവവും.

“ഇല്ലെടാ എനിക്ക് കുറച്ചുപേപ്പർ വർക്ക്‌ ചെയ്യാൻ ഉണ്ട് “

“എന്നാ ശെരി നീ പോകൊള്ളൂ “

അവൻ പറഞ്ഞു.

ഞാൻ എല്ലാവരോടും യാത്ര പറഞ്ഞു ഇറങ്ങി.

ഞാൻ കാറിൽ കയറാൻ തുടങ്ങവേ.

“അജി ഏട്ടാ ഒന്നു നിന്നെ “

പുറകിൽ നിന്നും കീർത്തിയുടെ ശബ്ദം.

ഞാൻ തിരിഞ്ഞു നോക്കുമ്പോൾ അവൾ എന്റെ അടുത്തേക്ക് ഓടി വരുന്നു.

“എന്താ കീർത്തി “

ഞാൻ ചോദിച്ചു.

“ഏട്ടാ, നാളെ വൈകുന്നേരം നമുക്ക് പുറത്തു എവിടെ എങ്കിലും പോകാം എനിക്ക് ഏട്ടനോട് തനിച്ചു ഒന്നു സംസാരിക്കണം “

കീർത്തി പറഞ്ഞു.

“ഉം, ശരി, “

“എന്നാ ശെരി ഏട്ടാ നാളെ കാണാം “

അവൾ അതും പറഞ്ഞു എനിക്ക് റ്റാറ്റാ കാണിച്ചു, ഞാൻ കാറും എടുത്തു അവിടെ നിന്നും എന്റെ ഫ്ലാറ്റിലേക്ക് പോയി.

കീർത്തിക്കു എന്നോട് എന്താ പറയാൻ ഉള്ളത് ? എന്തായാലും അവൾ ഇങ്ങോട്ട് എന്തെങ്കിലും പറയുന്നത് മുൻപേ അവളോട്‌ എന്റെ കഥകൾ എല്ലാം പറയണം, ഇനി കീർത്തിയുടെ കണ്ണീർ കൂടി കാണാൻ വയ്യ.

അതിന്റെ ഉടമസ്ഥന്റെ പേര് വായിച്ചാ ഞാൻ ഒന്നു ഞെട്ടി.

,”സെലിൻ “

ഇതു അവളുടെ ആയിരുന്നോ, ഞാൻ അതിലെ പേജുകൾ ഒന്നു ഓടിച്ചു നോക്കി, എന്റെ ജീവിതം തിരികെ തരാൻ കഴിയുന്ന ഒരുപാട് കാര്യങ്ങൾ അതിൽ ഉണ്ടായിരുന്നു,അതിലെ ഓരോ പേജും ഞാൻ വായിച്ചു ,

“എന്റെ ജീവിതം മടക്കി തരാൻ ആയി എന്റെ കുഞ്ഞോൾ വീണ്ടും അവതരിച്ചിരിക്കുന്നു “

ഞാൻ ആ ഡയറിയിൽ എന്റെ സ്നേഹചുംബനം നൽകി,

ഇതു മതി എന്റെ ലെച്ചുന്റെ മുൻപിൽ എന്റെ നിരപരാധിത്യം തെളിയിക്കാൻ.

ആ രാത്രി എനിക്ക് വളരെ സന്തോഷം നിറഞ്ഞതായിരുന്നു. അന്ന് ഞാൻ സുഗമായി കിടന്നു ഉറങ്ങി.

പിറ്റേന്ന് രാവിലെ ഞാൻ സാധാരണ പോലെ ഓഫീസിൽ പോയി. ഓഫീസിൽ വെച്ചു കീർത്തിയോട് നാലുമണി ആകുമ്പോൾ ഇറങ്ങാം എന്നു പറഞ്ഞു. അങ്ങനെ നാലുമണി ആയപ്പോൾ ഞാൻ കീർത്തിയേം കൊണ്ട് അമലിന്റെ ഫ്ലാറ്റിലേക്ക് പോയി. അവളെ അവിടെ ഇറക്കിയിട്ട് ഞാൻ തിരിച്ചു എന്റെ ഫ്ലാറ്റിൽ വന്നു ഡ്രസ്സ്‌ ഒക്കെ മാറി അമലിന്റെ ഫ്ലാറ്റിലേക്ക് പോയി, ഞാൻ പറഞ്ഞത് അനുസരിച്ചു കീർത്തി റെഡി ആയി ഫ്ലാറ്റിന്റെ ഗേറ്റിനു അടുത്ത് തന്നെ നിൽക്കുന്നുണ്ടായിരുന്നു. ഞാൻ അവളുടെ അടുത്ത് കാർ കൊണ്ടു നിർത്തി അവൾ കാറിൽ കയറി, ഞാൻ പതിയെ കാർ റോഡിലേക്ക് ഇറക്കി.

“അജി ഏട്ടാ എവിടെ ആണു പോകുന്നത് “

കീർത്തി ചോദിച്ചു.

“ഇവിടെ അടുത്ത് ഒരു ഫ്‌ളവേഴ്‌സ് ഷോ നടക്കുന്നില്ലേ നമുക്ക് അവിടെ പോകാം. “

ആ സ്ഥലം അടുത്ത് ആയതു കൊണ്ട് ഞങ്ങൾ അവിടെ പെട്ടന്ന് തന്നെ എത്തി. ഞാൻ ടിക്കറ്റ് ഒക്കെ എടുത്തു ആ ഫ്‌ളവേഴ്‌സ് ഷോ നടക്കുന്ന ഗ്രൗണ്ടിലേക്ക് കയറി.

ഞങ്ങൾ കുറച്ചു അതിലുടെ കറങ്ങി അവസാനം ഒരു ഒഴിഞ്ഞ കോണിൽ വളരെ ഭംഗിയോടെ പൂക്കൾ കൊണ്ട് അലങ്കരിച്ച ഒരു ബഞ്ച് ഞങ്ങളുടെ ശ്രദ്ധയിൽ പെട്ടു .

“കീർത്തി നമുക്ക് അവിടെ ഇരിക്കാം കുറച്ചു നേരം “

“ആ “

അവൾ അതാഗ്രഹിച്ചിരുന്നു എന്നു അവളുടെ മുഖം കണ്ടപ്പോൾ മനസിലായി.

ഞങ്ങൾ രണ്ടു പേരും അവിടെ ഇരുന്നു.

കീർത്തിയോട് എങ്ങനെ കാര്യങ്ങൾ അവതരിപ്പിക്കും എന്ന അവസ്ഥയിൽ ആയിരുന്നു ഞാൻ അവിടെ ഇരുന്നത്.

അവളും എന്തൊക്കെയോ ആലോചിച്ചു ഇരിക്കുന്നു.

കുറച്ചു കഴിഞ്ഞപ്പോൾ നിശ്ശബ്ദതക്കു വിരാമമം ഇട്ട് കൊണ്ട് കീർത്തി സംസാരിച്ചു തുടങ്ങി.

“അതൊക്കെ എനിക്ക് അറിയാം , ഏട്ടനും ലെച്ചു ചേച്ചിയും ആയിട്ടുള്ള പ്രണയവും,നിങ്ങൾ തമ്മിലുള്ള കല്യാണം നടക്കാൻ കുറച്ചുനാൾ ഉള്ളപ്പോൾ ജോൺ അച്ചായന്റെ മകൾ മരിക്കുന്നതും അതിന്റെ പേരിൽ ഏട്ടനെ തെറ്റുകാരൻ ആക്കിയതും പിന്നിട് ഏട്ടൻ നാടുവിട്ടതും എല്ലാം ഞാൻ അറിഞ്ഞു. “

“നീ എങ്ങനെ.. ?”

“എനിക്ക് ആദ്യം ഏട്ടനെ കുറിച്ച് അധികം ഒന്നും അറിയില്ലായിരുന്നു നാടു വിട്ടു പോയിട്ടുണ്ട് എന്നും അമലേട്ടന്റെ വീടിനടുത്തുള്ള ബന്ധുവിന്റെ മകൻ ആണെന്ന് മാത്രം അറിയാം ഫോട്ടോസ് കണ്ടിരുന്നു എങ്കിലും ഞാൻ അത്രക്കും ശ്രദ്ധിച്ചിരുന്നില്ല. അങ്ങനെ ഏട്ടൻ ഫ്ലാറ്റിൽ വന്ന രാത്രിയാണു സ്വപ്നേച്ചി എന്നോട് ഏട്ടന്റെ ജീവിതതിനെ കുറിച്ച് പറഞ്ഞു തന്നത്, “

അവൾ പറഞ്ഞു നിർത്തി.

“കീർത്തി ഞാനാ തെറ്റുകാരൻ വെറും ഒരു വാക്കിന്റെ പുറത്ത് ഇല്ലാതെ ആയതല്ല എന്റെ ജീവിതം ചില സാഹചര്യങ്ങൾ എന്നെ സത്യങ്ങൾ തുറന്നു പറയുന്നതിൽ നിന്നും പിന്തിരിപ്പിച്ചു, ഇപ്പോഴും എനിക്ക് അതു പറയാൻ ഉള്ള ധൈര്യം ഇല്ല പക്ഷെ എന്റെ നിരപരാധിത്യം തെളിയിക്കാൻ ഉള്ള ഒരു തെളിവ് ഇന്ന് എന്റെ പക്കൽ ഉണ്ട് “

ഞാൻ പറഞ്ഞു.

,കീർത്തി അതു എന്താണെന്നു അറിയാനായി ഈറനായ കണ്ണുകളോടെ എന്റെ മുഖത്തേക്ക് നോക്കി,

ഞാൻ കൊണ്ടു വന്നിരുന്ന സെലിന്റെ ഡയറി കീർത്തിയുടെ കൈയിലേക്ക് നീട്ടി. അവൾ അതു വാങ്ങിച്ചിട്ട് എന്റെ മുഖത്തേക്ക് നോക്കി.

“ഇതു എനിക്ക് ഇന്നലെ ആണു കിട്ടിയത്, എന്റെ അനിയത്തി കുട്ടിയുടെ ഡയറി ആണു അതു. “

,ഞാൻ പറഞ്ഞു.

“സെലിന്റെയോ “

അവൾ വിശ്വാസം വരാത്ത മട്ടിൽ എന്റെ മുഖത്തു നോക്കി.

“അതെ കീർത്തി, ഇതു സെലിന്റ ഡയറി ആണു, എനിക്ക് അറിയില്ലായിരുന്നു ഈ ഡയറി എന്റെൽ ഉള്ള കാര്യം, ഇന്നലെ ഞാൻ പഴയ ബാഗ് പരിശോധിച്ചപ്പോൾ കിട്ടിയത് ആണു ഇതു, സെലിൻ മരിക്കുന്നതിന് തലേന്ന് ഗസ്റ്റ്‌ ഹൌസിൽ ഇരിക്കുമ്പോൾ ആണു അവൾ ലാസ്റ്റ് ഇതിൽ എഴുതിയതു അന്ന് നടന്ന എല്ലാകാര്യവും ഇതിൽ ഉണ്ട്, അന്നവൾ മറന്നു പോയതാണോ അവൾ മനഃപൂർവം എന്റെ ബുക്കുകൾക്കിടയിൽ മറന്നു വെച്ചതു ആണോ എന്നറിയില്ല, എങ്ങനെയോ എന്റെ ബാഗിൽ ഇതു എത്തി പെട്ടു, “

ഞാൻ പറഞ്ഞു.

“എന്നിട്ട് എന്താ അജിയേട്ടാ ഇത്ര നാൾ ആയിട്ടും ഇതു ഏട്ടന് കിട്ടാതിരുന്നത് “

അവൾ ചോദിച്ചു.

“അറിയില്ല, എല്ലാത്തിനും അതിന്റെതായ സമയം ഉണ്ടെന്നു പറയുന്ന പോലെ ഇതു എന്റെ കൈയിൽ എത്താൻ ഉള്ള നേരവും ഇതായിരിക്കും ദൈവത്തിന്റെ ഓരോരോ കളികളെ ,അല്ലെങ്കിൽ പ്രിയ പെട്ടന്നു പോകാനും, നീ ആ പോസ്റ്റിലേക്ക് വരാനും, നമ്മൾ തമ്മിൽ പരിചയപ്പെടാനും,നീ വഴി അമലിനെ കണ്ട് മുട്ടാനും എല്ലാം വിധി അല്ലെ, “

ഞാൻ പറഞ്ഞു നിർത്തി.

“ഉം, ശെരിയാ , ഏട്ടന്റെ കളഞ്ഞു പോയ ജീവിതം വീണ്ടു എടുക്കാൻ ദൈവം തന്ന ഒരു അവസരം ആയിരിക്കും ഇതു, “

കീർത്തി പറഞ്ഞു.

“കീർത്തി അതു തുറന്നു നോക്കു, കീർത്തിയെ രണ്ടുദിവസമായി ഉറക്കാത്ത ചോദ്യങ്ങളുടെ ഉത്തരം അതിൽ ഉണ്ട്, സെലിന്റ മരണത്തിന്റെ ദുരൂഹത അറിയാൻ അല്ലെ ഇന്ന് എന്റെ അടുത്ത് വന്നത് “

ഞാൻ ചോദിച്ചു.

അവൾ അതെ എന്ന ഭാവത്തിൽ തല ആട്ടി, പിന്നിട് അവൾ ആ ഡയറി തുറന്നു വായിക്കാൻ തുടങ്ങി.

!അവൾ ഇരുന്നു വായിക്കുനത് കണ്ടപ്പോൾ എന്റെ മനസ്സ് കുറെ വർഷങ്ങൾ പുറകോട്ടു സഞ്ചരിച്ചു.!

“കുഞ്ഞോൾ “

എന്റെ അനിയത്തി കുട്ടി ആയിരുന്ന എന്റെ സെലിൻ .

അവൾ എന്റെ ജീവിതത്തിലേക്ക് കടന്നു വന്നത് ഒരു മാലാഖ ആയിട്ടു ആയിരുന്നു. ഞാൻ താഴ്വാരത്ത് എത്തിയ നാളുകളിൽ അവൾ എന്നോട് അധികം അടുപ്പം ഒന്നും കാണിച്ചില്ലെങ്കിലും എന്നെ കാണുമ്പോൾ ഒരു നിറപുഞ്ചരി അവളുടെ മുഖത്തു എപ്പോഴും ഉണ്ടാകും. ഞാൻ ട്യൂഷൻ എടുക്കാൻ തുടങ്ങിയപ്പോൾ മുതൽ ആണു അവളും ആയി കൂട്ടാവുന്നത്, എനിക്ക് സ്വന്തമായി പെങ്ങൾ ഇല്ലാത്തത് കൊണ്ടായിരിക്കും സെലിൻ വളരെ വേഗം തന്നെ എന്റെ കൂടപ്പിറപ്പ് ആയി മാറിയത്, അവൾക്കു ചേട്ടൻ ഇല്ലാത്തതു കൊണ്ട് അവളും എന്നെ സ്വന്തം ചേട്ടനായി കണ്ടു, സെലിന്റ സ്വഭാവം എല്ലാവരിൽ നിന്നും വളരെ വിത്യാസ്സ്ഥം ആയിരുന്നു, ചെറിയ കാര്യങ്ങൾ മതി അവളുടെ കണ്ണുനിറയാൻ, സ്നേഹിക്കുന്നവരുടെ ചെറിയ ദേഷ്യപ്പെടൽ പോലും അവളെ പെട്ടന്ന് തളർത്തും, എന്റെ എല്ലാ കാര്യങ്ങളും അവൾക്കു അറിയാം ആയിരുന്നു ലെച്ചുവിനോട് ഉള്ള പ്രണയം തുടങ്ങിയ നാൾ മുതൽ ഉള്ള കാര്യങ്ങൾ ഞാൻ സെലിനും ആയി പങ്കു വെച്ചിരുന്നു, അതു പോലെ തന്നെ അവളുടെ കാര്യങ്ങളും, അവൾ ഒരു ക്ലാസ്സ്‌മേറ്റ്‌ നെ പ്രണയിക്കുന്ന കാര്യം പോലും അവൾ എന്നോട് തുറന്നു പറഞ്ഞു.

അങ്ങനെ സെലിൻ മരിക്കുന്നതിന് ഒരാഴ്ച മുൻപ്. സെലിൻ കോളേജ് വിട്ടു എന്നെ കാണാൻ ആയി ഗസ്റ്റ്‌ഹൌസിൽ വന്നു

ഞാൻ അപ്പൊ ടീവി കണ്ടു കൊണ്ട് സോഫയിൽ ഇരിക്കുക ആയിരുന്നു.

“ഹായ് ഏട്ടന്റെ കുഞ്ഞോൾ എത്തിയാലോ “

ഞാൻ സെലിനെ കണ്ടപ്പോൾ ചോദിച്ചു.

അപ്പോഴാണ് ഞാൻ അവളുടെ മുഖം ശ്രദ്ധിക്കുന്നത്, ആകെ വല്ലാണ്ട് ഇരിക്കുന്നു .

“എന്താ കുഞ്ഞോളെ നിന്റെ മുഖം ഒക്കെ ഇങ്ങനെ ഇരിക്കുന്നത്, “

ഞാൻ സോഫയിൽ നിന്നും എഴുനേറ്റു കൊണ്ട് ചോദിച്ചു,

“ഏട്ടാ “

എന്നു വിളിച്ചു കൊണ്ട് അവൾ കരഞ്ഞു കൊണ്ട് എന്റെ മേത്തേക്ക് ചാഞ്ഞു.

“എന്താ മോളെ എന്തു പറ്റി നിനക്ക് “

ഞാൻ അവൾക്ക് എന്താ പറ്റിയത് എന്നറിയാനായി ചോദിച്ചു.

അവൾ മറുപടി പറഞ്ഞില്ല വീണ്ടും നിന്നു കരയുന്നു.

“നീ എന്താ കാര്യം എന്നു പറയു കുഞ്ഞോളെ, എന്താ നിനക്ക് പറ്റിയെ ഈ ഏട്ടനോട് പറ “

“ഏട്ടാ അതു…. “

“ആദ്യം നീ ഇവിടെ ഇരിക്കു”

ഞാൻ അതു പറഞ്ഞു അവളെ സോഫയിൽ ഇരുത്തി , എന്നിട്ട് അവളുടെ കണ്ണീർ തുടച്ചു മാറ്റി . ഞാൻ അവളുടെ അടുത്ത് തന്നെ ഇരുന്നു.

“ഇനി പറ എന്താ കാര്യം എന്നു “

“ഏട്ടാ ഞാൻ പറയാൻ പോണ കാര്യം ഏട്ടൻ ആരോടും പറയരുത്,”

“ഇല്ല ഞാൻ ആരോടും പറയില്ല നീ പറഞ്ഞോ “

“ഇല്ലാ ഏട്ടൻ എനിക്ക് സത്യം ചെയ്തു തരണം “

അവൾ പറഞ്ഞു.

“ഉം,ഇന്നാ സത്യം ചെയ്തേക്കുന്നു “

ഞാൻ അതും പറഞ്ഞു അവളുടെ കൈയിൽ എന്റെ കൈ വെച്ചു സത്യം ചെയ്തു.

“ഇതു പോരാ ലെച്ചു ചേച്ചിയുടെ പേരിൽ എന്റെ തലയിൽ തൊട്ട് സത്യം ചെയ്യണം ഞാൻ പറയുന്നകാര്യം ഏട്ടൻ ആരോടും പറയില്ല എന്നു “

സെലിൻ പറഞ്ഞു.

“ഉം ശരി,നിന്റെ ഇഷ്ടം അതാണെങ്കിൽ അങ്ങനെ “

“ലെച്ചു ആണെ എന്റെ കുഞ്ഞോൾ ആണെ,, എന്റെ ഈ അനിയത്തി കുട്ടി പറയുന്ന കാര്യം ഞാൻ ആരോടും പറയില്ല എന്നു എന്റെ കുഞ്ഞൊളിന്റെ തലയിൽ വെച്ചു സത്യം ചെയുന്നു “

ഞാൻ അവളുടെ തലയിൽ കൈ വെച്ചു സത്യം ചെയ്തു.

“മതിയോ “

ഞാൻ അവളോട്‌ ചോദിച്ചു.

“ഉം “

അവൾ ഒന്നു മൂളി.

“എന്നാ പറ എന്റെ സുന്ദരി കുട്ടി എന്തിനാ കരഞ്ഞേ “

അവൾ വല്ല ചെറിയ കാര്യത്തിന് അമ്മയും ആയി വഴക്കിട്ടട്ടുണ്ടാകും എന്നു വിചാരിച്ചാ ഞാൻ അവളോട്‌ ചിരിച്ചു കൊണ്ട് ചോദിച്ചത്.

“ഏട്ടാ എനിക്ക് ഒരു തെറ്റു പറ്റി “

ഞാൻ എന്താ എന്നു അവളുടെ മുഖത്തേക്ക് നോക്കി.

“ഞാൻ ഇപ്പോ മൂന്ന് മാസം ഗർഭിണി ആണു “

അവൾ കരയുന്ന മിഴികളോടെ പറഞ്ഞു.

“ഹേയ് എന്തു “

ഞാൻ അതു കേട്ടു ഞെട്ടി പുറകോട്ടെക്ക് മാറി.

“എന്താ മോളെ നീ ഈ പറഞ്ഞത്, “

എനിക്കു വിശ്വാസം വരാത്ത കാരണം ഞാൻ ചോദിച്ചു.

“അതെ ഏട്ടാ ഞാൻ പറഞ്ഞത് സത്യം ആണു എനിക്ക് പറ്റി പോയി, എന്നെ വഴക്ക് പറയല്ലേ എന്നെ ഇതിൽ നിന്നും രക്ഷിക്കണം, എനിക്കിതു ഏട്ടനോട് അല്ലാതെ വേറെ ആരോടും പറയാൻ ധൈര്യം ഇല്ല “

അവൾ കരഞ്ഞു കൊണ്ട് പറഞ്ഞു.

“ഞാൻ വഴക്കൊന്നും പറയില്ല, നിനക്ക് എവിടെയാ തെറ്റിയത് ?,ആരാ നിന്നെ..?? “

ഞാൻ അവളോട്‌ ചോദിച്ചു,

‘അവൾ എന്നോട് എല്ലാം പറഞ്ഞു.

