💖ഹൃദയബന്ധം

“ഹലോ….ഹലോ കുഞ്ചു ഫോൺ cut ആക്കരുത്. Plz ഞാൻ പറയുന്നത് ഒന്ന് കേൾക്ക്.”

“എനിക്കറിയാം അപ്പു നിനക്ക് എന്താ പറയാനുള്ളത് എന്ന്. പക്ഷെ അതൊന്നും കേൾക്കാൻ പറ്റിയ അവസ്ഥയിൽ അല്ലടാ ഞാൻ. എനിക്ക് വലുത് എന്റെ അച്ഛന്റേം അമ്മടേം സന്തോഷമാ. അവര് പറയുന്ന ആളെ മാത്രേ ഞാൻ വിവാഹം കഴിക്കൂ.”

“നീ ഇല്ലാതെ എനിക്ക് ജീവിക്കാൻ പറ്റില്ല കുഞ്ചു.”

“അപ്പു plz ഇനിയും എന്നെ വിളിച്ച് ശല്യം ചെയ്യരുത്!”

“ഹലോ ഹലോ…..”

ഫോൺ ചുവരിലേക്ക് വലിച്ചെറിഞ്ഞ് ഞാനെന്റെ ദേഷ്യം തീർത്തു. എന്തിനാണ് അവളെന്നെ ചതിച്ചത്?? അവളെ ഞാൻ ഒരുപാട് സ്നേഹിച്ചതല്ലേ?? എന്നിട്ടും എന്നോട്……….

1 വർഷത്തിന് മുൻപ്………….

“Birthday ആയിട്ട് നീ എനിക്ക് ചെലവ് ചെയ്തോ മയിരെ.”

“അഹ് ഒന്നടങ്ങ് പൂറാ. എല്ലാ birthday ക്കും പത്തും പതിനഞ്ചും bear അല്ലെ ഞാൻ വാങ്ങി തന്ന് നീ മോന്തിട്ടുള്ളെ??”

“ഓഹോ അപ്പൊ നീ കണക്ക് പറയുവണല്ലേ??”

“കണക്ക് പറഞ്ഞതല്ല ടാ മയിരെ ഇന്നൊരു change ന് നമ്മക്ക് വേറെന്തെലും ചെയ്താലോ??”

“വേറെന്ത്??”

“അതാ ഞാനും അലോചിക്കുന്നെ!”

“വാ സിനിമക്ക് പോവാം.”

“അയ്യേ ഊളത്തരം. നമ്മക്ക് trip അടിച്ചാലോ??”

“എങ്ങോട്ട്??”

“Goa.”

“കേക്കാനൊക്കെ സുഖമുണ്ട്. പക്ഷെ ഈ goa എവിടാന്ന് അറിയോ??”

“ചോയിച്ച് ചോയിച്ച് പോവാം.”

“അപ്പൊ വീട്ടുകാര്??”

“ചേച്ചിയോട് ഞാൻ വിളിച്ച് പറയാം. പിന്നെ അമ്മാവനോടും അമ്മായിയോടും ചേച്ചി പറഞ്ഞോളും.”

“അവസാനം നിന്റെ ചേച്ചി അതായത് എന്റെ മുറപ്പെണ്ണ് പറയാണ്ടിരുന്ന മതി.”

“എന്തോന്ന്??”

“അല്ല എപ്പളും അവള് പറയണത് ഞാനാ നിന്നെ വശളാക്കുന്നത് എന്നാ.”

“പോട്ടേടോ ചേച്ചീടെ സ്വഭാവം നിനക്കും അറിയാവുന്നതല്ലേ?? നമ്മള് ഇന്ന് night ഗോവക്ക് പോകുന്നു. നാളെ night തിരിച്ചു വരുന്നു. Ok.”

“Ok.”

അന്ന് അന്നാ ട്രിപ്പായിരുന്നു എല്ലാത്തിന്റെയും തുടക്കം. പപ്പു എന്നോട് പറഞ്ഞതാ വിശ്വസിക്കരുത് ചതിക്കുമെന്ന്. കേട്ടില്ല. വിശ്വസിച്ചുപ്പോയി. സ്നേഹിച്ചുപ്പോയി. ഇല്ല അവളില്ലാത്ത ലോകത്ത് ഞാനും ഇല്ല. ഏതവന്റെയോ പെണ്ണായി അവൾ ജീവിക്കുന്നത് കാണാൻ എനിക്കാവില്ല. കട്ടിലിൽ നിന്ന് എഴുന്നേറ്റ് മുറി വിട്ട് ഞാൻ പുറത്തേക്കിറങ്ങി. ചേച്ചിയെ ഒന്ന് കാണണം. കുഞ്ഞിലെ അച്ഛൻ മരിച്ചു. അമ്മ ഏവന്റെയോ കൂടെ ഒളിച്ചോടി. കാക്കക്കും പൂച്ചക്കും കൊടുക്കാണ്ട് എന്നെ വളർത്തി ഈ നിലയിൽ എത്തിച്ചു.

