💘മായകണ്ണൻ

കണ്ണാ…… ടാ കണ്ണാ എഴുന്നേൽക്കെടാ….. സമയം എത്രയായെന്നാ നിന്റെ വിചാരം.മര്യാദക്ക് എണീറ്റോ ഇല്ലെങ്കിൽ എന്റെ തനി നിറം നീ കാണും.

“ഓ രാവിലെ തന്നെ തള്ള തുടങ്ങി…….”

“ഞാൻ പല തവണ നിന്നോട് പറഞ്ഞിട്ടുണ്ട് എന്നെ തള്ളേ തള്ളേ എന്ന് വിളിക്കല്ലേ എന്ന്.”

“അപ്പൊ ഞാൻ നിങ്ങടെ മോൻ അല്ലെ????”

“അല്ലടാ നീ ഞങ്ങടെ മോൻ അല്ല. പണ്ട് നിന്റെ തന്ത തമിഴ് നാട്ടിലോ എവിടെയോ ഓട്ടം പോയപ്പോ തവിട് കൊടുത്തു വാങ്ങിച്ചതാ നിന്നെ………”

“എപ്പോളും എന്റെ തള്ള പറയുന്ന dialoge ആണ് എന്നെ തവിട് കൊടുത്ത് വാങ്ങിയതാ, തവിട് കൊടുത്ത് വാങ്ങിയതാന്ന് ഇതിനും മാത്രം തവിട് എവിടെ കിടക്കാണ് എന്റെ ദേവി…………..”

“മതി മതി പോയി കുളിക്കെടാ……..”

“ഇന്നെങ്കിലും രാവിലെ കുളിക്കാതെ ഭക്ഷണം തരത്തില്ല അല്ലെ……….”

“ഇല്ല മോൻ പോയി കുളിച്ചിട്ടും വാ……അപ്പോഴേക്കും അമ്മ കഴിക്കാൻ എടുത്ത് വെക്കാം……….”

ഞാൻ കണ്ണൻ ശെരിക്കുള്ള പേര് കാളിദാസ്.ഇപ്പോ +2 കഴിഞ്ഞ് നിൽക്കുന്നു.എന്റെ വിട്ടിൽ അമ്മ,അച്ഛൻ, പിന്നെ എന്റെ ഒരേ ഒരു ചേച്ചിപെണ്ണ്.അമ്മ യഷോദ.house wife ആണ്.അച്ഛൻ രാമൻ.driver ആണ്.പിന്നെ എന്റെ ചേച്ചി ലക്ഷ്മി. b.ടെക് പഠിക്കുക്കായായിരുന്നു.ആ സമയത്ത് ആണ് ചേച്ചിക്ക് ഒരു അക്‌സിഡെന്റ. പിന്നെ പഠിത്തം പാതി വഴിൽ ഉപേക്ഷിച്ചു.എന്റെ കുടുംബത്തിലെ 4 പേർക്കും പുരാണങ്ങളിലെ കഥാപാത്രങ്ങളുടെ പേര ഇട്ടിട്ടുള്ളത്.കേട്ടില്ലേ രാമൻ,യഷോദ,ലക്ഷ്മി,കണ്ണൻ. ഞാൻ +1 തുടങ്ങിയ സമയത്താണ് എന്റെ ചേച്ചിക്ക് ആ അക്‌സിഡെന്റ് പറ്റുന്നത്.എന്റെ ചിറ്റയുടെ വിട്ടിലോട്ട് പോവുവായിരുന്നു.ബസിലാ യാത്ര.ഇവിടെന്ന് ഏകദേശം പത്ത് അന്ബത് കിലോമിറ്റർ ഉണ്ട് ചിറ്റയുടെവീട്ടിലേക്ക്.പൊക്കോണ്ടിരുന്ന ബസ് മറിഞ്ഞു.ഒരുപാട് പേര് മരിച്ചു.ആരുടെയൊക്കെയോ പ്രാർത്ഥനാ ചേച്ചിക്ക് ജീവൻ തിരിച്ചു കിട്ടി.പക്ഷെ ഇനി ഒരിക്കലും എന്റെ ചേച്ചിക്ക് നടക്കാൻ കഴിയില്ല എന്ന് ഡോക്ടർമാർ പറഞ്ഞു.ആദ്യം കുറെ സങ്കടം ഉണ്ടായിരുന്നു.പതുക്കെ എല്ലാവരും

ഓക്കേയായി.അവൾ ഇപ്പോ വീൽചെയറിലാ.അവളെ അച്ഛനും,അമ്മയും ഒക്കെ സഹായിക്കുമായിരുന്നു.പക്ഷെ എന്റെ ചേച്ചിക്ക് ഇഷ്ട്ടം ഞാൻ സഹായിക്കുന്നത് ആണ്.എപ്പളും ചോദിക്കും നിനക്ക് ബുദ്ധിമുട്ട് ആയല്ലേ എന്ന്.ഞാൻ ആയി എന്നും പറയും.അവൾ ചോദിക്കുന്നതും ഞാൻ പറയുന്നതും എല്ലാം വെറും തമാശക്ക് ആണെന്ന് എനിക്കും അവൾക്കും അറിയാം.ഒരു ചേച്ചി എന്നതിൽ ഉപരി അവൾ എനിക്ക് എന്റെ one of the best friend ആണ്.

അങ്ങനെ കുളിയും കഴിഞ്ഞ് നേരെ ഹാളിലേക്ക് നടന്നു.

അച്ഛൻ ഇല്ല 2 ദിവസമായി മുകംമ്പികക്ക് ഓട്ടം പോയതാ……..