അവൾ ക്ലാസ്സിലെ ഒരു പയ്യനും ആയി ഇഷ്ടത്തിൽ ആയിരുന്നു, ഒരു ആർട്സ് ഡേ ക്കു അവർക്കു രണ്ടാൾക്കും പറ്റിയ തെറ്റാണ് ഇപ്പൊ അവളുടെ വയറ്റിൽ വളർന്നു കൊണ്ടിരിക്കുന്നത് ‘സത്യ അതായിരുന്നു അവന്റെ പേര്. അവൾ ഇതു അറിഞ്ഞപ്പോൾ തന്നെ അവനോടു പറഞ്ഞു. അവൻ ഇതറിഞ്ഞപ്പോൾ എന്താ ചെയ്യേണ്ടത് എന്നറിയാതെ ഇരിക്കുക ആയിരുന്നു, ആ ഇടക്ക് ആണു അവന്റെ അമ്മക്കു അസുഖം കൂടി എന്നു പറഞ്ഞു അവൻ നാട്ടിലേക്ക് പോയത് പിന്നെ ഇപ്പൊ രണ്ടു മാസം ആയിട്ടും അവൻ തിരിച്ചു വന്നിട്ടില്ല എന്നു മാത്രം അല്ല അവന്റെ ഫോണിൽ വിളിച്ചിട്ട് കിട്ടുന്നും ഇല്ല, ഇത്ര നാളും അവൻ വരും എന്ന പ്രതീക്ഷയിൽ ആണു അവൾ ഇരുന്നത് എന്നാൽ രണ്ടുമാസം ആയിട്ടും കാണാണ്ട് ആയപ്പോൾ അവൾക്കു പേടിയായി, എന്താ ചെയ്യണ്ടത് എന്നു അറിയാതെ വിഷമിച്ചു ഇരിക്കുമ്പോൾ ആണു അവൾ എന്നോട് ഈ കാര്യങ്ങൾ പറയാൻ എന്നു തീരുമാനിക്കുന്നത്, അവളുടെ അടുത്ത കൂട്ടികാരികൾക്ക് പോലും ഇതിനെ കുറിച്ച് അറിയില്ല,

ഇതെല്ലാം കേട്ട് എന്താ ചെയേണ്ടത് എന്നു എനിക്ക് ഒരു രൂപവും ഉണ്ടായില്ല.

“കുഞ്ഞോളെ ഇതു കുട്ടികളി അല്ല , നമുക്കിത് അച്ചായനോട് പറയാം “

ഞാൻ അവളോട്‌ ചോദിച്ചു

“അയ്യോ വേണ്ട ഏട്ടാ അപ്പച്ഛനോട് പറയണ്ട, എനിക്ക് പേടിയാ, “

“കുഞ്ഞോളെ പേടിച്ചു ഇരുന്നിട്ട് കാര്യം ഇല്ല പറ്റിയത് പറ്റി ഇതിനുള്ള പ്രതിവിധി അവർക്കെ പറ്റുകയുള്ളു “

“ഏട്ടൻ എങ്ങാനും അപ്പച്ചനോട് പറഞ്ഞാൽ പിന്നെ ഞാൻ ജീവിച്ചിരിക്കില്ല “

അവൾ പറഞ്ഞു.

“ഉം, ശരി, ഞാൻ പറയുന്നില്ല, പക്ഷേ നീ ഇതു എത്ര നാൾ എന്നു വെച്ചാ അവരെ അറിയിക്കാതെ ഇരിക്കുക ഒരു നാൾ എല്ലാവരും അറിയില്ലേ “

ഞാൻ ചോദിച്ചു.

“എനിക്ക് അറിയില്ല ഏട്ടാ എന്താ ചെയ്യേണ്ടത്, ഏട്ടൻ പറ ഞാൻ അതുപോലെ ചെയ്യാം “

“എന്നാ നമുക്ക് ആദ്യം അവനെ കണ്ടുപിപിടിക്കാം അതുകഴിഞ്ഞു തീരുമാനിക്കാം എന്തു ചെയ്യണം എന്നു. ഞാൻ നാളെ തന്നെ അവനെ അനേഷിച്ചു പോകാം “

ഞാൻ സെലിനോട് പറഞ്ഞു.

അതു കേട്ടപ്പോൾ അവൾക്കു ഒരു ആശ്വാസം ആയി.

“അപ്പോ ഇനി ഏട്ടന്റെ കുഞ്ഞോൾ പോയി മുഖം ഒക്കെ കഴുകി നല്ല കുട്ടി ആവു”

എന്റെ ഉള്ളു നീറുക ആയിരുന്നു എന്താ ഇതിനൊള്ള പ്രതിവിധി ആലോചിച്ചു എന്നാൽ ഞാൻ അതു പുറത്ത് കാണിക്കാതെ ചിരിച്ചു കൊണ്ട് പറഞ്ഞു.

“ഉം, ശരി ഏട്ടാ “

എന്നു പറഞ്ഞു അവൾ മുഖം കഴുകാൻ പോയി.

പിന്നിട് അവളെ ഞാൻ വിട്ടിൽ കൊണ്ട് ചെന്നു ആക്കി,

ഈ കാര്യങ്ങൾ ഒന്നും ഞാൻ ലെച്ചുവിനോട് പോലും മറച്ചു വെച്ചു.

അടുത്ത ദിവസം തന്നെ രാവിലെ ഞാൻ അവനെ അനേഷിച്ചു ഇറങ്ങി, സെലിന്റെ കൈയിൽ ഉണ്ടായിരുന്ന അഡ്രസ്സും കോളേജിൽ ചെന്നു അനേഷിച്ചപ്പോൾ കിട്ടിയ അറിവും വെച്ചു ഞാൻ അവന്റെ നാട്ടിലേക്കു പോയി.

അവിടെ ചെന്ന എനിക്ക്‌ അറിയാൻ കഴിഞ്ഞത് സത്യ യുടെ അമ്മ മരിച്ചു എന്നും അവൻ ചടങ്ങുകൾ ഒക്കെ കഴിഞ്ഞു തിരിച്ചു പോയെന്നും,

അവനു ബന്ധുക്കൾ ആയിട്ട് അമ്മ മാത്രേ ഉണ്ടായിരുന്നൊള്ളു അവർ വാടക വീട്ടിൽ ആയിരുന്നു താമസിച്ചിരുന്നത്, അമ്മ യുടെ ചടങ്ങുകൾ കഴിഞ്ഞു അവൻ അവിടെന്നു പോയിട്ട് ഒരു മാസത്തിൽ കൂടുതൽ ആയിന്നു അവന്റെ വാടക വീടിന്റെ ഉടമസ്ഥനിൽ നിന്നും അറിയാൻ കഴിഞ്ഞു. ഞാൻ കുറെ അവനെ കുറിച്ച് അനേഷിച്ചു പക്ഷെ ഒരു വിവരവും കിട്ടിയില്ല ഒരു മാസം മുൻപ് അവിടെന്നു പോയ ആള് ഇതു വരെ ഹോസ്റ്റലിലും വന്നിട്ടില്ല കോളേജിലും വന്നിട്ടില്ല, പിന്നെ അവൻ എവിടെ പോയി, ഇനി സെലിന്റ കാര്യം അറിഞ്ഞു മുങ്ങിയതും ആകാൻ ചാൻസ് ഉണ്ടാകുമോ ?,

ഞാൻ പിന്നിട് രണ്ടുമൂന്നു ദിവസം അവനെ അനേഷിച്ചു കുറെ സ്ഥലങ്ങളിൽ പോയി പക്ഷെ ഒരു ഗുണവും ഉണ്ടായില്ല .

അവൻ ചതിച്ചു എന്നു ഞാൻ അവളോട്‌ എങ്ങനെ പറയും, അതു കേൾക്കുമ്പോൾ അവളുടെ റീയാക്ഷൻ എന്തായിരിക്കും എന്നുള്ള പേടി കാരണം ഞാൻ അവളോട്‌ അതു മറച്ചു വെച്ചു,

അങ്ങനെ അവസാനം എന്റെ നിർബന്ധത്തിനു അവൾ വഴങ്ങി എന്റെ കൂടെ വരാം എന്നു പറഞ്ഞു.

ഞാനും അവളും കൂടെ അടുത്ത ദിവസം തന്നെ ടൗണിൽ ഉള്ള ഡോക്ടർ ഷീബജേക്കബ് നെ കാണാൻ പോയി, സെലിനു യൂണിവേഴ്സിറ്റിയിൽ ചില പേപ്പർ ശെരി ആക്കാൻ പോണം എന്നു പറഞ്ഞിട്ട് ആണു ഞാൻ അച്ചായന്റെ അടുത്ത് നിന്നും അവളേം കൂട്ടി അവിടേക്ക് ചെന്നത്.

ഡോക്ടറിന്റെ മുന്നിൽ ഞാൻ ആയി അവളുടെ കാമുകൻ, ഒരു ചെറിയ കള്ള കഥയും പറയേണ്ടി വന്നു, ഞങ്ങൾക്ക് ഒരു അബദ്ധം പറ്റിയാതാണെന്നും, വിട്ടിൽ അറിഞ്ഞാൽ വലിയ പ്രശ്നങ്ങൾ ഉണ്ടാകും എന്നും, അങ്ങനെ ഞാൻ കുറെ നുണകൾ ആ ഡോക്ടറോട് പറഞ്ഞു.

സെലിനെ പരിശോധിച്ചതിനു ശേഷം ഡോക്ടർ പറഞ്ഞ മറുപടി ഞങ്ങളെ ഞെട്ടിച്ചു.

സെലിന് മൂന്നാം മാസം ആയതു കൊണ്ട് അപോഷന് ഒരു സാധ്യത യും ഇല്ല പിന്നെ ഗവണ്മെന്റ് റൂൾസ്‌ പ്രകാരം അതു ചെയുന്നത് തെറ്റ് ആണു. പിന്നെ എല്ലാം മറികടന്നു ചെയ്താൽ തന്നെ അതു സക്‌സസ് ആവണം എന്നില്ല ചിലപ്പോൾ സെലിന്റെ ജീവന് തന്നെ അതു ഭീഷണി ആയേക്കാം. അതുകൊണ്ട് അതു നടക്കില്ല എന്നു ഡോക്ടർ തീർത്തു പറഞ്ഞു.

എല്ലാം പറഞ്ഞു കഴിഞ്ഞു ഡോക്ടർ ഞങ്ങൾക്ക് ഒരു ഉപദേശവും നൽകി

“വീട്ടുകാരോട് എല്ലാം തുറന്നു പറഞ്ഞു നിങ്ങൾ തമ്മിൽ വിവാഹം കഴിക്കുന്നത് ആയിരിക്കും ഏറ്റവും നല്ല ഉപായം “

ഞങ്ങൾ ആകെ തകർന്ന അവസ്ഥയിൽ അവിടെ നിന്നും ഇറങ്ങി.

എനിക്ക് എന്താ ചെയേണ്ടത് എന്നൊരു രൂപവും ഇല്ലാർന്നു, ഗസ്റ്റ് ഹൌസ് എത്തുന്ന വരെ ഞങ്ങൾ തമ്മിൽ സംസാരിച്ചില്ല.

ഗസ്റ്റ് ഹൌസിൽ എത്തിയപ്പോൾ ലെച്ചു ഉണ്ടായിരുന്നു ഉമ്മറത്ത്.

“അജി ഏട്ടാ പേപ്പർ എല്ലാം റെഡി ആയ “

ഞങ്ങൾ വണ്ടി നിർത്തി ഇറങ്ങിയപ്പോൾ ലെച്ചു ചോദിച്ചു.

“ഇല്ല ഒരു പേപ്പർ കൂടി റെഡി ആകാൻ ഉണ്ട് “

ഞാൻ അവളോട്‌ പറഞ്ഞു.

“എന്താ കുഞ്ഞോൾ ന്റെ മുഖം വല്ലാതെ ഇരിക്കുന്നെ “

എന്റെ കൂടെ നിന്ന സെലിന്റ തളർന്ന മുഖം കണ്ടു ലെച്ചു ചോദിച്ചു.

“അതു യാത്ര ചെയ്തതിന്റെ ആകും പിന്നെ ചെറിയ തലവേദന ഉണ്ടെന്നും പറഞ്ഞു ഇവൾ “

ഞാൻ ലെച്ചുവിനോട് പറഞ്ഞു.

“ആണോ “

ലെച്ചു അതും പറഞ്ഞു അവളുടെ നെറ്റിയിൽ ഒക്കെ തടവി നോക്കി.

“നീ എന്നാ കുറച്ചു നേരം അകത്തു ഇരിക്കു വെയിൽ കൊള്ളേണ്ട, ഞാൻ ഒരു കട്ടൻ കാപ്പി ഉണ്ടാക്കി തരാം “

ലെച്ചു സെലിനോട് പറഞ്ഞു.

ലെച്ചു അടുക്കളയിലേക്ക് പോയി സെലിൻ എന്റെ റൂമിലേക്കും. ഞാൻ സോഫയിൽ ഇരുന്നു എന്തു ചെയ്യണം എന്നു അറിയാതെ.

കുറച്ചു കഴിഞ്ഞപ്പോൾ ലെച്ചു കാപ്പിയും ആയി വന്നു . അവൾ അതു സെലിന് റൂമിൽ കൊണ്ടു കൊടുത്തു. അതു കഴിഞ്ഞു സെലിൻ എന്തോ പുസ്തകത്തിൽ എഴുതുന്നത് ഞാൻ ശ്രദ്ധിച്ചിരുന്നു, കുറച്ചു കഴിഞ്ഞപ്പോൾ സെലിൻ നല്ല സന്തോഷവതി ആയി കാണപ്പെട്ടു, ലെച്ചുവിന് ഒരു സംശയത്തിനു വഴിനൽകേണ്ട എന്നു വിചാരിച്ചു ഞാനും മുഖത്തു സന്തോഷം കാണിച്ചു പെരുമാറി.

അന്ന് രാത്രി സെലിനെ വീട്ടിലേക്ക് കൊണ്ടുചെന്നു ആകുന്നതിനു മുൻപേ ഞാനും സെലിനും ലെച്ചുവും കൂടി ഒരുമിച്ചു ഇരുന്നു ആഹാരം കഴിച്ചിരുന്നു,

ഞാൻ സെലിന്റ വീടിനു മുൻപിൽ വണ്ടി നിർത്തി.

“കുഞ്ഞോളെ, നീ അവിവേകം ഒന്നും കാണിക്കരുത് , എല്ലാത്തിനും നമുക്ക് വഴി ഉണ്ടാക്കാം, ഞാൻ ഇല്ലേ നിന്റെ കൂടെ “

അവൾ വണ്ടിയിൽ നിന്നും ഇറങ്ങിയപ്പോൾ ഞാൻ അവളോട്‌ പറഞ്ഞു. എനിക്ക് പേടിയായിരുന്നു അവൾ വല്ല അവിവേകവും കാണിക്കോ എന്നു,

“ഇല്ല ഏട്ടാ, ഏട്ടൻ ധൈര്യം ആയി പൊക്കൊളു, ഞാൻ ഒന്നും ചെയ്യില്ല ഏട്ടൻ പേടിക്കേണ്ട “

അവൾ എന്റെ കൈയിൽ പിടിച്ചു കൊണ്ട് പറഞ്ഞു

“എന്നാ ശെരി കുഞ്ഞോൾ പൊക്കോ , അച്ചായൻ കാത്തിരിക്കുന്നുണ്ടാകും, കാലത്തു ഇറങ്ങിയത് അല്ലെ “

ഞാൻ പറഞ്ഞു.

“എന്നാ ഏട്ടാ ശെരി “

അവൾ അതും പറഞ്ഞു ടാറ്റയും കാണിച്ചു ഒരു പുഞ്ചിരി തൂകി കൊണ്ട് വീട്ടിലേക്ക് നടന്നു.

അതായിരുന്നു ഞാൻ അവസാനം ആയി കണ്ട എന്റെ കുഞ്ഞോളുടെ ചിരിച്ച മുഖം ,…….

———————————

“അവളുടെ ഓർമ്മകൾ വീണ്ടും എന്റെ കണ്ണുകളെ ഇറാനാക്കി,. “

“അജി ഏട്ടാ, ഇതിൽ പറഞ്ഞതൊക്കെ ?”

കീർത്തിയുടെ ശബ്‍ദം എന്നെ വീണ്ടും ഓർമകളിൽ നിന്നും കീർത്തിയുടെ അടുത്തേക്ക് എത്തിച്ചു .

“അതെ കീർത്തി ഇതാണ് ശെരിക്കും ഉള്ള ആരും അറിയാത്ത സത്യങ്ങൾ “

ആ ഡയറി വായിച്ചു കഴിഞ്ഞു ഇരിക്കുന്ന അവളോട്‌ ഞാൻ പറഞ്ഞു.

“എന്നാലും ഏട്ടൻ ഒരു വാക്ക് കൊടുത്തതിനു ഇത്രയും ഒന്നും അനുഭവിക്കണ്ടായിരുന്നു, എല്ലാം എല്ലാവരോടും തുറന്നു പറഞ്ഞുടെയിരുന്നോ ?”

കീർത്തി ചോദിച്ചു.

“ഞാൻ ഒരു ഒരു പ്രാവിശ്യം അതു തെറ്റിക്കാൻ പോയപ്പോൾ ആണു എനിക്ക് എന്റെ കുഞ്ഞോളെ നഷ്ടപെട്ടത്, ഇനിയും ഞാൻ ആ വാക്ക് തെറ്റിച്ചാൽ എനിക്ക് എന്റെ ലെച്ചു നെ കൂടി നഷ്ടം ആവും ആയിരുന്നു, അവൾ എന്റെ കൂടെ ഇല്ലെങ്കിലും ജീവിച്ചിരിപ്പുണ്ടല്ലോ അതു മതി എനിക്ക് “

ഞാൻ കീർത്തിയോട് പറഞ്ഞു.

“അതെന്താ ഏട്ടാ “

കീർത്തി ഒന്നും മനസിലാകാതെ ചോദിച്ചു.

“ഉം, പക്ഷേ കീർത്തി, ലെച്ചു എനിക്ക് വേണ്ടി കാത്തിരിക്കുന്നുണ്ടാവുമോ, അവളുടെ കല്യാണം വല്ലതും കഴിഞ്ഞിട്ടുണ്ടെങ്കിൽ ?”

ഞാൻ കീർത്തി യോട് ചോദിച്ചു,

“എനിക്ക് തോന്നുന്നില്ല അജിയേട്ടനെ ജീവന് തുല്യം സ്നേഹിച്ച ലെച്ചു ചേച്ചി വേറൊരു ആളുടെ മുൻപിൽ കഴുത്ത് നീട്ടി കൊടുക്കും എന്നു “

കീർത്തി പറഞ്ഞു.

“അറിയില്ല , എനിക്ക് അവളെ നഷ്ടപ്പെട്ടോ എന്നു പോലും അറിയില്ല, എന്തായാലും ഞാൻ നാട്ടിൽ ചെന്നിട്ടു അവളെ കാണാൻ പോകും “

അങ്ങനെ ഞങ്ങൾ കുറച്ചു നേരം കൂടി ആ ഫ്‌ളവേഴ്‌സ് ഗാർഡനിൽ ഇരുന്നു സംസാരിച്ചു,

രണ്ടു ദിവസം കഴിഞ്ഞപ്പോൾ ഞങ്ങളുടെ ടിക്കറ്റ്സ് ഓക്കേ ഓക്കേ ആയി, എല്ലാവരോടും യാത്ര പറഞ്ഞു വീട്ടിലേക്കു കുറച്ചു സാധനങ്ങളും വാങ്ങിച്ചു ഞാൻ കുറെ വർഷങ്ങൾക്കു ശേഷം തിരിച്ചു നാട്ടിലേക്ക് ഫ്ലൈറ്റ് കയറി, കൂടെ കീർത്തിയും,

അങ്ങനെ മണിക്കൂറുകൾക്ക് ഒടുവിൽ ഞാൻ എന്റെ നാട്ടിൽ തിരിച്ചു എത്തി, എയർപോർട്ടിൽ നിന്നും ഒരു ടാക്സി വിളിച്ചു ആണു ഞങ്ങൾ വീട്ടിലേക്ക് പോയത്, ഞങ്ങളെ പിക് ചെയ്യാൻ എയർപോർട്ടിൽ ഞാൻ വരണ്ട എന്നു നേരത്തെ പറഞ്ഞിരുന്നു,

അങ്ങനെ ടാക്സി കാർ രണ്ടു മണിക്കൂറിന്റെ യാത്രക്ക് ഒടുവിൽ എന്റെ വീട്ടിൽ എത്തിച്ചേർന്നു. രണ്ടു ദിവസം മുൻപ് ഞാൻ അമലിന്റെ സഹായത്തോടെ അമലിന്റെ വീടിനടുത്തുള്ള പണി കഴിഞ്ഞു വിൽക്കാൻ ഇട്ടിരുന്ന നല്ലൊരു വീട് അച്ഛന്റെ പേരിൽ വാങ്ങിപ്പിച്ചു, ഇപ്പോ അവിടെ ആണു അച്ഛനും അമ്മയും ഉള്ളത്,

ഞങ്ങളുടെ വണ്ടി വീടിന്റെ ഗേറ്റും കടന്നു വീട്ടുവളപ്പിലേക്ക് കയറി.

എയർപോർട്ടിൽ ഇറങ്ങിയപ്പോൾ തന്നെ വിളിച്ചു പറഞ്ഞതു കൊണ്ട് അമ്മ എന്നെയും കാത്ത് പോർച്ചിൽ നില്കുന്നുണ്ടായിരുന്നു, വർഷങ്ങൾക്കു ശേഷം വരുന്ന അവരുടെ ഓമനപുത്രനെയും കാത്ത്.

കാർ നിർത്തി ഞാനും കീർത്തിയും കാറിൽ നിന്നും ഇറങ്ങി,

അപ്പോഴാണ് ഇറയത്തു എന്റെ അച്ഛൻ ഇരിക്കുനത് കാണുന്നത്,

നാലു വർഷം മുൻപ് കണ്ട എന്റെ അച്ഛനും അമ്മയും അല്ലായിരുന്നു ഞാൻ അവിടെ കണ്ടത് തികച്ചും വ്യത്യസ്തം ആയിരിക്കുന്നു അവരുടെ രൂപം, അമ്മയാണെങ്കിൽ ഒരു പഴയ സാരിയും വാരിചുറ്റിയിരിക്കുന്നു അമ്മയുടെ മുഖത്തു ആ പഴയ ഐശ്വര്യം എവിടെയോ മാഞ്ഞു പോയിരിക്കുന്നു, അമ്മ ആകെ ഷീണിച്ചു കോലം കേട്ടു പോയി,

അച്ഛന്റെ അവസ്ഥയും അതുപോലെ തന്നെ ആകെ ഷീണിച്ച അവസ്ഥ,

ഞാൻ കാറിൽ നിന്നും ഇറങ്ങിയത് കണ്ടപ്പോൾ അമ്മയുടെ മുഖത്തു കണ്ട സന്തോഷം അതു പറഞ്ഞറിയിക്കാൻ പറ്റാത്തതിനും അപ്പുറം ആണു.

“മോനെ “

എന്നു പറഞ്ഞുകൊണ്ട് അമ്മ അപ്പോഴേക്കും എന്റെ അടുത്തേക്ക് ഓടി വന്നു.

എന്നെ ആദ്യമായി കാണുന്ന പോലെ എന്റെ അമ്മ എന്റെ മുഖത്തേയ്ക്ക് നോക്കി നിന്നു.

