എന്റെ ഡോക്ടറൂട്ടി 04

“”…..ആാാഹ്….!!””

വായിൽ നിന്നറിയാതെയൊരു ശബ്ദവും പുറപ്പെടുവിച്ചു കൊണ്ടു ചാടിയെഴുന്നേറ്റ മിന്നൂസ് വെള്ളത്തിൽ നിന്നും കരയിലേയ്ക്കു പിടിച്ചിട്ട മീനിനെപോലെ തുടയിൽ കൈയമർത്തി പിടിച്ചുകൊണ്ടു നിന്നുപിടഞ്ഞപ്പോൾ ഞാനതു നോക്കി അട്ടഹസിച്ചു ചിരിച്ചു…….!!

“”…..ഞാങ്കഷ്ടെപ്പെട്ടു കൊണ്ടോന്നുതന്ന പായിസന്നീ കുടിയ്ക്കൂലല്ലെടീ പട്ടീ….!!””

എന്നാക്രോശിച്ചു കൊണ്ട് ചൂരൽകസേരയിൽ നിന്നും ഞാനെഴുന്നേൽക്കുന്നതു കണ്ട് ഒന്നും മനസ്സിലാവാതെ അവളെന്നെ കണ്ണുമിഴിച്ചു നോക്കി…… ആ നോട്ടത്തോടൊപ്പം നുള്ള് കൊണ്ടിടം തടവുന്നുമുണ്ടായിരുന്നു……….!!

“”…..നീയെന്റെ പായസം കുടിക്കൂല്ലല്ലേടീ…??””

ഞാൻ വീണ്ടും ആക്രോശിച്ചു……..!!

“””…..പായിസമോ…?? ഏത് പായിസം….??”””

വേദന മറന്നു കൊണ്ടവൾ കണ്ണുമിഴിച്ചു…….!!

“””….. ഏത് പായിസോന്നാ….??  ഞാനന്നത്രേം പാടുപെട്ടോടിപ്പാഞ്ഞു കൊണ്ടുവന്ന പായസം…..!! അതു നീ കുടിക്കൂല്ലല്ലേടീ പട്ടീ… അന്നിത് തരാനെനിക്ക് പറ്റാതെ പോയി….!!”””

കയ്യോങ്ങിക്കൊണ്ടു വീണ്ടും ചെന്നപ്പോഴാണ് നുള്ളിയതിന്റെ യഥാർത്ഥ കാരണമവൾക്കു മനസ്സിലായത്…. കള്ളലക്ഷണത്തിലെന്നെയൊന്നു നോക്കിയതും നിമിഷവ്യത്യാസത്തിൽ എന്നെയും കബളിപ്പിച്ചു കൊണ്ടകത്തേയ്‌ക്കൊറ്റ ഓട്ടമായിരുന്നു അടുത്ത നടപടി……….!!

“”…..കുടിയ്ക്കാഞ്ഞത് മനഃപൂർവമാടാ തെണ്ടീ…. നീയെന്തോ ചെയ്യും……??””

ഓട്ടത്തിനിടയിൽ അവള് വിളിച്ചുകൂവി………!!

“”…..നിക്കടീ ശവമേ അവിടെ….!!””

പിന്നാലെ വിളിച്ചു കൊണ്ടു ഞാനോടിയപ്പോഴേയ്ക്കും അവളോടി ഡയനിങ്ങ് ടേബിളിന്റെ അങ്ങേത്തലയ്ക്കലെത്തിയിരുന്നു……

“””…..മിന്നൂസേ…. കളിയ്ക്കാതെ വാ…. വന്നു മര്യാദയ്ക്കു കീഴടങ്ങ്…. എന്നാ വെറുതെ വിടാം…. ഇല്ലേലറിയാലോന്നെ…..!!”””

“””….ഒന്ന് പോടാ…!!”””

എന്റെ ഭീഷണിയുടെ സ്വരം കേട്ടതും അവളെന്നെ കളിയാക്കാനെന്നോണം ആക്കിപ്പറഞ്ഞിട്ട് വാപൊത്തി ചിരിയ്ക്കാൻ തുടങ്ങി……!!

“”…..മിന്നൂസേ….  ദിസീസ് റ്റൂമച്ച്….!! എന്നെയന്നു കരയിച്ചതും പോരാഞ്ഞിട്ടിപ്പ കളിയാക്കിയാ പിന്നെ ഞാമ്മിണ്ടില്ല പറഞ്ഞേക്കാട്ടോ…..!!””

കുറേനേരം ഡയനിങ് ടേബിലിന് ഇരുവശവും നിന്ന് ടോം ആൻഡ് ജെറി കളിച്ചിട്ടും അവളെ കിട്ടാതായപ്പോൾ ഞാനൊരു കൃത്രിമസങ്കടമഭിനയിച്ചപ്പോളൊന്ന് സംശയിച്ചു നിന്നിട്ട് അവൾ ടേബിളിന്റെ ഓരത്തു വിരൽ ചേർത്തു വലിച്ചു കൊണ്ടെന്റടുത്തേയ്ക്കു വന്നു……!!

“”…..അന്നങ്ങനെ പറഞ്ഞൂന്നു വെച്ച് അതിന്റെ പേരിലെന്നെ കുട്ടൂസെന്തോരം കടിയ്ക്കേമ്മാന്തേം പിച്ചുവൊക്കെ ചെയ്തൂ….

. അപ്പഴെന്തേലും ഞാന്തിരിച്ചു ചെയ്തോ….?? കുട്ടൂസ് പറ…. അന്നറിഞ്ഞോണ്ടല്ലല്ലോ….  അപ്പഴ്ത്തെ ദേഷ്യത്തിനല്ലേയങ്ങനെ പറഞ്ഞേ….  അതിനു സോറീമ്പറഞ്ഞല്ലോ…. മാത്രോമല്ലയന്നെന്നെ കടിയ്ക്കുവേഞ്ചെയ്തില്ലേ…..??  എന്നിട്ടും എടയ്ക്കെടേ ഓരോന്നോർത്തോണ്ടിരുന്നിട്ടുള്ള ഈയുപദ്രവന്തീരൂലാന്നു വെച്ചാ…….!!”””

പറഞ്ഞശേഷമവളൊന്നു തൊണ്ട തെളിച്ചപ്പോളതു തൊണ്ടയിടറീട്ടാണോ എന്നൊരു സംശയം തോന്നി………!!

ഈശ്വരാ…  എപ്പോഴത്തേയും പോലെയൊരു തമാശയൊപ്പിച്ചത് കാര്യമായോ…. ??

ഊർജ്ജ്വസ്വലത നഷ്ടമായതു പോലെയവൾ പതിയെ നടന്നെന്റെയടുക്കെ വരുന്നതു കണ്ടപ്പോൾ എനിക്കും വിഷമമായി……….!!

“”…..സോറി….!!””

മൃദുസ്വരത്തിൽ പറഞ്ഞു കൊണ്ടെന്റെ നെഞ്ചിലേയ്ക്കു തല ചായ്ക്കുമ്പോൾ ഒരാവശ്യവുമില്ലാതെയവളെ സങ്കടപ്പെടുത്തിയതിലുള്ള കുറ്റബോധമായിരുന്നു എന്റെ മനസ്സു നിറയെ……….!!

“”…..മിന്നൂസല്ലല്ലോ… വെറുതെ സങ്കടപ്പെടുത്തിയേന് മിന്നൂസിനോട് ഞാനല്ലേ സോറി പറയേണ്ടേ…?? പോട്ടു കേട്ടോ….??”””

പൂച്ചക്കുഞ്ഞിനെ തലോടുന്നതു പോലെ അവളുടെ മുടിയിഴകളിൽ തലോടുന്നതിനിടയിലാണ് ഞാനങ്ങനെ പറഞ്ഞത്….. അവളപ്പോഴുമെന്റെ നെഞ്ചിൽ തലചേർത്തു നിന്നുകൊണ്ട്  ഇടത്തേ മാറിൽ ചിത്രപ്പണികൾ നടത്തുകയായിരുന്നു….. ഞാൻ പറഞ്ഞതു കേട്ടതും അവൾ കണ്ണുകളുയർത്തിയെന്റെ മുഖത്തേയ്ക്കു നോക്കി……….!!

“””…..ഞാനതിന് അതിനൊന്നുമല്ലല്ലോ കുട്ടൂസിനോട് സോറി പറഞ്ഞേ….!!”””

ഒരു ഭാവമാറ്റവുമില്ലാതെയെന്റെ കണ്ണുകളിലേയ്ക്കു നോക്കിയതു പറയുമ്പോൾ എനിക്കൽഭുതമായി…….!!

“”……പിന്നെ….??””

“””…..പിന്നെയോ….?? പിന്നെയിതിനാടാ പട്ടീ…!!”””

പറഞ്ഞതും ക്ഷണത്തിൽ അവള് ടീഷേർട്ടോടു കൂടിയെന്റെ മുലഞെട്ടിൽ ആഞ്ഞുകടിച്ചു…..!!

“”…..ആആഹ്‌…..!!””

“”…..ഇതിനാടാ പട്ടീ ഞാന്നേരത്തേ സോറി പറഞ്ഞേ….!!””

വേദനകൊണ്ടലറുന്നതിനിടയിൽ  അവളെന്നെയും പിന്നിലേയ്ക്കു തള്ളിയെറിഞ്ഞുകൊണ്ട് ലിവിങ് റൂമിന്റെ ഭാഗത്തേയ്‌ക്കോടി………!!

അടിക്കാൻ കയ്യെത്താത്ത അകലത്തിലേക്ക് അവൾ പോയതിനാലും പെട്ടന്നൊരു ചെയ്‌സിനുള്ളവസ്ഥയിലല്ലായിരുന്നതിനാലും വേദനകൊണ്ടു കണ്ണു നിറഞ്ഞ ഞാൻ ടീഷേർട്ടു വലിച്ചു താഴ്ത്തി കടികൊണ്ട ഭാഗം പരിശോധിച്ചു…. മുലഞെട്ടിനെ ഓണത്തപ്പനാക്കി വെച്ച് അത്തമിട്ടപോലെ നാലു വശത്തും അവളുടെ പല്ലുകൾ ആഴ്ന്നിരിയ്ക്കുന്നു……….!!

ഒരാവശ്യവുമില്ലാതെ സ്നേഹം കാണിയ്ക്കാൻ പോയതിന്റെ പ്രതിഫലത്തെയും തൊട്ടു തടവിക്കൊണ്ട് ഞാൻ കുറച്ചുകഴിഞ്ഞ് ലിവിങ് റൂമിലേയ്‌ക്കു ചെന്നപ്പോൾ എന്നെയും കാത്തുനിന്ന് മുഷിഞ്ഞ ഭാവത്തിൽ ആ സാധനം സോഫയുടെ ഹാൻഡ്റെസ്റ്ററിൽ ചന്തിയുറപ്പിച്ചു ഉറപ്പിച്ചില്ല എന്ന മട്ടിലിരിപ്പുണ്ടായിരുന്നു……..!!

എന്റെ തലവെട്ടം കണ്ടതും അവളുടെ കണ്ണുകൾ വിടരുന്നതും അതിൽ കുസൃതി പടരുന്നതും ഒരു നിമിഷമറിഞ്ഞെങ്കിലും,  ഞാനതിനു വിലകൊടുക്കാതെ ദേഷ്യഭാവത്തിൽ തന്നെ അടുത്തേയ്ക്കു ചെന്നപ്പോൾ മിന്നൂസോടി സോഫയുടെ പിന്നിലേയ്ക്കു മാറിനിന്നു…….!!

ഞാനടുത്തേയ്ക്കു ചെല്ലുന്നതിനൊപ്പം അവളെതിർഭാഗത്തേയ്‌ക്കോടി എന്നെ കളിപ്പിയ്ക്കാൻ ശ്രെമിയ്ക്കുന്നതിനിടയിൽ നാവു പുറത്തേയ്ക്കിട്ടു കൊണ്ട് കൊഞ്ഞനം കുത്താനും തള്ളവിരൽ മാത്രമുയർത്തി പിടിച്ചങ്ങോട്ടുമിങ്ങോട്ടും ചലിപ്പിച്ചുകൊണ്ട്  ഗോഷ്ടികൾ കാണിയ്ക്കാനും മറന്നില്ല……..!!

“””……നീ തീർന്നെടീ…. നീ തീർന്നു….!!”””

കടികൊണ്ട ദേഷ്യത്തിൽ അവളുടെ നേരേ ചീറിക്കൊണ്ട് പാഞ്ഞു ചെന്നെങ്കിലും കിലുകിലെ ചിരിച്ചുകൊണ്ട് സോഫയുടെ ഓപ്പോസിറ്റു നിന്നവളങ്ങോട്ടുമിങ്ങോട്ടും ചാടിക്കളിച്ചു…….!!

“””……മിന്നൂസേ…. ഞാമ്മര്യാദയ്ക്ക് പറയുവാ… വാ….  വന്നു കീഴടിങ്ങിയാ നെനക്കു കൊള്ളാം….  ഇല്ലേ സത്യായിട്ടും ഞാന്നെലന്തൊടീയ്ക്കാതെ പൊതിയ്ക്കും പറഞ്ഞേക്കാം….!!”””

ഞാൻ ഭീഷണിയുടെ സ്വരത്തിലാണതു പറഞ്ഞതെങ്കിലും അതിനു പുല്ലുവില കൊടത്ത് അവളെന്നെ നോക്കി കൊഞ്ഞനം കുത്തിക്കൊണ്ട് ബെഡ്റൂമിലേയ്‌ക്കോടി….  സംഗതി ബെഡ് റൂമിൽ കേറി ഡോറടയ്ക്കാനായിരുന്നു കക്ഷീടെ പ്ലാനെങ്കിലും വാതിൽക്കൽ വെച്ചുതന്നെ പിന്നാലെയോടിയ  ഞാനവളുടെ പാവാടയ്ക്കുമേൽ പിടുത്തമിട്ടു…. പലപ്രാവശ്യം പുള്ളിക്കാരി കുതറിമാറാനും തൊഴിയ്ക്കാനുമൊക്കെ ശ്രെമിച്ചെങ്കിലും ഞാൻ വിട്ടില്ല……..!!

“””…..മിന്നൂസിനെന്നെ ജെയിയ്ക്കണോ അതോ മാനമ്മേണോ….??  അടങ്ങി നിന്നില്ലേല് സത്യായിട്ടും ഞാമ്പാവാട വലിച്ചഴിയ്ക്കും…. പിന്നെ തുണിയില്ലാണ്ട് ഇവടൊക്കെ നടക്കേണ്ടി വരും….!! അതുവേണോ….??”””

ഞാൻ ചോദിച്ചതു കേട്ടിട്ടും അവളൊന്നുകൂടി വെട്ടിത്തിരിയാനുമെന്റെ പിടി വിടുവിക്കാനുമൊക്കെ നോക്കി…… അതോടെ ഞാനാ പാവാട ബലമായി പിടിച്ചൊന്നു താഴ്ത്തി….. കൊളുത്തു വിടുവിക്കാതെ വലിച്ചു താഴ്ത്തിയതിനാൽ അരക്കെട്ടിൽ നിന്ന് ഒട്ടൊന്ന് താഴ്ന്നേയുള്ളൂ……. ഞാനത് ഊരുമെന്നു തോന്നിയതും മിന്നൂസ് പെട്ടെന്നുതന്നെ എന്റെ കയ്യിലും പാവടയിലുമായി കേറിപ്പിടിച്ചു………….!!

“”….ഊരുമെന്നു ഞാമ്പറഞ്ഞതല്ലേടീ പൊട്ടിമിന്നൂസേ…??””

