ഓം ശാന്തി ഓശാന – 3

ആദ്യം രണ്ടു ഭാഗങ്ങളും വായിച്ചു അഭിപ്രായം അറിയിച്ച എല്ലാവർക്കും നന്ദി,നിങ്ങളുടെ പ്രോത്സാഹനം ആണു എന്റെ ശക്തി ?

ഓം ശാന്തി ഓശാന – 3

എങ്ങനെ വീട്ടിൽ എത്തി പെട്ടു എന്ന് ഞാൻ ഇപ്പോഴും ഓർക്കുന്നില്ല..ഒരു മൂളലു മാത്രം ആയിരുന്നു തലയിൽ..അന്ന് മുഴുവൻ ഞാൻ ഇരുന്നു കരഞ്ഞു.കരഞ്ഞു കരഞ്ഞു എപ്പോഴോ ഉറങ്ങിപ്പോയി..പപ്പാ വന്നു തട്ടി വിളിക്കുമ്പോ ആണു ഞാൻ എണീക്കുന്നേ..5 മണി കഴിഞ്ഞിരുന്നു.രാവിലെ തൊട്ടു ഒന്നും കഴിച്ചിട്ടില്ല..അന്തസായി ഇരുന്നു കരഞ്ഞത് കൊണ്ട് കണ്ണൊക്കെ വീർത്തു കെട്ടി ഇരിക്കുവാണ് .തല വേദന എടുത്തപ്പോ തിരിച്ചു വന്നതാണ് എന്ന് പപ്പായോട് പറഞ്ഞു വീണ്ടും കിടന്നു ഉറങ്ങി.സങ്കടം മറക്കാൻ ഏറ്റവും നല്ല വഴി ആണു ഉറക്കം…ഒന്നും അറിയണ്ടല്ലോ..ലോകത്തു ഉള്ള സർവ്വതും മറന്നു ഉറങ്ങുക.

രാത്രി അമ്മ ഫുഡ് കഴിക്കാൻ വിളിക്കുമ്പോഴും മടിച്ചു കിടന്നു.നിരാശകാമുകിമാർക്ക് വിശപ്പ് തോന്നുലല്ലോ.. സ്വാഭാവികം !! അകത്തു ചേട്ടന്റെ സൗണ്ട് കേൾക്കാം..ആത്മാർത്ഥസുഹൃത്തിനെ കാണാൻ വന്നത് ആയിരിക്കും.ഇപ്പോ തന്നെ ഇങ്ങോട്ടു വരും വിശേഷം പറയാൻ.ഇനി ഇപ്പൊ ഞാൻ പ്രേമിച്ച ചെക്കൻ അവന്റെ കാമുകിക്കു വേണ്ടി തല്ലു ഉണ്ടാക്കിയ വീരഗാഥ ഞാൻ എന്റെ ചേട്ടന്റെ വായിന്നു തന്നെ കേൾക്കണം അല്ല്ലേ…കൊള്ളാം വളരെ നന്നായിട്ടുണ്ട്..കൊല്ലുന്നത് ആയിരുന്നു ഭേദം.

വിചാരിച്ചു തീരും മുന്പേ വന്നു എന്ത് പറ്റി മോളെ എന്നും ചോദിച്ച്.എനിക്ക് മിണ്ടാൻ തോന്നുന്നേ ഉണ്ടായില്ല..ഇങ്ങേരുടെ കൂട്ടുകാരൻ ആണല്ലോ അവൻ.

നീ അറിഞ്ഞോ..നമ്മുടെ എബിൻ ഇല്ലേ അവൻ ഹോസ്പിറ്റലിൽ ആണു

വെല്യ കാര്യം ആയിപോയി ..അവൻ കാരണം ആണു ബാക്കി ഉള്ളവന്റെ സമാധാനം പോയി എന്ന് ഇങ്ങേർക്ക് അറിയൂലലോ..

ഞാൻ ഒന്നും അറിയാത്ത മട്ടിൽ കാര്യം തിരക്കി.

“ജൂനിയർസ് ആയിട്ട് ഇടി ആയിരുന്നു..മിക്കവാറും സസ്പെന്ഷൻ ആവും”

നന്നായുള്ളൂ..കണ്ടവളുമാർക്ക് വേണ്ടി ഇടി ഉണ്ടാക്കുമ്പോ ഓർക്കണം.മിനിമം ഒരു മാസം എങ്കിലും കിട്ടിയാ മതി ആയിരുന്നു..അത്രേം ദിവസം എങ്കിലും ആ പിശാശിനെ കാണാൻ പോവൂലല്ലോ..

വല്ല പെണ്ണ് കേസ് ആയിരിക്കും എന്ന് ഞാൻ പുച്ഛിച്ചു..

അല്ലേടി പോർക്കേ..ഇതു ആ ചെക്കന്മാർ എന്തോ കംപ്ലയിന്റ് കൊടുത്തു അതിനു ആണു..

ഏഹ്.കംപ്ലയിന്റ് ഓ അതെന്താ കഥ..അപ്പൊ ലവൾ തള്ളിയത് ആണോ ??? കൺഫ്യൂഷൻ ആയല്ലോ.

“അപ്പൊ ഏതാണ്ട് ഒരു പെങ്കൊച്ചിനു വേണ്ടി ആണു ഇടി ഇണ്ടാക്കിയെ എന്ന് പറഞ്ഞു??”

“ആര് പറഞ്ഞു?” ഈശ്വരാ പെട്ടു…ഒരു ആവേശത്തിനു ചോദിച്ചത് ആണു.

“ചേട്ടൻ ഇപ്പോ പറഞ്ഞില്ലേ?”

“എടി,അതായത് അവരുടെ ജൂനിയർസ് അവർക്ക് എതിരെ കംപ്ലയിന്റ് കൊടുത്തിടുണ്ട്.അത് ചോദിക്കാൻ ചെന്നത് ആണു ഇവന്മാർ..ഒരു ജൂനിയർ പെൺകൊച്ച് ഉണ്ട്.അവൻ സെറ്റ് ആക്കി വെച്ചേക്കാണ്..അവൾ ആണു കൊളം ആക്കിയതു”

അപ്പോൾ കൊറെ ഒക്കെ സത്യം ആണു..അങ്ങേർക്കു അവിടെ ഒരു അവിഹിതം ഉണ്ട് അപ്പൊ..എടാ കള്ളതിരുമാലി..

“നീ എന്തോന്നാ ആലോചിക്കുന്നെ”

“അല്ല.രണ്ടും കണക്കു ആണല്ലോ എന്ന് ആലോചിക്കൂവാരുന്നു” അതെന്തായാലും കൊണ്ടു.എന്നെ ഒന്നും ഇരുത്തി നോക്കിയിട്ട് ചേട്ടൻ തുടർന്നു

“നീ അങ്ങനെ കളിയാക്കുവോന്നും വേണ്ട.അവിടെ എന്തെങ്കിലും ഒരു രസം ഒക്കെ വേണ്ടെ..”