“അമ്മ വല്ലതും തിന്നാൻ താ”

“കിടന്ന് ഒച്ച വെക്കാതടാ ചെക്കാ ഇപ്പോ കൊണ്ട് തരാം.”

“അമ്മ ചേച്ചി എണിറ്റില്ലേ?????”

“ഇല്ലടാ ഞാൻ നേരത്തെ പോയി നോക്കി സുഖഉറക്കാം.ഞാനോ അച്ഛനോ സഹായിക്കാന്ന് പറഞ്ഞ കേൾക്കില്ല.അതെങ്ങനെയാ അവൾക്ക് എപ്പോളും അവൾടെ അനിയൻ മതി……..”

“അതാണ് തള്ളെ സ്‌നേഹം………..ഞാൻ പുച്ഛിച്ചു തള്ളി.”

“നിന്റെ കൂടെ അടിപിടി കൂടാൻ ഒന്നും എന്നെ കൊണ്ട് വയ്യ നീ അവളെ പോയി വിളിക്ക്.നീ വിളിച്ചാൽ അവൾ എണിക്കും.ചെല്ല്.”

ഞാൻ അവിടെന്ന് എണിറ്റു എന്റെ ചേച്ചി പെണ്ണിന്റെ റൂമിലോട്ട് പോയി.

ആഹാ ആള് നല്ല സുഖഉറക്കമാ

“ചേച്ചി…….ചേച്ചി……..എഴുന്നേക്കെടി……”

“വാവേ കുറച്ചു നേരം കൂടെ ഒന്ന് ഉറങ്ങി കോട്ടെടാ….plz എന്റെ ചക്കരെ അല്ലെ…”

“എടി ചേച്ചി നീ ഒന്ന് എഴുന്നേറ്റ് വന്നേ എന്നിട്ട് വേണം പോയി വല്ലതും കഴിക്കാൻ.”

“വാവേ ഒരു പത്ത് മിനിറ്റ് അതിൽ കൂടുതൽ ഇല്ല.”

“പറ്റില്ല വാ വാ വാ………. അതും പറഞ്ഞ് ഞാൻ അവളെ എടുത്ത് വീൽചെയറിലിരുത്തി ബാത്‌റൂമിലേക്ക് കൊണ്ട് പോയി.ഒരു 15 min വേണ്ടി വന്നു അവളെ ഫ്രഷ് ആക്കാൻ.ഫ്രഷ് ഓക്കേയായി പുറത്ത് വന്നു.”

“എടാ കുറച്ച് പൌഡർ ഇട്ടു താ.”

“എന്റെ പൊന്ന് ചേച്ചി നീ പെണ്ണ് കാണാൻ ഒരുങ്ങുവാ…….ഇവിടെ മനുഷ്യന് വിശന്നിട്ടു കണ്ണ് കാണാൻ പറ്റണില്ല.”

“എടാ എടാ ഒരു പൊട്ടെങ്കിലും വച്ച് താ.”

“എന്റെ ചേച്ചി ചുന്ദരിയാ.സുന്ദരിക്ക് എന്തിനാപൊട്ട്????”

“നിനക്ക് ഇപ്പോ ഒരു പൊട്ട് വച്ച് തരാൻ പറ്റുവോ ഇല്ലേ അത് മാത്രം പറഞ്ഞാൽ മതി.വേറെ ഒന്നും എനിക്ക് കേൾക്കണ്ട.”

ചേച്ചിയുടെ മുഖം മാറി.

“ഇപ്പോ എന്താ എന്റെ ചേച്ചിക്ക് ഒരു പൊട്ട് വേണം അത്രയല്ലേ ഉള്ളൂ.ഞാൻ അവൾടെ കണ്ണാടിയിൽ ഒട്ടിച്ചിരുന്ന ഒരു പൊട്ട് എടുത്ത് അവൾടെ നെറ്റിൽ വച്ച് കൊടുത്തു.ഇപ്പോ സന്തോഷം അയോടി ചേച്ചി…”

“Mm സന്തോഷമായി എന്റെ പുന്നാര അനിയൻ ഇങ്ങ് അടുത്ത് വാ”

“എന്തിനാ?????”

“കാര്യം അറിഞ്ഞാലേ നീ വരൂ????”

ഞാൻ അവളുടെ അടുത്ത് ചെന്നു.

ഉമ്മ………..

അവൾ എന്റെ കവിളിൽ ഒരുമ്മതന്നു.

“ഇതിനായിരുന്നോ വിളിച്ചേ???? ”

“പിന്നെ നീ എന്ത് വിചാരിച്ചു????”

“അല്ല അന്ന് നീ ഇതുപോലെ അടുത്തോട്ട് വാ എന്ന് പറഞ്ഞ് വിളിച്ച് എന്റെ കവിൾ കടിച്ച് പറിച്ച ആളാ….”

“സ്നേഹം കൊണ്ട് അല്ലെ വാവേ……”

“Mm ഇങ്ങനെ സംസാരിച്ചിരുന്ന മതിയോ വല്ലതും കഴിക്കണ്ടേ????താഴെ പോവാം????”

“അഹ് പോവാം വാവേ……”

അങ്ങനെ ഞങ്ങൾ താഴെ എത്തി.അവിടെ എന്നെയും ചേച്ചിയെയും കാത്ത് അമ്മ ഇരുപ്പുണ്ടായിരുന്നു.

“ഓ ഇന്നും പുട്ടാ????”

“അല്ലടാ ഇനി നിനക്കക്കെ വേണ്ടി ഞാൻ നൂഡിൽസ് ഉണ്ടാക്കി തരാം.ഒരുത്തി ഉച്ചയായാലും എണീക്കില്ല.പോത്തിനെ പോലെ ഉറങ്ങും.അമ്മ അടുക്കളയിൽ ഒറ്റക്ക് ആണ്.ഒന്ന് പോയി സഹായിച്ചു കൊടുക്കാം. എന്നൊരു ചിന്ത എന്റെ മോൾക്ക് ഇല്ല.”