ഞാൻ വിജയീഭാവത്തിൽ വെകിട ചിരിയോടെ ചോദിച്ചതും അവളെന്നെ തുറിച്ചു നോക്കി….. പിന്നെയടങ്ങിയൊതുങ്ങി നല്ല കുട്ടിയായിട്ട് എന്റെയടുത്തു വന്നു……….!!

“”……കുട്ടൂസിപ്പഴുമതൊന്നും മറന്നിട്ടില്ലാല്ലേ….??””

വിഷയം മറ്റാനാണെങ്കിലും അവൾ മുലക്കുടങ്ങളെ എന്റെ നെഞ്ചിലേയ്ക്കമർത്തിക്കൊണ്ട് കണ്ണുകളിൽ നോക്കിയങ്ങനെ ചോദിച്ചതും കടികൊണ്ട വാശി തീർക്കാൻ നിന്നയെന്റെ ശൗര്യവും ചോർന്നു……..!!

“”…..ഇല്ലടി പൊട്ടത്തീ….  പെട്ടെന്നെന്തോർത്തപ്പളൊരു നുള്ളു തരണോന്നു തോന്നി…. അല്ലാതെയതൊന്നും മനസ്സില് വെച്ചോണ്ടുപറഞ്ഞതല്ല…..!!”””

ഞാനൊരു പുഞ്ചിരിയോടെ പറഞ്ഞു കൊണ്ടവളുടെ സീമന്തരേഖയിൽ ചുണ്ടമർത്തിയതും അവളെന്നോട് കൂടുതൽ ചേർന്നു നിന്നു……..!!

“”…..മിന്നൂസിനൊറക്കം വരണുണ്ടോ….??”””

എന്റെ നെഞ്ചിലേയ്ക്ക് തല ചേർത്തു നിന്ന അവളെ അമർത്തിപ്പിടിച്ചു കൊണ്ട് ഞാൻ ചോദിച്ചു………!!

“”…..ഒന്നങ്ങട് ഞാമ്മെച്ചു തന്നാലുണ്ടല്ലും… ഒറക്കമ്പിടിച്ചയെന്നെ നുള്ളി എണീപ്പിച്ചിട്ട് കൊഞ്ചുന്നോ….?? ശ്ശേ… നല്ലൊരുറക്കമ്പോയി…..!!”””

അവള് പരിഭവപ്പെട്ടുകൊണ്ട് പറഞ്ഞതും എന്റെ മുഖത്ത് ചിരിപടർന്നു……..!!

“”……മിന്നൂസേ… ഉറക്കമ്പോയ സ്ഥിതിയ്ക്ക് നമുക്കൊരു റൗണ്ടുകൂടി ഷൂട്ടെയ്താലോ….??”””

“”…..പ്ഫ…! നാറീ….!പോടാ അവിടുന്ന്……!!””

“”……നീയന്ന് പായസങ്കുടിക്കാത്തേന്റെ വെഷമം നമ്മക്കിങ്ങനങ്ങടിച്ചു തീർക്കാടീ…..!!”””

“”……അയ്യട….!  വാട്ടാ…  തരാമേ….!!”””

അവള് ചുണ്ടിന്റെ കോണിലൊളിപ്പിച്ച ചിരിയോടു കൂടി പറഞ്ഞെന്നെ തള്ളി മാറ്റി……!!

“”…..മിന്നൂസേ…. പ്ലീസടാ….!!”””

ഞാൻ കൊഞ്ചിക്കൊണ്ട് പിന്നാലെ ചെന്നെങ്കിലും അവളെന്നെ തള്ളിമാറ്റി ബെഡ്റൂമിലേയ്ക്കു നടന്നു………!!

“”…..ഒരു പ്ലീസുമില്ലെന്റെ പൊന്നു മോനേ നടക്കത്തില്ല…..! ഒന്നിന്റെ ക്ഷീണമിതുവരെ മാറീല അപ്പഴാ…. വെറുതെ നോക്കി നിക്കാണ്ട് ലൈറ്റുമോഫെയ്തിട്ടു വന്നു കെടക്കാന്നോക്കിയേ….!!”””

അവളൊരു ദാക്ഷിണ്യവുമില്ലാതെ പറഞ്ഞു ബെഡിലേയ്ക്കു കയറി…….!!

“”…..ജൂലിക്കുട്ടീ…. നീ മര്യാദയ്ക്കു നിന്റെ പപ്പായോടു നല്ലകുട്ടിയായിട്ടു വന്നു കെടന്നുറങ്ങാമ്പറ….. മ്മ്മ് പെട്ടെന്നാവട്ടേ….!!”””

കട്ടിലിനോടു ചേർന്നു നിന്നവളെ തുറിച്ചു നോക്കിയ എന്നെക്കണ്ട് ചിരിപൊട്ടിയ മിന്നൂസ് ഞങ്ങളുടെ രണ്ടു പേരുടെയും തലയിണയ്ക്കു നടുവിൽ വെച്ചിരുന്ന മഞ്ഞ നിറത്തിലുള്ള ടെഡി ബിയറിനോടങ്ങനെ പറയുന്നതു കേട്ടതും ഞാൻ ദേഷ്യത്തിൽ ലൈറ്റും ഓഫ് ചെയ്തു കൊണ്ട് ബെഡിലേയ്ക്കു കയറി…….!!

“””…..ദാ…  പൊതച്ചോ….!!”””

“””…..നിന്റച്ഛന് കൊണ്ടോയി കൊട്….!!”””

അവള് പുതച്ചിരുന്ന ബ്ലാങ്കെറ്റിന്റെ ബാക്കി ഭാഗമെന്റെ മേലേയ്ക്കു വലിച്ചിട്ടതും ഞാൻ തട്ടിത്തെറിപ്പിച്ചു കൊണ്ട് ചീറി……..!!

“””…..ന്റെ ദൈവമേ… ഇങ്ങനേം കൊതിക്കെർവ്വുള്ള മനുഷ്യമ്മാര് കാണോ….?? അയ്യേ…..!!”””

അവളാത്മഗതം പറഞ്ഞു കൊണ്ടെന്നെ ചേർന്നു കിടന്നു……!!

“””…..ന്നെ തൊടണ്ട….  മാറിക്കെടെ….!!”””

അവൾക്കെതിർവശം ചെരിഞ്ഞു കിടന്നയെന്റെ ഇടുപ്പിലൂടെ കൈയിട്ട് എന്നോട് ചൊതുങ്ങിക്കിടക്കാനൊരുങ്ങിയ അവളുടെ കൈതട്ടി മാറ്റിക്കൊണ്ട് പറയുന്നതിനൊപ്പം ഞാൻ കുറച്ചു കൂടി നിരങ്ങിക്കിടന്നു കൊണ്ട് ഞങ്ങൾക്കിടയിലെ ഗ്യാപ് വലുതാക്കി………!!

“”…..ഓഹോ…!! അപ്പ മുടിഞ്ഞ പെണക്കാണല്ലേ….??”””

അവളുടെ സ്വരമുയർന്നതിനൊപ്പം അടുത്ത ഫ്ലാറ്റുകളിൽ നിന്നും ജനാലയിലൂടെ അരിച്ചു കയറിയ പ്രകാശത്തിൽ കമിഴ്ന്നു കിടന്നുകൊണ്ട് തലയുയർത്തിയെന്നെ നോക്കുന്ന മിന്നൂസിന്റെ നിഴലും എനിക്ക് വ്യക്തമായി കാണാമായിരുന്നു…….!!

“””…..ആ… പെണക്കന്തന്നാ…. അതിനിപ്പാർക്കാ നഷ്ടം….??”””

“””……ആർക്കുമൊരു നഷ്ടോമില്ല….!! പിന്നിത്രേക്ക ഡിമാൻഡായ സ്ഥിതിയ്ക്ക് ഞാനുറങ്ങുമ്പോ എന്റമ്മീഞ്ഞേലും പിടിയ്ക്കരുത്…. കേട്ടല്ലോ….!!””

അവളുടെ അമ്മിഞ്ഞേലു പിടിച്ചു ഹോണടിയ്ക്കാതെ

എനിക്കുറങ്ങാമ്പറ്റില്ലെന്നറിയാവുന്നേന്റെ ഗെർവാ അവൾക്ക്……!!

പറഞ്ഞതും അവള് വാശി തീർക്കും പോലെ തിരിഞ്ഞു കിടന്ന് എന്റെ മേത്തു കിടന്ന ബ്ലാങ്കെറ്റു കൂടി വലിച്ചെടുത്തു മൂടി….. മറ്റേ തൊമ്മനും മക്കളിലെ രാജാക്കണ്ണു പറയുമ്പോലെ അതെനിക്കിഷ്ടായില്ല….. ഞാൻ തിരിഞ്ഞു കിടന്നവളെ ചവിട്ടിത്തള്ളിക്കൊണ്ട് ബ്ലാങ്കെറ്റ് വലിച്ചെടുത്ത് കിടന്ന കിടപ്പിൽ രണ്ടു മൂന്നു ചുറ്റു തിരിഞ്ഞു….. പ്രസവശേഷം നേഴ്സുമാര് കുഞ്ഞിനെ കുളിപ്പിച്ച് വെള്ള കോട്ടനിൽ പൊതിഞ്ഞു കൊണ്ടുവരുന്ന പോലെ മുഖം മാത്രം പുറത്തു വരത്തക്കവിധത്തിൽ ചുറ്റി പൊതിഞ്ഞു കൊണ്ട് ഞാൻ മിണ്ടാതെ കിടന്നു………!!

ചവിട്ടുകൊണ്ട് രണ്ടുമലക്കം തിരിഞ്ഞ ഡോക്ടറൂട്ടി ചാടിയെഴുന്നേറ്റ് ലൈറ്റിട്ടപ്പോൾ  പണി വരുന്നുണ്ടവറാച്ചാന്ന് മനസ്സു പറഞ്ഞെങ്കിലും ഞാനനങ്ങീല……!!

“””…..വിടാട്ടാ….  നിന്നിപ്പത്തന്നെ ചന്ദ്രനിലേയ്ക്ക് വിടാമേ….!!”””

വെള്ള ബ്ലാങ്കെറ്റും വരിഞ്ഞു മുറുക്കി ബഹിരാകാശ സഞ്ചാരികളെപ്പോലെ  കിടന്നയെന്നെ നോക്കി പറഞ്ഞിട്ടാ നാറി ടീഷേർട്ടിന്റെ സ്ലീവ് മുകളിലേയ്ക്കുയർത്തുന്നതു കണ്ടതും എന്റെ ചങ്കിടിയ്ക്കാൻ തുടങ്ങി……..!!

“”…..ഇതെന്റെ ബ്ലാങ്കെറ്റാ…  താടാ പട്ടീ….!!”””

ബെഡിലേയ്ക്ക് മുട്ടിലിഴഞ്ഞു കൊണ്ടുകേറിയ പെണ്ണ് ബ്ലാങ്കെറ്റിന്റെ അറ്റത്തു പിടിച്ചു വലിച്ചു കൊണ്ട് പറഞ്ഞു…..  സത്യത്തിൽ അതുതിരികെ കൊടുത്ത് കിട്ടാമ്പോണ ഇടിയുടെ എണ്ണം കുറയ്ക്കണോന്ന് എനിക്കും ആഗ്രഹമുണ്ടായിരുന്നു…  ബട്ട്‌ ആം ഹെല്പ്ലെസ്സ്…..! കയ്യും കാലും അതിനുള്ളിലായതു കൊണ്ട് ഒന്നനങ്ങണോങ്കിൽ കൂടി പരസഹായം വേണമെന്നവസ്ഥ….. സംഗതിയുടെ കിടപ്പ് അവളോടു വിവരിയ്ക്കണ മെന്നാഗ്രഹമുണ്ടേലും ഈഗോ സമ്മതിയ്ക്കാത്തോണ്ട് ആർക്കും ശല്യമുണ്ടാക്കാതെ മിണ്ടാതെ കിടക്കുവാന്നേ…….!!

“””…..ന്റെ ബ്ലാങ്കെറ്റാടാ ശവമേ…..!!”””

വീണ്ടും അതിമ്മേൽ പിടിച്ചു വലിച്ചതിനൊപ്പമെന്റെ മുതുകിൽ രണ്ടിടി കൂടി തന്നു…….!!

“”……ഇല്ലടീ… തരത്തില്ല….  നീയിനിയെന്നെ എന്തൊക്കെ ചെയ്താലും ഇതു ഞാന്തരാമ്പോണില്ല…..!!”””

അപ്പോഴും വെല്ലുവിളിച്ചതല്ലാതെ എഴുന്നേൽക്കാൻ പറ്റാത്തോണ്ടാണെന്ന് പറഞ്ഞില്ല…….!!

“”……ആഹാ….!  അത്രയ്ക്കായോ….  കാട്ടിത്തരാമേ….!!”””

അവള് വാശിയോടെ പറഞ്ഞിട്ട് മുട്ടിലിഴഞ്ഞുകൊണ്ടെന്റെ മുതുകിലേയ്ക്ക് കയറിയിരുന്ന് കറ്റതല്ലുമ്പോലെ രണ്ടു കൈയും കൂട്ടിപ്പിടിച്ചിടിയ്ക്കാൻ തുടങ്ങി….. ഇടിയൊന്നും ബ്ലാങ്കെറ്റും കടന്നുള്ളിലേയ്ക്ക് വന്നില്ലെങ്കിലും ശരീരമനക്കാൻ കഴിയാതെ വീർപ്പുമുട്ടിയയെന്റെ മേത്ത് തടിച്ചീടെ വെയിറ്റ് കൂടിയായപ്പോൾ ശ്വാസം മുട്ടലാരംഭിച്ചു…..! എന്റെ മുക്കലും മൂളലുമെല്ലാമവൾടെ പീഞ്ഞയിടികൊണ്ടിട്ടാണെന്നുള്ള അഹങ്കാരത്തിൽ പുള്ളിക്കാരിയപ്പോഴുമങ്ങ്  തകർക്കുവാ…..!!

“””…..മി…. മി… മിന്നൂ…സേ….!!”””

“””…..എന്ത്ടാ പട്ടീ….??”””

“””……മേത്ത്ന്ന്….  മേത്ത്ന്ന് മാറിയേ… ശ്വാസം…  ശ്വാസമ്മുട്ടുന്നു….!!”””

ഞാനൊരു വിധം പറഞ്ഞൊപ്പിച്ചു….. സാധാരണ മുട്ടട്ടേ… ചാവടാ പട്ടീന്നൊക്കെ പറയുന്നതാ… പക്ഷേ ഇന്ന് സംഗതി സീരിയസ്സാന്നു തോന്നിയതു കൊണ്ടാവണം പെട്ടെന്നെഴുന്നേറ്റു മാറി…….!!

“”…..മ്മ്മ്…! ഇനി കളിയ്ക്കാണ്ടെന്റെ ബ്ലാങ്കെറ്റു താ ചെക്കാ….!!”””

ബെഡിൽ ചമ്രം പടഞ്ഞിരുന്നു കൊണ്ട് പെണ്ണ് പറഞ്ഞപ്പോൾ  ഞാൻ നിസ്സഹായമായി അവളെ നോക്കി കിടന്നു…….!!

“”…..എണീര് ചെക്കാ….  താ… എനിക്കുറങ്ങണം…..!!”””

അവള് ചെറിയൊരു ദേഷ്യസ്വരത്തിൽ വീണ്ടുമതിന്റെ തുമ്പിൽ പിടിച്ചുവലിച്ചു…….!!

“”…..എന്നെ….  എന്നെക്കൊണ്ട് പറ്റോന്നു തോന്നുന്നില്ല ഷാജിയേട്ടാ…..!!””

ഞാൻ നിസ്സഹായമായൊരു ചിരിയോടെ പറഞ്ഞപ്പോൾ കാര്യം മനസ്സിലാകാതെ അവളെന്നെ നോക്കി…..

