💝💝കാലം കരുതിവച്ച പ്രണയം 2

എല്ലാവർക്കും നമസ്കാരം,

കഥയുടെ ആദ്യ ഭാഗത്തിന് നിങ്ങൾ നൽകിയ സപ്പോർട്ടിന് ആദ്യമേ നന്ദി പറയുന്നു. തുടർന്നും നിങ്ങളുടെ സപ്പോർട്ട് പ്രതീക്ഷിച്ചുകൊണ്ട് കഥയുടെ ബാക്കി ഭാഗം ഇവിടെ തുടരുകയാണ് നിങ്ങളുടെ അഭിപ്രായം തീർച്ചയായും കമന്റുചെയണം .

എന്നാൽ തുടങ്ങട്ടെ ……,

……………………..

” ഇതൊരുമാതിരി കടിക്കുന്ന പട്ടിയെ പൈസ കൊടുത്തു വാങ്ങിയ അവസ്ഥ ആയല്ലോ ദൈവമേ…..എന്റെ പൊന്ന് പിള്ളേരെ എനിക്കൊരു കണക്ഷനും ഇല്ല. ജോലി കിട്ടി രണ്ടുമൂന്ന് വർഷം കഴിഞ്ഞ് മതി എന്നായിരുന്നു എന്റെ പ്ലാൻ …… എന്നെ ഒന്ന് വെറുതേ വീടുവോ ……. ”

ഞാനത് പറഞ്ഞ രീതി കേട്ടതും എല്ലാവരും പൊട്ടി ചിരിച്ചു കൂട്ടത്തിൽ ആരതിയും . അവളുടെ ആ ചിരികണ്ടപ്പോൾ തന്നെ എന്തോ നല്ല സന്തോഷം തോന്നി ……….

“സാർ ഇത്രയ്ക്ക് പാവമാണോ ? ഇത്രയ്ക്ക് ഫ്രണ്ട്ലി ആയിട്ട് സംസാരിക്കുന്ന ആരും ഞങ്ങൾക്ക് അദ്യാപകനായിട്ട് ഇതുവരെ വന്നിട്ടില്ല.”

ഒരു ആൺകുട്ടിയാണ് എന്നോടിത് പറഞ്ഞത്.

“എന്താ തന്റെ പേര് . എല്ലാവരുടെയും പേര് പഠിക്കാൻ കുറച്ച് ദിവസമെടുക്കും. ”

“ഹരി , അതാണ് സർ എന്റെ പേര്. ”

” ആ ഹരി ഞാനും മൂന്നു കോളേജിൽ പഠിച്ചിട്ടുണ്ട് വിവിധ ഡ്രിഗ്രികൾക്ക് . അതുകൊണ്ട് നിങ്ങളുടെ മനസ്സ് വായിക്കാൻ എനിക്ക് കഴിയും. അതുകൊണ്ടാണ് ഇത്ര ഫ്രണ്ട്ലി ആയിട്ട് ഞാൻ നിങ്ങളോട് പെരുമാറുന്നതും നിങ്ങൾക്ക് ഇത്രയും ഫ്രീഡം നൽകുന്നതും. പക്ഷെ അത് നിങ്ങൾ ഒരു കാരണവശാലും മിസ്സ് യൂസ് ചെയ്യരുത്. എങ്കിൽ എന്റെ ഈ സ്വഭാവം മാറും, എന്നാൽ ശരി നാളെ തൊട്ട് ഞാൻ ക്ലാസ്സ് എടുക്കുന്നതായിരിക്കും അതിനുള്ള പ്രിപ്രേഷനുമായി വരിക. താങ്ക്സ് . ”

ഞാൻ അവരോട് ഇത്രയും കാര്യങ്ങൾ പറഞ്ഞ ശേഷം ഡിപ്പോർട്ട്മെന്റിലേക്ക് തിരിച്ചു.

ഒരു മണിയായപ്പോൾ ലൻജ് ബ്രേക്ക് ആയി . ഞാൻ നോക്കിയപ്പോൾ നീനു പുറത്ത് വന്ന് നിൽപ്പുണ്ട്.

“ഇന്ന് ചേട്ടന്റെ ചിലവാണെന്ന് പറഞ്ഞത് മറന്നിട്ടില്ലല്ലോ ? ഞാൻ കാശെടുത്തിട്ടില്ല കേട്ടല്ലോ?”

“ഉവ്വേ …… നീ വാ ക്യാന്റീനെവിടെയാ , നിനക്ക് എന്ത് വേണമെങ്കിലും ഞാൻ വാങ്ങിച്ച് തരാം.”

“ചേട്ടനായാൽ അങ്ങനെ വേണം ”

നീനു അതും പറഞ്ഞ് എന്റെ കയ്യിൽ തൂങ്ങി ക്യാന്റീനിലേക്ക് നടന്നു. ക്യാന്റീനിലെ ഒരു ടേബിളിൽ ഞങ്ങൾ സ്ഥാനം പിടിച്ചു.

” നിനക്കെന്തു വേണം ”

“ഉം….. ചിക്കൻ ബിരിയാണി ”

അവൾ അതു പറഞ്ഞതും രണ്ട് ചിക്കൻ ബിരിയാണി ഞാൻ ഓർഡർ ചെയ്തു.

“എന്താ സാറെ നമ്മളെയൊന്നും മൈന്റില്ലേ.

”

എന്നെ ക്ലാസ്സിലിട്ട് കുഴപ്പിച്ച ആ പെൺകുട്ടി, രേവതി അതാണ് അവളുടെ പേര്, അവളാണ് എന്നോട് ചോദിച്ചത്. കൂട്ടത്തിൽ ആരതിയും ക്ലാസ്സിലെ നാലഞ്ച് പെൺകുട്ടികളുമുണ്ട്.

“ആ നിങ്ങളൊ ഞാൻ കണ്ടില്ല ”

” ഇതാരാ …… ഇവളെ ഞാനിവിടെ വച്ച് കണ്ടിട്ടുണ്ടല്ലോ?”

നീനുവിനെ ചൂണ്ടി രേവതി ചോദിച്ചു.

” ഇത് എന്റെ അനിയത്തിയാ…. പേര് നീനു . ഇവിടെ MA ഇംഗ്ലീഷ് ഫസ്റ്റ് ഇയറാ. ”

“ആഹാ … സ്വന്തം അനിയത്തി ഇവിടെ പഠിക്കുന്ന കാര്യം സാർ എന്താ ഞങ്ങളോട് പറയാത്തെ …. ”

” അതിന് നിങ്ങളാരും എന്റെ ബാക്കി ഡീറ്റൈൽസ് ചോദിച്ചില്ലല്ലോ ?”

” സർ ഇതൊക്കെ ഇങ്ങോട്ട് പറയേണ്ടതല്ലേ … ”

രേവതി അതും പറഞ്ഞ് നീനുവിനെ പരിചയപ്പെട്ടു.

” എന്നാൽ ശരി സർ . ഞങ്ങൾ വല്ലതും തട്ടട്ടെ …”

അവളതും പറഞ്ഞ് അവർ മറ്റൊരു ടേബിളിൽ സ്ഥാനം പിടിച്ചു. അപ്പോഴേക്കും ഞങ്ങളുടെ ആഹാരമെത്തി ഞങ്ങൾ കഴിച്ചു തുടങ്ങി.

” വന്ന ദിവസം തന്നെ ക്ലാസ്സിലുള്ള പെൺപിള്ളേരെ കയിലെടുത്തോ ? ”

കഴിക്കുന്നതിനിടയ്ക്ക് നീനു കുറുമ്പോടെ ചോദിച്ചു.

“എന്റെ പൊന്നോ നീ ഇനി അതില് കേറി തൂങ്ങിക്കോ ….. തേർഡ് പിരീഡ് അവരുടെ ക്ലാസ്സിൽ കയറി എല്ലാവരെയും പരിചയപ്പെട്ടു, ആ കൂട്ടത്തിൽ പരിജയപ്പെട്ടതാ അവരെ . നിന്നെ തിരക്കിയില്ലേ അവൾക്ക് ഒടുക്കത്ത തന്റേടമാ….എനിക്ക് ലൈൻ ഉണ്ടോ എന്ന് വരെ അവൾ ക്ലാസ്സിൽ എല്ലാവരുടെയും മുന്നിൽ വച്ച് എന്നോട് ചോദിച്ചു.”

“അപ്പൊ പള്ളിക്കാരി ചില്ലറക്കാരിയല്ല ചേട്ടൻ ഒന്ന് സൂക്ഷിച്ചോ?, പിന്നെ ചേട്ടനെ വായിനോക്കി എന്ന് വിളിയില്ലേ ആ ചേച്ചി ചേട്ടന്റെ ഡിപ്പാർട്ട്മെന്റാണല്ലേ , ദേ ഇടയ്ക്ക് ചേട്ടനെ നോക്കുന്നുണ്ട്. ”

നീനു അത് പറഞ്ഞപ്പോഴാണ് ഞാനും അത് ശ്രദ്ധിച്ചത്. ആരതി എന്നെ ഇടയ്ക്ക് നോക്കുന്നുണ്ട്. ഞാൻ തിരിഞ്ഞ് നോക്കുമ്പോൾ പുള്ളിക്കാരി ശ്രദ്ധ മാറ്റുന്നു.

