❤️അനന്തഭദ്രം 8❤️

നീ അരികിൽ നിൽക്കും നേരം പ്രണയം കൊണ്ടെൻ കരൾ പിടയും,,,നീ തൊട്ടുണർത്തുമ്പോൾ നക്ഷത്രമാകും ഞാൻ,,,നീ ചേർന്ന് നിൽക്കുമ്പോൾ എല്ലാം മറക്കും ഞാൻ,,,, പാദസരങ്ങളണിഞ്ഞ നിൻ പാദമുദ്രകളിൽ അധരം ചേർക്കും ശലഭമായ് മാറിടും ഞാൻ…””” ************************

സ്വന്തം കാതുകളെ വിശ്വസിക്കുവാൻ സാധിക്കാതെ ഞാൻ ഇരുന്നു…. സ്റ്റിയറിങ്ങിൽ അമർന്ന കൈത്തലം പതിയെ തളരുന്നതായി അനുഭവപ്പെട്ടു……ചുറ്റും അന്തരീക്ഷത്തിൽ രക്തചുവപ്പ് പടർത്തിയ അസ്തമയസൂര്യന്റെ പശ്ചാത്തലത്തിൽ,, കാതുകളിൽ അലയടിക്കുന്ന വാഹനങ്ങളുടെ ഘോരശബ്ദത്തിനിടയിലും സ്വന്തം ഹൃദയത്തിന്റെ തീവ്രഗതിയിലുള്ള പിടപ്പ് ശരീരമാകമാനം വ്യാപിക്കാൻ തുടങ്ങിയത് ഞാൻ അറിയുന്നുണ്ടായിരുന്നു..……….

“സർ,,, ഞാൻ സാറിനെ തിരിച്ചു വിളിക്കാം “ ഇടറിയ ശബ്ദത്തിൽ അത്രയും പറഞ്ഞൊപ്പിച്ചു കൊണ്ട് ഞാൻ കാൾ കട്ട്‌ ചെയ്തു…പതിയെ സീറ്റിലേക്ക് ചാരിയിരുന്നു…തലയിലാകെ ഒരു പെരുപ്പ് അനുഭവപ്പെട്ടു…ശരീരമാകെ തളർന്നു പോകുന്ന പോലെ…. ഇരു കൈത്തലവും സ്റ്റിയറിങ്ങിൽ അമർത്തി കൊണ്ട് ഞാൻ സീറ്റിലേക്ക് ഒന്ന് കൂടെ ചാരിയിരുന്നു പോയി…. പെട്ടെന്നാണ് ഫോൺ റിങ് ചെയ്തത്….ഞാൻ വേഗം ഞെട്ടിത്തരിച്ചു കൊണ്ട് നേരെയിരുന്നു…മനസ്സിലെ സംഘർഷങ്ങൾ പകർന്ന ഒരു നിമിഷത്തെ അങ്കലാപ്പിൽ നിന്നും മനസ്സാന്നിധ്യം വീണ്ടെടുത്ത് ഡിസ്‌പ്ലെയിലേൽക്ക് നോക്കി….

“”അമ്മൂസ്..❤️ calling…….”” എന്റെ ശ്വാസഗതി പതിയെ താളത്തിലായ നിമിഷമായിരുന്നു അത്…. സങ്കടവും സന്തോഷവും ഒരേ സമയം ഇരച്ചെത്തിയ നിമിഷം….. ഞാൻ വേഗം കാൾ അറ്റൻഡ് ചെയ്തു….

“”അമ്മു നീ ഇതെവിടെയാ…എത്ര നേരമായി ഞാൻ വിളിക്കുന്നു…. “” തെല്ലു ദേഷ്യത്തോടെയാണ് ചോദിച്ചതെങ്കിലും ഉള്ളിലെ പരിഭ്രാന്തി കാരണം എന്റെ ശബ്ദം ഇടറിയിരുന്നു…..

“”സോറി അനന്തേട്ടാ……ഒരു അബദ്ധം പറ്റി എനിക്ക്…എല്ലാം പറയാം…ഞാൻ ഇപ്പോൾ മ്മ്‌ടെ കാർ കിടക്കുന്നതിന്റെ ഓപ്പോസിറ്റ് നിൽക്കുന്നുണ്ട്….. “”

ഭദ്ര പറയുന്നത് കേട്ട് ഞാൻ കാറിൽ നിന്നും ഇറങ്ങി നോക്കിയപ്പോൾ റോഡിന്റെ ഓപ്പോസിറ്റ് സൈഡിൽ പാർക്ക് ചെയ്തിരുന്ന ഒരു റെഡ് കളർ Ford Figoയിൽ നിന്ന് ഭദ്ര ഇറങ്ങി വരുന്നതാണ് ഞാൻ കണ്ടത്….എന്നെ നോക്കി ചിരിച്ചെങ്കിലും ഭദ്രയുടെ ആ ചിരി പെട്ടെന്ന് തന്നെ മാഞ്ഞു…..മുഖത്തെ ഗൗരവം തിരിച്ചറിഞ്ഞതും ഞാൻ നല്ല ദേഷ്യത്തിലാണെന്ന് അവൾക്ക് മനസ്സിലായി കാണണം….കാൾ കട്ട്‌ ചെയ്ത് കൊണ്ട് അവൾ ഫോൺ ഹാൻഡ് ബാഗിലേക്ക് ഇട്ടു…. അപ്പോഴാണ് തൊട്ട് പിന്നാലെ കാറിന്റെ ഡ്രൈവിംഗ് സീറ്റിൽ നിന്നും ഗംഗ ഇറങ്ങി വന്നത്……പെട്ടെന്ന് ഭദ്രയെ ഗംഗയോടൊപ്പം അവിടെ വച്ച് കണ്ട അമ്പരപ്പിൽ ഞാൻ പതിയെ റോഡ് ക്രോസ്സ് ചെയ്ത് അവരുടെ അരികിലേക്ക് നടന്നു….

അടുത്തെത്തിയ എന്നെ നോക്കി എന്റെ പെണ്ണ് പിന്നെയും ചിരിച്ചെങ്കിലും അത് ഗൗനിക്കാത്ത മട്ടിൽ ഗംഗയെ മാത്രം നോക്കി പരിചയഭാവം കാണിച്ചത് അവളെ തെല്ലു പരിഭവപ്പെടുത്തിയെന്ന് അപ്പോഴത്തെ ആ മുഖഭാവത്തിൽ നിന്നും എനിക്ക് മനസ്സിലായി…..എങ്കിലും ഞാൻ അത് ശ്രദ്ധിക്കാത്ത മട്ടിൽ നിന്നു….

“”ഹായ് അനന്തു…കുറെ നേരമായോ ഭദ്രയെ കാത്തു നിൽക്കാൻ തുടങ്ങിയിട്ട്…ഞങ്ങൾ ഹോസ്പിറ്റലിൽ വച്ച് കണ്ടതാ….അനന്തു ഇവിടെ വെയിറ്റ് ചെയ്യുന്നുണ്ടാകും എന്ന് ഭദ്ര പറഞ്ഞപ്പോൾ ഞാൻ ഡ്രോപ്പ് ചെയ്യാമെന്ന് പറഞ്ഞു കൂടെ കൂട്ടി….. “””

എനിക്കൊരു ഷേക്ക്‌ ഹാൻഡ് തന്നിട്ട് പുഞ്ചിരിയോടെ ഗംഗ അത് പറഞ്ഞപ്പോൾ ഞാൻ ഭദ്രയെയും മറികടന്ന് ഗംഗയുടെ അരികിലായി നിന്നു……ആ സമയം ഗംഗയും സംസാരത്തിനിടയിൽ എന്റെ അടുത്തേക്ക് ചേർന്നു നിന്നിരുന്നു…..

“”താങ്ക്സ് ഫോർ ദ ലിഫ്റ്റ്…. പറഞ്ഞ സമയമായിട്ടും ഇവളെ കാണാതെയായപ്പോൾ ഞാൻ ഹോസ്പിറ്റലിലേക്ക് വരാൻ നിൽക്കുകയായിരുന്നു…. അല്ല ഗംഗ എന്താ ഹോസ്പിറ്റലിൽ….?? “”

“”എന്റെയൊരു ഫ്രണ്ടിന്റെ പേരെന്റ് അവിടെ അഡ്‌മിറ്റെഡ് ആണ്…. ആളെയൊന്ന് കാണാൻ പോയതാ…. “”

“”ഓഹ് ഓക്കേ…””

അങ്ങനെ ഞാനും ഗംഗയും സംസാരം തുടരുന്നതിനിടയിൽ ഷർട്ടിന് മുകളിലൂടെ പുറത്ത് കൈവിരലുകൾ ഇഴയുന്നതായി അനുഭവപ്പെട്ടപ്പോൾ ആണ് തൊട്ട് പുറകിൽ നിൽക്കുന്ന ഭദ്രയുടെ മാനസികാവസ്ഥ ഞാൻ ഊഹിച്ചത്….. വന്നപ്പോൾ തൊട്ട് അവളെയൊന്ന് മൈൻഡ് പോലും ചെയ്യാതെ ഗംഗയോട് മാത്രം സംസാരിക്കുകയാണ് ഞാൻ…. ഗംഗയുടെ ശ്രദ്ധയിൽപ്പെടാതെ പതുക്കെ പുറത്തിഴയുന്ന ഭദ്രയുടെ കൈ ഞാൻ തട്ടി മാറ്റി…പിന്നെ കുറച്ചു സെക്കൻഡ് നേരത്തേക്കു അനക്കമൊന്നും ഉണ്ടായില്ല എന്റെ പെണ്ണിന്റെ….ഞാൻ സംസാരിക്കുന്നതിനിടയിൽ ഗംഗയോടും അവളൊന്നും മിണ്ടിയില്ല… അല്പം നേരം കൂടി കഴിഞ്ഞ് എന്നോടും ഭദ്രയോടും യാത്ര പറഞ്ഞു ഗംഗ കാറിൽ കയറിപ്പോയി….ഗംഗ പോയതിനു ശേഷമാണ് ഞാൻ ഭദ്രയുടെ മുഖത്തേക്ക് നോക്കുന്നത്…കവിളൊക്കെ ചുവന്നു തുടുത്ത് ചുണ്ടും കൂർപ്പിച്ചോണ്ട് നിൽപ്പാണ് എന്റെ പാതി…..

“”അനന്തെട്ടാ ഞാൻ…….. “”’

“”നടക്ക് അങ്ങോട്ട്…. അരമണിക്കൂറായി ഇവിടെ നിന്നെയും കാത്തു കെട്ടി നിൽക്കാൻ തുടങ്ങിയിട്ട്…ഫോൺ വിളിച്ചാലും കിട്ടില്ല…. വെറുതെ മനുഷ്യനെ ടെൻഷൻ അടിപ്പിക്കാനായിട്ട്…. “”

പെട്ടെന്ന് എന്തോ പറയാൻ വന്ന ഭദ്രയെ അത് മുഴുവിപ്പിക്കാൻ അനുവദിക്കാതെ പരുഷമായ ശബ്ദത്തിൽ അത്രയും പറഞ്ഞിട്ട് ഞാൻ മുന്നോട്ട് നടന്നു…ഒന്നും മിണ്ടാതെ പിന്നാലെ ഭദ്രയും…റോഡ് ക്രോസ്സ് ചെയ്യാൻ നേരം ചീറിപ്പായുന്ന വാഹനങ്ങളെ കണ്ടതും അവളെന്റെ അരികിലേക്ക് ചേർന്നു നിന്നു…. പതിയെ അവളുടെ ഇടതു കയ്യിൽപ്പിടിച്ചു കൊണ്ട് ഞാൻ ക്രോസ്സ് ചെയ്തു…ഫ്രന്റ്‌ സീറ്റ് ഡോർ തുറന്ന് കൊടുത്ത് അവളോട് കയറിയിരിക്കാൻ പറഞ്ഞതിന് ശേഷം ഞാൻ കാർ സ്റ്റാർട്ട്‌ ചെയ്തു…. ഈ നേരമത്രയും എന്നെ തന്നെ നോക്കുന്ന ഭദ്രയെ ശ്രദ്ധിച്ചുവെങ്കിലും അവളോട് ഒന്നും മിണ്ടാതെ മുഖത്ത് ഗൗരവം നിറച്ചു കൊണ്ട് ഞാൻ ഇരുന്നു…മനസ്സിൽ ഇനിയും ബാക്കിയായ കനൽ ആളിക്കത്താൻ തുടങ്ങിയിരുന്നു അപ്പോഴേക്കും……

ഹൈവേയിലൂടെ കാർ നീങ്ങി കൊണ്ടിരുന്നു….പുറംകാഴ്ച്ചകൾക്കിടയിൽ കണ്ണും നട്ട് ഇരിക്കുമ്പോഴും ഭദ്ര എന്നെ ഇടയ്ക്കിടയ്ക്ക് നോക്കുന്നുണ്ടായിരുന്നു…കാറിൽ കയറി കുറച്ചു സമയമായിട്ടും ഞാൻ അവളോടൊന്നും ചോദിച്ചിരുന്നില്ല…വരാൻ വൈകിയതിനാലും ഫോൺ വിളിച്ചിട്ട് കിട്ടാതിരുന്നതിനാലും ഞാൻ നല്ല

ദേഷ്യത്തിലായിരിക്കും എന്ന് കരുതിയാകാം ഭദ്ര എന്നോട് സംസാരിക്കാൻ മടിച്ച് ഇരിക്കുന്നത്….എന്നാൽ എന്റെ മനസ്സ് മുഴുവൻ മോഹൻ സർ പറഞ്ഞ കാര്യങ്ങൾ കേട്ട് ഉഴറുകയായിരുന്നു…മനസ്സിൽ ചിന്താഭാരം തൂങ്ങിയതും അക്‌സെലിറേറ്ററിലെ കാൽ അയഞ്ഞു..കാർ പതുക്കെ നീങ്ങാൻ തുടങ്ങി…അമ്മുവിനോട് ഇനിയും മിണ്ടാതിരിക്കുന്നത് അവളെ കൂടുതൽ വിഷമിപ്പിക്കുമെന്ന് തോന്നിയതിനാൽ എന്തെങ്കിലും ചോദിക്കാൻ തുനിഞ്ഞ എന്നെ മറികടന്ന് കൊണ്ട് ഞങ്ങൾക്കിടയിലെ മൗനം ഭേദിച്ചത് അവൾ തന്നെയായിരുന്നു…..

“”അനന്തേട്ടനോട് പറഞ്ഞ സമയത്ത് വെസ്റ്റ്ഫോർട്ടിൽ എത്താൻ വേണ്ടി ഞാൻ നേരത്തെ തന്നെ ഹോസ്പിറ്റലിൽ നിന്നും ഇറങ്ങിയതായിരുന്നു…. ഓട്ടോയിൽ കയറി ഇവിടെ എത്തറായപ്പോൾ ഏട്ടനെ വിളിക്കാൻ വേണ്ടി ബാഗിൽ ഫോൺ നോക്കിയിട്ട് കണ്ടില്ല…..അപ്പോഴാണ് ഫോൺ ഞാൻ ഹോസ്പിറ്റലിൽ നിർമ്മലേച്ചിയുടെ റൂമിൽ മറന്നു വച്ചാണ് പോന്നതെന്ന് മനസ്സിലായെ….ഞാൻ വേഗം ഹോസ്പിറ്റലിലേക്ക് തിരിച്ചു പോയി….നല്ല ട്രാഫിക് ബ്ലോക്ക്‌ ഉണ്ടായിരുന്നതോണ്ട് അവിടെ തിരിച്ചെത്താൻ കുറെ സമയമെടുത്തു…പറഞ്ഞ സമയമായിട്ടും എന്നെ കാണാത്തോണ്ട് അനന്തേട്ടൻ ഫോണിൽ വിളിക്കുമെന്ന് എനിക്ക് അറിയാമായിരുന്നു….അവിടെ ചെന്ന് ഫോൺ എടുത്തപ്പോൾ അനന്തേട്ടന്റെ മിസ്സ്ഡ് കാൾ കണ്ട് ഞാൻ തിരിച്ചു വിളിച്ചതാ…നെറ്റ്‌വർക്ക് ഇല്ലാത്തോണ്ട് കാൾ കണക്ട് ആയില്ല….പിന്നെയും ധൃതി പിടിച്ചു വിളിക്കുന്നതിനിടയിൽ ഫോൺ സ്വിച്ച് ഓഫ്‌ ആയിപ്പോയി….ഞാൻ എത്ര നോക്കിയിട്ടും ഓൺ ആക്കാൻ പറ്റിയില്ല…എനിക്കാകെ ടെൻഷൻ ആയി….അനന്തേട്ടൻ എത്തുമ്പോഴേക്കും അവിടെ എത്തണമെന്ന് ചിന്തയേ എനിക്കപ്പോൾ ഉണ്ടായുള്ളൂ…..അങ്ങനെ വേഗം പോരാൻ നിൽക്കുമ്പോഴാ ഹോസ്പിറ്റലിൽ വച്ച് ഗംഗേച്ചിയെ കണ്ടത്….ഗംഗേച്ചി ഡ്രോപ്പ് ചെയ്യാമെന്ന് പറഞ്ഞപ്പോൾ ഞാൻ കൂടെ പോന്നു….ഇവിടെ എത്താറായപ്പോഴാ ഫോൺ ഒന്ന് ഓൺ ആയി കിട്ടിയത്….ഗംഗേച്ചിയാ ഫോൺ റെഡി ആക്കി തന്നേ…. “”

എന്റെ പ്രതികരണം എന്താകുമെന്ന് പേടിച്ചിട്ടാവണം തെല്ലു പരിഭ്രമത്തോടെ നേർത്ത ശബ്ദത്തിൽ അവൾ പറയുന്നത് കേട്ട് ഞാൻ തല ചെരിച്ചൊന്ന് പെണ്ണിനെ നോക്കി..അപ്പോഴും ഗൗരവം വിടാത്ത എന്റെ മുഖം കണ്ട് പെണ്ണ് ചുണ്ട് കൂട്ടിപ്പിടിച്ചു ദയാപൂർവ്വം മിഴിമുനയെറിഞ്ഞു…..

‘”ഞാൻ പറഞ്ഞതു സത്യാ ഏട്ടാ…എന്നോട് ഇനിയും ഇങ്ങനെ മിണ്ടാതിരിക്കല്ലേ,, എനിക്ക് സങ്കടാവ്ണ്ട്ട്ടോ…അനന്തേട്ടനറിയാലോ എനിക്കാ ആ ഫോൺ കയ്യിൽ കിട്ടിയിട്ട് ഒരാഴ്ച പോലും ആയിട്ടില്ല എന്ന്….എന്റെ ജീവിതത്തിൽ ആദ്യമായിട്ടാ ഞാൻ അങ്ങനത്തെ നല്ല ഫോണൊക്കെ ഉപയോഗിക്കണേ…. അതിലെ പല ഫീച്ചേഴ്സും ഞാൻ പഠിച്ചു വരുന്നതേയുള്ളു….ഏട്ടൻ പറഞ്ഞു തന്നത്‌ പോലും എനിക്ക് ചില നേരത്ത് ഓർമ്മ നിക്കണില്ലാ….അതാ എനിക്കാ അന്നേരം ആകെ ടെൻഷൻ ആയെ….പിന്നെ അനന്തേട്ടൻ എന്നെ അവിടെ കാണാതെ കാത്തു നിൽക്കുവായിരിക്കുല്ലോ എന്നും കൂടെ ഓർത്തപ്പോൾ ഞാൻ ആകെ വല്ലാണ്ടായി….. സോറി ഏട്ടാ….…എന്തെങ്കിലും എന്നോടൊന്ന് മിണ്ട്….പ്ലീസ് ഇങ്ങനെ മിണ്ടാതെയിരിക്കല്ലേ….. “”

എന്റെ മൗനവും അവഗണനയും അവളെ ഒരുപാട് വേദനിപ്പിക്കുന്നുണ്ടെന്ന് ഇടറിയ സ്വരത്തിൽ അവൾ പറഞ്ഞു നിർത്തിയപ്പോൾ എനിക്ക് മനസ്സിലായി….മെയിൻ റോഡിൽ നിന്നും നാട്ടിലേക്കുള്ള സബ് റോഡിലേക്ക് കാർ എന്റർ ചെയ്തിരുന്നു അപ്പോഴേക്കും…കുറച്ചു ദൂരം മുന്നോട്ട് പോയി കഴിഞ്ഞ് ആൾത്തിരക്കില്ലാത്ത ഒരിടത്തെത്തിയപ്പോൾ ഞാൻ കാർ സൈഡ് ഒതുക്കി നിർത്തി…

ഞാൻ പെട്ടന്ന് വണ്ടി നിർത്തിയപ്പോൾ എന്താണ് കാര്യമെന്ന് അറിയാതെ ഭദ്ര എന്നെ നോക്കി…ഞാൻ മെല്ലെ അവളുടെ വലതു കയ്യ് എന്റെ കൈവെള്ളയിലെടുത്ത് അതിൽ അമർത്തിയൊന്ന് മുത്തി…തല ഉയർത്തി നോക്കിയ എന്റെ ചുണ്ടിൽ ഒരു പുഞ്ചിരി വിടർന്നിരുന്നു…. എന്നാൽ ഭദ്രയുടെ കണ്ണുകളിൽ അപ്പോഴേക്കും ഈറൻ നനവ് പടർന്നിരുന്നു….. കുസൃതി ചിരി തൂകിയ എന്നെ തൊട്ടടുത്ത നിമിഷം വാരിപ്പുണർന്നു കൊണ്ട് പെണ്ണ് അധരങ്ങളിൽ ചുംബനം പകർന്നു……എന്റെ ഇടതു വശത്തിരിക്കുന്ന അവളെ ഞാനും ഇടതു കരം കൊണ്ട് ഇടുപ്പിലൂടെ ചുറ്റിവരിഞ്ഞു കൊണ്ട് എന്നിലേക്ക് ചേർത്തു പിടിച്ചു….തേൻ കിനിയുന്ന എന്റെ പെണ്ണിന്റെ ചുംബനം ആസ്വദിച്ചു കൊണ്ട് ഞാൻ മെല്ലെ കണ്ണുകളടച്ചു കൊണ്ട് സ്വയം മറന്നിരുന്നു……എന്നെ ആദ്യമായി ചുംബിക്കുന്ന ആവേശത്തോടെ ഭദ്ര തീവ്രമായി എന്റെ ചുണ്ടുകൾ ചപ്പിവലിച്ചു…..അൽപ്പസമയത്തെ പരാക്രമത്തിന് ശേഷം അധരങ്ങളെ ഒഴിവാക്കിയ അവൾ ഇരുകൈക്കുമ്പിളിലും എന്റെ മുഖം കോരിയെടുത്തു…..പിന്നെ എന്റെ നെറ്റിയിലും മൂക്കിൻത്തുമ്പിലും കവിളിണകളിലും താടിയിലുമെല്ലാം ഭ്രാന്തമായ വാശിയോടെ ചുംബിച്ചു കൊണ്ടിരുന്നു…കുറെ നാളുകൾ കാണാതെയിരുന്ന് കണ്ടത് പോലെയുള്ള എന്റെ പ്രിയതമയുടെ പെരുമാറ്റം കണ്ട് ഞാൻ അമ്പരന്ന് പോയി…. മനസ്സിലെ വിഷമവും ടെൻഷനും കൊണ്ടാണെങ്കിലും അൽപ്പസമയത്തെ എന്റെ പരുഷമായ പെരുമാറ്റം അവളെ എത്രമാത്രം വേദനിപ്പിച്ചുവെന്ന് തിരിച്ചറിഞ്ഞപ്പോൾ എനിക്ക് എന്നോട് തന്നെ പുച്ഛം തോന്നി….ആ സങ്കടക്കടൽ ആണ് ഒരു പേമാരി പെയ്തൊഴിയുന്ന അനുഭൂതിയോടെ എന്നിൽ ഇപ്പോൾ നിലയ്ക്കാത്ത ചുംബനങ്ങളായി പെയ്തൊഴിയുന്നതെന്ന് എനിക്ക് മനസ്സിലായി….എന്റെ നെറ്റിയിൽ നെറ്റി മുട്ടിച്ചു കൊണ്ടിരുന്ന ഭദ്ര കണ്ണുകൾ മെല്ലെ അടച്ചു കൊണ്ട് കിതച്ചു…. തീവ്രഗതിയിൽ മിടിക്കുന്ന പെണ്ണിന്റെ ഹൃദയസ്പന്ദനം എന്റെ ആത്മാവിൽ തൊട്ടു..….ഇടയ്ക്കൊന്നു എന്റെ കണ്ണുകളിലേക്ക് നോക്കിയ ആ കണ്ണുകളിൽ നിന്നും നീർമുത്തുകൾ പൊഴിഞ്ഞു……

“’സോറി ഏട്ടാ….എനിക്കറിയാം…എന്നെ കാണാതെ ഇരുന്നപ്പോൾ അനന്തേട്ടൻ കുറെ ടെൻഷൻ അടിച്ചു എന്ന്….മനപൂർവം അല്ലായിരുന്നു….ഞാൻ പറഞ്ഞില്ലേ….ഇനി ഇതിന്റെ പേരിൽ എന്നോട് മിണ്ടാതെയിരിക്കല്ലേ….എന്റെ ചങ്ക് പറിയും……”””

അതും പറഞ്ഞ് വീണ്ടും എന്റെ മുഖം മുഴുവൻ ചുംബനങ്ങൾ കൊണ്ട് പൊതിഞ്ഞ ഭദ്ര കഴുത്തിലേക്ക് മുഖം പൂഴ്ത്തി അവിടെ അധരങ്ങൾ അമർത്തി കിടന്ന് കൊണ്ട് തേങ്ങി…

“”അയ്യേ എന്താ ഇത്,,, എന്റെ സുന്ദരിക്കുട്ടി കരയുവാണോ…ഞാൻ എന്റെ വിഷമം കൊണ്ടല്ലെ അപ്പൊ അങ്ങനെയൊക്കെ പെരുമാറിയത്…അത് നിനക്ക് മനസ്സിലായില്ലേ….. സാരല്ല്യാട്ടോ….എനിക്ക് ഇനി ഒരു ദേഷ്യവും ഇല്ലാ…. എന്റെ അമ്മൂസ് ഇനി അതോർത്ത് വിഷമിക്കണ്ട,,, കേട്ടല്ലോ….””” മുടിയിഴകളിൽ തഴുകിയും നെറുകയിൽ ചുംബിച്ചും ഞാൻ അവളെ അശ്വസിപ്പിക്കാൻ ശ്രമിച്ചെങ്കിലും ആ കണ്ണുകൾ പിന്നെയും നിറഞ്ഞൊഴുകുന്നുണ്ടായിരുന്നു….ഞാൻ അവളുടെ മുടിയിഴകൾ മെല്ലെ ഒതുക്കി പിൻ കഴുത്തിനും ബ്ലൗസ്സിനുമിടയിൽ നഗ്‌നമായ ഭാഗത്ത് തലോടി കൊണ്ടിരുന്നു…

“”അമ്മുസേ….. “”

“”ഹ്മ്മ്….. “”

“’എന്റെ സുന്ദരിക്കുട്ടി….. നമ്മുക്കിനി പോവാം..?? “”

“”മ്മ്ച്ചും…””

തേങ്ങൽ ഒന്നടങ്ങിയപ്പോൾ നിഷേധാർത്ഥത്തിൽ മൂളിക്കൊണ്ട് പെണ്ണ് കഴുത്തിൽ മുഖമിട്ട് ഉരുട്ടി…പതിയെ തല ഉയർത്തിയ അവൾ കവിളിൽ അധരങ്ങളിലെ നനവറിയിച്ചു….

“”മതിടാ വാവേ കരഞ്ഞത്…വേഗം കണ്ണൊക്കെ ഒന്ന് തുടച്ചേ….എന്നിട്ടൊന്ന് ചിരിച്ചേ എന്റെ അമ്മൂസ്…”” തെല്ലു മടിയോടെയാണെങ്കിലും എന്നിൽ നിന്നും അടർന്നു മാറിയ പെണ്ണ് ഹാൻഡ് ബാഗിൽ നിന്നും ടവൽ എടുത്ത് കണ്ണും കവിളും തുടച്ച് ചിരിക്കാൻ ശ്രമിച്ചു…പടർന്ന കണ്മഷി കലങ്ങിയ കണ്ണുകളുടെ അഴക് കൂട്ടി…

“”ആഹാ ഇപ്പോഴല്ലേ എന്റെ പെണ്ണ് കൂടുതൽ സുന്ദരിക്കുട്ടിയായത്…. “” കളിയാക്കി കൊണ്ട് ഞാനതു പറഞ്ഞപ്പോഴാണ് മുഖത്ത് കണ്മഷി പടർന്നിട്ടുണ്ടാകും എന്ന് പെണ്ണിന് മനസ്സിലായത്….കലങ്ങിയ കണ്ണുകളിൽ ഞൊടിയിടയിൽ അമളി പറ്റിയതിന്റെ കള്ളചിരി തെളിഞ്ഞു….

“”ഒന്ന് പോ ഏട്ടാ,,, എന്നെ ചുമ്മാ കരയിച്ചിട്ട്…”” ചുണ്ട് വക്രിച്ചു കൊണ്ട് കപടഗൗരവം നടിച്ച പെണ്ണ് എന്റെ തോളിലേക്ക് തല ചായിച്ചിരുന്നു…..

“”അനന്തേട്ടാ ഞാൻ അക്കൗണ്ടിൽ നിന്ന് കുറച്ചു പൈസ എടുത്തിരുന്നു…..””

“”ഹ്മ്മ് ഞാൻ മെസ്സേജ് കണ്ടു…. “”

“”നിർമ്മലേച്ചിടെ കാര്യം കുറച്ചു കഷ്ട്ടത്തിലാ…. നാളെ കഴിഞ്ഞ് ഡിസ്ചാർജ്ന് ബില്ലടയ്ക്കാനും മരുന്ന് വാങ്ങനൊന്നും കയ്യില് പൈസ തികയില്ലന്ന് സങ്കടം പറഞ്ഞു….സാധുക്കളാ ഏട്ടാ….അതാ ഞാൻ എന്തെങ്കിലും കൊടുക്കാമെന്നു കരുതിയെ….അക്കൗണ്ടിൽ നിന്നും പൈസ എടുക്കുന്ന കാര്യം ഞാൻ അനന്തേട്ടനോട് സൂചിപ്പിക്കാനും വിട്ട് പോയി….””

ഭദ്ര എന്റെ നെഞ്ചിൽ ചാരി കിടന്ന് കൊണ്ട് മെല്ലെ പറഞ്ഞു….

“”എന്റെ അമ്മൂസേ,, ആവശ്യമുള്ളപ്പോൾ പൈസ എടുത്തോളാൻ പറഞ്ഞിട്ടില്ലേ ഞാൻ നിന്റെ കയ്യിൽ കാർഡ് തന്നിരിക്കുന്നത്…പിന്നെന്തിനാ എന്നോട് നീ അനുവാദം ചോദിക്കുന്നെ….ഏഹ്‌…“””

അതും പറഞ്ഞ് പെണ്ണിന്റെ ഇടുപ്പിൽ ഒന്ന് ചെറുങ്ങനെ നുള്ളിയതും അവളൊന്ന് ചിണുങ്ങി കൊണ്ട് എന്റെ കഴുത്തിലേക്ക് മുഖം പൂഴ്ത്തി… വിവാഹത്തിന് മുൻപ് ട്യൂഷൻ സെന്ററിൽ ജോലി ചെയ്തിരുന്ന കാലത്ത് ഉള്ള സേവിങ്സ് എല്ലാം തന്റെ അക്കൗണ്ടിൽ കിടപ്പുണ്ടെന്ന് പറഞ്ഞ് അവൾ എന്റെ അടുത്ത് സ്വന്തം ആവശ്യങ്ങൾക്കായി പണം ഒന്നും ആവശ്യപ്പെടാറില്ല…. എന്നിരുന്നാലും എന്തെങ്കിലും അത്യാവശ്യം വന്നാൽ ഒരു കരുതലായി കയ്യിൽ ഇരുന്നോട്ടെ എന്ന് കരുതിയാണ് എന്റെ എടിഎം കാർഡുകളിലൊന്ന് അവളെ നിർബന്ധപൂർവ്വം എല്പിച്ചത്…എന്നിരുന്നാലും പൈസ എടുക്കുമ്പോഴെല്ലാം അവളെന്നോട് മുൻകൂർ പറയാറുണ്ട്…. എന്റെ ചിലവിന്റെയും വരവിന്റെയും കാര്യത്തിൽ അവൾക്ക് നല്ല ശ്രദ്ധയാണ്…ഭദ്രയുടെ മോണിറ്ററിങ് ഉള്ളത് കൊണ്ട് തന്നെ ഞാനിപ്പോൾ ആക്കാര്യത്തിൽ നല്ല ഉഴപ്പാണ്…ബാങ്കിംഗ് ഉൾപ്പടെയുള്ള എന്റെ എല്ലാ ഫിനാൻഷ്യൽ ട്രാൻസാക്ഷന്സും ഇപ്പോൾ ഭദ്രയാണ്‌ കൈകാര്യം ചെയ്യുന്നത്….

എന്തോ ആലോചിച്ചു കൊണ്ടെന്ന പോലെ തോളിൽ ചാരി കിടക്കുന്ന ഭദ്രയുടെ മുടിയിഴകളിൽ മെല്ലെയൊന്ന് തഴുകി കൊണ്ട് ഞാൻ കാർ സ്റ്റാർട്ട്‌ ചെയ്തു…. തൊട്ടടുത്ത നിമിഷം അവളുടെ പല്ലുകൾ എന്റെ ഇടത്തെ കവിളിൽ ആഴ്‌ന്നിറങ്ങി…

“”ആഹ്.. ഹ്….. ഹൂഫ്…….അമ്മുസേ എന്റെ കവിള്…. എന്തൊരു കടിയാടി പട്ടിക്കുട്ടി നീ കടിച്ചേ…. “””

വേദന സഹിക്കാതെ ഞാൻ കവിളിണയിൽ കയ്യമർത്തി തുടച്ചു കൊണ്ട് ഇരുന്നു…എന്നെ നോക്കി പല്ല് മൊത്തം കാണിച്ചു കൊണ്ട് ഇളിക്കുന്ന പെണ്ണ് ചുണ്ടിൽ പടർന്ന ഉമിനീർ കൈത്തണ്ടയിൽ തുടച്ചു….

