പ്രാണേശ്വരി 4

ഈ ഭാഗം കുറച്ചു വൈകി എന്നറിയാം അതിനു എല്ല്ലാവരോടും ക്ഷമ ചോദിക്കുന്നു, അനിയത്തിപ്രാവ് വരാൻ വൈകിയതിനാലാണ് അങ്ങനെ സംഭവിച്ചത് ,ഇനി ഇങ്ങനെ വൈകിക്കാതെ തന്നെ അടുത്ത ഭാഗം തരാൻ ശ്രമിക്കാം..

നിങ്ങൾ നൽകിയ പിന്തുണയ്ക്ക് എങ്ങനെ നന്ദി പറഞ്ഞാലും മതിയാകില്ല, ഇതുവരെ നൽകിയ പിന്തുണ തുടർന്നും പ്രതീക്ഷിക്കുന്നു

സ്നേഹത്തോടെ പ്രൊഫസർ ബ്രോ♥️

**********.***********

“നിന്നോട് ഞാൻ എപ്പോഴെങ്കിലും ഇഷ്ടം ആണെന്ന് പറഞ്ഞോ ”

ഞാൻ ഒന്നും മിണ്ടിയില്ല

“ഡാ അഖിലേ നിന്നോട് സംസാരിക്കാൻ നല്ല രസമാണ് അതുകൊണ്ടാണ് നിന്നോട് ഞാൻ എപ്പോളും സംസാരിക്കുന്നതു, അല്ലാതെ നിന്നോട് ഇഷ്ടമുണ്ടായിട്ടല്ല”

ആ വാക്കുകൾ എന്റെ നെഞ്ചിലാണ് തറച്ചു കയറിയത്, ഞാൻ പിന്നെ ഒന്നും മിണ്ടാതെ തിരിച്ചു നടന്നു

ഞാൻ തിരിച്ചു ക്ലാസ്സിൽ കേറി, എന്റെ മുഖം കണ്ടു എന്തോ പ്രശ്നം ഉണ്ടെന്നു മനസ്സിലായിട്ടാവണം അവന്മാർ കാര്യം ചോദിച്ചു

” എന്ത് പറ്റി മുത്തേ, പോയപോലെ അല്ലല്ലോ വരവ് ”

മാളുച്ചേച്ചീടെ വീട്ടിൽ പോയേപ്പിന്നെ ഇവർ എന്നെ മുത്തെന്നെ വിളിക്കു .

” എന്ത് പറ്റാനാടാ എല്ലാ പ്രതീക്ഷയും പോയി, അവൾക്കു ആ നിതിനെ ഇഷ്ടമാണെന്ന് ”

” ഏതു നിതിൻ നിന്നെ തല്ലിയവനോ ”

ഒരു സ്വാന്തനം പ്രതീക്ഷിച്ചു നിന്നെ എന്നെ അവർ വരവേറ്റത് ഒരു കൂട്ട ചിരിയോടെയായിരുന്നു.

“ആ ആപ്പോ ഇന്ന് വെള്ളം അടിക്കാൻ ഒരു കാരണമായി ”

” പോ മൈ#*#&&# മനുഷ്യൻ ഇവിടെ പ്രാന്തെടുത്തു നിക്കുമ്പോഴാ അവന്റെ ഒക്കെ വെള്ളമടി ”

” ആ പ്രാന്ത് മാറാൻ ഉള്ള ഏറ്റവും നല്ല മരുന്നാണ് ഇത് ”

” ആ എന്ത് പണ്ടാരമെങ്കിലും ആകട്ടെ, കുടി എങ്കിൽ കുടി ”

അടുത്ത രണ്ടു പീരിയഡ് മാളു ചേച്ചി ആയിരുന്നു ക്ലാസ്സ്‌ എടുക്കാൻ വന്നത്, വീട്ടിൽ ചെല്ലുമ്പോളോ പുറത്തു വച്ചോ ആള് നല്ല കമ്പനി ആണ്, പക്ഷെ കോളേജിൽ വന്നാൽ ആലുവ മണപ്പുറത്തു കണ്ട പരിചയം കാണിക്കില്ല, ഇവൾ എന്റെ ചേച്ചിയാണെന്നു ഇവന്മാർക്കും ലക്ഷ്മിക്കും മാത്രമേ അറിയൂ

ഞാൻ ക്ലാസ്സിൽ ശ്രദ്ധിക്കാതെ ഇരുന്നത് കൊണ്ടാകും,

” അഖിൽ… എന്റെ ക്ലാസ്സിൽ ഇരിക്കുകയാണെങ്കിൽ ക്ലാസ്സിൽ ശ്രദ്ധിക്കണം. താല്പര്യം ഇല്ലെങ്കിൽ ഇറങ്ങിപ്പോകാം ”

ഒന്നാമത് എനിക്ക് വട്ടായി ഇരിക്കുകയായിരുന്നു, അതിന്റെ ഇടക്കാണ് ഇത്, അപ്പോഴത്തെ ദേഷ്യത്തിന് ഞാൻ ഒന്നും മിണ്ടാതെ ക്ലാസ്സിൽ നിന്നും ഇറങ്ങിപ്പോയി

നേരെ ക്യാന്റീനിലേക്കു പോകാം എന്ന് കരുതി ഇറങ്ങിയതാണ് അപ്പോളാണ് ലക്ഷ്മിയും നിതിനും കൂടെ സ്റ്റെപ്പിൽ നിന്ന് സംസാരിക്കുന്നതു കണ്ടത്, ആദ്യം കരുതി എന്തിനാ വെറുതെ അതിൽ ഇടപെടുന്നതു എന്ന്, പിന്നെ നോക്കിയപ്പോൾ ലക്ഷ്മി നല്ല ദേഷ്യത്തിലാണ്.

എന്തായാലും അവർ സംസാരിക്കുന്നത് കേൾക്കാൻ തീരുമാനിച്ചു,

ആദ്യം കെട്ടത് ലക്ഷ്മിയുടെ ഒച്ചയാണ്

” എനിക്ക് താല്പര്യം ഇല്ല ”

“അതിനുള്ള കാരണമാണ് എനിക്കറിയേണ്ടതു ”

” പ്രിത്യേകിച്ചു കാരണം ഒന്നും ഇല്ല, എനിക്ക് നിന്നെ ഇഷ്ടമല്ല ”

അത് കേട്ടപ്പോൾ എന്റെ മനസ്സ്സിൽ ഉണ്ടായ സന്തോഷം….

“നിനക്ക് ഇപ്പൊ നമ്മളെ ഒന്നും പിടിക്കില്ലല്ലോ, ഇപ്പൊ എന്റെ കയ്യിൽ നിന്നും തല്ലു വാങ്ങിയ ആ പയ്യന്റെ കൂടെ ആണല്ലോ കൂട്ട് ”

” അതെ അതിനു നിനക്കെന്താ, പിന്നെ അവനെ തല്ലിയത് അത് അവൻ ജൂനിയർ ആണ് അവൻ നിന്നെ തിരിച്ചു തല്ലില്ല എന്നുള്ള ഉറപ്പുള്ളത് കൊണ്ടല്ലേ … ”

അവൻ ഒന്നും മിണ്ടുന്നില്ല, എന്തായാലും എന്റെ പെണ്ണ് കൊള്ളാം അവന്റെ വായടക്കുന്ന രീതിയിലായിരുന്നു വർത്താനം

അപ്പൊ അവൾ രാവിലെ കുറച്ചു മുൻപ് പറഞ്ഞത് എല്ലാം ചുമ്മാതെ ആയിരുന്നു, എന്നെ പറ്റിക്കാൻ.ശരി നിനക്ക് ഞാൻ വച്ചിട്ടുണ്ട് മോളെ എന്ന് മനസ്സിൽ പറഞ്ഞു ഞാൻ തിരിച്ചു ക്ലാസ്സിലേക്ക് നടന്നു

” മിസ്സ്‌… ”

മാളു ചേച്ചി എന്നെ ഒന്ന് നോക്കിയതല്ലാതെ ഒന്നും പറഞ്ഞില്ല, അവളുടെ കണ്ണുകൾ ചെറുതായി നിറഞ്ഞിട്ടുണ്ട്

” മിസ്സ്‌ ഞാൻ ക്ലാസ്സിൽ കയറിക്കോട്ടെ ”

” നിനക്ക് തോന്നുമ്പോ വരാനും തോന്നുമ്പോ പോകാനും ഇത് സത്രമല്ല ”