“ചേട്ടാ ആ ചേച്ചിയുടെ പേര് എന്താ ?”

“ആരതി ,അതാണ് അവളുടെ പേര് , എന്താ ഇപ്പൊ അത് ചോദിക്കാൻ ”

“ആ ചേച്ചിക്ക് ചേട്ടനെ ബോധിച്ചു എന്ന് തോന്നുന്നു. ”

” നീനു നിന്റെ ചെവിക്ക് നുള്ള് വേണോ ? അതെന്റെ സ്റ്റുഡന്റാ അത് നീ മനസ്സിലാക്കണം. ”

” എപ്പോഴും ഇങ്ങനെ തന്നെ പറയണം . ”

അവൾ അതും പറഞ്ഞ് എന്നെ സൂക്ഷിച്ച് നോക്കി.

ഞാൻ നീനുവിനെ നോക്കി ഒന്ന് ചിരിക്കുക മാത്രം ചെയ്തു.

ഞങ്ങൾ കഴിച്ച് കഴിഞ്ഞ് ഞാൻ ഡിപ്പാർട്ട്മെന്റിലേക്കും നീനു ക്ലാസ്സിലേക്കും പോയി. പിന്നീട് ഞാൻ കാസ്സിലൊന്നും കറിയില്ല. കൂടെയുള്ള അദ്യാപകരുമായി പെട്ടെന്ന് കമ്പനി ആയതുകൊണ്ട് സമയം പോയതറിഞ്ഞില്ല.വൈകുന്നേരം ഞാൻ നേരത്തെ ഇറങ്ങി. പാർക്കിംഗ് ഏരിയയിൽ നീനുവിനെ കാത്തുനിന്നപ്പോഴാണ് ആരതിയും രേവതിയും എന്റെ അടുത്ത് വന്നത്.

“സർ ആരതി നടന്ന കാര്യങ്ങൾ എന്റോടെ പറഞ്ഞു. ഇവൾക്ക് സാറിന്റോടെ സംസാരിക്കാൻ ഒരു ചമ്മൽ . ”

രേവതി അത് പറഞ്ഞ് തീർന്നതും –

“സർ സോറി, ”

എന്ന് തലകുനിച്ച് കൊണ്ട് ആരതി എന്നോട് പറഞ്ഞു. എനിക്ക് ചിരിയാണ് വന്നത്.

“തന്റെ പേര് ആരതി എന്നല്ലേ .”

“അതെ സർ ”

” ആരതി ….. എന്നെ വായിനോക്കി എന്ന് വിളിച്ച ആദ്യവ്യക്തി താനാണ് ഞാൻ അതു കൊണ്ടാണ് അന്ന് ദേഷ്യത്തിൽ തന്നെ നോക്കിയത്. പിന്നെ ഞാനതു വിട്ടു. ഇപ്പൊ താനെന്റെ സ്റ്റുഡന്റാണ്. ഇതൊക്കെ വെറും കളിയായിട്ടേ ഞാൻ കണ്ടിട്ടുള്ളൂ. അതിന് താൻ സോറി ഒന്നും പറയണ്ട . നിങ്ങൾ പൊയ്ക്കോ…..”

ഞാനതു പറഞ്ഞതും എന്റെ മുഖത്ത് നോക്കി ഒന്ന് പുഞ്ചിരിച്ച ശേഷം അവൾ അവിടുന്ന് പോയി..അവളുടെ ചിരി കണ്ടപ്പോൾ ഞാനറിയാതെ തന്നെ എന്റെ മുഖത്തും ചിരി പടർന്നു.

“എന്താ ചേട്ടാ ഭയങ്കര സന്തോഷം ആ ചേച്ചി എന്താ പറഞ്ഞേ ? എന്തോ ഒരു സ്പെല്ലിംഗ് മിസ്റ്റേക്ക് മണക്കുന്നുണ്ടല്ലോ .”

ഞാൻ ആരതിയോട് സംസാരിക്കുന്നത് കണ്ടുകൊണ്ട് വന്ന നീനു കാര്യം തിരക്കി.

” ഒരു സ്പെല്ലിംഗ് മിസ്റ്റേക്കും ഇല്ല അവള് സോറി പറയാൻ വന്നതാ”

“സോറിയോ ?… ഇത് സംഗതി പന്തികേടാണ് ”

” നീ ഒന്നു വന്ന് വണ്ടിയിൽ കേറിക്കേ ”

ഞാൻ ബൈക്കെടുത്തതും നീനു പുറകിൽ കയറി. ബൈക്ക് കോളേജിന് പുറത്തേക്ക് ഇറങ്ങിയതും നടന്നു വന്ന ആരതി എന്നെ നോക്കി ചിരിക്കുന്നുണ്ടായിരുന്നു ഞാനും ഒന്ന് ചിരിച്ച ശേഷം ബൈക്ക് നേരെ മെയിൻ റോഡിലേക്ക് തിരിഞ്ഞു… ഞാൻ ഹെൽമറ്റ് വച്ചിട്ടില്ലായിരുന്നു അത് നീനുവിന്റെ കയ്യിലായിരുന്നു.

“കൈവിട്ട് പോയി …… ”

ഞാൻ ആരതിയെ നോക്കി ചിരിക്കുന്നത് കണ്ട് നീനു പറഞ്ഞു.

“നീ എന്താ പറഞ്ഞേ ? ”

“ഒന്നുമില്ല എന്റെ ചേട്ടോ ………വണ്ടി വിട് ബാക്കിയൊക്കെ വീട്ടിൽ ചെന്നിട്ട് . ”

നീനു എന്റെ തലയ്ക്കിട്ട് ഒരു കൊട്ടു തന്ന് പറഞ്ഞു.

ഞങ്ങൾ എത്തിയപ്പോഴേക്കും പപ്പയും അമ്മയും എത്തിയിരുന്നു.

” എങ്ങനെ ഉണ്ട് മോനേ കോളേജ് ”

ഞാൻ ബൈക്കിൽ നിന്നും ഇറങ്ങിയതും സിറ്റ്ഔട്ടിൽ പത്രം വായിച്ചു കൊണ്ടിരുന്ന പപ്പ തിരക്കി.

“കൊള്ളാം നല്ല കോളേജാണ് പപ്പാ”

” ഇവിടെ എന്റെ ചേട്ടൻ പോയ ദിവസം തന്നെ എല്ലാരെയും കയ്യിലെടുത്തു. ”

” നീനൂ………”

ഞാൻ അവളെ വിളിച്ചതും അവൾ അകത്തേക്ക് ഓടി. അകത്തു നിന്നു വന്ന അമ്മയും വിശേഷം തിരക്കി എല്ലാം കഴിഞ്ഞ് ഞാൻ റൂമിൽ കയറി ഫ്രഷായി.

സെക്കന്റിയറിനും തേർഡ് ഇയറിനും നാളെ തൊട്ട് ക്ലാസ്സെടുക്കണം. നോട്ട് പ്രിപ്രേഷൻ നടത്തണം ബുക്ക് റഫർ ചെയ്യണം അങ്ങനെ ഒരുപാട് കാര്യങ്ങളുണ്ട്. ഒരു ആദ്യാപക ജോലി വിദ്യാലയത്തിൽ മാത്രമല്ല തിരിച്ച് വീട്ടിൽ എത്തിയാലും അതിന്റെ കാര്യങ്ങൾ ഒരു പാട് ചെയ്യാനുണ്ടാകും.

ഞാൻ ലാപ്ടോപ് കയ്യിലെടുത്ത് ഓരോ ഇയറിന്റെയും ഞാൻ പഠിപ്പിക്കുന്ന വിഷയത്തിന്റെ സിലബസ് വച്ച് നോട്ട് പ്രിപ്രേഷൻ ആരംഭിച്ചു.

“പണി തുടങ്ങിയോ ”

റൂമിന്റെ വാതില് തുറന്ന് അകത്ത് വന്ന നീനു ചോദിച്ചു.

“ഇനി എനിക്ക് ഉറക്കമില്ലാത്ത രാത്രികളായിരിക്കും നീനൂ………”

ഞാൻ ഒരു ദീർഘ നിശ്വാസം വിട്ടുകൊണ്ട് പറഞ്ഞു.

“ഇത്രയും ദിവസം പോത്ത് പോലെ കിടന്നുറങ്ങിയതല്ലേ അനുഭവിച്ചോ ”

അവൾ അതും പറഞ്ഞ് കുറച്ച് നേരം ലാപ്ടോപിൽ ഞാൻ ചെയ്യുന്ന കാര്യങ്ങൾ നോക്കി ഇരുന്നു.

“ചേട്ടാ ……….. ”

“എന്താ നീനൂ…… ?”

ഞാൻ ലാപ്ടോപ്പിൽ നിന്ന് കണ്ണെടുക്കാതെ ചോദിച്ചു.

” ഞാൻ ഒരു കാര്യം ചോദിച്ചാൽ സത്യം പറയുവോ?”

