🤵പുലിവാൽ കല്യാണം 1👰

“ടപ്പെ…….” കിട്ടി……കരണം പുകയുന്ന ഒരു അസ്സല് തല്ല്……

“ഡ………..നായേ………………… ബാക്കിയുള്ളവരെ നാണം കെടുത്തി നിൽക്കുന്ന നിൽപ്പ് കണ്ടില്ലേ………ഹോ………… അതെങ്ങനെ…. തള്ളയുടെ അലെ മോൻ, ഇതും ഇതിലപ്പുറവും പ്രതീക്ഷിക്കണമായിരുന്നു…….. തെറ്റ് പറ്റി പോയി……. പിന്നെ വിവരം അറിഞ്ഞു ഞാൻ ഓടി പിടിച്ച് വന്നത്………ഈ പിഴച്ചവളെയും കൂട്ടി എന്റെ വീടിന്റെ പടി കയറരുതെന്ന് പറയാനാണ്……. മനസിലായോ #$$##$$$#$$$……………… ഡോ രമേശാ…. വണ്ടി എടുക്കെടാ……..”

ഇപ്പോ എന്നെ തല്ലിയിട്ട് മനോഹരമായി തെറിയും വിളിച്ച് പോയത് വേറെ ആരുമല്ല, എന്റെ അപ്പനാണ്….. നാട്ടുകാർ പിശുക്കൻ മത്തായി എന്ന് ഓമന പേരിട്ട് വിളിക്കുന്ന മാത്യൂസ് തെക്കേപറമ്പിൽ…..

ഞാൻ മാനസികമായും ശാരീരികമായും തളർന്നിരുന്നു, നേരെ നിൽക്കാൻ കഴിയുന്നില്ല…… അടുത്ത് കണ്ട ആൽമരത്തിന്റെ തറയിലേക്ക് ഇരുന്നതും കണ്ണ് താനേ അടഞ്ഞു പോകുന്ന പോലെ തോന്നി….. വായിൽ സ്വർണ്ണ കരണ്ടി വച്ച് ജനിച്ചവൻ എന്ന് പറഞ്ഞ് നാട്ടുകാരും കൂട്ടുകാരും അസൂയയോടെ നോക്കിയിരുന്ന ഞാൻ ഒറ്റ ദിവസം കൊണ്ട് തെരുവിൽ എത്തിയിരിക്കുന്നു, ഒപ്പം ഒട്ടും പ്രതീക്ഷിക്കാതെ കല്യാണം കഴിക്കേണ്ട വന്ന പെണ്ണും…… കണ്ണ് അടഞ്ഞു തുടങ്ങിയതും എന്റെ ഇതുവരെ ഉള്ള ജീവിതം ഒരു കോമഡി സിനിമ പോലെ എന്റെ മനസ്സിൽ തെളിഞ്ഞു വന്നു ###############################

ഞാൻ ടോണി മാത്യൂസ് തെക്കേപറമ്പിൽ, മാത്യു മേരി ദമ്പതികളുടെ ഏക മകനായി വടക്കൻ കേരളത്തിലെ ഒരു ഗ്രാമത്തിൽ ജനിച്ചു, അപ്പൻ അപ്പൂപ്പന്മാരായി ഉണ്ടാക്കി ഇട്ട സ്വത്തുക്കളുടെ ഒക്കെ ഏക അവകാശി, പുറമെ നിന്ന് നോക്കുന്നവർക്ക് തെക്കേപറമ്പിലെ രാജകുമാരന്റെ ജീവിതം രാജകീയമായി തോന്നുമെങ്കിലും അങ്ങനെ ആയിരുന്നില്ല യാഥാർഥ്യം.

ഓർമ്മ വെച്ച  കാലം മുതൽ അപ്പൻ എന്ന് കേട്ടാൽ ഭയമായിരുന്നു, ദിവസവും രാത്രിയിലെ മദ്യ സേവ കഴിഞ്ഞ് വന്നു മേരിയെയും എന്നെയും തെറി വിളിക്കാനും തല്ലാനും വരുന്ന ഒരു ദുഷ്ടൻ, അതാണ് അപ്പനെ കുറിച്ചുള്ള എന്റെ മനോഹരമായ ഓർമ്മ. രാത്രിയിൽ അപ്പൻ ഉറങ്ങി കഴിഞ്ഞ ഓടി വന്ന് എന്നെ കെട്ടിപ്പിടിച്ചു കരയുന്ന ഒരു പാവം, അതാണ് മേരിയെ കുറിച്ച് ആലോചിക്കുമ്പോൾ എന്റെ മനസിലേക്ക് ആദ്യം വരുന്ന ഓർമ്മ (അമ്മച്ചിയെ ഞാൻ ചെറുപ്പം തൊട്ട് മേരി എന്ന് വിളിച്ചു ശീലിച്ചു പോയി, ആ ശീലം മാറ്റാൻ മേരിയും ശ്രമിച്ചില്ല എന്നതാണ് സത്യം). അങ്ങനെ സ്നേഹം എന്ന വാക്കിന്റെ അർത്ഥം എന്തെന്ന് പോലും അറിയാത്ത അപ്പനും സ്നേഹത്തിന്റെ പര്യായം ആയ മേരിക്കും ഒപ്പം ഞാൻ വളർന്നു………….

.

പത്താം ക്ലാസ്സ്‌ കഴിഞ്ഞ് പുതിയ സ്കൂളിൽ +1ന് ജോയിൻ ചെയ്ത് ആദ്യ ദിവസമാണ് ഹരിയും വിഷ്ണുവും എന്റെ ജീവിതത്തിലേക്ക് കടന്ന് വന്നത്, “സന്തോഷം” എന്ന വാക്ക് എന്റെ ജീവിത നിഘണ്ടുവിലേക്ക് എഴുതി ചേർത്ത എന്റെ ചെങ്ങായിമാർ. പുതിയ സ്കൂളിൽ ആദ്യ ദിവസം അല്പം ഭയത്തോടെ കയറി ചെന്ന എന്നെ വിളിച്ച് അടുത്ത് ഇരുത്തിയത് ഹരി ആയിരുന്നു, ഞങ്ങടെ നാട്ടിലെ ഒരേ ഒരു ബാങ്കിലെ മാനേജർ ആയിരുന്നു ഹരിയുടെ അച്ഛൻ അശോകൻ, അങ്ങനെ അവനുമായി സംസാരിച്ച് ഒന്ന് ഫ്രീ ആയി വരുമ്പോഴാണ് കറുത്ത് മെലിഞ്ഞു ചുരുളൻ മുടിയുമായി ഒരു പയ്യൻ ക്ലാസ്സിലേക്ക് കയറി വന്നത്, അവന്റെ മുടി തന്നെ ആയിരുന്നു അവന്റെ ഹൈലൈറ്റ്, ക്ലാസ്സിലേക്ക് കയറിയതും എല്ലാവരും ആ മുടിയനെ തന്നെ ശ്രദ്ധിക്കാൻ തുടങ്ങി, അവനെ കണ്ട ഒറ്റ നോട്ടത്തിൽ തന്നെ ഞങ്ങടെ ബെഞ്ചിലെ മൂന്നാമൻ അവൻ തന്നെ ആണെന്ന് എനിക്ക് തോന്നി, എനിക്ക് തോന്നിയത് തന്നെ ആയിരുന്നു ഹരിയുടെ മനസിലും…… ഹരി അവനെയും വിളിച്ച് ഞങ്ങടെ ബെഞ്ചിൽ ഇരുത്തി, ഞങ്ങൾ പരസ്പരം പരിചയപ്പെടുത്തി……………… അത് വെറും തുടക്കമായിരുന്നു, വരാനിരിക്കുന്ന സന്തോഷത്തിന്റെ നല്ല നാളുകളുടെ തുടക്കം, പെട്ടെന്ന് തന്നെ അടുത്ത ഞങ്ങൾ എന്തിനും ഏതിനും ഒരുമിച്ച് നിൽക്കുന്ന നല്ല ഉറ്റ സുഹൃത്തുക്കളായി മാറി, രണ്ട് വർഷത്തെ സ്കൂൾ ജീവിതം ഞങ്ങൾ ശരിക്കും അടിച്ചു പൊളിച്ചു, മേരിയിൽ മാത്രമായി ഒതുങ്ങിയിരുന്ന എന്റെ ജീവിതം ഇടം വലം കൂടെ നിന്ന അവരിലേക്ക് കൂടി വികസിച്ചു……………..

അങ്ങനെ അത്യാവശ്യം സ്കൂൾ ജീവിതത്തിൽ കളിക്കാവുന്ന അലമ്പുകൾ ഒക്കെ കളിച്ച് ഞങ്ങൾ +2 പാസ്സായി, ഞാനും ഹരിയും തട്ടി മുട്ടി പാസ്സ് ആയപ്പോൾ എല്ലാ തരികിട കളികൾക്കും കൂടെ നിന്ന വിഷ്ണു നല്ല മാർക്ക് നേടി പാസ്സായി

+2 പാസ്സായി നിൽക്കുമ്പോഴാണ് എനിക്ക് അപ്പന്റെ കയ്യിൽ നിന്ന് ആദ്യമായി ഒരു സമ്മാനം കിട്ടുന്നത്, അപ്പൻ സമ്മാനമായി തന്നത് അല്ലെങ്കിലും എന്റെ ജീവിതത്തിൽ എനിക്ക് കിട്ടിയ ഏറ്റവും വലിയ സമ്മാനം ആയിരുന്നു അത്,…….

അപ്പൻ പുതിയ ബെൻസ് വാങ്ങിയപ്പോൾ പഴയ കോണ്ടെസ്സ വിൽക്കാൻ തീരുമാനിച്ചു, ചെറുപ്പം തൊട്ട് അത്ഭുതത്തോടെ നോക്കി കണ്ട ആ വണ്ടി കൊടുക്കാൻ പോവുകയാണെന്ന് പറഞ്ഞപ്പോൾ സഹിക്കാൻ കഴിഞ്ഞില്ല, നേരെ പോയി മേരിയെ സോപ്പിട്ടു, എന്തോ ആ സമയത്ത് നല്ല മൂഡിൽ ആയിരുന്ന അപ്പൻ മേരി വഴി പറഞ്ഞ എന്റെ ആഗ്രഹത്തിന് സമ്മതം മൂളി….. അതെ അപ്പന്റെ പഴയ കോണ്ടെസ്സ എനിക്ക് സ്വന്തമായി കിട്ടിയ ദിവസം, എന്റെ ജീവിതത്തിലെ ഒരിക്കലും മറക്കാനാവാത്ത സന്തോഷത്തിന്റെ ചുരുക്കം ദിനങ്ങളിൽ ഒന്നായിരുന്നു അത്.

അങ്ങനെ പ്ലസ്ടു കഴിഞ്ഞ് ഞങ്ങൾ മൂന്നുപേരും ഒരുമിച്ച് ഞങ്ങടെ നാട്ടിൽ നിന്ന് 15km അകലെ ടൗണിലുള്ള കോളേജിൽ ഡിഗ്രിക്ക് ചേർന്നു, അവിടെയും ഞങ്ങൾ മൂന്ന് പേരും ഒരുമിച്ച് തന്നെ ആയിരുന്നു….. ഒരേ ക്ലാസ്സിൽ.

രാവിലെ ഞാൻ കാറും എടുത്ത് നേരെ രണ്ടിനെയും പൊക്കി ടൗണിലേക്ക് വിടും, പക്ഷെ ക്ലാസ്സിൽ കയറൽ ഒക്കെ കണക്കായിരുന്നു, നാട്ടുകാരുടെ സി.സി.ടി.വി നിരീക്ഷണത്തിൽ നിന്ന് രക്ഷപെട്ടതോടെ മദ്യപാനം സിഗരറ്റ് വലി തുടങ്ങിയ കുറച്ച് ശീലങ്ങളും ഞങ്ങടെ ജീവിതത്തിലേക്ക് കടന്ന് വന്നു………

പ്രണയം എന്ന വിഷയം കടന്ന് വരാത്തത് കൊണ്ട് മൂന്ന് വർഷത്തെ കോളേജ് ലൈഫും ഞങ്ങൾ ശരിക്കും ആസ്വദിച്ചു.

പക്ഷെ കോളേജിൽ എത്തിയതോടെ എന്റെ ജീവിതത്തിൽ മറ്റൊരു മാറ്റം സംഭവിച്ചു, ചെറുപ്പം തൊട്ട് മനസ്സിൽ കയറിയ ഒരു ആഗ്രഹം ഞാൻ ഉപേക്ഷിച്ചു……. വലുതായാൽ ഫുട്ബോൾ കളിക്കാരൻ ആവണമെന്ന ആഗ്രഹം…… കോളേജിൽ എത്തിയതോടെ ഫുട്ബോൾ കളി ഞാൻ വെറും ഒരു വിനോദം മാത്രമായി കാണാൻ തുടങ്ങി……

അവസാന സെമസ്റ്റർ ആയപ്പോഴേക്കും എനിക്ക് പരീക്ഷ എഴുതാനുള്ള മൂഡ് ഒന്നും ഇല്ലായിരുന്നു, അതുകൊണ്ട് അവസാന സെമസ്റ്ററിൽ ഞാൻ കോഴ്സ് ഡ്രോപ്പ് ചെയ്തു, അത്യാവശ്യം സ്വത്ത് ഒക്കെ ഉള്ളത് കൊണ്ട് ഡിഗ്രി ഇല്ലെങ്കിലും കുഴപ്പമില്ല എന്ന ചിന്തയും ഉണ്ടായിരുന്നു എന്ന് തോന്നുന്നു…….. ഹാ……. അത് എന്തായാലും ഇപ്പോ ചിന്തിക്കുമ്പോൾ വല്യ മണ്ടത്തരം ആയി പോയെന്ന് തോന്നുന്നു……..

ഹരിയ്ക്ക് ആണെങ്കിൽ കോളേജിൽ പഠിക്കുന്ന സമയത്ത് സിനിമ തലയിൽ കയറിയിരുന്നു, അവന് എങ്ങനെയെങ്കിലും ഒരു സിനിമ സംവിധായകൻ ആവണം എന്ന ആഗ്രഹം ആയിരുന്നു, വീട്ടുകാരെ പേടിച്ച് കോഴ്സ് പൂർത്തി ആക്കിയെങ്കിലും അവന് വിരലിൽ എണ്ണാൻ കഴിയാത്ത അത്ര സപ്ലീ ഉള്ളത് ആയിരുന്നു എന്റെ ഒരു ആശ്വാസം…………..