“അമ്മേ ഈ അവസ്ഥയിൽ ഞാൻ എങ്ങനേ വരൂന്നാണ്…..????”

“നിനക്ക് ഞാനോ അച്ഛനോ സഹായിക്കുന്നത് ഇഷ്ട്ടം അല്ലല്ലോ.അനിയൻ വന്നാലല്ലേ നീ വരുള്ളൂ.അവനാണെങ്കിൽ എണീക്കാണത് 12 മണിക്ക്.”

അമ്മ ഞങ്ങൾക്ക് രണ്ടാൾക്കും വിളമ്പി തന്നിട്ട് അടുക്കളയിലേക്ക് പോയി.നല്ല ചൂട് പുട്ടും കടല കറിയും പിന്നെ കട്ടനും ആഹാ അന്തസ്.പിന്നെ ഒന്നും നോക്കില അങ്ങോട്ട് വെട്ടി അടിക്കാൻ തുടങ്ങി.എന്റെ പാത്രത്തിലെ പുട്ട് ഏകദേശം തിരറായി.ഇതിനിടയിൽ ഞാൻ ചേച്ചിയെ ഒന്ന് പാളി നോക്കി.അവളുടെ കണ്ണുകൾ നനഞ്ഞിരിക്കുന്നു.പുട്ട് തിന്നുന്നതിന്റെ ഇടയിൽ ഞാൻ അവളെ മറന്നു എന്ന് പറയുന്നത് ആണ് ശെരി.ഞാൻ അവളുടെ കൈകളിൽ എന്റെ കൈകൾ അമർത്തി.പെട്ടന്ന് അവൾ കണ്ണീർ തുടച്ച് എന്നെ നോക്കി.മുഖത്ത് ഒരു ചിരി വരുത്താനും അവൾ മറന്നില്ല.

“എന്തിനാ എന്റെ ചേച്ചി ഇങ്ങനെ കരയുന്നെ….”

“ഏയ്‌ ഒന്നുമില്ല വാവേ…..”

“അമ്മ അപ്പളത്തെ ദേഷ്യത്തിന് അങ്ങനെയൊക്കെ പറഞ്ഞത് അല്ലെ.അത് നീ മനസ്സിൽ വച്ചോണ്ടിരിക്കുവാ????”

“എല്ലാവർക്കും ഞാൻ ഒരു ഭാരം ആയല്ലേ വാവേ….”

“Mm നീ എല്ലാവർക്കും ഒരു ഭാരം തന്നെയാ.”

“നിനക്കും ഞാൻ ഒരു ഭാരം ആണോടാ???? ”

“അതെ എനിക്കും നീയൊരു ഭാരം തന്നെയാ….”

ഇത്രയും കേൾക്കണ്ട താമസം പരിസരം മറന്ന് അവൾ പൊട്ടി കരഞ്ഞു.

“അയ്യേ എന്റെ ചേച്ചി കരയുവാ???? ഞങ്ങൾക്ക് നീ ഒരു ഭാരം ആവുമോ ടി???അങ്ങനെ നിനക്ക് തോന്നുന്നുണ്ടോ???? പക്ഷെ എന്തൊക്കെ പറഞ്ഞിട്ടും അവൾ കരച്ചിൽ നിർത്തുന്നില്ല.ടി ചേച്ചി ദേ അമ്മ കാണുട്ടോ….കരയല്ലേ ചേച്ചി plz ടി……എന്റെ പൊന്ന് അല്ലെ എന്തെങ്കിലും ഒന്ന് സംസാരിക്കെടി…”

“വാവേ നമ്മക്ക് ഒന്ന് മാവിൻച്ചോട്ടിൽ പോവാടാ……”

ഞങ്ങൾക്ക് എന്ത് സങ്കടം വന്നാലും സന്തോഷം വന്നാലും നേരെ പോണത് വെളിയിലേ കിളിചുണ്ടൻ മാവിൽച്ചോട്ടിലാ.

അത്രയും കേട്ടപ്പോ തന്നെ എനിക്ക് എന്തോ വലിയ ആശ്വാസം ആയി.

“നീ ആദ്യം ഇത് കഴിക്ക്.എന്നിട്ട് പോവാം.”

“എനിക്ക് വേണ്ട വാവേ എന്തോ വിശപ്പ് ഇല്ല….”

“എടി ചേച്ചി എനിക്കറിയാം വിശപ്പ് ഇല്ലാത്തതിന്റെ കാരണം…..കഴിക്ക് ചേച്ചി ഇല്ലെങ്കിൽ ഞാൻ കൊണ്ട് പോവില്ല……”

“അത് കേട്ടപ്പോ അവൾ കഴിക്കാൻ തുടങ്ങി.കുറച്ച് നേരം ചിക്കിയും കിണ്ടിയും ഇരുന്ന് ഒരു വിധം കഴിച്ചെന്നു വരുത്തി…”

അങ്ങനെ ഞാൻ അവളെയും കൊണ്ട് ഞങ്ങടെ വീടിന്റെ പുറത്തേക്ക് ഇറങ്ങി…..

ഞങ്ങൾ ഞങ്ങടെ വിശ്രമകേന്ദ്രമായ മരച്ചുവട്ടിലേക്ക് നിങ്ങി.അവിടെ ഞങ്ങൾ തന്നെ ഉണ്ടാക്കിയ ഇരിപ്പിടത്തിൽ ഇരുന്നു.ഞാൻ അവളെ ഇരുത്തി അവളോട് ചേർന്ന് ഞാനും ഇരുന്നു.