അതെ അതെ,ഭയങ്കരം തന്നെ..ഇത് ആണലോ രസം. പെൺപിള്ളേരെടെ പ്രാക്കു വാങ്ങി വെക്കുന്നതു.നല്ല രസം ആണു

“ആഹ് എന്നിട്ട്?”

“ഇവന്മാർ പിടീം വലീം ആയപ്പോ ഇവള് ഇടക്ക് കേറി അവന്റെ കൈയിൽ പിടിച്ചു.അവനു തല്ലും കൊണ്ടു.പിനന്നെ പൊരിഞ്ഞ ഇടി ആയിരുന്നു.ഇതെല്ലാം കഴിഞ്ഞു ചെന്ന് ആ കൊച്ചിന്റെ മെക്കിട്ടു കേറി..എന്ത് തെറി ആന്നു അറിയോ അവളെ പറഞ്ഞത്.. ചെവി അടിച്ചുപോയി.”

“അപ്പൊ ആ കൊച്ചിനെ സീരിയസ് ആയിട്ട് നോക്കിയതു അല്ലേ ?”

“നിനക്ക് എന്നാ പറഞ്ഞിട്ട് മനസിലാവാത്തേ?അത് ഇന്ന് തീർന്നു കിട്ടി “

ഇപ്പോ ആണു മനസിലായത്..അപ്പോ അവൻ തെറി പറഞ്ഞിട്ട് ആണു അവളു കെടന്നു മോങ്ങിയതു.എന്നിട്ട് ആണു ആ മൈരത്തി ഒടുക്കത്തെ തള്ളു തള്ളിയത്…അപ്പൊ എന്റെ കൈയിൽ അവളെ കിട്ടിയിരുന്നെങ്കിൽ ഞാൻ ഞെക്കി കൊന്നേനെ..അവളുടെ ഒടുക്കത്തെ തമാശ.മനുഷ്യൻ തീ തിന്നവാരുന്ന.പാവം എന്റെ ചെക്കൻ..വല്ലോം പറ്റിയോ ആവോ

” എബിൻ എങ്ങനെ ഉണ്ട് ?”

“സ്റ്റീൽ ഇട്ടത് ഒന്നു മാറി അത്രേ ഉള്ളു മറ്റന്നാൾ ഡിസ്ചാർജ് ആവും “

അത്രേ ഉള്ളു..ഹാവൂ..ആശ്വാസം ആയി.നാളെ ആ പ്രാക്കു പിടിച്ചവളെ കോളേജിൽ ചെന്ന് തെറി പറയണം.രാവിലെ തൊടങ്ങി അനുഭവിച്ച ടെൻഷൻ…ചങ്ക് പൊട്ടി ഇവടെ കെടന്നു മോങ്ങിയതു ആണു ഞാൻ.അല്ലെങ്കിൽ നാളെ ലീവ് എടുത്തു പോയി എബിനെ കാണാം..അവളെ പിന്നേം തെറി പറയാലോ

“ചേട്ടൻ നാളെ പോവുന്നുണ്ടോ..ഞാൻ ലീവ് ആണു..ഞാനും വരാം”

“ആഹ് നീ പോരെ “

“വല്ലോം കഴിച്ചാരുന്നോ..എനിക്ക് വിശക്കുന്നു”.ഇവളുടെ അസുഖം ഏത് വഴിക്കു പോയി എന്ന് ചേട്ടൻ ആലോചിച്ചു കാണും പക്ഷെ ഇനീം വൈകിയാ അമ്മ ചോറ് എടുത്തു വെള്ളത്തിൽ ഇടും.ചെല്ലുമ്പോൾ അമ്മ എന്തായാലും പുച്ചിക്കും..അത് മൈൻഡ് ചെയ്യാതെ ഇരുന്ന മതി.എനിക്ക് ഇത് പുത്തരി അല്ലാലോ..വിശപ്പ് ആണു പ്രധാനം..ഇനി ഇപ്പൊ പട്ടിണി കിടക്കണ്ട കാര്യം ഇല്ല.രാവിലെ തൊട്ടു പട്ടിണി കിടന്നത് മിച്ചം..അഞ്ജലി അറിയണ്ട, അവൾ ചിരിച്ചു മരിക്കും..ഏതായാലും പ്രണയം പറയാൻ ഉള്ള തീരുമാനം ഞാൻ മാറ്റി വച്ചു..അതിലും നല്ല വഴി ഞാൻ കണ്ടിട്ടുണ്ട്.

പിറ്റേന്ന് ചേട്ടൻ അവനെ കാണാൻ പോയ കൂട്ടത്തിൽ വാല് പോലെ ഞാനും പോയി.അവിടെ ഏതായാലും വേറെ ആരും ഉണ്ടായില്ല.വീട്ടിൽ സീൻ ആവും എന്നാ കൊണ്ട് അവിടെ പറഞ്ഞിട്ടില്ല എന്ന് മനസിലായി…എല്ലാം തന്നെ കള്ളന്മാർ ആണല്ലോ .ചേട്ടൻ ഫുഡ് വാങ്ങാൻ പോയപ്പോ ഞങ്ങൾ ഒറ്റയ്ക്ക് ആയി.പിന്നെ എന്നെ കളിയാക്കാൻ അവനു വേറെ കാരണം വല്ലതും വേണോ.

“എന്താണ് മാഡം,എന്നെ കാണാൻ ഒക്കെ?”

“അല്ല,കാമുകിക്കു വേണ്ടി തല്ലു ഉണ്ടാക്കി വന്ന മഹാനെ ഒന്നു വന്നു കാണേണ്ടേ”ഞാനും വിട്ടു കൊടുക്കാൻ പോയില്ല.

“ആരുടെ കാമുകി?”അവൻ സംശയരൂപത്തിൽ എന്നെ നോക്കി.

“കോളേജിൽ മുഴുവൻ പാട്ട് ആണലോ.എന്നോട് ഫെമി ചേച്ചിടെ ഫ്രണ്ട് ആണു പറഞ്ഞത്” ന്റെ ഒരു ബുദ്ധിയേ.ഇതാവുമ്പോ സത്യം അവന്റെ വായിൽ നിന്നു കേൾക്കും ചെയ്യാം എന്നെ ടെൻഷൻ ആക്കിയ അവൾക്കു ഇട്ടു ഒരു പണിയും ആയി..ഒരു വെടിക്കെ രണ്ടു പക്ഷി.മറ്റവളെ തെറി പറഞ്ഞ സ്ഥിതിക്ക് ഇവളെയും ചെറിയ രീതിയിൽ എങ്കിലും പറയാതെ ഇരിക്കില്ല.ഒരു മന സുഖം!