“”ഇതേയ് എന്നോട് മിണ്ടാതിരുന്നതിനു…. പിന്നേയ് ഇത്….“’’

“”ആഹ് എന്റെ കയ്യ്…. “”

കൈമുട്ടിനു മുകളിലെ മാംസത്തിൽ നിന്നും ഒരു നാണയത്തുട്ട് വലിപ്പത്തിൽ പെണ്ണ് വിരലുകളിലെ നഖം കൊണ്ട് കശക്കിയെടുത്തു…. ‘’’ഇത് എന്നെ മൈൻഡ് ചെയ്യാതെ അവിടെ വച്ച് ഗംഗേച്ചിയോട് മാത്രം ഈഈന്ന് ഇളിച്ചു കാട്ടി കൊണ്ട് സംസാരിച്ചില്ലേ…അതിന്…””

“”കഴിഞ്ഞോ….?? “” പിച്ചു കിട്ടിയ ഭാഗത്ത് ഉഴിഞ്ഞു കൊണ്ട് ഞാൻ ദയനീയമായി ചോദിച്ചു…..

“”ഇല്ല,,, ഒന്നൂടെ ഉണ്ട്…””

“”ആാാാാ…. ആഹ്…. അമ്മേ….. ഡീ വിടെടി…പട്ടീക്കുട്ടീ….. വിട് മോളെ….. “”

ഇത്തവണ എന്റെ ഇടതു കൈത്തണ്ടയാണ് ഭദ്രകാളി കടിച്ചു പറിച്ചത്‌..,..

“”ഇത്‌ ഇനി ഇതുപോലെ ഒരിക്കലും എന്നോട് കാണിക്കാതിരിക്കാൻ…കേട്ടല്ലോ…. അപ്പൊ ഇനി പോവാം…വണ്ടി എടുത്തോ…പൂവാ റൈറ്റ്…. “””

അവൾ കള്ളചിരിയോടെ നേരെ ഇരുന്ന് കൊണ്ട് പറഞ്ഞു….ഇത്രയും നേരം

കരഞ്ഞോണ്ടിരുന്ന പെണ്ണാണല്ലോ ദേവിയെ ഇപ്പോൾ ഇങ്ങനെയൊക്ക എന്നോട് കാണിച്ചേ എന്നോർത്തപ്പോൾ എന്റെ കിളി പറന്നു…ഞൊടിയിടിയിൽ എന്റെ പാവം അമ്മൂസായും തനി ഭദ്രകാളിയായും മാറി മറിയുന്ന പെണ്ണിന്റെ ഭാവപ്രകടനങ്ങൾ കണ്ട് എനിക്കത്ഭുതം…. അല്ലെങ്കിലും ‘പെണ്ണ്’ എന്ന് പറയുന്നത് ആണിനെന്നും അത്ഭുതം ആണല്ലോ……..

“”അച്ചോടാ എന്റെ വാവയ്ക്ക് വേദനിച്ചോ…സാരല്ല്യട്ടോ…. ഏട്ടന്റെ അമ്മൂസ് അല്ലേ…. “”

വേദന സഹിക്കാതെ ഞാൻ ഞെളിപിരി കൊള്ളുന്നത് കണ്ട ഭദ്ര എന്നെ ചുറ്റിവരിഞ്ഞ് കവിളിണയിലും കയ്യിലും വേദനിപ്പിച്ച ഭാഗങ്ങളിൽ മാറി മാറി ചുംബിച്ചു….

“”വീട്ടിലെത്തിയിട്ട് എന്റെ ഏട്ടന്റെ എല്ലാ വേദനയും ഞാൻ മാറ്റിത്തരുന്നുണ്ട്ട്ടോ…””

കവിളിണയിലെ കടിച്ച ഭാഗത്തെ മാംസത്തിൽ മെല്ലെ ചപ്പി വലിച്ചു കൊണ്ട് പിൻവാങ്ങുമ്പോൾ പെണ്ണ് കാതരയായ് മൊഴിഞ്ഞു…കലങ്ങി മറിഞ്ഞ കരിങ്കൂവള മിഴികളിലെ പീലിത്തിളക്കം ഞാൻ വാത്സല്യത്തോടെ ചുണ്ടുകളാൽ ഒപ്പിയെടുക്കവേ അവ കൂമ്പിയടഞ്ഞു…. തോളിൽ തല ചായ്ച്ചു കിടക്കുന്ന എന്റെ സഹധർമ്മിണിയുടെ സീമെന്തരേഖയിൽ ഒന്ന് അമർത്തി ചുംബിച്ചു കൊണ്ട് ഞാൻ കാർ മെല്ലെ മുന്നോട്ട് എടുത്തു…..

വീട്ടിലെത്തിയിട്ട് ഞാൻ മോഹൻകുമാർ സാറിനെ വിളിച്ചു…മഹേഷിനെ ചോദ്യം ചെയ്തപ്പോൾ കേസിൽ ചേട്ടന്റെ ഇൻവോൾവ്മെന്റ്നെപ്പറ്റി കാര്യമായ വിവരമൊന്നും ലഭിച്ചിട്ടില്ല…കാരണം ഇതുവരെയും മഹേഷ്‌ പൂർണമായും പോലീസിന്റെ ചോദ്യം ചെയ്യലിനോട് സഹകരിച്ചിട്ടില്ല…എന്തായാലും ലഭ്യമായ വിവരങ്ങളുടെ അടിസ്ഥാനത്തിൽ പോലീസ് ചേട്ടനെ കോൺടാക്ട് ചെയ്തിട്ടുണ്ട്…നാളെ സി ഐ ഓഫീസിൽ ഹാജരാകാൻ അറിയിച്ചിട്ടുണ്ടെന്നും സർ പറഞ്ഞു….എന്തോ തിരക്കിലാണെന്നും പറഞ്ഞ് മോഹൻ സർ കൂടുതലൊന്നും സംസാരിക്കാതെ ഫോൺ കട്ട്‌ ചെയ്തു….രാത്രി ഏറെ വൈകിയാണ് ഏട്ടൻ വീട്ടിലെത്തിയത്….

അത്താഴം കഴിഞ്ഞ് ഉമ്മറത്തിരിക്കവേ ഏട്ടൻ എന്നെ വിളിച്ചു…അവൻ എന്താണ് സംസാരിക്കാൻ പോകുന്നതെന്ന് അറിയാകുന്നത്‌ കൊണ്ടും എനിക്കും അതിനെപ്പറ്റി ഒരുപാട് സ്ഥിതീകരണങ്ങൾ വേണ്ടിയിരുന്നതിനാൽ അന്ന് തന്നെ ഏട്ടനുമായി സംസാരിക്കണമെന്ന് ഞാനും വിചാരിച്ചിരുന്നു…എന്താണ് സത്യാവസ്ഥ എന്ന് പൂർണമായും മനസ്സിലാക്കാതെ ചുമ്മാ വീട്ടിൽ ഒരു സീൻ ക്രിയെറ്റ് ചെയ്യുന്നത് ഒഴിവാക്കി ശാന്തമായി കാര്യങ്ങൾ കൈകാര്യം ചെയ്യണമെന്നാണ് കരുതിയത്…..അത് കൊണ്ടാണ് അറിഞ്ഞ കാര്യങ്ങൾ ഞാൻ ഭദ്രയോടു പോലും പറയാതിരുന്നത്……

ഉമ്മറത്തേക്ക് ഞാൻ ചെല്ലുമ്പോൾ ചേട്ടൻ തിണ്ണയിൽ ഇരിപ്പുണ്ടായിരുന്നു…എന്നെ കണ്ടതും ചേട്ടൻ മുറ്റത്തേക്കിറങ്ങി അല്പം നടന്നു.. ഞാൻ അവന്റെ തൊട്ട് പിന്നിലായി എത്തിയതും അവൻ എന്റെ നേരെ തിരിഞ്ഞു…എന്നോട് എന്തൊക്കെയോ പറയാൻ മനസ്സിലുണ്ടെങ്കിലും അവൻ പറയാൻ മടിക്കുന്നതായി തോന്നി…എന്ത് തന്നെയായാലും ചേട്ടൻ തന്നെ പറഞ്ഞ് തുടങ്ങട്ടെ എന്ന് ഞാനും കരുതി….. ഞങ്ങളുടെ സംസാരം വീട്ടിൽ മറ്റുള്ളവർ കേൾക്കണ്ട എന്ന് കരുതിയാകണം അവൻ മുറ്റത്തെക്കിറങ്ങി നിന്നത്…അച്ഛനും അമ്മയും ദേവൂട്ടിയും ഉറങ്ങാൻ കിടന്നിരുന്നു….ഏട്ടത്തിയും ഭദ്രയും ഹാളിൽ ഇരുന്ന് TV കാണുന്നുണ്ട്…..

“”രേവു,,, അവൾ നിന്നോട് വല്ലതും പറഞ്ഞിരുന്നോ….””

മടിച്ചു മടിച്ചു കൊണ്ട് ചേട്ടൻ ചോദിച്ചു….

“”ഇന്നലെ രാത്രി സംഭവിച്ചതല്ലേ…ഏട്ടത്തി എന്നോട് എല്ലാം പറഞ്ഞു…കവിളിലെ പാട് കണ്ട് ഞാൻ നിർബന്ധിച്ചു ചോദിച്ചപ്പോൾ പറഞ്ഞതാ ആ പാവം…. നിനക്കിതെന്താ പറ്റിയെ.. നീ മദ്യപിക്കാറുണ്ടെങ്കിലും വീട്ടിൽ ഒരിക്കലും മോശമായി പെരുമാറിയിട്ടില്ല….ഇന്നലെ കള്ളിന്റെ പുറത്ത് ആ പാവത്തിനെ നീ തല്ലുകയും ചെയ്തു…കള്ള് കുടിച്ച് ഭാര്യയെ തല്ലുന്ന ഒരു ഭർത്താവിന്റെ നിലയിലേക്ക് നീ തരം താഴ്ന്നോ?? കഷ്ടം…””

ഉള്ളിലെ അനിഷ്ട്ടം വ്യക്തമാക്കുന്ന തരത്തിൽ ഞാൻ മറുപടി പറഞ്ഞു…..

“”ടാ അത് ഇന്നലെ പറ്റിപ്പോയി…അപ്പോഴത്തെ ന്റെ ഒരു ദേഷ്യത്തിന് സംഭവിച്ചു പോയതാ…അതിന് ഞാൻ അവളോട് സോറിയും പറഞ്ഞു…. ഇനിയൊരിക്കലും ഇങ്ങനെയൊന്നും ഉണ്ടാകില്ല….’’’

ചേട്ടൻ എന്റെ കയ്യിൽ പിടിച്ചു കൊണ്ടാണ് അത് പറഞ്ഞത്….

“”സോറി പറഞ്ഞ കാര്യമൊക്കെ ഏട്ടത്തി എന്നോട് സൂചിപ്പിച്ചു…ആ പാവം ഇപ്പോൾ ഹാപ്പിയാ…അല്ലെങ്കിലും നമ്മൾ ആണുങ്ങൾ എന്ത് തെറ്റ് ചെയ്താലും സോറി എന്നാരൊക്ഷരം കൊണ്ട് എല്ലാം ഏറ്റ് പറഞ്ഞ് അവസാനിപ്പിക്കുലോ…ഭാര്യന്മാർ അത് കേട്ട് ക്ഷമിക്കുകയും വേണം.. അതാണല്ലോ വേണ്ടത്….. “”

“”പിന്നെ എന്ത് വേണം.. നിനക്ക് ഏട്ടത്തിയുടെ കവിളൊന്ന് അടി കൊണ്ട് ചുവന്നപ്പോൾ അത്രയ്ക്ക് നൊന്തു അല്ലേ…നീ ഇതൊന്നു നോക്കിയേ…. “”

തിരിഞ്ഞു നിന്ന് ടീ ഷർട്ട്‌ ഉയർത്തി തന്റെ പുറം ഭാഗം കാണിച്ചു തന്നു കൊണ്ട് ഏട്ടൻ ദയനീയമായി പറഞ്ഞു…. ചേട്ടന്റെ പുറംഭാഗം കണ്ടതും എന്റെ കണ്ണ് തള്ളി…പുറത്താകെ ഇടി കൊണ്ട് ചുവന്നു തടിച്ചിരിക്കുന്നു…

പോരാത്തതിന് തലങ്ങും വിലങ്ങും നഖം കൊണ്ടുള്ള മാന്തലുകളും പോറലുകളും…. അതും പല ആകൃതിയിൽ പല വലിപ്പത്തിൽ…ഞാൻ പതിയെ അതിലൂടെ ഒന്ന് വിരലോടിച്ചതും ഏട്ടൻ എന്റെ കൈ തട്ടി മാറ്റി കൊണ്ട് ഷർട്ട്‌ നേരെയിട്ടു…..

“””തൊടല്ലേ മോനെ,, നല്ല വേദനയുണ്ട്…””

“”ടാ ഇതെന്ത് പറ്റിയതാ…. “” വേദന കൊണ്ട് ഞെളിപിരി കൊള്ളുന്ന ചേട്ടനെ നോക്കി ഞാൻ ആകാംഷയോടെ ചോദിച്ചു….

“”നിന്റെ ഏട്ടത്തി എന്ന് പറയുന്ന എന്ന് ആ രാക്ഷസ്സി ഇല്ലേ,,,?? ആ സാധനം തന്നതാ…ഇപ്പൊ കണ്ടതില് നാലു ദിവസം മുന്നേ കിട്ടിയത് തൊട്ട് ഇന്ന് ലേറ്റസ്റ്റ് ആയി കിട്ടിയത് വരെയുണ്ട്…ഒടുക്കം സഹി കെട്ടിട്ട് ആണ് ഇന്നലെ ഉള്ളിൽ കള്ള് കിടക്കുന്ന ധൈര്യത്തിൽ ഞാൻ അവൾക്കിട്ട് കനത്തിലൊരണ്ണം പൊട്ടിച്ചത്…. കുറെ നാളത്തെ കണക്കു തീർക്കാനുണ്ടേ…. എന്നിട്ട് അത് ഇത്തിരി കൂടിപ്പോയോ എന്നൊരു കുറ്റബോധം തോന്നിയതോണ്ടാ ഞാൻ ഇന്ന് അവളോട് സോറി പറയാൻ ചെന്നത്…. കിട്ടിയ അവസരം മുതലാക്കി ആ യക്ഷി എന്റെ പുറം മുഴുവൻ മാന്തിപ്പൊളിച്ചുടാ….പിശാച് ആണെങ്കിൽ നഖവും വെട്ടത്തില്ല….എന്നിട്ടവൻ പറയുന്നു ഏട്ടത്തി പാവമാണെന്ന് പോലും…“”

പതിയെ നടന്ന് ഉമ്മറത്തിണ്ണയിൽ ഇരുന്ന ചേട്ടൻ പുറം തടവി കൊണ്ട് പറഞ്ഞു…ഞാൻ ഊറി ചിരിച്ചു കൊണ്ട് പതിയെ അവന്റെ അടുത്തു പോയിരുന്നു…പാവം ഏട്ടന്റെ അവസ്ഥ കണ്ട് എല്ലാം മറന്ന എനിക്ക് ചിരി വരുന്നുണ്ടായിരുന്നു….

“”നല്ല വേദനയുണ്ടല്ലേ…സാരമില്ല…മേല് വേദനയുണ്ടെങ്കിൽ അമ്മയുടെ അടുത്ത് കുഴമ്പ് കാണും…. അത് മേടിച്ചൊന്നു നന്നായി തേച്ച് ചൂട് വെള്ളത്തിൽ കുളിച്ചോ…. “”

“”നീ പോടാ തെണ്ടി…എന്നിട്ട് വേണം മരുമോളുടെ കയ്യിൽ നിന്ന് മോൻ മേടിച്ചു കൂട്ടുന്നത് അമ്മ അറിയാൻ….പൊന്നു മോനെ നീ ഒരു കാരണവശാലും ഭദ്രയെ നഖം വളർത്താൻ അനുവദിക്കരുത്ട്ടോ…. പിന്നെ ദുഖിക്കേണ്ടി വരും…””

“”ഏയ് അത് പറ്റുമെന്ന് തോന്നുന്നില്ല…നീ ഇത് കണ്ടോ എനിക്ക് ഇന്ന് കിട്ടിയതാ…. “”

ഞാൻ ഇന്ന് എന്റെ കയ്യിൽ ഭദ്ര നുള്ളിപ്പറിച്ച ഭാഗം കാണിച്ചു കൊടുത്തു കൊണ്ട് പറഞ്ഞു….

“”അത് ശരി അപ്പോൾ നിനക്കും കിട്ടി തുടങ്ങിയല്ലേ…സാരമില്ല…ഇനി ശീലായിക്കോളും…. ഇവളുമാരൊക്കെ എന്തോ ദൈവമേ ഇങ്ങനെ…. നമ്മൾ ആണുങ്ങൾക്ക് ചോദിക്കാനും പറയാനും ഇവിടെ നിയമവും പുരുഷ കമ്മീഷനൊന്നുമില്ലല്ലോ….”” ചേട്ടൻ പിന്നിലേക്ക് കയ്യൂന്നി കൊണ്ടിരുന്ന് പതം പറഞ്ഞു….

“”ടാ പിന്നെ ഞാൻ വിളിച്ചതെ വേറൊരു കാര്യം കൂടി പറയാനാ…. എനിക്കൊരു എട്ടിന്റെ പണി വന്നിട്ടുണ്ട്….ആ സുദേവന്റെ കേസ് തന്നെയാ ഇഷ്യൂ…എന്റെ പുതിയ ഒരു ക്ലയന്റ്,, ആള് ഒരു ഭൂലോകഫ്രോഡാ…പാലക്കാട്‌ ഉള്ള ഒരു partnership firm ആണ് അവരുടേത്…ബാംഗ്ലൂരിലും ചെന്നൈയിലുമൊക്കെ അവർക്ക് ഓപ്പറേഷൻസ് ഉണ്ട്…ആ firm ൽ സുദേവന്റെ ഫ്രണ്ട് എന്ന് പറയുന്ന ഒരുത്തൻ,, മഹേഷ്‌ എന്നാണ് അവന്റെ പേര്. അവനും ഒരു സൈലന്റ് പാർട്ണർ ആണ്…അവൻ ഇപ്പോൾ പോലീസിനെ വെട്ടിച്ചു ഒളിവിൽ ആണത്രേ…ഇതൊന്നുമറിയാതെ ഞാൻ ആ കള്ളപ്പന്നിയെ ഇന്നലെ പോയി മീറ്റ് ചെയ്തു….അതിപ്പോൾ എനിക്കൊരു കുരിശായി…അവനെ ഇന്ന് രാവിലെ പോലീസ് പൊക്കി…ഇപ്പോൾ അവനുമായി എനിക്ക് അടുപ്പമുണ്ടെന്ന് പറഞ്ഞ് പോലീസ് എന്നെ ചോദ്യം ചെയ്യാൻ വിളിപ്പിച്ചിരിക്കുവാ…..””” ചേട്ടൻ പറയുന്നത് മിണ്ടാതെ കേട്ടിരുന്ന എനിക്ക് കാര്യങ്ങളുടെ കിടപ്പ് ഏകദേശം മനസ്സിലായി തുടങ്ങിയിരുന്നു….

“”അല്ലടാ അവര് മുൻപും നിന്റെ ക്ലയന്റ്‌സ് ആയിരുന്നോ…?? “” ഞാൻ ആകാംഷയോടെ ചോദിച്ചു….

“”ഇല്ലടാ…ഞാൻ ആ മൈരനെ ഇന്നലെയാണ് ആദ്യമായിട്ട് മീറ്റ് ചെയ്യുന്നത്…എന്റെ സീനിയർ ആയിരുന്ന കൃഷ്ണമൂർത്തി സർ ആയിരുന്നു അവരുടെ auditor…ഈ കൊല്ലം സർ തന്നെയാണ് എന്റെ പേര് അവർക്ക് സജ്ജെസ്റ്റ് ചെയ്തത്….എന്റെ ജൂനിയർനെ ആണ് ഞാനാദ്യം മഹേഷിനെ കാണാൻ പറഞ്ഞയക്കാനിരുന്നത്…പിന്നെ എനിക്ക് ഇന്നലെ unexpected ആയി പാലക്കാട് പോവേണ്ടി വന്നത് കൊണ്ട് ഞാൻ പോയി കണ്ട് സംസാരിച്ചു എന്ന് മാത്രം…. ഓഡിറ്റിംഗ്ന് വേണ്ട അവരുടെ books of accounts ഉം financial statements ഉം collect ചെയ്യാമെന്നും കരുതി…. പക്ഷെ ജസ്റ്റ്‌ ഒന്ന് പ്രൈമറി വെരിഫിക്കേഷൻ ചെയ്തപ്പോൾ തന്നെ എനിക്കെന്തോ ഒരു wrong connection ഫീൽ ചെയ്തു….. റെക്കോർഡ്സിലും വൗച്ചേഴ്സിലുമെല്ലാം ആകെ മൊത്തം ഒരു മിസ്മാച്ച്….പണ്ടത്തെ പോലെയല്ല,, എന്തെങ്കിലും ഫ്രോഡ് പണി കാണിച്ചാൽ അവന്മാർ മാത്രമല്ല ചെയ്തു കൊടുത്ത ഞാനും കുടുങ്ങും….അത് കൊണ്ട് ഓഡിറ്റിംഗ് വർക്ക്‌ ഏറ്റെടുക്കുന്നതിനെപ്പറ്റി ഞാൻ രണ്ടു ദിവസത്തിനുള്ളിൽ confirmation അറിയിക്കാം എന്ന് പറഞ്ഞ് നൈസ് ആയിട്ട് അവിടെ നിന്ന് മുങ്ങി….അതെന്തായാലും നന്നായെന്ന് ഇപ്പോൾ മനസ്സിലായി….നാളെ സ്റ്റേഷനിൽ ചെന്ന് പോലീസുകാരോട് ഉള്ള കാര്യം പറഞ്ഞ് ഇതിൽ നിന്ന് ഊരണം….ഓരോരോ പൊല്ലാപ്പ് വരുന്ന വഴി നോക്കണേ….. “”” തിണ്ണയിൽ നിന്നും എഴുന്നേറ്റ് പതിയെ നടു നിവർത്തി കൊണ്ട് ചേട്ടൻ പറഞ്ഞു നിർത്തി….

“”ഹ്മ്മ്…. നാളെ രാവിലേ തന്നെ വിട്ടോ സ്റ്റേഷനിലേക്ക്…ഞാനും കൂടെ വരാം…. സി ഐ യെ എനിക്ക് പരിചയമുണ്ട്…രാജശേഖർ സാറിനെയൊന്നു വിളിച്ച് സംസാരിക്കാം.. പുള്ളി ഇടപെട്ടാൽ കാര്യം വല്ല്യ തലവേദന ഇല്ലാതെ അവസാനിക്കും…””

“”ഹ്മ്മ് അങ്ങനെ ചെയ്യാം…. ഈ കാലമാടൻമാരെയാണ്‌ സുദേവന്റെ കേസിൽ പോലീസ് തപ്പുന്നതെന്ന് ഞാൻ അറിഞ്ഞോ…ഇനി മൂന്ന് എണ്ണം കൂടി പിടിയിലാവാനുണ്ടത്രേ…ഇനിയിപ്പോൾ ഈ കേസിന്റെ പിന്നാലെ അവന്മാരുടെ സ്ഥാപനത്തിനു നേരെയും അന്വേഷണം ഉണ്ടാകും…അങ്ങനെ സംഭവിച്ചാൽ കൃഷ്ണമൂർത്തി സാറും കുടുങ്ങും…. വയസ്സാം കാലത്ത് അങ്ങേർക്ക് ഇനി കേസും കോടതിയുമായി നടക്കാം….””

പുറം ഉഴിഞ്ഞു കൊണ്ട് വീടിനകത്തേക്ക് കേറവേ ചേട്ടൻ പിറുപിറുത്തു….മനസ്സിൽ ഇരുണ്ടു കൂടിയ കാർമേഘം ഒരു മഴയായ്‌ പെയ്തൊഴിഞ്ഞ കുളിർമയോടെ ഞാൻ പുഞ്ചിരിച്ചു കൊണ്ട് ചുമരിൽ ചാരിയിരുന്നു…. ഏട്ടൻ പോയതിന് പിന്നാലെ ഏട്ടത്തി ഉമ്മറത്തേക്ക് വന്നു….. കണ്ടാലേ അറിയാം എന്തോ കാര്യമായി ചോദിക്കാൻ ധൃതിയിലുള്ള വരവ് ആണ്…

“”ടാ ഏട്ടൻ വല്ലോം പറഞ്ഞോ….. “”

വിടർന്ന കണ്ണുകളോടെ എന്റെ മുന്നിൽ മുട്ടുകുത്തിയിരുന്നു കൊണ്ട് ഏട്ടത്തിയമ്മ ചോദിച്ചു…..

“”ഹ്മ്മ് പിന്നേ….. എല്ലാം പറഞ്ഞു…ഏട്ടത്തി ആ കയ്യൊന്നു നീട്ടിക്കേ….””

“”എന്തടാ…. “”

ഇരു കയ്യും എന്റെ നേരെ നീട്ടിപ്പിടിച്ചു കൊണ്ട് ഏട്ടത്തി കൗതുകത്തോടെ ഇരുന്ന….

“”എന്റെ പൊന്നു ഏട്ടത്തി ഈ നഖമൊന്നു വെട്ടിക്കൂടെ…ഭദ്രയും ഇതൊക്കെ കണ്ടല്ലേ പഠിക്കുന്നെ…. “”

“ഹയ്യട അതൊന്നും പറ്റില്ല…നിന്നെയും നിന്റെ ഏട്ടനെയുമൊക്കെ നിലയ്ക്ക് നിർത്തണമെങ്കിലെ ഞങ്ങൾക്ക് ഇങ്ങനെ ചില ആയുധങ്ങളൊക്കെ കയ്യിൽ കരുതണം…””

എന്റെ കൈത്തണ്ടയിൽ ചെറുങ്ങനെ ഒന്ന് നുള്ളിക്കൊണ്ട് ഏട്ടത്തി കണ്ണിറുക്കി ചിരിച്ചു….

“”ഹ്മ്മ്.. ഞങ്ങളുടെ വിധി…അല്ലാതെന്ത് പറയാൻ…””

ഞാൻ മെല്ലെ എഴുന്നേറ്റു അകത്തേക്ക് നടന്നു…പുറകെ ഉമ്മറത്തെ വാതിലടച്ചു കൊണ്ട് ഏട്ടത്തിയും…. ഹാളിൽ സോഫയിലിരുന്ന് ഉറക്കം തൂങ്ങുന്ന എന്റെ പെണ്ണിനെ ഉന്തിത്തള്ളി എഴുന്നേൽപ്പിച്ചപ്പോൾ ഉറക്കപിച്ചിൽ ചിണുങ്ങി കൊണ്ട് അവളെന്റെ തോളിലേക്ക് ചാരി…ഏട്ടത്തിയോട് ഗുഡ് നൈറ്റും പറഞ്ഞ് ഞാൻ ഭദ്രയേയും താങ്ങിപ്പിടിച്ചു കൊണ്ട് മുറിയിലേക്ക് നടന്നു……

പിറ്റേ ദിവസം ഉച്ചക്ക് ഓഫീസിൽ ഇരിക്കുമ്പോഴാണ് സെലിന്റെ കാൾ വരുന്നത്…

“”ഡാ കൊരങ്ങാ ഞാനിവിടെ ലാൻഡ് ആയിട്ടോ…. “”

“”ഹാ നീ എത്തിയോ മരംഭൂതമേ…. നാളെയെ വരൂ എന്ന് പറഞ്ഞിട്ട്…””

“”ഹാ അങ്ങനെ തന്നെയാ കരുതിയെ…പിന്നേ എന്തോ ഇന്ന് തന്നെ ഇങ്ങോട്ട് പോരാൻ തോന്നി…”””

“”ഇപ്പോൾ എവിടാ വീട്ടിൽ എത്തിയെ ഉള്ളോ..?? “”

“”ഇല്ലടാ,, ഞാനിപ്പോൾ റെയിൽവേ സ്റ്റേഷനിൽ നിന്നും വരുന്ന വഴിയാ… ഡാ പിന്നേ നീ ഇന്ന് നേരത്തെ ഇറങ്ങോ… “”

“”അത് നടക്കൂല മോളെ.. ഞാനിന്ന് ഹാഫ് ഡേ ലീവ് ആയിരുന്നു…ഉച്ചയ്ക്ക് വന്നേ ഉള്ളു ഓഫീസിൽ””

“”അതെയോ…എന്നാ ശരി…എന്തായാലും ഈവെനിംഗ് നീ പോകും വഴി വീട്ടിൽ കയറിയിട്ടേ പോകാവൂ…എനിക്ക് കാണണം നിന്നെ…””

“”ഓക്കേ…അപ്പോൾ ഈവെനിംഗ് കാണാം…””

ഞാൻ ഫോൺ കട്ട്‌ ചെയ്തു…കോൺടാക്ട് ഇമേജിലെ സെലിന്റെ ചിരിക്കുന്ന ഫോട്ടോയിൽ അല്പനേരം നോക്കിയിരുന്നു…കുറെ നാള് കൂടിയാണ് സെലിനെ കാണുന്നത്… വരുന്ന കാര്യം ഇന്നലെ എനിക്ക് അവൾ മെസ്സേജ് ചെയ്തിരുന്നു…മെസ്സേജിൽ കണ്ട പ്രകാരം നാളെ എത്തുമെന്ന് കരുതിയാണ് ഞാൻ ഇരുന്നിരുന്നതെന്ന് മാത്രം……സെലിന്റെ മമ്മിക്ക് ഇപ്പോൾ സുഖപ്പെട്ടു…ശസ്ത്രക്രിയയുടെ അവശതയെല്ലാം പൂർണമായും മാറി….. അത്യാവശ്യം സഹായത്തിന് സമീപത്ത് തന്നെ സെലിന്റെ ഇളയപ്പനും കുടുംബവും ഉള്ളത് കൊണ്ട് വേറെ പേടിക്കാനും ഇല്ലാ…അത് കൊണ്ടാണ് ലീവ് ഇനിയും ബാക്കിയുണ്ടായിട്ടും അവൾ അത് ക്യാൻസൽ ചെയ്ത് ജോലിക്ക് ജോയിൻ ചെയ്യാൻ തീരുമാനിച്ചത്….

വൈകുന്നേരം 6 മണിയോട് കൂടി ഞാൻ ഓഫീസിൽ നിന്നും ഇറങ്ങി…രാവിലെ ചേട്ടന്റെ ഒപ്പം സി ഐ യുടെ ഓഫീസിൽ പോകേണ്ടിയിരുന്നതിനാൽ ഞാൻ ഹാഫ് ഡേ ലീവ് എടുത്തിരുന്നു…സകല തെളിവ് സഹിതം ചേട്ടന്റെ നിരപരാധിത്വം പ്രൂവ് ചെയ്തതിനാൽ ആ പ്രശ്നം കൂടുതൽ ഗുരുതരമാകാതെ സോൾവ് ചെയ്യാൻ സാധിച്ചു….മാത്രമല്ല മഹേഷിന്റെ മൊഴിയിലും ചേട്ടനെതിരായി ആരോപണങ്ങളൊന്നും ഉണ്ടായിരുന്നില്ല…… രാജശേഖർ സാറുമായി ഞാൻ ഫോണിൽ സംസാരിച്ചു…. അദ്ദേഹത്തിന്റെ ഇടപെടലും ഞങ്ങൾക്ക് സഹായകരമായി……കുറ്റസമ്മതം നടത്തിയിട്ടില്ലെങ്കിലും സുദേവന്റെ കേസിൽ പ്രതികൾ മഹേഷും കൂട്ടരും തന്നെയാണെന്ന നിഗമനത്തിലാണ് പോലീസ്…തെളിവുകളും അവർക്ക് പ്രതികൂലം…ആ കൂട്ടത്തിലെ ബാക്കി മൂന്നു പേരെ കൂടി അറസ്റ്റ് ചെയ്ത് കേസ് ക്ലോസ് ചെയ്യാനുള്ള ശ്രമത്തിലാണ് പോലീസ് എന്ന് മോഹൻ കുമാർ സർ പറഞ്ഞു….പ്രശ്നങ്ങൾ എല്ലാം സോൾവ് ചെയ്തതിന് ശേഷമാണ് ഞങ്ങൾ വിവരങ്ങളെല്ലാം വീട്ടിൽ അറിയിച്ചത്…കൂടുതൽ കുഴപ്പങ്ങളൊന്നും ഉണ്ടാകാതെ എല്ലാം ഒഴിഞ്ഞു പോയതിന്റെ ആശ്വാസത്തിലായിരുന്നു അവർ…..

ഓഫീസിൽ നിന്നും നേരെ ഞാൻ സെലിനെ കാണാനാണ് പോയത്….ഇടയ്ക്ക് ഞാനും ഭദ്രയും ഏട്ടത്തിയുമെല്ലാം അവളുമായി വീഡിയോ കാൾ ചെയ്യാറുണ്ടെങ്കിലും കുറെ നാള് കൂടി നേരിൽ കണ്ടതിന്റെ സന്തോഷം സെലിന്റെ മുഖത്ത് പ്രകടമായിരുന്നു…കണ്ട പാടെ ഓടി വന്ന് എന്നെ പുണർന്ന പെണ്ണ് കുറുമ്പോടെ മുഷ്ടി ചുരുട്ടി എന്റെ കൂമ്പിനിട്ട് ഇടിച്ചു കൊണ്ടായിരുന്നു സംസാരിച്ചത്…..

