💘മായകണ്ണൻ 2

ഈ പാർട്ട്‌ അല്പം താമസിച്ചു എന്നറിയാം. അതിന് ക്ഷമ ചോദിക്കുന്നു. ഈ പാർട്ട്‌ എത്രത്തോളം നന്നാവും എന്നെനിക്ക് അറിയില്ല. നന്നായാലും മോശമായാലും അഭിപ്രായം അറിയിക്കണേ………

“അതെന്താ നിനക്ക് ഇരിക്കാൻ പാടില്ലായിരുന്നോ????”

“ഓഹ് രാവിലെ തന്നെ നിന്റെ ചേച്ചിടെ ചത്ത തമാശയാണല്ലോ!! എങ്ങനെ സഹിക്കുന്നെടാ ഇതിനെ????”

“സഹിച്ചല്ലേ പറ്റു അനുമോളെ. ചേച്ചിയായി പോയില്ലേ!!”

അതിനുള്ള മറുപടി ചേച്ചിയുടെ മൂർച്ചയുള്ള നഖങ്ങൾ ആണ് തന്നത്.

“അഹ് ടി ചേച്ചി എനിക്ക് നല്ല വേദനീച്ചൂട്ടോ.”

“ആണോ എന്നാ കണക്കായിപ്പോയി. വേദനിക്കാൻ തന്നെയാ തന്നത്.”

“ദുഷ്ട്ട”

“എന്താ????”

“ഏയ്‌ ഒന്നുമില്ല.”

“നിയൊക്കെ രണ്ടും കൂടെ ഇങ്ങനെ അടി കൂടി നിന്നോ. എന്റെ സ്വഭാവം മാറിയ പിന്ന ഞാൻ വണ്ടി എടുക്കില്ല പറഞ്ഞേക്കാം.”

“ഞങ്ങള് നല്ല സ്നേഹത്തോടെ തന്നെയാ ഇത് വരെ വന്നേ. നീ സംസാരിച്ചു തുടങ്ങിയതും ഞങ്ങൾ അടിയായി. അല്ലെ വാവേ????”

“പിന്നെയല്ലാണ്ട്.”

“ഓഹോ ഇനി ഇതിനെല്ലാം ഉത്തരവാദി ഞാനയോ????”

ഇത് ഇങ്ങനെ നിന്നാൽ വീണ്ടും ഒരടിക്കുള്ള സ്കോപ്പ് ഉണ്ടെന്ന് മനസിലാക്കിയ ഞാൻ പെട്ടന്ന് വിഷയം മാറ്റി.

“അല്ല നിന്റെ അച്ഛനേം അമ്മയേം കണ്ടില്ലല്ലോ എവിടെ പോയി രണ്ടാളും????”

“അവര് അമ്പലത്തിൽ പോയെടാ.”

“എന്നാപിന്നെ നമ്മക്ക് ഇറങ്ങിയാലോ അനു???? എത്ര നേരാന്ന് വച്ചാ ഈ സാധനത്തിനേം ചുമന്നോണ്ട്  നിക്ക്യ.”

അതിനും മറുപടി തന്നത് അവളുടെ മൂർച്ചയുള്ള നഖങ്ങൾ ആണ്.

“ടി ചേച്ചി ചുമ്മ എന്റെ ദേഹം നോവിച്ചാ ഞാൻ തരൂട്ടോ.”

“ചുമ്മാതല്ലല്ലോ നീ എന്നെ കളിയാക്കിട്ടല്ലേ.”

“ഞാൻ ചുമ്മ തമാശ പറഞ്ഞതല്ലേ. അതിന് നീ ഇങ്ങനെയൊക്കെ ചെയ്താലോ???? സോറി. പോരെ.”

“Mm”

ഇനിയും നിന്നാ പിന്നും വഴക്ക് ആവും എന്ന് അറിയാവുന്നത് കൊണ്ട് ഞങ്ങൾ വണ്ടിയിൽ കേറി. വണ്ടി ഓഫ്‌നേജിലോട്ട് കുതിച്ചു. അല്ല എഴഞ്ഞു. പിന്നെയുള്ള  അരമണിക്കൂർ  ഞാൻ വായിനോട്ടത്തിൽ ശ്രദ്ധ കേന്ദ്രീകരിച്ചു. ചേച്ചി മുൻസീറ്റിലും അനു ഡ്രൈവിംഗ് സീറ്റിലും ഇരുന്ന് കത്തിയടിക്കുന്നുണ്ടായിരുന്നു. ഞാൻ അതൊന്നും മൈൻഡ് ചെയ്യാൻ പോയില്ല. ഒരു പൂക്കട കഴിഞ്ഞ് അടുത്ത വളവിലാണ് ഈ ഓഫ്‌നേജ്. ചില ദിവസങ്ങളിൽ ഞങ്ങൾ അവിടെ ഇറങ്ങി പൂവും വാങ്ങും. ആ പൂക്കടയിലുള്ള ചേച്ചിയെ കാണുമ്പോ എനിക്കൊരു കുളിരും, ഹരവും ഒക്കെയാ. ഇന്നും ആ പൂക്കട എത്തിയപ്പോ ഞാൻ ഒന്ന് അങ്ങോട്ട് കണ്ണ് പായിച്ചു.

ഇന്നും എന്റെ കണ്ണ് ഒന്നിൽ ഉടക്കി. പക്ഷെ അത് ആ ചേച്ചിയെ കണ്ടിട്ടായിരുന്നില്ല. വെളുത്തൊരു ചുരിതാർ ഇട്ട ഒരരായന്നം. ഒരു മിന്നായം പോലെ കാണാൻ പറ്റിയതെങ്കിലും കണ്ട പാടെ എന്റെ നെഞ്ചിലെ വാതിൽ തുറന്ന് കട്ടിലിട്ട് അവള് കിടപ്പുറപ്പിച്ചു.

“എടി നിനക്ക് പൂ വേണ്ടേ????”

അനു  ചേച്ചിയോട് ചോദിക്കുന്നത് ഞാൻ കേട്ടു. വേണം എന്ന് പറയണേ എന്ന് ഞാൻ ദൈവത്തോട് പ്രാർത്ഥിച്ചു.

“വേണ്ടടി.”

എടുത്തടിച്ച പോലെ ചേച്ചിയിൽ നിന്നും ആ മറുപടി കേട്ടപ്പോ എന്റെ ഹൃദയം പൊടിഞ്ഞു പോയി.