“എന്റെ ചേച്ചിക്ക് എന്താ ഇപ്പോളും നേരത്തെ നടന്നെനെ പറ്റി ആലോചിച്ചോണ്ട് ഇരിക്കുവാ????”

അവൾ തല കുനിച്ചു.

ഞാൻ അവളുടെ താടി ഉയർത്തി.മുഖത്തു നോക്കി.മുഖം ആകെ വല്ലാണ്ട് വാടിയിരിക്കുന്നു.

“വല്ലതും പറയെടി ചേച്ചി……ഇല്ലെങ്കിൽ ഞാനും മിണ്ടില്ല.”

ഞാനും മുഖം വീർപ്പിച്ചിരുന്നു.

കുറച്ച് നേരം ഞങ്ങൾ ഒന്നും മിണ്ടില്ല.എങ്ങും നിശബ്ദത തളം കെട്ടി കിടക്കുന്നു.അവസാനം ആ നിശബ്ദതതയേ കീറി മുറിച്ചു കൊണ്ട് എന്റെ ചേച്ചി പെണ്ണ് തന്നെ സംസാരിച്ചു തുടങ്ങി.

“വാവേ………”

ഞാൻ കേട്ട ഭാവം നടിച്ചില്ലാ.നമ്മളോടാ കളി…….

“വാവേ ചേച്ചിയോട് പിണക്ക????”

“ക്ക് ആരോടും ഒരു പിണക്കവും ഇല്ല എന്നോട് അല്ലെ എല്ലാവർക്കും പിണക്കം.ഞാൻ ആരോടെന്നില്ലാതെ പറഞ്ഞു.”

“ചേച്ചിയോട് ഷെമിക്കെടാ വാവേ നീ.നീ കൂടെ മിണ്ടാണ്ട് ഇരുന്ന ചേച്ചി ചത്തുകളയും.”

അതുംകൂടി കേട്ടപ്പോ എനിക്ക് സങ്കടമായി.

“ഞാൻ അല്ലല്ലോ ചേച്ചി മിണ്ടാത്തെ ഇവിടെ ഇരുന്നപ്പോമുതൽ ഒന്നും മിണ്ടാതെ ഇരുന്നത് ചേച്ചി അല്ലെ.ചേച്ചി ഒന്നും മിണ്ടാത്തത് കൊണ്ട് എനിക്കും ദേഷ്യം വന്നു അതാ ഞാനും ഒന്നും മിണ്ടാത്തെ…..sorry ചേച്ചി……….അത്രയും പറഞ്ഞ് ചേച്ചിടെ കവിളിൽ ഒരുമ്മയും കൊടുത്തു.അവൾ എന്നെ നോക്കി ചിരിച്ചു.ആ ചിരിയിൽ ഉണ്ടായിരുന്നു.ചേച്ചിക്ക് എന്നോടുള്ള സ്നേഹം.”

ഇത്രേ ഉള്ളൂ.ഞാനും അവളും തമ്മിലുള്ള പിണക്കം.sorry പറഞ്ഞ് ഒരുമ്മ കൊടുത്താ തിരുന്ന പ്രശ്നമേ ഉള്ളൂ.

ഇങ്ങനെയൊക്കെ തന്നെയാ ഞങ്ങളുടെ ആഴ്ചയിലേ 6 ദിവസവും.പക്ഷെ പിന്നുള്ള 1 ദിവസം അതായത് എല്ലാ ഞായറാഴ്ചയും ഞാനും ചേച്ചിയും ഒരു ഓഫ്നെജിലോട്ട് പോവും.ആരോരും ഇല്ലാത്ത എന്നാ എല്ലാരും ഉള്ള കുറെയേറെ കുഞ്ഞുങ്ങൾ.അവിടെ ചെല്ലുമ്പോൾ മനസ്സിന് എന്തെന്ന് ഇല്ലാത്ത തൃപ്തിയാ.ആ ഓഫ്നെജിന്റെ പടി കേറുമ്പോ നമ്മുടെ മനസ്സിൽ ഉള്ള ടെൻഷൻ,സങ്കടം എല്ലാം ഊരിവച്ച് സന്തോഷത്തോടെ വേണം കേറാൻ.ആദ്യമൊക്കെ അങ്ങോട്ടോക്കെ പോകുന്നതേ കലിയായിരുന്നു.എന്റെ എല്ലാ കാര്യവും അറിയാവുന്ന ചേച്ചിക്ക് അത് മനസ്സിലാവൂകയും ചെയ്തു.അന്ന് ചേച്ചി എന്നെ കുറെ ഉപദേശിച്ചു.ആ ഉപദേശം എന്നെ വേറൊരു ആളാക്കി.പിന്നെ പിന്നെ ചേച്ചിയെക്കളും അങ്ങോട്ട് പോവാൻ താല്പര്യം എനിക്കായിരുന്നു.ഇവിടുന്ന് ഏകദേശം ഒരു അരമണിക്കൂർ യാത്രയുണ്ട്.ഞങ്ങടെ വീടിന്റെ കുറച്ച് അപ്പുറത്ത് അതായത് ഒരു നാല് വീട് കഴിഞ്ഞാണ് അനുവിന്റെ വീട്.ശെരിക്കുള്ള പേര് അനുപമ എന്നാണ്. എന്റെ ചേച്ചിയുടെ close ഫ്രണ്ട് ആണ് കക്ഷി.കാര്യം എന്റെ ചേച്ചിയുടെ പ്രായം ഉണ്ടെങ്കിലും ഞാൻ അങ്ങനെ അധികം അവളെ ചേച്ചി എന്ന് വിളിക്കാറില്ല.എടി,പോടീ എന്നൊക്കെ വിളിക്കൂ. അതിനുള്ള സ്വാതന്ത്ര്യം അവൾ എനിക്ക് തന്നിട്ടും ഉണ്ട്. അതാ അവൾക്കും ഇഷ്ട്ടം.അന്നത്തെ ആ ഞായറാഴ്ച എന്റെ കൈക്ക് ഒരു വിശ്രമവും കാണില്ല.അവളെയും എടുത്ത് ആദ്യം അനുവിന്റെ വീട്ടിലേക്ക് പോണം.അവിടെ അനുവിന്റെ അച്ഛന്റെ കാറിലാണ് ഞങ്ങൾ പോവുന്നത്.അനു തന്നെയാണ് ഓടിക്കുന്നതും.അവളുടെ വീട്ടുകാർക്ക് ഞങ്ങളെ വല്ല്യ കാര്യവാ.ഓഫ്നെജിൽ എത്തുന്നത് വരെ കാറിലിരുത്തും.അപ്പോള എനിക്കൊരു ആശ്വാസം.എന്റെ മുഖം കാണുമ്പോ അനുവിന് ദയ തോന്നും അതുകൊണ്ട് തന്നെ അവൾ maximam പതുക്കെ വണ്ടിയോടിക്കൂ.അപ്പൊ എനിക്ക് കൂടുതൽ സമയം rest എടുക്കാം.അരമണിക്കൂർ കൊണ്ട് എത്തേണ്ടത് അനു എനിക്ക് വേണ്ടി ഒരുമണിക്കൂർ ആയി കൂട്ടും.അവിടെയെത്തി കഴിഞ്ഞാൽ പിന്നെ വേറൊന്നും മനസ്സിൽ കാണില്ല.അവിടുത്തെ കുട്ടികളുടെയൊക്കെ മുമ്പിൽ ഞാനൊരു സൂപ്പർമാനാ. അവരുടെയൊക്കെ കണ്ണിൽ ഒരു ചേച്ചിയെ നിലംതൊടിക്കാതെ എടുത്തോണ്ട് നടക്കണ ചേട്ടൻ.

