🤵പുലിവാൽ കല്യാണം 2👰

ഹായ് ഞാൻ ഹൈദർ മരക്കാർ, ആദ്യ ഭാഗത്തിന് തന്ന പിന്തുണയ്ക്ക് നന്ദി അറിയിച്ചുകൊണ്ട് രണ്ടാം ഭാഗത്തിലേക്ക് കടക്കുന്നു………

“ഓക്കെ……സീ…… സാധാരണ ഇങ്ങനെ സൂയിസൈഡ് കേസ് വന്നാൽ പോലീസിൽ അറിയിക്കണം എന്നാണ്, പക്ഷെ ആനി ഡോക്ടർ വിളിച്ച് പറഞ്ഞത് കൊണ്ട് മാത്രമാണ് ഞാൻ ഇത് അറിയിക്കാത്തത്……. നിങ്ങളുടെ വൈഫിന് വേറെ കുഴപ്പം ഒന്നുമില്ല, കൃത്യം സമയത്ത് എത്തിച്ചത് കൊണ്ട് രക്ഷപെട്ടു…… പിന്നെ വൈഫും ആയിട്ട് എന്തെങ്കിലും പ്രശ്നമുണ്ടെങ്കിൽ സംസാരിച്ച് തീർക്കാൻ നോക്കെടോ……. അല്ല ആ കുട്ടിക്ക് വേറെ എന്തെങ്കിലും പ്രശ്നമുണ്ടെങ്കിൽ താൻ കൂടെ തന്നെ ഉണ്ടെന്ന് പറഞ്ഞ് മനസിലാക്കി കൊടുക്കണം……. ഈ പ്രാവശ്യം രക്ഷപെട്ടു, ഇനിയും ആ കുട്ടി വല്ല മണ്ടത്തരം കാണിച്ച് എന്തെങ്കിലും സംഭവിച്ച താൻ മാത്രമല്ല ഞാനും പെടും……. ഇത് റിപ്പോർട്ട്‌ ചെയ്യാത്തതിന്……. പിന്നെ ആനി ഡോക്ടർ പറഞ്ഞ പറ്റില്ല എന്ന് പറയാൻ കഴിയില്ല……. അതുകൊണ്ട് മാത്രമാണ്……. ദയവായി ഒന്ന് ശ്രദ്ധിക്കു……. അതെങ്ങനെ, പക്വത വരുന്നതിന് മുൻപ് കല്യാണം കഴിക്കാൻ നടക്കുകയല്ലേ ഇപ്പോഴത്തെ പിള്ളേര്………… ശരി താൻ ചെല്ല്……. വേറെ ഒന്നുമില്ല, നാളെ ഡിസ്ചാർജ് ആക്കാം…..”

മൂപ്പര് ഇടയ്ക്ക് ഇടയ്ക്ക് എടുത്ത് പറഞ്ഞ ആ ആനി ഡോക്ടർ എന്റെ കസിൻ സിസ്റ്റർ ആണ്, പുള്ളിക്കാരി ഇവിടെ ഗൈനെക്കോളജിസ്റ്റ് ആണ്, ഇന്ന് ഓഫ് ആയത് കൊണ്ട് പുള്ളിക്കാരി ഫോൺ വിളിച്ച് പറഞ്ഞത് കൊണ്ടാണ് പുള്ളി പോലീസിൽ അറിയിക്കാതെ ഒതുക്കി തന്നത്…..

ഡോക്ടറുടെ മുറിയിൽ നിന്ന് ഇറങ്ങുമ്പോൾ എനിക്ക് അവളെ കൊല്ലാനുള്ള ദേഷ്യം ഉണ്ടായിരുന്നു, യാമിനി……. കൂമിനി………….. അല്ലെങ്കിലേ ഭ്രാന്ത്‌ പിടിച്ചിരിക്കുകയാണ്, അതിന്റെ ഇടയ്ക്ക് അവളുടെ ഒടുക്കത്തെ ഒരു……… എന്തെങ്കിലും സംഭവിച്ചിരുന്നെങ്കിൽ വിഷ്ണു പറഞ്ഞത് പോലെ ഞാൻ തൂങ്ങുമെന്ന് ഉറപ്പാണ്……. പണ്ടാരം…. കുടുംബത്തോടെ മനുഷ്യനെ കൊല്ലാ കൊല ചെയ്യാൻ ഇറങ്ങിയതാണോ….

“എന്താടാ ഇരുന്ന് പിറുപിറുക്കുന്നത്??” ഡോക്ടറുടെ മുറിയിൽ നിന്ന് ഇറങ്ങി വരാന്തയിലെ കസേരയിൽ ഇരിക്കുന്നതിന് ഇടയ്ക്ക് വിഷ്ണു ചോദിച്ചു.

“ഓ……. ഒന്നുമില്ല…… എന്റെ ഒരു ഗതികേട് ഓർത്തുപോയതാണ്…….”

“ഹാ…… വിട്ട് കള മുത്തേ…… സംഭവിച്ച് പോയില്ലേ, ഇനി ശ്രദ്ധിക്കാം….”

“ആഹ്…… എന്ന ഒരു കാര്യം ചെയ്യ്, നീ ലീവും എടുത്ത് അവള് ചാവാൻ പോവുന്നുണ്ടോ എന്ന് നോക്കി ഇരുന്നോ…… അല്ല പിന്നെ…… ഓരോ മാരണങ്ങൾ…….. എല്ലാം കൂടെ എന്റെ നേരെ ആണല്ലോ വരുന്നത്”

“അവളോട്‌ ഞാൻ സംസാരിക്കാം….

. നീ ഒന്ന് അടങ്ങു……. വെറുതെ ചാടി കളിച്ചിട്ടും ചൂടായിട്ടും കാര്യമില്ല…. എല്ലാം ഒരു മയത്തിൽ ഡീൽ ചെയ്യണം…”

“എങ്കിൽ നീ തന്നെ അങ്ങ് മയത്തിൽ ഡീൽ ചെയ്ത മതി…. ഞാൻ എന്തെങ്കിലും പറഞ്ഞ കൂടി പോവും…..”

“ഹാ…. ഞാൻ ഏറ്റു…. നീ ഒന്ന് റസ്റ്റ്‌ എടുക്ക്…”

“എന്ന നീ വീട്ടിലേക്ക് വിട്ടോ…. വെറുതെ ഇവിടെ ഇരുന്നിട്ട് കാര്യം ഒന്നുമില്ല……..”

“ഏയ് ഇല്ല…. ഞാനും നിൽക്കാ…”

“വേണ്ട…. അവിടെ അച്ഛനും അമ്മയും മാത്രമല്ലേ ഉള്ളു…. നീ ചെല്ല്”

“ഏയ് അതൊന്നും സീൻ ഇല്ല… ചെറിയ കുട്ടികൾ ഒന്നും അല്ലല്ലോ…. പിന്നെ അമ്മയാണ് പറഞ്ഞത് നിന്റെ കൂടെ തന്നെ നിൽക്കാൻ”

പിന്നെ ഞാൻ ഒന്നും പറയാൻ നിന്നില്ല, എന്ത്‌ പറഞ്ഞാലും അവൻ ഇന്ന് എന്നെ ഇവിടെ ഒറ്റയ്ക്ക് ആക്കി പോവില്ലെന്ന് എനിക്കറിയാം…

“നീ പോവുന്നില്ലേ??”

“ഇല്ല…. ഞാൻ ഇന്ന് ലീവ് ആക്കി, രാവിലെ തന്നെ ഡിസ്ചാർജ് ചെയ്യാം എന്നാണ് ഡോക്ടർ പറഞ്ഞത്…. നീ വാ ഓരോ ചായ കുടിക്കാ”

“മ്മ….” മൂളി കൊണ്ട് ഞാൻ വിഷ്ണുവിന്റെ കൂടെ എഴുന്നേറ്റ് നടന്നു, ക്യാന്റീനിൽ പോയി ഓരോ ചായയും കുടിച്ച് അവൾക്ക് ഉള്ളതും വാങ്ങി വന്നു….

അവളെ കാണുമ്പോഴേ ദേഷ്യം വരുന്നുണ്ട്, അതുകൊണ്ട് വിഷ്ണുവിനോട് അവിടെ തന്നെ നിൽക്കാൻ പറഞ്ഞിട്ട് ഞാൻ പുറത്തിറങ്ങി നിന്നു, ഒരു പത്തര മണിക്ക് ഡോക്ടർ വന്ന് നോക്കിയ ശേഷം ഡിസ്ചാർജ് എഴുതി തന്നു, ###

“നീ എന്താ രാവിലെ തന്നെ അടിക്കാൻ പോവാണോ??” തിരിച്ചെത്തിയ ശേഷം ഇന്നലെ കുറച്ച് അടിച്ചു വച്ച കുപ്പിയുമായി മുകളിലേക്ക് കയറാൻ നിന്ന എന്നെ തടഞ്ഞു കൊണ്ട് വിഷ്ണു ചോദിച്ചു

“ആഹ്…… രണ്ടെണ്ണം അടിച്ചിട്ട് ഒന്ന് കിടന്ന് ഉറങ്ങണം…… നീ ഉണ്ടെങ്കിൽ വാ…”

“ഏയ് എനിക്ക് വേണ്ട…..”

“എങ്കിൽ നീ ഒരു കാര്യം ചെയ്യ്…. ആ സാധനത്തിനോട് ഒന്ന് സംസാരിക്ക്, ഇനി ഇമ്മാതിരി പണി ചെയ്യരുതെന്ന് പറ….. പ്ലീസ്…..”

“മ്മ….. നീ ചെല്ല്…… ഞാൻ സംസാരിക്കാ…”

ഞാൻ മുകളിൽ കയറി ഓരോ പെഗ്ഗ് ഒഴിച്ച് അടിക്കാൻ തുടങ്ങി, പക്ഷെ അടിക്കുന്നതിന് അനുസരിച്ച് ഉള്ളിൽ ദേഷ്യവും സങ്കടവും എല്ലാം കൂടി കൂടി വരുന്നത് പോലെ തോന്നി,

ശ്രീലക്ഷ്മി…….. തു………. ശവം….. അവളെ കുറിച്ച് ആലോചിക്കുമ്പോൾ ദേഷ്യം അരിച്ച് കയറുന്നു “ഇച്ചായാ…… എന്നെ ഒരിക്കലും ചതിക്കില്ല എന്ന് വാക്ക് തരുമോ??” അവളുടെ ഒടുക്കത്തെ ഒരു അഭിനയം, ചെറ്റ പട്ടി…… സ്വന്തം ചേച്ചിയെ അങ്ങനെ ഒരു സാഹചര്യത്തിൽ രക്ഷിക്കാതെ നോക്കി നിന്നവൾ അല്ലേ….. ഈ ചതി ചെയ്തില്ലെങ്കില്ലേ അത്ഭുതം ഉള്ളു…

പക്ഷെ ഹരി, അവനെ കുറിച്ച് ആലോചിക്കുമ്പോൾ സങ്കടം സഹിക്കാൻ കഴിയുന്നില്ല, എന്തിനും ഏതിനും കൂടെ നിന്നവൻ, അവന് അവളോട് അങ്ങനെ ഒരിഷ്ടം ഉണ്ടായിരുന്നെങ്കിൽ എന്നോട് ഒരു വാക്ക് പറഞ്ഞ പോരായിരുന്നോ, ഞാൻ വെറുതെ അതിനിടയിൽ പോവില്ലായിരുന്നല്ലോ, അവൻ എന്തിനാണ് വീട്ടിലെ പൈസയും എടുത്ത് മുങ്ങിയത്…… ഒന്നും അങ്ങോട്ട് മനസിലാവുന്നില്ല…..

“ഡാ ടോണി………..” താഴെ നിന്ന് വിഷ്ണുവിന്റെ ശബ്ദം

“എന്താടാ??”

“ഇതാ നിന്നെ കാണാൻ രമേശേട്ടൻ വന്നിട്ടുണ്ട്…… ഇങ്ങോട്ട് വാ……” രമേശേട്ടൻ അപ്പന്റെ സാരഥിയാണ്, ഓർമ്മ വെച്ചത് തൊട്ട് കാണാൻ തുടങ്ങിയ മുഖം…… ഒരു പാവം മനുഷ്യൻ, പാവം ആയതുകൊണ്ട് ആണല്ലോ ഇത്ര കൊല്ലം എന്റെ അപ്പന്റെ ഡ്രൈവർ ആയി നില്കുന്നത്….. വേറെ വല്ലവരും ആയിരുന്നെങ്കിൽ എന്നേ ഇട്ടേച്ച് പോയി കാണും…..

“ആഹ്…….. രമേഷേട്ടാ….. എന്താ അവിടെ തന്നെ നിൽകുന്നെ….. വാ അകത്തേക്ക് ഇരിക്കാ…..” താഴേക്ക് ഇറങ്ങിയപ്പോൾ റൂമിന് പുറത്ത് നിൽക്കുന്ന പുള്ളിയോട് ഞാൻ പറഞ്ഞു……. കോണി ഇറങ്ങിയതും തലയ്ക്ക് ചെറിയ പിടുത്തം ഫീൽ ചെയ്തു….

“ഇല്ല കുഞ്ഞേ…… ഇരിക്കാൻ സമയമില്ല, അപ്പന്റെ കൂടെ തോട്ടത്തിൽ പോയി വരുന്ന വഴിയാണ്, ഇത് മേരിയമ്മ തന്ന് വിട്ടതാണ്, കുഞ്ഞിന് തരാൻ പറഞ്ഞു” എന്നും പറഞ്ഞ് പുള്ളി ഒരു എ.ടി.എം കാർഡ് എനിക്ക് നേരെ നീട്ടി, അത് മേരിയുടെ എ.ടി.എം കാർഡ് ആണ്….. ഈ ബിൽഡിംഗിന്റെ വാടക അടക്കം ഒരുപാട് പൈസ വരുന്ന കാർഡ്…..

“ഏയ് അത് വേണ്ട……. രമേഷേട്ടാ….. ഇത് മേരിക്ക് തന്നെ തിരിച്ചു കൊടുത്തോ……. എനിക്ക് ഇപ്പോ ഇതിന്റെ ആവശ്യമില്ല…… പിന്നെ എനിക്ക് പ്രശ്നം ഒന്നുമില്ല സന്തോഷമായിട്ട് ആണ് ഇരിക്കുന്നത് എന്ന് പറയണം…”

“മ്മ്…….ഇതും മേരിയമ്മ തന്ന് വിട്ടതാണ്, കുഞ്ഞിന്റെ ഡ്രസ്സും സാധനങ്ങളും ഒക്കെ ഇതിലുണ്ട്” വിഷ്ണു കയ്യിൽ പിടിച്ചു നിൽക്കുന്ന ബാഗ് കാണിച്ച് പുള്ളി പറഞ്ഞു”

“ആഹ്…… അത് എന്തായാലും നന്നായി”

“ കുഞ്ഞ് എന്ത് ആവശ്യം ഉണ്ടെങ്കിലും വിളിക്കണം… കുഞ്ഞിനെ ഈ അവസ്ഥയിൽ ഇങ്ങനെ കാണുമ്പോൾ എന്തോ സഹിക്കുന്നില്ല…… എങ്കിലും സാരമില്ല സ്നേഹിക്കുന്ന കുട്ടിയെ തന്നെ കല്യാണം കഴിക്കാനുള്ള ഭാഗ്യം കിട്ടിയല്ലോ….. അത് മതി…. അല്ല മോൾ എവിടെ??”