“നിനക്ക് വേണ്ടെങ്കി വേണ്ട. ഒരു കൂട മുല്ല പൂ വാങ്ങി ചെന്നില്ലേ എന്നെ അമ്മ വീട്ടികേറ്റത്തില്ല. വാങ്ങിച്ചോണ്ട് വരാന്ന് ഉറപ്പ് കൊടുത്തിട്ട ഞാൻ വന്നത്.”

“അത് തിരിച്ച് വരുമ്പോ വാങ്ങിയ പോരെ ടി????”

“അതിന് തിരിച്ച് നമ്മൾ ഈ വഴിയിലൂടെ അല്ലല്ലോ വരുന്നേ!”

“പിന്നെ????”

“എടി ഞാൻ പറഞ്ഞിട്ടില്ലേ എന്റെ പിന്നാലെ എപ്പളും നടക്കണ ഒരുത്തൻ ഉണ്ടെന്ന്????”

“അഹ് അരവിന്ദ് അല്ലെ????”

“Mm പുള്ളിയോട് എനിക്കും ഇപ്പോ ചെറുതായി ഇഷ്ട്ടം തോന്നുന്നുണ്ട്.”

“അതെന്താ മോളെ ചെറുതായി????”

“കളിയാക്കല്ലേ ടി. അവൻ എന്നും നിക്കുന്ന ഒരിടം ഉണ്ട്. എനിക്കിന്ന് അവനെ കാണണം. എനിക്കും അവനോട് ഇഷ്ട്ടം ഉണ്ടെന്ന് പറയണം. അതുകൊണ്ട് ഇന്ന് നമ്മൾ ആ വഴിയാ പോകുന്നെ. അല്ല കണ്ണാ നീ എന്താ ഒന്നും പറയാത്തെ????”

“ഓഹ് ഞാൻ എന്ത് പറയാനാ???? ഏതായാലും നീ പൊളിക്ക്.”

ഞാൻ ഒരു ഒഴക്കൻ മട്ടിൽ പറഞ്ഞു. അതിന് കാരണം പൂ കടയിൽ നിന്നും ആ അരയന്നം എന്റെ മുന്നിലൂടെ നേരെ പോയിരുന്നു.

“നിനക്കെന്താ വാവേ ഒരു ഉത്സാഹ കുറവ്????”

“ഓഹ് ഒന്നുമില്ല ചേച്ചി.”

“എടി ഞാൻ പോയി പൂ വാങ്ങി വരാം. നീ വരുന്നില്ലല്ലോ????”

“ഏയ്‌ ഇല്ലടി. ഓഫ്‌നേജ് എത്തി കഴിഞ്ഞാൽ എന്റെ വാവേക്ക് പിന്നെ റെസ്റ്റ് കാണില്ല. ഇപ്പോ കുറച്ച് നേരം കൂടി ന്റെ വാവ റെസ്റ്റ് എടുത്തോട്ടെ. നീ പോയി വാങ്ങിട്ടു വാ.”

അനു ഡോർ തുറന്ന് പൂ കടയിലേക്ക് പോയി.

“വാവേ………”

“എന്താ ചേച്ചി????”

“എന്താ നിന്റെ മുഖത്ത് ഒരു സങ്കടം????”

“ഏയ്‌ ഒന്നുമില്ല ചേച്ചി.”

“നിന്റെ മുഖം കണ്ടാൽ ചേച്ചിക്ക് അറിയില്ലേ???? എന്താ മോൻ ചേച്ചിയിൽ നിന്നും ഒളിക്കുന്നത്????”

അവളോട് ഞാൻ കള്ളം പറഞ്ഞിട്ടില്ല. എന്റെ മുഖത്ത് സങ്കടം കണ്ടാൽ കുത്തി കുത്തി ചോദിക്കും. എത്ര ഒളിപ്പിക്കാൻ ശ്രമിച്ചാലും അവൾ അത് എന്നിൽ നിന്നും കേട്ടിരിക്കും. ഇപ്പളത്തെ  എന്റെ സങ്കടത്തിന് കാരണം ഞാൻ അവളോട് പറഞ്ഞു. എല്ലാം കേട്ട് കഴിഞ്ഞ് ഒരു പൊട്ടിച്ചിരി ആയിരുന്നു അവൾ.

“ഇതിനായിരുന്നോ മോൻ സങ്കടപ്പെട്ടെ????”

അതും പറഞ്ഞ് അവൾ വീണ്ടും ചിരി തുടങ്ങി. “നീ ചിരിക്ക് ചേച്ചി. എനിക്കല്ലേ അറിയൂ. അവൾ ആരാണെന്നോ പേര് എന്താണെന്നോ ഒന്നും എനിക്കറിയില്ല. പക്ഷെ അവള് പോയപ്പോ എന്തോ നഷ്ട്ടപെട്ടത് പോലെയാ എനിക്ക് തോന്നുന്നേ.

“എടാ നീ അത് വിട്.”

“എല്ലാവർക്കും അങ്ങനെ വിട്ട് കള വിട്ട് കള എന്ന് പറയാൻ പറ്റും. പക്ഷെ നമ്മക്ക് വിട്ട് കളയാൻ പറ്റോ????”

“വിട്ട് കളയണം”

അതും പറഞ്ഞ് അവൾ വീണ്ടും ചിരിച്ചു. കൂടെ ചെറുതായി ഞാനും.

“അല്ല നിനക്ക് അസ്ഥിക്ക് പിടിച്ചിരിക്കുവാ????”

“എന്താണെന്ന് അറിയില്ല. കണ്ടപ്പോ തൊട്ട് ഇവിടെ ഉണ്ട് അവള്.”

അതും പറഞ്ഞ് ഞാൻ എന്റെ നെഞ്ചിൽ തൊട്ട് കാണിച്ചു.

“കൊള്ളാലോ മോനെ.”

“നീ പേടിക്കണ്ടടി ചേച്ചി ഞാൻ രാവിലെ പറഞ്ഞത് പോലെ നിന്നെ കെട്ടിച്ച് വീട്ടിട്ടെ ഞാൻ അവളെ കേട്ടു.”

“അപ്പൊ നടന്നത് പോലെ തന്നെ.”

ഞങ്ങളുടെ സംസാരം അവിടെ നിന്നു. കാരണം അനു വരുന്നുണ്ടായിരുന്നു.

“എടി ചേച്ചി അനുവിനോട് ഇതൊന്നും പറയല്ലേ.”