“ഈ ചേട്ടന് എങ്ങനെ പറ്റുന്നോ എന്തോ അല്ലേടാ???”

“Mm അടിപൊളി തന്നെയാ ഈ ചേട്ടൻ ഇനി ശെരിക്കും വല്ല സൂപ്പർമാനും ആവുവോ????? ”

അവരുടെയൊക്കെ ഇങ്ങനെയുള്ള കമന്റുകൾ കേൾക്കുമ്പോ തന്നെ ഞാൻ മാനമുട്ടെ ഉയരും.അവിടെയുള്ള മിക്കവരും എന്റെ ആരാധകാരണ്.ഏകദേശം പത്ത് അന്പത് കുട്ടികളെയുള്ളൂ.മിക്കവരും 10 വയസ്സിൽ താഴെയുള്ളവരാ.പിന്നെ പിഞ്ചു കുഞ്ഞുങ്ങളും ഉണ്ട്. 6 മാസം പ്രായമായതും,1 വയസ്സ് ഉള്ളതും അങ്ങനെയങ്ങനെ.ആ കുഞ്ഞുങ്ങളുടെയൊക്കെ നിഷ്കളങ്കമായ ചിരി കാണുമ്പോ എപ്പളും തോന്നിപ്പോകും ഇവരുടെ അച്ഛനും അമ്മയ്ക്കും എങ്ങനെ ഇവരെ ഉപേക്ഷിക്കാൻ കഴിഞ്ഞുവെന്ന്????

“വാവേ………… ടാ വാവേ”

ചേച്ചിയുടെ വിളിയാണ് എന്നെ ആലോചനയിൽനിന്നും ഉണർത്തിയത്.

“എന്താ വാവേ സ്വപ്നം കാണുവാ????”

ഞാൻ അതിന് മറുപടി കൊടുത്തില്ല.

“കണ്ടോ നിനക്ക് ഇപ്പോളും എന്നോട് പിണക്കമാണല്ലേ????”

“അയ്യോ എന്റെ പൊന്ന് കൂടപ്പിറപ്പെ ഞാൻ നാളെ ഓഫ്നെജിൽ പോണതിനെപ്പറ്റി ആലോചിക്കുവായിരുന്നു.”

“ശെരിയാണല്ലോ വാവേ നാളെ ഞായറാഴ്ച ആണല്ലോ???? ഞാൻ അതങ്ങ് മറന്നിരിക്കുവായിരുന്നു.ആട്ടെ അതേ പറ്റിയെന്ത ഇത്ര ആലോചിക്കാൻ????”

“ഓ ഒന്നുമില്ല.നാളെ എന്റെ കൈക്ക് Rest കാണില്ലല്ലോ!!! അതേ പറ്റി ആലോചിക്കുവായിരുന്നു.”

“കുഞ്ഞിലേ എത്ര തവണ ഞാൻ നിന്നെ ചുമന്നെക്കുന്നു????നീ എന്റെ അനിയനാ.പക്ഷെ നിന്നെ അനിയനായിട്ടല്ല ഞാൻ കണ്ടേക്കണേ.ന്റെ മോനായിട്ടാ.ഒരു മോൻ അമ്മയെ ചുമക്കുന്നതിൽ ഒരു തെറ്റും ഇല്ല.”

“ശെരി അമ്മേ………………..”

ഞാനും അവളും പരസ്പരം നോക്കി പൊട്ടിച്ചിരിച്ചു.