എനിക്ക് വേണ്ടി ആ പാവം സ്വന്തം ജീവിതം വരെ തുലച്ചു. ചേച്ചിയെ പൊന്ന് പോലെ നോക്കണം എന്നതായിരുന്നു എന്റെ ആഗ്രഹം. എന്നാ എന്റെ മനസ്സ് ഇന്നലെ കണ്ട ഒരു പെണ്ണ് കാരണം ചത്തു. വാതിൽ ചാരിട്ടെ ഉണ്ടായിരുന്നുള്ളൂ. പയ്യെ അകത്ത് കേറി. പാവം ഒന്നും അറിയാണ്ട് സുഖായി ഉറങ്ങുവാ. കണ്ണീര് അണപൊട്ടി ഉഴുകി. വയ്യ ഇനിയും നിന്ന ഞാൻ കരഞ്ഞുപോകും. അടുത്ത ജന്മവും എന്റെ ഈ ചേച്ചീടെ അനിയനായി ജനിക്കണേ ഭഗവാനെ. പപ്പു അവളെ നന്നായ് നോക്കും. എന്റെ ചേച്ചീടെ പ്രായം ആണേലും അവൻ തന്ന freedom അതൊന്ന് കൊണ്ട് മാത്രമാണ് എടാ പോടാന്നും മയിരെന്നും ഒക്കെ വിളിക്കണേ. അവനെ കൂടി അവസനമായിട്ട് ഒന്ന് കാണണം എന്നുണ്ട് പക്ഷെ വേണ്ട. ആത്മാവ് മരിച്ചു കഴിഞ്ഞ ഈ ശരീരത്തെ കൂടെ അങ്ങ് ഇല്ലാണ്ടാക്കണം. അതായിരുന്നു ലക്ഷ്യം. മുൻ വാതിൽ തുറന്ന് പുറത്തേക്കിറങ്ങി. വെളിയിൽ തന്നെ ഉണ്ടായിരുന്നു നാട്ടുകാര് ഓമന പേരിട്ട് വിളിക്കുന്ന കാലൻ. ktm rc 390 എന്നോടൊപ്പം ഇതും ഇല്ലാതാവണം. അന്ന് ചേച്ചിക്കും എനിക്കും ഒരേപോലെ ഇഷ്ട്ടപ്പെട്ട ഒരു വണ്ടി നോക്കി വച്ചതാ. അപ്പളാ അവൾക്ക് ഇഷ്ട്ടപ്പെട്ട വണ്ടി ഇതാണെന്നും ഇത് തന്നെ അപ്പു വാങ്ങിയ മതീന്നും അവള് പറഞ്ഞത്. അന്നാദ്യമായി ചേച്ചിയെ ധിക്കരിച്ച് വാങ്ങിയതാ ഈ കാലനെ. അവൾടെ ഓർമ്മക്കായി ഒന്നും വേണ്ട. വണ്ടി ഒരുട്ടി റോഡിലേക്കിറക്കി. അവളില്ലാണ്ട് ആദ്യയിട്ടാ ഇത്‌ ഓടിക്കുന്നെ. ഇതിന്റെ പിന്നില് ചേച്ചിയോ പപ്പുവോ കേറിട്ടില്ലാ. അവൾക്ക് മാത്രമായിരുന്നു ഇതിന്റെ പിൻസീറ്റ്. എപ്പളത്തെ കാലും speed കൂട്ടി തന്നെ ഓടിച്ചു. എത്രയും വേഗം ഏതേലും വണ്ടിക്കിടയിൽ കേറണം. വണ്ടിയോടിക്കുന്നതിനിടയിൽ പലരുടെയും ശബ്‌ദം കാത് തുളച്ചു കേറി. പലരുടെയും മുഖം കണ്ണിൽ മിന്നി മാഞ്ഞു. കണ്ണൊന്ന് അടച്ചു തുറന്നു. ഇപ്പൊ എന്റെ മുന്നിൽ കാലൻ ഒരു ലോറിയുടെ രൂപത്തിൽ. വീണ്ടും കണ്ണുകൾ അടച്ചു. വേണ്ട വേണ്ടാന്ന് ചെവിക്കുള്ളിൽ ഇരുന്ന് ആരോ പറയുമ്പോലെ. രണ്ട് കൈ കൊണ്ട് ചെവിയും പൊത്തി. മരണത്തിലേക്ക്…..

“കുഞ്ചു………………………..”

അവസാനനിമിഷം കണ്ണുകൾ കൂമ്പി അടയുമ്പോൾ ഞാൻ എന്റെ മുന്നിൽ കണ്ടത് വേറേതോ രണ്ട് മാന്പേട കണ്ണുകൾ. ആ കണ്ണുകളിൽ ഞാൻ കണ്ടത് ചെയ്ത് തീർക്കേണ്ട ഒരുപാട് ആഗ്രഹങ്ങൾ. അവസാന നിമിഷം വിരലുകൾ പതിയെ അനക്കാൻ ശ്രമിച്ചു. പക്ഷെ ആയില്ല. പൂർണമായും കണ്ണ് അടഞ്ഞു. കണ്ണടയും മുന്നേ രക്തത്തിൽ കുളിച്ച ആ കണ്ണ് എന്നെ തന്നെ നോക്കുന്നുണ്ടായിരുന്നു. എന്തൊക്കെയോ പറയുന്ന പോലെ………

3 മാസങ്ങൾക്ക് ശേഷം……….

“ഹലോ അപ്പുവിന്റെ ചേച്ചിയല്ലേ??”

“അഹ് സിസ്റ്റർ.”

“ഇത്രയും നാള് പ്രാർഥിച്ചതിന് അർത്ഥം ഉണ്ടായി. അപ്പു കണ്ണ് തുറന്നു.”

“ദേവി. സിസ്റ്റർ എനിക്കൊന്ന് കാണാൻ??”

“ഡോക്ടർ പറഞ്ഞിട്ടില്ല. ഒരര മണിക്കൂർ കഴിയട്ടെ.”

അത്രയും പറഞ്ഞ് അവർ ICU വിന് ഉള്ളിലേക്ക് പോയി.

“അമ്മു.”

അവൾ തിരിഞ്ഞു നോക്കി. പപ്പു ആണ്.

