🤵പുലിവാൽ കല്യാണം 3👰

ഏവർക്കും എന്റെ ഹൃദയം നിറഞ്ഞ ഓണാശംസകൾ

ഈ ഭാഗം ഒരുപാട് വൈകിപ്പോയി എന്നറിയാ, മനഃപൂർവം അല്ല…. സാഹചര്യങ്ങൾ എല്ലാം എതിരായിരുന്നു…. എഴുതാൻ പറ്റിയില്ല, എങ്കിലും ക്ഷമയോടെ കാത്തിരുന്ന നിങ്ങൾ ഏവർക്കും എന്റെ ഒരു കുഞ്ഞ് ഓണസമ്മാനമായി ഞാൻ ഈ ഭാഗം സമർപ്പിക്കുന്നു ഒരുപാട് പ്രതീക്ഷ ഒന്നും വെച്ച് വായിക്കരുത്, എന്താണ് അവസ്ഥ എന്ന് അറിയില്ല, എഴുതി കഴിഞ്ഞ ശേഷം മൊത്തമായി ഒന്ന് വായിക്കാൻ പോലും നിൽക്കാതെ അയയ്ക്കുകയാണ്…. കൂടുതൽ വെറുപ്പിക്കുന്നില്ല, കഥയിലേക്ക് കടക്കാം

ശ്രീലക്ഷ്മിയുടെ കൂടെ വന്നത് ആരാണ്??” ലേബർ റൂമിന് വെളിയിലേക്ക് വന്നിട്ട് നഴ്സ് അത് ചോദിച്ചതും ഞാൻ ചാടി എഴുന്നേറ്റു….

“എന്താ ചേച്ചി??” എന്റെ ആ ചേച്ചി വിളി കേട്ടിട്ട് പുള്ളിക്കാരിക്ക് ചിരി വന്നു, പെട്ടെന്നുള്ള വെപ്രാളത്തില് വിളിച്ചു പോയതാണ്.

“ആഹ്…. ഇത് വേഗം പോയി വാങ്ങി വരണം…… പിന്നെ ഇപ്പോ തന്നെ പ്രസവമുറിയിലേക്ക് കൊണ്ടുപോകും…..” ഒരു കടലാസ് എനിക്ക് നേരെ നീട്ടികൊണ്ട് അവർ പറഞ്ഞു…

“ഇങ്ങ് കൊണ്ട…….. ഞാൻ പോവാം, നീ ഇവിടെ നിൽക്ക്” എന്നും പറഞ്ഞ് നഴ്സ് തന്ന ആ കടലാസ് എന്റെ കയ്യിൽ നിന്ന് വാങ്ങി വിഷ്ണു പോയി….

ഞാൻ തിരിച്ച് ആ വരാന്തയിൽ ഇട്ട കസേരയിലേക്ക് ഇരുന്നു……… എന്തോ കോംപ്ലിക്കേഷൻസ് ഉണ്ടെന്ന് ഡോക്ടർ പറഞ്ഞിരുന്നു, ഒന്നും വരുത്തരുതേ…

“വൈഫിന്റെ ആദ്യ പ്രസവം ആണല്ലേ??…. പേടിക്കണ്ട മോനെ, ഒന്നും സംഭവിക്കില്ല…… സന്തോഷിക്കുകയല്ലേ വേണ്ടത്, ഇങ്ങളെ വാപ്പാ ന്ന് വിളിക്കാൻ ഒരാൾ വരാൻ പോവല്ലേ…..” എന്റെ തൊട്ടടുത്ത കസേരയിൽ ഇരിക്കുന്ന നാല്പത് വയസ് പ്രായം തോന്നിക്കുന്ന ആള് എന്റെ തോളിൽ തട്ടി പറഞ്ഞു

ഞാൻ പുള്ളിയെ നോക്കി വെറുതെ ഒന്ന് ചിരിക്കുക മാത്രം ചെയ്തു

“ഈ ടെൻഷൻ മാറണമെങ്കിൽ കുഞ്ഞിനെ ഇങ്ങോട്ട് കയ്യിൽ കിട്ടുക തന്നെ വേണം, എനിക്ക് മനസിലാവും തന്റെ അവസ്ഥ, എന്റെ പെണ്ണുങ്ങളുടെ ആദ്യ പ്രസവത്തിന്റെ സമയത്ത് തന്നെക്കാൾ ടെൻഷൻ ആയിരുന്നു എനിക്ക്……. ഹാ, ഇപ്പോ കണ്ടില്ലേ ഞാൻ എത്ര കൂൾ ആയിട്ടാണ് ഇരിക്കുന്നേ, കാരണം എന്താ?? ഇത് അവളുടെ അഞ്ചാമത്തെ പ്രസവമാണ്, ഇപ്പോ ആ ഡോക്ടറേക്കാൾ എക്സ്പീരിയൻസ് അവൾക്കുണ്ട്……….. ഹ….ഹ…….ഹ….” അയാളുടെ ഉറക്കെയുള്ള സംസാരവും ചിരിയും കേട്ട് ആളുകൾ എല്ലാം ഇങ്ങോട്ട് ശ്രദ്ധിക്കുന്നുണ്ട്….. ഹോ……..

“ശരി ചേട്ടാ….. ഞാൻ ഒന്ന് അങ്ങോട്ട്…..” അതും പറഞ്ഞ് ഞാൻ ആ കസേരയിൽ നിന്ന് എഴുന്നേറ്റു

“എന്താ……. ടെൻഷൻ മാറ്റാൻ പോവാണോ, ആണെങ്കിൽ റം ആണ് നല്ലത്….

. ഹ…… ഹ……. ഹ……” അയാളുടെ സംസാരം കേട്ട് ചുറ്റും നിൽക്കുന്നതിൽ ചിലർ ചിരിക്കുന്നുണ്ട്, ചിലർ ഇത്തിരി അരിശത്തോടെ നോക്കുന്നുമുണ്ട് ആശുപത്രിയാണ്, പലരും പല മാനസികാവസ്ഥയിൽ ആയിരിക്കും നിൽക്കുന്നത്…… വെറുതെ അവിടെ ഇരുന്ന് പുള്ളിയുടെ കത്തിക്ക് മൂർച്ച കൂട്ടി കൊടുക്കണ്ട എന്ന് കരുതി പുള്ളിയെ നോക്കി നല്ലൊരു ചിരിയും ചിരിച്ച് ഞാൻ പുറത്തേക്ക് ഇറങ്ങി നടന്നു…..

ആശുപത്രിയുടെ പുറത്ത് ഇറങ്ങിയപ്പോൾ അതാ ഒരു പയ്യൻ അവിടെ നിന്ന് സിഗരറ്റ് വലിക്കുന്നു, ഹോ….. അത് കാണുമ്പോൾ വലിക്കാൻ തോന്നും, അരുത് ടോണി അരുത്, കണ്ട്രോൾ. …….. ഈ സാധനം നിന്റെ ജീവിതം തന്നെ നശിപ്പിക്കും, കരിയർ………പിന്നെ “വാക്ക്” കൊടുത്തതാണ് ഇനി ഈ സാധനം കൈ കൊണ്ട് തൊടില്ലെന്ന്…… ഹ്മ്മ്……..

ഇവിടെ നിന്ന ശരിയാവില്ല, ഞാൻ കുറച്ച് അപ്പുറത്തേക്ക് നടന്നു, ആശുപത്രിയുടെ സൈഡിൽ പാർക്കിംഗ് ഏരിയയുടെ അടുത്ത് ഒരു വലിയ മരച്ചുവട്ടിൽ ഒരു ബെഞ്ച് ഇട്ടിട്ടുണ്ട്, പരിസരത്ത് എങ്ങും ഒറ്റ കുഞ്ഞില്ല….. നല്ല ശാന്തമായ സ്ഥലം, ഞാൻ നേരെ ആ ബെഞ്ചിൽ പോയി ഇരുന്നു…

ജീൻസിന്റെ പോക്കറ്റിൽ കയ്യിട്ട് ഫോൺ എടുത്ത് നോക്കിയപ്പോൾ സ്വിച്ച്ഓഫ്, ശ്യോ……… ആ സാരമില്ല, അവിടെ കിടക്കട്ടെ….. വല്യ കാര്യമൊന്നും ഇല്ല, സ്വസ്ഥമായി ഇരിക്കാം.

എന്തൊക്കെയാണ് എന്റെ ജീവിതത്തിൽ സംഭവിച്ചത്?? കൂടെപ്പിറപ്പിനെ പോലെ, അല്ല അതിനും മുകളിൽ ആയിരുന്ന കൂട്ടുകാരനും ചുരുങ്ങിയ സമയംകൊണ്ട് സ്വന്തം ആണെന്ന് വിശ്വസിച്ച പെണ്ണും കൂടെ ചതിച്ചു എന്ന യാഥാർഥ്യം മനസ്സിലാക്കുന്നതിന് ഇടയിൽ എന്നെ ചതിച്ചവളുടെ ചേച്ചിയെ തന്നെ വിവാഹം കഴിക്കേണ്ട വരുന്നു

കുറച്ച് നേരം ഒറ്റയ്ക്ക് സ്വസ്ഥമായി ഇരുന്നപ്പോൾ തന്നെ മനസ്സ് ഒന്ന് ശാന്തമായി തുടങ്ങി…… ചിലപ്പോൾ ഇങ്ങനെ തനിച്ച് ഇരിക്കുന്നത് ഒരു പ്രത്യേക ഫീലിംഗ് തന്നെയാണ്, പ്രകൃതിയിൽ ലയിച്ച് ഇങ്ങനെ ഇരിക്കുമ്പോൾ തന്നെ പ്രശ്നങ്ങൾ എല്ലാം മറക്കും, സമാധാനവും കിട്ടും……

കുറച്ച് നേരം അങ്ങനെ എല്ലാം മറന്ന് ഇരികുമ്പോഴാണ് ഫോൺ റിംഗ് ചെയ്തത്, നോക്കുമ്പോൾ യാമിനിയുടെ കൂട്ടുകാരിയാണ്…

“ഹെലോ”

“ആഹ് ഹെലോ ടോണി ഞാൻ ഇവിടെ എത്തിയിട്ടുണ്ട്”

“മ്മ് ഞാനും”

“ഞാൻ ഒരു മഞ്ഞ ചുരിദാർ ആണ്…… ഇവിടെ എൻട്രൻസിന്റെ അവിടെ ഉണ്ട്”

ഞാൻ നോക്കിയപ്പോൾ ഒരു പെണ്ണ് അവിടെ നിന്ന് തിരിഞ്ഞ് കളിക്കുന്നത് കണ്ടു,

“ദാ വലത്തോട്ട് നോക്ക്……”

ഞാൻ കൈ കാണിച്ചപ്പോൾ അവൾ എന്റെ അടുത്തേക്ക് വന്നു….

“ഹായ് ഞാൻ ഉണ്ണിമായ,”

“ടോണി” ഞാൻ കൈ കൊടുത്തു……

“ഇരിക്ക്”. ഞങ്ങൾ ആ ബെഞ്ചിൽ ഇരുന്നു….

“നോക്ക് ടോണി……. എന്താണ് തന്റെ ഉദ്ദേശം??” ഇരുന്നതും എനിക്ക് നേരെ തിരിഞ്ഞു കൊണ്ട് അവൾ ചോദിച്ചു

“എന്ത് ഉദ്ദേശം??” ഞാൻ അതെ ടോണിൽ തിരിച്ച് ചോദിച്ചു….

“എന്തിനുവേണ്ടി ആയിരുന്നു ഈ നാടകം??”

“നാടകമോ??” ഇവൾ ഇത് എന്താ ഈ പറയുന്നത്, വട്ടാണോ

“മതി അഭിനയിച്ചത്…… ഞാൻ ഇന്ന് മീനുവിനെ….. ഓ യാമിനിയെ കണ്ടിരുന്നു, അന്ന് രാത്രി നടന്നത് മൊത്തം അവള് പറഞ്ഞു, അതൊരു പൊട്ടി പെണ്ണാണ്…… താൻ പാവമാണ്, താനും വന്ന് പെട്ടു പോയതാണ് എന്ന് ഒക്കെ ആണ് അവൾ പറയുന്നത്…….. പക്ഷെ എനിക്ക് അറിയാം ഇത് താനും ആ തള്ളയും മോളും ഒക്കെ കൂടി ഒത്തു കളിച്ചതാണെന്ന്……… എനിക്ക് അറിയണം എന്താണ് നിങ്ങളുടെ ഉദ്ദേശം എന്ന്, പറ…….”

“ഓ അത് ശരി…. അപ്പൊ എന്റെ ഊഹം തെറ്റിയില്ല, വട്ട് തന്നെ….. നല്ല അസ്സൽ വട്ട്, പെങ്ങള് ഇവിടെ ഇരിക്ക് എനിക്ക് പോയിട്ട് വേറെ പണിയുണ്ട്” എന്നും പറഞ്ഞു ഞാൻ എഴുന്നേൽക്കാൻ ഒരുങ്ങി

“ഏയ് പോവരുത്……… പ്ലീസ്……… . അതൊരു പാവമാണ്, എന്തിനാണ് അവളെ ഇങ്ങനെ ഉപദ്രവിക്കുന്നത്…. എന്താണ് നിങ്ങൾക്ക് വേണ്ടത്, പണമോ……. അതോ അവളെ കൊണ്ടുപോയി……… ഛെ……..” ബെഞ്ചിൽ നിന്നും എഴുന്നേൽക്കാൻ തുടങ്ങിയ എന്റെ കയ്യിൽ പിടിച്ച് തടഞ്ഞുകൊണ്ട് അത്രയും പറഞ്ഞ് അവൾ ദേഷ്യം കൊണ്ട് വിറയ്ക്കുകയാണ്, പക്ഷെ അവൾ പറയുന്നത് ഒന്നും എനിക്ക് മനസിലായില്ല……..

“അതെ എന്തെങ്കിലും പറയാനുണ്ടെങ്കിൽ മനുഷ്യന് മനസിലാവുന്ന പോലെ പറ, അല്ലാതെ ഒരുമാതിരി….. നോക്ക്….. നിങ്ങൾ എന്താണ് കരുതി വെച്ചത് എന്ന് എനിക്ക് അറിയില്ല, പക്ഷെ ഞാൻ ഇതിൽ വന്നു പെട്ടതാണ്, അല്ലാതെ തന്റെ കൂട്ടുകാരിയെ കൊണ്ട് എനിക്ക് ഒരു ഉദ്ദേശവുമില്ല….” ഞാൻ അത് പറഞ്ഞപ്പോൾ അവൾ എന്നെ സംശയത്തോടെ നോക്കി….

“അതെ ……. യാമിനിയെ എങ്ങനെയെങ്കിലും തലയിൽ നിന്ന് ഊരണം എന്നെ എനിക്ക് ഉള്ളു, അതിന് എന്തെങ്കിലും ഒരു വഴി കിട്ടുമെന്ന് കരുതിയാണ് നിങ്ങൾ വിളിച്ചപ്പോൾ ഞാൻ ഇവിടെ വരെ വന്നത്……. എന്നിട്ട് വെറുതെ കാര്യം അറിയാതെ ഇങ്ങോട്ട് ഡയലോഗ് അടിക്കാൻ നിന്ന ഉണ്ടല്ലോ……. അല്ലെങ്കിലേ സമനില തെറ്റി ഇരിക്കുകയാണ്” എന്റെ ഉള്ളിലെ സങ്കടവും ദേഷ്യവും എല്ലാം ആ വാക്കുകളിൽ കലർന്നിരുന്നു…..

“താൻ എന്തിനാണ് അപ്പൊ അന്ന് ആ വീട്ടിൽ കയറിയത്?? ആ ചോദ്യത്തിന് മറുപടിയായി ഞാനും ശ്രീലക്ഷ്മിയും തമ്മിൽ ഉണ്ടായിരുന്ന ബന്ധവും ഞാൻ അന്ന് രാത്രി ആ വീട്ടിൽ കയറാനുള്ള കാരണവും അവളോട്‌ പറഞ്ഞു….

“ഓ…….. താൻ പറഞ്ഞത് മൊത്തം സത്യമാണെങ്കിൽ ഇത് ആ തള്ളയും മോളും കൂടി ഒരുക്കിയ കെണി ആവണം, നിങ്ങളെ രണ്ടുപേരെയും കുടുക്കാൻ”. നടന്ന കാര്യങ്ങൾ ഞാൻ പറഞ്ഞു കഴിഞ്ഞപ്പോൾ അവൾ പറഞ്ഞു…..

“എന്നോട് ചെയ്തത് മനസിലാകും, പക്ഷെ അമ്മയും അനിയത്തിയും കൂടെ………..” ഞാൻ സംശയത്തോടെ ചോദിച്ചു നിർത്തി…

“അതിന് അത് മീനുവിന്റെ സ്വന്തം അമ്മയും പെങ്ങളും അല്ല”

“പിന്നെ??” അവൾ യാമിനിയെ ആണ് മീനു എന്ന് വിളിക്കുന്നത് എന്ന് മനസിലായി

“മീനുന് ഒരു വയസ്സ് ഉള്ളപ്പോൾ അവളുടെ അമ്മ മരിച്ചിരുന്നു, അധികം വൈകാതെ തന്നെ അവളുടെ അച്ഛൻ രണ്ടാമത് കല്യാണം കഴിച്ചതാണ് ആ തള്ളയെ, അതിലുള്ള കുട്ടിയാണ് ആ ശ്രീ ലക്ഷ്മി……”

ഓ അപ്പൊ ഏകദേശം കാര്യങ്ങൾ എനിക്ക് പിടികിട്ടി…… രണ്ടാനമ്മ, പീഡനം കാര്യങ്ങൾ ആയിരിക്കും, അവസാനം ഒരു ചാൻസ് കിട്ടിയപ്പോൾ എന്റെ തലയിൽ കെട്ടി വെച്ച് ഒഴുവാക്കി കാണും…… ഒരു വെടിക്ക് രണ്ട് പക്ഷി….. പക്ഷെ അവളുടെ അച്ഛൻ?? മൊത്തമായി എനിക്ക് അങ്ങോട്ട് ക്ലിയർ ആയിട്ടില്ല….

“വിശ്വസിക്കാൻ കഴിയുന്നില്ല ലേ……… അതാണ്, ഇതും ഇതിന്റെ അപ്പുറവും ചെയ്യും ആ തള്ള, രാക്ഷസിയാണ്” എന്റെ സംശയത്തോടെ ഉള്ള മുഖഭാവം കണ്ട് അവൾ കൂട്ടി ചേർത്തു, ആ സ്ത്രീയെ കുറിച്ച് പറയുമ്പോൾ തന്നെ ഇവളുടെ മുഖഭാവത്തിൽ നിന്ന് ഇവൾ ആ സ്ത്രീയെ എത്ര മാത്രം വെറുക്കുന്നു എന്ന് മനസിലായി…

“അതെ….. ഞാൻ പറഞ്ഞത് മൊത്തം സത്യമാണ്, ഞാനും ഈ ട്രാപ്പിൽ പെട്ടതാണ്, താൻ പറഞ്ഞത് പോലെ ആണെങ്കിൽ ഞങ്ങളെ രണ്ടുപേരെയും കൂടെ പെടുത്താൻ പ്ലാൻ ചെയ്തിട്ട് ആയിരിക്കും അന്ന് രാത്രി എന്നെ വിളിച്ചത്…….. പക്ഷെ എന്നാലും അപ്പൊ അവളുടെ അച്ഛൻ എവിടെ?? പുള്ളി ഇതൊന്നും അറിയുന്നില്ലേ??”

“അതൊക്കെ വലിയ കഥയാണ് ടോണി…. ഒരുപാട് അനുഭവിച്ചിട്ടുണ്ട് എന്റെ മീനു, ആദ്യമൊന്നും വലിയ പ്രശ്നം ഇല്ലായിരുന്നു……. പക്ഷെ അവളുടെ അച്ഛൻ ഗൾഫിൽ പോയതിന് ശേഷം ശരിക്കും പറഞ്ഞ നരകം തന്നെ ആയിരുന്നു അവൾക്ക് ആ വീട്……”

🎵 യെഹ് യൂ കുഡ് ബി ദി ഗ്രേറ്റസ്റ്റ് യൂ ക്യാൻ ബി ദി ബെസ്റ്റ് യൂ ക്യാൻ ബി ദി കിങ് കോങ്ങ് ബാംഗിങ് ഓൺ യുവർ ചെസ്റ്റ് യൂ കുഡ് ബീറ്റ് ദി വേൾഡ് യൂ കുഡ് ബീറ്റ് ദി വാർ

യൂ കുഡ് ടോക്ക് ടു ഗോഡ്, ഗോ ബാംഗിങ് ഓൺ ഹിസ് ഡോർ🎵

“സ്ക്യൂസ്‌ മീ” എന്നും പറഞ്ഞ് അടിഞ്ഞുകൊണ്ട് ഇരിക്കുന്ന ഫോൺ എടുത്ത് നോക്കിയപ്പോൾ വിഷ്ണുവാണ്

“ഹലോ”

“നീ എവിടെ??” എടുത്ത പാടേ വിഷ്ണുവിന്റെ ചോദ്യം

“ഞാൻ മറ്റേ ശാന്തി ബാറിന്റെ അടുത്തുള്ള പാർക്കിൽ”

“പാർക്കിലോ?? അവിടെ എന്താ പരിപാടി??”

“ഒരാളെ കാണാൻ വന്നതാണ്”

“മ്മ്…… ഇപ്പോ ഫ്രീ ആവോ??”

“ആഹ്….” ഞാൻ അതെ എന്ന രീതിയിൽ മൂളി

“എങ്കിൽ അവിടെ തന്നെ നിൽക്ക്, ഞാൻ ഇപ്പോ ഓഫീസിൽ നിന്ന് ഇറങ്ങും, ഞാൻ അങ്ങോട്ട് വരാ”

“മ്മ്…… ഓക്കെ” എന്ന് പറഞ്ഞ് ഞാൻ ഫോൺ കട്ട്‌ ചെയ്തു.

“സോറി ട്ടോ” ഫോൺ വെച്ച ശേഷം ഞാൻ അവളെ നോക്കി പറഞ്ഞു.

“ഏയ് ഇറ്റ്സ് ഓക്കെ”

“അല്ല അപ്പൊ യാമിനിയുടെ അച്ഛൻ?? പുള്ളി ഒന്നും അറിഞ്ഞിട്ടില്ലേ??”

“അറിഞ്ഞാലും പുള്ളിക്ക് വരാൻ കഴിയില്ല”

“അതെന്താ??”

“പുള്ളി ഗൾഫിൽ ജയിലിൽ ആണ്”

“ജയിലിലോ?? എന്തിന്??” അത് എന്നെ ശരിക്കും ഞെട്ടിച്ച് കളഞ്ഞു

“പുള്ളി ഒരു തെറ്റ് ചെയ്തു, വലിയ തെറ്റ്………. വീട്ടുകാരുടെയും കൂട്ടുകാരുടെയും എല്ലാം നിർബന്ധത്തിന് വഴങ്ങി ആ രാക്ഷസിയെ വിവാഹം ചെയ്തു”

“മനസിലായില്ല” യാമിനി…… അവളുടെ ഇതുവരെയുള്ള ജീവിതം എന്തായിരുന്നു എന്ന് അറിയണം എന്ന് തോന്നി, അത് പറഞ്ഞു തരാൻ കഴിയുന്ന ആളാണ് ഇപ്പോ എന്റെ മുനിൽ ഇരിക്കുന്നത്.

“മീനുന്റെ അച്ഛൻ ആ സ്ത്രീയെ കല്യാണം കഴിക്കുമ്പോൾ അവള് ചെറിയ കുട്ടിയാണ്, ആദ്യമൊക്കെ അവർക്ക് അവളോട് വലിയ സ്നേഹമായിരുന്നു, ചിലപ്പോൾ അഭിനയം ആയിരുന്നിരിക്കണം. മീനുവിന്റെ അച്ഛന് ബിസിനസ്‌ ആയിരുന്നു, കല്യാണം കഴിഞ്ഞ് കുറച്ച് കാലം കഴിഞ്ഞപ്പോൾ ആ തള്ളയുടെ ആങ്ങളയെ പിടിച്ച് അങ്കിളിന്റെ ബിസിനെസിൽ പാർട്നെറാക്കി. അവിടെ തൊട്ട് അങ്കിളിന് കഷ്ടകാലം ആയിരുന്നു, അധികം വൈകാതെ തന്നെ അങ്കിളിന്റെ ബിസിനസ്‌ എല്ലാം പൊട്ടി പൊളിഞ്ഞു, അതിന് ശേഷം പിടിച്ചു നിൽക്കാൻ പുള്ളി പലതും ചെയ്തു നോക്കി, ഒന്നും നടക്കാതെ ആയപ്പോഴാണ് ഗൾഫിലേക്ക് പോയത്…. അതും വിസയും കാര്യങ്ങളും ഒക്കെ ശരിയാക്കി കൊടുത്തത് ആ തള്ളയുടെ ആങ്ങളയും….. അങ്കിൾ ഗൾഫിൽ പോവുമ്പോൾ മീനു ഡിഗ്രിക്ക് പഠിക്കുകയായിരുന്നു, അങ്കിൾ പോയ ശേഷം അവളെ അവർ ശരിക്കും ടോർച്ചർ ചെയ്തിട്ടുണ്ട്. ഡിഗ്രി കഴിഞ്ഞിട്ടും അവളെ അവർ ജോലിക്ക് വിട്ടില്ല…. ഒരു നഴ്സ് ആവുക എന്നത് മീനുവിന്റെ ഡ്രീം ആയിരുന്നു പക്ഷെ അത് അവർക്ക് ഇഷ്ടമല്ലായിരുന്നു, കല്യാണം പോലും കഴിപ്പിക്കാതെ ഒരു അടിമയെ പോലെ ഇട്ട് തട്ടി കളിക്കുകയായിരുന്നു. അവളെ ഒന്ന് കാണാൻ പോലും സമ്മതിക്കില്ല……. എന്റെ മീനു………” മുഴുവൻ പറഞ്ഞു പൂർത്തിയാക്കുന്നതിന് മുമ്പ് അവൾ കരയാൻ തുടങ്ങി, എനിക്കും എന്തോ കേട്ടപ്പോൾ വിഷമം തോന്നി, സിനിമയിൽ ഒക്കെ കണ്ടിട്ടുണ്ട് ഇങ്ങനെ രണ്ടാനമ്മയുടെ പീഡനങ്ങൾ ഒക്കെ, പക്ഷെ അത് ശരിക്കും ചെറുപ്പം തൊട്ട് അനുഭവിക്കുക എന്ന് വെച്ചാൽ, ആരോടും പരാതി പോലും പറയാൻ കഴിയാതെ…… പാവം………..

“ഹേയ്, ഉണ്ണിമായ…… കരയല്ലേ പ്ലീസ്, ആളുകൾ ശ്രദ്ധിക്കുന്നു.” ചുറ്റുമുള്ള ആളുകൾ ഞങ്ങളെ ശ്രദ്ധിക്കുന്നുണ്ടെന്ന് മനസ്സിലായപ്പോൾ ഞാൻ അവളോട് പറഞ്ഞു.

“ഓ….. സോറി….. ഐ ആം സോറി ടോണി” കണ്ണ് തുടച്ചുകൊണ്ട് അവൾ പറഞ്ഞു. ഞാൻ ഒരു വോൾടേജ് കുറഞ്ഞ ചിരി മാത്രം നൽകി, ഒന്നും പറയാൻ നിന്നില്ല….. മനസ്സിൽ മുഴുവൻ യാമിനി ആയിരുന്നു, ഇപ്പോ എനിക്ക് അവളോട് ഉള്ളിന്റെ ഉള്ളിൽ പോലും ഒരു തരി ദേഷ്യമില്ല……. ഇപ്പോ അവളോട് തോന്നുന്നത് എന്താണ്?? പ്രേമം അല്ല……….. ചിലപ്പോൾ സഹതാപം ആയിരിക്കും… ഛെ, അത് വേണ്ട, എനിക്ക് ഇഷ്ടമല്ലാത്ത ഒന്നാണ് സഹതാപം. അത് എന്തായാലും അവിടെ നിൽക്കട്ടെ, ശ്രീലക്ഷ്മിയോടും അവളുടെ തള്ളയോടും ഒക്കെ ഉള്ള ദേഷ്യം കൂടുകയാണ് ചെയ്തത്.

“അപ്പൊ പുള്ളി എന്തിനാ ജയിലിൽ പോയത്??” അല്പസമയതെ മൗനത്തിന് ശേഷം ഞാൻ ചോദിച്ചു, എനിക്ക് എന്തോ യാമിനിയുടെ അച്ഛനെ കുറിച്ച് അറിയാൻ   ഭയങ്കര  ജിജ്ഞാസ.

“അത് ശരിക്കും എന്തിനാണെന്ന് അറിയില്ല, എന്തായാലും അറിഞ്ഞുകൊണ്ട് പുള്ളി ഒരു തെറ്റും ചെയ്യില്ല…… അത് എനിക്ക് ഉറപ്പാണ്.”

“മ്മ്….” ഞാൻ വെറുതെ മൂളുക മാത്രം ചെയ്തു.

“ഞാൻ എന്ന പോവട്ടെ, മോള് സ്കൂൾ വിട്ട് എത്തി കാണും…. കാണാം…..”

“ഓക്കെ ബായ്” ഞാൻ ചിരിച്ചുകൊണ്ട് പറഞ്ഞു, ഹോ അപ്പൊ ഇവളെ കല്യാണം ഒക്കെ കഴിഞ്ഞ് കുട്ടിയൊക്കെ ഉണ്ടായിരുന്നോ?? കണ്ട പറയില്ല, മറ്റേ സന്തൂർ മമ്മി തന്നെ.

“അതെ ടോണി, ഞാൻ ഒരു കാര്യം…………. പറയട്ടെ” യാത്ര പറഞ്ഞു നടന്ന ശേഷം പെട്ടെന്ന് തിരിഞ്ഞ് നോക്കി അവൾ ചോദിച്ചു

“മ്മ………” ഞാൻ കേൾക്കാൻ സമ്മതം മൂളി.

“അത് പിന്നെ……… മീനു………… അവളെ എനിക്ക് ചെറുപ്പം തൊട്ട് അറിയാം, ഒരു പാവം പൊട്ടി പെണ്ണാണ്. എന്തോ തന്നോട് സംസാരിച്ചപ്പോൾ ഇതെല്ലാം ഒരു നിയോഗം ആണെന്ന് ഒരു തോന്നൽ. അവൾ ഇതുവരെ അനുഭവിച്ചതിന് എല്ലാം

“എന്താണ് മോനെ ഇത്ര കാര്യമായി ചിന്തിച്ചു കൂട്ടുന്നത്?” വിഷ്ണുവിന്റെ ശബ്ദമാണ് എന്റെ കാര്യമായ ചിന്തയ്ക്ക് ഫുൾസ്റ്റോപ്പ്‌ ഇട്ടത്, അല്ല…… എന്തായിരുന്നു ഞാൻ ആലോചിച്ചു കൊണ്ടിരുന്നത്?? ആാാ………………….

“ഏയ് ഒന്നുമില്ല” ഞാൻ ഒരു ഒഴുക്കൻ മട്ടിൽ പറഞ്ഞു.

“ആരെയാണ് മോൻ പാർക്കിൽ ഒക്കെ വച്ച് കാണാൻ വന്നത്??”

“അവളെ ഒരു ഫ്രണ്ട്”

“ഏത് അവൾ??”

“യാമിനി”

“ഏഹ് എന്തിന്?? എന്താണ് സീൻ??”

“ഓഹ് അത് അവൾക്ക് എന്നെ ഒന്ന് മീറ്റ് ചെയ്യണമെന്ന് പറഞ്ഞിട്ട്……”

“എന്നിട്ട്??”

“നീ കരുതിയത് പോലെ തന്നെയാണ് ഡ…….. അവളൊരു പാവമാണ്”

“ഹ……… ഹ……….ഹ…………..ഹ…………. അപ്പൊ ഞാൻ ഇനി വെറുതെ ഡിവോഴ്സിന്റെ കാര്യം അന്വേഷിച്ച് നടക്കണ്ട ലേ” ചിരി അടക്കാൻ പാടുപെട്ട് കൊണ്ട് അവൻ പറഞ്ഞു

“ഏയ് അങ്ങനെയല്ല, ഐ ആം കൺഫ്യൂസ്ഡ്”

“അന്ന് ശ്രീലക്ഷ്മിയുടെ കാര്യത്തിലും നീ ഇതുപോലെ കൺഫ്യൂഷൻ അടിച്ച് ഇരുന്നതാണ്………… പക്ഷെ അന്ന് ഞാനും നിന്നെ ഓവറായി സപ്പോർട്ട് ചെയ്തിരുന്നു, അതുകൊണ്ട് ഇനി എടുത്ത് ചാടി ഒരു തീരുമാനം എടുക്കണ്ട………. യാമിനി ഒരു പാവം ആണെന്ന് തന്നെയാണ് ഞാൻ വിശ്വസിക്കുന്നത്, ബട്ട്‌…… ഞാൻ പറയുന്നത്………. ടേക്ക് യുവർ ടൈം ആൻഡ് ഡിസൈഡ്”

“നിനക്ക് ഇത്രയ്ക്ക് പക്വത ഒക്കെ വന്നോ ഡാ………” അവന്റെ സംസാരം കേട്ടപ്പോൾ മനസ്സിൽ തോന്നിയത് ഞാൻ അതുപോലെ തന്നെ ചോദിച്ചു.

“ഹാ………. നീ ഇങ്ങനെ പെട്ടെന്ന് പക്വത വന്ന പോലെ പെരുമാറുമ്പോൾ ഞാൻ അങ്ങനെ സംസാരിക്കുകയെങ്കിലും ചെയ്യണ്ടേ മോനെ ടോണിക്കുട്ടാ….. ഹ….. ഹ………”

“പോ മൈരേ….”

“ഹാ അത് വിട് എങ്ങനെയുണ്ട് ജോലിക്ക് പോയിട്ട് ഫസ്റ്റ് ഡേ??”

“കുഴപ്പമില്ല” ഞാൻ ഒരു ഒഴുക്കൻ മട്ടിൽ പറഞ്ഞു

“ഏഹ്?? ആ കുഴപ്പമില്ലയിൽ എന്തോ ഒരു കുഴപ്പം ഉണ്ടല്ലോ….. എന്താടാ എന്താ സീൻ??”

“ഏയ് അങ്ങനെ ഒന്നുമില്ല ഡാ……. ഞാൻ വിചാരിച്ച അത്ര എളുപ്പമല്ല ഈ ഡ്രൈവർ പണി”

“ഒരു പണിയും അത്ര എളുപ്പമല്ല, എല്ലാ ജോലിയിലും ബുദ്ധിമുട്ടുകൾ കാണും….”

“മ്മ്……..” ഞാൻ വെറുതെ മൂളി

“എങ്ങനെയുണ്ട് അവിടത്തെ ആളുകൾ??”

“മുതലാളി ഒരു മുരടൻ, പുള്ളിയുടെ മോള് കൊള്ളാം”

“പ്ഫാ മൈരേ…….. ഇപ്പോ കിട്ടിയത് ഒന്നും പോരെ നിനക്ക്”

“ഛെ അതല്ല, സ്വഭാവം ആണ് ഞാൻ ഉദ്ദേശിച്ചത്”

“എന്നിട്ട്?? കാര്യങ്ങൾ ഒക്കെ ഡീറ്റൈൽ ആയി പറ” വിഷ്ണു ആവേശത്തോടെ ചോദിച്ചു

“ഡീറ്റൈൽ ആയിട്ട് പറയാൻ മാത്രം ഒന്നുമില്ല, അയാൾക്ക് അപ്പനും ആയിട്ട് എന്തോ പ്രശ്നം ഉണ്ടെന്ന് തോന്നുന്നു……. അത് മനസ്സിൽ വെച്ചാണ് എന്നോട് പെരുമാറുന്നത്”

“ഡാ……. എന്താ ഉണ്ടായത്?? പറയെടാ………….” വിഷ്ണുവിന്റെ ശബ്ദം ഉയർന്നു, അതോടെ ആ രാഘവന്റെ വീട്ടിൽ വച്ച് നടന്നത് മൊത്തം ഞാൻ അവനോട് പറഞ്ഞു……… ആ വീട്ടിൽ നിന്ന് ഇറങ്ങി നടക്കുമ്പോൾ വല്ലാത്ത ഒരു വിങ്ങൽ ആയിരുന്നു, കുറച്ച് നേരം ഒറ്റയ്ക്ക് ഇരുന്നപ്പോൾ ചെറിയ ആശ്വാസവും കിട്ടിയിരുന്നു……. പക്ഷെ ആ വിഷമം എല്ലാം പൂർണമായി ഇല്ലാതായത് ഇപ്പോഴാണ്…….. എല്ലാം ഇവനോട് തുറന്ന് പറഞ്ഞപ്പോൾ…… ശാന്തി… സമാധാനം…..

“ പൊട്ടന് ലോട്ടറി അടിക്കുക എന്നൊക്കെ പറയുന്നത് ഇതാണ്, നീ ഇനി അവിടെ പോവണ്ട…….. രാഘവൻ മൈരൻ, ഒരെണ്ണം പൊട്ടിക്കാൻ കൈ തരിക്കുന്നു….. ചെറ്റ……………….” വിഷ്ണു ദേഷ്യം കൊണ്ട് വിറയ്ക്കുകയാണ്.

“ഹാ വിട്ടുകള മുത്തേ, ഇതൊക്കെ ജീവിതത്തിലെ ഓരോ പാഠങ്ങൾ അല്ലേ”

“എന്ന ഈ പാഠം ഇന്നത്തോടെ അവസാനിച്ചു, ഇനി ആ ജോലി വേണ്ട”

“അത് പിന്നെ…..”

“ഒരു പിന്നെയും ഇല്ല, നിനക്ക് പണിയെടുത്ത് ജീവിക്കണം എന്നല്ലേ ഉള്ളു, അത് അയാളുടെ ഡ്രൈവർ ആയിട്ട് തന്നെ വേണമെന്ന് ഇല്ലല്ലോ……. നമുക്ക് വേറെ ജോലി നോക്കാം” എന്നെ ഒന്നും പറയാൻ സമ്മതിക്കാതെ വിഷ്ണു തീരുമാനം എടുത്ത് കഴിഞ്ഞു. ഉറച്ചതായിരുന്നു അവന്റെ വാക്കുകൾ…

“മ്മ്….. ശരി, എങ്കിൽ അതുവരെ എനിക്കും എന്റെ ഭാര്യയ്ക്കും നീ ചിലവിന് തരേണ്ട വരും”

“നിന്റെ ഭാര്യയോ?? ഹ……… ഹ…….. അപ്പൊ അവിടെ വരെ ആയി കാര്യങ്ങൾ…. ഹ……ഹ……….ഹ……………………..” വിഷ്ണു ചിരി തുടങ്ങി, ഒടുക്കത്തെ ചിരി……. വടി കൊടുത്ത് അടി വാങ്ങുക എന്നൊക്കെ പറയുന്നത് ഇതിനാണ്, എനിക്ക് എന്തിന്റെ കേടായിരുന്നു…..

“ഞാൻ ഒരു തമാശയ്ക്ക് പറഞ്ഞതാണ് ട്ടോ”

“മനസിലായി മനസിലായി……” ചിരിക്കുന്നതിന് ഇടയ്ക്ക് അവൻ ഒരു ആക്കിയ ട്യൂണിൽ പറഞ്ഞു.

“മതി തെണ്ടി ഉണ്ടാക്കി ചിരിച്ചത്, വാ പോവാം….”

“എന്താണ്?? ഭാര്യയെ കാണാതെ ഇരിക്കാൻ പറ്റുന്നില്ലേ??” ചിരി നിർത്തി മുഖത്ത് ഗൗരവം വരുത്തിക്കൊണ്ട് അവൻ എനിക്കിട്ട് നൈസ് ആയി കൊട്ടി.

“ഒന്ന് പോയേടാ……. വാ വിശക്കുന്നുണ്ട്….” വിഷയം മാറ്റാൻ പറഞ്ഞതാണെങ്കിലും അതിൽ ഒരല്പം കാര്യമുണ്ട്… വീണ്ടും വിശന്നു തുടങ്ങി.

“ശരി ശരി……. വാ നടക്ക്…..” എന്നെ പിടിച്ചു തള്ളി കൊണ്ട് അവൻ പറഞ്ഞു, ആ ആക്കിയ ചിരി ഇപ്പോഴും മുഖത്ത് നിന്ന് പോയിട്ടില്ല.

ഞങ്ങൾ നേരെ എന്റെ പുതിയ താമസ സ്ഥലമായ പി.ബിയിലേക്ക് തന്നെയാണ് പോയത്…..

കോണിപ്പടി കയറി മുകളിൽ ചെന്ന് കതകിൽ മുട്ടലും വാതിൽ തുറക്കലും ഒരുമിച്ചായിരുന്നു, ആരാന്ന് വിചാരിച്ച ഇവൾ ഈ ചാടി തുറക്കുന്നത്….. എന്തായാലും മുനിൽ ഞങ്ങളെ രണ്ടുപേരെയും കണ്ടപ്പോൾ അവളുടെ മുഖത്ത് കണ്ടത് ആശ്വാസം ആയിരുന്നു.

ഞാൻ അവളെ മറികടന്ന് അകത്തേക്ക് കയറി, വിശന്നിട്ട് വയ്യ പെണ്ണ് എന്തെങ്കിലും ഉണ്ടാക്കി വച്ചിട്ടുണ്ടോ ആവോ….. ഞാൻ നേരെ ചെന്നത് അടുക്കളയിലേക്ക് ആയിരുന്നു.

ഹാവു ഭാഗ്യം, എന്തൊക്കെയോ കാണുന്നുണ്ട്……. കുറെ പാത്രങ്ങൾ ഒക്കെ അടച്ചു വച്ചിട്ടുണ്ട്…. തുറന്നു നോക്കിയപ്പോൾ ചോറും പരിപ്പ് കറിയും ചമ്മന്തിയും കാണപ്പെട്ടു.

“ഞാൻ എടുത്ത് തരാം……..” പിന്നിൽ നിന്നും യാമിനിയുടെ താഴ്ന്ന ശബ്ദം, ഒരു കുഞ്ഞു കാറ്റ് അടിച്ചിരുന്നെങ്കിൽ ആ സൗണ്ട് എന്റെ അടുത്ത് എത്തില്ല.

“മ്മ……” ഒന്ന് കനത്തിൽ മൂളിയിട്ട് ഞാൻ അടുക്കളയിൽ നിന്ന് പുറത്തേക്ക് ഇറങ്ങി, വിഷ്ണു അവിടെ കസേരയിൽ ഇരിക്കുന്നുണ്ട്, ഇപ്പോഴും മുഖത്ത് ആ ആക്കിയ ചിരിയുണ്ട്….

“എന്താടാ……”

“മച്…….” എന്റെ ഗൗരവത്തോടെയുള്ള ചോദ്യത്തെ അവൻ ചിരിച്ചുകൊണ്ട് തന്നെ ഒന്നുമില്ല എന്ന് ചുമൽ അനക്കി തട്ടി കളഞ്ഞു.

ഞാൻ പിന്നെ ഒന്നും മിണ്ടാൻ നിന്നില്ല, വേഗം ബാത്റൂമിൽ കയറി ഫ്രഷ് ആയി ഒരു ടി- ഷർട്ടും ട്രാക്ക് പാന്റും ഇട്ട് വന്നു, വിശന്നു വയറ് തള്ളക്ക് വിളി തുടങ്ങിയിരുന്നു.

ഞാൻ ഫ്രഷ് ആയി വരുമ്പോഴേക്കും യാമിനി എനിക്കുള്ള ഫുഡ് പ്ലേറ്റിൽ വിളമ്പി കഴിഞ്ഞിരുന്നു, പിന്നെ ഞാൻ സംസാരത്തിന് ഒന്നും നിന്നില്ല…… നേരെ ഭക്ഷണത്തിലേക്ക് പൂർണ ശ്രദ്ധയും കൊടുത്തു….. എന്തിന് തൊട്ടടുത്ത് പൊട്ടനെ പോലെ നോക്കി നിൽക്കുന്ന വിഷ്ണുവിനെ പോലും ഞാൻ മറന്ന് പോയിരുന്നു…..