എന്റെ ചേച്ചി അടുത്തുള്ളപ്പോ സമയം പോകുന്നതേ അറിയില്ല.അവൾക്കും അങ്ങനെ തന്നെയാ.കളിയും,ചിരിയും,വഴക്കും,അടിയും,കരച്ചി ലും,പിഴിച്ചിലും,അവസാനം sorry ചേച്ചി എന്നും പറഞ്ഞ് അവളുടെ കവിളത്തു ഒരുമ്മയും കൊടുത്ത് അവളെ ഉറക്കിട്ടെ ഞാൻ എന്റെ റൂമിലോട്ട് പോവു.എന്നും ഇങ്ങനെ തന്നെയാ.ഇന്നും അങ്ങനെയൊക്കെ തന്നെ സമയംപ്പോയി.എല്ലാം കഴിഞ്ഞ് ഞാനും കിടന്നു. തിരിഞ്ഞും മറിഞ്ഞും കിടന്ന് എപ്പോളോ നിദ്ര ദേവി എന്നെ കടാക്ഷിച്ചു.

കണ്ണൻ……… കണ്ണൻ……… കണ്ണൻ………. കണ്ണൻ

എങ്ങും ഹർഷാരവം. ആർത്തിരമ്പുന്ന കടൽപ്പോലെ സ്റ്റേഡിയം നിറഞ്ഞിരിക്കുന്നു.”

കമന്ററിയിൽ ഇരിക്കുന്നവർക്ക് പറയാൻ ഒന്നേ ഉള്ളൂ.,

Jersy No 11 കണ്ണൻ ഈ free kick goal ആക്കി മാറ്റിയാൽ ഈ സീസണിലെ top soccer ഉം ഈ കളിയിലെ man of the match ഉം മലയാളികളുടെ സ്വകാര്യ അഹങ്കാരവുമായ കണ്ണൻ തന്നെ കൊണ്ട്പ്പോകും. ഒരേ ഒരു goal.ഈ ഒരു free kick goal ആക്കിയാൽ ഈ സീസണിലെ കപ്പ്‌ കണ്ണന്റെ ടീം കൊണ്ട് പോകും. നമ്മൾ ഓരോരുത്തരും ആകാംഷപൂർവ്വം കാത്തിരിക്കുന്നു കണ്ണന്റെ ആ free kick ന് വേണ്ടി.”

റഫറിയുടെ വിസിലിന് വേണ്ടി കാത്തിരിക്കുന്നു എല്ലാവരും. ഒടുവിൽ ആ വിസിൽ മുഴങ്ങി. എല്ലാവരുടെയും നെഞ്ചിടുപ്പ് കൂടുന്നു.

കണ്ണൻൻൻൻൻൻൻൻൻൻൻൻ…………

“കണ്ണാ ടാ കണ്ണാ പോത്ത്പ്പോലെ ഉറങ്ങും മനുഷ്യനെ മെനക്കെടുത്താൻ. ടാ എണിക്കടാ. ഇന്ന് ഞായർ ആണ് ഓഫ്‌നേജിൽ പോണില്ലേ നിങ്ങൾ???? എണിക്കടാ കഴുതേ……”

“ഓ ഈ തള്ള. നല്ലൊരു സ്വപ്നം ആയിരുന്നു. എന്നും കാണുന്നത് ആണ്. എപ്പളും goal അടിക്കണ്ട സമയം ആവും, ഈ തള്ള വന്ന് വിളിക്കും. എന്ത് പ്രഹസനം ആണ് തള്ളേ????

“നിനക്ക് ഈ തള്ളേ വിളി കുറച്ച് കൂടുന്നുണ്ടേ കണ്ണാ. നിന്റെ ചേച്ചി എണിച്ചിട്ട് ഒരു മണിക്കൂർ ആയി.”

“അയ്യോ ചേച്ചി എഴുനേറ്റോ????”

“പിന്നില്ലാണ്ട്???? പോയി കുളിച്ച് അവളേം കൊണ്ട് പോവാൻ നോക്ക് കണ്ണാ.”

“അഹ് അമ്മ ചെന്നിട്ട് അവളോട് പറ ഒരു പത്ത് മിനിറ്റിനുള്ളിൽ വന്നേക്കാന്ന്.”

“എത്ര നേരാന്ന് വച്ചാ അവള് കാത്തിരിക്ക്യ???? പെട്ടന്ന് വാ…..” അമ്മ താഴേക്ക് ഇറങ്ങിയ ഉടൻ തന്നെ ഞാൻ കുളിക്കാൻ കേറി. മുറിക്കകത്ത് തന്നെ bathroom ഉള്ളത് കൊണ്ട് ആ കാര്യം എളുപ്പമായി. എന്നും കാണുന്ന ഈ സ്വപ്നം ഒന്ന് നടന്ന് കിട്ടിയാ മതിയായിരുന്നു എന്റെ ദേവി. ഞാൻ ബാത്‌റൂമിനുള്ളിലെ കണ്ണാടിയിൽ നോക്കി സ്വയം പറഞ്ഞു. എന്നിട്ട് ഷവർ തുറന്ന് അതിന്റെ കിഴിൽ നിന്നു. ഏകദേശം ഒരു 15 മിനിറ്റ് എനിക്ക് കുളിക്കാൻ വേണ്ടി വന്നു. കുളി കഴിഞ്ഞ് ഡ്രസ്സ്‌ എല്ലാം ചേഞ്ച്‌ ചെയ്തു. പൗഡർ ഒന്നും ഇടാറില്ല. പക്ഷെ ക്രീം ഇടും. പിന്നെ മുടിയിൽ ജെൽ തേക്കും, കാത് കുത്തിട്ടുണ്ട്, അതും മൂന്ന് തവണ. അതിലെല്ലാം സ്റ്റണ്ട് ഇട്ടു. എന്നും ഇങ്ങനെ ഒരുങ്ങാറില്ല. ഇതുപോലെ എവിടെ എങ്കിലും പോവുമ്പോ മാത്രം. ഏതെങ്കിലും പെണ്ണ് വീണലോ!!അതുകൊണ്ട് തന്നെയാണ് ഇങ്ങനെ ഒരുങ്ങുന്നതും. പക്ഷെ ഇതുവരെ ഒരു പെണ്ണും വീണിട്ടില്ല.എനിക്ക് ആരോടുമൊട്ടും ഇഷ്ട്ടം തോന്നിട്ടുമില്ല. ഞാൻ പ്രണയിക്കുന്നുണ്ടോ എന്ന് ചോദിച്ചാൽ ഒരാളെ പ്രണയിക്കുന്നുണ്ട്. അത് ഒരു യക്ഷിയെയാ. സോറി യക്ഷി അല്ല എന്റെ ചേച്ചിയെയാ. ചിലസമയത്ത് അവള് യക്ഷി തന്നെയാ. അങ്ങനെ ഒരുവിധം ഞാൻ റെഡി ആയി. പിന്നെ ഒട്ടും സമയം പാഴാക്കതെ അവളുടെ മുറിയിലേക്ക് ചെന്നു.