നല്ല ക്ളീഷേ ഡയലോഗ് എന്ന് മനസ്സിൽ പറഞ്ഞു, ഉറക്കെ എങ്ങാനും പറഞ്ഞാൽ ഇപ്പോളത്തെ ദേഷ്യത്തിന് അവൾ ചിലപ്പോ ക്ലാസ്സിൽ കയറ്റി എന്ന് വരില്ല

“സോറി മിസ്സ്‌ അപ്പോളത്തെ ദേഷ്യത്തിന് പറ്റിയതാ, ഇനി ഉണ്ടാവില്ല ”

” ആ ശരി കയറിക്കോ ”

” thank you miss ”

പിന്നെ ഉള്ള രണ്ടു പീരിയഡ് പോകാൻ ഒരുപാട് സമയം എടുത്തു, ക്ലാസ്സ്‌ ബോറിങ് ആയിരുന്നത് കൊണ്ടല്ല ലക്ഷ്മിയെ കാണാൻ കാത്തിരുന്നത് കൊണ്ടാവും

ഞാൻ കഴിക്കാൻ പോകുന്നതും കാത്തു അവൾ അവളുടെ സ്ഥിരം സ്ഥലത്തു തന്നെ നിൽപ്പുണ്ട്, ഞാൻ അവളെ കണ്ടിട്ടും കാണാത്തതു പോലെ അവളെ കടന്നു പോയി

” ഡാ അഖിലേ ”

അവളുടെ വിളി കേട്ടതും മനസ്സിൽ സന്തോഷം വന്നെങ്കിലും അത് പുറത്തു കാണിച്ചില്ല

” ആ പറ ലക്ഷ്മി ചേച്ചി ”

” ലക്ഷ്മി ചേച്ചിയോ, അപ്പൊ രാവിലെ ഇങ്ങനല്ലല്ലോ വിളിച്ചത്”

“അത് രാവിലെ അല്ലെ, അത് കഴിഞ്ഞു എന്തൊക്കെ സംഭവിച്ചു, ചേച്ചിക്ക് എന്നെ ഇഷ്ടമല്ല എന്ന് പറഞ്ഞു, ചേച്ചിക്ക് നിതിനെ ആണ് ഇഷ്ടം എന്ന് പറഞ്ഞു”

” അതിനു ? ”

“ഞാൻ ഇഷ്ടപ്പെടുന്ന പെണ്ണിനാണ് ആ പേരിട്ടത്, ഇപ്പൊ ചേച്ചിക്കി വേറൊരാളെ ഇഷ്ടമാണെന്ന് അറിഞ്ഞപ്പോൾ അത് വേണ്ടാന്നു തോന്നി ”

അവൾ ഇതൊക്കെ കെട്ടു ചെറുതായി ചിരിക്കുന്നുണ്ട്, അവളുടെ വിചാരം ഞാൻ സങ്കടത്തിലാണ് ഇതൊക്കെ സംസാരിക്കുന്നതു എന്നാണ്

” അപ്പൊ ഞാൻ പോട്ടെ ചേച്ചി ”

” ആ ശരി, നീ എന്നെ കാണുമ്പോൾ ഒഴിഞ്ഞു മാറിപ്പോകേണ്ട കാര്യം ഒന്നും ഇല്ല, നിനക്ക് എന്നോട് പഴയ പോലെ തന്നെ സംസാരിക്കാം ”

” ഓ വേണ്ട ചേച്ചി, ഞാൻ ആ സമയം കൊണ്ട് വേറെ വല്ല പെൺപിള്ളേരേം കിട്ടുവോ എന്ന് നോക്കട്ടെ ”

അത്രയും നേരം ചിരിച്ചു കൊണ്ടിരുന്നവൾ അത് കേട്ടപ്പോൾ കാറ്റഴിച്ചുവിട്ട ബലൂൺ പോലെ ആയി

ഞാൻ പിന്നെ ഒന്നും മിണ്ടാതെ കഴിക്കാൻ പോയി, അവന്മാർ ക്ലാസ്സിൽ തന്നെ ആരുടെ ഒക്കെയോ പാത്രത്തിൽ കയ്യിട്ടുവാരി കഴിച്ചു എന്ന് തോന്നുന്നു,ഇവളോട് സംസാരിക്കാൻ വന്നത് കൊണ്ടാണ് ഇല്ലെങ്കിൽ ഞാനും കൂടിയേനെ

കഴിച്ചു കഴിഞ്ഞു നേരെ പോയത് സ്റ്റാഫ്റൂമിലേക്കാണ് മാളു ചേച്ചീനെ കണ്ടു സോറി പറയണം, ഞാൻ ചെന്നപ്പോൾ ഭാഗ്യത്തിന് അവിടെ വേറെ ആരും ആ സമയത്തു ഉണ്ടായിരുന്നില്ല

“miss may i come in? !

എന്നെ കണ്ടതും അവൾ ദേഷ്യത്തിലായി, അവൾ മറുപടി ഒന്നും പറഞ്ഞില്ല, ഞാൻ രണ്ടും കല്പിച്ചു അവളുടെ അടുത്തേക്ക് ചെന്ന്

” ചേച്ചി ”

” ചേച്ചി ഒക്കെ അങ്ങ് വീട്ടിൽ,”

” എടി ചേച്ചി ഞാൻ അപ്പോളത്തെ ദേഷ്യത്തിന് അറിയാതെ പറഞ്ഞതല്ലേ, അതിനു എല്ലാവരുടെയും മുന്നിൽ വച്ചു മാപ്പും പറഞ്ഞു പിന്നെന്താ ”

എന്റെ ശബ്ദത്തിലെ ഇടർച്ച കേട്ടിട്ടാവണം അവൾ എന്നെ ഒന്ന് നോക്കി

” നിനക്ക് മാത്രമല്ലെ ദേഷ്യവും സങ്കടവും ഉള്ളു, വേറെ ആർക്കും ഇല്ലല്ലോ, നീ അങ്ങനെ ഇറങ്ങിപ്പോയപ്പോൾ എനിക്ക് കരച്ചിൽ വന്നതാ പിന്നെ ക്ലാസ്സിൽ നിന്ന് കരയാൻ പാടില്ലല്ലോ, അതുകൊണ്ട് മാത്രം കരഞ്ഞില്ല ”

“ഡീ നേടി വേണേൽ എന്നെ രണ്ടു തല്ലു തല്ലിക്കൊ, എന്നാലും ഒന്നും മിണ്ടാതെ ഇരിക്കല്ലേ ”

” ആ അതൊക്കെ പോട്ടെ നീ എന്തിനാ അപ്പോ ദേഷ്യപ്പെട്ടതു? ”

ഞാൻ അവളോട്‌ നടന്നത് എല്ലാം പറഞ്ഞു

അവൾ വീണ്ടും എന്നെ കളിയാക്കി ചിരിക്കാൻ തുടങ്ങി

” വീണ്ടും തുടങ്ങി അവളുടെ കൊലച്ചിരി”

“ഞാൻ ചിരിക്കും ”

അതും പറഞ്ഞു അവൾ വീണ്ടും ചിരിക്കുകയാണ്

” എന്ന നീ ചിരിക്കു ഞാൻ പോണു, എനിക്ക് കുറച്ചു പരിപാടി ഉണ്ട് ”

” ആ നീ ചെല്ല് എനിക്കും കുറച്ചു പണി ഉണ്ട് ”

അവിടുന്ന് നേരെ ഞാൻ അവന്മാരുടെ അടുത്തേക്ക് ചെന്ന് നടന്നത് മുഴുവൻ പറഞ്ഞു,

എല്ലാം പറഞ്ഞു കഴിഞ്ഞിട്ടും അവർക്കൊരു സന്തോഷവും ഇല്ല

“എന്താടാ തെണ്ടികളെ നിങ്ങൾക്കൊരു സന്തോഷം ഇല്ലാത്തത്, ”

“പിന്നെ ഒരു അടിക്കുള്ള വക ഒത്തതാ അത് പോകുമ്പോൾ സന്തോഷിക്കണോ ”

അവന്മാർക്ക് വെള്ളമടി നടക്കാത്തതിന്റെ വിഷമം ആണ്

” അതിനെന്താ ഇതിന്റെ സന്തോഷത്തിനു നമ്മൾ അടിക്കുന്നു ”

” ആ അങ്ങനെ ആണെങ്കിൽ ok”