ചേട്ടന് പറഞ്ഞ കഥ തന്നെ ആണു എബിൻ പറഞ്ഞത്.പെൺപിള്ളേരെ പറ്റിക്കരുത് എന്നൊക്കെ പറഞ്ഞു ചില്ലറ രീതിയിൽ ഞാൻ ഒന്നും ഉപദേശിക്കുകയും ചെയ്തു..ഇപ്പൊ എന്നെ ഒരുത്തൻ പറ്റിച്ചാൽ നിങ്ങൾ വെറുതെ ഇരിക്കില്ലല്ലോ.അത് പോലെ തന്നെ അല്ലേ എല്ലാവരും,ഒരു മയത്തിൽ ഒക്കെ ഫ്ലെർട്ട് ചെയ്യണം എന്നൊക്കെ കൊറെ ഡയലോഗ് ഞാൻ ഇറക്കി..കൊറച്ച് എങ്കിലും ഏറ്റു കാണും.ആള് കൊറെ നേരം സൈലന്റ് മോഡ് ആയിരുന്നു.

“ഞാൻ ന്ത് വേണം ഇപ്പൊ?”

“ഇഷ്ടം ഇല്ലാ എങ്കി അത് അങ്ങ് പറയി..അല്ലാതെ കൊണ്ട് നടന്നു ചതിക്കല്ല ചെയ്യേണ്ടതു”സത്യത്തിൽ അവളെ ഒഴിവാക്കുക എന്നത് ആയിരുന്നു എന്റെ ദുരുദേശം.ഇനി എങ്ങാനും അവനു അസ്ഥിക്കു പിടിച്ചാലോ. അതേതായാലും ക്ലിക്ക് ആയി എന്ന് എനിക്ക് മനസിലായി.ഇനി അങ്ങേരു സീരിയസ് ആയി വേറെ ഒരുത്തിയെ കേറി പ്രേമിക്കുന്നതിന് മുൻപ് എങ്ങനെ എങ്കിലും അവന്റെ ഉള്ളിൽ കേറി പറ്റണം.ഒന്നു കൂടെ സ്ട്രോങ്ങ്‌ ആക്കാൻ ഞാൻ പോരുന്നതിന് മുൻപ് വീണ്ടും ഉപദേശിച്ചു..അങ്ങനെ വെല്യ ചെലവ് ഒന്നും ഇല്ലാതെ അത് പൊളിക്കാൻ എനിക്ക് പറ്റി.പ്രേമത്തിന് കണ്ണും മൂക്കും ഒന്നും ഇല്ലന്ന് പറയുന്നത് ശെരി ആണു..നമ്മൾ ഇഷ്ടപ്പെട്ട ആളെ കിട്ടാൻ എന്ത് തോന്നിവാസം കാണിക്കാനും റെഡി ആയിരിക്കും.ഇനി ഇപ്പൊ എന്തായാലും ഞാൻ പിന്മാറില്ല എന്ന് അങ്ങു തീരുമാനിച്ചു. ഇടപ്പള്ളി പള്ളിയിൽ പോയി പുണ്യാളനേം കണ്ടു മിന്നിച്ചേക്കണേ എന്ന് മുട്ടിപ്പ് ആയി പ്രാർത്ഥിച്ച് എന്റെ വർക്ക്‌ തുടങി

പിന്നീട് ഉള്ള എന്റെ ശ്രെമങ്ങൾ എങ്ങനെ എങ്കിലും അവന്റെ ഹൃദയവാതിൽ ചവിട്ടി തുറന്നു അകത്തു കടക്കാൻ ആയിരുന്നു.അതിനു വേണ്ടി അവനു ഡൌട്ട് അടിക്കാതെ, അവനു ഇഷ്ടപെട്ട ഡ്രസ്സ്‌ ഇടുക, അവൻ കാണാൻ വേണ്ടി തേരാ പാര നടക്കുക, അവൻ ശ്രെദ്ധിക്കാൻ എന്തെങ്കിലും ഒക്കെ തട്ടി ഇടുക, അവന്റെ കണ്ണിൽ നോക്കി ചിരിക്കുക,അവനോടു വഴക്ക് കൂടുക തുടങ്ങി നിരുപദ്രവകരമായ ചില ചെയ്തികൾ ആയിരുന്നു മിക്കവാറും.അങ്ങനെ പള്ളിയുടെ പടി ചവിട്ടാത്ത ഞാൻ ഡെയിലി പള്ളിയിൽ പോവാൻ തുടങ്ങി,ആദ്യം നമ്മുടെ ഒടയ തമ്പുരാനേ ചാക്ക് ഇടണം അല്ലോ.ഇല്ലെങ്കിൽ അങ്ങേരു ആയിരിക്കും ആദ്യം പണി തരുന്നത് .പള്ളിയിൽ പോക്കും എന്റെ കുറുക്കു വഴികളും ഒക്കെ ആയിട്ട് ദിവസങൾ ഒരുപാട് കഴിഞ്ഞു.ഫിലിമിൽ ആയിരുന്നെങ്കിൽ ഒരു പാട്ടിന്റെ സ്കോപ്പ് ഉണ്ടായിരുന്നു സമയം ആണു

വിലയേറിയ ഒരു വർഷം കടന്നു പോയി ഞാൻ 3d ഇയർ കഴിയാറായി. അവൻ പിജി ഫൈനൽ ഇയറും.. എന്നോടൊപ്പം എന്റെ പ്രണയവും വളർന്നു പടർന്നു പന്തലിച്ചു എങ്കിലും അവൻ ഇതൊന്നും അറിഞ്ഞില്ല.അവൻ എന്നല്ല,അഞ്ജലി അല്ലാതെ ചേട്ടനോ ക്രിസ്റ്റിയോ ആൽഫിയോ ഒരു കുഞ്ഞു പോലും അറിഞ്ഞില്ല.അത്രയ്ക്കും ഗംഭീരമായിട്ട് ഞാൻ അഭിനയിച്ചു തകർത്തു.പക്ഷെ ഞാൻ ഒരുപാട് ഒരുപാട് കേറി അങ്ങു പ്രേമിച്ചു കളഞ്ഞു. ഫോണിൽ,ഫേസ്ബുക്കിൽ, ഇമെയിൽ എന്ന് വേണ്ട സകല പപ്രധാന വേർഡ്‌ അവന്റെ പേര്. ഡസ്ക് ടോപ് വോൾപേപ്പർ അവന്റെ ബൈക്ക്, ഫോണിൽ വോൾപേപ്പർ അവൻ.അങ്ങനെ എല്ലായിടത്തും എബിൻ കേറി അങ്ങു നിറഞ്ഞു.ജീവിതത്തിൽ ആദ്യം ആയിട്ട് നോമ്പ് എടുത്തു,അവൻ ട്രിപ്പ്‌ പോവുമ്പോ ഉറക്കം പോയിരുന്നതു എനിക്ക് ആയിരുന്നു.അവനു വേണ്ടി കത്തിച്ച തിരിയുടെ കാശ് ഉണ്ടായിരുന്നേ ഒരു 10,30 ബിരിയാണി എങ്കിലും കഴിക്കാൻ ഉള്ളത് ഉണ്ടായിരുന്നു എന്ന് അഞ്ജലി പറയാത്തത് ദിവസം ഉണ്ടായില്ല..