ഇതുവരെ നോൺ വെജ് ഇല്ലാതെ ഒരുമണി ചോറ് കഴിക്കാത്ത ഞാനാണ് ഇരുന്ന് വെട്ടി വിഴുങ്ങുന്നത്. വിശപ്പാണോ അതോ ആ ചമ്മന്തിയുടെ രുചിയാണോ കാരണമെന്ന് മനസിലാവുന്നില്ല…. ഞാൻ ഇങ്ങനെ വെറും പച്ചക്കറിയും ചമ്മന്തിയും കൂട്ടി ഒരു പരാതിയും പറയാതെ കഴിക്കുന്നത് കണ്ട എന്റെ പൊന്നു മേരി തല കറങ്ങി വീഴും, ഏത്ര ഏത്ര അടികളാണ് ഈ കാര്യത്തിൽ ഞങ്ങൾ തമ്മിൽ നടന്നിട്ടുള്ളത്………… സത്യം പറഞ്ഞ ഞാനും മേരിയും തെറ്റുന്ന ഏക കാര്യം എന്റെ ഭക്ഷണ കാര്യം മാത്രം ആയിരിക്കും. കുറച്ച് മുന്നെ ഇതിലും വലിയ ഒരു ഊണുമേശയിൽ ഇതിലും കൂടുതൽ വിഭവങ്ങൾക്ക് മുനിൽ ഇരുന്നത് പെട്ടെന്ന് മനസിലേക്ക് വന്നു, പക്ഷെ കലഹം നിറഞ്ഞ വീട്ടിലെ വിരുന്നിനെക്കാൾ അഭികാമ്യം സ്വസ്ഥതയോടെ കഴിക്കുന്ന ഉണങ്ങിയ അപ്പക്കഷണത്തിനാണ് എന്ന് പറയുന്നത് എത്ര ശരിയാണെന്ന് ഓർത്തുപോയി…

“നല്ല രുചിയുണ്ട് ലേ….”

“മ്മ………” കഴിക്കുന്നതിൽ മുഴുവൻ ശ്രദ്ധയും കൊടുത്തിരുന്നത് കൊണ്ട് വിഷ്ണുവിന്റെ ചോദ്യത്തിന് വലിയ പ്രാധാന്യം കൊടുക്കാതെ മൂളി ഒഴിവാക്കി.

പെട്ടെന്ന് അവന്റെ പൊട്ടി ചിരി കെട്ടാണ് ഞാൻ പ്ലേറ്റിൽ നിന്ന് തല ഉയർത്തി നോക്കിയത്, എന്നെ നോക്കി മരണ ചിരിയാണ് ആശാൻ. ഇവന് എന്താണ് ഈ പറ്റിയത്, വല്ല കഞ്ചാവും വലിച്ചു കയറ്റിയോ?? വൈകുന്നേരം കണ്ടപ്പോൾ തൊട്ട് വെറുതെ ചിരി തന്നെ….

“കേട്ടോ പെങ്ങളെ, കെട്ട്യോന് ഫുഡ്‌ ഒക്കെ ബേഷാ പുടിച്ചിറിക്ക്” അവൻ ചിരിച്ചുകൊണ്ട് തന്നെ യാമിനിയെ നോക്കി പറഞ്ഞു, അവളെ ഒന്ന് ശ്രദ്ധിച്ചപ്പോൾ അവളുടെ മുഖത്തും ഒരു പുഞ്ചിരി കണ്ടു.

“ഓ….. വിശന്നു പണ്ടാരം അടങ്ങി ഇരിക്കുകയായിരുന്നു, ഇപ്പോ എന്ത് വിഷം തന്നാലും എനിക്ക് പാൽപായസം ആയെ തോന്നു” വിഷ്ണുവിനെ നോക്കി ഒരു ഒഴുക്കൻ മറുപടി കൊടുത്തിട്ട് ഞാൻ പ്ലേറ്റിലേക്ക് തന്നെ മുഖം പൂഴ്ത്തി.

എന്തോ അവളോട് ദേഷ്യം ഒന്നുമില്ല, പക്ഷെ മുനിൽ നിർത്തി പുകഴ്‌ത്തി പറയാൻ ഒരു മടി…

“ഹാ അത് നിന്റെ തീറ്റ കണ്ടാൽ മനസിലാവും….. എനിക്ക് അറിയില്ലേ മോനേ ടോണിക്കുട്ടാ നിന്നെ” വിഷ്ണു വീണ്ടും പലതും പറഞ്ഞു, ഞാൻ ഒന്നിനും കാത് കൊടുക്കാതെ ഭക്ഷണം കഴിച്ച് എഴുന്നേറ്റു.

കൈ കഴുകി ഞാൻ നേരെ പുറത്തിറങ്ങി ഒരു സിഗരറ്റ് എടുത്ത് കത്തിച്ചു… നല്ല കാറ്റ്, മഴക്കാറുമുണ്ട്… രാത്രി നല്ലൊരു അസ്സൽ മഴയ്ക്കുള്ള കോളുണ്ട്….

“അയ്യടാ…… നേരിട്ട് പോയി കൊടുത്ത മതി….. എനിക്ക് വയ്യ നിങ്ങളെ നടുവിൽ കിടന്നു ഇങ്ങനെ മധ്യസ്ഥൻ കളിക്കാൻ” സിഗരറ്റിന്റെ പുക ഊതി വിടുമ്പോൾ അകത്തു നിന്ന് വിഷ്ണുവിന്റെ ശബ്ദം കെട്ടു…

കുറച്ച് കഴിഞ്ഞ് പിന്നിൽ ഒരു അനക്കം കേട്ട് തിരിഞ്ഞ് നോക്കിയപ്പോൾ മടിച്ച് മടിച്ച് എന്റെ അടുത്തേക്ക് നടന്നു വരുന്ന യാമിനിയെ ആണ് കണ്ടത്…..

“മ്മ്??” ഞാൻ എന്താണ് കാര്യം എന്ന രീതിയിൽ ഒന്ന് തല പൊക്കി മൂളി. അവളെ കണ്ടപ്പോൾ കയ്യിലുള്ള വലിച്ചു തീരാനായ സിഗരറ്റ് ഞാൻ നിലത്തിട്ട് ചവിട്ടി കെടുത്തി. എന്തോ അവളുടെ മുനിൽ നിന്ന് വലിക്കാൻ ഒരു മടി…

“പൈസ……..” മടിച്ചുകൊണ്ട് തന്നെ അവൾ എനിക്ക് നേരെ കൈ നീട്ടി…. രാവിലെ ഞാൻ ഡ്രസ്സ്‌ വാങ്ങാൻ കൊടുത്ത പൈസയാണെന്ന് മനസിലായി…

“ഇതെന്താ?? ഡ്രസ്സ്‌ വാങ്ങിയില്ലേ?”

“മ്മ….. ഫ്രണ്ട് വന്നിരുന്നു, അവള് വാങ്ങി തന്നു…” എന്റെ മുഖത്തു നോക്കാതെ ആണ് അവൾ സംസാരിക്കുന്നത്, അത്ര നോക്കാൻ കൊള്ളാത്തതാണോ എന്റെ ഈ മുഖം.

“ഉണ്ണിമായ അല്ലേ??” ഞാൻ അത് ചോദിച്ച ആ നിമിഷം അതുവരെ എന്റെ മുഖത്തേക്ക് പോലും നോക്കാതെ നിന്നവൾ എന്നെ ആശ്ചര്യത്തോടെ ഒരു നോട്ടം…..

“മ്മ…..” ഒരു നിമിഷം എന്നെ അങ്ങനെ നോക്കി നിന്ന ശേഷം അവൾ അതെ എന്ന രീതിയിൽ മൂളി.

“എന്നെ കാണാൻ വന്നിരുന്നു തന്റെ കൂട്ടുകാരി….”

“എന്തിന്??” അവൾ പോലും അറിയാതെ ആണ് ആ ചോദ്യം അവളിൽ നിന്ന് വന്നത് എന്ന് തോന്നി.

“ഏയ് അങ്ങനെ പ്രത്യേകിച്ച് ഒന്നുമില്ല, കൂട്ടുകാരിയുടെ വരനെ കാണാൻ പൂതിയായിട്ട് വന്നതാണെന്ന് പറഞ്ഞു” അവൾ ഒന്നും മിണ്ടാതെ സംശയത്തോടെ എന്നെ നോക്കി നിൽക്കുകയാണ്, എന്റെ മറുപടി ഒട്ടും വിശ്വസനീയം അല്ലെന്ന കാര്യം വ്യക്തമാണല്ലോ….

“ഞാനും തന്റെ രണ്ടാനമ്മയും പെങ്ങളും ഒക്കെ കൂടി തന്നെ ചതിച്ചതാണ് എന്ന് കരുതി തനെ വെറുതെ വിടാൻ പറയാൻ വേണ്ടി വന്നതാണ് പുള്ളിക്കാരി” ഞാൻ അത് കൂടി കൂട്ടി ചേർത്തു, അത് പറഞ്ഞപ്പോൾ ഞാൻ പ്രതീക്ഷിച്ച പ്രതികരണമല്ല അവളുടെ മുഖത്ത് കണ്ടത്, അവൾ ചിരി അടക്കി പിടിക്കുകയാണ്…

“എനിക്ക് അങ്ങോട്ട് വരാമോ??” വിഷ്ണുവിന്റെ ശബ്ദം കേട്ടാണ് ഞാൻ അവളുടെ മുഖത്ത് നിന്ന് കണ്ണെടുത്തത്. അപ്പൊ തന്നെ അവൾ തിരിച്ച് അകത്തേക്ക് കയറി പോയി…… ഞാൻ അവൾ തിരിഞ്ഞ് നടക്കുന്നതും നോക്കി നിന്നു….

“ഹലോ…….. മോനുസേ…….” വിഷ്ണു വന്നു മുഖത്തിന് നേരെ കൈകൊട്ടിയപ്പോഴാണ് ഞാൻ നോട്ടം മാറ്റിയത്.

“ഇന്നലെ അവളെ ചവിട്ടി പുറത്താക്കാൻ നിന്നവൻ ആണ്, നോക്കുന്ന നോട്ടം നോക്ക്…….. നാണം കെട്ടവൻ” ഞാൻ വെറുതെ അവനെ നോക്കി ഒരു ഇളിഞ്ഞ ചിരി ചിരിച്ചു, അല്ലാതെ എനിക്ക് ഒന്നും പറയാനില്ല……. ശരിയാണ് അവൻ പറഞ്ഞത്, എത്ര പെട്ടെന്നാണ് എന്റെ മനസ്സ് മാറുന്നത്…..

ആദ്യം ശ്രീലക്ഷ്മിയെ കണ്ടപ്പോഴും ഒറ്റ നോട്ടത്തിലാണ് ഞാൻ അവളുടെ സൗന്ദര്യത്തിൽ വീണു പോയത്, പക്ഷെ അതിലും സുന്ദരി എന്ന് എനിക്ക് തോന്നുന്ന യാമിനിയെ ആദ്യം കണ്ടപ്പോൾ പ്രേമം തോന്നാൻ പറ്റിയ ഒരു അവസ്ഥയിൽ ഒന്നും ആയിരുന്നില്ല ഞാൻ….. ഇപ്പോ അവളോട് എനിക്ക് എന്തോ ഒരു അട്ട്രാക്ഷൻ തോന്നുന്നുണ്ട്, പക്ഷെ അത് എന്തായാലും അവളുടെ ബാഹ്യ സൗന്ദര്യം മാത്രം കണ്ടിട്ട് അല്ല എന്ന് എനിക്ക് ഉറപ്പാണ്….

“ഒരു വട്ടം ചൂടുവെള്ളത്തിൽ വീണ പൂച്ച പച്ചവെള്ളം കണ്ടാലും പേടിക്കും എന്ന് കേട്ടിട്ടുണ്ട്, അതൊക്കെ പൊട്ട തെറ്റാണെന്ന് നീ തെളിയിക്കുകയാണ് പൊന്നുമോനേ………” വീണ്ടും വിഷ്ണുവിന്റെ വൃത്തികെട്ട ശബ്ദം…

“ഒന്ന് പോ മൈരേ……. കുറെ നേരമായി കൊണ കൊണാന്ന്…………..”

“ഓ…….ഇപ്പോ നമ്മള് ശല്യമായി ലേ” വളരെ നാടകീയമായി തന്നെ അവൻ പറഞ്ഞു.

“എന്റെ പൊന്നുമോനെ….. ഒന്ന് വിട്, കുറെ നേരമായി നീ എനിക്കിട്ട് ഊതാൻ തുടങ്ങിയിട്ട്” ഞാൻ അവന് നേരെ കൈ കൂപ്പിക്കൊണ്ട് പറഞ്ഞു…

“ശരി ക്ഷമിച്ചിരിക്കുന്നു, അപ്പൊ എന്താണ് മോന്റെ പ്ലാൻ?? പുതിയ ജോലി അന്വേഷിക്കണ്ടേ??”

“വേണം……. നീ വല്ലതും നടക്കുമോ എന്ന് നോക്ക്, ഞാനും തപ്പാം”

“മ്മ……. നോക്കാം”

###

രാത്രി വരെ വിഷ്ണു ഞങ്ങടെ കൂടെ തന്നെ ഉണ്ടായിരുന്നു, അവൻ ഉള്ളത് കൊണ്ട് സമയം പോയത് അറിഞ്ഞില്ല…. ഇപ്പോ യാമിനി അവനോട് ഒരുപാട് സംസാരിക്കുന്നുണ്ട്, അവൾ അവനോട് ചിരിച്ചുകൊണ്ട് സംസാരിക്കുന്നതും നോക്കി പൊട്ടനെ പോലെ ഇരിപ്പായിരുന്നു എന്റെ പ്രധാന പണി, അവളുടെ മുഖത്ത് വിരിയുന്ന ഓരോ ഭാവങ്ങളിലും ഒരുതരം കുസൃതി ഒളിച്ചു കിടക്കുന്നത് പോലെ തോന്നി…….

ഇടയ്ക്ക് “മെല്ലെ നോക്ക് മോനെ” എന്ന വിഷ്ണുവിന്റെ കമന്റ്‌ കേട്ടപ്പോഴാണ് ഞാൻ എല്ലാം മറന്ന് അവളുടെ സൗന്ദര്യത്തിൽ ലയിച്ച് ഇരിപ്പാണ് എന്ന കാര്യം ഞാൻ തന്നെ മനസിലാക്കിയത്, ആ സമയം അവളുടെ മുഖത്ത് ഞാൻ കണ്ട ഭാവം……… അതിന്റെ അർത്ഥം മാത്രം മനസിലായില്ല….

രാത്രി അത്താഴം കഴിച്ച ശേഷം വൈകിയാണ് വിഷ്ണു പോയത്, അവൻ പോയപ്പോൾ തന്നെ ഞാൻ പുതപ്പും തലയണയും എടുത്ത് മുകളിലേക്ക് കയറി, എന്തോ ഞങ്ങൾ മാത്രം ആവുമ്പോൾ എനിക്ക് അങ്ങനെ അവളുടെ മുഖത്തേക്ക് പോലും നോക്കാൻ കഴിയുന്നില്ല……

മുകളിൽ കയറിയപ്പോൾ തന്നെ അവസ്ഥ മോശമാണെന്ന് മനസ്സിലായി, ഒടുക്കത്തെ തണുപ്പ്……. ഇന്നലെ രാത്രിയിലെ ഒന്നും ശരിക്കും ഒന്നുമല്ല, അമ്മാതിരി തണുപ്പ്…… തണുത്ത് വിറച്ചിട്ട് പല്ല് കൂട്ടി അടിക്കാൻ തുടങ്ങി, ഇന്ന് എന്തായാലും ഒരു മിനിറ്റ് പോലും ഉറങ്ങാൻ കഴിയില്ല എന്ന കാര്യം വ്യക്തമായി… ഹാ എന്തായാലും രാവിലെ നേരത്തെ എഴുന്നേറ്റ് എങ്ങോട്ടും പോവാനില്ല…… അത് തന്നെ വലിയ സമാധാനം…

ദേഹം മൊത്തമായി പുതപ്പിൽ മൂടി സിഗരറ്റും വലിച്ച് ഞാൻ അങ്ങനെ അവിടെ ഇരുന്നു, അധിക നേരം അങ്ങനെ ഇരിക്കാനും പ്രകൃതി എന്നെ അനുവദിച്ചില്ല, ദോണ്ടേ വരുന്നു മഴ…………… അതും നല്ല ശക്തമായി തന്നെ, വേഗം ആ വാട്ടർ ടാങ്കിന്റെ അടിയിൽ ഒരു ചെറിയ സ്പേസുണ്ട്, അവിടെ നിന്ന മഴ കൊള്ളില്ല, ഒരാൾക്ക് സുഖമായി നിൽക്കാം, അങ്ങോട്ട്‌ കയറി നിന്നു…..

ഈ തണുത്ത് വിറച്ച് നിൽക്കുന്ന സാഹചര്യത്തിൽ അവളുടെ ചുടുനിശ്വാസം മുഖത്ത് അടിക്കുന്നത് എനിക്ക് വലിയ ആശ്വാസമായി തോന്നി. ചുറ്റും ഇരുട്ടാണ്… ആ ഇരുട്ടിനെ ഭേദിച്ച് കൊണ്ട് മിന്നൽ വന്നു, ഞങ്ങൾ ഇവിടെ എന്താണ് ചെയ്യുന്നതെന്ന് അറിയാൻ വേണ്ടി മുകളിൽ നിന്ന് പുള്ളി ടോർച്ച് അടിച്ച് നോക്കിയത് ആവാനാണ് സാധ്യത…… എന്തായാലും ആ വെളിച്ചത്തിൽ ഞാൻ കണ്ടു, എന്റെ മുനിൽ നിൽക്കുന്ന ദേവതയുടെ മനംമയക്കുന്ന സൗന്ദര്യം…… മഴയിൽ നനഞ്ഞു പേടിച്ചു വിറച്ച കണ്ണുകളുമായി എന്റെ മുനിൽ അവൾ നിൽകുമ്പോൾ മുറുകെ കെട്ടിപ്പിടിച്ചു “നിനക്ക് ഞാനുണ്ട്, നീ എന്റെതാണ്” എന്ന് പറയാൻ ഉള്ളം തുടിച്ചെങ്കിലും വളരെ കഷ്ടപ്പെട്ട് നിയന്ത്രിച്ചു…. സമയം ആയിട്ടില്ല

എന്റെ സ്വയം നിയന്ത്രണം കണ്ട് മുകളിൽ ഇരിക്കുന്ന പുള്ളിവരെ കയ്യടിച്ചു പോയി, അതാ മിന്നൽ വന്നുപോയി നിമിഷ നേരംകൊണ്ട് ചെവി പൊട്ടുന്ന ശബ്ദവുമായി ഇടി മുഴങ്ങി….

ഇടി മുഴങ്ങിയതും അവൾ എന്നെ കെട്ടിപ്പിടിച്ചതും ഒരുമിച്ചായിരുന്നു…. അല്പസമയം മുന്നെ അവളെ എങ്ങനെ കെട്ടിപ്പിടിക്കാൻ എന്റെ ഉള്ളം കൊതിച്ചോ അതുപോലെ തന്നെ അവൾ എന്നെ കെട്ടിപ്പിടിച്ചു…. അവൾ വിറയ്ക്കുന്നുണ്ട്, തണുപ്പ് മൂലമാണോ അതോ ഭയന്നിട്ടോ?? അറിയില്ല…. എന്നെ മുറുകെ കെട്ടിപ്പിടിച്ചുകൊണ്ട് എന്റെ നെഞ്ചിൽ തല വെച്ച് നിൽക്കുകയാണ് യാമിനി….. ചുറ്റും താളാത്മകമായി മഴ പെയ്ത് ഇറങ്ങുമ്പോഴും ഞാൻ ആസ്വദിച്ചുകൊണ്ട് നിന്നത് എന്നോട് ചേർന്നു നിൽക്കുന്ന എന്റെ പെണ്ണിന്റെ ഹൃദയമിടിപ്പിന്റെ താളമാണ്….. അല്ല എന്റെ പെണ്ണോ?? അപ്പൊ എനിക്ക് യാമിനിയോട് ഇപ്പോ തോന്നുന്നത് സഹതാപമല്ല……… ശുദ്ധമായ സ്നേഹം മാത്രമാണ് എന്ന് ഞാൻ ഇപ്പോ മനസിലാകുന്നു….

ഞാൻ അവളെ തിരിച്ചും മുറുകെ കെട്ടിപ്പിടിച്ചു….. “നിന്നെ ഞാൻ ഒരിക്കലും കൈവിടില്ല” എന്ന് ഞാൻ ആ ആലിംഗനത്തിലൂടെ പറയാതെ പറഞ്ഞു…… അവൾക്ക് അത് മനസിലായി കാണുമോ?? ഇത്രയും കാലം അനിയത്തിയെ സ്നേഹിച്ചിട്ട് പെട്ടെന്ന് അവളോട് എനിക്ക് സത്യസന്ധമായ പ്രണയമാണെന്ന് പറഞ്ഞ അവൾ വിശ്വസിക്കുമോ?? അല്ല, ആരെങ്കിലും വിശ്വസിക്കുമോ??

അവളെ നെഞ്ചോട് ചേർത്ത് ഇങ്ങനെ നിൽക്കുമ്പോഴും എന്റെ മനസ്സ് ഒരുപാട് സംശയങ്ങളിൽ കുടുങ്ങി കിടക്കുകയായിരുന്നു….

എത്ര സമയം ഞങ്ങൾ അങ്ങനെ നിന്നു എന്ന് അറിയില്ല, പെട്ടെന്ന് അവൾ എന്നിൽ നിന്ന് അകന്നു മാറി നിന്നപ്പോഴാണ് ഞാൻ സ്വബോധത്തിലേക്ക് വന്നത്….

“സോറി…… ന്ക്കി ഇടി പേടിയാ……”

അവളെ തന്നെ നോക്കി നിന്ന എന്നോട് ഭയത്തോടെ ആണ് അവൾ അത് പറഞ്ഞത്, ഞാൻ റൊമാന്റിക് ആയി നോക്കിയത് കുട്ടി തെറ്റിദ്ധരിച്ചു എന്ന് തോന്നുന്നു, ഞാൻ പിന്നെ ഒന്നും പറയാൻ നിന്നില്ല……

“താ……ഴേക്ക്…….. പോവാ…..” തണുത്ത് വിറച്ചിട്ട് അവളുടെ ശബ്ദം മുറിഞ്ഞിരുന്നു, പല്ല് കൂട്ടി ഇടിക്കുന്ന ഒച്ച ആ മഴയത്തും എനിക്ക് കേൾക്കാൻ പറ്റി, ശരിയാണ് മഴ കുറഞ്ഞിട്ടുണ്ട്.

“വാ………” ഞാൻ പുതപ്പും തലയണയും പിടിച്ച് താഴേക്ക് ഓടി,

ഏണി ഇറങ്ങി മുകളിലേക്ക് നോക്കുമ്പോൾ അവൾ അവിടെ തന്നെ നിൽക്കുകയാണ്…

“നോക്കി നിൽക്കാതെ ഇറങ്ങ്…” ഞാൻ താഴെ നിന്ന് ഉറക്കെ പറഞ്ഞു…

“ന്ക്കി പേടിയാ……” അവളുടെ ദയനീയമായ സ്വരം

“അതിന് ഇടിയൊന്നും വെട്ടുന്നില്ല…….. ഇങ്ങോട്ട് ഇറങ്ങാൻ നോക്ക്”

“അതല്ല…….. ഏണി ഇറങ്ങാൻ പേടിയാ…..” വീണ്ടും അതെ സ്വരത്തിൽ അവൾ പറഞ്ഞു…

സത്യം പറഞ്ഞ എനിക്ക് ചിരിയാണ് വന്നത്, അപ്പൊ അത് നിയന്ത്രിക്കാനും പറ്റിയില്ല….. ഞാൻ പൊട്ടി ചിരിച്ചുപോയി…..

“ഒരു കാര്യം ചെയ്, ഇന്ന് രാത്രി അവിടെ നിന്നോ…… രാവിലെ നമുക്ക് എന്തെങ്കിലും പരിഹാരം കാണാം….” ചിരി അടക്കികൊണ്ട് ഞാൻ പറഞ്ഞു…

“ദുഷ്ടൻ………….” നിലത്ത് ചവിട്ടി ചിണുങ്ങിക്കൊണ്ട് അവൾ അത് പറഞ്ഞപ്പോൾ എനിക്ക് വീണ്ടും ചിരി വന്നു…

“ശരി…….. ഗുഡ് നൈറ്റേ…….” ന്നും പറഞ്ഞു ഞാൻ മുറിയിലേക്ക് നടന്നു, പുതപ്പും തലയണയും വെച്ച് ഞാൻ തിരിച്ച് നടന്നു….. അധികം നേരം മഴയത്ത് നിന്ന അവസാനം എനിക്ക് തന്നെ പണിയാവും… വല്ല പനിയും പിടിച്ച ഇവിടെ നോക്കാൻ വേറെ ആരും ഇല്ലാല്ലോ…

“മ്മ…… വാ ഇറങ്ങ്……. ഞാൻ പിടിക്കാ…” ഞാൻ ഏണിയുടെ അടിവശം പിടിച്ചുകൊണ്ട് പറഞ്ഞു….

“മുറുകെ പിടിക്കണേ…..” ഇറങ്ങാൻ ശ്രമിക്കുന്നതിന് ഇടയ്ക്ക് അവൾ പറഞ്ഞു, അതെ ദയനീയമായ സ്വരം….. പെണ്ണിന് ഉയരം നല്ല പേടിയാണെന്ന് മനസിലായി….

“ഏഹേഹ്……. ഹ്ഹ്ഹ്…….. വേണ്ട, പ്ലീസ് പ്ലീസ് പ്ലീസ്……. ന്ക്ക് പേടിയാ…………….. വീഴും………………. അയ്യോ………. ഈശ്വരാ…………….. രാമ രാമ രാമ രാമ………..” ഇറങ്ങി പകുതി കഴിഞ്ഞപ്പോൾ ഞാൻ ഏണി പിടിച്ചു ചെറുതായി കുലുക്കിയതോടെ പെണ്ണ് പേടിച്ച് ബഹളം വെക്കാൻ തുടങ്ങി, ഓവർ ആക്കിയ താഴെ വീഴുമെന്ന് തോന്നിയത് കൊണ്ട് ഞാൻ നിർത്തി……. ആ ഗ്യാപ്പിൽ അവൾ വേഗം ഇറങ്ങി… അവൾ ഇറങ്ങിയതും ഞങ്ങൾ രണ്ടുപേരും അകത്തേക്ക് ഓടി കയറി……. മഴയുടെ ശക്തി വീണ്ടും കൂടിയിട്ടുണ്ട്.

“ന്ക്കി പേടിയാ…………” മുറിയിൽ കയറിയ ശേഷം എന്നെ ചേറു പരിഭവത്തോടെ നോക്കി നിക്കുന്നത് കണ്ട് അവൾ നേരത്തെ പറഞ്ഞ അതെ ട്യൂണിൽ ഞാൻ പറഞ്ഞു

അവൾ ഒന്നും മിണ്ടാതെ തിരിഞ്ഞ് നടന്നു, പക്ഷെ നടക്കുമ്പോൾ മുഖംകൊണ്ട് ഗോഷ്ടി കാണിച്ചത് ഞാൻ കൃത്യം കണ്ടു, അപ്പൊ ഉണ്ണിമായ പറഞ്ഞതാണ് എനിക്ക് ഓർമ്മ വന്നത് “ഒരു പാവം പൊട്ടി പെണ്ണാണ്”… അവളുടെ ഗോഷ്ടിയും ഒപ്പം ഉണ്ണിമായ പറഞ്ഞ ആ വാക്കുകളും കൂടി ഓർത്തപ്പോൾ ചിരി വന്നു….

“ഇതാ തോർത്ത്‌…..” എനിക്ക് നേരെ തോർത്ത്‌ നീട്ടി കൊണ്ട് അവൾ പറഞ്ഞു.

“ എന്ത് നോക്കി നിൽക്കാ, പോയി തലയിലെ വെള്ളം ഒക്കെ പൊക്കി നനഞ്ഞ ഡ്രസ്സ്‌ മാറ്റ്” തോർത്ത്‌ തന്ന ശേഷം എന്റെ അടുത്ത് തന്നെ നിന്ന് പരുങ്ങി കളിക്കുന്നത് കണ്ട് ഞാൻ പറഞ്ഞു.

“വേറെ……… തോർത്തില്ല….” അവള് മടിച്ച് മടിച്ച് പറഞ്ഞു…

“എന്തേ കൂട്ടുകാരി ഇതൊന്നും വാങ്ങി തന്നില്ലേ…” തല വേഗം തോർത്തിയ ശേഷം തോർത്ത് അവൾക്ക് നേരെ നീട്ടി കൊണ്ട് ഞാൻ ചോദിച്ചു, പെണ്ണിന്റെ മുഖം പന്തിന് കാറ്റ് അടിക്കുന്നത് പോലെ വീർത്തു വീർത്ത് വരുന്നുണ്ട്… തോർത്തും വാങ്ങി വേഗം ബാത്ത്റൂമിലേക്ക് കയറി പോയി.

ആ സമയത്ത് ഞാൻ നനഞ്ഞ ഡ്രസ്സ്‌ മാറ്റി വേറെ ഡ്രസ്സ്‌ എടുത്തിട്ട് ജനാലയുടെ അടുത്ത് പോയി നിന്ന് പുറത്ത് തകർത്തു പെയ്യുന്ന മഴയും നോക്കി നിന്നു,

പുറകിൽ കുളിമുറിയുടെ വാതിൽ തുറക്കുന്ന ശബ്ദം കേട്ട് തിരിഞ്ഞ് നോക്കിയ ഞാൻ അക്ഷരാർത്ഥത്തിൽ ഞെട്ടി തരിച്ചു പോയി, ഒരു ലൈറ്റ് പിങ്ക് നിറത്തിലുള്ള നൈറ്റ് ഗൗണും ഇട്ട് തല തോർത്തികൊണ്ട് ഇറങ്ങി വരുന്ന യാമിനി. എന്റെ മനസിനെ ഞാൻ തന്നെ പ്രാകി പോയി, മനുഷ്യനെ നാറ്റിക്കും ചെറ്റ, കണ്ട്രോൾ…. ഇങ്ങനെ വായും തുറന്ന് നോക്കി നിൽക്കല്ലേ… ആഗ്രഹമുണ്ട്, പറ്റുന്നില്ല…. എന്റെ ഉള്ളിൽ ഒരു വലിയ വടംവലി മത്സരം നടക്കുന്നത് പോലെ തോന്നി…

ഞാൻ വേഗം ചെന്ന് ഒരു ബെഡ്ഷീറ്റ് എടുത്ത് നിലത്ത് വിരിച്ച് അതിൽ കയറി കിടന്നു… കണ്ണും പൂട്ടി കിടക്കുന്നതാണ് സേഫ്, ഇത്ര ദുർബലമായിരുന്നോ എന്റെ മനസ്സ്…….. ഛെ………. “അതെ മോനെ, യൂ ഹാവ് ടു ഗ്രോ” ഉള്ളിൽ നിന്നും വീണ്ടും ആരോ പറഞ്ഞു…..

“ഏയ്……. ഞാൻ താഴെ കിടന്നോളാം” യാമിനിയുടെ ശബ്ദം കേട്ടാണ് കണ്ണ് പൂട്ടിയുള്ള മനസ്സ് നിയന്ത്രിക്കൽ അവസാനിപ്പിച്ചത്.

“വേണ്ട……..” ഒറ്റ വാക്കിൽ ഞാൻ എന്റെ മറുപടി ഒതുക്കി.

“പ്ലീസ്………” അവൾക്ക് വിടാനുള്ള പ്ലാൻ ഇല്ല, ഒന്ന് മനുഷ്യനെ ഇങ്ങനെ പരീക്ഷിക്കാതെ ലൈറ്റും ഓഫാക്കി കിടക്കാൻ നോക്ക് പെണ്ണേ എന്നാണ് പറയാൻ തോന്നിയത്.

“വേണ്ടാ…… ലൈറ്റ് ഓഫാക്കി പോയി കിടക്ക്” അത്രയെ പറഞ്ഞുള്ളൂ, അതും അല്പം കനത്തിൽ തന്നെ…. അവൾ പിന്നെ ഒന്നും മിണ്ടാൻ നിന്നില്ല, വേഗം ലൈറ്റും ഓഫാക്കി കട്ടിലിൽ കയറി കിടന്നു….

മഴയാണ് എല്ലാത്തിനും കാരണം, ദുഷ്ടൻ…… പക്ഷെ എന്റെ ഉള്ളിലുള്ളത് കുറച്ചു കുറച്ചായി എനിക്ക് തന്നെ മനസിലായി വരുന്നുണ്ട്, അതിന് മഴയ്ക്ക് നന്ദി….

പുറത്ത് തണുപ്പത്ത് കിടന്ന് എങ്ങനെ ഉറങ്ങുമെന്ന് ആയിരുന്നു ഇതുവരെയുള്ള വിഷമം, പക്ഷെ ഇപ്പോ ഉറങ്ങാൻ അതിലും കഷ്ടം തോന്നുന്നു, നിദ്രാദേവി ഈ പരിസരത്തേക്ക് തിരിഞ്ഞ് നോക്കുന്നു പോലും ഇല്ല……… കുറെ നേരം തിരിഞ്ഞും മറിഞ്ഞും കിടന്നിട്ടും ഉറക്കം വരാതെ ആയപ്പോൾ എഴുന്നേറ്റ് വാതിലിന്റെ അടുത്ത് പോയി നിന്ന് ഒരു സിഗരറ്റ് എടുത്ത് കത്തിച്ചു….

മഴ നിന്നിരുന്നു, മേഘങ്ങൾ ഗർജ്ജിക്കുന്നില്ല…. നിശബ്ദത….. ചുറ്റും നിശബ്ദത….. പ്രകൃതി കുളിച്ച് കുട്ടപ്പനായി നിൽക്കുന്നു…. നല്ല മണം…. സിഗരറ്റ് വലിച്ചു തീർന്നത് അറിഞ്ഞില്ല, ഞാൻ ഒന്നും ചിന്തിച്ചിരുന്നില്ല….. ഒരു മഴ പെയ്തു പോയ ശേഷമുള്ള പ്രകൃതിയുടെ പ്രത്യേക സൗന്ദര്യത്തിൽ ലയിച്ച് പോയിരുന്നു………

അല്പസമയം അങ്ങനെ നിന്ന ശേഷം വാതിൽ അടച്ചു വന്ന് കിടക്കാൻ നേരം നോക്കുമ്പോൾ യാമിനിയും ഉറങ്ങിയിട്ടില്ല, ഇരുട്ടത്ത് അവളുടെ കണ്ണുകൾ തിളങ്ങുന്നു…. ഇതെന്താ പൂച്ചയോ?? എന്നെ തന്നെ നോക്കി കിടക്കുകയാണ്……. ഈ പൊട്ടൻ രാത്രി ഉറങ്ങാതെ എന്ത് ചെയ്യുകയാണെന്ന് നോക്കിയതാവും, കൂടുതൽ നേരം നോക്കി നിന്നില്ല, ഞാൻ വേഗം കിടന്നു…. പക്ഷെ വീണ്ടും ഒരുപാട് കഷ്ടപ്പെട്ട ശേഷമാണ് നിദ്രാദേവി കനിഞ്ഞത്. ###

അടുത്ത ദിവസം രാവിലെ അടുക്കളയിൽ പാത്രങ്ങളുടെ ശബ്ദം കെട്ടാണ് ഞാൻ എഴുന്നേറ്റത്, ഇവൾ പാത്രങ്ങൾ വെച്ച് വല്ല യുദ്ധവും ചെയ്യാണോ…. ഒക്കെ പൊളിച്ചടുക്കും എന്ന് തോന്നുന്നു. സമയം എട്ടര ആയതേ ഉള്ളു, പ്രഭാത കർമങ്ങൾ എല്ലാം വൃത്തിക്ക് ചെയ്ത് തീർത്ത ശേഷം അവൾ തന്ന കട്ടൻ ചായയും എടുത്ത് പുറത്ത് പോയി ഇരുന്നു…. താഴെ റോഡിലെ കാഴ്ചകൾ കാണാൻ തന്നെ നല്ല രസമാണ്, കട്ടൻ ചായയോടൊപ്പം ഒരു സിഗരറ്റും കത്തിച്ചുകൊണ്ട് ഞാൻ പുറത്തെ കാഴ്ചകൾ നോക്കി കണ്ടു,

ബസ്‌സ്റ്റോപ്പിൽ പല സൈസിൽ പല ഷേപ്പിലുള്ള തരുണീമണികൾ നിൽപ്പുണ്ട്, കോളേജിൽ പോവുന്നതും ജോലിക്ക് പോകുന്നതും….. അങ്ങനെ അങ്ങനെ അങ്ങനെ….. ഹൗ കൊള്ളാം, ഇനി ദിവസവും ഈ സമയത്ത് എഴുന്നേറ്റ് ഇവിടെ വന്നിരിക്കണം…. നല്ല കളക്ഷനുള്ള ഏരിയയാണ്…. ആ കറുത്ത ചുരിദാറിട്ട കുട്ടി ഇങ്ങോട്ട് നോക്കിയില്ലേ?? എന്തായാലും മുൻവശം കൊള്ളാം, പിന്നാമ്പുറം കൂടി കാണാൻ പറ്റിയ നന്നായിരുന്നു….

“ഫോൺ…………..” പിന്നിൽ നിന്ന് യാമിനിയുടെ ശബ്ദം കേട്ട് ഞാൻ ഞെട്ടിപ്പോയി, ചുണ്ടിലിരുന്ന സിഗരറ്റ് തെന്നി താഴെ വീണു, ഭാഗ്യം ചായ കപ്പ്‌ വീണില്ല.

“മ്മ…..” ഫോൺ തന്ന ശേഷം താഴേക്ക് എത്തി നോക്കിയിട്ട് എന്നെ ഒന്ന് തുറിച്ചു നോക്കിയാണ് അവൾ അകത്തേക്ക് പോയത്…

മോശമായോ?? ഏയ്, ഇതൊക്കെ സർവ്വസാധാരണമല്ലേ…. ഒന്നും കൂടി താഴേക്ക് നോക്കിയപ്പോൾ ആ കറുത്ത ചുരിദാറിട്ട കുട്ടി ഇങ്ങോട്ട് നോക്കി ചിരിക്കുന്നു… ഛെ, കളഞ്ഞ്….. യാമിനി കണ്ട് കാണുമോ?? ചാൻസുണ്ട്, ആ നോട്ടം അത്ര പന്തി ആയിരുന്നില്ല….. പക്ഷെ, അവൾക്ക് എന്താ?? അവൾക്കും എന്നോട് ഇഷ്ടം തോന്നി തുടങ്ങിയോ?? ആാാ……..

ഫോൺ ഒക്കെ എപ്പോഴോ കട്ട്‌ ആയിരുന്നു, നോക്കിയപ്പോൾ വിഷ്ണുവാണ് വിളിച്ചത്… ഇവൻ എന്താ രാവിലെ തന്നെ??

“എന്താടാ രാവിലെ തന്നെ….”

“മ്മ്??” ഞാൻ അവളെ നോക്കി ചോദ്യ ഭാവത്തിൽ പുരികം ഉയർത്തി, അത് തന്നെ എങ്ങനെ ചെയ്ത് ഒപ്പിച്ചു എന്ന് എനിക്കെ അറിയൂ… ആകെ ഒരു വെപ്രാളം. അവൾ ഒന്നും മിണ്ടാതെ എന്റെ കയ്യിൽ ഇരുന്ന ചായ കപ്പും വാങ്ങി അകത്തേക്ക് പോയി, ഞാൻ അവൾ പോവ്വുന്നതും നോക്കി നിന്നു, ഛെ……. ഇന്നത്തെ ദിവസം ശരിയല്ല, “ഓ പറയുന്നത് കേട്ട കഴിഞ്ഞ കുറെ ദിവസങ്ങൾ അടിപൊളി ആയിരുന്നു എന്ന് തോന്നും” ഉള്ളിൽ നിന്നും ആരോ പറഞ്ഞു, ആ പറയുന്നവനെ ഇങ്ങോട്ട് കിട്ടിയിരുന്നെങ്കിൽ ചവിട്ടി കൂട്ടി ഒരു മൂലയിൽ ഇടാമായിരുന്നു….. ശല്യം….

“ഹലോ……. കള്ള കുണ്ണ….. എന്താടാ ഒന്നും മിണ്ടാതെ…..” ഫോണിലൂടെ വിഷ്ണുവിന്റെ ശബ്ദം,

“എന്താ മൈരേ രാവിലെ തന്നെ, കാര്യം പറ”

“നമ്മുടെ അർജുൻ ജോലി ചെയ്യുന്ന കമ്പനിയിൽ ഒരു ഒഴിവുണ്ട്, ഇന്ന് അവിടെ ഇന്റർവ്യൂണ്ട്, നീ ഒന്ന് പോയി നോക്ക്….” അർജുൻ ഞങ്ങടെ കൂടെ കോളേജിൽ പഠിച്ച ഒരു മൈരനാണ്….

“എന്താ പോസ്റ്റ്‌??”

“എം. ഡി……. എന്തേ അങ്ങൂന്നിന് പറ്റുമോ??”

“എന്ത് ഊമ്പിയ പണി ആണെങ്കിലും ശമ്പളം കൃത്യമായി കിട്ടിയ മതി”

“പ്ഫാ………… പറയിപ്പിക്കരുത്, അക്കൗണ്ടന്റ് പോസ്റ്റിലേക്ക് ആണ്”

“അയ്യോ, കണക്കപ്പിള്ളയോ?? ഡിഗ്രി ഒന്നും ഇല്ലാതെ ഞാൻ പോയിട്ട് വല്ല കാര്യം ഉണ്ടോ??”

“പോയി നോക്ക്, കിട്ടിയ കിട്ടി പോയ പോയി….. എന്തായാലും ജോലി നിന്നെ തിരഞ്ഞു വീട്ടിൽ വരില്ല”

“മതി മോനെ സിനിമ ഡയലോഗ് അടിച്ചത്, വെച്ചിട്ട് പോവാൻ നോക്ക്”

“ശരി നീ പോയി നോക്ക് ട്ടോ, അഡ്രസ്സ് ഞാൻ ടെക്സ്റ്റ്‌ ചെയ്യാ”

“മ്മ……. ശരി ശരി”

ഫോൺ വെച്ച് രണ്ട് മിനിറ്റിനുള്ളിൽ അവൻ അഡ്രെസ്സ് അയച്ചു തന്നു, എന്തൊരു കൃത്യനിഷ്ഠ….. എന്തായാലും വിഷ്ണു ഇത്ര പറഞ്ഞ സ്ഥിതിക്ക് ഒന്ന് പോയി നോക്കാം, എനിക്ക് വലിയ പ്രതീക്ഷ ഒന്നുമില്ല….. ഡിഗ്രി ഡ്രോപ്പ് ഔട്ട്‌ ചെയ്ത എന്നെ ഒക്കെ തിരഞ്ഞെടുക്കാൻ മാത്രം ദാരിദ്ര്യം പിടിച്ച കമ്പനി ആയിരിക്കുമോ??

കുറച്ച് ദൂരമുണ്ട്, രണ്ട് മൂന്ന് ബസ് മാറി കേറി പോവണം. പതിനൊന്നു മണിക്ക് മുന്നെ അവിടെയെത്തണമെങ്കിൽ ഇപ്പോ തന്നെ ഇറങ്ങണം… രാവിലെ തന്നെ കളക്ഷൻ ഒക്കെ എടുത്ത് ഒന്ന് സെറ്റ് ആയി വന്നതാണ്, ആ ഫ്ലോ അങ്ങ് പോയി….

കൂടുതൽ നേരം മടിപിടിച്ച് ഇരുന്നില്ല, വേഗം തന്നെ കുളിച്ചു മാറ്റി ബ്രേക്ക്‌ഫാസ്റ്റ് ഒക്കെ കഴിച്ച് റെഡിയായി… എന്റെ പെട്ടെന്നുള്ള തിരക്ക് പിടിച്ചുള്ള തലങ്ങും വിളങ്ങും ഓട്ടം കണ്ട് അത്ഭുതത്തോടെ നോക്കുന്നുണ്ട് യാമിനി. പാവത്തിന് ഈ ഓട്ടം ഒന്നും കണ്ട് ശീലമില്ല എന്ന് തോന്നുന്നു, സ്കൂളിൽ ആദ്യമായി പോവാൻ തുടങ്ങിയ ദിവസം തുടങ്ങിയതാകും ഈ രാവിലത്തെ നെട്ടോട്ടം… എന്നെക്കാൾ കൂടുതൽ ഓടിയിരുന്ന ഒരാളുണ്ട് ട്ടോ, എന്റെ മേരി….

എല്ലാം കഴിഞ്ഞു ഫോർമൽ ഷർട്ടും പാന്റും ഒക്കെ ഇട്ട് കണ്ണാടിയിൽ നോക്കിയപ്പോൾ എന്തോ ഒരു ആത്മവിശ്വാസം അനുഭവപ്പെട്ടു, ഇപ്പോ എന്നെ കണ്ട വേണമെങ്കിൽ പിടിച്ചു ഒരു കമ്പനിയുടെ എം.ഡി ഒക്കെ ആക്കാനുള്ള ലുക്കുണ്ട്…

ആ ആത്മവിശ്വാസം പൊടിക്ക് പോലും കുറയ്ക്കാതെ ഞാൻ ചിരിച്ചുകൊണ്ട് ഇറങ്ങി, ഇറങ്ങാൻ നേരം യാമിനി വാതിലിന് അടുത്ത് വന്ന് നിന്നിട്ട് ഒരു പുഞ്ചിരി സമ്മാനിച്ചു, അത് കൂടി ആയപ്പോൾ കോൺഫിഡൻസ് ലെവൽ അങ്ങ് വാണം വിട്ട പോലെ കുത്തനെ ഉയർന്നു, “ഒന്ന് പൊന്തിയ ശേഷം നിയന്ത്രണം തെറ്റി അപ്പുറത്തെ തൊടിയിൽ പോയി വീഴാഞ്ഞ മതി”…. ഞാൻ സ്വയം ആത്മവിശ്വാസം പകരാൻ ശ്രമിക്കുമ്പോൾ അത് പൊളിക്കാൻ വേണ്ടി എന്റെ ഉള്ളിൽ കുടിയിരിക്കുന്ന ആ നെഗറ്റീവോളി മൈരൻ പറഞ്ഞു… തളരില്ല, പതറില്ല, തകരില്ല….