“അത്………..” പുള്ളി ചോദിച്ചപ്പോഴാണ് ഞാൻ അകത്തേക്ക് നോക്കിയത്, അവളെ അവിടെ കാണുന്നില്ല…..

“കുളിക്കാൻ കയറിയതാണ്…..” വിഷ്ണു ആണ് മറുപടി കൊടുത്തത്

“ഓ…. എങ്കിൽ ശരി അടുത്ത പ്രാവശ്യം കാണാം… ഇപ്പോ സമയമില്ല വേഗം പോവണം….. പോയി വരാം കുഞ്ഞേ…….” എന്ന് പറഞ്ഞ് എന്നെ ഒന്ന് കെട്ടിപ്പിടിച്ചിട്ട് പുള്ളി തിരിഞ്ഞു നടന്നു…… പുള്ളിയുടെ കണ്ണ് നിറഞ്ഞിരുന്നു, അത് കണ്ടപ്പോൾ വല്ലാത്ത ഒരു വിങ്ങൽ….. മനസ്സിൽ….. കുട്ടിക്കാലത് എന്നെ ഒരുപാട് എടുത്ത് നടന്നിട്ടുള്ള മനുഷ്യനാണ്…. വര്ഷങ്ങളായി അപ്പന്റെ ഡ്രൈവർ ആയി നിന്നിട്ടും പുള്ളിക്ക് ഒരു അത്യാവശ്യം വന്ന സമയത്ത് അപ്പൻ ഒന്നും ചെയ്തില്ല….. ആ സമയത്ത് മേരിയുടെ കയ്യിൽ നിന്ന് പൈസ വാങ്ങി ഞാൻ പുള്ളിക്ക് കൊടുത്തിട്ടുണ്ട്….. പുള്ളിയുടെ കണ്ണ് നിറഞ്ഞത് കണ്ടപ്പോൾ കൂടെ നിന്ന് ചതിക്കുന്നവർ മാത്രമല്ല ഞാൻ കരുതുന്നതിനേക്കാൾ കൂടുതൽ എന്നെ സ്നേഹിക്കുന്ന ആളുകളും എന്റെ ജീവിതത്തിൽ ഉണ്ടെന്ന് മനസിലായി…

“ഡാ….. ഞാൻ ഇപ്പൊ വരാം…..” വിഷ്ണുവിനോട് പറഞ്ഞ് ഞാൻ പുള്ളി പോയതിന് പിന്നാലെ ഓടി

“രമേഷേട്ടാ……..”

“എന്താ കുഞ്ഞേ…..” പിന്നിൽ നിന്ന് എന്റെ വിളി കേട്ട് പുള്ളി തിരിഞ്ഞു….

“അത്….. പിന്നെ….. രമേശേട്ടൻ വിചാരിച്ച എനിക്ക് ഒരു ജോലി ശരിയാക്കാൻ കഴിയില്ലേ…..”

“അയ്യോ….. ഞാൻ എങ്ങനെ….. കുഞ്ഞിന് പറ്റിയ ജോലി….”

“ഹാ….. എന്ത് ജോലി ആയാലും മതി….. ഒന്ന് നോക്ക്…. രമേശേട്ടന്റെ മറ്റേ കൂട്ടുക്കാരൻ ഇല്ലെ…… കാറ്ററിംഗ് ഒക്കെ ചെയ്യുന്ന….. അയാളെ എടുത്ത് ചോദിച്ച ഒരു ജോലി ശരിയാവില്ലേ….”

“അയ്യോ…… കാറ്ററിംഗോ….. അതൊന്നും വേണ്ട കുഞ്ഞേ…… ഇതാ ഈ കാർഡ് വച്ചോ…. ഇതിൽ കുഞ്ഞിന് ആവശ്യമുള്ള പൈസ ഉണ്ടാവുമെന്ന് മേരിയമ്മ പറഞ്ഞിരുന്നു…..”

“ഏയ് അത് വേണ്ട…… ഇപ്പോ ഈ കാർഡ് വാങ്ങിയ ഞാൻ പഴയ പോലെ ഇതും വച്ച് വെറുതെ തെണ്ടി തിരിഞ്ഞ് നടക്കും…….. ഇപ്പോ ഒരു വാശി ഒക്കെ വന്നിട്ടുണ്ട്…. എന്തെങ്കിലും ചെയ്യണം എന്ന് തോന്നുന്നുണ്ട്…… രമേശേട്ടൻ ഒന്ന് നോക്കിയിട്ട് എന്നെ വിളിച്ച മതി” എന്റെ വാക്ക് ഉറച്ചതായിരുന്നു

“മ്മ…… ശരി കുഞ്ഞേ….. ഞാൻ നോക്കട്ടെ” എന്ന് പറഞ്ഞ് പുള്ളി തിരിഞ്ഞ് നടന്നു, ഞാൻ പുള്ളി നടന്നകലുന്നത് നോക്കി നിന്നിട്ട് തിരിച്ച് മുകളിലേക്ക് കയറി…..

“എന്താടാ…..”

“ഏയ് ഒന്നുമില്ല….” വിഷ്ണുവിന്റെ ചോദ്യത്തിന് ഒഴുക്കൻ മറുപടി കൊടുത്തിട്ട് ഞാൻ റൂമിലേക്ക് കയറി… അവൾ അവിടെ കട്ടിലിൽ ഇരിപ്പുണ്ട്…… എന്നെ കണ്ടതും ചാടി എഴുന്നേറ്റു ഞാൻ എന്താ ഇവളെ സ്കൂളിൽ പഠിപ്പിച്ച മാഷോ, എന്നെ കാണുമ്പോൾ ചാടി എഴുന്നേൽക്കാൻ, പെട്ടെന്ന് അവളെ കണ്ടതും ഞാൻ തിരിച്ച് പുറത്തേക്ക് തന്നെ ഇറങ്ങി

“രമേശേട്ടനും നിങ്ങൾ തമ്മിൽ ഇഷ്ടത്തിൽ ആയിരുന്നു എന്ന് തന്നെ ആണ് ലേ കരുതിയത്…” പുറത്തിറങ്ങി ഒരു സിഗരറ്റ് കത്തിക്കുമ്പോൾ വിഷ്ണു അടുത്ത് വന്ന് ചോദിച്ചു…..

“മ്മ……” ഞാൻ അതെ എന്ന രീതിയിൽ മൂളി

“പുള്ളി വരുന്നത് കണ്ടപ്പോൾ ഞാനാണ് അവളോട്‌ ബാത്‌റൂമിൽ കയറാൻ പറഞ്ഞത്….. അങ്ങേര് അവളുടെ കൈ കണ്ട മൊത്തം പൊളിയില്ലേ…..”

“മ്മ….. അത് നന്നായി…..”

“ഡാ…… പിന്നെ…… ഞാൻ അവളോട്‌ സംസാരിക്കാൻ നോക്കി….. പക്ഷെ ഒന്നും അങ്ങോട്ട് തുറന്ന് സംസാരിക്കുന്നില്ല…… എന്ത് ചോദിച്ചാലും കരച്ചിൽ ആണ് മറുപടി”

“ഹാ രണ്ടെണ്ണം പൊട്ടിച്ചു കൊടുത്ത നിർത്തുമോ??”

“ഓ……….ഞാൻ ആരോടാ ഈ പറയുന്നത്…. ശരി നമുക്ക് ബോധം വന്നിട്ട് സംസാരിക്ക”

“പോ മൈരേ….. എനിക്ക് നല്ല ബോധമുണ്ട്…”

“ഓ…. ശരി ശരി…..” ഒരുമാതിരി മറ്റേ ചിരി ചിരിച്ചുകൊണ്ട് വിഷ്ണു പറഞ്ഞു, ശരിക്കും ഞാൻ നല്ല ബോധത്തോടെ തന്നെ അല്ലേ നില്കുന്നത്…… മൈരന്റെ ചിരി കാരണം ഫുൾ കൺഫ്യൂഷൻ ആയല്ലോ…

“എന്നിട്ട് ഒന്നും പറഞ്ഞില്ലേ??” ഞാൻ സംശയത്തോടെ ചോദിച്ചു

“ഇനി അവള് കാരണം നീയും ഇങ്ങനെ അനുഭവിക്കണ്ട എന്ന് കരുതിയാണ് മരിക്കാൻ തീരുമാനിച്ചത് എന്ന് പറഞ്ഞു”

“ഓ എന്റെ മോനെ……….. അനിയത്തിയെ പോലെ തന്നെ ചേച്ചിയും……. പഠിച്ച കള്ളിയാണ്….. എന്നെ രക്ഷിക്കാൻ വേണ്ടി സ്വയം മരിക്കാൻ തീരുമാനിച്ചു പോലും….. ഹോ……. വിശ്വസിക്കാൻ പറ്റുന്ന നുണ പറയാൻ പറ”

“ഏയ്……. എനിക്ക് അത് പറഞ്ഞത് സത്യമാണെന്ന് തന്നെയാണ് തോന്നുന്നത്”

“അങ്ങനെ ആണെങ്കിൽ ഇനിയും മരിക്കാൻ തോന്നുന്നുണ്ടെങ്കിൽ എന്നോട് പറയാൻ പറ, ഇത്തിരി വിഷം വാങ്ങി അവൾക്കും കൊടുത്ത് ഞാനും കഴിക്കാം……. അല്ല പിന്നെ…..”

“നീ എന്തൊക്കെയാ ടോണി ഈ പറയുന്നത്…”

“അല്ലാതെ എന്താ പറയാ….. അവൾ ചത്ത ഞാൻ തൂങ്ങും…… അത് പോലും മനസിലാവാത്ത കുഞ്ഞ് കുട്ടിയൊന്നും അല്ലല്ലോ….. ഇത് മനുഷ്യനെ മനഃപൂർവം ഉപദ്രവിക്കാൻ വേണ്ടി……….”

എനിക്ക് ദേഷ്യം വന്നിട്ട് സംസാരിക്കാൻ കഴിയാത്ത അവസ്ഥയായിരുന്നു….

“ഹാ…… നീ ഒന്ന് അടങ്ങേടാ…….. നമുക്ക് സംസാരിക്ക”

“ഓ നീ കുറെ മയത്തിൽ സംസാരിച്ചില്ലേ….. ഇനി ഞാൻ സംസാരിക്കാം” എന്ന് പറഞ്ഞ് വലിച്ച് തീരാനായ സിഗരറ്റ് നിലത്ത് ചവിട്ടി കെടുത്തി ഞാൻ അകത്തേക്ക് നടന്നു

“ഡ……ടോണി…..” പിന്നിൽ നിന്ന് വിഷ്ണു വിളിച്ചെങ്കിലും അത് ശ്രദ്ധിക്കാതെ ഞാൻ മുറിയിലേക്ക് നടന്നു…..

വീണ്ടും എന്നെ കണ്ടതും അവൾ ചാടി എഴുന്നേറ്റു….

“അതെ…… ദയവ് ചെയ്തു ഇനി ഇതുപോലെ ഉള്ള സഹായം എനിക്ക് വേണ്ടി ചെയ്യരുത്……….. അല്ല ഇനിയും ചാവണമെന്ന് ആണെങ്കിൽ അറ്റ്ലീസ്റ്റ് അതിന് ഞാൻ ഉത്തരവാദി അല്ലെന്ന് ഒരു എഴുത്തെങ്കിലും എഴുതി വച്ചിട്ട് ചാവാനുള്ള മനസ്സ് കാണിക്കണം……. അപേക്ഷയാണ്….”

അവൾ എന്റെ മുഖത്തേക്ക് പോലും നോക്കാതെ താഴെ നിലത്തേക്ക് നോക്കി കരച്ചിൽ തന്നെ ആണ്….. ഈ സീരിയല്ക്കാരുടെ മുനിൽ പോയി പെട്ടിരുന്നെങ്കിൽ എന്തായാലും പിടിച്ച് നായിക ആക്കും…… അമ്മാതിരി കരച്ചിൽ അല്ലേ…… അവർക്ക് ഗ്ലിസറിന്ടെ പൈസ ലാഭിക്കാം… പക്ഷെ എന്റെ മുനിൽ നിന്ന് ഒരാള് ഇങ്ങനെ കരയുന്നത് കണ്ട എനിക്ക് എന്തോ പോലെയാണ്….

“ഏയ്….. ഹെലോ…..അതെ….. നമുക്ക് ഇതിന് ഒരു പരിഹാരം കാണാം…. അതുവരെ ഇയാൾ ഒന്ന് ക്ഷമിക്ക്…. ഞാൻ ഒന്ന് അന്വേഷിച്ച് നോക്കട്ടെ…. ഈ ഡിവോഴ്സിന് വേണ്ട ഫോര്മാലിറ്റീസ് ഒക്കെ…… എത്രയും പെട്ടെന്ന് എന്തെങ്കിലും ചെയ്യാം….. അത് വരെ ഇവിടെ നിന്നോ….. എനിക്ക് പ്രശ്നം ഒന്നുമില്ല…..” എന്നിട്ടും അവൾ കരച്ചിൽ നിർത്തിയിട്ടില്ല…… ഇത് എന്ത് സാധനം…. ഞാൻ പിന്നെ ഒന്നും പറയാൻ നിന്നില്ല….. പുറത്തേക്ക് നടന്നു…. പുറത്ത് എത്തിയപ്പോൾ വിഷ്ണു എന്നെ നോക്കി ചിരിക്കുന്നുണ്ട്….. ഒരു ആക്കിയ ചിരി.

“എന്താടാ…..” അവന്റെ കൊണച്ച ചിരി കണ്ട് ഞാൻ അല്പം ഗൗരവത്തിൽ ചോദിച്ചു

“ഈ മല പോലെ വന്നത് എലി പോലെ പോയി എന്നൊക്കെ കേട്ടിട്ടേ ഉള്ളു, ദേ ഇപ്പോ കുറച്ച് മുൻപ് കണ്ടു…”

“എന്താ??”

“ഹോ……. അത് ഇപ്പോഴെങ്കിലും മനസിലായല്ലോ…..”

“മ്മ….. നീ ഒരു കാര്യം ചെയ്യണം….. ഈ ഡിവോഴ്സിനുള്ള ഫോര്മാലിറ്റീസ് ഒന്ന് അറിയണം….. എത്രയും പെട്ടെന്ന് ഇതിനെ തലയിൽ നിന്ന് ഊരണം…. അത് വരെ ഇങ്ങനെ അങ്ങോട്ട്‌ പോവട്ടെ…..”

“ഡിവോഴ്‌സോ??” വിഷ്ണു എന്തോ അത്ഭുതത്തോടെ ചോദിച്ചു…..