വിഷ്ണു പക്ഷെ സപ്ലീ ഒന്നും ഇല്ലാതെ ഡിഗ്രി പാസ്സായി, അവന്റെ അവസ്ഥ അങ്ങനെ ആയിരുന്നു, ഓട്ടോ ഡ്രൈവർ ആയ അച്ഛന് തീരെ വയ്യാതെ ആയിരുന്നു, അതുകൊണ്ട് തന്നെ ആ വീടിന്റെ ഉത്തരവാദിത്തം മൊത്തം അവൻ നോക്കേണ്ട അവസ്ഥയിലേക്ക് കാര്യങ്ങൾ എത്തിയിരുന്നു, അങ്ങനെ ഡിഗ്രി കഴിഞ്ഞ് പെട്ടെന്ന് തന്നെ അവൻ ടൗണിൽ ഒരു പ്രൈവറ്റ് കമ്പനിയിൽ അക്കൗണ്ടന്റ് ആയി ജോലിക്ക് കയറി, അതോടെ ആ ഹൈലൈറ്റ് ചുരുളൻ മുടിയും വെട്ടി ആള് ആകെ മാറിയിരുന്നു…

അങ്ങനെ വേലയും കൂലിയും ഇല്ലാതെ തെണ്ടി തിരിഞ്ഞ് നടക്കുന്ന സമയത്താണ് എന്റെ ജീവിതം തന്നെ ഇങ്ങനെ മാറി മറിഞ്ഞതിന്റെ എല്ലാം തുടക്കം

വിഷ്ണു ജോലിക്ക് കയറിയതോടെ ഞാനും ഹരിയും ദിവസവും രാവിലെ കാറും എടുത്ത് ഇറങ്ങും, വെള്ളമടിയും സിനിമയ്ക്ക് പോക്കും തന്നെ ആയിരുന്നു പ്രധാന പരിപാടി, വൈകുന്നേരം ആയാൽ വയലിൽ ഫുട്ബോൾ കളിക്കാനും പോവും,

ഒരു ദിവസം വൈകുന്നേരം ഫുട്ബോൾ കളി കഴിഞ്ഞ് വയലിൽ വെറുതെ ഇരിക്കുമ്പോഴാണ് ഹരി ഒരു ഷോർട്ട് ഫിലിം എടുക്കണം എന്ന ആഗ്രഹം പറഞ്ഞത്, എല്ലാവരും അതിനെ പിന്താങ്ങി…… കാരണം സിനിമ സംവിധായകൻ ആകുക എന്ന അവന്റെ ആഗ്രഹത്തിന്റെ ആദ്യ പടി ആയിരിക്കും ഈ ഷോർട്ട് ഫിലിം എന്ന് എല്ലാർക്കും തോന്നി…..

അങ്ങനെ ഷോർട്ട് ഫിലിമിനുള്ള എല്ലാ കാര്യങ്ങളും ശരിയായി, പൈസ ഒഴിച്ച്, പല രീതിയിൽ ശ്രമിച്ചു നോക്കിയെങ്കിലും ഒന്നും അങ്ങോട്ട്‌ ശരിയായില്ല, അവസാനം ഞങ്ങൾ ഒരു തീരുമാനം എടുത്തു…….. സാക്ഷാൽ ടോണി മാത്യു തെക്കേപറമ്പിൽ ഷോർട്ട് ഫിലിമിന്റെ നിർമ്മാതാവ് ആവാൻ തീരുമാനിച്ചു, അതെ ഞാൻ തന്നെ……… നമ്മളെ കൂട്ടുകാരന്റെ ഏറ്റവും വലിയ ആഗ്രഹമല്ലേ………. അങ്ങനെ മേരിയെ സോപ്പിട്ട് ഞാൻ പൈസ ശരിയാക്കി……. മേരിയുടെ പേരിൽ ടൗണിൽ ഒരു കെട്ടിടമുണ്ട്, അതിൽ നിന്ന് കിട്ടുന്ന വാടക ഉള്ളത് കൊണ്ട് എനിക്ക് അത്യാവശ്യം പൈസയ്ക്ക് അപ്പന്റെ മുനിൽ ചെന്ന് കൈ നീട്ടേണ്ട ഗതി വരാറില്ല….

ആ ദിവസം വന്നെത്തി, “സൂപ്പർഹീറോ” എന്ന പേരിൽ ഹരി കഥ എഴുതി സംവിധാനം ചെയ്ത് ഞാൻ നിർമ്മിക്കുന്ന ഷോർട്ട് ഫിലിമിന്റെ ആദ്യ ദിവസത്തെ ഷൂട്ട്‌……

അന്ന് ആണ് ഞാൻ അവളെ ആദ്യമായി കാണുന്നത്, എല്ലാവരോടും ചിരിച്ച് കളിച്ച് സംസാരിച്ച് നടക്കുന്ന ആ സുന്ദരിയിലേക്ക് ആണ് എന്റെ കണ്ണ് പോയത്, ജീവിതത്തിൽ ആദ്യമായി ഒരു പെണ്ണിനെ കണ്ട് കണ്ണെടുക്കാതെ നോക്കി നിന്ന നിമിഷം……. അവൾ മുഖത്ത് ആ സുന്ദരമായ ചിരി വാരി വിതറി കൊണ്ട് തന്നെ എന്റെ അടുത്തേക്ക് വരുന്നത് പോലെ തോന്നി…….. കർത്താവേ എന്താണ് എനിക്ക് ഈ സംഭവിക്കുന്നത് എന്ന് തോന്നി പോയി…….ദേഹം ആസകലം വിറയ്കുന്നത് പോലെ…

“ഹായ് ടോണി ചേട്ടാ…….” കർത്താവെ……. ഇതിന് എങ്ങനെ എന്റെ പേര് അറിയാം…… എനിക്ക് സംസാരിക്കാൻ പറ്റുന്നില്ല…….. ഞാൻ ആ സുന്ദരിയുടെ മുനിൽ നിന്ന് വിറയ്ക്കുകയാണ്………

“എന്താടാ ഇങ്ങനെ ഇഞ്ചി കടിച്ച അണ്ണാനെ പോലെ നിക്കുന്നത്………” ഹരി ആയിരുന്നു……….. അവനെ കണ്ടതും ഞാൻ ഒന്ന് ഫ്രീ ആയത് പോലെ തോന്നി……

“നിനക്ക് ശ്രീകുട്ടിയെ അറിയില്ലേ??”

“മച്……….” ഹരി അത് ചോദിച്ചപ്പോൾ ഞാൻ ഇല്ല എന്ന രീതിയിൽ ചുമൽ അനക്കി…..

“ആ……. എങ്കിൽ പരിചയ പെട്ടോ…….. ഇതാണ് നമ്മുടെ ഷോർട്ട് ഫിലിമിലെ നായിക, ശ്രീ ലക്ഷ്മി….. എന്റെ ഫാമിലി ഫ്രണ്ട് ആണ്, പിന്നെ നമ്മുടെ കോളേജിൽ ജൂനിയർ ആയിരുന്നു”

“ഏഹ്…… നമ്മുടെ കോളേജിലോ??” ഞാൻ സംശയത്തോടെ ഹരിയോട് ചോദിച്ചു, കാരണം ഇത്ര സുന്ദരിയായ ഒരു പെണ്ണിനെ ഞാൻ മൂന്ന് കൊല്ലം പഠിച്ചിട്ടും ആ കോളേജിൽ കണ്ടിരുന്നില്ല……

“ആ…. അതിന് വല്ലപ്പോഴും കളക്ഷൻ എടുക്കാൻ വിളിക്കുമ്പോഴെങ്കിലും കോളേജിലേക്ക് വരണമായിരുന്നു” ഞാൻ ഒരു ഇളിഞ്ഞ ചിരി പാസ്സാക്കി…….

“പക്ഷെ ഞാൻ ടോണി ചേട്ടനെ ഒരുപാട് തവണ കണ്ടിട്ടുണ്ട്” പെട്ടെന്ന് അവൾ അത് പറഞ്ഞപ്പോൾ ഞാൻ അത്ഭുതപ്പെട്ടു പോയി, ഇത്രയും സുന്ദരിയായ പെൺകുട്ടി എന്നെ ശ്രദ്ധിച്ചിട്ടും അതിനെ കാണാതെ പോയ എന്നോട് എനിക്ക് തന്നെ പുച്ഛം തോന്നി……

“ആ അത് അങ്ങനെ ആണല്ലോ…… വെളിച്ചപ്പാടിനെ എല്ലാവരും അറിയും…..ഹ…….ഹ…….” ഹരിയുടെ ഒടുക്കത്തെ തമാശ…… അത് കേട്ട് പെണ്ണ് ചിരിക്കുന്നുണ്ട്

“മോൻ പോയി ഷൂട്ട്‌ ചെയ്യാൻ നോക്ക്”

“ഓ….. പ്രൊഡ്യൂസർ ചൂടാവാൻ തുടങ്ങി….. വാ ശ്രീക്കുട്ടി നമുക്ക് നോക്കാ…….” അതും പറഞ്ഞ് ഹരി തിരിഞ്ഞ് നടന്നപ്പോൾ എന്നെ നോക്കി ഒരു മനോഹരമായ ചിരിയും ചിരിച്ചിട്ട് അവൾ അവന്റെ പിന്നാലെ പോയി, ആ ചിരിയിൽ ഞാൻ ഉരുകുന്നത് പോലെ തോന്നി പോയി…… കർത്താവെ ഇത് മറ്റേ ലവ് അറ്റ് ഫസ്റ്റ് സൈറ്റ് ആണോ, എന്തായാലും ആദ്യമായി ആണ് ഇങ്ങനെ ഒക്കെ……….. ഈ ഷൂട്ടിംഗ് ബോറടിപ്പിക്കുന്ന പരിപാടി ആയതുകൊണ്ട് വെറുതെ ഒന്ന് കയറി ഇറങ്ങാമെന്നു കരുതിയ ഞാൻ വൈകുന്നേരം ഷൂട്ട്‌ കഴിയുന്ന വരെ അവിടെ തന്നെ ചുറ്റി കറങ്ങി നടന്നു…….

“ടോണി……..ഡ……..നീ പോവുന്ന വഴിക്ക് ഈ പെണ്ണിനെ ഒന്ന് വീട്ടിൽ ആക്കി കൊടുക്ക്, എനിക്ക് ഒന്നു രണ്ടു സാധനം വാങ്ങാൻ ടൗണിൽ പോവാനുണ്ട്” ശ്രീലക്ഷ്മിയെ നോക്കി കൊണ്ട് ഹരി എന്നോട് അത് പറഞ്ഞപ്പോൾ എന്തിനാണ് എനിക്ക് തുള്ളി ചാടാൻ തോന്നിയത്?? ആ…………

“എന്ന ഒരു കാര്യം ചെയ്യാ, ഇവളെ ആക്കിയിട്ട് നമുക്ക് ഒരുമിച്ച് ടൗണിൽ പോവാ…..”

“ഓ…… വേണ്ട……. നീ ഇവളെ ആക്കിയിട്ട് വീട്ടിലേക്ക് വിട്ടോ….. എനിക്ക് ഒന്ന് മാമന്റെ വീട്ടിലും കയറാനുണ്ട്”

“മ്മ….എന്ന ശരി”

അതും പറഞ്ഞ് ഞാൻ അവളെയും കൂട്ടി കാറും എടുത്ത് അവളുടെ വീട് ലക്ഷ്യമാക്കി വിട്ടു

“എന്താ മാഷേ ഒന്നും മിണ്ടാതെ?” ഒന്നും മിണ്ടാതെ വണ്ടി ഓടിച്ചു കൊണ്ടിരുന്ന എന്നോട് അവൾ ചോദിച്ചു

“ഏയ്………..” ഞാൻ ഒന്നുമില്ല എന്ന രീതിയിൽ ചിരിച്ചു

“എന്നെ ഇന്ന് ആണോ ആദ്യമായിട്ട് കാണുന്നത്??”

“അത് രാവിലെ നോക്കി നിന്നത് കണ്ടിട്ട് മനസിലായില്ലേ??”

“ഹ…….ഹ……….ഹ……… അത് ഇഷ്ടമായി………..”

“എന്ത്………നോക്കി നിന്നതോ??”

“എന്റെ പൊന്നു മാഷേ…… ചോദ്യത്തിനുള്ള ഉത്തരം തന്നത് ഇഷ്ടമായി എന്ന്…… പിന്നെ………..” അവസാനം അവൾ എന്തോ പിറുപിറുത്തു

“എന്താ??”

“ഏയ്…… ഒന്നുമില്ല…..”

“ഹ്മ്മ്…….” ഞാൻ ഒന്ന് ഇരുത്തി മൂളി

“പക്ഷെ ഞാൻ നിങ്ങളെ സ്ഥിരമായി കാണൽ ഉണ്ടായിരുന്നു”

“എങ്ങനെ??”

“ഹാ…….കോളേജിലെ മാവേലിയെ കാണാൻ കുറച്ച് ബുദ്ധിമുട്ട് ആയിരുന്നു, എങ്കിലും കാണാൻ കിട്ടുന്ന അവസരങ്ങളൊന്നും ഞാൻ മിസ് ചെയൽ ഇല്ല……. ഫുട്ബോൾ കളിയുടെ എ ബി സി ഡി അറിയാത്ത ഞാൻ ദിവസവും എഴുന്നേറ്റ പ്രാർത്ഥിക്കാറ് അന്ന് കോളേജിൽ എന്തെങ്കിലും ഫുട്ബോൾ മാച്ച് ഉണ്ടാവണേ എന്ന് ആയിരുന്നു……. എങ്കിൽ അലെ നിങ്ങൾ കോളേജിൽ വരൂ” ഞാൻ അവളെ സംശയത്തോടെ നോക്കിയപ്പോൾ അവളൊരു കള്ള ചിരി ചിരിച്ചു…….

“അതാ…… ആ മഞ്ഞ ബോർഡ്‌ കണ്ടില്ലേ, അത് കഴിഞ്ഞിട്ടുള്ള ഫസ്റ്റ് റൈറ്റ്” അവൾ പറഞ്ഞ് തനത് അനുസരിച്ചു ഞാൻ ആ വഴിയിലൂടെ അവളുടെ വീട് ലക്ഷ്യമാക്കി കാറ്‌ ഓടിച്ചു

“ആഹ്……. ഇവിടെ മതി…….. പിന്നെ മാഷേ…… ഫോൺ നമ്പർ ഒന്ന് കൊണ്ട” അവൾ പറഞ്ഞ സ്ഥലത്ത് വണ്ടി നിർത്തിയപ്പോൾ അവൾ പറഞ്ഞു

“9********2” നമ്പർ തരുമോ എന്നതിന് പകരം വളരെ അധികാരത്തോടെ നമ്പർ കൊണ്ട എന്ന് പറഞ്ഞപ്പോൾ അനുസരണയോടെ നമ്പർ കൊടുക്കാൻ മാത്രം ആണ് എനിക്ക് കഴിഞ്ഞത്.