അവസാനം ആയി നിന്നെ ഒരു നോക്ക്‌ കാണാതെ അങ്ങ് പോകേണ്ടി വരുമോ എന്ന പേടി ആയിരുന്നു ഈ അമ്മക്ക് , ഇനി ഇപ്പോ മരിച്ചാലും കുഴപ്പം ഇല്ല എന്റെ മോനെ ഞാൻ ഒരു നോക്ക് കണ്ടാലോ അതു മതി “

അമ്മ എന്റെ മുഖത്തു കൈ വെച്ചു കൊണ്ട് പറഞ്ഞു.

“എന്താ പറഞ്ഞതു , പോകാനോ? അമ്മയോ ?അമ്മ എവിടേക്കും പോകില്ല. ഇനി അജി ഉണ്ട് അമ്മയുടെ കൂടെ എന്നും “

അമ്മയെ ചേർത്തു പിടിച്ചു കൊണ്ട് ഞാൻ പറഞ്ഞു.

എന്റെ ഷർട്ട് അമ്മയുടെ കണ്ണീർ കൊണ്ട് നനഞ്ഞു.

“വാ അമ്മേ “

എന്നു പറഞ്ഞു കൊണ്ട് ഞാൻ അമ്മയെ പിടിച്ചു കൊണ്ട് ഇറയത്തേക്ക് നടന്നു.

അമ്മയെ ഞാൻ ഹാളിലെ സോഫയിൽ കൊണ്ട് ഇരുത്തി.

“മോനെ യാത്ര ഒക്കെ സുഖം ആയിരുന്നോ “

അച്ഛൻ ചോദിച്ചു.

“ആ അച്ഛാ, “

അല്ലെങ്കിലും എല്ലാ അച്ഛൻ മാരും അങ്ങനെ ആണല്ലോ, ഉള്ളിൽ ഭയങ്കര സ്നേഹം ഉണ്ടെകിലും പുറത്തു കാണിക്കാൻ മടി ആണല്ലോ.

അപ്പോഴേക്കും ഞങ്ങൾ വന്നത് അറിഞ്ഞു കീർത്തിയുടെ അമ്മയും അമലിന്റെ അമ്മയും അച്ഛനും എന്റെ വീട്ടിലേക്ക് വന്നു.

അങ്ങനെ എല്ലാവരും ആയി സംസാരിച്ചു, കുറെ നാൾക്കു ശേഷം അമ്മയുടെ കൈപ്പുണ്യം നിറഞ്ഞ ഭക്ഷണവും കഴിച്ചു.

കീർത്തിക്കു എന്റെ അച്ഛനേം അമ്മയേം അത്ര പരിചയം ഇല്ലാർന്നു അവൾ ഷാർജയിലേക്ക് പോയതിനു ശേഷം ആയിരുന്നു അവളുടെ അമ്മ എന്റെ അമ്മക്ക് കൂട്ട് നില്കാൻ വന്നത് . ഇടക്ക് എന്റെ അമ്മയും ആയി ഫോണിൽ സംസാരിക്കും അത്ര കീർത്തിക്ക് പരിചയം ഉണ്ടായുള്ളൂ,

അങ്ങനെ അന്ന് ഉച്ച കഴിഞ്ഞു ഞാൻ അമലിന്റെ കാർ എടുത്ത് കൊണ്ട് ഇറങ്ങി. എല്ലാ ബന്ധുക്കളുടെ വീട്ടിലും ഒന്നും പോകാൻ ആയിരുന്നു എന്റെ പ്ലാൻ .എന്റെ കൂടെ അച്ഛനും അമ്മയും കീർത്തിയും ഉണ്ടായിരുന്നു എല്ലാവിടത്തും പോകാൻ. അടുത്ത അടുത്ത വീടുകൾ ആയതു കൊണ്ട് പെട്ടന്നു എല്ലാം കഴിഞ്ഞു . ഞാൻ നാടു വിട്ടു പോയതു കല്യാണം മുടങ്ങിയത് കൊണ്ടാണ് എന്നു മാത്രമേ അധികം ബന്ധുക്കൾക്കും അറിയുള്ളു അതു കാരണം എനിക്ക് അതെ കുറിച്ച് അധികം പറയേണ്ടി വന്നില്ല, പിന്നെ അധികം ആരും അതെ കുറിച്ച് ചോദിച്ചില്ല.

പിന്നെ മാളു നെ സമാധാനിപ്പിക്കാൻ ആയിരുന്നു പാടു , ഞാൻ പോകുമ്പോൾ 7വയസ് ആയിരുന്ന അവൾ ഇപ്പൊ 7ക്ലാസ്സിൽ ആയിട്ടുണ്ടായിരുന്നു അവളെ ഞാൻ ഒരു വിധത്തിൽ സമാധാനിപ്പിച്ചു,

അവസാനം എല്ലാവിടത്തും കറങ്ങി രാത്രി ആയി, ഞാൻ അമലിന്റെ വീടിനു മുൻപിൽ കാർ നിർത്തി, കീർത്തി അവിടെ ഇറങ്ങി.

“കീർത്തി അപ്പൊ പറഞ്ഞപോലെ നാളെ കാലത്തു റെഡി ആയി നിന്നോ “

അവൾ കാറിൽ നിന്നും ഇറങ്ങിയപ്പോൾ ഞാൻ അവളോട്‌ പറഞ്ഞു

“ശരി അജി ഏട്ടാ “

എന്നു പറഞ്ഞു അവൾ അകത്തേക്ക് നടന്നു.

ഞാൻ കാറും എടുത്തു എന്റെ വീട്ടിലേക്കും, അമലിന്റെ വീടും ഞാൻ വാങ്ങിച്ച വീടും തമ്മിൽ ഒരു മതിലിന്റെ അകലം മാത്രമേ ഉണ്ടായിരുന്നോള്ളൂ

ഞാൻ പോർച്ചിൽ കാർ നിർത്തി. അമ്മയും അച്ഛനും കാറിൽ നിന്നും ഇറങ്ങി വീട്ടിലേക്ക് കയറി. ഞാൻ പുറകെ ചെന്നു.

“മോനെ നാളെ രാവിലെ എവിടേക്ക് ആണു പോകുന്നത്, മോൻ കീർത്തിയോട് റെഡി ആയി നില്കാൻ പറയുന്നത് കേട്ട് “

ഞാൻ ഹാളിലെ സോഫയിൽ അമ്മയുടെ മടിയിൽ തലവെച്ചു കിടക്കുമ്പോൾ അമ്മ എന്നോട് ചോദിച്ചു,

“അതോ, അതു അമ്മേ ഞാൻ നാളെ താഴ് വാരത്തിലേക് പോകാം എന്നു വിചാരിച്ചു ഇരിക്കുക ആണു “

ഞാൻ പറഞ്ഞു.

അതു കേട്ടപ്പോൾ അമ്മയുടെ മുഖത്തു ഒരു ഞെട്ടൽ.

“അമ്മേ ഞാൻ അവിടെ പോകുന്നത് കൊണ്ട് എന്തെങ്കിലും കുഴപ്പം ഉണ്ടോ “

അമ്മ ഒന്നും മിണ്ടാതെ ഇരിക്കുന്നത് കണ്ടു ഞാൻ അമ്മയോട് ചോദിച്ചു .

“അവിടെ പോകുന്നത് കൊണ്ട് കുഴപ്പം ഒന്നും ഇല്ല മോനെ അവരെല്ലാം അറിഞ്ഞ സ്ഥിതിക്ക് “

അമ്മ പറഞ്ഞത് കേട്ടു ഞാൻ അമ്മയുടെ മടിയിൽ നിന്നും എഴുന്നേറ്റിരുന്നു.

“അമ്മാ എന്താ പറഞ്ഞത്?. അവരെല്ലാം അറിഞ്ഞെന്നോ?,”

ഞാൻ അമ്മയോട് ചോദിച്ചു,

“അതെ മോനെ , നിന്റെ നിരപരാധിത്വം എല്ലാവരും അറിഞ്ഞു “

അമ്മയുടെ വാക്കുകൾ എനിക്ക് ആശ്ച്യരവും അതിലുപരി സന്തോഷവും ഉണ്ടാക്കി.

“എങ്ങനെ അമ്മ അവർ ഒക്കെ ?”

പിന്നെ അമ്മ എന്നോട് എല്ലാം തുറന്നു പറഞ്ഞു.

ഞാൻ താഴ്‌വാരത്തിൽ നിന്നും പോയതിനു ശേഷം ആറേഴു മാസം കഴിഞ്ഞപ്പോൾ, എന്നെ അനേഷിച്ചു എന്റെ വീട്ടിൽ ജോൺ അച്ചായൻ വന്നിരുന്നു എന്നും കൂടെ സത്യയും ഉണ്ടായിരുന്നു എന്നും. ഞാൻ അല്ല സെലിന്റെ മരണത്തിനു ഉത്തരവാദി എന്നു ജോൺ അച്ചായൻ അമ്മയോടും അച്ഛനോടും പറഞ്ഞു. പിന്നെ ഉണ്ടായ കഥകളും പറഞ്ഞപ്പോൾ അമ്മയും അച്ഛനും ആകെ തളർന്നു പോയിരുന്നു, ഞാൻ അന്ന് നാടു വിട്ടെങ്കിലും പിന്നിട് ഞാൻ ഇവിടെക്ക്‌ തിരിച്ചു വന്നിട്ടുണ്ടാകും എന്നു കരുതി ആണു ജോൺ അച്ചായൻ വന്നത് പക്ഷെ എന്നെ കാണാൻ ഇല്ല എന്നു അറിഞ്ഞതോടെ ജോൺ അച്ചായനും ആകെ വിഷമത്തിൽ ആയെന്നും. അച്ചായൻ കാരണം ആണു ഞാൻ നാടു വിട്ടതും എന്നു പറഞ്ഞു അച്ചായൻ കുറെ ഇരുന്നു കരഞ്ഞു എന്നും അമ്മ പറഞ്ഞു,

“അമ്മേ അപ്പോൾ സത്യ ഇത്രയും നാൾ എവിടെ ആയിരുന്നു, സെലിനെ ഇല്ലാതെ ആകിയിട്ട് അവൻ എവിടെ ആയിരുന്നു ?”

അമ്മ പറഞ്ഞു കഴിഞ്ഞപ്പോൾ ഞാൻ ചോദിച്ചു,

“സത്യ പാവം ആണെടാ, അവൻ ഒരു തെറ്റും ചെയ്തിട്ടില്ല, “

“പിന്നെ ?”

“സത്യ യുടെ അമ്മക്ക്‌ സുഖം ഇല്ല എന്നു പറഞ്ഞു ഫോൺ വന്നിട്ട് ആണു അവൻ നാട്ടിലേക്ക് പോയതു, എന്നാൽ പോകും വഴി അവന്റെ ഫോണും ബാഗും ട്രെയിനിൽ വെച്ച് കാണാതെ ആയി അമ്മക്കു അസുഖം കൂടുതൽ ആണെന് അറിഞ്ഞത് കൊണ്ട് അതൊന്നും കാര്യം ആക്കാതെ അവൻ അവന്റെ അമ്മയുടെ അടുത്തേക്ക് ചെന്ന് പക്ഷെ അവൻ എത്തുന്നതിനു മുൻപേ അവന്റെ അമ്മ ഈ ലോകത്തോട് വിട പറഞ്ഞിരുന്നു. അതോടെ അവൻ കൂടുതൽ തളർന്നു. അമ്മയുടെ ചടങ്ങുകൾ കഴിഞ്ഞു അവനു പിന്നെ അവിടെ ആരും ഇല്ലാത്തതു കൊണ്ടും ഇനി തനിക്കു സെലിൻ മാത്രമേ ഒള്ളു എന്നു മനസ്സിൽ കരുതി അവളെ കാണാൻ ആയി അവൻ ആ നാട്ടിൽ നിന്നും തിരിച്ചു താഴ്‌വാരത്തിലേക്ക് പുറപ്പെട്ടു, എന്നാൽ അവിടെയും വിധി അവനെ ചതിച്ചു ആക്‌സിഡന്റിന്റെ രൂപത്തിൽ, സ്കൂൾ വിട്ട സമയം ആയതിനാൽ ബസിൽ ഭയങ്കര തിരക്ക് ആയിരുന്നു അതിനാൽ അവൻ ബസിന്റെ പുറകിലെ ഡോറിൽ ഒരു കാൽ കഷ്ടിച്ച് കുത്തി ആണ് നിന്നിരുന്നത് ഒരു ചെറിയ വളവും ബസിന്റെ ഉള്ളിൽ നിന്നുള്ള തള്ളലും വന്നപ്പോൾ അവന്റെ കൈ ചെറുതായി വിട്ടു, അതോടൊപ്പം അവൻ റോഡ് സൈഡിൽ ഉണ്ടായിരുന്ന ഒരു പോസ്റ്റിൽ ഇടിച്ചു തെറിക്കുകയും. തലയ്ക്കു നല്ല ക്ഷതം സംഭവിച്ചത് കൊണ്ട് അവന്റെ ബോധം നഷ്ടപ്പെട്ടിരുന്നു. ആരൊക്കെ ചേർന്നാണ് അവനെ അന്ന് ആശുപത്രിയിൽ കൊണ്ടാക്കിയത് , പിന്നിട് ബോധം തിരിച്ചു കിട്ടിയെങ്കിലും, അവൻ കട്ടിലിൽ നിന്നും എഴുനേൽക്കാൻ പോലും സാധിച്ചില്ല, അവനു ആരും ഇല്ലാത്തതു കൊണ്ട് അവിടെ ഉള്ള ഒരു ധർമ്മസ്ഥാപനം ആണ് അവന്റെ ആശുപത്രി ചിലവ് വഹിച്ചത്, ഈ അവസ്ഥയിൽ സെലിൻ തന്നെ കാണണ്ട എന്നു കരുതി അവളെ കുറിച്ച് ആരോടും പറഞ്ഞും ഇല്ല അങ്ങനെ മാസങ്ങൾ കഴിഞ്ഞു ആണ് അവൻ പൂർവ്വ സ്ഥിതിയിലേക്ക് ആയതു,

അവനു നടക്കാനുള്ള ആവത വന്നപ്പോൾ തന്നെ അവൻ സെലിന്റെ അടുത്തേക്ക് തിരിച്ചു . പക്ഷെ അച്ചായന്റെ വീട്ടിൽ എത്തി സെലിന്റെ കാര്യങ്ങൾ അറിഞ്ഞപ്പോൾ അവൻ ആകെ തളർന്നു പോയി, ആദ്യം അച്ചായന് അവനോടു ദേഷ്യം തോന്നിയെങ്കിലും അവന്റെ കാര്യങ്ങൾ അറിഞ്ഞു അവന്റെ ഭാഗത്ത് തെറ്റില്ല എന്നു അറിഞ്ഞപ്പോൾ അച്ചായൻ അവനെ ദത്തു എടുത്തു മരിച്ചു പോയ സെലിന് പകരം ആയി.”

അമ്മ സത്യയെ കുറിച്ച് പറഞ്ഞത് കേട്ട് ഞാൻ ആകെ സ്തംഭിച്ചു ഇരുന്നു പോയി.

“അപ്പൊ ആരാണ് ഈ തെറ്റുകളുടെ ഒക്കെ ഉത്തരവാദി, സെലിൻ മരിച്ചതും എന്റെ ജീവിതം ഇങ്ങനെ ആയതും ഒക്കെ ആര് കാരണം ആണ്, ഓരോരുത്തരുടെയും ഭാഗത്തു നിന്നും ചിന്തിച്ചു നോക്കുമ്പോൾ അവരുടെ ഭാഗത്തു തെറ്റില്ല പിന്നെന്തിനാ ദൈവം എന്നെയും ലെച്ചുവിനെയും തമ്മിൽ പിരിച്ചത്, ഞങ്ങൾ എന്ത് തെറ്റാ ചെയ്തേ അമ്മേ ?”

ഞാൻ അമ്മയോട് ചോദിച്ചു.

“എല്ലാം വിധി ആണെന്ന് കരുതി സമാധാനിക്കാം, അതെ അമ്മക്കും അറിയുള്ളു മോനെ “

,,അമ്മ പറഞ്ഞു.

അന്നാണ് അവളുടെ ശബ്ദം ഞാൻ അവസാനം ആയി കേട്ടത് അത് കഴിഞ്ഞു അവൾ വിളിച്ചും ഇല്ല, പിന്നെ ഞങ്ങൾ അവളെ കോൺടാക്ടും ചെയ്തില്ല, അവർ ചോദിക്കുമ്പോൾ നീ വന്നിട്ടില്ല എന്നു എങ്ങനെയാ എപ്പോഴും പറയാ അതോർത്തു ഞങ്ങൾ അങ്ങോട്ടും വിളിച്ചില്ല. പിന്നെ അച്ചായൻ മൂന്നാലു പ്രാവിശ്യം വിളിച്ചിരുന്നു നീ വന്നോന്നു അറിയാൻ മാത്രം ഒന്നു രണ്ടു മാസം കഴിഞ്ഞപ്പോൾ അതും നിന്നു എപ്പോഴും എപ്പോഴും വിളിച്ചു ഞങ്ങളെ വിഷമിപ്പിക്കേണ്ട എന്ന് കരുതി ആകും പിന്നിട് അവർ വിളിക്കാതിരുന്നത്,”

അമ്മ പറഞ്ഞു നിർത്തി.

“അപ്പോൾ അമ്മേ അവൾ എനിക്ക് വേണ്ടി ഇപ്പോഴും കാത്തിരിക്കുന്നുണ്ടാകും അല്ലെ “

ഞാൻ അമ്മയോട് ചോദിച്ചു.

“ഉം അതേടാ നീ പോയി അവളെ കൂട്ടികൊണ്ട് വാ “

അമ്മ എന്റെ തലയിൽ തഴുകി കൊണ്ട് പറഞ്ഞു.

“ഉം, പോണം, ഞാൻ ഇത്രയും നാൾ മാറി നിന്നില്ലായിരുന്നു എങ്കിൽ എത്രയോ നേരത്തെ ഞങ്ങൾ തമ്മിൽ ഒന്നായാന്നെ അല്ലെ അമ്മേ ഞാൻ ഞാൻ ആണ് എല്ലാത്തിനും കാരണം എത്ര പേരെയാ ഞാൻ ഇത്ര നാളും കണ്ണീരുകുടിപ്പിച്ചത് “

“അതൊക്കെ കഴിഞ്ഞു പോയില്ലേ മോനെ ഇനി അതോർത്തു വിഷമിക്കേണ്ട , നീ പോയി കിടന്നോളു നാളെ നേരത്തെ പോകേണ്ടത് അല്ലെ “

“ഉം ശെരി അമ്മേ “

ഞാൻ പിന്നെ എഴുന്നേറ്റു എനിക്ക് ആയി ഒരുക്കി ഇരുന്ന മുറിയിൽ പോയി കിടന്നു.

കുറെ നേരം തിരിഞ്ഞും മറിഞ്ഞും കിടന്നിട്ട് ഉറക്കം വരുന്നുണ്ടായില്ല..

ലെച്ചു ആയിരുന്നു മനസ്സിൽ മുഴുവനും, അവൾ എനിക്ക് വേണ്ടി കാത്തിരിക്കുന്നുണ്ടോ, അതോ അവൾ എന്നെ കാണാതായപ്പോൾഅവൾ കാരണം ആണ് ഞാൻ നാടുവിട്ടത് എന്നൊക്കെ ഓർത്തു വല്ല അവിവേകവും കാണിച്ചിട്ടുണ്ടാകുമോ ?എന്റെ മനസ്സിൽ ഭയം ആയിരുന്നു, സത്യയെ കാണാതെ ആയപ്പോൾ സെലിൻ ചെയ്ത മാതിരി ലെച്ചു എങ്ങാനും ?..ഏയ്‌ ഇല്ല എന്റെ ലെച്ചുനു ഒന്നും സംഭവിച്ചിട്ടുണ്ടാകില്ല, അവൾ എന്റെ ജീവൻ അല്ലെ, അവൾ നല്ല കുട്ടി ആയി എന്നെ കാത്തിരിക്കുന്നുണ്ടാകും, നാളെ പോയി അവളെ എന്റേത് മാത്രം ആക്കണം ഞാൻ നെഗറ്റീവ് മൈൻഡ് ഒക്കെ മാറ്റി വെച്ച് പോസറ്റീവ് മൈൻഡ് ഓടെ അവളെയും ഓർത്ത് കൊണ്ട് പതിയെ മയക്കത്തിലേക്ക് വീണു……

“കടന്നു പോ പുറത്ത് എനിക്ക് ഇനി കാണേണ്ട.”

ലെച്ചുവിന്റെ ദേഷ്യം കലർന്ന ശബ്‍ദം,

“ലെച്ചു എനിക്ക് ഒരു അബദ്ധം പറ്റിപ്പോയി നീ ക്ഷമിക്കു ഞാൻ ഓർത്തില്ല നീ ഇത്ര നാൾ എന്നെ കാത്തിരിക്കും എന്നു, “

ഞാൻ അവളുടെ തോളിൽ കൈ വെച്ചു കൊണ്ട് പറഞ്ഞു.

“തൊടരുത് എന്നെ. എന്നെ ചതിച്ചവർക്കു തൊടാൻ ഉള്ളതല്ല എന്റെ ശരീരം, നാലുവർഷം നിങ്ങളെ മാത്രം മനസ്സിൽ കൊണ്ടു നടന്ന എനിക്ക് ഇതു തന്നെ വേണം, ഒരുപാടു സുന്ദരിക്കളെ കണ്ടപ്പോൾ നിങ്ങൾ പഴയതൊക്കെ മറന്നു, ഷാർജയിൽ അഴിഞ്ഞാടി നടക്കുക ആയിരുന്നില്ലേ ഇനിയും അതുപോലെ നടന്നോ,ഇനി ലെച്ചുനു വിളിച്ചോണ്ട് എന്റെ അടുത്ത് വന്നേക്കരുത്, ഇറങ്ങി പോ “

ലെച്ചു ദേഷ്യത്തോട് എന്റെ മുഖത്തു നോക്കി പറഞ്ഞു.

എന്റെ മനസ്സ് നീറുക ആയിരുന്നു.എന്നെ മാത്രം ആലോചിച്ചു എനിക്ക് വേണ്ടി ജീവിച്ച അവളെ മറന്നുകൊണ്ട് ഞാൻ ഷാർജയിൽ എന്തൊക്കെ ആണു കാണിച്ചു കൂട്ടിയത്, അവൾ പറഞ്ഞത് ഒക്കെ ശെരിയാ ഞാൻ അവളോട്‌ ചെയ്തത് പൊറുക്കാൻ പറ്റാത്ത തെറ്റ് ആണു.

ഞാൻ നിറ മിഴികളോടെ ലെച്ചുവിന്റെ അടുത്ത് നിൽക്കുന്ന ജോളി ചേച്ചിയുടെ മുഖത്തു നോക്കി, ചേച്ചി നിസഹായാവസ്ഥയിൽ നിൽക്കുക ആണു .