ഇത്രയും നാളത്തെ വിശേഷം പറച്ചിലുകളും മറ്റും പറഞ്ഞതിന് ശേഷം അത് വരെയുണ്ടായിരുന്ന comfortable level വിട്ട് സെലിൻ പെട്ടെന്ന് സീരിയസ് ആയ പോലെ തോന്നി എനിക്ക്…..

“”എന്ത് പറ്റിടി…നിനക്കെന്തെങ്കിലും എന്നോട് പറയാൻ ഉണ്ടോ…?? “”

എന്തോ പറയാൻ തുടങ്ങി പിന്നേ മടിച്ചു കൊണ്ടിരുന്ന അവളോട് ഞാൻ ചോദിച്ചു….

“”ഡാ എനിക്കൊരു മാര്യേജ് പ്രൊപോസൽ വന്നിട്ടുണ്ട്…”” ഒരു ചെറുചിരിയോടെ സെലിൻ പറഞ്ഞു….

“”ആഹാ അത് കൊള്ളാലോ…. എവിടുന്നാ.. എന്താ കക്ഷിയുടെ പേര്…””

ഒരു സന്തോഷവാർത്ത കേട്ട താല്പര്യത്തോടെ ഞാൻ തിരക്കി….

“’പേര് പറഞ്ഞാൽ നീ അറിയും.. നിന്നോട് ഒരിക്കൽ ഞാൻ ആളെപ്പറ്റി ഞാൻ പറഞ്ഞിട്ടുണ്ട്…എന്റെ നാട്ടുകാരനാ പുള്ളി….. പേര് ജസ്റ്റിൻ…ജസ്റ്റിൻ ജോസഫ്……”””

“”ജസ്റ്റിൻ…ഹാ ഇപ്പൊ മനസ്സിലായി…ആളല്ലേ പണ്ട് ഒരിക്കൽ നിന്നെ പ്രൊപ്പോസ് ചെയ്‌തെന്ന് പറഞ്ഞെ….“”

“”ആ.. അത് തന്നെ കക്ഷി…ആള് എന്നെ അങ്ങനെയൊന്നും വിടുന്ന മട്ടില്ലന്നാ തോന്നണേ…. “”

അതും പറഞ്ഞ് സെലിൻ സോഫയിലേക്ക് ചാരി…. ജസ്റ്റിൻ സെലിന്റെ നാട്ടുകാരനാണ്…ആളെപ്പറ്റി മുൻപ് ഒരിക്കൽ സെലിൻ എന്റെ അടുത്ത് സൂചിപ്പിച്ചിട്ടുണ്ട്…. സെലിൻ പ്ലസ്ടുവിന് പഠിക്കുന്ന സമയത്ത് കക്ഷി അവളെ പ്രൊപ്പോസ് ചെയ്തിട്ടുണ്ട്…പക്ഷെ സെലിൻ അന്ന് അത് റെജക്റ്റ് ചെയ്തു…. ജസ്റ്റിൻ അപ്പോൾ എഞ്ചിനീയറിങ്ങിന് പഠിക്കുകയായിരുന്നു….. സെലിൻ നോ പറഞ്ഞുവെങ്കിലും പിന്നെയും ആള് അവളുടെ പിന്നാലെ കുറച്ചു കാലം നടന്നു…. പഠിത്തം കഴിഞ്ഞ് ഒരു ജോലി കിട്ടിയതിനു ശേഷം ജസ്റ്റിൻ വീട്ടിൽ വന്ന് സെലിന് വിവാഹം ചെയ്തു തരുമോ എന്ന് അവളുടെ മമ്മിയോട്‌ ആവശ്യപ്പെട്ടു…എന്നാൽ സെലിനെപ്പോലെ മമ്മിക്കും ആ ബന്ധത്തിൽ താല്പര്യം

ഇല്ലാതിരുന്നതിനാൽ അവർ ജസ്റ്റിനെ നിരാശനാക്കി മടക്കി അയച്ചു…സെലിന്റെ മമ്മിക്ക് ജസ്റ്റിന്റെ പ്രൊപോസലിൽ താല്പര്യകുറവ് തോന്നാനുള്ള കാരണം അവന്റെ ഫാമിലി ബാക്ക് ഗ്രൗണ്ട് ആയിരുന്നു…ജസ്റ്റിൻ ചെറിയ കുട്ടിയായിരുന്നപ്പോൾ ആണ് അവന്റെ പപ്പ മരിക്കുന്നത്‌…അധികം താമസിയാതെ അവന്റെ മമ്മി വേറെ കല്യാണം കഴിച്ചു…അതും അവന്റെ പപ്പയുടെ സുഹൃത്തിനെ തന്നെ….പതിയെ പതിയെ ജസ്റ്റിൻ അവന്റെ മമ്മയ്ക്കും പുതിയ ഭർത്താവിനും ഒരു ഭാരമായി തുടങ്ങി….അങ്ങനെ അവൻ മമ്മയെ വിട്ട് തനിച്ചു മാറി താമസിക്കാൻ തുടങ്ങി…..ചില അടുത്ത ബന്ധുക്കളും നാട്ടിലെ കുറച്ചു സുമനസ്സുകളുമായിരുന്നു അവന്റെ ആശ്രയം….പ്രത്യക്ഷത്തിൽ ഒരു അനാഥനെപ്പോലെയുള്ള ജീവിതം… അതൊരു വലിയ കുറവായി വലിയ തറവാട്ടുകാരായ സെലിന്റെ മമ്മിക്ക് അനുഭവപ്പെട്ടിരിക്കാം…..

“”അല്ല.. കക്ഷിയെപ്പറ്റി കുറച്ചു നാളായി ഒരു വിവരുമില്ല എന്നല്ലേ നീ പറഞ്ഞെ…നാട് വിട്ട് പോയിന്നോ അങ്ങനെയെന്തോ മറ്റോ…?? “” സോഫയിൽ ചാരി കിടന്നിരുന്ന സെലിന്റെ ചെവിയിൽ നുള്ളി കൊണ്ട് ഞാൻ ചോദിച്ചു….

“”ഹ്മ്മ് അതേടാ…. ചെന്നൈയിൽ ആണിപ്പോൾ ആള് വർക്ക്‌ ചെയ്യുന്നത് ഹി ഈസ്‌ എ സിവിൽ എഞ്ചിനീയർ…ചെന്നൈയിൽ ജോലി കിട്ടി പോയതിന് ശേഷം പുള്ളിക്ക് നാടുമായി വല്ല്യ കോൺടാക്ട് ഒന്നുമില്ലായിരുന്നു.. ഇപ്പോൾ കുറച്ചു നാളായി നാട്ടിൽ ഉണ്ട്…അന്നൊരു ദിവസം പ്രതീക്ഷിക്കാതെ പുള്ളിക്കാരൻ വീട്ടിൽ വന്നു…സർജ്ജറി കഴിഞ്ഞ് മമ്മി വീട്ടിൽ വിശ്രമത്തിലാണെന്ന് അറിഞ്ഞു കാണാൻ വന്നതാ….കുറെ നാള് കൂടി കണ്ടതിന്റെ ഒരു സങ്കോചം എനിക്കും മമ്മിക്കും ഉണ്ടായിരുന്നു…ഒരു ഫോർമൽ വിസിറ്റ്,, അത്രയേ ഞങ്ങൾ കരുതിയുള്ളു….പക്ഷെ ജസ്റ്റിൻ പിന്നെയും രണ്ട് മൂന്ന് പ്രാവശ്യം മമ്മയെ കാണാൻ വീട്ടിൽ വന്നു….മമ്മയോടൊപ്പം ഒരുപാട് സമയം സംസാരിച്ചിരിക്കും….. എങ്ങനെയോ എന്തോ മമ്മിക്ക് ജസ്റ്റിനെ ശരിക്കും അങ്ങ് ബോധിച്ചു മട്ടാണ് ഇപ്പോൾ….. “””

“”അങ്ങനെ പഴയതെല്ലാം ഓർത്ത് മനസ്സ് ഉഴറിയ പാവം മമ്മി തന്നെ ആ കല്യാണകാര്യം വീണ്ടും എടുത്തിട്ടു അല്ലേ….അതല്ലേ സംഭവിച്ചത്…. “” ഞാൻ പെട്ടന്ന് ഇടയിൽ കയറി തിരക്കി….

“”സ്വാഭാവികം….. “”

സെലിൻ പൊട്ടി ചിരിച്ചു കൊണ്ട് മറുപടി പറഞ്ഞു….

“”എനിക്ക് നിന്റെ ഇഷ്ടം അറിഞ്ഞാൽ മതി…. നിനക്ക് സമ്മതം ആണോ ജസ്റ്റിനെ വിവാഹം കഴിക്കാൻ…””

“”അങ്ങനെ ചോദിച്ചാൽ സമ്മതകുറവൊന്നുമില്ല….. “”

സെലിൻ ഇരുന്ന് ഉരുളാൻ തുടങ്ങി…അവളുടെ മുഖത്ത് നാണത്തിന്റെ ലാഞ്ചന മിന്നി മറഞ്ഞു….

“”അന്ന് ഞാൻ നോ പറഞ്ഞെങ്കിലും ആള് കുറച്ചു നാള് കൂടി എന്റെ പിന്നാലെ നടന്നിരുന്ന കാര്യം ഞാൻ നിന്നോട് പറഞ്ഞിരുന്നില്ലോ…എനിക്കൊരു ശല്യവും ജസ്റ്റിൻ അന്നൊന്നും ഉണ്ടാക്കിയിരുന്നില്ല…. വളരെ മാന്യമായാണ് അന്നെന്റെ വീട്ടിൽ വന്ന് പെണ്ണ് ചോദിച്ചത്…. ഒരു പക്ഷെ മമ്മി ഓക്കേ പറഞ്ഞിരുന്നെങ്കിൽ മുന്പേ ഞങ്ങളുടെ വിവാഹം നടന്നേനെ…. “”

“”സൊ, തനിക്ക് ജസ്റ്റിനെ ഇഷ്ട്ടമാണ്…അവനുമായുള്ള ഈ വിവാഹത്തിന് സമ്മതമാണ്…. അങ്ങനെയാണേൽ പിന്നേ ബാക്കിയെല്ലാം അതിന്റെ രീതിക്ക് തന്നെ മുന്നോട്ട് പോട്ടെടോ….””

“”ഹ്മ്മ്,, ചിലപ്പോൾ രണ്ടു ദിവസത്തിനുള്ളിൽ മമ്മി നിന്നെ വിളിക്കും കല്യാണക്കാര്യത്തെപ്പറ്റി സംസാരിക്കാൻ…. “”

“”വിളിക്കട്ടെ…. മറ്റു കാര്യങ്ങളൊന്നും ഓർത്ത്‌ നീ ടെൻഷൻ അടിക്കണ്ട.. അതൊക്കെ ഞങ്ങൾ കാരണവന്മാർ കൂടിയാലോചിച്ച് വേണ്ട പോലെ ചെയ്തോളാം…. “”

ഞാൻ സ്വൽപ്പം കപട ഗൗരവത്തോടെ പറഞ്ഞു….

‘’ഹയ്യട ഒരു കാരണവര് വന്നിരിക്കുന്നു…നീ പോടാ ചെക്കാ…””

എന്റെ ഭാവം കണ്ട് പുച്ഛം കേറിയ അവൾ സോഫയിൽ കിടന്നിരുന്ന പില്ലോ എടുത്ത് മുഖത്തേക്ക് എറിഞ്ഞു….. എന്നിട്ട് പതിയെ എഴുന്നേറ്റ് അടുക്കളയിലേക്ക് നടന്നു…

“”അല്ലേടി നിന്റെ ഡാഡി എന്ന് പറയുന്ന മാരണം ഇതിന്റെ ഇടയിൽ വല്ല കോടാലിയുമായി വരുമോ…The great protagonist ജോർജ്ജ് മാളിയേക്കൽ….””

“”ഹ്മ്മ്,, അങ്ങനെയൊരു പേടി എനിക്കും മമ്മിക്കും ഇല്ലാതെയില്ലടാ….പിന്നെ എന്നായാലും എന്റെ കല്യാണത്തിന് പുള്ളിയെ പേടിച്ചല്ലേ പറ്റു…. വരുന്നിടത്ത് വച്ച് കാണാം…ആളെപ്പറ്റി ജസ്റ്റിന്റെ അടുത്ത് ഒരു സൂചന കൊടുത്തിട്ടുണ്ട്….അവനും കുറെയൊക്കെ അറിയാവുന്നത് തന്നെയാണ് ആളുടെ സ്വഭാവത്തേക്കുറിച്ച്…ഒരേ നാട്ടുകാര് തന്നെയല്ലേ…. “””

ഫ്രിഡ്ജിൽ നിന്നും എടുത്ത പൈനാപ്പിൾ ജ്യൂസ്‌ ഗ്ലാസ്സിലേക്ക് പകർന്ന് കൊണ്ട് സെലിൻ എന്റെ നേരെ നീട്ടി….

“”നീ ഇത് കുടിക്ക്…നിനക്ക് തരാൻ വേണ്ടി ഉണ്ടാക്കി വച്ചതാ…കണ്ട സമയത്തെ വെപ്രാളത്തിനിടയിൽ എടുത്ത് തരാൻ മറന്നു…. “”

“”നീ ടെൻഷൻ അടിക്കണ്ട…അങ്ങേരെ നമുക്ക് എങ്ങനേലും ഡീൽ ചെയ്യാം…””

“”വന്നിട്ട് ഞാൻ ഭദ്രയെ വിളിച്ചിരുന്നു…കല്യാണകാര്യത്തെപ്പറ്റി ഞാൻ അവളോട് സൂചിപ്പിച്ചിട്ടുണ്ട്….രേവതിയേടത്തിയോടും പറയാൻ പറഞ്ഞു….മായയോടാണ് ആദ്യം ഈക്കാര്യം ഞാൻ വിളിച്ച് പറഞ്ഞത്…കാര്യം അറിഞ്ഞതും അവൾ ഒരുപാട് ഹാപ്പി…“”

“”ഹ്മ്മ് ശരി,, എന്നാൽ ഞാൻ ഇറങ്ങട്ടെ…””

ഞാൻ സെലിനോട് യാത്ര പറഞ്ഞു ഇറങ്ങി…ഇറങ്ങുന്നതിനു മുൻപ് ഫോണിൽ സെലിൻ ജസ്റ്റിന്റെ ഫോട്ടോ എനിക്ക് കാണിച്ചു തന്നു…..സ്വൽപ്പം നിറം കുറവാണേലും അത്യാവശ്യം കാണാൻ കൊള്ളാവുന്ന ഒരു സുമുഖനായ ചെറുപ്പക്കാരൻ…അല്ലേലും തൊലി വെളുപ്പിലും ആറടി പൊക്കത്തിലും വണ്ണത്തിലുമല്ലല്ലോ മനുഷ്യന്റെ സൗന്ദര്യം ഇരിക്കുന്നത്….. അടുത്ത ആഴ്ച സെലിൻ തിരിച്ചു നാട്ടിലേക്ക് പോകുന്നുണ്ട്…ജസ്റ്റിനും അവന്റെ ചില ബന്ധുക്കളും സുഹൃത്തുക്കളും കൂടി അവളെ കാണാൻ വരുന്നുണ്ട്…ഒരു ഫോർമൽ പെണ്ണ് കാണൽ ചടങ്ങ്…അത് കഴിഞ്ഞ് ഒരു ദിവസം ജസ്റ്റിനോട് തൃശ്ശൂർക്ക് വരാൻ പറയാമെന്നും എനിക്കും ഭദ്രയ്ക്കും ഇവിടത്തെ മറ്റു colleagues നും ആളെ നേരിട്ട് പരിചയപ്പെടുത്താമെന്നും സെലിൻ പറഞ്ഞു…..

ദിവസങ്ങൾ കടന്നു പോയി….ജസ്റ്റിനും സെലിനും തമ്മിലുള്ള വിവാഹം നിശ്ചയിച്ചു…. ജസ്റ്റിനെ ഞങ്ങൾക്കെല്ലാവര്ക്കും സെലിൻ പരിചയപ്പെടുത്തിയിരുന്നു…..എല്ലാവർക്കും ജസ്റ്റിനെ ഇഷ്ട്ടപ്പെട്ടു…..രാജശേഖർ സർ ഡൽഹിയിൽ നിന്നും മടങ്ങിയെത്തി…സുദേവന്റെ കേസിൽ മഹേഷിന്റെ ഒപ്പമുണ്ടായിരുന്ന ബാക്കി മൂന്ന് പേരെ കൂടിയും പോലീസ് അറസ്റ്റ് ചെയ്തു…

കൊലപാതകത്തിന് ഉത്തരവാദി അവർ തന്നെയാണെന്ന് വ്യക്തമായ തെളിവുകൾ സഹിതം പ്രോസിക്യൂഷൻ കോടതിയിൽ തെളിയിച്ചു…..പ്രതികൾക്ക് വേണ്ടി വാദിക്കാൻ ഹൈക്കോടതിയിലെ കൊടി കെട്ടിയ വക്കീലന്മാർ ഹാജരായി…..കരുതി കൂട്ടിയ കൊലപാതകമല്ലെന്നും മദ്യലഹരിയിൽ സുഹൃത്തുക്കൾ തമ്മിൽ നടന്ന വഴക്കിനിടയിൽ മന:പൂർവ്വമല്ലാതെ സംഭവിച്ച നരഹത്യയാണെന്നും അവർ വാദിച്ചു…..എന്നിരുന്നാലും ശക്തമായ തെളിവുകളുടെ പശ്ചാത്തലത്തിൽ കീഴ്കോടതി എല്ലാ പ്രതികളെയും ജീവപര്യന്തം കഠിനതടവിന് ശിക്ഷിച്ചു.. എന്നാൽ മേൽക്കോടതിയിൽ അപ്പീലിനു പോയ പ്രതികൾക്ക് ശിക്ഷ ഒമ്പത് വർഷമായി ഇളവ് ചെയ്തു കൊടുത്തു…അങ്ങനെ ആ കേസിന് ഒരു വിരാമമായി…..

വിഷ്ണുവും മായയും തമ്മിലുള്ള വിവാഹം നടന്നു……അധികം താമസിയാതെ എന്റെ സുഹൃത്ത്‌ ജിതിന്റെ വിവാഹവും…..രണ്ട് വിവാഹത്തിലും ജസ്റ്റിൻ പങ്കെടുത്തിരുന്നു….പതിയെ പതിയെ ആളുമായി ഞങ്ങൾ നല്ല സൗഹൃദം സ്ഥാപിച്ചു…..ജോലിക്കായി ഇടയ്ക്ക് ചെന്നൈയിലേക്ക് മടങ്ങിയെങ്കിലും ജസ്റ്റിനുമായി ഫോണിൽ സംസാരിക്കാറുണ്ട്….സെലിനും ജസ്റ്റിനും തമ്മിലുള്ള വിവാഹത്തിന് ഇനിയും നാല് മാസമുണ്ട്….എത്രയും പെട്ടന്ന് തന്നെ വിവാഹം നടത്തണമെന്നായിരുന്നു ജസ്റ്റിന്റെ ഒരേയൊരു ഡിമാൻഡ്…..എന്നാൽ അവിചാരിതമായി സെലിന്റെ ഫാമിലിയിൽ ഒരു അടുത്ത ബന്ധു മരണപ്പെട്ടതിനാൽ ഉടനെ തന്നെ വിവാഹം പോലെയുള്ള ശുഭകാര്യങ്ങൾ നടത്തുന്നതിൽ സെലിന്റെ മമ്മിയുൾപ്പടെയുള്ള ബന്ധുക്കൾ നീരസം പ്രകടിപ്പിച്ചു….അത് കൊണ്ടാണ് വിവാഹം ഇത്രയും നീണ്ടത്….എന്തായാലും കിട്ടിയ സമയം രണ്ടും ശരിക്കും പ്രേമിച്ചു തകർക്കുകയാണ്…..ആ പേരും പറഞ്ഞ് ഓഫീസ് വർക്കിൽ സെലിൻ ചെറുതായി ഉഴപ്പാൻ തുടങ്ങിയിട്ടുണ്ട്….പക്ഷെ ഡിപ്പാർട്മെന്റ് ഹെഡ് ഞാനായത് കൊണ്ട് ആ ഒരു ആനുകൂല്യം അവൾ ശരിക്കും മുതലെടുക്കുന്നതാണ്……സുദേവന്റെ കേസ് അവസാനിച്ച് കുറച്ച് നാളുകൾക്ക് ശേഷം ഞാൻ രാജശേഖർ സാറിനെ കണ്ടിരുന്നു….പതിവ് കുശലന്വേഷണങ്ങൾക്കിടയിൽ സുദേവന്റെ കേസിനെക്കുറിച്ചുള്ള കാര്യങ്ങളും ഞങ്ങൾക്കിടയിൽ സംസാരവിഷയമായി…………

“”സത്യം പറഞ്ഞാൽ ആ കേസ് അന്വേഷണത്തിൽ ഞാൻ പൂർണ്ണമായും തൃപ്തനല്ല അനന്തു…..””’

‘”സർ, അങ്ങനെ തോന്നാനുള്ള കാരണം… “”

“”ഞാൻ മുന്നേ സൂചിപ്പിച്ചിട്ടുള്ളതല്ലേ അനന്തു,,, ശിക്ഷിക്കപ്പെട്ട നാല് പേരിൽ ഒതുങ്ങുന്നതല്ല ആ സെക്സ് റാക്കറ്റിന്റെ നെറ്റ്‌വർക്ക്…. പ്രതികളെ വേഗം പിടികൂടാനും അതിവേഗം വിചാരണ നടത്തി ശിക്ഷ വാങ്ങിപ്പിച്ചു കൊടുക്കുവാനെല്ലാം നമുക്ക് സാധിച്ചു….. ബട്ട്‌ അതോടു കൂടി എല്ലാം

അവസാനിച്ചോ…. No,, ഐ ഫീൽസ് ഇൻകംപ്ലീറ്റ്…. ആ സെക്സ് റാക്കറ്റ്….. That entire network is still active….അത് പൂർണമായും നശിപ്പിക്കാൻ പോലീസിന് സാധിച്ചിട്ടില്ല…സാധിക്കില്ല എന്ന് പറയുന്നതാകും ശരി…. അത്രയും സ്ട്രോങ്ങ്‌ ആണ് അവരുടെ ബാക്ക് അപ്പ്‌….ഭരണത്തലത്തിലുള്ള സ്വാധീനവും മറ്റും…..””

വളരെ സീരിയസായി സർ പറയുന്നത് കേട്ട് കൊണ്ട് ഞാനിരുന്നു…

“”തീർത്തും ഹെൽപ്‌ലെസ് ആയി പോകുന്ന ഇത്തരം കേസുകളിൽ നമുക്ക് പിന്നെ എന്ത് ചെയ്യാൻ സാധിക്കും സർ…. ശിക്ഷിക്കേണ്ടവർ തന്നെയല്ലേ ഇവരെയൊക്കെ സംരക്ഷിക്കുന്നത്…. “”

ഞാൻ പറയുന്നത് ശരി വയ്ക്കുന്ന തരത്തിൽ സർ നിരാശയോടെ തലയാട്ടി….

“”കഴിഞ്ഞ മാസം ഒരു കേസ് അന്വേഷണത്തിന്റെ ഭാഗമായി ഞാൻ കോയമ്പത്തൂർ പോയിരുന്നു…അവിടെ ഞങ്ങളെ അസിസ്റ്റ് ചെയ്ത തമിഴ്നാട് പോലീസിലെ ഒരു ഉദ്യോഗസ്ഥനുമായി ഈ സെക്സ് റാക്കറ്റിനെക്കുറിച്ച് ഞാൻ സംസാരിച്ചിരുന്നു…. Just a casual talk….നമ്മുടെ നാട്ടിലേക്കാൾ ശക്തമാണ് അവിടത്തെ ആ റാക്കറ്റിന്റെ പ്രവർത്തനം…..ഇന്ത്യയിലെ പല നാടുകളിൽ നിന്നുമുള്ള ആൾക്കാർ ആ നെറ്റ് വർക്കിന്റെ ഭാഗമായി പ്രവർത്തിക്കുന്നുണ്ട്…നല്ലൊരു ശതമാനം നമ്മുടെ മലയാളികളും ഉണ്ട് അതിൽ….സ്ത്രീകൾ ഉൾപ്പെടെ…മിക്ക ഗ്യാങ്ങിന്റെയും ലീഡേഴ്‌സ് അവരാണ്….അതിൽ പ്രമുഖരായ പല പേരുകളും ഞാൻ അദ്ദേഹം പറഞ്ഞു കേട്ടു….വസുന്ധര,നാസർ ഹുസൈൻ,കോശി എബ്രഹാം,, അൻവർ മാലിക്….അങ്ങനെ ഒരുപാട് പേരുകൾ….എല്ലാം മലയാളികൾ…. പോലീസ് റെക്കോഡ്സിൽ ഉള്ള ഇവരിൽ ചിലരുടെ ഈ ഐഡന്റിറ്റികളെല്ലാം വ്യാജമാണ്…യഥാർത്ഥത്തിലുള്ളതൊന്നും കണ്ട് പിടിക്കാൻ ഇന്നും പോലീസിന് കഴിഞ്ഞിട്ടില്ല…..മേലധികാരികളുടെ സമ്മർദ്ദം അവരെ അതിന് അനുവദിക്കുന്നില്ല…പോലീസ് തീർത്തും നിഷ്ക്രിയമാകുന്ന അവസ്ഥയാണ് ഇതെല്ലാം…..നിയമപരമായി ഒന്നും ചെയ്യാൻ സാധിക്കുന്നില്ല……”””

രാജശേഖർ സർ നിരാശയോടെ പറഞ്ഞു നിർത്തി….. നമ്മുടെ നാട്ടിലെ നിയമവ്യവസ്ഥിതിയോട് ഒരു സാധാരണ പൗരൻ എന്ന നിലയിൽ തീർത്തും പുച്ഛം തോന്നുന്ന ഒരു അവസ്ഥ….അല്ലാതെന്തു പറയാൻ……

******************************

തിരക്കുകൾ കാരണം മാറ്റി വച്ചിരുന്ന എന്റെയും ഭദ്രയുടെയും മധുവിധു യാത്രയ്ക്കുള്ള സമയം ഒത്തു വന്നു…ഞങ്ങളുടേത്‌ മാത്രമായ ഒരു ലോകത്തേക്ക് കുറച്ചു ദിനങ്ങൾ കരുതി വച്ച് കൊണ്ട് ഞാനും എന്റെ പ്രിയതമയും ആ യാത്രയ്ക്കൊരുങ്ങി… ഭദ്ര നാട്ടിലെ തന്നെ ഒന്ന് രണ്ടിടങ്ങളിൽ തന്റെ ഡാൻസ് പ്രോഗ്രാം നടത്തി…. അവൾ അതിന്റെ തിരക്കുകളിൽ മുഴുകിയിരുന്നത്

കൊണ്ടായിരുന്നു ഹണിമൂൺ യാത്ര കുറച്ചു ദിവസം കൂടി നീണ്ട് പോയത്…..ശരത് മുഖേന അവന്റെ പരിചയക്കാരനിൽ നിന്നും ഞാൻ ഒരു ബുള്ളറ്റ് സ്വന്തമാക്കിയിരുന്നു ഇതിനിടയിൽ…Royal Enfield 350 BS6 Model, Onyx Black Colour…യാത്രയുടെ സൗന്ദര്യവും ആവേശവും വർദ്ധിപ്പിക്കാനായി ഞങ്ങൾ രഥമായി തിരഞ്ഞെടുത്തത് അവനെയായിരുന്നു….

നാടിന്റെ തിരക്കുകൾക്കും ധൂളിപ്പടർപ്പുകൾക്കും അക്കരെ കാടിന്റെ വന്യത പകരുന്ന ചാരുതയുടെ ശീതളിമയിൽ ഞങ്ങളുടെ മധുവിധു രാവുകൾക്ക് അരങ്ങൊരുങ്ങി….അവിടേക്കുള്ള ഞങ്ങളുടെ യാത്ര…ഏറെ നാളായി കാത്തിരുന്ന യാത്ര….മനുഷ്യമനസ്സുകളെ തമ്മിൽ കൂടുതൽ അടുപ്പിക്കുന്നതിനുള്ള ഒരു കാന്തിക ശക്തി യാത്രകൾക്കുണ്ട്….അതും പ്രിയതമയോടൊപ്പം….എന്നിലെ ജീവന്റെ പാതി…ആദ്യഭോഗത്തിൽ അവൾ എന്റെ ശരീരത്തിൽ സമ്മാനിച്ച നഖക്ഷതങ്ങൾ ഇന്നും എനിക്ക് കൂട്ടായുണ്ട്…ശരവേഗത്തിൽ പായാൻ കഴിവുള്ള ഇരുചക്രവാഹനത്തിൽ ഞാനും അവളും….ഏറെ ദൂരം സഞ്ചരിക്കാനുണ്ട് ആ വന്യ മരീചിക ഭൂവിലേക്കുള്ള പാതയിലൂടെ….കാറ്റിന്റെ കൈവഴിയിൽ ഇരു മെയ്യും ഒരു മനസ്സുമായി ഞങ്ങൾ മുന്നോട്ട് കുതിച്ചു…ഇടയ്ക്ക് വേഗത കുറച്ചും കൂട്ടിയും യാത്രയ്ക്ക് ഇപ്പോൾ ഒരു താളം കൈ വന്നിരിക്കുന്നു….പിന്നിലൂടെ എന്റെ അവൾ എന്നെ വാരിപ്പുണരുകയാണ്…അത്രമേൽ പ്രണയാർദ്രമായി മാറിയിരുന്നു ഞങ്ങളുടെ ആ മധുവിധു യാത്ര….അവളുടെ ഇളംതാരുണ്യമേനി എന്നിൽ പറ്റിച്ചേർന്നപ്പോൾ നഖങ്ങളുടെ പ്രസരിപ്പുള്ള തളിർ വിരലുകൾ പകരുന്ന ലാളനകൾ എന്റെ നെഞ്ചിൽ തഴുകി തലോടി കൊണ്ടിരുന്നു…..

മണിക്കൂറുകൾ നീണ്ട് നിന്ന യാത്രയ്ക്ക് വിരാമമാകാറായിരിക്കുന്നു….കാടിന്റെ വന്യതയിൽ രമിക്കുന്ന ആ മരീചികയിലേക്ക് ഞങ്ങൾ എത്തിച്ചേരുകയാണ്….. ഇരു വശങ്ങളും വൃക്ഷലധാതികൾ തിങ്ങിനിറഞ്ഞ, ഇലച്ചാർത്ത് പൊഴിഞ്ഞ വീഥിയിൽ കോടമഞ്ഞിൻ അലയൊലികൾ നടനമാടിക്കൊണ്ടിരിക്കുന്നു….ആ ആർദ്രതയിൽ ഭദ്ര എന്നെ വാരിപ്പുണർന്നു കൊണ്ട് ഇരുന്നു….എന്റെ കഴുത്തിലും കവിളിണകളിലും ഏറ്റ ചുംബനങ്ങൾക്കെല്ലാം അവളുടെ അനുരാഗത്തിന്റെ ഗന്ധമുണ്ട്…വളവുകളും കയറ്റിറക്കങ്ങളും താണ്ടി കൊണ്ട് ഞങ്ങളാ വിജന വീഥിയെ പ്രണയാർദ്രമാക്കി മുന്നേറി……ഒടുവിൽ ലക്ഷ്യസ്ഥാനത്ത് എത്തിച്ചേരുമ്പോൾ കോടമഞ്ഞും ചെറുശൈത്യവും മന്ദമാരുതനുമൊക്കെ ഞങ്ങളെ വരവേറ്റു……വിവാഹജീവിതത്തിലെ ആദ്യയാത്ര പകർന്ന അനുഭവം ഓർമ്മകളുടെ പുസ്തകത്തിൽ അന്ന് കുറിക്കപ്പെടുകയാണ്……

ആ റിസോർട്ട് സ്ഥിതി ചെയ്യുന്ന മലമുകളിൽ ഞങ്ങൾക്കായി ഒരുക്കിയ കോട്ടെജിലേക്ക് അവിടത്തെ പ്രതിനിധി ഞങ്ങളെ കൂട്ടിക്കൊണ്ട് പോയി….പ്രണയമേഘങ്ങളെ തൊട്ടുരുമ്മി നിൽക്കുന്ന ആ ചെറുകുടിൽ ഞങ്ങൾ രണ്ടു പേർക്കും ഒറ്റനോട്ടത്തിൽ തന്നെ ഇഷ്ട്ടമായി….വൃക്ഷലതാദികൾക്കിടയിൽ ഒളിച്ചിരിക്കുന്ന ഒരു പക്ഷിക്കൂട് പോലെ അത് ശോഭിക്കുകയാണ്….ആ

വള്ളിക്കുടിലിനുമപ്പുറം കുന്നിൻചരിവുകളുടെ മനോഹാരിതയാണ്…ആ അനന്തതയുടെ ആഴങ്ങളിലേക്ക് കാലു നീട്ടിയിരിക്കുവാൻ ഒരു കൊച്ചു ഇരിപ്പിടവും അവിടെ ഒരുക്കിയിട്ടുണ്ട്….അനുരാഗമയമായ ആ സുന്ദരയാമത്തിൽ അൽപ്പം കടുംകാപ്പിയും നുകർന്നു കൊണ്ട് പ്രിയതമയെ കരവലയത്തിനുള്ളിൽ ചേർത്ത് പ്രകൃതിയൊരുക്കിയ ആ മടിത്തട്ടിൽ ഞാൻ ശയിച്ചു….