മൂന്ന് ബസ് ഒക്കെ മാറി കേറി അവിടെ എത്തുമ്പോഴേക്കും സമയം 11:20 ആയിരുന്നു, ഇന്റർവ്യൂ തുടങ്ങിയിട്ടുണ്ട്… അധികം എതിരാളികളൊന്നും ഇല്ല, പേരിന് പോലും എനിക്ക് ടൈറ്റ് കോമ്പറ്റിഷൻ തരാൻ പറ്റിയ ആരെയും കാണുന്നില്ല…. റിസപ്ഷനിൽ ഇരിക്കുന്ന കുട്ടി പേര് ചോദിച്ചപ്പോൾ പറഞ്ഞു കൊടുത്തു, നല്ലൊരു കൊച്ച്… ആ കാട്ട് കോഴി അർജുൻ ഉള്ളപ്പോൾ ഈ കുട്ടി ഒക്കെ എന്ത് ധൈര്യത്തിലാണ് ഇവിടെ ഇരിക്കുന്നത്…. പറയും പോലെ അവനെ കാണുന്നില്ലല്ലോ… ആഹ്, എവിടെയെങ്കിലും ആവട്ടെ…. വെറുതെ വിളിച്ചു വരുത്തിയ അവന്റെ തള്ളും കേട്ട് ഇരിക്കേണ്ട വരും…

“ടോണി മാത്യൂസ്…..” എന്റെ പേര് വിളിച്ചപ്പോൾ ഞാൻ ഇന്റർവ്യൂ നടക്കുന്ന മുറിയിലേക്ക് ചെന്നു

ഒരു വലിയ ടേബിൾ, അതിന്റെ അപ്പുറത്ത് രണ്ട് മധ്യവയസ്കർ ഇരിക്കുന്നു, വല്ലാത്തൊരു അന്തരീക്ഷം….. അതുവരെ കഷ്ടപ്പെട്ട് പിടിച്ചു നിർത്തിയ ആത്മവിശ്വാസം ആ മുറിയിലേക്ക് കാലെടുത്ത് വച്ചതും പന്തിന്റെ കാറ്റ് ഊരി വിട്ടത് പോലെ പോയി…

“കമ്മ്…. സിറ്റ് ഡൌൺ…..” അകത്ത് കയറിയ ശേഷം മടിച്ചു നിന്ന എന്നോട് അതിൽ ഒരാൾ പറഞ്ഞു, കേട്ടപാടെ ഞാൻ അവർക്ക് നേരെ ഓപ്പോസിറ്റ് ഇട്ട കസേരയിൽ ഇരുന്നു.

“ഹായ് ടോണി, വെർ ഈസ് യുവർ സി.വി??” കയ്യും വീശി ചെന്ന എന്നോട് അവരുടെ ആദ്യത്തെ ചോദ്യം. സി.വി…… അതെന്നാ ചാതനം??

ഞാൻ ഒന്നും മിണ്ടിയില്ല…. ഇതിന്റെ കാര്യത്തിൽ ഒരു തീരുമാനം ആയെന്ന് അവരുടെ മുഖഭാവത്തിൽ നിന്ന് മനസിലായി.

“ഒരു സി.വി പോലും ഇല്ലാതെ ആണോ ഡോ ഇന്റർവ്യൂന് വരുന്നത്??”

“അത് പിന്നെ എടുക്കാൻ മറന്നു പോയതാണ് ചേട്ടാ” എന്തായാലും ഈ ജോലി കിട്ടില്ലെന്ന്‌ ഉറപ്പായി, പിന്നെ വെറുതെ കേറി സാറേ ന്ന് വിളിച്ച് സോപ്പ് ഇടേണ്ട കാര്യമില്ല, എടുക്കാൻ മറന്നു പോയി എന്നൊക്കെ വെറുതെ തട്ടി വിട്ടതാണ്….. ആ സി. വി എന്താണ് സാധനം എന്ന് ഇപ്പോഴും എനിക്ക് ഒരു പിടിയും കിട്ടിയിട്ടില്ല.

“ഗെറ്റ് ഔട്ട്‌…….. വെറുതെ സമയം കളയാൻ. ….. സ്റ്റുപ്പിഡ് ക്രീച്ചർ” അതിൽ ഒരാൾ ശബ്ദം ഉയർത്തി

“അടങ്ങു അമ്മാവാ, വെറുതെ ബി.പി കൂട്ടണ്ട….. അല്ലെങ്കിലും ഞാൻ ഉദ്ദേശിച്ച ഒരു ലെവൽ ഒന്നുമില്ല നിങ്ങടെ ഓഫീസ്, പിന്നെ വന്ന സ്ഥിതിക്ക് ഒന്ന് കയറിയിട്ട് പോവാമെന്ന് കരുതി” അവരെ രണ്ടുപേരെയും നോക്കി നല്ലൊരു ചിരിയും ചിരിച്ച് ഞാൻ പുറത്തേക്ക് ഇറങ്ങി, എന്തായിരുന്നു…… വല്യ ബിൽഡ് അപ്പ്‌ ഒക്കെ സ്വായം കൊടുത്ത് മൂന്ന് ബസും കയറി വന്നതാണ്, ഒരു സി. വി പറ്റിച്ച പണിയെ……

അവിടെ നിന്ന് ഇറങ്ങിയ ശേഷം ആദ്യം ചെയ്തത് വിഷ്ണുവിനെ ഫോൺ വിളിക്കലാണ്

“ഹലോ, ഇന്റർവ്യൂ എന്തായി മോനെ??” ഫോൺ എടുത്ത പാടേ അവൻ ചോദിച്ചു

“ഊ………..ഞാ……. ലാ…..”

“പോട്ടെ സാരമില്ല, കഴിവുള്ള ഞാൻ തന്നെ അഞ്ചോ ആറോ ഇന്റർവ്യൂ അറ്റൻഡ് ചെയ്തിട്ടാണ് ജോലി കിട്ടിയത്, അപ്പൊ കഴിവില്ലാത്ത നിന്റെ കാര്യം പറയണോ….. ഹ…. ഹ….. ഹ……ഹ….. ഇതൊക്കെ ഒരു എക്സ്പീരിയൻസ് ആയി കണ്ട മതി”

“എന്റെ ക്വാളിഫിക്കേഷന് അനുസരിച്ച ജോലി അല്ലേ കിട്ടു, ഇനി വെറുതെ ഇമ്മാതിരി പണിക്ക് നിക്കാൻ വയ്യ, അങ്ങനെ എന്തെങ്കിലും ഒരു ജോലി തപ്പണം” അവരുടെ മുനിൽ ഒട്ടും താഴാതെ തന്നെ ഇറങ്ങി വന്നെങ്കിലും എന്റെ ആത്മവിശ്വാസം ചോർന്നിരുന്നു,

“ഹേയ് വിട്ടുകള മുത്തേ……. ഇതുവരെ സംഭവിച്ചത് എല്ലാം നല്ലതിനായി മാറുന്നില്ലേ, അതുപോലെ ഇതും നല്ലതിന് ആവും…… ഇതിലും നല്ല ഒരു ജോലി നിന്നെ കാത്ത് നിൽക്കുന്നുണ്ടാവും……… നോക്കാം” എന്റെ ശബ്ദത്തിലെ പതർച്ച മനസിലാക്കി ആവണം, അവൻ കളിയാക്കൽ നിർത്തി നൈസ് ആയിട്ട് എന്നെ ആശ്വസിപ്പിച്ചു.

“മ്മ്….” ഞാൻ ഒന്നും മിണ്ടിയില്ല, എല്ലാം കേട്ട് വെറുതെ മൂളി.

“ശരി മോൻ റൂമിലേക്ക് ചെല്ല്, ഞാൻ വൈകുന്നേരം വരാ”

“മ്മ്…….”

തിരിച്ചു മൂന്ന് ബസ് കയറി പി.ബിയിൽ എത്തുമ്പോഴേക്കും ഞാൻ ക്ഷീണിച്ചിരുന്നു, നട്ടുച്ച വെയില് കൂടി കൊണ്ടതോടെ ചെറുതായി തലവേദന എടുക്കാൻ തുടങ്ങി. വീഴാതെ പടികൾ കയറി മുകളിൽ എത്തിയത് എങ്ങനെ ആണോ എന്തോ….

മുകളിൽ എത്തിയപ്പോൾ മുറിയിൽ നിന്ന് അടക്കിയ സംസാരം കെട്ടു, യാമിനി ചിരിക്കുന്നുണ്ട്…… ആരാ ഇപ്പോ ഇവളെ കാണാൻ ഇവിടെ വന്നത്??

അകത്തു നിന്ന് മറ്റൊരു ചിരി കെട്ടു, വളരെ പരിചയമുള്ള ഒരു ചിരി, ആാാ ചിരിയുടെ ഉടമയെ തിരിച്ചറിഞ്ഞതും എന്റെ ക്ഷീണം എല്ലാം പറപറന്നു…… അതെ എന്റെ മേരി, മേരിയുടെ ചിരിയാണ് ആ കേട്ടത്….. മേരി എങ്ങനെ ഇവിടെ?? അപ്പൻ സമ്മതിച്ച് കാണുമോ ഇങ്ങോട്ട് വരാൻ??

ഞാൻ ആവേശത്തോടെ വാതില് തള്ളി തുറന്ന് അകത്ത് കയറുമ്പോൾ കാണുന്നത് കട്ടിലിൽ കാല് നീട്ടി ഇരിക്കുന്ന മേരിയും, മേരിയുടെ മടിയിൽ തല വെച്ച് കിടക്കുന്ന യാമിനിയും… എന്റെ പൊന്നു മേരിയുടെ സ്പെഷ്യൽ ഹെഡ് മസ്സാജും ആസ്വദിച്ചു കിടക്കുകയാണ് യാമിനി, പക്ഷെ അത് കണ്ടപ്പോൾ എനിക്ക് ചെറുതായി അസൂയ തോന്നി…. എനിക്ക് മാത്രം കിട്ടിയിരുന്ന സ്പെഷ്യൽ മസ്സാജ് ആണ്…..

“ഹോ പേടിപ്പിച്ച് കളഞ്ഞല്ലോ ചെക്കാ….” വാതില് തള്ളി തുറന്നുള്ള എന്റെ മാസ്സ് എൻട്രയിൽ ഞെട്ടി പോയ ശേഷം മേരി ചൂടായി, സന്തോഷം കൊണ്ട് എന്നെ കണ്ട ഉടനെ ഓടി വന്ന് കെട്ടിപ്പിടിക്കും എന്ന് കരുതിയ ഞാൻ ആരായി, അല്ലെങ്കിലും സന്തോഷം കൊണ്ട് ഓടി വന്ന് കെട്ടിപ്പിടിക്കാൻ മകൻ വേൾഡ് കപ്പും ജയിച്ച് വരുകയല്ലല്ലോ….. അറ്റ്ലീസ്റ്റ് സങ്കടം കൊണ്ടെങ്കിലും അവളെ മടിയിൽ നിന്ന് എഴുന്നേൽപ്പിച്ച് എന്നെ വന്നു കെട്ടിപ്പിടിക്കാമായിരുന്നു.

ഞാൻ അവരുടെ അടുത്തേക്ക് ചെന്നതും യാമിനി മേരിയുടെ മടിയിൽ നിന്നും എഴുന്നേറ്റിരുന്നു.

“പൊന്നുമോൻ ഒന്ന് ഇങ്ങോട്ട് വന്നേ…..” അടുത്ത് എത്തിയതും മേരി എന്നെ വാത്സല്യത്തോടെ വിളിച്ചു, ആ വിളി കേട്ടതും ദേഹത്തെ ഓരോ രോമവും എഴുന്നേറ്റ് നിന്ന് സല്യൂട്ട് അടിച്ചു…. കഴിഞ്ഞ ദിവസങ്ങളിൽ ഞാൻ ഏറ്റവും കൂടുതൽ കേൾക്കാൻ കൊതിച്ചത് ഇതായിരുന്നു….. എന്റെ മേരിയുടെ വാത്സല്യത്തോടെയുള്ള ഈ സ്വരം.

കേൾക്കാൻ കൊതിച്ചത് കേട്ട സന്തോഷത്തിൽ ഞാൻ കട്ടിലിൽ ഇരിക്കുന്ന മേരിയുടെ അടുത്തേക്ക് കുനിഞ്ഞു

“ഔ………… ആാാ…….. മേരി വേദനിക്കുന്നു… വിട്.” അതെ ആ വാത്സല്യം ഒരു ചതിയായിരുന്നു, അടുത്തേക്ക് മുഖം അടുപ്പിച്ച എന്റെ ചെവി മേരി പിടിച്ചു തിരിച്ച് ഒരു പരുവമാക്കി.

“മതി……. പ്ലീസ് പ്ലീസ് പ്ലീസ്, വിട്…. ആാാ……..” ഞാൻ നിന്ന് കുതറി, മേരിയ്ക്ക് ചെവി വിടാനുള്ള പ്ലാൻ ഇല്ലെന്ന് തോന്നുന്നു, യാമിനി ഇതെല്ലാം കണ്ട് കട്ടിലിൽ ഇരുന്ന് ചിരിക്കുന്നുണ്ട്…… അത് കണ്ടപ്പോൾ ചെറുതായി ലജ്ജ തോന്നി, ഇതുവരെ തോന്നാത്ത ഒരു വികാരം.

“ഇത് എന്തിനാ ന്ന് മനസ്സിലായോ??” ചെവിയിൽ നിന്ന് കൈ വിട്ട ശേഷം മേരി ഗൗരവത്തോടെ ചോദിച്ചു…

“മ്മ……. കല്യാണം കഴിച്ചതിന്” ചെവി തടവിക്കൊണ്ട് ഞാൻ ഒരു ഒഴുക്കൻ മട്ടിൽ പറഞ്ഞു.

“ഏയ് ഒരിക്കലും അല്ല, എന്റെ പൊന്നുമോൻ ജീവിതത്തിൽ ആദ്യമായിട്ട് ചെയ്ത നല്ല കാര്യമാണ് അത്……. അതുകൊണ്ട് അല്ലേ ഈ ചക്കര കുടത്തിനെ എനിക്ക് കിട്ടിയത്”

“പിന്നെ എന്തിനാ എന്റെ ചെവി പിടിച്ച് തിരിച്ചതെന്ന്…” എന്റെ ഇഷ്ടക്കേട് എന്റെ സംസാര രീതിയിൽ പ്രതിഫലിച്ചു കാണണം…

“അത് എന്റെ മോളേ ഇന്നലെ രാത്രി മഴയത്ത് നിർത്തി കളിപ്പിച്ചതിന്….. കണ്ടോ എന്റെ കൊച്ചിന് ജലദോഷം പിടിച്ചു…” അയ്യോ….. തേൻ ഒലിക്കുന്നു, സ്വന്തം മോന് പനി പിടിച്ചാലും അവിടെ എവിടേലും പോയി അടങ്ങി കിടക്കു ചെറുക്കാ ന്ന് പറയുന്ന മേരിയാണ് ഇന്ന് കണ്ട ഇവളെ എടുത്ത് ഒക്കത്ത് വച്ചിരിക്കുന്നത്…

“ഓ എല്ലാം കൃത്യമായി എത്തിച്ചിട്ടുണ്ട് ലേ” ഞാൻ യാമിനിയെ നോക്കി പല്ല് കടിച്ചുകൊണ്ട് പറഞ്ഞു.

“ഡ…..ഡാ……ചെക്കാ വേണ്ട ട്ടോ, നിന്റെ ഞെട്ടിക്കൽ ഒന്നും എന്റെ കൊച്ചിനോട് വേണ്ട…. നല്ല മക്കൾ അങ്ങനെയാ, എല്ലാം തുറന്ന് പറയും…… അല്ലാതെ ഇവിടെ ചിലരെ പോലെ കാണുമ്പോൾ കെട്ടിപ്പിടിച്ച് സ്നേഹം കാണിച്ചിട്ട് മനസ്സിലുള്ളത് ഒന്നും പറയാതെ നടക്കുന്നത് അല്ല നല്ല കൊച്ചുങ്ങളുടെ സ്വഭാവം” മേരി വീണ്ടും നൈസ് ആയിട്ട് എനിക്കിട്ട് കൊട്ടി, ഇനിയും എന്തെങ്കിലും പറഞ്ഞ ഞാൻ വീണ്ടും പൊട്ടൻ ആവല്ലേ ഉണ്ടാവു…

“ഓ…. രണ്ടും കൂടി ഇവിടെ കെട്ടിപ്പിടിച്ച് ഇരുന്നോ….” പിന്നെ അധികം ഒന്നും മിണ്ടാതെ ഞാൻ അടുക്കളയിലേക്ക് ചെന്നു, അവിടെ നിന്ന് വടി കൊടുത്ത് അടി വാങ്ങുന്നതിലും നല്ലത് വിശപ്പ് മാറ്റുന്നതാണ്, എന്നാലും പെണ്ണ് ചുരുങ്ങിയ സമയംകൊണ്ട് മേരിയെ കുപ്പിയിലാക്കി കളഞ്ഞു.

“അങ്ങോട്ട് മാറി നിൽക്ക് ചെറുക്കാ…….. ഞാൻ എടുത്ത് തരാം” മേരിയാണ്…… യാമിനി തൊട്ടു പിന്നിൽ വാല് പോലെയുണ്ട് ഞാൻ ഒന്നും മിണ്ടാതെ രണ്ടിനെയും ഒരു നോട്ടം നോക്കിയിട്ട് അടുക്കളയിൽ നിന്ന് ഇറങ്ങി. ഞാൻ തിരിഞ്ഞ് നടക്കുമ്പോൾ പിന്നിൽ നിന്ന് അടക്കിയ ചിരി കേട്ടു.

പിന്നെ ഞങ്ങൾ മൂന്നുപേരും ഒരുമിച്ചിരുന്ന് ഭക്ഷണം കഴിച്ചു, മേരിയുടെ സ്പെഷ്യൽ കുടംപുളി ഇട്ട് വെച്ച മീൻകറി ആയിരുന്നു ഹൈലൈറ്റ്… കുറച്ച് ദിവസങ്ങൾക്ക് ശേഷം കഴിക്കുന്നത് കൊണ്ട് ആണെന്ന് തോന്നുന്നു അതിന് ഇത്തിരി ടേസ്റ്റ് കൂടിയ പോലെ തോന്നി

“മേരിയേ………. മീൻകറിയുടെ ടേസ്റ്റ് ഒക്കെ അങ്ങ് കൂടിയല്ലോ, പുതിയ ചേരുവ വല്ലതും ഇട്ടോ??” കറിയുടെ ടേസ്റ്റ് കാരണം ചോദിക്കാതെ ഇരിക്കാൻ കഴിഞ്ഞില്ല

“ഓ….. കെട്ട്യോളെ പുകഴ്ത്തണമെങ്കിൽ നേരിട്ട് ആവാം, എന്നെ വെറുതെ അതിന് കൂടെ കൂട്ടണ്ട” ഒരു കള്ള പരിഭവത്തോടെ പറഞ്ഞിട്ട് മേരി യാമിനിയെ നോക്കി കണ്ണടച്ച് കാണിച്ചു, അത് പക്ഷെ എനിക്ക് വിശ്വസിക്കാൻ കഴിഞ്ഞില്ല….. മേരി ഉണ്ടാകുന്ന അതെ പോലെ തന്നെ, ഏയ് അസംഭവ്….പച്ച മലയാളത്തിൽ പറഞ്ഞ അസാധ്യം.

ഞാൻ സംശയത്തോടെ യാമിനിയെ നോക്കിയപ്പോൾ “എല്ലാം നോം തന്നെ” എന്ന ഭാവത്തിലാണ് പെണ്ണ് ഇരിക്കുന്നത്. ചിലപ്പോൾ സത്യം ആവും, കാരണം അവൾ ഉണ്ടാകുന്നതിന് ഒക്കെ ഒരു പ്രത്യേക രുചിയാണ്…… അത് സമ്മതിച്ചു കൊടുത്തേ പറ്റു.

കൂടുതൽ സംസാരത്തിന് നിൽക്കാതെ ഞാൻ ഭക്ഷണം കഴിച്ച് പുറത്തിറങ്ങി നിന്നു, ലേഡീസ് രണ്ടും അടുക്കളയിലാണ്. ഒരു സിഗരറ്റ് കത്തിക്കാൻ തോന്നുന്നുണ്ട്, പക്ഷെ മേരി ഉള്ളത് കൊണ്ട് വലിക്കാൻ ഒരു പേടി…. ഒരു തവണ മണം കിട്ടിയിട്ട് കാര്യമായി ഒന്നും പറഞ്ഞിരുന്നില്ല… എന്നാലും വേണ്ട എന്തിനാണ് വെറുതെ…

“എന്താണ് മോനു, സിഗരറ്റ് വലിക്കുന്നില്ലേ??” മേരിയുടെ ചോദ്യം കേട്ട് ഞാൻ ഞെട്ടി തിരിഞ്ഞു, ഞാൻ മനസ്സിൽ കണ്ടത് എങ്ങനെ മേരി മനസിലാക്കി?? എന്റെ മാതാവേ…..

“ഏയ്……. സിഗരറ്റോ……. ഞാനോ…… ഛെ….. അയ്യേ” ഞാൻ നിന്ന് ഉരുണ്ട് കളിച്ചു, പെട്ടെന്നുള്ള ചോദ്യം ആയതുകൊണ്ട് ലൈറ്റ് ആയിട്ട് പതറി പോയി.

“മതി മതി……ഇനി വെറുതെ കള്ളം പറയാൻ നിൽക്കണ്ട” . ഞാൻ ഒന്നും മിണ്ടാതെ നിലത്തേക്ക് നോക്കി തല ചൊറിഞ്ഞു നിന്നു.

“അവൾക്ക് ഇഷ്ടമല്ലെങ്കിൽ അതങ്ങ് നിർത്തിക്കൂടെ മോനു”

“അവൾക്ക് ഇഷ്ടമല്ലെങ്കിലോ?? എന്തൊക്കെയാ മേരി പറയുന്നേ….. ആ കിളിപോയ മനുഷ്യന്റെ കൂടെ ജീവിച്ചു ജീവിച്ച് കിളിപോയി തുടങ്ങിയോ??”

“ഡാ….. വേണ്ട കിട്ടും നിനക്ക്…. ഹാാാ…” എന്നെ തല്ലാൻ കൈ ഓങ്ങി കൊണ്ടു മേരി ദേഷ്യം നടിച്ചു. ഞാൻ ഒരു കൈ അകലം മാറി നിന്നിട്ട് ചിരിച്ചു…

“എന്റെ പൊന്നുമോൻ അധികം ചിരിക്കണ്ട…… ഇനി ഇതുപോലെ അവള് നിന്നെ പറ്റി വല പരാതിയും പറയുന്നത് എങ്ങാനും ഞാൻ കേട്ടാൽ……. പിന്നെ ഒന്നുമില്ല, നല്ല ചൂട് ചട്ടുകം എടുത്ത് ചന്തിക്ക് വച്ച് തരും……… ചെറുപ്പത്തിലേ അതൊന്നും ചെയ്യാതെ കൊഞ്ചിച്ചത്‌ കൊണ്ടാണ് നീ ഇങ്ങനെ വഷളായി പോവുന്നത്….ഹാാാ…” മേരി നല്ല കലിപ്പ് മോഡിൽ ആണ്, അതിന് യാമിനി അകത്തുന്നു തിരി കൊളുത്തി വിട്ടതാണ്….. മേരി ഒന്ന് പോയിട്ട് വേണം പെണ്ണിനെ ഒന്ന് വിരട്ടാൻ.

“മ്മ……..” ഞാൻ ഒന്നും പറയാതെ എല്ലാം കേട്ടു നിന്ന് മൂളി, അതാണ് സേഫ്.

“മോനു………” എന്റെ താടിക്ക് പിടിച്ച് ഉയർത്തി കൊണ്ട് മേരി വാത്സല്യത്തോടെ വിളിച്ചു, അത് ശരിക്കും ഉള്ളിൽ തട്ടിയുള്ള വിളിയായിരുന്നു.

“മ്മ്……എന്ത് പറ്റി മേരി??”

മേരിയുടെ വിഷമം നിറഞ്ഞ മുഖഭാവം കണ്ട് സംശയത്തോടെ ഞാൻ ചോദിച്ചു.

“നീ ഹാപ്പി അല്ലേ??”

“പിന്നെ അല്ലാതെ……. എന്റെ മേരി അടുത്തില്ല എന്ന വിഷമം മാത്രമേ തത്കാലം ഉള്ളു, ട്ടോ…” ഞാൻ പെട്ടെന്ന് ചിരിച്ചുകൊണ്ട് മേരിയുടെ കവിളിൽ പിടിച്ചു വലിച്ചുകൊണ്ട് പറഞ്ഞു, ഞാൻ അങ്ങനെ പറഞ്ഞില്ലെങ്കിൽ പിന്നെ എന്റെ മേരിക്ക് ഒരു സമാധാനവും ഉണ്ടാവില്ല എന്ന് എനിക്ക് നല്ല പോലെ അറിയാം.

“അത് കേട്ട മതി മോനു…… എന്റെ കൊച്ചിന് നല്ലതേ വരൂ, എന്നോട് പറയാതെ ഇങ്ങനെ ഒക്കെ ഒപ്പിച്ചു വെച്ചതിൽ ആദ്യം അമ്മച്ചിക്ക് കുറച്ച് വിഷമം തോന്നി, പക്ഷെ ഇന്ന് അവളെ കണ്ടതോടെ ആ വിഷമം ഇല്ലാതായി….. ഇതിലും നല്ലൊരു കുട്ടിയെ എനിക്ക് എന്റെ കൊച്ചിന് വേണ്ടി കണ്ടുപിടിക്കാൻ കഴിയില്ല, ഒരുപാട് സന്തോഷമായി, പിന്നെ ഇഷ്ടപ്പെട്ടുന്ന ആളെ കല്യാണം കഴിക്കാൻ കഴിയുക എന്ന് പറയുന്നത് ഭാഗ്യമാണ്, ആ ഭാഗ്യം എന്റെ മോനുന് കിട്ടിയല്ലോ………” പറഞ്ഞു കഴിയുമ്പോഴേക്കും മേരിയുടെ കണ്ണുകൾ നിറഞ്ഞിരുന്നു, മകന് നല്ലൊരു കുട്ടിയെ തന്നെ ഭാര്യയായി കിട്ടിയെന്ന് മനസിലാക്കിയ ഒരു മാതാവിന്റെ സന്തോഷമാണ് ഞാൻ ആ കണ്ണുകളിൽ കണ്ടത്…

“എന്താണ് തള്ളെ, പഴയ കാമുകനെ ഓർമ്മ വന്നോ??” ആ മൂഡ് ഒന്ന് മാറ്റാൻ പറഞ്ഞതാണെങ്കിലും മാറിയത് എന്റെ മൂഡായി പോയി, അത് കേട്ടതും “പോ ചെറുക്കാ” ന്നും പറഞ്ഞിട്ട് മേരി എന്റെ ചന്തിക്കിട്ട് നല്ലൊരു അടി തന്നെ തന്നു…… ഹോ, പിന്നാമ്പുറം പൊള്ളി പോയി..

“അല്ല മേരി എങ്ങനെ ഇവിടെ എത്തി, അപ്പൻ കണ്ടില്ലേ??” അല്പസമയത്തെ മൗനത്തിനു ശേഷം ഞാൻ ചോദിച്ചു.

“ഹോ നിന്റെ അപ്പൻ ഏതോ കൂട്ടുകാരന്റെ കൂടെ വയനാട്ടിൽ പോയതാണ്, രാത്രിയാവും എത്താൻ……. അപ്പൊ പിന്നെ ഞാൻ രമേശനെയും കൂട്ടി ഇങ്ങ് പൊന്നു”

“ഓ അങ്ങനെ….. അതാണ് ഞാൻ ആലോചിച്ചത്, സാക്ഷാൽ പിശുക്കൻ മത്തായി അറിഞ്ഞോണ്ട് മേരിക്ക് ഇങ്ങോട്ട് വരാൻ കഴിയില്ലല്ലോ….അപ്പൊ അതാണ് കാര്യം”.

“ഡാ ഡാ, അപ്പനെ കളിയാക്കിയ അടിച്ച് തോല് ഞാൻ ഇങ്ങ് പറിച്ചെടുക്കും” എന്തൊക്കെ ആണെങ്കിലും കെട്ടിയോനെ പറഞ്ഞ എന്റെ മേരിക്ക് സഹിക്കില്ല.

“അല്ല എന്നിട്ട് രമേശേട്ടൻ എന്തിയെ??” ഞാൻ പെട്ടെന്ന് തന്നെ വിഷയം മാറ്റി.

“ അവൻ ഒന്നു രണ്ട് സ്ഥലത്ത് പോയിട്ട് തിരിച്ച് വരുന്ന വഴിക്ക് എന്നെ കൂട്ടാമെന്ന പറഞ്ഞത്”

“മ്മ……” ഞാൻ ആ രാഘവന്റെ അവിടെ പണിക്ക് പോയ കാര്യം രമേശേട്ടൻ മേരിയോട് പറഞ്ഞിട്ടില്ല എന്ന് മനസിലായി…

“മോനു…… അന്ന് രമേശന്റെ കയ്യിൽ എ.ടി. എം കാർഡ് കൊടുത്തു വിട്ടിട്ട് എന്താ തിരിച്ചു തന്നത്??”

“അത് പിന്നെ……… ഞാൻ ജോലി അന്വേഷിക്കുന്നുണ്ട്, ആ കാർഡ് കയ്യിൽ വെച്ച ജോലി തിരയാനുള്ള ചൂട് പോവും” അല്പം ചിന്തിച്ച ശേഷമാണ് ഞാൻ മറുപടി കൊടുത്തത്.

“ഹോ…… എന്റെ കർത്താവേ, എന്താ ഞാൻ ഈ കേട്ടത്……. എല്ലാം ആ കൊച്ച് വന്നതിന്റെ ഐശ്വര്യമാണ്”

“ഓ ആ ക്രെഡിറ്റും അവൾക്ക് കൊടുത്തോ, കഷ്ടപ്പെട്ട് പണിയെടുത്ത് ജീവിക്കാൻ തീരുമാനിച്ച ഞാൻ വെറും ശശി”

“ഏയ് അങ്ങനെ പറയരുത്, നീ ശശി ആണെന്ന് പറയുന്നത് നമ്മുടെ പ്ലംബർ ശശി എങ്ങാനും കേട്ടാൽ അവൻ തല തല്ലി ചാവും….” എന്നും പറഞ്ഞ് മേരി കുടുകുടെ ചിരിക്കാൻ തുടങ്ങി…

“ദേ മേരി പെണ്ണേ……… കുറെ നേരം ആയി…… ഇങ്ങട്ട് വാ…….” ഞാൻ മേരിയെ പൊക്കി എടുത്ത് വട്ടം കറക്കി, അങ്ങനെ വിട്ട പറ്റില്ലല്ലോ…… ഒന്നാമത് ആ പ്ലംബർ ശശിയുടെ കാര്യം പറഞ്ഞത് എനിക്ക് തീരെ പിടിച്ചിട്ടില്ല, കാരണം കള്ളും കുടിച്ച് പോയി ഭാര്യയെ തല്ലുന്ന ഒരു മ്ലേച്ചനാണ് അയാള്…

“വിട് മോനു, വിട് പ്ലീസ്…… അയ്യോ തല കറങ്ങുന്നു….. വിടെടാ…..” വിടാൻ പറഞ്ഞ് ഒച്ച വെക്കുമ്പോഴും മേരി ചിരിക്കുകയായിരുന്നു… അങ്ങനെ വിടാൻ തോന്നിയില്ല…

കുറച്ച് നേരം അങ്ങനെ എടുത്ത് കറക്കിയ ശേഷം തല കറങ്ങാൻ തുടങ്ങിയപ്പോൾ മേരിയെ നിലത്തിറക്കി, പുള്ളിക്കാരി കൂൾ ആയിട്ട് നിന്ന് ചിരിക്കുന്നു, എനിക്കാണ് തല കറക്കം…

“ഹോ. .. ഇപ്പോ ഞാൻ ഇല്ലാത്തത് കൊണ്ട് എന്റെ ഫുഡ്‌ കൂടി മേരിയാണ് ലേ കഴിക്കുന്നേ….. വെയിറ്റ് കൂടിയിട്ടുണ്ട്….”

“ഒന്ന് പോയെടാ ചെറുക്കാ….. പിന്നെ വെയിറ്റ് കൂടുന്നു, അതിന് ഇത്രയും കാലം നീ എന്നെ എടുത്തോണ്ട് നടക്കുക ആയിരുന്നല്ലോ…” വെയിറ്റ് കൂടി എന്ന കമെന്റ് എന്റെ മാതാവിന് സഹിക്കാൻ കഴിയില്ല എന്ന് അറിയുന്നത് കൊണ്ടാണ് ഞാൻ പറഞ്ഞത് തന്നെ….. ഹ……ഹ.

“ഹാഹ്, മോള് എന്താ അവിടെ തന്നെ നിന്നെ…. ഇങ്ങ് വായോ” മേരി മുറിയുടെ വാതിൽക്കലേക്ക് നോക്കി അത് പറഞ്ഞപ്പോഴാണ് അവിടെ പരുങ്ങി കളിക്കുന്ന യാമിനിയെ ഞാൻ ശ്രദ്ധിച്ചത്, വരണോ വേണ്ടേ എന്ന് ഉറപ്പില്ലാത്ത പോലെ മടിച്ചു മടിച്ചാണ് അവൾ ഞങ്ങടെ അടുത്തേക്ക് വരുന്നത്.

“കണ്ടോ ഡാ എന്റെ കൊച്ചിനെ, കുളിച്ച് ചന്ദനക്കുറിയും തൊട്ട് എന്തൊരു ഐശ്വര്യമാണ്” അടുത്ത് എത്തിയ യാമിനിയെ ചേർത്തു പിടിച്ചുകൊണ്ട് മേരി പറഞ്ഞു, ഇവൾ എന്ത് കൈ വിഷമാണ് കർത്താവേ മേരിക്ക് കൊടുത്തത്….. ഇത്ര കാലത്തിനിടയ്ക്ക് ഇതുവരെ എന്നെ പറ്റി നല്ല ഒരു വാക്ക് പറയാത്ത കക്ഷിയാണ് ഇവളെ കാണുമ്പോ കാണുമ്പോൾ പൊക്കി അടിക്കുന്നത്.

“ഓ നമ്മുടെ നസ്രാണി കൊച്ചുങ്ങൾ രാവിലെ കുളിക്കാതെ മുടിയും പാറിച്ച് ഒരു വരവുണ്ട്, അത്ര ലുക്ക്‌ ഒന്നും ഇങ്ങനെ എണ്ണ തേച്ച് പറ്റിച്ച് വച്ച് വന്ന കിട്ടില്ല” ഞാൻ ഒരു ഒഴുക്കൻ മട്ടിൽ പറഞ്ഞു.

“ഞങ്ങടെ ഒക്കെ കാലം കഴിഞ്ഞ ഈ ജാതിയും മതവും പറഞ്ഞുള്ള അടിപിടി അവസാനിക്കും എന്നൊക്കെ പറയുന്നത് വെറുതെ ആണ്, കണ്ടില്ലേ പുതിയ തലമുറയിൽ ഇതുപോലെ കുറച്ചെണ്ണം ഉണ്ടായ മതിയല്ലോ……. അമ്മച്ചീന്റെ മോളു സുന്ദരിയാണ് ട്ടോ, ഈ പൊട്ടൻ പറയുന്നത് ഒന്നും കാര്യമാക്കണ്ട…….. അവന് അവന്റെ അപ്പന്റെ അതെ സ്വഭാവമാണ്, സംസാരിച്ച് ജയിക്കാൻ എന്തും പറയും…. പൊട്ടൻ” അവസാനത്തെ പൊട്ടൻ എന്ന പ്രയോഗം അല്പം കനത്തിൽ തന്നെയാണ് മേരി പറഞ്ഞു നിർത്തിയത്.

“എത്ര ദേഷ്യം വന്നാലും സ്വന്തം കെട്ടിയോനെ പൊട്ടൻ എന്നൊന്നും വിളിക്കരുത് ട്ടോ മേരി” അതും പറഞ്ഞ് ഞാൻ പിന്നിലേക്ക് നീങ്ങി നിന്നു, കൈ അകലം പാലിക്കണം…. അതാണ് എന്റെ തടിയ്ക്ക് നല്ലത്.

“ഡാ ചെറുക്കാ, നിന്നോട് ഞാൻ പറഞ്ഞു അപ്പനെ വെറുതെ കളിയാക്കരുതെന്ന്” കൈ അകലത്തിൽ കിട്ടാത്തത് കൊണ്ട് മേരി എന്നെ നോക്കി കൈ ചൂണ്ടി ഭീഷണി മുഴക്കി, പിന്നെ നമ്മളോട്……. ഞാൻ ആ ഭീഷണിയെ ചിരിച്ചു തള്ളി.

“നീ വാ കൊച്ചേ, ഇവനോട് ഒക്കെ സംസാരിച്ചു നിന്ന വട്ടായി പോവും” എന്ന് പറഞ്ഞു മേരി അവളെയും കൂട്ടി അകത്തേക്ക് നടന്നു, പോവുന്ന വഴിക്ക് യാമിനി എന്നെ ഒന്ന് തിരിഞ്ഞ് നോക്കി…. “നിനക്ക് ഞാൻ വച്ചിട്ടുണ്ട്” എന്ന രീതിയിൽ ഞാൻ ആംഗ്യം കാണിച്ചതും അവൾ മുഖം തിരിച്ച് കളഞ്ഞു.

അവർ അകത്തേക്ക് പോയപ്പോൾ ഞാൻ രമേശേട്ടനെ വിളിച്ച് മെല്ലെ വന്ന മതിയെന്ന് പറഞ്ഞു, അപ്പൻ എന്തായാലും പാതിരാത്രി ആവും എത്താൻ… രമേശേട്ടൻ ആ രാഘവന്റെ വീട്ടിൽ പോയിട്ട് എന്തായി എന്ന് ചോദിച്ചെങ്കിലും അത് നമുക്ക് ശരിയാവില്ല എന്ന് മാത്രം പറഞ്ഞ് ഒഴിഞ്ഞു.

അമ്മായിയമ്മയും മരുമകളും അകത്ത് നോൺ സ്റ്റോപ്പ്‌ കത്തിയാണ്, എന്താണ് ഇവർക്ക് ഇതിനു മാത്രം സംസാരിക്കാൻ. എന്തായാലും അന്ന് രാത്രി നടന്നത് ഒന്നും ഇപ്പോഴും മേരി അറിഞ്ഞിട്ടില്ല…. അത് തന്നെ വലിയ കാര്യം. മേരി ഇപ്പോഴും ഞങ്ങൾ തമ്മിൽ ഇഷ്ടം ആയിരുന്നു എന്ന് തന്നെയാണ് കരുതിയിരിക്കുന്നത്. ഇത്ര സംസാരിച്ചിട്ടും ആ കഥ മാത്രം ഇവൾ എന്താണ് പറയാതെ?? ആാാ……

ഞാൻ മെല്ലെ താഴേക്ക് ഇറങ്ങി നടന്നു, എവിടെയെങ്കിലും പോയി ഒന്ന് സിഗരറ്റ് ഒക്കെ വലിച്ചിട്ട് വരാമെന്നു കരുതി. അടുത്തുള്ള പെട്ടി പീടികയുടെ സൈഡിൽ നിന്ന് സിഗരറ്റ് വലിക്കുമ്പോഴാണ് മേരി പറഞ്ഞത് ഓർമ്മ വന്നത്. “അവൾക്ക് ഇഷ്ടമല്ലെങ്കിൽ അതങ്ങ് നിർത്തിക്കൂടെ മോനു” അപ്പൊ ഞാൻ സിഗരറ്റ് വലിക്കുന്നത് ഇഷ്ടമല്ല എന്ന് അവൾ മേരിയോട് പറഞ്ഞോ??

സിഗരറ്റ് വലിച്ചുകൊണ്ട് നിന്നപ്പോഴാണ് പണ്ട് എന്റെ കൂടെ ഫുട്ബോൾ ക്യാമ്പിന് വന്നിരുന്ന റോഷനെ കണ്ടത്, കുറച്ചു നേരം അവനോട് സംസാരിച്ചിരുന്നു…. അവനും എന്നെ പോലെ തന്നെ കളിയൊക്കെ മുഴുവനായി ഉപേക്ഷിച്ചിരുന്നു… എങ്കിലും ഞങ്ങൾ കൂടുതലും സംസാരിച്ചത് ഇന്നും ആവേശം കെട്ടടങ്ങാത്ത കാല് പന്ത് കളിയെ കുറിച്ച് തന്നെയാണ്.

അവനോട് സംസാരിച്ചിരുന്നു സമയം പോയത് അറിഞ്ഞില്ല, വേഗം തന്നെ അവനോട് യാത്ര പറഞ്ഞ് തിരിച്ച് പി.ബിയിലേക്ക് തന്നെ നടന്നു….

ഞാൻ സ്റ്റെപ്പ് കയറി ചെല്ലുമ്പോൾ ഉറക്കെയുള്ള സംസാരം കേൾക്കുന്നുണ്ട്…. ഇതെന്താണ് സംഭവം, ഓ…….. വിഷ്ണു എത്തിയിട്ടുണ്ട്, വെറുതെ അല്ല, അവനും മേരിയും കൂടെ കൂടിയ പിന്നെ ഒന്നും പറയണ്ട…. നേരിൽ കണ്ട കീരിയും പാമ്പും ആണെങ്കിലും മേരിക്ക് എന്നേക്കാൾ ഇഷ്ടം അവനെ ആണെന്ന് വരെ തോന്നി പോയിട്ടുണ്ട്.

“ഹാ നീ എവിടെ പോയതാടാ, പെട്ടെന്ന് നോക്കുമ്പോൾ ചെറുക്കനെ കാണുന്നില്ല…” എന്നെ കണ്ടതും മേരി ചോദിച്ചു

“അവന് മുങ്ങൽ ലേശം കൂടിയിട്ടുണ്ട് അമ്മച്ചി” വിഷ്ണുവാണ് അത് പറഞ്ഞത്.

“ആണോടാ??”

“അവൻ വെറുതെ ഓരോന്നും പറയുന്നതാണ് മേരിയേ…..” ഒരു ഒഴുക്കൻ മട്ടിൽ പറഞ്ഞിട്ട് അവനെ നോക്കി കണ്ണുരുട്ടി ഞാൻ അവരുടെ അടുത്ത് ചെന്നിരുന്നു.

വിഷ്ണുവും മേരിയും അങ്ങോട്ടും ഇങ്ങോട്ടും വിട്ടുകൊടുക്കാതെ കൗണ്ടർ അടിക്കുന്നത് കണ്ട് തലയും കുത്തിയിരുന്ന് ചിരിക്കുകയായിരുന്നു യാമിനി, എനിക്ക് പിന്നെ ഇവരുടെ ഈ ബഡായി കേട്ട് നല്ല ശീലമാണ്.

പണ്ട് സ്കൂളിൽ പഠിച്ചിരുന്ന കാലത്ത് വിഷ്ണുവിന് ഒരു കുട്ടിയോട് മുടിഞ്ഞ പ്രണയം ആയിരുന്നു, പക്ഷെ അവൾക്ക് ഞങ്ങടെ കണക്ക് മാഷിനോട് കട്ട പ്രണയവും…. ആ കഥ പറഞ്ഞാണ് മേരി എപ്പോഴും അവനെ തളർത്തുക്ക. മേരിക്ക് കല്യാണത്തിന് മുന്നെ ഒരു പ്രണയം ഉണ്ടായിരുന്നു, അത് അറിഞ്ഞതോടെ എന്റെ വല്യപ്പച്ചൻ മേരിയെ പിടിച്ച് എന്റെ അപ്പനെ കൊണ്ട് കെട്ടിച്ച്, ഹൗ സാഡ് ലേ….. അത്രയെ ഞങ്ങക്ക് അറിയൂ, പക്ഷെ അവസാനം തോറ്റു പോവും എന്ന ഘട്ടം എത്തിയ വിഷ്ണു ആ കഥ ഇറക്കും, അതിൽ കുറച്ച് എരിവും പുളിയും ചേർത്തു പറഞ്ഞ മേരി ഫ്ലാറ്റ്…. ഇത് എപ്പോഴും കേട്ടു കേട്ട് അവസാനം “ഒന്ന് നിർത്തുന്നുണ്ടോ രണ്ടിന്റെയും തൊലിഞ്ഞ പൈങ്കിളി കഥ” എന്നും പറഞ്ഞ് ഞാനാണ് ആ യുദ്ധം അവസാനിപ്പിക്കാറ്.