“എത്രനേരമായി വാവേ കാത്തിരിക്കുന്നു????”

“എന്റെ ചേച്ചി ഞാൻ വന്നല്ലോ പിന്നെ എന്താ????”

“ഇനി ഞാൻ കുളിച്ച് റെഡി ആവുമ്പോളേക്കും ലേറ്റ് ആവും.”

“ഏയ്‌ അതോർത്ത് എന്റെ പൊന്നാര ചേച്ചി പേടിക്കണ്ട. നിന്നെ കുളിപ്പിക്കുന്നത് ഞാനല്ലേ???? 5 മിനിറ്റ് കൊണ്ട് എല്ലാം ശെരിയാക്കാം.അത് പോരെ????”

“പിന്നെ കുളിപ്പിക്കുന്നത് നീ തന്നെയാ. പക്ഷെ ഞാൻ പറയും എപ്പോ നിർത്തണമെന്ന്. വല്ലപ്പോഴും ആണ് ഇത്പ്പോലെ പുറത്തൊക്കെ പോകുന്നെ അപ്പൊ സുന്ദരിയായി തന്നെ പോണം.”

“അതാണോ, എന്റെ പൊന്ന് ചേച്ചി നീ കുളിക്കാണ്ട് ഡ്രെസ്സും മാറി പോയാലും നീ സുന്ദരി തന്നെയാ.”

“അയ്യടാ, നിനക്ക് വേണമെങ്കിൽ അങ്ങനെ പോവാം. അത്പ്പോലെ അല്ല ഞാൻ.”

“അയ്യോ മതി നിർത്ത്. ഇനിയും സംസാരിച്ചോണ്ട് ഇരുന്ന പിന്നും ലേറ്റ് ആവും.”

“അത് ശെരിയാ. പെട്ടന്ന് എന്നെ കുളിപ്പിച്ച് താടാ.”

“ഓഹ് പെടക്കല്ലേ പെണ്ണെ”

പിന്നെ അവളേം എടുത്ത് ബാത്റൂമിൽ കേറി. അവളെ എന്നും കുളിപ്പിക്കുന്നത് ഞാൻ തന്നെയാ. ആദ്യമൊക്കെ പേടിയും, ചമ്മലും ഒക്കെയുണ്ടായിരുന്നു. അവള് പറയുന്നത് പോലെ ഞാൻ അവളുടെ മോനും, അവൾ എന്റെ അമ്മയുമാണ്. ഞങ്ങളുടെ ബന്ധത്തെ വേറൊരു കണ്ണ് കൊണ്ട് ഞാൻ കണ്ടിട്ടില്ല. കാണാൻ എനിക്ക് സാധിക്കുകയും ഇല്ല. ഞാൻ അവളെ കുളിപ്പിക്കുന്നത് കൊണ്ട് അച്ഛനും അമ്മയ്ക്കും ഒരു വിരോധവും ഉണ്ടായിട്ടില്ല. മറിച്ച് സന്തോഷം മാത്രമേ ഉള്ളൂ. 20 മിനിറ്റോളം പല്ല് തേപ്പിച്ചും, കുളിപ്പിച്ചും അവളെ സുന്ദരി ആക്കി. പുറത്ത് കൊണ്ടുവന്നു. ഡ്രെസ്സും മാറ്റി.പിന്നെ എല്ലാം പെട്ടന്ന് ആയിരുന്നു. മുടി ചീകി, കണ്ണേഴുതി, പൊട്ട് വച്ചു, ചെറുതായി ചന്ദനവും തൊട്ടു. ചുണ്ടിൽ ചേച്ചി ലിപ്സ്റ്റിക്ക് ഇടാറില്ല. അതിന്റെ ആവശ്യം അവൾക്കില്ല. ഒരുപാട് നേരം കണ്ണാടിൽ തന്നെ അവൾ നോക്കികൊണ്ടിരുന്നു.

“ഇപ്പോ എന്നെ കാണാൻ എങ്ങനെയുണ്ട് വാവേ????”

“ഞാൻ ഒരുക്കിയത് കൊണ്ട് പറയുവല്ല, ലക്ഷ്മി ദേവി നേരിട്ട് പ്രത്യക്ഷപ്പെട്ടത് പോലുണ്ട്.”

“സത്യം???? ”

“അല്ല കള്ളം!!! എടി സത്യമാ.നിയാണെ സത്യം.”

“Mm നിന്നെ കാണാനും തരക്കേടില്ല.”