“””…..എന്താ…??  എന്തോ പറ്റിയബൂ…??”””

അവള് ഇരട്ടപ്പല്ലുകാട്ടി ചിരിച്ചുകൊണ്ടെന്നോട് ചേർന്നിരുന്നു…….!!

“””…..അനങ്ങാമ്പറ്റണില്ല….!!”””

ഞാൻ ദയനീയമായി പറഞ്ഞപ്പോഴാണ് അവൾ ശെരിയ്ക്കുമെന്റെ അവസ്ഥ മനസ്സിലാക്കുന്നത്……..!!

“”…..ഓഹോ…! അപ്പയിതാണല്ലേ ഞാന്തല്ലിയപ്പോ വെറുതെ കൊണ്ടോണ്ട് കെടന്നേ….. അപ്പഴേയാലോയിച്ചതാ ഇതെന്തോ പറ്റിയേന്ന്….!!”””

അവൾ പറഞ്ഞു കൊണ്ട് ബ്ലാങ്കെറ്റിന്റെ അഗ്രത്തിൽ വലിച്ചു പിടിച്ചു…….!!

“””…..മ്മ്മ്….! ടിങ്….  ടിങ്…. വണ്ടിയങ്ങോട്ടുരുണ്ട് പോട്ടേ…..!!”””

അവളെന്നെ തള്ളിയതും കേൾക്കേണ്ട താമസം ഞാനൊറ്റയുരുൾച്ച വെച്ചു കൊടുത്തു…….!!

“””…..മതി… മതി…  ഇനീമുരുണ്ടാ വണ്ടി കൊക്കേ വീഴും… അങ്ങനെ വണ്ടീടെ പെയിന്റാറ്റം പോയാൽ അതോണർക്ക് വെഷമാവും…. അതോണ്ടിനിയെഴുന്നേറ്റോ….!!”””

അപ്പോഴേയ്ക്കും രണ്ടു ചുറ്റഴിഞ്ഞ് കൈയും കാലുമൊക്കെ കുറച്ചു ഫ്രീയായിരുന്നു…. കൈരണ്ടും ബ്ലാങ്കെറ്റിനകത്തു നിന്നും പുറത്തെടുത്ത ശേഷം കൈകുത്തി എഴുന്നേറ്റതും വാടികൊഴിയാൻ കാത്തു നിന്ന ഇല പോലെ അതു കാലിലേയ്ക്കൂർന്നു വീണു……..!!

“”…..അവൾടമ്മേടൊരു പറിപ്പ്….!!””

കലിപ്പടക്കാൻ കഴിയാതെ പുതപ്പെടുത്ത് ഹോളിലേയ്ക്ക് വലിച്ചെറിഞ്ഞു കൊണ്ട് ചീറിയതും മിന്നൂസെന്നെ രൂക്ഷമായി നോക്കിക്കൊണ്ട് ബെഡിൽ നിന്നുമെഴുന്നേറ്റു…….!!

“”…..കഷ്ടോണ്ട് കുട്ടൂസേ…. എന്റ മമ്മിയെനിക്ക് ഗിഫ്റ്റ് തന്ന ബ്ലാങ്കെറ്റാത്….!!”””

അവൾ ബെഡിൽ നിന്നുമിറങ്ങി ഹോളിലേയ്ക്കു നടക്കുന്നതിനിടയിൽ പറഞ്ഞു…….!!

“”…..എനിക്കപ്പഴേ തോന്നി…. അതോണ്ടല്ലേയെന്നെ കൊല്ലാന്നോക്കീത്……!!””

“”…..കൊല്ലാന്നോക്കീന്നോ….?? ആര് കൊല്ലാന്നോക്കീന്ന്……!! നീയോരോന്നൊക്കെ കാട്ടിക്കൂട്ടീട്ടിപ്പഴെന്റെ പൊതപ്പിനായോ കുറ്റം……??””

അവള് ബ്ലാങ്കെറ്റെടുക്കുന്നതിനിടയിൽ എന്നെ നോക്കിച്ചോദിച്ചതും ഞാനൊന്നും മിണ്ടാതെ കട്ടിലിലേയ്ക്കിരുന്നു……! അങ്ങനെ  കലിപ്പൊടുങ്ങാതെ കട്ടിലിലിരുന്ന് കിതയ്ക്കുമ്പോഴാണ് ചാർജിങ്ങിലിരുന്ന മിന്നൂസിന്റെ ഫോൺ ചിലയ്ക്കാൻ തുടങ്ങിയത്…….. ഞാൻ കയ്യെത്തിച്ചതെടുത്തു നോക്കിയപ്പോൾ ഹോസ്പിറ്റൽ നമ്പറാണ്…….!!

“”….ആരാടാ…..??”””

അവള് ബ്ലാങ്കെറ്റ് ബെഡിലേയ്ക്കിട്ടുകൊണ്ട് ചോദിയ്ക്കുന്നതിനിടയിൽ തന്നെ ഞാനാ കോള് സൈലന്റാക്കി മേശയിലേക്കിട്ടു….. ഞാനത് കട്ടാക്കി വിട്ടതു കണ്ട് വല്ല റോങ് നമ്പറുമാവുമെന്ന ചിന്തയിലായിരുന്നു ഡോക്ടറ്…….!!

“”……ഇവളുമാർക്കൊന്നും രാത്രി ഒറക്കോമില്ലേ….??””

ഫോൺ മേശയിലേക്കിട്ടുകൊണ്ട് പിറുപിറുത്തപ്പോഴാണ് വന്ന കോള് റോങ് നമ്പറല്ലന്ന് മിന്നൂസിന് മനസ്സിലായത്………!!

“”….ആരാരുന്നൂടാ….?? ഐഡിയക്കാരാ….?? മനുഷ്യന് രാത്രീം സ്വൈര്യം തരില്ലേ അവറ്റകള്….??””

“”…..ഇതൈഡിയാക്കാരൊന്നുമല്ല…  ഒരഐഡിയേമില്ലാത്ത  നിന്റാശൂത്രീന്നാ…..!!””

പൊട്ടിച്ചിരിയോടെ കാട്ടിലിന്റപ്പുറത്തേക്ക് ചാടിയിട്ടാണ് ഞാനാ മറുപടി പറഞ്ഞത്…….!!

“”……എടാ പട്ടീ…..!!””

എന്നൊരലർച്ചയോടെ പാഞ്ഞു വന്ന മിന്നൂസ് പെട്ടന്ന് ഫോണെടുത്തെങ്കിലും അപ്പോഴേക്കും കോള് കട്ടായിരുന്നു…… എന്നെ തുറിച്ചുനോക്കിക്കൊണ്ട് എന്തോ പറയാൻ വന്നപ്പോഴേക്കുമടുത്ത കോൾ വന്നതോടെയാ പറച്ചിൽ വേണ്ടാന്നുവെച്ച് മിന്നൂസാ കോളെടുത്തു……….!!

“”…..യെസ്…! ഡോക്ടർ മീനാക്ഷി സിദ്ധാർഥ് ഹിയർ….!!””

അവൾ ഫോണിലൂടെ സ്വയം തീർച്ചപ്പെടുത്തിതെനിക്കൊട്ടു മങ്ങോട്ടു സുഖിച്ചില്ല……..!!

“”….പിന്നേയൊരു മീനാച്ചി ചിത്താർത്ത്…..!!””

ഞാനൊരുലോഡ് പുച്ഛം വാരിവിതറിയതവള് കേട്ടെങ്കിലും അപ്പുറത്തുനിന്ന് പറഞ്ഞോണ്ടിരുന്നത് അതിലും അർജന്റുള്ള  കാര്യമേന്തോ ആയതിനാൽ എന്നെ നോക്കിയൊന്നു കണ്ണുരുട്ടുക മാത്രമാണ് ചെയ്തത്……..!!

“”…..നോക്കിപ്പേടിപ്പിക്കാതെടീ ഉണ്ടക്കണ്ണീ… കൂടുതല് കളിച്ചാ പിടിച്ചു പീഡിപ്പിച്ചു വിടും ഞാമ്പറഞ്ഞേക്കാം…..!!””

ഈ സമയത്തവൾ കോളും കട്ട് ചെയ്തുവന്ന് പൊതിയ്ക്കില്ലാന്നുള്ള നല്ലയുറപ്പുണ്ടായതിനാൽ ഞാനവളെ മാക്സിമം വെറുപ്പിക്കാൻ നോക്കി…… എന്റെ ഗോഷ്ടി കാണിക്കലും അവളുടെ മറുപടികളും മൂളലും അതേപടി തിരിച്ചു പറഞ്ഞുകൊണ്ടുള്ള വെറുപ്പിക്കലും കൂടിയായപ്പോൾ മിന്നൂസിന്റെ തലയ്ക്ക് പ്രാന്തായി….. അവൾ ഫോണും ചെവിയിൽ വെച്ചുകൊണ്ട് എന്നെയൊന്നു നോക്കിപ്പേടിപ്പിച്ചിട്ടു  പുറത്തേയ്ക്കു പോയതും ഞാൻ കട്ടിലിലേയ്ക്കു മലർന്നു കിടന്നു….. അവള് വാതിൽക്കൽ നിൽക്കുന്നുണ്ടോന്ന് പാളി നോക്കിയ ശേഷം കാലുകൊണ്ട് പതിയെ എന്റെ ശത്രുവിനെ നിരക്കി താഴെയിട്ടു……..!!

……അവൾട മമ്മീടൊരു പൊതപ്പ്…. ത്ഫൂ…..!! നീ തല്ക്കാലമവിടെ കിടന്നാ മതിയെന്ന് മനസ്സിൽ പറഞ്ഞു കൊണ്ട് കണ്ണുകളടച്ചപ്പോഴേയ്ക്കും മിന്നൂസ് തിരികെ വന്നു………!!

“”……കുട്ടൂസേ…. ഒരർജെന്റ് കേസുണ്ട്…. എനിക്ക് ഹോസ്പിറ്റൽ വരെയൊന്നു പോണം….!!”””

അവൾ ധൃതിയിൽ പറഞ്ഞു കൊണ്ട് ബാത്ത്റൂമിലേയ്ക്കു കയറിയതും ഞാൻ വീണ്ടും കട്ടിലിലെഴുന്നേറ്റിരുന്നു….. ബാത്‌റൂമിൽ നിന്നും തിരികെയിറങ്ങിയപ്പോഴും ഞാനതേയിരുപ്പിയ്ക്കിരിയ്ക്കുന്നതു കണ്ടതും അവളെന്നെയൊന്നു തുറിച്ചു നോക്കി……!!

“””……ഹ….!! ഞാമ്പറഞ്ഞ കേട്ടില്ലേ…. എനിക്ക് ഹോസ്പിറ്റലിൽ പോണോന്ന്….  പെട്ടെന്നൊരുങ്ങ്…..!!”””

അവൾ മുഖം ടവൽ കൊണ്ടു തുടച്ചു കൊണ്ട്  പറഞ്ഞു……

“”….നീ ഹോസ്പിറ്റലീ പോണേന് ഞാനെന്തോത്തിനാ ഒരുങ്ങുന്നേ….??”””

അവള് കേൾക്കേ താല്പര്യമില്ലാത്ത മട്ടിലാണ് പറഞ്ഞതെങ്കിലും മനസ്സിൽ പോകാനുള്ള ഒരുക്കങ്ങളൊക്കെ ഞാനെടുത്തു കഴിഞ്ഞിരുന്നു……..!!

“”…..എന്തേ ആർക്കെങ്കിലും പെട്ടന്ന് പെറാൻ മുട്ടിയോ….??”””

“”…..കുട്ടൂസേ…. വെറുതെ കളിയ്ക്കല്ലേ….  പോയൊരുങ്ങ്…. എന്നെ ഹോസ്പിറ്റലിലൊന്നു ഡ്രോപ്പെയ്യണം…..!!”””

അവള് വാഡ്രോബ് തുറന്ന് സാരികൾ മറിച്ചു നോക്കിക്കൊണ്ടാണ് ഓഡറിട്ടത്…..!!

“”….ന്റ മിന്നൂസേ…. നീയീ സാരിയൊക്കെ വാരിച്ചുറ്റിയെപ്പങ്ങെത്താനാ…. വല്ല ചുരിദാറെങ്ങാനുമെടുത്തിട്…..!!”””

അവള് സാരിയെടുത്തതിഷ്ടപ്പെടാതെ ഞാൻ പ്രതികരിച്ചതും അവൾ കയ്യിലിരുന്ന സാരികളെല്ലാം തിരികെ വെച്ച ശേഷം സ്കൈബ്ലൂ ഷോൾലെസ്സായുള്ള ചുരിദാറും ബോട്ടവും കട്ടിലിലേയ്ക്കിട്ടിട്ട് എന്നെ നോക്കി……..!!

“”…..മ്മ്മ്….??”””

നോട്ടത്തിന്റെ അർത്ഥം മനസ്സിലായെങ്കിലും ഞാൻ  പുരികമുയർത്തി……!!

“”……പൊറത്തു പോ….!!”””

എന്നോട് പുറത്തേയ്ക്കു വിരൽ ചൂണ്ടിക്കൊണ്ട് പറഞ്ഞെങ്കിലും ഞാൻ മൈന്റ് ചെയ്തില്ല…….!!

“”…..എനിക്കേ… എനിക്ക് നിന്നോട് കളിച്ചോണ്ടിക്കാൻ നേരോല്ല….  ഞാൻ റെഡിയായി വരുമ്പഴേയ്ക്കും പൊറത്തുണ്ടാവണം…. കേട്ടല്ലോ…..!!”””

അവൾ തുണിയെല്ലാം വാരിയെടുത്തു കൊണ്ട് ബെഡ്റൂമിൽ നിന്നും പുറത്തിറങ്ങി…….!!

“”….ഞാമ്മരൂലാ….  എനിക്കു രാവിലെ പ്രാക്ടീസുണ്ട്…. അതോണ്ടുറങ്ങണം…..!!””

ഞാൻ ബെഡിലിരുന്നുകൊണ്ട് തന്നെ അവൾ കേൾക്കാനായി വിളിച്ചു പറഞ്ഞു……!!

“”….ദേ… ചെക്കാ മറ്റേ വർത്താനമ്പറയല്ലും….  ന്റെ സ്വഭാവമ്മാറും….!!”””

വാതിൽക്കൽ വന്നെത്തി നോക്കി അവളിട്ടിരുന്ന ടീഷേർട്ടെന്റെ നേരേ വലിച്ചെറിഞ്ഞിട്ട് തിരികെ പോകുമ്പോഴും എന്റെ മുഖത്തെ പുഞ്ചിരി മാറിയിരുന്നില്ല…….!!

“”…..ഇല്ലാ…  എനിക്ക് വരാമ്പറ്റൂലാ….  എന്നെയവിടത്തെ സിസി ക്യാമറയ്ക്ക് കിട്ടി….  അതോണ്ടൊരു ഡോക്ടറേച്ചി അങ്ങോട്ടേയ്ക്കു ചെല്ലരുതെന്നുമ്പറഞ്ഞു വിലക്കിയേക്കുവാ…..!!”””

ഞാനളുടെ ടീഷേർട്ട് മൂക്കിലേയ്ക്കടുപ്പിച്ച് പെണ്ണിന്റെ ബോഡിലോഷന്റെ മണം വലിച്ചെടുത്തു…….!!

“”…..അതിനു നിന്നവിടെ  കൊത്തിപ്പെറുക്കാമ്മേണ്ടി കൊണ്ടോവുവല്ല….  രാത്രി ഡ്രൈവ് ചെയ്യാമ്മയ്യാത്തോണ്ട് കൂടെ വിളിച്ചയാ…..!!”””