ഞാൻ പതിയെ ആ വീട്ടിൽ നിന്നും ഇറങ്ങി . കാറിൽ കയറാൻ തുടങ്ങവേ

“അജി മോനെ ഓടിവായോ.. “

എന്ന ജോളി ചേച്ചിയുടെ ശബ്ദം എന്റെ കാതുകളിൽ പതിച്ചു.

ഞാൻ വേഗം അകത്തേക്ക് ചെന്നപ്പോൾ

“ലെച്ചു വാതിൽ തുറക്ക് “

ചേച്ചി മുറിക്കു പുറത്തു നിന്നുകൊണ്ട് ലെച്ചുവിനെ വിളിക്കുന്നു.

“എടാ അവൾ മണ്ണെണ്ണ ടിനും എടുത്തു അകത്തേക്ക് കയറി,എങ്ങെനെ എങ്കിലും രക്ഷിക്കടാ എന്റെ മോളെ “

ജോളി ചേച്ചി കരഞ്ഞു കൊണ്ട് പറഞ്ഞു.

“ലെച്ചു നീ വാതിൽ തുറക്ക്, അവിവേകം ഒന്നും കാണിക്കല്ലേ “

ഞാൻ കരഞ്ഞു കൊണ്ട് പറഞ്ഞു.

അകത്തു നിന്നും ഒരു റെസ്പോൺസും കേൾക്കാണ്ട് ആയപ്പോൾ ഞാൻ ഡോർ തളി നോക്കി അതു അനങ്ങുന്നില്ല. ഞാൻ വേഗം ജനൽ പാളി യുടെ അടുത്തേക്ക് ഓടി ചെന്നു . ഒരു പാളി കൈ കൊണ്ട് വലിച്ചു തുറന്നു.

ഞാൻ അകത്തു കണ്ട കാഴ്ച വളരെ ഭീകരം ആയിരുന്നു. അവൾ തലവഴി മണ്ണെണ്ണ ഒഴിച്ച് അതിൽ കുളിച്ചു നിൽക്കുന്നു.

“ലെച്ചു വേണ്ട ,.. ഞാൻ പറയുന്നത് കേൾക്കു പ്ലീസ് ലെച്ചു, നീ അവിവേകം ഒന്നും കാണിക്കല്ലേ,, മോളെ വേണ്ടാ “

ഞാൻ കരഞ്ഞു പറഞ്ഞു.

എന്റെ ഒപ്പം ജോളി ചേച്ചിയും പറഞ്ഞു കൊണ്ടിരുന്നു.

എന്നാൽ അതൊന്നും വക വെക്കാതെ അവൾ തീപ്പെട്ടി എടുത്തു.

“ഇനിയും ഒരു പൊട്ടി ആയി ജീവിക്കാൻ ഞാൻ ഒരുക്കം അല്ല “

അവൾ അതും പറഞ്ഞു തീപ്പെട്ടി ഉരച്ചു. അതിൽ നിന്നും വന്ന അഗ്നി അവളുടെ മേലെ പടർന്നു കയറി.

“ലെച്ചു……….. “

ഞാൻ ഉറക്കെ വിളിച്ചു.

അവൾ ഒരു തീഗോളം ആവുന്നത് കണ്ട് ഞാൻ വേഗം വാതിലിന്റെ അടുത്ത് ചെന്നു ആഞ്ഞു ചവിട്ടി, അത്രയും ശക്തിയിൽ ചവിട്ടിയത് കൊണ്ടാകാം ആ വാതിൽ രണ്ടു വശത്തേക്ക് ആയി മലർന്നു തുറന്നു.

അകത്തേക്ക് കടന്ന ഞാൻ കാണുന്നത് നിലവിളിച്ചു കൊണ്ട് തീയിൽ കുളിച്ചു നിൽക്കുന്ന എന്റെ ലെച്ചുവിനെ ആണു,

ഞാൻ അവളുടെ അടുത്തേക്ക് ഓടാൻ ശ്രമിച്ചതും എന്നെ ആരൊക്കെ യോ പുറകിൽ നിന്നും വലിച്ചു മാറ്റി.

ഞാൻ ആർത്തു നിലവിളിച്ചിട്ടും ആരും എന്നെ അവളുടെ അടുത്തേക്ക് വിട്ടില്ല , അവൾ വെന്തു വെണ്ണീർ ആകുന്നത് കണ്ട് നിൽക്കാനേ എനിക്ക് കഴിഞ്ഞോളു,

“ലെച്ചു അവൾ എന്നെ വിട്ടു എന്നെന്നേക്കുമായി മായി പോയിരിക്കുന്നു “

അവൾ കത്തിക്കരിഞ്ഞ നിലയിൽ എന്റെ മുൻപിൽ വന്നു വീഴുബോഴും ഞാൻ ഒരു പ്രതിമ കണക്കെ നോക്കി നിന്നു, അവളുടെ കത്തിക്കരിഞ്ഞ ആ ശരീരം എന്റെ കണ്ണുകളിൽ നിറഞ്ഞു നിന്നു, പതിയെ ആ കാഴ്ച എന്റെ കണ്ണുകളിൽ മങ്ങി തുടങ്ങി ഞാൻ തളർന്നു താഴേക്കു പതിയെ വീണു പോയി…

“ലെച്ചു…………. “

എന്ന് ഉറക്കെ നിലവിളിച്ചു കൊണ്ട് ഞാൻ കട്ടിലിൽ നിന്നും ചാടി എഴുനേറ്റു,

എന്റെ നെഞ്ച് ഒക്കെ പട പടാന് ഇടിക്കുന്നു, അതിന്റെ സൗണ്ട് ഒരു മുഴക്കത്തോടെ റൂമിൽ അലയടിക്കുന്നു മുറിയിൽ ആകെ ഇരുട്ട് എനിക്ക് ഒന്നും കാണാൻ സാധിക്കുന്നുണ്ടായില്ല, ഞാൻ വേഗം ബെഡ് ലാംപ് ഓൺ ചെയ്തു, മുറിയിൽ ആകെ പ്രകാശാപൂരിതം ആയി.

“ഓഹ്,സ്വപ്നം ആയിരുന്നലെ, “

എനിക്ക് അപ്പോഴാണ് സമാധാനം ആയതു, ഞാൻ ആ ഏസി യുടെ തണുപ്പിലും വിയർത്തു കുളിച്ചിരുന്നു. ആ ഭീകരമായ സ്വപ്നം എന്നെ വല്ലാതെ ഭയപെടുത്തിയിരുന്നു, ലെച്ചു അവൾക്കു എന്തെങ്കിലും സംഭവിച്ചു കാണുമോ എന്ന ഭയം എന്നെ വല്ലാതെ തളർത്തി. അവളെ നഷ്ടപെടുന്നത് ഓർക്കാൻ കൂടെ വയ്യ, ഞാൻ ചെയ്ത തെറ്റുകൾക്ക് അവളെ ശിക്ഷിക്കരുത് എന്നു ദൈവത്തോട് പാർത്ഥിച്ചു,

“ട്രങ്ങ്.. ട്രങ്ങ്.. ട്രങ്ങ്… “

പെട്ടന്ന് ആണ് ഫോണിന്റെ ബെൽ കേട്ടു ഞാൻ ഞെട്ടിയത്.

എടുത്തു നോക്കിയപ്പോൾ നാലു മണിയുടെ അലാം ആയിരുന്നു,

സമയം നാല് മണി ആയതു കണ്ട ഞാൻ വേഗം തന്നെ കട്ടിലിൽ നിന്നും എഴുനേറ്റു, എത്രയും വേഗം താഴ് വാരത്ത് എത്തി ലെച്ചുനെ കാണണം എന്ന ചിന്ത മാത്രമേ എന്റെ മനസ്സിൽ ഉണ്ടായിരുന്നോള്ളൂ, അതുകൊണ്ട് പല്ലുതേപ്പും കുളിയുംഎല്ലാം വളരെ വേഗത്തിൽ കഴിഞ്ഞു എല്ലാം കഴിഞ്ഞു ഡ്രസ്സ്‌ ഒക്കെ മാറി കഴിഞ്ഞു ഞാൻ കീർത്തി യെ വിളിച്ചു നോക്കി, അവൾ റെഡി ആയി നില്കുന്നുണ്ടെന്നു പറഞ്ഞ കാരണം , ഞാൻ അമ്മയോടും അച്ഛനോടും യാത്ര പറഞ്ഞു കാറും എടുത്തു പുറത്തേക്കു ഇറങ്ങി, അമലിന്റെ ഗേറ്റ് ന്റെ അടുത്ത് കാർ നിർത്തി.

കീർത്തി ഉമ്മറത്തു തന്നെ നില്പുണ്ടായിരുന്നു എന്നെയും കാത്ത്, എന്റെ കാർ കണ്ടപ്പോൾ അവൾ , എല്ലാവരോടും യാത്ര പറഞ്ഞു ഇറങ്ങി ,

“എന്താ കീർത്തി ഇത് “

അവൾ കാറിൽ കയറിയ ഉടനെ ഞാൻ ചോദിച്ചു.

“എന്താ ഏട്ടാ ?..”

“ഹേയ് നിന്നെ ആദ്യം ആയാണ് സാരി ഉടുത്തു കാണുന്നത് “

“എന്താ.. വല്ല കുഴപ്പവും ഉണ്ടാ.ഏട്ടാ? “

അവൾ സാരിയിലേക്ക് നോക്കി കൊണ്ട് ചോദിച്ചു.

“ഇല്ലെടി നല്ല ഭംഗി ഉണ്ട് “

അവളെ സാരി ഉടുത്തിട്ട് കാണാൻ നല്ല ഭംഗി ആയിരുന്നു, ഇളം നീല കളറിൽ ഉള്ള ഒഴുകി കിടക്കുന്ന സാരി അവളുടെ സൗന്ദര്യം ഇരിട്ടിപ്പിച്ചു,

അവൾ അതിനു മറുപടി എന്നോണം ഒന്നു പുഞ്ചിരിച്ചു.

“എന്നാ ശരി നമുക്ക് പോകാം “

ഞാൻ അതും പറഞ്ഞു കാർ എടുത്തു, കാർ ഒരു മൂളിച്ചയോടെ ചെറു റോഡുകൾ താണ്ടി ഹൈവേ യിൽ കയറി നേരം വെളുത്തു തുടങ്ങിനുണ്ടായിരുന്നോള്ളൂ. നാലഞ്ചു മണിക്കൂർ യാത്ര ഉണ്ട് താഴ്‌വാരത്തിലേക്ക്, എങ്ങനെ എങ്കിലും വേഗം ലെച്ചു ന്റെ അടുത്ത് എത്തണം എന്ന ആഗ്രഹത്തോടെ ഞാൻ ഒരുവിധം സ്പീഡിൽ കാർ പായിച്ചു, അപ്പോഴും ഒരു പേടി എന്റെ മനസ്സിൽ കിടന്നു പുകയുന്നുണ്ടായിരുന്നു അവൾക്കു എന്തെങ്കിലും സംഭവിച്ചിട്ടുണ്ടോ എന്ന ഭയം, എന്നെ ഇത്ര നാൾ കാണാതെ ഇരുന്നപ്പോൾ അവൾ ഇനി സെലിനെ പോലെ എങ്ങാനും ?..

ഹേയ് ഇല്ല ,,, അങ്ങനെ ഒന്നും സംഭവിക്കല്ലേ എന്ന് മനസ്സിൽ പാർത്ഥിച്ചുകൊണ്ടിരുന്നു, എന്നാലും രാവിലെ കണ്ട ആ സ്വപ്നം എന്റെ മനസിനെ ഇടക്ക് ഇടയ്ക്കു കുത്തി നോവിച്ചു കൊണ്ടിരുന്നു ,

കുറച്ചു ദൂരം പിന്നിട്ടു കഴിഞ്ഞപ്പോൾ.

“എന്താ ഒന്നും മിണ്ടാതെ ഇരിക്കുന്നേ, കെട്ടിയോളെ കാണാൻ പോണ ഉഷാർ മുഖത്തു ഇല്ലാല്ലോ? “

ആലോചനയിൽ മുഴുകി ഒന്നും മിണ്ടാതെ ഡ്രൈവിംഗ് ചെയ്യുന്ന എന്നോട് കീർത്തി ചോദിച്ചു.

“സന്തോഷം ഒക്കെ ഉണ്ട് പക്ഷെ ഒരു പേടി “

“എന്താ അജിയേട്ടാ “

അവൾ ചോദിച്ചു,

ഞാൻ അവളോട്‌ ഇന്നലെ അമ്മ പറഞ്ഞ കാര്യങ്ങൾ മൊത്തം പറഞ്ഞു, പിന്നെ ഇന്നലെ കണ്ട ഭീകരമായ സ്വപ്നത്തെ കുറിച്ചും,

“അജി യേട്ടൻ പേടിക്കണ്ട ലെച്ചു ചേച്ചിക്ക് ഒന്നും കുഴപ്പം ഒന്നും ഉണ്ടാകില്ല, ഇപ്പൊ അജിയെട്ടൻ എന്നെങ്കിലും മുന്നിൽ പ്രത്യക്ഷപ്പെടും എന്ന് കരുതി വേഴാമ്പൽ മഴയെ കാത്തിരിക്കുന്ന പോലെ ആ ഗസ്റ്റ്‌ ഹൌസിൽ ഇരിക്കുന്നുണ്ടാകും ലെച്ചു ചേച്ചി “

അവൾ പറഞ്ഞു.

“ഉം,അവളെ ഒന്നു കണ്ടാൽ മതി, “

“ഉം, കണ്ടാൽ മാത്രം മതിയോ?.”

അവൾ ഒരു കള്ളചിരിയോടെ ചോദിച്ചു.

ഞാൻ അതിനു ഒന്നു പുഞ്ചിരിച്ചു.

“ഓഹ് ഒന്നു ചിരിച്ചു കണ്ടാലോ അതുമതി,എനിക്ക് “

അവൾ ചിരിച്ചു കൊണ്ട് പറഞ്ഞു.

അങ്ങനെ ഞങ്ങൾ രണ്ടു പേരും സംസാരിച്ചു ഇരിക്കവേ കാർ മൂന്നോട്ട് പോയി കൊണ്ടിരുന്നു.

കീർത്തിയും ആയി സംസാരിച്ചു ഇരുന്നാൽ നേരം പോകുന്നത് അറിയുക ഇല്ല ഇപ്പൊ ഞങ്ങൾ താഴ്‌വരത്തിന്റെ അടുത്ത് എത്താറായി,

ഹൈറേഞ്ച് കയറുമ്പോൾ മുതൽ കീർത്തി പുറത്തെ കാഴ്ചകൾ കണ്ടു മയങ്ങി ഇരിക്കുക ആണ്, അവൾക്കു ആ സ്ഥലങ്ങൾ വളരെ അധികം ഇഷ്ടം അയിനു അവളുടെ മുഖത്തു നിന്നും വ്യക്തം ആയിരുന്നു.

“അജിയേട്ടാ ഇനിയും കുറെ പോകാൻ ഉണ്ടോ ?”

അവൾ ചോദിച്ചു.

“ഹേയ് , ഇല്ല ദേ ആ വളവു കഴിഞ്ഞാൽ താഴ് വാരം ആയി “

ഞാൻ അവളോട്‌ പറഞ്ഞു.

ഞങ്ങളുടെ കാർ ആ വളവു കടന്നു കൊണ്ട് താഴ്‌വാരത്ത് എത്തി, ഞാൻ ജോൺ അച്ചായന്റെ ഫാക്ടറി യുടെ ഗേറ്റിനു മുൻപിൽ വണ്ടി ഒതുക്കി.

ഞങ്ങൾ രണ്ടു പേരും കാറിൽ നിന്നും ഇറങ്ങി , അപ്പോഴാണ് അത് ശ്രദ്ധിക്കുന്നത്, ഗെറ്റ് ഓക്കേ താഴിട്ട് പൂട്ടിയിരിക്കുന്നു, ഫാക്ടറിയും പറമ്പും എല്ലാം കാട് കയറിയ നിലയിലും.

“അജിയേട്ടാ ഇതാണോ അച്ചായന്റെ ഫാക്ടറി “

കീർത്തി ചോദിച്ചു.

“അതെ , “”ഇതെന്താ ഇങ്ങനെ കിടക്കുന്നെ,ഇപ്പോ ഇവിടെ വർക്ക്‌ ഒന്നും ഇല്ലേ? “

ഞാൻ പറഞ്ഞു,,

“അത് ശെരിയാണല്ലോ അജിയേട്ടാ, ആകെ കാട് പിടിച്ചു കിടക്കുക ആണല്ലോ “

“അറിയില്ല എന്താ സംഭവിച്ചു എന്ന്,,”

ഞാൻ അവിടെ ചുറ്റുപാടും വീക്ഷിച്ചു അധികം മാറ്റങ്ങൾ ഒന്നും ഉണ്ടായിട്ടില്ല, സമയം ഒൻപതു മണി കഴിഞ്ഞിരുന്നു. വിശക്കുന്നുണ്ട്,

“കീർത്തി, ഇനി ഇവിടുന്നു രണ്ടു കിലോമീറ്റർ കൂടി ഉണ്ട് ജോളി ചേച്ചിയുടെ വീട്ടിലേക്ക്, നമുക്ക് ഇവിടെ നിന്നും എന്തെങ്കിലും കഴിച്ചിട്ട് പോകാം , കൂട്ടത്തിൽ ഇതേ പറ്റി ചോദിക്കുകയും ചെയ്യാം “

ഞാൻ കീർത്തി യോട് പറഞ്ഞു.

അവൾ ഓക്കേ പറഞ്ഞു.

ഞാനും അവളും കൂടി റോഡ് മറികടന്നു അവിടത്തെ പഴയ ചായക്കടയിൽ കയറി.

ഞാൻ ഇവിടെ ആയിരുന്നപ്പോൾ ഇടക്ക് വരാറുണ്ട് ഈ കടയിൽ ഇവിടത്തെ നാണു ചേട്ടനും ആയി കമ്പനി ആയിരുന്നു.

ആ കടയിലും അധികം മാറ്റം ഒന്നും ഇല്ല ആ പഴയ ബഞ്ചും ഡസ്കും, പിന്നെ ഗ്ലാസ്‌ വെച്ച ചെറിയ അലമാരയും , അതിൽ പൂട്ടും , വെള്ളേപ്പം, ഏത്തക്ക പുഴുങ്ങിയതും ഒക്കെ അടുക്കി വെച്ചിരിക്കുന്നു,

ചെറിയ തണുപ്പ് ഉണ്ടായിരുന്നു അവിടെ,

കൈ കഴുകി കഴിഞ്ഞു, കീർത്തിയും ഞാനും ഒരു ബഞ്ചിൽ ഇരുന്നു.

ഞങ്ങളെ ആദ്യം ആയി കാണുന്ന ഫീലിൽ “ഇവരാരാ ” എന്നാ നോട്ടത്തോടെ രണ്ടുമൂന്നു കിളവൻ മാർ അവിടെ ഇരിക്കുന്നു.

ഞങ്ങളെ കണ്ടപ്പോൾ നാണു ചേട്ടൻ ഞങ്ങളുടെ അടുത്ത് വന്നു,

“അപ്പവും മുട്ടക്കറി യും ഇല്ലേ നാണു ചേട്ടാ ?”

ഞാൻ നാണു ചേട്ടനോട് ചോദിച്ചു.

“ഉണ്ട് “

“അപ്പൊ രണ്ടു സെറ്റ് എടുത്തോ “

അത് കേട്ടപ്പോൾ നാണു ചേട്ടൻ വേഗം അത് എടുക്കാൻ പോയി .

രണ്ടു മിനിറ്റുനുള്ളിൽ ഓർഡർ റെഡി ആയി മേശപുറത്തു എത്തി

അതു കൊണ്ട് വെച്ച് കഴിഞ്ഞു നാണു ചേട്ടൻ എന്നെ തന്നെ നോക്കി നിന്നു, അപ്പോൾ ഞാൻ നാണു ചേട്ടന്റെ മുഖത്തേക്ക് നോക്കിയപ്പോൾ.

“മോനെ എവിടെയോ കണ്ടു നല്ല മുഖപരിചയം , മുൻപ് ഇവിടെ വന്നിട്ടുണ്ടോ ?”

നാണു ചേട്ടൻ ചോദിച്ചു.

“നാണു ചേട്ടന് ഓർമയില്ലേ, ഞാൻ ഇവിടെ ജോൺ അച്ചായന്റെ ഫാക്ടറിയിൽ ഉണ്ടായിരുന്നതാ “

ഞാൻ പറഞ്ഞു,

“ഓഹ് അജി സാർ ആയിരുന്നല്ലേ, എനിക്ക് പെട്ടന്ന് മനസിലായില്ല “

നാണു ചേട്ടൻ പറഞ്ഞു.

“അതെ നാണുവേട്ടാ “

പിന്നീട് ഭക്ഷണം കഴിക്കുന്നതിനിടയിൽ ഞാനും നാണുവേട്ടനും സംസാരിച്ചു കൊണ്ടിരുന്നു , നാണുവേട്ടനിൽ നിന്നും അറിയാൻ കഴിഞ്ഞു ജോൺ അച്ചായൻ ഇപ്പോ കിടപ്പിലാണെന്നു, രണ്ടു വർഷം മുൻപ് ബിപി ഒന്നു കൂടിയതാ തലയിൽ ചെറിയ ഒരു ബ്ലോക്കും ഉണ്ടായി ഇപ്പോ ഒരു ഭാഗം തളർന്നു കിടപ്പാണെന്നു,

ഫാക്ടറി ഒക്കെ പൂട്ടി ഇപ്പോൾ എസ്റ്റേറ്റ് ഉം മറ്റും ആയി ബിസിനസ്‌ ഒതുങ്ങി കൂടി കഴിയുന്നു, ഇപ്പൊ അകന്ന ബന്ധത്തിലെ ഒരു പയ്യൻ ആണ് അച്ചായനും ഷേർലി ചേച്ചിക്കും സഹായത്തിനുള്ളത് എന്നും നാണു ഏട്ടൻ പറഞ്ഞു. അതു സത്യ ആയിരിക്കും എന്ന് എനിക്ക് മനസിലായി,

ഞങ്ങൾ രണ്ടു പേരും ഭക്ഷണം കഴിച്ചു അവിടെ നിന്നും എഴുനേറ്റു. പിന്നെ കൈ കഴുകി നാണു വേട്ടനോട് പറഞ്ഞു ഞങ്ങൾ അവിടേം നിന്നും ഇറങ്ങി.

“ആദ്യം എവിടേക്ക് ആണ് അജിയേട്ടാ പോകുന്നത് “

ഞാൻ കാർ സ്റ്റാർട്ട്‌ ആക്കി എടുക്കാൻ പോകുന്നതിനു മുൻപ് കീർത്തി ചോദിച്ചു.

“ആദ്യം ജോളി ചേച്ചിയുടെ അടുത്ത് അതു കഴിഞ്ഞു തീരുമാനിക്കാം എവിടെ പോകണം എന്ന് “

ഞാൻ കീർത്തി യോട് പറഞ്ഞു.