“ഓഹ് thanku.”

“ചുമ്മ പറഞ്ഞതാ വാവേ സൂപ്പർ ആയിട്ടുണ്ട്.”

“മതി പരസ്പരം പൊക്കിയത്. ഇനിയും പൊക്കിയാ മാനം മുട്ടും. പോവണ്ടേ????”

“അഹ് അപ്പൊ എടുത്തോ.”

“ശെരി തമ്പ്രാട്ടി.”

ഞാൻ അവളേം എടുത്ത് താഴേക്ക് ചെന്നു.

അച്ഛൻ വന്നിട്ടുണ്ട്. അച്ഛൻ അമ്മയോട് എന്തോ സംസാരിക്കുന്നുണ്ട്.

“ഓ വന്നോ ഉരുതെണ്ടി????”

“ടാ ചെക്കാ കിട്ടും നിനക്ക്.ഞാൻ ഇങ്ങനെ ഉരുതെണ്ടുന്നത് കൊണ്ട് നിയൊക്കെ കഞ്ഞികുടിച്ച് പോവുന്നു.”

“Sorry അച്ഛാ അച്ഛന് feel ആയോ????”

“Mm എങ്ങോട്ടാ രണ്ടും കൂടി????”

“ഇന്ന് sunday അല്ലെ dad ഒന്ന് ഓഫ്‌നേജ് വരെ…..”

“ഓ അത് ഞാൻ മറന്നു. ഇന്നാ നിന്റെ പൈസ ഉണ്ടെന്ന് അറിയാം. എന്നാലും ഇതുംകൂടെ വച്ചോ.”

“ഓഹ് 5000 രൂപ ഒന്നും വേണ്ട അച്ഛാ…….”

“അച്ഛാ ചേച്ചി അങ്ങനെയൊക്കെ പറയും ഇങ്ങ് താ”

ഞാൻ അതുംപറഞ്ഞ് പൈസ വാങ്ങി പേഴ്സിൽ വച്ചു.

“പോയിട്ട് വരാവേ.”

അങ്ങനെ യാത്രയും പറഞ്ഞ് ഞങ്ങൾ ഇറങ്ങി. നല്ല കുക്ക്ഗ്രാമമാണ് ഞങ്ങളുടേത്. ഒരു അരമണിക്കൂർ യാത്ര ചെയ്താൽ town. ഈ ടൗണിലാണ് ഞങ്ങൾ പോകുന്ന ഓഫ്‌നേജ്.

“എടി ചേച്ചി ഞാൻ ഒരു കാര്യം പറഞ്ഞാൽ അനുസരിക്കണം.”

“നീ എന്ത് പറഞ്ഞിട്ട ഞാൻ കേൾക്കണ്ടിരുന്നിട്ടുള്ളേ???? നീ പറ വാവേ………..”

“നിനക്ക് ഇനിയും പഠിച്ചുടെ????”

“കളിയാക്കൂവാണോ????”

“അത് എന്താ ചേച്ചി ഇപ്പോ പഠിത്തം ഇല്ലാത്തവരെ ഒന്നും ആരും കേട്ടതില്ലാ.”

“അതിപ്പോ ഞാൻ പഠിച്ചാലും പഠിച്ചില്ലേങ്കിലും എന്നെ ആരും കേട്ടതില്ലാ വാവേ, കാലുണ്ടെങ്കിലും നടക്കാൻ പറ്റാത്ത നിക്ക് എവിടുന്ന് കിട്ടാനാ ചെക്കനെ????”

അതിന് ഞാൻ മറുപടി ഒന്നും പറഞ്ഞില്ല.

“എന്താ വാവേ നിനക്കും എന്നെ വേണ്ടാതായോ????”

“ദേ ചേച്ചി അനാവശ്യം പറഞ്ഞാൽ ഞാൻ എടുത്ത് തോട്ടിലിടും പറഞ്ഞേക്കാം.”

“നിന്നെ കുറിച്ച് ഓർക്കുമ്പോ നിക്ക് സങ്കടം ആട.”

“എന്തിനാ എന്നെ കുറിച്ച് ഓർക്കുമ്പോ ഇത്ര സങ്കടം????”

“അല്ല, നിനക്ക് കല്യാണ പ്രായം ആയ നല്ലയൊരു കുടുംബത്തിന്ന് ഒരു ആലോചന വന്ന ഞാൻ എന്നാ പാഴ്ജന്മം കാരണം നിന്റെ life…… പോകില്ലേ????”

“സത്യത്തിൽ നീ എന്താ ഉദേശിച്ചത്????”

പക്ഷെ അവൾ അതിന് മറുപടി തന്നില്ല.

“അല്ല നീ ഇപ്പോ എന്ത് ഉദ്ദേശിച്ചാലും നിന്റെ കല്യാണം അത് കഴിയാണ്ട് ഞാൻ ഒരു പെണ്ണിനെ നോക്കുക പോലും ഇല്ല. ഇനിയിപ്പോ നിനക്ക് അങ്ങനെ കല്യാണം ഒന്നും നടക്കാണ്ട് മൂക്കിൽ പല്ല് വന്നാലും ഈ കണ്ണൻ ഉണ്ടാവും നിന്റെ കൂടെ എന്നും single ആയിട്ട്.”

അങ്ങനെ ഞാൻ ചോദിക്കുന്ന ചോദ്യങ്ങൾക്ക് അവളുടെ ഉത്തരങ്ങളും, അവൾ ചോദിക്കുന്ന ചോദ്യങ്ങൾക്ക് എന്റെ ഉത്തരങ്ങളും ആയി ഞങ്ങൾ അനുവിന്റെ വീട്ടിലെത്തി.

തുടരും………………