ആൾകൂട്ടത്തിൽ അവനെ മാത്രം തിരഞ്ഞു.ചിലപ്പോൾ ഒക്കെ കണ്ടുമുട്ടി.സംസാരിച്ചു,രാവിലെയും വൈകിട്ടും അവന്റെ കോളേജിന്റെ മുമ്പിൽ എത്തുമ്പോൾ ഞാൻ ഒന്നു പരതി നോക്കും.ആ ആൽമരചോട്ടിൽ അവൻ എന്നെ ആണു കാത്തു നില്കുന്നത് എന്ന് ചിന്തിക്കുമ്പോ തന്നെ രസം ആയിരുന്നു.പലപ്പോഴും ബസ് മിസ്സ്‌ ആക്കി അവന്റെ ബുള്ളറ്റിൽ കോളേജിൽ ചെന്ന് ഇറങ്ങി.കട്ട താടി ഒക്കെ ഉള്ള, സ്റ്റൈൽ ആയിട്ട് ചിരിക്കുന്ന എബിനെ നോക്കി പെൺപിള്ളേർ വെള്ളം ഇറക്കുന്ന കണ്ടു ഞാൻ അഹങ്കരിചിട്ട ഉണ്ട്.പക്ഷെ അവൻ എന്നോട് ഒരിക്കലും പ്രണയം കാണിച്ചില്ല,ഞാനും.

3 ടെ ഇയർ സ്റ്റഡി ലീവ് തുടങ്ങിയ സമയം ആണു.അറ്റന്റൻസ് നിറയെ ഉള്ളത് കൊണ്ട് സ്റ്റഡി ലീവിന് വരെ ക്ലാസ്സിൽ പോകേണ്ട അവസ്ഥ ആയിരുന്നു.അങ്ങനെ ക്ലാസ്സിൽ പോയ ഒരു ദിവസം, വിദ്യാഭ്യാസബന്ധ ആയിരുന്നു എങ്കിലും പാർട്ടി ഇല്ലാത്ത ഞങ്ങളുടെ കോളേജിൽ അത് ബാധകം അല്ല. ക്ലാസ്സിൽ ആണെങ്കിൽ കാര്യം ആയിട്ട് ആരും വന്നിട്ട് ഇല്ല താനും.. അങ്ങനെ ബോർ അടിച്ചു ചത്തു ഇരിക്കുമ്പോ ആണു തൊട്ടു അടുത്ത മിക്സ്‌ട് കോളേജിലെ ചേട്ടൻമാർ കോളേജിൽ കേറി മണി അടിച്ചു പിള്ളേരെ വിടുന്നത്.സന്തോഷം കൊണ്ട് ചാടി തുള്ളി ബസ് സ്റ്റോപ്പിൽ എത്തി.(എബിനെ കാണാൻ വേണ്ടി മാത്രം ഉള്ള വണ്ടി പൂട്ടി വച്ചു ബസിൽ ആണലോ പോക്ക്)11 മണി ആയിട്ടേ ഉള്ളു.വീട്ടിൽ പോയാൽ ഒറ്റക്ക് ശോകം ആവും അല്ലോ എന്ന് ആലോചിച്ചപ്പോ ആണ് ഐഡിയ കിട്ടിയത്.നേരെ ബസിൽ കേറി എബിന്റെ കോളേജിന് മുന്നിൽ ഇറങ്ങി.ആൾ ഇന്ന് വന്നിട്ടുണ്ടാകണാം, സസ്‌പെൻഡ് ആയതു കൊണ്ട് അറ്റന്റൻസ് ഇല്ലാലോ. എന്തായാലും നിൽപ്പ് വെറുതെ ആയില്ല.എന്റെ ഹൃദയമിഡിപ്പ് കൂട്ടി കൊണ്ട് ബുള്ളെറ്റ് വന്നു നിന്നു. “ആരെ കാണാൻ വന്നത് ആടി?”

“ഇത് നല്ല പാട്,ഞാൻ അഞ്ജനടെ കയ്യിന്നു റെക്കോർഡ് വാങ്ങിയിട്ട് വരുവാണ്..അല്ലാതെ ആരേം കാണാൻ വന്നത് അല്ല “

“ആണോ.. മ്മ്മ്…”ഒന്ന് നിർത്തി അവൻ ചോദിച്ചു “നി വരുന്നോ എനിക്ക് ഒരു ഷർട്ട്‌ എടുക്കാൻ പോണം ആയിരുന്നു” മോനെ മനസ്സിൽ ലഡ്ഡു പൊട്ടി.വൈദ്യൻ കല്പിച്ചതും രോഗി ഇച്ചിച്ചതും പാല് എന്ന് പറഞ്ഞ പോലെ ആയി.

“കാമുകിയെ കൊണ്ട് പോവരുന്നില്ലേ”ഞാൻ ഒന്നു എറിഞ്ഞു നോക്കി,റിയാക്ഷൻ അറിയാൻ വേണ്ടി.

“നി അല്ലേ പറഞ്ഞെ,പെൺപിള്ളേരുടെ പ്രാക്കു കിട്ടിയാ പോവൂലാന്നു..അതുകൊണ്ട് ഞാൻ ആ കേസ് വിട്ടു,കിട്ടിയത് തന്നെ ധാരാളം ആണു” അത് കേട്ടാൽ മതി..ഇനി ഷർട്ട്‌ടുക്കാനോ, സിനിമ കാണാനോ ഏത് കാട്ടിലേക്ക് ആണേലും ഞാൻ റെഡി.ഞാൻ കേറി,ഞങ്ങൾ നേരെ പോയത് ട്രെൻഡ്സിലേക്ക് ആണു..പെൺപിള്ളേരെക്കാൾ കഷ്ടം ആണു കേട്ടോ ആണ്പിള്ളേര്..ഇഷ്ടം ഉള്ളത് കിട്ടുന്ന വരെ തപ്പും..ഒരു 3,4 ട്രയൽ കഴിഞ്ഞു ഒരു ബ്ലൂ ചെക്ക ഷർട്ട്‌ എടുത്തു.ബ്ലൂ അവനു നന്നായി ചേരുന്നുണ്ട്.ഷോപ്പിംഗ് കഴിഞ്ഞു ഫുഡും കഴിച്ചു ഇറങ്ങിയപ്പോ രണ്ടു മണി ആയതേ ഉള്ളു.വീട്ടിൽ പോവാൻ രണ്ടു പേർക്കും മടി എന്നാൽ പിന്നെ ഒന്നു കറങ്ങിയിട്ട് പോവാം അല്ലോ എന്ന് വെച്ച് ബീച്ചിലേക്ക് വെച്ച് പിടിച്ചു.ഇപ്പോൾ ഞങ്ങളെ കണ്ടാൽ ശെരിക്കും കാമുകി കാമുകന്മാർ പോലെ ഉണ്ട്.അവന്റെ ഹെൽമെറ്റ്‌ കയ്യിൽ ഇട്ടു,തോളിൽ പിടിച്ചു ഞാൻ അവനോടു ചേർന്ന് ഇരിക്കുക ആണു.ഒരുപാട് ദൂരം അങ്ങനെ പോണം എന്ന് എനിക്ക് തോന്നി. പെട്ടെന്ന് ബീച്ചിൽ എത്തിയ പോലെ തോന്നുന്നു..ബൈക്ക് അറ്റത്തു കൊണ്ടു പോയി പാർക്ക്‌ ചെയ്തു ഞാൻ അവന്റെ കൂടെ നടന്നു.കടൽകാറ്റ് അവന്റെ മുടിയിൽ തട്ടി പോവുമ്പോ അലസമായി അത് കണ്ണിലേക്കു വീഴുന്നത് കാണാൻ തന്നെ എന്ത് ഭംഗി ആണു.അവൻ വല്ലാതെ ക്യൂട്ട് ആവുന്നു.. അവനെ പിടിച്ചു വലിച്ചു കവിളിൽ ഒരു ഉമ്മ കൊടുക്കാൻ വല്ലാതെ കൊതി വന്നു.