“പപ്പു അവൻ കണ്ണ് തുറന്നു. എന്റെ മോനൂ കണ്ണ് തുറന്നു.”

“ഈശ്വരാ. എന്നിട്ടവനെ നീ കണ്ടോ??”

“ഇല്ല വിളിക്കാന്ന് പറഞ്ഞു.”

വീണ്ടും സമയം യുഗം പോലെ അവർ തള്ളി നീക്കി. കഴിഞ്ഞ മൂന്ന് മാസം തീ തിന്നുവായിരുന്നു അവർ. ഊണും ഉറക്കവും ഇല്ലാണ്ട് ഉള്ളുരുകി പ്രാര്ഥിക്കുവായിരുന്നു. തന്റെ അനിയന് ആക്‌സിഡന്റ് പറ്റിയന്നും ഹോസ്പിറ്റലിലേക്ക് എത്തിച്ചു എന്നും ആരോ പാതിരാത്രി വിളിച്ചു പറഞ്ഞപ്പോ ചങ്ങ് പൊട്ടി ഓടുവായിരുന്നു ആ ചേച്ചി. തന്റെ പൊന്നനുജന് ഒന്നും വരുത്തരുതെ ദേവി എന്ന പ്രാർത്ഥനയുമായി.

“ഒരാൾക്ക് അപ്പുനെ കേറി കാണട്ടോ.”

അത് വരെ പപ്പുവിന്റെ തോളിൽ ചാരി ചെറുമയക്കത്തിൽ ആയിരുന്ന അമ്മു സിസ്റ്ററിന്റെ ശബ്‌ദം കേട്ടതും ഞെട്ടി എഴുന്നേറ്റു.

“പോയി കാണ് അമ്മു.”

തിടുക്കത്തിൽ അവൾ ICU വിന് ഉള്ളിലേക്ക് ഓടി.

ചുറ്റും പുകപടലം മാത്രം. ഒന്നും നേരെ കാണാൻ വയ്യ. ആരൊക്കെയോ ചുറ്റും നടക്കുന്നുണ്ട്. മുഖവും വ്യക്തമല്ല. എല്ലാരുടെയും വേഷം വെള്ളയും വെള്ളയും ആണ്. അരുടേക്കെയോ ശബ്‌ദം കേൾക്കുന്നുണ്ട്. ഇനി ഇത്‌ സ്വർഗം വല്ലതും ആണോ. ഏയ് സ്വർഗം ആണേ ദൈവങ്ങളൊക്കെ കാണോലോ?? പിന്നെ ഇത് ഏതാ സ്ഥലം?? ഏതായാലും ഒന്നുറപ്പായി ഞാൻ മരിച്ചു.

“മോനൂ…………”

എഹ് ഇതെന്റെ ചേച്ചിയല്ലേ?? ചേച്ചിയെന്താ ഇവിടെ?? ഇനി ഞാൻ മരിച്ച വാർത്ത അറിഞ്ഞ് ചേച്ചിയും?? ഏയ് ഇല്ല എന്റെ ചേച്ചി ജീവിക്കണം സന്തോഷത്തോടെ.

“അപ്പു ഞാൻ കാരണാ നിനക്കീ അവസ്ഥ വന്നേ മാപ്പ് പറഞ്ഞാൽ ഒന്നുമാവില്ല എന്നറിയാം. എന്നാലും എന്നോട് ഷെമിക്കണം നീ. ഞാൻ വരുവാ നിന്റെ അടുത്തേക്ക്……”

ഞാൻ ഞെട്ടി കണ്ണ് തുറന്നു. ഇപ്പൊ എന്റെ മുന്നിൽ പുകപടലങ്ങൾ ഇല്ല. കുറെ ഡോക്ടർമാരും നേര്സമാരും. ചുറ്റിനും പേരറിയാത്ത കുറെ മെഷിനുകളും. നെഞ്ചിൽ വല്ലാത്ത ഭാരം പോലെ.

“മോനൂ ചേച്ചിയെ നോക്കടാ.”

വീണ്ടും എന്റെ ചേച്ചീടെ ശബ്‌ദം. തല ഒരു വശത്തേക്ക് ചരിച്ചു. ഹൃദയം പൊടിഞ്ഞു പോയി ആ കാഴ്ച കണ്ട്. പഴയ ഐശ്വര്യം തുളുമ്പുന്ന ആ മുഖം ഇപ്പൊ ഇല്ല. കരഞ്ഞ് തളർന്ന് ആകെ കോലം കെട്ടു. ഞാൻ നോക്കിയത് കണ്ടാണെന്ന് തോന്നുന്നു ഒഴുകിയിറങ്ങിയ കണ്ണുനീര് തുടച്ച് ചിരിക്കാൻ ശ്രമിച്ചു ചേച്ചി. അതിലും അവൾ തോറ്റുപ്പോയി.

“മോനൂ ചേച്ചിയെ കൂട്ടാതെ എന്തിനാ ഒറ്റക്ക് ചാവാൻ പോയേ??”

ശബ്‌ദം പുറത്ത് വരാതെ അവൾ എങ്ങലടിച്ച് കരഞ്ഞു. ഈ നിമിഷം അങ്ങ് ഭൂമി പിളർന്ന് പോയിരുന്നെങ്ങി എന്ന് പോലും ഞാൻ ആഗ്രഹിച്ചു. ഞാൻ ചെയ്തത് വല്യ തെറ്റ് തന്നെയാ. പൊറുക്കാൻ പാടില്ലാത്ത തെറ്റ്. എന്നെ വളർത്തി വലുതാക്കിയ എന്റെ ചേച്ചിയെ ഒറ്റക്കാക്കി ഒരു പെണ്ണ് തേച്ച വിഷമത്തിൽ ഞാൻ ചാവാൻ പോയിരിക്കുന്നു. ഞാനും കരഞ്ഞു. പക്ഷെ കണ്ണീര് പുറത്തേക്ക് വന്നില്ല.