“”….ഉവ്വ….!! അല്ലാണ്ട് തമ്പ്രാട്ടിയ്ക്കിരുട്ടു പേടിയായോണ്ടല്ല….!!”””

പറഞ്ഞു നാവു വായിലേയ്ക്കിട്ടതും പെണ്ണ് ഡ്രെസ്സ് മാറി വാതിൽക്കലെത്തിയിരുന്നു……!!

“”…..ഇരുട്ട് പേടി നിന്റമ്മയ്ക്കാടാ നാറീ….!!””

കയ്യിലിരുന്ന പാവാടകൊണ്ട് മുതുകിലൊന്നു തന്നിട്ട് അവൾ കണ്ണാടിയ്ക്ക് മുന്നിൽ നിന്നും മുടി കെട്ടാൻ തുടങ്ങി…..!!

പിന്നെ ഞാനൊന്നും മിണ്ടിയില്ല….. പണ്ടൊരു ദിവസം രാത്രിയച്ഛനെ ഉറങ്ങാൻ സമ്മതിയ്ക്കാതെ ചെവിയ്ക്കലിരുന്ന് ആരുടെയൊക്കെയോ പരദൂഷണം പറഞ്ഞേന് അമ്മയെ ആ രാത്രി അച്ഛൻ പിടിച്ചോണ്ടോയി വീട്ടിന് പുറത്തു നിർത്തി…. ഇരുട്ടു കണ്ട് പേടിച്ചതും പുള്ളിക്കാരി നിലവിളി തുടങ്ങി….  അതോടെ ആളു കൂടുകയും അമ്മയും ഇരുട്ടുമായുള്ള കൂട്ട് നാട്ടുകാര് മുഴുവനറിയുകയും ചെയ്തു…..  അതീശവത്തിനും അറിയാം…. അല്ലായിരുന്നെങ്കിൽ ഞാനെന്നേ മിന്നൂസിന്റെ ഇരുട്ടു പേടിയെ മുതലെടുത്തേനെ…….!!

“”….എടാ… ചെക്കാ…  വെറുതേയോരോന്ന് ആലോചിച്ചിരിയ്ക്കാണ്ട് വരണുണ്ടോ നീയ്….??”””

മുടിയും പോണിടെയിൽ സ്റ്റൈലിൽ വെച്ചു ക്ലിപ്പിട്ട് മുഖത്തൊരു ടച്ച് അപ്പും കഴിഞ്ഞാണ് അവളെന്നെ തട്ടി വിളിച്ചത്……!!

“”….ഞാമ്മരണോ വാവേ….?? പ്ലീസൊറ്റയ്ക്ക് പോവൂലേ….??”””

ഞാൻ കെഞ്ചുന്ന പോലെ അവളുടെ മുഖത്തേയ്ക്ക് നോക്കിയതും പിന്നെയവളെന്നെ നിർബന്ധിച്ചില്ല……!!

“”….മ്മ്മ്…! ശെരീന്നാ…..! ഉറങ്ങിയ്‌ക്കോട്ടോ….! പിന്നെ ഞാമ്മരാൻ വൈകിയാലും പ്രാക്ടീസിന് പോവണം…. അതോണ്ട് അലാം വെച്ചിട്ടേ കിടക്കാവൂ…..!!”””

എന്നെയെല്ലാം പറഞ്ഞേപ്പിച്ചിട്ട് പുറത്തേയ്ക്കിറങ്ങി പോകുമ്പോഴും മിന്നൂസിന് നല്ല സങ്കടമുണ്ട്……!! സംഗതി കാര്യംകൊണ്ട് ഒരുപയോഗോമില്ലേലും എന്റൊപ്പം എവിടെയെങ്കിലുമൊക്കെ പോകാൻ ഇപ്പോൾ കണ്ണും നിറച്ചിറങ്ങി പോയ സാധനത്തിന് നല്ല ഉത്സാഹമാ……!!

അവള് ഡോറും ചാരിക്കൊണ്ട് പുറത്തേയ്ക്കിറങ്ങിയതും ഞാൻ പെട്ടെന്ന് കട്ടിലിൽ നിന്നുമെഴുന്നേറ്റ് അലമാരയിൽ നിന്നൊരു ബലൂൺഫിറ്റുമെടുത്ത് ട്രാക്സിന്റെ മേലേ കൂടിയിട്ട് മൊബൈലും ബുള്ളറ്റിന്റെ കീയും കൈയ്ക്കുള്ളിലാക്കി പുറത്തിറങ്ങി… ഫ്ലാറ്റും ലോക്ക് ചെയ്ത് ലിഫ്റ്റെടുത്ത് താഴെയെത്തുമ്പോൾ മിന്നൂസ് കാർ പാർക്കിങ്ങ് സെക്ഷനിലേയ്ക്ക് കയറാൻ തുടങ്ങിയിരുന്നു……!! പിന്നൊന്നുമാലോചിയ്ക്കാതെ  ഞാൻ വേഗം ബുള്ളറ്റെടുക്കാൻ ബൈക്ക്  പാർക്കിങ്ങിലേയ്ക്ക് വെച്ചു പിടിച്ചു……!!

“”…..ഡോക്ടറേ…. ഇങ്ങ് പോര്…..!!””

അവള് കാറിന്റെ ഡോറ് തുറന്നതും ഞാൻ ബുള്ളറ്റ് സ്റ്റാർട്ടാക്കിക്കൊണ്ടു വിളിച്ചു പറഞ്ഞു…. സംശയത്തോടെ തിരിഞ്ഞു നോക്കിയെന്നെ കണ്ടതും പൂനിലാവുദിച്ചതു പോലെന്റെ ചക്കരയുടെ മുഖം വിടർന്നു……!!

ഞാൻ കൈകാട്ടി വിളിച്ചതും അവളോടി അടുത്തേയ്ക്കു വന്നു…..

“”…..എനിക്കപ്പഴേയറിയാരുന്നു നീ കൊണ്ടാക്കാൻ കൂടെ വരോന്ന്….!! അതോണ്ടല്ലേ ഞാമ്പയ്യെ നടന്നേ….!!”””

“”…..ഉവ്വ….! ഞാങ്കണ്ടാർന്നു….  കണ്ണീരുമൊലിപ്പിച്ചോണ്ടിറങ്ങി പോന്നത്……!!””

“”…..അതോ… അതു ഞാനാക്റ്റ് ചെയ്തതല്ലേ…..!!””

നിറഞ്ഞു തുളുമ്പുന്ന പുഞ്ചിരിയോടെ വന്നെന്റെ കവിളിൽ നുള്ളിക്കൊണ്ട് പിന്നിലേയ്ക്ക് ചാടിക്കയറി……!!

“”….ന്റെ പൊന്നേ… തടിച്ചീടെ വെയിറ്റ്…. വണ്ടീടെ ഫ്രണ്ട് കൊണ്ട് പൊങ്ങി…..!!”””

“”എന്നാ സയിച്ചോണം…. അല്ല നീ ഹെൽമെറ്റെടുത്തില്ലേ….??””

വൺ സൈഡിൽ കാലു രണ്ടുമിട്ട് എന്നോട് ചേർന്നിരുന്നു കൊണ്ട് വലതു കൈ ചുറ്റി വയറ്റിൽ പിടിച്ചപ്പോഴേയ്ക്കും പ്രതീക്ഷിച്ച ചോദ്യമെത്തി……!!

ഞാനതു കേൾക്കാത്ത മട്ടിൽ വണ്ടി റോഡിലേയ്ക്കിറക്കി…. മറുപടി പറയാൻ നിന്നാൽ പിന്നെ ചോദ്യോത്തരോന്നുമുണ്ടാവില്ല….  പെരുമാറലേയുണ്ടാവൂ….. അതുകൊണ്ട് എന്തിനാണ് വെറുതെ….??

അപ്പോഴേയ്ക്കും ഹോസ്പിറ്റലിൽ നിന്നും വീണ്ടും ഫോൺ വന്നു…. കാര്യമൊന്നും കൃത്യമായി അറിയില്ലെങ്കിലും സംഗതിയെന്തോ സീരിയസ്സാണ്….  അല്ലെങ്കിൽ ഓൾറെഡി ഡോക്ടർസുണ്ടായിട്ടും രാത്രി തന്നെ മിന്നൂസിനെ വിളിച്ചു വരുത്തില്ലായിരുന്നു…… പിന്നെ കൂടുതലായി അവളോട്‌ സംസാരിക്കാൻ നിൽക്കാതെ ഞാൻ ആക്‌സിലെറേറ്റർ തിരിച്ചു……!!

“”…..എന്നാ ഞാമ്പൊക്കോട്ടേ….??””

ഹോസ്പിറ്റലിന്റെ ഗേറ്റിനു മുന്നിൽ വണ്ടി നിർത്തിക്കൊണ്ടാണ് ഞാൻ ചോദിച്ചത്…….!!

“”….നീയിപ്പപ്പോയാപ്പിന്നെ ഞാനെങ്ങനെ തിരിച്ചു വരും….??””

“””….ന്റെ മിന്നൂസേ… നീയിപ്പോ അത്യാവശ്യപ്പെട്ടങ്ങു വന്നിട്ടവിടെ മലമറിയ്ക്കാനൊന്നുമില്ല…. എനിക്കിനി നിന്നെ നാളെ രാത്രീല് മതി…. അപ്പൊ വേണേല് ഞാമ്മന്നു കൂട്ടിക്കൊണ്ടു പോവാം…. എന്തേ….??”””

“”….അച്ചോടാ…  അതൊക്കെയെന്റെ കുട്ടൂസിന് വെഷമാവൂലേ… അതോണ്ട് മര്യാദയ്ക്കിപ്പോ ചേച്ചിയ്‌ക്കൊപ്പം വാട്ടാ….!!””

അവളെന്റെ ടീഷേർട്ടിന്റെ കഴുത്തിൽ പിടിച്ചു വലിച്ചതും വണ്ടിയോടെ ഞാനൊന്നു വേച്ചു….. വീഴുമെന്ന് തോന്നിയതും പെട്ടന്ന് പിടിവിട്ട മിന്നൂസിനെ കലിപ്പിച്ചൊന്നു നോക്കിയിട്ട് ഞാൻ ബൈക്ക് സ്റ്റാന്റിലിട്ടു….. എന്നിട്ട്  കീയുമെടുത്ത്  കൂടെയിറങ്ങി ചെന്നു…… റിസെപ്ഷനിലേയ്ക്കു കയറിയ മിന്നൂസിനെ കണ്ട് അവിടെയിരുന്ന് ചെറുതായി ഉറക്കം തൂങ്ങുകയായിരുന്ന രണ്ടു പെൺകുട്ടികളും പെട്ടെന്നെഴുന്നേറ്റു……!!

“”……ഗുഡ് മോർണി… ഓ സോറി… ഗുഡ് നൈറ്റ്… ഗുഡ് നൈറ്റ്….!!””

മിന്നൂസവരെ കൈകാണിച്ചു കൊണ്ടങ്ങോട്ടേയ്ക്കു ചെല്ലുമ്പോഴേയ്ക്കും ഞാനവരെ അത്യാവശ്യം വൃത്തിയായി തന്നെ വിഷ് ചെയ്തു….. അതോടെ പെൺപിള്ളേരു രണ്ടും വാപൊത്തി ചിരിയ്ക്കാൻ തുടങ്ങി….. അതു കണ്ടതും മിന്നൂസെന്നെ തിരിഞ്ഞു നിന്ന് രൂക്ഷമായൊന്നു നോക്കി…….!!

“”…..മനുഷ്യനെ നാണങ്കെടുത്താതെ ഒന്നു മിണ്ടാണ്ടിരിക്കാവോ….!!”””

മുഖം ചെരിച്ച് നെറ്റിയിൽ കൈചേർത്തു പിടിച്ച് അവളുമാരു കാണാതെയാണ് അതു പറഞ്ഞത്….. നമ്മുടെ വാക്കിനൊരു വിലയുമില്ലെന്നു മനസ്സിലായതോടെ പിന്നെ ഞാൻ മിണ്ടാൻ പോയില്ല…… മിന്നൂസ് അവരോടെന്തൊക്കെയോ ചോദിയ്ക്കുന്നതും മറുപടിയായി തലകുലുക്കുന്നതുമൊക്കെ നോക്കി ഞാനനങ്ങാതെ നിന്നു……

സംസാരമൊക്കെ കഴിഞ്ഞ് തിരിച്ചു നടന്നെന്റെ അടുത്തെത്തിയതും എന്തോ ഓർത്തിട്ടെന്ന പോലെ അവൾ തിരിഞ്ഞു നോക്കി…..

“””…..പിന്നെ മിസ്സ്‌….. “””

എന്തോ പറയാൻ തുടങ്ങിയ മിന്നൂസ് ആ പെൺപിള്ളാരുടെ പേരറിയാത്തതു കൊണ്ട് വാക്കുകൾ മുറിച്ചതാണെന്ന് മനസ്സിലായതും എന്റെയുള്ളിലുറങ്ങി കിടന്ന സഹായമനസ്കത ചവിട്ടിത്തുള്ളിക്കൊണ്ട് പുറത്തേയ്ക്കു ചാടി……..!!

“”അപ്പറെ നിക്കുന്ന ജ്യോതി.. ഇപ്പറത്തേത് അനഘ…!!”””

ഞാൻ കുറച്ചു ഗമയോടെ പറഞ്ഞു നിർത്തിയതും മിന്നൂസെന്നെ ഏതോ അന്യഗ്രഹ ജീവിയെ പോലെ മിഴിച്ചു നോക്കി…. ആ പെൺപിള്ളേരാണെങ്കിൽ പൂരചിരിയും……..!!

“”…..ഇങ്ങോട്ട് വാടാ കാട്ടുകോഴീ….!!”””

അവളെന്നെ കൈയിൽ പിടിച്ചു വലിച്ചു കൊണ്ട് റിസെപ്ഷനിൽ നിന്നും പുറത്താക്കി…..!!

“”…..അപമാനം….! അതു ഞാൻ സയിയ്ക്കത്തില്ല മിന്നൂസേ…!!”””

“”…..നീ വീട്ടി വാട്ടാ…  ഞാങ്കാണിച്ചു തരാം….!!”””

അവളെന്നെ കണ്ണുരുട്ടി പേടിപ്പിച്ചിട്ട് അകത്തേയ്ക്കു പോയി……!!

കുറച്ചോവറായിപ്പോയോന്നൊരു സംശയം….!!  ഏയ്‌ മീറ്ററിലാ….!! ഞാൻ സ്വയമാശ്വസിപ്പിച്ചു കൊണ്ടു നിന്നപ്പോഴേയ്ക്കും മിന്നൂസ് ഡോറ് വലിച്ചു തുറന്നുകൊണ്ട് പുറത്തേയ്ക്കിറങ്ങി………!!

“”…..അടുത്തതെങ്ങനെ നാണങ്കെടുത്താന്ന് ആലോയിച്ചോണ്ട് നിക്കുവാവും…. വായിങ്ങട് നാശമ്പിടിച്ചതേ….!!”””

പുറത്തിറങ്ങിയ മിന്നൂസെന്റെ ഇടത്തേ കൈത്തണ്ടയിൽ പിടിച്ചു വലിച്ചു കൊണ്ട് വേഗത്തിൽ നടന്നു……!!

“”….എങ്ങടാ എന്നേങ്കൊണ്ട് പോണേ….??”””

ഞാൻ നിഷ്കളങ്കത വരുത്താൻ ശ്രെമിച്ചു കൊണ്ടു ചോദിച്ചു……!!

“”…..അച്ചോടാ…  എന്താ പാവം….  മിണ്ടാണ്ട് വന്നോണമെന്റൊപ്പം….!!”””