” ഞാൻ നിന്റോടെ കള്ളം പറയുമെന്ന് നിനക്ക് തോന്നുന്നുണ്ടോ ? ”

” അതില്ല. ഞാൻ സ്കൂളിൽ പഠിച്ചിരുന്ന കാലത്ത് എനിക്കുണ്ടായിരുന്ന ലവ് അഭയറിനെ പറ്റിയൊക്കെ ഞാൻ ചേട്ടനോട് പറഞ്ഞിട്ടുണ്ട്. കാരണം അതിനുള്ള സ്വാതന്ത്ര്യമൊക്കെ ചേട്ടൻ തന്നിട്ടുണ്ട് . നമ്മൾ ഫ്രണ്ട്സും കൂടെയാണല്ലോ … അന്ന് ചേട്ടന് ആരെങ്കിലും ഉണ്ടോ എന്ന എന്റെ ചോദിച്ചതിന് ഇല്ല എന്നായിരുന്നു ചേട്ടന്റെ മറുപടി. ”

” അതിന് ?”

അവൾ എന്താണ് ഉദ്ദേശിച്ചത് എന്നറിയാനുള്ള ആകാംഷ കൊണ്ട് ഞാൻ തിരക്കി.

“ഇപ്പോൾ ചേട്ടന് ആരെയെങ്കിലും ഇഷ്ടമാണോ ? ”

” നീ എന്താ ഉദ്ദേശിക്കുന്നേ …. നീനു ”

” സത്യം പറയണം , ചേട്ടന് ആരതി ചേച്ചിയെ ഇഷ്ടമല്ലേ ”

അവളുടെ ആ ചോദ്യം എന്നെ നടുക്കി. ലാപ് ടോപ്പിൽ നിന്ന് ശ്രദ്ധ മാറ്റി ഞാൻ നീനുവിന്റെ മുഖത്തേക്ക് നോക്കി.

“അത്….. ”

“ചേട്ടൻ പറയാൻ കഷ്ടപ്പെടണ്ട , എനിക്കറിയാം എന്റെ ചേട്ടന് ആരതി ചേച്ചിയെ ഇഷ്ടമാണെന്ന് . ചേട്ടൻ ഈ കാര്യം ആ ചേച്ചിയോട് തുറന്നു പറയണം. നിങ്ങൾ രണ്ടു പേരും നല്ല ജോഡിയാ.”

” അത് നടക്കില്ല നീനു … നീ പറഞ്ഞത് ശരിയാണ് ആദ്യം കണ്ടനിമിഷം തന്നെ എനിക്ക് അവളെ ഇഷ്ടമായി. പക്ഷെ ഞാൻ ഇപ്പോൾ അവളെ പഠിപ്പിക്കുന്ന അദ്യാപകനാണ്. എനിക്ക് എന്റേതായ ഉത്തരവാദിത്തങ്ങളും കടമകളുമുണ്ട്.”

ഞാൻ നീനുവിന്റെ മുഖത്ത് നോക്കി പറഞ്ഞു.

“എന്റെ പൊന്ന് ചേട്ടാ പ്രേമത്തിന്റെ മുൻപിൽ ഇത്തരം ന്യായങ്ങൾക്ക് പ്രസക്തിയില്ല. ഓക്കെ …….. ചേട്ടൻ പറയണ്ട . പക്ഷെ താമസിയാതെ ആ ചേച്ചി ചേട്ടനോട് പറയും , ചേട്ടനെ ഇഷ്ടമാണെന്ന് . ”

“നീ എന്താ എന്നെ കളിയാകുകയാണോ നീനു… അവൾക്ക് എന്നെ ഇഷ്ടമാകില്ല. അവളുടെ ആ നോട്ടം കാണുമ്പോഴേ എനിക്ക് പേടിയാകുന്നു.”

“ഇതാ പറയുന്നേ എന്റെ ചേട്ടന് ബുദ്ധിയുണ്ടെങ്കിലും വിവരമില്ല എന്ന്…….എന്റെ പൊന്ന് ചേട്ടാ, ചേട്ടൻ ആ ചേച്ചിയുടെ കണ്ണുകളിലേക്ക് നോക്കിയിട്ടുണ്ടോ ”

” ഉണ്ട് എന്താ ”

” ചേട്ടന് എന്താ ഫീലായിട്ടുള്ളത് ”

” അവളുടെ കണ്ണു കാണുമ്പോഴെ പേടി തുടങ്ങും , ഉള്ള ധൈര്യമെല്ലാം ചോർന്ന് പോകുന്ന പോലെ തോന്നും. ”

” ആ …… വെറുതെയല്ല , ഇങ്ങനെ പേടിക്കല്ലേ ചേട്ടാ…. . ചേട്ടാ ആ ചേച്ചിയുടെ കണ്ണുകളിൽ കണാം ചേട്ടനോടുള്ള ഇഷ്ടത്തിന്റെ അളവ്. ”

” നീ എന്താ ഇംഗ്ലീഷ് സാഹിത്യം പറയുകയാണോ ? നിന്നോട് സംസാരിച്ച് കളയാൻ എനിക്ക് സമയമില്ല ഒത്തിരി പണിയുണ്ട് . നീ പോയിരുന്ന് പഠിക്ക് പോ …”

” ചേട്ടാ ഞാൻ ചുമ്മാതെ പറഞ്ഞതല്ല . ഞാൻ പറഞ്ഞ കാര്യം ചേട്ടൻ മനസ്സിൽ കുറിച്ചിട്ടോ ….. ആ ചേച്ചിക്ക് ചേട്ടനെ ഒരുപാട് ഇഷ്ടമാണ് . ആ ചേച്ചി തന്നെ ചേട്ടനോട് ഇത് പറയും .”

അവൾ അത് വാശിയോടെ പറഞ്ഞ് ചെറിയൊരു പിണക്കത്തോടെ പുറത്തേക്ക് പോയി. അല്പനേരം അവൾ പറഞ്ഞ കാര്യം ഞാൻ ആലോചിച്ചു . ആരതിയുടെ നോട്ടത്തിന് ഇങ്ങനെ ഒരു അർത്ഥമുണ്ടോ ? എന്തോ ? ഞാൻ മനസ്സിലെ സംശയം മൂടിവച്ച് വീണ്ടും ലാപ്ടോപ്പ് കയ്യിലെടുത്ത് വീണ്ടും എന്റേതായ ജോലിയിലേക്ക് തിരിഞ്ഞു.

………………..

“ചേട്ടാ ഇന്ന് ഇതിൽ പോകാം ”

പപ്പയുടെ ബുള്ളറ്റ് ബൈക്ക് ചൂണ്ടികാണിച്ചു കൊണ്ട് നീനു പറഞ്ഞു.

” അല്ലെങ്കിൽ നിനക്ക് എന്റെ വണ്ടി മതിയല്ലോ. ഇന്നെന്താ ബുള്ളറ്റ് ?”

“ആരാ ചേട്ടാ ഒരു ചെയ്ഞ്ച് ആഗ്രഹിക്കാത്തത്. ചേട്ടൻ ഇതോടിച്ചാൽ സ്റ്റയിലായിരിക്കും പ്ലീസ് . ”

“ഇവളുടെ ഒരു കാര്യം ”

ഞാൻ വീടിന്റെ അകത്തു കയറിയ ശേഷം എന്റെ ബൈക്കിന്റെ ചാവി അകത്തു വച്ച് ബുള്ളറ്റിന്റെ ചാവിയെടുത്ത് പുറത്തുവന്നു.

” നോക്കി കൊണ്ടുപോകണം , നീ ഇതോടിച്ചിട്ട് കുറച്ച് ദിവസമായില്ലേ? ”

ഇറങ്ങാൻ നേരം പപ്പ പറഞ്ഞു.

” കുഴപ്പമില്ല പപ്പ , കുറേ നാൾ ഞാൻ ഇവനെയും കൊണ്ട് നടന്നതല്ലേ ”

പഠിക്കുന്ന സമയത്ത് ബുള്ളറ്റായിരുന്ന എന്റെ പടക്കുതിര പിന്നെ Duke കിട്ടിയപ്പോൾ ഇവനെ

കോളേജിന്റെ മെയിൻ ഗേറ്റ് കടന്ന് ബുള്ളറ്റ് അകത്ത് കയറിയപ്പോൾ അതിന്റെ ഗാംഭീര്യ ശംബ്ദം കേട്ട് എല്ലാവരും ഞങ്ങളെ നോക്കുന്നുണ്ട്. ഞാൻ പാർക്കിംഗ് ഏരിയയിൽ ബൈക്ക് ഒതുക്കി.

“ഞാൻ പറഞ്ഞില്ലെ സ്റ്റയിലായിരിക്കുമെന്ന്. ”

നീനു അവളുടെ പുരികം പൊക്കി കാണിച്ചു കൊണ്ട് പറഞ്ഞു. ഞാൻ അവളുടെ തലയ്ക്ക് ഒരു തട്ടും കൊടുത്ത് ഡിപ്പാർട്ട്മെന്റിലേക്ക് പോയി അവൾ ക്ലാസ്സിലേക്കും.

“ഗുഡ് മോണിംഗ് ”

ഡിപ്പാർട്ട്മെന്റിലെ അദ്യാപകർ വിഷ് ചെയ്തപ്പോൾ ഞാനും തിരിച്ച് ഗുഡ് മോണിംഗ് പറഞ്ഞു. ടൈം ടേബിൾ നോക്കിയപ്പോഴാണ് സെക്കന്റ് പിരീഡ് സെക്കന്റ് ഇയറിന് എന്റെ സബ്ജക്ടാണെന്ന് മനസ്സിലായത് …

രണ്ടാമത്തെ പിരീഡിന്റെ സമയമായപ്പോൾ ഞാൻ ലാപ്ടോപ്പും ടെസ്റ്റും, സ്റ്റുഡന്റ് രജിസ്റ്ററുമെടുത്ത് ക്ലാസ്സിലേക്ക് തിരിച്ചു.