“മോനൂന് വേഗം ബേധം ആവൂട്ടോ.”

എന്റെ നെറ്റിയിൽ അവൾ ചുണ്ടമർത്തി. സ്നേഹ ചുംബനം.

“ചേച്ചി സോറി.”

മുഖത്തെ ഓക്സിജൻ മാസ്‌ക് മാറ്റി ഞാൻ പറഞ്ഞു. ഒരു നിറഞ്ഞ പുഞ്ചിരി അതായിരുന്നു മറുപടി. അല്ലാതെ എന്ത് പറയാൻ?? കുറച്ചു നേരം കൂടി അവളെന്നോടൊപ്പം ഉണ്ടായിരുന്നു. ഡോക്ടർ പുറത്തേക്ക് നിക്കാൻ ആവശ്യപ്പെട്ടു. അവളിറങ്ങി പോകുമ്പോ പണ്ട് നേഴ്സറി സ്കൂളിൽ എന്നെ കൊണ്ടാക്കിയ ശേഷം ഗേറ്റ് കടക്കുമ്പോ ആ മുഖത്തുണ്ടാകുന്ന സങ്കടം അത് ഞാൻ ഇപ്പൊ വീണ്ടും കണ്ടു.

പല പല ഇൻജക്ഷനുകൾ, പല പല ട്രിപ്പുകൾ. അതെല്ലാം ശരീരത്തിൽ ഏറ്റപ്പോ രണ്ട് ദിവസം കൊണ്ട് തന്നെ എന്നെ വാർഡിലേക്ക് മാറ്റി. ചേച്ചി, പപ്പു, അമ്മാവൻ, അമ്മായി എല്ലാരും ഉണ്ടായിരുന്നു. ആരും ഒന്നും പറഞ്ഞ് കുറ്റപ്പെടുത്തിലാ. അല്ലെ തന്നെ ഇനി കുറ്റപ്പെടുത്തിട്ട് എന്ത് കാര്യം?? രാത്രി എനിക്ക് കൂട്ടിരിക്കാം എന്ന് പപ്പു പറഞ്ഞെങ്കിലും അവളതിന് സമ്മതിച്ചില്ല. അതികം ഭക്ഷണം ഒന്നും കൊടുക്കണ്ട എന്നായിരുന്നു ഡോക്ടർമാരുടെ ഓർഡർ. അതുകൊണ്ട് തന്നെ ഒന്നോ രണ്ടോ ബ്രെഡ് പിച്ചു തന്നു. അത് തന്നെ ആവും അവളും കഴിച്ചിട്ടുണ്ടാവുക.

“ചേച്ചി……”

കിടക്കാൻ നേരം നിലത്ത്‌ ബെഡ്‌ഷിറ്റ് വിരിക്കുവായിരുന്നു അവളെ ഞാൻ വിളിച്ചു.

“എന്താ മോനൂ മൂത്രോഴിക്കാൻ പോണോ??”

“അതല്ല. ചേച്ചിക്ക് ബുദ്ധിമുട്ട് ആവില്ലേ ഇവിടെ കിടന്നൂടെ??”

“എനിക്ക് എന്ത് ബുദ്ധിമുട്ടാ മോനു?? പിന്നെ മോനൂന് വയ്യാത്തതല്ലേ അതുമല്ല നേഴ്സ്മാർ കണ്ടൊണ്ട് വരുവാണേ അതിനും കേക്കണം ചിത്ത. അതാ ഞാൻ.”

“എന്നാലും കുറച്ച് നേരത്തേക്ക് ഇവിടെ കിടന്നൂടെ??”

പിന്നെ എതിര് പറഞ്ഞില്ല. വണ്ണം തീരെ ഇല്ല. അതുകൊണ്ട് തന്നെ ചേച്ചിക്ക് കിടക്കാൻ ഒരിത്തിരി സ്ഥലം മതി. ഏറെ വർഷത്തിന് ശേഷമാ ഞാനും ചേച്ചിയും ഒരുമിച്ചിങ്ങനെ കിടക്കണേ. അറിയാണ്ട് കണ്ണ് നനഞ്ഞു.

“ദേവി, എന്തിനാ മോനൂ കരയണേ?? വേദന എടുക്കണുണ്ടോ ഡോക്ടറെ വിട്ടിക്കട്ടെ??”

കട്ടിലീന്ന് ചാടി കൂട്ടി എണീച്ച് ആദിയോടെ ചേച്ചി തിരക്കി.

“ചേച്ചി കിടന്നേ. എനിക്കൊരു വേദനേം ഇല്ല.”

“പിന്നെന്തിനാ മോനൂ നീ കരഞ്ഞേ?? ചേച്ചിയോട് കള്ളം പറയുവാ??”

“നമ്മള് കുറെ വർഷങ്ങൾക്ക് ശേഷം അല്ലെ ചേച്ചി ഇങ്ങനെ ഒരുമിച്ച് കിടക്കണേ അതോർത്തപ്പോ അറിയാണ്ട് കണ്ണ് നിറഞ്ഞതാ.”

“അന്നെനിക്ക് എന്തോരം സങ്കടം ആയെന്നറിയോ?? എന്നും ഒരുമിച്ച് കിടന്നോണ്ടിരിന്നിട്ട് പെട്ടന്ന് ഒരു ദിവസം നീ വേറെ മുറിയിലേക്ക് മാറിയപ്പോ. ഞാൻ കരഞ്ഞില്ലാന്നേ ഉളളൂ.”