മാരുതൻ ഒരു മായാജാലക്കാരനായി മാറിയിരിക്കുകയാണ്…താഴ്‌വാരങ്ങളിലെ വെള്ളപ്പട്ടിനെ കൊള്ളയടിച്ചു കൊണ്ട് പോയ അവൻ എന്റെ പെണ്ണിന്റെ നഗ്നതയെ എനിക്ക് മുന്നിൽ വരച്ചു കാട്ടി….അവളുടെ അനുപമമേനിയിലെ മായിക മരീചികയെന്റെ കണ്ണുകളെ രതിഭരിതമാക്കി….വാമാങ്കി ആയ പ്രിയതമയുടെ മിഴികളിൽ വിടർന്ന ചാരുത ആ അനുഭൂതിക്ക് കൂടുതൽ മിഴിവേകി….പ്രകൃതിയുടെ ക്യാൻവാസിൽ കരിമഷി പൂർണമായും കനത്തു…ചായക്കപ്പ് മാറ്റി വച്ച് ഭദ്ര എന്നിലേക്ക് ഒന്ന് കൂടെ പറ്റിച്ചേർന്നു കിടന്നു….അവളുടെ മേനിയിലെ ചെറുരോമരാജികളിൽ തങ്ങി നിന്നിരുന്ന മഞ്ഞു കണങ്ങൾ എന്റെ കണ്ണിൽ അവളെ കൂടുതൽ രതിലോലുപയാക്കി….മുല്ലമൊട്ടുകൾ കാണിച്ചു കൊണ്ടുള്ള പുഞ്ചിരി പെണ്ണിന്റെ സൗന്ദര്യം വർദ്ധിപ്പിച്ചു….ആ പുഞ്ചിരി തന്നെയാണ് ഞാൻ അവളിൽ എന്നും കാംക്ഷിക്കുന്നത്…..

മയിൽ നടനമാടി നിന്നിരുന്ന കേശഭാരത്തെ കൈ കൊണ്ട് ഒതുക്കി നിർത്തി ഞാൻ എന്റെ സഹധർമ്മിണിയുടെ നെറുകയിൽ ചുംബിച്ചു….കൂമ്പിയടഞ്ഞ മിഴിയിണകളിൽ പിന്നെയും പുഞ്ചിരി വിടർന്നു…. കവിളിണകളിലേക്ക് പടർന്ന ആ പുഞ്ചിരി കോണിലെ ബിന്ദുവിൽ എന്റെ പാതിയുടെ സൗന്ദര്യമാകെ കേന്ദ്രീകരിച്ചു…..ഞാൻ പിന്നെയും പിന്നെയും ചുംബിക്കാൻ കൊതിക്കുന്ന അവളുടെ സൗന്ദര്യത്തിന്റെ ഉറവിടമാണിത്…..മകരമാസത്തിൽ വിടരുന്ന മാതളപ്പൂ പോലെ പെണ്ണിന്റെ അധരങ്ങൾ വിടർന്നു നിൽക്കവേ അവ ചുംബനത്തിനായ് വിറ പൂണ്ടു….പല തവണ നുകർന്ന് ലഹരിയായി മാറിയ മധുചഷകമാണ് എനിക്ക് ആ അധരങ്ങൾ….അതിൽ നിന്നും ഞാനും എന്നിൽ നിന്ന് അവളും ദീർഘനേരം പാനം ചെയ്തു….അരണ്ട വെളിച്ചത്തെ മറയാക്കി മന്ദമാരുതൻ ചൊരിയുന്ന ശീതളിമയിൽ ആ ലഹരി ഞങ്ങൾ മതി വരുവോളം പരസ്പരം നുകർന്നു കൊണ്ട് ആസ്വദിച്ചു….വാഴപ്പോളയിൽ നിന്നും സൂക്ഷ്മമായി ചെറുതേൻ കുടിക്കുന്ന അനുഭൂതി….അത്രമേൽ മധുരിതമായ ഇരുപോളകളെയും ഞാൻ വാശിയോടെ ചുവപ്പിച്ചു കൊണ്ടിരുന്നു…..

“”അനന്തേട്ടാ ഞാനൊരു ആഗ്രഹം പറഞ്ഞാൽ സാധിച്ചു തരുമോ….””

കണ്ണുകളിൽ നോക്കിയുള്ള എന്റെ സുന്ദരിപ്പൂവിന്റെ ചോദ്യം കേട്ട് ഉന്മാദ ലഹരിയിൽ ഞാൻ അവളെ നോക്കി…മിനിഞ്ഞാന്ന് ഇവിടെ വന്നത് മുതൽ ഞാൻ കേൾക്കാൻ ആഗ്രഹിച്ചിരുന്ന ചോദ്യം ആയിരുന്നു അത്….വശ്യസുന്ദരമായ കാനനത്തിന്റെ നടുവിലുള്ള,. മലനിരകൾക്കിടയിലൂടെ ഒഴുകുന്ന നീർച്ചോലകൾക്കരികിൽ ഹരിതഭംഗി തുളുമ്പി നിൽക്കുന്ന ഒരു ഹണിമൂൺ റിസോർട്ട്,, “”ഗ്രീൻ ഹട്ട് “” ഭദ്രയുടെ ആഗ്രഹപ്രകാരം തിരഞ്ഞെടുത്തതായിരുന്നു ഹണിമൂണിന് ഇത് പോലെയൊരു അന്തരീക്ഷം…രണ്ട് ദിവസം കൊണ്ട് വനത്തിന്റെ ഭംഗിയും ചാരുതയുമെല്ലാം ഞാനും ഭദ്രയും ഒരുപാട് ആസ്വദിച്ചു…

പകൽസമയത്തെ കാനന പാതയിലൂടെയുള്ള കറക്കവും ഓഫ്‌ റോഡിലെ ജീപ്പ് ഡ്രൈവുമെല്ലാം ഞങ്ങളെ ശരിക്കും ഹരം കൊള്ളിച്ചു…രാത്രിയായപ്പോഴായിരുന്നു കാടിന്റെ ഭംഗിയും നിശ്ശബ്ദതയും ഞങ്ങൾക്ക് അൽപ്പം ഭയാനകമായി അനുഭവപ്പെട്ടത്…. കാടിന്റെ ഭീകരത ശരിക്കും മനസ്സിലാകുന്നത് അപ്പോഴാണ്…അതും ഇത് പോലെയൊരു സ്ഥലത്ത് അതിന്റെ തീവ്രത ഇരട്ടിക്കും…. “ഗ്രീൻ ഹട്ട് ‘’ എന്ന പേരെയുള്ളു…ശരിക്കും രാത്രി സമയങ്ങളിൽ അനുയോജ്യം “ഡാർക്ക് ഹട്ട് “എന്നാണ്… ഗ്രീൻ ഹട്ടിൽ ഞങ്ങളെ കൂടാതെ മറ്റൊരു നോർത്ത് ഇന്ത്യൻ ഫാമിലിയും പിന്നെ റിസോർട്ടിലെ നാലഞ്ച് സ്റ്റാഫുകളും… ഇരുട്ടായാൽ വെളിച്ചം പരത്താൻ റാന്തലുകളും മെഴുകുതിരികളും…

“”എന്താ എന്റെ അമ്മൂസിന്റെ ആഗ്രഹം…പറയ്‌.. “”

ഭദ്രയെ നെഞ്ചോട് ചേർത്ത് പിടിച്ചു കൊണ്ട് ഞാൻ വാത്സല്യത്തോടെ ചോദിച്ചു… എന്നാൽ പെണ്ണിന്റെ ആഗ്രഹം കേട്ട് ഞാനൊന്ന് ഞെട്ടി…

“”എന്താ ഭദ്രേ നീ പറയുന്നേ…ഓജോബോർഡ്‌ കളിക്കാനോ…!!!അതും ഈ ഹണി മൂൺ സമയത്ത്…അല്ലേലെ ഞാനിവിടത്തെ അന്തരീക്ഷത്തിൽ ആകെ കിളി പോയ അവസ്ഥയിലാ…അതിന്റെ കൂടെ ഇതും കൂടെയായാൽ എന്റെ പണിക്കുറ്റം തീരും….ഒരു ഓജോ ബോർഡ്‌…നീ വന്നേ നമുക്ക് ഡിന്നർ കഴിച്ച് കിടക്കാം….””

എന്റെ മറുപടി കേട്ട് ഭദ്രയുടെ മുഖം വാടി…

“”അല്ലെങ്കിലും എനിക്കറിയാം അനന്തേട്ടന് എന്നെ ഇഷ്ട്ടൊന്നുമില്ല…ഈ കാണിക്കണ സ്നേഹൊക്കെ വെറും അഭിനയാ…”” ഇടറിയ ശബ്ദത്തിൽ അവൾ എന്തൊക്കെയോ പിറുപിറുക്കാൻ തുടങ്ങി…കാര്യം നേടിയെടുക്കാനുള്ള എന്റെ ശ്രീമതിയുടെ സൈക്കോളജിക്കൽ മൂവ്…ഞാനതിൽ മൂക്കും കുത്തി വീഴുമെന്ന് അവൾക്കറിയാം…

“”ഇതല്ലാതെ വേറെയൊന്നും നിനക്ക് ആഗ്രഹിക്കാനില്ലേ എന്റെ പൊന്നെ…. അതും ഈ സമയത്ത്…. വെറുതെ നമ്മുടെ സുന്ദരമായ രാത്രി നശിപ്പിക്കണോ…”” പരിഭവം നിറച്ച ആ കവിളിണകളിൽ ഞാൻ ചെറുതായൊന്നു നുള്ളി…താഴോട്ട് നോക്കി നിൽക്കുന്ന പെണ്ണിന്റെ മുഖം താടിത്തുമ്പിൽ പിടിച്ച് നേരെ ഉയർത്തിയതും നിരാശ നിറഞ്ഞ ആ മിഴിയിണകൾ കണ്ട് ഞാനാകെ ധർമ്മസങ്കടത്തിലായി….

“”പ്ലീസ് അനന്തേട്ടാ.. എന്റെ ചക്കരയല്ലേ… എന്റെ ഈ ആഗ്രഹമൊന്ന് സാധിച്ചു തന്നൂടെ…ഇന്ന് എനിക്കത് കളിക്കണം…. വർഷങ്ങളായി മനസ്സിൽ ഉള്ള ആഗ്രഹമാണ്…..ഇവിടെ അതിന് പറ്റിയ ഒരു അന്തരീക്ഷമുണ്ട്…ഇതിലെന്തെങ്കിലും സത്യമുണ്ടോന്ന് എനിക്കിന്നറിയണം…..””

ഭദ്രയുടെ വാക്കുകൾ കേട്ട് ഞാനാകെ ത്രിശങ്കു സ്വർഗത്തിൽപ്പെട്ട അവസ്ഥയിലായി…നല്ലൊരു ഹണിമൂൺ ആഘോഷിക്കാൻ വന്നിട്ട് ഇവൾക്കിപ്പോ ഈയൊരു കളിയെ ആവശ്യപ്പെടാനുള്ളു…കഴിഞ്ഞ രണ്ട് രാത്രിയും കളിച്ച പോലുള്ള കളികൾ കളിച്ചാൽ പോരെ ഇവൾക്ക്…വെറുതെ മനുഷ്യന്റെ മനസ്സമാധാനം കളയാൻ…ഇനി സമ്മതിച്ചില്ലേൽ പിന്നെ അത് മതി ഹണി മൂൺ കുളമാകാൻ…

“”ശരി നമുക്ക് കളിക്കാം…പക്ഷേ അതിന് നമ്മുടെ കയ്യിൽ ഓജോ ബോർഡ്‌ ഇല്ലല്ലോ…””

“”ഓജോ ബോർഡ്‌ ഇവിടെ ഉണ്ടല്ലോ…അപ്പുറത്തെ ആ നോർത്ത് ഇന്ത്യൻ ഫാമിലിയില്ലേ,, അവരുടെ കയ്യിൽ ഉണ്ട്…. “”

“”അത് വേണോ??? നമുക്ക് നാളെ പുതിയ ഓജോ ബോർഡ്‌ വേടിക്കാം…എന്നിട്ട് വീട്ടിൽ ചെന്നിട്ട് കളിക്കാം…അത് പോരെടാ വാവേ…. “”

ഞാൻ പെണ്ണിന്റെ താടി തുമ്പിൽ പിടിച്ചാട്ടി കൊണ്ട് കൊഞ്ചിച്ചു.…

“”പോരാ,, എനിക്ക് ഇപ്പോൾ തന്നെ കളിക്കണം “” ഭദ്ര കൊച്ചുകുട്ടികളെ പോലെ വാശി പിടിച്ചു..…

‘“ഹ്മ്മ്,, വന്ന് വന്ന് പെണ്ണിന് പിടിവാശിയും കുറുമ്പും കുറച്ചു കൂടുന്നുണ്ട്…പറയുന്നതിനൊക്കെ താളത്തിന് തുള്ളുന്ന എന്നെ പറഞ്ഞാൽ മതിയല്ലോ…വീട്ടുകാരുടെ വകയുള്ള പുന്നാരിക്കൽ വേറെയും…””

ഞാൻ മെല്ലെ മുറുമുറുത്തു… ഗൗരവം നിറഞ്ഞ മുഖം കണ്ടതും എന്നെയൊന്ന് തണുപ്പിക്കാനെന്നോണം അവൾ നെഞ്ചിലേക്ക് ചാരി നിന്ന് കൊണ്ട് ചിണുങ്ങാൻ തുടങ്ങി….ഒടുക്കം ഞാൻ സമ്മതം മൂളിയതും പെണ്ണിന്റെ മുഖം സന്തോഷം കൊണ്ട് തുടുത്തു…

“’എനിക്കറിയായിരുന്നു എന്റെ ഏട്ടൻ സമ്മതിക്കുമെന്ന്…അതോണ്ടേ ഞാൻ അവരോട്‌ നേരത്തെ ഓജോ ബോർഡ്‌ ചോദിച്ചായിരുന്നു…അവർ തരാമെന്ന് സമ്മതിക്കുകയും ചെയ്തു…””

ഇതും പറഞ്ഞ് ചാടി തുള്ളി കൊണ്ടവൾ പുറത്തേക്ക് പോയി…. അൽപ്പസമയം കഴിഞ്ഞപ്പോൾ അവരുടെ കയ്യിൽ നിന്ന് ഓജോ ബോർഡും വാങ്ങി കൊണ്ട് ഭദ്ര വന്നു…സത്യം പറയാലോ ആ പണ്ടാരം കണ്ടപ്പോൾ തന്നെ എന്റെ മുട്ട് ചെറുതായി കൂട്ടിയിടിക്കാൻ തുടങ്ങി….

“”അമ്മൂസേ,, എന്തായാലും നമുക്ക് ഡിന്നർ കഴിച്ചിട്ട് നോക്കാം…. “”

“”എന്നാ ശരി,, നമുക്ക് ആദ്യം കഴിക്കാം…””

ഇരുവശവും മെഴുകുതിരി വിളക്കുകൾ കത്തിച്ചു വച്ച വഴിയിലൂടെ ഭദ്രയെയും ചേർത്ത് പിടിച്ച് കൊണ്ട് ഞാൻ നടന്നു…. ഓർഡർ ചെയ്ത ഭക്ഷണം ടേബിളിൽ റെഡിയായിരുന്നു…ഇരു വശങ്ങളിലും ഉള്ള കസേരകൾ വലിച്ചു നീക്കിയിട്ട് ഞങ്ങൾ ഇരുന്നു…. എന്റെ സ്നേഹവും ചേർത്ത് കൊണ്ട് ഞാൻ പ്രിയതമയ്ക്ക് മെഴുകുതിരി അത്താഴം വിളമ്പി….എന്നെത്തന്നെ സാകൂതം നോക്കി കൊണ്ട് ഇരുന്നിരുന്ന ഭദ്രയുടെ കണ്ണുകളിൽ പ്രണയത്തിന്റെ തിരയിളക്കം കണ്ടു… സിരകളെ ചൂട് പിടിപ്പിക്കുന്ന വികാരത്തിന്റെ അനിർവചനീയമായ അനുഭൂതി ഞങ്ങൾ പരസ്പരം മിഴിയിണകളിലൂടെ പകർന്നു…. തലോടലായ് എത്തിയ മാരുതൻ പ്രണയത്തിന്റെ ഗന്ധം പടർത്തി…

ഡിന്നർ കഴിഞ്ഞ് മുറിയിലേക്ക് തിരിച്ചു നടക്കവേ വീണ്ടും ഒരു കുളിർക്കാറ്റ് വീശിയടിച്ചു…. ഞങ്ങൾ പരസ്പരം വാരിപ്പുണർന്ന് കൊണ്ട് ചുംബനങ്ങൾ നൽകി…ഭദ്രയെ എന്റെ ഇരുകൈകളിലും കോരിയെടുത്ത് കൊണ്ട് ഞാൻ മുറിയിലേക്ക് നടന്നു…

എന്റെ കയ്യിൽ മലർന്ന് കിടന്നു കൊണ്ട് തന്നെ അവൾ മുറിയുടെ വാതിൽ കുറ്റിയിട്ടു….അവളെ ബെഡിൽ കിടത്തി എഴുന്നേൽക്കാൻ തുടങ്ങിയതും കഴുത്തിൽ കൈ രണ്ടും ചുറ്റി കൊണ്ട് പെണ്ണ് എന്നെ വലിച്ചു ദേഹത്തേക്കിട്ടു…എന്റെ ചുടു നിശ്വാസമടിച്ച് ചുവന്നു തുടുത്ത കവിളിണകളിൽ മാറി മാറി അമർത്തി ചുംബിച്ചിട്ടും തീരാത്ത കൊതി ആ ഇളംമാംസത്തിൽ ചുണ്ടുകൾ കൊരുത്ത് ചപ്പിവലിച്ചു കൊണ്ട് ഞാൻ അടക്കി…അവളുടെ അധരങ്ങളിലൂടെ എന്റെ കൈവിരലുകൾ മന്ത്രിച്ചു…ഞാൻ വിരൽ മാറ്റി അവിടം മുഖം അടുപ്പിച്ചു…എന്റെ ഇളം കറുപ്പ് ചുണ്ടുകൾ ആ തേനൂറുന്ന തുടുത്ത പിങ്ക് അധരങ്ങളെ കൊതിയോടെ നുണഞ്ഞെടുത്തു….

കോൾമയിർ കൊണ്ട് വെട്ടിവിറച്ച ഭദ്രയുടെ വെണ്ണ തോൽക്കും ഉടൽ എന്നിലേക്ക് പറ്റിച്ചേർന്നു…ഇടം കൈ കൊണ്ട് അവളുടെ ഇടുപ്പിൽ ചുറ്റിപ്പിടിച്ച ഞാൻ വെളുത്ത ടീ ഷർട്ടിനുള്ളിൽ തുള്ളി തുളുമ്പുന്ന മാറിലെ മാതളപ്പഴങ്ങളെ വലം കയ്യാൽ ഞെക്കിയുടച്ചു…. ഈ സമയവും ഞാൻ അവളുടെ അധരങ്ങളെ വിഴുങ്ങി കൊണ്ട് ആർത്തിയോടെ ചപ്പി വലിച്ചു കൊണ്ടിരുന്നു…മാറിലെ മാമ്പഴങ്ങൾ എന്റെ ബലിഷ്ടമായ നെഞ്ചിൽ ഞെരിഞ്ഞമർന്നു…പൊടുന്നനെ എന്നെ തള്ളിമാറ്റിക്കൊണ്ട് ഭദ്ര കമിഴ്ന്നു കിടന്നു കൊണ്ട് വശ്യമായി പുഞ്ചിരിച്ചു….. കാച്ചെണ്ണയുടെ ഗന്ധമുള്ള ആ കനത്ത കാർക്കൂന്തൽ ഇഴകൾ വകഞ്ഞു മാറ്റി കൊണ്ട് ഞാൻ എന്റെ പെണ്ണിന്റെ പുറം മേനിയാകെ ചുംബിച്ചുണർത്തി…പിൻകഴുത്തിൽ നിന്നും അരിച്ചിറങ്ങിയ ചുണ്ടുകളിൽ കൊരുത്തു കൊണ്ട് അവളുടെ ടീ ഷർട്ടും ഷിമ്മിയും മുകളിലേക്കുയർത്തി അരക്കെട്ട് നഗ്നമാക്കി…പിൻവശത്തെ ഇരട്ടചുഴികളിൽ നാക്കിട്ട് ചുഴറ്റിയതും ആ പൂമേനി അടിമുടിയൊന്ന് വിറ കൊണ്ടു…പതിയെ താഴെക്കിറങ്ങിയ ഞാൻ കറുത്ത ട്രാക്ക് പാന്റിനുള്ളിൽ അഴകോടെ ഉയർന്നു നിൽക്കുന്ന ആ കനത്ത നിതംബങ്ങൾക്കിടയിലെ വിടവിലേക്ക് മുഖം പൂഴ്ത്തി…നേർത്ത കോട്ടൺ തുണിയുടെയും പാന്റിയുടെയും ആവരണമുള്ള ആ പഞ്ഞിക്കെട്ടുകളിലൂടെ ആകെ എന്റെ ചുണ്ടുകൾ മേഞ്ഞു നടന്നു…. പാന്റിയിലും ചേർത്ത് പിടിച്ച് കൊണ്ട് ട്രാക്ക് പാന്റ് താഴേക്ക് വലിച്ചതും ആ നഗ്നമായ തുടിപ്പിലേക്ക് മുഖം അടുപ്പിക്കാൻ അനുവദിക്കാതെ ഭദ്ര വെട്ടിത്തിരിഞ്ഞു കൊണ്ട് എന്നെ വലിച്ച് മാറിലേക്ക് ചേർത്ത് പിടിച്ചു….എന്നിട്ട് പതിയെ എന്റെ കാതിൽ മന്ത്രിച്ചു……

“”കൊതിയൻ………”””

“”തായോ വാവേ….. “”

ആ മാമ്പഴങ്ങളിൽ മുഖമിട്ടു ഉരച്ചു കൊണ്ട് ഞാൻ കെഞ്ചി….

“”ഇന്നലെയും കൂടി തന്നതല്ലേ ഞാൻ…ഇതെന്തൊരു കൊതിയാ…. “”

“”എന്ത് ചെയ്യാനാ വാവേ,, വീക്നെസ്സ് ആയിപ്പോയില്ലേ…. “”

നഗ്‌നമായ ആ ചന്തിപ്പന്തുകളെ ഒരിക്കൽ കൂടി ഞെക്കിയുടച്ച ഞാൻ പതിയെ അവിടമാകെ തഴുകി തലോടി…അൽപ്പനേരം കൂടി അതിന് അനുവദിച്ച പെണ്ണ് സ്നേഹം കലർന്ന ശാസനയോടെ പാന്റ് വലിച്ച് നേരെയിട്ട് കൊണ്ട് എന്നെ മാറോട് ചേർത്ത് പുണർന്നു….. പുറംവടിവിൽ പടർന്നു കിടക്കുന്ന ആ നീളൻ മുടിയിഴകളിൽ ഞാൻ വിരലുകൾ ഓടിക്കവേ അവൾ എന്റെ മുഖം മുഴുവൻ അധരങ്ങൾ കൊണ്ട് ഒപ്പിയെടുത്തു….. കാടിനെ തഴുകുന്ന പൂന്തെന്നലിനെ പോലെ എന്റെ പ്രാണന്റെ പാതി എന്നെ തഴുകി തലോടി….രതിലോലുപതയുടെ ആ മൂർദ്ധന്യാവസ്ഥയിൽ എന്റെ നെറുകയിൽ ഒന്ന് അമർത്തി ചുംബിച്ചു കൊണ്ട് പെണ്ണ് പതിയെ മൊഴിഞ്ഞു…

“”അനന്തേട്ടാ നമുക്ക് ഓജോ ബോർഡ്‌ കളിച്ചാലോ……. “”

“”ച്ചെ നശിപ്പിച്ച്……””

കൂടുതൽ ഒന്നും പറയാനാവാതെ പകച്ചു പണ്ടാരമടങ്ങിയ അവസ്ഥയിൽ ആയിരുന്നു ഞാൻ….കൊട്ടിപ്പൊക്കിയ സാമ്രാജ്യം മുഴുവൻ ഒറ്റ നിമിഷം കൊണ്ട് തകർന്ന് തരിപ്പണമായവനെപ്പോലെ ഞാൻ നിരാശനായി കിടന്നു…. എന്നെ വിട്ട് ബെഡിൽ നിന്നും എഴുന്നേറ്റ ഭദ്ര മെഴുകുതിരി വെളിച്ചത്തിൽ മേശപ്പുറത്ത് ഓജോ ബോർഡ്‌ എടുത്ത് വച്ചു…തെല്ലു ദേഷ്യം തോന്നിയെങ്കിലും അത് പ്രകടമാക്കാതെ ഞാൻ ഭദ്രയെ അനുസരിച്ചു….വളരെ ആവേശത്തോടെയാണ് ഭദ്ര എല്ലാ ഒരുക്കങ്ങളും പൂർത്തിയാക്കിയത്….. എല്ലാം ഒരുക്കിയതിനു ശേഷം അവൾ നാണയത്തിൽ ചൂണ്ട് വിരൽ വച്ച് കണ്ണടച്ചു കൊണ്ട് പറഞ്ഞു…

“”ഗുഡ് സ്പിരിറ്റ്‌,, പ്ലീസ് കം….. “”

ഞാൻ ഭദ്രയുടെ അടുത്തായി ചേർന്നു നിന്നു… പുറത്ത് കനത്ത നിശ്ശബ്ദത…കാടിന്റെ വന്യതയെ തോല്പ്പിക്കും വിധം ഭയാനകമായ ഇരുട്ട് …

“”ഗുഡ് സ്പിരിറ്റ്‌,, പ്ലീസ് കം…””

ഭദ്ര ആ വാക്കുകൾ മന്ത്രിച്ചു കൊണ്ടേയിരുന്നു….പെട്ടെന്നാണ് ശക്തമായ കാറ്റും ഇടിവെട്ടും കാതുകളിൽ പതിഞ്ഞത്…ഭയന്നു പോയ ഞാൻ പിന്നിലേക്കൊന്നാഞ്ഞു… പക്ഷേ ഭദ്രയ്ക്ക് യാതൊരു കൂസലുമില്ലായിരുന്നു….

“”ഗുഡ് സ്പിരിറ്റ്‌,, പ്ലീസ് കം…””

അവൾ തുടർന്നു…നിമിഷങ്ങൾ കടന്ന് പോകുന്തോറും എന്നിലെ ഭയത്തിന്റെ കാഠിന്യം കൂടി കൊണ്ടേയിരുന്നു….മെഴുകുതിരിയിലെ തിരിനാളം മെല്ലെ ആടിയുലഞ്ഞ് പ്രകാശം മുറിയിൽ അങ്ങും ഇങ്ങും ഇടവിട്ട് പരക്കുന്നതായി അനുഭവപ്പെട്ടു…. പെട്ടെന്നാണ് നാണയത്തിൽ അമർന്നിരുന്ന ഭദ്രയുടെ കൈവിരൽ പതിയെ ചലിക്കാൻ തുടങ്ങിയത്… ഓജോ ബോർഡിൽ ഭദ്രയുടെ കൈവിരലും കൊണ്ട് അക്ഷരങ്ങൾ പരതി നടന്നു… “”ഹായ്”” എന്നെഴുതിയ ഓജോ ബോർഡിലെ ആ സ്ഥലത്താണ് നാണയം ചെന്ന് നിന്നത്…അതോടെ ഭയം പൂർണമായും എന്റെ ശരീരത്തെ കീഴടക്കി…ആത്മാവിന്റെ സാന്നിധ്യം ആ മുറിയിൽ ഞങ്ങൾക്ക് അനുഭവപ്പെടാൻ തുടങ്ങി…. അപ്പോഴും ഭദ്രയിൽ യാതൊരു ഭാവമാറ്റവും കാണാഞ്ഞത് എന്നെ അത്ഭുതപ്പെടുത്തി….ബോർഡിലേക്ക് നോക്കി കൊണ്ട് അവൾ സധൈര്യം ചോദിച്ചു….

“”ഹു ആർ യു….??””

ഭദ്ര ചോദിച്ചതിന് മറുപടിയായി അവളുടെ കൈവിരലുകൾ പതിയെ നാണയത്തോടൊപ്പം ചലിക്കാൻ തുടങ്ങി….നാണയത്തിന്റെ ഓരോ ചലനത്തോടൊപ്പം ഭദ്രയുടെ മുഖത്തെ സന്തോഷം ഏറി വരുന്നത് ഞാൻ കണ്ടറിഞ്ഞു…. എന്നാൽ പൊടുന്നനെയാണ്‌ എന്റെ കണ്ണുകളിൽ ആ കാഴ്ച ഉടക്കിയത്…. കാറ്റിൽ പാറിയ ഭദ്രയുടെ ടീ ഷർട്ടിന്റെ അഗ്രഭാഗത്തിലൂടെ സമീപത്ത് കത്തിച്ചു വച്ചിരുന്ന മെഴുകുതിരിയിൽ നിന്നും തീ പടരുന്നു….

“”ഭദ്രാ….,………..!!!!!!!””

പെട്ടെന്നുള്ള എന്റെ ശബ്ദം കേട്ട് ഞെട്ടി തിരിഞ്ഞ് എന്നെ നോക്കിയ ഭദ്ര തന്റെ വസ്ത്രത്തിലേക്ക് തീ പടരുന്നത് കണ്ട് ഭയന്ന് വിറങ്ങലിച്ചു…..തൊട്ടടുത്ത നിമിഷം മുറിയിൽ കത്തിച്ചു വച്ചിരുന്ന മെഴുകുതിരികളെല്ലാം അണഞ്ഞു…. വേഗം മന:സ്സാന്നിദ്യം വീണ്ടെടുത്ത ഞാൻ അടുത്ത് ടേബിളിൽ ഇരുന്നിരുന്ന ജഗ്ഗ്ലെ വെള്ളമെടുത്ത് ഭദ്രയുടെ ദേഹത്തേക്ക് ഒഴിച്ചു…തീ അധികം പടർന്നിട്ടില്ലാഞ്ഞതിനാൽ പെട്ടെന്ന് കെടുത്താൻ സാധിച്ചു….ടീ ഷർട്ട്‌ന്റെ പിൻവശത്തെ കുറച്ച് ഭാഗം കത്തി നശിച്ചിരുന്നു അപ്പോഴേക്കും…..

“”മതി,,, അവളുടെ ഒരു ഓജോ ബോർഡ്‌,, വെറുതെ മനുഷ്യന്റെ സ്വസ്ഥത കളയാൻ…..“”

പെട്ടെന്നുള്ള ദേഷ്യത്താൽ എല്ലാം തട്ടിത്തെറുപ്പിച്ച്‌ ഞാൻ ഓജോ ബോർഡ്‌ കയ്യിലെടുത്തു….. ഭദ്ര തടഞ്ഞെങ്കിലും ഞാൻ സമ്മതിച്ചില്ല….

“”അനന്തേട്ടാ പ്ലീസ്…നമുക്ക് അത് കംപ്ലീറ്റ് ചെയ്യാം…. “”

“”നോ ഭദ്ര…This is enough……””

ഭദ്രയുടെ അപേക്ഷ ചെവി കൊള്ളാതെ ഞാൻ ഓജോ ബോർഡും എടുത്ത് മുറിയിൽ നിന്നും പുറത്തേക്കിറങ്ങി…ആ നോർത്ത് ഇന്ത്യൻ ഫാമിലിയെ അത് എൽപ്പിച്ചിട്ട് തിരികെ മുറിയിലേക്ക് പോന്നു…. ഭദ്ര അപ്പോഴേക്കും ഇട്ടിരുന്ന വസ്ത്രം മാറി ഒരു നൈറ്റ് ഗൗൺ എടുത്തിട്ടിരുന്നു…..

എനിക്ക് മുഖം തരാതെ ബെഡിൽ ഇരിക്കുന്ന ഭദ്രയുടെ അരികിലേക്ക് ഡോർ ലോക്ക് ചെയ്ത് ഞാൻ നടന്നു…അവളുടെ അരികിലായ് ഇരുന്ന് കൊണ്ട് തോളിൽ സ്പർശിച്ചെങ്കിലും അവൾ അനിഷ്ട്ടത്തോടെ കൈ തട്ടി മാറ്റി….

“”എന്താ ദേഷ്യമാണോ എന്നോട്…”” ഒന്ന് കൂടെ അരികിലേക്ക് ചേർന്നിരുന്നു കൊണ്ട് ഞാൻ ചോദിച്ചു…..

“”അനന്തേട്ടൻ എന്നോട് മിണ്ടാൻ വരണ്ട.. എനിക്ക് ഉറക്കം വരുന്നു…ഞാൻ ഉറങ്ങാൻ പോവാ…. “”

അവൾ ഗൗരവം വിടാതെ പറഞ്ഞു കൊണ്ട് എഴുന്നേറ്റ് തിരിഞ്ഞു കിടന്നു…

“”എന്നാൽ ശരി…ഉറങ്ങിക്കോ…””

ഞാൻ ബെഡ് ഷീറ്റ് എടുത്ത് ഭദ്രയെ പുതപ്പിച്ചു…അലസമായി വീണു കിടക്കുന്ന അളകങ്ങൾ ഒതുക്കി വച്ച് ഞാൻ എന്റെ പെണ്ണിന്റെ നെറ്റിയിൽ മെല്ലെ ചുംബിച്ചു…അൽപനേരം അവളുടെ അരികിലായ് ബെഡിൽ ഇരുന്നതിന് ശേഷം ഞാൻ എഴുന്നേറ്റു…ഉറങ്ങാൻ തോന്നുന്നില്ല…അണഞ്ഞ മെഴുകുതിരികൾ പിന്നെ കത്തിച്ചില്ല.. മുറിയിൽ സീറോ വാട്ട് ബൾബിന്റെ ഇളം നീല കിരണങ്ങൾ മാത്രം…. സോളാർ പവറിൽ വർക്ക്‌ ചെയ്യുന്നതാണത്…. ജനലരികിലായ് വന്ന് നിന്നു…. കാടിനെ തഴുകി എത്തുന്ന നല്ല തണുത്ത കാറ്റുണ്ട്…അതും ആസ്വദിച്ചു കൊണ്ട് പുറത്തെ ഇരുട്ടിന്റെ ഭീകരതയിലേക്ക് കണ്ണോടിച്ചു….