“പറയില്ല. പക്ഷെ എനിക്കെന്ത് വാങ്ങി തരും????”

“അവസരം മുതലെടുക്കല്ലേ ചേച്ചി!”

“ഞാൻ മുതലെടുക്കും. എന്ത് തരൂന്ന് പറ വാവേ.”

“നീ എന്ത് പറഞ്ഞാലും വാങ്ങി തരാടി  ചേച്ചി.”

“അങ്ങനെ വഴിക്ക് വാ. ഇപ്പോ ഒന്നും വേണ്ട.  ഞാൻ പറയാം.”

അപ്പോളേക്കും അനു വണ്ടിയിൽ കേറി.

“പൂ വാങ്ങിച്ചോ അനു????”

“അഹ് വാങ്ങിച്ചെട കണ്ണാ!”

“പോവാം.”

“അഹ് പോവാം.”

അങ്ങനെ ഞങ്ങൾ അവിടെ നിന്നും വണ്ടിയെടുത്തു. ഇനി ഒരേ ഒരു വളവും കൂടെയേ ഉള്ളൂ. ഞാൻ എന്റെ കണ്ണുകൾ മെല്ലെ അടച്ചു. എങ്ങനേം അവളെ കണ്ട് പിടിക്കണം. ഞാൻ മനസ്സിൽ ഒറപ്പിച്ചു. എന്നാലും ആരാവും അവൾ???? മുഖം പോലും നേരെ കാണാൻ പറ്റില്ലല്ലോ!!! ഞാൻ എന്നോട് തന്നെ ചോദിച്ചു.

“വാവേ എണീക്കെടാ ദേ സ്ഥലം എത്തി. വന്ന് എന്നെ പൊക്കെടാ വാവേ……..”

ചേച്ചിയുടെ വിളിയാണ് എന്നെ ചിന്തകളിൽ നിന്നും ഉണർത്തിയത്.

“അഹ് വരുവാ ചേച്ചി……….”

ഞാൻ ഡോർ തുറന്ന് വെളിയിൽ ഇറങ്ങി. ഒന്ന് നടു നിവർത്തി. ഒരു കോട്ടുവായും വിട്ടു. പിന്നെ മുമ്പിലത്തെ ഡോർ തുറന്നു. ഞാൻ എടുക്കുന്നത് കാതെന്നപ്പോലെ എന്റെ ചേച്ചിപ്പെണ്ണ് എന്റെ മുഖത്തേക്ക് തന്നെ നോക്കുന്നുണ്ടായിരുന്നു.

“നോക്കണ്ട. എടുക്കാൻ തന്നെയാ വന്നേ.”

അതും പറഞ്ഞ് ഞാൻ അവളെ സീറ്റിൽ നിന്നും വാരി എടുത്തു.

“ടാ നീ നടന്നോ ഞാൻ വണ്ടി ഒന്ന് സൈഡ് ആക്കി അങ്ങോട്ട് വന്നേക്കാം.”

അനു അതും പറഞ്ഞ് വണ്ടി start ചെയ്തു.

“എന്നാ നമ്മക്ക് നടക്കാം വാവേ????”

“ഒമ്പ്രാട്ടി”

ഞാൻ ഒരു കുസൃതി ചിരിയോടെ മറുപടി കൊടുത്തു. എന്നിട്ട് അവളേം എടുത്ത് ഓഫ്‌നേജിന് അകത്തേക്ക് നടന്നു. ഞങ്ങൾ അദ്യം കേറിയത് മുമ്പിൽ തന്നെ കണ്ട ഒരു ചെറിയ മുറിയിലേക്ക് ആണ്. അവിടെയാണ് ദൈവത്തിന് സമമായ ലളിതാമ്മ ഇരിക്കുന്നെ. ലളിതാമ്മയാണ് ഈ ഓഫ്‌നേജ് നോക്കിനടത്തുന്നത്. ഇവിടെയുള്ള എല്ലാവരും ലളിതാമ്മയുടെ മക്കൾ തന്നെയാ. ആരോരും ഇല്ലാത്തവർക്ക് വേണ്ടി സ്വന്തം ജീവിതം തന്നെ മാറ്റി വച്ച the one and only hero.

“അകത്തേക്ക് വരാമോ ലളിതാമ്മേ????”

എന്റെ കൈക്കുള്ളിൽ ഇരുന്ന എന്റെ ചേച്ചിപ്പെണ്ണ് ഡോറിൽ മുട്ടി ചോദിച്ചു.

“കേറി വാ മക്കളെ……..”

സ്നേഹത്തോടെയുള്ള മറുപടി അകത്തുനിന്നും കേട്ടു. ഞങ്ങൾ അകത്തേക്ക് കേറി.

“സുഖവാണോ ലളിതാമ്മേ????”

“സുഖം കണ്ണാ നിങ്ങൾക്കോ????”

“ഞങ്ങൾക്കും സുഖം.”

“ഇരിക്ക് കുട്ടിയോളെ.”

ഞാൻ അവിടെ ഇരുന്ന ഒരു ചെയറിൽ ചേച്ചിയേം ഇരുത്തി മറ്റേതിൽ ഞാനും ഇരുന്നു.

“അനുമോള് വന്നില്ലേ മക്കളെ????”

“വന്നു ലളിതതാമ്മേ അവള് കാർ ഒതുക്കാൻ പോയേക്കുവാ.”

“ഇന്ന് നല്ല സുന്ദരി ആയിട്ടുണ്ടല്ലോ ലളിതാമ്മേ”

“പോട കണ്ണാ ഇന്ന് ഒരു വിശേഷ ദിവസം ആയത്കൊണ്ട് ചെറുതായി ഒന്ന് ഒരുങ്ങിയെന്നെ ഉള്ളൂ.”

“വിശേഷദിവസമോ????”