“മ്മ…. ഓക്കെ ബായ്, സി യൂ ടുമോറോ”

“മ്മ……ബായ്…….” വീണ്ടും എന്റെ മനസ്സിൽ തീപ്പൊരി ഉണ്ടാകുന്ന ചിരിയും ചിരിച്ചു അവൾ നടന്നു അകന്നു, എനിക്ക് എന്താണ് ഈ സംഭവിക്കുന്നത്….. ഇന്നലെ വരെ ഒരു പെണ്ണിനെ കണ്ടിട്ടും തോന്നാത്ത ഒരു ഇത്…….. ഒന്നും അങ്ങോട്ട് മനസിലാവുന്നില്ല

അവൾ വീട്ടിലേക്ക് കയറി പോയിട്ടും അല്പനേരം കഴിഞ്ഞാണ് ഞാൻ വണ്ടി എടുത്തത്, അങ്ങനെ ഇരുന്ന് പോയി….. എന്തായാലും ഇത്ര നേരത്തെ വീട്ടിലേക്ക് പോവാൻ തോന്നിയില്ല, വിഷ്ണുവിനെ വിളിച്ചു ക്ലബിലേക്ക് വരാൻ പറഞ്ഞിട്ട് ഞാൻ നേരെ ഞങ്ങടെ ക്ലബിലേക്ക് വിട്ടു……… ക്ലബ്‌ എന്ന് പറഞ്ഞ അത്യാവശ്യം വലിയ ഒരു മുറി ആയിരുന്നു, ഒരു ടിവിയും ഉണ്ട്……. പ്രധാനമായി കളി ഒരുമിച്ച് ഇരുന്ന് കാണാൻ വേണ്ടി ആണ് ഞങ്ങൾ നാട്ടിലെ പിള്ളേര് എല്ലാവരും കൂടി ഇങ്ങനെ ഒരു സെറ്റപ്പ് തുടങ്ങിയത്……… ഇപ്പോ രാത്രി കളി കാണലും പകൽ കാരംസ് കളി ഒക്കെ ആയി ഫുൾ ടൈം ആക്റ്റീവ് ആണ് ക്ലബ്‌………… നാട്ടുകാരുടെ കണ്ണിലെ കരടാണ് ഞങ്ങടെ ക്ലബ്‌ എങ്കിലും എന്തെങ്കിലും പ്രശ്നം വന്ന ഞങ്ങൾ തന്നെ ഇറങ്ങണം, എല്ലാ നാട്ടിലും ഏകദേശം അങ്ങനെ ഒക്കെ തന്നെ ആയിരിക്കും അവസ്ഥ…………

ക്ലബിൽ ചെന്നപ്പോൾ അവിടെ പിള്ളേര് ഇരുന്ന് ഏതോ കഴിഞ്ഞ കളിയുടെ ഹൈലൈറ്റ്സ് കാണുകയാണ്, ടിവിയുടെ മുനിൽ ഇരിക്കാനുള്ള മൂഡ് ഇല്ലാത്തത് കൊണ്ട് ഞാൻ ഒരു സിഗരറ്റും കത്തിച്ചിട്ട് പുറത്ത് ഇരുന്നു, സിഗരറ്റ് വലിച്ചു കഴിയുന്നതിലും മുന്നെ വിഷ്ണുവും എത്തി……….

“എന്താ മോനെ എന്താണ് സീൻ??” കയറി വന്ന പാടേ വിഷ്ണു ചോദിച്ചു

“എന്ത് സീൻ??”

“ഓ….. അപ്പൊ പ്രശ്നം ഒന്നുമില്ലേ….. നിന്റെ സംസാരം കേട്ടപ്പോൾ ഞാൻ കരുതി എവിടെയോ പോയി വള്ളിയും വലിച്ച് വന്നിട്ടുണ്ടെന്ന്”

“പിന്നെ ഡെയിലി എന്തെങ്കിലും പ്രശ്നം ഉണ്ടാക്കൽ അല്ലേ എനിക്ക് പണി…… ഒന്ന് പോയെടാ…….” ഞാൻ ആ സിഗരറ്റ് ചവിട്ടി കെടുത്തി കൊണ്ട് പറഞ്ഞു.

“ഹ…….ഹ…….ഹ…….. അത് നിനക്ക് ഇതുവരെ മനസിലായിട്ടില്ലേ ടോണിക്കുട്ടാ……. നീ വെറുതെ പോയി നിന്ന മതി….. പ്രശ്നങ്ങൾ ഓട്ടോ വിളിച്ചോ ബസ് വിളിച്ചോ അവിടെ എത്തിക്കോളും…… കഴിഞ്ഞ ആഴ്ച മറ്റേ പെട്രോൾ പമ്പിൽ വച്ച് നടന്നത് ഓർമ്മയില്ലേ…….”

“ഓ….. മതി മതി…… അവന്റെ ഒടുക്കത്തെ കണ്ടുപിടിത്തം, ഇന്ന് എന്തായാലും ഒരു പ്രശ്നവും ഉണ്ടായിട്ടില്ല……”

“ശരി ശരി…… പിന്നെ എങ്ങനെ ഉണ്ടായിരുന്നു ഷൂട്ടിംഗ് ഒക്കെ…..”

“ആഹ്……. അടിപൊളി ആയി പോവുന്നുണ്ട്, ഹരി തകർത്തില്ലേ….. അവൻ എന്തായാലും വല്യ സംവിധായകൻ ആയി മാറും മോനെ….. എനിക്ക് ഉറപ്പാണ്…..”

“അവന് നല്ല കഴിവുണ്ട്……. ഭാഗ്യം കൂടെ ഉണ്ടായ മതി ലേ….. പിന്നെ നമ്മളെ ചെക്കനെ പിടിച്ച കിട്ടൂല്ല”

“ഹ്മ്മ്……. ഡ………..ഒരു കാര്യമുണ്ട് അല്പസമയത്തെ മൗനത്തിന് ശേഷം ഞാൻ പറഞ്ഞു

“എന്താണ്??”

“അത് പിന്നെ….. ഞാൻ ഇന്ന് ഒരു പെണ്ണിനെ കണ്ടു……. എന്താണെന്ന് അറിയില്ല അവളെ കണ്ടത് തൊട്ട് വല്ലാത്ത ഒരു ഫീൽ……”

“പ്രേമം??”

“ആ അറിയില്ല……”

“ഹോ……. ഭാഗ്യം………. പെൺകുട്ടി ആണല്ലോ……. എനിക്ക് പേടി ആയിരുന്നു നീ വല്ല കുണ്ടനും ആണോ എന്ന്……. അതല്ലെന്ന് മനസിലായി……”

“പാ ചെറ്റേ…… കാര്യമായിട്ട് പറയുമ്പോഴാണ് അവന്റെ കൊണച്ച തമാശ……”

“ഹാ ചൂടാവല്ലേ ടോണിക്കുട്ടാ…… നീ ആദ്യമായിട്ടാണ് ഒരു പെണ്ണിന്റെ കാര്യം പറയുന്നത്, അതുകൊണ്ട് പറഞ്ഞതാണ്…… എന്തായാലും നിന്റെ മനസ്സിൽ കയറിയ പെണ്ണ്, അവൾ ഏത് ഭൂലോക രംഭ ആണെങ്കിലും അവളെ നമുക്ക് സെറ്റ് ആക്കാ ഡാ”

“ഹ്മ്മ്…..”

“അല്ല.. ആരാ ആള്??”

“നമ്മുടെ ഷോർട്ട് ഫിലിമിൽ നായികയായി അഭിനയിക്കുന്ന കുട്ടിയാണ്……. ശ്രീ ലക്ഷ്മി……..”

“ഹ…….ഹ………….ശ്രീക്കുട്ടി ആണോ……”

“ഏഹ്…… നിനക്കും അറിയുമോ അവളെ??”

“പിന്നെ ഇല്ലാതെ…… കോളേജിൽ നമ്മുടെ ജൂനിയർ ആയിരുന്നില്ലേ….. നീ ഇന്ന് ആണോ അവളെ ആദ്യമായിട്ട് കാണുന്നത്??”

“മ്മ……..” ഞാൻ അതെ എന്ന രീതിയിൽ മൂളി

“ആ എല്ലാത്തിനും അതിന്റെതായ സമയം ഉണ്ടെന്ന് ആണല്ലോ………. ഹരിയോട് പറഞ്ഞോ??”

“ഇല്ല……..”

“അവനോട് പറയണ്ടേ…..”

“വേണം……. പക്ഷെ ഇത് പ്രേമം തന്നെ ആണോ ഡാ……..”

“അല്ല മൈരേ കഴപ്പ്….”

“ഹാഹ് തമാശ വിട്……. ഞാൻ സീരിയസ് ആണ്, എനിക്ക് അങ്ങോട്ട്‌ മനസിലാവുന്നില്ല”

“നിനക്ക് അവളെ കണ്ടപ്പോൾ എന്താ തോന്നിയത്??”

“എന്ത് തോന്നാൻ, നോക്കി നിന്നുപോയി…… പിന്നെ അവൾ ഇങ്ങോട്ട് വന്ന് സംസാരിച്ചപ്പോൾ ഒരു വിറയലും, സംസാരിക്കാൻ പറ്റാത്ത അവസ്ഥ…..”

“ഓ അപ്പൊ ഇത് അത് തന്നെ…… ഒരു സംശയവും വേണ്ട……”

“ആയിരിക്കുമോ??” ഞാൻ വീണ്ടും ഉറപ്പ് വരാതെ ചോദിച്ചു

“ഇനി ഞാൻ വല്ലതും പറയും കേട്ടോ മൈ………….. ആഹ് ഹരി എത്തിയല്ലോ…” ഹരിയുടെ ബൈക്ക് വരുന്നത് കണ്ട് വിഷ്ണു പറഞ്ഞു

“എന്താണ് മക്കളെ കാര്യമായ ഗൂഢാലോചന…….. ഏഹ്??” കയറി വന്ന പാടേ അരമതിലിൽ ചാടി ഇരുന്നുകൊണ്ട് ഹരി ചോദിച്ചു

“ആഹ് ഒരു വല്യ സംഭവം നടന്നു….. ഇവിടെ ഒരുത്തനു ചെറിയ സൂക്കേട് തുടങ്ങിയിട്ടുണ്ട്” വിഷ്ണു ആണ് മറുപടി കൊടുത്തത്

“ആര്ക്ക്…… എന്ത് സൂക്കേട്…… വ്യക്തമാക്കി പറയെടാ….”

“ദേ ഇരിക്കുന്നു രോഗി…… പ്രേമ രോഗം പിടിച്ച രോഗി” എന്നെ ചൂണ്ടി കൊണ്ട് വിഷ്ണു അത് പറഞ്ഞതും ഹരി കിടന്ന് ചിരിക്കാൻ തുടങ്ങി…….

“എന്താടാ??” ഞാനും വിഷ്ണുവും ഒരേ പോലെ ഹരിയോട് ചോദിച്ചു

“അപ്പൊ എന്റെ ഊഹം തെറ്റിയില്ല, ഇന്നത്തെ ഇവന്റെ പരുങ്ങി കളി കണ്ടത് തൊട്ട് എനിക്ക് സംശയമുണ്ടായിരുന്നു, അതാണ് വൈകുന്നേരം അവളെ കൊണ്ടാക്കാൻ ഞാൻ ഇവനോട് പറഞ്ഞത്………. നന്പൻ ഡാ……..”

“ഹ……ഹ……..ഹ………..” രണ്ടും കൂടി എന്നെ നടുവിൽ ഇരുത്തി ചിരി തുടങ്ങി……….

“അല്ല മോനെ എന്നിട്ട് വല്ല പുരോഗതി ഉണ്ടോ…… ചെക്കൻ ഇത്ര നല്ല ചാൻസ് ഒരുക്കി തന്നിട്ട് വെറുതെ വീട്ടിൽ കൊണ്ടാക്കി ടാറ്റയും പറഞ്ഞ് വന്നിട്ടുണ്ടാവും പൊട്ടൻ……… അറ്റ്ലീസ്റ്റ് നമ്പർ എങ്കിലും വാങ്ങിയോ??” അവസാനം ചിരി നിർത്തി വിഷ്ണു ചോദിച്ചു

“നമ്പർ അവൾ വാങ്ങിയിട്ടുണ്ട്…..”

“ഹ…….ഹ……… അവളാണ് മോനെ ആൺകുട്ടി…….”

“ഓ…………” വിഷ്ണു അത് പറഞ്ഞപ്പോൾ ഞാൻ ഒരു ഒഴുക്കൻ മട്ടിൽ മൂളി

“ഇത് ഞാൻ സെറ്റ് ആക്കി തരാ, എനിക്ക് ചെറുപ്പം തൊട്ട് അറിയുന്നതാണ് ശ്രീക്കുട്ടിയെ, അവൾക്കും നിന്നോട് ഒരു ഇത് ഉള്ളത് പോലെ എനിക്ക് തോന്നിയിട്ടുണ്ട്………. നാളെ നമ്മൾ ഈ കാര്യത്തിൽ ഒരു തീരുമാനം ആക്കുന്നു, എപ്പടി……….” ഹരി അത് പറഞ്ഞപ്പോൾ ഞാൻ വെറുതെ ഒന്ന് ചിരിക്കുക മാത്രം ചെയ്തു,

പിന്നെ കുറച്ച് നേരം കൂടി ക്ലബിൽ ഇരുന്ന ശേഷം ഞാൻ വീട്ടിലേക്ക് വിട്ടു, വേഗം തന്നെ ഭക്ഷണം കഴിച്ച് അപ്പന്റെ കലാപരിപാടി തുടങ്ങുന്നതിന് മുന്നെ റൂമിൽ കയറി കതകടച്ചു…..

കിടന്നിട്ട് ഉറക്കം വരുന്നില്ല, ആകെ ഒരു പരവേശം…….. ഹരിയെ വിളിച്ചു അവളുടെ നമ്പർ വാങ്ങി വിളിച്ചാലോ??……. അല്ലെങ്കിൽ വേണ്ട വെറുതെ അതും പറഞ്ഞ് അവന്മാര് കളിയാക്കാൻ തുടങ്ങും……. ഫേസ്ബുക്ക് എടുത്ത് തപ്പി നോക്കിയാലോ?? യെസ് അത് മതി……..

അങ്ങനെ ഓരോന്നും ആലോചിച്ചു ഫോൺ എടുത്ത് ഫേസ്ബുക്കിൽ കയറാൻ നോക്കുമ്പോൾ അതാ വാട്സ്ആപ്പിൽ പരിചയമില്ലാത്ത നമ്പറിൽ നിന്നും ഒരു “ഹായ്”,

അവൾ ആയിരിക്കണേ എന്ന് പ്രാർത്ഥിച്ച് കൊണ്ട് തിരിച്ചും ഒരു “ഹായ്” അയച്ചു…..

“ആരാ ന്ന് മനസ്സിലായോ??” ഉടനെ തന്നെ മറുപടി കിട്ടി

“ശ്രീക്കുട്ടി അല്ലേ??”

“എങ്ങനെ മനസിലായി??” അത്ഭുതപ്പെട്ടു കണ്ണ് മിഴിക്കുന്ന സ്മൈലിയും ഇട്ടുകൊണ്ട് അവൾ ചോദിച്ചു, ഭാഗ്യം അപ്പൊ അവൾ തന്നെ ആണ്.

“അതൊക്കെ മനസിലായി, ഈ മെസ്സേജ് ഞാൻ പ്രതീക്ഷിച്ചിരുന്നു”

“അപ്പൊ എന്റെ മെസ്സേജും കാത്ത് ഇരിക്കുക ആയിരുന്നോ??”