ഉച്ചകഴിഞ്ഞു ഫുൾ workshop practice ആയിരുന്നു അതുകൊണ്ട് അവളെ കാണാൻ പറ്റിയില്ല

ക്ലാസ്സ്‌ കഴിഞ്ഞതും നേരെ ക്യാന്റീനിലേക്കു വിട്ടു, അവൾ അവിടേക്കു വരും എന്നെനിക്കു ഉറപ്പായിരുന്നു, പ്രതീക്ഷിച്ച പോലെ തന്നെ അവൾ വന്നു കൂടെ രണ്ടു പുതിയ ആളുകൾ കൂടെ ഉണ്ടായിരുന്നു

” ഹായ് അലീനാ ”

പാറ്റ ലക്ഷ്മിയുടെ കൂടെ വന്ന പെണ്ണിനോടാണ്

“ഹായ് വിഷ്ണു ”

പിന്നെ അവർ തമ്മിൽ പൊരിഞ്ഞ സംസാരം, ഇവൻ ഇതൊക്കെ എപ്പോ പരിചയപ്പെട്ടോ എന്തോ

അപ്പോഴാണ് ഞാൻ ലക്ഷ്മിയുടെ കൂടെ നിക്കുന്ന പെൺകുട്ടിയെ ശ്രദ്ധിക്കുന്നതു, അവളെ കണ്ടപ്പോൾ ഒരു ഐഡിയ തോന്നി

” ഹായ് ഞാൻ അഖിൽ ”

“ഇന്ദു ”

അവൾ സ്വന്തമായി പരിചയപ്പെടുത്തി

പിന്നെ ഞങ്ങൾ ഒരുപാട് നേരം സംസാരിച്ചു ലക്ഷ്മി ഇതൊക്കെ നോക്കിക്കൊണ്ടു നിൽപ്പുണ്ട് പിന്നെ അലീനയും പാറ്റയും വന്നു ഞങ്ങളോടൊപ്പം കൂടി

ലക്ഷ്മിയെ ദേഷ്യം പിടിപ്പിക്കാൻ വേണ്ടി സംസാരിച്ചതാണെങ്കിലും ആ സമയം കൊണ്ട് ഞങ്ങൾ നല്ല കൂട്ടായി, ഞങ്ങൾ സംസാരിക്കുന്നതു അവൾക്കു അത്ര സുഖിക്കുന്നില്ല

” നിങ്ങൾ വരുന്നുണ്ടോ പോകാൻ സമയമായി ”

അവൾ ആ പിള്ളേരോട് ചൂടായി

“ആ പോകാം ചേച്ചി ”

അവളുടെ ശബ്ദം ഉയർന്നപ്പോൾ ഇന്ദു പേടിച്ചു എന്ന് തോന്നുന്നു

” അപ്പൊ ശരിയടാ പാറ്റെ നാളെ കാണാം ”

പെട്ടെന്ന് തന്നെ അലീനക്കും വിഷ്ണു മാറി പാറ്റയായി

“ആ ശരിയെടി ”

ഞാൻ ലക്ഷ്മിയെ ചൂടാക്കാൻ തീരുമാനിച്ചു

“അപ്പൊ നാളെ കാണാം ലക്ഷ്മി ചേച്ചി ”

അവൾ ദേഷ്യപ്പെട്ടു ഒന്ന് തിരിഞ്ഞു നോക്കിയതല്ലാതെ ഒന്നും പറഞ്ഞില്ല,

ഞങ്ങൾ തിരിച്ചു റൂമിൽ എത്തുമ്പോൾ അരുൺ ചേട്ടൻ പുറത്തു നിന്ന് ആർക്കോ ഫോൺ ചെയ്യുന്നുണ്ട്, ഞങ്ങളെ കണ്ടതും ഫോൺ കട്ടുചെയ്തു, അപ്പോഴേ എനിക്കെന്തോ ഒരു സ്പെല്ലിങ് മിസ്റ്റേക്ക് ഫീൽ ചെയ്തു

“ഡാ നിങ്ങൾ ഇപ്പോളാണോ വരുന്നത്, കോളേജ് കഴിഞ്ഞിട്ട് നേരം കൊറേ ആയല്ലോ ”

” ഞങ്ങൾ ക്യാന്റീനിൽ ആയിരുന്നു ചേട്ടാ ”

“ഇത്രയും നേരമോ, എന്തായിരുന്നു പരിപാടി ”

“ഞങ്ങൾ ചായ കുടിച്ചു കൊണ്ടിരുന്നപ്പോൾ ആണ് ലക്ഷ്മി ഒക്കെ വന്നത്, പിന്നെ അവരോടു സംസാരിച്ചു സമയം പോയതറിഞ്ഞില്ല ”

” ഏതു ലക്ഷ്മി, ഇലക്ട്രോണിക്സ് ലെയോ? ”

“ആ അതെ ചേട്ടാ ”

“മ്മ് ശരി കേറിപ്പോ ”

പിന്നെ ഒന്നും മിണ്ടാതെ ഞങ്ങൾ കയറിപ്പോയി, അന്നത്തെ രാത്രിയും മദ്യപാനവും ആയി കടന്നു പോയി

പിറ്റേന്ന് കാലത്ത് കോളേജിൽ ചെല്ലുമ്പോൾ എന്നും നിക്കാറുള്ള സ്ഥലത്തു തന്നെ നില്പുണ്ട് ആള്, എന്നെ കണ്ടതും ഒന്ന് ചിരിച്ചു

“ഡാ അഖിലേ ”

” എന്താ ചേച്ചി ”

” ദൈവത്തെ ഓർത്തു ഈ ചേച്ചി വിളി ഒന്ന് നിർത്തുമോ ”

“ചേച്ചി എന്റെ സീനിയർ അല്ലെ ”

ഞാൻ മാക്സിമം വെറുപ്പിക്കുകയാണ്

“ഞാൻ സീനിയർ ആണെന്ന് ഇപ്പോഴാണോ ഓർമവന്നത് ”

” ഞാൻ ഇന്നലെ കൊറേ നേരം ആലോചിച്ചു, ചേച്ചി പറഞ്ഞതാ ശരി നമ്മൾ തമ്മിൽ ചേരില്ല ചേച്ചി എന്നെക്കാൾ മൂത്തതല്ലേ ”

ഞാൻ ഇതൊക്കെ പറയുമ്പോൾ അവളുടെ മുഖം കടന്നൽ കുത്തിയത് പോലെ ആയി

” നീ എന്നെ ചേച്ചി എന്ന് വിളിക്കണ്ട ലക്ഷ്മി എന്ന് വിളിച്ചാൽ മതി “.

“അയ്യോ അപ്പൊ നിതിൻ ചേട്ടൻ കേട്ടാലോ ”

“എടാ ഞാൻ ചുമ്മാ പറഞ്ഞതാ എനിക്കവനെ ഇഷ്ടമല്ല ”

“ഇന്നലെ അങ്ങനെ അല്ലല്ലോ പറഞ്ഞത് ”

“അത് നിന്നെ വെറുതെ പറ്റിക്കാൻ പറഞ്ഞതല്ലേ ”

” ആണോ ഞാൻ ചേച്ചി കാര്യമായി പറഞ്ഞതാണെന്ന് കരുതി വേറെ ആളെ നോക്കാൻ തുടങ്ങി ”

” അപ്പൊ നീ എന്നെക്കാൾ നല്ല കുട്ടിയെ ഇവിടെ കണ്ടില്ല എന്ന് പറഞ്ഞിട്ടോ ”

“അതിപ്പോഴും കണ്ടില്ല, നമുക്ക് വിശക്കുമ്പോൾ ചിലപ്പോൾ ബിരിയാണി കിട്ടണം എന്നാഗ്രഹിക്കും എന്ന് വച്ചു കിട്ടിയത് ചോറാണെങ്കിൽ കഴിക്കാതെ ഇരിക്കുമോ ”

നല്ല ചീഞ്ഞ ചളി ആണെങ്കിലും ഇവൾക്ക് ഇതൊക്കെ മതി

“ആരാ ആള് ”

പെട്ടന്നവൾ അങ്ങനെ ചോദിച്ചപ്പോൾ എന്റെ മനസ്സിൽ വന്നത് ഇന്ദു വാണ്

“ഇന്ദു ”

അത് കേട്ടപ്പോൾ അവളുടെ മുഖത്തെ സങ്കടം ഒക്കെ മാറി സന്തോഷം ആയി

“ആ ഇന്ദുവാണോ അവൾക്കു നീ മാച്ചാണ് ”