“ആഹ്…… അല്ലാതെ പിന്നെ…….. ഇതിന് ഒരു തീരുമാനം ആക്കണ്ടേ…..”

“ഡിവോഴ്സ് അങ്ങനെ നീ വിചാരിക്കുന്ന പോലെ ചെല്ലുമ്പോഴേക്കും എടുത്ത് തരില്ല…… കല്യാണം കഴിഞ്ഞ് മിനിമം ഒരു വർഷം കഴിഞ്ഞിട്ടേ അപ്ലൈ ചെയ്യാൻ കഴിയു….”

“ഓഹോ…… അത് എവിടത്തെ നിയമം….. ഞങ്ങടെ സമ്മതം പോലും ചോദിക്കാതെ ഒറ്റ ദിവസം കൊണ്ട് ഞങ്ങടെ കല്യാണം നടത്താം…. പക്ഷെ ഡിവോഴ്സിന് ഒരു വർഷം കാത്തിരിക്കണോ…..”

“അത് നിയമം അങ്ങനെ ആണ്…… ഈ രജിസ്റ്റർ മാര്യേജ് ചെയ്യാനും ഒരു മാസം മുൻപ് നോട്ടീസ് കൊടുക്കണം എന്നൊക്കെ ആണ്, പക്ഷെ ഇത് എങ്ങനെ ഒറ്റ ദിവസം കൊണ്ട് ചെയ്ത്??”

“എന്നോടാണോ മൈരേ ചോദിക്കുന്നത്…. എന്തായാലും നടന്നില്ലേ…. അതുപോലെ ഡിവോഴ്സിനും എന്തെങ്കിലും വഴി കാണും…… നീ ഒന്ന് അന്വേഷിക്ക്”

“മ്മ….. അല്ല…..അപ്പൊ എന്നിട്ട് അവൾ എങ്ങോട്ട് പോവും??”

“ഡിവോഴ്സ് ആയി കഴിഞ്ഞ പിന്നെ അവൾ എവിടെ പോയാലും നമുക്ക് എന്താ…..”

“ദുഷ്ടത്തരം പറയല്ലേ ഡാ…… ഒന്നും ഇല്ലെങ്കിൽ അവൾക്ക് ഈ ഗതി വരാൻ അറിഞ്ഞോണ്ട് അല്ലെങ്കിലും നീയും ഉത്തരവാദി ആണ്”

“അതിന് ഇപ്പൊ എന്താ ചെയ്യാ….. അവളെ അച്ഛനെ വേണമെങ്കിൽ ഞാൻ വിളിച്ച് കാര്യം പറയാം…. നടന്നത് പറഞ്ഞ പുള്ളിക്ക് കാര്യം മനസിലാവില്ലേ…… ആ തള്ളയോട് സംസാരിച്ചിട്ട് കാര്യമുണ്ടെന്ന് തോന്നുന്നില്ല….”

“അതിന് വീട്ടിൽ എന്തൊക്കെയോ പ്രശ്നം ഉണ്ടെന്ന് തോന്നുന്നു, ഞാൻ സംസാരിച്ചപ്പോൾ അങ്ങനെ ആണ് തോന്നിയത്, അല്ലെങ്കിൽ ഇത്രയും പ്രശ്നം ഉണ്ടായിട്ട് ആ അച്ഛൻ എന്ന് പറയുന്ന ആള് ഒന്ന് വിളിച്ചിട്ട് പോലും ഇല്ലാലോ…..”

“മ്മ………” ഞാൻ വെറുതെ മൂളി……. ഇവൻ എന്നെ മൊത്തം കൺഫ്യൂഷൻ ആകുകയാണ്, എന്റെ ഈ അവസ്ഥയ്ക്ക് ഞാനും ഒരു കണക്കിന് ഉത്തരവാദി ആണെന്ന് തോന്നി, വിഷ്ണു അത്ര പറഞ്ഞിട്ടും ആ ശവം വിളിച്ചപ്പോൾ പാഞ്ഞു ചെന്നത് എന്റെ മണ്ടത്തരം തന്നെയാണ്

ഡിവോഴ്സ് തന്നെ ആണ് അതിനൊരു മാർഗം……… എത്രയും പെട്ടെന്ന് ഡിവോഴ്സിന്റെ കാര്യങ്ങൾ ശരിയാക്കി അവളെ ഈ കുടുക്കിൽ നിന്ന് രക്ഷിക്കണം അഥവാ ഇനി വിഷ്ണു പറഞ്ഞ പോലെ ഡിവോഴ്സ് കിട്ടാൻ ഒരു വർഷം എടുക്കുമെങ്കിൽ എന്ത് ചെയ്യും….. അവൾക്ക് പോവാൻ വേറെ സ്ഥലം ഒന്നുമില്ല എന്നാണെങ്കിൽ ഇവിടെ നിന്നോട്ടെ… പക്ഷെ പൂർണമായി ഒന്നും വിശ്വസിക്കാനും പറ്റില്ല…… അതാണല്ലോ ഇപ്പോ ഞാൻ പഠിച്ച ഏറ്റവും വലിയ പാഠം…..

“എന്താടാ കാര്യമായിട്ട് ആലോചിച്ച് കൂട്ടുന്നത്??” വിഷ്ണുവിന്റെ ചോദ്യമാണ് എന്നെ ചിന്തകളിൽ നിന്ന് പുറത്ത് കൊണ്ടുവന്നത്…

“ഏയ് ഒന്നുമില്ല…..”

“മ്മ…. എന്ന മോൻ ഇവിടെ നിൽക്ക്, ഞാൻ പോയി ഫുഡ്‌ വാങ്ങി വരാം…. വിശക്കുന്നു….”

“മ്മ…..ശരി……”

“നിനക്ക് എന്താ വേണ്ടത്??”

“എന്തെങ്കിലും….” ഞാൻ ഒരു ഒഴുക്കൻ മട്ടിൽ പറഞ്ഞു

“പെങ്ങളെ……..” നീട്ടി വിളിച്ചുകൊണ്ട് അവൻ അകത്തേക്ക് പോയി, പാവം….. ഇതിനിടയിൽ കിടന്ന് നട്ടം തിരിയുന്നത് അവനാണ്…. ഞാൻ തളരാതിരിക്കാൻ കൂടെ തന്നെ നിൽക്കുമ്പോഴും ആ പെണ്ണിനോട് പാവം തോന്നിയിട്ട് അതിന്റെ വിഷമം മാറ്റാൻ ശ്രമിക്കുമ്പോഴും ഹരി ഇങ്ങനെ ചെയ്തതിൽ എന്നെക്കാൾ കൂടുതൽ വിഷമിക്കുന്ന അവന്റെ മനസ്സ് ഞാൻ കാണുന്നില്ല എന്നാണ് ആശാന്റെ വിചാരം…..

“നിങ്ങൾ ശരിക്കും മെയ്ഡ് ഫോർ ഈച്ച് അദർ തന്നെ ആണ് ട്ടോ….. അവൾക്കും നിന്നെ പോലെ തന്നെ….. എന്തെങ്കിലും മതി…….. എന്താ ഒത്തൊരുമ” അകത്തേക്ക് പോയ അതെ സ്പീഡിൽ തിരിച്ചു വരുമ്പോൾ വിഷ്ണു പറഞ്ഞു

“പ്ഫാ മൈ……”

“അയ്യോ മതി…… ബാക്കി ഞാൻ ഊഹിച്ച് എടുത്ത് പൂരിപ്പിച്ചോള്ളാം”

“ശരി മോൻ ചെല്ല്…. പോയി ഫുഡ്‌ വാങ്ങി വാ”

“മാല വിറ്റ പൈസയൊന്നും ഇല്ലേ??”

“നീയല്ലേ വല്യ ജോലിക്കാരൻ…..”

“അപ്പൊ നിന്റെ കോംപ്ലക്സ് ഒക്കെ എവിടെ പോയി??”

“കോംപ്ലക്സ് മൈ……. എന്നെ കൊണ്ട് പറയിപ്പിക്കരുത്……. നീ ചെല്ല്…… പറഞ്ഞ് പറഞ്ഞ് ഇപ്പോ എനിക്കും വിശക്കാൻ തുടങ്ങി”

“ഹാ അങ്ങനെ വഴിക്ക് വാ……” എന്നും പറഞ്ഞ് അവൻ ഭക്ഷണം വാങ്ങാൻ പോയി…… ###

വിഷ്ണു ഭക്ഷണം വാങ്ങി വന്ന ശേഷം ഞങ്ങൾ മൂന്നുപേരും ഒരുമിച്ച് ഇരുന്ന് അത് കഴിച്ചു, ഇടയ്ക്ക് അവൻ ഓരോ ചളി അടിക്കുമ്പോൾ വോൾടേജ് കുറഞ്ഞ ഒരു ചിരി പാസ്സാക്കുന്നുണ്ട് അവൾ, എന്തായാലും ആ കരച്ചിൽ ഒന്ന് അവസാനിപ്പിച്ചിട്ടുണ്ട്…… ആര് കണ്ടു, ചിലപ്പോൾ ഭക്ഷണം കഴിക്കാൻ വേണ്ടി ബ്രേക്ക്‌ കൊടുത്തത് ആയിരിക്കും.

ഭക്ഷണം കഴിച്ച ശേഷം കൈ കഴുകി പുറത്തിറങ്ങിയ സമയത്താണ് രമേശേട്ടൻ വിളിച്ചത്

“ഹലോ…..”

“ആ കുഞ്ഞേ രമേഷേട്ടനാണ്…”

“ആഹ് രമേഷേട്ടാ പറയ്‌”

“അത് പിന്നെ ഒരു ജോലിയുണ്ട്…..”

“എന്താണ്??”

“കുഞ്ഞിന് രാഘവനെ അറിയുമോ…. പണ്ട് ലോട്ടറി അടിച്ച് പൈസക്കാരൻ ആയ…”

“ഇല്ല…..”

“ആ….. അയാൾക്ക് ഒരു ഡ്രൈവർ വേണമെന്ന് പറഞ്ഞിരുന്നു……”

“ഡ്രൈവർ…….. അത് മതി……. അത് ആവുമ്പോൾ എനിക്ക് അത്യാവശ്യം വൃത്തിക്ക് അറിയുന്ന ഒരു പണിയാണ്”

“അയ്യോ……. കുഞ്ഞ് എന്ത് ജോലി ആയാലും മതിയെന്ന് പറഞ്ഞത് കൊണ്ടാണ് ഞാൻ പെട്ടെന്ന് ഇത് ഓർമ്മ വന്നപ്പോൾ വിളിച്ചത്, ഒന്നും കൂടി ആലോചിച്ചിട്ട് പോരെ……..”

“ഏയ് ഇതിൽ ഇനി ഒന്നും ആലോചിക്കാനില്ല……. വെറും പ്ലസ്ടു മാത്രം വച്ച് എനിക്ക് എന്തായാലും കളക്ടറുടെ ജോലി ഒന്നും കിട്ടില്ല….. പിന്നെ എല്ലാ ജോലിക്കും അതിന്റെതായ അന്തസ്സ് ഇല്ലേ…… ഡ്രൈവിംഗ് ആണെങ്കിൽ എനിക്ക് ഇഷ്ടമുള്ള പണി ആണ്……… രമേശേട്ടൻ ഒന്ന് അത് ശരിയാക്കി കൊണ്ട…”

“ശരി കുഞ്ഞേ……. ഞാൻ വിളിക്കാം”

“ഓക്കേ…….” എന്നും പറഞ്ഞ് ഞാൻ ഫോൺ കട്ട്‌ ചെയ്തു, അങ്ങനെ ജോലിയുടെ കാര്യത്തിൽ ഏകദേശം തീരുമാനമായി…. റെഡി ആയാൽ മതിയായിരുന്നു…

“എന്താണ് മോനെ……. ആരാണ് ഫോണിൽ??” ഫോൺ കട്ട്‌ ചെയ്ത് കഴിഞ്ഞപ്പോൾ വിഷ്ണു ചോദിച്ചു…

“ഓ….. അത് രമേഷേട്ടനാണ്…… ഞാൻ ഒരു ജോലിയുടെ കാര്യം പുള്ളിയോട് പറഞ്ഞിരുന്നു….. അതാണ്”

“എന്ത് ജോലി??”

“എന്തെങ്കിലും ഒരു ജോലി ശരിയാക്കി തരാൻ പറഞ്ഞതാണ് പുള്ളിയോട്”

“എന്നിട്ട് റെഡി ആയോ??”

“ആഹ് ഒരെണ്ണം ചിലപ്പോൾ ശരിയാവും……. ഡ്രൈവിംഗ് ആണ്, അത് ആവുമ്പോൾ പിന്നെ വല്യ പണിയൊന്നും ഇല്ലലോ….. വെറുതെ വണ്ടി ഓടിച്ച പോരെ….”

“ഡ്രൈവറോ??”

“മ്മ……..” ഞാൻ അതെ എന്ന് മൂളി

“നീ തീരുമാനിച്ചോ??”

“യെസ്…..”

“മ്മ……” അവൻ പിന്നെ ഒന്നും ചോദിച്ചില്ല… . . . . . “ഡാ…… ടോണി……. പിന്നെ……… സാധനങ്ങൾ ഒക്കെ വാങ്ങി കൊടുത്ത കുക്കിംഗ്‌ അവള് ചെയ്യാമെന്ന് പറഞ്ഞിട്ടുണ്ട്…..” കുറച്ച് നേരത്തെ മൗനത്തിന് ശേഷം വിഷ്ണു പറഞ്ഞു….

“അതൊന്നും വേണ്ട……”

“പിന്നെ എത്ര കാലം നീ ഇങ്ങനെ പുറത്ത് നിന്ന് വാങ്ങി കഴിക്കും…. ഒന്നുമില്ലെങ്കിൽ വീട്ടിൽ ഉണ്ടാകുന്ന ഫുഡ്‌ കഴിച്ചൂടെ”

“മ്മ……… എന്നാലും………. അവസാനം ഒട്ടകത്തിന് സ്ഥലം കൊടുത്ത പോലെ ആവോ??”

“അതിന് അവള് ഇങ്ങോട്ട് കയറി പറഞ്ഞത് ഒന്നും അല്ല, ഞാൻ അങ്ങോട്ട്‌ ചോദിച്ചതാണ് ഭക്ഷണം ഒക്കെ ഉണ്ടാക്കാൻ അറിയുമോ എന്ന്….. അപ്പോഴാണ് അവൾ സാധനം വാങ്ങിയ അവൾ ഉണ്ടാക്കി തരാമെന്ന് പറഞ്ഞത്”

“മ്മ…… ശരി……..”