“കാണാൻ ധൃതി ആയല്ലേ “

അവൾ ചിരിച്ചു കൊണ്ട് ചോദിച്ചു,

അതിനു മറുപടി എന്നോണം ഞാൻ പുഞ്ചിരിച്ചു.

ഞാൻ കാർ എടുത്ത് ഗസ്റ്റ് ഹൌസിലേക്ക് ഉള്ള വഴിയേ വിട്ടു, ആ പഴയ വഴികൾ താണ്ടി എന്റെ വണ്ടി ഗസ്റ്റ്‌ ഹൌസിനു മുൻപിൽ എത്തി.

അവിടെ ഇപ്പോ ആരും താമസം ഇല്ല എന്ന് തോനുന്നു, ആകെ ചപ്പും ചവറും കൊണ്ട് നിറഞ്ഞു കിടക്കുന്നു, ഞാൻ കാർ ഗസ്റ്റ്‌ ഹൌസിനു മുൻപിൽ കയറ്റി നിർത്തി.

കീർത്തിയും ഞാനും കാറിൽ നിന്നും ഇറങ്ങി .

“ഇതാണല്ലെ അജിയെട്ടന്റേം ലെച്ചു ചേച്ചിയുടെയും സ്വർഗം “

വണ്ടിയിൽ നിന്നും ഇറങ്ങിയപ്പോൾ കീർത്തി പറഞ്ഞു,

“അതെ , എന്റെ ഒരുപാട് ഓർമ്മകൾ ഉറങ്ങുന്ന മണ്ണ് ആണ് ഇത് എനിക്ക് ജീവൻ നൽകിയതും അതു എന്നിൽ നിന്നും തിരിച്ചു എടുത്തതും ഇവിടെ വെച്ചാണ്,”

“ഉം “

അവൾ ഒന്നു മൂളി.

“അജിയേട്ടാ അതാണല്ലേ ജോളി ചേച്ചിയുടെ വീട് “

അവൾ ഗസ്റ്റ്‌ ഹൌസിന്റെ അടുത്തുള്ള ആ പഴയ ഓടിട്ട വീട് ചൂണ്ടി കാണിച്ചു കൊണ്ട് ചോദിച്ചു,

“ഉം, അത് തന്നെ, അവിടെ ആണ് എന്റെ എല്ലാം എല്ലാം ആയാ ലെച്ചു ഉള്ളത് “

ഞാൻ പറഞ്ഞു.

ഞങ്ങൾ രണ്ടു പേരും ജോളി ചേച്ചിയുടെ വീട്ടിലേക്ക് നടന്നു.

ആ പഴയ ഭംഗി ഒക്കെ ആ വീടിനു നഷ്ടം ആയിരുന്നു, കുറെ പൂക്കൾ വിരിഞ്ഞു നിന്നിരുന്ന ചെടിചട്ടികളിൽ പലതും ഇപ്പൊ ഒഴിഞ്ഞു കിടക്കുക ആണ് ചിലതിൽ ചെടി കരിഞ്ഞു ഉണങ്ങി ഇരിക്കുന്നു ആരും വെള്ളം ഒഴിക്കാത്തത് പോലെ. ഞാനും കീർത്തിയും കൂടി നടന്നു ആ വീടിന്റെ ഉമ്മറത്ത് എത്തി.

വീടിനു മുൻപിൽ ഇറയത്തു ആ പഴയ ചാരു കസേരയിൽ ജോസഫ് അപ്പച്ചൻ കിടക്കുന്നുണ്ടായിരുന്നു,

“ആരാ.. “

മുറ്റത്തു നിൽക്കുന്ന എന്നെ കണ്ടു മനസിലാകാതെ അപ്പച്ചൻ ചോദിച്ചു.

ഞാൻ ഇറയത്തേക്ക് കയറി ചെന്നു. കീർത്തി എന്റെ പുറകിലും,

“..അജി.. “

എന്നെ അടുത്ത് കണ്ടപ്പോൾ അപ്പച്ചൻ എന്റെ പേര് ഉച്ചരിച്ചു. അതോടൊപ്പം അപ്പച്ചന്റെ മുഖവും വിടർന്നു.

“അതെ അപ്പച്ച അജി തന്നെയാ “

ഞാൻ അതും പറഞ്ഞു അപ്പച്ചന്റെ കസേരയുടെ അടുത്ത് ചെന്നു മുട്ടുകുത്തി നിന്നു.

“ഈശോയെ, ഞാൻ ഇതാരെ കാണുന്നത് ഇനി ഒരിക്കലും കാണാൻ പറ്റില്ല എന്ന് കരുതിയതാ,ഈശോയി എന്റെ പാർത്ഥന കേട്ടു “

,എന്നെ കണ്ട സന്തോഷത്തിൽ അപ്പച്ചൻ പറഞ്ഞു ഒപ്പം ആ കണ്ണുകൾ നിറയുന്നതും, ഞാൻ കണ്ടു.

“അപ്പച്ചാ ജോളി ചേച്ചി ?”

ഞാൻ അപ്പച്ചനോട് ചോദിച്ചു.

“ദേ “

എന്ന് എന്റെ പുറകിലേക്ക് കണ്ണ് കാട്ടി,

ഞാൻ മുട്ടുകാലിൽ നിന്നും കൊണ്ട് തന്നെ തിരിഞ്ഞു നോക്കി.

ഞാൻ നോക്കുമ്പോൾ ഒരു പഴയ നൈറ്റിയും, ആകെ ഷീണിച്ച അവസ്ഥയിൽ ജോളി ചേച്ചി നില്കുന്നു, ഞാൻ വേഗം അവിടെ നിന്നും എഴുനേറ്റു,

“അജി മോനെ നീ,,, “

ചേച്ചി എന്നെ കണ്ടപ്പോൾ പറഞ്ഞു അതോടൊപ്പം ചേച്ചിയുടെ മുഖവും വിടർന്നു.

“മോനെ നീ എവിടെ ആയിരുന്നെടാ ഇത്ര നാളും? “

ഞാൻ ചേച്ചിയോട് എന്റെ ജോലിയെ കുറിച്ചും പിന്നെ നാട്ടിൽ വന്ന കാര്യവും , അമ്മ പറഞ്ഞ കാര്യങ്ങളും പിന്നെ നാണു ചേട്ടൻ ന്റെ അടുത്ത് നിന്നും അറിഞ്ഞ കാര്യങ്ങൾ വരെ എല്ലാം പറഞ്ഞു പിന്നെ കീർത്തിയേം പരിചയപ്പെടുത്തി .

“അപ്പൊ നീ എല്ലാം അറിഞ്ഞുലെ ?,”

എല്ലാം കേട്ടു കഴിഞ്ഞപ്പോൾ ചേച്ചി പറഞ്ഞു.

“ഉം “”ലെച്ചു എവിടെ ചേച്ചി, ?”

ലെച്ചുവിനെ കാണാൻ ഉള്ള അതിയായ മോഹത്തോടെ ഞാൻ ചേച്ചിയോട് ചോദിച്ചു.

“അത്…. “

ഞാൻ ചോദിച്ചിട്ടും ചേച്ചി മറുപടി തരാതെ നിന്നു.

“ഉം എനിക്ക് അറിയാം ചിലപ്പോ ഞാൻ വന്നത് കണ്ടിട്ട് എന്നോട് പിണങ്ങി ഇരിക്കുക ആയിരിക്കും അകത്തു, മൂന്നാലു വർഷം ആയില്ലേ ആ പാവത്തിനെ വേദനിപ്പിക്കുന്നു അതിന്റെ ദേഷ്യം ആയിരിക്കും “

ലെച്ചുനെ കാണാൻ ഉള്ള ആകാംഷയിൽ ചുറ്റുപാടും ഞാൻ മറന്നു. ജോളിചേച്ചിയുടെ മുഖത്തെ പകപ്പും, അപ്പച്ചന്റെ മുഖത്തെ വിഷമവും ഒന്നും എന്റെ ശ്രദ്ധയിൽ പെട്ടില്ല . വേഗം തന്നെ അവളെ കാണണം എന്ന ചിന്തയിൽ

“ചേച്ചി അവളുടെ പിണക്കം ഞാൻ മാറ്റിയിട്ടു വരാം ‘”

എന്നു പറഞ്ഞുകൊണ്ട് ഞാൻ അകത്തേക്ക് കടന്നു. ഞാൻ അവളുടെ മുറിയിൽ കയറി നോക്കി അവിടെ ആരേം കാണാനില്ല, ഇനി വേറെ മുറിയിൽ ആണെന്ന് വിചാരിച്ചു ആ വീട്ടിലെ ബാക്കി ഉള്ള മുറികളിൽ കൂടി പരിശോധിച്ചു,അവിടേം കണ്ടില്ല ഇനി അടുക്കളയിൽ ആയിരിക്കും എന്നു വിചാരിച്ചു അവിടേം നോക്കി കണ്ടില്ല, എല്ലാവിടത്തും നോക്കിയിട്ട് എന്നിക്ക് നിരാശ ആയിരുന്നു ഫലം.

“ചേച്ചി ലെച്ചുനെ ഇവിടെ കാണാനില്ലല്ലോ , അവൾ കടയിലേക്ക് എങ്ങാനും പോയാ ?”

ഞാൻ അകത്തു നിന്നും ഇറയത്തേക്ക് വരുന്ന വഴിയാലെ ചോദിച്ചു,

അപ്പോഴാണ് കീർത്തിയോട് സംസാരിച്ചു നിൽക്കുന്ന ചേച്ചിയെ ഞാൻ കണ്ടത് ചേച്ചി പറയുന്നത് കേട്ട് കീർത്തിയുടെ മുഖം ഒക്കെ മാറിയിരിക്കുന്നു നേരത്തെ ഇവിടെ വന്നപ്പോൾ ഉണ്ടായ സന്തോഷം ഇപ്പൊ കീർത്തിയുടെ മുഖത്തു ഇല്ല.

അവരുടെ മുഖഭാവം കണ്ടപ്പോൾ എന്റെ ഉള്ളിൽ ഭയം നിഴലിച്ചു, രാവിലെ കണ്ട സ്വപ്നം ഒക്കെ എന്റെ മനസിലേക്ക് ഓടി എത്തി.

“എന്റെ ലെച്ചു അവൾക്കു വല്ലതും,?”

ഞാൻ വേഗം അവരുടെ അടുത്തേക്ക് ചെന്നു.

“ചേച്ചി എന്റെ ലെച്ചു എവിടെ ?”

അവളെ കാണാത്ത നിരാശയും അവൾക്കു എന്തെങ്കിലും പറ്റിയോ എന്ന പേടിയും കൊണ്ട് ഞാൻ ദേഷ്യം കലർന്ന ശബ്ദത്തിൽ ചോദിച്ചു,

ഞാൻ പറഞ്ഞത് കേട്ടിട്ടും മൗനം പാലിച്ചു നില്കുന്നത് കണ്ട്, എന്റെ ദേഷ്യം കൂടി.

“ചേച്ചി ലെച്ചു എവിടെന്നു ?,ഞാൻ ചോദിച്ചത് കേട്ടില്ലന്നുണ്ടോ ?”

ഞാൻ വീണ്ടും ചോദിച്ചു,

അതിനും മൗനം

എനിക്ക് ആണെങ്കിൽ ദേഷ്യവും സങ്കടവും കലർന്ന ഒരു അവസ്ഥ ആകെ ഭ്രാന്ത് പിടിക്കുന്ന മാതിരി.

“നിങ്ങൾ ഓക്കേ എന്താ മിണ്ടാതെ നിൽകുന്നെ , അവൾ എവിടെ ? എന്റെ ലെച്ചു എവിടെന്നു, ?പ്ലീസ് പറ ചേച്ചി അവൾ എവിടെ, എന്നോട് പറ ചേച്ചി, “

ഒന്നും മിണ്ടാതെ നിൽക്കുന്ന ജോളി ചേച്ചിയോട് ചോദിച്ചു.

ചേച്ചിയുടെ മുഖം വല്ലാതെ ആവുന്നത് കണ്ട ഞാൻ കീർത്തിയുടെ നേരെ തിരിഞ്ഞു.

“കീർത്തി നീയെങ്കിലും പറ അവൾക്കു എന്താ സംഭവിച്ചേ എന്നു, അവൾ എവിടെയാ ?'”

കീർത്തിയോട് ചേച്ചി നേരത്തെ സംസാരിക്കുന്നത് കണ്ടതു കൊണ്ട് അവളോട്‌ എന്തെകിലും പറഞ്ഞിട്ടുണ്ടാകും എന്നു കരുതി ഞാൻ അവളോട്‌ ചോദിച്ചു,

“,അത് …, അത്.. അജിയേട്ടാ.. “

“കീർത്തി പ്ലീസ് പറ, എന്തായാലും എന്നോട് പറ, അവൾ എവിടെ, അവൾക്കു വല്ലതും പറ്റിയോ. പ്ലീസ് കീർത്തി നീയെങ്കിലും പറ പ്ലീസ്.. “

ഞാൻ അവളുടെ തോളിൽ പിടിച്ചു കൊണ്ട് കെഞ്ചി ചോദിച്ചു. എന്റെ കണ്ണിൽ നിന്നും കണ്ണീർ ഇറ്റു വീഴാൻ തുടങ്ങി. എന്റെ മൈൻഡ് ഒക്കെ കൈ വിട്ട അവസ്ഥ ആയിരുന്നു ലെച്ചുനു എന്തെങ്കിലും സംഭവിച്ചു കാണുമോ എന്നുള്ള പേടി ആയിരുന്നു എനിക്ക്.

“ഇല്ല അജിയേട്ടാ., അജിയേട്ടന്റെ ലെച്ചു നു ഒന്നും സംഭവ്ച്ചിട്ടില്ല “

കീർത്തി പറഞ്ഞു.

,അത് കേട്ടപ്പോൾ എനിക്ക് ആശ്വാസം ആയി, എന്നാലും അവൾ എവിടെ. എന്റെ മനസ്സിൽ വീണ്ടും ഭയം.

“അപ്പോ അവൾ എവിടെ കീർത്തി? ” ഞാൻ ചോദിച്ചപ്പോൾ കീർത്തി ജോളി ചേച്ചിയുടെ മുഖത്തേക്ക് നോക്കി,

“അജി ലെച്ചു ഇപ്പോൾ ഇവിടെ ഇല്ല “

അത്രേം നേരം മിണ്ടാതെ ഇരുന്ന ചേച്ചി പറഞ്ഞു.

“പിന്നെ എവിടെ ആണ് അവൾ ?”

ഞാൻ ചോദിച്ചു,

ജോളി ചേച്ചി പഴയ കാര്യങ്ങൾ പറയാൻ തുടങ്ങി..

“അജി, നീ കത്ത് എഴുതി വെച്ച് ഇവിടുന്നു പോയതിനു ശേഷം ലെച്ചു ആകെ മാറി പോയി, അവളുടെ കളിചിരിയും പ്രസരിപ്പും ഒന്നും പിന്നിട് ഞങ്ങൾ ആരും കണ്ടില്ല, അവൾ പിന്നെ ആരോടും സംസാരിക്കുക പോലും ഉണ്ടായിരുന്നില്ല എപ്പോഴും ആലോചനയിൽ മുഴുകി നിൽക്കുന്നത് കാണാം,അങ്ങനെ മാസങ്ങൾ കടന്നു പോയി കൊണ്ടിരുന്നു അപ്പോഴാണ് സത്യ വരുന്നതും സെലിന്റെ മരണത്തിനു ഉത്തരവാദി നീയല്ല എന്നു അറിയുന്നതും, പിന്നെ അച്ചായൻ നിന്റെ വിട്ടിൽ അനേഷിച്ചപ്പോൾ നിന്നെ കാണാനില്ല എന്നു അറിഞ്ഞതും എല്ലാം കൂടി ആയപ്പോൾ ലെച്ചു ആകെ തളർന്നു പോയി,അവൾ പിന്നെ അവളുടെ മുറി വിട്ടു പുറത്തേക്കു ഇറങ്ങാതെ ആയി , എന്തൊക്കെ ആലോചിച്ചു കൊണ്ട് ജനനിലൂടെ പുറത്തേക്കും നോക്കി ഇരിക്കുനത് കാണാം,

“ഏട്ടൻ വരും,.. ലെച്ചുനെ കൊണ്ടോവാൻ, “

എന്തെങ്കിലും ചോദിച്ചാൽ ഇതായിരുന്നു മറുപടി. ഇങ്ങനെ പിറുപിറുത്ത് കൊണ്ടിരിക്കും പിന്നെ കരച്ചിലും അതു മാത്രം ആയിരുന്നു പിന്നിട് ഉള്ള അവളുടെ ജീവിതം, ഇതൊക്കെ കണ്ട് ഞങ്ങൾക്ക് ആർക്കും സഹിക്കാൻ പറ്റിയില്ല, ഇത് മൂന്നോട്ട് പോയാൽ അവൾ മുഴു ഭ്രാന്തി ആകാൻ അധിക സമയം വേണ്ട എന്നു മനസിലാക്കിയ ഞങ്ങൾ അവളെ ഡോക്ടറെ കാണിക്കാൻ തീരുമാനിച്ചു, അങ്ങനെ വിചാരിച്ചു ഇരിക്കുമ്പോൾ ആണ് ഒരു ദിവസം രാവിലെ ഞാൻ എഴുന്നേറ്റപ്പോൾ ലെച്ചു അടുക്കളയിൽ നില്കുന്നു. അവൾ പഴയ പോലെ ജോലി ഒക്കെ ചെയുന്നു, എനിക്ക് അതു കണ്ടിട്ട് സന്തോഷം സഹിക്കാൻ പറ്റിയില്ല,

അടുക്കളപ്പണിയിൽ മുഴുകി നിൽക്കുന്ന അവളുടെ അടുത്ത് ഞാൻ ചെന്നെങ്കിലും അവൾ ഒന്നും സംസാരിച്ചില്ല, ഞാൻ അവളോട്‌ വർത്താനം പറയാൻ നോക്കിയെങ്കിലും മൗനം ആയിരുന്നു മറുപടി, എന്നാൽ രാവിലത്തെ പണികൾ എല്ലാം ഞാനും അവളും കൂടി ചെയ്തു തീർത്തു,

അവൾ എന്നോട് മിണ്ടിയില്ലെങ്കിലും,പഴയ പോലെ ജോലി ഓക്കേ എടുത്ത് തുടങ്ങിയല്ലോ ഇനി അവളെ പതിയെ പഴയ ലെച്ചു ആക്കി മാറ്റം എന്നു ഞാൻ മനസ്സിൽ കരുതി,, അങ്ങനെ ഞാൻ കുളിക്കാൻ പോകുന്ന നേരത്ത്.

“ചേച്ചി, “

അവൾ എന്നെ വിളിച്ചു.

കുറെ നാൾക്കു ശേഷം ആ വിളികേട്ടാ എന്റെ മനസ്സ് സന്തോഷം കൊണ്ട് നിറഞ്ഞു.

“എന്തെ ലെച്ചു ?”

“ചേച്ചി,ചേച്ചി യുടെ കൈയിൽ അജിയേട്ടന്റെ വീട്ടിലെ നമ്പർ ഉണ്ടോ? എന്റെൽ ഉള്ള പഴയ നമ്പറിൽ വിളിച്ചിട്ട് കിട്ടുന്നില്ല? “

അവൾ കുറെ നാൾക്കു ശേഷം എന്നോട് സംസാരിച്ചു.

അങ്ങനെ നിന്റെ അമ്മയെ വിളിച്ചു സംസാരിക്കണം എന്നു പറഞ്ഞപ്പോൾ ഞാൻ അവൾക്കു ഫോൺ കൊടുത്തു, രണ്ടു മൂന്ന് പ്രാവിശ്യം കാൾ ചെയ്തിട്ടും ആരും എടുക്കുന്നുണ്ടായില്ല, കുറച്ചു കഴിഞ്ഞു വിളിച്ചു നോക്കാൻ പറഞ്ഞിട്ട് ഞാൻ ആ സമയം കുളിക്കാൻ കയറി. ഞാൻ കുളിച്ചു വന്നപ്പോൾ ലെച്ചുനെ അടുക്കള ഭാഗത്തു ഒന്നും കാണാൻ ഉണ്ടായില്ല ഞാൻ ഡ്രസ്സ്‌ ഒക്കെ മാറി . കുറെ നാൾ ആയില്ലേ അവൾ പുറത്തോട്ടു ഒക്കെ ഇറങ്ങിയിട്ട് ഇന്ന് അവളേം കൊണ്ട് പുറത്തു ഒക്കെ ഒന്നു പോകാം എന്നു കരുതി ഞാൻ അവളെ വിളിക്കാനായി അവളുടെ റൂമിൽ ചെന്നു.

വാതിൽ തുറന്നു ലെച്ചുനു വിളിച്ചുകൊണ്ടു അകത്തേക്ക് കയറി.

ലെച്ചു കസേരയിൽ ഇരുന്നുകൊണ്ട് മേശയിൽ തല വെച്ച് കിടക്കുന്നത് കണ്ടു ഞാൻ അവളുടെ അടുത്ത് ചെന്നു.

അവിടെ കണ്ട കാഴ്ചാ എന്നെ നടുക്കി.

കൈയിലെ ഞെരമ്പു മുറിച്ചവൾ അബോധവസ്ഥയിൽ കിടക്കുക ആയിരുന്നു. മേശയിൽ നിറയെ രക്തം. “

ചേച്ചി പറഞ്ഞു നിർത്തി ചേച്ചിയുടെ കണ്ണുകൾ നിറഞ്ഞിരുന്നു.

“ചേച്ചി അവൾ എന്റെ ലെച്ചു “

ചേച്ചി പറഞ്ഞു നിർത്തിയപ്പോൾ, ഞാൻ ചോദിച്ചു എന്റെ വായിൽ നിന്നും മുഴുവൻ വാക്കുകൾ പുറത്തേക്കു വന്നില്ല.

“അതെ അവൾ ആത്മഹത്യാ ക്കു ശ്രമിച്ചു “

അതു കേട്ടപ്പോൾ ,ഞാൻ ആകെ തളർന്നു പോയി, “എന്റെ ലെച്ചു അവൾ ” എന്റെ ഞരമ്പുകൾ തളർന്നു എനിക്ക് നില്കാൻ പറ്റാതെ ആയി ഞാൻ അടുത്ത് കണ്ട അരഭിത്തിയിൽ ഇരുന്നു എന്റെ കണ്ണുകൾ നിറഞ്ഞു കവിഞ്ഞു. എന്നെ ആശ്വസിപ്പിക്കാൻ എന്നോണം കീർത്തി എന്റെ കൂടെ ഇരുന്നു.