“മ്മ….. ഏറെ കുറെ😉”

“അതെന്താ??”

“താൻ കോളേജിൽ എന്നെ കാണാൻ വേണ്ടി ഫുട്ബോൾ കളി നടക്കാൻ പ്രാർത്ഥിച്ചത് എന്തിനാ?? അതുപോലെ തന്നെ”

“എനിക്ക് ഇഷ്ടായത് കൊണ്ട്” മെസ്സേജ് കണ്ടിട്ടും കുറച്ച് നേരം കഴിഞ്ഞാണ് അവൾ റിപ്ലൈ തന്നത്

“ആഹ്….. എനിക്കും ഇഷ്ടം ആയതുകൊണ്ട് തന്നെ ആണ്”

“സത്യമാണോ??”

“മ്മ…… സത്യം….. ഞാൻ കോൾ ചെയ്തോട്ടെ…..”

“മ്മ……”

പെട്ടെന്ന് എനിക്ക് അവളോട്‌ സംസാരിക്കാൻ തോന്നിയത് കൊണ്ടാണ് ഞാൻ കോൾ ചെയ്യട്ടെ എന്ന് ചോദിച്ചത്, പക്ഷെ വിളിച്ചിട്ട് എന്ത് പറയും, ഒരു എത്തും പിടിയും കിട്ടുന്നില്ല ലോ എന്തായാലും അവൾക്കും എന്നെ ഇഷ്ടമാണ് എന്ന് അല്ലേ പറഞ്ഞത്, ഓ മൈ ഗോഡ്……. എല്ലാം പെട്ടെന്ന് ആണെല്ലോ….. യാഥാർഥ്യം ആണെന്ന് വിശ്വസിക്കാൻ കഴിയാത്ത ഒരു അവസ്ഥ…… എന്തായാലും കോൾ ചെയ്തു നോക്കാം…..

“ഹലോ…..” ഫോൺ എടുത്തപ്പോൾ തന്നെ അവളുടെ കിളിനാദം

“ഹ…ലോ…” ചെറിയ വിറയലോടെ ഞാൻ പറഞ്ഞു

“മ്മ……പറ”

“ഒന്നുമില്ല, എന്തോ ശ്രീക്കുട്ടിയുടെ ശബ്ദം കേൾക്കാൻ തോന്നി അതാ വിളിച്ചത്” വിറയൽ എല്ലാം മാറ്റി ധൈര്യത്തോടെ ഞാൻ സംസാരിച്ചു തുടങ്ങി

“മ്മ……”

“എന്താ ഒന്നും മിണ്ടാതെ, രാവിലെ എല്ലാവരോടും വാ തോരാതെ സംസാരിക്കുന്നത് കണ്ടല്ലോ, എന്ത് പറ്റി ഫോണിലൂടെ സംസാരിക്കില്ലേ??”

“ഏയ് അതൊന്നും അല്ല, ചെറിയ സ്റ്റാർട്ടിങ് ട്രെബിൾ….”

“ഹ….ഹ…… അല്ല നേരത്തെ എന്തോ പറഞ്ഞല്ലോ, ഇഷ്ടം ആണ് എന്നോ…… അങ്ങനെ എന്തോ……”

“മ്മ……. ചേട്ടനും പറഞ്ഞല്ലോ…..”

“ഞാൻ പറഞ്ഞത് എനിക്ക് തന്നെ വല്ലാതെ അങ്ങ് ഇഷ്ടപ്പെട്ടു എന്നാണ്”

“ഇന്ന് അല്ലേ എന്നെ ആദ്യമായി കാണുന്നത്??”

“കണ്ട ഒറ്റ നോട്ടത്തിൽ തന്നെ ഇഷ്ടപ്പെട്ടു പോയി….. ആദ്യമായിട്ടാണ് ഇങ്ങനെ ഒക്കെ….”

“എനിക്കും ആദ്യം കണ്ടത് തൊട്ട് ഇഷ്ടം ആയിരുന്നു, പക്ഷെ തുറന്ന് പറയാൻ പേടിയായിരുന്നു….. പിന്നെ അത്ര എളുപ്പത്തിൽ കാണാൻ കിട്ടില്ലല്ലോ……..”

“ഇനി എന്തായാലും ആ പ്രശ്നം ഉണ്ടാവില്ല……. ശ്രീക്കുട്ടിക്ക് കാണാൻ തോന്നിയ അപ്പൊ ഞാൻ പറന്ന് എത്തും……..” . . . . . “എന്താ ശ്രീ ഒന്നും മിണ്ടാതെ??”

“ആ….. എനിക്ക് എന്താ പറയേണ്ടത് എന്ന് കിട്ടുന്നില്ല, അത്ര ഞാൻ ആഗ്രഹിച്ചിരുന്നു ഇങ്ങനെ ഒരു ദിവസത്തിന് വേണ്ടി, എന്തായാലും ഈ ഷോർട്ട് ഫിലിം അതിനൊരു കാരണം ആയല്ലോ…….”

“മ്മ……. ഒരു തവണ എന്റെ മുനിൽ വന്നു നിന്നിരുന്നെങ്കിൽ ഈ ദിവസം ഇത്ര വൈകുമായിരുന്നോ…..”

“എന്നെ കൊണ്ട് ഒന്നും പറയിക്കരുത് മനുഷ്യാ……. എത്ര പ്രാവശ്യം ഞാൻ മുനിൽ കൂടെ അങ്ങോട്ടും ഇങ്ങോട്ടും നടന്ന് കളിക്കൽ ഉണ്ടായിരുന്നു എന്ന് അറിയുമോ…… എവിടെ…… ഒന്ന് തിരിഞ്ഞ് നോക്കൽ പോലും ഇല്ല ദുഷ്ടൻ, എന്നിട്ട് ഇപ്പോ പറയുന്നത് കേട്ടില്ലേ……”

“ഹ……ഹ…….. സോറി ട്ടോ…… ശ്രീക്കുട്ടി….. ഇനി എപ്പോഴും നോക്കി നിൽക്കാം”

“ഓ….. സോറി ഒന്നും വേണ്ട…. എന്നെ ചതിക്കില്ല എന്ന് ഉറപ്പ് തന്ന മതി…..”

“ഇപ്പോ വേണോ…… നാളെ നേരിട്ട് തന്ന പോരെ”

“മ്മ ഓക്കേ…..”

“പിന്നെ എന്താ ഫുഡ്‌ കഴിച്ചോ??”

“ഓ കഴിച്ചു….. ചേട്ടനോ??”

“മ്മ….. കഴിച്ചു……”

“പിന്നെ എന്താ…”

“പിന്നെ എന്താ….. ഒന്നുമില്ല”

“എങ്കിൽ ശരി ചേട്ടാ….. നാളെ കാണാം…. രാവിലെ ഷൂട്ട്‌ ഉള്ളതല്ലേ”

“മ്മ…… ഗുഡ് നൈറ്റ്‌”

“ഗുഡ് നൈറ്റ്‌….. ടേക്ക് കെയർ…..ബായ് ചേട്ടാ….”

എന്നും പറഞ്ഞ് അവൾ ഫോൺ കട്ട്‌ ചെയ്തിട്ടും ഒന്നും അങ്ങോട്ട് വിശ്വസിക്കാൻ കഴിയാത്ത അവസ്ഥയിൽ ആയിരുന്നു ഞാൻ, ഒറ്റ ദിവസം കൊണ്ട് എനിക്ക് ഒരു കുട്ടിയോട് ഇഷ്ടം തോന്നിയിരിക്കുന്നു, ആ കുട്ടിയ്ക്ക് എന്നെയും ഇഷ്ടമാണെന്ന് പറയുന്നു….. എന്തൊക്കെ ആണ് ഈ നടക്കുന്നത്…… ലൈഫിൽ ഫസ്റ്റ് ലവ് ഒക്കെ ഇത്ര സിംപിൾ ആയി നടക്കുമോ??

അപ്പൊ തന്നെ ഹരിയെ വിളിച്ച് കാര്യം പറഞ്ഞു, അവനും ഭയങ്കര ഹാപ്പി ആയിരുന്നു….. ഞങ്ങൾ മൂന്നുപേരിൽ ആദ്യമായി ഒരാൾ കുടുങ്ങിയതിന്റെ സന്തോഷം ആയിരിക്കുമോ

ഹരിയെ വിളിച്ചു ഫോൺ വച്ച് കിടക്കാൻ പോയപ്പോൾ അതാ വിളിക്കുന്നു വിഷ്ണു, വിവരം അറിഞ്ഞുള്ള വിളി ആയിരുന്നു, എന്തൊക്കയോ പറഞ്ഞ് കുറെ കളിയാക്കിയിട്ടാണ് പട്ടി ഫോൺ വച്ച് പോയത്…… എന്തായാലും അവനോടും സംസാരിച്ചിട്ട് ഞാൻ കിടന്ന് ഉറങ്ങാൻ ശ്രമിച്ചു, സാധാരണ കട്ടിൽ കണ്ട ഉറങ്ങി പോവുന്ന എന്നെ നിദ്രാദേവി ആ രാത്രി കടാക്ഷിക്കാൻ ഒന്ന് മടിച്ചു കളിച്ചു…….. എങ്കിലും അവസാനം കടാക്ഷിച്ചു….. ഞാൻ ഉറക്കത്തിലേക്ക് വഴുതി വീണു……

പിന്നീട് അങ്ങോട്ട് മൂന്ന് ആഴ്ചയോളം ഷൂട്ടിംഗ് ഉണ്ടായിരുന്നു, ആ ദിവസങ്ങളിൽ ഞങ്ങൾ കൂടുതൽ അടുത്തു…. രാവിലെ ഞാൻ അവളെ വീട്ടിൽ പോയി പിക്ക് ചെയ്യും….. വൈകുന്നേരം ഷൂട്ട്‌ കഴിയുന്ന വരെ ഞാൻ അവിടെ തന്നെ

“ടോണി……………”

ആ ശബ്ദം കേട്ടാണ് ഞാൻ കണ്ണ് തുറന്നത്……. നോക്കുമ്പോൾ ആ രജിസ്റ്റർ ഓഫീസിന്റെ പുറത്ത് ആൽമരത്തിന്റെ ചുവട്ടിൽ ഇരിക്കുകയാണ് ഞാൻ…….. ശബ്ദം കേട്ട ഭാഗത്തേക്ക് തിരിഞ്ഞു നോക്കിയപ്പോൾ എന്റെ നേരെ നടന്നു വരുന്ന വിഷ്ണുവിനെ ആണ് കണ്ടത്…….

“എന്താ ഡാ ഇതൊക്കെ എന്താ പറ്റിയത്…… ആരാ നിന്നെ തല്ലിയത്??” അടുത്ത് വന്ന് അടി കൊണ്ട് പരുവമായ എന്റെ മുഖം നോക്കി കൊണ്ട് അവൻ ചോദിച്ചു…..

“ഒക്കെ പറയാ….. നീ ഒന്ന് ഇവിടെ നിൽക്ക്…… ഞാൻ ഇപ്പോ വരാം”

എന്നും പറഞ്ഞ് വിഷ്ണുവിനെ അവിടെ നിർത്തിയിട്ട് ഞാൻ ആ രജിസ്റ്റർ ഓഫീസിന്റെ പുറത്തേക്ക് നടന്നു, അവൻ പിന്നെ ഒന്നും ചോദിക്കാനും നിന്നില്ല….

നേരെ അടുത്ത് കണ്ട ഷോപ്പിൽ കയറി ഒരു സിഗരറ്റും വാങ്ങി കത്തിച്ച് വലിക്കാൻ തുടങ്ങി…… സിഗരറ്റ് വലിക്കുന്നതിന് ഇടയ്ക്ക് വീണ്ടും മനസ് പുറകോട്ടു പോയി…… ###########

അന്ന് ആ രാത്രി എന്റെ മനസിലേക്ക് കടന്നു വന്നു

“ശ്രീ…………കിടന്നിട്ട് ഉറക്കം വരുന്നില്ല…… എനിക്ക് നിന്നെ ഇപ്പോ കാണണം….” രാത്രി കിടന്നിട്ട് ഉറക്കം വരാതെ ഞാൻ ശ്രീകുട്ടിയെ ഫോൺ വിളിച്ചു

“ഈ പാതി രാത്രിയോ……. ഒന്ന് പോയേ ഇച്ചായാ……” ഇപ്പോ ചേട്ടാ വിളി എല്ലാം മാറ്റി ഇച്ചായാ എന്നാണ് പെണ്ണ് എന്നെ വിളിക്കാറ്…

“പ്ലീസ് ശ്രീക്കുട്ടി…… രണ്ട് ദിവസം ആയില്ലേ….. ഞാൻ അങ്ങോട്ട് വരട്ടെ??”

“അയ്യോ…… വീട്ടിലേക്കോ……. വേണ്ട ഇച്ചായാ ആരെങ്കിലും കണ്ട പ്രശ്നമാവും”

“ഏയ് ആരും കാണില്ല….. അതൊക്കെ ഞാൻ നോക്കിക്കൊള്ളാം….. നീ ആ ബെഡ്‌റൂമിൽ നിന്ന് ബാൽക്കണിയിലേക്കുള്ള വാതിൽ ലോക്ക് ചെയ്യണ്ട”

അതും പറഞ്ഞ് ഞാൻ ഫോൺ കട്ട്‌ ചെയ്തു….. മെല്ലെ ശബ്ദം ഒന്നും ഉണ്ടാക്കാതെ ഞാൻ വീട്ടിൽ നിന്ന് ഇറങ്ങി, കാറ്‌ എടുത്തില്ല…. ഇറങ്ങി നടന്നു….. മൊത്തം ഇരുട്ട്, ഫോൺ എടുക്കാതെ ഇറങ്ങിയത് മണ്ടത്തരം ആയി പോയി…. ഫ്ലാഷ് ലൈറ്റ് എങ്കിലും അടിക്കാമായിരുന്നു….. പതിനഞ്ച് മിനിറ്റോളം നടക്കാനുണ്ട്

ശ്രീക്കുട്ടിയുടെ വീട്ടിലേക്ക്……. ഭാഗ്യം….. ഒരുമണി കഴിഞ്ഞത് കൊണ്ട് റോഡിൽ ഒന്നും ഒറ്റ മനുഷ്യൻ ഇല്ല…… ഞാൻ അങ്ങനെ ശ്രീക്കുട്ടിയുടെ വീട് ലക്ഷ്യമാക്കി ആ ഇരുട്ടത് നടന്നു….

ഹോ…… അവസാനം ലക്ഷ്യ സ്ഥാനത്ത് എത്തി, മതിൽ ചാടി… നേരെ വീടിന്റെ ബാക്കിൽ പോയി കോണി എടുത്തുവന്നു….. കോണി വച്ച് നേരെ ബാൽക്കണിയിലേക്ക് കയറി…… ആ ബാൽക്കണിയിൽ നിന്ന് ശ്രീക്കുട്ടിയുടെ മുറിയിലേക്കുള്ള വാതിലാണ്…… സംഭവം സിംപിൾ ആയിരുന്നു…… ഇത് രണ്ടാമത്തെ പ്രാവശ്യമാണ് ഞാൻ കയറുന്നത്.