ഇന്നും അത് തന്നെ സംഭവിച്ചു, പക്ഷെ ഒരു വ്യത്യാസം എന്താണ് എന്ന് വെച്ച അവരുടെ ശോകം കഥ കേട്ടിരിക്കാൻ പറ്റിയ ഒരാളെ ഇന്ന് കിട്ടിയിരുന്നു, യാമിനി….. അവൾ എല്ലാ പൊട്ടത്തരവും കേട്ട് ചിരിക്കുന്നുണ്ട്.

അവസാനം രാത്രി രമേശേട്ടൻ വന്ന ശേഷം എല്ലാവരും ഒരുമിച്ചിരുന്നു ഭക്ഷണവും കഴിച്ച ശേഷം മേരി യാത്ര പറഞ്ഞ് ഇറങ്ങുന്നത് വരെ ശരിക്കും ഒരു പള്ളി പെരുന്നാളിന്റെ അന്തരീക്ഷം ആയിരുന്നു, കുറെ ദിവസങ്ങൾക്ക് ശേഷമാണ് ശരിക്കും എല്ലാം മറന്ന് ചിരിച്ചത്.

“അമ്മച്ചി ഇടയ്ക്ക് വരാം……. ഇനി എന്റെ മോളേ കാണാതെ ഇരിക്കാൻ അമ്മച്ചിക്ക് പറ്റില്ല…” യാത്ര പറഞ്ഞ് ഇറങ്ങാൻ നേരം യാമിനിയെ കെട്ടിപ്പിടിച്ചു കൊണ്ട് മേരി സെന്റി അടിച്ചു, അവളും ഒട്ടും പിന്നിൽ അല്ല…. കണ്ണും നിറച്ച് നിൽക്കുന്നുണ്ട് കക്ഷി. ഒറ്റ ദിവസം കൊണ്ട് ഇത്ര അടുക്കുമോ?? ഹാാാ… എനിക്കും അവളോട് പെട്ടെന്ന് തന്നെ ഒരു അടുപ്പം ഫീൽ ചെയ്തത് ആണല്ലോ…… അതുപോലെ എന്നോട് തോന്നിയില്ലെങ്കിലും എന്റെ മേരിയോട് അവൾക്ക് തോന്നിയിട്ടുണ്ട്…

“മോനെ ടോണിക്കുട്ടാ…… നിങ്ങൾ സ്ഥിരമായി ഇവിടെ തന്നെ താമസിച്ച മതി, കണ്ടില്ലേ അമ്മായിയമ്മയും മരുമകളും തമ്മിൽ എന്താ സ്നേഹം….. ഒരുമിച്ച് താമസിക്കാൻ തുടങ്ങിയാൽ പിന്നെ ഈ സ്നേഹ പ്രകടനം ഒന്നും ഉണ്ടാവില്ല, പടം ഫുൾ ഓൺ ആക്ഷൻ ആയി മാറും” വിഷ്ണു അതും പറഞ്ഞ് സ്വയം ചിരിക്കാൻ തുടങ്ങിയപ്പോൾ കേട്ട് നിന്ന ഞാനും രമേശേട്ടനും ഒരുപോലെ ചിരിച്ചുപോയി… പക്ഷെ സ്ത്രീ ജനങ്ങൾക്ക് അത് അത്ര പിടിച്ചിട്ടില്ല, രണ്ടും വിഷ്ണുവിനെ ഒരുമാതിരി നോട്ടം നോക്കി, അതോടെ ആശാൻ സൈലന്റ് ആയി.

“ഞാനും പോവാ ഡാ, വീട്ടിൽ അച്ഛനും അമ്മയും കാത്തിരിക്കും…….. അപ്പൊ എല്ലാരോടും ശരി, രാത്രി യാത്ര പറച്ചിൽ ഇല്ല” വിഷ്ണു നൈസ് ആയിട്ട് സ്കൂട്ട് ആവാൻ തീരുമാനിച്ചു, സമയവും വൈകിയിട്ടുണ്ട്.

“ഓ ശരിയാ മോൻ വേഗം ചെല്ല്, സൂക്ഷിച്ച് പോവണം…. ജിമ്മിയെ ഒന്നും ചെയ്യരുത് കേട്ടോ, അതൊരു പാവമാണ്”

“ഹ……ഹ……..ഹ……………………..” മേരി വളരെ സീരിയസ് ആയിട്ട് അത് പറഞ്ഞപ്പോൾ ഞാൻ മാത്രം ചിരിച്ചു, എനിക്ക് ചിരി കണ്ട്രോൾ ചെയ്യാൻ കഴിഞ്ഞില്ല….. യാമിനിക്കും രമേശേട്ടനും സംഭവം പിടികിട്ടിയിട്ടില്ല…. വിഷ്ണു ഇഞ്ചി കടിച്ച അണ്ണാനെ പോലെ നിൽപ്പാണ്. ജിമ്മി അവന്റെ വീട്ടിലെ പട്ടിക്കുട്ടിയാണ്, രണ്ടുമാസം മുന്നെ ഒരു ദിവസം ഈ പൊട്ടൻ അടിച്ച് കോൺ തെറ്റി പോയിട്ട് ജിമ്മിയുടെ കൂടും തുറന്ന് അതിൽ കയറി കിടന്നു, ജിമ്മി ആണെങ്കിൽ നല്ല സുഖമായിട്ട് രാത്രി സഞ്ചാരത്തിന് പോയി, അടുത്ത ദിവസം രാവിലെ ഇവന്റെ അമ്മ വാതിൽ തുറന്ന് നോക്കുമ്പോൾ കാണുന്നത് പട്ടി കൂട്ടിൽ കിടന്നു സുഖമായി ഉറങ്ങുന്ന മോനെയാണ്….. ജിമ്മി ആണെങ്കിൽ തെണ്ടി തിരിഞ്ഞ് രണ്ട് ദിവസം കഴിഞ്ഞാണ് പിന്നെ വന്നത്…..

“കൂടുതൽ നിന്ന് മണ്ടനാവാതെ മോൻ വിട്ടോ…..” കൂടുതൽ കളിയാക്കണ്ട എന്ന് കരുതി ചിരി അടക്കി കൊണ്ട് ഞാൻ അവനോട് പറഞ്ഞു.

“അമ്മച്ചി തമാശ പറഞ്ഞതാണ് ട്ടോ കൊച്ചേ….” എല്ലാവരോടും കൈ വീശി കാണിച്ച ശേഷം തിരിഞ്ഞു നടന്ന വിഷ്ണുവിനോട് മേരി വിളിച്ചു പറഞ്ഞു

“തിരിച്ചു വരും…….. ശക്തമായി” മേരിയെ നോക്കി പഞ്ചിൽ അതും പറഞ്ഞ് അവൻ പോയി.

“എന്ന നമുക്കും ഇറങ്ങാം മേരിയമ്മേ??” വിഷ്ണു പോയപ്പോൾ മേരിയെ നോക്കി രമേശേട്ടൻ ചോദിച്ചു

“അഹ് ഒരു മിനിറ്റ് രമേശാ, നീ ഇങ്ങോട്ട് വന്നെ.” രമേഷേട്ടനോട് പറഞ്ഞിട്ട് മേരി എന്നെയും പിടിച്ചു വലിച്ചുകൊണ്ട് കുറച്ച് അപ്പുറത്തേക്ക് മാറി നിന്നു.

“മ്മ്…… എന്താ മേരി??” മാറി നിന്ന ശേഷം ഒന്നും മിണ്ടാതെ നിൽക്കുന്നത് കണ്ട് ഞാൻ ചോദിച്ചു.

“ആ കൊച്ചിനെ കരയിപ്പിക്കരുത് കേട്ടോ മോനു”.

“മ്മ…..” ഞാൻ വെറുതെ മൂളി, പക്ഷെ മനസ്സിൽ മേരി പറഞ്ഞത് പോലെ യാമിനിയെ ഇനി കരയാൻ വിടരുത് എന്നൊരു തീരുമാനം എടുക്കുകയായിരുന്നു.

“അതൊരു പാവം ആണ് ലേ മോനു….”

“മ്മ……..” അത് അത്ര ഇഷ്ടമാവാത്ത പോലെ ഞാൻ ഒരു ഒഴുക്കൻ മട്ടിൽ മൂളി, അതിന്റെ കാരണം എനിക്ക് അറിയില്ല, ചിലപ്പോൾ എന്റെ മേരി മറ്റൊരാളെ പൊക്കി പറയുന്നത് കേൾക്കുമ്പോൾ എന്റെ ഉള്ളിൽ മുളയ്ക്കുന്ന അസൂയ കാരണം ആവാം.

“പിന്നെ മോനു……….”

“ഹാ എന്താണ് മേരി, പറ……..” എന്തോ പറയാൻ വന്നിട്ട് മടിച്ച് കളിക്കുന്നത് കണ്ട് ഞാൻ ചോദിച്ചു.

“അത് പിന്നെ മോനു…… അപ്പനോട് ദേഷ്യം തോന്നരുത് കേട്ടോ, പുള്ളിക്കാരന് നീ എന്ന് പറഞ്ഞ ജീവനാണ്. ഞാൻ കാണുന്നതല്ലേ നീ പോയതിന് ശേഷമുള്ള മൂപ്പരുടെ അവസ്ഥ……… നീ ഒന്ന് വീട്ടിലേക്ക് വാ, അപ്പൻ എന്തായാലും നിങ്ങളോട് ക്ഷമിക്കും”. മേരി മെല്ലെ മെല്ലേ പറഞ്ഞു.

“ഏയ് അത് ശരിയാവില്ല മേരിയേ, ഇനി ഒരിക്കലും ആ പടി ചവിട്ടരുതെന്ന് അപ്പൻ തന്നെയാണ് പറഞ്ഞത്….. അപ്പൊ അത് ധിക്കരിക്കുന്നത് ശരിയല്ല”

“ഹോ….. അപ്പനും മോനും കണക്കാണ്, രണ്ടാളും ഈ വാശിയും കെട്ടിപ്പിടിച്ച് ഇരുന്നോ”. മേരി പെട്ടെന്ന് തന്നെ പിണങ്ങി.

“അയ്യേ എന്റെ മേരി പെണ്ണ് പിണങ്ങിയോ……. മേരിയേ ദേ ഇങ്ങോട്ട് നോക്കിയേ…..കൂയ്” ഞാൻ മേരിയേ കെട്ടിപ്പിടിച്ചു കൊണ്ട് താടിക്ക് പിടിച്ച് മുഖം ഉയർത്തി.

“മ്മ്??” മേരി ചോദ്യ ഭാവത്തിൽ പുരികം ഉയർത്തി.

“എല്ലാം ശരിയാവും, അപ്പനും മേരിയും ഞാനും പിന്നെ ഇതാ ആ പൊട്ടത്തിയും എല്ലാം കൂടി ഒരുമിച്ച് നമ്മുടെ വീട്ടിൽ സന്തോഷത്തോടെ ജീവിക്കും….. പക്ഷെ കുറച്ച് സമയം വേണം, ഇപ്പോ ഇങ്ങനെ അങ്ങ് പോവട്ടെ….. ഒറ്റയ്ക്ക് നിന്ന എനിക്ക് ജീവിതത്തിൽ ജയിക്കാനുള്ള ആവേശം വരുള്ളൂ, അത് കഴിഞ്ഞ് ഞാൻ എന്തായാലും നമ്മുടെ വീട്ടിലേക്ക് തന്നെ വരും….. കേട്ടോ” കെട്ടിപ്പിടിച്ചു കൊണ്ട് തന്നെ ഞാൻ അതും പറഞ്ഞു മേരിയുടെ നെറ്റിയിൽ ഒരുമ്മ കൊടുക്കുമ്പോൾ മേരിയുടെ കണ്ണിൽ നിന്നും ആനന്ദാഷു ഒഴുകിയിരുന്നു.

“അതൊക്കെ ശരി, പക്ഷെ നമ്മൾ നാലാളും പിന്നെ ഒരാളും കൂടി വേണ്ടേ??”

“വേറെ ആരാ??” മേരി എന്താണ് ഉദ്ദേശിച്ചത് എന്ന് എനിക്ക് പെട്ടെന്ന് കത്തിയില്ല.

“ഡാ മോനു……. നീ ഒരുപാട് അങ്ങോട്ട്‌ പൊട്ടൻ കളിക്കണ്ട, നിന്റെ കെട്ട്യോള് പറഞ്ഞു നിനക്ക് കുറച്ച് കഴിഞ്ഞ് മതി എന്ന് പറഞ്ഞെന്ന്…….ശരിയാണ് നിനക്ക് ഒരു ജോലി ഒക്കെ ആയി സേറ്റിൽ ആവണം, പക്ഷെ ഒരുപാട് വൈകണ്ട എന്നാണ്……..” മുഴുവൻ പറയാതെ എന്റെ കവിളിൽ പിടിച്ചു പിച്ചിയിട്ട് ഒരു ചിരിയും ചിരിച്ച് മേരി തിരിച്ചു നടന്നു, അപ്പോഴാണ് എനിക്ക് കാര്യം കത്തിയത്…… അവൾ എന്തിനാണ് മേരിയോട് അങ്ങനെ പറഞ്ഞത്? കുഞ്ഞിന്റെ കാര്യം തന്നെ അല്ലേ ഉദ്ദേശിച്ചത്?

“മോനു പോവട്ടെ…..” മേരിയുടെ ശബ്ദമാണ് എന്നെ ചിന്തയിൽ നിന്നും വേർപിരിച്ചത്.

“ആഹ്…….” ഞാൻ പോയി മേരിയേ കെട്ടിപ്പിടിച്ചു, കണ്ണ് നിറയാതെ കഷ്ടപ്പെട്ട് പിടിച്ചു നിന്നു…

“അയ്യേ അമ്മച്ചീന്റെ മോളു എന്തിനാ കരയുന്നത്, മോൾക്ക് കാണാൻ തോന്നിയ അമ്മച്ചി ഇങ്ങ് ഓടി വരില്ലേ…..” മേരി അത് പറഞ്ഞപ്പോഴാണ് ഞാൻ യാമിനിയെ ശ്രദ്ധിച്ചത്, അവളുടെ കണ്ണുകൾ നിറഞ്ഞ് ഒഴുകുകയാണ്…. എനിക്ക് ആണെങ്കിൽ ഇവരുടെ ഈ സ്നേഹ പ്രകടനം കണ്ടിട്ട് സങ്കടം എല്ലാം മാറി ചിരി വരാൻ തുടങ്ങി…. ചിരിച്ചില്ല, കഷ്ടപ്പെട്ട് കണ്ട്രോൾ ചെയ്തു.

“ഇനി നിന്ന അമ്മച്ചിയും കരയും, ശരി…… പിന്നെ, അമ്മച്ചി രമേശന്റെ എടുത്ത് ഒരു ഫോൺ കൊടുത്ത് വിടും… അത് ആര് ചോദിച്ചാലും കൊടുക്കരുത്, അമ്മച്ചിക്ക് മോളോട് സംസാരിക്കാനാണ്…… ഇവിടെ ചിലര് പുതിയ ഫോൺ കണ്ട അപ്പൊ സോപ്പിട്ട് അടിച്ച് മാറ്റാൻ വരും…….. കേട്ടോ…..” എന്നെ ഒന്നുകൂടി നോക്കി പേടിപ്പിച്ചിട്ട് അവളെ വീണ്ടും കെട്ടിപ്പിടിച്ച ശേഷം മേരി പോയി കാറിൽ കയറി….. ഏഹ്, പുതിയ ഫോണോ?? അപ്പൊ ഇവളുടെ കയ്യിൽ ഫോണില്ലേ?? ശരിയാണ്, അപ്പൊ അതാണ് അന്ന് ഉണ്ണിമായയെ വിളിക്കാൻ എന്റെ ഫോൺ ചോദിച്ചത്, പക്ഷെ അന്ന് ഫോൺ തിരിച്ച് വാങ്ങുമ്പോൾ അവളുടെ ഫോൺ റീചാർജ് ചെയ്യാൻ പറഞ്ഞിട്ടും അവൾ ഒന്നും പറഞ്ഞിലല്ലോ, ഹാ…… എങ്ങനെ പറയാനാണ്, ഞാൻ ഇതുവരെ അവളോട് ഒന്ന് നല്ലോണം സംസാരിച്ചിട്ട് പോലുമില്ല…. ഹ്മ്മ്…….

“പിന്നെ മോനു, ഹരിയുടെ വല്ല വിവരം ഉണ്ടോ??” കാറിൽ കയറിയ ശേഷം തല പുറത്തേക്ക് ഇട്ട് മേരി ചോദിച്ചു. ആ പേര് കേട്ടതോടെ എന്റെ ഉള്ളിൽ ദേഷ്യം അരിച്ചു കയറി…. ഇനി ഒരിക്കലും കേൾക്കാൻ ആഗ്രഹിക്കാത്ത പേര്.

“ഇല്ല…….” ഞാൻ എന്റെ ഉത്തരം ഒറ്റ വാക്കിൽ ഒതുക്കി

“മ്മ്…… കഷ്ടം, എന്നാലും ആരോടും പറയാതെ ചെറുക്കൻ എന്തിനാണാവോ പോയത്….. ഹ്മ്മ്….. ശരി മോനു….. മോളു……”

കാറ്‌ മെല്ലെ നീങ്ങി, അത് കൺവെട്ടത്ത് നിന്ന് മറയുന്നത് വരെ ഞാൻ നോക്കി നിന്നു, പിന്നെ ഞാൻ നോക്കിയത് യാമിനിയെ ആണ്….. കാറ്‌ പോയി കഴിഞ്ഞിട്ടും അങ്ങോട്ട്‌ നോക്കി കൈ വീശിക്കൊണ്ട് നിൽക്കുകയാണ് കക്ഷി, ആള് ഈ ലോകത്തൊന്നും അല്ലെന്ന് തോന്നുന്നു.

“ഹലോ….. മതി, മേരി വീട്ടിലെത്തി കാണും….” അവളെ നോക്കി ഒരു ആക്കിയ ട്യൂണിൽ പറഞ്ഞിട്ട് ഞാൻ സ്റ്റെപ്പ് കയറി, എന്റെ ഊഹം ശരിയാണെങ്കിൽ അവൾ ഇപ്പോ പിന്നിൽ നിന്ന് എന്നെ കൊഞ്ഞനം കുത്തുകയാവും. പക്ഷെ ഞാൻ തിരിഞ്ഞ് നോക്കാൻ നിന്നില്ല……..

ഹോ ഇത്ര നേരം മേരി ഉണ്ടായത് കൊണ്ട് സിഗരറ്റ് വലിക്കാതെ പിടിച്ചു നിൽക്കുകയായിരുന്നു, കോളേജ് ലൈഫിൽ തുടങ്ങിയ ശീലമാണ് ഈ സിഗരറ്റ് വലി….. ഇപ്പോ ഇത് ഇല്ലാതെ പറ്റാത്ത അവസ്ഥയാണ്. ഡിഗ്രി പകുതി വച്ച് അവസാനിപ്പിച്ചിട്ടും ഈ ശീലം മാത്രം അവസാനിപ്പിക്കാൻ കഴിഞ്ഞില്ല.

മുകളിൽ ടെറസ്സിൽ എത്തിയതും ഞാൻ ഒരു സിഗരറ്റ് എടുത്ത് കത്തിച്ചു….. ഹോ ഇപ്പോഴാണ് ഒരു ആശ്വാസം കിട്ടിയത്…… എന്റെ തൊട്ടു പിന്നാലെ സ്റ്റെപ്പ് കയറി വന്ന യാമിനി എന്നെ ഒന്ന് നോക്കി ദഹിപ്പിച്ചിട്ട് അകത്തേക്ക് കയറി പോയി, ഇതിന് വല്ല ബാധയും കയറിയോ??

സിഗരറ്റ് വലിച്ച ശേഷം കുറച്ചു സമയം കൂടി അങ്ങനെ ആ തണുപ്പത് നിന്ന ശേഷമാണ് ഞാൻ അകത്തേക്ക് പോയത്, നല്ല തണുപ്പുണ്ട്…. വെറുതെ മുകളിൽ പോയി കിടന്ന പണി കിട്ടും, ഇന്നലത്തെ പോലെ ഷീറ്റും വിരിച്ചു അകത്ത് തന്നെ കിടക്കാം…

ഞാൻ മുറിയിലേക്ക് കയറുമ്പോൾ കാണുന്നത് നിലത്ത് വിരി വിരിച്ച് പുതച്ച് മൂടി കിടക്കുന്ന യാമിനിയെ ആണ്.

“ഹേയ്……”

“ഹലോ……..”

“ഡോ…….”

രണ്ട് മൂന്ന് വിളി വിളിച്ചു നോക്കിയെങ്കിലും പ്രതികരണം ഇല്ല, ഉറങ്ങി പോയെന്ന് തോന്നുന്നു…. പിന്നെ വിളിക്കാൻ നിന്നില്ല, എനിക്ക് ഇഷ്ടമല്ലാത്ത ഒരു കാര്യമാണ് ഉറങ്ങി കിടക്കുന്ന ഒരാളെ ഉണർത്തുന്നത്. ഞാനും വേഗം ലൈറ്റ് ഓഫാക്കി ഫാനും ഇട്ട് വന്നു കട്ടിലിൽ കയറി കിടന്നു.

എത്ര ദിവസമായി ഇതുപോലെ ഒന്ന് കട്ടിലിൽ ഒക്കെ കിടന്നു ഉറങ്ങിയിട്ട്, നല്ല കാലാവസ്ഥയും… എല്ലാം കൂടി ആയതുകൊണ്ട് പെട്ടെന്ന് തന്നെ ഞാൻ ഉറങ്ങിപ്പോയി.

എത്ര നേരം അങ്ങനെ സുഖമായി കിടന്ന് ഉറങ്ങി എന്ന് അറിയില്ല, എന്തോ ഒച്ച കേട്ടാണ് ഞാൻ ഞെട്ടി എഴുന്നേറ്റത്…. ചുറ്റും നോക്കിയപ്പോൾ ഒന്നുമില്ല….. ഫോൺ എടുത്ത് ഫ്ലാഷ് ലൈറ്റ് ഓൺ ചെയ്ത് അടിച്ചു നോക്കി, ഒന്നുമില്ല….. തോന്നിയതാണ്….

വീണ്ടും കിടന്നപ്പോഴാണ് അതുവരെയുള്ള സുഖ നിദ്രയിൽ കണ്ട മനോഹരമായ സ്വപ്‌നം ഓർമ്മ വന്നത്, ഞാൻ ഏറ്റവും ഇഷ്ടപ്പെടുന്ന ഫുട്ബോൾ ക്ലബ്‌ ആയ ബാഴ്‌സലോണയുടെ കളിക്കാർ പരിശീലനം ചെയ്യുന്നതും നോക്കി നിൽക്കുകയാണ് ഞാൻ… പുറത്തേക്ക് പോവുന്ന ബോൾ എടുത്ത് കൊടുക്കലാണ് എന്റെ പണി, യെസ് ബോൾ ബോയ്…… പഴയ വിന്റേജ് ബാഴ്‌സ ടീമാണ്…. ഇനിയേസ്റ്റയും സാവിയും പുയോളും വാൽഡസും പിന്നെ നമ്മുടെ മുത്ത് ലിയോയും എല്ലാം കൂടി മനോഹരമായ പാസിംഗ് ചെയ്യുന്നതും നോക്കി കണ്ണും തള്ളി നിൽക്കുകയാണ് ഞാൻ…. ഒന്നും കൂടി ചിന്തിച്ചപ്പോഴാണ് അവർ പരിശീലനം നടത്തുന്നത് ഞങ്ങടെ വയലിൽ ആണെന്ന് ഓർത്തത്, ആലോചിച്ചപ്പോൾ എനിക്ക് തന്നെ ചിരി വന്നുപോയി…. മെസ്സിയും പിള്ളേരും ഞങ്ങടെ വയലിൽ പന്ത് തട്ടി കളിക്കുന്നു, എന്ത് മണ്ടത്തരമാണ്…….. ഹാാാ, സ്വപ്‌നം അല്ലേ…… എന്ത് വേണമെങ്കിലും കാണാലോ… അതിലും വല്യ കോമഡി എന്താണെന്ന് വെച്ച ഇടയ്ക്ക് പുറത്തേക്ക് പോകുന്ന ബോൾ തട്ടി കൊടുക്കുമ്പോൾ എന്റെ സ്‌കിൽസ് കണ്ട് അവർ ഒരുനിമിഷം കളി നിർത്തി കയ്യടിക്കുന്നു, ഛെ… ഓർക്കുമ്പോൾ എനിക്ക് തന്നെ കുറവാവുന്നു, ഈ കഥ വേറെ ആരോടെങ്കിലും പറഞ്ഞാൽ ചിലപ്പോൾ എന്നെ പിടിച്ചു വല ഭ്രാന്താശുപത്രിയിലും കൊണ്ടുപോയി ഇടും….

വീണ്ടും കണ്ണടച്ച് കിടക്കാൻ തുടങ്ങുമ്പോഴാണ് ഒരു ശബ്ദം കേട്ടത്, അത് താഴെ നിന്ന് ആയിരുന്നു….. യാമിനി കിടക്കുന്ന അവിടെ നിന്ന്. ഇരുട്ട് ആയതുകൊണ്ട് ഒന്നും കാണുന്നില്ല, പക്ഷെ അവൾ ശ്വാസം എടുക്കുന്ന ശബ്ദമാണെന്ന് തോന്നുന്നു കേട്ടത്…

ഞാൻ എഴുന്നേറ്റ് ലൈറ്റ് ഇട്ട് നോക്കുമ്പോഴാണ് അവൾ കിടന്ന് വിറക്കുകയാണെന്ന് മനസ്സിലായത്. ഞാൻ വേഗം ഫാൻ ഓഫാക്കിയിട്ട് അവളുടെ അടുത്ത് ചെന്നു നോക്കി, ശരിയാണ് കിടന്ന് വിറയ്ക്കുകയാണ്…. ഇടയ്ക്ക് എന്തോ പിച്ചും പെയ്യും ഒക്കെ പറയുന്നുണ്ട്, മലയാളം അല്ല, മറ്റ് ഏതോ ഭാഷയാണെന്ന് തോന്നുന്നു, ഒന്നും മനസിലായില്ല..

അവൾ ചുരുണ്ട് കൂടി കിടക്കുകയാണ്…. പൂച്ച കിടക്കുന്നത് പോലെയുണ്ട്. നെറ്റിയിൽ കൈ വെച്ച് നോക്കിയപ്പോൾ ചുട്ടു പൊള്ളുന്ന ചൂട്, അയ്യോ നല്ല പനിയുണ്ട്…… കർത്താവെ എന്ത് ചെയ്യും….

“യാമിനി……….. ഡോ…….. അതേ……..”

“ഏഹ്മ്മ്……..” ഞാൻ വിളിച്ചപ്പോൾ ഒന്ന് ചിണുങ്ങിയിട്ട് ഒന്നുകൂടി ചുരുണ്ട് കൂടി കിടന്നു…. ഇങ്ങനെ നിലത്ത് കിടത്തിയാൽ പണിയാവും, പക്ഷെ പെണ്ണ് ഒന്ന് എഴുന്നേറ്റ് കിട്ടണ്ടേ…

“എടോ എഴുന്നേറ്റ് കട്ടിലിൽ കയറി കിടന്നോ” എവിടെ………… ആര് കേൾക്കാൻ എന്തെങ്കിലും ചെയ്തില്ലെങ്കിൽ ഇതിന് രാവിലെ ആവുമ്പോഴേക്കും എന്തെങ്കിലും പറ്റുമല്ലോ ഈശോയെ,

എനിക്ക് ആകെ ഒരു അസ്വസ്ഥത, എന്തോ അവള് ഇങ്ങനെ കിടക്കുന്നത് കാണുമ്പോൾ ഒരു വിഷമം…… ഹാാാ, ഇനിയും ഞാൻ ഒന്നും ചെയാതെ നിന്നിട്ട് കാര്യമില്ല….

അല്പം ചിന്തിച്ച ശേഷം ഞാൻ അത് ചെയ്തു, അതെ… അവളെ പിൻ കഴുത്തിലും തുടയ്ക്ക് താഴെ കൂടിയും കൈ ഇട്ട് പൊക്കി എടുത്തു, ന്റമ്മച്ചി……… ഞാൻ പ്രതീക്ഷിച്ചതിലും ഭാരം ഉണ്ടല്ലോ

എടുത്ത് ഉയർന്നപ്പോൾ വീഴാൻ പോയെങ്കിലും എങ്ങനെയോ ബാലൻസ് ചെയ്തു, ഭാഗ്യം അവൾ ഉണർന്നില്ല.

“ആാാ…….. തല്ലല്ലേ…. മീരമ്മേ……” കട്ടിലിലേക്ക് കിടത്താൻ നോക്കുന്നതിന് ഇടയ്ക്ക് അവൾ എന്റെ കൈയിൽ കിടന്ന് പറഞ്ഞത് ഞാൻ വ്യക്തമായി കേട്ടു, എന്തോ ചങ്ക് പിടച്ചുപോയി അവളുടെ നിഷ്കളങ്കമായ സ്വരം കേട്ടപ്പോൾ…. ആ തള്ളയെ ആയിരിക്കും ഇവൾ സ്വപ്‌നം കാണുന്നത്, പണ്ടാരം….. എങ്ങനെ തോന്നി കാണും അവർക്ക് ഇതിനെ ഉപദ്രവിക്കാൻ… ഛെ, അവരോടുള്ള ദേഷ്യം അടക്കാൻ കഴിയുന്നില്ല…….. അല്ല പറ്റും, എന്തും മറക്കാൻ പറ്റും, ഇവളുടെ മുഖത്തേക്ക് തന്നെ ഇങ്ങനെ നോക്കി നിന്ന മതി, മറ്റെന്തും മറക്കാം….. എന്നെക്കാൾ നാലഞ്ച് വയസിന് മൂത്തത് ആണെങ്കിലും ഇപ്പോഴും ഒരു കുട്ടിത്തം ആ മുഖത്ത് ഉണ്ട്…. എന്റെ ഒന്നും മുഖത്ത് ചെറുപ്പത്തിൽ പോലും ഉണ്ടായിട്ടുണ്ടാവില്ല.

“ഉമ്മ്മ്മ്…….” കട്ടിലിൽ കിടത്തിയ ശേഷം കുറച്ചു നേരം നോക്കി നിന്നിട്ട് ഞാൻ ആ നെറ്റിയിൽ പതിയെ ഒരു ചുംബനം കൊടുത്തു, എന്റെ പെണ്ണിന് ഞാൻ നൽകുന്ന ആദ്യ ചുംബനം…. പക്ഷെ അവൾ അതൊന്നും അറിഞ്ഞിട്ട് പോലും ഇല്ല… നല്ല ചൂടുണ്ട് ഇപ്പോഴും….

എന്ത് ചെയ്യും???

പണ്ട് എനിക്ക് പനി വരുമ്പോൾ മേരി നേഴ്സ് ചെയ്യുന്ന കുറച്ച് സംഭവങ്ങളുണ്ട്, അതൊക്കെ ഒന്ന് പരീക്ഷിച്ചു നോക്കാം…… ആദ്യ പരീക്ഷണമാണ് കർത്താവേ മിന്നിച്ചേക്കണേ……..

ആദ്യം എന്തായാലും തുണി നനച്ചിട്ട് കൊടുക്കാം, ഞാൻ വേഗം പോയി ഒരു തുണി എടുത്ത് നനച്ച് കൊണ്ടുവന്നു.

“ലുട്ടാപ്പി……” അവൾ ഉറക്കത്തിൽ പറഞ്ഞതാണ്, ഇവൾ ഇനി ഉറക്കത്തിൽ വല്ല ബാലരമയും വായിക്കുകയാണോ, ലുട്ടാപ്പിയോ?

തുണി നനച്ച് നെറ്റിയിൽ വച്ചപ്പോൾ അവൾ ചെറുതായി ഒന്ന് പുഞ്ചിരിച്ചു, കക്ഷി ഇപ്പോഴും സ്വപ്നത്തിൽ തന്നെ ആണെന്ന് തോന്നുന്നു.. എന്തായാലും ഇപ്പോ കണ്ടുകൊണ്ട് ഇരിക്കുന്നത് സന്തോഷകരമായ എന്തോ ആണ്. അത് പിന്നെ ലുട്ടാപ്പിയും ഡാകിനിയും ഒക്കെ അല്ലേ സ്വപ്നത്തിൽ വരുന്നത്…..

തുണി നനച്ച് നെറ്റിയിൽ വച്ച ശേഷം ഞാൻ നേരെ അടുക്കളയിൽ പോയി വെളുത്തുള്ളി ചതച്ച് അല്പം വെളിച്ചെണ്ണ എടുത്ത് അതിൽ കലക്കി. ഇതും മേരി എനിക്ക് ചെയ്ത് തന്നിരുന്ന ഒരു കാര്യമാണ്… ഈ നീര് കാലിനടിയിൽ തേച്ച് മസ്സാജ് ചെയ്യണം… മേരി ചെയ്ത് തന്നിരുന്ന കാര്യങ്ങളിൽ ഏറ്റവും ഫലപ്രദമായ ഒന്നായിരുന്നു ഇത്….

ഞാൻ അതുമായി തിരിച്ച് പനിക്കാരിയുടെ അടുത്ത് പോയി ഇരുന്നു, ഇപ്പോ അനക്കം ഒന്നുമില്ല, പിച്ചും പെയ്യും പറച്ചിലും നിർത്തിയിട്ടുണ്ട്.

ഞാൻ മെല്ലെ കട്ടിലിൽ അവളുടെ കാല് വെച്ച ഭാഗത്ത് ഇരുന്ന ശേഷം കാല് രണ്ടും എടുത്ത് എന്റെ മടിയിലേക്ക് വച്ചു, ഇല്ല അവൾ ഒന്നും അറിഞ്ഞിട്ടില്ല…. ഇതിനെ ഈ അവസ്ഥയിൽ രാത്രി തട്ടി കൊണ്ട് പോവാൻ എളുപ്പം ആണല്ലോ, ഛെ…… ഞാൻ എന്തിനാണ് തട്ടി കൊണ്ടു പോവുന്ന കാര്യം ഒക്കെ ചിന്തിക്കുന്നത്, ഈ കിടക്കുന്നത് എന്റെ സ്വന്തം ഭാര്യയല്ലേ……. എല്ലാം അപ്രതീക്ഷിതമായി സംഭവിച്ചത് ആയതുകൊണ്ട് ഇടയ്ക്ക് ഇടയ്ക്ക് ഞാൻ അത് മറന്ന് പോവും…. ഇപ്പോഴും പക്ഷെ വിശ്വസിക്കാൻ പറ്റുന്നില്ല, കല്യാണത്തെ പറ്റി എനിക്ക് ഒരുപാട് സ്വപ്‌നങ്ങൾ ഉണ്ടായിരുന്നു, ഇപ്പോ ഇതിനെ കാണുമ്പോൾ ഞാൻ സ്വപ്നം കണ്ടിരുന്നതിനേക്കാൾ മികച്ച ഭാവിയിലാണ് ഞാൻ ജീവിക്കാൻ പോവുന്നത് എന്ന് തോന്നുകയാണ്…. അല്ല, തോന്നൽ അല്ല, സത്യമാണ്….. ഉണ്ണിമായ പറഞ്ഞത് പോലെ എല്ലാം ഒരു നിയോഗം ആണെന്ന് വിശ്വസിക്കാനാണ് എനിക്ക് ഇപ്പോ ഇഷ്ടം.

ഞാൻ ആ നീര് കയ്യിൽ ആക്കിയിട്ട് അവളുടെ കാലിനടിയിൽ പുരട്ടി, മെല്ലെ മസാജ് ചെയ്തു….. നല്ല മൃദുവായ പാദങ്ങൾ, ഉഴിയുമ്പോൾ കൈ വഴുതി പോവുന്നു, അത്രയും മൃദുലം….. പുറത്ത് തകർത്തു പെയ്യാൻ തുടങ്ങിയ മഴയെയും ചുറ്റുമുള്ള മറ്റെന്തിനെയും മറന്നുകൊണ്ട് ഞാൻ ആ കാല് പാദങ്ങളിൽ പൂർണ്ണ ശ്രദ്ധയും കൊടുത്തു, ഈ പാദങ്ങൾക്ക് ഒക്കെ ഇത്ര ഭംഗി ഉണ്ടാവുമെന്ന് എനിക്ക് ഇപ്പോഴാണ് മനസിലായത്.

എത്ര നേരം ഞാൻ ആ കാല് പാദങ്ങളിൽ വിരലുകൾ ഓടിച്ചിരുന്നു എന്നറിയില്ല, പെട്ടെന്ന് എന്തോ തോന്നി അവളുടെ മുഖത്തേക്ക് നോക്കുമ്പോൾ ഞാൻ കാണുന്നത് കണ്ണും തുറന്ന് എന്നെ തന്നെ നോക്കി കിടക്കുന്ന യാമിനിയെ ആണ്, എന്താണ് അവളുടെ മുഖത്തെ ഭാവം എന്ന് മനസിലാവുന്നില്ല….. പക്ഷെ ഞാൻ ശരിക്കും പതറി പോയി, ഞാൻ എന്തൊക്കെ ന്യായീകരണം പറഞ്ഞാലും സമ്മതം ഇല്ലാതെ കാലിൽ കയറി പിടിച്ചത് അവൾക്ക് ഇഷ്ടമായി കാണില്ല…

“സോറി………. ഞാൻ……….. അത്…………. പിന്നെ………… അത്…………. പനിയുണ്ടെന്ന് കണ്ടിട്ട്………. പനി മാറാൻ…..” അവളുടെ കാലുകൾ മടിയിൽ നിന്നും മാറ്റി എഴുന്നേറ്റു നിന്ന ശേഷം ഞാൻ മടിച്ചു മടിച്ച് പറഞ്ഞു…. പക്ഷെ മറുപടിയായി ഒന്നും മിണ്ടാതെ എന്നെ നോക്കി ഒന്ന് പുഞ്ചിരിക്കുക മാത്രമാണ് അവൾ ചെയ്തത്, അതും ഒരു വോൾടേജ് കുറഞ്ഞ ചിരി, പനിയുടെ ക്ഷീണം ആ മുഖത്ത് എടുത്ത് കാണിക്കുന്നുണ്ട്. ഇടയ്ക്ക് ഒന്നു രണ്ട് വട്ടം ചുമക്കുന്നതും കണ്ടു… എന്നാലും അവളുടെ സൗന്ദര്യത്തിന് ഒരു കോട്ടവും തട്ടിയിട്ടില്ല…

“ഞാൻ ചുക്ക് കാപ്പിയുണ്ടാക്കാം” അതും പറഞ്ഞ് ഞാൻ വേഗം അടുക്കളയിലേക്ക് നടന്നു, പ്രധാന കാരണം അവളെ ഫേസ് ചെയ്യാൻ ഇപ്പോഴും ഒരു മടി, എന്തോ ഞാൻ ആ ഉമ്മ കൊടുത്തത് അവൾ അറിഞ്ഞിരിക്കുമോ?? ഏയ്, സാധ്യതയില്ല…. കാരണം അത് കഴിഞ്ഞ് ഞാൻ തുണി നനച്ചിട്ട് കൊടുക്കാൻ ചെല്ലുമ്പോഴും അവൾ എന്തോ പിച്ചും പെയ്യും പറയുന്നുണ്ടായിരുന്നു….

കർത്താവെ വല്യ കാര്യത്തിൽ ചുക്ക് കാപ്പി ഇട്ട് തരാമെന്ന് പറഞ്ഞു പോയി, ആ സാധനം ഞാൻ ഇതുവരെ ഉണ്ടാക്കിയിട്ടില്ല. അതെന്ന് അല്ല, ഇതുവരെ ജീവിതത്തിൽ ഞാൻ സ്വന്തമായി ഒരു ചായ പോലും ഉണ്ടാക്കിയിട്ടില്ല, എന്ത് ചെയ്യും??

മേരിയേ വിളിക്കണോ??

അല്ല വേണ്ട, യൂട്യൂബ് ഉണ്ടല്ലോ…… അതെ യൂട്യൂബ് ഉള്ളപ്പോൾ എന്തിനാണ് വെറുതെ മേരിയെ ഈ രാത്രി വിളിച്ച് പേടിപ്പിക്കുന്നത്. അവസാനം അത് തന്നെ ഉറപ്പിച്ചു, യൂട്യൂബിൽ വീഡിയോ നോക്കി ഞാൻ ചുക്ക് കാപ്പിയുണ്ടാക്കി…. അവര് അതിൽ പറഞ്ഞ മുഴുവൻ സാധനങ്ങളും കിട്ടാത്തത് കൊണ്ട് ഉള്ളത് വെച്ച് ഞാൻ അങ്ങ് ഒപ്പിച്ച് ഉണ്ടാക്കി.

ഒരു സിപ് എടുത്ത് കുടിച്ചു നോക്കിയപ്പോഴാണ് ഞാൻ ഉണ്ടാക്കിയ ചുക്ക് കാപ്പി, അല്ല… ചുക്കും കുരുമുളകും ഇട്ട വെള്ളം വായിൽ വെക്കാൻ കൊള്ളില്ല എന്ന കാര്യം ഞാൻ മനസിലാക്കിയത്. സാരമില്ല, പനി മാറാൻ അല്ലേ, ഇത് കുടിച്ചോട്ടെ.

“ഏയ്…….. ഡോ……. ഇത് കുടിക്ക്…” കപ്പുമായി ചെന്ന് ഞാൻ വിളിച്ചപ്പോൾ അവൾ കഷ്ടപ്പെട്ട് എഴുന്നേറ്റിരുന്നു…

“ഇതാ……”. എന്റെ കയ്യിൽ നിന്നും കപ്പ് വാങ്ങി അവൾ അത് ഊതി ഊതി കുടിക്കാൻ തുടങ്ങി

എന്നാലും എന്താണ് ഞാൻ മറന്നത്?? ആ വീഡിയോയിൽ അവർ ജീരകം ഇടാൻ പറഞ്ഞിരുന്നു പക്ഷെ അത് ഞാൻ തിരഞ്ഞിട്ട് കാണാത്തത് കൊണ്ട് ഇട്ടില്ല, പിന്നെ തുളസി…… അത് പിന്നെ ഈ രാത്രി മഴയത്ത് ഞാൻ എവിടെ പോയി പറക്കാനാണ്, സൊ അതും ഒഴിവാക്കി. എന്നാലും മേരി ഉണ്ടാക്കി തരുമ്പോൾ ഇഞ്ചിയുടെയും കുരുമുളകിന്ടെയും ആ പിടുത്തം ഉണ്ടാവാറുണ്ടെങ്കിലും ഒരു ടേസ്റ്റ് ഒക്കെ കാണും….

അയ്യോ………. വെറുതെ അല്ല, ശർക്കര ഇടാൻ മറന്നുപോയി… അവളെ നോക്കിയപ്പോൾ മുഖത്ത് ഒരു ഭാവ വ്യത്യാസവും ഇല്ലാതെ ഞാൻ കൊടുത്ത ചുക്കും കുരുമുളകും ഇട്ട വെള്ളം കുടിച്ച് ഇറക്കുകയാണ്. എനിക്ക് ചിരിക്കണോ കരയണോ എന്ന് അറിയുന്നില്ല…

“അതേ….. കുടിക്കാൻ പറ്റുന്നുണ്ടോ, അതിൽ ശർക്കര ഇടാൻ മറന്നുപോയി”

“ഞാൻ എങ്ങനെ കട്ടിലിൽ എത്തി??” എന്റെ ചോദ്യത്തിന് പകരം കുടിച്ചു കഴിഞ്ഞ കപ്പ് കാണിച്ച് തന്ന ശേഷം അവൾ അത് ചോദിച്ചപ്പോൾ ഒരു നിമിഷം എന്ത്‌ പറയുമെന്ന ആശയക്കുഴപ്പത്തിലായിരുന്നു ഞാൻ.

“അത് പിന്നെ…… വിളിച്ചിട്ട് താൻ എഴുന്നേറ്റില്ല….. അപ്പൊ ഞാൻ എടുത്ത് കിടത്തി…… താഴെ തണുപ്പിൽ കിടന്നാൽ പനി കൂടും എന്ന് കരുതി……….” ഞാൻ അത് പറയുമ്പോൾ അവളുടെ മുഖത്ത് ഒരു തിളക്കം കണ്ടു, പക്ഷെ പെട്ടെന്ന് തന്നെ അത് മാറി ഒരുമാതിരി ആക്കിയ ചിരിയായി മാറി. ആ കോണച്ച ചിരി എനിക്ക് തീരെ ഇഷ്ടമായില്ല, ഉച്ചയ്ക്ക് മേരി എന്നെ പുച്ഛിച്ചു തള്ളുമ്പോഴും പെണ്ണിന്റെ മുഖത്ത് ഇതേ ചിരിയായിരുന്നു… തത്കാലം പനി ആയതുകൊണ്ട് ക്ഷമിക്കാം…

“കിടന്നോ……. ഒന്ന് ഉറങ്ങി ഉണരുമ്പോഴേക്കും പനി ഒക്കെ പറപറക്കും, അതിനുള്ള എല്ലാ സെറ്റപ്പും ചെയ്തിട്ടുണ്ട്” അവളെ കയ്യിൽ നിന്ന് കപ്പും വാങ്ങിയിട്ട് ഞാൻ പറഞ്ഞപ്പോൾ അനുസരണയോടെ അവൾ കിടന്നു… ഞാൻ നേരെ കപ്പും ആയിട്ട് അടുക്കളയിലേക്ക് ചെന്നു….