നടക്കുന്നതിനിടയിൽ അവൾ പറഞ്ഞു…. പിന്നെ ഞാനൊന്നും മിണ്ടാൻ പോയില്ല…. അവള് നേരേ ചെന്ന് അവളുടെ റൂം തുറന്നകത്തു കയറി…. എന്നിട്ടവിടെ കിടന്ന കസേരയിലെന്നെ കൊണ്ടിരുത്തി……..!!

“”…..ദേ മര്യാദയ്ക്കിവിടിരുന്ന് കളിച്ചോണം…. വെറുതെയൊരലമ്പിത്തരത്തിനും വായ്നോട്ടത്തിനുമൊന്നും പോവരുത് കേട്ടല്ലോ…. ഞാനോറ്റി  വരെ പോയിട്ട് ടപ്പേന്നു വരാം…. ദേ… ഇതുങ്കൂടി വെച്ചോ…..!!”””

അവളാ റൂമിന്റെ മൂലയിൽ കിടന്ന പഴയൊരു സിഗ്മോയെടുത്ത് എന്റെ നേരേ നീക്കി വെച്ചുകൊണ്ട് കുട്ടികളോട് പറയുന്നതു പോലെ പറഞ്ഞ ശേഷം പുറത്തേയ്ക്കിറങ്ങി……!!

അതോടെ വല്ലത്തൊരൊറ്റപെടൽ ഫീൽ ചെയ്യാൻ തുടങ്ങി….. ആ റൂമിലെ ചുവരിൽ ഘടിപ്പിച്ച സിസിടിവി സെർവർ കണക്ട് ചെയ്തിരുന്ന എൽഇഡി ഡിസ്പ്ലേയിലൂടെ വൈറ്റ് കോട്ടും സ്റ്റെതുമായി നടന്നു നീങ്ങുന്ന മിന്നൂസിനെയും നോക്കി ഞാനാ കസേരയിലിരുന്നു….. സത്യത്തിൽ അവളടുത്തുള്ളപ്പോഴുള്ള ചാട്ടവും കളിയുമൊക്കെയേ എനിക്കുമുള്ളൂ…. അവള് കണ്ണകന്നാൽ എന്റെ ഗ്യാസ് പോകും….  പിന്നെ തവിഞ്ഞ ബലൂണാ…. അതുകൊണ്ടാണല്ലോ കോഴിയെന്നൊക്കെ എന്നെ കളിയാക്കി വിളിച്ചാലും തക്കം കിട്ടിയാൽ ഞാനിങ്ങോട്ടേയ്ക്ക് പാഞ്ഞു വരുന്നതും……!!

എന്തായാലും മിന്നൂസ് സീസി ടീവിയിൽ നിന്ന് മറഞ്ഞ് ഓപ്പറേഷൻ തിയേറ്ററിലേക്ക് കയറിയതും ആ കാഴ്ചയും നിലച്ചു….. ഓപ്പറേഷൻ തിയേറ്ററിനുമുന്നിൽ അക്ഷമരായി കാത്തിരിക്കുന്ന ആൾക്കാരെയും നോക്കി കുറെ സമയമിരുന്നു….. ബോറടിച്ചപ്പോൾ കുറച്ചുസമയം ഫോണിലും പണിതു….. കുറേസമയം കഴിഞ്ഞതും മടുത്തിട്ടും മിന്നൂസ് വരുന്ന ലക്ഷണമൊന്നും കാണാതായതോടെ അവള് വരുന്നതുവരെ പതിയെയൊന്നു മയങ്ങാനുള്ള പരിപാടിയിലായി ഞാൻ…… കസേരയിലേക്ക് തല ചായ്ച്ചിരുന്ന് ഉറക്കത്തെ പുൽകാൻ ശ്രമിക്കുമ്പോൾ പകുതിയിൽ മുറിഞ്ഞു പോയ ബാല്യകാല സ്മരണകൾ വീണ്ടുമെന്നിലേക്ക് പരന്നൊഴുകാൻ തുടങ്ങി…… അവയുടെ മധുരസ്മരണയിൽ മുഴുകി ഞാനാ കാഴ്ചകളിലേക്ക് വീണ്ടും കണ്ണോടിച്ചു………!!

അന്നു മീനാക്ഷിയുടെ വീട്ടിൽ  നിന്നും പായസം കൊണ്ടുപോയ തൂക്കു പാത്രം പോലും തിരികെവാങ്ങാതെ കരഞ്ഞു കൊണ്ടിറങ്ങിയോടിയ ഞാനേകദേശം ചെറിയമ്മയുടെ വീടെത്തുന്നതു വരെ കരഞ്ഞിട്ടുണ്ടാവും…. കരഞ്ഞു മെഴുകി വീട്ടിൽ ചെന്നു കയറണ്ടെന്നു കരുതി ഷേർട്ടിന്റെ കീഴ്ഭാഗം വലിച്ചുയർത്തി കണ്ണുകൾ തുടച്ചു കൊണ്ടാണ് പിന്നവിടുന്ന് വീട്ടിലേയ്ക്കു നടന്നത്………..!!

“”…..ആഹാ… സാറിന്നു പോയിട്ടു പെട്ടെന്നുതന്നെ വന്നല്ലോ…  എന്തുപറ്റി….??”””

വീടിന്റെ പിൻവശത്തു കൂടി ആടിയുലഞ്ഞുകൊണ്ട് ചെന്നയെന്നെ നോക്കി ചെറിയമ്മ ചോദിച്ചപ്പോൾ അതിനു മറുപടി കൊടുക്കാമ്പോലും തുനിയാതെ ഞാനവരെയും തള്ളിമാറ്റിയകത്തേയ്ക്കു കയറി………..!!

“”…..സിത്തൂന് പായസന്തരട്ടേടാ…??”””

അമ്മ പിന്നിൽ നിന്നും വിളിച്ചു ചോദിച്ചെങ്കിലും ഞാനതു കേട്ടഭാവം നടിച്ചില്ല….. അപ്പോഴത്തെയെന്റെ നിഷ്കു മനസ്സുനിറയെ സങ്കടമായിരുന്നു…. കൊണ്ടോയി കൊടുത്ത പായസം  മീനാക്ഷിയൊന്നു ടേസ്റ്റു ചെയ്തു പോലും നോക്കീലല്ലോ……..!!

അമ്മയും ചെറിയമ്മയും എന്തൊക്കെയോ പറയുകയും എന്നെയടുത്തേയ്ക്കു വിളിയ്ക്കുകയുമൊക്കെ ചെയ്തെങ്കിലും ഞാന്തിരിഞ്ഞു പോലും നോക്കാതെന്റെ മുറിയിലേയ്ക്കു കയറി കട്ടിലിലേയ്ക്ക് കവിഴ്ന്നു കിടന്നു……….!!

“”…..അമ്മേ… സിത്തുയെവിടെ….??”””

കുറച്ചു കഴിഞ്ഞെന്നെയും തിരക്കിയുള്ള ചോദ്യവുമായി കീത്തുവേച്ചി ക്ഷേത്രത്തിൽ നിന്നുമെത്തിയതറിഞ്ഞപ്പോൾ വീണ്ടുമെന്റെ മനസ്സിലൊരു ഭീതി പൊട്ടി മുളച്ചു……….!!

“”….അവമ്മുറിയിലേയ്ക്കു പോയല്ലോ….  എന്താപ്പോ….??”””

അതിനു ചെറിയമ്മയാണ് മറുപടി പറഞ്ഞത്….. പക്ഷേ അവരുടെ മറുചോദ്യത്തിനുത്തരം പറയാതെ അവൾ മുകളിലേയ്ക്കുള്ള സ്റ്റെയറോടി കയറിയ ശബ്ദമെന്റെ കാതുകളിൽ മുഴങ്ങിയപ്പോൾ കീത്തുവേച്ചിയെല്ലാം അറിഞ്ഞിട്ടുണ്ടെന്നുള്ള സത്യം ഞാനൊരു ഞെട്ടലോടെ മനസ്സിലാക്കി…………!!

“”…..സിത്തൂ…..??”””

സ്റ്റെയറു കയറിക്കഴിഞ്ഞെന്റെ മുറി ലക്ഷ്യമാക്കി നടക്കുന്നതിനിടയിൽ അവളുടെ തൊണ്ടകാറിയുള്ള വിളി കൂടിയായപ്പോൾ ഞാനെല്ലാമുറപ്പിച്ചു…. പായസം കൊണ്ടു കൊടുത്തതിനെന്നെ കരയിപ്പിച്ചതും പോരാഞ്ഞിട്ടെല്ലാം കീത്തുവേച്ചിയോട് പറഞ്ഞു കൊടുക്കുകയും കൂടി  ചെയ്തുവെന്നു തോന്നിയപ്പോൾ സങ്കടമാണോ ദേഷ്യമാണോ തോന്നിയതെന്നെനിക്ക് നിശ്ചയമില്ല…………!!

“”….സിത്തൂ….??””

വാതിലിനൊപ്പമെത്തി കതകു തള്ളിത്തുറന്നു കൊണ്ടവൾ സംശയം കലർന്ന സ്വരത്തിൽ വിളിച്ചു…… ഞാൻ മറുപടി പറയാതെ കിടന്നപ്പോൾ ചേച്ചിയടുത്തു വന്നിരുന്നെന്നെ തട്ടിനോക്കി…..  ഞാനപ്പോഴുമനങ്ങാൻ കൂട്ടാക്കിയില്ല….. തലയിണയിൽ മുഖം പൂഴ്ത്തിപ്പിടിച്ചു കിടന്നയെന്നെ തോളിൽ ബലമായി വലിച്ചുകൊണ്ട് ചേച്ചി തിരിച്ചതും എന്റെ കണ്ണുകൾ നിറഞ്ഞൊഴുകുന്നതാണവൾ കണ്ടത്……….!!

“”…..എന്താ…  എന്താ പറ്റിയേ…?? എന്തോത്തിനാന്റെ വാവ കരയണേ….??”””

ചേച്ചി പരിഭ്രമത്തോടെ ഒറ്റശ്വാസത്തിൽ ചോദിയ്ക്കുമ്പോഴാണ് ഇനിയിവളൊന്നുമറിഞ്ഞില്ലേ എന്ന ചിന്ത വരുന്നത്…….!!

“”…..ഞാങ്കരഞ്ഞേന്നുമില്ല…. വിരല് കണ്ണിക്കൊണ്ടപ്പം കണ്ണീന്നു വെള്ളമ്മന്നയാ….!!”””

ഞാനൊന്നു ചിരിയ്ക്കാൻ ശ്രെമിച്ചുകൊണ്ട് ചൂണ്ടുവിരലുയർത്തി കാട്ടി…….!!

“”…..സിത്തൂ….  നീയെന്നോടു കള്ളമ്പറയണ്ടാട്ടോ…. ഞാനമ്പലത്തീന്നു വന്നപ്പന്നമ്മടെ കൗസല്യാമ്മ പറഞ്ഞൂലോ നീ കരഞ്ഞോണ്ടോടി പോണ കണ്ടൂന്ന്….!! പറ എന്തോത്തിനാ കരഞ്ഞേ….??”””

ചേച്ചിയെന്റെ അടുത്തേയ്ക്കു ചേർന്നിരുന്നു കൊണ്ട് ചുരിദാറിന്റെ ഷോളു പിടിച്ചെന്റെ കണ്ണും മുഖവുമൊക്കെ തുടച്ചു കൊണ്ട് ചോദിച്ചു……..!!

കുട്ടിക്കാലം മുതലേയങ്ങനെയാ…. എന്നെ വളർത്തുന്നതിൽ അമ്മയെക്കാളും നോട്ടവും വേവലാതിയുമൊക്കെ ചേച്ചിയ്ക്കായിരുന്നെന്ന് അമ്മയും  ചെറിയമ്മയുമൊക്കെ പറയാറുണ്ട്…….!!

അച്ഛനും അമ്മയ്ക്കും ഒരു കുഞ്ഞു മതിയെന്നായിരുന്നെന്നും എന്നാൽ കീത്തുവേച്ചീടെ നിർബന്ധമൊന്നു കൊണ്ടു മാത്രമാണ് എന്നെ പറ്റിയവർ ചിന്തിച്ചതെന്നുമൊക്കെ വീട്ടിൽ പറയും…..!! ആഹ്…!! അതുവിട്…. നമുക്ക് കാര്യത്തിലേയ്ക്കു വരാം…..!!

അങ്ങനെ കരഞ്ഞതിന്റെ കാരണമറിയാൻ ചേച്ചി ആവുന്നത്രയും ശ്രെമിച്ചെങ്കിലും ഞാൻ കല്ലുപോലിരുന്നു……  അവസാനം വേറെ വഴിയില്ലെന്നോണം അവളുടെ കുഞ്ഞു ഹാൻഡ് ബാഗിൽ കരുതിയിരുന്ന ഫോണെടുത്തു…….!!

“”…..നീയിവടന്നു നല്ലോണമല്ലേ പോയെ…  അപ്പോ അവടെന്തോ ഇണ്ടായിട്ടൊണ്ട്…..  മീനൂനെ വിളിച്ചു നോക്കാം….!! അവക്കറിയോന്നറിയാലോ….!!”””

ചേച്ചി ഫോണിൽ നോക്കി ഡയൽ ചെയ്യുന്നതിനിടയിലങ്ങനെ പറയുമ്പോളെന്റെ നെഞ്ചൊന്നു കാളി…. മീനാക്ഷിയെ വിളിച്ചു ചോദിച്ചാലവളുറപ്പായും നടന്ന സംഭവങ്ങൾ മുഴുവൻ പറയും…. അതോടെ ചേച്ചിയെന്നെ കൊല്ലും…..!! അന്നെനിക്കതൊക്കെ ആലോചിച്ചപ്പോഴേ പേടിയായി…. അതുകൊണ്ടുതന്നെ ചേച്ചിയെ തടയാനുള്ള ശ്രെമമെന്നോണം ഞാൻ ചേച്ചിയുടെ കയ്യിലിരുന്ന ഫോൺ തട്ടിയെടുക്കാൻ നോക്കിയെങ്കിലും അവൾ കൈ പിന്നിലേയ്ക്കൊതുക്കി കൊണ്ട് ഫോണിനെ ഭദ്രമാക്കി………!!

“”…..വേണ്ട….!! മീനുവേച്ചീനെ വിളിയ്ക്കണ്ട…..!! ചേച്ചിയ്‌ക്കൊന്നുമറിയാമ്പാടില്ല…!!””

ഞാൻ വീണ്ടും കീത്തുവിന്റെ കൈയിൽ നിന്നും ഫോൺ വാങ്ങാനായി ശ്രെമിച്ചെങ്കിലും അവളെന്നെ തല്ലാനോങ്ങിയിട്ട് ബെഡിൽ നിന്നുമെഴുന്നേറ്റു………!!

“”…..ചേച്ചീ വേണ്ട…. വിളിയ്ക്കണ്ട….!!”””

ഞാങ്കരയുന്ന മട്ടിൽ പറഞ്ഞതും ചേച്ചി കോള്കട്ടു ചെയ്തശേഷം സംശയഭാവത്തിലെന്നെ നോക്കി…………!!

“”…..എന്തേ….??  എന്തേ വിളിച്ചാല്…??”””

അവള് കണ്ണു തുറിപ്പിച്ചു കൊണ്ടെന്നെ നോക്കിയതുമെന്റെ മുഖം വിളറി……..!!

“”…..എന്തേ…..??  മീനുവെന്തേലുമ്പറഞ്ഞോ…??  അവളു കുറച്ചുദിവസായിട്ട് നിന്നോടൊരകൽച്ച കാണിയ്ക്കുന്നുണ്ടോയെന്നെനിക്ക് സംശയന്തോന്നീതാ…. അതോണ്ടാ ചോദിച്ചേ…. അവള് വാവേനെന്തേലുമ്പറഞ്ഞോ….??  അതിനാണോ കരഞ്ഞേ….??””