എന്ത് ചെയ്യാൻ ബീച് നിറയെ ആൾകാർ ആണു..ഇത്രെയും നാളു വന്നിട്ട് ആദ്യം ആയിട്ട് ആണു ഇതിനു മാത്രം ആൾകാർ ഇവിടെ കാണുന്നെ.എവിടെ നിന്നു കുറ്റീം പറിച്ചു വരുന്നോ ആവോ.നടപ്പ് തുടങ്ങിയിട്ട് നേരം കുറച്ചു ആയി,അതും ഈ വെയിലത്ത്‌.കാലു വേദനിക്കാൻ തുടങ്ങിയപ്പോ സുല്ല് പറഞ്ഞു ഞാൻ ഒരു ബെഞ്ചിൽ പോയി ഇരുപ്പ് ആയി,എന്റെ തൊട്ടു അടുത്ത അവനും വന്നു ഇരുന്നു.എന്തൊക്കെയോ സംസാരിച്ചു വീണ്ടും ഞങ്ങൾ സസ്പെന്ഷനിൽ തന്നെ എത്തി. “നീ അന്ന് പറഞ്ഞത് എനിക്ക് ശെരിക്കും കൊണ്ടു.ഇങ്ങനെ ഫ്ലർട്ട് ചെയ്തു നടക്കുമ്പോ ഞാൻ അങ്ങനെ ഒന്നും ആലോചിച്ചിട്ട് ഇല്ലാ”

“അതിനിപ്പോ എന്താ.ഇനി ചെയ്യാതെ ഇരുന്നാ മതി”

“അതല്ലെടി,+2 പഠിക്കുമ്പോ ഒരു റിലേഷൻ ഉണ്ടായിരുന്നു,അവളു തേച്ചിട്ട് പോയപ്പോ പിന്നെ വെറുപ്പ്‌ ആരുന്നു എല്ലാ പെൺപിള്ളേരെയും”

“എന്നെയും ?”

അവൻ ചിരിച്ചു.ആ കള്ള ചിരി.

“നീ അല്ലേ ഇപ്പൊ എന്നെ നന്നാക്കിയെ”

“അപ്പൊ നന്നായോ ?”

“സ്ത്രീ വിഷയം ഞാൻ വിട്ടു.വെള്ളമടി, അത് നിർത്തൂല, അവളു പോയപ്പോ തൊടങ്ങിയതാ എന്ന് വെച്ച് ഇപ്പോഴും നിരാശ മോഡ് അല്ല കേട്ടോ..ഇത് ഒരു മൂഡിനു വേണ്ടി ആണു…..സ്റ്റഫ് അടക്കം എല്ലാം ഉണ്ട് അത് ഒക്കെ കാരണം എന്തൊക്കെ പ്രശ്നങ്ങൾ ആണു ഉണ്ടായത്.എല്ലാം നിർത്തണം എന്നൊക്കെ ഉണ്ട് “

“അയ്യേ,ഈ എബിൻ ആണു നല്ലത്. ഇപ്പൊ പെർഫെക്ട് ആയി.ഇനി നന്നായാ കട്ട ശോകം ആവും”

“ആണോ?”

“പിന്നെ ഇല്ലാതെ,ഈ കുരുത്തകേട് ഒക്കെ അക്‌സെപ്റ് ചെയ്ത സ്നേഹിക്കുന്ന ഒരു പെണ്ണ് മതി “

“എന്നെ ഒക്കെ ആര് സ്നേഹിക്കാൻ ആടി,എല്ലാം കാശ് കണ്ടിട്ട് ആണു ” ആഹ് ബെസ്റ്റ്.അപ്പൊ ഞാനോ..ഞാൻ പ്രേമിച്ചതേ മിസ്റ്റർ പെർഫെക്ട് ആയ എബിനെ അല്ല.ഈ തല്ലു കൊള്ളിയെ ആണു.. എന്നിട്ട് ആണു പൊട്ടൻ

“അങ്ങനെ ഒന്നും ഇല്ലാ..എവിടെയോ ഏതോ ഒരുത്തി ഉണ്ട്.അതിനെ കർത്താവ്‌ കാണിച്ചു തരുമ്പോ അങ്ങ് കെട്ടിയ മതി” ആ പെണ്ണ് ആവാൻ നിനക്ക് ഇഷ്ടം ആണോടി എന്ന് ഒന്ന് ചോദിക്കും എന്ന് ഞാൻ പ്രതീക്ഷിച്ചു.അപ്പോ തന്നെ കഴുത്തു നീട്ടി കൊടുത്തേനെ…ഈ മണ്ടൻ മനസിലാക്കി വരുമ്പോ എന്നെ കെട്ടിച്ചു വിടും എന്ന് തോന്നുന്നു.

ഉണ്ടായാ മതി എന്ന് പറഞ്ഞു അവൻ എണീറ്റു

“ഞാൻ ഐസ് ക്രീം വാങ്ങിയിട്ട് വരാം..നിനക്ക് ഏതാ ഫ്ലെവർ?”

ചോക്ലേറ്റ് എന്ന് വിളിച്ചു പറഞ്ഞു അവൻ പോവുന്നത് ഞാൻ നോക്കി ഇരുന്നു.ഒരു സ്ട്രോബെറിയും ഒരു ചോക്ലേറ്റ്ഉം വാങ്ങി അവൻ തിരിച്ചു വന്നു..എന്നോട് കൂടുതൽ ചേർന്ന് ആണു ഇരുന്നത്.സംസാരിക്കുന്നതിന് ഇടക്ക് ഐസ് ക്രീം കുറെ അലിഞ്ഞു പോയി.വിരലിൽ പടർന്നു ഒഴുകിയതും നക്കി എടുത്തു വന്നപ്പോ ഞങ്ങളുടെ മുഖത്തു ഒക്കെ ഐസ്ക്രീം ആയി..അവന്റെ താടിയിലും മീശയിലും ഒക്കെ പിങ്ക് കളർ ആയി.ചിരിച്ചു കൊണ്ടു അത് ഒപ്പി കൊടുക്കുമ്പോ ഞങ്ങളുടെ കണ്ണുകൾ ഉടക്കി.ഒരു സെക്കന്റ്‌ അങ്ങനെ തന്നെ നിന്നിട്ട് ഞാൻ കണ്ണുകൾ മാറ്റി..ഐസ്ക്രീം നിറഞ്ഞ ചൂണ്ടു വിരൽ ഞാൻ ന്റെ വായിൽ വച്ചു ചപ്പികൊണ്ടു ചിരിച്ചു.