###

വൈകുന്നേരം ഞാനും വിഷ്ണുവും കൂടെ പോയി അടുക്കള ആവശ്യത്തിനുള്ള സാധനങ്ങൾ ഒക്കെ വാങ്ങി വന്നു അടുക്കള സെറ്റ് ചെയ്യുന്ന സമയത്ത് അവൾ വിഷ്ണുവിനോട് കുറച്ച് സംസാരിക്കാൻ ഒക്കെ തുടങ്ങിയിരുന്നു….. പക്ഷെ ഇടയ്ക്ക് എന്നെ കാണുമ്പോൾ ആള് സൈലന്റ് ആവും….. എന്തായാലും അവൻ ഉള്ളത് അവൾക്ക് ഒരു ആശ്വാസമാണെന്ന് തോന്നി…… അത് എന്തായാലും നന്നായി, എങ്ങനെ ആയാലും അവൾക്ക് ഇനിയും ആത്മഹത്യ ചെയ്യാൻ തോന്നാതെ ഇരുന്ന മതി….

എല്ലാം സെറ്റ് ചെയ്തു കഴിയുമ്പോൾ സമയം വൈകിയിരുന്നു, അതിനിടയിൽ രമേശേട്ടനും വിളിച്ചു, നാളെ രാവിലെ തന്നെ ആ പറഞ്ഞ രാഘവന്റെ വീട്ടിലേക്ക് പോവാൻ പറഞ്ഞു…… പുള്ളി പറഞ്ഞു തന്നത് വച്ച് അയാളുടെ വീട് എവിടെയാണെന്ന് ഏകദേശം ഒരു ഐഡിയ കിട്ടി, അപ്പൊ നാളെ തൊട്ട് ഞാനും ജോലി ചെയ്യാൻ പോവുന്നു…….. ഹാ…… കഴിഞ്ഞ ദിവസം വരെ വെറുതെ അടിച്ചു പൊളിച്ചു നടന്നിരുന്ന ഞാനാണ്……. വിധി……

രാത്രി ഒരു ഒമ്പത് മണി ആയപ്പോൾ വിഷ്ണു നാളെ കാണാമെന്ന് പറഞ്ഞ് വീട്ടിലേക്ക് പോയി, ഇന്നലെ രാവിലെ വീട്ടിൽ നിന്ന് ഇറങ്ങിയതല്ലേ ആശാൻ….

വിഷ്ണു പോയപ്പോൾ അവളുടെ മുഖത്ത് ഞാൻ കണ്ടത് ഭയമാണ്, ആഹ് പറഞ്ഞിട്ട് കാര്യമില്ല… കല്യാണം കഴിച്ചെങ്കിലും ഒരു പരിചയവും ഇല്ലാത്ത ഒരാളുടെ കൂടെ രാത്രി ഒറ്റയ്ക്ക് നിൽക്കാൻ പേടി കാണും….

“ വാതിൽ അടച്ച് കിടന്നോ…..” തലയിണയും പുതപ്പും എടുത്ത് അവളെ നോക്കാതെ അതും പറഞ്ഞ് ഞാൻ പുറത്തേക്ക് ഇറങ്ങി…

മുകളിൽ ടാങ്ക് വച്ച സ്ഥലത്ത് പോയി കിടന്നു, മൈര്…….. ഒടുക്കത്തെ തണുപ്പ് കിടന്നിട്ട് ഉറങ്ങാൻ പറ്റുന്നില്ല….. അവളെ പുറത്ത് കിടത്തി എനിക്ക് അകത്ത് കിടന്ന മതിയായിരുന്നു…… ഛെ…… ഞാൻ എന്തൊക്കെയാണ് ഈ ചിന്തിക്കുന്നത്, മോശം….. എഴുന്നേറ്റ് ഇരുന്ന് ഒരു സിഗരറ്റ് എടുത്ത് കത്തിച്ചു, എവിടെ ഒരു രക്ഷയില്ല….. ഒടുക്കത്തെ തണുപ്പ്….. വിറയ്ക്കുന്നു…… രണ്ടോ മൂന്നോ സിഗരറ്റ് ഒറ്റ ഇരുപ്പിന് വലിച്ചു…. ഏത് മണ്ടനാണ് സിഗരറ്റ് വലിച്ചാൽ തണുപ്പ് അറിയില്ലെന്ന് പറഞ്ഞത്………. കയ്യിൽ ഉണ്ടായിരുന്ന സിഗ് മൊത്തം വലിച്ചു തീർത്തു എന്നല്ലാതെ ഒന്നും നടന്നില്ല…… സമയം പോവുന്നത് അനുസരിച്ച് തണുപ്പ് കൂടി കൂടി വരുന്നത് പോലെ തോന്നി….. പണ്ടാരം, ആ പെണ്ണ് താഴെ സുഖമായി പുതച്ച് മൂടി കിടന്ന് ഉറങ്ങുന്നുണ്ടാവും….. അവസ്ഥ…… ഞാൻ പലതും ആലോചിച്ച് അങ്ങനെ അവിടെ ഇരുന്നു, എന്തായാലും ഇന്നത്തെ ഉറക്കം തീരുമാനമായി….

പുലർച്ചെ ഒരു രണ്ടര മണി എങ്ങാനും ആയി കാണും ഉറങ്ങുമ്പോൾ….. പക്ഷെ തണുപ്പ് കാരണം അധികം നേരം ഉറങ്ങാനും കഴിഞ്ഞില്ല, ഒരു ആറ് മണിക്ക് ഞാൻ ഉണരുകയും ചെയ്തു…..

താഴെ ചെന്ന് വാതിൽ മുട്ടി……… തുറക്കുന്നില്ല…… നാശം, വാതിലും പൂട്ടി സുഖിച്ചു കിടന്ന് ഉറങ്ങുകയാകും….. ബാക്കിയുള്ളവൻ ഇവിടെ തണുത്ത് വിറച്ച് പുറത്ത് കിടന്ന് ഇല്ലാതായി…..

രാവിലെ എട്ട് മണിക്ക് മുന്നെ അവിടെ എത്താനാണ് രമേശേട്ടൻ പറഞ്ഞത്…. ഈ സാധനം ഒന്ന് വാതിൽ തുറന്നാൽ അല്ലേ എന്തെങ്കിലും ചെയ്യാൻ കഴിയു… എനിക്ക് ദേഷ്യം പിടിക്കാൻ തുടങ്ങി, വാതിലിൽ ശക്തിയായി അഞ്ചാറ് ഇടി ഇടിച്ചു….. എവിടെ ആര് തുറക്കാൻ…..

കർത്താവെ….. പെണ്ണ് ഇനി വല്ല കടുംകൈ ചെയ്തോ?? അയ്യോ……. ആലോചിക്കുമ്പോൾ തന്നെ കയ്യും കാലും വിറയ്ക്കുന്നു…. വാതിലിൽ വീണ്ടും ശക്തിയായി മുട്ടി….. ഇല്ല തുറക്കുന്നില്ല………. കർത്താവെ, പെണ്ണിന്റെ പേര് എന്തായിരുന്നു?? ആ യാമിനി……

“യാമിനി………………..” വാതിലിൽ മുട്ടി കൊണ്ട് ഞാൻ ഉറക്കെ വിളിച്ചു…… ഇല്ല അനക്കം ഒന്നുമില്ല, ഈശോ…….. ഞാൻ പെട്ട്….. വിയ്യൂര്, പൂജപ്പുര, കണ്ണൂര്….. ഏതെങ്കിലും ഒന്ന് ഉറപ്പായി…… ചവിട്ടി പൊളിച്ചാലോ…… ആ അപ്പുറത്തെ ജനാല വഴി നോക്കാം…. ഓടി ജനാലയുടെ അടുത്ത് ചെന്ന് നോക്കി…… ഇല്ല, അത് അകത്തു നിന്ന് പൂട്ടിയിട്ടുണ്ട്….. അയ്യോ…………

പെട്ടെന്ന് എന്തോ ഒച്ച കേട്ടു……. അതെ വാതിൽ തുറക്കുന്ന ശബ്ദം, ഓ…… അപ്പൊ നാശം കിടന്ന് ഉറങ്ങുകയായിരുന്നോ……. മനുഷ്യനെ തീ തീറ്റിക്കാൻ…… ഇപ്പോ ശരിയാക്കി കൊടുക്കാം….

നിമിഷ നേരംകൊണ്ട് ഉള്ളിൽ നിറഞ്ഞ ഭയം ദേഷ്യമായി മാറി….. ഞാൻ വാതിലിന്റെ അടുത്തേക്ക് നടന്നു…… ഉള്ളിൽ അവളെ ചവിട്ടി കൂട്ടാനുള്ള ദേഷ്യം. . . . . .

പക്ഷെ, വാതിലിന് മുനിൽ പേടിച്ച് വിറച്ച് മാൻപേട കണ്ണുകളുമായി നിൽക്കുന്ന അവളെ കണ്ട് ഞാൻ നിശ്ചലനായി പോയി…..

കുളിക്കുകയായിരുന്നു എന്ന് മനസിലായി, ശരിക്കും തോർത്തിയിട്ടില്ല….. തലയിലൂടെ വെള്ളം മുഖത്തേക്ക് ഒലിച്ച് ഇറങ്ങുന്നു…. പക്ഷെ എന്റെ കണ്ണ് പിന്നെ പോയത് ഉയർന്നു നിന്ന മാറിടങ്ങളിലേക്ക് ആയിരുന്നു….. മുകളിലെ ആദ്യത്തെ കുടുക്ക് ഇട്ടിട്ടില്ല….. അതിന്റെ ഇടയിലൂടെ ആ മുലകളുടെ തുടക്കം വ്യക്തമായി കാണുന്നുണ്ട്….. അടിയിൽ ഒന്നും ഇട്ടിട്ടില്ലെന്ന് തോന്നി……

ഛെ…….. ഞാൻ എന്തൊക്കെ ആണ് ഈ ചെയ്യുന്നേ…… ഒരുത്തി ചിരിച്ച് കാണിച്ചപ്പോൾ പിന്നാലെ പോയതിന്റെ ആണ് ഞാൻ ഈ അനുഭവിക്കുന്നത്…. അരുത് ടോണി അരുത്…….. കണ്ട്രോൾ യുവർ ഇമോഷൻസ്……

പെട്ടെന്ന് തന്നെ അവളിൽ നിന്ന് കണ്ണ് മാറ്റിക്കൊണ്ട് ഞാൻ അവളെ കടന്ന് അകത്തേക്ക് കയറി…..

നേരെ ബാത്റൂമിലേക്ക് കയറാൻ പോയി, പക്ഷെ ഞാൻ കയറുന്നതിനു മുന്നെ അവൾ ഓടി ബാത്‌റൂമിൽ കയറി…. കയറിയ അതെ വേഗത്തിൽ അവൾ പുറത്തേക്ക് ഇറങ്ങി, കയ്യിൽ ബ്രായും പാന്റിയും ചുരുട്ടി പിടിച്ചിട്ടുണ്ട്… കുളിക്കുമ്പോൾ പുറത്ത് നിന്ന് എന്റെ ഒച്ചയും ബഹളവും കേട്ട് ഒക്കെ അവിടെ തന്നെ ഇട്ട് വേഗം വന്ന് വാതിൽ തുറന്നതാവും…. അല്ലെങ്കിലും എനിക്ക് ഇപ്പോ അവളെ ഇന്നർ കിട്ടിയിട്ട് വേണമല്ലോ………

അങ്ങനെ പലതും ആലോചിച്ച് ഞാൻ കുളിക്കാൻ ബാത്റൂമിലേക്ക് കയറി…. അപ്പോഴാണ് തോർത്ത്‌ എടുത്തില്ല എന്ന കാര്യം ഓർമ്മ വന്നത്, തിരിച്ചു തോർത്ത്‌ എടുക്കാൻ ഇറങ്ങി….. പക്ഷെ ഞാൻ വച്ച സ്ഥലത്ത് തോർത്ത്‌ കാണുന്നില്ല… കർത്താവെ എന്നോട് എന്തിനീ പരീക്ഷണം, ആദ്യ ദിവസം തന്നെ ലേറ്റ് ആവും…… ശ്യോ………..

റൂമിൽ എവിടെയും തോർത്ത്‌ കാണുന്നില്ല, അടുക്കളയിൽ നോക്കിയപ്പോൾ അവൾ അവിടെ എന്തോ അടുപ്പിൽ ചെയ്യുന്നുണ്ട്… ദോണ്ടേ എന്റെ തോർത്ത് അവളെ തലയിൽ ഇരിക്കുന്നു……

“ഡീ………..” ഞാൻ ഉറക്കെ വിളിച്ചതും അവൾ ഞെട്ടി തിരിഞ്ഞു….. കയ്യിൽ ഉണ്ടായിരുന്ന പാത്രം നിലത്ത് വീണു…. ദേഷ്യം കണ്ട്രോൾ ചെയ്യാൻ വേണ്ടി ഞാൻ പല്ല് കടിച്ച് നിന്നു, അവൾ ആണെങ്കിൽ എന്റെ നിൽപ്പും നോട്ടവും ഒക്കെ കൂടി കണ്ട് വിറയ്ക്കുന്നു…..

“നിന്നോട് ആരാ എന്റെ തോർത്ത് എടുക്കാൻ പറഞ്ഞത്??” ഞാൻ ഗൌരവം ഒട്ടും കുറയ്ക്കാതെ തന്നെ ചോദിച്ചു….

“അത്……. പിന്നെ………” അവൾ ചെറുപ്പത്തിൽ പരീക്ഷയ്ക്ക് പൊട്ടിയിട്ട് പേപ്പറും കൊണ്ട് അപ്പന്റെ മുനിൽ നിൽകുമ്പോൾ എന്റെ മുഖത്ത് ഉണ്ടായിരുന്ന അതെ മുഖ ഭാവത്തോടെ എന്റെ മുനിൽ നിൽപ്പാണ്.

“ഇങ്ങോട്ട് കൊണ്ട….” ഞാൻ കൈ നീട്ടി കൊണ്ട് പറഞ്ഞു

“ഒരു മിനിറ്റ്……. ഞാൻ കഴുകി തരാം”. എന്ന് പറഞ്ഞ് അവൾ എന്നെ മറികടന്ന് ബാത്റൂമിലേക്ക് പോവാൻ നോക്കി…

“വേണ്ട…… ഇങ്ങ് കൊണ്ട……. നേരമില്ലാത്ത നേരത്ത് ഓരോ……..”

“അവിടെ വെച്ചോ…..” തിരിഞ്ഞു നോക്കാതെ മേശയിലേക്ക് കൈ ചൂണ്ടി ഞാൻ പറഞ്ഞു…..

ബാഗിൽ നിന്ന് സി.കെയുടെ ഒരു വെള്ള ഷർട്ടും ഡീസലിന്റെ ലൈറ്റ് ബ്ലൂ ജീൻസും എടുത്തിട്ട് മേശപ്പുറത്ത് വെച്ച ആ ചായയും എടുത്ത് കുടിച്ച് കണ്ണാടിയിൽ ഒന്ന് നോക്കി സംതൃപ്തി തോന്നിയപ്പോൾ പോവാൻ ഒരുങ്ങി……

പുറത്തേക്ക് ഇറങ്ങാൻ വേണ്ടി തിരിഞ്ഞ് വാതിലിന് അടുത്ത് എത്തിയപ്പോൾ എന്തോ ശബ്ദം കേട്ട് നോക്കിയപ്പോൾ അടുക്കളയിൽ നിന്ന് ഓടി വന്ന് എന്റെ പിന്നിൽ നിൽക്കുന്ന യാമിനിയെ ആണ് കണ്ടത്…. എന്നോട് എന്തോ പറയാൻ വേണ്ടി വന്നതാണെന്ന് മനസിലായി, പക്ഷെ ഞാൻ തിരിഞ്ഞ് നോക്കിയതും കക്ഷി പേടിച്ച് കാര്യം പറയാൻ മടിച്ച് നിൽക്കുകയാണ്….