“ചേച്ചി മനപൂർവം അല്ല. നീ വല്യ ചെറുക്കൻ ആയില്ലേ ഇനിയും ചേച്ചീടെ കൂടെ കിടക്കാണ്ട് ഒറ്റക്ക് കിടന്നൂടെ എന്നൊക്കെ അമ്മാവനും അമ്മായിയും ചോദിച്ചപ്പോ ഞാനും ആലോചിച്ചു. പിന്നെ ശെരിയാന്ന് തോന്നി.”

“ഓഹോ അപ്പൊ ആ രണ്ടെണ്ണം ആണ് എന്റെ മോനൂനെ വേറെ റൂമിലോട്ട് മാറ്റാൻ കാരണം. നാളെ ഇങ്ങോട്ട് വരൂലോ. കാണിച്ചു കൊടുക്കാം ഞാൻ.”

“ചേച്ചി ഈ നിസ്സാര കാര്യത്തിന് വെറുതെ ഒന്നും ചോദിക്കാൻ പോണ്ടാ.”

“മോനൂന് ഇത് നിസ്സാര കാര്യം ആയിരിക്കും. പക്ഷെ എനിക്കങ്ങനെ അല്ല.”

പിന്നെ കുറെ നേരത്തേക്ക് നിശബ്ദത മാത്രം.

“മോനൂ…..”

“Mm”

“ചേച്ചി മോനോട് സീരിയസ് ആയിട്ട് ഒരു കാര്യം പറയുവാണ്.”

“എന്താ ചേച്ചി??”

“ഹൃദയം ഇല്ലാണ്ട് ഒരു മനുഷ്യന് ജീവിക്കാൻ പറ്റില്ല. മോനുന് ആക്‌സിഡന്റ് ആയെന്നും ഹോസ്പിറ്റൽ എത്തിച്ചുന്നും ആരോ വിളിച്ച് പറഞ്ഞപ്പോ സർവ്വ ദൈവങ്ങളെയും വിളിച്ചോണ്ട് ഒരു ഓട്ടമായിരുന്നു ഞാൻ. കുറെ മണിക്കൂറുകൾ പ്രാർത്ഥനയും കരച്ചിലും ആയിരുന്നു. എനിക്കെന്താ ചെയ്യേണ്ടെന്ന് അറിയില്ലായിരുന്നു. പപ്പുനെ വിളിച്ചു. പേടിക്കണ്ട ഉടനേ വരാന്ന് അവൻ പറഞ്ഞിട്ടും എനിക്ക് പേടിയായിരുന്നു. പെട്ടന്നൊരു ഡോക്ടർ എന്റെ അടുത്തേക്ക് വന്നു. മോനുന്റെ heart ന് എന്തോ തകരാറുണ്ട് heart beat

കുറഞ്ഞോണ്ടിരിക്കുവാ ഉടനെ ഹൃദയം മാറ്റി വെക്കണം എന്നായിരുന്നു ആ ഡോക്ടർ പറഞ്ഞേ. വാവിട്ട് കരയാൻ മാത്രേ എനിക്കായുള്ളൂ. അപ്പോഴേക്കും പപ്പുവും അവിടെയെത്തി. അവൻ എന്നെ എന്തൊക്കെയോ പറഞ്ഞ് സമാധാനിപ്പിച്ചു. അറിയാവുന്ന എല്ലാ ദൈവങ്ങളെയും വിളിച്ച് ഞാൻ പ്രാർത്ഥിച്ചു. ഒടുക്കം ഞാനൊന്ന് തീരുമാനിച്ചു എന്റെ ഹൃദയം നിനക്ക് തരുക. പപ്പു എന്നെ തടഞ്ഞു. പക്ഷെ അപ്പൊ എനിക്കെന്റെ ജീവനെക്കാൾ പ്രധാനം എന്റെ മോനൂന്റെ ജീവനായിരുന്നു. ഞാനെന്റെ തീരുമാനത്തിൽ തന്നെ ഉറച്ചുനിന്നു. എന്നാൽ ദൈവം അവിടെയും എന്നെ കൈവെടിഞ്ഞു. test ചെയ്തപ്പോ എന്തൊക്കെയോ പ്രശ്നങ്ങൾ. ആകെയുണ്ടായിരുന്ന പ്രതീക്ഷയും അസ്തമിച്ചു. അവസാന നിമിഷം വരെ ദൈവം എന്നെ കണ്ണീര് കുടിപ്പിച്ചു. ഒടുക്കം ദൈവം എന്റെ പ്രാർഥന കേട്ടു. നിനക്ക് match ആയിട്ടുള്ള ഒരാളെ കിട്ടി. ആ കുട്ടിക്ക് ക്രിട്ടിക്കൽ ആയിരുന്നു. ആ കുട്ടിടെ അച്ഛൻ സമ്മതിച്ചു. എന്റെയൊരു ഒപ്പും കൂടെ വേണമായിരുന്നു. ആദ്യം ഞാൻ തിരഞ്ഞത് ആ കുട്ടിടെ അച്ഛനെയായിരുന്നു. പക്ഷെ എങ്ങും കണ്ടില്ല. ഓപ്പറേഷൻ നല്ല രീതിയിൽ തന്നെ കഴിഞ്ഞു. 24 മണിക്കൂറിനുള്ളിൽ നീ കണ്ണ് തുറക്കും എന്ന് ഡോക്ടർമാർ പറഞ്ഞു. പക്ഷെ അവിടെയും ദൈവം എന്നെ പരീക്ഷിച്ചു. 3 മാസം. മുന്നോളം മാസം വരെ പ്രാർത്ഥനകളും വഴിപാടുകളുമായി എന്റെ മോനൂ കണ്ണ് തുറക്കാൻ കാത്തിരുന്നു ഞാൻ.”