“ദേ നിന്റെ മുഖത്തു ഉണ്ട്”

“എവിടെ,പോയോ ?” ചുണ്ടിന്റെ വശം അമർത്തി തുടച്ചു കൊണ്ട് ഞാൻ ചോദിച്ചു.ഇല്ലാ എന്ന് പറഞ്ഞു കൈ നീട്ടിയ അവൻ പെട്ടെന്ന് കൈ വലിച്ചു.അവന്റെ കണ്ണിൽ വീണ്ടും ആ കള്ള ചിരി നിറഞ്ഞു.അവന്റെ മുഖം അടുപ്പിച്ചു എന്റെ ചുണ്ടിൽ നിന്നു ഒഴുകിയ ചോക്ലേറ്റ് അവൻ അവന്റെ ചുണ്ട് കൊണ്ട് ഒപ്പി എടുത്തു.അറിയാതെ ഞാൻ കണ്ണുകൾ അടച്ചു.അവന്റെ വലിയ ചുണ്ടുകൾ എന്റെ പാതി തുറന്ന വായിലേക്ക് കേറി.എന്റെ കീഴ്ചുണ്ട അവന്റെ ചുണ്ടുകൾക്കിടയിൽ അമർന്നു. രണ്ടു കൈകളും കൊണ്ട് എന്നെ ചുറ്റി പിടിച്ചു അവൻ നുകർന്നു എടുക്കുമ്പോ ഞാൻ പ്രതിഷേധിചില്ല,എന്റെ കൈകൾ അവന്റെ കഴുത്തിലും മുടിയിലും പരതി നടന്നു.ഞാൻ അത് ആസ്വദിക്കുക ആയിരുന്നു…മതിയാവോളം വലിച്ചു കുടിച്ചു എന്റെ കണ്ണിലേക്കു നോക്കി അവൻ ചോദിച്ചു, “നിനക്ക് എന്നെ സ്നേഹിക്കാൻ പറ്റുമോ?”ഈശ്വരാ എന്റെ ശ്വാസം നിന്നു പോയോ.. ഒരു 100 ജന്മം സ്നേഹിക്കാൻ റെഡി ആയിട്ട് നിക്കുന്ന എന്നോടോ…ഇത് കേൾക്കാൻ അല്ലേ ഈ പാട് മുഴുവൻ പെട്ടത്.ഒന്നും പറയാതെ അവനെ അമർത്തി ചുംബിക്കുമ്പോ കണ്ണ് നിറഞ്ഞു..

സന്തോഷം കൊണ്ടാ..ഇനി ഇതിൽ കൂടുതൽ എന്താ വേണ്ടത്.അവന്റെ ചൂടു പറ്റി,അവന്റെ കുഞ്ഞുങ്ങളുടെ അമ്മ ആയി,അവനു വേണ്ടി ജീവിച്ചു തീർക്കാൻ ഉള്ളതാണ് എന്റെ ജീവിതം.സന്തോഷം കൊണ്ട് പൊട്ടി ചിരിക്കാൻ ആണു തോന്നിയത്.

“നീ ന്താ പകൽ ഇരുന്നു സ്വപ്നം കാണുന്നോ “ഒരു കൈയിൽ ഐസ്ക്രീം ക്രീം നീട്ടികൊണ്ട് എബിൻ നില്കുന്നു..അപ്പോ കണ്ടത് മുഴുവൻ സ്വപ്നം ആയിരുന്നോ.നശിപ്പിച്ചു..നല്ല ഫ്ലോ ഉണ്ടായത് ആണു.ഐസ്ക്രീം നുണഞ്ഞു അവൻ എന്റെ അരികിൽ ഇരിക്കുമ്പോഴും തിരിച്ചു കൊണ്ട് ആകുമ്പോഴും എന്റെ ചിരി മാഞ്ഞിരുന്നില്ല..ഉള്ളിൽ ഇരുന്നു ആരോ പറയും പോലെ ഇവൻ നിന്റെ മാത്രം ആണെന്ന്.ഏതായാലും 3,4 കൊല്ലത്തെ ഗ്യാപ് ഇന് ഇടയിൽ ഇവനെ ഒന്നു വളക്കാൻ സമയം എന്തായാലും കിട്ടും.പഠിപ്പ കഴിയും വരെ ന്തായാലും എന്നെ കെട്ടിക്കാൻ പോണില്ല. ഡിഗ്രി കയിഞ്ഞു പപ്പായെ സോപ്പ് ഇട്ടു ഇവന്റെ കാര്യം പറയണം എന്നൊക്കെ പ്ലാൻ ചെയ്ത ഞാൻ എന്റെ പ്രേമോം ആയിട്ട് തകർത്തു മുന്നോട്ടു പോകുന്ന അവസരത്തിൽ ആണു അടുത്ത പണി പ്ലെയിൻ പിടിച്ചു വരുന്നത്..ഇത്തവണ പുറത്തു നിന്നും ഒന്നും ആല്ല. സ്വന്തം കുടുംബത്തിൽ നിന്നു ഫെമി ചേച്ചിയുടെ രൂപത്തിൽ.അത് എന്റെ ആഗ്രഹങ്ങൾ എന്നെക്കും ആയി തകർത്തു എറിയാൻ ഉള്ളത് ആയിരുന്നു എന്ന് എനിക്ക് അറിയില്ലായിരുന്നു.