അവളെന്റെ തലമുടി മാടിയൊതുക്കിക്കൊണ്ട് ചോദിച്ചപ്പോൾ ഞാനൊന്നും മിണ്ടാതെ തലകുനിച്ചിരുന്നു…….!!

അപ്പോഴാണ് താഴെ നിന്നുമമ്മയുടെ വിളി വന്നത്…..

“”…..സിത്തൂ….  പായിസങ്കൊണ്ടോയ തൂക്കു പാത്രമെവിടെ….??””” യെന്നും ചോദിച്ചുകൊണ്ട്……!!

“”…..അയ്യ്യോ….  അതുമേടിയ്ക്കാമ്മറന്നോയി….!!”””

ഞാൻ നാവു കടിച്ചുകൊണ്ടു  കീത്തുവിനെ നോക്കുമ്പോഴേയ്ക്കും കയ്യിലിരുന്നവളുടെ ഫോൺ മുഴങ്ങിയിരുന്നു……….!!

“”…..ങ്ങാ…. അവളാ… മീനു….!!”””

കീത്തു സ്വയംപറഞ്ഞു കൊണ്ടെഴുന്നേറ്റതും തലച്ചോറിൽ നിന്നൊരു വൈദ്യുതപ്രവാഹമെന്റെ നെഞ്ചിലേയ്ക്കു പാഞ്ഞതും ഒരുമിച്ചായിരുന്നു…… ഞെട്ടലോടുകൂടി കട്ടിലിൽ നിന്നെഴുന്നേൽക്കുമ്പോൾ കീത്തുവേച്ചി ഫോൺ അറ്റൻഡ് ചെയ്തിരുന്നു………!!

“”…….ആടീ… വിളിച്ചിരുന്നു…..!!

……അതേ…. സിത്തു കരഞ്ഞോണ്ടാ അവിടുന്ന് തിരിച്ചു വന്നതേ…. അപ്പൊ അതിന്റെ കാരണമെന്താന്നറിയാമ്മേണ്ടി വിളിച്ചയാ….

……മ്മ്മ്… നീയിനിയെന്തേലുമെന്റെ കൊച്ചിനെ പറഞ്ഞോ….??

……ആ…  ആ…  ശെരി….!!”””

മറുതലയ്ക്കൽ മീനാക്ഷിയെന്തൊക്കെയോ പറയുന്നതും കീത്തുവേച്ചി അതൊക്കെ ശ്രെദ്ധാപൂർവ്വം കേട്ടു തലകുലുക്കുന്നതും ഇടയ്ക്കിടയ്ക്കെന്നെ തുറിച്ചു നോക്കുന്നതുമെല്ലാം കണ്ടപ്പോൾ ശരീരം തളരുന്നുണ്ടോയെന്നുപോലും ഞാൻ ചിന്തിച്ചുപോയി………!!

“”……ആ…  ശെരി… ശെരി…. പിന്നേ….. നീ വരുമ്പോളാ പാത്രങ്കൂടിയെടുത്തോട്ടാ….. മ്മ്മ്…..!!”””

അവസാനത്തെയാ മൂളലോടു കൂടി ഫോൺ കട്ടുചെയ്ത ശേഷം കീത്തുവേച്ചിയൊന്നുമ്പറയാതെ മുറിയിൽ നിന്നും പുറത്തേയ്ക്കു നടക്കാനൊരുങ്ങി…….. അതോടെയവളെല്ലാം ചേച്ചിയോടു പറഞ്ഞെന്നെനിക്കുറപ്പായി………!!

“”…..മീനുവേച്ചി പറഞ്ഞേക്ക കള്ളവാ….!!”””

നിലത്തേയ്ക്കു മുഖങ്കുനിച്ചിരുന്ന്  ഞാൻ മുൻകൂറായി എറിഞ്ഞു നോക്കിയെങ്കിലും അതു മൈന്റുപോലും ചെയ്യാതെ കീത്തു ഇറങ്ങിപ്പോയി……….!!

ചേച്ചിയിപ്പത്തന്നെയെല്ലാം പോയി എല്ലാരോടും പറയോന്നും പോരാത്തതിന് മീനാക്ഷി വരുമ്പോളുറപ്പായും ഞാൻ കൊടുത്ത കത്തുകൂടി കൊണ്ടുവന്നെല്ലാരേം കാണിയ്ക്കുമെന്നുമൊക്കെ മനസ്സിലേയ്ക്കു വന്നപ്പോൾ തല കറങ്ങുന്നതു പോലൊരു തോന്നലാണുണ്ടായത്………!!

എല്ലാരുടെയും മുന്നിലിട്ട് അച്ഛൻ തല്ലുന്നതൊക്കെ ആലോചിച്ചപ്പോൾ ആത്മഹത്യ മാത്രമായിരുന്നുയെന്റെ മനസ്സിലെ പോംവഴി…… ഫാനിൽ കെട്ടാനായി കൈയ്യെത്താത്തതു കൊണ്ടും സിനിമയിലൊക്കെ കാണുന്നതു പോലെ കയറിന്റെ അറ്റത്തു കുടുക്കിടാനറിയാത്തതു കൊണ്ടും തൂങ്ങി മരിയ്ക്കണ്ടെന്നുറപ്പു വരുത്തിക്കൊണ്ടാണ് പോയി ഡോറകത്തു നിന്നുമടച്ചത്……..!!

ചേച്ചി പറഞ്ഞെല്ലാരും അറിയുന്നേനു മുന്നേ മരിയ്ക്കണം…  അതിനായി നേരേ കട്ടിലിലേയ്ക്കു മലർന്നു കിടന്ന ശേഷം തലയിണയെടുത്ത് മൂക്കിലേയ്ക്കമർത്തി പിടിച്ചു……

….ചാവട്ടേ…  ശാസമ്മുട്ടി ചാവട്ടേ…..!!

മനസ്സിലങ്ങനെയൊക്കെ കരുതിയാണ് തലയിണ മൂക്കിലമർത്തിയതെങ്കിലും ശ്വാസം മുട്ടുന്നതിനനുസരിച്ച് പതിയെ തലയിണയുയർത്തി മൂക്കിനെ സ്വതന്ത്രമാക്കിക്കൊണ്ടിരുന്നു……..!!

“”……എടി കീത്തൂ….  ദേ മീനുവന്നു നിൽക്കുന്നു….  ഒന്നിങ്ങോട്ടു വന്നേ….!!”””

അമ്മയലമുറയിടുന്നതു പോലെ വിളിച്ചുപറഞ്ഞതും ഞാൻ വ്യാപൃതനായിരുന്ന ഉദ്യമമുപേക്ഷിച്ചു കൊണ്ടു കട്ടിലിൽ നിന്നും ചാടിയെഴുന്നേറ്റു….. പിന്നെ ഡോറും തുറന്ന് സ്റ്റെയറിന്റെ ഭാഗത്തു പോയി നിന്നുകൊണ്ട് ചെവി വട്ടം പിടിച്ചെങ്കിലും താഴെനിന്നും കുശുകുശുപ്പുകളല്ലാതെ ഒന്നും വ്യക്തമായി കേൾക്കാൻ സാധിച്ചില്ല………….!!

ഞാൻ വീണ്ടും റൂമിലേയ്ക്കു കയറി കൂട്ടിലടച്ച വെരുകിന്റെ മാതിരി അങ്ങറ്റമിങ്ങറ്റം നടക്കാൻ തുടങ്ങി….. താഴെയവളെല്ലാം പറഞ്ഞിട്ടുണ്ടാകോ…??  ഇപ്പൊ ലെറ്ററെടുത്തു കാട്ടീട്ടുണ്ടാവോ…?? ഇപ്പോളെല്ലാരുങ്കൂടി യിങ്ങോട്ടേയ്ക്കു വരുവോ….??   എന്നൊക്കെയുള്ള ചിന്ത മനസ്സിലുദിച്ചപ്പോളൊന്നും വേണ്ടിയിരുന്നില്ലയെന്നു തോന്നിപ്പോയി……….!!

“”…..സിദ്ധു മുകളിലുണ്ടോയാന്റീ….??”””

കുറച്ചുകഴിഞ്ഞ് സ്റ്റെയറിന്റെ താഴെ നിന്നും മീനാക്ഷിയുടെ ചോദ്യമുയർന്നപ്പോൾ ഉണ്ടെന്നുള്ള അമ്മയുടെ മറുപടി കേട്ടതും ഞാൻ കട്ടിലിൽ നിന്നുമെഴുന്നേറ്റോടി മേശയിൽ നിന്നൊരു നോട്ട്ബുക്ക്‌ വലിച്ചെടുത്തു…….! അവള് സ്റ്റെയറു കയറിവരുന്ന കാലൊച്ചയറിഞ്ഞതും ഞാൻ ബുക്കുമെടുത്ത് കസേരയിലേയ്ക്കിരുപ്പുറപ്പിച്ചു……!!

“”…..ഹലോ….  ഞാനകത്തേയ്ക്കു വന്നോട്ടേ….??”””

ചെറുചിരിയോടെ വാതിൽക്കൽ നിന്നെത്തി നോക്കിക്കൊണ്ട് മീനാക്ഷി ചോദിച്ചതും ഞാൻ മുഖം കുനിച്ചു നോട്ട് ബുക്കിലെ അക്ഷരങ്ങളിലേയ്ക്കു കണ്ണുകളെ പൂഴ്ത്തി…….!!

ആദ്യത്തെയാ ഞെട്ടൽ മീനാക്ഷിയുടെ മുഖത്തെ ചിരിയോടെ മാഞ്ഞെങ്കിലും പായസം കുടിയ്ക്കാഞ്ഞതിലുള്ള ദേഷ്യമെന്റെയുള്ളിലുണ്ടായിരുന്നു… അതുകൊണ്ടു തന്നെ ഒന്നു പാളിനോക്കിയ ശേഷം ഞാൻ മുഖം കുനിച്ചിരുന്നു……….!!

“”…..ഓഹോ… നല്ല ദേഷ്യത്തിലാണല്ലോ… എന്തോപറ്റി അമ്മ വഴക്കുപറഞ്ഞോ…??”””

അവളൊരീണത്തിൽ ചോദിച്ചു കൊണ്ടകത്തേയ്ക്കു വന്നതും ഞാൻ ദേഷ്യത്തിൽ ബുക്കുമെടുത്ത് കസേരയോടെ  തിരിഞ്ഞിരുന്നു…….!!

“”…..അതേ…. കൊറേ നേരായിട്ട് എനിക്കിച്ചിരി പായിസങ്കുടിയ്ക്കാനൊരു കൊതി…. കൊറച്ചു പായിസോണ്ടാവോ തരാൻ…..??”””

അവൾ ചുണ്ടുകളെ കടിച്ചുപിടിച്ചു കൊണ്ട് ചിരിയടക്കാൻ ശ്രമിയ്ക്കുമ്പോൾ ഞാൻ കണ്ണുകൾ തുറിച്ചവളെ നോക്കി……!! എന്റെ നോട്ടം കണ്ടതും അവൾ വീണ്ടും തന്റെ ചോദ്യം ആവർത്തിച്ചു….. അതും ചിരിയോടെ, എന്നെ കളിയാക്കാമ്മേണ്ടിത്തന്നെ….. അതെനിക്കങ്ങോട്ടു പിടിച്ചില്ല…….!!

“”…..പോടീ പട്ടീ…..!!””

ഞാനെന്റെ സർവദേഷ്യവും പുറത്തുകാണിച്ചു കൊണ്ട് ചീറി……!!

“””…..പട്ടീന്നോ….??  ആരെയാടാ നീ പട്ടീന്നു വിളിച്ചേ…..??””

അവള് കലിപ്പെടുത്തെന്റെനേരേ വന്നതും ഞാൻ മുഖം കുനിച്ചിരുന്നു……….!!

“”…..ആഹാ സിദ്ധൂട്ടനെന്നോട് പെണക്കാ…?? അയ്യയ്യേ…. മോശം മോശം…..!!””

എന്റെയപ്പോഴത്തെ മുഖഭാവം കണ്ടതും പെട്ടെന്നൊന്നടങ്ങിയ അവള് മൂക്കിൽ വിരലുവെച്ചുകൊണ്ടൊരു പ്രത്യേക താളത്തിൽ നിന്നെന്നെനോക്കി വീണ്ടും കളിയാക്കിയതും എന്റെ മുഴുവൻ ദേഷ്യവും ഒറ്റയടിക്ക് പുറത്തുവന്നു…..! കസേരയിൽ നിന്നും പാഞ്ഞിറങ്ങിയതും നേരേയോടിച്ചെന്ന് മീനാക്ഷിയെ അരക്കെട്ടിൽ കൈചുറ്റി കെട്ടിപ്പിടിച്ചതും സെക്കന്റുകൾക്കുള്ളിൽ കഴിഞ്ഞു……! എന്താണ് സംഭവിക്കുന്നതെന്ന് മീനാക്ഷി മനസ്സിലാക്കും മുന്നേ അമ്മയുമായും  കീത്തുവേച്ചിയുമായുമൊക്കെ  അടിയുണ്ടാക്കുമ്പോൾ പ്രയോഗിക്കുന്നയെന്റെ രഹസ്യ വജ്രായുധം ഞാനവൾക്കുമേൽ പ്രയോഗിച്ചു കഴിഞ്ഞിരുന്നു……..!!

ചെറുതായിട്ടൊന്നഡ്ജസ്റ്റു ചെയ്തുനിന്നവളുടെ  വയറ്റിൽതന്നെയൊരൊറ്റ കടി…… ക്ഷണത്തിൽ മീനാക്ഷിയുടെ വായിൽനിന്നുതിർന്ന നിലവിളി റൂമിൽ നിന്നും പുറത്തുപോയില്ലെങ്കിലും അതു മൂന്നു ചുവരുകൾക്കുള്ളിൽ കിടന്നലയടിച്ചു…….. എന്നിരുന്നാലുംഇനിയൊരിക്കലും മറക്കാനാവാത്തവിധമാ വയറിലെന്റെ മുപ്പത്തിരണ്ട് പല്ലും ചേർന്നെന്ന് ഉറപ്പായതിന് ശേഷമാണ് ഞാനവളെ വിട്ടത്……..! എന്നെ തള്ളിമാറ്റാനവൾ നോക്കുന്തോറുമെന്റെ പല്ലുകൾ കൂടുതലാ വയറിലെ മാംസത്തിലേക്ക് തുളച്ചുകയറിയിരുന്നു…… അവളുടെ നിലവിളിയാകട്ടെ എന്നെയവൾ കരയിച്ചതിനുള്ള  പ്രായശ്ചിത്തമ്പോലെയാണെനിക്ക്  തോന്നിയത്……..! അതുകൊണ്ടുതന്നെ അവളോടുള്ളയെന്റെ ദേഷ്യം തീരുന്നതുവരെ ഞാനാക്കടി വിട്ടില്ല…… പിന്നെ കടി വിട്ടപ്പോഴേയ്ക്കും വേദനകൊണ്ടവശയായവൾ വയറിൽ കൈപ്പൊത്തിപ്പിടിച്ചുകൊണ്ട് നിലത്തേക്കിരുന്നുപോയി……..!!