“എന്താ??” ഞാൻ അവളെ നോക്കി ചോദിച്ചു

“ഫുഡ്‌……”

“വേണ്ട…… സമയമില്ല……..” എന്ന് പറഞ്ഞ് ഞാൻ തിരിഞ്ഞ് നടന്നു, തിരിഞ്ഞു നടക്കുമ്പോഴാണ് അവൾ ഇന്നലെ ഇട്ട അതെ ചുരിദാർ തന്നെയാണ് ഇട്ടത് എന്ന് ഞാൻ ഓർത്തത്….. അയ്യോ……. കയ്യും വീശി ആയിരുന്നില്ലേ ഞങ്ങൾ ഇങ്ങോട്ട് വന്നത്…… അപ്പൊ അവൾക്ക് ഇടാൻ വേറെ ഡ്രസ്സ്‌ ഒന്നും ഉണ്ടാവില്ല…. എന്താ ഇപ്പോ ചെയ്യാ…..

ഞാൻ ഫോൺ എടുത്ത് വിഷ്ണുവിനെ വിളിച്ചു…. കുറച്ച് റിംഗ് കഴിഞ്ഞാണ് അവൻ ഫോൺ എടുത്തത്…

“ഹെലോ…..”

“ആഹ്…… എന്താടാ ഈ രാവിലെ തന്നെ…..”. വിഷ്ണുവിന്റെ ഉറക്ക ചടവോടെ ഉള്ള ശബ്ദം.

“ഡ……. അത് പിന്നെ……. അവൾക്ക് ഇടാൻ വേറെ ഡ്രസ്സ്‌ ഒന്നുമില്ല….”

“ഏത് അവൾ??”

അവൻ ഒരു ഒഴുക്കൻ മട്ടിൽ ചോദിച്ചു“ഡാ…… അവള്……. യാമിനി”

“പ്ഫാ…….. മൈരേ…… നിന്റെ ഭാര്യക്ക് ഇടാൻ ഡ്രസ്സ്‌ ഇല്ലെങ്കിൽ നീ വാങ്ങി കൊടുക്കണം…… അല്ലാതെ രാവിലെ തന്നെ ബാക്കി ഉള്ളവരെ വിളിച്ചു ഉറക്കം കളയല്ലേ…… പ്ലീസ്….” എന്ന് പറഞ്ഞ് അവൻ ഫോൺ കട്ട്‌ ചെയ്തു….. ഉറക്കം പോയത് കൊണ്ട് ആണെന്ന് തോന്നുന്നു, ആശാൻ നല്ല ചൂടിലാണ്…. അല്ലെങ്കിലും ഈ നിസാര കാര്യത്തിന് അവൻ എന്തിനാ ഇങ്ങനെ ചൂടാവുന്നത്….

ഇനി ഇപ്പോ എന്താ ചെയ്യാ……. അവളോട്‌ സംസാരിക്കാൻ ഒരു മടി. സാരമില്ല….. വിഷ്ണു പറഞ്ഞത് പോലെ ഞങ്ങൾ ഒരുമിച്ച് താമസിക്കുന്ന രണ്ട് അപരിചിതർ…. വഴിയിൽ കാണുന്ന അപരിചിതരോട് വരെ സംസാരിക്കേണ്ട വരാറില്ലേ….. പിന്നെ എന്താ….. യെസ്…… യൂ ക്യാൻ ഡൂ ഇറ്റ് ടോണി……. യൂ ക്യാൻ…….. കുറച്ചായി ഞാൻ വല്ലാതെ എനിക്ക് കോൺഫിഡൻസ് കൊടുക്കുന്നുണ്ട്, ഒരു പൊടിക്ക് കുറയ്ക്കണം… ഹാ എന്തെങ്കിലും ആവട്ടെ.

ഞാൻ തിരിച്ച് നടന്നു…… വാതിലിൽ മുട്ടി…. നിമിഷ നേരംകൊണ്ട് വാതിൽ എനിക്ക് മുനിൽ തുറക്കപ്പെട്ടു….

എനിക്ക് എന്ത് പറയും എങ്ങനെ പറയുമെന്ന് ഒരു ചെറിയ ആശയക്കുഴപ്പം…. അവളാണെങ്കിൽ എന്റെ മുനിൽ എന്താണ് കാര്യമെന്ന് ഒരു പിടിയും ഇല്ലാതെ വണ്ടർ അടിച്ച് നിൽക്കുന്നു….

“അതെ…..പിന്നെ…. ഇത്തിരി വെള്ളം തരുമോ??” അതാണ് പെട്ടെന്ന് എന്റെ വായിൽ വന്നത്…. ചോദിച്ചപ്പോൾ തന്നെ അവൾ അകത്തേക്ക് ഓടി..

അവൾ അടുക്കളയിലേക്ക് പോയ സമയം ഞാൻ അകത്ത് കയറി പേഴ്സിൽ നിന്ന് ഒരു നാലായിരം രൂപ എടുത്ത് മേശപ്പുറത് വച്ചു, കൃത്യം പൈസ വെച്ച് തിരിയലും അവൾ അടുക്കളയിൽ നിന്ന് ഒരു ജഗും ആയി വന്നു…. പെട്ടെന്ന് അവളെ കണ്ടപ്പോൾ ഞാൻ ചെറുതായി തപ്പി കളിച്ചു….

വേഗം അവളുടെ കയ്യിൽ നിന്ന് ജഗ്‌ വാങ്ങി ദിവസങ്ങളായി വെള്ളം കിട്ടാത്ത പോലെ അതിൽ ഉണ്ടായിരുന്ന വെള്ളം മൊത്തം ഒറ്റ വലിക്ക് കുടിച്ചു…. അവൾ എന്റെ പ്രവർത്തികൾ അത്ഭുതത്തോടെ നോക്കുന്നുണ്ട്…. ജഗ്‌ അവൾക്ക് തിരിച്ച് കൊടുത്തിട്ട് ഞാൻ പുറത്തേക്ക് ഇറങ്ങി….

അല്ല….. കാര്യം പറഞ്ഞില്ലെങ്കിൽ അവൾക്ക് എങ്ങനെ മനസിലാവാനാണ്….. ഛെ…. ഞാൻ എന്ത് മണ്ടനാ…. തിരിഞ്ഞ് നോക്കിയപ്പോൾ അവൾ ആ ജെഗും പിടിച്ച് എന്നെ തന്നെ നോക്കി നിൽക്കുന്നുണ്ട്

“അതെ……”

“മ്മ…….” അവൾ കാര്യം പറയാൻ പറയും പോലെ മൂളി…

“മേശപ്പുറത് പൈസ വച്ചിട്ടുണ്ട്….. ഡ്രസ്സ്‌ വാങ്ങിക്കോ….” എന്ന് എങ്ങനെയോ പറഞ്ഞ് ഒപ്പിച്ച് ഞാൻ തിരിഞ്ഞു, അല്ലെങ്കിലും ഞാൻ എന്തിനാ ഇങ്ങനെ ഒക്കെ കളിക്കുന്നത്…. പറയാൻ ഉള്ളത് അങ്ങ് മുഖത്ത് നോക്കി പറഞ്ഞ എന്താ….

“അതെ……..” പോവാൻ വേണ്ടി തിരിഞ്ഞതും അവൾ പിന്നിൽ നിന്ന് വിളിച്ചു, ഇത് കുറെ നേരായി ട്ടോ ഞാൻ ഇങ്ങനെ പോവാൻ വേണ്ടി തിരിഞ്ഞ് കളിക്കാൻ തുടങ്ങിയിട്ട്….

“എന്താ??”

“ഫോൺ ഒന്ന് തരുമോ?? ഒരു കോൾ ചെയ്യട്ടെ….”

“മ്മ….. ഇതാ….. വേഗം വേണം…” എന്ന് പറഞ്ഞ് ഫോൺ ഞാൻ അവൾക്ക് കൊടുത്തിട്ട് കുറച്ച് അപ്പുറത്തേക്ക് മാറി നിന്നു…. സിഗരറ്റ് കത്തിക്കാമെന്ന് കരുതി പോക്കറ്റിൽ കയ്യിട്ടപ്പോൾ അവിടെ അങ്ങനെ ഒരു സാധനമേ ഇല്ല…… ഓ ഇന്നലെ രാത്രി തണുപ്പ് കാരണം കയ്യിൽ ഉണ്ടായിരുന്നത് മൊത്തം വലിച്ച് തീർത്തിരുന്നു…. ഛെ……..

കുറച്ച് നേരം അങ്ങനെ ആ ടെറസിൽ നിന്ന് റോഡിലെ കാഴ്ചകൾ നോക്കി നിന്നു….. അതാ ഒരു പയ്യൻ ബൈക്കും സെന്റർ സ്റ്റാൻഡിൽ ഇട്ട് ഇരിക്കുന്നു…… അവന്റെ ഇരിപ്പ് കണ്ട അറിയാം കാമുകിയെ കാത്ത് ഇരിപ്പായിരിക്കും….. എന്താ അവന്റെ മുഖത്തെ ആകാംഷ….. വേണ്ട മോനെ ഇത്ര ആവേശം വേണ്ട, എപ്പോഴാണ് തേച്ച് ഭിത്തിയിൽ ഒട്ടിക്കുക എന്ന് പറയാൻ കഴിയില്ല……. ഹ……ഹ….. പാവം പയ്യൻ……… അവനെ കാണുമ്പോഴേ ഒരു കള്ള ലക്ഷണം… നല്ല കള്ള ലക്ഷണമുള്ള പാവം പയ്യൻ…..

ഇവിടെ ഒരുത്തി ഫോണിൽ ആരോടോ കാര്യമായ സംസാരത്തിലാണ്, വെറും സംസാരം അല്ല….. കരഞ്ഞു കൊണ്ട് സംസാരിക്കുന്നു…. ഇവൾക്ക് ഇത് എവിടെ നിന്ന ഇതിനു മാത്രം കണ്ണീര്…… ആ എന്തെങ്കിലും ആവട്ടെ… ചിലപ്പോൾ അച്ഛനോട് ആയിരിക്കും…. എന്തായാലും അമ്മയെയും പെങ്ങൾ എന്ന ആ പിശാചിനെയും ആവാൻ സാധ്യതയില്ല…… അല്ല ആരെയാണെങ്കിലും എനിക്ക് എന്താ ലേ……

ഞാൻ വീണ്ടും റോഡിലൂടെ ഒന്ന് കണ്ണോടിച്ചു, നേരത്തെ ഞാൻ നോക്കിയിരുന്ന ആ ബൈക്കിൽ ഇരുന്ന പയ്യന്റെ അടുത്ത് ഒരു സ്ത്രീ നിൽക്കുന്നു, എനിക്ക് പുറം തിരിഞ്ഞ് നിൽക്കുന്നത് കൊണ്ട് അവരുടെ മുഖം കാണാൻ കഴിയുന്നില്ല….. ചുവന്ന സാരിയും ഹിജാബും ധരിച്ച അവരുടെ പിന്നഴക് പറഞ്ഞറിയിക്കാൻ കഴിയുന്നതിലും അപ്പുറമായിരുന്നു… ഒടുക്കത്തെ ഷേപ്പ്…… ഉഫ്…… അത് കണ്ടതും താഴെ ഒരാൾ എഴുന്നേറ്റ് നിന്ന് “ഈ ഒന്നിനും കൊള്ളാത്ത നശിച്ച ജീവിതം എനിക്ക് മടുത്തു” എന്ന് പറഞ്ഞ് കരയാൻ തുടങ്ങി…. അവനെ ആശ്വസിപ്പിക്കാൻ എനിക്ക് വാക്കുകൾ ഉണ്ടായിരുന്നില്ല, അല്ലെങ്കിലും ആന കൊടുത്താലും ആശ കൊടുക്കരുത് എന്നാണല്ലോ…. പാവം കുട്ടൻ……..

അവര് ആ പയ്യന്റെ ബൈക്കിന്റെ പുറകിൽ കയറിയപ്പോൾ അവൻ ബൈക്ക് പറപ്പിച്ച് വിട്ടു, അവര് ബൈക്കിൽ കയറുമ്പോൾ അവന്റെ മുഖത്ത് കണ്ട ചിരി…. മനസ്സിൽ ലഡ്ഡു പൊട്ടിയ ചിരി…….. ഉഫ്….. എന്നാലും മുഖം ശരിക്കും കാണാൻ കഴിഞ്ഞില്ല…….. കണ്ടിട്ട് ഏകദേശം പത്ത് മുപ്പത്തഞ്ച് വയസ്സുണ്ടെന്ന് തോന്നുന്നു, ഛെ ഞാൻ എന്തിനാ ബാക്കിയുള്ളവരുടെ കാര്യം നോക്കി നിൽക്കുന്നത്………… ബി ഡീസന്റ് ടോണി……

ഇവിടെ എന്റെ ഫോണും വാങ്ങി ഒരുത്തി കുറെ നേരമായി സൊള്ളാൻ തുടങ്ങിയിട്ട്, ഇനിയും നിന്ന ഞാൻ ലേറ്റ് ആവും….

“അതെ കഴിഞ്ഞില്ലേ……… എനിക്ക് പോവണം…”. ഞാൻ ഉറക്കെ വിളിച്ച് പറഞ്ഞതും എന്തോ പറഞ്ഞിട്ട് വേഗം ഫോൺ വെച്ച് അവൾ എനിക്ക് കൊണ്ടുവന്ന് തന്നു…

“ഡ്രസ്സ്‌ വാങ്ങിയിട്ട് ബാക്കി പൈസയ്ക്ക് ഫോണും റീചാർജ് ചെയ്തോ…… എന്റെ ഫോൺ ഇങ്ങനെ യൂസ് ചെയ്യുന്നത് എനിക്ക് ഇഷ്ടമല്ല….” അതും പറഞ്ഞ് ഞാൻ തിരിഞ്ഞ് നടന്നു, പെട്ടെന്ന് എന്തോ തോന്നി ഞാൻ തിരിഞ്ഞ് നോക്കിയപ്പോൾ എന്നെ നോക്കി കൊഞ്ഞനം കുത്തുന്ന യാമിനിയെ ആണ് കണ്ടത്, സാധാരണ രീതിയിൽ എനിക്ക് ദേഷ്യം പിടിക്കുകയാണ് വേണ്ടത്…. അതാണ് പതിവ്, പക്ഷെ പെട്ടെന്ന് അവളുടെ മുഖത്തെ ഭാവങ്ങൾ കണ്ടപ്പോൾ എനിക്ക് ചിരിയാണ് വന്നത്…… പക്ഷെ ചിരിച്ചില്ല, കഷ്ടപ്പെട്ട് ചിരി അടക്കി അവളെ ഒന്ന് തറപ്പിച്ച് നോക്കിയിട്ട് ഞാൻ ഇറങ്ങി…. ###

ബസ് കയറി രമേശേട്ടൻ പറഞ്ഞ സ്റ്റോപ്പിൽ ഇറങ്ങി പുള്ളി പറഞ്ഞു തന്ന ഊഹം വച്ച് നടന്നു ഞാൻ ഒരു വലിയ കൊട്ടാരം പോലെ തോന്നിക്കുന്ന ഇരുന്നില്ല വീടിന്റെ മുനിൽ എത്തി, ഇത് തന്നെ ആവാനാണ് സാധ്യത…….. ഏകദേശം എന്റെ വീടിന്റെ അത്ര തന്നെ വലുപ്പമുണ്ട്, ഛെ….. അതിന് ആ ഒറ്റ മുറിയല്ലേ എന്റെ വീട്….