എനിക്കൊന്നും മനസ്സിലായില്ല ഇത്രയും നേരം സങ്കടപ്പെട്ടു ഇരുന്നവൾ ഇന്ദുവിന്റെ കാര്യം പറഞ്ഞതും ഹാപ്പി ആയി

“പിന്നെ നിന്റെ പുതിയ പ്രേമത്തിന് എന്റെ എന്തെങ്കിലും ഹെല്പ് വേണമെങ്കിൽ പറയാൻ മടിക്കേണ്ട എന്നെക്കൊണ്ട് പറ്റുന്നതാണെങ്കിൽ ഞാൻ ചെയ്യാം ”

അവളുടെ ഈ ഡയലോഗ് കൂടെ കേട്ടപ്പോൾ ഉറപ്പായി എവിടെയോ കയ്യിൽ നിന്ന് പോയി

“ആ പിന്നെ നിന്നെ ഞാൻ നോക്കി നിന്നത് വേറൊരു കാര്യം പറയാനാ ”

അവൾ തുടർന്നു

“അടുത്ത സൺ‌ഡേ നമ്മുടെ അനുഷ മിസ്സിന്റെ കല്യാണമാണ് നീ വരുമോ ”

” അനുഷ മിസ്സിന്റെയോ, എന്നിട്ട് ഒന്നും പറഞ്ഞില്ലാലോ ”

“ആ ഇന്ന് പറയുമായിരിക്കും ”

“അല്ല നീ എങ്ങനെ അറിഞ്ഞു ”

“ഇത്രയും നേരം ചേച്ചി ആയിരുന്നല്ലോ വീണ്ടും നീ ആയോ”

ശേ കയ്യീന്ന് പോയി

“അത് ഞാൻ അറിഞ്ഞോണ്ട് വിളിച്ചതാ, ഇത്രേം നേരം നിന്ന് കരയുവല്ലായിരുന്നോ എന്നെ ലക്ഷ്മീന്നു വിളിക്ക് എന്നും പറഞ്ഞു ”

“ആ അതെന്തെലും ആകട്ടെ നീ വരുമോ ”

“വിളിച്ചാൽ വരും ”

“അല്ല നിനക്കെന്താ ഇതിൽ ഇത്ര ഇന്ട്രെസ്റ് ”

“ഒന്നൂല്ല മിസ്സിന്റെ വീട് എന്റെ വീടിന്റെ അടുത്താ, കല്യാണത്തിന് അമ്മയും അനിയത്തിയും ഉണ്ടാകും വന്നാൽ പരിചയപ്പെടുത്തി തരാം ”

“നിന്റെ അമ്മേനേം അനിയത്തിയേം ഞാൻ എന്തിനാ പരിചയപ്പെടുന്നത് ”

അവൾക്കു അത് കേട്ടപ്പോൾ നല്ല ദേഷ്യം വന്നു

” നീ വരുന്നുണ്ടേൽ വന്നാ മതി ”

അതും പറഞ്ഞു അവൾ ഒരു പോക്ക്, അവൾ ദേഷ്യപ്പെട്ടു പോകുന്നത് കാണാൻ നല്ല രസം

ഞാൻ ക്ലാസ്സിലേക്ക് ചെന്നതേ മിസ്സ്‌ കല്യാണം വിളിക്കണേ എന്ന് പ്രാർത്ഥിച്ചു കൊണ്ടാണ്, എന്തായാലും അടുത്ത പീരിയഡ് maths ആണ്, മിസ്സ്‌ വന്നു ക്ലാസ്സ്‌ തുടങ്ങി എന്റെ ആലോചന മുഴുവൻ മിസ്സ്‌ കല്യാണം വിളിക്കുമോ എന്നായിരുന്നു, ക്ലാസ്സ് കഴിയുന്നത് വരെ കല്യാണം വിളിക്കാത്തപ്പോൾ ഞാൻ ഒന്ന് പേടിച്ചു

“ഇനി വിളിക്കാത്ത കല്യാണത്തിന് പോകേണ്ടി വരുമോ ”

“കല്യാണമൊ ആരുടെ ”

വീണ്ടും ആത്മഗതം ഉച്ചത്തിൽ ആയിപ്പോയതിന്റെ പ്രതിഫലനം പാറ്റയിൽ നിന്നും

“ഒന്നൂല്ലടാ ഞാൻ എന്തോ ആലോചിച്ചു പറഞ്ഞതാ ”

“ഹ്മ്മ് നിന്റെ ആലോചന കുറച്ചായി കൂടുന്നുണ്ട് ”

ഞാൻ ഒന്നും മിണ്ടാൻ പോയില്ല

“അപ്പൊ സ്റ്റുഡന്റസ് ഇന്നത്തെ ക്ലാസ്സ്‌ കഴിഞ്ഞു, എനിക്ക് നിങ്ങളോട് ഒരു കാര്യം പറയാനുണ്ട്, അത് ഒരേസമയത്തു ഗുഡ്‌ന്യൂസ് ഉം ബാഡ്‌ന്യൂസും ആണ് ”

എല്ലാവരും miss എന്താ പറയുന്നത് എന്നറിയാൻ കാതോർത്തു

” the good news is i am getting married, അടുത്ത സൺ‌ഡേ എന്റെ കല്യാണമാണ്, and the bad news is കല്യാണം കഴിഞ്ഞു ഞാൻ ഇങ്ങോട്ട് വരില്ല എനിക്ക് ട്രാൻസ്ഫർ ആയി ”

എല്ലാവരും അത് കേട്ടതിന്റെ ഞെട്ടലിൽ ഇരിക്കുമ്പോൾ ഒരുത്തൻ മാത്രം എന്നേം നോക്കി ഇരിക്കുന്നു

“എന്താടാ നോക്കുന്നെ ”

“അപ്പൊ ഈ കല്യാണത്തിന്റെ കാര്യമാണ് നീ പറഞ്ഞത്, ഇനി പറ നീ എങ്ങനെ ഇത് മുന്പേ അറിഞ്ഞു ”

പാറ്റ ചോദ്യം ചോദിച്ചു കൊല്ലുകയാണ്

“അത് ലക്ഷ്മി പറഞ്ഞു, അവളുടെ വീടിന്റെ അടുത്താ മിസ്സിന്റെ വീട് ”

“ഓ അങ്ങനെ വരട്ടെ അപ്പൊ അവൾ കല്യാണത്തിന് വരും, അപ്പോ നിനക്കും പോണം അതാണ്‌ മിസ്സ്‌ കല്യാണം വിളിക്കുമോ ഇല്ലയോ എന്ന ടെൻഷനിൽ നിന്നത് !”

ഞാൻ വെറുതെ ഒന്ന് ചിരിച്ചു കാണിച്ചു

അവന്മാർ പിന്നെയും എന്തൊക്കെയോ പറഞ്ഞു, ഞാൻ ഒന്നും കേട്ടില്ല എന്റെ മനസ്സ് മുഴുവൻ അടുത്ത സൺ‌ഡേ നടക്കാൻ പോകുന്ന കല്യാണം ആയിരുന്നു

ഇന്റെർവെല്ലിനു ഇറങ്ങിയ സമയത്തു ഇന്ദുവിനെ കാണണം എന്ന് ഉറപ്പിച്ചു, ഞങ്ങളുടെ ക്ലാസ്സിന്റെ തൊട്ടു ചേർന്ന് തന്നെയാണ് അവളുടെ ക്ലാസ്സ്‌. നേരെ അവളുടെ ക്ലാസ്സിലേക്ക് ചെന്നു അവളെ കൈ കാട്ടി വിളിച്ചു പുറത്തിറക്കി

” എന്താടാ ”

” എടി ഞാൻ നിന്നോട് ഒരു കാര്യം പറയാൻ വന്നതാണ് ”

” ആ നീ പറ ”

“ഈ കാര്യം എനിക്കും പിന്നെ എന്റെ ഫ്രണ്ട്‌സ് നും മാത്രേ അറിയൂ. ഇപ്പൊ നിന്നോടും പറയാൻ പോകുവാ ”

“നീ കാര്യം പറയടാ ”

” നീ ഇത് വേറെ ആരോടും പറയരുത്, എനിക്ക് നിന്റെ സഹായം ആവശ്യമാണ്‌ അതുകൊണ്ടാണ് ഞാൻ നിന്നോടിത് പറയുന്നത് ”