അവൾ ഇങ്ങനെ പനി പിടിച്ച് കിടക്കുമ്പോൾ ചൂട് പകർന്നുകൊണ്ട് ഒപ്പം കെട്ടിപ്പിടിച്ചു കിടക്കാൻ എന്റെ ഉള്ളം കൊതിച്ചു. “ഭാവിയിൽ എന്തായാലും സംഭവിക്കും” ആരോ ഉള്ളിൽ നിന്ന് പറഞ്ഞു…. പക്ഷെ അതിന് ഇനി അടുത്ത പനി വരുന്നത് വരെ കാത്തിരിക്കണ്ടേ… ###

“ഏയ്….. പനിക്കുമ്പോൾ പുതച്ച് മൂടി കിടക്കരുത്” അടുക്കളയിൽ നിന്ന് തിരിച്ചു വരുമ്പോൾ പുതച്ചു കിടക്കുന്നത് കണ്ട് ഞാൻ പറഞ്ഞു…. അവൾ എന്നെ ദയനീയമായി നോക്കി കിടക്കുകയാണ്.

“ഇങ്ങ് കൊണ്ട…….. പുതച്ച് കിടന്നാൽ പനി വിടില്ല…..” എന്നും പറഞ്ഞ് പുതപ്പ് ഞാൻ വലിച്ച് എടുത്തു…. പെണ്ണിന്റെ മുഖം കാണുമ്പോൾ പക്ഷെ പാവം തോന്നുന്നു, ഞാൻ കട്ടിലിൽ അവളുടെ അടുത്ത് ഇരുന്നു…..

“തണുക്കുന്നു…..” അവൾ മെല്ലെ പറഞ്ഞു, പക്ഷെ മുഖത്തു ഇപ്പോ നേരത്തെ കണ്ട അത്ര ക്ഷീണമില്ല, പനി വിടുന്നുണ്ടെന്ന് തോന്നുന്നു…. ഹ്മ്മ്, കൈ പുണ്യമുണ്ട്…. നല്ലോണം പഠിച്ച് വല്ല ഡോക്ടറും ആയാൽ മതിയായിരുന്നു.

“അയിന്??” ഞാൻ ഒരു പുച്ഛ ഭാവത്തിൽ തിരിച്ച് ചോദിച്ചപ്പോൾ എന്റെ കയ്യിൽ ചുരുട്ടി പിടിച്ചിരിക്കുന്ന പുതപ്പിലേക്ക് കണ്ണ് കാണിച്ചുകൊണ്ട് അവൾ എന്നെ ഒരു നോട്ടം നോക്കി, ഉഫ്…… കണ്ണിൽ ചോരയുള്ള ആരായാലും അത് കൊടുത്തുപോവും, പക്ഷെ ഞാൻ കൊടുത്തില്ല….. അതിനർത്ഥം ഞാനൊരു കണ്ണിൽ ചോരയില്ലാത്ത ദുഷ്ടൻ ആണെന്ന് ഒന്നുമല്ല, പനി മാറാനല്ലേ…..

“പ്ലീസ്……”

“ഒരു പ്ലീസുമില്ല….. അടങ്ങി കിടക്കാൻ നോക്ക്…..” ഞാൻ അല്പം കനത്തിൽ തന്നെ പറഞ്ഞത് കൊണ്ട് പിന്നെ പെണ്ണ് ഒന്നും മിണ്ടിയില്ല, കൈ രണ്ടും കൂട്ടി തലയ്ക്ക് അടിയിൽ വച്ച് ഞാൻ ഇരിക്കുന്ന ഭാഗത്തേക്ക് തന്നെ ചരിഞ്ഞു എന്റെ മുഖത്തേക്ക് നോക്കി കിടക്കുകയാണ് അവൾ.

“എന്താടി??” അല്പസമയം എന്റെ മുഖത്തേക്ക് തന്നെ നോക്കി കിടന്ന ശേഷം വീണ്ടും മറ്റേ ആക്കിയ ചിരി ചിരിക്കുന്നത് കണ്ട് ഞാൻ ഗൗരവത്തോടെ ചോദിച്ചു.

“മ്മ്ച്….” അവൾ ഒന്നുമില്ല എന്ന രീതിയിൽ ചുമൽ അനക്കി.

“ഹ്മ്മ്……” ഒന്ന് മൂളിയിട്ട് ഞാൻ എഴുന്നേറ്റു

“നമ്മള് ആദ്യമായി കണ്ടത് എപ്പോഴാണെന്ന് അറിയുമോ??” കട്ടിലിൽ നിന്നും എഴുന്നേറ്റപ്പോൾ പിന്നിൽ നിന്ന് യാമിനിയുടെ ചോദ്യം, ഇതെന്താ ഇപ്പോ ഇങ്ങനെ ഒരു ചോദ്യം??

“അങ്ങനെ മറക്കാൻ പറ്റിയ ഒരു ദിവസമല്ല അത്……….” ഇവളെ ഞാൻ ഇപ്പോ ഒരുപാട് ഇഷ്ടപ്പെടുന്നു, പക്ഷെ ആ ദിവസം അത് ഇപ്പോഴും എനിക്ക് ഒരു നീറ്റൽ തന്നെയാണ്…. ഹരി…….. ആ മുഖമാണ് മനസിലേക്ക് വരുന്നത്…

“അന്ന് അല്ല……ഒരുപാട് വർഷങ്ങൾക്ക് മുന്നെ നമ്മൾ കണ്ടിട്ടുണ്ട്….” എന്റെ മുഖഭാവത്തിൽ നിന്നും ഞാൻ ആ രാത്രിയെ കുറിച്ചാണ് ആലോചിക്കുന്നത് എന്ന് അവൾക്ക് മനസിലായി

“ഏഹ് എപ്പോ…… എങ്ങനെ???” എനിക്ക് ഒരു പിടിയും കിട്ടിയില്ല, ഇനി പനി കൂടി പെണ്ണിന് വല്ല ഭ്രാന്തും പിടിച്ചോ…

ശരിയാണ്, എന്റെ ഊഹം ശരിയാണ്. അവൾക്ക് ഭ്രാന്ത്‌ പിടിച്ചെന്ന് തോന്നുന്നു, എന്റെ ചോദ്യത്തിനുള്ള മറുപടി തരാതെ കിടന്ന് ചിരിക്കുകയാണ്, കുറച്ച് മുൻപ് പനിച്ചു വിറച്ചു കിടന്ന ആളെ അല്ല, പനി ഒക്കെ പറപറന്നിട്ടുണ്ട്.

“ഒരുമാതിരി ആളെ കളിയാക്കാതെ കാര്യം പറയെടോ…..”

“ഞാൻ നാലാം ക്ലാസ്സില് പഠിക്കുമ്പോൾ ടോണി LKGയിൽ ആയിരുന്നു, ഒരേ സ്കൂളിൽ… ഒരേ ഓട്ടോയിൽ ആയിരുന്നു നമ്മൾ പോയിരുന്നത്….” അയ്യേ…… ഛെ, അത് കേട്ടപ്പോൾ ഞാൻ ശരിക്കും ചമ്മി പോയി. ഇപ്പോ കാണുമ്പോൾ വലിയ പ്രശ്നമില്ല, ഏകദേശം സമ പ്രായക്കാരെ പോലെയുണ്ട്, പക്ഷെ പഴയ ആ സീൻ ഞാൻ ഒന്ന് മനസ്സിൽ സങ്കൽപ്പിച്ച് നോക്കി, അയ്യേ…. ആലോചിക്കാൻ കൂടി വയ്യ……

“ടോണി ആകെ മാറിപ്പോയി, എനിക്ക് മനസ്സിലായിരുന്നില്ല….. പക്ഷെ ഇന്ന് അമ്മച്ചിയെ കണ്ടപ്പോഴാണ് എനിക്ക് ഓർമ്മ വന്നത്….” എന്ന് പറഞ്ഞ് അവൾ വീണ്ടും ചിരി തുടങ്ങി, ഞാൻ ആണെങ്കിൽ ആകെ ചമ്മി നാറി നിൽക്കുന്നു.

“അതെ ഓവർ കിണിക്കണ്ട, ഇപ്പോ ഞാൻ വലുതായില്ലേ…..” ചമ്മൽ മറയ്ക്കാൻ വേണ്ടി ഞാൻ ഗൗരവത്തോടെ പറഞ്ഞു.

“അയ്യോ സോറി, പഴയത് ഓരോന്നും ആലോചിച്ചു ചിരിച്ചു പോയതാണ്…”

“എന്ത് കാര്യം??” എന്താണ് ഇതിനു മാത്രം ചിരിക്കാനുള്ളത് എന്ന് അറിയാൻ ഒരു കൗതുകം…

“ഭയങ്കര വികൃതി ആയിരുന്നു അന്ന്….”. എന്നെ തല കൊണ്ട് കാണിച്ചുകൊണ്ട് അവൾ പറഞ്ഞ് തുടങ്ങി, അത് പിന്നെ ചെറുപ്പത്തിൽ ഇത്തിരി വികൃതി ഒക്കെ കാണും, സ്വാഭാവികം….

“വണ്ടിയിലുള്ള എല്ലാ കുട്ട്യാളോടും അടി കൂടും, സൈഡ് സീറ്റിന് വേണ്ടി എന്നും അടി ആയിരുന്നു…. ചെറുതായത് കൊണ്ട് എന്നിട്ട് ഒറ്റയ്ക്ക് ഇരുത്താതെ എന്റെ മടിയിൽ ആണ് ഇരിക്കുക….” പറയുന്നതിന് ഇടയ്ക്ക് അവൾ വീണ്ടും നിയന്ത്രണം വിട്ട് ചിരിക്കാൻ തുടങ്ങി, എനിക്ക് ആകെ എന്ത് പറയണമെന്ന് അറിയുന്നില്ല, ഛെ, പക്ഷെ എനിക്ക് ഇതൊന്നും യാതൊരു ഓർമ്മയുമില്ല…

“ശരിയാണ് ഇപ്പോ വാതോരാതെ സംസാരിക്കുന്ന ആ പഴയ വികൃതി ചെറുക്കനെ അല്ല, ആളാകെ മാറിപ്പോയി” പറയുന്ന ആള് നിർത്താതെ സംസാരിക്കുന്ന പോലെയാണ് പറച്ചിൽ, ഇത് ആദ്യമായാണ് ഇത്ര കാഷ്വലായി എന്നോട് സംസാരിക്കുന്നത് തന്നെ, അപ്പൊ ഇതാണ് ഇന്ന് മൊത്തം എന്നെ നോക്കി ആ കൊണച്ച ചിരി ചിരിക്കാനുള്ള കാരണം…

“കിടക്കാൻ നോക്ക്, ശരീരം അനങ്ങാതെ കിടക്കണം, എന്നാല്ലെ പനി മാറു” അവൾ ആദ്യമായിട്ടാണ് എന്നോട് ഇത്ര ക്ലോസ് ആയി സംസാരിക്കുന്നത്, പക്ഷെ ചമ്മൽ കാരണമാവാം എനിക്ക് ആ സംസാരം നീട്ടി കൊണ്ടുപോകാൻ തോന്നിയില്ല…. എനിക്ക് ഇപ്പോ അവളോട് തോന്നുന്ന ഇഷ്ടമാവാം ആ ചമ്മലിന്റെ പ്രധാന കാരണം…

അതും പറഞ്ഞ് ഞാൻ പോയി ലൈറ്റ് ഓഫാക്കി താഴെ അവൾ വിരിച്ചിരുന്ന വിരിയിൽ കയറി കിടന്നു, പക്ഷെ അത്ര പെട്ടെന്ന് ഒന്നും ഇനി ഉറങ്ങാൻ കഴിയില്ല എന്ന് എനിക്ക് നല്ല പോലെ അറിയാം.

“അതെ…..”

“മ്മ്…….”

“ഉറങ്ങിയോ??”

“മ്മ്മ്മ്……” അവളുടെ ചോദ്യത്തിന് ഞാൻ ഇല്ല എന്ന രീതിയിൽ മൂളി.

“ഞാൻ പണ്ട് ഒരു പേര് വിളിക്കാറുണ്ട്, ഓർമ്മയുണ്ടോ??”

“ഇല്ല……” അവളെ തന്നെ ഓർമ്മയില്ല, അപ്പോഴാണ് അവൾ വിളിച്ചിരുന്ന പേര്… മടിയിൽ പിടിച്ച് ഇരുത്തിയിരുന്ന കുഞ്ഞല്ലേ, വല്ല തക്കുടൂന്നും ചുക്കുടൂന്നും എങ്ങാനും ആവും…

“ലുട്ടാപ്പി……”

ഒരുപാട് നേരം അങ്ങനെ പലതും ചിന്തിച്ചു കിടന്ന ശേഷം എപ്പോഴോ ഉറങ്ങിപ്പോയി, രാവിലെ കോളിംഗ് ബെൽ അടിയുന്ന ശബ്ദം കേട്ടാണ് എഴുന്നേറ്റത്, അതിരാവിലെ തന്നെ ആരാ ഇപ്പോ ഇങ്ങോട്ട് വരാൻ??

മുകളിൽ കട്ടിലിലേക്ക് നോക്കിയപ്പോൾ ഇതുവരെ രാവിലെ കണ്ടിട്ടില്ലാത്ത കാഴ്ചയാണ് കണ്ടത്, ഉറങ്ങി എഴുന്നേറ്റ് കിളി പോയി ഇരിക്കുന്ന യാമിനി, അവളും ആ കോളിംഗ് ബെല്ലിന്റെ ശബ്ദം കേട്ട് എഴുന്നേറ്റതാണെന്ന് തോന്നുന്നു….. പനിയുടെ ക്ഷീണം കാണും, അല്ലെങ്കിൽ രാവിലെ ഞാൻ ഉണരുന്നതിന് മുന്നെ അവൾ എഴുന്നേറ്റ് കുളിച്ചിട്ടുണ്ടാവും.

ഉറക്കപിച്ചിൽ കണ്ണും തിരുമ്മിക്കൊണ്ട് ഞാൻ വാതിലിന് നേരെ നടക്കുമ്പോൾ പിന്നിൽ കുളിമുറിയുടെ വാതിൽ തുറന്ന് അടയുന്ന ശബ്ദം കേട്ടു….

ഉറക്കച്ചടവിൽ കോട്ടുവായിട്ടുകൊണ്ട് ഞാൻ വാതിൽ തുറന്നു, പക്ഷെ മുനിൽ നിൽക്കുന്ന ആളെ കണ്ടതോടെ ഉറക്കമെല്ലാം എങ്ങോ മറഞ്ഞുപോയി.

“രാഘവൻ” ഇയാള് എന്താ ഇവിടെ??

“ ഉറങ്ങുകയായിരുന്നോ??”

“മ്മ്…….” ഞാൻ അതെ എന്ന രീതിയിൽ മൂളി, ഇയാള് എങ്ങനെ ഈ സ്ഥലം കണ്ടുപിടിച്ചു?? എന്താണ് ഈ വരവിന്റെ ഉദ്ദേശം?? അങ്ങനെ ഒരുപാട് ചോദ്യങ്ങൾ മനസ്സിൽ തെളിഞ്ഞു… പക്ഷെ ഞാൻ ഒന്നും ചോദിച്ചില്ല.

“എന്നോട് ക്ഷമിക്ക് മോനെ…… മോന് എന്നോട് ദേഷ്യമാണെന്ന് അറിയാം…… എന്റെ ബുദ്ധി ഇല്ലായിമ്മ കൊണ്ട് ഞാൻ മോനോട് വളരെ മോശമായി പെരുമാറി പോയി, പകരം എന്ത് വേണമെങ്കിലും ചെയ്യാം……” അന്ന് ഞാൻ കണ്ട രാഘവനെ അല്ല ഇപ്പൊ എന്റെ മുനിൽ നിൽക്കുന്നത്, ഇയാൾക്ക് ഇത് എന്ത് പറ്റി??

“മോൻ എന്നോട് ക്ഷമിച്ചെന്ന് പറയാതെ ഞാൻ പോവില്ല….. പ്ലീസ് മോനെ, എന്ത് പ്രായശ്ചിത്തം വേണമെങ്കിലും ചെയ്യാം……” ഞാൻ ഒന്നും മിണ്ടാതെ നിൽക്കുന്നത് കണ്ടിട്ട് പുള്ളി വീണ്ടും പറഞ്ഞു, കരച്ചിലിന്റെ വക്കിൽ എത്തിയിരുന്നു അയാൾ.

“മ്മ്….. സാരമില്ല….. ഞാൻ അതൊന്നും ഇനി ഓർക്കാൻ ആഗ്രഹിക്കുന്നില്ല……. നിങ്ങൾ ചെല്ല്”

“അയ്യോ പ്ലീസ് മോനെ……. ഞാൻ കാല് പിടിക്കാം……” ഞാൻ അകത്തേക്ക് കയറി വാതിൽ അടക്കാൻ പോയപ്പോൾ പുള്ളി അതും പറഞ്ഞ് എന്റെ കാലിലേക്ക് വീണു,

ഞാൻ ആകെ വല്ലാതെ ആയി, എന്തൊക്കെ ആയാലും എന്റെ അപ്പന്റെ പ്രായമുള്ള ഒരു മനുഷ്യൻ എന്റെ കാലിൽ വീഴുക എന്നൊക്കെ പറഞ്ഞാൽ….

“അയ്യോ…..”. ഞാൻ പെട്ടെന്ന് തന്നെ പുള്ളിയെ പിടിച്ച് എഴുന്നേൽപ്പിച്ചു, അയാളുടെ കണ്ണുകൾ നിറഞ്ഞിരുന്നു.

“അയ്യോ എന്താ ഇത് ഇങ്ങനെ ഒക്കെ…..” പുള്ളിയോട് എന്ത് പറയണമെന്ന് എനിക്ക് കിട്ടുന്നില്ല…

“എനിക്ക് ഈ ലോകത്ത് ആകെ ഉള്ളത് എന്റെ മോളാണ്, അവൾക്ക് വേണ്ടിയാണ് ഈ ജീവിതം………….. അന്ന് മോൻ ഇറങ്ങി പോയതിന് ശേഷം ഇതുവരെ എന്റെ മോള് എന്നോട് ഒരക്ഷരം മിണ്ടിയിട്ടില്ല…. എന്നെ കാണുന്നത് പോലും ഇഷ്ടമല്ലെന്ന് പറഞ്ഞു………………… “ എന്നും പറഞ്ഞ് പുള്ളി വിതുമ്പാൻ തുടങ്ങി, കണ്ടിട്ട് സഹിക്കുന്നില്ല…. ആ സൈലെൻസ് എത്ര മാത്രം വേദന നൽകുമെന്ന് എനിക്ക് അറിയാം, പണ്ട് ഞാൻ ആദ്യമായും അവസാനമായും അപ്പനോട് എതിർത്ത് സംസാരിച്ചതിന് മേരി എന്നോട് പിണങ്ങി രണ്ട് ദിവസം സംസാരിക്കാതെ നടന്നപ്പോൾ ഞാൻ അനുഭവിച്ച വേദന, അത് ഓർമ്മ വന്നുപോയി.

“ഏയ്, ഞാൻ ചൈതന്യയോട് സംസാരിക്കാം…. എനിക്ക് വിഷമം ഇല്ലെന്ന് പറയാം……” ഞാൻ പുള്ളിയുടെ ഇരു തോളിലും പിടിച്ചുകൊണ്ട് പറഞ്ഞപ്പോൾ പുള്ളി കണ്ണ് തുടച്ചുകൊണ്ട് നന്ദിയോടെ എന്നെ ഒരു നോട്ടം നോക്കി, അത് മതിയായിരുന്നു എനിക്ക്.

“നമ്പർ തരു” പുള്ളി പറഞ്ഞ് തന്ന നമ്പറിലേക്ക് ഞാൻ ഡയൽ ചെയ്തു…. ആദ്യത്തെ തവണ എടുത്തില്ല, രണ്ടാം വട്ടം വിളിച്ചപ്പോൾ ഫോൺ എടുത്തു.

“ഹേലോ…..” ചൈതന്യയുടെ സ്വരം, അന്ന് എന്നോട് സംസാരിച്ച പോലെ സൗമ്യമായിട്ട് ഒന്നും അല്ല…… അല്പം ഗൗരവമുള്ള സ്വരം.

“ഹലോ ചൈതന്യ……”

“ഃഈൗൗ……. ടോണി…..” ഒരു ദീർഘശ്വാസം എടുത്ത ശേഷം അവൾ എന്റെ പേര് പറഞ്ഞു, അന്ന് ഒറ്റ ദിവസമേ സംസാരിച്ചിട്ടുള്ളു എന്നിട്ടും പെട്ടെന്ന് തന്നെ ശബ്ദം തിരിച്ചറിഞ്ഞല്ലോ… കുറച്ച് നേരം രണ്ടുപേരും ഒന്നും മിണ്ടിയില്ല, ഒടുക്കം ഞാൻ തന്നെ തുടക്കമിട്ടു.

“എന്തിനാ അച്ഛനോട് മിണ്ടാതെ പിണങ്ങി നടക്കുന്നത്…….. ഞാൻ അതൊക്കെ അന്ന് തന്നെ മറന്നു, എനിക്ക് ആരോടും ദേഷ്യമില്ല….ട്ടോ അല്ലെങ്കിലും ഒരു ജോലിക്കാരനെ ചീത്ത പറഞ്ഞതിന് ജീവന് തുല്യം സ്നേഹിക്കുന്ന അച്ഛനോട് പിണങ്ങി നടക്കണോ…….” അപ്പുറത്ത് നിശബ്ദത,

“ഹലോ ചൈതന്യാ……. ഹേലോ” കേൾക്കുന്നില്ലേ

“എനിക്ക് ഒന്ന് നേരിട്ട് കാണണം, ആർ യൂ ഫ്രീ ടുഡേ??” ഇതായിരുന്നു അവൾ പറഞ്ഞത്.

“അത് പിന്നെ……. ഇന്ന്………. പ്രത്യേകിച്ച് ഒന്നുമില്ല, ഏതെങ്കിലും ഇന്റർവ്യൂ ഉണ്ടോന്ന് നോക്കണം”

“വേണ്ട……. ഇന്ന് എവിടെയും പോവണ്ട, എനിക്ക് കാണണം” അവൾ വളരെ അധികാരത്തോടെ പറഞ്ഞു, എനിക്ക് അനുസരിക്കാൻ തോന്നി….

“ഞാൻ വരാം…..”

“വീട്ടിലേക്ക് വേണ്ട, ഒരു പതിനൊന്ന് മണിക്ക് കുരിശുപള്ളിയുടെ മുനിൽ നിന്ന മതി” എന്നും പറഞ്ഞ് അവൾ ഫോൺ കട്ട് ചെയ്തു,

എന്തിനായിരിക്കും അവൾ നേരിട്ട് കാണണമെന്ന് പറഞ്ഞത്, ഒരു പിടിയുമില്ല…..

“രാഘവൻ”, പുള്ളിയോട് എനിക്ക് വിരോധമില്ല എന്ന് പറഞ്ഞ് ചിരിച്ചുകൊണ്ട് തന്നെ യാത്രയാക്കി, പക്ഷെ പുള്ളി പോയി കഴിഞ്ഞപ്പോൾ എനിക്ക് തന്നെ അത്ഭുതം തോന്നി, പണ്ട് സ്കൂളിലും കോളേജിലും ഒക്കെ പഠിച്ചിരുന്ന കാലത്ത് ഒന്ന് പറഞ്ഞു രണ്ടിന് തല്ലാൻ നടന്നിരുന്ന ഞാനാണ് ഇപ്പോ അയാളോട് ദേഷ്യമൊന്നും ഇല്ല, ക്ഷമിച്ചു എന്ന് പറഞ്ഞ് ചിരിച്ചുകൊണ്ട് സംസാരിച്ചത്…….. ഹ്മ്മ്…… കാലവും അനുഭവങ്ങളും വരുത്തുന്ന മാറ്റങ്ങൾ.

തിരിച്ച് മുറിയിലേക്ക് കയറുമ്പോൾ ഞാൻ കാണുന്നത് എന്നെ തന്നെ അന്തംവിട്ട് നോക്കി നിൽക്കുന്ന യാമിനിയെ ആണ്… ഈശോ, പെണ്ണ് ഒക്കെ കേട്ടോ…..

“ആരാ??”

“ടോണി……” അവൾ പുള്ളിയുടെ കാര്യമാണ് ചോദിച്ചതെന്ന് മനസ്സിലായിട്ടും ഒരു ലോ ക്ലാസ്സ് ചളി തന്നെ അങ്ങ് അടിച്ചു.

“ഉഫ്…… ആ പോയത് ആരാ ന്ന്??”

“ഓ അതോ….. അത് ഒരു പരിചയക്കാരനാണ്”

“പുള്ളി എന്തിനാ കാലൊക്കെ പിടിച്ച് കരഞ്ഞത്??” അയ്യോ പെണ്ണ് അതൊക്കെ കണ്ടോ, ഇനി ഇപ്പോ എന്ത് പറയും….

“ഏയ് അത് ഒന്നുമില്ല” ഞാൻ ഒരു ഒഴുക്കൻ മട്ടിൽ പറഞ്ഞിട്ട് പല്ല് തെക്കാൻ വേണ്ടി ബ്രഷ് എടുക്കാൻ പോയി.

“അല്ല എന്തോ ണ്ട്, പറ……”

“ഏയ് ഒന്നുമില്ല”

“അപ്പൊ പുള്ളി എന്തിനാ കരഞ്ഞത്??”

“ശ്യോ……. പണ്ടാരം, മനുഷ്യന് ഇത്തിരി സമാധാനം താ……” ഞാൻ ദേഷ്യംകൊണ്ട് ശബ്ദം ഉയർത്തി പറഞ്ഞു, പറഞ്ഞ് കഴിഞ്ഞപ്പോൾ വേണ്ടായിരുന്നു എന്ന് തോന്നി…. മനഃപൂർവം അല്ല, പുള്ളി വന്നതിന്റെ യഥാർത്ഥ കാരണം തുറന്ന് പറയാതിരിക്കാൻ വേണ്ടി ഉള്ളിൽ നിന്നും ആരോ പറയിപ്പിച്ചതുപോലെ.

അവളുടെ മുഖം മാറിയത് ഞാൻ വ്യക്തമായി കണ്ടു, പിന്നെ ഒന്നും മിണ്ടാതെ അവൾ നേരെ അടുക്കളയിലേക്ക് പോയി… ഛെ, വേണ്ടായിരുന്നു….. അവൾ ഒന്ന് സംസാരിച്ച് തുടങ്ങിയതാണ്… ഇനി വീണ്ടും ആദ്യത്തെ പോലെ ഒരേ മുറിയിൽ രണ്ടുപേരും അങ്ങോട്ടും ഇങ്ങോട്ടും ഒന്നും മിണ്ടാതെ നടക്കേണ്ട വരുമോ?? ഏയ് ഇല്ല, ഇനി അവൾ സംസാരിച്ചില്ലെങ്കിലും ഞാൻ മുൻകൈ എടുത്ത് സംസാരിക്കും.

ഞാൻ വേഗം തന്നെ പല്ല് തേച്ച് കുളിച്ച് ഡ്രെസ്സും മാറി ഇറങ്ങി, ഞാൻ ഇറങ്ങുന്നത് വരെ യാമിനിയെ കണ്ടില്ല…. പെണ്ണ് ഒഴിഞ്ഞു മാറി നടന്നു, അവസാനം പുറത്തേക്ക് ഇറങ്ങുമ്പോൾ പിന്നിൽ വന്ന് നിന്നത് അറിഞ്ഞെങ്കിലും തിരിഞ്ഞ് നോക്കാതെ ഞാൻ ഇറങ്ങി നടന്നു. ###

10:50 ആയപ്പോഴേക്കും ഞാൻ കുരിശുപള്ളിയുടെ മുന്നിലെത്തി, അഞ്ച് മിനിറ്റ് അങ്ങനെ അവിടെ പോസ്റ്റ്‌ അടിച്ച് നിന്നപ്പോഴേക്കും ചൈതന്യ വന്നു.

ഒരു പിങ്ക് വെസ്പ സ്കൂട്ടിയിൽ വെള്ള ചുരിദാറിട്ട് ശരിക്കും ഒരു ദേവതയെ പോലെയുണ്ട് കാണാൻ, ആ തിളങ്ങുന്ന കണ്ണുകൾക്ക് സമ്മോഹനം ചെയ്യാനുള്ള കഴിവുണ്ടെന്ന് തോന്നുന്നു…

“എന്താണ് മാഷേ ഇങ്ങനെ അന്തംവിട്ട് നോക്കുന്നത്, റിലേ പോയോ?? അവൾ അത് ചോദിച്ചപ്പോൾ ഞാൻ ഒന്ന് ഞെട്ടിക്കൊണ്ട് ആ കണ്ണിലേക്കുള്ള തുറിച്ച് നോട്ടം അവസാനിപ്പിച്ചു.

“ഏയ് ഒന്നുമില്ല, എന്താണ് കാണണമെന്ന് പറഞ്ഞത്??”

“ഹാ എന്താ ഇപ്പോ അത്ര തിരക്ക്, ഇങ്ങ് കയറിക്കേ…….. ഒരു സ്ഥലം വരെ പോവാനുണ്ട്”

“ഹാ…… കേറ് ടോണിക്കുട്ടാ, ഇല്ലെങ്കിൽ ഞാൻ പൊക്കി എടുത്ത് കൊണ്ടുപോവും…… ഹഹാ പറഞ്ഞില്ലാന്ന് വേണ്ട” ഞാൻ വീണ്ടും മടിച്ച് നില്കുന്നത് കണ്ട് അവൾ ഭീഷണിയുടെ സ്വരത്തിൽ പറഞ്ഞു. പിന്നെ ഒന്നും ചിന്തിച്ചില്ല, വേഗം സ്കൂട്ടറിൽ അവളുടെ പുറകിൽ കയറി ഇരുന്നു…. എങ്ങോട്ടാണ് ഇവൾ എന്നെയും കൊണ്ട് പോവുന്നത്?? ആ സംശയം ആയിരുന്നു മനസ്സ് നിറയെ.

“ഓ ദാറ്റ്‌സ് മൈ ബോയ്, പേടിക്കണ്ട….. കൊല്ലാൻ കൊണ്ടുപോവാ” എന്നും പറഞ്ഞിട്ട് ഒരു രാക്ഷസിയെ പോലെ അട്ടഹസിച്ചുകൊണ്ട് അവൾ വണ്ടി മുന്നോട്ട് എടുത്തു… സി.ഐ.ഡി മൂസ സിനിമയുടെ അവസാനം വിമാനത്തിൽ കയറി പോകുന്ന സീനാണ് എന്റെ മനസ്സിലേക്ക് വന്നത്….

അവൾ അത്യാവശ്യം സ്പീഡിൽ തന്നെയാണ് ഓടിക്കുന്നത്, ഞാൻ ഒന്നും മിണ്ടാതെ പുറകിൽ ഇരുന്നു… എങ്ങോട്ടാണെന്ന് ഒരു പിടുത്തവും കിട്ടുന്നില്ല. എനിക്ക് വലിയ പരിചയമില്ലാത്ത സ്ഥലത്ത് കൂടിയാണ് വണ്ടി പോവുന്നത്.

പെട്ടെന്ന് ഒരു ഇടവഴിയിലേക്ക് അവൾ വണ്ടി തിരിച്ചു, ഒരു ഇടുങ്ങിയ വഴി…. കുത്തനെയുള്ള കയറ്റമാണ്…..ആള് താമസം കുറവുള്ള പ്രദേശമാണ്, പോകുന്ന വഴിക്ക് അവിടവിടെയായി മൂന്ന് നാല് വീടുകൾ മാത്രം കണ്ടു, മറ്റ് കടകളോ കെട്ടിടങ്ങളോ ഒന്നും കണ്ടില്ല. അതിനേക്കാൾ എല്ലാം ഉപരി ഈ വഴിയിലേക്ക് കയറിയ ശേഷം ഇതുവരെ ഒറ്റ മനുഷ്യ കുഞ്ഞിനെ കണ്ടിട്ടില്ല. ഇവൾ ഇനി ശരിക്കും പറഞ്ഞതാണോ കൊല്ലാൻ കൊണ്ടുപോവാ ന്ന്.

സ്കൂട്ടി ഞങ്ങളെ രണ്ടുപേരെയും വച്ച് കയറ്റം കയറാൻ നല്ലവണ്ണം വെള്ളം കുടിക്കുന്നുണ്ട്‌, ഒരു പത്ത് മിനിറ്റ് കയറ്റം കയറി കഴിഞ്ഞപ്പോൾ വഴി അവസാനിച്ചു….

ഉഫ്…….. ഒരു രക്ഷയില്ല, പൊളി സ്ഥലം, പ്രകൃതി രമണീയം എന്നൊക്കെ പറയുന്നത് ഇതിനാണ്. അവിടെ ഉണ്ടായിരുന്ന ഒരു വലിയ മരത്തിന്റെ അടുത്ത് കൊണ്ടുപോയി വണ്ടി നിർത്തിയിട്ട് അവൾ എന്നെ തിരിഞ്ഞ് നോക്കിയപ്പോൾ ഞാൻ ഇറങ്ങിയിട്ട് ചുറ്റും ഒന്ന് കണ്ണോടിച്ചു. വൗ…… ഇറ്റ്സ് റിയലി ബ്യൂട്ടിഫുൾ, നമ്മുടെ നാട്ടിൽ ഇത്ര മനോഹരമായ സ്ഥലങ്ങൾ ഉണ്ടായിട്ടും ഇതൊന്നും എന്താ അധികം ആരും അറിയാത്തത്?? ഒരു കണക്കിന് നോക്കുമ്പോൾ നല്ലതാണ് ഈ സൗന്ദര്യം ഇങ്ങനെ ഒരു കോട്ടവും തട്ടാതെ നിൽക്കും.

“ഹലോ മാഷേ എന്താണ്, എങ്ങനെയുണ്ട് നമ്മുടെ സ്ഥലം??” ആ ചോദ്യത്തിന് പകരമായി അടിപൊളി ആണെന്ന് ഞാൻ കൈ കൊണ്ട് കാണിച്ചു.

“അച്ഛൻ കാണാൻ വന്നിരുന്നു ലേ” അവിടെ കണ്ട ഒരു പാറ കല്ലിലേക്ക് ഇരുന്നിട്ട് അവൾ ചോദിച്ചു…

“മ്മ്…….” ഞാൻ അതെ എന്ന രീതിയിൽ മൂളി… ഞാനും അടുത്ത് ഉണ്ടായിരുന്ന അവൾ കാണിച്ചു തന്ന കല്ലിലേക്ക് ഇരുന്നു.

“എന്ത് പറഞ്ഞു??”

“കുറെ സോറി ഒക്കെ പറഞ്ഞു, പുള്ളിക്ക് താൻ എന്ന് വെച്ച ജീവനാണ്”

“അത് എനിക്ക് അറിയാം, അതുകൊണ്ട് അല്ലേ ഞാൻ ഇങ്ങനെ വാശിക്കാരി ആയി പോയത്” അവൾ അത് പറഞ്ഞപ്പോൾ എനിക്ക് ചിരി വന്നു, ഞാൻ അതൊരു ചേറു പുഞ്ചിരിയിൽ ഒതുക്കി.

“എന്തിനാണ് നേരിട്ട് കാണണമെന്ന് പറഞ്ഞത്??” ഞാൻ വീണ്ടും എന്റെ ഉള്ളിൽ കിടന്ന് കളിക്കുന്ന ആ ചോദ്യം തന്നെ ചോദിച്ചു…

“പറഞ്ഞില്ലേ…… കൊല്ലാൻ കൊണ്ടുവന്നതാണ്”

“ഏയ് ചൈതന്യ ഏയ്…..” തോളിൽ തട്ടി ആശ്വസിപ്പിക്കാൻ ശ്രമിച്ചെങ്കിലും അവൾ നിർത്തുന്ന ലക്ഷണം ഒന്നുമില്ല…..

“സോറി…….” കുറച്ചു നേരം അങ്ങനെ എന്റെ നെഞ്ചിൽ കിടന്ന് കരഞ്ഞ ശേഷം അകന്നു മാറിയിട്ട് കണ്ണ് തുടച്ചുകൊണ്ട് അവൾ വീണ്ടും ഒരു സോറി കൂടി പറഞ്ഞു..

“ഹേയ് എന്താടോ……”

“ഞാൻ കാരണം ടോണി ഒരുപാട് വിഷമിച്ചു…… അന്ന് സംഭവിച്ചതിന് ഒക്കെ എത്ര ക്ഷമ ചോദിച്ചിട്ടും കാര്യമില്ലെന്ന് അറിയാം, പക്ഷെ……… ഞാൻ…….. എന്ത് പറയണമെന്ന് അറിയില്ല………….” അവൾ വീണ്ടും കരയാൻ തുടങ്ങി, രാവിലെ അച്ഛന്റെ വക ഒരു റൗണ്ട് കഴിഞ്ഞതാണ് ഇപ്പോ ഇതാ മോള്…… എനിക്ക് ആണെങ്കിൽ ആരെങ്കിലും കരയുന്നത് കണ്ടു നിൽക്കാൻ കഴിയില്ല.

“ഏയ് പ്ലീസ് കരയല്ലേ, ഞാൻ അതൊക്കെ അപ്പോഴേ വിട്ടു……” തോളിൽ തട്ടി ആശ്വസിപ്പിച്ചുകൊണ്ട് ഞാൻ അത് പറഞ്ഞപ്പോൾ അവൾ കരച്ചിലിനിടയിലും എന്നെ നോക്കി ചിരിക്കാൻ ശ്രമിച്ചു….. ഏകദേശം രണ്ടു മൂന്ന് മിനിറ്റ് കൂടി അവൾ കരച്ചിൽ തുടർന്നു.

“അച്ഛൻ അങ്ങനെ പെരുമാറുമെന്ന് ഞാൻ ഒരിക്കലും കരുതിയില്ല, ആദ്യമായിട്ടാണ് ഞാൻ അങ്ങനെ അച്ഛനെ കാണുന്നത്….”

“പുള്ളിക്ക് എന്റെ അപ്പനുമായി എന്തോ പ്രശ്നം ഉണ്ടെന്ന് തോന്നുന്നു, അതാവും എന്നോട് അന്ന് അങ്ങനെ പെരുമാറിയത്” ഞാൻ എന്റെ മനസ്സിൽ തോന്നിയിരുന്ന ഒരു സംശയം പറഞ്ഞു…

“ഏയ് അച്ഛന് ടോണിയുടെ അപ്പനോട് അങ്ങനെ ഒരു പ്രശ്നം ഒന്നുമില്ല…… പക്ഷെ ദേഷ്യമുണ്ട്”

“എന്താ??”

എനിക്ക് അവൾ ഉദ്ദേശിച്ചത് ഒന്നും മനസിലായില്ല…

“അത് ഇലെ….. അന്ന് ടോണി പോയതിന് ശേഷം ഞാൻ പിന്നെ അച്ഛനോട് സംസാരിച്ചിട്ടില്ല….. അച്ഛൻ കുറെ ശ്രമിച്ചിട്ടും നടക്കാതെ അവസാനം അച്ഛന്റെ കൂട്ടുക്കാരൻ ദേവൻ അങ്കിൾ വന്ന് കുറെ ശ്രമിച്ചു എന്നെ ഒന്ന് സമാധാനിപ്പിക്കാൻ….. അതിനിടയിൽ അങ്കിൾ അറിയാതെ പറഞ്ഞ് പോയതാണ് സത്യം…….”

“എന്ത് സത്യം??” എന്റെ ക്ഷമ നശിച്ചിരുന്നു…

“ഞാൻ പറഞ്ഞില്ലേ ഞാൻ ആദ്യമായിട്ടാണ് അച്ഛൻ ഒരാളോട് ഇങ്ങനെ മോശമായി പെരുമാറുന്നത് കണ്ടത്, പ്രണയിച്ച പെണ്ണിനെ കിട്ടാത്തതിന്റെ ദേഷ്യം അവരുടെ മോനെ കണ്ടപ്പോൾ പുറത്ത് വന്നു പോയതാവും”

അത്രയും പറഞ്ഞു നിർത്തിയിട്ട് അവൾ എന്റെ മുഖത്തേക്ക് തന്നെ നോക്കി ഇരിക്കുകയാണ്, എന്റെ പ്രതികരണം അറിയാനാവും… എന്റെ മേരി…….. മേരിക്ക് പണ്ട് കല്യണത്തിന് മുൻപ് ഒരു കട്ട പ്രണയം ഉണ്ടായിരുന്നു എന്ന് അറിയാം, പക്ഷെ അതിനെ കുറിച്ച് വിശദമായി ഒന്നും എനിക്ക് അറിയില്ല…. അപ്പൊ അയാള്, ആ രാഘവൻ ആയിരുന്നോ മേരിയുടെ ആ പഴയ കാമുകൻ. മേരിയുടെ ആ കഥ അറിയുന്നത് കൊണ്ട് അവൾ അത് പറഞ്ഞപ്പോൾ സത്യം പറഞ്ഞാൽ ഞാൻ ഞെട്ടിയില്ല

“അതെ എന്റെ അച്ഛനും ടോണിയുടെ അമ്മച്ചിയും തമ്മിൽ കോളേജിൽ പഠിക്കുമ്പോൾ മുടിഞ്ഞ പ്രണയത്തിൽ ആയിരുന്നു, പക്ഷെ പൊട്ടി പൊളിഞ്ഞു പോയി…. വേറെ മതം, പിന്നെ വെറും ഒരു തെങ്ങ് കയറ്റക്കാരന്റെ മകൻ……. അതുകൊണ്ട് ഒക്കെ ആവും ഇത് വീട്ടിൽ അറിഞ്ഞപ്പോഴേക്കും ടോണിയുടെ അമ്മച്ചിയെ വേറെ കല്യാണം കഴിപ്പിച്ചു…. എന്റെ അച്ഛന് ഒന്നും ചെയ്യാൻ കഴിഞ്ഞില്ല…… ഒരുപാട് സമയം എടുത്തു അച്ഛൻ അതൊക്കെ മറക്കാൻ, പക്ഷെ അന്ന് ടോണിയെ കണ്ടപ്പോൾ വീണ്ടും പഴയത് ഒക്കെ ഓർത്തു കാണും………….. എന്താ ചിരിക്കുന്നേ??” കഥ പറയുന്നതും കേട്ട് ഞാൻ ചിരിക്കുന്നത് കണ്ട് അവൾ ഗൗരവത്തിൽ ചോദിച്ചു…

“ഏയ്……….. മേരിക്ക് പണ്ട് ഒരു റിലേഷൻ ഉണ്ടായിരുന്നു എന്നറിയാം, പക്ഷെ അത് തന്റെ അച്ഛൻ ആയിരുന്നോ….. ഹ….. ഹ…”

“അതെ ചേട്ടാ…….. എനിക്ക് പിറക്കാതെ പോയ എന്റെ ചേട്ടൻ….” നാടകത്തിൽ ഒക്കെ ഡയലോഗ് പറയുന്ന പോലെയാണ് അവൾ അത് പറഞ്ഞത്, ഞാൻ അത് കേട്ട് ചിരിച്ചുപോയി……. അവളും എന്റെ കൂടെ കൂടി ചിരിക്കാൻ തുടങ്ങി…

“ഹോ നമുക്ക് തമാശ, എന്റെ അച്ഛൻ പാവം ഒരുപാട് വിഷമിച്ചിട്ടുണ്ടാവും” കുറച്ചു നേരം കഴിഞ്ഞ് ചിരി നിർത്തിയിട്ട് അവൾ പറഞ്ഞു.

“ഓ എന്റെ മേരിയും കുറെ വിഷമിച്ചിട്ടുണ്ടാവും, ഇപ്പോഴും പഴയ പ്രണയകഥ പറഞ്ഞാൽ മേരിയുടെ മുഖം മാറും”

“ടോണി അമ്മച്ചിയെ പേരാണോ വിളിക്കാറ്??”…

“മ്മ്…….”

ഞാൻ അതെ എന്ന് മൂളി“എനിക്ക് ഒന്ന് കാണണമായിരുന്നു അമ്മച്ചിയെ”

“ഓ അതിനെന്താ കാണിച്ചു തരാല്ലോ…….”