“മ്മ്……. ആരാ……. എന്താ കാര്യം??” പടിവാതിലിന് മുനിൽ വെച്ച് ഒരു മധ്യവയസ്ക്കനായ സെക്യൂരിറ്റി എന്നെ തടഞ്ഞു….

“ചേട്ടാ ഈ രാഘവൻ എന്ന് പറയുന്ന ആളുടെ വീട്??”

“ആഹ് അതെ ഇത് തന്നെ…… എന്താ കാര്യം??”

“ഇവിടെ ഡ്രൈവറുടെ ആവശ്യം ഉണ്ടെന്ന് പറഞ്ഞിരുന്നു, ഇന്ന് വരാൻ പറഞ്ഞു”

“ഓ ഡ്രൈവർ ആയിരുന്നോ….” ഒരു പുച്ഛത്തോടെ അതും പറഞ്ഞിട്ട് അയാൾ ഗേറ്റ് തുറന്ന് തന്നു, എന്താ ഇയാൾക്ക് ഇത്ര പുച്ഛം……. ഇത്ര സുന്ദരനായ ഡ്രൈവറെ ഇതുവരെ കണ്ടിട്ടില്ലേ… ഞാൻ അയാളെ നോക്കി നല്ലൊരു ചിരിയും ചിരിച്ചിട്ട് ഉള്ളിലേക്ക് നടന്നു…… ശ്യോ….. ഗേറ്റിന്റെ അവിടെ നിന്ന് വീട്ടിലേക്ക് നടന്ന തന്നെ വേറെ വ്യായാമം ഒന്നും ചെയ്യണ്ട ആവശ്യമില്ല….

അങ്ങനെ ആ വല്യ വീടിന് മുനിൽ എത്തി, കോളിങ് ബെൽ അടിച്ചു….. ബെൽ അടിച്ചിട്ട് ഒന്ന് ചുറ്റും കണ്ണോടിക്കുമ്പോഴേക്കും ആ വലിയ വാതിൽ എനിക്ക് മുനിൽ തുറക്കപ്പെട്ടു……

ഒരു പെണ്ണാണ് വാതിൽ തുറന്ന് പുറത്തേക്ക് വന്നത്….. ദേവതയെ പോലെ കാണാൻ, തിളങ്ങുന്ന കണ്ണുകൾ…… ചുരുളൻ മുടി….. ആ കണ്ണുകൾ തന്നെയാണ് ഹൈലൈറ്റ്…. അതിന് വല്ലാത്ത ഒരു ആകർഷണം…. ഇളം നീല നിറം…… വേറെ ഒന്നും ശ്രദിക്കാൻ കഴിഞ്ഞില്ല…

“ഹലോ…… എന്താണ്??” നല്ല കിളിനാദം…..

“അത്……. രാഘവൻ സാർ ഇല്ലേ??” അയാള് എന്നെ സ്കൂളിൽ പഠിപ്പിച്ചിട്ട് ഇല്ലാല്ലോ…… ആ എന്തായാലും ഓട്ടോമാറ്റിക് ആയി വായിൽ നിന്ന് വീണതാണ്….. കിടക്കട്ടെ അല്പം സോപ്പ്……

“ആഹ് ഒരു മിനിറ്റേ………. അച്ഛാ….” ആ പെണ്ണ് അകത്തേക്ക് നോക്കി നീട്ടി വിളിച്ചു….. എന്നിട്ട് എന്നെ നോക്കി ഒന്ന് ചിരിച്ചു, ഞാൻ തിരിച്ചും അതെ പോലെ തന്നെ ചിരിച്ചു…

“എന്താ മോളേ…..” നല്ല ഗാംഭീര്യമുള്ള ശബ്ദം, നീണ്ട് തടിച്ച് കട്ടി മീശയുമായി ഒരാൾ പുറത്തേക്ക് ഇറങ്ങി വന്നു, കണ്ടിട്ട് ഏകദേശം എന്റെ അപ്പന്റെ ഒക്കെ പ്രായം ആയിരിക്കും എന്ന് തോന്നി, അതെ ഇത് തന്നെ രാഘവൻ, അപ്പൊ ആദ്യം വന്നു വാതിൽ തുറന്ന ഈ കുട്ടി ഇയാളുടെ മകൾ തന്നെ, അകത്തേക്ക് നോക്കി അച്ഛാ ന്ന് വിളിച്ചത് കൊണ്ട് മനസിലായി…… അല്ലാതെ ഈ കുട്ടിക്ക് ഇയാളുമായി കാഴ്ചയിൽ ഒരു സാമ്യതയുമില്ല

“ഇതാ…….. അച്ഛനെ കാണാൻ വന്നതാണ്….” എന്നെ ചൂണ്ടി കാണിച്ചുകൊണ്ട് ആ കുട്ടി അയാളോട് പറഞ്ഞു.

“മ്മ്…… എന്താടോ??” ആ ഉറച്ച ശബ്ദം എനിക്ക് നേരെ..

“ഞാൻ രമേശേട്ടൻ പറഞ്ഞിട്ട് വരുകയാണ്, ഇവിടെ ഡ്രൈവറുടെ ആവശ്യമുണ്ടെന്ന് അറിഞ്ഞിട്ട്”

“ആഹ്……. ഓ ശരി ശരി……. ദാസൻ പറഞ്ഞിരുന്നു അവന്റെ ഏതോ പരിചയക്കാരന്റെ കെയർഓഫിൽ ആള് വരുമെന്ന്…… അത് ശരി അപ്പൊ ഇയാളാണോ ആള്……. എന്താടോ ലൈസൻസ് ഒക്കെ ഉണ്ടോ??”

“ഓ ഉണ്ട് സാർ….”

“നോക്ക്…… അതൊക്കെ ആണ് ഇവിടത്തെ കാറുകൾ…….. ഇങ്ങനെയുള്ള കാറുകൾ ഒക്കെ ഓടിക്കാൻ അറിയുമോ….”

അപ്പുറത്തെ കാർ പോർച്ചിലേക്ക് ചൂണ്ടിക്കൊണ്ട് അയാൾ ചോദിച്ചു, നോക്കിയപ്പോൾ ഒരു ബെൻസ്, മിനികൂപ്പറും പിന്നെ ഒരു പോളോയും കിടക്കുന്നു……. ഹ…….ഹ……ഹ………. നമ്മളോട്……..“അറിയാം സാർ…….”

“ഹാ ശരി നമുക്ക് നോക്കാം, ഇന്ന് എന്തായാലും ഉച്ചയ്ക്ക് എനിക്ക് ഒരു മീറ്റിംഗിന് പോവാനുണ്ട്….. താൻ വണ്ടി അപ്പൊ എടുത്ത് നോക്ക്, എന്നിട്ട് തീരുമാനിക്കാം”

“ശരി സാർ…..”

“ആഹ്……. അല്ല തന്നെ ഞാൻ എവിടെയോ കണ്ടിട്ടുണ്ട്, തന്റെ വീട് എവിടെയാണ്??”

“അത്…… വള്ളാടൻകുന്ന്…….”

“ഓ എനിക്ക് അറിയുന്ന സ്ഥലമാണ്, അവിടെ എവിടെ??”

“അവിടെ അമ്പലത്തിന്റെ അവിടുന്ന് വടക്കോട്ട്…….

“ഏഹ്…… അച്ഛന്റെ പേര്??”

“മാത്യൂസ്……”

“ഹ……..ഹ………… എന്റെ ഊഹം തെറ്റിയില്ല, പിശുക്കൻ മത്തായിയുടെ മകനാണ് ലേ നീ……. അങ്ങനെ പറ…… ഹ……..ഹ…………” എന്നും പറഞ്ഞ് അയാള്‌ മരണ ചിരി, അപ്പൊ ഇയാൾക്ക് അപ്പനെ പരിചയമുണ്ട്…… അപ്പന്റെ കൂട്ടുക്കാരൻ ആകുമോ?? എന്നാലും ഇയാൾ എന്തിനാ ഇങ്ങനെ ചിരിക്കുന്നത്….

“മാത്യുവിന്റെ മകൻ ഇങ്ങനെ ഒരു ആവശ്യവുമായി എന്റെ മുനിൽ നിൽകുമ്പോൾ എങ്ങനെയാണ് ഞാൻ പറ്റില്ലെന്ന് പറയുക…… ഈ ജോലി തനിക്ക് തന്നെ….” ചിരി അവസാനിപ്പിച്ചിട്ട് അയാൾ പറഞ്ഞു

“താങ്ക്യൂ സാർ”

“മ്മ…… പിന്നെ നിന്നെ പറ്റി നാട്ടിൽ മൊത്തം പല കഥകളും കേൾക്കുന്നുണ്ടല്ലോ ഡാ……. തനെ ഏതോ വേശ്യാലയത്തിൽ വെച്ച് നാട്ടുകാര് പിടിച്ചെന്നോ കയ്യോടെ പിടിച്ച് തന്റെ സ്ഥിരം കുറ്റിയുമായി കല്യാണം കഴിപ്പിച്ചെന്നോ…….. അങ്ങനെ പല കഥകളും നാട്ടിൽ പാട്ടാണ്” ഞാൻ ഒരു നിമിഷം തല ഉയർത്തി നോക്കി, പുള്ളി എന്നെ നോക്കി ഒരു ആക്കിയ ചിരി ചിരിക്കുന്നുണ്ട്, ആ പെണ്ണിന്റെ മുഖം ആകെ എന്തോ ആയിട്ടുണ്ട്…. എനിക്ക് അധിക നേരം തല ഉയർത്തി നിൽക്കാൻ സാധിച്ചില്ല, ഞാൻ അവർക്ക് മുനിൽ തല താഴ്ത്തി നിന്നു….

“ഹേയ് ഡോ….. ഇങ്ങോട്ട് നോക്ക്” പുള്ളിയുടെ ശബ്ദം കേട്ട് ഞാൻ മുഖം ഉയർത്തി നോക്കി….

“തന്റെ മറ്റ് കാര്യങ്ങളൊന്നും എനിക്ക് വിഷയമല്ല, ഇവിടെ നിൽകുമ്പോൾ അടങ്ങി ഒതുങ്ങി നിൽക്കണം……. കേട്ടോ……” അയാളുടെ ശബ്ദം ഉയർന്നു

“ശരി സാർ…..”

“മ്മ…… പിന്നെ ഈ സാറേ വിളി വേണ്ട…… അതൊരു സുഖമില്ല……. താൻ എന്നെ മുതലാളി എന്ന് വിളിച്ച മതി”

“ശരി സാ……അല്ല മുതലാളി…..”

“മ്മ…… എങ്കിൽ താൻ പോയി ആ ബെൻസ് കഴുകി വെക്ക്, 12 മണിക്ക് ഒരു മീറ്റിംഗിന് പോവാൻ ഉള്ളതാണ്”

“മ്മ…….”

“പിന്നെ…… ഇങ്ങനെ മൂളാതെ വായ തുറന്ന് സംസാരിക്കണം, അതാണ് എനിക്ക് ഇഷ്ടം”

“ശരി സാ…… ഛെ…… മുതലാളി”

“മ്മ….. നാ വേഗം ആയിക്കോട്ടെ….. ചെല്ല്”

ഞാൻ കാർപോർച്ചിന്റെ അടുത്തേക്ക് നടന്നു, ഈശോ…….. ഇനി ഈ കാറ്‌ കഴുകണം……. വല്ലാത്ത ചെയ്ത്ത് ആയി പോയി…… ഞാൻ കരുതിയത് വെറുതെ കാറ്‌ ഓടിച്ച മാത്രം മതി എന്നാണ്, ഇത് ഇപ്പോ……… വെറുതെ രാവിലെ തന്നെ വെള്ള ഷർട്ട്‌ ഒക്കെ ഇട്ട് ടിപ്ടോപിൽ ഇറങ്ങി…… ഇറങ്ങി പോയാലോ??

വേണ്ട…….. കയ്യിൽ പൈസയൊക്കെ ഇപ്പോ തീരും, തത്കാലം വേറെ ഒരു ജോലി ശരിയാവുന്നത് വരെ ഇവിടെ പിടിച്ചു നിൽക്കാം, എന്നാലും……….

ഞാൻ നേരെ സെക്യൂരിറ്റിയുടെ അടുത്ത് പോയി ബക്കറ്റും വെള്ളവും ഒക്കെ എവിടെ ആണെന്ന് ചോദിച്ച് അറിഞ്ഞ ശേഷം കാറ് കഴുകാൻ തുടങ്ങി, ഇടയ്ക്ക് ഇടയ്ക്ക് ഇല്ലെങ്കിലും മാസത്തിൽ ഒരിക്കല് എന്റെ കോണ്ടസ കഴുകി ശീലം ഉള്ളത് കൊണ്ട് കാറ്‌ കഴുകൽ വലിയ പാടുള്ള പണിയായിരുന്നില്ല……… അത് പറഞ്ഞപ്പോഴാണ് എന്റെ കോണ്ടസ കുട്ടൻ ഇപ്പോ എന്ത് ചെയ്യുന്നുണ്ടാവും………. ഞാൻ ചത്തെന്നു കരുതി കാണും, അല്ലെങ്കിൽ എന്റെ കയ്യിൽ കിട്ടിയ ശേഷം ഒറ്റ ദിവസം പോലും അവനെ തൊടാതെ നിന്നിട്ടില്ല…..ഹ്മ്മ്……..

അങ്ങനെ കാറ്‌ കഴുകി കഴിഞ്ഞു…. ഇനി 12 മണി വരെ ഫ്രീയാണ്, വീടിന്റെ മുനിൽ ഗാർഡനിൽ ഒരു മരത്തിന്റെ ബെഞ്ച് ഇട്ടിട്ടുണ്ട്, ഞാൻ നേരെ അതിൽ പോയി ഇരുന്നു… ഹൗ……. വിശന്നിട്ട് വയറ് കാളാൻ തുടങ്ങി, രാവിലെ ആ പെണ്ണ് പറഞ്ഞപ്പോൾ വല്യ ജാഡ കാണിക്കാതെ കഴിച്ചാൽ മതിയായിരുന്നു, ഇനി ഇപ്പോ വേറെ വഴി ഒന്നുമില്ല, സഹിക്കുക തന്നെ….