“ഞാൻ ആരോടും ഒന്നും പറയില്ല, നീ കാര്യം പറയ് ”

ഞാൻ അവളോട്‌ ഉള്ള കാര്യം മുഴുവൻ പറഞ്ഞു

“പെട്ടന്ന് അവൾ അങ്ങനെ ചോദിച്ചപ്പോൾ എന്റെ മനസ്സിൽ നീയാണ് വന്നത്, അത് മാത്രമല്ല എനിക്ക് ഇവിടെ ആകെ അറിയാവുന്ന പെൺകുട്ടി നീയാണ്, അതുകൊണ്ടാ നിന്റെ പേര് പറഞ്ഞത് ഒന്നും തോന്നല്ലേട്ടോ ”

“നിന്റെ കളിയൊക്കെ കൊള്ളാമായിരുന്നു. എന്റെ പേര് പറയുന്നത് വരെ എന്റെ പേര് പറഞ്ഞപ്പോ എല്ലാം നിന്റെ കയ്യീന്ന് പോയി ”

” അതാ എനിക്കും മനസ്സിലാവാതെ, അത്രയും നേരം വിഷമിച്ചു നിന്നവൾ പെട്ടെന്നെങ്ങനെ മാറി ”

” സിമ്പിൾ, എന്റെ കല്യാണം ഉറപ്പിച്ചതാണ് ”

അത് കേട്ടപ്പോൾ എല്ലാം മനസ്സിലായി

“അടിപൊളി അപ്പൊ അതാണ്‌ കാര്യം, ഇനീപ്പോ എന്ത് ചെയ്യും ”

” എന്ത് ചെയ്യാൻ, നീ എന്റെ പുറകെ തന്നെയാണ് എന്ന് പറ ആദ്യമൊക്കെ അവൾക്കു കുഴപ്പം ഉണ്ടാവില്ല പിന്നെ പിന്നെ ചെറിയ ദേഷ്യം ഒക്കെ വന്നു തുടങ്ങും ”

“ok സെറ്റ് ”

“എടാ നീ അനുഷ മിസ്സിന്റെ കല്യാണത്തിന് പോണുണ്ടോ,”

“ആ പോണുണ്ട്, അവളുടെ അമ്മയും അനിയത്തിയും വരുന്നുണ്ട് എന്ന് പറഞ്ഞു അവരെ ഒന്ന് പരിചയപ്പെടണം”

“എടാ, അപ്പൊ നീ കാര്യമായിട്ടാണോ ”

“ആ പിന്നെ നീ എന്താ കരുതിയെ, ഞാൻ ഇത്രയും കാലം ഒരു പെണ്ണിന്റെയും പിന്നാലെ പോയിട്ടില്ല ഇവളാ ആദ്യത്തെ, അവസാനത്തെയും ഇവൾ തന്നെ ആകണം എന്നാണ് ആഗ്രഹം ”

“ആ അപ്പൊ all the best, ഞങ്ങൾ ഉണ്ടാവും കൂടെ ”

“ഞങ്ങളോ ആരാണീ ഞങ്ങൾ ”

“ഞാനും അലീനയും, ”

“അപ്പൊ നീയിതു അലീനയോടു പറയുമോ ”

“പറയും, ഞാൻ എല്ലാം അവളോട്‌ പറയും. നീ പേടിക്കണ്ട അവൾ ആരോടും പറയില്ല ”

“ok നിന്റെ ഇഷ്ടം ”

പിന്നെ അടുത്ത ഞായർ ആകാനുള്ള കാത്തിരിപ്പായിരുന്നു, ഇത്ര നീളമുള്ള ഒരാഴ്ച എന്റെ ജീവിതത്തിൽ ഉണ്ടായിട്ടില്ല, ചിലപ്പോ അതിങ്ങനെ ഇതിനായി മാത്രം കാത്തിരുന്നത് കൊണ്ടാവും. ഈ ഒരാഴ്ച മുഴുവൻ ഞാൻ ലക്ഷ്മിയുടെ മുന്നിൽക്കൂടെ ഇന്ദുവിനെയും നോക്കി നടക്കുകയായിരുന്നു അത് കാണുമ്പോ ആദ്യം അവൾക്കു ചിരി ആയിരുന്നു, പിന്നെ ആ ചിരിയൊക്കെ മാഞ്ഞു തുടങ്ങി

അങ്ങനെ ഞാൻ കാത്തിരുന്ന ദിവസം എത്തി, ഞങ്ങൾ കല്യാണത്തിന് പോകാൻ തയാറായി വന്നു, എല്ലാവരും ഒരേ തരം ഡ്രസ്സ്‌ ആണ് ഇട്ടിരിക്കുന്നത് ,ആഷികിനും pv ക്കും ബൈക്ക് ഉള്ളത് കൊണ്ട് ഞങ്ങൾ എല്ലാം ബൈക്കിനാണ് പോയതു …

കല്യാണത്തിന് കോളേജിൽ നിന്നും അതികം കുട്ടികൾ ഒന്നും വന്നിട്ടില്ല.വന്നിട്ടുള്ളവരിൽ കൂടുതലും ഫസ്റ്റ് യേർസ് ആണ്, പിന്നെ സെക്കന്റ്‌ ഇയറിലേയും തേർഡ് ഇയറിലേയും ചില ചേച്ചിമാരും

ഞാൻ കാണാൻ ശ്രമിക്കുന്ന ആളെ മാത്രം ആ ഭാഗത്തെങ്ങും കാണാനില്ല, അവളെ തേടുന്ന സമയത്താണ് പരിചയമുള്ള ഒരു മുഖം ഞാൻ കാണുന്നത്, അരുൺചേട്ടൻ, പുള്ളീടെ ഒപ്പം പഠിക്കുന്ന ആരും വന്നിട്ടില്ല അപ്പൊ പിന്നെ പുള്ളി ഒറ്റക്കെന്തിന് വന്നു!! ആ എന്തായാലും നമ്മൾ വന്ന കാര്യം നോക്കണമല്ലോ

ഞാൻ നോക്കുമ്പോൾ ലക്ഷ്മി ഉണ്ട് പാറ്റയോടും ആഷിക്കിനോടും ഒക്കെ സംസാരിച്ചു നിൽക്കുന്നു, ഞാൻ അവളെ കണ്ടുപിടിക്കാൻ അവന്മാരെ പറ്റിച്ചിട്ടു പോന്നതാണ് ഇപ്പൊ അവള് അവന്മാരുടെ ഒപ്പം നിൽക്കുന്നു, എന്തായാലും അങ്ങോട്ട്‌ പോകാൻ തീരുമാനിച്ചു

“ആ നിങ്ങൾ ഇവിടെ നിക്കുവാണോ, ഞാൻ എവിടെ എല്ലാം തിരക്കി ”

ലക്ഷ്മി അവിടെ നിൽക്കുന്നത് ഞാൻ കണ്ടില്ല എന്ന ഭാവത്തിൽ അവരോടു സംസാരിച്ചു

“ഡാ നമ്മുടെ ലക്ഷിചേച്ചിയുടെ അമ്മയും അനിയത്തിയും”

അവന്മാർ എന്നെ നോക്കി പറഞ്ഞതും ഞാൻ ഒരു അത്ഭുതം അഭിനയിച്ചു

“അയ്യോ ലക്ഷ്മിയോ, ഞാൻ കണ്ടില്ല കേട്ടോ ”

അവൾ അതിനൊന്നും പറയാതെ എന്നെ തുറിച്ചൊന്നു നോക്കി

“നീ എന്നെ കണ്ടില്ല അല്ലേടാ പട്ടി ”

അതായിരിക്കും അവളുടെ മനസ്സിൽ എന്ന് തോന്നുന്നു

“ഇതാണോ അമ്മ, നമസ്കാരം അമ്മേ,”

“മോനാണോ അഖിൽ ”

അമ്മയുടെ ചോദ്യം കേട്ടതും ഞാൻ ഒന്ന് ഞെട്ടി,

“അതെ അമ്മേ ഞാനാണ് ”

“മ്മ് ലക്ഷ്മി പറഞ്ഞിട്ടുണ്ട് മോനെപ്പറ്റി ”

“ഹായ് ചേട്ടാ എന്റെ പേര് ദുർഗ, ലക്ഷ്മിയുടെ അനിയത്തിയാ ”