“അജി മോനെ. നീ പേടിക്കണ പോലെ ഒന്നും ഉണ്ടായില്ല , അവളെ വേഗം തന്നെ ഹോസ്പിറ്റലിൽ കൊണ്ടുപോകാൻ സാധിച്ചത് കൊണ്ട് ജീവൻ തിരിച്ചു കിട്ടി “

ജോളി ചേച്ചി എന്റെ അടുത്ത് വന്നിരുന്നു കൊണ്ട് പറഞ്ഞു.

“അപ്പൊ അവളവിടെ ചേച്ചി, എനിക്ക് അവളെ കാണണം “

ഞാൻ നിറമിഴികളോടെ ചേച്ചിയോട് ചോദിച്ചു.

“അന്നത്തെ ആ ആത്മഹത്യാ ശ്രമത്തിനു ശേഷം അവളുടെ സ്വഭാവം മുമ്പത്തേക്കാൾ മോശം ആയി അവൾ അതിനു ശേഷം , ഒന്നു മിണ്ടുക പോലും ചെയ്യാറുണ്ടായില്ല എന്നു മാത്രം അല്ല.അവൾ ഈ വീട്ടിലേക്ക് വന്നില്ല. ഹോസ്പിറ്റലിൽ നിന്നും ഡിസ്ചാർജ് ചെയ്തതിന്നു ശേഷം അവൾ ഗസ്റ്റ്‌ ഹൌസിൽ നീ ഉപയോഗിച്ചിരുന്ന മുറിയിൽ ആണ് താമസിച്ചിരുന്നത്. ആകെ ഒരു ഭ്രാന്തമായ അവസ്ഥ ആയിരുന്നു അവളുടെ. നീ ഉപയോഗിച്ചിരുന്ന പഴയ ഷർട്ടും കെട്ടിപിടിച്ചു ആ കട്ടിലിൽ അവൾ ദിവസങ്ങളോളം ചിലവഴിച്ചു, ഞങ്ങളോട് ആരോടും ഒന്നും മിണ്ടാറുണ്ടായില്ല, എന്തെങ്കിലും ഭക്ഷണം കൊണ്ട് കൊടുത്താൽ കുറച്ചു കഴിക്കും, അത്ര തന്നെ , അവളുടെ അവസ്ഥ ഒരു ചേച്ചി എന്ന നിലയിൽ എന്നിക്ക് സഹിക്കാവുന്നതിലും അപ്പുറം ആയിരുന്നു, അങ്ങനെ കുറച്ചു മാസങ്ങൾ കടന്നു പോയി കഴിഞ്ഞപ്പോൾ. ഇളയച്ഛൻ വന്നു കൊൽക്കത്തയിൽ നിന്നും. “

ചേച്ചി പറഞ്ഞു നിർത്തി.

“ആര് , ജോർജ് അപ്പച്ചനോ ?”

ഞാൻ ചേച്ചിയോട് ചോദിച്ചു.

“അതെ എന്റെ അപ്പച്ചന്റെ അനിയൻ ജോർജ് , എന്റെ ഇളയച്ഛൻ, ലക്ഷ്മി യുടെ അച്ഛൻ “

ചേച്ചി പറഞ്ഞു.

“എന്നിട്ട് ചേച്ചി അച്ഛനെ കണ്ടപ്പോൾ അവൾക്കു വല്ല മാറ്റവും ഉണ്ടായോ? “

ഞാൻ ചോദിച്ചു.

“ഉം, ഞങ്ങളോട് ഒന്നും സംസാരിക്കാത്ത അവൾ എന്തുകൊണ്ടോ അവളുടെ അച്ഛനോട് സംസാരിച്ചു. അച്ഛൻ വന്നതോടെ അവളിൽ മാറ്റങ്ങൾ കണ്ടു തുടങ്ങി,അച്ഛന്റെ സാമിപ്യം അവൾളുടെ മനസ്സ് പഴയ പടി ആകാൻ സഹായിക്കും എന്നു ഡോക്ടർ പറഞ്ഞു, “

“അവളുടെ എല്ലാ കാര്യങ്ങളും അറിഞ്ഞ ഇളയച്ഛൻ അവളെ കൊൽക്കത്തയിലേക്ക് കൊണ്ടുപോയിക്കോട്ടെ എന്നു ചോദിച്ചപ്പോൾ ഞങ്ങൾക്ക് ആർക്കും എതിർക്കാൻ സാധിച്ചില്ല,

അവളെ പഴയ പടി ആയി കാണാൻ അതു ഉപകരിക്കും എന്നു ഞങ്ങൾ കരുതി, പിന്നെ അവളുടെ അച്ഛൻ അല്ലെ ഞങ്ങൾക്ക് എതിർക്കാനും സാധിക്കില്ലല്ലോ, ആദ്യം അവൾ അച്ഛൻ പറഞ്ഞത് അനുസരിക്കാൻ കൂട്ടാക്കിയില്ല എന്നാൽ ഇളയച്ഛൻ അവളെ സംസാരിച്ചു സംസാരിച്ചു പതിയെ മാറ്റി എടുത്തു, അങ്ങനെ അവൾ ഇളയച്ഛന്റെ കൂടെ കൊൽക്കത്തയിലേക്ക് പോയി, ഇപ്പോൾ അവൾ പോയിട്ട് രണ്ടര വർഷത്തോളം ആകുന്നു, “

ചേച്ചി പറഞ്ഞു നിർത്തി.

“അപ്പൊ എന്റെ ലെച്ചു അവൾ കൊൽക്കത്ത യിൽ ആണല്ലേ “

ഞാൻ കണ്ണീർ ഒക്കെ തുടച്ചു കൊണ്ട് ചോദിച്ചു.

“അതേടാ,പക്ഷെ ഒരു കാര്യം ഉണ്ട് “

“എന്താ ചേച്ചി “

“പോയ ഇടക്ക് ഇളയച്ഛൻ വിളിക്കാറുണ്ടായിരുന്നു. അവൾക്ക് അവിടെ എത്തിയതിനു ശേഷം നല്ല മാറ്റം ഉണ്ടായി ,ഇളയച്ഛന്റെ മകൾക്ക് ലെച്ചു ചെന്നത് വളരെ ഇഷ്ടം ആയിനും അവർക്കു ഒരു ചേച്ചിയെ കിട്ടിയതിലുള്ള സന്തോഷത്തിൽ ആണെന്നും അറിഞ്ഞു, ലെച്ചുവും അവരും ആയി നല്ല കൂട്ടായി എന്നും, അങ്ങനെ അവളുടെ വിശേഷങ്ങൾ ഞങ്ങൾ ഫോൺ വഴി അറിഞ്ഞു കൊണ്ടിരുന്നു അറിഞ്ഞു കൊണ്ടിരിന്നു പക്ഷെ കാലം മുൻപോട്ടു പോകുന്തോറും ഫോൺ വിളി കുറഞ്ഞു കൊണ്ടിരുന്നു. “

ചേച്ചി പറഞ്ഞു.

“ചേച്ചി അവൾ എന്നെ അനേഷിച്ചിരുന്നോ ഫോൺ വിളിക്കുമ്പോൾ “

ഞാൻ ചോദിച്ചു,

“ഇല്ലെടാ അവൾ ഇവിടെനിന്നും പോയതിനു ശേഷം നിന്നേ കുറിച്ച് ഒരു വാക്ക് പോലും ചോദിച്ചില്ല, പിന്നെ പഴയ കാര്യങ്ങളെ കുറിച്ച് ഞാൻ അവളോട്‌ സംസാരിക്കാൻ തുടങ്ങുമ്പോൾ അവൾ കേൾക്കാൻ താല്പര്യം ഇല്ലാത്ത മട്ടിൽ ഫോൺ പെട്ടന്ന് വെക്കും, അങ്ങനെ ഒരിടക്ക് ഇളയച്ഛൻ വിളിച്ചപ്പോൾ എന്നോട് പറഞ്ഞു അവളോട്‌ പഴയതിനെ കുറിച്ചൊന്നും ചോദിക്കണ്ട എന്നു അവൾക്കു അതിനു താല്പര്യം ഇല്ലന്ന് പറഞ്ഞുന്നു.

പിന്നിട് ഞാൻ വിളിക്കുമ്പോൾ അതെ പറ്റി ഒന്നും ചോദിക്കാറില്ല.അങ്ങനെ കുറച്ചു നാൾ കടന്നു പോയി ഫോൺ വിളി കുറഞ്ഞു കുറഞ്ഞു വന്നു അതു നിന്നു.അവസാനം ആയി അവൾ വിളിച്ചിട്ട് ഇപ്പോൾ ആറു മാസത്തോളം ആയി അവസനത്തെ ഫോൺ കോളിൽ അവൾ നല്ല സന്തോഷത്തിൽ ആയിരുന്നു അവൾക്കു അവിടെ അടുത്തുള്ള ഒരു ഡേ കെയർ യിൽ ജോലി ശെരി ആയിന്നു പറഞ്ഞു, പിന്നെ അവൾ വിളിച്ചിട്ടില്ല, അവർ തിരക്കിൽ ആയിരിക്കും എന്നു കരുതി ഞങ്ങൾ പിന്നെ അതു കാര്യം ആക്കിയില്ല , പക്ഷെ കുറച്ചു നാൾ കഴിഞ്ഞു ഞങ്ങൾ ആ നമ്പറിലേക്ക് വിളിച്ചിട്ട് ആ നമ്പർ നിലവിലില്ല എന്നു കാണിക്കുന്നു, അവരും ആയി ആകെ ഉണ്ടായിരുന്ന കോൺടാക്ട് ആണ് ആ നമ്പർ “

ചേച്ചി പറഞ്ഞു.

ഇനി അവളെ എങ്ങനെ കോൺടാക്ട് ചെയ്യും എന്നു കരുതി ഞാൻ കുറച്ചു നേരം ആലോചനയിൽ ഇരുന്നു. അങ്ങനെ എത്രയും പെട്ടന്നു കൊൽക്കത്തയിൽ പോകാം എന്നു തീരുമാനം എടുത്തു.

എല്ലാ കാര്യങ്ങളും അറിഞ്ഞു കഴിഞ്ഞപ്പോൾ ഞാനും കീർത്തി യും ജോളി ചേച്ചിയോടും അപ്പച്ചനോടും യാത്ര പറഞ്ഞു അവിടെ നിന്നും ഇറങ്ങി. ഇറങ്ങുന്നതിനു മുൻപേ കൊൽക്കത്തയിലെ അഡ്രസ് വാങ്ങാൻ മറന്നില്ല ഇപ്പോഴത്തെ അഡ്രസ്സ് അപ്പച്ചന്റെ കൈയിൽ ഉണ്ടായില്ല പഴയ അഡ്രസ് ആണ് ഉണ്ടായിരുന്നത്.ഞാൻ അതു വാങ്ങിച്ചു, പഴയ അഡ്രസ്സ് ആണെകിലും അതു എന്റെ യാത്രക്ക് ഉപകരിക്കും എന്നു തോന്നി. അങ്ങനെ ഞങ്ങൾ അവിടെ നിന്നും ഇറങ്ങി .

പോരുന്ന വഴിക്ക് അച്ചായന്റെ വീട്ടിലും കയറി, എന്നെ കണ്ടപ്പോൾ അച്ചായന് വളരെ അധികം സന്തോഷം ആയി, അച്ചായൻ ഒരു ഭാഗം തളർന്നു കിടപ്പിലായിരുന്നു, എന്റെ കൈയിൽ പിടിച്ചു എന്നോട് ചെയ്തതിനു എല്ലാം മാപ്പ് ചോദിച്ചു. പിന്നെ സത്യയും ഉണ്ടായിരുന്നു അവിടെ അവനും അറിയാതെ ചെയ്തതിനു ഒക്കെ എന്നോട് ക്ഷമ ചോദിച്ചു .അവരോടു കുറച്ചു നേരം സംസാരിച്ചു ഇരുന്നു. പിന്നെ കുറച്ചു കഴിഞ്ഞപ്പോൾ അവരുടെ അടുത്ത് നിന്നും ഇറങ്ങി.

പിന്നെ ഞങ്ങൾ നേരെ പോയത് എന്റെ കുഞ്ഞോളിനെ അടക്കം ചെയ്ത കുഴിമാടത്തിനു അടുത്തേക്ക് ആയിരുന്നു , അവളുടെ കുഴിമാടത്തിനു അടുത്ത് കുറച്ചു നേരം നിന്നിട്ട്. ഞങ്ങൾ ആ താഴ്‌വാരത്തോട് വിട പറഞ്ഞുകൊണ്ട് മല ഇറങ്ങി.

“അപ്പൊ അജിയേട്ടാ ഇനി കൊൽക്കത്തയിലേക്ക് പോവുക അല്ലെ “

കാറിൽ ഇരിക്കുമ്പോൾ കീർത്തി ചോദിച്ചു.

“ഉം, നാളെ തന്നെ പോകണം,”

ഞാൻ പറഞ്ഞു.

“ഫ്ലൈറ്റ് നു ടിക്കറ്റ്സ് അവെലബിൾ ഇല്ല . ഞാൻ ട്രെനിന്നു ബുക്ക്‌ ചെയ്യട്ടെ? “

അവൾ ചോദിച്ചു.

“നീ അപ്പോഴേക്കും അതൊക്കെ നോക്കിയോ ?”

ഞാൻ അതിശയത്തോടെ ചോദിച്ചു.

“അതൊക്കെ ഈ സെക്രട്ടറിയുടെ കടമ അല്ലെ “

,കീർത്തി ചിരിച്ചു കൊണ്ട് പറഞ്ഞു.

“ഉം , “

“അപ്പോ ഞാൻ നാളേക്ക് രണ്ടു ടിക്കറ്റ് ബുക്ക്‌ ചെയ്യട്ടെ ?”

“ഒരെണ്ണം മതി കീർത്തി , എനിക്ക് മാത്രം , ഞാൻ മാത്രമേ പോകുന്നൊള്ളു “

ഞാൻ പറഞ്ഞു.

“അപ്പൊ അജിയേട്ടാ ഞാനോ ?,”

അവൾ ചോദിച്ചു.

“കീർത്തിയെ ഇനിയും ബുദ്ധിമുട്ടിക്കാൻ ഞാൻ ഒരുക്കം അല്ല, ഇനി ഉള്ള യാത്ര ഒറ്റക്ക് ആണ് നല്ലത് എന്നു എനിക്ക് തോന്നി “

ഞാൻ പറഞ്ഞു.

“എന്നെ ഒഴിവാക്കുക ആണല്ലേ, “

“,അല്ല , കീർത്തി,ഒരിക്കലും അല്ല, ഇനിയുള്ള യാത്ര ഒറ്റക്ക് ആകാം എന്നു കരുതി.

പിന്നെ കൊൽക്കത്തയിൽ നിന്നും എന്നു തിരിച്ചു വരും എന്നു എനിക്ക് ഉറപ്പില്ല, ഞാൻ തിരിച്ചു വരുക ആണെങ്കിൽ ലെച്ചുവിനെ കൊണ്ടേ വരൂ ഒരു പക്ഷെ അവൾ കൂടെ ഇല്ലെങ്കിൽ എന്നെ ഇനി ആരും കാത്തിരിക്കേണ്ട, “

ഞാൻ പറഞ്ഞു.

“,അപ്പൊ വീണ്ടും ഒരു ഒളിച്ചോട്ടം ആണോ അജിയേട്ടൻ ഉദ്ദേശിക്കുന്നത്, അങ്ങനെ എങ്കിൽ തീർച്ചയായും ഞാൻ കൊൽക്കത്തയിലേക്ക് അജിയേട്ടന്റെ കൂടെ വരും, ഇല്ലെങ്കിൽ എനിക്ക് ഉറപ്പ് തരണം എന്തായാലും തിരിച്ചു വരും എന്നു, എന്നാ ഞാൻ സമ്മതിക്കാം “

കീർത്തി പറഞ്ഞു.

“കീർത്തി പ്ലീസ് എതിരൊന്നും പറയരുത് , ഞാൻ തനിച്ചു പോകൊള്ളാം “

ഞാൻ പറഞ്ഞു.

“തനിച്ചു പൊക്കൊളു, പക്ഷെ എനിക്ക് വാക്ക് തന്നിട്ട് മാത്രം “

അവൾ പറഞ്ഞു.

“,ശെരി കീർത്തി ഞാൻ തിരിച്ചു വരും , പക്ഷെ എന്നാണ് വരുന്നത് എന്നു എനിക്ക് ഉറപ്പ് പറയാൻ പറ്റില്ല, “

ഞാൻ അവളോട്‌ പറഞ്ഞു.

“ഓഹ്,, എനിക്ക് ഇത് മതി. അജിയേട്ടൻ ലെച്ചുചേച്ചിയും ആയി തിരിച്ചു വരുന്നത് കാണാൻ ആയി ഞാൻ കാത്തിരിക്കും “

കീർത്തി പറഞ്ഞു.

ഞാൻ അതിനു മറുപടി എന്നോണം ഒന്നു പുഞ്ചിരിച്ചു.

“അതെ അജിയേട്ടാ വല്ല ഹോട്ടലും കാണുക ആണെങ്കിൽ ഒന്നു വണ്ടി നിർത്തു എനിക്ക് വിശക്കുന്നുണ്ട് “

അവൾ പറഞ്ഞു.

“ഉം , ശരി “

അങ്ങനെ ഞങ്ങൾ അടുത്ത് കണ്ട കടയിൽ വണ്ടിനിർത്തി. അവിടെനിന്നും ഭക്ഷണം കഴിച്ചിട്ടു വീണ്ടും ഞങ്ങൾ യാത്ര തുടങ്ങി,അങ്ങനെ കുറച്ചു മണിക്കൂർ യാത്ര കൊണ്ട് ഞങ്ങളുടെ കാർ വീട്ടിൽ തിരിച്ചു എത്തി കീർത്തിയെ അമലിന്റെ അവിടെ ആക്കിയിട്ടു ഞാൻ എന്റെ വീട്ടിലേക്ക് ചെന്നു. ഞാൻ പോയ കാര്യം എന്തായി എന്നറിയാൻ അമ്മയും അച്ഛനും കാത്തിരിക്കുന്നുണ്ടായിരുന്നു. ഞാൻ എല്ലാം അവരോടു തുറന്നു പറഞ്ഞു.

അങ്ങനെ പിറ്റേന്നു വൈകിട്ടു ആണ് എനിക്ക് പോകേണ്ട ട്രെയിൻ, എന്റെ കൂടെ റെയിൽവേ സ്റ്റേഷനിലേക്ക് അച്ഛനും അമ്മയും കീർത്തിയും വന്നു , കീർത്തി ആയിരുന്നു കാർ ഡ്രൈവ് ചെയ്തത്.

സ്റ്റേഷനിൽ കാർ പാർക്ക് ചെയ്തു ഞങ്ങൾ കാറിൽ നിന്നും ഇറങ്ങി . അച്ഛനും അമ്മയും സ്റ്റേഷന്റെ ഉള്ളിലേക്ക് നടന്നു.

“അജിയേട്ടാ ഞാൻ പറഞ്ഞതു ഓർമയുണ്ടല്ലോ “

ഞാൻ ബാഗ് എടുത്തു നടക്കാൻ തുടങ്ങവേ കീർത്തി കാറിന്റെ അടുത്ത് നിന്നും എന്റെ അടുത്തേക്ക് വന്നിട്ട് എന്നോട് പറഞ്ഞു,

“ഉം “

“,അപ്പൊ ലെച്ചു ചേച്ചിയേം കൊണ്ട് നല്ല കുട്ടിയായി തിരിച്ചു വാ, ഞാൻ ഉണ്ടാകും ഷാർജയിൽ, അജിയേട്ടന്റെ വരവും കാത്തു “

അവൾ പറഞ്ഞു.

“ഞാൻ വരും കീർത്തി. നിന്റെ പാർത്ഥന എന്റെ കൂടെ ഉണ്ടാലോ അതു മതി “

ഞാൻ അവളോട്‌ പറഞ്ഞു.

“ഈ അനിയത്തി കുട്ടിയുടെ പാർത്ഥന എന്നും എന്റെ ഏട്ടന്റെ കൂടെ ഉണ്ടാകും എന്റെ ഏട്ടൻ ധൈര്യം ആയി പോയിട്ടു വാ “

അവൾ അതു പറഞ്ഞതിനോടൊപ്പം. എന്റെ കവിളിൽ അവളുടെ ഒരു സ്നേഹചുംബനവും നൽകി , അതിൽ ഒരു അനിയത്തിയുടെ സ്നേഹസ്പര്ശനം ഉണ്ടായിരുന്നു,

“അപ്പൊ എന്റെ അജി കുട്ടൻ പൊക്കൊളു ട്രെയിൻ മിസ്സ്‌ ആക്കേണ്ട “

അവൾ അതും പറഞ്ഞു തിരിഞ്ഞു കാറിന്റെ അടുത്തേക്ക് നടന്നു.

“അവളോട്‌ സ്റ്റേഷന്റെ ഉള്ളിലേക്ക് വരുന്നില്ലേ എന്നു ചോദിക്കാൻ പോലും എനിക്ക് കഴിഞ്ഞില്ല, കാരണം അവൾ എന്നെ സന്തോഷത്തോടെ യാത്ര അയക്കുമ്പോഴും അവളുടെ മനസ്സ് നീറുക ആണെന്ന് എനിക്ക് അറിയാം ആയിരുന്നു. ആ കണ്ണുകളിൽ ഞാൻ അതു കണ്ടു ഇഷ്ടപെട്ട പുരുഷനെ വിട്ടുകളയുമ്പോൾ ഉള്ള വേദന അവളുടെ കണ്ണുകളിൽ കാണാം ആയിരുന്നു. എന്റെ യും ലെച്ചുവിന്റെയും സ്നേഹത്തിനു മുൻപിൽ അവൾ സ്വയമേ അവളുടെ ആഗ്രഹങ്ങൾ മനസ്സിൽ കുഴിച്ചു മൂടി,.”

ഞാൻ തിരിഞ്ഞു സ്റ്റേഷനിലേക്ക് നടന്നു.

നടക്കുന്നതിനിടയിൽ ഞാൻ ഒരു തവണ തിരിഞ്ഞു കാറിന്റെ അടുത്തേക്ക് നോക്കി.

കാറിന്റെ സ്റ്റീയറിങ്ങിൽ തലവെച്ചു കിടന്നു , പറയാതെ പോയ ഒരു നൊമ്പരത്തിന്റെ കനലുകൾ കണ്ണീർ എന്ന പ്രതിഭാസത്തിലൂടെ അണക്കാൻ ശ്രമിക്കുന്ന കീർത്തിയെ ആണ്.

എനിക്ക് അറിയാം അവൾ എത്രത്തോളം എന്നെ സ്നേഹിക്കുന്നുണ്ടെന്നു, പക്ഷെ അതിനേക്കാൾ എത്രയോ മടങ്‌ എന്നെ എന്റെ ലെച്ചു സ്നേഹിക്കുന്നു, അവൾ എനിക്ക് വേണ്ടി പൊഴിച്ച മിഴിനീർതുളികളുടെ ഒരു അംശം പോലും വരില്ല ഇത്. അതുകൊണ്ട് കീർത്തിയുടെ കണ്ണീർ ഞാൻ കാണാത്തതായി നടിച്ചു..