“ഹോ പേടിപ്പിച്ച് കളഞ്ഞല്ലോ” മെല്ലെ ഒച്ച ഉണ്ടാകാതെ വാതിൽ തുറന്ന് അകത്തു കയറി ലൈറ്റ് ഇട്ടതും ഞെട്ടി തരിച്ചുകൊണ്ട് ശ്രീക്കുട്ടി പറഞ്ഞു…. ഞാൻ ഒന്നും മിണ്ടാതെ ചിരിച്ചുകൊണ്ട് കട്ടിലിൽ കയറി അവളുടെ അടുത്ത് ഇരുന്നു….

“എന്താണ് ഉദ്ദേശം??”

“ഏയ്….. പ്രത്യേകിച്ച് ഒന്നുമില്ല….. എന്റെ ശ്രീക്കുട്ടിനെ കാണാൻ തോന്നി, അതാ…….”

“കണ്ടില്ലേ…… ഇനി പൊയ്ക്കോ…. ന്ക്ക് പേടി ആവുന്നുണ്ട് ട്ടോ…. ആരെങ്കിലും കണ്ട തീർന്നു…..”

“ഹാ….. ആരും കാണില്ല മോളേ…… എന്തായാലും വന്നില്ലേ കുറച്ച് കഴിഞ്ഞ് പോവാ”

“ഹ്മ്മ്….. എന്താ ഇങ്ങനെ നോക്കുന്നത്…..??”

“മച്…. ഒന്നുമില്ല….. എന്ത് ഭംഗി ആണ് പെണ്ണേ നിന്നെ കാണാൻ”

“അയ്യടാ….. സുഖിച്ചു ട്ടോ…… മോൻ ആ ലൈറ്റ് ഓഫ് ആക്കിയെ…..”

“എന്താണ്……. മൂഡായോ??”

“ഉഫ്…… അതല്ല…. സമയം എത്ര ആണെന്ന് വല്ല ബോധം ഉണ്ടോ…… വെറുതെ ലൈറ്റ് ഇട്ട് പണി ഇരന്നു വാങ്ങേണ്ട”

“ആഹ് അതാണ് എനിക്കും സൗകര്യം” എഴുന്നേറ്റു ലൈറ്റ് ഓഫാക്കാൻ പോവുന്നതിനു ഇടയ്ക്ക് ഞാൻ പറഞ്ഞു……

“ഒന്നും നടക്കില്ല മോനെ……” ശ്രീക്കുട്ടി പുറകിൽ നിന്ന് പറയുന്നത് കേട്ടു

ലൈറ്റ് ഓഫാക്കി ഞാൻ തിരിച്ചു കട്ടിലിൽ തന്നെ വന്നിരുന്നു……

“വേറെ ഒന്നും വേണ്ട, ഒരുമ്മ മാത്രം മതി…….പ്ലീസ്”

“ഇല്ല……പറ്റില്ല…… ഒരു ഉമ്മയിലൊന്നും ഇച്ചായൻ നിർത്തില്ല….”

“സത്യം ഒറ്റ ഉമ്മ മതി…… പ്ലീസ്…… ഇച്ചായന്റെ ചക്കര അല്ലേ…..” ഒന്നും കാണുന്നില്ല, എങ്കിലും ഒരു ചിരി കേട്ടു….. അത് എനിക്കുള്ള പോസിറ്റീവ് സിഗ്നൽ ആണെന്ന് മനസിലായി

ഞാൻ മെല്ലെ അവളുടെ അധരങ്ങളിൽ എന്റെ ചുണ്ട് മുട്ടിച്ചു…… എന്റെ ചുണ്ട് മുട്ടിയതും അവൾ ഒരു ദീർഘശ്വാസം എടുത്തു…… ഞാൻ ശ്രീക്കുട്ടിയെയും കൊണ്ട് കട്ടിലിലേക്ക് കിടന്നു…..

കീഴ് ചുണ്ടും മേൽ ചുണ്ടും ഞാൻ മാറി മാറി ചപ്പി വലിച്ചു……. ശ്രീ തിരിച്ച് എന്റെ ചുണ്ടിലും ചുംബിക്കാൻ തുടങ്ങി..

അവളുടെ രുചി…… അത് എന്നെ എല്ലാം മറന്ന് അവളിലേക്ക് അലിയാൻ പ്രേരിപ്പിച്ചു….. ഞങ്ങൾ രണ്ടുപേരും എല്ലാം മറന്ന് ആ ചുംബനം ആസ്വദിച്ചു…….

“ഇച്ചായാ…………..” ഞാൻ കൈ മെല്ലെ താഴേക്ക് കൊണ്ടുപോവാൻ നോക്കിയപ്പോൾ ഒരു ഓർമ്മപ്പെടുത്തൽ പോലെ ശ്രീ വിളിച്ചു

“മ്മ്??”

“കുരുത്തക്കേട് കാണിച്ച നല്ല അടി കിട്ടും ട്ടോ……”

“മ്മ….. ഓക്കേ ഓക്കേ……” ഞാൻ ഒരു ഒഴുക്കൻ മട്ടിൽ പറഞ്ഞു….. കാരണം കിസ്സിങ് അല്ലാതെ ഒന്നും കല്യാണത്തിന് മുന്നെ ചെയ്യില്ലെന്ന് ഞങ്ങൾ തീരുമാനം എടുത്തതാണ്……….. അല്ല ഈ ദുഷ്ടത്തി എടുത്ത തീരുമാനത്തിന് എനിക്ക് വഴങ്ങി കൊടുക്കേണ്ട വന്നു എന്ന് പറയാം…. അനുസരിച്ചില്ലെങ്കിൽ ഇപ്പോ കിട്ടുന്നതും മുടങ്ങും ഇങ്ങനെ കെട്ടിപ്പിടിച്ച് കിടക്കാനും കഴിയില്ല……

കുറെ നേരം എന്റെ പെണ്ണിനെ കെട്ടിപ്പിടിച്ചു കിടന്ന് കഥ പറഞ്ഞിട്ട് പുലർച്ചെ ഒരു മൂന്നര മണി ആയപ്പോഴാണ് ഞാൻ തിരിച്ചു വീട്ടിലേക്ക് പോയത്….. വന്ന പോലെ തന്നെ കോണി ഇറങ്ങി അത് എടുത്ത സ്ഥലത്ത് തന്നെ വച്ചിട്ട് ആരും കാണാതെ ഞാൻ സ്കൂട്ടായി……

ലേറ്റ് ആയി വന്ന് കിടന്നതു കൊണ്ട് അടുത്ത ദിവസം ഉച്ചയ്ക്കാണ് ഞാൻ എഴുന്നേറ്റത്…. നട്ടുച്ചയ്ക്ക് എഴുന്നേറ്റ് വന്നതിന് മേരി ചൂടായെങ്കിലും കെട്ടിപ്പിടിച്ച് ഒരുമ്മ കൊടുത്തതും മേരിയുടെ ദേഷ്യം മാറി…….. അതാണ് എന്റെ മേരി…….

ബ്രേക്ക്‌ ഫാസ്റ്റും ലഞ്ചും കൂടി കൂട്ടി കനത്തിൽ ഒരു ബ്രഞ്ച് കഴിച്ചിട്ട് ഞാൻ നേരെ പുറത്ത് ചാരുപടിയിൽ വന്നിരുന്നു…..

ഫോൺ എടുത്ത് ഹരിയെ വിളിച്ചിട്ട് സ്വിച്ച് ഓഫ്, വിഷ്ണു ആണെങ്കിൽ ഫോണും എടുക്കുന്നില്ല…… ഇവന്മാര് ഇത് ഏത് മറ്റേടത്ത് പോയി കിടക്കാ…. ശ്രീക്കുട്ടിയെ വിളിച്ചു നോക്കി അവളും ഫോൺ എടുക്കുന്നില്ല….. ഇത് എന്ത് കൂത്ത്…….. ഇനി എന്റെ ഫോണിന്റെ പ്രശ്നം എങ്ങാനും ആണോ?? ഏയ്……………

“എന്താണ് മോനു….. എന്താ പ്രശ്നം??” ഫോൺ കിട്ടാത്ത ദേഷ്യത്തിൽ ഇരുന്ന എന്റെ അടുത്ത് വന്നിരുന്നു കൊണ്ട് മേരി ചോദിച്ചു

“ഏയ് പ്രശ്നമൊന്നും ഇല്ല”

“പിന്നെ എന്താ മോനുന്റെ മുഖം കടന്നല് കുത്തിയ പോലെ ഇരിക്കുന്നത്??”

“ഏയ് ഒന്നുമില്ല മേരി….. അവന്മാരെ വിളിച്ചിട്ട് കിട്ടുന്നില്ല”

“ഓ അതിനാണോ ഈ ദേഷ്യം പിടിച്ചു ഇരിക്കുന്നത്….. അവർക്ക് അവരുടെ തിരക്കുകൾ ഉണ്ടാവില്ലേ മോനു…..”

“ഓ….. എന്ത് തിരക്ക്” ഞാൻ ഒഴുക്കൻ മട്ടിൽ പറഞ്ഞു

“എന്തെങ്കിലും കാണും മോനു…. വിഷ്ണു പിന്നെ നിങ്ങളെ പോലെ ഒന്നും അല്ല…… അവനാണ് ആ വീട് മൊത്തം ഇപ്പോ നോക്കുന്നത്… നല്ല ഉത്തരവാദിത്തം ഉള്ള പയ്യനാണ്……. ഹരി നിന്നെ പോലെ തന്നെ കിടന്ന് ഉറങ്ങുകയായിരിക്കും…..”

“എന്റെ കർത്താവേ…….. ആ നല്ലവനായ ഉണ്ണിയെ കൊണ്ട് ഇപ്പോ വീട്ടിൽ സ്വസ്ഥമായി ഇരിക്കാൻ പറ്റാത്ത അവസ്ഥ ആയല്ലോ……” ഞാൻ ഒരു പ്രത്യേക ട്യൂണിൽ മുകളിലേക്ക് നോക്കി പറഞ്ഞു

“ആഹ് നല്ലവനായ ഉണ്ണിയുടെ കൂടെ നടന്നിട്ടും എന്റെ മോനൂന് ബുദ്ധി വെക്കുന്നില്ലല്ലോ കർത്താവെ” അതെ ട്യൂണിൽ മേരിയും തിരിച്ചടിച്ചു.

“എന്റെ പൊന്നു മേരിക്കുട്ടി….ഉമ്മ” വിഷയം മാറ്റാൻ വേണ്ടി മേരിയെ കെട്ടിപ്പിടിച്ചു ഒരുമ്മയും കൊടുത്തിട്ട് ഞാൻ കേറി മേരിയുടെ മടിയിൽ തല വെച്ച് കിടന്നു

“എത്ര കാലമായി മോനു ഇതുപോലെ കിടന്നിട്ട്….” അല്പം വിഷമത്തോടെ മേരി പറഞ്ഞു…

“അതിന് എന്താ…… ഇന്ന് മുഴുവൻ ഞാൻ ഇങ്ങനെ മേരിന്റെ മടിയിൽ കിടക്കും……. പോരെ??”

“അയ്യടാ…….”

ഞാൻ അങ്ങനെ കഥയും പറഞ്ഞ് കുറെ നേരം മേരിയുടെ മടിയിൽ കിടന്നു, മേരി തല മസ്സാജ് ചെയ്ത് തരുകയും ചെയ്തു….

വൈകുന്നേരം ആയപ്പോൾ വിളിച്ചിട്ടും ഹരിയുടെ ഫോൺ സ്വിച്ച് ഓഫ് തന്നെ ആയിരുന്നു…… വിഷ്ണുവും എടുക്കുന്നില്ല….. ഇവന്മാർക്ക് ഇത് എന്ത് പറ്റി….. ശ്രീക്കുട്ടിയെയും വിളിച്ചു നോക്കി അവളുടെ ഫോണും സ്വിച്ച്ഓഫ് ആണ്…

ഞാൻ മെല്ലെ കാർ എടുത്ത് ഇറങ്ങി….. വിഷ്ണുവിന്റെ വീട്ടിൽ പോയി നോക്കിയപ്പോൾ അവിടെ ആരും ഇല്ല….. വീട് പൂട്ടി ഇട്ടിരിക്കുന്നു….. വീടും പൂട്ടി എല്ലാവരും കൂടെ എവിടെ പോയി….. അതിന് തെണ്ടി ഫോൺ വിളിച്ച എടുക്കണ്ടേ….. ഞാൻ നേരെ ക്ലബിലേക്ക് വിട്ടു….. അവിടെയും ഇല്ല…. ഹരിയുടെ വീട്ടിൽ പിന്നെ പോവാൻ നിന്നില്ല….. എന്റെ കൂടെ നടന്നിട്ടാണ് അവൻ ഇങ്ങനെ സപ്ലീയും അടിച്ചു കറങ്ങി തിരിഞ്ഞു നടക്കുന്നതെന്ന് പറഞ്ഞ് അവന്റെ അച്ഛനും അമ്മയ്ക്കും എന്നെ കണ്ണ് എടുത്താൽ കണ്ടുകൂടാ….. വെറുതെ അവിടെ പോയി അവരുടെ വായിൽ ഇരിക്കുന്നത് കേൾക്കണ്ട എന്ന് കരുതി…..

എന്താണ് പറ്റിയത് എന്ന് അറിയാതെ ഒരു സമാധാനം ഇല്ല….. കൂടെ കൂടിയതിനു ശേഷം ഇതുവരെ അവന്മാരെ കാണാതെ ഒരു ദിവസം പോലും നിന്നിട്ടില്ല…… എന്താണെന്ന് അറിയില്ല വല്ലാത്ത ഒരു അവസ്ഥ പോലെ……. എന്താണെങ്കിലും വന്ന രണ്ടിനും ഇട്ട് ഓരോന്ന് പൊട്ടിക്കണം എന്ന് തോന്നി…… ഒറ്റ ഇരുപ്പിന് മൂന്നോ നാലോ സിഗരറ്റ് വലിച്ചിട്ടാണ് ഞാൻ വീട്ടിലേക്ക് പോയത്……

“ടോണി…..”

“മ്മ….. എന്താ..”

“നീ സിഗരറ്റ് വലിച്ചോ??”

“പിന്നെ എന്താ ഒരു മണം”

“എന്ത് മണം……. സ്പ്രേന്റെ ആയിരിക്കും…. വെറുതെ……” ഒരു ഒഴുക്കൻ മട്ടിൽ മറുപടി കൊടുത്തിട്ട് ഞാൻ തിരിഞ്ഞു നടക്കാൻ ശ്രമിച്ചു

“അവിടെ നിൽക്ക്….. അതെന്ത് സ്പ്രേ ആണ് സിഗരറ്റിന്റെ മണമുള്ള സ്പ്രേയോ??”

“ആാാ…….” ഞാൻ വെറുതെ മൂളി

“സത്യം പറയെടാ….. നീ സിഗരറ്റ് വലിച്ചോ??”