അവളുടെ കരച്ചിലും വേദനകൊണ്ടുള്ള തിരുമ്മലുമൊക്കെ കണ്ടിട്ടും എനിക്കൊട്ടും സഹതാപം  തോന്നിയില്ല…… അതുകൊണ്ടുതന്നെയവളവിടെക്കിടന്നു ശബ്ദമുണ്ടാക്കാതെ കരഞ്ഞതും ഞാനൊരു വല്ലാത്ത നിർവൃതിയോടെയാണ് നോക്കിക്കണ്ടത്….. കുറച്ചു

കഴിയുമ്പോൾ ചേച്ചിയെപ്പോലെയവളുമെണീറ്റുപോകുമെന്നുള്ള കടുത്ത വിശ്വാസത്തിൽ ഞാൻ വീണ്ടുമാ ബുക്കും തുറന്നുവെച്ച് കഠിനമായ പഠിത്തന്തുടങ്ങി…… നോട്ടം ബുക്കിലേക്കായിരുന്നുവെങ്കിലും മനസ്സവളെന്താ എണീറ്റു പോകാത്തതെന്നതിലായിരുന്നു….. അതുകൊണ്ട് കണ്ണുകൾ പലപ്പോഴുമവളുടെ നേരെ പാളിക്കൊണ്ടിരുന്നു…………!!

പക്ഷേ കുറേസമയം കഴിഞ്ഞിട്ടും മുഖം കുനിച്ചിരുന്നു കരയുന്നതല്ലാതെ മീനാക്ഷി എഴുന്നേറ്റു പോകുന്നില്ലാന്നു കണ്ടപ്പോഴാണെന്റെ കിളിയൊന്നു പാറിയത്…… ആ അമ്പരപ്പോടെത്തന്നെ അവളുടനെ എണീക്കുമെന്ന് സ്വയം വിശ്വസിപ്പിച്ച് കുറച്ചുസമയം കൂടി ഞാൻ വെയ്റ്റ് ചെയ്തു….. പക്ഷേ ഇപ്രാവശ്യം ബുക്കിലേക്ക് നോക്കാതെ അവളെത്തന്നെയാണ് നോക്കിയിരുന്നതെന്നു മാത്രം……..!!

എന്നാലാ കാത്തിരിപ്പും വെറുതെയായതോടെയെന്റെ ഇടനെഞ്ചിലൊരു വെള്ളിടി വെട്ടി….. കൂട്ടത്തിൽ രണ്ടിന്റേം ഒച്ചയൊന്നും കേൾക്കുന്നില്ലല്ലോന്നോ മറ്റോ അമ്മ ചേച്ചിയോട് ചോദിക്കുന്നതു കൂടിയറിഞ്ഞതോടെ എന്റെ നല്ലജീവനങ്ങു പോയി….. ഞാനടനെ പാഞ്ഞുചെന്ന് മീനാക്ഷിയെ വിളിച്ചെഴുന്നേല്പിക്കാനൊരു ശ്രെമവും നടത്തി……………!!

“”…..മീനുവേച്ചീ… വായെണീറ്റേ…  ദേയമ്മ വിളിക്കുന്നുണ്ട്……!!””

ഞാനവളെ കുലുക്കി വിളിച്ചെങ്കിലുമവളനങ്ങിയില്ല…….  കുറേപ്രാവശ്യം കൂടി വിളിച്ചിട്ടുമൊരനക്കവുമില്ല…… അതേയിരിപ്പ്….. ഞാന്നല്ല വൃത്തിയ്ക്കു ഞെട്ടി…….  ചെവിയോർത്തു നോക്കിയപ്പോൾ കരയുന്നയൊച്ചയുമില്ല…… മുട്ടുമടക്കി കൈയാ മുട്ടുകളിൽ ചുറ്റിയതിലേക്കു മുഖം പൂഴ്ത്തിയിരിക്കുന്നതിനാൽ മുഖവും കാണാൻ പറ്റുന്നില്ല…… ഇരുന്നയിരിപ്പിലവളുടെ ബോധം പോയെന്നാണ് ഞാനപ്പോൾ കരുതിയത്…… അതോടെ ഒറ്റ നിമിഷം കൊണ്ട് ഞാനാകെ വിയർത്തു കുളിച്ചു…. ആരെയും പിടിച്ചു കടിക്കരുതെന്നുള്ളയച്ഛന്റെ ഉഗ്രശാസനമുള്ളതാണ്….. അതും  തെറ്റിച്ചാണിപ്പോൾ മീനാക്ഷിയെ കടിച്ചു ബോധം കെടുത്തിയിരിയ്ക്കുന്നത്……….!!

ഒരു നിമിഷമെന്തു ചെയ്യണമെന്നറിയാതെ ഞാനാകെ പകച്ചു നിന്നു….. പിന്നെ രണ്ടും കൽപിച്ചു വീണ്ടുമവളെ കുലുക്കി എണീപ്പിക്കാൻ നോക്കി…… ആദ്യമൊക്കെ അത്യാവശ്യം ധൈര്യത്തോടെയൊക്കെയാണ് വിളിച്ചതെങ്കിലും അവളനങ്ങാതെ വന്നതോടെ അതുപിന്നെയൊരേങ്ങലടിയും കരച്ചിലുമൊക്കെയായി മാറി…….! എന്നെ കളിയാക്കിയ കൊണ്ടല്ലേ ഞാൻ കടിച്ചേ… അച്ഛനെന്നോടാരേം കടിക്കല്ല്ന്ന് പറഞ്ഞയാ… അറിയാണ്ടാ ഞാൻ കടിച്ചുപോയേ….  എണീര് ചേച്ചീന്നൊക്കെപ്പറഞ്ഞുള്ളയെന്റെ പതം പറഞ്ഞുള്ള കരച്ചിലിന്റെയവസാനമാണ് അവളൊന്നു മുഖമുയർത്തിയത്…………!!

അവളെന്നെ നോക്കി കളിയാക്കി ചിരിച്ചുകൊണ്ടാണ് മുഖമുയർത്തിയതെങ്കിലും എനിക്കപ്പോൾ ജീവൻ തിരിച്ചുകിട്ടിയ സന്തോഷമായിരുന്നു….. ചിരിച്ചുകൊണ്ടിരുന്നയവളെ പിടിച്ചെഴുനേല്പിക്കാനാണ് ഞാനപ്പോൾ ശ്രമിച്ചത്………!! ആരെങ്കിലും പെട്ടെന്ന് കയറി വരികയാണെങ്കിൽ അവളങ്ങനെ നിലത്തിരുന്നാൽ പണി പാളുമെന്നറുപ്പുള്ളതു കൊണ്ട്,  പെട്ടെന്നുതന്നെ കക്ഷത്തിലൂടെ കൈകയറ്റിയവളെ വലിച്ചെഴുനേല്പിക്കാൻ ഞാൻ പരമാവധി ശ്രമിച്ചെങ്കിലും  ഇക്കിളികൊണ്ടോയെന്നെ കളിയാക്കാനോയെന്നറിയില്ല അവളവിടിരുന്നു ചിരിച്ചുകൊണ്ട് ബലം പിടിച്ചു………! എനിക്കാണെങ്കിലെങ്ങനെയെങ്കിലും അവളെയൊന്നെഴുന്നേൽപ്പിച്ചാൽ മതിയെന്നായിരുന്നു…….! അതിനമ്മ വിളിക്കുന്നുണ്ട്… ചേച്ചിയിപ്പ വരുമെന്നൊക്കെയുള്ള മുടന്തൻ ന്യായങ്ങൾ നിരത്തി…. എന്തായാലുമവസാനം ഞാൻ വീണ്ടും കാറുമെന്നുള്ളയവസ്ഥ വന്നപ്പോളവളെഴുന്നേറ്റു….. എന്റെയുദ്യമം വിജയിച്ച സന്തോഷത്തിൽ ഞാനുമപ്പോളൊന്നു ചിരിച്ചു…… പക്ഷേയാ സന്തോഷവുമധികം നീണ്ടുനിന്നില്ല…………!!

“”…..നീയെന്തോത്തിനാടായെന്നെ കടിച്ചേ…??””

മീനാക്ഷി വയറു തിരുമിക്കൊണ്ടെന്നെ നോക്കി ചോദിച്ചു…………!!

“”……മീനുവേച്ചിയെന്തോത്തിനാ യെന്നെ കളിയാക്കിയെ….??””

“”…..കളിയാക്കിയെന്നുവെച്ച് നീയെല്ലാരേങ്കടിക്കുവോ… ആഹാ… അതു കൊള്ളാലോ….!!””

അവളു കലിപ്പായതുമെന്റെ ഗ്യാസ് വീണ്ടും പോയി….. ആരുമറിയാതിരിക്കാൻ ബോധം കെട്ടു കിടന്നവളെ വിളിച്ചെഴുനേല്പിച്ചതാണ്…..  അതിപ്പോൾ വീണ്ടും കുരിശായിരിക്കുന്നു……! കൂട്ടത്തിലവൾ വാതിലിനടുത്തേക്ക് പോകാൻ കൂടിയാഞ്ഞതോടെയെന്റെ ഫുൾ ഫ്യുസും പോയി…… മറ്റൊന്നുമാലോചിക്കാതെ ഓടിച്ചെന്ന് പിന്നിൽ നിന്നവളെ കെട്ടിപ്പിടിച്ചു കരഞ്ഞു….. അച്ഛനോടു പറയരുതെന്നും അച്ഛനറിഞ്ഞാൽ തല്ലുമെന്നുമൊക്കെ കരഞ്ഞുകൊണ്ടാണ് പറഞ്ഞു തീർത്തത്………! എന്തായാലുമതേറ്റു…… ആദ്യമൊക്കെ ബലം പിടിച്ചെങ്കിലും ആരോടും പറയില്ലെന്നുറപ്പു പറഞ്ഞിട്ടാണ് ഞാങ്കരച്ചിലും കെട്ടിപ്പിടുത്തവും നിർത്തിയത്…… അവളുടെയുറപ്പു കിട്ടിയതും സ്വിച്ചിട്ടപ്പോലെ കരച്ചിലും നിന്നു….. അതോടെയവളെന്നെ സംശയത്തോടെയൊന്നു നോക്കി……………!!

“”…..കള്ളക്കരച്ചിൽ ആരുന്നോടാ….??”””

“”……ങ്ഹൂം…. സത്യായിട്ടും അച്ഛനറിഞ്ഞാലെന്നെ തല്ലും…..!!””

ഞാൻ നിസ്സഹായനായി പറഞ്ഞു………!!

“”……അത്രക്കും  പേടിയുള്ളവരെന്തിനാ കടിയ്ക്കാമ്പോയേ….?? പിന്നെന്റെ വേദനയിപ്പോഴും മാറീട്ടില്ലാട്ടോ…..! അച്ഛനോടു പറഞ്ഞു രണ്ടെണ്ണം മേടിച്ചുതരുവാ വേണ്ടത്……!!””

അവളൊരു ചിരിയോടെയാണ് പറഞ്ഞതെങ്കിലും അതുകേട്ടപ്പോൾ ഞാനൊന്നു ഞെട്ടി…….! ഇവളിനി വാക്കുമാറുമോ….?? മാറിയാലിന്നെന്റെ പുറംപൊളിയും…….! പണ്ടിങ്ങനെയമ്മേ കടിച്ചതിന് അച്ഛന്തല്ലിയതിന്റെ പാട് രണ്ടു ദിവസം തൊടേലുണ്ടാരുന്നു…… ആയോർമ്മ മനസ്സിലേക്ക് തികട്ടി വന്നതും ഞാനൊരു സന്ധി സംഭാഷണത്തിനൊരുങ്ങി……..! സാധാരണ കടി വെച്ചു കൊടുക്കുമ്പോളമ്മയോടും ചേച്ചിയോടും കാണിക്കുന്ന അതേയടവ്, അല്ലെങ്കിൽ മറ്റാർക്കുമിതേവരെ പറഞ്ഞു കൊടുക്കാത്തയെന്റെയാ ഭീകര മെഡിസിൻ മീനാക്ഷിക്കും കൊടുക്കാൻ ഞാൻ തീരുമാനിച്ചു………! സാധാരണയത് ചെയ്തുകൊടുത്താലമ്മയും ചേച്ചിയുമച്ഛനോട് പറയാറില്ല…… അങ്ങനെ ചെയ്താലുടനെ വേദന കുറയുന്നുമുണ്ട്…… രണ്ടുദിവസം മുന്നേയമ്മേനെ പിടിച്ചു കടിച്ചപ്പോഴുമാ മരുന്നിന്റെ റിസൾട്ടു ഞാനനുഭവിച്ചറിഞ്ഞതാണല്ലോ…… ആയുറപ്പിൽ ഞാനാ മരുന്നവൾക്ക് വെച്ചുനീട്ടാൻ തന്നെ തീരുമാനിച്ചു…………..!!

“”…..വേദന കുറച്ചന്നാലാരോടും പറയാതിരിക്കോ….??””

ഞാൻ പ്രതീക്ഷയോടെയവളെ നോക്കി…………!!

“”…..അതിനു വേദന കുറഞ്ഞാലല്ലേ…..??””

“”…..വേദനയൊക്കെ കുറഞ്ഞോളും….. ആരോടും പറയാണ്ടിരുന്നാ മതി……!!””

“”…..ആരോടും പറയാണ്ടിരുന്നാൽ വേദന കുറയോ….??””

അവളൊരാക്കിയ ചിരിയോടെയെന്നെ നോക്കി………!!

“”…..ങ്ഹൂം…..!! ഞാമ്മേദന കുറച്ചു തരാം… എന്നാലാരോടും  പറയാണ്ടിരിക്കോ…??”””

ഞാൻ കൂടുതൽ പ്രതീക്ഷയോടെയവളെ നോക്കി….. എന്റെ മരുന്നിന്റെ ഫലസിദ്ധിയിൽ എനിക്കു നല്ല വിശ്വാസമുണ്ടായിരുന്നതിനാൽ അവളൊന്ന് സമ്മതിച്ചാൽ മതിയെന്ന പ്രാർഥനയിലായിരുന്നു ഞാൻ….. എന്തായാലും വേദന കുറഞ്ഞാലാലോചിക്കാമെന്നൊരു അനുകൂല മറുപടി കിട്ടിയതുമെന്റെ മുഖമൊന്നു തെളിഞ്ഞു………….!!

“”…..എന്നാലുടുപ്പു പൊക്ക്… വേദന ഞാമ്മാറ്റിത്തരാം…..!!”””

“”…..ഉടുപ്പു പൊക്കാനോ എന്തിന്……??””

ഒരു ഡോക്ടറുടെ ഭാവത്തിൽ വളരെ സീരിയസായി പറഞ്ഞയെന്നെനോക്കി അത്യധികമമ്പരപ്പോടെയാണവളത് ചോദിച്ചത്…… അവളെന്തിനാ അത് പറയുമ്പോൾ ഇത്രക്കങ്ങോട്ടു ഞെട്ടുന്നതെന്ന അമ്പരപ്പിലായിരുന്നു ഞാനും……! കാരണമപ്പോളെന്റെ മനസ്സിൽ വേണ്ടാത്തൊരു ചിന്തയുമുണ്ടായിരുന്നില്ല……….! അതുകൊണ്ടവളുടെ മുഖത്തുണ്ടായിരുന്നയതേ അത്ഭുതത്തോടെയാണ് ഞാനും മറുചോദ്യമിട്ടത്………….!!

“”…….അപ്പോൾ വേദന മാറ്റണ്ടേ….??””

“”…….വേദന മാറ്റാനെന്തിനായുടുപ്പ് പൊക്കുന്നേ….? ?””

“”……ഉടുപ്പു പൊക്കിയാലല്ലേ യവടങ്കാണാമ്പറ്റൂ….?? ഉടുപ്പ് പൊക്കീട്ടവടെ യൊന്നൂതിക്കൊടുത്താ മതി….. വേദനയപ്പമാറിക്കോളും……!!”””