“ഗുഡ് മോണിംഗ് സർ ”

ക്ലാസ്സിലെ കുട്ടികൾ ഒരുമിച്ച് എഴുന്നേറ്റ് അത് പറയുന്നത് കേൾക്കുമ്പോൾ ഒരു വല്ലാത്ത ഫീലാണ്.

“ഗുഡ് മോണിംഗ്, പ്ലീസ് സിറ്റ്ഡൗൺ ”

നീനു ഇന്നലെ പറഞ്ഞ കാര്യങ്ങൾ മനസ്സിൽ തന്നെ തളം കെട്ടി കിടന്നിരുന്നു. ഞാൻ നോക്കിയപ്പോൾ ആരതി എന്നെ ഇടക്ക് ഇടം കണ്ണിട്ട് നോക്കുന്നുണ്ട്. എനിക്കാണെങ്കിൽ മനസ്സിൽ ചെറിയൊരു ഭയം അവളെ ആദ്യം കണ്ട ദിവസം തന്നെ കയറി കൂടിയിരുന്നു. അവളുടെ നോട്ടം കാണുമ്പോൾ കയ്യും കാലും തളരുന്ന പോലെ , പക്ഷെ ഞാനവളുടെ അദ്യാപകനാണെന്ന ബോധം എന്നിലെ പ്രണയമെന്ന വികാരത്തെ തളർത്തിക്കൊണ്ടിരുന്നു.

ഞാൻ ലാപ്ടോപ്പ് പ്രെജക്ടറുമായി കണ്കറ്റ് ചെയ്ത ശേഷം ഹാജർ എടുത്തു. ശേഷം ക്ലാസ്റ്റെടുക്കാൻ ആരംഭിച്ചു. ഞാൻ നോക്കിയപ്പോൾ എന്തോ ആലോചിച്ച് മുഖത്ത് കൈയ്യും കൊടുത്ത് ഇരിക്കുന്ന ആരതിയെയാണ് കണ്ടത്. ഞാൻ എന്റെ കയ്യിലിരുന്ന ചോക്ക് കഷ്ണം അവളുടെ നേരെ എറിഞ്ഞു . അത് അവളുടെ ദേഹത്ത് വീണു, ഒരു ഞ്ഞെട്ടലോടെ അവൾ എന്നെ നോക്കി.

“എന്ത് ആലോചിച്ചിരിക്കുവാ ….. ക്ലാസ്സിൽ ശ്രദ്ധിക്ക് ….”

ഞാനതു പറഞ്ഞതും ഒരു ചമ്മിയ ചിരിയോടെ അവൾ എന്നെ നോക്കി. ഇതെല്ലാം കണ്ടു കൊണ്ടിരുന്ന ക്ലാസ്സിലെ മറ്റുള്ള കുട്ടികൾ അടക്കി ചിരിക്കുകയാണ്.

“എനി ഡൌട്ട്സ് ?”

ഞാൻ കുറച്ച് പഠിപ്പിച്ച ശേഷം എല്ലാവരോടും ചോദിച്ചു.

“‘നോ സർ ”

അങ്ങിങ്ങായി ചിലർ വിളിച്ചു പറഞ്ഞു.

” അപ്പൊ ഇന്നത്തേക്ക് നിർത്താം ഇന്റർവെല്ലിനുള്ള സമയമായി . ”

ഞാനതും പറഞ്ഞ് നിവർത്തി വച്ചിരുന്ന പുസ്തകവും ലാപ്പും കയ്യിലെടുത്ത് ഡിപ്പാർട്ട്മെന്റിലേക്ക് പോയി.

അമ്മ തയ്യാറാക്കി തന്ന ഊണ് ഉണ്ടായിരുന്നത് കൊണ്ട് ഉച്ചയ്ക്ക് ക്യാന്റീനിൽ പോയില്ല. പഠിക്കുന്ന കാലത്തെ സ്വഭാവമാണ് എത്ര നേരത്തേ ഞാൻ ഇറങ്ങിയാലും അതിന് മുൻപ് അമ്മ ചോറുപൊതി റെഡിയാക്കി വയ്ക്കും, പിന്നെ അമ്മുടെ കൈപുണ്യമുള്ള ഈ ആഹാരത്തിന് മുൻപിൽ ഒരു ഹോട്ടലിലെ ആഹാരവും ഒന്നുമല്ല. അതിനുശേഷം തേർഡ് ഇയർ ക്ലാസ്സിൽ കയറി അവരെയൊക്കെ പരിചയപ്പെട്ടു .

വൈകിട്ട് പാർക്കിംഗ് ഏരിയയിൽ എത്തിയപ്പോൾ നീനു എന്നെ കാത്തു നിൽക്കുകയാണ്.

“നേരത്തെ എത്തിയോ ?”

“ഇല്ല ചേട്ടാ ഇപ്പൊ എത്തിയെ ഉള്ളൂ ”

ഞാൻ ബുള്ളറ്റ് എടുത്തതും അവൾ പുറകിൽ കയറി ഉടനെ തന്നെ ഞാൻ ഹെൽമറ്റ് നീനുവിന്റെ കയ്യിൽ കൊടുത്തു.

“എന്താ ചേട്ടാ , ഹെൽമറ്റ് തലയിൽ വയ്ക്ക് ”

” ഒന്നാത് ക്ലാസ്സിൽ ഇത്രയും നേരം കുട്ടികളോടെ സംസാരിച്ച് തലവേദനയെടുത്ത് വട്ടായി ഇറങ്ങി വരുന്ന ഞാൻ ഇനി ഹെൽമറ്റ് കൂടെ തലയിൽ വച്ചാൽ ഉള്ള കിളികൂടെ പോകും … നീ ഇത് കയിൽ വച്ചോ ”

ഞാൻ അതും പറഞ്ഞ് ബുള്ളറ്റ് സ്റ്റാർട്ടാക്കി, പഴയ മോഡലായതു കൊണ്ട് ബുള്ളറ്റിൽ നിന്ന് വരുന്നത് ഒരു പ്രൗഡിയുള്ള ശംബ്ദമാണ് . ശബ്ദം കേട്ട് ക്ലാസ്സ് കഴിഞ്ഞ് പോകുന്ന കുട്ടികൾ ബുള്ളറ്റിനെയും ഞങ്ങളെയും നോക്കുന്നുണ്ട്.

ശബ്ദം കേട്ട് തിരിഞ്ഞ് നോക്കിയ ആരതി ചിരിച്ചു കൊണ്ട് കൈകൊണ്ട് ഉഗ്രൻ എന്ന് ആംഗ്യം കാണിച്ചു.

“ചേട്ടാ , ആരതി ചേച്ചിക്ക് ഇഷ്ടപ്പെട്ടു കോട്ടോ …..”

ആരതിയെ കണ്ട നീനു അത് പറഞ്ഞപ്പോൾ എന്റെ ഉള്ളും വല്ലാതെ സന്തോഷിച്ചു . അത് ഒരു ചെറു പുഞ്ചിരിയായി മുഖത്ത് പ്രതിഫലിച്ചു.

………………

അങ്ങനെ ചില ആഴ്ചകൾ കടന്നുപോയി. കോളേജിലെ ചില പെൺകുട്ടികളുടെ കണ്ണുകൾ എന്റെ നേരെ പതിക്കുന്നത് എന്റെ ശ്രദ്ധയിൽപ്പെട്ടു. കോളേജിലെ ഏറ്റുവും പ്രായം കുറഞ്ഞ സാർ പിന്നെ അത്യാവശ്യം കാണാനും കൊള്ളാം ഈ കാരണങ്ങളാകാം അവരെ അതിന് പേരിപ്പിച്ചത്. പക്ഷെ എന്നെ തളർത്തിക്കൊണ്ടിരുന്നത് പഠിപ്പിക്കുമ്പോഴും അല്ലാത്ത സമയങ്ങളിൽ കോളേജിൽ വച്ച് കാണുമ്പോഴും ആരതി എന്നെ നോക്കുന്ന ആ നോട്ടമാണ്. അവളുടെ ആ കണ്ണുകൾ ആ നോട്ടം എന്റെ ശക്തി മൊത്തം വലിച്ചെടുക്കുന്നതായി എനിക്ക് തോന്നി. അവളുടെ കണ്ണുകളിലേക്ക് നോക്കുമ്പോൾ ഉള്ള മരവിപ്പും തളർച്ചയും ദിവസം കൂടുന്തോറും കൂടി കൂടി വന്നു. കോളേജിൽ വച്ച് വിദ്യാർത്ഥി അദ്യാപക സൗഹൃദത്തിലുപരി മറ്റൊന്നിലേക്കും എന്റെയും ആരതിയുടെയും ബന്ധം വളർന്നില്ല ….

……………….