“ഹലോ………” ശബ്ദം കേട്ട ഭാഗത്തേക്ക് നോക്കിയപ്പോൾ അതാ അയാളുടെ മകൾ, രാവിലെ വാതിൽ തുറന്ന ആ സുന്ദരി കൈ വീശി കാണിച്ചുകൊണ്ട് എന്റെ അടുത്തേക്ക് വരുന്നു……. ഇനി ഇത് എന്ത് കുരിശ് ആണോ എന്തോ…

“എന്താണ് മാഡം??” അവൾ എന്റെ അടുത്ത് എത്തുമ്പോഴേക്കും എഴുന്നേറ്റ് നിന്നുകൊണ്ട് ഞാൻ ചോദിച്ചു….

“താൻ സെയിന്റ്. ജോൺസ് കോളേജിൽ അല്ലേ പഠിച്ചത്??”

“അതെ………” ഞാൻ എങ്ങനെ അറിയാം എന്ന സംശയം ഉള്ളിൽ വച്ച് കൊണ്ട് പറഞ്ഞു….

“മ്മ…… ഞാൻ കണ്ടിട്ടുണ്ട്”

“എപ്പോൾ??” അറിയാതെ തന്നെ ഞാൻ അത് ചോദിച്ച് പോയി

“ഇന്റർ കോളേജ് ഫുട്ബോൾ ടൂർണമെന്റ് ഞങ്ങടെ കോളേജിൽ വച്ച് നടന്ന സമയത്ത്…….. അന്ന് ജോൺസിന്റെ ഈ തുറുപ്പുചീട്ടിനെ ശ്രദ്ധിക്കാതെ പോയ ഒറ്റ കുട്ടിയും ഉണ്ടാവില്ല….. അതാണ്‌ നേരത്തെ കണ്ടപ്പോൾ എനിക്ക് എവിടെയോ കണ്ട് നല്ല പരിചയം തോന്നിയിരുന്നു, ഇപ്പോ ആലോചിച്ച് നോക്കിയപ്പോഴാണ് ഓർമ്മ വന്നത്”

“മാഡം രാമകൃഷ്ണയിലാണോ പഠിച്ചത്??”

“യെസ്….. ഡിഗ്രി അവിടെ ആയിരുന്നു, പിജി ചെന്നൈയിൽ ആണ് ചെയ്തത്…….. പിന്നെ ഒരു കാര്യം, ഈ മാഡം വിളി വേണ്ട…… ചൈതന്യ അതാണ് എന്റെ പേര്….. ഇനി അങ്ങനെ വിളിക്കാൻ പറ്റില്ലെങ്കിൽ ചിന്നൂന്ന് വിളിച്ച മതി…….. കേട്ടോ” ഓ അപ്പൊ ഡിഗ്രി കഴിഞ്ഞ് പിജിയും ചെയ്തു, അഹങ്കാരി…… പഠിച്ചിരുന്നെങ്കിൽ ഇപ്പോ എനിക്കും ഈ പറഞ്ഞ സാധങ്ങൾ ഒക്കെ കിട്ടുമായിരുന്നു….

“മ്മ…… .ശരി…..”

“ഇയാളെ പേര് എന്താ??”

“ടോണി……”

“ടോണി………… ടോണിക്കുട്ടൻ…… കൊള്ളാം” ഞാൻ ഒന്നും മിണ്ടിയില്ല, വെറുതെ ഒരു ചേറു ചിരി മാത്രം നൽകി…

“ഹ്മ്മ്……. ടോണി ഏതോ വല്യ കുടുംബത്തിൽ ഉള്ളതാണ് എന്നൊക്കെ അച്ഛൻ പറയുന്നത് കേട്ടു, പിന്നെ എന്താ സംഭവിച്ചത്, നേരത്തെ കുറച്ച് ഞാനും കേട്ടു….” ഞാൻ ഒന്നും പറയാതെ അവളെ നോക്കി ഒരു മങ്ങിയ ചിരി ചിരിച്ചു….

“ഓ സോറി, ടോണി ഒന്നും വിചാരിക്കരുത്…….. എന്റെ നാവിന് ഇങ്ങനെ ഒരു പ്രശ്നമുണ്ട്….. തീരെ കണ്ട്രോൾ ഇല്ല…….” സ്വയം തലയ്ക്ക് കൊട്ടി നാവ് കടിച്ചുകൊണ്ട് അവൾ പറഞ്ഞു, എന്റെ മുഖം കണ്ടിട്ട് എനിക്ക് വിഷമമായി എന്ന് തോന്നി കാണണം…

“എങ്കിൽ ശരി ഞാൻ പോവട്ടെ, നമുക്ക് പിന്നെ കൂടുതൽ പരിചയപ്പെടാം…….. ബായ് ടോണി”

“ബായ്…” ഞാൻ വീണ്ടും ഒരു മങ്ങിയ ചിരി ചിരിച്ചുകൊണ്ട് പറഞ്ഞു….

അവൾ നടന്ന് അകന്നപ്പോൾ ഞാൻ വീണ്ടും ആ മരത്തിന്റെ ബെഞ്ചിൽ ഇരുന്നു……. വിശപ്പ് മാത്രം മാറിയില്ല….. കുറച്ച് നേരം ഇരുന്ന് ബോറടിച്ചപ്പോൾ ആ സെക്യൂരിറ്റിയുടെ അടുത്ത് പോയി പുള്ളിയെ പരിചയപ്പെട്ടു, ജോസേട്ടൻ………. ഒരു പാവം മനുഷ്യൻ, പെട്ടെന്ന് തന്നെ പുള്ളിയുമായി കമ്പനിയായി……. ജോസേട്ടനോട് കുറച്ച് നേരം സംസാരിച്ചപ്പോൾ തന്നെ എന്തോ ഒരാശ്വാസം, വളരെ നാളായി പരിചയമുള്ള ഒരാളെ പോലെ……….

അധികം നേരം പുള്ളിയോട് കത്തിയടിച്ച് നിൽക്കാൻ കഴിഞ്ഞില്ല, അപ്പോഴേക്കും മുതലാളി എന്ന് വിളിക്കാൻ പറഞ്ഞ രാഘവന് മീറ്റിംഗിന് പോവാൻ നേരമായി, ലോട്ടറി അടിച്ച് പൈസക്കാരൻ ആയതാണെന്ന് രമേശേട്ടൻ പറഞ്ഞിരുന്നു, ഇപ്പോ ജോസേട്ടനോട് ചോദിച്ചപ്പോൾ ടൗണിൽ ഒരു ത്രീ സ്റ്റാർ ഹോട്ടൽ ഒക്കെ ഉണ്ടെന്ന് അറിഞ്ഞു….

“ഡാ……. മഹേശ്വരി ഹോട്ടലിലേക്ക് എടുക്ക്…….” എന്ന് പറഞ്ഞ് ഞാൻ കഴുകി കുട്ടപ്പനാക്കി വെച്ച ബെൻസിന്റെ പിൻ സീറ്റിലേക്ക് അയാൾ കയറി ഇരുന്നു,

ഞാൻ വേഗം തന്നെ വണ്ടി എടുത്തു, നേരെ മഹേശ്വരി ഹോട്ടലിലേക്ക് വിട്ടു, പുള്ളി ഒന്നും മിണ്ടിയില്ല….. ഫോണിൽ ആരോടോ കാര്യമായ സംസാരത്തിൽ ആയിരുന്നു…… എനിക്ക് അറിയുന്നതാണ് ആ ഹോട്ടൽ, അതുകൊണ്ട് പുള്ളിയോട് പിന്നെ ചോദിക്കേണ്ട വന്നില്ല, നേരെ ഞാൻ കാറ്‌ കൊണ്ടുപോയി ഹോട്ടലിന്റെ മുനിൽ നിർത്തി,

തിരിഞ്ഞ് നോക്കിയപ്പോൾ അയാൾ അങ്ങനെ തന്നെ ഇരിക്കുന്നു, ഇത് എന്താ ഇറങ്ങാത്തത്??

“ഹാ പൊട്ടനെ പോലെ നോക്കി നിൽക്കാതെ വന്നു ഡോർ തുറക്ക്” അയാൾ ഒച്ചയിട്ടു

ഞാൻ വേഗം ഇറങ്ങി പോയി പിന്നിൽ പുള്ളി ഇരുന്ന ഭാഗത്തെ ഡോർ തുറന്ന് കൊടുത്തു….. അയാൾ ഇറങ്ങി എന്നെ ഒന്ന് തറപ്പിച്ച് നോക്കിയിട്ട് ഹോട്ടലിന്റെ അകത്തേക്ക് കയറി പോയി…..

ഞാൻ ഡോർ അടച്ചു ഡ്രൈവിംഗ് സീറ്റിൽ കയറി വണ്ടി എടുത്ത് പാർക്കിംഗ് ഏരിയയിൽ കൊണ്ടുപോയി നിർത്തിയിട്ടു…. അയാളോട് തോന്നിയ ദേഷ്യം സ്റ്റിയറിംഗിൽ രണ്ട് അടി അടിച്ച് തീർത്തു…..

പിന്നെ ശാന്തമായി ചിന്തിച്ചപ്പോൾ അയാളോട് ദേഷ്യം തോന്നേണ്ട കാര്യമില്ല എന്ന് തോന്നി, എന്റെ ജോലി ഞാൻ ചെയാത്തത് കൊണ്ടല്ലേ……

ഈ ഹോട്ടലിൽ ബാറുണ്ട്, രണ്ടാഴ്ച മുന്നെ വരെ വിഷ്ണുവും ഞാനും ഹരിയും കൂടെ ഇവിടെ വന്ന് അടിച്ചിട്ട് പോയതാണ്…… എത്ര പെട്ടെന്നാണ് എന്റെ ജീവിതം ഇങ്ങനെ മാറി മറിഞ്ഞത്……. ഇതുവരെ ഹരിയെ കുറിച്ച് ആലോചിക്കുമ്പോൾ അവൻ ചതിച്ചല്ലോ എന്ന വിഷമം ആയിരുന്നു, പക്ഷെ ഇപ്പോ കയ്യിൽ കിട്ടിയ മൈരനെ തല്ലി കൊല്ലാൻ തോന്നുന്നുണ്ട്……

സ്റ്റിയറിംഗിൽ തല വെച്ച് സ്വപ്നം കണ്ട് കിടക്കുമ്പോഴാണ് ഫോൺ അടിഞ്ഞത്, നോക്കുമ്പോൾ പരിചയമില്ലാത്ത നമ്പറാണ്….

“ഹലോ……”

“ഹലോ….. ടോണി അല്ലേ??” മറുവശത്ത് നിന്ന് തീരെ പരിചയമില്ലാത്ത സ്ത്രീ ശബ്ദം…

“അതെ…..”

“ആഹ്…….. ഞാൻ യാമിനിയുടെ ഫ്രണ്ട് ആണ്, ഉണ്ണിമായ….”

“ഓ…… എന്താണ് പറ…..” ഞാൻ ഒരു ഒഴുക്കൻ മട്ടിൽ പറഞ്ഞു

“എനിക്ക് ടോണിയെ ഒന്ന് കാണണമായിരുന്നു……. ഒന്ന് മീറ്റ് ചെയ്യാൻ പറ്റുമോ??”

“നിങ്ങൾ കാര്യം എന്താണെന്ന് പറ” ഞാൻ ഒരല്പം ശബ്ദം കൂട്ടി പറഞ്ഞു, ആരോടുള്ള ദേഷ്യം ആണെന്ന് അറിയില്ല..

“പ്ലീസ് ടോണി……. എനിക്ക് ഒന്ന് നേരിട്ട് കാണണം” അവൾ വളരെ മാന്യമായി തന്നെ പറഞ്ഞു….

“അത് ഞാൻ എപ്പോഴാണ് ഫ്രീ ആവുക എന്ന് പറയാൻ കഴിയില്ല”

“അത് കുഴപ്പമില്ല, എപ്പോഴായാലും ഫ്രീ ആവുമ്പോൾ എന്നെ ഒന്ന് വിളിച്ച മതി…… എവിടെ ആണെന്ന് വെച്ച ഞാൻ വരാം”

“മ്മ….. ശരി ഞാൻ വിളിക്കാം” എന്ന് പറഞ്ഞ് ഞാൻ ഫോൺ കട്ട്‌ ചെയ്തു, ഇവൾക്ക് എന്താണ് പറയാൻ ഉള്ളതെന്ന് നോക്കാം, വൈകീട്ട് ഫ്രീ ആയിട്ട് വിളിക്കാം, ജസ്റ്റ്‌ അറിയാൻ ഒരു കൗതുകം……

ഒരു രണ്ട് മണിക്കൂറോളം അവിടെ ആ പാർക്കിംഗ് ഏരിയയിൽ പോസ്റ്റായി…….. ഇടയ്ക്ക് എപ്പോഴോ കിടന്ന് ഉറങ്ങി പോയി, ഇന്നലെ രാത്രി ഉറക്കം ശരിയാവാത്തതല്ലേ…..

കാറിന്റെ ഗ്ലാസിൽ ആരോ മുട്ടിയപ്പോഴാണ് ഞെട്ടി എഴുന്നേറ്റത്, നോക്കുമ്പോൾ വാച്ച്മാനാണ്….

“എന്താ ചേട്ടാ??”

“വണ്ടി എടുത്ത് എൻട്രൻസിന്റെ അങ്ങോട്ട് ചെല്ലാൻ പറഞ്ഞു മുതലാളി”

“ആഹ് ശരി”

വേഗം തന്നെ ഞാൻ കാറ് എടുത്ത് എൻട്രൻസിന്റെ അങ്ങോട്ട്‌ ചെന്നു, നോക്കുമ്പോൾ അയാൾ അവിടെ നിന്ന് ആരോടോ കത്തിയടിക്കുന്നുണ്ട്….. ഞാൻ വേഗം പുറത്തിറങ്ങി, ഇനി വാതിൽ തുറന്ന് കൊടുക്കാത്തതിന് അയാളുടെ കുരു പൊട്ടണ്ട

“താൻ ഇങ്ങോട്ട് വന്നെ…” പുറത്തിറങ്ങി നിന്ന എന്നെ അയാൾ അവരുടെ അടുത്തേക്ക് വിളിച്ചു, ഞാൻ ഒട്ടും സമയം കളയാതെ അങ്ങോട്ട്‌ ചെന്നു….

“തനിക്ക് ഇവനെ മനസ്സിലായോ??”

എന്നെ കാണിച്ചുകൊണ്ട് അടുത്ത് നിന്ന് സംസാരിച്ച ആളോട് രാഘവൻ അല്ല മുതലാളി ചോദിച്ചു.“ഇല്ല……”

“ഇത് നമ്മുടെ തെക്കേപറമ്പിലെ മാത്യൂസിന്റെ മോനാണ്, ഏക പുത്രൻ……. ഇപ്പോ എന്റെ ഡ്രൈവറാണ്” ഇപ്പോഴാണ് കുടുംബപേര് എനിക്ക് മാച്ച് ആയത്, തെക്കോട്ട് എടുക്കാൻ പരുവത്തിൽ ആയിട്ടുണ്ട്….