കുറച്ചു സമയം കഴിഞ്ഞപ്പോഴാണ് അരയിലൂടെ വട്ടം ചുറ്റിപ്പിടിച്ചു കൊണ്ട് തോളിലേക്ക് തല ചായ്ച്ച് ഭദ്ര എന്നെ പുണർന്നത്….

“”അമ്മൂസ് ഉറങ്ങിയില്ലായിരുന്നോ…??”

പിടുത്തം വിടുവിച്ചു കൊണ്ട് ഞാൻ തിരിഞ്ഞു നിന്ന് ചോദിച്ചതും അവൾ എന്റെ നെഞ്ചിലേക്ക് മുഖം ചേർത്ത് നിന്നു..

“”ഇല്ലാ…. അനന്തേട്ടൻ എന്തിനാ ഉറക്കം കളയുന്നെ…വാ വന്നു കിടക്ക്…ഹ്മ്മ് വാ….“”

വരാൻ മടിച്ച് നിന്ന എന്റെ കയ്യിൽ പിടിച്ച് ഭദ്ര വലിച്ചു…. ഞാൻ ബെഡിലേക്ക് കയറി കിടന്നതും അവൾ എന്റെ നെഞ്ചിലേക്ക് തല വച്ചു കിടന്നു കൊണ്ട് മുറുക്കെ കെട്ടിപ്പിടിച്ചു….

“”എനിക്ക് മനസ്സിലായി…എന്റെ അനന്തേട്ടൻ ശരിക്കും പേടിച്ചു പോയിന്ന്…സാരമില്ലാട്ടോ എനിക്ക് പിണക്കൊന്നുമില്ല…കുറെ നാളായി മനസ്സിലുള്ള ആഗ്രഹം ആയിരുന്നു…ഇവിടുത്തെ അന്തരീക്ഷമൊക്കെ കണ്ടപ്പോൾ ഇവിടെ വച്ച് തന്നെ അതൊന്ന് എക്സ്പീരിയൻസ് ചെയ്യണന്ന് തോന്നി…അത്രയേ ഉള്ളു…..ഏട്ടൻ ഉറങ്ങിക്കോ…ഗുഡ് നൈറ്റ്…””

എന്റെ കവിളിണയിൽ മുത്തി കൊണ്ട് അത്രയും പറഞ്ഞ പെണ്ണ് ഒരു പുഞ്ചിരിയും സമ്മാനിച്ചു കൊണ്ട് കഴുത്തിലേക്ക് മുഖം പൂഴ്ത്തി കിടന്നു….എന്റെ ജീവനെ നെഞ്ചോട് ചേർത്ത് പിടിച്ച് കൊണ്ട് ഞാൻ ആ നെറുകയിൽ അമർത്തിയൊന്ന് ചുംബിച്ചു…. പതിയെ ഞങ്ങൾ ഇരുവരും നിദ്രയിലേക്ക് വഴുതി വീണു…

“”അനന്തേട്ടാ…. അനന്തേട്ടാ………..ഏട്ടാ എഴുന്നേറ്റേ….. “” പരിഭ്രമത്തോടെയുള്ള ഭദ്രയുടെ വിളി കേട്ട് കണ്ണ് തുറന്ന ഞാൻ അവളുടെ മാറിൽ നിന്നും മുഖമുയർത്തി നോക്കി…

“”എന്താ ഭദ്ര,, എന്ത് പറ്റി…””

തന്റെ നഗ്നമേനി ബെഡ് ഷീറ്റ് കൊണ്ട് വാരി പുതച്ച ഭദ്ര എന്നെ തള്ളി മാറ്റി ബെഡിൽ എഴുന്നേറ്റിരുന്നു….

“”അനന്തേട്ടാ,,, ഈ റൂമിൽ മറ്റാരോ ഉണ്ട്…”” അത് പറയുമ്പോൾ അവളുടെ സ്വരത്തിൽ വല്ലാത്തൊരു ഭയം നിറഞ്ഞിരുന്നു…അവളുടെ കണ്ണുകൾ ചുറ്റും പതർച്ചയോടെ പരതി നടന്നു…

“”നീ എന്താ അമ്മു പറയുന്നേ…വെറുതെ ഉറക്കം കളയല്ലേ പെണ്ണേ…ഇവിടെ വേറെ ആര് വരാനാ…””

“”അല്ല ഏട്ടാ…എനിക്കുറപ്പാ,, ഇവിടാരോ ഉണ്ട്…ആ മൂലയിൽ ഞാനൊരു നിഴൽ കണ്ടു….. “”

“”മോളെ ഇതൊരു ഹണിമൂൺ കോട്ടെജ് ആണ്…ഇവിടെ അത്യാവശ്യം നല്ല സെക്യൂരിറ്റിയും മറ്റു കാര്യങ്ങളുമൊക്കെ ഉള്ളതാ…അങ്ങനെയൊന്നും ആർക്കും അകത്തൊട്ട് കേറാൻ പറ്റില്ല…നീയിങ്ങോട്ട് വന്നേ…””

വീണ്ടും അവളെ ആവേശത്തോടെ നെഞ്ചിലേക്ക് ചേർത്ത് പുണർന്ന് കൊണ്ട് ഞാൻ മലർന്ന് കിടന്നു….

‘“അയ്യോ…. ഏട്ടാ……. “’ അടുത്ത നിമിഷം ഭദ്ര എന്നെ മുറുക്കെ പിടിച്ചു കൊണ്ട് നിലവിളിച്ചു…പേടിച്ചരണ്ട അവൾ കണ്ണുകൾ ഇറുക്കി അടച്ചു.…

‘“ഭദ്ര…ഭദ്ര എന്ത് പറ്റി”

എന്റെ ചോദ്യത്തിന് മറുപടി കൊടുക്കാതെ അവൾ മുകളിലേക്ക് വിരൽ ചൂണ്ടി…

“”അവിടെ…. അവിടെ മോളിൽ നിന്നും പെട്ടന്ന് എന്തോ ഒന്ന് നമ്മുടെ നേരെ പാഞ്ഞു വരുന്നത് പോലെ തോന്നി…. “” വിറയ്ക്കുന്ന ശബ്ദത്തോടെ അത് പറഞ്ഞ ഭദ്ര എന്നെ മുറുകെ കെട്ടിപ്പിടിച്ചു….

“”നിനക്കെന്താ ഭദ്ര…നീ രാത്രി നടന്നതെല്ലാം ഓർത്ത് കിടന്നിട്ട് ഓരോന്ന് വെറുതെ തോന്നുന്നതാ…ചുമ്മാ മനുഷ്യനെ മിനക്കെടുത്താൻ…. “”

ഞാൻ അനിഷ്ട്ടത്തോടെ മുറുമുറുത്തു… പെട്ടന്ന് എന്നെ വിട്ട് എഴുന്നേറ്റ ഭദ്ര നിലത്ത് കിടന്നിരുന്ന അവളുടെ ഗൗൺ എടുത്തിട്ടു…ജഗ്ഗിൽ നിന്നും വെള്ളമെടുത്ത് കുടിച്ച് കൊണ്ട് അവൾ ബെഡിൽ ഇരുന്ന് പതിയെ കിതപ്പകറ്റി….

“”അറിയില്ല എനിക്ക്…എന്റെ കണ്മുന്നിൽ കണ്ടത് പോലെയായിരുന്നു…ചിലപ്പോൾ ഏട്ടൻ പറഞ്ഞ പോലെ, രാത്രി സംഭവിച്ചതെല്ലാം ഓർത്ത്‌ കിടന്നിട്ട് എനിക്ക് തോന്നിയതാവും…ഏട്ടൻ കിടന്നോ…. “”

പതിയെ പുറത്ത് തഴുകി കൊണ്ട് ഞാനവളെ ആശ്വസിപ്പിച്ചതും എന്റെ തോളിലേക്ക് ചാഞ്ഞിരുന്നു കൊണ്ട് ഭദ്ര പറഞ്ഞു…

‘“സാരമില്ല നീ കിടക്ക്…””

ഞാൻ ഭദ്രയെ ബെഡിലേക്ക് കിടത്തി കൊണ്ട് അവളുടെ നെറുകയിൽ തലോടി…ഞാൻ മുറിയിലാകെ കണ്ണോടിച്ചു…ഇല്ലാ അസ്വഭാവികമായൊന്നും കാണാനില്ല…വീണ്ടും മുകളിലേക്ക് നോക്കി.. ഇല്ലാ അവിടെയൊന്നുമില്ല…. രാത്രിയിൽ സംഭവിച്ചതെല്ലാം ഓർത്ത് കിടന്നിട്ട് ഭദ്രയ്ക്ക് തോന്നിയതാവും.. ഞാൻ മൊബൈൽ എടുത്ത് സമയം നോക്കി…പുലർച്ചെ മൂന്ന് മണി ആകാറായിരിക്കുന്നു…ഞാൻ മൊബൈൽ മാറ്റി ഭദ്രയുടെ അരികിലേക്ക് കിടന്ന് കൊണ്ട് അവളെ കെട്ടിപ്പിടിച്ചു…

“”സോറി അനന്തേട്ടാ…. ദേഷ്യമാണോ എന്നോട്…. “”

എന്റെ നെഞ്ചിലേക്ക് മുഖം പൂഴ്ത്തി കിടന്ന ഭദ്ര വിറയാർന്ന ശബ്ദത്തിൽ ചോദിച്ചു…ഞാനവളുടെ മുടിയിഴകളിൽ തലോടി…പാവം ഞാൻ ദേഷ്യത്തിലാണെന്ന് കരുതിയാകും…ഞാൻ ഒന്നും മിണ്ടാതെ കിടന്നു…ഭദ്ര പതിയെ എന്റെ കഴുത്തിൽ ചുണ്ടുകൾ ചേർത്തു…. പെട്ടന്ന് എന്റെ തൊട്ട് പുറകിലായി ആരോ ശ്വാസം വലിക്കുന്ന പോലെയൊരു ശബ്ദം ഞാൻ കേട്ടു…മുറിയിലെ സീറോ വാട്ട് ബൾബുകൾ ഒന്ന് മിന്നിയണഞ്ഞു…ഹൃദയമിടിപ്പ് പതിന്മടങ്ങു വേഗതയിൽ വർദ്ധിക്കുന്നതായി എനിക്ക് അനുഭവപ്പെട്ടു…അത് തന്റെ ചെവിയിൽ നന്നായി പ്രതിധ്വനിക്കുന്നത് പോലെ തോന്നി…പതിയെ തിരിഞ്ഞു നോക്കി…എന്റെ പുറകിൽ കിടക്കുന്ന ആളെ കണ്ട ഞാനൊന്ന് ഞെട്ടി…..

“”ഭ…..ഭദ്ര……””

ഞാൻ പെട്ടന്ന് മുന്നിലേക്ക് നോക്കി.. ഭദ്ര എന്റെ നെഞ്ചിൽ മുഖം ചേർത്ത് അവിടെ തന്നെ കിടപ്പുണ്ട്…ആകെ ഭ്രാന്ത് പിടിക്കുന്ന പോലെ… സത്യമേത്…?? മിഥ്യയേതെന്ന് അറിയാതെ ഞാൻ കുഴങ്ങി…പെട്ടന്ന് മുറിയിലെ വെളിച്ചം നഷ്ട്ടപ്പെട്ടു…ചുറ്റും ഇരുട്ട് പരന്നു….ഞാൻ വേഗം തപ്പി തടഞ്ഞു എഴുന്നേറ്റു…എന്റെ ഹൃദയമിടിപ്പിന്റെ ശബ്ദം മാത്രം മുറിയിൽ മുഴങ്ങി കേൾക്കാൻ തുടങ്ങി….

“’ഭദ്ര…. ഭദ്ര…. ഭദ്രാ….. “’

എന്റെ ശബ്ദത്തിൽ ഭയം നിറഞ്ഞിരുന്നു….ഭദ്ര എഴുന്നേൽക്കുന്നില്ല…ഇരുട്ടിലൂടെ ഞാൻ തപ്പി തടഞ്ഞ് മുറിയുടെ ഒരു മൂലയിലേക്ക് നീങ്ങി…പെട്ടന്ന് മുറിയിൽ വെളിച്ചം വന്നു…ബെഡിൽ ഭദ്ര ഉണ്ടായിരുന്നില്ല…ഇല്ലാ,, മുറിയിൽ ഭദ്രയെ കാണുന്നില്ല…ഞാൻ അടിമുടി ഭയന്ന് വിറയ്ക്കുവാൻ തുടങ്ങി….ഞാൻ ചുറ്റും കണ്ണോടിച്ചു…ബെഡിൽ ആരോ മൂടിപ്പുതച്ചു കിടക്കുന്ന പോലെ തോന്നി പെട്ടന്ന്…

“ഭദ്രാ…ഭദ്രാ….””

ഞാൻ പതിയെ വിളിച്ചു കൊണ്ട് ബെഡിനരുകിലേക്ക് നീങ്ങി…..പെട്ടന്ന് കട്ടിലിനടിയിൽ നിന്നും രണ്ടു നീളൻ കൈകൾ വെളിയിലോട്ട് വന്ന് എന്റെ കാലുകളിൽ പിടുത്തമിട്ടു…അലറി വിളിക്കാൻ നോക്കിയെങ്കിലും ശബ്ദം തൊണ്ടക്കുഴിയിൽ ഉടക്കിയത് പോലെ പുറത്തേക്ക് വന്നില്ല….ആ കൈകൾ എന്നെ കട്ടിലിനടിയിലേക്ക് വലിച്ചിഴച്ചു….ഞാൻ ഭയത്തോടെ കട്ടിലിന്റെ കാലിൽ ചുറ്റിപ്പിടിച്ചു കൊണ്ട് ഒച്ച വയ്ക്കാൻ ശ്രമിച്ചെങ്കിലും ശബ്ദമില്ലാതെ എന്റെ നാക്ക് ഉഴറി…ഒരു കാറ്റ് തട്ടി തുറന്നത് പോലെ റൂമിന്റെ ഡോർ തുറക്കപ്പെട്ടു…ആ കൈകൾ എന്നെ പുറത്തേക്ക് വലിച്ചിഴച്ചു കൊണ്ട് പോയി….ഞാൻ മരണവെപ്രാളത്തിൽ നിലത്തു കിടന്ന് പിടയുന്നുണ്ടായിരുന്നു….കുറച്ചു ദൂരം വലിച്ചു കൊണ്ട് പോയതിനു ശേഷം ദൂരെയെങ്ങോട്ടോ എടുത്തെറിയപ്പെട്ട പോലെ ഞാൻ തെറിച്ചു വീണു….

എന്തോ പതുപതുത്ത സാധനത്തിന്റെ മുകളിലാണ് ഞാൻ ചെന്ന്

വീണത്….അവിടമാകെ ഒരു രൂക്ഷ ഗന്ധം പരന്നിരുന്നു….എനിക്ക് ഛർദ്ധിക്കാൻ വന്നു…ഞാൻ പതിയെ എഴുന്നേൽക്കാൻ ശ്രമിച്ചു….. പക്ഷേ കാലിലെന്തോ തട്ടി വീണ്ടും മറിഞ്ഞു വീണു….. ശരീരമാകെ പുകയുന്ന വേദന…..ഞാൻ നിലത്താകെ പരതി…കൈ എവിടെയൊ തടഞ്ഞു…തൊട്ട ഭാഗം സ്പോഞ്ച് പോലെ എന്തിലോ ആയിരുന്നു…അവിടം താഴ്ന്നു പോകുന്നത് പോലെ തോന്നി….കയ്യിൽ നനവറിഞ്ഞു.. നേരിയ വെളിച്ചത്തിൽ ഞാൻ സൂക്ഷ്മമായി നോക്കി….അതൊരു മനുഷ്യന്റെ മൃതശരീരമായിരുന്നു…..അഴുകി തുടങ്ങിയിരിക്കുന്നു അത്….ആ ശരീരത്തിലാണ് കൈ വച്ചതെന്ന് തിരിച്ചറിഞ്ഞതും ഞെട്ടിത്തരിച്ചു പോയ ഞാൻ വിറയലോടെ ചാടിയെഴുന്നേറ്റു……

ഞാൻ ചുറ്റും നോക്കി…ഏതോ കാടിനുള്ളിലാണെന്ന് തോന്നുന്നു…തലയ്ക്കു ചുറ്റും ഭീതിപ്പെടുത്തുന്ന ശബ്ദവിന്യാസങ്ങൾ….നേരിയ നിലാവെളിച്ചം…….എന്ത് ചെയ്യണംമെന്നറിയാതെ ഞാൻ കുഴങ്ങി…ഭയം മൂലം മരിച്ചു പോകുമെന്ന് വരെ എനിക്ക് തോന്നി….പെട്ടന്ന് പിറകിൽ ഒരു ശബ്ദം കേട്ട് ഞാൻ തിരിഞ്ഞു നോക്കി….അതാ ആ ശരീരം എഴുന്നേറ്റു നിൽക്കുന്നു…. തലയില്ലാത്ത ഒരു രൂപം…ശരീരത്തിന്റെ പകുതിയിലധികവും അഴുകി പോയി എല്ലുകൾ വെളിയിൽ കാണാം….മാംസഭാഗങ്ങൾ അടർന്നു വീണു കൊണ്ടിരിക്കുന്നു….ആ രൂപം തന്റെ നേർക്കാണ് പാഞ്ഞു വരുന്നതെന്ന് മനസ്സിലായ ഞാൻ അലറി വിളിച്ചു കൊണ്ട് തിരിഞ്ഞോടാൻ ശ്രമിച്ചു….പക്ഷേ അതിന് മുന്നെ ആ നീണ്ട നഖങ്ങൾ എന്റെ നെഞ്ചിൽ ആഴ്ന്നിറങ്ങിയിരുന്നു….ആ ഭീകരരൂപത്തെ തള്ളി മാറ്റി ഞാൻ ഓടി…എന്നാൽ കുറച്ചു ദൂരം ഓടിയതും എന്തിലോ കാൽ തട്ടി വീണ്ടും ഞാൻ തെറിച്ചു വീണു…..വേഗം എഴുന്നേറ്റു നോക്കി….നിലത്ത് കൈകാലുകൾ ബന്ധിച്ച് അബോധാവസ്ഥയിൽ കിടക്കുന്ന ഭദ്രയെയാണ് ഞാൻ കണ്ടത്…..

“”ഭദ്രാ……ഭദ്രാ….””

പെട്ടെന്ന് ആ കാഴ്ച കണ്ട് ഭയന്ന് നിലവിളിച്ച ഞാൻ ഭദ്രയുടെ അരികിലേക്കിരുന്നു കൊണ്ട് അവളുടെ കയ്യിലെയും കാലിലെയും കെട്ടുകൾ അഴിച്ചു മാറ്റി…..

അപ്പോഴേക്കും ആ രൂപം ഞങ്ങളുടെ അടുത്തേക്ക് എത്തറായിരുന്നു….ഞാൻ ഉറക്കെ വിളിച്ചു കൊണ്ട് ദേഹത്ത് തട്ടിയതും ഭദ്ര കണ്ണ് തുറന്നു…. ഭയന്ന് പരവശയായിരുന്ന അവൾ എന്നെ മുറുകെ കെട്ടിപ്പിടിച്ചു….വേഗം ഭദ്രയെ എഴുന്നേൽപ്പിച്ച് അവളുടെ കയ്യിൽ പിടിച്ച് കൊണ്ട് ഞാൻ ആ കാടിനുള്ളിലൂടെ ദിക്കറിയാതെ പാഞ്ഞു….. പെട്ടന്ന് ഞങ്ങളുടെ തൊട്ട് മുന്നിലായി മറ്റൊരു രൂപം പ്രത്യക്ഷപ്പെട്ടു…കണ്ണുകൾ പുറത്തേക്ക് തുറിച്ച് ദേഹം മുഴുവൻ കത്തിയെരിഞ്ഞ ഒരു ഭീകരസത്വം…..അതിന്റെ ദേഹത്ത് നിന്നും പുകപടലങ്ങൾ ഉയരുന്നുണ്ടായിരുന്നു….കത്തിക്കരിഞ്ഞ മനുഷ്യമാംസത്തിന്റെ രൂക്ഷമായ ഗന്ധം അവിടെ മൊത്തം പരന്നു…..

ഭദ്ര എന്റെ നെഞ്ചോട് ചേർന്നു നിന്നു…അവളുടെ ശരീരം വിറയ്ക്കുന്നുണ്ടായിരുന്നു….ഭദ്രയെയും ചേർത്ത് പിടിച്ചു കൊണ്ട് ഞാൻ ചുറ്റുപാടും നോക്കി…എന്നിട്ട് ഇടതു ഭാഗത്തേക്ക് കണ്ട വഴിയിലൂടെ ഞങ്ങൾ ഓടി…..മുന്നിൽ കണ്ട കാട്ടുചെടികൾ വകഞ്ഞു മാറ്റി കൊണ്ട് ഞങ്ങൾ പാഞ്ഞു….കുറച്ചു ദൂരം പോയപ്പോൾ ഒരു പാറക്കൂട്ടത്തിനരുകിലാണ് ഞങ്ങൾ ചെന്നെത്തിയത്….. അതിന് തൊട്ടരികിലായി ഒരു അരുവി ഒഴുകുന്നുണ്ട്….ചുറ്റും വെള്ളം ഒഴുകുന്നതിന്റെ ശബ്ദം മാത്രം…..ഞാൻ പാറയിൽ ചാരി നിന്ന് കിതയ്ക്കാൻ തുടങ്ങി…..

“”വയ്യാ….എനിക്ക് ഇനി വയ്യ ഭദ്രാ…. “”

ഞാൻ കിതപ്പോടെ പതിയെ നിലത്തിരുന്നു…. ഞാൻ ഭദ്രയുടെ കയ്യിൽ പിടിച്ച് താഴേക്ക് വലിച്ചു…. അവൾ എന്റെ അരികിലായി ഇരുന്നു കൊണ്ട് തോളിൽ ചാരി….നിലാവിന്റെ നേരിയ വെട്ടത്തിൽ തെളിഞ്ഞ ഭദ്രയുടെ മുഖത്തേക്ക് ഞാൻ നോക്കി…. ഭീതിയിൽ കൂമ്പിയടഞ്ഞ ആ മിഴികളിൽ ഇനിയും ബാക്കിയായ പീലിത്തിളക്കം എന്നിലേക്ക് ആഴ്ന്നിറങ്ങി…..പൊടുന്നനെ ഭദ്ര എന്നിലേക്ക് ആഞ്ഞു…. ചുണ്ടുകളെ നുകർന്നു കൊണ്ട് എന്നെ പതിയെ അവൾ നിലത്ത് മലർത്തി കിടത്തി…ഒരഭ്യാസിയെപ്പോലെ എന്നിലേക്ക് പടർന്നു കയറിയ ഭദ്രയെ തടയാൻ ശ്രമിച്ചെങ്കിലും എനിക്കതിനു സാധിച്ചില്ല…. അവളുടെ കരങ്ങൾക്ക് ഒരുപാട് ശക്തിയുള്ളത് പോലെ അനുഭവപ്പെട്ടു…..വായക്കുള്ളിൽ രക്തത്തിന്റെ ചുവ അറിഞ്ഞതും ഞാൻ സർവ്വശക്തിയുമെടുത്ത് ഭദ്രയെ പുറകോട്ട് തള്ളി….എന്നാൽ പുറകോട്ട് പോകുന്നതിന് പകരം അവൾ വായുവിൽ മുകളിലോട്ട് ഉയരുന്നതാണ് ഞാൻ കണ്ടത്…..പകപ്പോടെ പതിയെ ചുണ്ടിൽ തടവി നോക്കി…രക്തം കിനിയുന്നു….തന്റെ ചുണ്ടിൽ പടർന്ന എന്റെ രക്തം ഭദ്ര നാവ് പുറത്തേക്ക് നീട്ടി മെല്ലെ നുണഞ്ഞെടുത്തു….എന്നിട്ടവൾ കണ്ണുകളടച്ചു തുറന്നു…..

വീണ്ടും എന്നിലേക്ക് താഴ്ന്നിറങ്ങാൻ തുടങ്ങിയ ഭദ്രയ്ക്ക് മറ്റൊരു രൂപമായിരുന്നു…..കത്തിക്കരിഞ്ഞ മാംസഭാഗങ്ങൾ അടർന്നു വീഴാൻ തുടങ്ങിയ രൂപം….ഭയന്ന് പൊടുന്നനെ ഉരുണ്ട് മാറി എഴുന്നേൽക്കാൻ ശ്രമിച്ചപ്പോഴേക്കും അവൾ എന്റെ കഴുത്തിൽ പിടി മുറുക്കിയിരുന്നു……ശരീരത്തിലേക്ക് കനത്ത തണുപ്പ് ഇരച്ചു കയറുന്നതായി അനുഭവപ്പെട്ടു….അവളുടെ അഴുകിയ വിരലുകൾ എന്റെ ദേഹം മുഴുവൻ പരതി നടന്നു…..ഒന്നും ചെയ്യാനാകാതെ മരവിച്ചു പോയ അവസ്ഥയിലായിരുന്നു ഞാൻ…..കഴുത്തിലെ പിടി പിന്നെയും മുറുകി കൊണ്ടിരുന്നു….. പുറത്തേക്ക് നീണ്ട് വന്ന ആ നാവ് എന്റെ കവിളിണകളിൽ ഇഴഞ്ഞു നടന്നു….കണ്മുന്നിൽ ഉള്ളത് എന്റെ ഭദ്രയല്ല……വേറെ……,,,,, വേറെ ആരോ ആണ്……എന്റെ കണ്ണുകൾ തുറിച്ചു വന്നു…..മരണവെപ്രാളത്താൽ ഞാൻ പിടഞ്ഞു…….

“”ഭദ്രാ………………………””

അലറി വിളിച്ചു കൊണ്ട് ഞാൻ കണ്ണ് തുറന്ന് എഴുന്നേറ്റു…. ഒപ്പം നിലവിളിയോടെ ഭദ്രയും….. ബെഡിൽ ഇരുന്ന് രണ്ടാളും വല്ലാതെ കിതയ്ക്കുന്നുണ്ടായിരുന്നു…..മുറിയിൽ ജനലഴികളിലൂടെ വീശുന്ന നേർത്ത കാറ്റിന്റെ സ്വരം മാത്രം……

“’അനന്തേട്ടാ…. ഞാൻ,,,, ഞാൻ വല്ലാത്ത ഒരു സ്വപ്നം കണ്ടു….’’’

“”ഞാനും…….. “”

ഭയന്ന് വിറച്ച ശബ്ദത്തിലുള്ള എന്റെ മറുപടി കേട്ട് അവൾ എന്റെ മുഖത്തേക്ക് അമ്പരപ്പോടെ നോക്കി….

“”ഹ്മ്മ്….. ഞാൻ വല്ലാതെ പേടിച്ചു പോയി….. “’

മുഖം കുനിച്ചു കൊണ്ടിരുന്ന് ഞാനതു പറഞ്ഞപ്പോൾ ഭദ്ര എന്റെ അരികിലേക്ക് നീങ്ങിയെന്നെ കെട്ടിപ്പിടിച്ചു….

“”ഏട്ടാ ഇതെന്ത് പറ്റിയതാ…. “’

പതിയെ എന്റെ ചുണ്ടിലൂടെ വിരലോടിച്ചു കൊണ്ടാണ് അവൾ അത് ചോദിച്ചത്…..ചുണ്ട് മുറിഞ്ഞിരിക്കുന്നു…. അതിൽ നിന്ന് അപ്പോഴും ചോര പൊടിയുന്നുണ്ടായിരുന്നു…ഞാൻ ചുണ്ടിലെ മുറിവിൽ പതിയെ തൊട്ട് നോക്കി…. രക്തമായ വിരൽത്തുമ്പിലേക്ക് കണ്ണോടിക്കവേ ആണ് എന്റെ നെഞ്ചിലേക്ക് നോക്കിയ ഭദ്രയുടെ കണ്ണുകളിൽ ഭയം കനത്തത്….അവളുടെ നോട്ടം കണ്ട് ഞാൻ നെഞ്ചിലേക്ക് നോക്കി….. ആള്ളിക്കീറിയത് പോലെയുള്ള മൂന്നു കീറലുകൾ എന്റെ നെഞ്ചിൽ….. ഭദ്ര എന്നെ ഭീതിയുടെ നോക്കി…. ആ കണ്ണുകളിലെ പിടപ്പ് എന്നെയും പരിഭ്രാന്തനാക്കി…..

“”അപ്പോൾ,,,, അപ്പോൾ നമ്മൾ സ്വപ്നം കണ്ടതല്ലേ അനന്തേട്ടാ…. “”

പേടിച്ചരണ്ട ഭദ്രയുടെ ചോദ്യം കേട്ട് ഞാനവളെ ഇറുക്കെ പുണർന്നു…..

നേരം വെളുത്തതും ബാഗ് പാക്ക് ചെയ്ത് റൂമിന്റെ കീയുമായി ഞങ്ങൾ റിസപ്ഷനിലേക്ക് ചെന്നു….രാവിലെ എഴുന്നേറ്റു നോക്കുമ്പോൾ എന്റെ ചുണ്ടിലെ മുറിവിൽ ചെറിയ നീരുണ്ടായിരുന്നു….അത് കണ്ട് റിസപ്ഷനിലെ പെൺകുട്ടി എന്നെയും ഭദ്രയെയും നോക്കി ആക്കിയൊന്ന് ചിരിച്ചു….

“”ഞങ്ങൾ റൂം വെക്കേറ്റ് ചെയ്യുകയാണ്…”’

കീ ടേബിളിൽ വച്ചു കൊണ്ട് ഞാൻ പറഞ്ഞു….

“”സർ ഫൈവ് ഡേയ്‌സ് അല്ലേ ബുക്ക് ചെയ്തിരുന്നത്…. “”

ആ പെൺകുട്ടി സംശയത്തോടെ ഞങ്ങളെ നോക്കി…അപ്പോഴേക്കും മാനേജർ അങ്ങോട്ട് വന്നു….

“”എന്താ…എന്ത് പറ്റി……””

“”സർ ഇവർ പറയുന്നു റൂം വെക്കെറ്റ് ചെയ്യുകയാണെന്ന്…അഞ്ചു ദിവസത്തേക്കാണ് ബുക്ക്‌ ചെയ്തിട്ടുണ്ടായിരുന്നത്…ഇന്നത്തേക്ക് മൂന്ന് ദിവസമേ ആകുന്നുള്ളു…. “”

“”എന്ത് പറ്റി സർ…. എന്തെങ്കിലും പ്രശ്നമുണ്ടോ.. എന്തുണ്ടെങ്കിലും പറഞ്ഞോളൂ…നമുക്ക് പരിഹരിക്കാം…””

“’അതെ ഞങ്ങളിവിടെ വന്നത് ചാവാനല്ല.. ഹണിമൂൺ ആഘോഷിക്കാനാണ്…അങ്ങനെയുള്ള ഞങ്ങൾക്ക് എന്തിനാ ആ പ്രേത ബാധയുള്ള റൂം തന്നത്…ഞങ്ങളെ കൊല്ലാനായിരുന്നോ….??? “”

അമർഷത്തോടെ ഞാനതു ചോദിച്ചതും ഒരു അമ്പരപ്പോടെ മാനേജർ റിസപ്ഷനിലെ പെൺകുട്ടിയുടെ അരികിലേക്ക് ചെന്നു…..

“”ഏത് റൂമാണ് ഇവർക്ക് കൊടുത്തത്….. “’

“”സർ അത് ഹണിമൂൺ കോട്ടേജ് ആണ്…. ഗ്രീൻ ഹട്ട്,, റൂം നമ്പർ 7…””

ആ പെൺകുട്ടി അത് പറഞ്ഞതും മാനേജരുടെ മുഖം വിളറി വെളുത്തത് ഞാൻ ശ്രദ്ധിച്ചു…. അല്പം പരിഭ്രാന്തിയോടെ ഞങ്ങളെയൊന്ന് നോക്കിയ ആൾ അരികിലേക്ക് വന്നു…

“”സോറി സർ,, സോറി മാഡം…നിങ്ങൾക്കുണ്ടായ എല്ലാ ബുദ്ധിമുട്ടുകൾക്കും ഞാൻ മാപ്പ് ചോദിക്കുന്നു…ഞങ്ങൾ എത്രയും പെട്ടന്ന് വേറെയൊരു റൂം provide ചെയ്യാം….. “”

“”വേണമെന്നില്ല,,, ഞങ്ങൾ പോവുകയാണ്…ഞങ്ങൾക്കിവിടം മതിയായി…. “”

മാനേജർ പിന്നെയും നിർബന്ധിച്ചെങ്കിലും ഞങ്ങളതൊന്നും ചെവി കൊണ്ടില്ല…. അവിടെ നിന്നും പോകണമെന്ന് തന്നെയായിരുന്നു ഭദ്രയുടെയും തീരുമാനം…. വേഗം അവിടത്തെ ബില്ലും മറ്റു കാര്യങ്ങളും സെറ്റിൽ ചെയ്ത് ഞങ്ങൾ ഇറങ്ങി….. പാർക്കിങ്ങിൽ ചെന്ന് വണ്ടി എടുക്കാൻ നേരമാണ് അവിടത്തെ ഒരു സെക്യൂരിറ്റിക്കാരൻ ഞങ്ങളുടെ അരികിലേക്ക് വന്നത്….രണ്ട് ദിവസം മുന്നെ ഞങ്ങൾ അവിടെ വരുമ്പോൾ പുള്ളിക്കാരൻ തന്നെയായിരുന്നു പാർക്കിങ്ങിൽ ഡ്യൂട്ടിയിൽ ഉണ്ടായിരുന്നത്…. അന്ന് ആളെ ഞാൻ ചെറുതായൊന്ന് പരിചയപ്പെട്ടിരുന്നു…..

“”ഗുഡ് മോർണിംഗ് സർ.. നിങ്ങൾ പോവുകയാണോ…….?? “”

“”ആഹ്,,, ഞങ്ങൾ പോകാൻ തീരുമാനിച്ചു…. “”

“”സർ കുറച്ചു മുൻപ് ഞാൻ റിസപ്ഷനിൽ വന്നപ്പോൾ നിങ്ങളുടെ സംസാരം കേട്ടിരുന്നു…. ഇന്നലെ രാത്രി റൂമിൽ വച്ച് നിങ്ങൾക്ക് എന്തെങ്കിലും അസ്വഭാവികമായി…….””