ഒരു ദിവസം സെക്കന്റ് പിരീഡ് ഞാൻ സെക്കന്റ് ഇയറിന് ക്ലാസ്സെടുക്കുമ്പോഴാണ് ,

“സർ ആരതിക്ക് തലകറങ്ങുന്നൂന്ന് ”

ക്ലാസ്സെടുത്തുകൊണ്ടിരുന്ന എന്നെ നോക്കി ആരതിയുടെ കൂട്ടുകാരി അഞ്ചന എണീറ്റു നിന്നു പറഞ്ഞു. വന്നപ്പോൾ തൊട്ട് ഞാനും ശ്രദ്ധിക്കുന്നുണ്ട് അവളിൽ ഒരു ക്ഷീണ ഭാവം ഒന്നിലും ശ്രദ്ധയില്ല.

ഞാൻ ആരതിയുടെ അടുത്തേക്ക് ചെന്നു.

“എന്തു പറ്റി ആരതി …… രാവിലെ ഒന്നും കഴിച്ചില്ലേ ? ”

“സർ അത്….”

അവളുടെ ആ മുത്തു നിന്ന് കാരണം ഞാൻ വായിച്ചെടുത്തു . അവൾ പ്രാതൽ കഴിച്ചിട്ടില്ല എന്ന്.

“രേവതി …. താൻ ഈ ബുക്ക് നോക്കി നോട്ട് പറഞ്ഞു കൊടുക്കണം ഇന്റർവെല്ലാകുമ്പോൾ എന്റെ ടേബിളിൽ ഈ ബുക്ക് എത്തിച്ചാൽ മതി, പിന്നെ എല്ലാരും സൈലന്റായി ഇരുന്ന് നോട്ട് എഴുതണം ”

ഞാൻ ഇതും പറഞ്ഞ് രേവതിയുടെ കയ്യിൽ ബുക്ക് ഏൽപ്പിച്ചു.

“താൻ വാ ”

ഞാൻ ആരതിയെ നോക്കി പറഞ്ഞ്

” സർ എങ്ങോട്ടാ ? ”

“ഹോസ്പിറ്റലിലേക്ക് തനിക്ക് ഒരു ബോട്ടിൽ ട്രിപ്പ് കേറ്റാൻ അപ്പോ തന്റെ തലകറക്കമൊക്കെ പോകും. രാവിലെ ബ്രേക്ക്ഫാസ്റ്റ് കഴിക്കാതെ വന്നതല്ലേ , താൻ വരുന്നുണ്ടോ ? ”

ഞാനത് പറഞ്ഞപ്പോൾ ക്ലാസ്സിലെ കുട്ടികൾ ചെറുതായി ചിരിച്ചു. ഞാൻ അവളെയും കൂട്ടി ക്ലാസ്സിന് പുറത്തിറങ്ങി.

“സർ ഹോസ്പിറ്റലിൽ ഒന്നും പോകണ്ട ഞാൻ ഇന്റർവെല്ലിന് ക്യാന്റീനിൽ നിന്ന് എന്തെങ്കിലും വാങ്ങി കഴിക്കാം . ”

ആരതി ഒരു പേടിയോടെ എന്നോട് പറഞ്ഞു.

“ആരതീ അല്ലങ്കിലും തന്നെ ഞാൻ ഹോസ്പിറ്റലിലൊന്നും കൊണ്ടുപോകുന്നില്ല. ഞാൻ വെറുതേ പറഞ്ഞതാ , അത് ക്ലാസ്സിലെ മറ്റുള്ളവർക്ക് മനസ്സിലായി തനിക്ക് പിടികിട്ടിയില്ല.”

ഞാൻ ആരതിയെയും കൂട്ടി ക്യാന്റീനിൽ കയറി. അവൾക്ക് അപ്പവും മുട്ടക്കറിയും വാങ്ങി നൽകിയ ശേഷം ഒരു കട്ടനും വാങ്ങി ടേബിളിൽ ഞാൻ അവളുടെ ഓപ്പോസിറ്റ് ഇരുന്നു.

“എന്താ രാവിലെ വീട്ടിലൊന്നും ഉണ്ടാക്കീലേ ?”

” ദോശ ആയിരുന്നു ”

ഞാൻ വാങ്ങി കൊടുത്ത അപ്പം കഴിക്കുന്നതിനിടയ്ക്ക് ആരതി പറഞ്ഞു.

“പിന്നെ താനെന്താ ഒന്നും കഴിക്കാതെ വന്നേ”

” അത് ……. രാവിലെ അച്ഛൻ എന്നെ വഴക്കു പറഞ്ഞത് കൊണ്ട് കഴിക്കാത്തതാ…”

“ആഹാ …. അത് കൊള്ളാല്ലോ എന്താ തന്നെ അച്ഛൻ വഴക്കു പറയാനുള്ള കാരണം ”

“അത്…….. , എന്റെ ഒരു അങ്കിൾ അമേരിക്കയിൽ സെറ്റിൽഡാ അവരുടെ പിടിപാട് വച്ചിട്ട് എനിക്ക് ഒരു കോഴ്സ് അവിടെ തരപ്പെടുത്തിയിട്ടുണ്ട്. ഞാൻ ഇവിടത്തെ പഠിപ്പ് ഉപേക്ഷിച്ച് അവിടെ പോയി പഠിക്കണമെന്ന് അച്ഛന് ഭയങ്കര വാശി. അവർ ടിക്കറ്റും വിസയുമൊക്കെ അയക്കാമെന്ന് പറഞ്ഞു. പക്ഷെ എനിക്ക് ഇഷ്ടം ഇവിടെ നിന്ന് പഠിക്കാനാ അത് പറഞ്ഞതിനാ അച്ഛൻ എന്നെ വഴക്കു പറഞ്ഞത്. ”

ഒരു നാണം നിറഞ്ഞ ചിരിയോടെ അവൾ അത് പറഞ്ഞപ്പോൾ എനിക്ക് ചിരിയാണ് വന്നത്. ഏതൊരു അച്ഛനും ആഗ്രഹം കാണും മക്കളെ വിദേശത്ത് വിട്ട് പഠിപ്പിക്കാനും ആ കാര്യം നാട്ടുകാരോട് വീമ്പ് പറയാനും .

“എന്താ സാറിന്റെ അഭിപ്രായം ”

എന്റെ അഭിപ്രായം അറിയാനുള്ള ആകാംഷയിൽ ആരതി തിരക്കി.

” അത് തന്റെ ഇഷ്ടമാണ് അവിടെ തന്റെ അച്ഛന്റെ വാക്കിനോ എന്റെ അഭിപ്രായത്തിനോ പ്രസക്തിയില്ല. തന്റെ ഭാവി തീരുമാനിക്കേണ്ടത് താനാണ്. താൻ എന്ത് പഠിക്കന്നമെന്ന് താൻ തന്നെ തീരുമാനിക്കണം.”

ഞാൻ അത് പറഞ്ഞപ്പോൾ അവളുടെ മുഖത്തെ ചിരി ഒന്നുകൂടെ വർദ്ധിച്ചു.

……………………….

കുറച്ച് ദിവസം കഴിഞ്ഞപ്പോൾ സെമസ്റ്റർ എക്സ്റ്റാം ആരംഭിച്ചു.

സെമസ്റ്റർ എക്സാമൊക്കെ കഴിഞ്ഞ് പേപ്പർ വാലുവേഷന്റെ തിരക്കുകളിൽ അദ്യാപകർ ആയിരിക്കുന്ന സമയം . ഒരു ദിവസം ഉച്ച കഴിഞ്ഞ് ഡിപ്പാർട്ട്മെന്റിൽ ഇരിക്കുമ്പോഴാണ് ആരതി ഒറ്റയ്ക്ക് ഡിപ്പാർട്ട്മെന്റിലേക്ക് വന്നത്. എനിക്കന്ന് പേപ്പർ വാലുവേഷൻ ഡ്യൂട്ടി ഇല്ലായിരുന്നു. ആ സമയം ഡിപ്പാർട്ട്മെന്റിൽ ഞാൻ മാത്രമേ ഉണ്ടായിരുന്നുള്ളൂ …..

“സർ മെ ഐ കമിങ് ”

“യെസ് കമിങ് …..ആരതിയോ ഇരിക്ക് ”

ഞാൻ മുൻപിൽ കിടന്ന കസേരയിലേക്ക് നോക്കി പറഞ്ഞു. ആരതി വന്ന് അതിൽ ഇരുന്നു.

“എന്താ ആരതി , ടീച്ചേഴ്സ് വാലുവേഷന്റെ തിരക്കുകളിലായതു കൊണ്ടാ നിങ്ങൾക്ക് ഇപ്പൊ ഇങ്ങനെ ഫ്രീ പിരീഡ് കിട്ടുന്നത്.”

ഞാൻ ഒരു ചിരിയോടെ ആരതിയോട് പറഞ്ഞു.

“സർ എനിക്ക് ഒരു കാര്യം പറയാനുണ്ട് ”

രേവതി അത് പറഞ്ഞപ്പോൾ അവളുടെ ശബ്ദത്തിൽ ചെറിയ ഒരു പേടി നിഴലിച്ചിരുന്നു …

” എന്താ താൻ കാര്യം പറ ”

” സർ കുറേ ദിവസങ്ങളായി സാറിനോട് പറയണം എന്ന് വിജാരിച്ച് നടക്കാൻ തുടങ്ങിയിട്ട് ഇന്നാണ് ഇങ്ങനെ ഒരു അവസരം കിട്ടുന്നത് . ”

“താൻ മുഖവുരയിടാതെ കാര്യം പറ ”

” അത് ……എനിക്ക് ……. എനിക്ക് സാറിനെ ഇഷ്ടമാണ്.”