“അതെ ലക്ഷ്മി മോളെ നിങ്ങൾക്ക് അറിയാൻ വഴിയില്ല. ഞാൻ പറയാം. പണ്ട്, പണ്ടെന്ന് പറഞ്ഞാൽ ഒരു പത്ത് പതിനേട്ട് വർഷങ്ങൾക്ക് മുൻപ് അന്ന് എന്റെ അമ്മയായിരുന്നു ഈ ഓഫ്‌നേജിന്റെ മേൽനോട്ടം. ഒരു ദിവസം രാത്രി ഒരു 12.30 യൊക്കെ ആയിക്കാണും, പുറത്തൂന്ന് ഒരു കുഞ്ഞിന്റെ കരച്ചില് കേട്ടു. പോയി  നോക്കുമ്പോ തണുപ്പത്ത് ഒരു പൊടികുഞ്ഞ് വിറച്ച് കിടക്കുന്നു. വിശന്നിട്ടാണെന്ന് തോന്നുന്നു നല്ല കരച്ചിലും. അമ്മ ആ കുഞ്ഞിനെ എടുത്തു അകത്ത് വന്നു. ഇവിടെയുള്ളവരോടൊപ്പം ആ കുഞ്ഞിനേം അമ്മ വളർത്തി. ആ കുഞ്ഞിന് ഒരു 3 വയസ്സ് ഉള്ളപ്പോ എന്റെ അമ്മ മരിച്ചു. അതിനുശേഷം ആ കുഞ്ഞിനേം ബാക്കിയുള്ളവരേം ഞാൻ നോക്കി സ്വന്തം മക്കളെപ്പോലെ. നല്ല സുന്ദരി കുട്ടിയായത് കൊണ്ട് മായ എന്ന് പേരുമിട്ടു. ഇവിടുള്ള എല്ലാവരുമായി അവള് നല്ല കമ്പനി ആയിരുന്നു. അവൾക്ക് 7 വയസ്സ് ഉള്ളപ്പോ ഒരു ദാമ്പതിമാര് അവളെ ദത്തെടുത്തു. പക്ഷെ ആ കുട്ടിക്ക് ഒന്നിനും ഭാഗ്യം ഇല്ലാണ്ടായിപ്പോയി. അവളുടെ പത്താം വയസ്സിൽ  ഒരു ആക്‌സിഡന്റിൽ അച്ഛൻ പോയി. അമ്മക്ക് അരക്ക് താഴെ തളർന്നുപ്പോയി. ആവൾക്ക് 18  വയസ്സ് ഉള്ളപ്പോ അമ്മയും പോയി. ഇടക്ക് ഇടക്ക് ഞങ്ങള് പോയി കാണുവായിരുന്നു. പിന്നെ പിന്നെ സമയം കിട്ടാതെയായി. മരിക്കും മുൻപ് അവരുടെ സ്വത്ത്‌ മുഴുവൻ അവള്ടെ പേരിൽ എഴുതിവച്ചിട്ടാ അവര് പോയത്. പക്ഷെ അതൊന്നും അവള് അവൾക്ക് വേണ്ടി ഉപയോഗിച്ചിട്ടില്ല, എല്ലാം ഈ ഓഫ്‌നേജിന്

വേണ്ടി ചിലവഴിച്ചു. നേരിട്ട് വരാൻ പറ്റാത്തത് കൊണ്ട് അവളുടെ ഫ്രണ്ട്‌സ് ഒക്കെയാ അവള് കൊടുത്തു വിടുന്ന പൈസ ഓക്കേ കൊണ്ട് വരുന്നേ. ക്ലാസ്സ്‌ ഉള്ളത് കാരണം ആണ് വരാത്തതേന്ന് അവള് ഫോൺ വിളിക്കുമ്പോളൊക്കെ പറയും. പക്ഷെ ഇപ്രാവിശ്യം വന്നിട്ടുണ്ട്. ഇന്നവളുടെ പിറന്നാളാ. അതും ആഘോഷിച്ച് ഒരാഴ്ച നിന്നിട്ടെ അവള് പോവൂള്ളൂ. അതാ ഞാൻ വിശേഷം എന്ന് പറഞ്ഞത്.”

ലളിതാമ്മ  പറഞ്ഞത് കേട്ട് എന്റെ കണ്ണുവരെ നിറഞ്ഞു.  ആരും കാണാണ്ട് ഞാനത് ഒപ്പി. ചേച്ചിയെ നോക്കി അവളും കണ്ണിര് ഒപ്പുകയായിരുന്നു.

“നിങ്ങളെ ഞാൻ കരയിപ്പിച്ചു അല്ലെ മക്കളെ????”

“ഏയ്‌ ആ കുട്ടിയുടെ കഥ കേട്ടപ്പോ കണ്ണ് നിറഞ്ഞു. അപ്പൊ അനുഭവിച്ചറിഞ്ഞ ആ കുട്ടിയുടെ അവസ്ഥ????”

“Mm മതി ചേച്ചി പിഴിഞ്ഞത്. വാ ഇനി എല്ലാവരേം കാണാം.”

“നീ കൂടുതല് ഡയലോഗ് അടിക്കണ്ട നീയും പിഴിഞ്ഞല്ലോ????”

അതും പറഞ്ഞ് അവള് ഒരാക്കിയ ചിരി ചിരിച്ചു. ഞാൻ ആകെ ചമ്മിപ്പോയി. ലളിതാമ്മയും ചിരിക്കുന്നുണ്ട്.

“മതി ചിരിച്ചത്!!!”

ഞാൻ അതും പറഞ്ഞ് സീറ്റിൽ നിന്നും എണിയിച്ചു. എന്നിട്ട് അവളുടെ സിറ്റിനരികിൽ പോയി, അവിടേം എന്റെ രണ്ട് കൈകളാൽ കോരി എടുത്തു.

“ലളിതാമ്മേ ഞങ്ങള് എല്ലാവരേം കണ്ടിട്ട് വരവേ.”

“അഹ് മക്കളെ കണ്ടിട്ടും വാ.”

ഞങ്ങൾ അതും പറഞ്ഞ് ആ മുറിയിൽ നിന്നും പുറത്തിറങ്ങി. പുറത്ത് വെളിയിൽ തന്നെ അനു നിപ്പുണ്ടായിരുന്നു.

“എടി പോത്തേ നീ എന്താ ഇവിടെ തന്നെ നിന്നേ അകത്തോട്ട് വരാത്തതെന്താ????”

“ഓഹ് എനിക്കൊന്നും കേൾക്കാൻ വയ്യ ലളിതാമ്മയുടെ കത്തിവെപ്പ്!!!”

“ദേ അനു വേറെ ആര് കത്തി വക്കുന്നു എന്ന് പറഞ്ഞാലും ഞാൻ സഹിക്കും. പക്ഷെ എന്റെ ലളിതാമ്മ കത്തിവക്കുന്നു എന്ന് പറഞ്ഞാൽ മൂക്ക് ഇടിച്ച് പൊട്ടിക്കും പറഞ്ഞേക്കാം.”