ഞാൻ ഞെട്ടിലാ. പകരം എന്റെ കൈകൾ ഞാൻ പോലും അറിയാതെ എന്റെ ഇടത് നെഞ്ചിൽ പതിഞ്ഞു. ഈ ഹൃദയമിടിപ്പ് എന്നോട് എന്തൊക്കെയോ വിളിച്ച് പറയും പോലെ.

കുറച്ച് നേരം കൂടെ എന്നോടൊപ്പം കിടന്ന ശേഷം ചേച്ചി നിലത്ത്‌ വിരിച്ച ബെഡ്‌ഷിറ്റിലേക്ക് ചുരുണ്ടുകൂടി. അരുടേതായിരിക്കും ഈ ഹൃദയം?? മനസ്സ് നിറയെ സംശയം.

“ചേച്ചി……”

“എന്താ മോനൂ മൂത്രോഴിക്കാൻ പോണോ??”

“അതല്ല. എനിക്ക് ഹൃദയം തന്ന് സഹായിച്ചത് ആരാ??”

“ഞാൻ നിന്നീന്ന് ഒന്നും ഒളിക്കുന്നില്ല. ഒരു പെണ്കുട്ടിയാ. പിന്നെ ആ കൊച്ചിന്റെ മുഖം ഞാൻ കണ്ടു. നല്ല ഐശ്വര്യം ആണ് കാണാൻ. അങ്ങനെ കിടക്കുമ്പോളും ആ മുഖത്ത് ഒരു ചിരി ഉണ്ടായിരുന്നു.”

അത് പറയുമ്പോ ചേച്ചീടെ മുഖത്ത് വിഷമം നിഴലിച്ചത് ഞാൻ കണ്ടു. നെഞ്ചില് ചെറുതായിട്ട് വേദനയുണ്ട്. കണ്ണടച്ച് കിടന്നു പതിയെ മയക്കത്തിലേക്ക്.

“കുഞ്ചു ഒരുമ്മ താടി…”

“നടക്കില്ല മോനെ അതെല്ലാം കല്യാണ ശേഷം.”

“എന്ത് സ്വഭാവാടി നിന്റെ??”

“അഹ് എന്റെ സ്വഭാവം ഇങ്ങനെയാ.”

“ഇനി എന്നോട് മിണ്ടാൻ വരല്ലും.”

“അപ്പോഴേക്കും പിണങ്ങിയോ?? ഇപ്പൊ എന്താ ഒരുമ്മയല്ലേ ഞാൻ തരാം”

“സത്യം??”

“അഹ് കണ്ണടക്ക്.”

“Mm വേഗം താ കുഞ്ചു.”

ഞെട്ടി കണ്ണുകൾ തുറന്നു. നെഞ്ച് വല്ലാതെ വേദനിക്കുന്നു. പറ്റുന്നില്ല അവളെ മറക്കാൻ. പല തവണ ശ്രമിച്ചു നോക്കി അവളുമായുള്ള ഓർമകൾ ഇല്ലാതാക്കാൻ. ഒന്നിനും കഴിയുന്നില്ല. ചെവിക്കകത്ത് അവളുടെ ശബ്‌ദം മാത്രം. രണ്ട് കൈക്കൊണ്ടും ചെവി പൊത്തിപിടിച്ചലറി.

“മോനൂ എന്താടാ വേദന എടുക്കുന്നുണ്ടോ?? പറയാടാ, ദേവി എന്റെ മോന് ഒന്നും വരുത്തല്ലേ.”

ചേച്ചിയുടെ ശബ്‌ദം. കാഴ്ച മങ്ങാൻ തുടങ്ങി. അരക്കെയോ ഓടി വന്ന് ബലമായി എന്നെ പിടിച്ച് കിടത്തി. കയ്യിൽ ഇൻജഗ്ഷൻ വച്ചു. പിന്നെ പതിയെ പതിയെ കണ്ണുകൾ അടഞ്ഞു. അടയും നേരം ഞാൻ കണ്ടു എന്നെ തന്നെ മിഴിച്ചു നോക്കുന്ന രണ്ട് മാന്പേട കണ്ണുകളെ.

“ഇന്നലെ മോനൂ ഒരുപാട് കരഞ്ഞു. ചെവിയും പൊത്തി പിടിച്ച കരഞ്ഞേ. പിന്നെ രണ്ട് നേഴ്‌സമാര് വന്ന് പിടിച്ച് കിടത്തി മയങ്ങാനുള്ള ഇൻജഗ്ഷൻ കൊടുത്തു. അപ്പഴാ അവനൊന്ന് ഉറങ്ങിയ തന്നെ.”

“നീ എന്തേലും കഴിച്ചോ അമ്മു??”

“ഇല്ല. എന്നാ നീ പോയി വല്ലതും കഴിക്ക്.”

“എനിക്കൊന്നും വേണ്ട. എന്റെ മോനു ഇങ്ങനെ കിടക്കുമ്പോ എനിക്കെങ്ങനെ കഴിക്കാൻ പറ്റും??”

“നീ ഇങ്ങനെ പറഞ്ഞാൽ എങ്ങനാ നീ പോയി വല്ലതും കഴിക്ക്. അവനൂടെ എന്തേലും വാങ്ങിക്ക്. ഡോക്ടർ പറഞ്ഞല്ലോ ഇനി എന്തേലും കൊടുക്കാന്ന്. ഞാനിവിടെ ഇരിക്കാം. നീ പോയിട്ട് വാ.”