“മാത്യുവിന്റെ മകനോ?? ഇവൻ എന്തിനാ ചേട്ടന്റെ ഡ്രൈവറായി നിൽക്കുന്നത്??” മറ്റേ ആള് സംശയത്തോടെ രാഘവനോട് ചോദിച്ചു, എന്നെയും നോക്കുന്നുണ്ട്…… ഞാൻ തല താഴ്ത്തി നിന്നു

“ഹാ……. എല്ലാം വിധിയുടെ വിളയാട്ടം, അല്ലാതെ എന്ത് പറയാനാണ്……… ഇവൻ പക്ഷെ ഇവന്റെ തന്തയെ പോലെ അല്ല, സ്വന്തമായി പണിയെടുത്ത് പൈസ ഉണ്ടാകണം എന്ന ചിന്തയുണ്ട്, അല്ലാതെ കുടുംബ സ്വത്തും വെച്ച് നാട്ടുകാരുടെ മുനിൽ ആളായി നടക്കുന്നില്ല……” ഇയാളുടെ സംസാരം കേട്ട വിചാരിക്കും ഇയാള് നയിച്ച് ഉണ്ടാക്കിയ പൈസയ്ക്കാണ് ഈ വെള്ള ജുബയും മുണ്ടും ഇട്ട് കയ്യിലും കഴുത്തിലും ഒക്കെ സ്വർണ്ണം വാരി വലിച്ച് കയറ്റി നടക്കുന്നതെന്ന്……. ലോട്ടറി അടിക്കുന്നതിന് മുൻപ് ഇയാൾക്ക് എന്തായിരുന്നു ആവോ പണി…….

മറ്റേ ആള് ഒന്നും പറയാതെ ഒന്ന് ചിരിക്കുക മാത്രം ചെയ്തു….. എന്തായാലും ഇയാൾക്ക് എന്റെ അപ്പനും ആയി എന്തോ പ്രശ്നം ഉണ്ടെന്ന് മനസിലായി……

“ആഹ് നീ ചെല്ല്…….. കാറിന്റെ അടുത്ത് പോയി നിൽക്ക്” അയാൾ എന്നെ നോക്കി പറഞ്ഞതും ഞാൻ കാറിന്റെ അടുത്തേക്ക് നടന്നു….

വെറുതെ ഷോ കാണിച്ചു, മേരി തന്ന കാർഡും വാങ്ങി അടങ്ങി ഒതുങ്ങി നിന്ന മതിയായിരുന്നു, ഇത് ഇപ്പോ ആകെ പുലിവാലായല്ലോ, അപ്പനോടുള്ള ദേഷ്യം മൊത്തം എന്നോട് തീർക്കാനുള്ള പ്ലാൻ ആണോ എന്നൊരു സംശയം…..

അഞ്ച് മിനിറ്റ് കഴിഞ്ഞ് അയാൾ വന്നു, ഞാൻ വേഗം പോയി ഡോർ തുറന്നു കൊടുത്തു…. എന്നിട്ട് അയാള് പറഞ്ഞത് അനുസരിച്ച് തിരിച്ചു അയാളുടെ വീട്ടിലേക്ക് തന്നെ പോയി…..

“ഇന്ന് ആദ്യ ദിവസം അല്ലേ….. താൻ പൊയ്ക്കോ……. എനിക്ക് വേറെ എവിടെയും പോവാനില്ല….” വീട്ടിലെത്തി കാറിൽ നിന്ന് ഇറങ്ങുമ്പോൾ അയാൾ പറഞ്ഞു, ഹോ ഭാഗ്യം…… ആദ്യം പോയി എന്തെങ്കിലും കഴിക്കണം, വിശന്നിട്ട് കണ്ണ് കാണുന്നില്ല……

“ടോണി……………..” കാറ്‌ പാർക്ക്‌ ചെയ്തു ഗേറ്റിന് അടുത്തേക്ക് നടക്കുമ്പോൾ പിന്നിൽ നിന്ന് ശബ്ദം കേട്ട് തിരിഞ്ഞ് നോക്കിയപ്പോൾ ചൈതന്യയാണ്…. നമ്മുടെ മുതലാളിയുടെ മകൾ….

“എന്താണ് മാഡം……..അയ്യോ സോറി ചൈതന്യ……” പെട്ടെന്ന് മാഡം എന്ന് വിളിച്ചു പോയതാണ്, ആ തിളങ്ങുന്ന നീല കണ്ണുകൾ ഉരുട്ടി നോക്കിയപ്പോഴാണ് കാര്യം ഓർമ്മ വന്നത്, അപ്പൊ തന്നെ മാറ്റി പേര് വിളിച്ചു……

“മ്മ്….. കളിയാക്കിയതാണെന്ന് മനസിലായി, അതിനുള്ള ശിക്ഷ പിന്നെ തരാം, നീ ഭക്ഷണം കഴിച്ചോ??” കർത്താവെ അച്ഛൻ നന്നായി കിട്ടുന്ന അവസരങ്ങൾ ഉപയോഗിക്കുന്നുണ്ട്, ഇനി മകളുടെ പണി കൂടെ താങ്ങില്ല, എന്തായാലും ഇപ്പോ ഞാൻ ഏറ്റവും ആഗ്രഹിച്ച ചോദ്യമാണ് അവസാനം ചോദിച്ചത്, ആ കാര്യത്തിൽ ഒരു തീരുമാനം ആക്കാം…

“ഇല്ല…….”

“എന്നിട്ട് എന്താ കഴിക്കാതെ പോവുന്നത്…….. വാ ഫുഡ് കഴിച്ചിട്ട് പോവാം”

ഞാൻ ചൈതന്യയുടെ പിന്നാലെ പോയി, എന്ത് കിട്ടിയാലും വേണ്ടില്ല എന്ന അവസ്ഥയാണ്, രാവിലെ ആ കാലി ചായ കുടിച്ചതാണ്….. നേരത്തെ കാറിൽ കിടന്ന് ഉറങ്ങി പോയതുകൊണ്ട് ഭക്ഷണം കഴിക്കാൻ പോവാൻ പറ്റിയില്ല……

“വാ……..” വീടിന് മുനിൽ എത്തിയപ്പോൾ അവൾ എന്നെ അകത്തേക്ക് വിളിച്ചു

“ഏയ് വേണ്ട……. ഇങ്ങോട്ട് തന്ന മതി”..

“ഹാ താൻ ഇങ്ങോട്ട് വാ ചെങ്ങായി” അവൾ എന്റെ കയ്യിൽ പിടിച്ചു വലിച്ചു

“അയ്യോ വേണ്ട…… ഞാൻ ഇവിടെ ഇരുന്ന് കഴിക്കാം”

“ഹാ താൻ ഏത് കാലഘട്ടത്തിൽ ആണ് ചെങ്ങായി, ഇങ്ങ് കയറി വാ….” എന്നും പറഞ്ഞ് അവൾ എന്റെ കയ്യിൽ പിടിച്ചു വലിച്ച് അകത്തേക്ക് നടന്നു, ഇനി പറഞ്ഞിട്ട് കാര്യമില്ല…… പെണ്ണ് കേൾക്കില്ല,

“ഇരിക്ക് ടോണി, ഞാൻ ഇപ്പോ വരാ….” എന്നെ ഡൈനിങ്ങ് ടേബിളിൽ ഇരുത്തി അവൾ അടുക്കളയിലേക്ക് പോയി……

അങ്ങനെ അവിടെ ഇരിക്കുമ്പോഴാണ് യാമിനിയുടെ കൂട്ടുകാരിയെ കാണാമെന്ന് പറഞ്ഞത് ഓർമ്മ വന്നത്, നേരത്തെ ഇങ്ങോട്ട് വിളിച്ച ആ നമ്പറിൽ തിരിച്ച് വിളിച്ച് ഒരു മണിക്കൂറ് കഴിഞ്ഞ് കാണാമെന്നു പറഞ്ഞു, രണ്ടുപേരുടെയും സൗകര്യം നോക്കി പാർക്കിൽ വച്ച് കാണാമെന്ന് തീരുമാനിച്ച് ഫോൺ വെച്ചു……..

നല്ല വല്യ ഡൈനിങ്ങ് ടേബിൾ, പത്തുപേർക്ക് ഇരിക്കാം…….. ഇവിടെ വേറെ ആരുമില്ലേ, ആരെയും കാണുന്നില്ല…… എന്തായാലും വീട് കൊള്ളാം, ചുമരിൽ ഒക്കെ ഒന്നും മനസിലാവാത്ത കുറെ ചിത്രങ്ങൾ കാണുന്നുണ്ട്……. വല്ല മോഡേൺ ആർട്ടും ആയിരിക്കും….

“ഇരുന്ന് മടുത്തോ, ഇതാണ് ട്ടോ അമ്മിണിയമ്മ……… എന്റെ കുക്കിംഗ്‌ ടീച്ചറാണ്” ചുറ്റും വെറുതെ നോക്കി ഇരിക്കുമ്പോഴാണ് ചൈതന്യ അടുക്കളയിൽ നിന്ന് വന്നത്, കൂടെ ഒരു സ്ത്രീയും ഉണ്ടായിരുന്നു….. അവരെ എനിക്ക് പരിചയ പെടുത്തി….. ഞാൻ അവരെ നോക്കി ഒന്ന് ചിരിച്ചു

“അമ്മിണിയമ്മേ…….. ഇതാണ് ഞാൻ പറഞ്ഞ ടോണിക്കുട്ടൻ” കയ്യിലിരുന്ന പാത്രങ്ങൾ മേശപ്പുറത് നിരത്തുന്നതിനിടയിൽ അവൾ ആ സ്ത്രീയോട് പറഞ്ഞു…..

കർത്താവെ……… ചോറ്, മീൻ കറി, മീൻ പൊരിച്ചത്, ഉപ്പേരി, പപ്പടം, അച്ചാറ്…….. ലാവിഷ് ഫുഡ്‌, ഞാൻ പിന്നെ സംസാരത്തിന് ഒന്നും നിൽക്കാതെ പ്ലേറ്റിൽ ഇട്ട ഭക്ഷണത്തിൽ മുഴുൻ ശ്രദ്ധ കൊടുത്തു….. നല്ല വിശപ്പ് ഉണ്ടായത് കൊണ്ട് മടിയൊന്നും കാണിക്കാതെ വെട്ടി വിഴുങ്ങി…….

“ഡാ………..” ഒരു അലർച്ച കെട്ടാണ് ഞാൻ പ്ലേറ്റിൽ നിന്ന് തല ഉയർത്തി നോക്കിയത്…….. നോക്കുമ്പോൾ എന്റെ മുനിൽ കലി തുള്ളി നിൽക്കുന്ന രാഘവൻ

“നിന്നോട് ആരാടാ ഇവിടെ കയറി ഇരിക്കാൻ പറഞ്ഞത്??” അയാൾ പിന്നെയും ഒച്ചയിട്ട്, അയാളുടെ ശബ്ദം കാരണം ആ വീട് മൊത്തം ഒന്ന് കുലുങ്ങിയോ, ഒച്ച കേട്ട് ചൈതന്യയും അമ്മിണിയമ്മയും അടുക്കളയിൽ നിന്ന് ഓടി വന്നു……

എനിക്ക് എന്ത് പറയണമെന്ന് കിട്ടുന്നില്ല, ഞാൻ കഴിച്ചു കൊണ്ടിരുന്ന ഭക്ഷണം മതിയാക്കി എഴുന്നേറ്റു…….

“എന്താ അച്ഛാ…… എന്താ പ്രശ്നം??” ചൈതന്യ അയാളോട് ചോദിച്ചു

“ഇവനെ ആരാ ഇവിടെ പിടിച്ച് ഇരുത്തിയത്…….. ഡ്രൈവർക്കുള്ള ഭക്ഷണം പുറത്ത് വെച്ച് കൊടുത്ത മതി, വീടിന്റെ അകത്ത് കയറ്റാൻ കൊള്ളാത്ത ഇനങ്ങളാണ്….”

എനിക്ക് എന്തോ വല്ലാതെ വിഷമം തോന്നി, വിശപ്പ് ഒക്കെ കണ്ടം വഴി ഓടിയെന്ന് തോന്നുന്നു……. ചൈതന്യ എന്തൊക്കയോ പറയുന്നുണ്ട് അയാളോട്, അയാൾ തിരിച്ചും……. കണ്ണ് നിറയുമെന്ന് തോന്നിയപ്പോൾ ഞാൻ ഇറങ്ങി നടന്നു, അങ്ങനെ ഇപ്പോ അതും കണ്ട് അയാള്‌ സന്തോഷിക്കണ്ട….

“ഡാ….. നാളെ രാവിലെ വേഗം വരണം……. ലേറ്റ് ആവരുത്” പുറകിൽ നിന്ന് അയാള് വിളിച്ചു പറയുന്നത് കേട്ടു, ഞാൻ തിരിഞ്ഞ് നോക്കാതെ ഇറങ്ങി നടന്നു…… കണ്ണ് നിറഞ്ഞു ഒഴുകിയിരുന്നു, ഛെ….. ഞാൻ എന്തിനാ ഈ കരയുന്നത്…… ഓർമ്മ വെച്ചതിനു ശേഷം രണ്ടാമത്തെ പ്രാവശ്യമാണ് ഞാൻ കരയുന്നത്…. ആദ്യം തീർച്ചയായും എന്തിനും ഏതിനും കൂടെ നടന്നവൻ ചതിച്ചെന്ന് അറിഞ്ഞപ്പോൾ…… ഇതാണ് രണ്ടാമത്.

ഗേറ്റിന്റെ മുനിൽ എത്തിയപ്പോൾ ജോസേട്ടൻ എന്തോ ചോദിച്ചു, ഞാൻ കേട്ടില്ല….. പുള്ളിയെ നോക്കി ഒന്ന് വെറുതെ ചിരിച്ചിട്ട് ഞാൻ ആ വീട്ടീന് പുറത്തേക്ക് നടന്നു…… ###

യാമിനിയുടെ കൂട്ടുകാരി പറഞ്ഞത് പോലെ ഞാൻ നേരെ പാർക്കിലേക്ക് ആണ് പോയത്, മനസ്സ് ഒട്ടും നിയന്ത്രണത്തിലല്ല…… യാന്ത്രികമായി ചലിക്കുന്നത് പോലെ.

തുടരും….

അഭിപ്രായം   അറിയിക്കുമെന്ന്   പ്രതീക്ഷിക്കുന്നു,  എപ്പോഴും  പറയുന്ന  പോലെ  തുടർന്നെഴുതാൻ  ഏറ്റവും  പ്രധാനം നിങ്ങളുടെ  അഭിപ്രായങ്ങൾ  തന്നെ  ആണ്

സ്നേഹപൂർവ്വം

Hyder Marakkar🖤