“മ്മ……” ഞാൻ അതെ എന്ന രീതിയിൽ മൂളി

“ഹാ അത് അങ്ങോട്ട് സമ്മതിച്ച പോരെ…… വെറുതെ കള്ളം പറയാൻ നിൽക്കണോ…”

ഏഹ് ഇതെന്ത് കൂത്ത്…… സിഗരറ്റ് വലിച്ചതല്ലേ അപ്പൊ തെറ്റ്……. നല്ല മേരി…….

“എന്താടാ ഇങ്ങനെ നോക്കുന്നത്….. പോ ചെല്ല്…… മേല്ലാൽ കള്ളം പറയരുത്…. കേട്ടോ….”

“മ്മ…..”

“വായ തുറന്ന് പറ മോനു”

“ഇല്ല കള്ളം പറയില്ല…..”

“മ്മ…. എങ്കിൽ പോയ്‌ ഡ്രസ്സ്‌ ഒക്കെ മാറി വാ….. ഭക്ഷണം കഴിക്കാ”

വേഗം ഡ്രസ്സ്‌ ഒക്കെ മാറി വന്ന് ഭക്ഷണം കഴിച്ചിട്ട് എന്നത്തേയും പോലെ അപ്പൻ വരുന്നതിന് മുൻപ് റൂമിൽ കയറി കതകടച്ചു……

ഒരുവട്ടം കൂടി ട്രൈ ചെയ്ത് നോക്കിയെങ്കിലും ആരെയും കിട്ടിയില്ല, ആ ദേഷ്യം ഫോണിൽ കുത്തി തീർക്കുമ്പോഴാണ് ഫോൺ റിങ് ചെയ്തത്…… നോക്കുമ്പോൾ വിഷ്ണുവാണ്…… നാറി………രണ്ട് തെറി പറയണം

“ഡാ…… നീ എവിടെ…….. ഞാൻ രാവിലെ തൊട്ട് വിളിക്കുന്നുണ്ട്…. എന്താ ഫോൺ എടുക്കാത്തത്??” ഫോൺ എടുത്ത പാടേ ചീത്ത പറയണമെന്ന് കരുതിയെങ്കിലും ഇതാണ് എന്റെ വായിൽ നിന്ന് വന്നത്…

“അച്ഛനെ ഒന്ന് ഹോസ്പിറ്റലിൽ കാണിക്കാൻ വന്നതായിരുന്നു, അപ്പൊ ഇന്ന് ഇവിടെ കിടന്നിട്ട് നാളെ ഡിസ്ചാർജ് ആക്കാമെന്ന് പറഞ്ഞു…..അതാ….. ഞാൻ ഇവിടെ ടൗണിൽ ഗവണ്മെന്റ് ഹോസ്പിറ്റലിൽ ആണ്”

“അയ്യോ…… അങ്കിളിന് എന്ത് പറ്റി??

“അങ്ങനെ കാര്യമായിട്ട് ഒന്നുമില്ല…. കുറെ ആയില്ലേ ഇങ്ങനെ വയ്യാതെ…… ഇന്നലെ രാത്രി നല്ല ചുമയും ഛർദ്ദിയും ഒക്കെ ആയിരുന്നു…..ഇപ്പോ

കുഴപ്പമില്ല……..”

“ശരി ഞാൻ അങ്ങോട്ട് വരാ”

“ഏയ് നീ വരേണ്ട….. ഇവിടെ പ്രശ്നം ഒന്നുമില്ല…… നാളെ രാവിലെ തന്നെ ഡിസ്ചാർജ് ആവും…..”

“പിന്നെ എന്താ നിന്റെ ശബ്ദം വല്ലാതെ ഇരിക്കുന്നത്.??”

“ഡാ….. അത് പിന്നെ……..”

“ഹാ നീ കാര്യം പറ”

“ടോണി…….. ഞാൻ പറയുന്നത് നീ ക്ഷമയോടെ കേൾക്കണം…… കേട്ടിട്ട് വെറുതെ എടുത്ത് ചാടി ഒന്നും ചെയ്യരുത്”

“ഹാ ടെൻഷൻ അടിപ്പിക്കാതെ കാര്യം പറ വിഷ്ണു….”

“ഡാ……..ഹരി……..ആ മൈരൻ നിന്നെ ചതിക്കുകയായിരുന്നു….. നിന്നെ മാത്രം അല്ല…… അവന്റെ സ്വന്തം വീട്ടുകാരെയും എല്ലാരെയും ചതിച്ചിട്ടാണ് മൈരൻ പോയത്…… പട്ടി ചെറ്റ…….” സങ്കടവും ദേഷ്യവും എല്ലാം കലർന്ന ഒരു രീതിയിൽ ആണ് വിഷ്ണു അത് പറഞ്ഞത്…..

“ഹാ…..നിനക്ക് എന്ത് പറ്റി….. ഹരി എന്ത് ചെയ്തു ന്നാ നീ ഈ പറയുന്നേ…… അവൻ എങ്ങോട്ട് പോവാൻ??”

“അവനും ആ ശ്രീലക്ഷ്മി…… പിഴച്ചവളും ആയിട്ട്…. ഛെ…..”

“ഡ…… നീ കാര്യം എന്താണെന്ന് വച്ച തെളിച്ചു പറ….”

“ഡാ….. എന്റെ വീട്ടിന്റെ അടുത്തുള്ള ദേവൻ ഇല്ലെ…… അവൻ ഇന്ന് അവരെ രണ്ടുപേരും ഒരുമിച്ച് കണ്ടു…”

“നീ വെറുതെ കാര്യം അറിയാതെ ഓരോന്നും പറഞ്ഞ് ഉണ്ടാക്കേണ്ട……അവര് ചെറുപ്പം തൊട്ട് കൂട്ടുകാരല്ലേ……… ഓരോ ആളുകൾ പറയുന്നത് കേട്ടിട്ട് വെറുതെ………”

“അങ്ങനെ അല്ല ഡാ…… നിനക്ക് വിശ്വസിക്കാൻ കഴിയില്ലെന്ന് അറിയാം…… പക്ഷെ……. സത്യമാണ്…. നീ ഞാൻ പറയുന്നത് മുഴുവൻ ആദ്യം കേൾക്ക്…… ദേവൻ ഉച്ചയ്ക്ക് എന്നെ വിളിച്ചിട്ട് ഇങ്ങനെ ഹരി ഒരു പെണ്ണിനേയും കൂട്ടി നമ്മുടെ റെഡ് ചില്ലിസ് ലോഡ്ജിൽ വന്നിട്ടുണ്ടെന്ന് പറഞ്ഞപ്പോൾ ആദ്യം എനിക്ക് വിശ്വസിക്കാൻ കഴിഞ്ഞില്ല….. പക്ഷെ അപ്പൊ തന്നെ അവൻ ഫോട്ടോ എടുത്ത് അയച്ചു തന്നു….. നോക്കുമ്പോൾ അവളായിരുന്നു കൂടെ ഉണ്ടായിരുന്നത്….. എന്നിട്ടും സത്യം അറിയാൻ വേണ്ടി ഞാൻ ഹരിയെ വിളിച്ചു നോക്കി…… അപ്പൊ അവൻ എന്നോട് പറഞ്ഞത് അവൻ മാമന്റെ വീട്ടിൽ ആണ് എന്ന……. അത് കേട്ടപ്പോൾ എനിക്ക് പെട്ടെന്ന് ദേഷ്യം വന്നു…. ഫോണിലൂടെ സംസാരിച്ച് മൊത്തം സീൻ ആയി….. ഞാൻ അറിഞ്ഞെന്നു അവന് മനസിലായി….. ഞാൻ പിന്നെ ഹോസ്പിറ്റലിൽ ആയതു കൊണ്ട് കൂടുതൽ ഒന്നും പറയാതെ ഫോൺ കട്ട്‌ ചെയ്തു… പിന്നെ അവനെ വിളിച്ചിട്ട് ഫോൺ സ്വിച്ച് ഓഫ് ആയിരുന്നു, അങ്ങനെ ഞാൻ അവനെ നേരിട്ട് കാണാമെന്ന് കരുതി വൈകുന്നേരം അച്ഛന്റെ ഡ്രസ്സ്‌ എടുക്കാൻ പോവുമ്പോൾ അവന്റെ വീട്ടിൽ ചെന്നു…… അവന്റെ അച്ഛൻ എന്നെ തല്ലിയില്ല എന്നെ ഉള്ളു, ആ മൈരൻ വീട്ടിൽ അവന്റെ അച്ഛൻ വച്ചിരുന്ന പൈസയും ആയിട്ട് മുങ്ങി ……………………………………………………………………………………………

പിന്നെ അവൻ പറഞ്ഞത് ഒന്നും ഞാൻ കേട്ടില്ല…… കണ്ണ് നിറഞ്ഞിരുന്നു….. നെഞ്ചിൽ കത്തി കുത്തി കയറിയ പോലെ….. കേട്ടത് ഒന്നും സത്യം ആവരുതേ എന്ന് മാത്രം ആയിരുന്നു മനസ്സിൽ…….. വിഷ്ണു എന്തൊക്കയോ പറയുന്നുണ്ട്, പക്ഷെ എനിക്ക് ഒന്നും കേൾക്കുന്നില്ല………..

ശ്രീക്കുട്ടി….. അവളെ ഞാൻ ആത്മാർത്ഥമായി സ്നേഹിച്ചിരുന്നു, കല്യാണം കഴിച്ച് ജീവിത കാലം മൊത്തം എന്റെ പെണ്ണായി കൂടെ കൂട്ടണമെന്ന് ആഗ്രഹിച്ചിരുന്നു…… ഈ ചുരുങ്ങിയ സമയം കൊണ്ട് അവൾ എന്റെ മനസിനെ വല്ലാതെ കീഴ്പ്പെടുത്തിയിരുന്നു…. പക്ഷെ അവൾ എന്നെ ചതിച്ചു എന്ന് കേട്ടാൽ എനിക്ക് ഇത്ര വിഷമം ഉണ്ടാവുമായിരുന്നില്ല

പക്ഷെ ഹരി…… അവൻ……… അങ്ങനെ ചിന്തിക്കാൻ പോലും കഴിയുന്നില്ല…. ഏയ് അവന് എന്നെ ചതിക്കാൻ കഴിയില്ല… എനിക്ക് ശ്രീക്കുട്ടിയെ ഇഷ്ടം ആണ് എന്ന് അറിഞ്ഞപ്പോൾ ഏറ്റവും സന്തോഷിച്ചിരുന്നത് അവനാണ്…. ഏയ് ഇത് എന്തോ തെറ്റിദ്ധാരണ ആയിരിക്കും….. പക്ഷെ അവന്റെ ഫോൺ സ്വിച്ച് ഓഫ് ആണ്……….

ഞാൻ വിഷ്ണുവിന്റെ കോൾ കട്ട്‌ ചെയ്തിട്ട് ശ്രീക്കുട്ടിയെ വിളിച്ചു നോക്കി……. റിങ് ചെയ്യുന്നുണ്ട് പക്ഷെ എടുക്കുന്നില്ല.. ഒരു നാലഞ്ച് പ്രാവശ്യം വിളിച്ചിട്ടും എടുത്തില്ല……

പെട്ടെന്ന് ഫോൺ റിങ് ചെയ്തു…. നോക്കുമ്പോൾ വിഷ്ണു തന്നെ ആയിരുന്നു…..

“നീ എന്താ ഫോൺ കട്ട്‌ ചെയ്തത്?? നീ എന്ത് ചെയ്യാ?? ടോണി…. നീ എന്താ ഒന്നും മിണ്ടാതെ??” ഫോൺ എടുത്തതും വിഷ്ണുവിന്റെ ഭയത്തോടെ ഉള്ള സ്വരം

“ഹേയ് നീ പേടിക്കണ്ട……. ഞാൻ ഒന്നും ചെയ്യാൻ പോവുന്നില്ല…. എനിക്ക് സത്യം അറിയണം…… നീ പറഞ്ഞത് സത്യമാണെങ്കിൽ അവൻ എന്തിന് ഇങ്ങനെ ഒക്കെ ചെയ്തു എന്ന് അറിയണം……നീ ഫോൺ വച്ചോ എനിക്ക് ഒന്ന് സ്വസ്ഥമായി ഇരിക്കണം…… നാളെ സംസാരിക്കാം” എന്നും പറഞ്ഞ് ഞാൻ ഫോൺ വെച്ചു, ഫോൺ കട്ട്‌ ചെയ്ത് അല്പസമയം കഴിഞ്ഞതും ഫോൺ വീണ്ടും അടിയാൻ തുടങ്ങി….. നോക്കുമ്പോൾ ശ്രീക്കുട്ടി……

“ഹലോ…..”

“ആഹ് ശ്രീ എനിക്ക് നിന്നോട് കുറച്ച് സംസാരിക്കണം”

“ഇച്ചായാ……. ഇങ്ങോട്ട് വരുമോ??”

“വീട്ടിലേക്കോ??”

“മ്മ….. ഞാൻ വാതിൽ തുറന്ന് വെക്കാം…… വരണം ട്ടോ…… നേരിട്ട് സംസാരിക്കാം” അതും പറഞ്ഞ് അവൾ ഫോൺ കട്ട്‌ ചെയ്തു…… എന്തിന് ആയിരിക്കും അവൾ നേരിട്ട് കാണാമെന്നു പറഞ്ഞത്?? എന്തായിരിക്കും അവൾക്ക് പറയാൻ ഉള്ളത്?? ഒന്നും മനസിലാക്കാൻ പറ്റാത്ത ഒരു അവസ്ഥയായിരുന്നു….. ഹരി അവന് എന്നെ ചതിക്കേണ്ട ആവശ്യമില്ല…… പക്ഷെ വിഷ്ണു, അവൻ വെറുതെ അങ്ങനെ ഒന്നും പറയാറില്ല……. എന്തായാലും പോവാം…… അവൾ പറയുന്നതും കൂടി കേട്ട് നോക്കാം….

ഞാൻ വീട്ടിൽ നിന്നും ഇറങ്ങി നടന്നു, കേട്ടത് ഒന്നും സത്യം ആവരുതേ എന്ന് മാത്രം ആയിരുന്നു മനസ്സിൽ, ആകെ തളർന്നിരുന്നു….. ശരീരം തളരുന്നത് പോലെ തോന്നി……. എങ്ങനെയോ നടന്ന് അവിടെ വരെ എത്തി

ആരും കാണുന്നില്ലെന്ന് ഉറപ്പ് വരുത്തി മതിൽ ചാടി…. പിന്നിൽ പോയി കോണി എടുത്ത് വന്നു ബാൽക്കണിയിലേക്ക് കയറി…… പറഞ്ഞ പോലെ തന്നെ വാതിൽ തുറന്നിട്ടിട്ടുണ്ട്…… വാതിൽ തുറന്ന് അകത്തു കയറിയതും പുറത്ത് ഒച്ചയും ബഹളവും കേൾക്കാൻ തുടങ്ങി…… താഴെ കോളിംഗ് ബെൽ അടിയുന്ന ശബ്ദവും കേട്ടു…… സംഭവം പണിയാണെന്ന് മനസിലായി…..