ഞാൻ സ്റ്റേഷനിലേക്ക് നടന്നു കയറി മനസ്സിൽ ഒരായിരം നൊമ്പരങ്ങളോടെ…..

————————————

“സാർ, സ്റ്റേഷൻ എത്തി ഇറങ്ങുന്നില്ലേ “

ചെറുമയക്കത്തിൽ ഇരുന്ന ഞാൻ ആ ശബ്ദം കേട്ട് കണ്ണ് തുറന്നു.

ഒരുപാട് ഓർമകളെ പുറകിൽ ആക്കി കൊണ്ട് ട്രെയിൻ കൊൽക്കത്ത നഗരത്തിലെ പ്രമുഖ സ്റ്റേഷനിൽ എത്തി.

കണ്ണ് തുറന്ന ഞാൻ കാണുന്നത് തൊട്ടടുത്ത സീറ്റിൽ ഇരുന്നവർ ഇറങ്ങാനായി ബാഗ് ഒക്കെ എടുക്കുന്ന തിരക്കിൽ ആണ്. ഇന്നലെ പരിചയ പെട്ട ഒരു മലയാളി സുഹൃത്ത് ആണ് എന്നെ ഉറക്കത്തിൽ നിന്നും വിളിച്ചത്.

ഞാൻ അയാളുടെ മുഖത്തു നോക്കി ഒരു പുഞ്ചരി സമ്മാനിച്ചു.

ട്രെയിൻ ഒരു മൂളലോടെ നിന്നു.

എല്ലാവരും തിരക്ക് പിടിച്ചു ഇറങ്ങാൻ ശ്രമിക്കുന്നു. ഞാൻ പതിയെ എന്റെ ബാഗും എടുത്തു പ്ലാറ്റ്ഫോമിലേക്ക് ഇറങ്ങി.

കുറച്ചു നടത്തിനൊടുവിൽ ഞാൻ സ്റ്റേഷന്റെ പുറത്തു എത്തി അവിടെ റോഡ് സൈഡിൽ അടുത്ത് കണ്ട ലോഡ്ജിൽ മുറി എടുത്തു . ഫ്രഷ് ആയതിനു ശേഷം ഞാൻ ജോർജ് അപ്പച്ചന്റെ പഴയ അഡ്രസ് ആ ലോഡ്ജ് നടത്തിപ്പുകാരന്റെ അടുത്ത് കാണിച്ചു കൊടുത്തു. അയാൾ പറഞ്ഞതിൻ പ്രകാരം ഈ ടൗണിൽ നിന്നും 30 കിലോമീറ്റർ അകലെ ഉള്ള ടൗണിൽ ആണ് ഈ അഡ്ഡ്രസിൽ കാണുന്ന സ്ഥലം എന്നു.

ഞാൻ അവിടത്തെ റൂം വേകെറ്റ് ചെയ്തു ആ ലോഡ്ജ്കാരൻ ഏർപ്പാട് ആക്കി തന്ന ടാക്സി യിൽ ആ ടൗണിലേക്ക് യാത്ര തിരിച്ചു.

അങ്ങനെ ട്രാഫിക്കും മറ്റും ഒക്കെ കഴിഞ്ഞു ഒന്നര മണിക്കൂറിനുള്ളിൽ ആ സ്ഥലത്തു എത്തിപ്പെട്ടു.

എന്നെ ഒരു വലിയ ബിൽഡിംഗിനു മുൻപിൽ ഇറക്കി വിട്ടിട്ടു ആ ടാക്സി കാർ പതിയെ എന്നിൽ നിന്നും അകന്നു പോയി.

ഞാൻ അവിടെ ഉള്ള ഒന്ന് രണ്ടു പേരോട് ഈ അഡ്രസ് കാണിച്ചു കൊടുത്തു. പക്ഷെ ഒരു കാര്യവും ഉണ്ടായില്ല. അവസാനം ഒരാളിൽ അ നിന്നുംആ താമസസ്ഥലത്തേ കുറിച്ച് മനസിലാക്കാൻ കഴിഞ്ഞു,

അങ്ങനെ അയാൾ പറഞ്ഞു തന്ന അടയാളങ്ങൾ വെച്ചു ഞാൻ ആ ബിൽഡിംഗിന്റെ മൂന്നാമത്തെ നിലയിൽ ഉള്ള ഒരു മുറിയുടെ മുൻപിൽ എത്തിപെട്ടു.

അവിടെ ഉള്ള കോളിങ് ബെല്ലിൽ എന്റെ വിരൽ അമർന്നു.

കുറച്ചു സമയത്തിന് ഒടുവിൽ എന്റെ മുന്നിൽ ആ രണ്ടു പാളി വാതിലുകൾ മലർക്കെ തുറന്നു.

ഒരു ബംഗാളി ലുക്ക്‌ ഉള്ള ഒരു ചേച്ചി ആണ് വാതിൽ തുറന്നത്. ഞാൻ ആ ചേച്ചിയോട് വന്ന കാര്യം പറഞ്ഞു. അവർക്ക് ജോർജ് അപ്പച്ചനെ കുറിച്ച് അറിയില്ല എന്നും അവർ അവിടെ താമസിക്കാൻ വന്നിട്ട് രണ്ടു മാസം ആയിട്ടൊള്ളു എന്നും പറഞ്ഞു.

കൂടുതൽ എന്തെങ്കിലും ചോദിക്കുംനത്തിനു മുൻപേ. അവർ വാതിൽ അടച്ചു .

ഞാൻ പിന്നെയും അവിടെ കുറെ അലഞ്ഞു നടന്നു . അവസാനം രാത്രി ആയപ്പോൾ ഒരു ലോഡ്ജിൽ മുറി എടുത്തു.

അങ്ങനെ ദിവസങ്ങൾ കടന്നു പോയിക്കൊണ്ടിരുന്നു ഞാൻ അവിടെ എത്തിയിട്ട് മൂന്ന് ആഴ്ച ആയി. എല്ലാദിവസവും അവരുടെ വീട് അനേഷിച്ചു ഇറങ്ങിയിട്ടും എവിടെയും എത്തിയില്ല, ഞാൻ കയറി ഇറങ്ങാത്ത ബിൽഡിങ്ങുകൾ ആ ടൗണിൽ വളരെ കുറവായി,ഒട്ടുമിക്ക റൂമിലും ഞാൻ അവരെ തേടി ചെന്നു പക്ഷെ ഒരു പുരോഗതിയും ഉണ്ടായില്ല.

അങ്ങനെ ഇരിക്കെ ആണ് ഞാൻ താമസിക്കുന്ന ലോഡ്ജിന്റെ അടുത്തുള്ള ഹോട്ടലിൽ പച്ചക്കറി കയറ്റി വന്ന വാനിന്റെ ഡ്രൈവറെ ഞാൻ കാണുന്നത് അയാൾ ഒരു മലയാളി ആയിരുന്നു. അയാളും ആയി ഞാൻ പരിചയത്തിൽ ആയി. അയാൾക് അവിടെ ഒക്കെ നല്ല പരിചയം ആയിരുന്നു. അയാൾ പറഞ്ഞതിൽ പ്രകാരം ഞാൻ അവിടെ ഉള്ള മലയാളം സമാജം പ്രവർത്തകരും ആയി ബന്ധപ്പെട്ടു, അവർ അനേഷിച്ചിട്ടു വിളിക്കാം എന്ന് എനിക്ക് ഉറപ്പു തന്നു. അങ്ങനെ വീണ്ടും രണ്ടു ദിവസം കൂടി പോയി കിട്ടി.

“ഇനി എനിക്ക് അവരെ കണ്ടെത്താൻ കഴിയില്ലേ “

അങ്ങനെ ഞാൻ വിഷമിച്ചു ഇരിക്കുമ്പോൾ ആണ് മലയാളസമാജത്തിലെ സെക്രട്ടറിയുടെ കോൾ വരുന്നത്. ഒന്ന് അവരുടെ ഓഫീസ് വരെ ചെല്ലാൻ പറഞ്ഞു കൊണ്ട്.

ഞാൻ വേഗം തന്നെ റെഡി ആയി ഇറങ്ങി. ഒരു ടാക്സി പിടിച്ചു നേരെ സമാജത്തിന്റെ ഓഫീസിലേക്ക് വിട്ടു.

അവിടെ ചെന്ന എനിക്ക് ഒരു നല്ല വാർത്ത ആണ് ലഭിച്ചത്. ജോർജ് അപ്പച്ചന്റെ പുതിയ അഡ്രസ്സ്.

ആ സ്ഥലം ഇവിടെ നിന്നും കുറച്ചു അധികം ദൂരെ ആയിരുന്നു.

ഞാൻ അവർക്ക് കുറച്ചു ക്യാഷ് സംഭാവന ആയി കൊടുത്തു ഒരായിരം നന്ദിയും പറഞ്ഞുകൊണ്ട് അവിടെ നിന്നും ഇറങ്ങി. എന്റെ ലെച്ചുവിന്റെ അടുത്തേക്ക്.

പോകുന്ന വഴിയിൽ ഞാൻ കീർത്തിക്ക് ഈ കാര്യം വാട്സാപ്പിൽ മെസ്സേജ് അയച്ചിട്ടു. വീട്ടിലേക്ക് അവിടെ ചെന്നതിനു ശേഷം വിളിക്കാം എന്നു കരുതി. ഇനി അവർ അവിടെ ഇല്ലെങ്കിൽ വെറുതെ എന്തിനാ അവർക്കു ആശ കൊടുക്കുന്നത് എന്നു കരുതി. പിന്നെ കീർത്തിയോട് പറയാതിരിക്കാൻ കഴിഞ്ഞില്ല അവൾ എപ്പോഴും എന്നെ വിളിച്ചു അനേഷിക്കുകയും വാട്സാപ്പിൽ കോൺടാക്ട് ചെയുകയും ചെയ്യും ആയിരുന്നു.

കീർത്തി ഇപ്പോൾ ഷാർജയിൽ ആണ് ഉള്ളത്.

“ഓൾ ദി ബെസ്റ്റ് “

കുറച്ചു കഴിഞ്ഞപ്പോൾ കീർത്തിയുടെ റിപ്ലൈ വന്നു. പിന്നെ കുറച്ചു സന്തോഷത്തിന്റെ സ്മൈലിയും

അങ്ങനെ ടാക്സി ആ സ്ഥലത്തു എത്തി ചേർന്നു . അതൊരു പേരുകേട്ട ഒരു കമ്പനിയുടെ സ്റ്റാഫ്‌ കോർട്ടെർസ് ആയിരുന്നു.

എന്നെ അവിടെ ഇറക്കിയിട്ട് ടാക്സി ഒരു തണലത്തേക്ക് ഒതുക്കി ഇട്ടു ആ ഡ്രൈവർ. അയാൾ അവിടെ കാത്ത് നിൽകാം എന്നു പറഞ്ഞു .

ഞാൻ ആ കോർട്ടെർസിന്റെ ഉള്ളിലേക്ക് കടന്ന് ചെന്നു. അധികം ആളുകളെ ഒന്നും അവിടെ കണ്ടില്ല ഉച്ച നേരം ആയതിനാൽ എല്ലാവരും ഭക്ഷണം കഴിക്കുന്ന തിരക്കിൽ ആയിരിക്കും എന്നു തോന്നുന്നു , ഓരോ ചെറിയ ചെറിയ വീടുകൾ ആയിരുന്നു അവിടെ, ഓരോ വീടിനും ഓരോരോ നമ്പറുകൾ. എന്റെ കൈയിൽ ഉള്ള കടലാസ്സിലേ നമ്പർ അവിടെ എവിടെ എങ്കിലും കാണുന്നുണ്ടോ എന്ന് ഞാൻ വിഷിച്ചു കൊണ്ട് മുൻപോട്ടു നടന്നു അവസാനം എന്റെ കൈയിലെ അഡ്ഡ്രസും ഒരു വീടിന്റെ അഡ്ഡ്രസും തമ്മിൽ നല്ല പൊരുത്തം തോന്നി. ഞാൻ ആ വീടിന്റെ മുൻപിലേക്ക് നടന്നു അടുത്തു. അവിടെ പുറത്ത് ആരെയും കാണാൻ സാധിച്ചില്ല.

ഞാൻ അവിടെ കണ്ട ബെൽസ്വിച്ചിൽ പതിയെ കൈകൊണ്ടു അമർത്തിയിട്ട് ഞാൻ ആ വാതിലിനു മുൻപിൽ കാത്ത് നിന്നു.

കുറച്ചു നേരം ആയിട്ടും വാതിൽ തുറക്കാതെ ആയപ്പോൾ ഞാൻ ഒന്നുകൂടി ആ ബെല്ലിൽ അമർത്തി ഞെക്കി അപ്പോഴാണ് അകത്തു നിന്നും ബെല്ലിന്റെ സൗണ്ട് കേൾക്കുന്നത്,

“അപ്പൊ ഞാൻ നേരത്തെ അമർത്തിയപ്പോ ബെൽ വർക്ക്‌ ചെയ്തില്ലായിരുന്നോ “

ഞാൻ അങ്ങനെ ആലോചിച്ചു കൊണ്ട് അവിടെ ഉള്ള ചെടിച്ചട്ടികളിൽ കണ്ണ് പായിച്ചു, പലനിരത്തിൽ ഉള്ള പൂവുകൾ, നല്ല ഭംഗിയിൽ നിൽക്കുന്നു.

ഞാൻ അതു നോക്കി നിൽകുമ്പോൾ ആണ് വാതിൽ തുറക്കുന്ന ചെറിയ സൗണ്ട് കേൾക്കുന്നത്. ഞാൻ വാതിലിന്റെ നേരെ നോക്കി.

വാതിൽ തുറന്നു പിടിച്ച ആളെ കണ്ടു ഞാൻ ആദ്യം ഒന്ന് പകച്ചു.

“ലെച്ചു… “

എന്റെ വായിൽ നിന്നും അവളുടെ പേര് പുറത്തു വന്നു.

എന്റെ ലെച്ചു എന്റെ മുൻപിൽ എന്റെ കണ്ണുകളെ വിശ്വസിക്കാൻ കഴിഞ്ഞില്ല , ഞാൻ അവളെ തന്നെ നോക്കി നിന്നു പോയി, അവളുടെ അവസ്ഥയും അതു തന്നെ.

ആകെ ഒരു ഷീണിച്ച അവസ്ഥ ആയിരുന്നു അവളുടേത്‌ ഒരു പഴയ ചുരിദാർ ആണ് വേഷം, മുഖത്തു ആ പഴയ ഉണർവ് കാണാനില്ല , പക്ഷേ ആ കണ്ണുകൾക്ക് ആ പഴയ തിളക്കം ഞാൻ കണ്ടു, എന്നെ കണ്ടുകൊണ്ട് പകച്ചു നിൽക്കുന്ന അവളുടെ കണ്ണുകൾ നിറയുന്നത് ഞാൻ കണ്ടു.

“ലെച്ചു,..”

ഞാൻ അവളെ വിളിച്ചു കൊണ്ട് അവളുടെ അടുത്തേക്ക് ചെന്നു.

“എന്താ ഇങ്ങനെ നോക്കുന്നെ, നിന്റെ അജിയേട്ടൻ തന്നെ ആണ്, “

എന്നെ കണ്ടിട്ട് എന്റെ മുഖത്തേക്ക് സൂക്ഷിച്ചു നോക്കുന്ന അവളുടെ രണ്ടു കൈകളിലും പിടിച്ചു കൊണ്ട് പറഞ്ഞു.

പെട്ടന്ന് ഒരു പൊട്ടി കരച്ചിൽ ആയിരുന്നു അവളുടെ ഭാഗത്തു നിന്നും ഉണ്ടായതു എന്റെ കൈ രണ്ടും തട്ടി മാറ്റി അവൾ അകത്തേക്ക് തിരിഞ്ഞു ഓടി.

“ലെച്ചു,,, “

ഞാൻ അവളെ വിളിച്ചു. അവൾ നിന്നില്ല.

“എന്താ മോളെ “

ഞാൻ അകത്തേക്ക് കയറാൻ തുടങ്ങുമ്പോൾ അകത്തു നിന്നും അങ്ങനെ ചോദിച്ചു കൊണ്ട് ഒരാൾ എന്റെ നേരെ വന്നു.

“ജോർജ് അപ്പച്ചൻ “

ആളെ കണ്ടപ്പോൾ എന്റെ നാവു ഉരുവിട്ടു. പണ്ട് ഫോട്ടോയിൽ കണ്ട ആൾ തന്നെ.

“ആരാ ?”

അപ്പച്ചൻ വന്ന പാടെ ചോദിച്ചു. എനിക്ക് ഒരു മലയാളി ലുക്ക്‌ കണ്ടതോണ്ട് ആയിരിക്കണം അപ്പച്ചൻ മലയാളത്തിൽ ആണ് ചോദിച്ചത്.

“ഞാൻ ആരാണെന്നു പറഞ്ഞാൽ അപ്പച്ചനു മനസ്സിലാകുമോ എന്നു അറിയില്ല, ഞാൻ ലക്ഷ്മി യെ അനേഷിച്ചു വന്നതാ എന്റെ പേര് അജിത് “

,ഞാൻ പറഞ്ഞു.

“അജി..താഴ്വാരത്തിലെ ?. “

കുറച്ചു നേരം ചിന്തിച്ചിട്ട് അപ്പച്ചൻ പറഞ്ഞു.

“അതെ അജി തന്നെ “

ഞാൻ പറഞ്ഞു.

“മോനെ വാ അകത്തേക്ക് വാ “

അപ്പച്ചൻ എന്നേ അകത്തേക്ക് ക്ഷണിച്ചു.

ഞാൻ എവിടെ ആയിരുന്നു എന്നും എങ്ങനെ ഇവിടെ എത്തിപ്പെട്ടും എന്നും അപ്പച്ചൻ എന്നോട് ചോദിച്ചു. ഞാൻ അതിനു ഇവിടെ എത്തിയത് വരെയുള്ള കാര്യങ്ങൾ ചുരുക്കി പറഞ്ഞു.

“അപ്പൊ മോൻ ഇവിടെ വന്നിട്ട് ഇപ്പോൾ ഒരു മാസം ആകാറായല്ലേ? “

“അതെ, കുറെ അനേഷണത്തിനൊടുവിൽ ആണ് എനിക്ക് ഈ അഡ്രസ്സ് കിട്ടിയത് “

ഞാൻ പറഞ്ഞു.

“ഞങ്ങൾ പഴയ അഡ്ഡ്രസിൽ നിന്നും പോന്നിട്ടു വർഷങ്ങൾ ആയി, ഇപ്പോൾ ഇവിടത്തെ കമ്പനി യിൽ ആണ് എനിക്ക് ജോലി “

അപ്പച്ചൻ പറഞ്ഞു.

“അപ്പച്ചാ, അപ്പച്ചാ, “

ഒരു കിളിനാദം എന്റെ ചെവികളിൽ മുഴുകി.

“ഈ ചേച്ചി എന്തിനാ ഇങ്ങനെ ഇരുന്നു കരയുന്നത് “

അങ്ങനെ ചോദിച്ചു കൊണ്ട് ഒരു പെൺകുട്ടി ഞങ്ങളുടെ അടുത്തേക്ക് വന്നു. അപ്രതീക്ഷിതമായി എന്നെ കണ്ടപ്പോൾ അവൾ വാതിൽ പടിയിൽ തന്നെ നിന്നു.

“മോളെ ഇങ്ങു വന്നേ “

അപ്പച്ചൻ അവളെ അടുത്തേക്ക് വിളിച്ചു.

അവൾ എന്നെ സൂക്ഷിച്ചു നോക്കി കൊണ്ട് അപ്പച്ചൻ ഇരിക്കുന്നതിന്റെ അടുത്തേക്ക് ചെന്നു.

“ഇതെന്റെ മൂത്ത മോള് ആണ് ജെസ്സി, ഇവൾ ഡിഗ്രിക്ക് പഠിക്കുന്നു, “

അപ്പച്ചൻ അവളെ അടുത്ത് വിളിച്ചു കൊണ്ട് എന്നോട് പറഞ്ഞു.

“ഉം “

“ഇനി ഒരാളും കൂടി ഉണ്ട് ജിനി അവൾക്ലാസ്സിൽ പോയിരിക്കുക ആണ്, “

ഞാൻ അതിനു മറുപടി എന്നോണം ഒന്നു പുഞ്ചിരിച്ചു.

“മോൾക്ക്‌ മനസ്സിലായോ ഈ ചേട്ടനെ ?”

അപ്പച്ചൻ ജെസ്സി യോട് ചോദിച്ചു.

“ഉം, ലെച്ചു ചേച്ചിയുടെ…. “

,അവൾ പറഞ്ഞു.

“ഉം, അതെ “

അപ്പച്ചൻ പറഞ്ഞു.

“എന്നെ എങ്ങനെ മനസ്സിൽ ആയിന്നു “

ഭാവത്തോടെ ഞാൻ അവളുടെ മുഖത്തേക്ക് നോക്കി.

“ലെച്ചു ചേച്ചിയുടെ കൈയിൽ അജിയേട്ടന്റെ ഫോട്ടോ ഉണ്ട് “

,അവൾ പറഞ്ഞു .

“എന്നാ മോള് അകത്തേക്ക് പൊക്കൊളു “

അപ്പച്ചൻ പറഞ്ഞു.

ഒരു പുഞ്ചിരി സമ്മാനിച്ചു കൊണ്ട് അവൾ അകത്തേക്ക് പോയി.

“അജി ഇവരുടെ അമ്മ ഞങ്ങളെ വിട്ടു പിരിഞ്ഞിട്ട് വർഷങ്ങൾ ഒരുപാട് ആയി,അതിൽ പിന്നെ ഇവർക്ക് ഞാനും എനിക്ക് അവരും മാത്രമേ ഒള്ളു, എനിക്ക് എന്തെങ്കിലും സംഭവിച്ചാൽ ഇവർ ആരും ഇല്ലാത്തവർ ആയി പോകും എന്ന ഭയം എന്നെ കൂടുതൽ ഭയപ്പെടുത്തി ,അങ്ങനെ ആണ് പഴയ പരിചയം പുതുക്കാം എന്ന നിലക്ക് ഞാൻ വർഷങ്ങൾക്കു ശേഷം താഴ്വാരത്തേക്ക് വന്നത്. പിള്ളേർ രണ്ടും ഒരു സ്റ്റഡി ടൂർ പോയതോണ്ട് ഞാൻ ഒറ്റക്ക് ആണ് അവിടേക്ക് വന്നത്, അവിടെ വന്നപ്പോൾ എന്റെ ആദ്യ മോളുടെ അവസ്ഥ കണ്ടു ഞാൻ ആകെ തകർന്നു. ഞാൻ ലക്ഷ്മി യുടെ അമ്മയോട് ചെയ്ത തെറ്റിന് പരിഹാരം എന്നോണം ഞാൻ അവളെ എന്റെ മോളായിട്ട് ഇങ്ങോട്ട് കൊണ്ടുവന്നു ജെസ്സിക്കും ജിനിക്കും ഒരു മൂത്ത സഹോദരി ആയിട്ടു, “

അപ്പച്ചൻ പറഞ്ഞു നിർത്തി.