ഞാനെന്റെ മരുന്നുമതിന്റെ പ്രയോഗവും നെഞ്ചുവിരിച്ചുനിന്നു  പറഞ്ഞതുമവളൊരൊറ്റ ചിരിയായിരുന്നു…… കൂട്ടത്തിൽ പൊട്ടനെന്നും പറഞ്ഞുകൊണ്ടെന്റെ തലയിലൊരുകൊട്ടും…….! എന്നെ വീണ്ടും കളിയാക്കിക്കൊണ്ട് തട്ടിയ ആ കൈ തട്ടിയെറിഞ്ഞുകൊണ്ട് ഞാനാ മുഖത്തേക്ക് ദേഷ്യത്തോടെ നോക്കി…. . ഇതിലെന്തായിപ്പൊയിത്ര ചിരിയ്ക്കാനെന്നായിരുന്നു അപ്പോളെന്റെ മനസ്സിൽ……….!!

“”…..ചിരിക്കുവൊന്നുംവേണ്ട… ഊതിയാ വേദന മാറും….!!”””

“”…..എന്നാരുപറഞ്ഞു…??””

അവൾ വാപൊത്തി ചിരിച്ചു കൊണ്ടു ചോദിച്ചു………..!!

“”…..അമ്മേം കീത്തുവേച്ചീമ്പറഞ്ഞല്ലോ… പിന്നെന്താ…..??”””

“”……അതെന്തായവരേന്നീ പിടിച്ചു കടിച്ചോ….??””

ആകാംഷയോടു കൂടിയയവളുടെ ചോദ്യത്തിന് മുഖംതാഴ്ത്തിനിന്നൊരു മൂളലോടെ ഞാനാ സത്യമേടറ്റുപറഞ്ഞതും   അവൾ വീണ്ടുമാർത്തു ചിരിച്ചു കൊണ്ടു വാതിലിന് നേരെ നീങ്ങി……  ഞാനാകെ ഭയന്നു…… വേദന മാറീട്ടില്ല…… ഇവളിനി അതുംകൂടെക്കൂട്ടിയച്ഛനോട് പോയി പറയാനാണോ…?? എങ്ങനെയെങ്കിലും അതൊന്ന് മാറ്റിക്കൊടുത്താൽ പ്രശ്നം തീരുമല്ലൊന്നു കരുതി ഞാൻ പിന്നാലെയോടി…… ഓടുക മാത്രമല്ല ചെന്നാ ചുരിദാറിന്റെ ടോപ്പ് പിന്നിൽനിന്നു വലിച്ചങ്ങു പൊക്കുകകൂടി ചെയ്തു………!

“”……എന്തുവാടായീ  കാണിക്കുന്നെ….??”””

മീനാക്ഷി ദേഷ്യത്തോടെ ചോദിച്ചതുമെന്റെ മുഖം വിളറി……..!!

“”……ഞാനൂതി തരാം… അച്ഛനോട് പോയി പറയല്ലേ പ്ലീസ്……!!”””

ഞാനവളുടെ മുഖത്തേക്ക് നോക്കി കെഞ്ചി…. എന്റെ ഭാവം കണ്ടിട്ടാവണമവളുടെ മുഖത്തും ചെറിയൊരു സഹതാപം പോലെ….. എന്നാലും ഞാൻ വീണ്ടും കൈക്കലാക്കിയയവളുടെ ചുരിദാറിന്റെ മുൻവശം അവൾ വീണ്ടും തട്ടി താഴേക്കിട്ടു…… അതോടെയെന്റെ മുഖമാകെ മാറിയതും അവളൊന്നടങ്ങി……..!!

“”….സാരോല്ല പോട്ടെ… എനിക്ക് വേദനയൊന്നൂല്ല……!!””

അവളെന്നെ സാന്ത്വനിപ്പിയ്ക്കാൻ ശ്രെമിച്ചെങ്കിലുമെനിക്ക് സംശയം മാറിയില്ല…… അതുകൊണ്ട് ഇതാരോടുമ്പറയില്ലെന്ന് അവളെക്കൊണ്ടെന്റെ കയ്യിലമ്മസത്യമിടീപ്പിച്ചു…….!! അമ്മസത്യമിട്ടാൽപിന്നെ അതു മാറ്റരുതെന്നാണല്ലോ പ്രമാണം…..!!

സത്യമിടുന്ന കൂട്ടത്തിലവളെന്നെക്കൊണ്ടും ഇടീപ്പിച്ചു ഒന്ന്….. അമ്മേനെയോ ചേച്ചീനെയോ ഇനി കടിക്കരുതെന്ന്…..! ഇനി ഞാൻ കടിച്ചൂന്നറിഞ്ഞാൽ അവളെ കടിച്ചതുമവളച്ഛനോട് പറഞ്ഞുകൊടുക്കുമെന്ന് ഭീക്ഷണിപ്പെടുത്തിയപ്പോൾ സമ്മതിക്കുകയല്ലാതെ എനിക്കുവേറെ നിവർത്തിയില്ലായിരുന്നു……. അതോടെയെന്റെ വജ്രായുധമന്നവളുടെ മുന്നിൽ ഞാനടിയറ വെച്ചു…… എന്തായാലും ഞാൻ സത്യമിട്ടതും അവളെനിക്കൊരു ഉമ്മ കൂടി തന്നു. കവിളിൽത്തന്നെ….. അതും വിടർന്ന ചിരിയോടെ……….!!

അന്നത്തെയാ സംഭവത്തിനു ശേഷം അവൾക്കെന്നോടെന്തോ താല്പര്യമുണ്ടെന്ന് ഞാനുറച്ചു വിശ്വസിച്ചു…. അല്ലെങ്കിലുമ്മ തരില്ലല്ലോ… പോരാത്തതിന് കടിച്ച വിവരവും ലവ് ലെറ്ററു കൊടുത്തതുമൊന്നും ആരോടും പറഞ്ഞതുമില്ല….  അതിൽ പിന്നെ ഓരോരോ കാരണങ്ങലുണ്ടാക്കി അവളുടെ വീട്ടിലേയ്ക്കു പോകാനുള്ള ത്വരയും കൂടിവന്നു….. ആദ്യത്തെ ഒന്നുരണ്ടു തവണ കടിച്ചതിന് വേദനയുണ്ടോ എന്നറിയാനായിരുന്നു പോക്ക്….. ഇല്ലെന്നവൾ പറഞ്ഞെങ്കിലും വേണമെങ്കിൽ ഊതിത്തരാം എന്നുവരെ ഞാൻ വാഗ്ദാനം ചെയ്തു…… കുറച്ചെങ്കിലും വേദന ബാക്കി നിൽപ്പുണ്ടെങ്കിൽ അതങ്ങു പോട്ടെ എന്നതായിരുന്നു എന്റെ മനസ്സിലിരിപ്പ്…… എന്തായാലും അതവൾ വേണ്ടാന്നു പറഞ്ഞെന്നെ ഒഴിവാക്കി………!!

പിന്നെപ്പിന്നെയവളെ കാണാനുള്ള ഒരവസരവും ഞാൻ പാഴാക്കിയില്ല…..  ക്ഷേത്രത്തിലേയ്‌ക്കോ അല്ലെങ്കിലേതെങ്കിലും കല്യാണത്തിനോ ഒക്കെ പോകുമ്പോൾ കീത്തുവേച്ചിയ്ക്കും മീനാക്ഷിയ്ക്കും ഞാനെസ്‌കോർട്ടായി…..  അവള് നോക്കി ചിരിയ്ക്കുന്നതും വാർത്താനം പറയുന്നതുമെല്ലാം എന്നോടുള്ള മുടിഞ്ഞ പ്രേമം കൊണ്ടാണെന്ന് കരുതി നടന്ന സമയം……….!!

അങ്ങനെയെന്റെ പ്രണയത്തിന്റെയാഴമെത്രയാന്ന് അവളെ ബോധ്യപ്പെടുത്തുന്നതിനായി എന്തു ചെയ്യണമെന്നാലോചിച്ചു നടക്കുമ്പോഴാണ് ഓണാവധി കഴിഞ്ഞു ക്ലാസ്സിൽ വന്നൊരു ചെക്കൻ കയ്യിൽ സ്വന്തം പേര് റ്റാറ്റു കുത്തിയതു കാണുന്നത്….. അതിൽപരം വേറൊരു ഐഡിയയില്ലല്ലോ…..!! ഇപ്പൊ നിങ്ങള് വിചാരിയ്ക്കുന്നുണ്ടാവും ഞാനും പോയി റ്റാറ്റു അടിച്ചെന്ന്….  പക്ഷേ.. ഇല്ല….. അന്നെനിയ്ക്കു ഭയങ്കര ബുദ്ധിയാരുന്നു….  റ്റാറ്റു അടിച്ചാൽ വീട്ടിൽ പൊക്കോന്നും അതിന്റെ കേസില് തല്ലുകൊള്ളോന്നുമൊക്കെയുള്ള വിവരമുള്ളോണ്ട് ആ പണി ചെയ്തില്ല…..  പകരം വൈകുന്നേരം വീട്ടിൽ വന്നൊരു പേനയും ബ്ലെയിഡുമെടുത്ത് നേരേ റൂമിൽ കയറി കതകടച്ച് കൊത്തു പണി തുടങ്ങി….. പേനകൊണ്ട് ബോഡറൊക്കെ വരച്ച് അളവു തെറ്റാതെ അതിലൂടെ ബ്ലേഡുകൊണ്ട് വരഞ്ഞെഴുതുമ്പോഴുള്ള വേദന പോലും ഞാൻ കടിച്ചു പിടിച്ചു….. സ്നേഹിയ്ക്കുന്ന പെണ്ണിനു വേണ്ടിയെത്ര വേദന

സഹിയ്ക്കാനുമൊരുക്കമായിരുന്ന എന്റെ മനസ്സേ…. ഹോ..!! പാവം ഞാൻ……….!!

ബ്ലേഡ് കൊണ്ടു വരഞ്ഞെഴുതിയിട്ടു തെളിച്ചം പോരെന്നു തോന്നിയപ്പോൾ എഴുതിയ ഭാഗം ഒന്നമർത്തി ഞെക്കി രക്തം പൊടിയിച്ചെങ്കിലും ഒരു തൃപ്തി വന്നില്ല….. അങ്ങനെ ചുവന്ന സ്കെച്ച് പെന്നുകൊണ്ട് ചെറിയൊരു ഡെക്കറേഷനൊക്കെ നടത്തി അവസാനമെത്തിയപ്പോൾ ചെറിയൊരു ഡൌട്ട്…. മീനാക്ഷിയെന്നെഴുതുമ്പോൾ  അവസാനം “ഐ” യാണോ “വൈ” യാണോന്ന്…… അപ്പോഴേയെന്റെ പ്രായോഗിക ബുദ്ധിയുണർന്നു….. മുകളിലത്തെ കുത്തിടാതെ “ഐ” യിടാം….  അങ്ങനെ വരുമ്പോൾ ഇനി “വൈ” ആണേലും തിരുത്താലോ……….!!

അന്നൊക്കെ സ്കൂളിലും വഴിയിലുമൊക്കെ അലച്ചിട്ടു വരുന്നതുകൊണ്ട് അമ്മ കുളിച്ച ശേഷമേ വൈകുന്നേരത്തെ ചോറു തരുള്ളൂ….. കുളിയ്ക്കുവാണേൽ അടിച്ചിറക്കിയ റ്റാറ്റു മാഞ്ഞുപോയാലോയെന്നു കരുതി അമ്മ കാണാതെ ഉമ്മറം വഴിയിറങ്ങിയോടി…… ഓടുമ്പോഴും ചെറിയമ്മയോ ശ്രീക്കുട്ടനോ ശ്രീക്കുട്ടിയോ പുറത്തില്ലെന്നുറപ്പു വരുത്താനുമൊക്കെ എന്നെയാരും പഠിപ്പിയ്ക്കേണ്ട കാര്യമില്ലെന്നു നിങ്ങൾക്കറിയാലോ….. ല്ലേ…??

യൂണിഫോം ഷേർട്ട് ഹാഫ് സ്ലീവായതു കൊണ്ട് കയ്യിലെ റ്റാറ്റു ആരെങ്കിലും കാണുമോയെന്നുള്ള പേടിയോടെ ഇടതു കൈയും പിന്നിലൊളിപ്പിച്ചു കൊണ്ട് ഞാനൂടുവഴിയോടി…… റോഡിലേയ്ക്കു കയറുമ്പോൾ കീത്തുവേച്ചിയോടൊപ്പം കഥയും പറഞ്ഞു കൊണ്ട് ഒറ്റതോളിൽ ബാഗുമിട്ട് മറുകൈയിൽ വയലറ്റ് കുടയും പിടിച്ചു കൊണ്ടുവരുന്ന മീനാക്ഷിയെ കണ്ടു….. അന്ന് ഒൻപതാം ക്ലാസ്സിനൊക്കെ മൂന്നരയ്ക്കു ക്ലാസ്സ് കഴിയും  പ്ലസ്ടുവിന് നാലര വരെ ക്ലാസ്സുണ്ട്……….!!

ഞാൻ ചേച്ചി കാണാതെയിടതു വശത്തുള്ള പൊന്തയിലേയ്ക്കു കയറി നിന്നു…… സാധാരണ മീനാക്ഷിയെയും വീട്ടിലാക്കിയൊരു ചുറ്റുകഴിഞ്ഞ് വീട്ടിലേയ്ക്കു വരാറുള്ള ചേച്ചി മീനാക്ഷിയോടെന്തോ പറഞ്ഞിട്ട് അന്നിടവഴി പിടിച്ചു….. പൊന്തക്കാട്ടിലൊളിച്ചിരുന്ന എന്നെയും മറികടന്നു പോകുന്നതും നോക്കി ഞാനക്ഷമനായി നിന്നു…… കുറച്ചു മുന്നിലേയ്ക്കു നടക്കുമ്പോഴുള്ള മതിലിന്റെ ഓരം ചേർന്നുള്ള വളവു കഴിയുന്നതുവരെ ചേച്ചിയെയും നോക്കിനിന്ന ഞാനവള് തിരിഞ്ഞു നോക്കില്ലെന്നുറപ്പായതും പൊന്തയിൽ നിന്നും പുറത്തു ചാടി…………!!

റോഡിലൂടെ ഓരം ചേർന്നു നടക്കുന്നയവളുടെ പിന്നാലെ ചെന്നപ്പോൾ പെട്ടെന്നോടി ചെന്ന് പിന്നിൽ നിന്നും പേടിപ്പിച്ചാലോന്നൊന്ന് ആലോചിച്ചതാ….. പിന്നെ വേണ്ടെന്നു വെച്ചു……  ആളത്ര വെടിപ്പല്ലാത്തോണ്ട് ചിലപ്പോൾ കുട മാറിപ്പിടിച്ചടിയ്ക്കും…….!!

അടുത്ത വളവു കഴിയുമ്പോൾ കടകളൊക്കെയുള്ളതുകൊണ്ടും ആൾക്കാരൊക്കെ ശ്രെദ്ധിയ്ക്കുമെന്നുള്ളതു കൊണ്ടും ഞാൻ പിന്നാലെയോടി….. റോഡിലെന്റെ കാലടി കേട്ടിട്ടെന്നോണം പെട്ടെന്നവൾ തിരിഞ്ഞു നോക്കിയപ്പോഴേയ്ക്കും ഞാനവൾക്കടുത്തെത്തിയിരുന്നു……..!!

“””…..മ്മ്മ്….??”””

എന്നെ നോക്കിയവൾ ചെറുചിരിയോടെ പുരികമുയർത്തി ചോദിച്ചപ്പോൾ ഞാനൊന്നുമില്ലയെന്നർത്ഥത്തിൽ ചുമൽകൂച്ചിക്കൊണ്ട് പരുങ്ങി നിന്നു….. അപ്പോഴുമിടതു കയ്യിലെ റ്റാറ്റുവാരും കാണാതെ കൈരണ്ടും  പിന്നിലൊളിപ്പിച്ചു പിടിച്ചിരിയ്ക്കുവായിരുന്നു………!!

തുടരും…….!!