എന്റെ കൈക്കുള്ളിൽ ഇരുന്ന ചേച്ചിപ്പെണ്ണ് അനുവിനോട് ചീറി. കാര്യം അവര് നല്ല best friends ആണ്. പക്ഷെ ഈ ലളിതാമ്മയെ ആര് എന്ത് പറഞ്ഞാലും അവള് ദേഷ്യപ്പെടും. അതിനിയിപ്പോ ഞാനായാലും!!!”

“അയ്യോ എന്റെ പൊന്ന് ലച്ചു, ഞാൻ ഒരു തമാശ പറഞ്ഞതല്ലേ????  ഞാൻ ദേ ഇപ്പോ ഇങ്ങോട്ട് വന്നേ ഉള്ളൂ. അപ്പോഴേക്കും നിങ്ങള് വെളിയിൽ ഇറങ്ങി. ഒരു കാര്യം ചെയ്യാം നമ്മക്ക് തിരിച്ച് പോവാൻ നേരം ലളിതാമ്മയെ ഒന്നൂടെ കാണാം പോരെ????”

“Mm”

അതിന് അവളൊന്ന് അമർത്തി മൂളി. ഞങ്ങൾ അവിടെന്ന് ഒരു വലിയ ഹാളിലേക്കാണ് പോയത്. വിശാലമായ ഒരു ഹാൾ. അവിടെ ഒരുപാട് കുട്ടികൾ. ഓരോ പ്രായത്തിലുള്ള ഓരോരോ കുട്ടികൾ. അവരുടെ കളിയും ചിരിയും കുസൃതികളും. കണ്ട് നിക്കാൻ തന്നെ എന്തൊരു ഭംഗി ആണ്. അവരുടെ ആ മനസ്സുകളിൽ കള്ളമില്ല. അവരെ കാണുവാൻ വരുന്ന ഓരോരുത്തരേം അവര് ഒരു ചിരിയോടെ നോക്കികാണുന്നു. അവർക്ക് തമ്മിൽ ഒരു തരത്തിലും പിണങ്ങാനോ, കളിയക്കാനോ കഴിയില്ല. ഞങ്ങൾ ആ കാഴ്ച കുറച്ച് നേരം നോക്കി നിന്നു.

“വാവേ ഇങ്ങനെ നോക്കി നിന്നാ നിന്റെ കൈ തന്നെ വേദനിക്കും. വാ നമ്മക്ക് എല്ലാവർക്കും ഉള്ള ചോക്ലേറ്റും കലിപ്പാട്ടങ്ങളും കൊടുക്കാം.”

ഇതൊരു പതിവാണ്. എല്ലാ ഞായറാഴ്ചയും ഇവിടെ വരുമ്പോ എല്ലാവർക്കുമുള്ള ചോക്ലേറ്റും കലിപ്പാട്ടങ്ങളും ഉടുപ്പുകളും കൊണ്ടാ ഞങ്ങൾ വരുന്നേ. അത് വാങ്ങുമ്പോൾ ഉള്ള അവരുടെ സന്തോഷവും, അത് കൊടുക്കുമ്പോ ഉള്ള ഞങ്ങടെ സന്തോഷവും പറഞ്ഞറിയിക്കാൻ പറ്റാത്തത് ആണ്. ഞങ്ങൾ എല്ലാവരേം കാണാൻ പോയി. ഞങ്ങളെ കാണുമ്പോ ഓടി വരുന്ന ഒരു കുറുമ്പത്തി ഉണ്ട്. മാളു. ഞങ്ങടെ മാളൂട്ടി. 4 വയസ്സേ ആയിട്ടുള്ളു കക്ഷിക്ക്.

“എന്നേം കൂടെ എത് ചേത്താ”

“അച്ചോടാ വാ വാവേ………. ചേട്ടൻ എടുക്കാട്ടോ!”

ഞാൻ അതും പറഞ്ഞ് എന്റെ കൈയിലിരുന്ന ചേച്ചിയെ  അവിടെ അടുക്കി വച്ചിരിക്കുന്ന ഒരു ബെഡിൽ ഇരുത്തി. എന്നിട്ട് മാളൂട്ടിയേ എടുത്തു പൊക്കി. അവിടെ കുട്ടികൾക്ക് കിടക്കാനായി ഇട്ടിരുന്നതാണ് ആ ബെണ്ടുകൾ. ഞാൻ അവളേം എടുത്ത് രണ്ട് റൗണ്ട് കറക്കി.

“ഹി ഹി നല്ല രസം ഇനിയും മേണം ഇനിയും കറക്ക് ചേത്താ.”

അവളുടെ നിഷ്കളങ്കമായ പറച്ചിലും അതിനൊത്ത ചിരിയും കൂടെ ആയപ്പോ ഞാൻ വീണ്ടും ചിരിച്ചുകൊണ്ട് അവളെ കറക്കി.

“മാളൂട്ടി…………………..”

പിന്നിൽ നിന്നും ഒരു വിളി. ഞാനും ചേച്ചിയും അനുവും ഒരേ സമയം തിരിഞ്ഞു നോക്കി. ആ ഉടമയെ കണ്ട് എല്ലാവരുടേം മുഖത്ത് ഒരു ചിരി വന്നു. എന്റെ മുഖത്ത് ഞെട്ടലായിരുന്നു. പൂ കടയിൽ വച്ച് ഞാൻ കണ്ട ആ അരയന്നം. കണ്മുന്നിൽ വച്ച് നടന്നകന്നപ്പോ എന്റെ ഉള്ളം ഒരു നോക്ക് ആ മുഖം കാണുവാനായി കൊതിച്ചിരുന്നു. ദേ ഇപ്പോ എന്റെ വിഷമം മനസിലാക്കിട്ടെന്നോണം ദൈവം എന്റെ മുന്നിൽ വീണ്ടും ആ സുന്ദരിയെ കൊണ്ടെത്തിച്ചു.

🎶🎶 സുന്ദരിയെ വാ വെണ്ണിലവേ വാ എൻ ജീവതാളം നീ പ്രണയിനി ഓ ഓ ഓ 🎶🎶

എന്റെ ഉള്ളിലിരുന്ന് ആരോ പാടുന്നത് പോലെ.

“ഹായ് മായ ചേത്തി………..”