രാവിലെ തന്നെ ചേച്ചിടേം പപ്പുന്റേം വർത്താനം കേട്ടാ കണ്ണ് തുറക്കണേ. തലക്കെന്തോ ഭാരം പോലെ.

“അഹ് നീ എഴുന്നേറ്റോ??”

“മോനൂ ചേച്ചി പോയി എന്തേലും വാങ്ങിട്ട് വരാവേ.”

ഞാൻ തലയാട്ടി.

“ഇന്നലെ എന്താടാ നിനക്ക് പറ്റിയെ??”

ചേച്ചിയങ്ങോട്ട് ഇറങ്ങിയതും അവൻ ചോദിച്ചു.

“അറിയില്ല ടാ. ഭയങ്കര ചെവി വേദനയായിരുന്നു.”

അവനോട് അങ്ങനാ പറയാനേ ആയുള്ളൂ.

“Mm. നിന്നോട് ഒരു കാര്യം പറയാനുണ്ട്.”

“എന്താടാ??”

“അവളോട് പറഞ്ഞപ്പോ നിന്നെ അറിയിക്കണ്ടാന്നാ പറഞ്ഞേ. പക്ഷെ നീ അത് അറിയണം. നിന്റെ കുഞ്ചുന്റെ കല്യാണമാ ഇന്ന്.”

“ടാ എന്നെയൊന്ന് തനിച്ച് വിടോ??”

പിന്നെയവൻ അവിടിരുന്നില്ല. വെളിയിലേക്കിറങ്ങി.

2 ആഴ്ചക്കുള്ളിൽ തന്നെ ഡിസ്സ്‌ചാര്ജ് കിട്ടി. നേരെ വീട്ടിലേക്ക്. ഇപ്പൊ ഞങ്ങള് ഒരുമിച്ച കിടക്കണേ. എന്തോ ഭാഗ്യത്തിന് അവൾ അമ്മാവനോടും അമ്മയിയോടും ഒന്നും ചോദിച്ചില്ല. മറന്നതായിരിക്കും. പുറത്തോട്ടുള്ള കറക്കം ഞാൻ പാടെ ഉപേക്ഷിച്ചു. മുറിയിൽ തന്നെ ചടഞ്ഞു കൂടി ഇരിപ്പായി. ചിരിക്കാൻ പോലും മറന്നു എന്ന് പറയാം. ചേച്ചിക്കൊരു ജോലിയുണ്ട്. ജംഗ്ഷനിൽ ഉള്ള ഒരു ബേക്കറിയിൽ. രാവിലെ എല്ലാം വച്ചുണ്ടാക്കിട്ട് പോകും. സമയം കിട്ടുമ്പോളൊക്കെ വിളിക്കും. പിന്നെ കുറച്ചു മാറി തന്നെയാ പപ്പുന്റെ വീടും. അവന് flipcart ലാ ജോലി. അമ്മാവനും അമ്മായിയും ഇടക്കൊക്കെ വന്ന് നോക്കും. പതിവ് പോലെ എല്ലാം ഉണ്ടാക്കി എന്നോട് യാത്രയും പറഞ്ഞവളിറങ്ങി.

🎶Ulagame agasivappil aanadhe Unadhu naanam sindhiye Uravae adhile naan vasipadhal Naan un azhaginile Deivam unargiren Undhan aruginile Ennai unarugiren🎶

ഫോൺ റിങ് ചെയ്യുന്ന കേട്ടാണ് കട്ടിലിൽ ചുമ്മ ഓരോന്ന് ആലോചിച്ച് കിടക്കുവായിരുന്ന ഞാൻ ഞെട്ടി എഴുന്നേറ്റത്. ചാർജില് ഇട്ടേക്കുവായിരുന്നു. പോയി നോക്കിയപ്പോ പപ്പുവാണ്.

“ഹലോ പറയാടാ”

“അഹ് എടാ നിനക്കൊരു ജോലി ശെരിയായിട്ടുണ്ട്.”

“ആണോ എവിടെ??”

“അവളറിയണ്ട. എന്നെ കൊല്ലും. പിന്നെ നീ എനിക്ക് സ്വയിരം തരാത്തത് കൊണ്ട നോക്കിയേ.”

“നീ എവിടാന്ന് പറയടാ.”

“ഒരു IT കമ്പനിയിലാ. താല്പര്യം ഉണ്ടേ നാളെ രാവിലെ എന്റെ കൂടെ പോര്.”

“എന്തൊക്കെ വേണം??”

“അവര് പറഞ്ഞത് +2 ജയിച്ച സർട്ടിഫിക്കറ്റ് വേണം എന്ന.”

“അത് മാത്രം മതിയല്ലോ??”

“മതിയാവും. എന്നാ ശെരിടാ. ഒരു ഓർഡർ കൊടുക്കാന്ന്ണ്ട്.”

അവൻ ഫോൺ വച്ചു. ഞാൻ ജോലിക്ക് പോണത് ചേച്ചിക്ക് ഇഷ്ടമല്ല. പക്ഷെ ഇങ്ങനെ ചുമ്മായിരുന്നാ പഴയ ഓർമകൾ എന്നെ കാർന്ന് തിന്നും. അത് കൊണ്ട് ചേച്ചിയറിയാണ്ട് പപ്പുനോട് പറഞ്ഞതാ ഒരു ജോലി തരപ്പെടുത്തി തരാൻ. സർട്ടിഫിക്കറ്റ് ഇപ്പളേ എടുത്ത് വയ്ക്കാന്ന് വിചാരിച്ചു. എന്റെ മുറിയിലുള്ള അലമാരയില ഇരിക്കുന്നെ. ഹോസ്പിറ്റലിന്ന് വന്ന ശേഷം എന്റെ മുറിയിലേക്ക് കേറിയതെ ഇല്ല. കേറാൻ തോന്നില്ല എന്നതാണ് സത്യം.