അവൾ ചെറിയ ഭയത്തോടെയും ദിവസങ്ങളായി പറയാൻ കരുതിച്ച കാര്യം പറയുന്നതിന്റെ ഒരു സംതൃപ്തിയോടു കൂടെയും അവൾ എന്നോട് ഇത് പറഞ്ഞു. അവളുടെ കണ്ണുകളിൽ നിന്ന് അളക്കാനാകാത്ത പ്രണയത്തിന്റെ തീവ്രത ഞാൻ മനസ്സിലാക്കി

“(ചേട്ടാ ആ ചേച്ചിയുടെ കണ്ണുകളിൽ കണാം ചേട്ടനോടുള്ള ഇഷ്ടത്തിന്റെ അളവ്. നോക്കിക്കോ ആരതി ചേച്ചി തന്നെ വന്ന് ചേട്ടനോട് പറയും ചേട്ടനെ ഇഷ്ടമാണ് എന്ന്.) ”

അന്ന് നീനു എന്നോട് പറഞ്ഞ വാക്കുകൾ എന്റെ മനസ്സിൽ തെളിഞ്ഞ് വന്നു. ആരതിയുടെ കണ്ണുകളിൽ നീനു അന്ന് പറഞ്ഞ പ്രണയം ഞാൻ കണ്ടു.

ഒരു നിമിഷം ഞാൻ നിശ്ചലമായി . എന്റെ മനസ്സിൽ സന്തോഷവും ഈ ലോകം പിടിച്ചടക്കിയ സംതൃപ്തിയും വന്നു നിറഞ്ഞു. പക്ഷെ എന്റെ മനസ്സിലേക്ക് കടന്നുവന്ന ചില ചിന്തകൾ എന്റെ സന്തോഷത്തെ പൂർണ്ണമായും ഇല്ലാതാക്കി.

“ആരതി തന്റെ മാനസിക അവസ്ഥ എനിക്ക് മനസ്സിലാകും , പക്ഷെ ഞാൻ തന്റെ അദ്യാപകനാണ് …. ഏതൊരു അദ്യാപകനും തന്റെ വിദ്യാർത്ഥികൾ ഏറ്റുവും ഉയരങ്ങളിലെത്തണമെന്നേ ആഗ്രഹിക്കൂ …… അതുകൊണ്ട് താൻ ഇപ്പോൾ പഠിത്തത്തിൽ മാത്രം ശ്രദ്ധിച്ചാൽ മതി മറ്റൊന്നും മനസ്സിലിട്ട് താൻ തന്റെ ഭാവി നശിപ്പിക്കരുത്. അതുകൊണ്ട് താൻ ഈ കാര്യം എന്നോട് പറഞ്ഞില്ല എന്നു കരുതിയാൽ മതി. സോറി ആരതി ……….”

ഹൃദയം നുറുങ്ങുന്ന വേദനയോടെ ഞാൻ ആരതിയോട് എന്റെ മനസ്സിൽ അപ്പോൾ തെളിഞ്ഞു വന്ന കാര്യങ്ങൾ പറഞ്ഞു. അവളുടെ നല്ല ഭാവി ഉദ്ദേശിച്ചാണ് ഞാൻ അപ്പോൾ അങ്ങനെ പറഞ്ഞത്. അപ്പോൾ അങ്ങനെ പറയാനാണ് എന്റെ മനസ്സിൽ തോന്നിയതും . ആ നിമിഷം ഞാൻ ഒരു അദ്യാപകന്റെ സ്ഥാനത്ത് നിന്ന് മാത്രമാണ് ചിന്തിച്ചത്.

അവളുടെ കണ്ണുകൾ നിറഞ്ഞത് ഞാൻ കണ്ടു. മറിച്ച് ഒരു വാക്കു പോലും പറയാതെ അവൾ ഉടനെ തിരിച്ചു പോയി. എനിക്ക് ഒന്നും അവളോട് അന്ന് പറയാൻ പറ്റിയില്ല നാവിന് വിലങ്ങ് ഇട്ട പോലത്തെ അവസ്ഥ ആയിരുന്നു.

………

” നീനു നീ അന്ന് പറഞ്ഞത് ശരിയാണ് ഒരു പെണ്ണിനെ മറ്റൊരു പെണ്ണിന്റെ മനസ്സ് വായിക്കാൻ പറ്റൂ …..”

എന്റെ മടിയിൽ തലവച്ചു കിടന്ന നീനുവിന്റെ തലമുടികൾ തഴുകിക്കൊണ്ട് ഞാൻ പറഞ്ഞു …

“എന്താ,…..എന്താ ചേട്ടന് പറ്റിയത് ? ”

അവൾ ഞാൻ പറഞ്ഞത് മനസ്സിലാവാതെ എഴുന്നേറ്റിരുന്ന് എന്റെ മുഖത്ത് നോക്കി ചോദിച്ചു.

“ആരതി എന്നോട് ഇഷ്ടമാണ് എന്ന് പറഞ്ഞു ”

” ആഹാ ….. എന്നിട്ട് ചേട്ടൻ എന്തു പറഞ്ഞു ? ”

അവൾ ആകാംഷയോടെ ചോദിച്ചു. നീനുവിന്റെ ആ ചോദ്യത്തിന് ഞാൻ നടന്ന കാര്യങ്ങൾ അവളോട് പറഞ്ഞു.

” തുലച്ചു … എല്ലാം തുലച്ചു. എന്താ ചേട്ടാ ……? ചേട്ടൻ എന്താ ഈ കാണിച്ചേ …. ചേട്ടന് ആരതി ചേചിയെ ഇഷ്ടമല്ല എന്നല്ലേ ആരതി ചേച്ചി വിജാരിക്കൂ ……. പൊട്ടൻ . ”

ഇത്രയും പറഞ്ഞ് നീനു പിണങ്ങി തിരിഞ്ഞ് ഇരുന്നു.

” അത് നീനു, …… അപ്പോ ……. മനസ്സിൽ അങ്ങനെ ……. തോന്നി …..”

” ഇനി ബബ്ബ ബ്ബാ അടിക്കണ്ട . ചേട്ടൻ ഇനി കോളേജിൽ പോകുന്ന ദിവസം ആരതി ചേച്ചിയുടെ മുഖത്ത് നോക്കി സത്യം തുറന്നു പറയണം അല്ലെങ്കിൽ ഞാൻ പറയും. ”

നീനു ഒരു വാശിയോടെ എന്റെ മുഖത്ത് നോക്കി പറഞ്ഞ ശേഷം റൂമിൽ നിന്ന് പുറത്ത് പോയി.

“പറയാം. ”

മനസ്സിൽ അതും ഉരുവിട്ട് ഞാൻ കിടന്നു.

…………….

അടുത്ത നാല് ദിവസവും എനിക്ക് പേപ്പർ വാലുവേഷന്റെ ഡ്യൂട്ടി ആയിരുന്നു അതുകൊണ്ട് കോളേജിൽ പോകാൻ സാധിച്ചില്ല മറിച്ച് വാലുവേഷൻ സെന്ററിലായിരുന്നു ഡ്യൂട്ടി.

അതു കഴിഞ്ഞുള്ള ദിവസം എന്റെ സുഹൃത്ത് അരുണിന്റെ വിവാഹ നിശ്ചയമായിരുന്നു അന്ന് ഞാൻ ലീവെടുത്തു.

“എന്നാടാ നിനക്ക് ഇങ്ങനെ ഒരു ദിവസം വരുക. ”

ചടങ്ങ് എല്ലാം കഴിഞ്ഞ് വൈകുന്നേരം ഒരുമിച്ച് അരുണിന്റെ കൂടെ അവന്റെ വീടിനടുത്തുള്ള കുളക്കരയിൽ ഇരിക്കുമ്പോഴാണ് അവൻ അത് എന്നോട് ചോദിച്ചത്.

“ചിലപ്പോൾ ഉടനെ ഉണ്ടാകും”

“അപ്പൊ …. നീ ആരെയെങ്കിലും നോക്കി വച്ചിട്ടുണ്ടോ? ”

അവന്റെ ആ ചോദ്യത്തിന് കുറച്ച് മാസങ്ങൾക്ക് മുൻപ് ആരതിയെ കണ്ടതു മുതലുള്ള കാര്യങ്ങൾ ഞാൻ പറഞ്ഞു കൊടുത്തു.

” അപ്പൊ മിണ്ടാപ്പൂച്ച കലം ഉടച്ചു . നിന്റെ മനസ്സിൽ കയറി കൂടിയിട്ടുണ്ടെങ്കിൽ പള്ളിക്കാരി ചില്ലറക്കാരിയല്ല. നിന്റെ അനുജത്തി പറഞ്ഞത് തന്നെയാണെടാ ശരി . നീ അവളോട് സത്യം തുറന്നു പറയണം . ”

അവന്റെ ആ വാക്കുകൾ എനിക്ക് ഒന്നുകൂടെ ശക്തി പകർന്നു.