എന്റെ കൈക്കുള്ളിൽ ഇരുന്ന് മാളൂട്ടി വിളിച്ച് കൂവി. മായ,  നേരത്തെ ലളിതാമ്മ പറഞ്ഞ ആ കുട്ടി ഇതാണോ ഈശ്വരാ???? അതുവരെ എന്റെ കൈലിരുന്ന മാളൂട്ടി പെട്ടന്ന് എടുക്കാനെന്നോണം മായയെ നോക്കി കൈ കാട്ടി.

“വാ കണ്ണാ……….”

കണ്ണാന്ന് വിളിച്ചത് മാളൂട്ടിയെ ആണെങ്കിലും അത് എന്നെയാന്ന് ഞാൻ ഒരു നിമിഷം വിചാരിച്ചു പോയി. അവൾ എന്റെ കൈയിൽ നിന്നും മാളൂട്ടിയെ വാങ്ങി.

“സുഖവാണോ എന്റെ കണ്ണന്????”

“Mm നിച്ച് സുഖം ചേത്തിക്കോ????”

“Mm എനിക്കും സുഖമാ വാവേ…….”

“കണ്ണന് ഞാൻ ഒരുപാട് ചോക്ലേറ്റ് കൊണ്ട് വന്നിട്ടുണ്ട് എന്റെ മോക്ക് വേണ്ടേയ്????”

“Mm മേണം മേണം”

അവള് കുഞ്ഞിനേം കൊണ്ട് എന്റെ മുന്നിലൂടെ വീണ്ടും നടന്നു നീങ്ങി. ഞങ്ങളെയൊക്കെ നോക്ക്കുത്തി അക്കിട്ടാണ് അവള് പോയത്.

“വാവേ………..”

ചേച്ചി വിളിച്ചപ്പോളാണ് ഞാൻ വീണ്ടും സ്വബോധത്തിലേക്ക് വന്നത്.

“എന്താ വാവേ ഒരേ നോട്ടമാണല്ലോ!!”

“ചേച്ചി ഞാൻ പറഞ്ഞില്ലേ പൂ കടയിൽ വച്ച് ഒരു പെണ്ണിനെ കണ്ടെന്ന്????”

“അഹ്,”

“അതവളാ”

“തവളേ????”

“ഓഹ് തെങ്കാശിപ്പട്ടണം 100 തവണ കണ്ടിട്ട് അതില കോമഡി അടിക്കണ്. അപ്പൊ എന്റെ ചേച്ചിക്ക് സ്വന്തമായി ഒരു കോമഡിയും ഇല്ല. എല്ലാം സിനിമകളിൽ നിന്നും കോപ്പി അടിച്ചതാണ്.

“അഹ് അങ്ങനെ തന്നെയാ ഇപ്പോ എന്തേ????”

“ഏയ് എനിക്കൊന്നുമില്ല.”

“എടാ പൂക്കടയിൽ വച്ച് ആരെ കണ്ടെന്നാ നീ ഈ പറയണേ????”

“അനു അത് നിനക്ക് അറിയില്ല. വഴിയേ പറഞ്ഞ് തരാം.”

സത്യത്തിൽ അനു അവിടെ ഉണ്ടെന്ന കാര്യം ഞാൻ മറന്നു പോയിരുന്നു.

“വാവേ ലളിതാമ്മ പറഞ്ഞ മായ ആ കുട്ടിയാ.”

“Mm മനസിലായി ചേച്ചി.”

“ഓഓഓ എനിക്കൊന്നും മനസിലാവുന്നില്ല. നീ പറയുന്നു, പൂ കടയിൽ വച്ച് കണ്ട പെണ്ണാന്ന്. ഇപ്പോ പറയുന്നു ലളിതാമ്മ പറഞ്ഞ പെണ്ണാന്ന്. നിനക്കൊക്കെ എന്താടാ വട്ടായോ????”

“എല്ലാം നിനക്ക് പറഞ്ഞ് തരാം സമയമാവട്ടെ…….”

“മക്കളേ……………….”

ആ വിളി കേട്ടപ്പോഴേ അത് വിളിച്ചത് ആരാണെന്ന്  ഞങ്ങൾക്ക് മനസിലായി. ലളിതാമ്മ. ഞങ്ങൾ തിരിഞ്ഞു നോക്കി. ഇപ്രാവശ്യവും മറ്റാരെക്കാളും ഞാൻ ഞെട്ടി. ലളിതാമ്മയുടെ കൂടെ മായ. എനിക്ക് ഇപ്പോഴും മനസിലാവാത്തത് ഒന്നാണ് എന്തിനാണ് മായയെ കാണുമ്പോ ഞാൻ ഇങ്ങനെ ഞെട്ടുന്നത് എന്നാണ്. അഹ് ദൈവത്തിനറിയാം. ഞാൻ അവളെ തന്നെ കണ്ണും മിഴിച്ച് നോക്കിനിക്കുവായിരുന്നു.

“മക്കളേ ഇതാണ് ഞാൻ നേരത്തെ പറഞ്ഞ മായ മോൾ.”

🎶🎶 മായേ മായേ നിന്നെ കാണാൻ ക്യൂട്ട് വറ്റി പോയെ എന്റെ ചങ്കിൻ പൂട്ട് 🎶🎶

എന്റെ ഉള്ളിലിരുന്ന് വീണ്ടും ആരോ പാടി.

“Mm മനസിലായി ലളിതാമ്മേ……”

അതിന് മറുപടി കൊടുത്തത് ചേച്ചിയാണ്.

“ആഹാ അപ്പൊ നിങ്ങള് നേരത്തെ പരിചയപ്പെട്ടോ????”

“ഏയ്‌ ഇല്ല ലളിതാമ്മേ, നേരത്തെ ഈ കുട്ടിയെ കണ്ടായിരുന്നു. അപ്പോഴേ ഞങ്ങൾക്ക് മനസിലായി.”

“അല്ല അനുമോളിത് എപ്പോ വന്നു????”

“ഞാൻ ഇപ്പോ വന്നേ ഉള്ളൂ. തിരിച്ച് പോവുമ്പോ ലളിതാമ്മയെ വന്ന് കണ്ടിട്ട് പോവാന്ന് വിചാരിച്ചു.”

“അപ്പൊ നിങ്ങൾ സംസാരിച്ചിരിക്ക് ഞാൻ അങ്ങോട്ട് പോട്ടെ,”

“അഹ് ലളിതാമ്മേ.”

“അല്ല കണ്ണാ നീ എന്താ ഒന്നും മിണ്ടാത്തെ????”