“ഞാൻ എന്റെ അമ്മയെ കണ്ടിട്ടില്ല, ടോണിന്റെ അമ്മച്ചിയുമായി എന്തോ സമാനത തോന്നിയത് കൊണ്ടാണ് അച്ഛൻ എന്റെ അമ്മയെ കല്യാണം കഴിച്ചതെന്ന് ദേവൻ അങ്കിൾ പറഞ്ഞിരുന്നു…… അതാ എനിക്ക്……………. അമ്മച്ചിയെ കാണാൻ കൊതിയാവാ”

അവൾ ചിരിച്ച് കൊണ്ടാണ് അത് പറഞ്ഞതെങ്കിലും എനിക്ക് അത് ശരിക്കും ഫീൽ ചെയ്തു.

“എന്ന എന്റെ മേരിനെ താൻ അങ്ങ് എടുത്തോ….. സ്വന്തമായിട്ട്”

“തന്ന് കഴിഞ്ഞ പിന്നെ തിരിച്ച് ചോദിക്കരുത് കേട്ടോ…. ഞാൻ തരൂല്ല”

“ഓ സാരമില്ല എടുത്തോ, എന്നെ ഇടയ്ക്ക് കാണാൻ സമ്മതിച്ച മതി….” ഞാൻ അത് പറയലും അവൾ എന്നെ വീണ്ടും കെട്ടിപ്പിടിച്ചു….. വളരെ പെട്ടെന്ന് തന്നെ ഞങ്ങൾക്ക് ഇടയിൽ ഒരു അടുപ്പം വന്നത് പോലെ തോന്നി… പക്ഷെ അതിനേക്കാൾ ഏറെ എന്നെ അത്ഭുത പെടുത്തിയത് ഞാൻ ഇപ്പോ അവളോട് പറഞ്ഞ കാര്യമാണ്, “എന്റെ മേരിയേ സ്വന്തമായി എടുത്തോളാൻ”…… എന്തിനാണ് ഞാൻ അങ്ങനെ പറഞ്ഞത്, മേരിയുടെ സ്നേഹം മറ്റൊരാളുമായി പങ്കുവയ്ക്കാൻ എനിക്ക് പറ്റില്ലല്ലോ…….

“അയ്യേ എന്റെ പിറക്കാതെ പോയ പെങ്ങൾ കരയാണോ?? എന്നെ കെട്ടിപ്പിടിച്ചു കരയുന്ന ചൈതന്യയെ നെഞ്ചിൽ നിന്ന് അകത്തി തോളിൽ തട്ടിക്കൊണ്ടു ചോദിച്ചപ്പോൾ

“സന്തോഷം കൊണ്ടാ” ന്നും പറഞ്ഞ് അവൾ കരഞ്ഞുകൊണ്ട് ചിരിച്ചു…

“ശ്യോ ഞാൻ പറയാൻ വന്ന മെയിൻ കാര്യം പറയാൻ മറന്നു” കണ്ണീർ ഒഴുകി ഇറങ്ങിയ കണ്ണുകൾ തുടച്ചുകൊണ്ട് അവൾ പറഞ്ഞു..

“എന്ത് കാര്യം”

“Catamounts fc എന്ന് കേട്ടിട്ടുണ്ടോ??”

“അത് സെവൻസ് ഫുട്ബോൾ ഒക്കെ കളിക്കുന്ന ടീം അല്ലേ??”

“അതെ…….. ആ ടീമിന്റെ പകുതി ഷെയർ എന്റെ അച്ഛനാണ്…. ടീം കഴിഞ്ഞ സീസൺ ഒക്കെ നല്ല അബദ്ധം കളി ആയിരുന്നു, അതുകൊണ്ട് ഈ പ്രാവശ്യം മൊത്തത്തിൽ അഴിച്ച് പണിയാനുള്ള പ്ലാൻ ആണ്, അടുത്താഴ്ച സെലെക്ഷൻ ക്യാമ്പുണ്ട്……. ടോണി അറ്റൻഡ് ചെയ്യണം…..”

“അയ്യോ ഞാന്നില്ല…. ഞാൻ ഇപ്പോ ഫുട്ബാൾ ഒന്നും കളിക്കാറില്ല, പിന്നെ എനിക്ക് അത്യാവശ്യം ആയിട്ട് സെറ്റിൽ ആവണം…. ഇനി കളിച്ച് നടന്നാൽ ശരിയാവില്ല”

“ഏയ് ടോണിക്ക് നല്ല കഴിവുണ്ട്, അത് വെറുതെ കളയരുത്….. ഞാൻ അന്ന് കണ്ടതാണ് താൻ കോളേജിൽ ടൂർണമെന്റ് കളിക്കുന്നത്, പിന്നെ വെറുതെ കളിച്ച് നടക്കാൻ അല്ലല്ലോ, ക്ലബ്ബുകൾക്ക് ഒക്കെ കളിക്കുമ്പോൾ പൈസ കിട്ടില്ലേ…….. പിന്നെ വല്ല ഐ. സ്. ൽ ടീമും പൊക്കിയ ലൈഫ് സെറ്റിൽ

ആവില്ലേ…. ഇയാളുടെ കഴിവിൽ എനിക്ക് നല്ല വിശ്വാസമുണ്ട്……. നിർബന്ധിക്കുന്നില്ല ആലോചിച്ചിട്ട് ഒരു തീരുമാനം എടുത്ത മതി…. ബട്ട് ഐ റിയലി വിഷ് യൂ ഹാഡ് അഗ്രിഡ് ടു ദിസ്‌”

ഞാൻ ആകെ ആശയക്കുഴപ്പത്തിൽ ആയിപ്പോയി, പണ്ട് ഞാൻ ഏറ്റവും കൂടുതൽ ആഗ്രഹിച്ചിരുന്ന കാര്യമാണ് ഒരു ഫുട്ബാൾ കളിക്കാരൻ ആകുക എന്നത്, എന്റെ ചെറുപ്പം തൊട്ടുള്ള സ്വപ്നം. പക്ഷെ പിന്നീട് എപ്പോഴോ ഫുട്ബോൾ കളി സീരിയസ് ആയി എടുത്തിട്ട് കാര്യമില്ല എന്നൊരു തോന്നൽ മനസ്സിൽ കയറി കൂടി, പിന്നെ കോളേജിൽ ചേർന്നപ്പോൾ കൂട്ടുകാരും കള്ള് കുടിയും സിഗരറ്റ് വലിയും ഒക്കെ കൂടി ആയപ്പോൾ ഫുട്ബാൾ എനിക്ക് വെറുമൊരു ടൈം പാസ്സ് ആയി മാറി പോയി……

പിന്നെ ഇപ്പോ ഞാൻ എന്റെ കാര്യം മാത്രം നോക്കിയാൽ പോരാ, “യാമിനി” അവളെ കരയിക്കില്ല എന്ന് മേരിക്ക് വാക്ക് കൊടുത്തതാണ്, അവളെയും നോക്കണ്ടേ……

“നല്ലോണം ആലോചിച്ച് തീരുമാനിച്ച മതി കേട്ടോ….. ഇങ്ങനെയുള്ള കാര്യങ്ങളിൽ ചാടി കേറി ഒരു ഡിസിഷൻ എടുത്തിട്ട് പിന്നെ ജീവിതകാലം മൊത്തം റിഗ്രെറ്റ് ചെയ്യേണ്ട വരരുത്”

“മ്മ്……” ഞാൻ വെറുതെ മൂളി, ശരിയാണ് സ്വസ്ഥമായി ഇരുന്ന് ചിന്തിച്ചിട്ട് ഒരു തീരുമാനം എടുക്കാം….

“എങ്കിൽ പോയാലോ ആങ്ങളേ….”

“മ്മ്……” ഞാൻ അതിനും വെറുതെ മൂളുക മാത്രം ചെയ്തു, എന്റെ മനസ്സ് ഇവിടെ ഒന്നുമല്ല….. ഞാൻ എത്ര ഒഴിഞ്ഞു മാറി നടക്കാൻ ശ്രമിച്ചാലും കാൽ പന്ത് കളി എന്നെ വിടാതെ പിന്തുടരുകയാണ്…. ഞാൻ ഒരുപാട് അകന്ന് മാറുമ്പോൾ ഇടയ്ക്ക് സ്വപ്നത്തിൽ എങ്കിലും കടന്ന് വരും, അതെല്ലാം ഒരു സൂചനയാണോ?? ###

സ്കൂട്ടറിൽ ചൈതന്യയുടെ പിന്നിൽ ഇരിക്കുമ്പോഴും എന്റെ മനസ്സ് മറ്റ് എവിടെയോ ആയിരുന്നു, ഒട്ടും ചിന്തിക്കാതെ ചാടിക്കയറി “യെസ്” പറയാമായിരുന്ന ഒരു കാര്യമാണ് അവൾ പറഞ്ഞത്, പക്ഷെ ഇപ്പോൾ സാഹചര്യം മാറി….. ഇനി പാഴാക്കി കളയാൻ സമയമില്ല, ജീവിക്കാനുള്ള മാർഗ്ഗം കാണണം, പഴയ പോലെ അപ്പന്റെ ചിലവിൽ ജീവിക്കുക ആയിരുന്നെങ്കിൽ രണ്ടാമത് ചിന്തിക്കേണ്ട കാര്യം ഇല്ലായിരുന്നു…

“അതെ മോനെ…. ഏത് ലോകത്താണ്?? വഴി പറഞ്ഞ് താ” ചൈതന്യയുടെ ശബ്ദമാണ് എന്നെ ചിന്തകളിൽ നിന്ന് ഉണർത്തിയത്… നോക്കുമ്പോൾ വണ്ടി റോഡ് സൈഡിൽ ഒതുക്കി നിർത്തിയിരിക്കുകയാണ്.

“ഏഹ് എങ്ങോട്ട്??”

“അയ്യോ……… സോറി, ഞാൻ കേട്ടില്ല” സത്യമായിട്ടും അവൾ പറഞ്ഞത് ഒരക്ഷരം ഞാൻ കേട്ടിട്ടില്ല.

“ ഇനി റിപീറ്റ് അടിക്കാൻ എനിക്ക് പറ്റില്ല, ഇപ്പൊ താമസിക്കുന്ന സ്ഥലത്തേക്കുള്ള വഴി പറഞ്ഞു താ” അവൾ ചെറു പരിഭവത്തോടെ പറഞ്ഞു.

“ഹാ സോറി ചിന്നൂസേ………”

“സോറി ഇയ്യാള് മടക്കി പോക്കറ്റിൽ വെച്ചോ……………………. പിന്നെ ആ വിളിച്ചത് ഇഷ്ടപ്പെട്ടു, ചിന്നൂസ്….. കൊള്ളാം……”

“ശരി ചിന്നൂസ് എന്താ പറഞ്ഞത്??”

“ഓ അത് വല്യ ആന കാര്യങ്ങൾ ഒന്നുമല്ല, ഞാൻ ഇങ്ങനെ ബ്ലാഹ്‌ ബ്ലാ ന്ന് സംസാരിച്ചോണ്ട് ഇരിക്കും….”

“ഹ……ഹ…….ഹ……..”

“ഇളിക്കാതെ വഴി പറഞ്ഞു കൊണ്ട”

“നേരെ വിട്ടോ……”

“ഹ്മ്മ്…….” ഒന്ന് അമർത്തി മൂളി കൊണ്ട് അവൾ വണ്ടി മുന്നോട്ട് എടുത്തു,

ഇപ്പോ അവൾ ഇതുവരെ പറഞ്ഞുകൊണ്ട് ഇരുന്നത് എന്തായിരിക്കും എന്ന് എനിക്ക് ഒരു ഊഹം കിട്ടി….. ഒരു തലയും വാലും ഇല്ലാത്ത എന്തെങ്കിലും ആയിരിക്കും, കാരണം ഇപ്പോ അവൾ പറയുന്നത് എല്ലാം ഞാൻ ശ്രദ്ധയോടെ കേൾക്കുകയാണ്…… പെണ്ണ് വായ അടക്കാതെ സംസാരിക്കുകയാണ്….. ഒരു അര മണിക്കൂർ ഇങ്ങനെ സംസാരിച്ച അവളുടെ ഇതുവരെയുള്ള ജീവിത ചരിത്രം മൊത്തം വേണമെങ്കിൽ അവൾ പറഞ്ഞു തീർക്കും…. വെറുതെ അല്ല ഇവളുടെ അച്ഛന് അത്ര വിഷമം ആയത്, ഇതുപോലെ നോൺ-സ്റ്റോപ്പ്‌ ആയി സംസാരിക്കുന്ന സാധനം സംസാരിക്കാതെ ഇരുന്ന പിന്നെ പറയണ്ടല്ലോ…….

ഞാൻ പറഞ്ഞ് കൊടുത്ത വഴിയിലൂടെ പോയി അവസാനം സ്കൂട്ടി ഞങ്ങടെ പി.ബിയുടെ മുനിൽ എത്തി…..

“വാ കയറിയിട്ട് പോവാം….” സ്കൂട്ടറിൽ നിന്ന് ഇറങ്ങിയ ശേഷം ഞാൻ അവളോട് പറഞ്ഞു..

“ഏയ് വേണ്ട…. പിന്നെ വരാം, എനിക്ക് എന്റെ ഏടത്തിയമ്മയെ വിശദമായി പരിചയപ്പെടണം, അതിന് ഇപ്പോ സമയമില്ല……. തല്കാലം യാമിനി ചേച്ചിയോട് എന്റെ അന്വേഷണം പറഞ്ഞ മതി” ഏഹ് ഇവൾക്ക് എങ്ങനെ യാമിനിയെ അറിയാം?? എന്തായാലും ഞാൻ പറഞ്ഞിട്ടില്ല…..

“ഇങ്ങനെ നോക്കണ്ട, നിങ്ങടെ കല്യാണ കഥ നാട്ടിൽ എങ്ങും പാട്ടാണ്” ഞാൻ സംശയത്തോടെ നോക്കുന്നത് കണ്ട് അവൾ കൂട്ടി ചേർത്തു…

“ഹാ തമാശ കളഞ്ഞ് കാര്യം പറ”

“കാര്യമായിട്ട് പറഞ്ഞാൽ ഞാൻ അന്വേഷിച്ചു, നല്ല ഡീറ്റൈൽ ആയി തന്നെ…… അറിയാൻ ഒരു ക്യൂരിയോസിറ്റി തോന്നിയിട്ടാണ് കേട്ടോ, അന്ന് അച്ഛൻ ടോണിയേ പറ്റി മോശമായി പറയുമ്പോൾ ഞാൻ മുഖം ശ്രദ്ധിച്ചതാണ്… ഈ മുഖത്ത് എഴുതി വച്ചിരുന്നു അച്ഛൻ പറഞ്ഞത് ഒന്നും സത്യമല്ല എന്ന്, അപ്പൊ സത്യം അറിയാൻ ഒരു………………..” അവൾ കണ്ണ് പകുതി അടച്ചു തല ചൊറിഞ്ഞുകൊണ്ട് പറഞ്ഞപ്പോൾ എനിക്കും ചിരി വന്നു….

“ശരി മോള് ചെല്ല്…….. ആദ്യം പോയി അച്ഛനോട് സംസാരിക്ക്”

“ഓമ്ബ്രാ……” എന്നും പറഞ്ഞ് അവൾ വണ്ടി മുന്നോട്ട് എടുത്തു…. ഇല്ലെങ്കിൽ ഞാൻ ആ ഒന്ന് പിടിച്ച് തിരിച്ചു വിട്ടേനെ, ഉറപ്പായും…

“അതെ മാഷേ…… ഫോൺ നമ്പർ ഒന്ന് കൊണ്ട….” വണ്ടി കുറച്ച് മുന്നോട്ട് എടുത്ത ശേഷം നിർത്തി തിരിഞ്ഞ് നോക്കിയിട്ട് അവൾ ചോദിച്ചപ്പോൾ ഞാൻ നമ്പർ പറഞ്ഞ് കൊടുത്തു…. അവൾ അത് സേവ് ചെയ്തില്ല, അത്ര മെമ്മറി പവർ ആണോ…

“പിന്നെ….. ഞാൻ പറഞ്ഞ കാര്യം ആലോചിച്ച് ഡിസിഷൻ എടുക്ക് കേട്ടോ, അടുത്ത ആഴ്ച വരെ സമയമുണ്ട്…….അപ്പൊ ശരി ബായ് ടോണിക്കുട്ടാ…..ഉമ്മ” എന്ന് പറഞ്ഞ് അവസാനം ഒരു ഫ്ലയിങ് കിസ്സും തന്നിട്ടാണ് അവൾ പോയത്.

മുകളിൽ എത്തി കുറച്ച് നേരം വാതിലിൽ താളം പിടിച്ച ശേഷമാണ് യാമിനി വന്ന് വാതിൽ തുറന്നത്, ഹോ……… വാതില് തുറന്നു തന്ന് എന്റെ മുഖത്തേക്ക് ഒന്ന് നോക്കുക പോലും ചെയ്യാതെ അവൾ തിരിച്ച് നടന്നു….

ഊഫ്‌….. രാവിലെ ചൂടായതിന്ടെ ആവും ഈ മുഖം വീർപ്പിച്ചുള്ള നടത്തം, വേണ്ടായിരുന്നു……. മഞ്ഞ് ഉരുകി തുടങ്ങിയതായിരുന്നു ഇനി എന്തായാലും ഞാൻ തന്നെ മുൻകൈ എടുക്കണം……. അല്ലേൽ ഇത് ഇങ്ങനെ നീണ്ട് പോവും, അത് വേണ്ട…… ഇന്ന് രണ്ടിൽ ഒന്ന് അറിയണം… എന്ന് തീരുമാനിച്ചുകൊണ്ട് ഞാൻ അവൾക്ക് പിന്നാലെ അടുക്കളയിലേക്ക് നടന്നു… എങ്ങനെ തുടങ്ങും?? എന്ത് പറയും?? ഒരു പിടുത്തവും ഇല്ല…

“അഹമ്മ്……. അഹമ്മ്…….” പുറകിൽ പോയി നിന്ന് ഞാൻ ഒന്ന് ഉണ്ടാക്കി ചുമച്ചു നോക്കിയെങ്കിലും അവൾ ഒന്ന് തിരിഞ്ഞ് പോലും നോക്കാതെ ചെയ്യുന്ന പണിയിൽ പൂർണ്ണ ശ്രദ്ധയും കൊടുത്തു…. ഈ ടോണി മാത്യൂസ് തെക്കേപറമ്പിൽ അങ്ങനെ തോറ്റ് ഓടാൻ വന്നതല്ല മോളെ, നിന്നെ കൊണ്ട് സംസാരിപ്പിച്ചിട്ടേ ഇനി മറ്റെന്ത് പരിപാടിയും ഉള്ളു…. പുറം തിരിഞ്ഞ് നിന്ന് പച്ചക്കറികൾ അരിയുന്നത് കാണുമ്പോൾ ഈ സിനിമയിൽ ഒക്കെ കാണുന്ന പോലെ പുറകിലൂടെ പോയി കെട്ടിപ്പിടിക്കാൻ തോന്നുന്നു, പക്ഷെ പാടില്ല…. എനിക്ക് തോന്നി തുടങ്ങിയ പോലെ അവൾക്ക് എന്നോട് ഒന്നും തോന്നിയിട്ട് ഇല്ലെങ്കിലോ…… മൊത്തത്തിൽ ബോറാവും..

“പനി മാറിയോ??” എവിടെ, നോ റിപ്ലൈ…. തിരിഞ്ഞ് നോക്കിയത് പോലുമില്ല… പക്ഷെ പനി ഒക്കെ മാറി ആള് സെറ്റ് ആയിട്ടുണ്ടെന്ന് കണ്ടാൽ അറിയാം

“വിശക്കുന്നു……..”

അത് പറഞ്ഞപ്പോൾ അരിഞ്ഞുകൊണ്ട് ഇരുന്ന സവാളയും ക്യാരറ്റും എല്ലാം അവിടെ ഇട്ട് അടുത്ത് മൂടി വച്ചിരുന്ന പാത്രങ്ങളും എടുത്ത് എന്നെ മറിക്കടന്ന്‌ അവൾ ടേബിളിൽ കൊണ്ടുപോയി വെച്ചു, പക്ഷെ എന്റെ മുഖത്തേക്ക് മാത്രം നോക്കുന്നില്ല…. വീണ്ടും തിരിച്ച് അടുക്കളയിൽ വന്ന് ഒരു പ്ലേറ്റും കഴുകി മേശപ്പുറത് കൊണ്ടുപോയി വച്ച ശേഷം എന്നെ ഒരു നോട്ടം നോക്കിയിട്ട് തിരിച്ചുപോയി സവാള അരിയാൻ തുടങ്ങി…… മുഖം ഇപ്പോഴും കടന്നല് കുത്തിയ പോലെ ആണ്.ഇനി ഇത് ഇങ്ങനെ വിട്ടാൽ ശരിയാവില്ല, രാവിലെ ഞാൻ ചൂടാവേണ്ട കാര്യം ഇല്ലായിരുന്നു, വേണമെങ്കിൽ ഒരു സോറി പറയാം…… ഞാൻ അങ്ങനെ ആരോടും സോറി പറയാറില്ല, പക്ഷെ ഇവളെ കൈവിട്ട് പോകുമോ എന്നൊരു ഭയം എന്റെ ഉള്ളിൽ കയറി കൂടിയിരിക്കുന്നു….. അത് ആവാം എന്നെ ക്ഷമ ചോദിക്കാൻ പ്രേരിപ്പിക്കുന്നത്….

“എടോ അത് ഇല്ലേ…… രാവിലെ എന്റെ മൂഡ് ശരിയായിരുന്നില്ല, അതാണ് ഞാൻ പെട്ടെന്ന് ചൂടായി പോയത്…………….. ഐആം സോറി, ഈ ഒരു പ്രാവശ്യം മാത്രം എന്നോട് ഒന്ന് ക്ഷമിക്ക്”

ഞാൻ അത് പറഞ്ഞ് തീരലും യാമിനി ഞെട്ടിക്കൊണ്ട് തിരിഞ്ഞു, അവളുടെ കണ്ണുകൾ നിറഞ്ഞിരുന്നു….. കവിളുകൾ ചുവന്ന് തുടുത്തിരിക്കുന്നു… മേരിയോട് ഇനി അവളെ ഒരിക്കലും കരയിപ്പിക്കില്ല എന്ന് വാക്ക് കൊടുത്തതാണ് എങ്കിലും ഈ കണ്ണുനീർ എന്നെ ഒട്ടും വിഷമിപ്പിച്ചില്ല, മറിച്ച് സന്തോഷമാണ് ആ നിമിഷം തോന്നിയത്…… കാരണം ആ നിറഞ്ഞ് ഒഴുകുന്ന കണ്ണുകളിൽ ഞാൻ കണ്ടത് എന്നോടുള്ള സ്നേഹമാണ്, അതെ….. ഞാൻ വ്യക്തമായി കണ്ടു.

ഒന്നും പറയാൻ നില്കാതെ എന്റെ മുനിൽ കണ്ണും നിറച്ച് നിന്ന യാമിനിയെ ഞാൻ ഇരു ചുമലിലും പിടിച്ചുകൊണ്ട് എന്റെ നെഞ്ചിലേക്ക് അടുപ്പിച്ചു……. അവൾ മുഖം ചരിച്ചുകൊണ്ട് എന്റെ നെഞ്ചിലേക്ക് കിടന്നു, എന്റെ ഹൃദയമിടിപ്പ് നിലച്ചത് പോലെ, അവൾ നെഞ്ചിൽ കാതോർത്ത് ഹൃദയമിടിപ്പ് കേൾക്കാൻ ശ്രമിക്കുകയാണ്……. ഹൃദയം രണ്ടുമൂന്ന് സ്പന്ദനങ്ങൾ ഒഴിവാക്കിക്കൊണ്ട് വീണ്ടും അടിച്ച് തുടങ്ങി….. അവളുടെ മുഖത്ത് ഒരു ചെറു പുഞ്ചിരി വിരിഞ്ഞത് ഞാൻ കണ്ടു….. കുറച്ചു നേരം അങ്ങനെ നിന്ന ശേഷം ഞാൻ തന്നെ സംസാരിച്ചു തുടങ്ങി.

“മീനു…….. എനിക്ക് അറിയില്ല എപ്പോഴാണ് എന്റെ ഉള്ളിൽ നിന്നോട് ഇഷ്ടം തോന്നി തുടങ്ങിയതെന്ന്, പക്ഷെ ഇപ്പോ എനിക്ക് ഒരു കാര്യം അറിയാം…… എല്ലാം ഒരു നിയോഗമാണ്, നമ്മൾ ഒന്നാവണം എന്നായിരിക്കും…… അല്ലെങ്കിൽ ഇങ്ങനെ ഒക്കെ നടക്കുമോ?? എനിക്ക് നിന്നെ വേണം…… ജീവിതകാലം മുഴുവൻ എന്റെ പെണ്ണായി….. നമുക്ക് ഒരുമിച്ച് ജീവിക്കാം, ഓരോ കുഞ്ഞു കുഞ്ഞ് ആഗ്രഹങ്ങളും നിറവേറ്റി……. ദേ ഇങ്ങോട്ട് നോക്കിയേ” ഇത്രയും പറഞ്ഞുകൊണ്ട് അവസാനം എന്റെ നെഞ്ചിൽ നിന്നും അടർത്തി മുഖം പിടിച്ച് ഉയർത്തുമ്പോഴും അവളുടെ കണ്ണുകൾ നിറഞ്ഞിരിക്കുകയാണ്…

“അതെ…….. ഞാൻ മേരിക്ക് വാക്ക് കൊടുത്തതാണ് എന്റെ പെണ്ണിനെ ഇനി കരയാൻ സമ്മതിക്കില്ല എന്ന്, ആ വാക്ക് എനിക്ക് മരണം വരെ കാത്ത് സൂക്ഷിക്കണം…. . അതുകൊണ്ട് ഇനി എന്റെ മീനൂസ് കരയരുത്”

“എന്നിട്ടാണോ മോന്ത കാറ്റടിച്ച് വീർപ്പിച്ച പന്ത് പോലെ ആക്കി നടന്നത്??”

“അത് ഞാൻ പിന്നെ………… എനിക്ക്…… ….”

“ഏയ് ഒന്നും പറയണ്ട, എന്നെ ഇഷ്ടമാണെന്ന് ഒരുവട്ടം പറഞ്ഞ മാത്രം മതി” ഞാൻ അത് പറഞ്ഞപ്പോഴേക്കും അവളുടെ മുഖം വീണ്ടും ചുവന്നു… നാണം വരുമ്പോഴും വിഷമം വരുമ്പോഴും ഒക്കെ ഇത് എന്തിനാ ഇങ്ങനെ ചുവക്കുന്നത്….

“പറ മീനൂസേ…….. എനിക്ക് അറിയാം, എങ്കിലും തന്റെ വായിൽ നിന്ന് കേൾക്കാൻ ഒരു ആഗ്രഹം” എന്റെ പെണ്ണിന്റെ ശ്വാസം ഇടിക്കുന്ന ശബ്ദം എനിക്ക് അകന്നു നിന്നിട്ടും കേൾക്കാൻ കഴിയുന്നുണ്ട്, വേണ്ട വെറുതെ പാവത്തിനെ ഇങ്ങനെ കുരുക്കണ്ട…… ഒരു ആയുഷ്ക്കാലം മുഴുവൻ ബാക്കിയുണ്ട്, ഒരായിരം വട്ടം അവളെക്കൊണ്ട് ഞാൻ പറയിക്കും….. ഇഷ്ടമാണെന്ന്.

“സാരമില്ല, താൻ വാ നമുക്ക് ചോറ് തിന്നാ……” എന്നും പറഞ്ഞ് അവളെയും പിടിച്ച് കൊണ്ടുപോയി മേശപ്പുറത് നിരത്തി വെച്ച വിഭവങ്ങൾക്ക് മുനിൽ ഇരുത്തി, എന്നിട്ട് നേരത്തെ അവൾ കൊണ്ടുവന്നു വെച്ച പ്ലേറ്റിൽ ചോറും കറിയും വിളമ്പി ഞാൻ കഴിച്ചു…….. പാവം ഞാൻ വാരി കൊടുക്കാൻ പോവുകയാണെന്ന് കരുതി ഇരുന്നതാണ്…. ഞാൻ തിന്നുന്നതും നോക്കി പ്ലിംഗ് അടിച്ച് ഇരിക്കുന്നുണ്ട്…..

“രാവിലെ കഴിക്കാത്തത് കൊണ്ട് നല്ല വിശപ്പ്, താൻ എന്താ ഇങ്ങനെ നോക്കി ഇരിക്കുന്നേ, പോയി ഒരു പ്ലേറ്റ് എടുത്ത് വന്ന് കഴിക്ക്……” ചിരി അടക്കി കൊണ്ട് ഞാൻ അത് പറഞ്ഞപ്പോൾ പെണ്ണ് മുഖം വീർപ്പിച്ചുകൊണ്ട് എഴുന്നേറ്റു…… . എങ്കിലും പോവാൻ ഞാൻ സമ്മതിച്ചില്ല, കയ്യിൽ പിടിച്ചുകൊണ്ട് തടഞ്ഞു…… ഹോ, അവൾ എന്നെ ഒരു നോട്ടം നോക്കി…. ഇതുവരെ മാൻപേടയായി മാത്രം കണ്ടിട്ടുള്ള പെണ്ണിന്റെ ഉള്ളിൽ ഒളിഞ്ഞു കിടക്കുന്ന സിംഹത്തെ ഞാൻ കണ്ടു…

“ഹാ ഇരിക്ക് പെണ്ണേ……” അവളെ പിടിച്ച് വീണ്ടും എന്റെ അടുത്തുള്ള കസേരയിൽ ഇരുത്തിയ ശേഷം ഒരു ഉരുള ചോറ് എടുത്ത് അവൾക്ക് നേരെ നീട്ടി ആദ്യം ഒന്ന് മടിച്ചു നിന്നെങ്കിലും അവസാനം അവൾ അത് കഴിച്ചു….

“ന്റമ്മോ…….. എന്താ ഞാനീ കാണുന്നേ……. ഭർത്താവ് ഭാര്യയ്ക്ക് ഊട്ടി കൊടുക്കുന്നോ?? അയ്യയ്യോ……” പെട്ടെന്ന് തുറന്ന് കിടന്നിരുന്ന വാതിലിനടുത് നിന്ന് ആ ശബ്ദം കേട്ടപ്പോൾ ഞങ്ങൾ രണ്ടുപേരും ഒരുപോലെ ഞെട്ടി, വേറെ ആരാ….. അവൻ തന്നെ വിഷ്ണു….. മൈരന് വരാൻ കണ്ട നേരം, ഏജ്ജാതി ടൈമിംഗ്…

അവനെ കണ്ടതും യാമിനി എഴുന്നേറ്റ് നേരെ അടുക്കളയിലേക്ക് വിട്ടു…… പുറകിൽ നിന്ന് അവൻ മുഴുവൻ കഴിച്ചിട്ട് എഴുന്നേറ്റ മതി എന്ന് പറഞ്ഞെങ്കിലും അവൾ അത് മൈൻഡ് ചെയ്യാതെ സ്കൂട്ടായി… നൈസ് എസ്‌കേപ്പ്…

“നീ എന്താ ഈ സമയത്ത്, ഇന്ന് ഓഫീസില്ലേ??” വന്നിരുന്ന് പാത്രങ്ങൾ തുറന്നു നോക്കുന്ന വിഷ്ണുവിനോട് ഞാൻ ചോദിച്ചു…

“ഇന്ന് ഞായറാഴ്ചയാണ് മോനുസേ….”

“ഓ ഇന്ന് ഞായറാഴ്ച ആയിരുന്നോ….”

“അതേല്ലോ………………പെങ്ങളെ, ഒരു പ്ലേറ്റ് കൂടി ഇങ്ങ് എടുത്തോ” അവൻ അടുക്കളയിലേക്ക് നീട്ടി വിളിച്ചു… പെട്ടെന്ന് തന്നെ യാമിനി ഒരു പ്ലേറ്റും ആയി വന്ന് അവന് മുനിൽ വച്ചിട്ട് അതെ സ്പീഡിൽ തിരിച്ച് പോയി….

“ഇതെന്താ സൂപ്പർ ഫാസ്റ്റ് എക്സ്പ്രസ്സോ, ഇങ്ങനെ ചമ്മണ്ട, നമ്മൾ ഒന്നും കണ്ടില്ലേ……” അവൻ പിന്നെയും പലതും പറഞ്ഞെങ്കിലും എനിക്ക് ഒരല്പം പോലും ചമ്മൽ അനുഭവപ്പെട്ടില്ല, കാരണം ഞാൻ ആ കളിയാക്കലുകൾ ആസ്വദിക്കുകയാണ്. പണ്ട് സ്കൂളിൽ പഠിക്കുന്ന കാലത്ത് നമ്മുടെ ക്രഷിനെയും നമ്മളെയും കൂട്ടി കൂട്ടുക്കാർ കഥ അടിച്ച് ഇറക്കുമ്പോൾ പുറമെ അവരെ ചീത്ത പറയുമ്പോഴും ഉള്ളിൽ നമ്മൾ സന്തോഷിക്കില്ലേ, അതുപോലെ….. പക്ഷെ ഒരു ചെറിയ വ്യത്യാസം, ഞാൻ ദേഷ്യപ്പെട്ടില്ല, ഞാൻ അവൻ പറയുന്നതും കേട്ട് ചിരിച്ചിരുന്നു…. ഇടയ്ക്ക് യാമിനി അടുക്കളയിൽ നിന്ന് തലയിട്ട് എന്നെ നോക്കും, അവളുടെ മുഖത്ത് പക്ഷെ നല്ല ചമ്മലുണ്ട്…..

ഞങ്ങൾ ഭക്ഷണം കഴിച്ച് എഴുന്നേൽക്കുന്നത് വരെ അവൾ ഈ ഭാഗത്തേക്ക് വന്നില്ല… ###

“കുപ്പി എടുത്താലോ?? ഞാൻ ഇന്ന് ശരിക്കും ഹാപ്പിയാണ്” ഭക്ഷണം കഴിച്ചു കഴിഞ്ഞ് പുറത്തിറങ്ങി സിഗരറ്റ് വലിക്കുമ്പോൾ വിഷ്ണു ചോദിച്ചു.

“എന്ത് പറ്റി??”

“ഈ നല്ല മൂഡിൽ നിൽകുമ്പോൾ ഓർക്കാൻ പോലും ആഗ്രഹിക്കാത്ത ആ രണ്ട് മുഖങ്ങൾ, അതുകൊണ്ട് ആ വിഷയം നമുക്ക് വിടാം…. എന്തായാലും നിന്നെ ഇങ്ങനെ ഹാപ്പിയായി കാണുന്നതല്ലേ എന്റെ സന്തോഷം, പിന്നെ യാമിനി…….. അവളെ പോലൊരു പെണ്ണ് ജീവിതത്തിൽ വന്നാൽ പിന്നെ ജീവിതത്തിൽ തോൽവി എന്നൊരു വിഷയം വരില്ല, അഥവാ വന്നാലും നിന്നെ താങ്ങി നിർത്താൻ അവളുണ്ടാവും”

“കള്ള മൈരേ സെന്റി ആക്കല്ലേ……” അവന്റെ സംസാരം കേട്ട് ഇമോഷണൽ ആവാൻ തുടങ്ങിയപ്പോൾ ഞാൻ പറഞ്ഞു….

“അയ്യടാ, സെന്റി അടിച്ചതല്ല….. അവൾ ഇല്ലെങ്കിൽ എന്റെ ഈ ജീവിതം മൊത്തം നിന്റെ കൂടെ നടന്ന് നശിച്ച് പോവും…. .ആ സന്തോഷത്തിലാണ് ഞാൻ കുപ്പി എടുക്കുന്ന കാര്യം പറഞ്ഞത്…..”

“ഓ എന്ത് തേങ്ങ ആയാലും സാരമില്ല, വാ പോയി കുപ്പി എടുക്കാം”

ഞങ്ങൾ വേഗം ബീവറേജിൽ പോയി ഒരു ഫുള്ളും എടുത്ത് വന്നു…. വിഷ്ണു നേരെ കുപ്പിയുമായി മുകളിൽ വാട്ടർ ടാങ്കിന്റെ അങ്ങോട്ട്‌ കയറി, ഞാൻ അകത്തേക്ക് ഗ്ലാസ്സും വെള്ളവും എടുക്കാനും…..

“മ്മ്??”. അടുക്കളയിൽ ചെന്നപ്പോൾ എന്താണ് കാര്യം എന്ന രീതിയിൽ മീനു ഒന്ന് മൂളി,

“അത് പിന്നെ വിഷ്ണുന് കള്ള് കുടിക്കാൻ ഒരു ഗ്ലാസ്സ്……. എടുക്കാൻ, ഇച്ചിരി വെള്ളവും….” എന്നും പറഞ്ഞ് നൈസ് ആയിട്ട് രണ്ട് ഗ്ലാസ്സും ഒരു കുപ്പി വെള്ളവും എടുത്ത് മുങ്ങാൻ നേരം അവൾ പിന്നിൽ നിന്നും വിളിച്ചു…

“വിഷ്ണുന് എന്തിനാ രണ്ട് ഗ്ലാസ്സ്??” കർത്താവേ പെട്ട്

“ഒന്ന് വെള്ളം ഒഴിക്കാനും പിന്നെ ഒന്ന് സാധനം ഒഴിക്കാനും”

“മ്മ്…….” അവൾ ഒന്നും പറയാതെ ഒന്ന് ഇരുത്തി മൂളി, പിന്നെ അവിടെ നിന്ന് തിരിയാതെ ഞാൻ വേഗം തന്നെ മുകളിലേക്ക് വിട്ടു….

“എന്താണ് മോനെ, കെട്ട്യോളെ സമ്മതം വാങ്ങിയോ??” വെള്ളവും ഗ്ലാസ്സുമായി മുകളിലേക്ക് ചെന്നപ്പോൾ വിഷ്ണു ചോദിച്ചു

“ഏയ് എന്തിനാ അവളെ സമ്മതം….” ഞാൻ ഒരു ഒഴുക്കൻ മട്ടിൽ പറഞ്ഞു

“അതൊക്കെ എനിക്ക് അറിഞ്ഞൂടെ മോനെ, കല്യാണം കഴിഞ്ഞ പിന്നെ ഭാര്യയെ കൺവിൻസ് ചെയ്യേണ്ട വരും ലേ എല്ലാത്തിനും……. അതാണ് ഞാൻ കല്യാണം കഴിക്കണോ വേണ്ടയോ എന്ന കൺഫ്യൂഷനിലാണ്”

“അതൊക്കെ ഏതോ വിവരം ഇല്ലാത്തവര് പറയുന്നതല്ലേ, യാമിനിയെ പോലുള്ള ഒരു പെണ്ണിനെ കെട്ടിയാൽ ഒരു പ്രശ്നവും ഉണ്ടാവില്ല” പ്രശ്നങ്ങളുടെ ഘോഷയാത്രയാണ് വരാൻ പോവുന്നത് എന്ന് എനിക്ക് അറിയില്ലല്ലോ….. പാവം ഞാൻ.

“ പെങ്ങളെ പോലെ ഒരു പാവം കുട്ടിയെ കിട്ടിയാൽ ഞാനും കെട്ടും….”

“അതൊക്കെ വിട്, നീ സാധനം ഒഴിക്ക്” സാധനം മുനിൽ വച്ച് അധിക നേരം വെറുതെ ഇരിക്കാൻ എനിക്ക് പറ്റില്ല, പെട്ടെന്ന് തന്നെ ഞങ്ങൾ ഓരോന്ന് ഒഴിച്ച് അടിച്ചു….. ആദ്യ പെഗ്ഗിന്റെ വീര്യം പോവും മുന്നെ ഒന്നൂടെ ഒഴിച്ച് അടിച്ചു….. രണ്ട് നല്ല പെഗ്ഗ് അകത്തു കയറിയപ്പോൾ തന്നെ ചെറുതായി മൂഡായി തുടങ്ങി…

“ശ്യോ നിന്നോട് ഒരു കാര്യം പറയാൻ വിട്ട് പോയി, ഇന്ന് ആ രാഘവൻ ഇവിടെ വന്നിരുന്നു”. രണ്ട് പെഗ്ഗ് അകത്ത് ചെന്നപ്പോഴാണ് ഇന്ന് നടന്ന കാര്യങ്ങൾ ഓർമ്മ വന്നത്

“എന്തിന്………. അയാള് എന്തിനാ ഇങ്ങോട്ട് വന്നേ?? നിന്നോട് ജോലിക്ക് വരാൻ പറയാൻ ആണോ?? എന്നിട്ട് നീ എന്ത് പറഞ്ഞു?? രാഘവന്റെ പേര് പറയലും അവൻ നോൺ സ്റ്റോപ്പ്‌ ആയി എനിക്ക് നേരെ ചോദ്യങ്ങൾ എറിഞ്ഞു…

“ഏയ് ജോലിക്ക് വരാൻ പറയാൻ അല്ല, അന്ന് പറഞ്ഞതിന് ഒക്കെ ക്ഷമ ചോദിച്ചു…… പുള്ളി എന്റെ കാല് പിടിച്ചു കരഞ്ഞു…….”

“ഓ അയാളെ മുതല കണ്ണീര് കണ്ടപ്പോഴേക്കും നീ ക്ഷമിച്ചിട്ട് കൂടെ ഇരുന്ന് കരഞ്ഞു കാണും…… മൈരൻ…… കാല് പിടിക്കാൻ വന്നപ്പോ കാലും മടക്കി ഒന്ന് കൊടുത്തിട്ട് ഇറക്കി വിടണ്ടേ….. അത് എങ്ങനെയാ ആരെങ്കിലും കരയുന്നത് കണ്ടാൽ പൊട്ടന്റെ മനസ്സ് അലിയും”

“എടാ അത് പിന്നെ അപ്പന്റെ പ്രായമുള്ള ഒരാൾ കാല് ഒക്കെ പിടിച്ച് കരയുമ്പോൾ എങ്ങനെയാണ് കണ്ടില്ല ന്ന് വെക്ക”

“ഓ ശരി ശരി നീ വല്യ പുണ്യാളൻ, എനിക്ക് എന്തായാലും നിന്നെ പോലെ ആവാൻ പറ്റില്ല…….. പിന്നെ ഇത് ഞാൻ സഹിച്ചു, പക്ഷെ മറ്റേ പൂറി മക്കൾ ഇതുപോലെ വന്നു കരഞ്ഞു കാല് പിടിക്കുമ്പോൾ നീ എങ്ങാനും ക്ഷമിച്ചാൽ……. നിന്റെ കയ്യും കാലും തല്ലി ഒടിച്ച് ഞാൻ നിന്റെ മറ്റവൾക്ക് ഉപ്പിലിടാൻ കൊടുക്കും…. .കേട്ടോ മൈരേ” ഹരി, ശ്രീലക്ഷ്മി…. ആ രണ്ട് മുഖങ്ങളും ഞാൻ ഒന്ന് മനസ്സിൽ കണ്ടു നോക്കി, ഏയ് ഇല്ല……. അവരോട് എനിക്ക് ഇതുപോലെ ക്ഷമിക്കാൻ കഴിയില്ല, അത്രയ്ക്ക് പുണ്യാളൻ ഒന്നും അല്ല ഞാൻ.

അവന്റെ സ്നേഹത്തോടെ ഉള്ള ഭീഷണിക്ക് മറുപടിയായി ഞാൻ വെറുതെ ഒന്ന് ചിരിച്ചു, കാരണം എനിക്ക് നല്ല ഉറപ്പുണ്ട് എന്തൊക്കെ വന്നാലും അവരോട് എനിക്ക് ക്ഷമിക്കാൻ കഴിയില്ല എന്ന്…

“അല്ല എന്നിട്ട് പറ, എന്തായിരുന്നു അയാളുടെ വരവിന്റെ പിന്നിലെ നിഗൂഡ രഹസ്യം??”

“ഞാൻ പറഞ്ഞിരുന്നില്ലേ പുള്ളിയുടെ മോളെ പറ്റി…”

“അയാളെ മോള് കൊള്ളാം എന്ന് നീ പറഞ്ഞത് ഞാൻ ഓർക്കുന്നു, വല്ലാതെ ഓർക്കുന്നു” ഞാൻ പറഞ്ഞ് തുടങ്ങിയപ്പോൾ വിഷ്ണു ഇടയ്ക്ക് കയറി പറഞ്ഞു…

“ഹാ…… പറയുന്നത് കേൾക്ക് മൈരേ..”

“ഓ ശരി, എന്ന സാറ് പറ”

“ആഹ്, പുള്ളിയുടെ മോള്…… ചൈതന്യ, അവൾ ഒപ്പിച്ച പണിയാണ്…. അന്നത്തെ ആ സീനിന് ശേഷം അവള് പുള്ളിയോട് മിണ്ടിയില്ല, എന്നോട് വന്ന് സോറി പറഞ്ഞാലേ മിണ്ടൂ എന്ന് പറഞ്ഞത് കൊണ്ടാണ് പുള്ളി വന്ന് സോറി പറഞ്ഞത്..”

“ആഹാ…… അതാണ്…… മക്കൾ ആയാൽ അങ്ങനെ വേണം, അത് പൊളിച്ച്”

“അത് കഴിഞ്ഞ് അവൾക്ക് എന്നോട് നേരിട്ട് സംസാരിക്കണം എന്ന് പറഞ്ഞിട്ട് ഞാൻ പോയി അവളെ കണ്ടു….”