അലമാരക്ക് ഉള്ളിൽ നിന്ന് സർട്ടിഫിക്കറ്റ് തപ്പുമ്പോളാണ് ആ ഫോട്ടോ കണ്ണിൽ പെട്ടത്. വിറയാർന്ന കൈകളാൽ അതെടുത്തു. കരയാതിരിക്കാൻ ആയില്ല. കളിക്കാണേ പോലും അന്നാ മഴയത്ത് ഇടിഞ്ഞു പൊളിഞ്ഞു കിടന്ന ആ കാവിന്റെ നടേന്ന് ചെറുപൂ മാല കഴുത്തിൽ ചാർത്തി നിക്കുന്ന ഞാനും കുഞ്ചുവും. അവൾ തന്നെ എടുത്ത സെൽഫി ആയിരുന്നു അത്. ഇന്നവൾ അരൂടെയോ ഭാര്യയാ. സഹിക്കാൻ പറ്റുന്നില്ല. കുഞ്ചു ഈ ചതി എന്നോട് തന്നെ വേണമായിരുന്നോ?? എന്ത് തെറ്റാടി ഞാൻ നിന്നോട് ചെയ്തേ?? എത്രയൊക്കെ കരയാണ്ടിരിക്കാൻ ശ്രമിച്ചിട്ടും ആയില്ല. അലമാര വലിച്ചടച്ച് അതിൽ ചാരിയിരുന്ന് കരഞ്ഞു. എത്രയോ നേരം. കരഞ്ഞ് കരഞ്ഞ് കണ്ണീര് വറ്റിയപ്പോ എഴുന്നേറ്റു. നേരെ പോയത് അടുക്കളയിലേക്കാ. കണ്ണുടക്കിയത് കത്തിയിലും. അറിയാതെ കൈകൾ അങ്ങോട്ടേക്ക് ചലിച്ചു. കണ്ണുകൾ അടച്ച് കഴുത്തിന് നേരെ കത്തി കൊണ്ട് വന്നു.

“ഹലോ മാഷേ…..”

പിന്നിൽ നിന്നും ഒരു പെണ്ണിന്റെ ശബ്‌ദം. ഞെട്ടി കൈയിലിരുന്ന കത്തി താഴെ പോയി. ഞാൻ തിരിഞ്ഞു നോക്കി. കറുത്ത ചുരിതാർ അണിഞ്ഞ ഒരു പെണ്കുട്ടി.

“ആരാടി നീ?? നിയെങ്ങാനാ ഉള്ളി വന്നേ??”

“അഹ് ഒന്നടങ്ങ് മാഷേ. ഞാനൊന്ന് പറയട്ടെ.”

“നിയൊന്നും പറയണ്ട. ആരുല്ലാത്ത വീട്ടിൽ മോഷ്ടിക്കാൻ വന്നതല്ലേ നീ??”

“ആരുല്ലാത്ത വീടോ?? അപ്പൊ മാഷേന്താ ആളല്ലേ??”

“നീ കൂടുതല് സംസാരിക്കണ്ട. ഞാൻ പോലീസിനെ വിളിക്കും. കള്ളി.”

“ദേ മാഷേ, മാഷിനെ സഹായിച്ച ഒരാളല്ലേ ഞാൻ ആ എന്നെ കള്ളീന്ന് വിളിക്കാവോ??”

“നീയെന്നെ സഹായിച്ചെന്നോ?? നീയാരെന്ന് പോലും എനിക്കറിയില്ല. നിന്നെ ആദ്യയിട്ടാ ഞാൻ കാണുന്ന പോലും.”

“മാഷേന്നെ കണ്ടിട്ടില്ല. പക്ഷെ ഞാനും മാഷും തമ്മിൽ ഒരു ബന്ധം ഉണ്ട്.”

“എടി കള്ളി നീയെന്തൊക്കെയാ ഈ പറയണേ?? ആദ്യം നീ പറഞ്ഞു എന്നെ സഹായിച്ചിട്ടുണ്ടെന്ന് ദേ ഇപ്പൊ പറയണു ഞാനും നീയും തമ്മി ബന്ധം ഉണ്ടെന്ന്. പെണ്ണെന്ന് പറയണ വർഗ്ഗത്തെ വിശ്വസിക്കാൻ കൊള്ളില്ല. നുണച്ചികള്.”

“എല്ലാ പെണ്ണുങ്ങളേം ഒരുപോലെ കാണരുത് മാഷേ. മാഷിനെ ഏതോ ഒരു കുട്ടി ചതിച്ചെന്നും പറഞ്ഞ് എല്ലാരും അങ്ങനെ ആവണം എന്നില്ലല്ലോ??”

“നിനക്കിതൊക്കെ എങ്ങനെ അറിയാം?? നീ വല്ലോം മാത്രവാദിനിയും ആണോ??”

“എന്റെ മാഷേ ഒന്ന് ചിരിപ്പിക്കാണ്ട് പോയേ. എന്റെ പേര് അച്ചു. ഞാനും മാഷും തമ്മിലൊരു ബന്ധം ഉണ്ട്.”

“ബന്ധം ഉണ്ട് ബന്ധം ഉണ്ടെന്ന് പറയുന്നല്ലോ എന്ത് ബന്ധോ ഞാനും നീയും തമ്മിലുള്ളേ??”