അടുത്ത ആ ചോദ്യം കറങ്ങി തിരിഞ്ഞ് എനിക്കിട്ട് വരുമെന്ന് ഞാൻ സ്വപ്നത്തിൽ പോലും വിചാരിച്ചില്ല. മായ നിക്കുമ്പോ, ഞാൻ വേറേതോ ലോകത്ത് എത്തിയത് പോലെയാ.

“അ….അത് ലളിതാമ്മേ, ഞാൻ എന്തോ ഓർത്തിട്ട്…….”

ഞാൻ വാക്കുകൾക്ക് പരതാൻ തുടങ്ങി.

“Mm അത് ആദ്യമേ മനസിലായി. വേറെ ഏതോ ലോകത്താണെന്ന്.”

അതും പറഞ്ഞ് ലളിതാമ്മ നടന്നു. ഇവിടെ ഇപ്പോ അനുവും, ചേച്ചിയും, ഞാനും, പിന്നെ എന്റെ അരയന്നം മായയും, പിന്നെ കുറെ കുട്ടിപട്ടാളങ്ങളും.

“ഹലോ ഞാൻ മായ. കണ്ണനല്ലേ????”

അവൾ അതും പറഞ്ഞ് എനിക്ക് നേരെ കൈ നീട്ടി. അപ്പോഴും ഞാൻ വേറെ ഏതോ ലോകത്തായിരുന്നു.

“ഹലോ മാഷേ താനിത് ഏത് ലോകത്താ????”

വീണ്ടും അവളുടെ ശബ്‌ദം. പക്ഷെ ഇത്തവണ ഞാൻ എന്റെ വിറയാർന്ന കൈകൾ യാത്രികമായി അവൾക്ക് നേരെ നീട്ടി.

“ഹലോ”

“ഇവിടെ അവൻ മാത്രമല്ല ഞങ്ങളും ഉണ്ട്.”

ചേച്ചി അത് പറഞ്ഞതും അവള് പെട്ടന്ന് കൈ വലിച്ചു. അവള് കൈ വലിച്ചപ്പോ എന്റെ കൈയിലേക്ക് ഒരു തണുപ്പ് പടർന്നു. ആദ്യമായി കാണുന്നത് പോലെ ഞാൻ എന്റെ കൈയെ സുക്ഷമമായി നോക്കി.

“ഹായ് ഞാൻ മായ.”

“ലക്ഷ്മി.”

അവൾ എന്റെ ചേച്ചിയെ പരിചയപ്പെട്ടു. അതിനുശേഷം അവൾ അനുവിന് നേരെ തിരിഞ്ഞു അവളെ പരിചയപ്പെട്ടു. പിന്നെ അവര് എന്തെക്കെയോ സംസാരിച്ചു. എനിക്കൊന്നും കേൾക്കാൻ കഴിഞ്ഞില്ല. ചുണ്ടനക്കം മാത്രം കേൾക്കാം. എനിക്കെന്താണ് സംഭവിക്കുന്നത്???? ഇവളെ കാണുമ്പോ ഞാനെല്ലാം മറക്കുന്നു. ഞാൻ വേറെതോ ലോകത്ത് എത്തുന്നു. ഇവളും ഞാനും തമ്മിൽ എന്തെങ്കിലും ബന്ധം ഉണ്ടോ????

“വാവേ…….. ടാ വാവേ.”

വീണ്ടും ചേച്ചി തന്നെ വന്നു, എന്നെ സ്വബോധത്തിലേക്ക് കൊണ്ട് വരാൻ.

“നിന്റെ സ്വപ്നം കണല് കുറച്ച് കൂടുന്നുണ്ട്. എപ്പോ മുതലാണ് ഈ അസുഖം തുടങ്ങിയതെന്ന് എനിക്ക് മാത്രേ അറിയൂ.”

അവള് ഒരാക്കിയ ചിരി ചിരിച്ച് എനിക്കിട്ട് കൊട്ടി.

“നീ വിളിച്ച കാര്യം പറ ചേച്ചി.”

ഞാൻ ഒന്ന് ശബ്‌ദം കടുപ്പിച്ചു.

“ഓഹ് മോൻ ചൂടാവാതെ ചേച്ചി പറയാം. ഇതൊരു തമാശയാണേ നീ ചിരിക്കരുത്!!!”

“നീയല്ലേ പറയണേ ആലോചിക്കണം.”

ഞാനൊരു ഒഴക്കൻ മട്ടിൽ പറഞ്ഞു.

“ഈ മായ ഇല്ലേ എന്നോട് പറയുവാണ് വാ നമ്മക്ക് ഇവിടെയൊക്കെ ചുറ്റി നടക്കാന്ന്!!”

അതും പറഞ്ഞ് അവൾ ഒരു പൊട്ടിച്ചിരി ആയിരുന്നു. അവിടെ ഉള്ള കുട്ടി പട്ടാളങ്ങൾ എല്ലാം അത് നോക്കി നിക്കുന്നു. മായ ആണെങ്കിൽ ഇവിടിപ്പോ എന്താ ഉണ്ടായേ എന്ന മട്ടിൽ. പക്ഷെ എനിക്കെ അറിയൂ, അവള് പുറമെ ചിരിക്കുന്നെങ്കിലും അകമേ എന്റെ ചേച്ചി അലറി കരയുവാ. അത് എനിക്കും

വല്ല്യ വിഷമം ഉണ്ടാക്കി. എന്നാലും ചുണ്ടില് ഞാനൊരു ചിരി വരുത്താൻ ശ്രമിച്ചു.

“എന്താ ഇങ്ങനെ ചിരിക്കൂന്നേ???? ഞാൻ പറഞ്ഞത് തമാശയൊന്നും അല്ലല്ലോ???? ഒന്ന് നടക്കമെന്നല്ലേ പറഞ്ഞൂളൂ???? അത് തമാശയാ????”

ഒരു കെട്ട് ചോദ്യങ്ങൾ അവൾ ഞങ്ങൾക്ക് നേരെ എറിഞ്ഞു.

“വാവേ നീ തന്നെ പറ, എനിക്ക് പറയാൻ വയ്യ. ചിരിച്ച് ചിരിച്ച് വയർ വേദനിക്കുന്നു.”

അതും പറഞ്ഞ് അവൾ പിന്നും ചിരിക്കാൻ തുടങ്ങി.

“മായ എന്റെ കൂടെ ഒന്ന് വരവോ????”