അങ്ങനെ ആ ഒരാഴ്ച കടന്നു പോയി. തിങ്കളാഴ്ച ഞാൻ കാത്തിരുന്ന ദിവസം ആരതിയെ കാണണം സത്യം തുറന്നു പറയണം. ഞാൻ ആ ആഗ്രഹത്തോടെ രാവിലെ ഉറക്കം ഉണർന്നു.

“ചേട്ടാ ഞാൻ പറഞ്ഞത് ഓർമമുണ്ടല്ലോ … നിങ്ങൾ കോളേജിൽ വച്ച് പേമിച്ച് നടക്കണമെന്നല്ല ഞാൻ പറഞ്ഞത് . സ്നേഹം അത് നിങ്ങളുടെ മനസ്സിൽ സൂക്ഷിച്ചാൽ മതി സമയമുമ്പോൾ വിവാഹം ആരെങ്കിലും എതിർത്താൽ നമുക്ക് വേറെ വഴി നോക്കാം ”

ബൈക്ക് ഓടിക്കുന്നതിനിടയ്ക്ക് നീനു എന്റെ ചെവിയിൽ പറഞ്ഞു.

“ശരി മാഡം”

ഞാനതു പറഞ്ഞപ്പോൾ സ്ഥിരം തരുന്ന പോലെ എന്റെ തലയ്ക്കിട്ട് ഒരു കൊട്ടും തന്ന് അവൾ കുടുകുടാ ചിരിച്ചു.

“നീ ആരതിയെ കഴിഞ്ഞ ദിവങ്ങളിൽ എങ്ങാനും കണ്ടായിരുന്നോ ?”

“ഇല്ല, അതെങ്ങനാ .. എന്റെ ക്ലാസ്സും ആരതി ചേച്ചിയുടെ ക്ലാസ്സും രണ്ടും രണ്ട് കോണിലല്ലേ . പിന്നെ കാണുന്നത് ക്യാന്റീനിൽ വച്ചോ ബസ് സ്റ്റോപ്പിൽ വച്ചോ ആണ് അതും ചിപ്പോൾ മാത്രം. ചേട്ടൻ തിരക്ക് കൂട്ടണ്ട ഇന്ന് നേരിട്ട് കാണാമല്ലോ ? ”

അങ്ങനെ കോളേജ് എത്തി ബൈക്ക് പാർക്കിംഗ് ഏരിയയിൽ ഒതുക്കി ഡിപ്പാർട്ട്മെന്റിലേക്ക് നടന്നു. ഒഴിഞ്ഞ സമയം കിട്ടുമ്പോൾ ആരതിയെ മാറ്റി നിർത്തി എന്റെ മനസ്സിലുള്ളത് പറയണം അതായിരുന്നു ചിന്ത മുഴുവൻ .

പക്ഷെ എന്നെ കാത്തിരുന്നത് മറ്റൊന്നായിരുന്നു.

ഞാൻ നേരെ ഡിപ്പാർട്ട്മെന്റിലെത്തി.

“ഗുഡ് മോണിംഗ് ബിജു സർ .”

കമ്പ്യൂട്ടറിൽ എന്തോ ചെയ്തു കൊണ്ടിരുന്ന ബിജു സാറിനെ നോക്കി ഞാൻ പറഞ്ഞു.

“ആ ഗുഡ് മോണിംഗ് നീരജ് ”

” ഈ വാലുവേഷൻ ഡ്യൂട്ടി ആകെ മെനെക്കേടാണ് അല്ലേ സാറെ , വട്ടാകും .”

“താൻ ആദ്യമായതു കൊണ്ടാ ഇങ്ങനെ ശരിയായിക്കോളും . എന്തായാലും വാലുവേഷൻ ഡ്യൂട്ടി ഒക്കെ തീർന്നല്ലോ . തനിക്ക് നാല് ദിവസം അടുത്തടുത്ത് ഡ്യൂട്ടി ഉണ്ടായിരുന്നു അല്ലേ. ”

“അതെ സർ ”

” ആ പിന്നെ സെക്കന്റിയറിലെ ആരതിയുണ്ടല്ലോ അവൾ TC മേടിച്ചു പോയി . വിദേശത്ത് എവിടയോ പഠിക്കാൻ കിട്ടിയെന്ന് , താൻ കുറച്ച് ദിവസമായില്ലേ ഇവിടെ വന്നിട്ട് . നല്ല പഠിക്കുന്ന ഒരു കൊച്ചായിരുന്നു ഡിപ്പാർട്ടിമെന്റിന് ഒരു ഡിസ്റ്റിങ്ഷൻ ഞാൻ പ്രതീക്ഷിച്ചതാ , അതു പോയി .”

ബിജു സാർ ഒരു തമാശ രൂപേണയാണ് എന്നോട് അത് പറഞ്ഞതെങ്കിലും എന്റെ നെഞ്ചിൽ ഒരു കത്തി കുത്തിയിറക്കിയ വേദനയോടെ ആ വാക്കുകൾ തുളച്ച് കയറി.

“സാറ് ……… സാറ് പറഞ്ഞത് സത്യമാണോ?”

ഞാൻ ഒരു മരവിപ്പോടെ സാറിനോട് ചോദിച്ചു.

“പിന്നല്ലാതെ , ഇപ്പോഴത്തെ പിള്ളേർക്ക് പുറത്ത് പോയി പഠിക്കാൻ അവസരം കിട്ടിയാൽ അത് മഹാഭാഗ്യമായി കാണുന്നവരാ , പിന്നെ കിട്ടിയ ചാൻസ് കളയുമോ?”

ബിജു സാറ് അത് പറഞ്ഞപ്പോൾ എന്റെ മനസ്സിൽ പല സംശയങ്ങളും വന്നു മൂടി.

‘അവൾക്ക് ഇവിടെ നിന്ന് പഠിക്കാനാണ് ഇഷ്ടം എന്നല്ലേ അന്ന് എന്നോട് പറഞ്ഞത് പിന്നെ അവൾ എന്തിനാകും പോയത് .അവളുടെ അച്ഛന്റെ നിർബന്ധം കാരണം അവൾ സമ്മതിച്ചതാകുമോ ? ‘

എന്റെ മനസ്സിൽ ഒരു കുറ്റബോധം വന്നു നിറഞ്ഞു .

‘അന്ന് എന്റെ മനസ്സിലുള്ള ഇഷ്ടം തുറന്നു പറയേണ്ടതായിരുന്നു.’

സെക്കന്റിയർ ക്ലാസ്സിൽ ഞാൻ കയറിയപ്പോൾ അവളുടെ സീറ്റ് ഒഴിഞ്ഞ് കിടക്കുന്നു. അവളുടെ ചില കൂട്ടുകാരികളുടെ മുഖത്തും സങ്കടഭാവം ഞാൻ കണ്ടു. പക്ഷെ എന്റെ സങ്കടം ഞാൻ മനസ്സിൽ ഒതുക്കി. കോളേജിലെ പലരുടെയും

‘ എന്തുപറ്റി മൂഡ് ഓഫ് ആണല്ലോ? ‘

എന്ന ചോദ്യത്തിന് ‘ ചില ഫാമിലി മാറ്റേഴ്സ് ‘ എന്ന് കള്ളം പറഞ്ഞ് ഞാൻ ഒഴിഞ്ഞ് മാറി.

“എന്താ ചേട്ടാ എന്തുപറ്റി മുഖത്ത് ഒരു സന്തോഷവുമില്ലല്ലോ? ആരതി ചേച്ചിയോട് കാര്യം പറഞ്ഞോ, ചേച്ചി എന്തു പറഞ്ഞു. ”

ഉച്ചയ്ക്ക് എന്റെ അടുത്തു വന്ന നീനു കാര്യം തിരക്കി.

” ഞാൻ ഉച്ചയ്ക്ക് ശേഷം ലീവെടുത്തു. നീ വരുന്നെങ്കിൽ ബാഗുമെടുത്ത് വാ ബാക്കിയൊക്കെ പിന്നീട് പറയാം. ”

എന്റെ മനസ്സിലെ എന്തോ വിഷമം ഉണ്ടെന്ന് മനസ്സിലാക്കിയാകാം പിന്നെ വീട്ടിൽ എത്തുന്നതുവരെ നീനു ഒന്നും എന്നോട് ചോദിച്ചില്ല.

വീട്ടിലെത്തി ഞാൻ റൂമിൽ കയറി എന്റെ സങ്കടം മുഴുവൻ ഞാൻ കരഞ്ഞു തീർത്തു. അപ്പോഴാണ് ഞാൻ എത്രത്തോളം അവളെ സ്നേഹിക്കുന്നുണ്ടെന്നും ആ ആഴവും ഞാൻ മനസ്സിലാക്കിയത്.

“എന്താ ചേട്ടാ എന്തിനാ കരയുന്നത് ?..”

കരഞ്ഞു കൊണ്ട് ബെഡിൽ ഇരിക്കുന്ന എന്നെ കണ്ട നീനു ഒരു ആദിയോടെ ചോദിച്ചു. ”

” അവൾ എന്നെ വിട്ട് പോയെടീ……….. ”

ഞാൻ പൊട്ടി കരഞ്ഞു കൊണ്ട് പഞ്ഞു.