പതിഞ്ഞ ശബ്ദത്തിൽ ചോദിക്കാൻ തുടങ്ങിയ കാര്യം പൂർത്തിയാക്കാൻ മടിച്ചു കൊണ്ട് അയാൾ നിന്നു….

“”ആ റൂമിൽ എന്തെങ്കിലും പ്രശനമുണ്ടോ….??? “”

ഭദ്രയായിരുന്നു ആകാംഷയോടെ അത് അയാളോട് ചോദിച്ചത്….

“”അത് മാഡം……. “”

അയാൾ ചെറുതായൊന്ന് പരുങ്ങി….

“”ആ റൂമിൽ വച്ച് ഒരു ഇരട്ട കൊലപാതകം നടന്നിട്ടുണ്ട്…ഒന്നര വർഷം മുൻപ്….. ഇത് പോലെ ഹണി മൂൺ ആഘോഷിക്കാൻ വന്ന ദമ്പതികളായിരുന്നു അത്…..ആ ആണിന്റെ ബോഡി കഴുത്ത്‌ അറുത്ത നിലയിലും പെണ്ണിന്റേത് കത്തി കരിഞ്ഞ നിലയിലും…പക്ഷെ, ആ റൂമിലെ വേറെയൊന്നും കത്തിയിട്ടുമില്ല മറ്റ് നാശനഷ്ട്ടങ്ങളൊന്നും സംഭവിച്ചിട്ടുമില്ല….അതാണ് ആ സംഭവത്തിന്റെ ദുരൂഹത കൂട്ടിയത്…. പോലീസ് അന്വേഷണം എങ്ങും ചെന്നെത്തിയില്ല…. ആ കൊലപാതകങ്ങളുടെ രഹസ്യം ഇന്നും അജ്ഞാതമാണ്……പക്ഷെ ഈ സംഭവത്തിന് ശേഷം ആ മുറിയിൽ താമസിക്കുന്നവർക്കെല്ലാം മോശം അനുഭവങ്ങൾ ഉണ്ടാകാൻ തുടങ്ങി…. ഒടുക്കം പരാതികൾ കൂടിയപ്പോൾ മാനേജ്മെന്റ് ആ റൂം പൂട്ടി സീൽ ചെയ്തതാണ്….അങ്ങനെ മാസങ്ങൾക്ക് ശേഷം റിനോവേഷൻ വർക്കുകളൊക്കെ നടത്തി ബുക്കിംഗ്ന് ഇട്ട ആ റൂമിലേക്ക് ആദ്യമായി താമസിക്കാൻ വന്നത് നിങ്ങളാണ്….മുൻപ് താമസിച്ചവർക്കുണ്ടായ അനുഭവങ്ങൾ വച്ച് നോക്കിയാൽ നിങ്ങൾക്ക് അരുതാത്തതൊന്നും സംഭവിക്കാതിരുന്നത് തന്നെ വലിയ കാര്യം……””

അയാൾ പറയുന്നത് കേട്ട് സ്തബ്ദരായി നിൽക്കുകയായിരുന്നു ഞാനും ഭദ്രയും….കൂടുതലൊന്നും ചോദിക്കാനും പറയാനും സാധിക്കാത്ത അവസ്ഥ….ഭദ്രയുടെ മുഖത്ത് ഭയം നിഴലിച്ചിരുന്നു….താമസിയാതെ ഞങ്ങൾ ആ സെക്യൂരിറ്റിയോട് യാത്ര പറഞ്ഞിറങ്ങി…….റിസോർട്ടിൽ നിന്നും ഇറങ്ങി ഏകദേശം ഒരു നാലഞ്ച് കിലോമീറ്റർ പോയതും ഞങ്ങൾ ഒരു റെസ്റ്റോറന്റിൽ ബ്രേക്ക്‌ഫാസ്റ്റ് കഴിക്കാൻ കയറി…തിരിച്ചു റെസ്റ്റോറന്റിൽ നിന്നും പോരാൻ നേരമാണ് ഭദ്ര എന്നോട് ഒരു കാര്യം സൂചിപ്പിച്ചത്…..

“”അനന്തേട്ടാ,,, പെട്ടന്ന് അങ്ങോട്ട് നോക്കല്ലേ,,,,ഞാൻ ഒരു കാര്യം പറയാം….””

എന്റെ അരികിലേക്ക് നീങ്ങി നിന്ന് കൊണ്ട് ഭദ്ര സ്വകാര്യം പോലെ പറഞ്ഞു…. ബുള്ളറ്റിൽ കയറിയിരുന്ന് സ്റ്റാർട്ട്‌ ചെയ്യാൻ തുടങ്ങുകയായിരുന്നു ഞാൻ…

“”എന്താ…….. “””

“”മുന്നിലെ റോഡിന്റെ ഓപ്പോസിറ്റ് സൈഡിലായി ഒരു മാരുതി ആൾട്ടോ പാർക്ക്‌ ചെയ്തിട്ടുണ്ട്…. “”

ഭദ്ര പറഞ്ഞത് പ്രകാരം അല്പനിമിഷം കഴിഞ്ഞ് ഒരു കൈ കൊണ്ട് ചെറുതായി മുഖം മറച്ചു പിടിച്ച് ഞാൻ ഇടം കണ്ണോടിച്ചു….അവൾ പറഞ്ഞത് ശരിയാണ്…ഒരു ഓഫ് വൈറ്റ് കളർ മാരുതി ആൾട്ടോ അവിടെ കിടപ്പുണ്ട്…..

“”നമ്മൾ റിസോർട്ടിൽ നിന്നും ഇറങ്ങിയപ്പോൾ തൊട്ട് ആ കാർ നമ്മുടെ പിന്നാലെയുണ്ട്…ഞാൻ ശ്രദിച്ചായിരുന്നു…. ഇപ്പോൾ തന്നെ ഞാൻ കണ്ടതാ ആ ഡ്രൈവിംഗ് സീറ്റിൽ ഇരിക്കുന്ന ആൾ നമ്മളെ തന്നെ നോക്കി കൊണ്ട് ഇരിക്കുകയായിരുന്നു….ഞാൻ കണ്ടു എന്ന് മനസ്സിലായതും അയാൾ വിൻഡോ ഗ്ലാസ്സ് കയറ്റിയിട്ടു….. “”

“”ആർ യു ഷുവർ….. “””

“”അതെ ഏട്ടാ,,, എനിക്കുറപ്പുണ്ട് അയാൾ നമ്മളെ തന്നെ ഫോളോ ചെയ്യുകയാണ്…. “’ ഭദ്ര നിസ്സംശയം മറുപടി പറഞ്ഞു…. അത് കേട്ട് ജസ്റ്റ്‌ ഞാനൊന്ന് അങ്ങോട്ടേക്ക് നോക്കിയതും പൊടുന്നനെ ആ കാർ സ്റ്റാർട്ട്‌ ചെയ്ത് ശരവേഗത്തിൽ അവിടെ നിന്നും പാഞ്ഞു പോയി…വണ്ടി നമ്പർ നോട്ട് ചെയ്യാൻ ശ്രമിച്ചെങ്കിലും റോഡിലെ തിരക്കുകൾക്കിടയിൽ എനിക്കതിനു സാധിച്ചില്ല…ഭദ്രയും നമ്പർ നോട്ട് ചെയ്യാൻ വിട്ട് പോയി….അല്ലേലും ചിലപ്പോൾ ആ നമ്പർ ഫേക്ക് ആകാനും സാധ്യത ഉണ്ട്….

“”നീ അത് വിട് അമ്മൂസേ,,, അത് വല്ല വായ്‌നോക്കികളും ആയിരിക്കും…””

ചിന്താഭാരവും ടെൻഷനും തൂങ്ങിയ എന്റെ പെണ്ണിന്റെ മുഖം കണ്ടതും അവളെ ആശ്വസിപ്പിക്കാനെന്നോണം ഞാൻ പറഞ്ഞു……. റിസോർട്ടിലെ തലേ രാത്രി സമ്മാനിച്ച മോശം എക്സ്പീരിയൻസിൽ നിന്നും റിക്കവർ ആകാൻ വേറെ കുറച്ചു സ്ഥലങ്ങൾ കൂടി വിസിറ്റ് ചെയ്ത് ആസ്വദിച്ച ഞങ്ങൾ രണ്ട് ദിവസം കൂടി കഴിഞ്ഞതിനു ശേഷമാണ് വീട്ടിലേക്ക് മടങ്ങിയത്………

*******—–***********************

ഒരു ദിവസം ഓഫീസിലെ ജോലിത്തിരക്കുകളിൽ മുഴുകിയിരിക്കുന്നതിനിടയിലൊന്ന് നടു നിവർത്താൻ ഫ്രീ ആയപ്പോഴായിരുന്നു ഫോൺ എടുത്തു നോക്കിയത്….. ഭദ്രയുടെ നാല് മിസ്ഡ് കാൾ….

വീട്ടിലെ ലാൻഡ് ലൈനിൽ നിന്നും വിളിച്ചിട്ടുണ്ട് രണ്ട് തവണ….ഇരുപത് മിനിറ്റ് മുൻപാണ് വിളിച്ചിരിക്കുന്നത്….ഫോൺ സൈലന്റ് മോഡിൽ ഇട്ടത് കൊണ്ട് കാൾ വന്നത് അറിഞ്ഞില്ലായിരുന്നു….. എംഡിയുമായുള്ള മീറ്റിംഗ്നിടയിൽ സൈലന്റിൽ ഇട്ടതാണ്…പിന്നെ മാറ്റാനും മറന്നു……ഞാൻ വേഗം ഭദ്രയുടെ ഫോണിലേക്ക് ഡയൽ ചെയ്തു….രണ്ട് റിങ്ങിൽ തന്നെ ഫോൺ എടുത്തു……

“”അനന്തേട്ടാ ഇന്ന് നേരത്തെ വീട്ടിൽ വരണം…. എന്താ കാര്യമെന്ന് ഇപ്പോൾ ചോദിക്കണ്ട…അതെനിക്ക് എന്റെ ഏട്ടനോട് നേരിട്ട് പറയണം….. “” ഫോൺ അറ്റൻഡ് ചെയ്ത പാടെ അത്രയും പറഞ്ഞിട്ട് അവൾ കട്ട്‌ ചെയ്തു…..

എന്തായിരിക്കും അവൾക്ക് പറയാനുണ്ടാവുക…ഈ പെണ്ണിങ്ങനെയാണ് മനുഷ്യനെ വെറുതെ ആകാംഷയുടെ മുൾമുനയിൽ നിർത്തും….ഇനി വീട്ടിൽ എന്തേലും പ്രശ്നം….ആലോചിച്ചിട്ട് ഒരെത്തും പിടിയും കിട്ടുന്നില്ലല്ലോ ദൈവമേ….. എന്തായാലും ഓഫീസിൽ നിന്നും നേരത്തെ ഇറങ്ങി…പതിവിലും സ്പീഡിൽ തന്നെയാണ് ഡ്രൈവ് ചെയ്തത്…..വീട്ടിൽ ചെല്ലുമ്പോൾ അച്ഛനും അമ്മയും ഉമ്മറത്ത് തന്നെയുണ്ടായിരുന്നു…. ദേവൂട്ടി അവരുടെ അരികിൽ ഇരുന്ന് കളിക്കുന്നുണ്ട്…. എന്നെക്കണ്ടതും അച്ഛന്റെയും അമ്മയുടെയും മുഖത്ത് വല്ലാത്ത ഒരു ചിരി…. കാര്യം ചോദിച്ചിട്ടും അവരൊന്നും വിട്ട് പറഞ്ഞില്ല….കൺഫ്യൂഷനോടെ ഞാൻ അകത്തേക്ക് കയറി….ഹാളിൽ ഏട്ടനും ഏട്ടത്തിയും ഉണ്ട്……

കാര്യം പറയാതെയുള്ള ഒരു ആക്കിയ ചിരി പാസ്സാക്കി അവരും എന്നെ വട്ട് പിടിപ്പിച്ചു……

“”ഭദ്ര എവിടെ…..?””

“’അവൾ റൂമിൽ കാണും.. “’

എന്റെ ചോദ്യത്തിന് എങ്ങോട്ടോ നോക്കി കൊണ്ടെന്ന പോലെ ഏട്ടത്തി മറുപടി പറഞ്ഞു….. ഇവർക്കൊക്കെ ഇതെന്താ പറ്റിയെ എന്നാലോചിച്ചു കൊണ്ട് ഞാൻ റൂമിലേക്ക് ചെന്നു… എന്റെ വരവും പ്രതീക്ഷിച്ചിട്ടെന്ന പോലെ ഭദ്ര റൂമിൽ ഉണ്ടായിരുന്നു….എന്നെ കണ്ടതും അവൾ കട്ടിലിൽ നിന്നും എഴുന്നേറ്റ് ജനലരികിലേക്ക് മാറി തിരിഞ്ഞു നിന്നു…

“”ആഹാ ഇങ്ങനെ തിരിഞ്ഞു നിൽക്കാനാണോ പെണ്ണേ എന്നെ വിളിച്ചു വരുത്തിയത്…””

പുറകിലൂടെ ചെന്ന് അവളുടെ ഇടുപ്പിൽ കൈ ചുറ്റി കെട്ടിപ്പിടിച്ചു കൊണ്ട് ഞാൻ തോളിൽ തല ചേർത്തു….അവൾ നിന്നു വിറയ്ക്കുകയാണ്…ഞാൻ ഭദ്രയെ പിടിച്ച് എന്റെ നേരെ തിരിച്ചു നിർത്തി….

“”അതേയ് എന്റെ ഭാര്യക്ക് എന്തോ എന്നോട് നേരിട്ട് പറയാൻ ഉണ്ടെന്ന് പറഞ്ഞല്ലോ…മ്മ് എന്താ അത്…?വേഗം പറഞ്ഞെ മോള്….“”

താടിത്തുമ്പിൽ പിടിച്ചുയർത്തിയ എന്റെ പെണ്ണിന്റെ മുഖത്ത് നോക്കി ഞാൻ വാത്സല്യത്തോടെ ചോദിച്ചു….. അവളുടെ കണ്ണുകൾ ഈറനണിഞ്ഞിരുന്നു….കവിളിണയിൽ തഴുകിയ എന്റെ കൈയെടുത്ത് അവളുടെ വയറിൽ വച്ച് കൊണ്ട് ഭദ്ര ‘അതെ’ എന്നർത്ഥത്തിൽ തലയാട്ടി….ആ ഒരൊറ്റ സിഗ്നലിൽ എന്റെ തലയിലെ ബൾബുകളെല്ലാം ഒരുമിച്ച് കത്തി….

“”നമുക്ക്,,, നമുക്കൊരു കുഞ്ഞു പിറക്കാൻ പോകുന്നു അനന്തേട്ടാ…. നമ്മൾ അച്ഛനും അമ്മയും ആകാൻ പോവാ…””

സന്തോഷം കൊണ്ട് നിറഞ്ഞ കണ്ണുകളോടെ അവൾ എന്റെ നെഞ്ചിലേക്ക് മുഖം പൂഴ്ത്തി…..ഞാൻ എന്റെ പെണ്ണിനെ മുറുകെ കെട്ടിപ്പിടിച്ചു കൊണ്ട് നെറുകയിൽ ചുംബിച്ചു…..പതിയെ അവളുടെ മുന്നിൽ മുട്ട് കുത്തി.. അവളുടെ ഇടുപ്പിലൂടെ ചുറ്റിപ്പിടിച്ചു കൊണ്ട് വയറിലേക്ക് മുഖം ചേർത്ത് ഞാൻ അല്പനേരം ഇരുന്നു…അവിടം മെല്ലെയൊന്ന് അമർത്തി ചുംബിച്ചു…എന്റെ മുടിയിഴകളിൽ വിരലോടിച്ച ഭദ്രയുടെ കണ്ണുകളിൽ നിന്നും സന്തോഷാശ്രുക്കൾ പൊഴിയുന്നുണ്ടായിരുന്നു…. എഴുന്നേറ്റു നിന്ന് ഞാൻ എന്റെ പെണ്ണിനെ പിന്നെയും വാരിപ്പുണർന്നു……ഞാൻ ഒരച്ഛനാകാൻ പോകുന്നു…. അന്നേരം ഞാൻ അനുഭവിച്ച സന്തോഷത്തിന് അതിരില്ലായിരുന്നു…..ഭദ്ര എന്റെ നെഞ്ചിൽ മുഖമമർത്തി ഒരുപാട് നേരം അങ്ങനെ നിന്നു….അപ്പോൾ അതവൾ ആഗ്രഹിച്ചിട്ടുണ്ടായിരിക്കണം…..

“”അതേയ് പറഞ്ഞോ…. എന്താ എന്റെ തങ്കക്കുടത്തിനു വേണ്ടത് ഇപ്പോൾ….?’”

അവളുടെ സീമെന്ത രേഖയിൽ ചുംബിച്ചു കൊണ്ട് ഞാൻ ചോദിച്ചു…. ഒന്നും വേണ്ടെന്ന അർത്ഥത്തിൽ തലയാട്ടി കൊണ്ട് അവൾ എന്നെ മുറുകെ കെട്ടിപ്പിടിച്ചു….

എന്തായാലും ഒരു സത്യം ഞാൻ അപ്പോൾ മനസ്സിലാക്കി…ആണൊരുത്തൻ ഏറ്റവും കൂടുതൽ സന്തോഷിക്കുന്നത് അവൻ ഒരച്ഛനാകാൻ പോകുന്നുവെന്ന് അവന്റെ ഭാര്യ പറഞ്ഞറിയുമ്പോഴാണ്…. ആ ഒരു നിമിഷത്തെ ഫീൽ,,, അതൊരിക്കലും പറഞ്ഞറിയിക്കാൻ കഴിയില്ല,, സ്വയം അനുഭവിച്ചു തന്നെ അറിയണം…..

ദിവസങ്ങൾ കടന്നു പോയി….ഭദ്രയ്ക്കിത് മൂന്നാമത്തെ മാസമാണ്……..ആദ്യത്തെ സ്കാനിങ്ങിനു വേണ്ടി അടുത്തുള്ള ഹോസ്പിറ്റലിൽ പോയി…ബ്ലാഡർ നിറയാൻ വയർ നിറയെ വെള്ളം കുടിക്കണം…പാവം വെള്ളം കുടിച്ചു ഒരു പരുവമായി….

’’ഭദ്ര അനന്തകൃഷ്ണൻ….”

സിസ്റ്റർ ഉറക്കെ അവളുടെ പേര് വിളിച്ചു…ഞാൻ അവളേം കൊണ്ട് അകത്തേക്ക് കയറി…

“അതേയ് അൾട്രാ സൗണ്ട് സ്കാനിങ് ആണ്.. പാന്റ് ഊരണം’’

സിസ്റ്റർ പറഞ്ഞു. അവൾക്കു ആകെ നാണം… പരിശോധിക്കാൻ ഒരു ആൺ ഡോക്ടർ ആണിരിക്കുന്നത്…ഭദ്ര മടിയോടെ എന്റെ നേരെ നോക്കി…

“”സാരമില്ല നമ്മടെ കുഞ്ഞിന് വേണ്ടിയല്ലേ നീ ചെല്ലു…””

ഞാനവളുടെ തോളിൽ ചേർത്ത് പിടിച്ചു കൊണ്ട് പറഞ്ഞു……അവൾ വന്നു ബെഡിൽ കിടന്നു ….അടുത്ത് തന്നെ ഒരു സ്ക്രീൻ വെച്ചിട്ടുണ്ട് അതിലൂടെ നമുക്ക് കുഞ്ഞിനെ കാണാം..ആദ്യമായി ഞാൻ എന്റെ കുഞ്ഞനങ്ങുന്നത് കണ്ടു….എന്റെ കണ്ണ് നിറഞ്ഞു പോയി…ശരിക്കും കാണാൻ വയ്യ എന്നാലും അവൾടെ വയറിൽ കിടന്നു കുഞ്ഞ് അങ്ങോട്ടും ഇങ്ങോട്ടും അനങ്ങുന്നത് ഞാൻ കണ്ടു…

സ്കാനിംഗ് കഴിഞ്ഞു അവൾ ടോയ്‌ലെറ്റിലേക്കു ഒരോട്ടമായിരുന്നു….എനിക്ക് സങ്കടം വന്നു അന്നേരം…..പാവം ഒക്കെ ഇനി ഒറ്റയ്ക്ക് അനുഭവിക്കണല്ലോ എന്നോർത്തു…ഗർഭിണി ആയ ഭാര്യക്ക് സ്നേഹവും കരുതലും കൊടുക്കുക എന്നതൊഴിച്ചു വേറെ ഒന്നും ഈ കാര്യത്തിൽ ആണുങ്ങളെ കൊണ്ട് ചെയ്യാൻ പറ്റില്ല….

ഓരോ ദിവസം കഴിയുന്തോറും ഭദ്ര കൂടുതൽ സുന്ദരിയായി വന്നു…എനിക്ക് അന്നേരം അവളെ ഒന്നൂടെ കെട്ടാൻ തോന്നി…ശരിക്കും ഗർഭിണിയാവുമ്പോഴാണ് ഒരു പെണ്ണ് കൂടുതൽ സുന്ദരിയാവുന്നത് എന്ന് പറയുന്നത് വളരെ ശരിയാണ് കേട്ടോ…

ഞാൻ അച്ഛനാകാൻ പോകുന്ന സന്തോഷവാർത്ത അറിഞ്ഞപ്പോൾ ഫ്രണ്ട്സും സഹപ്രവർത്തകരുമെല്ലാം ട്രീറ്റ്‌ ആവശ്യപ്പെട്ടിരുന്നു….ഞാൻ അത് ചെയ്യുകയും ഉണ്ടായി…..കുറച്ചു ദിവസം കൂടി കഴിഞ്ഞാണ് സെലിനും ജസ്റ്റിനും ഞാൻ ട്രീറ്റ്‌ കൊടുത്തത്…..ജസ്റ്റിൻ ഫ്രീ ആകുന്ന ഒരു ദിവസം നടത്താം എന്ന് കരുതിയാണ് ലേറ്റ് ആയത്…..അന്ന് ജസ്റ്റിൻ വിരുന്നിൽ പങ്കെടുക്കാൻ തൃശ്ശൂരിലേക്ക് വന്നു…..തൊട്ടടുത്ത ദിവസം തന്നെ ചെന്നൈയിലേക്ക് മടങ്ങേണ്ടതിനാൽ വിരുന്ന് കഴിഞ്ഞ് രാത്രിയിലെ ട്രെയിനിൽ തന്നെ മടങ്ങണമെന്ന് ജസ്റ്റിൻ ആവശ്യപ്പെട്ടു…..സെലിനെ വീട്ടിൽ വിട്ട് ജസ്റ്റിനെ റെയിൽവേ സ്റ്റേഷനിൽ കൊണ്ട് വിടാൻ ഞാൻ പോയി…..ഭദ്ര വിരുന്നിൽ പങ്കെടുത്തിരുന്നില്ലെങ്കിലും ജസ്റ്റിനും സെലിനും കൂടി ഭദ്രയെ വീട്ടിൽ വന്ന് കണ്ട് ആശംസകൾ അറിയിച്ചിരുന്നു……..

റെയിൽവേ സ്റ്റേഷനിലേക്കുള്ള യാത്രയ്ക്കിടയില് ജസ്റ്റിന് ഒരു കാൾ വന്നു…..

ജസ്റ്റിൻ കൂടുതലൊന്നും സംസാരിക്കാതെ മറുതലയ്‌ക്കൽ നിന്നും പറയുന്നതിനെല്ലാം മൂളി കൊണ്ടിരുന്നു…പെട്ടന്ന് തന്നെ ജസ്റ്റിൻ കാൾ കട്ട്‌ ചെയ്തു…പക്ഷെ അതിന് ശേഷം ജസ്റ്റിൻ വളരെ ഡിസ്റ്റർബ്ഡ് ആയ പോലെ എനിക്ക് തോന്നി…അത്‌ വരെയും എന്നോട് ഹാപ്പിയായി സംസാരിച്ചോണ്ട് ഇരുന്ന ആൾക്ക് ഇതെന്തു പറ്റി എന്നായിരുന്നു എന്റെ സംശയം…..

“”എന്താ ജസ്റ്റിൻ,,, വാട്ട്‌ ഹാപ്പെൻഡ്…ആരാ വിളിച്ചേ…..?? “’

“”that was my mom……”” അല്പനേരം എന്തോ ആലോചിച്ചിട്ടിരുന്ന ജസ്റ്റിൻ നിസ്സംഗതയോടെ എനിക്ക് മറുപടി തന്നു…..

“”നിങ്ങൾ തമ്മിൽ ഇപ്പോൾ……””

“”യെസ്.. കോൺടാക്ട് ഉണ്ട് ഇപ്പൊഴും…എത്രയൊക്കെ തള്ളിപ്പറഞ്ഞാലും അവർ എന്റെ അമ്മയല്ലാതാകില്ലല്ലോ എല്ലാവരുടെയും മുന്നിൽ…. സൊ അതിന്റെ പുറത്തുള്ള,,, ജസ്റ്റ്‌ എ ഫോർമൽ റിലേഷൻഷിപ്പ്…അതും മറ്റുള്ളവരെ ബോധിപ്പിക്കാൻ വേണ്ടി ആണെന്ന് മാത്രം…. “”

നിർവികാരതയോടെ സംസാരിക്കുമ്പോഴും തന്റെ വാക്കുകളിൽ ജസ്റ്റിൻ അടക്കിവച്ചിരുന്ന അമർഷവും സങ്കടവും എനിക്ക് മനസ്സിലാകുന്നുണ്ടായിരുന്നു…

മരിച്ചു പോയ പപ്പയെപ്പറ്റി എപ്പോഴും വാചാലനാകാറുള്ള ജസ്റ്റിന്റെ അടുത്ത് ഇന്ന് വരെയും മമ്മിയെപ്പറ്റി ഞാൻ ചോദിച്ചിട്ടില്ലായിരുന്നു….അത് ജസ്റ്റിന് സംസാരിക്കാൻ തീരെ താല്പര്യമില്ലാത്ത വിഷയമാണെന്ന് സെലിൻ തന്നെ എന്നോട് സൂചിപ്പിച്ചിട്ടുണ്ട്….എന്നാൽ ഇപ്പോൾ ഞാൻ ചോദിക്കാതെ തന്നെ ജസ്റ്റിൻ തന്റെ മനസ്സ് തുറക്കുന്നതായി എനിക്ക് തോന്നി….

“”യു നോ അനന്തു,,, പപ്പ മരിച്ചതിനു ശേഷം എനിക്ക് എല്ലാം എന്റെ മമ്മിയായിരുന്നു….എനിക്ക് മമ്മിയും മമ്മിക്ക് ഞാനും….അങ്ങനെയാണ്‌ ഞങ്ങൾ കഴിഞ്ഞിരുന്നത്….സ്വത്തിൽ കണ്ണ് വച്ച് കൊണ്ട് സഹതാപം നടിച്ച് അടുത്ത് കൂടിയവരെ എല്ലാം തിരിച്ചറിഞ്ഞ് ഞങ്ങൾ അകറ്റി നിർത്തിയിരുന്നു…എപ്പോഴും എന്തിനും ഞങ്ങൾക്ക് സഹായത്തിനുണ്ടായിരുന്നത് പപ്പയുടെ ഒരു ഫ്രണ്ട് ആയിരുന്നു……രാവെന്നോ പകലെന്നോ വ്യത്യാസമില്ലാതെ ആള് ഞങ്ങളുടെ ആവശ്യങ്ങൾക്കെല്ലാം ഓടിയെത്തി……പക്ഷെ അയാളുടെ കണ്ണ് എന്റെ യവ്വനം വിടാത്ത മമ്മിയിലായിരുന്നു….എന്റെ പപ്പയെ മറന്ന് മമ്മിയും അയാളെ ആഗ്രഹിച്ചിരുന്നുവെന്ന് തിരിച്ചറിയാൻ എനിക്ക് കഴിഞ്ഞില്ല…..ഒരു ദിവസം സ്കൂൾ വിട്ട് വന്ന ഞാൻ കണ്ട ആ കാഴ്ച ഇന്നും എന്റെ മനസ്സിലുണ്ട്…..ലോകത്ത് ഒരു മകനും സ്വന്തം അമ്മയെ കാണാൻ പാടില്ലാത്ത രീതിയിൽ അയാളോടൊപ്പം ഞാൻ കണ്ടു…..പപ്പ മരിച്ചതിനു ശേഷം ഞാൻ ഏറ്റവും അധികം ചങ്ക് പൊട്ടി കരഞ്ഞത് അന്നാണ്…എന്നെ തനിച്ചാക്കി പോയതിന് പാവം എന്റെ പപ്പയോട് ഒരു നിമിഷത്തെക്കെങ്കിലും എനിക്ക് ദേഷ്യം തോന്നിപ്പോയത് നശിച്ച ആ ദിവസമാണ്…….എല്ലാം ഞാൻ അറിഞ്ഞ സ്ഥിതിക്ക് പിന്നയൊരു മറ അവരുടെ റിലേഷന് ആവശ്യമില്ലായിരുന്നു…..അവർ വിവാഹം കഴിച്ചു…..ആദ്യഭർത്താവിൽ ഉണ്ടായ മകൻ മമ്മിയുടെ പുതിയ ജീവിതത്തിന് ഒരു തടസ്സമായി തുടങ്ങി എന്ന് മനസ്സിലാക്കാനുള്ള പക്വതയൊക്കെ അന്നത്തെ ആ പതിനൊന്നു വയസ്സ്ക്കാരനുണ്ടായിരുന്നു….ഞാനായിട്ട് സ്വയം ഒഴിഞ്ഞു മാറി കൊടുക്കുകയായിരുന്നു……കാമം തലയ്ക്ക് പിടിച്ചു കഴിഞ്ഞാൽ പിന്നെ എന്ത് മകൻ…??? എന്ത് സ്വന്തം ചോര……??? “””

ജീവനില്ലാത്ത ഒരു പുഞ്ചിരിയോടെ ജസ്റ്റിൻ പറഞ്ഞു നിർത്തി…..ഞാൻ കൂടുതലൊന്നും ചോദിച്ചില്ല.,. ജസ്റ്റിൻ പതിയെ പുറം കാഴ്ചകളിലേക്ക് കണ്ണോടിച്ചു…..

“”കുറച്ച് നാള് കൊണ്ട് നടന്ന് പൂതി തീർന്നപ്പോൾ അയാള് അവരെ ഉപേക്ഷിച്ചിട്ട് പോയി….ഇപ്പോൾ ദുബായിൽ ഞങ്ങളുടെ ഒരു അകന്ന ബന്ധുവിന്റെ വീട്ടിൽ അഗതിയെപ്പോലെ കഴിയുന്നുണ്ടവർ….””

റയിൽവെ സ്റ്റേഷന് മുന്നിലെ പാർക്കിങ്ങിൽ കാർ നിർത്തി ഇറങ്ങാൻ നേരം അത് പറയുമ്പോഴും ജസ്റ്റിന്റെ ചുണ്ടിൽ പുച്ഛം കലർന്ന ആ പുഞ്ചിരി ബാക്കിയായിരുന്നു…..കാമഭ്രാന്ത് തലയ്ക്ക് പിടിച്ച് ബന്ധങ്ങൾ മറക്കുന്ന മനുഷ്യജീവിതങ്ങളെ കാത്തിരിക്കുന്ന പരിണിതഫലങ്ങൾ അവർ ചെയ്ത പാപത്തിന്റെ ശമ്പളമായിരിക്കും എന്ന ഓർമ്മപ്പെടുത്തലാണ് ജസ്റ്റിന്റെ മമ്മിയെപ്പോലെയുള്ളവരുടെ അനുഭവങ്ങൾ……എന്നോട് യാത്രയും പറഞ്ഞ് നടന്നകലുന്ന ജസ്റ്റിനെ അല്പനേരം നോക്കിയിരുന്ന ഞാൻ പതിയെ കാർ മുന്നോട്ട് എടുത്തു……..

ഭദ്രയ്ക്ക് നാലാം മാസം തുടങ്ങി……ഇടയ്ക്കിടയ്ക്ക് ഛർദ്ദിലുമുണ്ട്…. ഒരു ദിവസം രാത്രി കിടന്നുറങ്ങുന്ന എന്നെ അവൾ കുത്തി പൊക്കിയുണർത്തി….

“”ഏട്ടാ ഒന്നെണീക്കു….””

‘”എന്താ എന്ത് പറ്റി വല്ല വല്ലായ്കേം തോന്നുന്നുണ്ടോ….?? “’

“”ഏട്ടാ എനിക്കിപ്പോ തട്ട് ദോശ തിന്നണം….””

“”ഇപ്പളോ ഈ പാതിരാത്രിലോ നാളെ തിന്നാ പോരെ……?? “”

“”പോരാ എനിക്കിപ്പോ തിന്നണം….അവിടെ കടയിൽ പോയി ചൂടോടെ കഴിക്കണം….”” അവൾ വാശി പിടിച്ചു….

ഒടുക്കം ഭദ്രയുടെ ആഗ്രഹത്തിന് മുന്നിൽ ഞാൻ മുട്ടുമടക്കി…. അവളേം കൊണ്ട് വണ്ടിയിൽ കയറി ജംഗ്ഷനിലേക്കു വിട്ടു…പാതി രാത്രി 2 മണി വരെ തുറന്നിരിക്കുന്ന ഒരു കടയുണ്ടവിടെ…

ചെന്നയുടനെ അവൾക്കാവശ്യം ഉള്ളതെല്ലാം അവൾ തന്നെ ഓർഡർ ചെയ്തു. സൊമാലിയയിൽ നിന്നും പട്ടിണി കിടന്നു വന്ന പോലെയാണ് അവൾ വാരി വലിച്ചു തിന്നുന്നത്…ഏതൊക്കെ തിന്നു എന്നതിന് ഒരു കയ്യും കണക്കുമില്ല…

“”ഏട്ടന് വേണ്ടേ……? “”

കഴിക്കുന്നതിനിടയിൽ അവൾ ചോദിച്ചു….