“പേര് ഇട്ടതു മാറിപ്പോയല്ലോ അമ്മേ, ലക്ഷ്മിയുടെ സ്വഭാവം ഉള്ളവൾക്ക് ദുർഗ എന്നും ദുർഗ്ഗയുടെ സ്വഭാവം ഉള്ളവൾക്കു ലക്ഷ്മി എന്നും പേരിട്ടിരിക്കുന്നു ”

ഞാൻ പറഞ്ഞത് കേട്ടിട്ട് അമ്മയും ദുർഗയും ഭയങ്കര ചിരിയാണ്, ഇവരുടെ ഈ ചിരി

കണ്ടപ്പോളാണ് എനിക്ക് മനസ്സിലായത് ഞാൻ പറഞ്ഞത് ഇത്ര വല്യ കോമഡി ആണെന്ന്

പിന്നെയും ഞാൻ കൊറേ നേരം എന്തൊക്കെയോ അവരോടു രണ്ടുപേരോടും സംസാരിച്ചു, ആ സമയമത്രയും ലക്ഷ്മി മിണ്ടാതെ നിന്നു, ഇതിനിടയിൽ ആരോ വന്നു ലക്ഷ്മിയെയും അമ്മയെയും വിളിച്ചുകൊണ്ടു പോയി, ഇപ്പൊ ഞാനും ദുർഗയും മാത്രം ഈ സമയം കൊണ്ട് മാക്സിമം ലക്ഷ്മിയെ കുറിച്ച് ചോദിച്ചു അറിയണം എന്ന് ഉറപ്പിച്ചു

“മോളെ ”

“എന്താ ഏട്ടാ ”

“10 കഴിഞ്ഞു എന്താ പരിപാടി ”

“ഒന്നെങ്കിൽ +2പോണം അല്ലെങ്കിൽ ചേച്ചി ചെയ്തത് പോലെ ഡിപ്ലോമക്ക് പോണം ”

“അപ്പോ നിന്റെ ചേച്ചി +2പോയിട്ടില്ലാ?? !!”

“ഇല്ല ചേച്ചി 10കഴിഞ്ഞു നേരിട്ട് ഇങ്ങോട്ട് വന്നതാ ”

അത് കേട്ടപ്പോൾ എന്റെ മനസിൽ ലഡുകൾ ഒരുപാട് ഒരുമിച്ചു പൊട്ടി

“അപ്പൊ അവൾക്കു എത്ര വയസുണ്ട് അപ്പോ ”

“17”

“അപ്പൊ അവൾ എന്നെക്കാൾ ഇളയതാണല്ലേ ”

എനിക്കെന്റെ സന്തോഷം മറച്ചുവെക്കാൻ പറ്റീല്ല, ഞാൻ പറഞ്ഞതിന്റെ ഒച്ച അല്പം കൂടിപ്പോയെന്നു തോന്നുന്നു, ഞങ്ങളുടെ അടുത്ത് നിന്ന ആളുകൾ എല്ലാം എന്നെ നോക്കിക്കൊണ്ടിരിക്കുന്നു

“എന്താണ് മോനെ ഒരു ഇളക്കം ”

“ഒന്നുമില്ല മോളെ നിന്റെ ചേച്ചി എന്നെക്കാൾ ഇളയതാണെന്നു അറിഞ്ഞപ്പോൾ ഉണ്ടായ സന്തോഷം… ”

“അതിനെന്തിനാ ഏട്ടൻ സന്തോഷിക്കുന്നത് എന്നാണ് ചോദിച്ചത് ”

ആ ചോദ്യത്തിൽ ഞാൻ ഒന്ന് പരുങ്ങി

“ഇനീപ്പോ നിന്നു ഉരുകുവോന്നും വേണ്ടാ, ഞാൻ അമ്മയോടൊന്നും പറയില്ല ”

അത് കേട്ടപ്പോൾ എനിക്ക് ഒരു ചെറിയ സമാധാനം കിട്ടി

“വേറൊന്നും അല്ല നിന്റെ ചേച്ചി എന്നെ കുറെ നാളായി ഇട്ടു ചുറ്റിക്കുന്നു”

“ഹ്മ്മ് എനിക്കെല്ലാം മനസ്സിലാകുന്നുണ്ട്, ഏട്ടൻ മാത്രമല്ല അവളും ഈയിടക്കായി ഏട്ടനെക്കുറിച്ചു മാത്രമേ സംസാരിക്കാറുള്ളു. ”

അതെനിക്ക് കുറച്ചു സന്തോഷം തരുന്ന വാർത്തയായിരുന്നു.

“ആണോ അവൾ എന്ത് പറഞ്ഞു ”

“ഏട്ടന് ഫസ്റ്റ് ഡേ തല്ലുകിട്ടിയതും, ഏട്ടൻ അവളെ ഒരിക്കൽ രണ്ടു വായിനോക്കികളുടെ കയ്യിൽ നിന്ന് രക്ഷിച്ചതും എല്ലാം പറഞ്ഞു ”

“അത് പിന്നെ ഫസ്റ്റ് ഡേ അല്ലെ എന്ന് കരുതിയിട്ടാ അല്ലെങ്കിൽ ഞാൻ തിരിച്ചു തല്ലിയേനെ ”

“ഉവ്വ,….”

“ആ അതെന്തെങ്കിലും ആകട്ടെ, നിന്റ ചേച്ചീടെ ഡേറ്റ് ഓഫ് ബർത്ത് എന്നാ? ”

” പറഞ്ഞു തന്നാൽ എനിക്കെന്തു വാങ്ങിത്തരും? ”

അവൾ ബാർഗൈൻ ചെയ്യുകയാണ്, സമ്മതിക്കാതെ രക്ഷയില്ലല്ലോ

“നിനക്കെന്തു വേണം പറഞ്ഞോ, ഈ ഏട്ടൻ വാങ്ങിത്തരും ”

“എനിക്ക് ഇപ്പൊ ഒന്നും വേണ്ട, ഞാൻ പറയുമ്പോൾ വാങ്ങി തന്നാൽ മതി ”

“ok എന്നാൽ പറ ”

“6-7-1995അതാണ്‌ അവളുടെ ഡേറ്റ് ഓഫ് ബർത്ത്, ഇനി രണ്ടു ദിവസം കൂടിയേ ഉള്ളു”

അത് കേട്ടപ്പോൾ എനിക്ക് വളരെ സന്തോഷമായി, എന്തെങ്കിലും നല്ല ഗിഫ്റ്റ് കൊടുത്തു അവളെ ഇമ്പ്രെസ്സ് ചെയ്യണം

“ok ചക്കരെ താങ്ക്സ് ”

“താങ്ക്സ് ഒക്കെ മടക്കി പോക്കറ്റിൽ വച്ചോ, സ്നേഹം മാത്രം മതി ”

അവളുടെ ഈ വർത്തമാനം കാണുമ്പോൾ പാറ്റയുടെ…. അല്ല എന്റെ അനിയത്തി വിദ്യയെ ഓര്മവരുന്നു, അവളെ കിട്ടിയതിൽ പിന്നെ ഒരു അനിയത്തി ഇല്ലാത്തതിന് ഞാൻ വിഷമിച്ചിട്ടില്ല, അതൊക്കെ ആലോചിച്ചപ്പോൾ ചുണ്ടിൽ അറിയാതെ ഒരു ചിരി വന്നു

“എന്താ ഏട്ടാ ചിരിക്കൂന്നേ ”

“ഒന്നൂല്ലടാ, എനിക്ക് നിന്നെപ്പോലെ വേറൊരു അനിയത്തി കൂടെ ഉണ്ട് അതിനെപ്പറ്റി ആലോചിച്ചതാ ”

“എന്നിട്ട് ഏട്ടന് ഒരു ചേച്ചി മാത്രേ ഉള്ളു എന്നാണല്ലോ ലച്ചു പറഞ്ഞത് ”

അവളെ വീട്ടിലും ലച്ചു എന്നാണ് വിളിക്കുന്നത്‌ എന്നത് എനിക്കൊരു പുതിയ അറിവായിരുന്നു, അല്ലെങ്കിലും അങ്ങനെ ആണല്ലോ ലക്ഷ്മി ലച്ചുവാകും, അർച്ചന അച്ചുവാകും, കൃഷ്ണ കിച്ചുവാകും എന്തൊരു ക്‌ളീഷേ ആണല്ലേ

“എന്താ ഏട്ടാ കുറച്ചായല്ലോ ആലോചിക്കുന്നു ”