“ഏഹ് എന്തിന്?? എവിടെ പോയി??” ഒന്ന് ഞെട്ടിയ ശേഷം വിഷ്ണു ചോദിച്ചു…. എത്രാമത്തെ പെഗ്ഗ് ആണെന്ന് ഓർമ്മയില്ല, എന്തായാലും ഞാൻ ഒന്നും കൂടി ഒഴിച്ച് അടിച്ചു………. വിഷ്ണു ഞാൻ പെഗ്ഗ് അടിക്കുന്ന സമയത്ത് അക്ഷമനായി കാത്തിരുന്നു…

“ആദ്യം കുറെ സോറി ഒക്കെ പറഞ്ഞു, പിന്നെ വേറെ ഒരു കാര്യം കൂടി പറഞ്ഞു”

“എന്ത്??” ഞാൻ പറയുന്നതിന് ഇടയ്ക്ക് ക്ഷമ നശിച്ചുകൊണ്ട് വിഷ്ണു ചോദിച്ചു

“നമ്മുടെ മേരിയുടെ പഴയ പ്രണയകഥ ഇല്ലേ, അതിലെ നായകൻ അയാളാണ് ആ രാഘവൻ”

“ഏഹ്…… സത്യമാണോ??”

“ആടാ….. അവൾ പറഞ്ഞതാണ്…”

“ഹോ….. അമ്മച്ചിനെ ആ പഴയ കഥ പറഞ്ഞ് എപ്പോ കളിയാക്കുമ്പോഴും പാവം തോന്നും, പക്ഷെ ഇപ്പോ ആ വിഷമം മാറി കിട്ടി, എന്തൊക്കെ വന്നാലും ആ രാഘവനേക്കാൾ അടിപൊളി നിന്റെ അപ്പൻ തന്നെ ആയിരിക്കും, അയാളെ ഞാൻ നേരിട്ട് കണ്ടിട്ടില്ലെങ്കിലും വെറും ഊള ആണെന്ന് ഉറപ്പാണ്”

വിഷ്ണു അത് പറഞ്ഞപ്പോൾ ഞാൻ വെറുതെ അവനെ നോക്കി ചിരിച്ചു, കാരണം ഞാൻ ഒരുപാട് വട്ടം ആലോചിച്ച കാര്യമാണ് മേരി പ്രണയിച്ച ആളെ തന്നെ കെട്ടിയിരുന്നെങ്കിൽ മേരിയുടെ ജീവിതം എത്ര സന്തോഷകരം ആയിരുന്നിരിക്കും, പക്ഷെ അപ്പൊ ഇതുപോലെ ഒരു നല്ല പുത്രനെ കിട്ടുമോ?? ഹ്ഹ………. ഇപ്പോ പക്ഷെ മേരി അപ്പനെ ആത്മാർത്ഥമായി തന്നെയാണ് സ്നേഹിക്കുന്നത്, യാമിനിയോട് ഒരുതരം അട്ട്രാക്ഷൻ തോന്നി തുടങ്ങിയപ്പോൾ ഞാൻ വല്ലാതെ കൺഫ്യൂസ്ഡ് ആയിരുന്നു, ആ സമയത്ത് മേരിയെ കുറിച്ചാണ് ഞാൻ ചിന്തിച്ചത്…. ഒരാളെ ആത്മാർത്ഥമായി സ്നേഹിച്ചിട്ടും വീട്ടുകാരുടെ നിർബന്ധത്തിന് വഴങ്ങി മറ്റൊരാളെ കല്യാണം കഴിക്കേണ്ട വന്നു, സമയം എടുത്ത് കാണുമെങ്കിലും ഇപ്പോ മേരി അപ്പനോട് കാണിക്കുന്ന സ്നേഹവും കരുതലും നൂറ് ശതമാനം സത്യമാണ്….. അങ്ങനെ ആവുമ്പോൾ ഞാൻ എന്നെ ചതിച്ചിട്ടു പോയവളെ കുറിച്ച് ആലോചിക്കാൻ പോലും പാടില്ല….

“എന്തായാലും എനിക്ക് ഒരു തുറുപ്പ് ചീട്ടാണ് കിട്ടിയത്, ഇനി അമ്മച്ചിന്റെ മുനിൽ പിടിച്ചു നിൽക്കാൻ ഈ ഒരു സംഭവം മാത്രം മതി മോനേ……”

“ഓ ഒറ്റ പ്രാവശ്യം നീ മേരിന്റെ എടുത്ത് സംസാരിച്ച് ജയിക്കുന്നത് കണ്ടാൽ മതി എനിക്ക്…..”

“അതിന് ഞാൻ തോറ്റ് കൊടുക്കുന്നതല്ലേ…”

“ഓ ശരി ശരി……”

ഞങ്ങൾ രണ്ടുപേരും ഒരുപോലെ ചിരിച്ചുപോയി, എപ്പോഴും മേരിയോട് തോറ്റ് ഇവൻ കാവിലെ പാട്ട് മത്സരത്തിന് കാണാം എന്ന രീതിയിൽ പോവുന്നത് ഓർത്താണ് ഞാൻ ചിരിച്ചത്, അവൻ എന്തിനാണ് ചിരിച്ചതെന്ന് അവനും ഉടയ തമ്പുരാനും മാത്രം അറിയാം…

വീണ്ടും ഓരോ പെഗ്ഗ് കട്ടിക്ക് തന്നെ ഒഴിച്ച് അടിച്ചു…..

“ഹാ ഒരു കാര്യം വിട്ട് പോയി, അവൾ ഒരു സംഭവം കൂടി പറഞ്ഞിരുന്നു….”

“ഇനി എന്ത് കാര്യം, നിന്റെ അപ്പന്റെ പഴയ കാമുകിയാണോ അവളെ അമ്മ??” വിഷ്ണു ഒരു ഒഴുക്കൻ മട്ടിൽ ചോദിച്ചു

“പ്ഫാ മൈരേ………. അവളെ അമ്മ മരിച്ചു പോയതാണ്”

“അയ്യോ……………” അവൻ മുഖം ചുളിച്ചു…..

“നീ catamounts fc എന്ന് കേട്ടിട്ടുണ്ടോ?”

“ക്യാറ്റ് ആൻഡ് മൗസ്…….. എന്ന് വെച്ച പൂച്ചയും എലിയും……… അയ്യേ, അവള് നിന്നെ വല്ല കള്ളനും പോലീസും കളിക്കാൻ വിളിച്ചോ??” ഒന്ന് ചിന്തിച്ച ശേഷം അവൻ പറഞ്ഞു

“എടാ മണ്ടാ മരമണ്ടാ……… ക്യാറ്റ് ആൻഡ് മൗസ് അല്ല, catamounts…. അത് ഒരു ഫുട്ബാൾ ക്ലബാണ്, അല്ലെങ്കിലും ക്രിസ്റ്റ്യാനോ റൊണാൾഡോ ന്ന് പറഞ്ഞപ്പോൾ മറ്റേ കിം കർദാഷിയാന്റെ പഴയ ബോയ് ഫ്രണ്ട് അല്ലെന്ന് ചോദിച്ച നിന്നോട് ഈ ചോദ്യം ചോദിച്ചത് എന്റെ തെറ്റ്……..മൈ മിസ്റ്റേക്ക്”

“ഓ നമുക്ക് നിന്റെ അത്ര ഫുഡ്‌ബോളിൽ അറിവും ഇല്ല കളിക്കാനും അറിയില്ല……. നീ അത് വിട്ടിട്ട് ആ പെണ്ണ് പറഞ്ഞ കാര്യം പറ”

“എടാ മോയന്തേ……. ഫുഡ്‌ബോൾ അല്ല ഫുട്ബോൾ”

“ഒക്കെ ഒന്ന് തന്നെ” അവൻ ഒരു ഒഴുക്കൻ മട്ടിൽ പറഞ്ഞു, ഈ കാര്യത്തിൽ അവനെ പറഞ്ഞ് പഠിപ്പിച്ചിട്ട് വല്യ കാര്യം ഒന്നുമില്ല എന്ന് അറിയുന്നത് കൊണ്ട് ഞാൻ വിട്ടു

“എന്നിട്ട് ബാക്കി പറ, ആ പെണ്ണ് എന്താ പറഞ്ഞത്??” അടുത്ത പെഗ്ഗ് ഒഴിച്ച് അടിക്കുന്നതിന് ഇടയ്ക്ക് വിഷ്ണു ചോദിച്ചു

“ആ അത് പിന്നെ ആ catamounts fc ന്റെ പകുതി ഷെയർ അവളെ അച്ഛന്റെ ആണ്, അപ്പൊ അവരെ ക്ലബ്ബിന്റെ സെലെക്ഷൻ ക്യാമ്പ് അടുത്താഴ്ച നടക്കുന്നുണ്ട്, എന്നോട് അതിൽ………..”

“യെന്റെ മോനെ അത് പൊളിച്ച്, നിന്റെ ഏറ്റവും വല്യ ഡ്രീം ആയിരുന്നില്ലേ ഒരു ഫുട്ബോൾ കളിക്കാരൻ ആവുക എന്നത്…….. ഒന്നും നോക്കണ്ട പോയി പൊളിച്ചടുക്ക്…” ഞാൻ പറഞ്ഞ് തീരുന്നതിനു മുൻപ് അവൻ ചാടി കയറി പറഞ്ഞു, കാൽ പന്ത് കളിയെ കുറിച്ച് വലിയ ഐഡിയ ഒന്നും ഇല്ലെങ്കിലും എന്റെ ഡ്രീം ആയിരുന്നു എന്ന് അറിയുന്നത് കൊണ്ടാണ് ചെക്കന് ഇത്രയും ആവേശം…

“ഏയ് ഞാൻ പോവുന്നില്ല, അവള് പറഞ്ഞത് നിന്നോട് പറഞ്ഞു എന്നെ ഉള്ളു”.

“എന്താണ് പ്രശ്നം, നിന്റെ വലിയ ഡ്രീം ആയിരുന്നില്ലേ പിന്നെ ഇപ്പോ എന്താ?? മഹാലക്ഷ്മി ലോട്ടറി അടിച്ച പൊട്ടൻടെയും മകളുടെയും രൂപത്തിൽ വരുമ്പോൾ തട്ടി കളയരുത് മോനെ ടോണികുട്ടാ”.

ആശാന്റെ നാവ് ഒക്കെ കുഴഞ്ഞു തുടങ്ങിയിട്ടുണ്ട്.. നല്ല ഫോമിൽ ആയിട്ടുണ്ട്.“ഡ്രീം ആയിരുന്നു ശരിയാണ്, പക്ഷെ ആ സ്വപ്നം ഒക്കെ ഞാൻ മറന്ന് പോയിരുന്നു…. ഇന്ന് അത് വീണ്ടും ഓർമ്മ വന്നു, പക്ഷെ ഇപ്പോ സ്വപ്നത്തിനു പിന്നാലെ പോവാൻ പറ്റിയ സാഹചര്യം അല്ലാല്ലോ…… എന്തെങ്കിലും ഒരു ജോലി പെട്ടെന്ന് കണ്ടുപിടിക്കണം, സെറ്റിൽ ആവണം…. അത് മാത്രമാണ് ഇപ്പോ എന്റെ മനസ്സിലുള്ളത്, അല്ല ഉണ്ടാവാൻ പാടുള്ളൂ”

“നിന്റെ മനസ്സിൽ ഉള്ളത് എന്താണെന്ന് എനിക്ക് അറിയാം, എനിക്കേ അറിയൂ….. അതുകൊണ്ട് പറയാ നീ സെലെക്ഷന് പോവണം, ഇത് ഞാൻ കള്ളിന്റെ പുറത്ത് പറയുന്നതല്ല ട്ടോ, നല്ല ബോധത്തോടെ തന്നെയാണ്….” അത് പറയുമ്പോഴും അവന്റെ നാവ് കുഴയുന്നുണ്ട്..

“അത് മനസ്സിലായി……… നാളെ ബോധം വന്ന നീ തന്നെ പറയും വല്ല ഇന്റർവ്യൂ ഉണ്ടോ എന്ന് തപ്പി നോക്കാൻ…”

“ഏയ് ഒരിക്കലും ഇല്ല, ശരിയാണ് മദ്യം അകത്തു ഉണ്ടായത് കൊണ്ട് രണ്ടാമത് ചിന്തിക്കാൻ നിന്നില്ല, പക്ഷെ ഈ കാര്യത്തിൽ നാളെയും എനിക്ക് ഈ ഒരു അഭിപ്രായം തന്നെ ആയിരിക്കും, നീ നിന്റെ സ്വപ്നത്തിന്റെ പുറകെ പോവണം…… നിനക്ക് വേണ്ടി മാത്രമല്ല, യാമിനിക്ക് വേണ്ടി കൂടി… ഇന്ന് നീ ഈ തീരുമാനം എടുക്കാൻ ഒരു പ്രധാന കാരണം യാമിനി നിന്റെ ജീവിതത്തിൽ വന്നതാണ്, പക്ഷെ ഭാവിയിൽ ഒരു ദിവസം ചിന്തിക്കുമ്പോൾ നിനക്ക് തന്നെ എടുത്ത തീരുമാനം തെറ്റായി പോയി എന്ന് തോന്നിയാൽ അത് നിങ്ങളുടെ ബന്ധത്തെ തന്നെ ബാധിക്കാൻ സാധ്യതയുണ്ട്…. അതുകൊണ്ടാണ് ഞാൻ പറയുന്നത് നീ ഒന്നൂടെ ആലോചിച്ച് തീരുമാനിക്ക്” അവൻ പറയുന്നതിലും കാര്യമുണ്ട് എന്ന് തോന്നുന്നു, ഈ മൈരൻ ഈയിടെ ആയിട്ട് വല്ലാതെ പക്വത വന്നിട്ടുണ്ട്…. അടിച്ച് പിമ്പിരി ആണെങ്കിലും പറയുന്നത് ഒക്കെ പോയിന്റ് ആണ്, അല്ല ഇനി ഞാനാണോ അടിച്ച് പിമ്പിരി ആയത്??

“നീ ഒന്ന് ട്രൈ ചെയ്തു നോക്ക് ടോണിക്കുട്ടാ…… കിട്ടിയ കിട്ടി പോയ പോയി, പിന്നീട് ഒരു കുറ്റബോധം ഉണ്ടാവരുത്…….. പിന്നെ ഈ ഫുട്ബോൾ കളിച്ചാലും കുറച്ച് പൈസ ഒക്കെ കിട്ടില്ലേ, ബാക്കി നമുക്ക് എന്തെങ്കിലും ഒക്കെ ചെയ്യാ ഡാ…..” അവൻ എന്നെ കൺവിൻസ് ചെയ്യാൻ അങ്ങനെ പലതും പറഞ്ഞുകൊണ്ടിരുന്നു, എനിക്കും ഉള്ളിൽ ഒന്ന് ശ്രമിച്ചു നോക്കാം എന്ന് തോന്നി തുടങ്ങിയിരുന്നു…… ശരിയാണ് അവൻ പറഞ്ഞത് പോലെ പിന്നീട് ഒരു കുറ്റബോധം തോന്നരുത്, ഈ കുറ്റബോധം വന്നു പോയാൽ പിന്നെ ജീവിതം തന്നെ തകർന്ന് പോവും…. ###

ആ കുപ്പി മൊത്തം തീർത്ത ശേഷം ഞങ്ങൾ രണ്ടുപേരും അവിടെ തന്നെ കിടന്ന് ഉറങ്ങിപ്പോയി, അടിച്ച് പൂക്കുറ്റി ആയിട്ട് ഇങ്ങനെ ഓപ്പൺ എയറിൽ കിടന്ന് ഉറങ്ങുന്ന സുഖം, വൗ…… നല്ല കാറ്റും പക്ഷെ അത്ര സുഖിക്കാൻ ഒന്നും പറ്റിയില്ല, കൊതുക്ക് ചോര ഊട്ടി കുടിക്കാൻ തുടങ്ങിയപ്പോഴാണ് ഞാൻ എഴുന്നേറ്റത്……. വിഷ്ണു തൊട്ടടുത്ത് ഫ്ലാറ്റ് ആയി കിടക്കുന്നുണ്ട്, ഫോൺ നോക്കിയപ്പോൾ സമയം ഏഴ് മണി ആയിരിക്കുന്നു, ഹോ എത്ര പെട്ടെന്നാണ് സമയം പോവുന്നത്…

“പിന്നിൽ നിന്ന് ചവിട്ടാൻ ആർക്കും പറ്റും, ധൈര്യം ഉണ്ടെകിൽ മുനിൽ വാടാ നായിന്റെ മോനെ പട്ടി പൂറി……” സുഖമായി കമിഴ്ന്നു കിടക്കുന്ന വിഷ്ണുവിന്റെ പിന്നാമ്പുറം നോക്കി ഒരു ചവിട്ട് കൊടുത്തപ്പോൾ അവൻ പറഞ്ഞതാണ്, ആശാൻ നല്ല ഉറക്കത്തിലാണ്, എന്തോ സ്വപ്നം കണ്ടതാണ്….. ഞാൻ നല്ല ഒരു ചവിട്ടും കൂടി കൊടുത്തപ്പോൾ അവൻ ചാടി എഴുന്നേറ്റു സാധാരണ ഈ ഉറങ്ങി കിടക്കുന്നവരെ എഴുന്നേല്പിക്കുക എന്നത് എനിക്ക് ഇഷ്ടമല്ലാത്തതാണ്, എങ്കിലും ഉള്ളിൽ റം ഉള്ളതു കൊണ്ട് ഇത്തിരി അക്രമം മൂഡ് ഓൺ ആയതാണ്….

“ഹോ എന്താ മൈരേ നിന്റെ അപ്പൻ പെറ്റോ??”

ചാടി എഴുന്നേറ്റ ശേഷം കാര്യം മനസിലായപ്പോൾ ഉറക്കം നശിപ്പിച്ച ദേഷ്യത്തിൽ അവൻ എന്നോട് ചോദിച്ചു“ഇല്ല നിന്റെ ഡാഡി മിസ്റ്റർ. ഗിരി പെറ്റു, രണ്ട് പട്ടി കുട്ടികളും ഒരു ചിമ്പാൻസിയും……… വാ ഓരോ കിലോ ആപ്പിളും ഓറഞ്ചും വാങ്ങി പോവാം”

“ക ക ക ക കാ….. .വല്യ തമാശ” ഞാൻ പിന്നെ ഒന്നും പറയാൻ നിന്നില്ല, പോക്കറ്റിൽ നിന്ന് ഒരു സിഗരറ്റ് എടുത്ത് കത്തിച്ചു…….. വിഷ്ണു എഴുന്നേറ്റ് തലയിൽ കയ്യും വെച്ച് ഇരിക്കുന്നുണ്ട്…

“ഞാൻ പോവട്ടെ…….നാളെ കാണാ” എന്നും പറഞ്ഞ് വിഷ്ണു എഴുന്നേറ്റു

“എന്ത് പറ്റി നേരത്തെ??”

“അടിക്കുന്ന ദിവസം നേരത്തെ വീട്ടിൽ കയറണം എന്നാണ് ഓർഡർ”

“രാത്രി ലേറ്റ് ആയിട്ട് ബോധം ഇല്ലാതെ പോയി ജിമ്മിന്റെ സ്ഥലം കൈയടക്കണ്ട എന്ന് കരുതി പറഞ്ഞതാവും”

“പോ മൈരേ……” എന്നും പറഞ്ഞ് അവൻ എഴുന്നേറ്റ് മൂട്ടിലെ പൊടി തട്ടിയിട്ട് താഴേക്കുള്ള കോണി ഇറങ്ങി, വലിച്ച് തീരാനായ സിഗരറ്റും കുത്തി കെടുത്തി ഞാനും പിന്നാലെ ഇറങ്ങി….

യാമിനി അകത്ത് ആയിരുന്നു, വിഷ്ണു വേഗം അവളെ മുനിൽ പെടാതെ ഇറങ്ങി പോയി, പക്ഷെ എനിക്ക് അങ്ങനെ എസ്‌കേപ്പ് അടിക്കാൻ പറ്റില്ലല്ലോ….. അല്ലെങ്കിലും ഞാൻ എന്തിനാ പേടിക്കുന്നത്, ഞാൻ ഇതിന് മുന്നെയും അവൾ ഉള്ളപ്പോൾ അടിച്ചിട്ടുണ്ടല്ലോ… പക്ഷെ ഇപ്പോ എന്തോ ആദ്യം അടിച്ചിട്ട് വീട്ടിൽ കയറിയിരുന്ന സമയത്ത് മേരി മണം പിടിക്കുമോ എന്ന് പേടിച്ച് നടന്നിരുന്ന ആ ഒരു ഫീൽ ആണ് തോന്നുന്നത്…. എന്തായാലും ഞാൻ അവളുടെ മുനിൽ പോയി പെടാതെ കുറച്ചു സമയം പുറത്ത് ഇറങ്ങി നടന്നു….. ###

“വിഷ്ണു കുടിച്ചിട്ട് മണം ഇവിടെ ആണല്ലോ…….” രാത്രി ഭക്ഷണം കഴിക്കാൻ ഇരിക്കുമ്പോൾ അവൾ കയ്യോടെ പൊക്കി, ഞാൻ ഒന്നും മിണ്ടാതെ ഇരുന്ന് ഭക്ഷണം കഴിച്ചു….. ഛെ വേണ്ടായിരുന്നു എന്ന് മാത്രമാണ് മനസ്സിൽ ഇപ്പോ തോന്നുന്നത്, എന്റെ ഇഷ്ടം അവളോട്‌ തുറന്നു പറഞ്ഞ ദിവസമാണ്…… നല്ല ബോധത്തിൽ ആയിരുന്നെങ്കിൽ ഇന്ന് രാത്രി തന്നെ അവളെ കൊണ്ട് എന്നെ ഇഷ്ടമാണെന്ന് പറയിപ്പിക്കാമായിരുന്നു.

ഭക്ഷണം കഴിച്ച ശേഷം അവൾ അടുക്കളയിലേക്ക് പാത്രങ്ങൾ എടുത്ത് വെക്കാൻ പോയ സമയത്ത് ഞാൻ പുറത്തിറങ്ങി ഒരു സിഗരറ്റ് കത്തിച്ചു….. വലിച്ചു കഴിഞ്ഞ് ഞാൻ അകത്തേക്ക് ചെന്നപ്പോഴും അവൾ അടുക്കളയിൽ തന്നെയാണ്, ഞാൻ ഒന്ന് ഫ്രഷ് ആവാം എന്ന് കരുതി നേരെ കുളിമുറിയിൽ കയറി, ഞാൻ കാലും മുഖവും കഴുകി ഫ്രഷ് ആയി വരുമ്പോൾ കാണുന്നത് യാമിനി താഴെ കിടക്കാൻ വേണ്ടി വിരിച്ച് സെറ്റ് ആകുന്നതാണ്, അടിച്ച് സെറ്റ് ആയത് കൊണ്ട് ഒന്നും മിണ്ടാതെ ഞാൻ കയറി കട്ടിലിൽ കിടന്നു, അവൾ എന്നെ ഒരു നോട്ടം നോക്കിയ ശേഷം നേരെ പോയി ലൈറ്റ് ഓഫാക്കി താഴെ കിടന്നു……. ഒരു ഫുള്ളാണ് ഞങ്ങൾ രണ്ടുപേരും കൂടി അടിച്ചു തീർത്തത്, അതുകൊണ്ട് ആയിരിക്കാം കിടന്നതേ ഓർമ്മയുള്ളു…… നിദ്രാദേവി കനിഞ്ഞെന്ന് മാത്രമല്ല, എന്നെയും കൊണ്ട് മറ്റൊരു ലോകത്തേക്ക് പറക്കുകയായിരുന്നു… ###

രാവിലെ ഇപ്പോ യാമിനി അടുക്കളയിൽ പാത്രങ്ങളോട് യുദ്ധം ചെയ്യുന്ന ശബ്ദം കേട്ടുകൊണ്ട് ഉണരുന്നത് ഒരു ശീലം ആയിരിക്കുന്നു, ഇന്നും അത് തന്നെ സംഭവിച്ചു…..

“ഇതാ ചായ…….” എഴുന്നേറ്റ് പല്ല് തേച്ച ശേഷം പുറത്ത് റോഡിലെ കാഴ്ചകൾ നോക്കി നിൽകുമ്പോൾ ഒരു ഗ്ലാസ്സ് കട്ടൻ ചായയുമായി യാമിനി എത്തി…

“താങ്ക്സ്…..” ചിരിച്ചുകൊണ്ട് ഞാൻ ആ ഗ്ലാസ്സ് വാങ്ങി പക്ഷെ അവൾ ഒന്ന് തിരിച്ച് ചിരിക്കുക പോലും ചെയ്യാതെ ഞാൻ നോക്കിയിരുന്ന സ്ഥലത്തേക്ക് എത്തിനോക്കി, നോം നോക്കി നിന്നത് വേറെ എങ്ങോട്ടും അല്ല, ഒരു ഡസൻ തരുണീ മണികൾ രാവിലെ തന്നെ കുളിച്ച് ഒരുങ്ങി വന്നു നിൽക്കുന്ന ബസ്‌സ്റ്റോപ്പിലേക്ക് തന്നെ ആയിരുന്നു, അത് അവൾ വ്യക്തമായി കണ്ടു…

“മ്മ്?? “ ഞാൻ അവളുടെ പ്രതികരണം അറിയാൻ വേണ്ടി മുഖത്തേക്ക് നോക്കിയപ്പോൾ അവൾ ചോദ്യ ഭാവത്തിൽ എന്നെ നോക്കി, ഞാൻ ഒന്നുമില്ല എന്ന രീതിക്ക് ചുമൽ അനക്കി കാണിച്ചു…

“വാ അകത്ത് പോയി ഇരുന്ന് കുടിക്കാ…….” എന്നും പറഞ്ഞ് അവൾ എന്നെയും പിടിച്ചു വലിച്ച് അകത്തേക്ക് നടന്നു, എനിക്ക് എന്തെന്നില്ലാത്ത സന്തോഷം തോന്നി…. ഒന്നാമത് അവൾക്ക് ഞാൻ മറ്റുള്ള പെണ്ണുങ്ങളെ നോക്കുന്നത് ഇഷ്ടപ്പെടുന്നില്ല എന്നത് തന്നെ, പിന്നെ അവൾ അധികാരത്തോടെ എന്റെ കയ്യിൽ പിടിച്ചു വലിച്ചാണ് അകത്തേക്ക് നടക്കുന്നത്…. ഇത് മാത്രം മതി അവൾ എന്നെ ഭർത്താവായി അംഗീകരിച്ചു എന്ന് ഉറപ്പ് വരുത്താൻ……. കെട്ടിപ്പിടിച്ച് ഒരു ഉമ്മ കൊടുത്താലോ?? വേണ്ട ചീപ്പ്‌ ആവും…

“മ്മ്…….. എന്താ??” അകത്ത് എത്തിയ ശേഷം അവളെ നോക്കി ചിരിച്ചുകൊണ്ട് നിന്നപ്പോൾ അവൾ ചോദിച്ചു

“ഏയ് ഒന്നുമില്ല……… ഇനിയെങ്കിലും തുറന്ന് പറഞ്ഞൂടെ എന്നെ ഇഷ്ടമാണെന്ന്…”

“പറയാതെ തന്നെ മനസിലാക്കണം, അതാണ് യഥാർത്ഥ സ്നേഹം” എന്നും പറഞ്ഞിട്ട് എന്റെ മുഖത്തേക്ക് നോക്കാതെ അവൾ തിരിഞ്ഞു നടന്നു…

“ഓ വല്യ ആള്, ഇന്നലെ ഞാൻ പറഞ്ഞപ്പോഴല്ലേ എന്റെ ഇഷ്ടം മനസിലായത്??” ഞാൻ പുറകിൽ നിന്നും വിളിച്ച് ചോദിച്ചു…

“അല്ല….” തിരിഞ്ഞ് നോക്കാതെ അതും പറഞ്ഞ് അവൾ അടുക്കളയിലേക്ക് നടന്നു…

“പിന്നെ??”

ഞാൻ പിന്നാലെ അടുക്കളയിലേക്ക് ചെന്നിട്ട് ചോദിച്ചു, ബട്ട്‌ നോ പ്രതികരണം…. തിരിഞ്ഞ് നോക്കാതെ ചായ പാത്രം കഴുകുകയാണ് എന്റെ പ്രിയ പത്നി

“ ഹ പറയെടോ……..” ഞാൻ ക്ഷമ നശിച്ചുകൊണ്ട് വീണ്ടും ചോദിച്ചു…

“അന്ന് രാത്രി മഴയത്ത് കെട്ടിപ്പിടിച്ചില്ലേ, അപ്പൊ മനസിലായി…” അല്പ സമയത്തെ മൗനത്തിന് ശേഷം അവൾ അത് പറഞ്ഞപ്പോൾ ഞാൻ ശരിക്കും ഞെട്ടി, അന്നത്തെ ആ ആലിംഗനത്തിന്റെ അർത്ഥം അവൾ മനസ്സിലാക്കിയിരുന്നു… സന്തോഷം കൊണ്ട് എനിക്ക് തുള്ളി ചാടാൻ തോന്നി…..

എനിക്ക് പുറം തിരിഞ്ഞ് നിന്ന യാമിനിയെ ഞാൻ പുറകിൽ നിന്നും കെട്ടിപ്പിടിച്ചു, ഒന്ന് ഞെട്ടിയെങ്കിലും അവൾ എന്റെ ദേഹത്തേക്ക് ചായ്ഞ്ഞു നിന്നു…. കുറച്ചു നേരത്തേക്ക് ഞങ്ങൾ രണ്ടുപേരും ഒന്നും മിണ്ടിയില്ല, ഒന്ന് അനങ്ങുക പോലും ചെയ്യാതെ അങ്ങനെ നിന്നു… ഒന്നായി…….. ഈ മൗനം സുന്ദരിയാണ്, എന്റെ മീനുവിനെ പോലെ…

“നീ ഒരുപാട് വിഷമങ്ങൾ അനുഭവിച്ചിട്ടുണ്ടെന്ന് അറിയാം, ഇനിയുള്ള ജീവിതം പക്ഷെ നമ്മൾ ഒരുമിച്ച് അടിച്ചു പൊളിച്ച് ജീവിക്കുന്നു…. സമ്മതം ആണോ??” അങ്ങനെ കെട്ടിപ്പിടിച്ച് നിന്നുകൊണ്ട് തന്നെ ഞാൻ അവളുടെ ചെവിയിൽ പറഞ്ഞു… ഉത്തരമായി അവൾ ഒന്ന് മൂളുക മാത്രം ചെയ്തു…പക്ഷെ വയറിലൂടെ ചുറ്റി പിടിച്ച കയ്യിലേക്ക് ഒരു തുള്ളി വെള്ളം ഉറ്റിയപ്പോഴാണ് അവൾ കരയുകയാണെന്ന് മനസിലായത്.. ഞാൻ അവളെ പിടിച്ചു തിരിച്ച് എനിക്ക് നേരെ നിർത്തിയപ്പോൾ കാണുന്നത്, പെണ്ണ് ചിരിച്ചുകൊണ്ട് കരയുന്നതാണ്… ഞാൻ ആ കവിളിലൂടെ ഒലിച്ചു ഇറങ്ങുന്ന കണ്ണീർ തുള്ളികൾ തുടച്ചു മാറ്റിയപ്പോൾ അവൾ എന്റെ നെഞ്ചിലേക്ക് കിടന്നു….

“മീനൂസേ…………”

“മ്മ്…….” ഞാൻ പ്രണയാത്മകമായി വിളിച്ചപ്പോൾ എന്റെ നെഞ്ചിൽ മുഖം പൂഴ്ത്തികൊണ്ട് തന്നെ അവൾ വിളി കേട്ടു…

“ഒരു നഴ്സ് ആവുക എന്നത് തന്റെ ഡ്രീം ആയിരുന്നില്ലേ, ആ ആഗ്രഹം ഇപ്പോഴും ഉള്ളിൽ ഉണ്ടെങ്കിൽ ഒന്ന് ശ്രമിച്ച് നോക്കിയാലോ??..” അതിനുള്ള മറുപടി അവൾ തന്നത് എന്നെ ഒന്നുകൂടി മുറുകെ കെട്ടിപ്പിടിച്ചുകൊണ്ട് ആയിരുന്നു, അവൾ ഈ നിമിഷം അനുഭവിക്കുന്ന സന്തോഷം എല്ലാം ആ ആലിംഗനത്തിൽ പ്രതിഫലിച്ചു…

“അതുപോലെ എന്റെ ഒരു വലിയ സ്വപ്‌നം ആയിരുന്നു ഒരു ഫുട്ബോൾ കളിക്കാരൻ ആവുക എന്നത്, ഇപ്പൊ അതിനുള്ള ഒരു അവസരം വന്നിട്ടുണ്ട്, ഞാൻ ഒന്ന് ശ്രമിച്ച് നോക്കിയാലോ എന്നുണ്ട്…….. എന്താണ് തന്റെ അഭിപ്രായം…” ഞാൻ അത് പറഞ്ഞ് കഴിഞ്ഞപ്പോൾ അവൾ എന്റെ ദേഹത്ത് നിന്നും അകന്ന് മാറി നിന്നിട്ട് എന്റെ കണ്ണിലേക്കു തന്നെ നോക്കി കുറച്ചു നേരം നിന്നു….

“സ്വപ്‌നങ്ങൾ സാക്ഷാത്കരിക്കുക, ഒരുപാട് സ്വപ്നം കണ്ട ജീവിതം ജീവിക്കാൻ കഴിയുക എന്നൊക്കെ പറയുന്നത് ഭാഗ്യമാണ്, അധികം ആർക്കും സാധിക്കാത്ത കാര്യമാണ്…… പക്ഷെ ഞാൻ ഇപ്പോ അങ്ങനെ ഒരു സാഹചര്യത്തിലാണ്, സ്വപ്നത്തിന്റെ പുറകെ പോവണം, ഞാൻ ഉണ്ടാവും എന്തിനും കൂടെ…………..” എന്റെ കണ്ണിലേക്കു തന്നെ നോക്കി കൊണ്ടാണ് അവൾ അത് പറഞ്ഞത്…

എന്തിനും കൂടെ തന്നെ ഉണ്ടാവുമെന്ന് അവൾ പറഞ്ഞു, പക്ഷെ എന്റെ മനസ്സിൽ ആ നിമിഷം തോന്നിയത് മറ്റൊരു ചോദ്യമാണ്….

“എന്ത് സാഹചര്യം??” അവൾ പറഞ്ഞ ആ സാഹചര്യം എന്താണെന്ന് എനിക്ക് മനസിലായില്ല

“അത് പിന്നെ……….. ആ വീട്ടിൽ നരക തുല്യമായ ജീവിതത്തിലൂടെ കടന്നു പോകുമ്പോൾ ഞാൻ ഇടയ്ക്ക് സ്വപ്‌നം കാണാറുണ്ടായിരുന്നു എന്റെ കൃഷ്‌ണൻ എനിക്ക് വേണ്ടി ഒരാളെ അയക്കുന്നതും, അങ്ങനെ എന്റെ ജീവിതത്തിലേക്ക് സന്തോഷം കടന്നുവരുന്നത്…… ആ സ്വപ്‌നം ഇപ്പോ യാഥാർഥ്യം ആയില്ലേ”.

“ഇനി പഴയ കാര്യങ്ങൾ ഒന്നും ആലോചിക്കേണ്ട, പിന്നെ ആ തള്ളയ്ക്ക് വേണമെങ്കിൽ നമുക്ക് ഒരു പണി കൊടുക്കാം”

“ഏയ് വേണ്ട………. എനിക്ക് അവരോട് ഒരു ദേഷ്യവും ഇല്ല, നന്ദിയാണ്…….. അവർ അന്ന് ആ മുറിയിൽ കിടക്കാൻ പറഞ്ഞത് കൊണ്ടല്ലേ എനിക്ക് എന്റെ ലുട്ടാപ്പിനെ കിട്ടിയത്….” വളരെ ഇമോഷണൽ ആയിട്ടാണ് അവൾ അത് പറഞ്ഞതെങ്കിലും അവസാനത്തെ ആ ലുട്ടാപ്പി എന്ന വിളി എനിക്ക് അത്ര ഇഷ്ടമായില്ല…

“വേണ്ടെങ്കിൽ വേണ്ട……… പക്ഷെ ഈ ലുട്ടാപ്പി വിളി ഒരു സുഖമില്ല ട്ടോ……”

“ന്റെ ലുട്ടാപ്പിനെ ഞാൻ പിന്നെ എന്താ വിളിക്കാ….” അവൾ ചെറു പരിഭവത്തോടെ പറഞ്ഞു….. ആ മുഖഭാവം കാണുമ്പോൾ വേണ്ടെന്ന് പറയാൻ തോന്നില്ല….

“ശരി, നമ്മൾ മാത്രം ഉള്ളപ്പോൾ വിളിച്ചോ……… എന്റെ മീനൂട്ടിക്ക് ഇഷ്ടമുള്ളത് എന്തും” ഞാൻ അത് പറഞ്ഞപ്പോൾ പക്ഷെ പെണ്ണിന്റെ മുഖം മാറി, ആാാ മുഖത്ത് വീണ്ടും സങ്കടം… ആ കണ്ണുകൾ വീണ്ടും നിറഞ്ഞു, പക്ഷെ അത് സന്തോഷംകൊണ്ട് ആയിരുന്നില്ല…

“അയ്യോ എന്ത് പറ്റി?? എന്തിനാ എന്റെ മീനൂട്ടി കരയുന്നത്?? അവളുടെ മുഖം കൈ വെള്ളയിൽ ഒതുക്കി കൊണ്ട് ഞാൻ ചോദിച്ചെങ്കിലും അവൾ കരഞ്ഞുകൊണ്ട് നിന്നു, എന്ത് പറ്റി പെട്ടെന്ന് എന്നറിയാതെ എന്റെ ഉള്ളും ഒന്ന് പിടച്ചു…. എന്ത് വിഷമം ആണെങ്കിലും ഞാൻ കൂടെ തന്നെ ഉണ്ടാവും എന്ന രീതിയിൽ ഞാൻ അവളെ എന്റെ നെഞ്ചിലേക്ക് കിടത്തി….

“അച്ഛനെ ഓർത്തു പോയി, അച്ഛനാണ് എന്നെ മീനൂട്ടി ന്ന് വിളിക്കാറ്….” കുറച്ചു നേരം എന്റെ നെഞ്ചിൽ കിടന്ന ശേഷം കരച്ചിൽ അവസാനിപ്പിച്ചിട്ട് അവൾ പറഞ്ഞു… അവളെ ആശ്വസിപ്പിക്കാൻ എനിക്ക് വാക്കുകൾ ഇല്ലായിരുന്നു, ഞാൻ എന്റെ മീനൂനെ ഒന്നൂടെ മുറുകെ കെട്ടിപ്പിടിച്ചു….. പൊതുവെ ആളുകൾ കരയുന്നത് കണ്ടാൽ എനിക്ക് വിഷമം വരും, ഇത് എന്റെ മീനു…….. അവൾ വിഷമിക്കുന്നത് കാണുമ്പോൾ എന്റെ നെഞ്ച് പിടക്കുന്നു….. എന്ത് വില കൊടുത്തും അവളുടെ അച്ഛനെ ജയിലിൽ നിന്ന് ഇറക്കണം എന്ന് ഞാൻ തീരുമാനിച്ചു.

“ഉണ്ണിമായ പറഞ്ഞിരുന്നു…… അച്ഛൻ എങ്ങനെ ജയിലിൽ??” ഒരുപാട് സമയത്തെ മൗനത്തിന് വിരാമം ഇട്ടുകൊണ്ട് ഞാൻ മടിച്ചു മടിച്ച് ചോദിച്ചു..

“മീരമ്മയുടെ ഏട്ടൻ മനോജ്‌, അയാളാണ് അച്ഛന് ഗൾഫിൽ പോവാനുള്ള വിസയും കാര്യങ്ങളും എല്ലാം ശരിയാക്കി കൊടുത്തത്, പക്ഷെ അവിടെ എത്തിയപ്പോഴാണ് അത് ഒരു തട്ടിപ്പ് ആയിരുന്നു എന്ന് മനസ്സിലായത്…. ഒരു സൂപ്പർ മാർക്കറ്റിൽ ആയിരുന്നു അച്ഛന് ജോലി എന്നാണ് പറഞ്ഞിരുന്നത്… അവിടെ എത്തിയപ്പോൾ ഒരു ഏജന്റ് പറഞ്ഞു അച്ഛന് ജോലി ശരിയായിരുന്ന സൂപ്പർ മാർക്കറ്റിന്റെ ഓണർ ഒരു കേസിൽ പെട്ട് ജയിലിൽ ആണ്, തല്കാലം മറ്റൊരു ജോലി ശരിയാകാമെന്ന്… പക്ഷെ അവര് ഒന്നും ചെയ്തില്ല….. അവസാനം അച്ഛന്റെ ഒരു പഴയ കൂട്ടുക്കാരൻ ദേവസ്യ അങ്കിൾ, പുള്ളി അവിടെ ദുബായിൽ ആണ്…… പുള്ളിയുടെ പരിചയത്തിൽ അച്ഛന് ഒരു ജോലി ശരിയാക്കി കൊടുത്തു…. അത് കഴിഞ്ഞ് ദേവസ്യ അങ്കിൾ പറഞ്ഞിട്ട് അച്ഛൻ ആ ഏജൻസിയുടെ പേരിൽ ഒരു കേസും കൊടുത്തു… അത് കഴിഞ്ഞാണ് അച്ഛനെ അവർ……………… കള്ള കേസിൽ കുടുക്കിയത് ആയിരുന്നു……. ദേവസ്യ അങ്കിൾ തന്നെ അച്ഛനെ ജയിലിൽ നിന്ന് ഇറക്കി, പക്ഷെ അന്ന് ആ ജയിലിൽ നിന്ന് ഇറങ്ങിയ ശേഷം പിന്നെ അച്ഛനെ ആരും കണ്ടിട്ടില്ല….. എന്റെ അച്ഛന് എന്ത് പറ്റിയെന്ന് അറിയില്ല…… എന്റെ അച്ഛൻ…………….” എല്ലാം പറഞ്ഞ് അവസാനം മീനു വീണ്ടും കരയാൻ തുടങ്ങി, എന്നെ കെട്ടിപ്പിടിച്ചുകൊണ്ട് അവൾ പൊട്ടി കരഞ്ഞു, എന്റെ ഹൃദയം തുളയ്ക്കുന്ന കണ്ണുനീർ എന്റെ നെഞ്ചിലേക്ക് പടർന്നു

“മീനൂസേ………. ഞാൻ വാക്ക് തരുന്നു, നിന്റെ അച്ഛനെ നമ്മൾ കണ്ടുപിടിക്കും….. എന്നിട്ട് നിന്റെ അച്ഛനും എന്റെ അപ്പനും മേരിയും നമ്മളും പിന്നെ നമ്മുടെ കുട്ടി പട്ടാളങ്ങളും ഒക്കെ കൂടി ഒരുമിച്ച് അടിച്ചു പൊളിച്ച് ജീവിക്കും….” നെറുകയിൽ മുത്തിയിട്ട് ഞാൻ അത് പറഞ്ഞപ്പോൾ പെണ്ണിന്റെ മുഖത്ത് ഒരു പുഞ്ചിരി വിടർന്നു…. ഒരു കള്ള ചിരി, നമ്മുടെ കുട്ടിപട്ടാളത്തിന്റെ കാര്യം പറഞ്ഞത് കൊണ്ട് ആയിരിക്കും

“എന്തിനാടി ചിരിക്കുന്നേ….. നീ മേരിയോട് പറഞ്ഞത് ഒക്കെ ഞാൻ അറിഞ്ഞു” അവളുടെ വയറ്റിൽ ചെറുതായി പിച്ചികൊണ്ട് ഞാൻ പറഞ്ഞപ്പോൾ പെണ്ണിന്റെ മുഖത്ത് നാണം വിരിഞ്ഞു, ആ സൗന്ദര്യം ഇരട്ടി ആയതുപോലെ…

“എന്ത്??” ഞാൻ ഉദ്ദേശിച്ചത് മനസിലാവാത്ത പോലെയാണ് അവൾ ചോദിച്ചത്

“ഇപ്പോ കുട്ടികൾ വേണ്ട എന്നാണ് ഞാൻ പറഞ്ഞതെന്ന് നീ മേരിയോട് പറഞ്ഞില്ലേ ഡി കള്ളി….” മീനുവിനെ അരയിലൂടെ കയ്യിട്ട് എന്റെ അടുത്തേക്ക് അടുപ്പിച്ചിട്ടാണ് ഞാൻ അത് ചോദിച്ചത്

“അത് ഞാൻ………. പിന്നെ…… അമ്മച്ചി ചോദിച്ചപ്പോൾ പെട്ടെന്ന് വായിൽ വന്നത് പറഞ്ഞതാണ്” അവൾ എന്റെ മുഖത്തേക്ക് നോക്കാൻ മടിച്ചിട്ട് താഴെ നോക്കി പറഞ്ഞു…

“എങ്കിലേ എനിക്ക് അങ്ങനെ ഒന്നുമില്ല, എത്രയും പെട്ടെന്ന് ആവാം എന്നാണ് എനിക്ക്” ഞാൻ അത് കൂടെ പറഞ്ഞതോടെ പെണ്ണിന്റെ മുഖം ആകെ ചുവന്ന് തുടുത്തു, ആകെ ചമ്മലാണോ നാണമാണോ എന്ന് മനസിലാവുന്നില്ല”. ഞാൻ അവളുടെ നെറ്റിയിൽ ഒരു ചുംബനം കൊടുത്തപ്പോൾ പെണ്ണ് നിന്ന് വിറച്ചു…..