“”ഓ വേണ്ട…..നീ കഴിച്ചോ….. “”

ഒരു ചെറുചിരിയോടെ ഞാൻ പറഞ്ഞു..…അവൾ തിന്നുന്നത് കണ്ടപ്പഴേ എന്റെ വയർ നിറഞ്ഞു,,,മനസ്സും…..

“””ചേട്ടാ ഈ ചേച്ചിയേം കൂട്ടി ഇനിം വരണേ….. “” അവിടെ നിന്ന് ഇറങ്ങാൻ നേരം കടയിലെ പയ്യൻ എന്നോട് പറഞ്ഞു..…എങ്ങനെ പറയാതിരിക്കും അമ്മാതിരി തീറ്റയല്ലായിരുന്നോ…..

വണ്ടിയിൽ കയറി പകുതി എത്തിയില്ല അതിനു മുന്നേ എന്റെ ദേഹത്തേക്കവൾ ഛർദ്ദിച്ചു…വീട്ടിൽ ചെന്ന് നേരം വെളുക്കണ വരെ ഇടയ്ക്കിടയ്ക്ക് ഛർദ്ദിൽ തന്നെയായിരുന്നു…ഭദ്രയെയും കൊണ്ട് രാത്രി പുറത്തു പോയതിനു അമ്മേടെന്നും ഏട്ടത്തീടെന്നും എനിക്ക് കണക്കിന് കേട്ടു വഴക്ക്….പാവം ഛർദ്ദിച്ച് തളർന്നു രാവിലെ എപ്പോഴോ ആണവൾ ഉറങ്ങിയത്…ജോലിക്കു പോകാൻ നേരം ഉണർത്തിയില്ല….. അവളുടെ നെറ്റിയിൽ ഒരുമ്മ കൊടുത്തു ഞാനിറങ്ങി…..

ഡെലിവറിയുടെ ടൈം ആകുന്നതിനു മുൻപായി അവൾക്ക് യൂണിവേഴ്സിറ്റി എക്സാം ഉണ്ടാകും…. അത് മിസ്സ്‌ ചെയ്യില്ലെന്നും പരീക്ഷ എഴുതിക്കോളാമെന്നുമാണ് ഭദ്ര പറയുന്നത്….ആ സമയം അവൾക്ക് ഏഴാമത്തെയോ ഏട്ടാമത്തെയോ മാസമാകാനാണ് സാധ്യത….എക്സാം എഴുതുന്ന കാര്യത്തിൽ ഭദ്ര അത്രയും കോൺഫിഡന്റ് ആയ സ്ഥിതിക്ക് ഞാൻ എതിർപ്പൊന്നും പറഞ്ഞില്ല….അവൾക്കത് മാനേജ് ചെയ്യാൻ പറ്റുമെന്നാണ് എന്റെയും വിശ്വാസം…

കമ്പനിയുടെ Annual Auditing വർക്സ് നടക്കുന്ന സമയമായിരുന്നു അത്….അതിന്റെ ഭാഗമായി എനിക്ക് കൊച്ചിയിലെ റീജിയണൽ ഓഫീസിലേക്ക് പോകേണ്ട കാര്യമുണ്ടായിരുന്നു…..ആകെ അഞ്ചു ദിവസത്തെ ഡ്യൂട്ടിയാണ്‌ അവിടെ എനിക്ക് assign ചെയ്ത് തന്നിട്ടുള്ളത്…..ഈ യാത്രയുടെ കാര്യം സൂചിപ്പിച്ചപ്പോൾ തന്നെ ഭദ്ര മുഖം വീർപ്പിച്ചാണ് നടപ്പ്….പരിഭവമാണ് പെണ്ണിന്…..അവളുടെ ഭാവം കണ്ടാൽ, ഞാനെന്തോ ഗൾഫിലോട്ട് പോവുകയാണെന്നും മിനിമം ഒരു കൊല്ലമെങ്കിലും കഴിയാതെ ഇനി കാണാൻ പറ്റില്ലന്ന പോലെയാണ്….അതും അവൾ ഗർഭിണിയായിരിക്കുന്ന അവസ്ഥയിൽ….അഞ്ചു ദിവസത്തെ കാര്യമേ ഉള്ളെങ്കിൽ പോലും വിവാഹം കഴിഞ്ഞ് ആദ്യമായിട്ടാണ് ഞങ്ങൾ അത്രയും ദിവസം പോലും പിരിഞ്ഞിരിക്കുന്നത്…..ഈ യാത്ര എനിക്ക് ഒഴിവാക്കാൻ സാധിക്കില്ലെന്ന് അറിഞ്ഞപ്പോൾ തൊട്ട് അവൾ ആകെ സങ്കടത്തിലായി…….എന്നാൽ അവളുടെ മനസ്സിനെ വിഷമിപ്പിച്ച കാര്യങ്ങൾ തന്നെയായിരുന്നു പിന്നെ സംഭവിച്ചത്………

കൊച്ചിയിലേക്ക് പോകുന്നതിന്റെ തലേ ദിവസം ഞാൻ അവധിയെടുത്തു….പിറ്റേ ദിവസം രാവിലെ എനിക്ക് പുറപ്പെടണം….യാത്ര കാറിൽ തന്നെയാകാമെന്ന് തീരുമാനിച്ചു….അല്ലേൽ ചിലപ്പോൾ ട്രെയിനെ ആശ്രയിക്കാറുണ്ട്….. പോകുന്നതിന്റെ തലേ ദിവസം രാവിലെ എണീച്ചപ്പോൾ തൊട്ട് നല്ല തലവേദനയുണ്ടായിരുന്നു…നല്ല temperature ഉം …. പിറ്റേന്ന് യാത്ര ഉള്ളത് കൊണ്ട് ഞാൻ വച്ചു താമസിപ്പിക്കാതെ രാവിലെ തന്നെ ഡോക്ടറെ പോയി കണ്ട് കൺസൾട്ട് ചെയ്യിപ്പിച്ചു….. മരുന്ന് കഴിച്ച് ഉറങ്ങിയെണീറ്റപ്പോൾ പനി കുറവുണ്ടായിരുന്നു…..ഭദ്ര എന്റെ അടുത്ത് തന്നെയിരിപ്പുണ്ട്….പനി കുറഞ്ഞില്ലെങ്കിൽ നാളത്തെ യാത്ര മാറ്റി വയ്ക്കണമെന്ന് പറഞ്ഞ് വാശി പിടിക്കുകയായിരുന്നു അവൾ….അല്ലേലും എനിക്ക് എന്തെങ്കിലും അസുഖം ഉണ്ടായാൽ അത് മതി പെണ്ണിന് ചുമ്മാ ടെൻഷൻ അടിച്ച് അവള് വല്ല വയ്യായ്ക വരുത്തി വയ്ക്കും…..ഗർഭിണി ആയിരിക്കുന്ന ഈ സമയത്ത് വെറുതെ ടെൻഷൻ അടിക്കരുതെന്ന് പറഞ്ഞ് ഞാൻ അവളെ രാവിലെ വഴക്ക് പറഞ്ഞിരുന്നു….വഴക്ക് കേട്ടതിന്റെ ഒരു സങ്കടമുണ്ട് പെണ്ണിന്റെ മുഖത്ത്……..

വൈകുന്നേരം അമ്മയും ഭദ്രയും കൂടി ദേവീ ക്ഷേത്രത്തിലൊന്ന് തൊഴാൻ പോയി……പനി കുറവുണ്ടെങ്കിലും ക്ഷീണം തോന്നിയതിനാൽ അവർ പോയതിന് ശേഷം ഞാൻ പിന്നെയും കിടന്നുറങ്ങി…….നെറ്റിയിൽ ആരോ തലോടുന്നതായി തോന്നിയപ്പോഴാണ് ഞാൻ കണ്ണ് തുറന്നത്…..അമ്മയായിരുന്നു അത്…..അമ്മയുടെ കൈക്ക് നല്ല തണുപ്പുണ്ട്…മക്കളുടെ ശരീരത്തിലെ ഏത് ചൂടിനെയും തണുപ്പിക്കാൻ പോന്ന ആ ലഹരി മാതാവിൽ മാത്രം നിക്ഷിപ്തമാണ്……അമ്മയുടെ തലോടൽ പകർന്ന സുഖത്തിൽ ഞാൻ അല്പനേരം കൂടി അതെ കിടപ്പ് തന്നെ കിടന്നു….അമ്മയുടെ മുഖത്തെ വാത്സല്യം നിറഞ്ഞ ആ പുഞ്ചിരിക്കു പിന്നിലും എന്തോ വിഷമം അമ്മയെ അലട്ടുന്നുണ്ടെന്ന് എനിക്ക് തോന്നി….ഞാൻ എഴുന്നേറ്റ് ക്രാസിയിൽ ചാരി ഇരുന്നു…….

“”ഹ്മ്മ് പനി മാറിണ്ട്…ഇപ്പൊ ചൂടൊന്നുമില്ല….””

മുടിയിഴകളിൽ തലോടി കൊണ്ട് അമ്മ അത് പറഞ്ഞപ്പോൾ ഞാൻ മെല്ലെ അമ്മയുടെ തോളിലേക്ക് ചാരി……

“”എന്താ അമ്മേ…??അമ്മയ്ക്കെന്തെങ്കിലും എന്നോട് പറയാനുണ്ടോ…””

എന്നെ തലോടുമ്പോഴും ഇടയ്ക്ക് അമ്മയുടെ മുഖത്ത് പ്രകടമാകുന്ന വല്ലായ്മ ഞാൻ ശ്രദ്ധിക്കുന്നുണ്ടായിരുന്നു……

“”ഇന്ന് അമ്പലത്തിൽ നിന്ന് വരുന്ന വഴി രാമൻ ജ്യോത്സ്യരുടെ വീട്ടിലൊന്ന് കയറി……രണ്ട് ദിവസം മുൻപ് ഞാൻ അദ്ദേഹത്തെ വിളിച്ച് അജയന്റെയും നിന്റെയും ജാതകങ്ങളൊന്ന് പരിശോധിക്കണമെന്ന് ഞാൻ പറഞ്ഞിരുന്നു…

അതിനെപ്പറ്റി ചോദിക്കാൻ വേണ്ടി കേറിയതാ….. അജയന്റെ ജാതകത്തില് കുഴപ്പങ്ങളൊന്നുമില്ല….. “”

“”അപ്പോൾ എനിക്കായിരിക്കുമല്ലേ കുഴപ്പം…….??? “”

അമ്മയുടെ കവിളിണയിലൊന്ന് നുള്ളിക്കൊണ്ട് ഒരു കുസൃതി ചിരിയോടെ ഞാൻ ചോദിച്ചു….

“”സൂക്ഷിക്കണം മോനെ…. എല്ലാം കൊണ്ടും നിനക്കിപ്പോൾ മോശം സമയമാണെന്നാ അദ്ദേഹം പറഞ്ഞെ…. വളരെയധികം ശ്രദിക്കണംത്രെ…. കുറച്ചു വഴിപാടുകളൊക്കെ നടത്താൻ അദ്ദേഹം നിർദ്ദേശിച്ചിട്ടുണ്ട്…. ഞാനും കുറച്ചൊക്കെ നേർന്നിട്ടുണ്ട്…. നിന്റെ ഒഴിവ് പോലെ നമുക്ക് എല്ലാവർക്കും കൂടി ഒരീസം ഗുരുവായൂരൊന്ന് പോണം…. ഗുരുവായൂരപ്പനെ കണ്ട് തൊഴുതിട്ട് നാള് കുറെയായി….വടക്കുംനാഥനെയും പാറമേക്കാവിലമ്മേയുമൊക്കെ പോയി കാണണം…..”””

“”അപ്പോൾ അടുത്ത മാരത്തോൺ അമ്പലദർശനത്തിനുള്ള സമയമായി അല്ലേ അമ്മേ…..?? “”

ഒരു നെടുവീർപ്പോടെ അമ്മ പറഞ്ഞു നിർത്തിയതും കട്ടിലിൽ നിന്നും എഴുന്നേറ്റ ഞാൻ പറഞ്ഞ ആ വാക്കുകളിലെ പരിഹാസം തിരിച്ചറിഞ്ഞ അമ്മ എന്നെ തല്ലാനായി കൈ വീശി…. അത് മുൻ കൂട്ടി കണ്ടത് കൊണ്ട് തന്നെയാണ് ഞാൻ പതിയെ കട്ടിലിൽ നിന്ന് എഴുന്നേറ്റ് അമ്മയുടെ കയ്യകലത്തിൽ നിന്നും മാറി നിന്നത്….

“”അനന്തുട്ടാ വേണ്ടാട്ടോ നീ…. ഈശ്വരനിന്ദ കാണിച്ചാലുണ്ടല്ലോ….?? ആ ശക്തിയെ മറന്നു ജീവിക്കണ്ടാ…. അതൊരിക്കലും നല്ലതിനായിരിക്കില്ല….”””

പെട്ടെന്നുള്ള ദേഷ്യത്തിൽ അത്രയും പറഞ്ഞു കൊണ്ട് അമ്മ എഴുന്നേറ്റ് പോയി….അല്ലേലും ഈയൊരു കാര്യത്തിൽ അമ്മയെ ധിക്കരിക്കാൻ പറ്റില്ല….കടുത്ത ഈശ്വരവിശ്വാസിയായ അമ്മയ്ക്ക് തമാശയ്ക്കാണെങ്കിൽ പോലും അത്തരം സംസാരങ്ങൾ ഒന്നും ഉൾക്കൊള്ളാനാവില്ല…..

ബാത്‌റൂമിൽ കയറി കയ്യും മുഖവുമെല്ലാം കഴുകി പുറത്തിറങ്ങിയപ്പോഴാണ് ഭദ്ര മുറിയിലേക്ക് വന്നത്…..മുറിയിലേക്ക് കയറിയതും അവൾ വാതിലടച്ചു കുറ്റിയിട്ടു….. എന്നിട്ട് ഡ്രെസ്സിങ് ടേബിളിന്റെ അരികിൽ പോയി നിന്ന് സാരി മാറാൻ തുടങ്ങി…. സാരി പൂർണമായും അഴിച്ചു മാറ്റി ഡ്രസ്സ്‌ സ്റ്റാൻഡിലേക്കിട്ടു…..ബ്ലൗസ്സും അടിപ്പാവാടയും ആണ് ഇപ്പോൾ പെണ്ണിന്റെ വേഷം….ഇടയ്ക്കവൾ എന്നെ നോക്കുന്നുണ്ടെങ്കിലും ആ മുഖം പ്രസന്നമായിരുന്നില്ല…അതിന്റെ കാരണം നേരത്തെ അമ്മ പറഞ്ഞത് തന്നെയായിരിക്കും….

ബ്ലൗസ് ഊരി മാറ്റി ബ്രാ മാത്രം ഇട്ട് കൊണ്ട് ഭദ്ര പാവാട അഴിക്കാൻ തുടങ്ങിയതും ഞാനവളുടെ പുറകിലേക്ക് ചെന്ന് മെല്ലെ വയറിൽ കൈകൾ ചുറ്റി കൊണ്ട് അവളുടെ തോളിൽ തല ചേർത്തു നിന്നു….കണ്ണാടിയിൽ കാണുന്ന ഞങ്ങളുടെ പ്രതിബിംബത്തിൽ നോക്കി കൊണ്ട് ഭദ്ര എന്റെ കവിളിൽ മെല്ലെ തലോടി….നിറഞ്ഞു തുളുമ്പാൻ വെമ്പി നിൽക്കുന്ന ആ കണ്ണുകൾ കൊണ്ട് അവൾ എന്നോട് എന്തേ എന്ന് ചോദിച്ചു….അടുത്ത നിമിഷം അവളെ തിരിച്ചു നിർത്തി ഞാൻ ആ മുഖം കൈ കുമ്പിളിലാക്കി……

“”ഇപ്പോൾ എന്തിനാ എന്റെ പെണ്ണിന് സങ്കടം വരുന്നേ…. ആ ജ്യോൽസ്യൻ എന്തേലും പറഞ്ഞെന്ന് കരുതി, അതോർത്ത് സങ്കടപ്പെടാൻ നിൽക്കുവാണോ നീ….. “”

ഞാൻ പറഞ്ഞത് കേട്ട് നിഷേധാർത്ഥത്തിൽ അവൾ തല കുലുക്കിയെങ്കിലും അവളുടെ കണ്ണുകൾ അനുസരണക്കേട് കാണിച്ചു തുടങ്ങിയിരുന്നു…അത്‌ ഞാൻ കാണാതിരിക്കാൻ വേണ്ടി എന്റെ നെഞ്ചിലേക്ക് മുഖം പൂഴ്ത്തിയ അവളുടെ മുടിയിഴകളിൽ മെല്ലെ തലോടി….

“”ദേ അമ്മൂസേ വെറുതെ മനസ്സ് വിഷമിപ്പിക്കാൻ നിൽക്കണ്ടട്ടോ…മ്മടെ കുഞ്ഞാവ വയറ്റിലുള്ളതാ…. “”

എന്റെ നെഞ്ചിൽ നിന്നും അടരാൻ മടിച്ചു നിന്ന അവളെ ബലമായി പിടിച്ചു നേരെ നിർത്തി നെറുകയിൽ മുത്തി…. അൽപ്പനേരം കൂടി എന്റെ നെഞ്ചിൽ ചാരി നിന്ന പെണ്ണിനെ സ്വാന്തനിപ്പിക്കുവാൻ ഞാൻ ഏറെ പണിപ്പെട്ടു…. അമ്മ പറഞ്ഞ പോലെ അമ്പലങ്ങളിൽ എല്ലാം പോകാമെന്നും നേർന്ന വഴിപാടുകളെല്ലാം നടത്താമെന്നുമൊക്കെ ഞാൻ ഭദ്രയ്ക്ക് വാക്ക് കൊടുത്തു…. അതോടെയാണ് സങ്കടമൊക്കെ മാറി പെണ്ണിന്റെ മുഖത്ത് കുറച്ച് തെളിച്ചമൊക്കെ കണ്ടത്…. പാവാട അഴിച്ചു മാറ്റി അവളെ എനിക്ക് ഏറ്റവും ഇഷ്ട്ടമുള്ള പിങ്ക് കളർ ടോപ്പും സെയിം കളർ ലെഗ്ഗിൻസ്സും ഇടീപ്പിച്ചു…….

ഗർഭിണിയായതിന് ശേഷം എന്നും രാത്രി ഉറങ്ങുന്നതിന് മുൻപ് അവളുടെ നഗ്‌നമായ വയറിൽ തഴുകിയും തലോടിയും ചുംബിച്ചും കുറെ സമയം കിടക്കുന്നത് എന്റെ പതിവാണ്…..വയറ്റിൽ കിടക്കുന്ന കുഞ്ഞിനോട് ഞാൻ ഓരോന്ന് പറയും…നാലാം മാസമാകുമ്പോഴേക്കും കുഞ്ഞ് അങ്ങനെ റെസ്പോണ്ട് ചെയ്യില്ലന്ന് പറഞ്ഞ് ഭദ്ര കളിയാക്കുമെങ്കിലും ഞാനത് കാര്യമാക്കാറില്ല…..അങ്ങനെ കിടക്കവേ അന്നത്തെ വിശേഷങ്ങളോരൊന്നായി അവൾ പറയുന്നതിനോടൊപ്പം ഞാൻ മൂളി കേട്ട് കൊണ്ടേയിരിക്കും….അന്ന് രാത്രിയും അങ്ങനെ കിടക്കുകയായിരുന്നു ഞാൻ…ഇനി അങ്ങനെ കിടക്കണമെങ്കിൽ അഞ്ചു ദിവസം കൂടി കഴിയണമല്ലോ എന്ന സങ്കടമായിരുന്നു എനിക്ക്…..

“”ഏട്ടാ നാളെ ഡ്രൈവ് ചെയ്യുമ്പോൾ സൂക്ഷിച്ചൊക്കെ പോണട്ടോ…. സ്പീഡ് ഒന്നും വേണ്ടാ…. പതുക്കെ പോയാൽ മതി….””

എന്റെ മുടിയിഴകളിൽ തലോടി കൊണ്ട് അവൾ പറഞ്ഞു…..പറയുന്നത് എല്ലാം ഞാൻ മൂളി കേട്ടുവെങ്കിലും പെണ്ണിന്റെ മുഖം കണ്ടാലറിയാം ആള് നല്ല സീരിയസ് ആണ്…ഞാൻ അവളുടെ ഗൗരവം മാറ്റാൻ വേണ്ടി മെല്ലെ അരക്കെട്ടിൽ ഇക്കിളിയിട്ടപ്പോൾ എന്റെ കൈത്തണ്ടയിൽ വേദനിപ്പിക്കാതെയൊന്ന് തല്ലിയ പെണ്ണ് വീണ്ടും തലയിൽ തലോടി കൊണ്ട് കിടന്നു….. എന്നാൽ ഞാൻ പിന്മാറാൻ ഒരുക്കമല്ലായിരുന്നു….. ഒന്നുമില്ലെങ്കിലും എന്റെ പെണ്ണിനേയും അവളുടെ വയറ്റിലുള്ള എന്റെ കുഞ്ഞിനേയും ഇങ്ങനെ കെട്ടിപ്പിടിച്ചു കിടക്കാൻ ഇനി കുറച്ചു ദിവസം കൂടി കഴിയണമല്ലോ…..ഭദ്ര പിന്നെയും ഓരോന്ന് പറഞ്ഞു കൊണ്ടിരുന്നപ്പോൾ ഞാൻ മെല്ലെ അവളുടെ ലെഗ്ഗിൻസ് താഴെക്കൽപ്പം വലിച്ചിട്ട് അരഞ്ഞാണം വെളിയിലെക്കിട്ടു…..എന്റെ പെണ്ണിന്റെ അരക്കെട്ടിന്റെ അഴക് കൂട്ടുന്ന ആ തങ്കാഭരണത്തിൽ ഞാൻ മെല്ലെയൊന്ന് മുത്തി…..

“”അമ്മൂസേ നമുക്ക് ഈ പുതിയൊരു അരഞ്ഞാണം മേടിക്കാട്ടോ… ഓൺലൈനിൽ കുറെ നല്ല പുതിയ മോഡൽസ് കണ്ടു…..”””

“”ഏട്ടനെന്താ വെറുതെ കാശ് കളയാൻ….ഇതിന് തന്നെ കുറെ പൈസയായതല്ലേ….എന്നിട്ടാ ഇനി വേറെ ഒന്ന് കൂടി…. എനിക്കിത് മതി…മാത്രമല്ല ഇനി കുറച്ച് കൂടി കഴിഞ്ഞാൽ വയറു വലുതാകും…പിന്നെ അരഞ്ഞാണം ഊരി വയ്ക്കേണ്ടി വരും ഡെലിവറി കഴിയണ വരെ……ഇനി പൊന്ന് വല്ലതും എടുക്കുന്നുണ്ടേൽ അത് നമ്മുടെ കുഞ്ഞിന് മതി…….””

“”എന്റെ കുഞ്ഞിനുള്ളത് ഞാൻ വാങ്ങിച്ചു കൊടുത്തോളം…. ഞാനിപ്പോ എന്റെ കുഞ്ഞിന്റെ അമ്മയുടെ കാര്യമാ പറഞ്ഞെ….. “””

അരഞ്ഞാണത്തിലൂടെ വിരലോടിച്ച ഞാൻ മെല്ലെ അവളുടെ അരക്കെട്ടിൽ തഴുകി കൊണ്ടിരുന്നു……

“”ഏട്ടാ ഞാൻ കാര്യമായിട്ടാ പറഞ്ഞെ…. വെറുതെ ആവശ്യമില്ലാതെ പൈസ കളയല്ലേ….. എനിക്ക് കൂടി ഒരു ജോലിയും വരുമാനവും ആവട്ടെ…..നമ്മുടെ കുഞ്ഞിന് വേണ്ടിയാ ഇനി നമ്മൾ സേവ് ചെയ്യേണ്ടേ….. “”

“” എടോ നമ്മുടെ മക്കൾക്ക് നല്ല വസ്ത്രം കൊടുക്കാം നല്ല ഭക്ഷണം കൊടുക്കാം നല്ല വിദ്യാഭ്യാസം കൊടുക്കാം നല്ല സംസ്‍കാരം പകർന്നു കൊടുക്കാം…ഇത്രയൊക്കെയെ മാതാപിതാക്കൾ ചെയ്യേണ്ടു….അല്ലാതെ അവർക്ക് വേണ്ടി കുറെ പൊന്നും പണവും സ്വരുക്കൂട്ടി വയ്ക്കുന്നതിൽ ഒരു അർത്ഥവുമില്ല….””

എന്റെ വാക്കുകൾക്കുള്ള മറുപടി ഭദ്ര ഒരു നേർത്ത മൂളലിൽ ഒതുക്കി…..

“”അമ്മൂസേ എനിക്ക് ഉറക്കം വരുന്നു….. “’

അവളുടെ വസ്ത്രം നേരെയിട്ട് കൊണ്ട് ഞാൻ അൽപ്പം മുകളിലേക്ക് കയറി കിടന്നു…..

“”വായോ….. “”

എന്നെ കരവലയത്തിനുള്ളിലാക്കി കൊണ്ട് വാരിപ്പുണർന്ന ഭദ്രയുടെ മാറിലേക്ക് ഞാൻ മുഖം പൂഴ്ത്തി….. അൽപസമയം കഴിഞ്ഞപ്പോൾ എന്റെ മുടിയിലും പുറത്തും ഇഴയുന്ന അവളുടെ കൈവിരലുകളുടെ ചലനം നിശ്ചലമായി….. അവൾ ഉറങ്ങിയിട്ടുണ്ടാകുമെന്ന് കരുതി ഞാൻ മെല്ലെ മുഖമുയർത്തി നോക്കി….ഉറങ്ങിയുട്ടൊന്നുമില്ല,,, കണ്ണും തുറന്ന് കിടപ്പാണ് കക്ഷി….. ഞാൻ നോക്കുന്നത് കണ്ട അവൾ നെറുകയിലൊന്ന് ചുംബിച്ചു കൊണ്ട് വീണ്ടും എന്റെ മുഖം മാറിലേക്ക് ചേർത്തു പിടിച്ചെങ്കിലും ഞാനതിനു അനുവദിക്കാതെ ബെഡിൽ കൈ മുട്ട് കുത്തി അവളുടെ നേരെ ചരിഞ്ഞു കിടന്നു….

“”എന്തോന്നാ എന്റെ അമ്മു ഇത്ര കാര്യമായിട്ട് ആലോചിക്കുന്നേ…””

ഭദ്രയുടെ കവിളിണയിൽ തഴുകി കൊണ്ട് ചോദിച്ചു….

“”ഇന്ന് സൺ‌ഡേ അല്ലെ…. നാളെ രാവിലെ ഏട്ടൻ പോയാൽ തിരിച്ചു വരാ ശനിയാഴ്ച രാത്രിയല്ലേ…. “”

അവൾ എന്തോ ആലോചിച്ചു കൊണ്ടെന്ന പോലെയായിരുന്നു സംസാരിച്ചത്……

“”ഹ്മ്മ് അതെ…. വല്ല്യ ട്രാഫിക്‌ ബ്ലോക്ക്‌ ഒന്നും കിട്ടിയില്ലെങ്കിൽ ശനിയാഴ്ച രാത്രി ഇരുട്ടുന്നതിന് മുന്നേ എത്താൻ പറ്റിയേക്കും ചിലപ്പോൾ….. “’’

“”ശനിയാഴ്ച അച്ഛന്റെയും അമ്മയുടെയും അനിയൻകുട്ടന്റെയും ഓർമ്മ ദിവസാ….അന്ന് അനന്തേട്ടനേയും കൂട്ടി കൊണ്ട് പോയി അവിടെ അസ്ഥിത്തറയിൽ വിളക്ക് വച്ചു തൊഴണമെന്ന് കരുതിയതാ…. കാവിലും വിളക്ക് വച്ച് തൊഴുതിട്ട് നാള് കുറെയായി…. സാരമില്ല ഞാൻ തനിച്ചു പൊക്കോളാം…. “”

“”ശൊ ആ കാര്യം ഞാൻ വിട്ട് പോയെടാ…. സോറി….. ഞാനൊന്ന് നോക്കട്ടെ ശനിയാഴ്ച നേരത്തെ എത്താൻ പറ്റുമോന്ന്……വൈകുന്നേരമല്ലേ പോണ്ടത്…..???””

“”സാരല്ല്യ ഏട്ടാ ഞാൻ പൊയ്ക്കോളാം…അനന്തേട്ടന് പറ്റാഞ്ഞിട്ടല്ലേ…. നമുക്ക് ഒരുമിച്ച് വേറെയൊരു ദിവസം പോവാലോ…..”””

കുറച്ച് ദിവസം മുൻപ് ഭദ്ര എന്നോട് സൂചിപ്പിച്ചിരുന്നു ഈ കാര്യം…പക്ഷേ തിരക്കുകൾക്കിടയിൽ ഞാനതു വിട്ട് പോയി…. എന്റെ കൊച്ചിയിലേക്കുള്ള യാത്ര കൺഫേം ആയപ്പോൾ പിന്നെ എനിക്കെന്തായാലും വരാൻ പറ്റില്ലന്ന് മനസ്സിലായത് കൊണ്ടാകാം ഭദ്ര വീണ്ടും എന്നോട് അത് പറയാതിരുന്നത്….ഓർമ ദിവസത്തിന്റെ കാര്യം മറന്നു പോയതിൽ എനിക്ക് തെല്ലു ലജ്ജ തോന്നി….

“”യ്യോ ഏട്ടാ മണി പതിനൊന്നര ആയിട്ടോ…വേഗം ഉറങ്ങാൻ നോക്കിയേ….നാളെ നേരത്തെ പോണ്ടതല്ലേ….. “”

അതും പറഞ്ഞ് എന്നെ കെട്ടിപ്പിടിച്ച ഭദ്ര കഴുത്തിൽ ചുണ്ടുകളമർത്തി കിടന്നു….

“”ഉറങ്ങിക്കെ ഏട്ടാ…നാളെ അത്രയും ദൂരം ഡ്രൈവ് ചെയ്യേണ്ടതല്ലേ….””

അല്പനേരം കഴിഞ്ഞു മുഖമുയർത്തി നോക്കിയപ്പോൾ ഞാൻ ഉറങ്ങാതെ കിടക്കുന്നത് കണ്ട ഭദ്ര എന്നെ ഒരു കുഞ്ഞിനെയെന്ന പോലെ നിവർത്തി വച്ച അവളുടെ കൈത്തണ്ടയിൽ കിടത്തി തല മാറോട് അടക്കിപ്പിടിച്ചു പുറത്ത്‌ തഴുകാൻ തുടങ്ങി…..ഇളം ചൂട് പകരുന്ന എന്റെ അമ്മുക്കുട്ടിയുടെ മാർക്കുടങ്ങൾക്ക് നടുവിൽ മുഖമമർത്തി കിടന്ന ഞാൻ നേരം വെളുക്കും വരെ സുഖമായി കിടന്നുറങ്ങി…..

രാവിലെ കുളി കഴിഞ്ഞ് ബാത്‌റൂമിൽ നിന്നും ടവൽ ചുറ്റി ഇറങ്ങി വരുമ്പോൾ ഭദ്ര ബെഡിലേക്ക് എടുത്ത് വച്ച എന്റെ ബാഗ് പരിശോധിക്കുകയായിരുന്നു….. ഇന്നലെ വൈകുന്നേരമേ അവൾ എല്ലാം പാക്ക് ചെയ്തു വച്ചതാണ്…എന്നിട്ട് എല്ലാം എടുത്ത് വച്ചില്ലേ എന്ന് ഒരിക്കൽ കൂടി ഉറപ്പ് വരുത്തുകയാണ് പെണ്ണ്….തലേന്നത്തെ പിങ്ക് ചുരിദാർ തന്നെയാണ് അവളുടെ വിശേഷം….അവളുടെ ശരീരത്തിന്റെ ചലനങ്ങൾക്കനുസൃതമായി ഇളകുന്ന ആ മുഴുത്ത മാർക്കുടങ്ങളിൽ തല്ലിയലയ്ക്കുന്ന തങ്കതാലി മാലയുടെ കാഴ്ച എന്നെ പ്രലോഭിപ്പിക്കുന്നതായിരുന്നു…..ഞാൻ മെല്ലെ ശബ്ദമുണ്ടാക്കാതെ അവളുടെ പിന്നിലേക്ക് നടന്നു…. അപ്പോഴാണ് താഴേക്ക് വീണ എന്തോ എടുക്കാനായി ഭദ്ര കുനിഞ്ഞത്…..എന്നും എന്റെ ദൗർഭല്യമായ ആ വീണക്കുടങ്ങൾ പിന്നിലേക്ക് വിരിഞ്ഞു നിൽക്കുന്ന നയനമനോഹരമായ ദൃശ്യം സകല കൺട്രോളും കളഞ്ഞു…. പെണ്ണിന്റെ പിന്നഴക് കണ്ടയുടൻ വിശ്വരൂപം പൂണ്ട അരക്കെട്ടിലെ ലിംഗേശ്വരനെ ആ കൊഴുത്ത നിതംബപാളികൾക്കിടയിലേക്ക് ചേർത്ത് വച്ചു കൊണ്ട് പിന്നിൽ നിന്നും ഞാൻ എന്റെ പെണ്ണിനെ മുറുകെ കെട്ടിപ്പിടിച്ചു…..