“അപ്പച്ച, ലക്ഷ്മിക്ക് ഞാൻ വന്നത് ഇഷ്ടം ആയില്ലേ?. “

“അവൾ താഴ്വരാത്തത് നിന്നും പോരുമ്പോൾ ഒരു കാര്യം മാത്രേ എന്നോട് ആവിശ്യപ്പെട്ടുള്ളു, ഒരു നാൾ അവളെ തേടി നീ വരുമെന്നും വന്നാൽ ഒരു എതിർപ്പും കാണിക്കാതെ അവളെ നിന്റെ കൂടെ പറഞ്ഞു വിടണം എന്നും “

അപ്പച്ചൻ പറഞ്ഞു.

“അപ്പൊ അവൾക്കു ഉറപ്പുണ്ടായിരുന്നു ഞാൻ അവളെ തേടി എത്തും എന്നു,”

ഞാൻ മനസ്സിൽ ആലോചിച്ചു.

“മോനെ.. മോൻ പോയി അവളോട്‌ സംസാരിക്കു അവൾ അകത്തു ഉണ്ട്, കുറെ നാൾക്കു ശേഷം നിന്നെ കണ്ടപ്പോൾ ഉണ്ടായാ ഷോക്കിൽ ആയിരിക്കും അവൾ നിന്നെ തള്ളി മാറ്റി ഓടിയത്., മോൻ ചെല്ല് അവളുടെ അടുത്ത് ,അവൾ മോനെ കാത്ത് ഇരിക്കുക ആയിരിക്കും “

അപ്പച്ചൻ പറഞ്ഞു, അതുകേട്ടു ഞാൻ ആ കസേരയിൽ നിന്നും എഴുന്നേറ്റു ആ റൂമിലേക്ക്‌ നടന്നു.

ഞാൻ ആ റൂമിൽ കടന്നു ചെന്നപ്പോൾ കാണുന്നത്. കട്ടിലിൽ തലകുനിച്ചു ഇരുന്നു കരയുന്ന എന്റെ ലെച്ചുവിനെ ആണ്. അവളുടെ അടുത്ത് ജെസ്സി ഇരുന്നു അവളെ സമാധാനിപ്പിക്കാൻ നോക്കി കൊണ്ടിരിക്കുന്നു.

എന്നെ കണ്ടപ്പോൾ ജെസ്സി ലെച്ചുവിന്റെ ചെവിയിൽ എന്തോ പറഞ്ഞിട്ട് അവിടെ നിന്നും എഴുന്നേറ്റു എന്റെ അടുത്തേക്ക് വന്നു.

ജെസ്സി എന്നോട് ലെച്ചു അവിടെ ഉണ്ട് അവിടേക്ക് ചെന്നോളാൻ ആഗ്യം കാണിച്ചു. പിന്നെ അവൾ എന്റെ മുഖത്തു നോക്കി ഒരു പുഞ്ചിരി സമ്മാനിച്ചിട്ട് പുറത്തേക്കു ഇറങ്ങി പോയി.

ഞാൻ ലെച്ചു വിന്റെ അടുത്ത് ചെന്നു അവൾ തല കുമ്പിട്ടു ഇരിക്കുക ആയിരുന്നു.

ഞാൻ അവളുടെ മുൻപിൽ മുട്ട് കുത്തി നിന്നു , എന്നിട്ട് കുമ്പിട്ടു ഇരിക്കുന്ന അവളുടെ മുഖം ഞാൻ രണ്ടു കൈകളാൽ കോരിയെടുത്തു,

“ലെച്ചു , നീ എന്നോട് പിണക്കം ആണോ, “

അവളുടെ കരഞ്ഞു തളർന്ന മുഖത്തു നോക്കി ഞാൻ ചോദിച്ചു.

അവൾ ഒന്നും പറഞ്ഞില്ല.

അവൾ വിങ്ങി പൊട്ടി കൊണ്ട് പറഞ്ഞു.

“നീ ഇങ്ങനെ കരയല്ലേ, നീ കരഞ്ഞാൽ ഈ ഏട്ടന് സഹിക്കില്ല, കഴിഞ്ഞ കാര്യങ്ങൾ ഒക്കെ ഒരു ദുസ്വപ്നം ആയി മറക്കാം, എനിക്ക് നിന്നെ തിരിച്ചു കിട്ടിയല്ലോ അതു മതി “

ഞാൻ പറഞ്ഞു.

എന്നിട്ട് അവളെ എന്നിൽ നിന്നും അടർത്തി മാറ്റി. അവളുടെ കവിളിൽ ഒഴുകി ഇറങ്ങിയ കണ്ണീർ ഒക്കെ ഞാൻ കൈകൊണ്ട് തുടച്ചു മാറ്റി.

“എന്റെ മോളുടെ മുഖം ഒക്കെ ഷീണിച്ചു, “

ഞാൻ അവളുടെ കവിളിൽ തലോടി കൊണ്ട് പറഞ്ഞു.

എന്റെ തലോടലിൽ അവളുടെ മുഖത്ത് ചെറുപുഞ്ചിരി വിടർന്നു.

“ഉം, ഏട്ടനും മാറി താടി ഒക്കെ വന്നു വലിയ ആളെ പോലെ ആയി “

അവൾ ചെറു ചിരിയാൽ പറഞ്ഞു.

“ഉം “

ഞാൻ ചിരിച്ചു കൊണ്ട് മൂളി.

“അല്ല , എവിടെ ആയിരുന്നു ഇത്രയും നാൾ “

അവൾ ചോദിച്ചു.

ഞാൻ അതും പറഞ്ഞു അവിടെ നിന്നും എഴുനേറ്റു ഒപ്പം അവളുടെ കൈകളിൽ പിടിച്ചു കൊണ്ട് അവളേം എഴുന്നേൽപ്പിച്ചു.

ഞാനും അവളും കൂടി കട്ടിലിൽ ഇരുന്നു അപ്പോഴും അവളുടെ ഇടതു കൈ എന്റെ വലതു കൈയിൽ ആയിരുന്നു. അപ്പോഴാണ് അവളുടെ കൈയിലെ മുറിവിന്റെ പാട് ഞാൻ കാണുന്നത്.

“,എന്തിനാ മോളെ നീ ഇത് ചെയ്തത്, “

ഞാൻ അവളുടെ കൈയിലെ പാട് കാണിച്ചു കൊണ്ട് ചോദിച്ചു.

“അതു ഏട്ടാ അന്നത്തെ വിഷമത്തിൽ പറ്റിപോയതാ, അന്ന് ഏട്ടന്റെ വീട്ടിലേക്ക് വിളിച്ചപ്പോൾ ഏട്ടൻ ഇത്രയും നാളും ആയിട്ടും വന്നിട്ടില്ല എന്നു അറിഞ്ഞപ്പോൾ എനിക്ക് സഹിച്ചില്ല ആ നിമിഷത്തിൽ അങ്ങനെ പറ്റി പോയി “

അവൾ വിഷമത്തോടെ ഒപ്പം ചെറു പേടിയോടെ പറഞ്ഞു.

“ഇനി ഇങ്ങനത്തെ തോന്നിവാസങ്ങൾ കാണിച്ചാൽ ഉണ്ടാല്ലോ”

,ഞാൻ ചെറു ദേഷ്യത്തോടെ പറഞ്ഞു.

“ഇല്ല ഏട്ടാ ഇനി ഞാൻ അങ്ങനെ ഒന്നും ചെയ്യില്ല, അന്ന് അങ്ങനെ പറ്റി പോയതാ ഏട്ടൻ എന്നോട് ക്ഷമിക്കില്ലേ “

അവൾ പറഞ്ഞു.

“നിന്നോട് അല്ലാതെ പിന്നെ ഞാൻ ആരോടാ ക്ഷമിക്കേണ്ടത്, എന്നാലും നീ എനിക്ക് വേണ്ടി.. “

ഞാൻ അതും പറഞ്ഞു അവളുടെ ആ മുറിവിന്റെ പാടിൽ എന്റെ ചുണ്ടുകൾ ചേർത്ത് കൊണ്ട് ചുംബിച്ചു.

അതു കണ്ടപ്പോൾ അവളുടെ കണ്ണുകൾ നിറഞ്ഞു അതു സന്തോഷത്തിന്റെ കണ്ണീർ ആണെന്ന് അവളുടെ പുഞ്ചിരിച്ച മുഖം കണ്ടപ്പോൾ മനസ്സിൽ ആയി.

“ലെച്ചു.. “

എന്റെ മുഖത്തേക്ക് നോക്കി ഇരിക്കുന്ന അവളെ ഞാൻ പതിയെ വിളിച്ചു.

അവൾ എന്തെ എന്നു കണ്ണുകൾ കൊണ്ട് ചോദിച്ചു.

“എനിക്ക് ഒരു കാര്യം കൂടി അറിയാൻ ഉണ്ട്, ഇതെന്റെ പഴയ ലെച്ചു തന്നെ ആണെന്ന് ഉറപ്പിക്കണം എങ്കിൽ എനിക്ക് അതുകൂടി അറിയണം, “

അതുകേട്ടപ്പോൾ അതു എന്താ എന്ന ഭാവത്തോടെ എന്റെ മുഖത്തു നോക്കി.

“ഞാൻ ഇപ്പോൾ കാണിച്ചു തരാം “

എന്നു ആഗ്യം കാണിച്ചുകൊണ്ട്, അവളുടെ മുഖം കൈകളിൽ കോരിയെടുത്തു കൊണ്ട് എന്റെ മുഖം അവളുടെ മുഖത്തോട് ചേർത്ത് കൊണ്ട് ഞാൻ അവളുടെ കണ്ണിൽ നിന്നും ഇറ്റു വീഴാൻ നിൽക്കുന്ന ആ ജലകണിക എന്റെ നാവിനാൽ ഒപ്പി എടുത്തു എന്റെ നാവു അവളുടെ കൺപീലികളിൽ സ്പർശിച്ചപ്പോൾ അവളുടെ കണ്ണുകൾ കൂമ്പി അടഞ്ഞു.

“ഉം അതെ രുചി. ഇതെന്റെ പഴയ ലെച്ചു തന്നെ “

ഞാൻ നാവിനാൽ ഒപ്പിയെടുത്ത അവളുടെ കണ്ണീർ തുളികൾ നുണഞ്ഞു കൊണ്ട് പറഞ്ഞു.

“വൃത്തികെട്ടവൻ, ഒരു മാറ്റോം ഇല്ല, കുറച്ചു താടി മീശയും വളർന്നിട്ടുണ്ടെന്നേ ഒള്ളു സ്വഭാവം പഴയതു തന്നെ “

എന്റെ പ്രവർത്തി കണ്ടപ്പോൾ അവൾ ചിരിച്ചു കൊണ്ട് പറഞ്ഞു.

ഞാൻ അതിനു മറുപടി എന്നോണം ഒന്ന് ചിരിച്ചു. അവളും എന്നെ നോക്കി ചിരിച്ചു

“അതെ നിന്റെ കണ്ണീരിനു നല്ല രുചിയാ അതാ ഞാൻ, “

ഞാൻ ഒരു കള്ളച്ചിരിയോടെ പറഞ്ഞു.

അതു കേട്ടപ്പോൾ അവളുടെ മുഖം നാണത്താൽ ചുവന്നു തുടുത്തു.അവളുടെ പവിഴചുണ്ടുകൾ വിടർന്നു. ആ പവിഴചുണ്ടുകൾ എനിക്ക് നുണയാൻ കൊതി ആയി. നാളു കുറെ ആയില്ലേ അവയുടെ രുചി അറിഞ്ഞിട്ടു.

ഞാൻ അവളുടെ മുഖം കൈകളാൽ കോരി എടുത്തു എന്റെ മുഖത്തോട് ചേർത്തു. ഒപ്പം അവളുടെ പവിഴധാരങ്ങൾ ഞാൻ എന്റെ ചുണ്ടുകൾ കിടയിൽ ആക്കി നുണഞ്ഞു. അവളുടെ കണ്ണുകൾ സുഖം കൊണ്ട് കൂമ്പി അടഞ്ഞു അവൾ എന്നെ ഇറുകെ പുണർന്നു ഞാനും അവളെ എന്റെ ശരീരത്തോട് ചേർത്തു.

“ലെച്ചു ചേച്ചി… “

ആ സുഗലഹരിയിൽ മതി മറന്നിരുന്ന ഞങ്ങൾ ആ ശബ്ദം കേട്ടപ്പോൾ ഞെട്ടി. പെട്ടന്ന് തന്നെ ഞങ്ങൾ അടർന്നു മാറി. എന്നിട്ട് ആ ശബ്ദം കേട്ട ഭാഗത്തേക്ക്‌ ഞങ്ങൾ നോക്കി.

വാതിലകലിൽ ചമ്മിയ മുഖവും ആയി ഒരു പെൺകുട്ടി നില്കുന്നു.

“സോറി “

അവൾ അതും പറഞ്ഞു അവിടെനിന്നും ഓടി പോയി.

“ശ്ശേ , നാണക്കേട് ആയി “

ലെച്ചു പറഞ്ഞു.

“അതാരാ ?”

ഞാൻ ചോദിച്ചു.

“അതു ജിനി, അപ്പച്ചന്റെ ഇളയ കുട്ടി “

ലെച്ചു പറഞ്ഞു.

കുറച്ചു നേരം ഞങ്ങൾ അവിടെ ഇരുന്നു.

കുറച്ചു കഴിഞ്ഞപ്പോൾ ഞാനും അവളും കൂടി മുറിക്കു പുറത്തേക്കു വന്നു . ഞങ്ങൾ ഹാളിലേക്ക് ചെന്നു അവിടെ അപ്പച്ചൻ കസേരയിൽ ഇരിക്കുന്നുണ്ട് ജെസ്സി യെ കണ്ടില്ല. ജിനി അവിടെ ഇരുന്നു ടീവി കാണുന്നു. ഞങ്ങളെ കണ്ടപ്പോൾ ജിനി ടീവി കാണാൽ മതിയാക്കി ഞങ്ങളുടെ അടുത്തേക്ക് വന്നു.

“എന്താ അജി അവളുടെ പിണക്കം ഒക്കെ മാറിയോ, “

ഞങ്ങളെ കണ്ടപ്പോൾ അപ്പച്ചൻ ചോദിച്ചു.

“ഉം കുറച്ചു മാറി”

ഞാൻ പറഞ്ഞു .

അതു കേട്ടപ്പോൾ ലെച്ചു നാണിച്ചു തലതാഴ്ത്തി,

“അപ്പച്ച ഞാൻ ഇവളെ കൊണ്ടോയിക്കോട്ടെ “

ഞാൻ അപ്പച്ചന്റെ അനുവാദം കിട്ടാനായി ചോദിച്ചു.

“,നിന്റെ പെണ്ണിനെ കൊണ്ടോകാൻ എന്റെ അനുവാദം എന്തിനാ, നിനക്ക് വേണ്ടി ഇത്രയും നാൾ ആ പാവം കാത്തിരിക്കുക ആയിരുന്നു, ഇനിയെങ്കിലും അതിനൊരു നല്ല ജീവിതം ഉണ്ടാകട്ടെ , നീ ധൈര്യം ആയി കൊണ്ടുപോക്കോ എന്റെ മോളെ”

അപ്പച്ചൻ എന്റെ അടുത്ത് വന്നു പറഞ്ഞു.

ഞാൻ അതിനു നന്ദി ആയി അപ്പച്ചന്റെ കാൽ തൊട്ടു വന്ദിച്ചു. കൂടെ ലെച്ചുവും.

ഇതൊക്കെ കണ്ടു ആ കാന്താരി നില്കുന്നുണ്ടായിരുന്നു. നേരത്തെ ഉള്ള ചമ്മൽ അവളുടെ മുഖത്തു ഇപ്പോഴും കാണാം ആയിരുന്നു.

“ജിനി “

ഞാൻ അവളെ അടുത്ത് വിളിച്ചു.

അവൾ എന്റെ അടുത്തേക്ക് വന്നു.

“മോൾക്ക്‌ എന്നെ മനസ്സിലായോ “

“ഉം, അപ്പച്ചൻ പറഞ്ഞു “

അവൾ തല ആട്ടികൊണ്ട് പറഞ്ഞു.

അങ്ങനെ കുറച്ചു നേരം ഞങ്ങൾ വർത്താനം ഒക്കെ പറഞ്ഞു ഇരുന്നു. അപ്പോഴേക്കും ജെസ്സി ഭക്ഷണം കഴിക്കാനായി വിളിച്ചു. അവരോടൊപ്പം ഞാനും കഴിച്ചു. അങ്ങനെ ഭക്ഷണം ഒക്കെ കഴിച്ചു ഞങ്ങൾ എല്ലാവരും വർത്താനം ഒക്കെ പറഞ്ഞു ഇരിക്കുക ആയിരുന്നു. അപ്പോഴാണ് ഞാൻ അതു ഓർത്തതു വീട്ടിലേക്കും കീർത്തിയോടും ഈ കാര്യങ്ങൾ ഒക്കെ പറയണ്ടേ എന്നു. ഞാൻ അപ്പൊ തന്നെ വീട്ടിലേക്കും പിന്നെ കീർത്തിയെയും ഫോൺ ചെയ്തു എല്ലാം പറഞ്ഞു. ലെച്ചു അമ്മയും ആയി സംസാരിച്ചതോടെ അമ്മയ്ക്കും സന്തോഷം ആയി.

പിന്നിട് ഞാൻ ഇപ്പോൾ വരാം എന്നു പറഞ്ഞു അവിടെ നിന്നും ഇറങ്ങി.

ഞാൻ വന്ന അതെ ടാക്സി കാറിൽ ഞാൻ താമസിച്ചിരുന്ന ലോഡ്ജിലേക്ക് പോയി. പിന്നെ ആ റൂം ഒക്കെ വെക്കെറ്റ് ചെയ്തു. തിരിച്ചു നാട്ടിലേക്ക് ഫ്ലൈറ്റിൽ ടിക്കറ്റ് ആവേലബിൾ കണ്ടത് കൊണ്ട് ഞാൻ ഫ്‌ളൈറ്റിൽ ടിക്കറ്റ് ബുക്ക്‌ ചെയ്തു. അതു കഴിഞ്ഞു ഞാൻ തിരിച്ചു അപ്പച്ചന്റെ കോർട്ടേഴ്സിൽ എത്തി. പിന്നിട് ഞാൻ അവരെ എല്ലാവരെയും കൊണ്ട് ടൗണിൽ ഒക്കെ കറങ്ങി എല്ലാവർക്കും ഡ്രെസും ഒക്കെ എടുത്തു കൊടുത്തു ജെസ്സിയും ജിനിയും എന്നോട് നല്ല കൂട്ടായി അങ്ങനെ ഞങ്ങൾ ഷോപ്പിംഗ് ഓക്കേ കഴിഞ്ഞു രാത്രി ആയി കോർട്ടേസിൽ എത്തിയപ്പോൾ . പിറ്റേന്ന് വെളുപ്പിന് ആയിരുന്നു ഫ്ലൈറ്റ്.

അങ്ങനെ വെളുപ്പിന് എല്ലാവരും കൂടി എയർപോർട്ടിലേക്ക് യാത്ര തിരിച്ചു അവിടെ അടുത്ത് തന്നെ ആയിരുന്നു എയർപോർട്ട് അതുകൊണ്ട് അവിടെ വേഗത്തിൽ എത്തി ചേർന്നു.

ജിനിയും ജെസി യോടും ലെച്ചു യാത്ര പറഞ്ഞപ്പോൾ അവരുടെ കണ്ണിൽ നിന്നും കണ്ണീർ ഇറ്റു വീഴുന്നുണ്ടായിരുന്നു. ഇത്രയും നാളും ചേച്ചിയും അനിയത്തി യും ആയി ഒരുമിച്ചു കഴിഞ്ഞതല്ലേ പെട്ടന്ന് പിരിയുമ്പോൾ ഉള്ള വിഷമം അവരുടെ മുഖങ്ങളിൽ കാണാം ആയിരുന്നു.

“അപ്പച്ച, ജിനി ജെസ്സി,എന്നാൽ ഞങ്ങൾ അങ്ങോട്ട്‌ “

എയർപോർട്ടിന്റെ എൻട്രി ഗേറ്റിനു മുന്നിൽ നിന്നു കൊണ്ട് ഞാൻ അവരോടു യാത്ര പറഞ്ഞു.

“പോയിട്ട് വാ മക്കളെ “

എന്ന് പറഞ്ഞു കൊണ്ട് അപ്പച്ചൻ ഞങ്ങളെ യാത്ര ആക്കി.

അങ്ങനെ അവർ ഉള്ളിലെ വിഷമം പുറത്തു കാണിക്കാതെ ഞങ്ങളെ യാത്ര ആക്കി…

കഴിഞ്ഞു പോയ കാലത്തിലെ മധുരിക്കുന്ന ഓർമകളും നൊമ്പരങ്ങളും നിറഞ്ഞ മിഴികളും. ഉടഞ്ഞ ഹൃദയവും, കൊഴിഞ്ഞു വീണ പകൽ കിനാക്കളും മോഹങ്ങളും എല്ലാം മറന്നു കൊണ്ട് ഞാൻ എന്റെ താഴ് വാരത്തിലെ പനിനീർപൂവിനെ ചേർത്തു പിടിച്ചു കൊണ്ട് എയർപോർട്ടിന്റെ അകത്തേക്ക് നടന്നു പുതിയ ഒരു ജീവിതയാത്രക്കായി………

—————ശുഭം————–

ഈ കഥ എല്ലാവർക്കും ഇഷ്ടപ്പെടും എന്നു വിശ്വസിക്കുന്നു,ഇത് എഴുതാൻ സഹായിച്ച എന്റെ മൂന്നാലു ചങ്ക്‌സ് നു ആദ്യമേ ഞാൻ നന്ദി അറിയിച്ചുകൊള്ളുന്നു. പിന്നെ ഈ കഥ വായിച്ച് പ്രോത്സാഹിപ്പിച്ച എല്ലാ സുഹൃത്തുക്കളൊടും പിന്നെ എന്റെ കമ്പിക്കുട്ടൻ ചങ്ക്‌സിനോടും എന്റെ നന്ദി അറിയിച്ച് കൊള്ളുന്നു. പിന്നെ ഈ കഥ ഈ സൈറ്റിൽ ഇടാൻ സഹായിച്ച ഡോക്ടർക്കും എന്റെ ആർദവമായ നന്ദി അറിയിച്ച് കൊള്ളുന്നു അടുത്ത കഥ എഴുതുക ആണെങ്കിൽ നമുക്ക് വീണ്ടും കാണാം.

എന്ന് സ്വന്തം അഖിൽ