“എന്താ ചേട്ടാ കാര്യം തെളിച്ച് പറ. ”

അവളുടെ ആ ചോദ്യത്തിന് ഞാൻ നടന്ന കാര്യങ്ങൾ പറഞ്ഞു കൊടുത്തു.

“അപ്പൊ ആരതി ചേച്ചി വിദേശത്തേക്ക് പോയെന്ന് ഉറപ്പാണോ ?”

“ഉം…… ഇന്നലെയായിരുന്നു അവളുടെ ഫ്ളൈറ്റ് കാസ്സിലെ അവളുടെ കൂട്ടുകാരികൾ പറഞ്ഞതാ ……”

“ചേട്ടൻ വിഷമിക്കരുത് ആരതി ചേച്ചി തിരിച്ച് വരും ചേട്ടന് വേണ്ടി . ഞാനാ പറയുന്നത് അത് തെറ്റില്ല. ”

നീനു അത് പറഞ്ഞപ്പോൾ അങ്ങനെ നടക്കണമെന്ന് ഞാനും മനസ്സുകൊണ്ട് ആഗ്രഹിച്ചു. എന്നിക്ക് വേണ്ടി അവൾ തിരിച്ചു വരും എന്ന വിശ്വാസത്തിലും പ്രതീക്ഷയിലുമായിരുന്നു പിന്നീടുള്ള എന്റെ ദിവസങ്ങൾ . തമ്മിൽ ഒരു കമ്യൂണിക്കേഷനും ഇല്ലാതെ അവൾ എന്റെ സ്വപ്നങ്ങളിൽ നിറഞ്ഞു നിന്നു . പക്ഷെ അവളില്ലാത്ത ആ ക്ലാസ് റൂം എന്റെ ഹൃദയത്തിൽ വേദന മാത്രം സമ്മാനിച്ചു. ഒരു പക്ഷെ എന്റെ ഇഷ്ടം അന്നേ ഞാനവളോട് തുറന്ന് പറഞ്ഞിരുന്നുവെങ്കിൽ അവൾ എന്നെ വിട്ട് ഭൂമിയുടെ മറ്റൊരു കോണിലേക്ക് പോകില്ലായിരുന്നു എന്നൊരു തോന്നൽ എന്റെ മനസ്സിൽ കയറി കൂടി. അവളുടെ ആ നോട്ടം അത് വീണ്ടും ഒന്ന് കാണാൻ ഞാൻ അതിയായി ആഗ്രഹിച്ചു…..

“ജോലിയൊക്കെ ആയില്ലേ ഇനി ഒരു വിവാഹത്തിനെ കുറിച്ചൊക്കെ ആലോചിക്കാം ”

എന്ന വീട്ടുകാരുടെ വാക്കുകൾക്ക് കൃത്യ മറുപടി നീനു തന്നെ നൽകി അവൾക്ക് എല്ലാം അറിയാമല്ലോ . എല്ലാം അറിഞ്ഞ എന്റെ പപ്പയും അമ്മയും ഒരു എതിർപ്പും പ്രകടിപ്പിച്ചില്ല.

“നിന്റെ ജീവിതം, ഈ കാര്യത്തിൽ നിന്റെ ഇഷ്ടത്തിനും അഭിപ്രായത്തിനുമാണ് മുൻഗണന അതിൽ ഞാൻ ഇടപെടില്ല നിന്റെ ഇഷ്ടം പോലെ ചെയ്യുക. ”

നീനുവിന്റെ വാക്കുകളിലൂടെ എല്ലാം മനസ്സിലാക്കിയ പപ്പ എന്റെ തോളിൽ തട്ടി പറഞ്ഞു.

……….

അങ്ങനെ മൂന്നു വർഷം കടന്നുപോയി. അവളുടെ ബാച്ച് കോളേജ് വിട്ട് പോയി പിന്നെയും പുതിയ ബാച്ചുകൾ കോളേജിൽ വന്നു. പക്ഷെ എന്റെ ഉള്ളിലെ അവളുടെ ഓർമ്മകൾക്ക് ഒരു മങ്ങലും സംഭവിച്ചില്ല. അവളെ കുറച്ച് അവളുടെ നാട്ടിൽ അന്വേഷിച്ചപ്പോഴെല്ലാം ‘ ഇതുവരെ മടങ്ങി വന്നിട്ടില്ല ‘ എന്ന എന്നെ വേദനിപ്പിക്കുന്ന വാർത്തയാണ് എനിക്ക് ലഭിച്ചത്.

……………………………………………

ബൈക്കിന്റെ സ്പീഡ് കൂടുകയാണ് 80, 90, 100, ……… അങ്ങനെ ……….. അവളെ കാണണം വിളിച്ചിറക്കിക്കൊണ്ട് വരണം എന്ന ചിന്ത മാത്രം. എത്രയും വേഗം അരുണിന്റെ വീട്ടിലെത്തണം . അവൾക്ക് എന്നോടുള്ള സ്നേഹത്തിൽ ഒരു മങ്ങലും ഏറ്റിട്ടില്ല എന്നറിഞ്ഞ ആ നിമിഷം , ട്രെയിനിന്റെ മുൻപിൽ നിന്ന ആ സമയം അവളുടെ ഫോൺ കോൾ എന്റെ മൊബൈലിലേക്ക് വന്നില്ലായിരുന്നുവെങ്കിൽ ഒരു പക്ഷെ ഇപ്പോഴത്തെ സന്തോഷം അനുഭവിക്കാൻ ഞാൻ ഭൂമിക്കു മുകളിൽ ജീവനോടെ ഉണ്ടാകില്ലായിരുന്നു.

സമയം രാത്രി 12.30 ആയിരിക്കുന്നു. റോഡിൽ ചില വഴിവിളക്ക് വെളിച്ചം മാത്രം, ചിലയിടത്ത് കുറ്റാകൂരിരുട്ടും .. രാത്രി മറ്റു സംസ്ഥാനങ്ങളിൽ നിന്നു വരുന്ന ചില ചരക്കുലോറികളല്ലാതെ മറ്റൊരുവാഹനവും റോഡിലില്ല അതുകൊണ്ട് തന്നെ എന്റെ ബൈക്ക് വേഗത്തിൽ കുതിക്കുകയാണ്.

ഒരു വളവ് തിരിഞ്ഞ് വന്ന ഒരു ചരക്കുലോറി എന്റെ ശ്രദ്ധയിൽപെട്ടില്ല. മനസ്സ് മുഴുവനും ആരതിയുടെ മുഖമായിരുന്നു . പെട്ടെന്ന് ആ ലോറി കണ്ടപ്പോൾ ഞാൻ ബൈക്ക് ബ്രേക്കിട്ടു പക്ഷെ എന്റെ വേഗതയ്ക്കൊത്ത് ബൈക്കിനെ നിയന്ത്രിക്കാൻ ഏനിക്കായില്ല ,അത് ആ ലോറിയിൽ ഇടിച്ചു. ഞാനെവിടേക്കോ തെറിച്ചു വീണു. ബോധം നഷ്ടമായി.

…………….

കണ്ണുകൾ തുറന്നപ്പോൾ ഞാൻ ഒരു ICCU റൂമിനുള്ളിലാണ്. ആ റൂമിൽ ഞാൻ മാത്രമേ ഉള്ളൂ പക്ഷെ എനിക്ക് വേദനയൊന്നും അനുഭവപ്പെടുന്നില്ല. ഞാൻ കട്ടിലിൽ നിന്ന് എണീറ്റു. പക്ഷെ എന്നിൽ എന്തൊക്കെയോ മാറ്റങ്ങൾ സംഭവിച്ചതു പോലെ ഒരു തോന്നൽ . റൂമിന്റെ ഉള്ളിലേക്ക് ഡോർ തുറന്ന് കയറി വന്ന ഒരു നേഴ്സ് എന്റെ ഉള്ളിലൂടെ കടന്ന് അപ്പുറത്തേക്ക്പോയി. ഞാൻ പേടിച്ച് എന്താണ് നടന്നതെന്ന് മനസ്സിലാവാതെ പെട്ടെന്ന് തിരിഞ്ഞു നോക്കി. അപ്പോഴാണ് ഞാൻ കണ്ടത് കട്ടിലിൽ എന്റെ ശരീരം കിടക്കുകയാണ് ഹോസ്പിറ്റൽ ഡ്രസ് ഒക്കെ   ഇട്ട്  വെന്റിലേറ്ററിന്റെ ഉപകരണങ്ങൾ വായിലൂടെ കടത്തിവിട്ടിരിക്കുന്നു. മുഖത്ത് ഓക്സിജൻ മാസ്ക് , കയ്യിലൂടെ ട്രിപ്പ് കയറുന്നു , തലയിൽ വലിയ ഒരു കെട്ടും കൈയ്യിലും കാലിലുമൊക്കെ പ്ലാസ്റ്ററിട്ട് ഒരു പ്രതിമ കണക്കെ എന്റെ ശരീരം ബഡ്ഡിൽ തന്നെ കിടക്കുന്നു. ശ്വസിക്കുമ്പോഴുള്ള അനക്കമല്ലാതെ മറ്റൊന്നും എന്റെ ശരീരത്തിൽ ഇല്ല . ഞാൻ പതിയെ മനസ്സിലാക്കി എഴുന്നേറ്റ് നിൽക്കുന്നത് എന്റെ ആത്മാവാണെന്ന് …….

തുടരും……….