“”സ്സ് സ്…………””

ചന്തിപ്പന്തുകൾക്ക് നടുവിൽ കളിവീരന്റെ മുഴുപ്പ് അനുഭവപ്പെട്ടതും അവളൊന്ന് മൃദുവായി തേങ്ങി….. ചുരിദാറിന് മുകളിലൂടെ മാറിലെ മാമ്പഴങ്ങളെ ഉടച്ചു തഴുകിയ വലതു കൈ മെല്ലെ താഴേക്ക് അരിച്ചിറങ്ങി വയറിൽ ഇടതു കയ്യിനോടൊപ്പം തലോടാൻ തുടങ്ങി…..പുറകിലേക്ക് ചുരുട്ടി കെട്ടി വച്ചിരിക്കുന്ന കേശഭാരത്തിന് താഴെ തെളിഞ്ഞു കാണുന്ന ചെറു സ്വർണരോമരാജികളിൽ പറ്റിച്ചേർന്നു കിടക്കുന്ന വിയർപ്പ് കണങ്ങളെ ഞാൻ ചുണ്ടുകളാൽ ഒപ്പിയെടുത്തു….. തൊട്ടടുത്ത നിമിഷം അവളെന്റെ കൈ വിടുവിച്ചു കൊണ്ട് തിരിഞ്ഞു നിന്നു…..

“”ഛീ,,,,എന്ത് പണിയാ അനന്തേട്ടാ കാണിക്കണേ…. വിയർപ്പാ അത്….. കുളിച്ചിട്ട് കൂടിയില്ലാട്ടോ ഞാൻ….. “”

എന്നാൽ അത് വക വയ്ക്കാതെ ഞാൻ പിന്നെയും എന്റെ പെണ്ണിനെ വാരിപ്പുണർന്ന് കൊണ്ട് അവളുടെ കവിളിലും കണ്ണിലും മൂക്കിലും നെറ്റിയിലുമെല്ലാം മാറി മാറി ചുംബിച്ചു…. ഒടുക്കം ആ പവിഴാധരങ്ങളെ മതി വരുവോളം വിഴുങ്ങി ചപ്പി വലിച്ചു കൊണ്ട് പിന്മാറിയ എന്നെ നോക്കിയ പെണ്ണിന്റെ മുഖത്ത് നാണം…..

“”വഷളൻ…..മ്മ്‌ടെ വാവ കാണുന്നുണ്ടാവുംട്ടോ അച്ഛന്റെ ഈ കുറുമ്പൊക്കെ….“”

അവളുടെ അരയിൽ ചുറ്റിപ്പിടിച്ചു കൊണ്ട് നിന്നിരുന്ന എന്റെ കയ്യിൽ തലോടി കൊണ്ട് ഭദ്ര ഒരു കുസൃതി ചിരിയോടെ പറഞ്ഞു….

ഭദ്ര എനിക്കായി എടുത്തു വച്ചിരുന്ന ബ്ലൂ ഷർട്ടും ബ്ലാക്ക് ജീൻസും ഞാൻ ധരിച്ചു…..

“”ഒരുപാട് ദൂരം ഉണ്ടെന്ന് കരുതി സ്പീഡ് ഒന്നും വേണ്ടാട്ടോ ഏട്ടാ…പതുക്കെ ഡ്രൈവ് ചെയ്‌താൽ മതിയേ….. “”

ഷർട്ടിന്റെ ബട്ടൻസ് ഇട്ട് തരവേ എന്റെ പെണ്ണ് പിന്നെയും എന്നെ ഓർമ്മപ്പെടുത്തി…..

“”ഹ്മ്മ്….ശനിയാഴ്ച പോകുമ്പോൾ അമ്മയെയോ ഏട്ടത്തിയേയോ കൂടെ കൂട്ടിക്കോളു…തനിച്ച് പോണ്ടാട്ടോ….””

“”കുഴപ്പല്ല്യ ഏട്ടാ,, ഞാൻ പൊയ്ക്കോളാം…..“’

“”വാവേ അച്ഛൻ പോയിട്ട് വേഗം വരാട്ടോ…. കുറുമ്പൊന്നും കാണിച്ചിട്ട് അമ്മയെ വിഷമിപ്പിക്കല്ലേ…പാവമല്ലേ മ്മ്‌ടെ അമ്മ….“”

ഭദ്രയുടെ അരക്കെട്ടിൽ ചുറ്റിപ്പിടിച്ച്‌ വയറിൽ മുഖം ചേർത്ത് അൽപനേരം ഇരുന്ന ഞാൻ അവിടമാകെ ചുംബിച്ചു കൊണ്ട് എന്റെ കുഞ്ഞിനോട് യാത്ര ചോദിച്ചു….. ഇറങ്ങാൻ നേരം ഒരിക്കൽ കൂടി സീമെന്ത രേഖയിൽ പതിഞ്ഞ ചുണ്ടുകൾ പിൻവലിക്കവേ ഞാൻ കണ്ടു, അടക്കി വയ്ക്കുവാൻ ശ്രമിച്ചിട്ടും അനുസരണക്കേട് കാണിക്കുന്ന എന്റെ പ്രിയതമയുടെ കണ്ണിലെ നീർമുത്തുകളെ…. വീട്ടുകാരോടെല്ലാം യാത്ര പറഞ്ഞ് ഞാൻ ഇറങ്ങി…….

പിന്നെയുള്ള അഞ്ച് ദിവസങ്ങൾ എനിക്ക് അഞ്ച് ആണ്ടുകളായി അനുഭവപ്പെട്ടു…ആദ്യമായി ഇത്രയും ദിവസം ഭദ്രയെ പിരിഞ്ഞിരിക്കുന്നതിലെ ബുദ്ധിമുട്ട് ഞാൻ ശരിക്കും അറിഞ്ഞു….എന്നും കിടക്കുന്നതിനു മുൻപ് വീഡിയോ കാൾ ചെയ്ത് ഭദ്രയോട് സംസാരിക്കും…ഞാൻ വിളിക്കാൻ ഒരു മിനിറ്റ് താമസിക്കുമ്പോഴേക്കും അവൾ എന്നെ വിളിക്കും…. പറയത്തക്ക പ്രയാസങ്ങളൊന്നും ആ ദിവസങ്ങളിൽ ഞങ്ങളുടെ കുഞ്ഞ് അവൾക്കുണ്ടാക്കിയില്ല….ഒരു പക്ഷെ കുഞ്ഞിനറിയാമായിരിക്കും അച്ഛനെ കാണാതെ സങ്കടപ്പെട്ടിരിക്കുന്ന അമ്മയെ ഇനി താനായിട്ട് വിഷമിപ്പിക്കേണ്ടന്ന്…..ആ ദിവസങ്ങളിൽ ഞാൻ ശരിക്കും ഓർത്തത് പ്രവാസികളെ ആയിരുന്നു….ഇത് പോലെ കുടുംബജീവിതത്തിലെ പ്രിയപ്പെട്ട പലതും അന്യമാകുന്ന അവരുടെ ജീവിത സാഹചര്യത്തെപ്പറ്റി….

പ്രയാസകരമായ ആ ദിവസങ്ങൾ പതിയെ കടന്ന് പോയി…. ശനിയാഴ്ച, ഞാൻ കൊച്ചിയിൽ നിന്നും തിരിച്ചു വീട്ടിലേക്ക് മടങ്ങുന്ന ദിവസം….അവിടെ നിന്നും പോരുന്നതിനു തൊട്ട് മുൻപാണ് എനിക്ക് സെലിന്റെ കാൾ വരുന്നത്….അവൾ അവിടെ എന്റെ വീട്ടിൽ വന്നിട്ടുണ്ടെന്ന് പറയാൻ വിളിച്ചതാണ്…….വൈകുന്നേരം സുരേന്ദ്രനങ്കിളിന്റെ വീട്ടിലേക്ക് ഭദ്രയെ താൻ കൂട്ടി കൊണ്ട് പൊയ്ക്കോളാമെന്ന് സെലിൻ പറഞ്ഞു….വേറെ പ്രശ്നമൊന്നുമില്ലെങ്കിലും ഇപ്പോഴത്തെ ശാരീരിക അവസ്ഥയിൽ ഭദ്രയെ എങ്ങോട്ടേക്കെങ്കിലും തനിച്ച് വിടുന്നത് എനിക്ക് ടെൻഷൻ ഉള്ള കാര്യമാണ്…..മാത്രമല്ല അവിടെ അങ്കിളും ആന്റിയും വീട്ടിൽ ഇല്ലാ…..ആന്റിയുടെ ഒരു ബന്ധു സുഖമില്ലാതെ ഗുരുതരാവസ്ഥയിലാണ്…കോട്ടയത്താണ് അവരുടെ വീട്….അവരെ കാണാൻ അങ്കിളും ആന്റിയും അങ്ങോട്ട് പോയിരിക്കുകയാണ്….നാളയെ മടങ്ങി എത്തു…..ഭദ്ര

വരുമെന്നതിനാൽ വീടിന്റെ താക്കോൽ അടുത്തുള്ള വീട്ടിൽ എൽപ്പിച്ചിട്ടാണ് അവർ പോയിട്ടുള്ളത്…….അത് കൊണ്ട് ഭദ്രയോടൊപ്പം അങ്ങോട്ടേക്ക് പോകാൻ സെലിൻ ഉണ്ടാകുമെന്നുള്ളത് എനിക്കും ഒരു ആശ്വാസമായിരുന്നു……എന്റെ ടെൻഷൻ തിരിച്ചറിഞ്ഞ സെലിൻ എന്നോട് വെറുതെ വിഷമിക്കേണ്ടന്നും ഭദ്രയെ സേഫ് ആയി അവിടെ കൊണ്ടു പോയി തിരിച്ചു വീട്ടിൽ കൊണ്ട് വിട്ടോളാമെന്ന് എനിക്ക് ഉറപ്പ് തന്നു…… ആവശ്യമില്ലാതെ ഓരോന്ന് കൂടുതലായി ആലോചിച്ച് ടെൻഷൻ അടിക്കുന്ന എന്റെ സ്വഭാവത്തെ അവൾ കളിയാക്കി…..സെലിന്റെ ഒപ്പം പൊയ്ക്കോളാമെന്ന് ഭദ്രയും പറഞ്ഞതോടെ എന്റെ മനസ്സ് സ്വസ്ഥമായി……..

കൊച്ചിയിൽ നിന്നും പുറപ്പെട്ട് തൃശ്ശൂർ എത്താറായപ്പോഴായിരുന്നു എനിക്ക് ജസ്റ്റിന്റെ കാൾ വന്നത്…..സമയം രാത്രി ഏഴ് മണിയായിരുന്നു അപ്പോൾ….

“”ഹലോ ജസ്റ്റിൻ……. “”

“”ഹാ അനന്തു സെലിനെ വിളിച്ചിട്ട് കിട്ടുന്നില്ല…ഞാൻ ഉച്ച കഴിഞ്ഞത് മുതൽ വിളിക്കുന്നതാ….നിന്നെയെങ്ങാനും കോൺടാക്ട് ചെയ്തിരുന്നോ അവൾ….. “”

“”ആ ജസ്റ്റിൻ,,, സെലിൻ ഭദ്രയോടൊപ്പം ഭദ്രയുടെ അങ്കിളിന്റെ വീട്ടിൽ പോയിരിക്കുവാ….””

“”അതെനിക്കറിയാം അനന്തു…ഉച്ചക്ക് വിളിച്ചപ്പോൾ സെലിൻ ആ കാര്യം എന്നോട് പറഞ്ഞിരുന്നു…. ഞാൻ ഇന്ന് ഇവിടെ തൃശ്ശൂര് ഒരു ക്ലയന്റ് മീറ്റിംഗ് ന് വന്നതാ…മീറ്റിംഗ് കഴിഞ്ഞ് ഇന്ന് പോകുന്നതിന് മുൻപ് കാണാമെന്ന് സെലിൻ പറഞ്ഞിരുന്നു…..””

“”ജസ്റ്റിൻ ഇപ്പോൾ തൃശ്ശൂർ ഉണ്ടോ….””

“”യെസ്,, ഞാനിവിടെ പൂങ്കുന്നത്ത് ഉണ്ട്…””

“”ഓക്കേ ഞാനിപ്പോൾ തൃശ്ശൂർ എത്തും…ജസ്റ്റിൻ അവിടെ തന്നെ നിൽക്കു….””

“”ഓക്കേ……”””

ജസ്റ്റിന്റെ കാൾ കട്ട്‌ ചെയ്‌തതിന് ശേഷം ഞാൻ സെലിന്റെ ഫോണിലേക്ക് ഡയൽ ചെയ്തു….ഔട്ട്‌ ഓഫ് കവറേജ് എന്നായിരുന്നു കാണിച്ചത്…. ഉടനെ ഞാൻ ഭദ്രയുടെ നമ്പറിലേക്ക് ഡയൽ ചെയ്തു….. ഫുൾ റിങ് ചെയ്‌തുവെങ്കിലും അവൾ ഫോൺ അറ്റൻഡ് ചെയ്തില്ല…… പത്ത് മിനിറ്റ് മുൻപ് ഞാൻ ഭദ്രയുടെ ഫോണിലേക്ക് വിളിച്ച് അവളോടും സെലിനോടും സംസാരിച്ചതാണ്…അവർ അവിടെ നിന്നും പോരാൻ നിൽക്കുകയാണെന്നാണ് അപ്പോൾ എന്നോട് പറഞ്ഞത്….. എന്നിട്ട് ഇപ്പോൾ വിളിച്ചിട്ട് രണ്ടിനെയും കിട്ടുന്നില്ല….വെറുതെ മനുഷ്യനെ ടെൻഷനടിപ്പിക്കാൻ…..വീട്ടിലേക്ക് വിളിച്ചാലോ എന്ന് തോന്നിയെങ്കിലും ഇനി അവർ അവിടെയും എത്തിയിട്ടില്ലെങ്കിൽ വീട്ടുകാർ ടെൻഷൻ അടിക്കും…ഒരിക്കൽ കൂടി ഭദ്രയുടെയും സെലിന്റെയും നമ്പറുകളിലേക്ക് വിളിച്ചെങ്കിലും കിട്ടിയില്ല…..പിന്നെ ഞാൻ ഏട്ടത്തിയെ വിളിച്ചു നോക്കി…. പക്ഷെ ഏട്ടത്തി ഏട്ടന്റെയും ദേവൂട്ടിയുടെയും ഒപ്പം ഏട്ടത്തിയുടെ വീട്ടിലേക്ക് പോയിരിക്കുകയായിരുന്നു….നാളെയെ വരൂ എന്ന് പറഞ്ഞു….ഭദ്രയുമായി ഏട്ടത്തി ഉച്ചയ്ക്ക് ഫോണിൽ സംസാരിച്ചിരുന്നു….പിന്നെ അവർ തമ്മിൽ കോൺടാക്ട് ചെയ്തിട്ടില്ല…..ഏട്ടത്തി എന്നോട് കാര്യം തിരക്കിയെങ്കിലും ഞാൻ വെറുതെ ആളെ ടെൻഷൻ അടിപ്പിക്കേണ്ടെന്ന് കരുതി കൂടുതലൊന്നും പറയാതെ കാൾ കട്ട്‌ ചെയ്തു……അപ്പോഴേക്കും എന്റെ കാർ പൂങ്കുന്നം എത്തിയിരുന്നു…..ജസ്റ്റിൻ അവിടെ എനിക്ക് വേണ്ടി കാത്തു നിൽക്കുന്നുണ്ടായിരുന്നു…..ജസ്റ്റിൻ വന്ന് കാറിൽ കയറി…..അവനും ആകെ ടെൻഷനടിച്ചിരിക്കുവാണ്…….

“”അനന്തു,,,, സെലിൻ എവിടെ…എത്ര നേരമായി ഞാൻ അവളെ വിളിക്കുന്നു…..””” ജസ്റ്റിന്റെ ശബ്ദം ഇടറിയിരുന്നു….

“”എനിക്കറിയില്ല….ഭദ്രയെയും വിളിച്ചിട്ട് കിട്ടുന്നില്ല…. കുറച്ച് മുൻപ് ഞാൻ അവരോട് സംസാരിച്ചതായിരുന്നു…. അപ്പോൾ അവരവിടെ നിന്നും പോരാൻ നിൽക്കുവാണെന്നാണ് പറഞ്ഞത്…. “””

“”പിന്നെ അവര് രണ്ട് പേരും എവിടെപ്പോയി….. എനിക്കാകെ പേടിയാവുന്നു അനന്തു….നേരം രാത്രിയായി തുടങ്ങി….. “”

“”എനിക്കും ന ല്ല ടെൻഷനുണ്ട് ജസ്റ്റിൻ…. ഭദ്രയാണെങ്കിൽ ക്യാരീങ്ങും ആണ്…. അവൾക്കിനി എന്തെങ്കിലും ബുദ്ധിമുട്ട് ഉണ്ടായൊന്നും അറിയില്ല…. സെലിനെയെങ്കിലും വിളിച്ചിട്ട് കിട്ടിയാലല്ലേ എന്താണെന്ന് അറിയാൻ പറ്റൂ….. “””

“”എന്നാൽ ഇനി സമയം കളയണ്ട അനന്തു വണ്ടിയെടുക്ക്…നമുക്ക് നേരെ ഭദ്രയുടെ അങ്കിളിന്റെ വീട്ടിലേക്ക് പോകാം……”””

ജസ്റ്റിൻ ധൃതി പിടിച്ചു….അത് തന്നെയാണ് ശരിയെന്ന് എനിക്കും തോന്നി….നേരം ഇരുട്ടും തോറും മനസ്സിലെ ഭയം കൂടുകയാണ്….ഞാൻ കാർ സ്റ്റാർട്ട്‌ ചെയ്ത് മുന്നോട്ട് എടുത്തു…. ഇടയ്ക്ക് യാത്രയ്ക്കിടയിൽ ജസ്റ്റിൻ സെലിന്റെയും ഭദ്രയുടെയും നമ്പറുകളിലേക്ക് മാറി മാറി ട്രൈ ചെയ്യുന്നുണ്ടായിരുന്നു…..ഒടുക്കം ഞാൻ രണ്ടും കല്പിച്ച് വീട്ടിലേക്ക് വിളിച്ചു നോക്കി….രണ്ടാളും വീട്ടിലും എത്തിയിട്ടില്ലെന്നു അമ്മ പറഞ്ഞതോടെ ഞാനും ജസ്റ്റിനും കൂടുതൽ അസ്വസ്ഥരായി…..

രാത്രിയിലെ ട്രാഫിക് ബ്ലോക്കും തരണം ചെയ്ത് ഞങ്ങൾ സുരേന്ദ്രനങ്കിളിന്റെ വീട്ടിൽ എത്തുമ്പോൾ സമയം എട്ടു മണി കഴിഞ്ഞിരുന്നു….വരുന്ന വഴി ഞങ്ങൾ ഒരു ഘോഷ യാത്ര കണ്ടിരുന്നു….സമീപത്തെ ഏതോ അമ്പലത്തിലെ ഉത്സവമാണെന്ന് തോന്നി….അതെ അത് തന്നെയാണ്….കുറച്ച് ദിവസം മുൻപ് സംസാരത്തിനിടയിൽ ഈ ഉത്സവത്തെപ്പറ്റി ഭദ്ര പറഞ്ഞത് എനിക്ക് ഓർമ്മ വന്നു……കാറിൽ വന്നിറങ്ങുമ്പോൾ തന്നെ സമീപത്തെ വീടുകളിലൊന്നും ആരുമില്ലെന്ന് എനിക്ക് തോന്നി….ഒരു പക്ഷേ എല്ലാവരും ഉത്സവത്തിൽ പങ്കെടുക്കാൻ പോയിട്ടുണ്ടായിരിക്കും…..

മുറ്റത്തേക്ക് കയറ്റാതെ തുറന്ന് കിടക്കുന്ന ഗേറ്റിന്റെ മുൻപിലായി കാർ പാർക്ക് ചെയ്തിട്ട് ഞാനും ജസ്റ്റിനും ഇറങ്ങി….വീടിന്റെ മുൻ വശത്ത് ലൈറ്റ് ഉണ്ട്….. ഉമ്മറ വാതിൽ തുറന്ന് കിടക്കുന്നു…..അകത്തു ഹാളിലും വെളിച്ചം ഉണ്ട്….മുറ്റത്ത് മാറി ഒരരികിലായി നിർത്തിയിട്ടിരിക്കുന്ന സെലിന്റെ ടു വീലർ ഞങ്ങൾ കണ്ടു…. കീയും വണ്ടിയിൽ തന്നെയുണ്ട്….

“”അനന്തു അത് നോക്ക്……””

പെട്ടന്നാണ് ജസ്റ്റിൻ എന്നെ തോളിൽ തട്ടി വിളിച്ചത്….പെട്ടന്ന് തിരിഞ്ഞു നോക്കിയ ഞാൻ അവൻ വിരൽ ചൂണ്ടിയ ഭാഗത്തേക്ക് കണ്ണോടിച്ചു…. വീടിനോട്‌ ചേർന്നുള്ള തെങ്ങിൻ പുരയിടത്തിലേക്കുള്ള വഴിയിലായി ഒരു മെറൂൺ കളർ Renault Duster ഉം വൈറ്റ് കളർ Bolero യും നിർത്തിയിട്ടിരിക്കുന്നു…..

ഞാൻ വേഗം വീടിനകത്തേക്ക് കയറി….. പുറകെ ജസ്റ്റിനും….

“”ഭദ്രാ………. ഭദ്രാ………ഭദ്രാ……….. “””

“”സെലിൻ………സെലിൻ………. “”

ഞാനും ജസ്റ്റിനും വീടിനകം മുഴുവൻ അവരെ തേടി നടന്നു…..എവിടെയും അവരെ കണ്ടില്ല…….

“”അനന്തു ഒന്നിങ്ങോട്ട് വാ….. “”

പെട്ടന്ന് ജസ്റ്റിൻ വിളിക്കുന്നത്‌ കേട്ട് ഞാൻ അങ്ങോട്ട്‌ ഓടി ചെന്നു…. ഡയനിംഗ് ടേബിളിന് അരികിലായി നിൽക്കുകയായിരുന്നു ജസ്റ്റിൻ….

“”അനന്തു ഇത് നോക്ക് സെലിന്റെ ഫോൺ…. ഇവിടെ ഈ ടേബിളിന്റെ താഴെ കിടന്ന് കിട്ടിയതാ….. “”

ജസ്റ്റിന്റെ കയ്യിലിരുന്ന ഫോൺ ഞാൻ വാങ്ങി നോക്കി….. സെലിന്റെ ഫോണായിരുന്നു അത്….. ഡിസ്പ്ലേ തകർന്നിരിക്കുന്നു അതിന്റെ…..

അപ്പോഴാണ് ഹാളിലെ സോഫയിൽ കിടന്നിരുന്ന ഭദ്രയുടെ ഫോൺ എന്റെ കണ്ണിൽപ്പെട്ടത്….. ഞാൻ അത് ഓടി ചെന്ന് എടുത്തു…. പാറ്റേൺ ലോക്ക് തുറന്ന് നോക്കി…… എന്റെയും ഏട്ടത്തിയുടെയും നമ്പറിൽ നിന്നുമുള്ള മിസ്സ്ഡ് കാൾസ് ഉണ്ട്….വീട്ടിൽ നിന്നും വിളിച്ചിട്ടുണ്ട്…..എന്റെയും സെലിന്റെയും നമ്പറിലേക്കാണ് ഭദ്ര അവസാനമായി വിളിച്ചിട്ടുള്ളത്…….

“”ഭദ്രാ……ഭദ്രാ……നീ ഇതെവിടെയാ….. സെലിൻ……..സെലിൻ….. “”

വീടിനകത്ത് മുഴുവൻ ഞങ്ങൾ പിന്നെയും അവരെ അന്വേഷിച്ച് നടന്നു…..എവിടെയും അവരെ കാണാനില്ല…. ഞാനും ജസ്റ്റിനും ആകെ പരിഭ്രാന്തരായി…. ശരീരമാകെ തളരുന്നത് പോലെ തോന്നി…….

“”അനന്തു,,,, അവരിതെവിടെപ്പോയി….. എനിക്കെന്തോ പേടിയാകുന്നു…. അവർക്കെന്തെങ്കിലും ആപത്ത്….. “””

“”ഏയ്യ് അങ്ങനെയൊന്നുമില്ല…അവരിവിടെ എവിടെയെങ്കിലും കാണും…വാ നമുക്ക് പുറത്തൊക്കെയൊന്ന് നോക്കാം…. “”

എന്റെ തോളിലമർന്ന ഭയന്നു വിറച്ച ജസ്റ്റിന്റെ കൈകളിൽ മുറുകെപ്പിടിച്ചു കൊണ്ട് ഞാൻ പുറത്തേക്ക് നടന്നു…..

“”ഈ വണ്ടികൾ,,, ഇതാരുടെയാ….?? അനന്തുവിന് പരിചയമുണ്ടോ….??? “”

പുറത്തു കിടന്നിരുന്ന ഡസ്റ്ററിലേക്കും ബൊലേറോയിലേക്കും നോക്കി കൊണ്ട് ജസ്റ്റിൻ ചോദിച്ചു…..

“”അറിയില്ല…. എനിക്ക് പരിചയമില്ല……””

കിതപ്പോടെ ഞാൻ മറുപടി പറഞ്ഞു…. ഞങ്ങൾ നേരെ തെങ്ങിൻ പുരയിടത്തിലേക്ക് നടന്നു….അവിടെയുള്ള ഭദ്രയുടെ അച്ഛന്റെയും അമ്മയുടെയും അനിയന്റെയും അസ്ഥിത്തറയിൽ കണ്ട മൺചിരാതിൽ എണ്ണമയമുണ്ട്….ഭദ്ര ഇവിടെ വിളക്ക് വച്ചിട്ടുണ്ടെന്ന് ഉറപ്പാണ്….

“’ഇനി ഇപ്പോൾ അവർ കാവിലുണ്ടാകുമോ….അവിടെ വിളക്ക് തെളിയിക്കുന്ന കാര്യം ഭദ്ര പറഞ്ഞിരുന്നു…..“”

ഞാൻ ജസ്റ്റിനെ നോക്കാതെ എങ്ങോട്ടെന്നില്ലാതെ പരതി നോക്കി കൊണ്ട് നിന്നു…..

“”നേരം ഇത്രയും ഇരുട്ടിയില്ലേ….?? പിന്നെയെന്തിനാ അവര് അവിടെ നിൽക്കുന്നെ…. “”

ജസ്റ്റിൻ വിറയാർന്ന ശബ്ദത്തിൽ സംശയം പ്രകടിപ്പിച്ചു…..

“”അറിയില്ല,,, നമുക്കെന്തായാലും അവിടെയൊന്ന് പോയി നോക്കാം……””

അതും പറഞ്ഞ് ഞാൻ കാവിന്റെ ഭാഗത്തേക്ക് നടന്നു…. ഇരുട്ട് കനത്തു തുടങ്ങിയിരുന്നു…. ഞാൻ മൊബൈലിലെ ഫ്ലാഷ് ലൈറ്റ് ഓൺ ചെയ്തു…കുറച്ച് ദൂരം മുന്നോട്ട് പോയപ്പോഴാണ്….ഒരു നീല കളർ ഷാൾ നിലത്ത് കിടക്കുന്നത് കണ്ടത്….. ഞാനത് കയ്യിലെടുത്തു….. നന്നായി അഴുക്ക് പുരണ്ടിരുന്നു അതിൽ …..

“”ഇത്‌,,, ഇത് സെലിന്റെയാ……. “” പിന്നാലെ വന്ന ജസ്റ്റിൻ എന്റെ കയ്യിൽ നിന്നും ഷാൾ വാങ്ങിച്ചു നോക്കി കൊണ്ട് പറഞ്ഞു….. ഞാൻ ചുറ്റും ഫ്ലാഷ് ലൈറ്റിന്റെ വെട്ടത്തിൽ പരതി….തൊട്ട് കുറച്ചു മുന്നിലായി ഒരു ചെരുപ്പ് കണ്ടു……ജസ്റ്റിൻ പെട്ടന്ന് എന്നെ തള്ളി മാറ്റി ആ ചെരുപ്പ് എടുത്ത് നോക്കി….

“”അനന്തു ഇത് നോക്ക്….ഇത് സെലിന്റെ ചെരുപ്പാണ്….. അവൾക്ക്,,, അവൾക്കെന്തോ ആപത്ത് സംഭവിച്ചിട്ടുണ്ട്……””

ജസ്റ്റിൻ നിന്ന് ഭയന്ന് വിറയ്ക്കുകയാണ്….അവന്റെ ശബ്ദമെല്ലാം ഇടറിയിരിക്കുന്നു….. എന്റെയും അവസ്ഥ വ്യത്യസ്തമായിരുന്നില്ല….. ഹൃദയമിടിപ്പ് വല്ലാതെ വർദ്ധിക്കുന്ന പോലെ….പേടിയും ടെൻഷനും കാരണം ശ്വാസം മുട്ടുന്നതായി അനുഭവപ്പെട്ടു….സെലിന്റെ ചെരുപ്പും ഷാളും ദേഹത്തോട് ചേർത്തു പിടിച്ച് നിൽക്കുകയാണ് ജസ്റ്റിൻ….അവന്റെ കണ്ണുകളെല്ലാം നിറഞ്ഞിരിക്കുന്നു…..പെട്ടന്ന് മന:സ്സാന്നിധ്യം വീണ്ടെടുത്ത ഞാൻ വേഗം കാവ് ലക്ഷ്യമാക്കി കൊണ്ട് മുന്നോട്ട് നടന്നു…..ജസ്റ്റിനും എന്റെ പിന്നാലെ വന്നു…..

കാവിനരികിലേക്ക് എത്തറായപ്പോഴാണ് അവിടെയുള്ളിൽ പെട്ടെന്ന് ഒരു വെളിച്ചം മിന്നി മറഞ്ഞത്….ഞാൻ വേഗം അങ്ങോട്ടേക്ക് ഓടി….പുറകെ ജസ്റ്റിനും….കാവിന് തൊട്ട് മുന്നിലെത്തിയതും ഉള്ളിൽ നിന്നും

ആരുടെയൊക്കെയോ കാൽപ്പെരുമാറ്റങ്ങൾ ഞങ്ങൾ കേട്ടു….തൊട്ടടുത്ത നിമിഷം ആരുടെയോ ഒരു ഞെരക്കവും കാവിനുള്ളിൽ നിന്നും ഉയർന്നു….പൊടുന്നനെ എന്റെ കയ്യിൽ പിടിച്ചു കൊണ്ട് ജസ്റ്റിൻ എന്റെ മുഖത്തേക്ക് നോക്കി….ഞങ്ങൾ രണ്ട് പേരും നന്നായി കിതയ്ക്കുന്നുണ്ടായിരുന്നു…..ജസ്റ്റിന്റെ കൈ തട്ടി മാറ്റി കൊണ്ട് ഞാൻ വേഗം കാവിന്റെ ഉള്ളിലേക്ക് ഓടിക്കയറി….. ഉള്ളിലേക്ക് കടന്നതും അവിടെ ആരൊക്കെയോ ചുറ്റും ഉള്ളത് പോലെ എനിക്ക് തോന്നി…..കയ്യിലെ ഫോൺ എവിടെയോ തട്ടി വീണു പോയിരുന്നു…പെട്ടെന്നാണ് അവിടെ ഒരു അരണ്ട വെളിച്ചം പരന്നത്….

അടുത്ത നിമിഷം കണ്മുന്നിൽ കണ്ട കാഴ്ച എന്നെ തീർത്തും സ്തബ്ധനാക്കി കളഞ്ഞു…. ഞെട്ടിത്തരിച്ചു പോയ എന്റെയുള്ളിൽ നിന്നും ഉയർന്നു വന്ന ആർത്തനാദം തൊണ്ടക്കുഴിയിൽ തടഞ്ഞു നിന്നു….ശരീരമാകെ തളരുന്ന അവസ്ഥ……

“””ആാാാഹ്…………ഹ്….. ഹ്…….. “””

സമനില തെറ്റിയ മനസ്സുമായി മുന്നിലേക്ക് ഞാൻ നടക്കാൻ തുനിഞ്ഞതും പുറകിൽ നിന്നും എന്റെ അരയ്ക്ക് മുകളിലായി ഇടതു ഭാഗത്ത് എന്തോ കനത്തിൽ ആഴ്ന്നിറങ്ങി….മാസം നുറുങ്ങുന്ന വേദനയോടെ പതിയെ തിരിഞ്ഞു നോക്കിയ ഞാൻ കണ്ടത് എന്റെ ഇടുപ്പിലേക്ക് കുത്തിയിറങ്ങുന്ന കത്തിയാണ്….കത്തിയുടെ പിടിയിൽ പതിഞ്ഞിരുന്ന കൈയ്യിന്റെ ഉടമയെ ആ അരണ്ട വെളിച്ചത്തിലും ഞാൻ തിരിച്ചറിഞ്ഞു…….

“”ജ്….. ജസ്റ്റിൻ……നീ…………””

ഇടറിയ ശബ്ദത്തിൽ പുറത്ത്‌ വന്ന എന്റെ ആ വാക്കുകൾ കാവിനകത്തെ ഭീകരമായ നിശബ്ദതതയിൽ മുഴങ്ങി കേട്ടു….ആരൊക്കെയോ എന്റെ അരികിലേക്ക് നടന്നടക്കുന്ന പോലെ തോന്നി….

‘’’’ഐആം സോറി അനന്തു,,,,,ജസ്റ്റിൻ അല്ല….. മാലിക്,, അൻവർ മാലിക്……….”””

എന്റെ മാംസപേശികളെ കശക്കിയെടുത്ത് കൊണ്ട് കുത്തിയ കത്തി വലിച്ചൂരിയ അവൻ പതിയെ എന്റെ മുന്നിലേക്ക് നീങ്ങി നിന്നു….ഇടുപ്പിൽ നിന്നും ഒലിച്ചിറങ്ങിയ രക്തത്തുള്ളികളെ കൈകൾ കൊണ്ട് തടയാനുള്ള വിഫലശ്രമത്തിനിടയിലും എന്നെ തളർത്തിയത്, പകയും പുച്ഛവും കലർന്ന ക്രൂരമായ ചിരിയോടെ മുന്നിൽ നിൽക്കുന്നത് എന്റെ വിശ്വാസത്തിനേറ്റ മുറിവാണെന്ന തിരിച്ചറിവായിരുന്നു…….

(തുടരും….*)

****************====****************