ദുർഗ്ഗയുടെ ഒച്ച കേട്ടപ്പോളാണ് ഞാൻ ചിന്തയിൽ നിന്നും പുറത്തു വരുന്നത്

“ഒന്നൂല്ലടാ, നീ വിദ്യയെ കുറിച്ചല്ലേ ചോദിച്ചത്, അവൾ എന്റെ അനിയത്തിയാണ് എന്നുവച്ചാൽ എന്റെ ചങ്കിന്റെ അനിയത്തി ”

“ഓ, അപ്പൊ ഞാനും ഒരു അനിയത്തിയായല്ലേ ”

“പിന്നെ, നീ എന്റെ അനിയത്തി അല്ലെ ”

ഞങ്ങൾ സംസാരിച്ചു കൊണ്ടിരിക്കുമ്പോൾ ലക്ഷ്മിയും അമ്മയും തിരിച്ചുവന്നു

“മോനെ എന്നാ ഞങ്ങൾ അങ്ങോട്ട്‌ പൊയ്ക്കോട്ടേ, വേറൊരു കല്യാണം കൂടെ ഉണ്ട് അവിടെയും ഒന്ന് മുഖം കാണിക്കണം ”

“ശരിയമ്മേ അങ്ങനെ ആകട്ടെ, പിന്നെ കാണാം ”

“അപ്പൊ ശരിയേട്ടാ, പിന്നെ ഞാൻ പറഞ്ഞ കാര്യം മറക്കണ്ട ”

ദുർഗ അവളുടെ ഗിഫ്റ്റിന്റെ കാര്യം ഓർമിപ്പിക്കുകയാണ്

“ഇല്ലടാ മറക്കൂല്ല”

“എന്താ രണ്ടുപേരും കൂടെ ഒരു സീക്രെട് ”

ഞങ്ങൾ സംസാരിക്കുന്നതു കേട്ടിട്ട് അമ്മ ചോദിച്ചു

“ഒന്നൂല്ല, അമ്മ വാ നമുക്ക് പോകാം”

ദുർഗ വേറൊന്നും പറയാൻ സമ്മതിക്കാതെ അമ്മയെയും കൂട്ടി നടന്നു

“ലക്ഷ്മീ ”

“എന്താടാ ”

ആളു നല്ല കലിപ്പിലാണ്

“ഒന്നൂല്ല ചുമ്മാ വിളിച്ചതാ, നിന്റെ അമ്മേനേം അനിയത്തീനേം എനിക്ക് ഇഷ്ടായീട്ടോ, നിന്നെപ്പോലല്ല പാവങ്ങളാ ”

“ഓഹ്‌, ആയിക്കോട്ടെ ഞാൻ അത്ര പാവം ഒന്നും അല്ല, നിനക്ക് പറ്റൂങ്കി മിണ്ടിയാ മതി”

“മിണ്ടിയല്ലേ പറ്റൂ, ഇന്ദുന് ഫോൺ ഇല്ലല്ലോ അപ്പൊ അവളോട് സംസാരിക്കണം എന്ന് തോന്നുമ്പോൾ ഞാൻ നിന്നെ വിളിക്കും അപ്പൊ അവൾക്കു ഫോൺ കൊടുത്താ മതി ”

“പോടാ നിന്റെ പ്രേമത്തിന് കുട പിടിക്കലല്ലേ എന്റെ പണി ”

ഞാൻ പറയുന്നത് കേട്ടിട്ട് അവൾക്കു നല്ല ദേഷ്യം വരുന്നുണ്ട്

“അപ്പൊ നീയല്ലേ പറഞ്ഞെ എന്ത് സഹായവും നീ ചെയ്യാം എന്ന് ”

“എടാ അവളുടെ കല്യാണം ഉറപ്പിച്ചതാ ”

“അതിനെന്താ കല്യാണം കഴിഞ്ഞിട്ടൊന്നും ഇല്ലല്ലോ”

“നീ എന്തേലും കാണിക്കു, ഞാൻ സഹായിക്കും എന്ന് പ്രതീക്ഷിക്കണ്ട ”

അതും പറഞ്ഞു അവൾ വേഗം തന്നെ അമ്മയുടെയും അനിയത്തിയുടെയും അടുത്തേക് നടന്നു

ഇപ്പോഴാണ് അവന്മാരെ കുറിച്ച് ആലോചിക്കുന്നത്, ഞാനും ദുർഗയും സംസാരിച്ചു തുടങ്ങുന്ന സമയത്ത് അവന്മാർ അടുത്തുണ്ടായിരുന്നു പിന്നെ എങ്ങോട്ട് പോയി എന്ന് കണ്ടില്ല,

അവന്മാരെ തിരക്കി കുറച്ചു നടന്നു കഴിഞ്ഞപ്പോളാണ്, അരുൺ ചേട്ടൻ ആരോടോ സംസാരിച്ചുകൊണ്ടു നിൽക്കുന്നത് കണ്ടത്, മറ്റെയാൾ ഒരു കാറിന്റെ മറവിലായതു കൊണ്ട് ആളെ കാണാൻ പറ്റുന്നില്ല, കണ്ടിട്ട് ഒരു പെൺകുട്ടി ആണെന്ന് തോന്നുന്നു, എന്തായാലും ആരാണ് അതെന്നു കണ്ടുപിടിക്കാൻ ഉറപ്പിച്ചു

അടുത്ത് ചെന്നതും കൂടെ ഉള്ള ആളിനെ കണ്ടു ഞാൻ ഒന്ന് ഞെട്ടി, s5 ഇലക്ടോണിക്‌സ് പഠിക്കുന്ന അനു, ഇവർ തമ്മിൽ കോളേജിൽ വച്ചു കാണുമ്പോൾ ഒകെ പൊരിഞ്ഞ അടിയാണ്, എന്നിട്ട് രണ്ടും കൂടെ ഇവിടെ വന്നു ശൃംഗരിച്ചു കൊണ്ട് നിൽക്കുവാണ്, എന്നാലും എല്ലാം ഒന്ന് ഉറപ്പിക്കണമല്ലോ ചിലപ്പോ വെറുതെ ഫ്രണ്ട്‌സ് ആണെങ്കിലോ

ഞാൻ അവരുടെ സംസാരം കേൾക്കാൻ പറ്റുന്ന രീതിയിൽ അടുത്ത് നിന്നു , കാണിക്കുന്നത് തറ പരിപാടി ആണെങ്കിലും സംഭവം സത്യമാണെങ്കിൽ ഭാവിയിൽ ഗുണം ചെയ്യും

“നീ നിന്റെ കൂട്ടുകാരുടെ കൂടെ അല്ലെ ഫുൾ ടൈം, നിനക്ക് എന്നെ വേണ്ടല്ലോ ”

“എടി അത് കോളേജിൽ വച്ചല്ലേ, അല്ലാതെ എനിക്ക് കോളേജിൽ വച്ചു കാണുമ്പോൾ എന്റെ അനുമോളെ എന്നും വിളിച്ചു കെട്ടിപ്പിടിക്കാൻ പറ്റുമോ? ”

അനുചേച്ചി ഫുൾ കലിപ്പിലാണ്, അരുൺ ചേട്ടൻ ആളെ തണുപ്പിക്കാൻ നോക്കുകയാണ്, ഇനി ഇവിടെ നിന്നാൽ അവരുടെ പ്രണയ സല്ലാപം മുഴുവൻ കാണേണ്ടി വരും

“അരുൺ ചേട്ടാ ”

പുള്ളി എന്നെക്കണ്ടതും ഒന്ന് ഞെട്ടി

“ആഹ് നീയോ, നീയെന്താ ഇവിടെ ”

“ചേട്ടനെന്താ ഇവിടെ, ചേട്ടന്റെ കൂട്ടുകാർ ആരും വന്നിട്ടില്ലല്ലോ ”

“ഞാൻ കോളേജ് യൂണിയൻ ന്റെ പ്രധിനിധി ആയി വന്നതാടാ ”

ആള് പോളി യൂണിയൻ സെക്രട്ടറി ആണ്

“അപ്പൊ. ഈ ചേച്ചിയോ ”

“ഇവളെ ഞാൻ ഇവിടെ വച്ചു കണ്ടതാ, അപ്പൊ വെറുതെ സംസാരിച്ചതാ ”

ആള് വീണിടത്തു കിടന്നു ഉരുളുകയാണ്

” ദേ ചേട്ടാ പുറത്തു മണ്ണ് പറ്റിയിരിക്കുന്നു ”