എന്ത് ചെയ്യണമെന്ന് അറിയാതെ പതറി നിൽക്കുമ്പോഴാണ് റൂമിൽ ലൈറ്റ് കത്തിയത്……. ഒരു നിമിഷം എന്റെ മുനിൽ നിന്ന ആളെ കണ്ട് ഞാൻ ഞെട്ടി തരിച്ചു പോയി…. അത് ശ്രീക്കുട്ടി ആയിരുന്നില്ല…… അതി സുന്ദരിയായ ഒരു സ്ത്രീ…. അന്ന് ശ്രീക്കുട്ടിയെ ആദ്യമായി കണ്ടപ്പോൾ നിന്നത് പോലെ തന്നെ ഞാൻ അനങ്ങാൻ കഴിയാതെ നിന്നുപോയി…..

പക്ഷെ അധികം നേരം ആ സൗന്ദര്യത്തിൽ മയങ്ങി നിൽക്കാൻ എനിക്ക് സാധിച്ചില്ല, ലൈറ്റ് ഇട്ടതും എന്നെ കണ്ട് ആ പെണ്ണ് നിലവിളിച്ചു കൊണ്ട് വാതില് തുറക്കാൻ വേണ്ടി ഓടി, പക്ഷെ അവൾ അത് തുറക്കുന്നതിന് മുന്നെ പുറത്ത് നിന്ന് വാതിൽ തുറക്കപ്പെട്ടു, എനിക്ക് അനങ്ങാൻ പോലും ഉള്ള സമയം കിട്ടിയില്ല…..

വാതിൽ തുറന്ന് അകത്തേക്ക് കയറി വന്നവർ നേരെ വന്ന് എന്നെ തല്ലാൻ തുടങ്ങി, അവർ ഒരു അഞ്ച് ആറു പേര് ഉണ്ടായിരുന്നു, എനിക്ക് ഒന്നും ചെയ്യാൻ സാധിച്ചില്ല…. തലങ്ങും വിലങ്ങും നിന്ന് അടിയായിരുന്നു പെട്ടെന്ന് റൂമിലേക്ക് കയറി വന്ന ഒരു സ്ത്രീ ആ പെണ്ണിനേയും തല്ലുന്നുണ്ട്……. ഒന്നും പറയാനുള്ള ഗ്യാപും തരുന്നില്ല…… ##############

“ചേട്ടാ തീപ്പെട്ടി ഉണ്ടോ??” ആ ചോദ്യം കേട്ടാണ് ഞാൻ സ്വപ്നത്തിൽ നിന്ന് ഉണർന്നത്…

“ആ ഇതാ…” എന്റെ കയ്യിൽ ഉണ്ടായിരുന്ന ലൈറ്റർ ഞാൻ ആ പയ്യന് കൊടുത്തു….. ഞാൻ വലിച്ചു കൊണ്ടിരുന്ന സിഗരറ്റ് ഒക്കെ കത്തി കഴിഞ്ഞിരുന്നു……

എന്തൊക്കെ ആണ് ഇന്നലെ ഒരു രാത്രി കൊണ്ട് എന്റെ ജീവിതത്തിൽ സംഭവിച്ചത്…. ഈ ഇരുപത്തിമൂന്നാമത്തെ വയസ്സിൽ ഞാൻ വിവാഹം കഴിച്ചിരിക്കുന്നു…… അല്ല കാര്യം എന്താണെന്ന് പോലും ചോദിക്കാതെ നാട്ടുകാരും വീട്ടുകാരും കൂടെ ഏതോ ഒരുത്തിയെ എന്റെ തലയിൽ കെട്ടി വച്ചിരിക്കുന്നു….. ഏതോ ഒരുത്തി അല്ല….. എന്നെ ചതിച്ച ആ നശിച്ചവളുടെ ചേച്ചിയെ…..

“ഇതാ ചേട്ടാ……താങ്ക്സ്” ആ ലൈറ്ററും പോക്കറ്റിൽ ഇട്ട് ഞാൻ തിരിച്ച് രജിസ്റ്റർ ഓഫീസിലേക്ക് നടന്നു….

സത്യം എന്താണെന്ന് അവളുടെ വായിൽ നിന്ന് കേൾക്കാൻ വേണ്ടി ആണ് ഞാൻ ഇന്നലെ രാത്രി അവളുടെ വീട്ടിലേക്ക് പോയത്, പക്ഷെ ആ കയറി വന്ന ചെറ്റകൾ എന്നെ തല്ലുന്നത് നോക്കി കൊണ്ട് അവൾ ഒരു ചിരി ചിരിക്കുന്നത് ഞാൻ കണ്ടതാണ്…..ആ ചിരിയിൽ ഉണ്ടായിരുന്നു എനിക്കുള്ള ഉത്തരം പക്ഷെ ഇത് അവളുടെ സ്വന്തം ചേച്ചിയല്ലേ…… ചേച്ചിയെ രക്ഷിക്കാൻ ഒന്ന് ശ്രമിക്കുക പോലും ചെയ്യാതെ അവൾ ഒരക്ഷരം മിണ്ടാതെ നിന്നത് എന്താ….

“ഹാ നീ എവിടെ പോയി കിടക്കുകയായിരുന്നു………. എന്താണ് പ്ലാൻ, ഇവിടെ ഇങ്ങനെ ഇരിക്കാതെ എന്തെങ്കിലും ചെയ്യണ്ടേ” ഞാൻ തിരിച്ച് എത്തിയതും വിഷ്ണു ചോദിച്ചു….. അപ്പുറത്ത് ആ പെണ്ണും ഇരിപ്പുണ്ട്…. കരച്ചിൽ ഒന്ന് അടങ്ങിയിട്ടുണ്ട്… ഇന്നലെ രാത്രി കണ്ടത് തൊട്ട് കരയാൻ തുടങ്ങിയതാണ്……….

“എന്ത് പ്ലാൻ…… വീട്ടിലേക്ക് ഇനി എന്തായാലും ഇല്ല…. ഞാൻ ചെന്നൈയിലേക്ക് പോവാ….. നമ്മുടെ മുസ്തഫ അവിടെ അല്ലേ…..”

“അപ്പൊ യാമിനി??”

“യാമിനിയോ??” അവൻ എന്താണ് ഉദ്ദേശിച്ചത് എന്ന് മനസിലാവാതെ സംശയ രൂപത്തിൽ ഞാൻ ചോദിച്ചു….

“ഡാ…….” അവൻ എന്നെ നോക്കി അവളെ കണ്ണ് കൊണ്ട് കാണിച്ചു

“ഓ….. അതോ…… അത് നമ്മൾ എന്തിനാ അറിയുന്നത്….. അവൾ എവിടെയെങ്കിലും പോവട്ടെ…..”

“ഉഫ്….. നീ ഒന്ന് ഇങ്ങോട്ട് വന്നേ…..” എന്നെ പിടിച്ച് വലിച്ചു കൊണ്ട് അവൻ കുറച്ച് അപ്പുറത്തേക്ക് നടന്നു….

“ഹാ നീ കാര്യം പറയെടാ….” അവന്റെ കൈ തട്ടി മാറ്റി കൊണ്ട് ഞാൻ പറഞ്ഞു

“ഡാ……അത് അങ്ങനെ ഒഴിവാക്കാൻ പറ്റില്ല…… നീ കല്യാണം കഴിച്ച പെണ്ണാണ്”

“എല്ലാവരും കൂടെ എന്റെ തലയിൽ കെട്ടി വച്ചതല്ലേ…..”

“അത് എന്തോ ആവട്ടെ…. പക്ഷെ നീ ഒന്ന് അവളുടെ ഭാഗത്ത്‌ നിന്ന് ചിന്തിച്ചു നോക്ക്…… രാത്രി സ്വന്തം വീട്ടിൽ കിടന്ന് ഉറങ്ങുമ്പോൾ എന്തോ ഒച്ച കേട്ട് ഉണരുന്നു…… പെട്ടെന്ന് ഏതോ ഒരാളെ റൂമിൽ കാണുന്നു, കാര്യം എന്താണെന്ന് മനസിലാവുന്നതിന് മുന്നെ ആളുകൾ കൂടുന്നു….. ആരാണെന്ന് പോലും അറിയാത്ത ആ ആളെ കല്യാണം കഴിക്കേണ്ട വരുന്നു…… ഹോ പാവം……”

“എന്ത് പാവം…..ആ മറ്റവളുടെ ചേച്ചിയല്ലേ….. ചിലപ്പോൾ അതിലും വല്യ വിഷമായിരിക്കും….. ഒന്നിനെയും വിശ്വസിക്കാൻ കൊള്ളില്ല…”

“ഏയ് അതൊരു പാവമാണ് ഡാ….. ഞാൻ ഇത്ര നേരം

സംസാരിക്കുകയായിരുന്നു….. ഏകദേശം കാര്യങ്ങൾ ഒക്കെ പറഞ്ഞു സമാധാനിപ്പിച്ചതാണ്…. ഹോ….. എന്നാലും വല്ലാത്ത ഒരു തള്ളയും പെങ്ങളും തന്നെ…… വെറുതെ അല്ല തന്ത ഗൾഫിൽ പോയി കിടക്കുന്നത്….. ആ പാവത്തിന് പറയാനുള്ളത് പോലും കേട്ടില്ല ലേ”

“ഓ….. അത്ര വിഷമം ആണെങ്കിൽ നീ നിന്റെ വീട്ടിലേക്ക് കൊണ്ട് പൊയ്ക്കോ……. അല്ല പിന്നെ……. അവൾക്ക് കിട്ടിയതിന്റെ പത്ത് ഇരട്ടി തല്ല് ഇവിടെ ബാക്കിയുള്ളവൻ വാങ്ങി കൂട്ടിയിട്ടുണ്ട്……..”

“കിട്ടിയ തല്ലിന്റെ കണക്ക് പറഞ്ഞു ഇരുന്നിട്ട് ഇനി കാര്യമില്ല, ഇങ്ങനെ ഒക്കെ സംഭവിച്ചു പോയി…. ഇനി എന്ത് ചെയ്യാമെന്ന് നോക്ക്…….. ഞാൻ നോക്കിയിട്ട് ഒരു വഴിയെ ഉള്ളു, നിങ്ങൾ എന്റെ വീട്ടിലേക്ക് പോര്….”

“ഏയ് അതൊന്നും ശരിയാവില്ല….. അവളോട് ഏതെങ്കിലും കൂട്ടുകാരുടെയോ കുടുംബക്കാരുടെയോ അടുത്ത് പോവാൻ പറ….. അല്ലെങ്കിൽ അവളുടെ വീട്ടിലേക്ക് തന്നെ ചെല്ലാൻ പറ….. അവളുടെ അനിയത്തിക്ക് എല്ലാം അറിയാല്ലോ……..”

“ഏയ് അതൊന്നും നടക്കില്ല….. ഞാൻ ചോദിച്ചപ്പോൾ വീട്ടിലേക്ക് പോവില്ലെന്ന് പറഞ്ഞു….”

“വീട്ടിലേക്ക് പോവില്ലെങ്കിൽ വേറെ എവിടെയെങ്കിലും പോവട്ടെ നാശം…..”

“ഹാ…… നീ ഒന്ന് അടങ്ങു ടോണി…….. ഒന്ന് ചിന്തിച്ചു നോക്ക്, നീ രാത്രി ആ വീട്ടിൽ കയറി എന്ന തെറ്റെങ്കിലും ചെയ്തിട്ടുണ്ട്….. പക്ഷെ ആ പെണ്ണ് ഒരു തെറ്റും ചെയ്യാതെ ആണ് ഇങ്ങനെ പെരുവഴിയിൽ ഇരിക്കുന്നത്……..”

“അതിന്….. നീ എന്താ പറഞ്ഞു വരുന്നത്…… ഞാൻ ഇവളെ എന്റെ ഭാര്യയായി ജീവിത കാലം മൊത്തം കൂടെ പൊറുപ്പിക്കണോ……ഇവളെ മുഖം കാണുമ്പോൾ തന്നെ എനിക്ക് ആ ശവത്തിനെ ആണ് ഓർമ്മ വരുന്നത്”

“ജീവിത കാലം മൊത്തം ഒരുമിച്ച് ജീവിക്കണമെന്ന് ഞാൻ പറയില്ല, പക്ഷെ തത്കാലം ഒരു തീരുമാനം ആവുന്ന വരെ അതിനെ കൂടെ കൂട്ട് ഡാ……. വേറെ പോവാൻ അതിന് വേറെ സ്ഥലം ഒന്നും ഉണ്ടെന്ന് തോന്നുന്നില്ല……. പിന്നെ അവൾ വല്ല മണ്ടത്തരം കാണിച്ച നീ തൂങ്ങും….. ആലോചിച്ചു നോക്ക്…..”

“കർത്താവെ……ഇത് വല്ലാത്ത തലവേദന ആയല്ലോ…..”

“സ്വയം വരുത്തി വച്ചതല്ലേ….. ഇത്രയും ചെയ്തിട്ടും അവൾ വിളിച്ചപ്പോൾ ചാടി തുള്ളി പോവേണ്ട വല്ല ആവശ്യം ഉണ്ടായിരുന്നോ….”

“ദേ……..നീ…….

🎶അയ്യയ്യോ അയ്യയ്യോ കഷ്ടപ്പാടിന് കൂത്ത് കണ്ണിലോ കണ്ണീരിൻ പെരുമാരി അയ്യയ്യോ അയ്യയ്യോ കഷ്ടപ്പാടിന് കൂത്ത് കണ്ണിലോ കണ്ണീരിൻ പെരുമാരി എന്താണെടോ ഏതാണെടോ എങ്ങാണെടോ ഒരു കച്ചി തുരുമ്പ് വീണ്ടും വീണ്ടും ഒരു ശാപ ശകുന പിഴയായ് ഞാൻ ഈ നാട്ടിൽ വീട്ടിൽ പുഴുവായി ഇഴയുന്നേ🎶

“ഒന്ന് എടുക്കെടാ…… ഒടുക്കത്തെ റിങ് ടോൺ” ഫോൺ എടുക്കാതെ നോക്കി നില്കുന്നത് കണ്ട് എനിക്ക് ശരിക്കും ഭ്രാന്ത്‌ പിടിക്കുന്നുണ്ട്, മറ്റേടത്തെ ഒരു റിങ്ടോണും

“ആ നീ തന്നെ എടുത്തോ…. നിന്റെ അമ്മച്ചിയാണ്…” എന്നും പറഞ്ഞ് വിഷ്ണു ഫോൺ എനിക്ക് നേരെ നീട്ടി…. കർത്താവെ മേരി……എന്ത്‌ പറയും

“ഹെലോ….”

“മോനു………..” ഫോൺ എടുത്തതും എന്റെ ശബ്ദം കേട്ട് മേരി കരയാൻ തുടങ്ങി…

“കരയല്ലേ മേരി…..”