പപ്പയുടെ പെങ്ങളുടെ ഹൌസ് വാർമിംഗ് നു പോയ സമയത്തു ആണു,ആന്റിമാരും കെട്ടിച്ചു വിട്ട ചേച്ചിമാരും കൊണ്ടുപിടിച്ച ചർച്ച.ഫെമി ചേച്ചിക്ക് അപ്പൊ 23 വയസ് ആണു,പ്രായം അത്രേ ആയ സ്ഥിതിക്ക് കെട്ടിച്ചു വിടാൻ ഉള്ള ചർച്ചകൾ ആണു നടക്കുന്നത്.എനിക്ക് പൊരിഞ്ഞ സന്തോഷം അടിച്ചു പൊളിക്കും ചെയ്യാം 3,4 ദിവസം എബിനെ അടുത്ത കിട്ടുകയും ചെയ്യും.അപ്പോഴാനു കത്തിയ പൂത്തിരി മുഴുവൻ കെടുത്തി അപ്പു ചേട്ടന്റെ അമമയുടെ ഡയലോഗ് “ഇവൾക്ക് വേണ്ടി നമ്മുടെ എബിനെ ആലോചിച്ചാൽ എന്താ,അതാവുമ്പോ പുറത്തു കെട്ടിച്ചു വിട്ടെന്ന് ഓർത്തു വിഷമിക്കണ്ടല്ലോ”

“ശെരിയാ,നല്ല പയ്യൻ ആണ്” ക്രിസ്റ്റിയുടെ വക കമന്റും .”അളിയൻ ആകാൻ പറ്റിയ ഐറ്റം”

ഇത് കേട്ടപ്പോൾ എന്റെ കിളി പോയി..ആകെ ഉണ്ടായ ആശ്വാസം ചേച്ചിക്ക് ഇഷ്ടം ആയിരിക്കില്ല എന്ന് ആയിരുന്നു.എന്റെ ആ പ്രതീക്ഷയും തെറ്റിച്ചു നൈസ് ആയി ഒന്ന് ചിരിച്ചു ചേച്ചി എണീറ്റു പോവുക ആണു ചെയ്തത്.

പിന്നെ എല്ലാം പെട്ടെന്ന് ആയിരുന്നു.എനിക്ക് ചിന്തിക്കാൻ പോലും സമയം തരാതെ ആന്റിമാർ എല്ലാം കൂടെ കല്യാണം അങ്ങു ഫിക്സ് ചെയ്തു.ചേച്ചിയെ അവനു കെട്ടിച്ചു കൊടുക്കുന്നത്തിൽ എല്ലാർക്കും പൊരിഞ്ഞ സന്തോഷം.ചേട്ടൻ ഡബിൾ ഹാപഎന്റെ എല്ലാ പ്രതീക്ഷകളും തെറ്റിച്ചു സൂപ്പർ ഫാസ്റ്റ് ആയിട്ടു പ്രൊപോസൽ അങ്ങ് നടപടി ആവുന്ന ലക്ഷണമ് ആണു.2 കൊല്ലം കാര്യമായി പ്രേമിച്ച ചെക്കനെ എങ്ങനെ ചേട്ടൻ എന്ന് വിളിക്കാൻ ആണു.പക്ഷെ ഞാൻ ഒഴികെ എല്ലാവരും സന്തോഷത്തിൽ ആണു. അവന്റെ പഠിത്തം കഴിഞ്ഞാൽ ചേട്ടന്റെ കൂടെ പുറത്തേക്കു പോവും,സെറ്റിൽ ആവാൻ 1 വർഷം.ഇപ്പോ ഉറപ്പിച്ചു വച്ചാൽ ഒരു വർഷത്തെ ഗ്യാപ് അവനു കിട്ടും.അത് കഴിഞ്ഞു കല്യാണം.ഇത്രെ സിമ്പിൾ ആണു പ്ലാൻ. ഞാൻ ആദ്യം കാര്യം ആയി എടുത്തില്ല എങ്കിലും ഇവിടെ എല്ലാവരും സീരിയസ് ആയി മുന്നോട്ടു പോവാൻ തുടങ്ങിയപ്പോൾ എനിക്ക് പേടി കൂടി വന്നു.അങ്കിൾ അവന്റെ പപ്പയെ വിളിച്ചു എന്ന് കൂടി ആയപ്പോൾ തീരുമാനം ആയി.

എങ്ങനെ ഒക്കെ ആലോചിച്ചിട്ടു ഒരു വഴിയും വരാതെ ആയതു കൊണ്ടു അഞ്ജലിയുടെ അടുത്തേക്ക് ആണു ഓടിയത്. എല്ലാം കയ്യിൽ നിന്നു പോയി എന്ന് എനിക്ക് മനസിലായി.ചെന്ന് പാടെ അവളെ കെട്ടിപിടിച്ചു ഒറ്റ കരച്ചിൽ ആയിരുന്നു. എന്റെ കരച്ചില് കണ്ടപ്പോ അവൾക്കും സഹിക്കാൻ പറ്റണില്ല. അവനെ വിളിച്ചു സംസാരിക്കാം എന്ന് അവൾ പറഞ്ഞു. എന്തിനു.. അവൻ ഒരിക്കലും ചേച്ചിയെ വേണ്ടാന്ന് പറയില്ല, അത്രെ പാവം ആണ് എന്റെ ചേച്ചി.തുടക്കം മുതലേ അവനു ചേച്ചിയോട് ഒരു സോഫ്റ്റ്‌ കോർണർ ഉണ്ട് താനും. അവനെ പോലെ ഒരു തല്ലു കൊള്ളിക്കു നല്ലത് ചേച്ചിയെ പോലെ ഒരു പാവത്തിനെ അല്ലേ. ഇന്നേവരെ ഞങ്ങളോട് ചോദിക്കാതെ ഒന്നും ചെയ്തിട്ട് ഇല്ലാത്ത ചേച്ചി ആശിച്ചു പോയെങ്കിൽ എങ്ങനെ ആണു ഞാൻ. ചെലപ്പോ അവനും അത് ആയിരിക്കും ഇഷ്ടം.

എന്നെ ഒരു അനിയത്തിയെ പോലെ ആണു കണ്ടിട്ട് ഉള്ളത് എങ്കിലോ.ഇതിപ്പോ ഞാൻ ഒഴികെ എല്ല്ലാരും ഹാപ്പി ആണു. ഞാൻ ആയിട്ട് ആരുടേം സന്തോഷം തല്ലി കെടുത്താൻ നിക്കുന്നില്ല. ഞാൻ പറഞ്ഞതിൽ എന്തൊക്കെയോ വാസ്തവം ഉണ്ടെന്നു അവൾക്കു തോന്നി കാണും. അവളു കൊറെ എന്നെ ആശ്വാസിപിച്ചു.

രണ്ടു വീട്ടുകാരും സംസാരിച്ചു ഏതാണ്ട് ഉറപ്പിച്ചു. എനിക്ക് നല്ല സങ്കടം ഉണ്ടായി എങ്കിലും ഞാൻ അതൊന്നും കാണിച്ചില്ല. എല്ലാവരുടെയും കൂട്ടത്തിൽ കൂടി ഞാനും ചേച്ചിയെ കളിയാക്കി. പക്ഷെ അവന്റെ മുമ്പിൽ പോയി നില്കാൻ ഉള്ള ശക്തി എനിക്ക് ഉണ്ടായില്ല. പരമാവധി ഞാൻ അവനെ ഒഴിവാക്കി. പക്ഷെ അങ്ങനെ എപ്പോഴും പറ്റില്ലാലോ നാളെ ഞാൻ എന്റെ ചേട്ടന്റെ സ്ഥാനത്തു കാണേണ്ട ആൾ ആണു. മനസ്സിൽ നിന്നും പറിച്ചു കളയാൻ തന്നെ ഞാൻ തീരുമാനിച്ചു..അങ്ങനെ രണ്ടു രണ്ടര കൊല്ലം എടുത്തു ഞാൻ പണിതു ഉയർത്തിയ സ്വപ്‌നങ്ങൾ എല്ലാം ആരും അറിയാതെ ഒരു ചീട്ടു കൊട്ടാരം പോലെ തകർന്നു വീണു,വെറും 2 ആഴ്ച കൊണ്ട്.