ഞാൻ അവളോട് ചോദിച്ചു.  അവള് എന്നെ നോക്കി. ഇപ്പൊ എന്താണെന്ന് അറിയില്ല, അവളോട് എനിക്ക് സംസാരിക്കാൻ പറ്റുന്നുണ്ട്. പഴയത് പോലെ അവള് എന്നെ നോക്കിയപ്പോ ഞാൻ ഒരു ലോകത്തും പോയില്ല. എനിക്കിപ്പോ അവൾടെ കണ്ണിൽ നോക്കി ഇഷ്ടമാണെന്ന് പോലും പറയാൻ പറ്റും. പക്ഷെ ഇപ്പൊ അതല്ലല്ലോ പറയേണ്ടത്. അവൾ വരാം എന്നർഥത്തിൽ തലയാട്ടി. ഞങ്ങൾ അവിടെന്ന് കുറച്ച് അപ്പുറത്തേക്ക് മാറി നിന്നു.

“മായ നീ ചേച്ചിയോട് ചോദിച്ചില്ലേ ചുറ്റി നടക്കാന്ന്, അവൾക്ക് ആഗ്രഹം ഇല്ലാഞ്ഞിട്ടല്ല. നമ്മളെ പോലെ അവൾക്ക് നടക്കാൻ കഴിയില്ല. 1 വർഷം മുൻപ് ഒരു ആക്‌സിഡന്റിൽ…………”

ഞാൻ ബാക്കി പറഞ്ഞില്ല.

“പക്ഷെ ലക്ഷ്മി ചേച്ചിക്ക് കാലിന് ഒരു കുഴപ്പവും ഇല്ലല്ലോ????”

“കാണുന്നവർക്ക് അങ്ങനെ തോന്നും മായ. പക്ഷെ അവളുടെ കാലുകള് നിലത്തുറക്കത്തില്ല. അരക്ക് താഴെ തളർന്നു പോയി.”

എനിക്കത്രെ പറയാൻ കഴിഞ്ഞോളൂ. എന്റെ കണ്ണിൽ നിന്നും വന്ന ചുടുകണ്ണുനിര് തുള്ളി ഞാൻ തുടച്ച് കളഞ്ഞ് അവളെ നോക്കി. അവളും കണ്ണിര് ഒപ്പുകയായിരുന്നു. ഇന്ന് പരിചയപ്പെട്ടൊരാൾക്ക് വേണ്ടി അവൾ കണ്ണിര് ഉഴുക്കുന്നു.

“പക്ഷെ നടക്കാൻ പറ്റില്ല എന്ന കുറവ് ഞാൻ അവളെ അറിയിച്ചിട്ടില്ല. എന്തിനും അവളെന്നെ വിളിക്കൂ.”

“സോറി കണ്ണാ എനിക്കറിയില്ലായിരുന്നു. കാണുന്നവർക്ക് normal ആയേ തോന്നു. അതാ ഞാൻ………”

ഇത്രയും പറഞ്ഞപ്പോ തന്നെ അവളുടെ മുഖം വീണ്ടും വാടി.

“ഏയ്‌ മായ എല്ലാവരും ശ്രദ്ധിക്കും. വാ അങ്ങോട്ടേക്ക് പോവാം.”

“ന്നാലും ഞാൻ……..”

“താൻ എന്ത് ചെയ്‌തെന്ന ഈ പറയണേ???? എല്ലാവർക്കും എപ്പോഴും സന്തോഷം ദൈവം കൊടുക്കത്തില്ല. അവൾടെ സന്തോഷം 1 വർഷം മുൻപ് ഇല്ലാണ്ടായി. തന്റെ സന്തോഷവും അതുപോലെ ഇല്ലാണ്ടായതല്ലേ????”

എനിക്ക് അപ്പൊ അങ്ങനെ ചോദിക്കാനാ തോന്നിയത്.

“എന്നെ പറ്റി എങ്ങനെ????”

“ലളിതാമ്മ പറഞ്ഞു. എല്ലാം. പിന്നെ ഒരു കാര്യം പറയാൻ വിട്ടുപോയി.”

“അവള് എന്താന്ന രീതിയിൽ എന്നെ നോക്കി.”

“Many many happy rettens of the day”

അവൾ അത്ഭുതത്തോടെ എന്നെ നോക്കി.

“ഇന്ന് എന്റെ birth day ആണെന്ന് എങ്ങനെ അറിയാം????”

“ഞാൻ പറഞ്ഞില്ലേ ലളിതാമ്മ എല്ലാം പറഞ്ഞു. എല്ലാം.”

അവള് അതിന് ഒന്ന് ചിരിച്ചു. ന്റെ ദൈവമേ മനുഷ്യരെ കൊല്ലുന്ന ചിരി എന്ന് കേട്ടിട്ടേ ഉള്ളൂ. ഇപ്പൊ ദേ കണ്ടു. ഇപ്പോഴേ ഇഷ്ടമാണെന്ന് പറഞ്ഞാലോ???? വേണ്ട ചിപ്പായി പോവും. ആർക്കും വിട്ടുകൊടുക്കില്ല ഇവളെ. എനിക്ക് തന്നെ വേണം.

“വീണ്ടും സ്വപ്നം കാണുവാ????”

വീണ്ടും ചിരിച്ചു കൊണ്ടാണ് അവൾ അത് ചോദിച്ചത്.

“എന്താണെന്ന് അറിയില്ല. നിന്നേ കാണുമ്പോ കാണുമ്പോ എനിക്ക് ബോധം പോവുവാ……”

പറഞ്ഞതിന് ശേഷമാണ് മണ്ടത്തരം ആയിപ്പോയി എന്ന് മനസിലായത്.

“അതെന്താ എന്നെ കാണാൻ അത്രക്ക് മോശാ????”

അവൾ തെല്ലുപരിഭവത്തോടെ ചോദിച്ചു.

“മോശം ആയത് കൊണ്ടല്ല. സുന്ദരിയായത് കൊണ്ടാ.”

ഞാനത് പറഞ്ഞപ്പോ പെണ്ണിന്റെ മുഖം ഒന്ന് കാണാമായിരുന്നു. ആ മുഖത്ത് നാണത്തിൽ കലർന്ന ഒരു ചിരി ഉണ്ടായിരുന്നു.

“അതെ ഇങ്ങനെ നിന്നാ മതിയോ???? വാ പോകാം.”

ഞാൻ അതും പറഞ്ഞ് തിരിച്ച് നടന്നു. പിന്നാലെ  അവളും.

തുടരും………………