കൃത്യം സമയത്താണ് കോളിങ് ബെൽ അടിച്ചത്, ആരാണ് പണ്ടാരം ഈ സമയത്ത് എന്ന് ചിന്തിച്ചുകൊണ്ട് ഞാൻ പോയി വാതിൽ തുറന്നു,. പക്ഷെ പുറത്ത് ചിരിച്ചോണ്ട് നിൽക്കുന്ന ആളെ കണ്ടതോടെ എനിക്ക് വല്ലാത്ത സന്തോഷം തോന്നി, മേരി……. എന്റെ മേരിയാണ് പുറത്ത് മുപ്പത്തിരണ്ട് പല്ലും കാണിച്ച് ചിരിച്ചുകൊണ്ട് നിൽക്കുന്നത്…

“ഹാ ഇത് എന്താ മേരിയേ പെട്ടെന്ന് ഒരു മുന്നറിയിപ്പ് ഇല്ലാതെ”

“ഓ അടുത്ത പ്രാവശ്യം വരുമ്പോൾ ഒരു കത്ത് എഴുതി അറിയിച്ചിട്ട് വരാം….. മാറി നിൽക്ക് അങ്ങോട്ട്‌, ഞാൻ എന്റെ മോളെ കാണാൻ വന്നതാണ്” എന്നെ തള്ളി മാറ്റിയിട്ട് മേരി അകത്തേക്ക് കടന്നു, മേരിയേ കണ്ട പാടെ യാമിനി ഓടി വന്ന് കെട്ടിപ്പിടിച്ചു…… ഉഫ്ഫ്…… എന്താണ് രണ്ടിന്റെയും സ്നേഹ പ്രകടനം, ഒരു അമ്മച്ചിയും മോളും വന്നിരിക്കുന്നു…. ഹ്മ്മ്……. ഒടുക്കത്തെ സ്നേഹ പ്രകടനം, തീരുന്നുമില്ല……. ഇവിടെ ഇങ്ങനെ ഒരാൾ നിൽക്കുന്ന കാര്യം എല്ലാം രണ്ടുപേരും മറന്നിട്ടുണ്ട്….

“ചായ……….” ശ്രദ്ധ പിടിച്ചു പറ്റാൻ വേണ്ടി ഞാൻ ഉറക്കെ പറഞ്ഞു

“ഇപ്പോ കുടിച്ചിട്ടല്ലേ ഉള്ളു……..” യാമിനി എന്നെ നോക്കി ചോദിച്ചു

“ഹാ ഇത് മറ്റേത് ആണ് മോളെ…… മരുന്നില്ലാത്ത അസുഖം” ചിരിച്ചുകൊണ്ട് മേരി പറഞ്ഞപ്പോൾ കാര്യം മനസിലാവാതെ പെണ്ണ് മേരിനെ നോക്കി നിൽക്കുകയാണ്…

“അസൂയ അസൂയ” മേരി അത് കൂടെ കൂട്ടി ചേർത്തപ്പോൾ പെണ്ണ് കുടുകുടെ ചിരിക്കാൻ തുടങ്ങി, മേരി ഇപ്പോ പോവും നിന്നെ ഞാൻ അത് കഴിഞ്ഞ് എടുത്തോളാം പൊന്നു മോളെ”

“ബ്രേക്ക് ഫാസ്റ്റിന്റെ പണി ഒക്കെ കഴിഞ്ഞോ മോളെ……”

“ഇല്ല അമ്മച്ചി, ആവുന്നേ ഉള്ളു”

“നാ വാ…….. ആ പരിപാടി നോക്കാം” എന്നും പറഞ്ഞ് മേരി യാമിനിയെ കൂട്ടി അടുക്കളയിലേക്ക് നടന്നു, ഞാൻ ഫോണും എടുത്ത് പുറത്ത് ടെറസിൽ പോയി ഇരുന്നു…

നെറ്റ് ഓൺ ആക്കിയതും തുരു തുരെ നോട്ടിഫിക്കേഷൻസ് വരാൻ തുടങ്ങി…. ആദ്യം തന്നെ വാട്സ്ആപ്പ് ആണ് തുറന്നത്, അതിൽ സേവ് ചെയ്യാത്ത ഒരു നമ്പറിൽ നിന്ന് മെസ്സേജ് വന്നിട്ടുണ്ട്, ഡി.പി കണ്ടപ്പോൾ തന്നെ ചൈതന്യ ആണെന്ന് മനസിലായി,

“തീരുമാനം എടുത്തോ മാഷേ??” എന്നായിരുന്നു ആ മെസ്സേജ്, അതിനുള്ള മറുപടി കൊടുത്ത ശേഷം മറ്റുള്ള മെസ്സേജുകളും നോക്കിയിട്ട് ഞാൻ നേരെ യൂട്യൂബ് എടുത്ത് ഓരോ ഫുട്ബോൾ വീഡിയോസും കണ്ട് ഇരുന്നു…

“ഡാ…… വാ ദോശ കഴിക്കാം” മേരിയുടെ ശബ്ദം കേട്ടാണ് ഞാൻ ഫോണിൽ നിന്നും കണ്ണെടുത്തത്

“ഏഹ് ദോശയോ……… മേരി സ്പെഷ്യൽ ചമ്മന്തി ഉണ്ടോ??”

“ഇല്ല നിന്റെ കെട്ട്യോളെ സ്പെഷ്യൽ ചട്ടിണിയുണ്ട്….. വാ” എന്നും പറഞ്ഞ് മേരി അകത്തേക്ക് നടന്നു

“അപ്പൻ എവിടെ പോയി??”

“അങ്ങേര് രാവിലെ തന്നെ രമേശനെയും കൂട്ടി തോട്ടത്തിലേക്ക് പോയിട്ടുണ്ട്, അതുകൊണ്ട് ഞാൻ വിഷ്ണുവിനെ വിളിച്ചു, അവൻ ഓഫീസിൽ പോവുന്ന വഴിക്ക് എന്നെ ഇവിടെ ഇറക്കി തന്നു”

“ഓ പൊട്ടൻ എഴുന്നേറ്റ് ഓഫിസിൽ പോയോ??” അറിയാതെ വായിൽ നിന്ന് വീണുപോയതാണ്, മേരിക്ക് മദ്യപിക്കുന്നത്തിനോട് വലിയ എതിർപ്പ് ഒന്നും ഇല്ലെങ്കിലും ഓവർ ആവുന്നത് ഇഷ്ടമല്ല, ചിലപ്പോൾ അപ്പൻ ഡെയിലി ഓവർ ആവുന്നത് കൊണ്ട് ആവും.

“അത് എന്തേ??”

“ഇന്നലെ രണ്ടാളും കൂടി ഇവിടെ കള്ള് കുടി ആയിരുന്നു അമ്മച്ചി….. ഒരു ബോധവും ഇല്ലായിരുന്നു” മേരിയുടെ ചോദ്യത്തിന് യാമിനിയാണ് ചാടി കയറി മറുപടി കൊടുത്തത്….

“ആണോടാ” എന്നും പറഞ്ഞ് അപ്പൊ തന്നെ മേരി എന്റെ ചെവി പിടിച്ച് തിരിച്ചു, യാമിനി അതും നോക്കി ചിരിക്കുകയാണ്…

ഞങ്ങൾ മൂന്നുപേരും കൂടി ഒരുമിച്ച് കഴിക്കാൻ ഇരുന്നു, ഭാഗ്യത്തിന് യാമിനി വന്ന് എന്റെ അടുത്ത് തന്നെ ഇരുന്നു….. മേരിയുടെ മുനിൽ എന്നെ പെടുത്തിയതിന് പ്രതികാരം ചെയ്യാൻ പറ്റിയ അവസരം… ഞാൻ അവളുടെ കാലിനിട്ട് നല്ലൊരു ചവിട്ട് കൊടുത്തു….

“അയ്യോ അമ്മേ………….” പണി പാളി, പെണ്ണ് അലറി വിളിച്ചു

“അയ്യോ എന്താ, എന്ത് പറ്റി മോളെ” പെട്ട്, മേരി ഇടപെട്ടു….

“നോക്ക് അമ്മച്ചി, ന്റെ കാലിന് ചവിട്ടി……” യാമിനി ചിണുങ്ങി കൊണ്ട് പറഞ്ഞു…..

“അയ്യോ അത് നിന്റെ കാൽ ആയിരുന്നോ, ഞാൻ അറിഞ്ഞില്ല ട്ടോ”

“ഡാ മോനെ………പൊന്നു മോനെ ടോണികുട്ടാ, നിന്നെ ഞാൻ ഇന്നും ഇന്നലെയും കാണാൻ തുടങ്ങിയതല്ല… അവൾ എന്നോട് നിങ്ങൾ ഇന്നലെ കള്ള് കുടിച്ചത് പറഞ്ഞ ദേഷ്യം തീർത്തതല്ലേ എന്റെ മോൻ…….”

“അയ്യോ അല്ല മേരി, ഞാൻ അറിയാതെ ചവിട്ടി പോയതാണ്…. അല്ലെങ്കിലും ഇവിൾ എന്തിനാ കാല് കൊണ്ടുവന്ന് എന്റെ കാലിന്റെ അടിയിൽ വെക്കുന്നത്….”

ഞാൻ ചാടി കയറി പറഞ്ഞെങ്കിലും ഏറ്റില്ല എന്ന് മേരിയുടെ മുഖഭാവത്തിൽ നിന്ന് മനസിലായി…

“എന്താ മോളെ ഇപ്പോ ഇവന് ഒരു ശിക്ഷ കൊടുക്ക??” ഞാൻ പറഞ്ഞതൊന്നും ശ്രദ്ധിക്കാതെ മേരി യാമിനിയെ നോക്കി ചോദിച്ചപ്പോൾ എന്നെ നോക്കി ചിരിക്കുകയാണ് എന്റെ പ്രിയ പത്നി ചെയ്തത്, ഒന്നും വേണ്ട എന്നൊരു വാക്ക് പോലും അവൾ പറഞ്ഞില്ല…. ദുഷ്ടത്തി….

“ഒരു കാര്യം ചെയ്, കഴിച്ചു കഴിഞ്ഞിട്ട് മോൻ ഇവിടെ മൊത്തം ഒന്ന് അടിച്ചു വാര്….” മേരി എനിക്ക് വിധിച്ച ശിക്ഷ, അടിപൊളി….

“അയ്യോ വേണ്ട ഞാൻ ഇന്നലെ അടിച്ച് വാരിയതാണ്” യാമിനി പറഞ്ഞു, പെണ്ണിന് ഭർതൃ സ്നേഹം ഉണർന്നു…

“നീ മിണ്ടാതെ ഇരി കൊച്ചേ…….. ഇന്നലെ അടിച്ചു വാരി എന്ന് വെച്ച് ഇന്ന് ചെയ്യാൻ പാടില്ല എന്നുണ്ടോ?? ഇടയ്ക്ക് ഭാര്യയെ സഹായിക്കുന്നത് ഒക്കെ നല്ലതാണ്, ഇങ്ങനെ ഇവനെ കൊണ്ട് ഓരോന്നായി പഠിപ്പിക്കണം, ഒന്നേ ഉള്ളു എന്ന് കരുതി ലാളിച്ചതിൻടെ എല്ലാ കുറവും ഉണ്ട് ചെക്കന്……..” സബാഷ്…… മേരി കിട്ടിയ അവസരത്തിൽ എനിക്കിട്ട് നല്ലൊരു കൊട്ട് തന്നെ തന്നു… യാമിനിയും പിന്നെ ഒന്നും മിണ്ടാൻ നിന്നില്ല…

ഭക്ഷണം കഴിച്ചു കഴിഞ്ഞ് മറ്റൊരു മാർഗ്ഗവും ഇല്ലാത്തത് കൊണ്ട് ഞാൻ വേഗം ചൂലും കോരികയും എടുത്ത് പണി തുടങ്ങി, അധികം പൊടി ഒന്നും ഇല്ലാത്തത് കൊണ്ട് സംഗതി എളുപ്പം ആയിരുന്നു, പക്ഷെ ഞാൻ ചെയ്യുന്നതും നോക്കി രണ്ടാളും ഇരുന്ന് ചിരിക്കുന്നുണ്ട്, അതാണ് സഹിക്കാൻ പറ്റാത്തത്…….. നന്നായി പണി എടുക്കുമ്പോൾ വെറുതെ ഇരുന്ന് കളിയാക്കി ചിരിക്കുന്നത് എന്ത് കഷ്ടമാണ്……..

പെട്ടെന്ന് ഒരു ശബ്ദം കേട്ട് വാതിലിന് അടുത്തേക്ക് നോക്കിയപ്പോൾ കാണുന്നത് നിന്ന് കിതയ്ക്കുന്ന ചൈതന്യയെ ആണ്, സ്റ്റെപ്പ് ഓടി കയറിയതാവും…. തീരുമാനം എന്തായി എന്ന അവളുടെ മെസ്സേജിന് മറുപടിയായി ഞാൻ റിപ്ലൈ കൊടുത്തത് “പ്ലീസ് കം ടു മൈ പ്ലേസ്, ഇറ്റ്സ് അര്ജന്റ്” എന്നായിരുന്നു…………. വെറുതെ അല്ല പെണ്ണ് ഓടി പിടിച്ചു വന്നത്…

അവൾ കാണുന്നതിന് മുന്നെ ഞാൻ കയ്യിൽ ഉണ്ടായിരുന്ന ചൂലും കോരികയും ഒരു മൂലയിലേക്ക് ഇട്ടു, യാമിനിയും മേരിയും ആളെ മനസിലാവാതെ എന്താണ് സംഭവം എന്ന് നോക്കി ഇരിക്കുന്നുണ്ട്…

“ഹോ……… എന്താ അത്യാവശ്യം ആയിട്ട്……………. വരാൻ പറഞ്ഞത്??” കിതപ്പ് ഒന്ന് അടങ്ങിയപ്പോഴാണ് മുനിൽ നിൽക്കുന്ന എന്നെ അവൾ കണ്ടത്, എന്നെ കണ്ടതും അവൾ ചോദ്യം എറിഞ്ഞു…

“വെറുതെ…….. നിന്നെ ഒന്ന് കാണാൻ..”

“ഹോ പേടിപ്പിച്ചു കളഞ്ഞല്ലോ ദുഷ്ടാ….” എന്നും പറഞ്ഞ് എന്റെ വയറ്റിനിട്ട് നല്ലൊരു കുത്ത് തന്ന ശേഷമാണ് അവൾ ആകാംഷയോടെ എല്ലാം നോക്കി നിൽക്കുന്ന യാമിനിയെയും മേരിയെയും കണ്ടത്….

“ഇതാ നീ കാണണമെന്ന് പറഞ്ഞ ആള്……..നോക്കിയിട്ട് ഇഷ്ടപ്പെട്ടാൽ വാങ്ങിക്കോ, പിന്നെ റിട്ടേൺ പോളിസി ഒന്നുമില്ല ട്ടോ” മേരിയേ കാണിച്ചു തമാശ ആയിട്ട് ഞാൻ പറഞ്ഞതും ചൈതന്യയുടെ മുഖത്ത് ഞാൻ ഒരു വല്ലാത്ത തിളക്കം കണ്ടു…..

“വാ അകത്തേക്ക് കേറ്………………….. ഇനി രണ്ടാളെയും പ്രത്യേകം പരിചയ പെടുത്തേണ്ട കാര്യം ഇല്ലലോ…….” കുറ്റിയടിച്ച് നിൽക്കുന്ന യാമിനിയെയും മേരിയെയും കാണിച്ച് ചോദിച്ചപ്പോൾ വേണ്ട എന്ന രീതിയിൽ അവൾ തല ആട്ടി…

“ഇത് ചൈതന്യ…….. എന്റെ ഫ്രണ്ട് ആണ് ട്ടോ, അല്ല പിറക്കാതെ പോയ പെങ്ങൾ അല്ലേ……” അവളെ ഞാൻ മേരിക്കും യാമിനിക്കും പരിചയ പെടുത്തി കൊടുത്തു…..

“ഹായ്…… അമ്മച്ചി……….. ചേച്ചി” ചൈതന്യ രണ്ടാളെയും ഒന്ന് നോക്കി ചിരിച്ചുകൊണ്ട് ഒരു ഹായ് അങ്ങ് കൊടുത്തു…..

“നിങ്ങള് സംസാരിച്ച് ഇരിക്ക്……. ഞാൻ ഇപ്പോ വരാം” എന്നും പറഞ്ഞ് ഞാൻ പുറത്തേക്ക് ഇറങ്ങി, രണ്ട് എണ്ണത്തിന്റെ മുനിൽ തന്നെ പിടിച്ചു നിൽക്കാൻ പാടാണ്, അപ്പോഴാണ് മൂന്ന്……. കുറച്ചു നേരം പുറത്തൊക്കെ പോയി കറങ്ങി വരുന്നതാണ് എന്റെ ആരോഗ്യത്തിനു നല്ലതെന്ന് കരുതിയാണ് ഞാൻ അങ്ങനെ പറഞ്ഞത്…. ഇറങ്ങുമ്പോൾ മെല്ലെ ചൈതന്യയോട് രഹസ്യമായി അവളുടെ അച്ഛന്റെ കാര്യം ഒന്നും പറയണ്ട എന്ന് പറഞ്ഞു….. വെറുതെ എന്തിനാ എന്റെ മേരിയെ വിഷമിപ്പിക്കുന്നത്, പിന്നെ പറയാൻ നിന്നാൽ ഞാൻ അവരുടെ വീട്ടിൽ പോയത് തൊട്ട് എല്ലാം പറയേണ്ട വരും….

ഞാൻ ചൈതന്യയുടെ സ്കൂട്ടിയും എടുത്ത് ഇറങ്ങി, എന്റെ ഒരു കൂട്ടുക്കാരൻ ഉണ്ട് ജിംഷി, അവന്റെ ഇക്കാക്ക ഗൾഫിൽ ആണ്, .. ആള് അവിടെ അത്യാവശ്യം നല്ല ഹോൾഡ് ഒക്കെ ഉള്ള മനുഷ്യനാണ്…. പുള്ളി വഴി യാമിനിയുടെ അച്ഛനെ കുറിച്ച് ഒന്ന് അന്വേഷിച്ച് നോക്കണം….. അതാണ് ലക്ഷ്യം, അതുകൊണ്ട് ഞാൻ നേരെ ജിംഷിയെ കാണാൻ പോയി അവനോട് കാര്യങ്ങൾ ഒക്കെ പറഞ്ഞപ്പോൾ അവൻ അപ്പൊ തന്നെ അവന്റെ ഇക്കാക്കയെ വിളിച്ച് കാര്യം പറഞ്ഞു…. ഇക്ക അന്വേഷിക്കാം എന്ന് പറഞ്ഞിട്ടുണ്ട്.. കുറച്ച് നാളായി ഞാൻ ജിംഷിയെ കണ്ടിട്ട്, അതുകൊണ്ട് കുറച്ചു നേരം അവന്റെ കൂടെ ഇരുന്ന് സംസാരിച്ചു, ഉച്ച ആയപ്പോൾ അവന്റെ ഉമ്മ ഭക്ഷണം കഴിക്കാൻ നിർബന്ധിച്ചെങ്കിലും സ്നേഹത്തോടെ നിരസിച്ചിട്ട് ഞാൻ തിരിച്ച് പി.ബിയിലേക്ക് വിട്ടു…… മൂന്ന് പെണ്ണുങ്ങളും കൂടി അവിടെ മറിച്ചിട്ട് കാണുമോ എന്തോ

ഞാൻ എത്തി സ്റ്റെപ്പ് കയറി ചെല്ലുമ്പോൾ കാണുന്നത് എന്തോ തമാശ പറഞ്ഞ് മൂന്നെണ്ണം കൂടി കൂട്ട ചിരിയാണ്, അപ്പോഴേക്കും ഇവര് ഇത്ര ക്ലോസ് ആയോ……. ഹാ, അത്ഭുത പെടാൻ ഒന്നുമില്ല, മേരി ഉണ്ടല്ലോ….. ഇവരെ കൂടെ കൂടി യാമിനിയും വായാടി ആയി മാറുന്നുണ്ടോ എന്നാണ് എന്റെ ഇപ്പോഴത്തെ സംശയം….

“ഹാ നീ വന്നോ…..”

“ഇല്ല പോയി” മേരിയുടെ ചോദ്യത്തിന് ഞാൻ ഒരു ലോ ക്ലാസ്സ്‌ ചളി തന്നെ മറുപടിയായി കൊടുത്തു….

“ഹോ അവസ്ഥ………… മോളോട് വീട്ടീന്ന് ചീത്ത കൂട്ടുക്കെട്ടിൽ ഒന്നും പോയി പെടരുതെന്ന് പറഞ്ഞ് തരാറില്ലേ…” ചൈതന്യയെ നോക്കിയാണ് മേരി അത് ചോദിച്ചത്, നൈസ് ആയിട്ട് എനിക്കിട്ട് കൊട്ടിയതാണ്……. വിഷ്ണു വേഗം വന്നാൽ മതിയായിരുന്നു, ഇല്ലെങ്കിൽ മേരിയുടെ വേട്ട മൃഗം ഞാൻ ആയിരിക്കും, അവനെ കിട്ടിയാൽ പിന്നെ ഞാൻ രക്ഷപ്പെട്ടു, അവന്റെ മേലെ കേറിക്കോളും…

വൈകുന്നേരം വരെ ശരിക്കും സമയം പോയത് അറിഞ്ഞില്ല, മേരിയുടെ വലിയ തള്ളുകളും ചൈതന്യയുടെ ചെറിയ തള്ളുകളും ഒപ്പം എന്റെ സത്യസന്ധമായ ചില അഭിപ്രായങ്ങൾ കൂടെ ആയതോടെ പി.ബി ശരിക്കും ഒരു ടീച്ചറില്ലാത്ത ക്ലാസ്സ് റൂം ആയി മാറി….. ക്ലാസ്സിലെ പഠിപ്പി മോയന്ത് എന്റെ മീനൂട്ടിയും…. ക്ലാസ്സിലെ ഏറ്റവും അലമ്പ് പിന്നെ പറയേണ്ട കാര്യം ഇല്ലലോ, മേരി തന്നെ….

വൈകുന്നേരം വിഷ്ണു ഓഫീസിൽ നിന്ന് ഇറങ്ങാൻ ലേറ്റ് ആവുമെന്ന് പറഞ്ഞത് കൊണ്ട് മേരി ചൈതന്യയുടെ കൂടെ പോയി, അപ്പൻ തിരിച്ച് എത്തുന്നതിനു മുൻപ് ഹാജരാവണം അല്ലോ…… ###

“യൂ ടൂ ബ്രൂട്ടസി………. നീ എനിക്കിട്ട് പാര പണിയും അല്ലേ………..” അവർ പോയ ശേഷം ഞാൻ യാമിനിയെ ഒന്ന് ചെറുതായി ഞെട്ടിക്കാൻ തന്നെ തീരുമാനിച്ച് തുടക്കം ഇട്ടു.

“അത് പിന്നെ ഞാൻ………. ഉള്ളതല്ലേ പറഞ്ഞുള്ളു”

“ഓ അവള് വല്യ സത്യഭാമ…… ഇപ്പോ ഇവിടെ നിന്നെ രക്ഷിക്കാൻ മേരി ഇല്ല, ഇപ്പോ ഞാൻ നിന്നെ എന്ത് ചെയ്താലും ആരും അറിയില്ല…….” മുഖത്ത് പരമാവധി ക്രൂര ഭാവം വരുത്തിക്കൊണ്ട് അവളുടെ അടുത്തേക്ക് ചെന്നപ്പോൾ പേടിച്ചു പേടിച്ച് പുറകോട്ടു നീങ്ങി ചുമരിൽ തട്ടി നിന്നു പാവം, ആ മുഖഭാവം കാണുമ്പോൾ പാവം തോന്നുമെങ്കിലും എന്റെ ഉള്ളിലെ സാഡിസ്റ്റ് അതിലും ഒരു ഹരം കണ്ടെത്തി കഴിഞ്ഞിരുന്നു….

“എന്താ ഇപ്പോ ചെയ്യാ ഇവളെ………. കണ്ണ് പിഴുത് എടുത്താലോ?? അല്ലെങ്കിൽ വേണ്ട കൈ വിരൽ മുറിച്ച് എടുക്കാം” അവളെ അടുത്തേക്ക് പരമാവധി അടുത്ത് നിന്നിട്ട് ചിരി കണ്ട്രോൾ ചെയ്തുകൊണ്ട് ഞാൻ പറഞ്ഞു…

“തമാശ കളിക്കല്ലേ……… ന്ക്കി പേടി ആവുണു…..” പെണ്ണിന്റെ മുഖം ഒക്കെ മാറിയിട്ടുണ്ട്, പാവം ശരിക്കും പേടിച്ചു…… അതോടെ എന്റെ നിയന്ത്രണം വിട്ടുപോയി, ഞാൻ പൊട്ടി ചിരിച്ചു…. അതോടെ അവൾ എന്റെ നെഞ്ചിൽ ഇട്ട് വേദനിപ്പിക്കാതെ കുത്തി കളിക്കാൻ തുടങ്ങി….

“അയ്യേ, എന്റെ മീനൂട്ടി പേടിച്ചു പോയോ………… അയ്യയ്യേ” കളിയാക്കുക കൂടി ചെയ്തതോടെ ഇടിയുടെ പവർ അല്പം കൂടി……

🎵 യെഹ് യൂ കുഡ് ബി ദി ഗ്രേറ്റസ്റ്റ് യൂ ക്യാൻ ബി ദി ബെസ്റ്റ് യൂ ക്യാൻ ബി ദി കിങ് കോങ്ങ് ബാംഗിങ് ഓൺ യുവർ ചെസ്റ്റ് 🎵

പോക്കറ്റിൽ കിടന്ന് ഫോൺ അടിയാൻ തുടങ്ങി, എന്ത് കഷ്ടമാണ്…. മനുഷ്യൻ ഒന്ന് റൊമാന്റിക്ക് മൂഡിലേക്ക് വരുമ്പോൾ കൃത്യമായി എന്തെങ്കിലും വരും….

ഫോൺ എടുത്ത് നോക്കിയപ്പോൾ വിഷ്ണുവാണ്….. ഈ മൈരന് ഇപ്പോ എന്താ??

“ഡാ ചെറിയ സീന് ഉണ്ട്…… ഞാൻ ഓഫീസിന്ന് വരുന്ന വഴിക്ക് വണ്ടി ചെറുതായി ഒന്ന് തട്ടി” ഫോൺ എടുത്ത പാടെ അവൻ ചാടി കയറി പറഞ്ഞു…

“അയ്യോ എന്നിട്ട് നീ ഇപ്പോ എവിടെ……. എന്തെങ്കിലും പറ്റിയോ?? ഹോസ്പിറ്റലിൽ ആണോ??”

“എനിക്ക് പ്രശ്നം ഒന്നുമില്ല……. പക്ഷെ മറ്റേ പാർട്ടി ഫുൾ കൊളുത്ത് ആണ്, രണ്ട് ചെക്കന്മാര് ആണ്, അവർക്കും ഒന്നും പറ്റിയിട്ടില്ല…. പക്ഷെ അവിടെ വേദന ഇവിടെ വേദന എന്നൊക്കെ പറഞ്ഞ് എന്നെയും കൂട്ടി ഹോസ്പിറ്റലിലേക്ക് വന്നതാണ്, നഷ്ട പരിഹാരം കൊടുക്കണം എന്നാണ് പറയുന്നത്”

“ഏത് ഹോസ്പിറ്റൽ ആണ്??”

“ലിയോ….”

“ആഹ് ശരി ഞാൻ ഇപ്പോ വരാം” എന്നും പറഞ്ഞ് ഞാൻ ഫോൺ കട്ട് ചെയ്തു, യാമിനി ആകെ ടെൻഷൻ അടിച്ച് നിൽക്കുകയാണ്…… ഹോസ്പിറ്റൽ, എന്തെങ്കിലും പറ്റിയോ എന്നൊക്കെ പറയുന്നത് അവളും കേട്ടിരുന്നു….. അവളെ കാര്യം പറഞ്ഞു മനസിലാക്കിയിട്ട് ഞാൻ വേഗം ഹോസ്പിറ്റലിലേക്ക് ഇറങ്ങി….

ഹോസ്പിറ്റലിൽ എത്തിയപ്പോൾ ഫുൾ കോമഡി സീനാണ്, ചെക്കന്മാര് വിഷ്ണുവിനെ ഇപ്പം തല്ലും എന്ന മട്ടിലാണ് നിൽക്കുന്നത്, ക്സ്-റേ എടുത്തിട്ട് ഒന്നും ഒരു കുഴപ്പവും ഇല്ലെന്ന് പറഞ്ഞു, പിള്ളേര് പൈസ തട്ടാനുള്ള പ്ലാൻ ആണ്, എന്തോ ഭാഗ്യത്തിന് ദൈവ ദൂതനെ പോലെ ഒരാൾ വന്ന് ഇടപെട്ടത് കൊണ്ട് പ്രശ്നം സോൾവ് ആയി കിട്ടി… പുള്ളി ഒച്ചയും ബഹളവും കേട്ട് വന്നതായിരുന്നു, ആ പയ്യന്മാരെ കണ്ടപ്പോൾ പുള്ളിക്ക് മനസിലായി….ഇത് അവരുടെ സ്ഥിരം പരിപാടി ആണെന്ന് പുള്ളി പറഞ്ഞതോടെ ആളുകൾ മൊത്തം ഞങ്ങളുടെ ഭാഗത്തേക്ക് തിരിഞ്ഞു, ആ പയ്യന്മാര് വേഗം സ്ഥലം വിടുകയും ചെയ്തു…..

കാര്യമായിട്ട് ഒന്നും പറ്റിയില്ല എന്ന് പറഞ്ഞെങ്കിലും അവന് മേല് ഒക്കെ നല്ല വേദന എടുക്കാൻ തുടങ്ങിയിരുന്നു….. മുട്ടിന് ഒരു ചെറിയ മുറിവും ഉണ്ട്, അത് ഡ്രസ്സ്‌ ചെയ്‌ത ശേഷം ഞാൻ അവനെ വീട്ടിൽ കൊണ്ടുപോയി ആക്കി, കുറച്ച് നേരം അവന്റെ അച്ഛനോടും അമ്മയോടും സംസാരിച്ചിട്ട് അവന്റെ ബൈക്കും എടുത്ത് ഇറങ്ങുമ്പോഴേക്കും സമയം 9:30 ആയിരുന്നു………… അയ്യോ യാമിനി, പെണ്ണ് പേടിച്ച് ഇരിക്കുന്നുണ്ടാവും…. ഞാൻ പി.ബി ലക്ഷ്യമാക്കി ബൈക്ക് പറപ്പിച്ച് വിട്ടു… ###

“എന്തായി………… എങ്ങനെയുണ്ട് വിഷ്ണുന്??” വാതിൽ തുറന്നതും എന്നെ കണ്ടപ്പോൾ യാമിനി ചോദിച്ചു, പെണ്ണ് ഇതുവരെ ടെൻഷൻ അടിച്ച് ഇരിക്കുക ആയിരുന്നു എന്ന് ആ മുഖം കണ്ടാൽ അറിയാം..

“ഏയ് അവന് കുഴപ്പം ഒന്നുമില്ല, ഞാൻ അവനെ വീട്ടിൽ കൊണ്ടുപോയി ആക്കി”

“ഹോ പേടിച്ചു പോയിരുന്നു……..”

ഞാൻ മേല് കഴുകി വന്ന ശേഷം ഞങ്ങൾ രണ്ടുപേരും ഒരുമിച്ചിരുന്നു ഭക്ഷണം കഴിച്ചു, ഭക്ഷണം കഴിക്കുമ്പോൾ മേരി അവൾക്ക് ഒരു പുതിയ ഫോൺ കൊടുത്ത കഥ ഒക്കെ പറഞ്ഞു…… പെണ്ണിന്റെ സംസാരത്തിൽ നിന്ന് ചൈതന്യയെയും ഒരുപാട് ഇഷ്ടപ്പെട്ടു എന്നും മനസിലായി……… അല്ലെങ്കിലും എന്റെ പെണ്ണിന് ആരെയാണ് ഇഷ്ടം അല്ലാത്തത്, ഒരുപാട് ഉപദ്രവിച്ച ആ തള്ളയോട് പോലും പെണ്ണിന് ഒരു ദേഷ്യവും ഇല്ല എന്നാണ് പറഞ്ഞത്….. ഇതുപോലെ ഉള്ള പീസുകൾ അപൂർവ്വമേ കാണു

ഭക്ഷണം കഴിഞ്ഞ് ഞാൻ പുറത്തിറങ്ങി ഒരു സിഗരറ്റും വലിച്ചിട്ട് അകത്തേക്ക് ചെല്ലുമ്പോൾ യാമിനി കിടക്ക വിരി തട്ടി വിരിക്കുകയാണ്…

“ഇനി താഴെ വിരിക്കേണ്ട ആവശ്യം ഇല്ലാലോ……… കട്ടിലിൽ രണ്ടാൾക്ക് സുഖമായി കിടക്കാനുള്ള സ്ഥലം ഉണ്ടല്ലോ” ഞാൻ അത് പറഞ്ഞപ്പോഴേക്കും പെണ്ണിന്റെ മുഖം ചുവന്ന് വന്നു… നാൺ വന്നു നാൺ വന്നു, എന്റെ മീനൂട്ടിക്ക് നാൺ വന്നു

ഞാൻ ചാടി കയറി കട്ടിലിൽ കേറി കിടന്നിട്ട് അവളെ മാടി വിളിച്ചു, പെണ്ണിന് ആകെ ഒരു വെപ്രാളം…. നിന്ന് തിരിഞ്ഞ് കളിക്കുകയാണ്…..

“ഹാ ആ ലൈറ്റ് ഓഫാക്കിയിട്ട് വന്ന് കിടക്ക് പെണ്ണേ…….” ഞാൻ അല്പം ഗൗരവത്തിൽ പറഞ്ഞതോടെ അവൾ വേഗം പോയി ലൈറ്റ് ഓഫാക്കിയിട്ട് വന്ന് കട്ടിലിൽ എന്റെ അടുത്ത് കിടന്നു….

“പേടിയുണ്ടോ??”

“മച്………” അവൾ പല്ലി ചിലക്കുന്ന ശബ്ദത്തിൽ ഇല്ല എന്ന് മൂളി….

“എങ്കിലേ പേടിക്കണം……… ഞാൻ നിന്നെ കടിച്ച് തിന്നാൻ പോവാ………. തിന്നട്ടെ??” അവളെ മെത്തേക്ക് പകുതി കയറി കിടന്നിട്ട് മുഖത്തേക്ക് മുഖം അടുപ്പിച്ചു കൊണ്ട് ഞാൻ അത് ചോദിച്ചപ്പോൾ അവളുടെ ഹൃദയം മിടിക്കുന്നത് ഞാൻ അറിഞ്ഞു….

“അയ്യേ ഇങ്ങനെ ഒരു പേടിച്ച് തൂറി പെണ്ണ്…… അയ്യേ”

അവളെ മൂക്കിന് പിടിച്ചു വലിച്ചുകൊണ്ട് അത് പറഞ്ഞപ്പോൾ സ്പോട്ടിൽ കിട്ടി നല്ലൊരു നുള്ള്….

“നമുക്ക് കുറച്ച് ടൈം എടുക്കാം…… നമ്മൾ ഇനിയും അടുക്കണം, അത് കഴിഞ്ഞ് മതി ഫിസികൽ ആയിട്ട് ഒക്കെ…….. പോരെ??”

“മ്മ……..” അവൾ മതി എന്ന രീതിയിൽ ഒന്ന് മൂളി, ശ്വാസം ഇപ്പോഴാണ് നേരെ വീണത് എന്ന് തോന്നുന്നു…… അവൾക്ക് എന്നെ ഇഷ്ടമാണ്, പക്ഷെ ഒരു ശാരീരിക ബന്ധത്തിലേക്ക് കടക്കാൻ ആദ്യം മെന്റലി തയ്യാറായിരിക്കണം…. അത് മനസിലാകാതെ ചാടി കയറുന്നതല്ല ഒരു നല്ല പങ്കാളിയുടെ ക്വാളിറ്റി… നമ്മളോട് നോ പറയാൻ പറ്റാത്തത് കൊണ്ട് അവർ ചിലപ്പോൾ എതിർക്കില്ല, പക്ഷെ അങ്ങനെ ചെയ്യുന്നത് ആ ബന്ധത്തിൽ വീഴുന്ന ആദ്യത്തെ വിള്ളൽ ആയിരിക്കും….. എല്ലാത്തിനും ഉപരി നമ്മുടെ പങ്കാളിയോട് ചെയ്യുന്ന വലിയ തെറ്റാണ്….

“പക്ഷെ എനിക്ക് എന്റെ മീനൂട്ടിനെ കെട്ടിപ്പിടിച്ച് കിടക്കണം…….. സമ്മതം ആണോ??” അതിന് മറുപടി ഒന്നും പറയാതെ അവൾ എന്നെ മുറുകെ കെട്ടിപ്പിടിച്ചു…… എനിക്ക് അവളോട് ഉള്ളത് പോലെ തന്നെ അവൾക്ക് എന്നോടും ഉള്ള സ്നേഹം ഓരോ നിമിഷം കഴിയുംതോറും കൂടി കൂടി വരുകയാണ്………. ആ ആലിംഗനതിന്ടെ പവറിലുണ്ട് ആ സ്നേഹം….

ഞാൻ അവളെ നെറ്റിയിൽ ഒരു ചുംബനം കൊടുത്തു……. അതിന്റെ ചൂട് ആറും മുന്നെ ഇരു കവിളിലും ഓരോ ചുംബനം കൂടി കൊടുത്തു…. അവൾ ഓരോ ചുംബനവും സ്നേഹത്തോടെ ഏറ്റുവാങ്ങി……. ശേഷം ഞങ്ങൾ കെട്ടിപ്പിടിച്ച് ഒന്നായി കിടന്നു, ഒരു മനസ്സും ഒരു ശരീരവും ആയി മാറി കൊണ്ട് ഇരിക്കുകയാണ് ഞങ്ങൾ…….. അവളുടേത് ആവാൻ നിയോഗിക്ക പെട്ടവൻ ആണ് ഞാൻ, എന്റെ ആവാൻ അവളും….. മറ്റെല്ലാം ഞങ്ങളെ ഒന്നാകാൻ സഹായിച്ചവരും….. മീനുവിനെ ഇങ്ങനെ നെഞ്ചോട് ചേർത്ത് മുറുകെ കെട്ടിപ്പിടിച്ചു കിടക്കുമ്പോൾ ഞാൻ എല്ലാം മറക്കുന്നു…….

“അടങ്ങി കിടക്ക് ലുട്ടാപ്പി…….” അവൾ ഉറക്കത്തിലേക്ക് വഴുതി വീഴുന്നു എന്ന് തോന്നിയപ്പോൾ ഞാൻ മെല്ലെ എന്റെ താടി കൊണ്ട് മുഖത്ത് ഉരച്ച് ഇക്കിളി ആക്കിയതും പെണ്ണ് എനിക്കുള്ള താക്കീത് തന്നു

പിന്നെ ഞാൻ അടങ്ങി കിടന്നു, എനിക്ക് ഇത്രയും അനുസരണയോ അവളെ കെട്ടിപ്പിടിച്ചുകൊണ്ട് തന്നെ ഞാൻ ഉറക്കത്തിലേക്ക് വഴുതി വീണു….. ഇതുവരെ കിട്ടിയിട്ടുള്ളതിൽ വെച്ച് ഏറ്റവും നല്ല ഉറക്കം

രാവിലെ ഒരു പെണ്ണിന്റെ കരച്ചിൽ കേട്ടുകൊണ്ടാണ് ഞാൻ ഞെട്ടി എഴുന്നേറ്റത്….. കണ്ണ് തുറന്നപ്പോൾ കണ്ടത് എന്റെ ഉള്ളിലെ പിശാചിനെ ഉണർത്തുന്ന കാഴ്ചയും യാമിനിയെ കെട്ടിപ്പിച്ചുകൊണ്ട് കരയുന്ന ശ്രീലക്ഷ്മി…. ##############################################

“ഹാ നീ ഇവിടെ വന്ന് ഇരിക്കുകയാണോ……. ഞാൻ എവിടെ ഒക്കെ നോക്കി, ഫോണും സ്വിച്ച് ഓഫ്” വിഷ്ണു വന്ന് തട്ടി വിളിച്ചപ്പോഴാണ് ഞാൻ ഓർമ്മകളിൽ നിന്ന് ഉണർന്നത്, നോക്കുമ്പോൾ ഞാൻ ഹോസ്പിറ്റലിന്റെ പാർക്കിംഗ് ഏരിയയുടെ അടുത്തുള്ള ബെഞ്ചിൽ ഇരിക്കുകയാണ്, കുറെ നേരമായെന്ന് തോന്നുന്നു ഇരിക്കാൻ തുടങ്ങിയിട്ട്…..

“അയ്യോ എന്റെ പൊന്നു മോനെ, അകത്ത് ഒരു ചെങ്ങായിന്റെ കത്തി കേട്ട് സഹിക്കാൻ പറ്റാതെ ഇറങ്ങി പോന്നതാണ്…..”

“ഓ ഹൈദർ ഇക്ക ആവും….. ഭാര്യയുടെ അഞ്ചാം പ്രസവം കാത്ത് നിൽക്കുന്ന ഹൈദർ ഇക്ക” ചിരിച്ചുകൊണ്ട് വിഷ്ണു പറഞ്ഞു

“അഞ്ചാമത്തെ പ്രസവം……… അയാള്‌ തന്നെ, നിനക്ക് പുള്ളിനെ അറിയോ??”

“പിന്നെ ഇല്ലാതെ……. ഞാൻ ആയിരുന്നു ഇത്രയും നേരം പുള്ളിയുടെ വേട്ട മൃഗം…. കൊലപാതകം ആണ് മോനെ” വിഷമത്തോടെ അവൻ അത് പറഞ്ഞപ്പോൾ ഞാൻ ഒന്ന് ചിരിച്ചു

“അല്ല ഞാൻ പറയാൻ വന്ന കാര്യം മറന്നു, ശ്രീലക്ഷ്മി പ്രസവിച്ചു…… ആൺകുട്ടിയാണ്…..”

എന്തോ ഒരു ആശ്വാസം തോന്നി അത് കേട്ടപ്പോൾ ഞങ്ങൾ രണ്ടുപേരും കൂടി അകത്തേക്ക് നടന്നു, ഹൈദർ ഇക്കയ്ക്ക് പുതിയ ഒരു ഇരയെ കിട്ടിയിട്ടുണ്ട്, ആശാൻ ചുറ്റും നടക്കുന്നത് ഒന്നും ശ്രദ്ധിക്കാതെ കത്തി അടിച്ച് ഇരിക്കുന്നുണ്ട്

കുറച്ച് മാറി ആളൊഴിഞ്ഞ ഒരു മൂലയിൽ കണ്ണും പൂട്ടി ഇരിക്കുന്ന വെളുത്ത് മെലിഞ്ഞ മധ്യവയസ്‌ക്കനിലേക്ക് എന്റെ കണ്ണ് പോയി, ആള് വേറെ ആരുമല്ല…. സാക്ഷാൽ “രവീന്ദ്രൻ”, രവീന്ദ്രൻ മാഷല്ല, എന്റെ ഒരേ ഒരു അമ്മായിഅച്ഛൻ രവീന്ദ്രൻ.കെ.പി…..

കൃത്യസമയത്താണ് നഴ്സ് കുഞ്ഞിനെ കാണിച്ച് തരാൻ കൊണ്ടുവന്നത്….. എന്റെ അമ്മായിഅപ്പൻ തന്നെ കുഞ്ഞിനെ വാങ്ങി, ഒരു സുന്ദര കുട്ടപ്പൻ…. അതിനെ കണ്ട ആ നിമിഷം ഉള്ളിൽ എന്തെന്നില്ലാത്ത സന്തോഷം, ഇറ്റ്സ് എ സ്പെഷ്യൽ ഫീൽ……….

എന്റെ മീനൂട്ടി…….. കുഞ്ഞിനെ ആദ്യം എടുക്കണം എന്നത് അവളുടെ ഒരു ആഗ്രഹമായിരുന്നു, എപ്പോഴും പറയുകയും ചെയ്യും പക്ഷെ……………….

തുടരും….

അഭിപ്രായം   അറിക്കുമെന്ന്    പ്രതീക്ഷിച്ചുകൊണ്ട്

സ്നേഹപൂർവ്വം

Hyder Marakkar🖤