“മോനു…. എന്താടാ….. എന്താ പറ്റിയത്…… അപ്പൻ നിന്നെ ഇനി ഒരിക്കലും വീട്ടിലേക്ക് കയറ്റില്ല എന്നൊക്കെ പറയുന്നുണ്ട്…….. എന്തിനാ മോനു അങ്ങനെ ഒക്കെ ചെയ്യാൻ പോയത്…..മോനുന് അങ്ങനെ ഒരു ഇഷ്ടം ഉണ്ടായിരുന്നെങ്കിൽ എന്നോട് പറയായിരുന്നില്ലേ….. ഞാൻ എങ്ങനെയെങ്കിലും അപ്പന്റെ കാല് പിടിച്ചു സമ്മതിച്ച് നിങ്ങളുടെ കല്യാണം നടത്തി തരില്ലേ”

“അതല്ല…….മേരി……..ഞാൻ…..”

“ ഒന്നും പറയണ്ട….. നിങ്ങൾ ഇങ്ങോട്ട് പോര്, അപ്പനെ ഞാൻ പറഞ്ഞു സമ്മതിപ്പിക്കാ…”

“ഏയ് അത് വേണ്ട മേരി….. അപ്പൻ പറഞ്ഞതിൽ കാര്യമുണ്ട്, ഞാൻ ഇപ്പൊ അവിടെ വന്ന ശരിയാവില്ല….”

“അപ്പൊ നിങ്ങൾ എങ്ങോട്ട് പോവും”

“അത്…… അറിയില്ല……. നോക്കുന്നുണ്ട്..”

“എങ്കിൽ മോനു ഒരു കാര്യം ചെയ്യ്…..ടൗണിൽ നമ്മളെ ബിൽഡിംഗിന്റെ മുകളിലെ മുറിയിൽ നിന്നോ…… അവിടെ വന്ന് നിങ്ങളെ ആരും പുറത്താക്കില്ല….. കേട്ടോ…”

“മ്മ……..”

“മോളുണ്ടോ അടുത്ത്??”

“ഇല്ല മേരി….. ഞാൻ വിഷ്ണൂന്റെ കൂടെ ആണ്….”

“മ്മ….എങ്കിൽ ശരി…. അമ്മച്ചി പിന്നെ വിളിക്കാ ട്ടോ…… പിന്നെ മോനു…”

“മ്മ”

“പൈസയുണ്ടോ കയ്യിൽ??”

“മ്മ ഉണ്ട്”

“മ്മ…..ആ കൊച്ചിനെ പൊന്നു പോലെ നോക്കണേ മോനു….. അപ്പൻ അറിയാതെ അമ്മച്ചി വരാ നിങ്ങളെ കാണാൻ….”

“മ്മ ശരി….”

“എന്താടാ……. എന്താ അമ്മച്ചി പറയുന്നത്??”

“ആ അത് എന്തായാലും നന്നായി….”

“പിന്നെ….. നമ്മുടെ പി.ബിയിൽ നിൽക്കാനാണ് മേരി പറഞ്ഞത്….” പി.ബി എന്ന് പറയുന്നത് ടൗണിൽ മേരിയുടെ പേരിലുള്ള ബിൽഡിംഗിന്റെ ടെറസിൽ ഒരു റൂമുണ്ട്, അതിന് ഞങ്ങൾ ഇട്ട പേരാണ്…… റൂം എന്ന് വെച്ച ഒരു നീളമുള്ള ഹാൾ, അതിൽ പാർട്ടീഷൻ അടിച്ച് ഒരു കുഞ്ഞ് അടുക്കള, പിന്നെ ഒരു ടോയ്‌ലറ്റും….. ഹാളിൽ ഒരു കട്ടിലും ഉണ്ട്…….

“ഓ അങ്ങനെ ഒരു സംഭവം ഉണ്ടായിരുന്നു ലേ….. ഞാൻ അത് മറന്ന് പോയി….. അത് മതി…… വേറെ എങ്ങോട്ടും പോവണ്ട…..”

“ഹ്മ്മ്……. പക്ഷെ ആ സാധനത്തിന്റെ കൂടെ….. ആലോചിക്കാൻ തന്നെ കഴിയുന്നില്ല”

“അതിന് നീ അവളെ ഭാര്യയായി കാണണ്ട, നിങ്ങൾ ഒരുമിച്ച് ഒരു റൂമിൽ താമസിക്കുന്ന രണ്ട് അപരിചിതർ……… അങ്ങനെ കരുതിയ മതി…..”

“ഹ്മ്മ്….. അപരിചിതർ…….. ഒരു റൂമിൽ……. ഒന്ന് പോടോ…..”

“ഓ….. ഞാൻ ഉദ്ദേശിച്ചത് നിനക്ക് മനസ്സിലായില്ലേ……. അത് മതി……”

“മ്മ ഓക്കേ….. വാ”

“അല്ല….. മോൻ ഒന്ന് അവിടെ നിന്നെ…..” തിരിച്ച് നടക്കാൻ തുടങ്ങിയ എന്നെ വിഷ്ണു പിടിച്ചു നിർത്തി

“എന്താ??” ഞാൻ സംശയത്തോടെ അവനെ നോക്കി

“നിനക്ക് അവളുടെ പേര് പോലും അറിയില്ലേ പൊട്ടാ…..”

“ഓ പിന്നെ….. പെണ്ണ് കാണൽ കഴിഞ്ഞ് പള്ളിയിൽ വച്ച് മനസമ്മതവും കഴിഞ്ഞിട്ട് ആണല്ലോ ഇന്ന് കെട്ടിയത്….” ഞാൻ ഒരു ഒഴുക്കൻ മട്ടിൽ പറഞ്ഞു

“എങ്കിൽ കേട്ടോ……. നിന്റെ കെട്ട്യോളുടെ പേര് യാമിനി, വയസ്സ് 28….. ഇത്രയും അറിവേ എനിക്കും ഉള്ളു….. വീടും വീട്ടുകാരെയും നിനക്ക് അറിയാല്ലോ…… ഹ…….ഹ…..ഹ…….”

“ദേ മൈരേ…… ഒരു മാതിരി അവസ്ഥയിൽ നിൽക്കുമ്പോഴാണ് അവന്റെ കൊണച്ച കോമഡി….”

“സോറി മുത്തേ….. വാ പോവാ….”

“നീ ഒരു കാര്യം ചെയ്യ്…… അവളെ കൂട്ടി പി.ബിയിലേക്ക് വിട്ടോ……. ഞാൻ അങ്ങോട്ട് വരാ”

“നീ എവിടെ പോവാ??”

“എനിക്ക് കുറച്ച് പണിയുണ്ട്…… നീ ചെല്ല് ഞാൻ എത്തിക്കൊള്ളാം”

“ഹാ കാര്യം പറയെടാ….. ഞാനും വരാ…”

“ഏയ് വേണ്ട….. നീ അവളെ കൂട്ടി പൊയ്ക്കോ……അവിടെ ആകെ വൃത്തികേട് ആയി കിടക്കുകയായിരിക്കും…. ഞാൻ വരുമ്പോഴേക്കും മോൻ അതൊക്കെ വൃത്തിയാക്കി വെക്ക്….”

“ഡാ….. നീ…….”

“ഹാ നീ പേടിക്കണ്ട……. ഞാൻ പ്രശ്നത്തിന് ഒന്നും പോവില്ല….. വേഗം വരാ”

“മ്മ ശരി…..”

“ഓക്കേ…….”

അതും പറഞ്ഞ് ഞാൻ തിരിഞ്ഞു നടന്നു…… പേഴ്സിൽ അധികം പൈസ ബാക്കിയില്ല….. മാല വിക്കണം….. അത് അവനോട് പറഞ്ഞ സമ്മതിക്കില്ല….. നേരെ ടൗണിലുള്ള സ്വർണ്ണ കടയിൽ പോയി അതിന്റെ കാര്യത്തിൽ ഒരു തീരുമാനം ആക്കി…… മൂന്നാൾക്കുള്ള ഭക്ഷണവും പാർസൽ വാങ്ങി ബീവറേജിൽ പോയി ഒരു ഫുള്ളും വാങ്ങിയിട്ടാണ് ഞാൻ പി.ബിയിലേക്ക് പോയത്, ഇന്ന് അടിച്ച് ബോധം പോയില്ലെങ്കിൽ ശരിയാവില്ല…..

“ഓ ഇത് ആയിരുന്നോ നിന്റെ അത്യാവശ്യം…..” കുപ്പിയും പിടിച്ച് ചെന്ന എന്നെ കണ്ട് വിഷ്ണു ചോദിച്ചു…. ഞാൻ ഒരു വോൾടേജ് കുറഞ്ഞ ചിരി സമ്മാനിച്ചു…… അവൾ ഒരു മൂലയിൽ തലയും കുനിച്ച് ഇരിപ്പുണ്ട്…

“അല്ല….. നിന്റെ മാല എവിടെ??” ഇവൻ ഇതെങ്ങനെ ഇത്ര പെട്ടെന്ന് കണ്ട് പിടിച്ചു

“അത് ഞാൻ……പിന്നെ……..”

“വിറ്റോ അതോ പണയം വച്ചോ??”

“വിറ്റു……”

“കള്ള മൈ………. ഡിയർ കൂട്ടുകാരാ……. എന്ന് തൊട്ടാണ് നിനക്ക് ഈ കോംപ്ലക്സ് ഒക്കെ തുടങ്ങിയത്……ഞാൻ ഇപ്പോ ഒരു ജോലിക്ക് ഒക്കെ പോവുന്നുണ്ട്, അത്യാവശ്യം പൈസയൊക്കെ കിട്ടുന്നുണ്ട്…… നിനക്ക് ഒരു ആവശ്യം വന്ന ഇപ്പോ സഹായിക്കാൻ എന്നെ കൊണ്ടും പറ്റും……. അത് എന്നോട് പറയാൻ നീ എന്തിനാ മടിക്കുന്നത്…… നിനക്ക് ഓർമ്മയുണ്ടോ ന്ന് അറിയില്ല……. പണ്ട് എന്റെ അച്ഛന് വയ്യാതെ ആയ സമയത്ത് വീട്ടിൽ ചോറ് വെക്കാൻ പോലും കഴിയാത്ത അവസ്ഥയായിരുന്നു, അന്ന് വിശപ്പ് സഹിച്ച് നിൽക്കാതെ ഞാൻ ഓടി നിന്റെ വീട്ടിലേക്ക് വരും…..അപ്പൊ നിന്റെ അമ്മച്ചി വയറ് നിറച്ചു ഭക്ഷണവും തരും…… പക്ഷെ അന്ന് എന്നോട് ഒരു വാക്ക് പോലും പറയാതെ എന്റെ വീട്ടിലേക്കുള്ള എല്ലാം…….. എല്ലാ സഹായവും ചെയ്തിരുന്നത് നീയാണ്……. ആ നിനക്ക് ഒരു ആവശ്യം വന്നപ്പോൾ എന്നോട് പറയാൻ മടി…… അവൻ ചതിച്ചിട്ട് പോയത് കൊണ്ട് എന്നെയും അകറ്റുകയാണോ………….”

ഞാൻ മുകളിൽ കയറി കുപ്പി ഒക്കെ വച്ച് സെറ്റായി ഇരുന്നു…

“നീ മുഴുവൻ ഫുഡും അവൾക്ക് കൊടുത്തോ??” ഗ്ലാസും വെള്ളവും മാത്രം എടുത്ത് വന്ന വിഷ്ണുവിനോട് ഞാൻ ചോദിച്ചു……

“അയ്യോ….. ടച്ചിങ്‌സ് ലേ…… മറന്ന് പോയി…. എടുത്തിട്ട് വരാ”

“വേണ്ട…… നീ ഇരിക്ക്….. രണ്ട് പെഗ്ഗ് ഇങ്ങനെ അടിക്കാ…..”

“മ്മ….. ഓക്കേ ഓക്കേ….”

വിഷ്ണുവും ഇരുന്നു….. ഞങ്ങൾ ഓരോന്നും പറഞ്ഞ് അടി തുടങ്ങി…. എന്ത്‌ മറക്കണം എന്ന് കരുതിയോ അത് തന്നെ ആയിരുന്നു ഞങ്ങടെ സംസാര വിഷയം……..”ഹരി”……… അവൻ എന്തിന് ഇങ്ങനെ ഒക്കെ ചെയ്തു….. ഞങ്ങൾ ചിന്തിച്ചിട്ട് ഒരു കാരണവും കിട്ടുന്നില്ല……

“ഡ……. ഞാൻ പോയി ഫുഡ്‌ എടുത്തിട്ട് വരാം…… ടച്ചിങ്‌സ് ഇല്ലാതെ ഇറങ്ങുന്നില്ല” രണ്ട് പെഗ്ഗ് കഴിഞ്ഞപ്പോൾ അതും പറഞ്ഞ് വിഷ്ണു താഴേക്ക് ഇറങ്ങി പോയി…. എനിക്ക് പിന്നെ രണ്ട് പെഗ്ഗ് കഴിഞ്ഞ പിന്നെ എന്ത് വിഷവും പോവും….. ഇപ്പോഴത്തെ അവസ്ഥ വച്ച് ആദ്യത്തെ പെഗ്ഗ് തൊട്ട് സീൻ ഇല്ല…. എന്തും അകത്താക്കാം എന്ന അവസ്ഥയിലാണ്…. വിഷ്ണു താഴേക്ക് പോയതും ഞാൻ പോക്കറ്റിൽ നിന്ന് ഒരു സിഗരറ്റ് എടുത്ത് കത്തിച്ചു……

“ഡാ……. ടോണി……..ഓടി വാടാ…………………” താഴെ നിന്ന് വിഷ്ണുവിന്റെ നിലവിളി കേട്ടതും നെഞ്ച് ഒന്ന് പിടച്ചു……. എന്തോ പണിയാണ്….

ഓടി പിടിച്ച് ചെന്ന് നോക്കുമ്പോൾ കാണുന്നത് നിലത്ത് വീണു കിടക്കുന്ന യാമിനിയെ ആണ്……. ചുറ്റും ചോരയും…….. ചോര കണ്ടതും എനിക്ക് തല കറങ്ങുന്ന പോലെ തോന്നി…..

“ഹാ…. നോക്കി നിൽക്കാതെ പിടിക്കെടാ…… ഹോസ്പിറ്റലിൽ കൊണ്ടു പോവാ…..കൈ മുറിച്ചതാണ്…..” വിഷ്ണുവിന്റെ ശബ്ദം ആണ് എന്നെ സ്വബോധത്തിലേക്ക് കൊണ്ടുവന്നത്…… പിന്നെ അവളെയും തൂക്കി എടുത്ത് ഒരു ഓട്ടം ആയിരുന്നു………….

തുടരും🙏

അഭിപ്രായങ്ങൾ പ്രതീക്ഷിക്കുന്നു, തുടർന്നെഴുതാൻ ഏറ്റവും പ്രധാനം നിങ്ങളുടെ അഭിപ്രായങ്ങൾ തന്നെ ആണ്

സ്നേഹപൂർവ്വം

Hyder  Marakkar🖤