“എവിടെയാടാ ”

പുള്ളി ഞാൻ കാര്യമായി പറഞ്ഞതാണ് എന്ന് കരുതി ഷിർട്ടിന്റെ പുറത്തു ഒക്കെ തട്ടുകയാണ്, കുറച്ചുകഴിഞ്ഞാണ് പുള്ളിക്ക് ഞാൻ പറഞ്ഞതിന്റെ അർഥം മനസ്സിലായത്

” ഓ നീ എന്നെ ഊതിയതാണല്ലേ, നീ ഇവിടെ വന്നിട്ട് കുറെ നേരം ആയോ ”

“ഒരു 10മിനിറ്റ്, പക്ഷെ കാര്യങ്ങൾ ഒക്കെ ഏകദേശം മനസ്സിലായി ”

ഞാൻ പറഞ്ഞത് കേട്ടു അവർ കണ്ണിൽ കണ്ണിൽ നോക്കുകയാണ്,

“പെണ്ണിന് പകരം ഇരുമ്പിനെ പ്രേമിച്ചവർ അല്ലെ.. എന്നിട്ട് ഒളിച്ചും പാത്തും ഇതാണ് പരിപാടി ”

“ഇപ്പോഴും വല്യ മാറ്റം ഒന്നും ഇല്ലടാ, ഞാൻ പ്രേമിച്ചതു പെണ്ണിന് പകരം ഇരുമ്പിനെ ആണോ എന്നെനിക്കു സംശയം ഉണ്ട് ”

പുള്ളി അതിനിടക്ക് അനുചേച്ചിക്കിട്ടു ഒന്ന് കൊട്ടി, അതിനുള്ളത് അപ്പൊ തന്നെ കിട്ടിയെന്നു ഒരു കരച്ചിൽ കേട്ടപ്പോൾ മനസ്സിലായി, ആ ചേച്ചി ഹീലുള്ള ചെരിപ്പിട്ടു പുള്ളിയുടെ കാലിനിട്ടു ചവിട്ടിയാണ്

“പിന്നെ നീ ഇത് വേറെ ആരോടും പറയാൻ നിക്കണ്ട ”

“ഞാൻ ആരോടും പറയില്ല, പക്ഷെ നാളെ എനിക്കും ഇങ്ങനെ ഒരു പ്രശ്നം വന്നാൽ കൂടെ നിൽക്കണം ”

“അപ്പൊ എന്തോ ഒപ്പിക്കുന്നുണ്ട്,… ശരി നടക്കട്ടെ ”

“എന്നാൽ പിന്നെ നിങ്ങൾ തുടർന്നോ, ഞാൻ പോയ്‌ അവന്മാരെ കണ്ടുപിടിക്കട്ടെ ”

ഞാൻ അവരെ അവരുടെ വഴിക്കു വിട്ടിട്ടു നമ്മുടെ ടീമിനെ വീണ്ടും തപ്പാൻ തുടങ്ങി, അവസാനം കണ്ടുപിടിച്ചു എല്ലാം കൂടെ ഫോട്ടോ എടുക്കുന്ന സ്ഥലത്തുണ്ട്, വന്നിരിക്കുന്ന പെണ്ണുങ്ങളെ മുഴുവൻ വായിൽ നോക്കുകയാണ് ഞാനും പോയി അവരുടെ ഒപ്പം കൂടെ

ആ നിൽപ്പ് നില്കുന്നതിനിടയിൽ തലയിൽ ഒരു കൊട്ടുകിട്ടി, നല്ലരീതിയിൽ വേദനയെടുത്തു വായിൽ വന്നത് തിരിയാണ്

“ഏതു മൈ…. ”

അത്രയും പറഞ്ഞു കഴിഞ്ഞാണ് ആളെ കാണുന്നത്, മാളുചേച്ചി. woow ഇന്നത്തേക്കുള്ള വകയായി

ഞാൻ പറയാൻ വന്നത് മനസ്സിലായത് പോലെ അവൾ എന്നെ നോക്കി ദഹിപ്പിക്കുകയാണ്

“നീ നോക്കി പേടിപ്പിക്കുവോന്നും വേണ്ട പെട്ടന്ന് വേദനയെടുത്തപ്പോൾ വിളിച്ചതാണ് ”

“വേദനയെടുത്താൽ ഇങ്ങനെ ആണോ വിളിക്കുന്നത്‌ ”

“ആ നീ അത് വിട്, നീ എപ്പോഴാ വന്നത് ”

“ഇപ്രാവശ്യത്തേക്കു വിട്ടിരിക്കുന്നു ഇനി നിന്റെ വായിൽ നിന്നും ഇങ്ങനെ എന്തെങ്കിലും കേട്ടാൽ ബാക്കി ഞാൻ പറയാം ”

“ആ ഇനി വിളിക്കില്ല, നീ എപ്പോഴാ വന്നേ അത് പറ ”

“നീയൊക്കെ ആ പിള്ളേരുടെ ചോര ഊറ്റുന്ന സമയത്തെ വന്നു, കണ്ടില്ലേ ഞാൻ വന്നത് പോലും അറിയാതെ വായിനോക്കുന്നതു ”

ശരിയാണ് ഇവള് വന്നത് പോലും ആ മണ്ടന്മാർ അറിഞ്ഞിട്ടില്ല,

“ടാ മക്കളെ മതിയെടാ നോക്കിയത്, കുറച്ചുനേരം റസ്റ്റ്‌ എടുക്കു ”

ഒരു സ്ത്രീ ശബ്ദം കേട്ടതുകൊണ്ടാവും അവന്മാർ ഞെട്ടി തിരിഞ്ഞുനോക്കി.മാളുവിനെ കണ്ടതും അവന്മാർ ഒന്ന് ചമ്മി

“അതെ മിസ്സേ ഞങ്ങൾ ഈ ഫോട്ടോ എടുക്കുന്നത് നോക്കുവായിരുന്നു, ഞങ്ങൾക്ക് ഫോട്ടോഗ്രഫി ഭയങ്കര ഇഷ്ടമാണ് ”

“അത് മനസ്സിലായി ”

“മിസ്സെപ്പോ വന്നു”

“ഞാൻ വന്നിട്ട് വർഷം കുറച്ചായി മക്കളെ, അതുകൊണ്ടു തന്നെ നിന്റെയൊക്കെ ഫോട്ടോഗ്രഫിയോടുള്ള ഇന്ട്രെസ്റ്റും മനസ്സിലാവും ”

പിന്നെ അവർ ഒന്നും പറയാൻ നിന്നില്ല പറഞ്ഞാൽ ഇനിയും കിട്ടും എന്ന് മനസ്സിലായിക്കാണും, പിന്നെ ഫുൾ ടൈം ഒരുമിച്ചായിരുന്നു, കല്യാണവും കൂടി ഭക്ഷണവും കഴിച്ചു ഫോട്ടോയും എടുത്തിട്ടാണ് പോന്നത്, അരുൺ ചേട്ടനെയും അനുചേച്ചിയെയും പിന്നെ കണ്ടില്ല, നേരത്തെ മുങ്ങിയിട്ടുണ്ടാവും

കല്യാണം കഴിഞ്ഞു ഞങ്ങൾ നേരെ പോയത് മാളുചേച്ചിയുടെ വീട്ടിലേക്കാണ്, പിന്നെ അവിടെ നിന്ന് റൂമിലേക്ക്‌ പോകുന്നത് രാത്രിയിലെ ഭക്ഷണവും കഴിഞ്ഞാണ് അത്രയും നേരം അവിടെ വർത്തമാനവും പറഞ്ഞു ഇരുന്നു,

വർത്തമാനം എന്ന് പറയാൻ പറ്റില്ല എന്റെ പഴയ കഥകൾ ആന്റിയിൽ നിന്നും കേൾക്കുകയായിരുന്നു, എന്നെ കളിയാക്കാൻ എന്തെങ്കിലും അതിൽ നിന്നും കിട്ടുമോ എന്ന് നോക്കുകയാണ് തെണ്ടികൾ

അങ്ങനെ ഇരുന്നു സംസാരിക്കുന്നതിന് ഇടയിലാണ് ഫോണിലേക്കു ഒരു കാൾ വരുന്നത്, പാന്റിന്റെ പോക്കറ്റിൽ നിന്നും ഫോൺ എടുത്തു ഡിസ്‌പ്ലേയിലേക്കു നോക്കിയ ഞാൻ ഞെട്ടി…