അന്ന് ഒരു ഞായറാഴ്ച ആയിരുന്നു. വൈകിട്ടത്തെ കുർബാന കഴിഞ്ഞു എന്നെ പറഞ്ഞു പറ്റിച്ച കർത്താവിനോട് പരാതി പറഞ്ഞു വരുന്ന വഴി ആണു.ഇപ്പോ കഥയുടെ കിടപ്പു നിങ്ങൾക്ക് മനസിലായല്ലോ.. ഏതെങ്കിലും ഒരു പൊട്ടനെ കെട്ടാൻ ആയിരിക്കും എന്റെയും വിധി എന്ന് ആശ്വസിച്ചു ഞാൻ വോൾപേപ്പർ, പാസ്സ്‌വേർഡ്‌ അടക്കം എല്ലാം മാറ്റി.വല്ലാത്ത ഒരു ദേഷ്യം ആണു തോന്നുന്നത് അവനോടു അവന്റെ കൊച്ചു തമാശകളിൽ ഒന്നു ആയിരുന്നോ ഞാനും. അന്ന് എന്നെ ഉമ്മ വച്ചതും ഇനി കിട്ടുന്നത്തിൽ നിന്നു കുറച്ചോ എന്ന് പറഞ്ഞതും ആൾകൂട്ടത്തിനിടയിൽ ചേർത്തു പിടിച്ചതും ഞാൻ പറഞ്ഞപ്പോൾ നന്നായി എന്ന് പറഞ്ഞതും എനിക്ക് തന്ന ചിരിയും നോട്ടവും എല്ലാം കള്ളം ആയിരുന്നോ

അതെ സമയം എബിനും ചേട്ടനും കോട്ടയത്ത്‌ ആയിരുന്നു..എല്ലാ ഞായറാഴ്ചയും അങ്ങനെ ആണു.പതിവുപോലെ ഒരു ഫുൾ ബോട്ടിൽ എംസി പൊട്ടിച്ചു പകർത്തി ചേട്ടന് കൊടുത്തു,എബിൻ ഒരു വിൽസ് എടുത്തു കത്തിച്ചു.

“എടാ എനിക്ക് ഒരു കാര്യം പറയാൻ ഉണ്ട് “

“എന്താടാ,വിൽസ് തീർത്ത നീ പന്നെ ?”

“അതല്ലെടാ മൈരെ”

“എന്നാ പറയി”

“നിനക്ക് അറിയാല്ലോ എന്റെ സ്വഭാവം.പിന്നെ എന്തിനു ആണു ഇങ്ങനെ ഒരു പ്രൊപോസൽ.ഞാൻ എത്ര പെൺപിള്ളേരെ എന്തൊക്കെ ചെയ്തിട്ടുണ്ട് എന്ന് കൃത്യം ആയി നിനക്ക് അറിയാല്ലോ.”

“എടാ, കാര്യം നമ്മൾ ഒക്കെ കൊറെ ചീപ്പ്‌ ആണു എങ്കിലും നീ എന്റെ പെങ്ങളെ പറ്റികില്ല എന്ന് എനിക്ക് അറിയാം പിന്നെ എന്താടാ പ്രശ്നം “

“അതല്ല,ഞാൻ….. അവളെ…ഫെമിയെ അങ്ങനെ ഇന്നേവരെ കണ്ടിട്ടില്ല.എനിക്ക് ഒരു അനിയത്തിയെ പോലെ ആണു..അവൾ..”

“അന്നാ മോളോ ?”

“ഏഹ് ?”

“അന്നയില്ലേ… അവളോ?”

“അന്നാ….”

“മ്മ്മ് ?”

“അത്,അത് എനിക്ക് അറിയില്ല..അവൾ അങ്ങനെ ഒന്നും……”

“അവളു കാണിച്ചോ ഇല്ലയോ എന്ന് അല്ല,നിനക്ക് ഇഷ്ടം ആണോ എന്നാ എനിക്ക് അറിയേണ്ടത് ?”

“എടാ,നിന്റെ വീട്ടുകാർക് എന്നെ വെല്യ കാര്യം ആണു.അപ്പോ അവിടെ ഇത്രേം ഫ്രീഡം എനിക്ക് തരുമ്പോ നിന്റെ പെങ്ങളെ കേറി പ്രേമിക്കുന്ന എങ്ങനെ ആണ് “

“അപ്പൊ ഇഷ്ടം ഇല്ലാ ?”

“ഇഷ്ടകുറവു ഒന്നും ഇല്ലാ”

“എടാ മൈരെ,ഇത് നിന്റെ വായിന്നു കേൾക്കാൻ നോക്കി ഇരിക്കുവാരുന്നു.നിനക്ക് അവളെ ഇഷ്ടം ആണെന്ന് എനിക്കും അറിയാം.ഈ പ്രൊപോസൽ ആയിട്ട് വന്നപ്പോ എങ്കിലും പറയും എന്ന് വിചാരിച്ചു.എവിടുന്നു..”എബിന്റെ കയ്യിൽ നിന്നു സിഗരറ്റ് വാങ്ങി ആഞ്ഞു വലിച്ചു ചേട്ടൻ തുടർന്നു “അവൾ ആണെങ്കിലോ, എല്ലാവരും സന്തോഷം ആയി ഇരിക്കട്ടെ എന്ന് കരുതി ഒരക്ഷരം മിണ്ടിയില്ല,നിങ്ങൾക്ക് രണ്ടിനും വേണ്ടെങ്കിൽ ഞാൻ എന്തിനാ കെടന്നു ചാവുന്നേ എന്ന് ഞാനും അങ്ങ് വിചാരിച്ചു”

“അന്നാ അങ്ങനെ പറഞ്ഞോ “എബിന്റെ കണ്ണുകളിൽ ആകാംഷ നിറഞ്ഞു

“പത്തു ഇരുപതു കൊല്ലം ആയെടാ,അവളെ കാണുന്നെ..എനിക്ക് അറിയാം…. നീ ആണു അവളെ മനസിലാക്കാതെ പോയത്”

“ടാ,ഒരു വഴി പറഞ്ഞു താടാ”

“കോപ്പ്,ഇതിപ്പോ എല്ലാരോടും പറഞ്ഞിട്ട് എന്ത് പറഞ്ഞു ഒഴിയാൻ ആണു.നിന്റെ അപ്പനോട് എന്ത് പറയും,പോട്ടെ ഫെമിയോട് എന്ത് പറയും…”

“പെട്ടു…………… അല്ലേ?”

“അതെ, തീർച്ചയായുംപെട്ടു..”

തുടരും….