💞എന്റെ കൃഷ്ണ 06 💞

“ഇതെവിടെയ ഏട്ടാ….”

ഫോൺ എടുത്തതും ചെറിയൊരു പിണക്കത്തോടെ കിച്ചു ചോദിച്ചു…

എന്താടി……എന്താ കാര്യം….

മനസ്സിലെ സങ്കടം കൊണ്ടാവും, ഇത്തിരി ദേഷ്യപ്പെട്ടുകൊണ്ടാണ് ഞാൻ ചോദിച്ചത്…….

പിന്നെ  കിച്ചുവിന്റെ മറുപടി ഒന്നും കേൾക്കുന്നില്ല ….

ശേ വേണ്ടായിരുന്നു….

ഹലോ … കിച്ചുവേ…..

മ്മ്മ്….വിളിച്ചത് ഇഷ്ട്ടായില്ലേ ഏട്ടാ…

അവൾക്ക് വിഷമായെന്ന്   സംസാരത്തിൽ അറിയാം……

കിചൂസ്സേ……..

മ്മ്മ്…..ഏട്ടാ….

ഞാൻ ഓരോന്ന് ആലോചിച്ചു ഇരുന്നപ്പോ…. അതോണ്ടാ പെട്ടെന്ന് അങ്ങനെ….. സോറി കിച്ചുവേ ……….

എനിക്ക് സോറിയൊന്നും വേണ്ട…..

അവളുടെ മറുപടി കേട്ടപ്പോ  സമാധാനം…… കിച്ചു  പിണങ്ങിയിട്ടില്ല….😊

പിന്നെന്താ വേണ്ടേ… ഒരുമ്മ തരട്ടെ 😙

ഹിഹി….പോ അച്ചേട്ടാ……

എവിടെയാ ഇപ്പോ….

റോഡിലുണ്ട് കിചൂസ്സേ ….

അല്ല, ഞാൻ പുറത്തേക്ക് ഇറങ്ങിയത്

അച്ഛൻ കണ്ടതാണല്ലോ  … അച്ഛൻ പറഞ്ഞില്ലേ……

ഇല്ല ഏട്ടാ…. അമ്മയും ഞാനും വന്നപ്പോ ഇവിടെ ആരൂല്ല… ഞാൻ അമ്മയ്ക്ക് കൂട്ടിരിക്കാ…

കളിക്കാതെ വേഗം വരാൻ നോക്ക്യേ……

മ്മ്മ്… വരാമെന്ന് മൂളികൊണ്ട് ഞാൻ ഫോൺ കട്ടാക്കി….. അച്ഛൻ ഇതെവിടെക്കാ പോയെ എന്നാലോചിച്ചു താഴേക്കിറങ്ങിയതും വണ്ടിയിൽ ചാരി എന്നെയും കാത്ത്നിൽക്കുന്ന അച്ഛനെയാണ് കണ്ടത്…….

‘ഏഹ് അച്ഛനെന്താ ഇവിടെ നിക്കുന്നെ…’

ഒന്നുല്ലടാ… നീ ഇവിടെ കാണുമെന്ന്  തോന്നി….

ആഹ് നീ വന്നേ… വീട്ടിലേക്ക് നടക്ക്…അത്പറഞ്ഞ്   അച്ഛൻ എന്റെ  തോളിൽ കൈയിട്ടുകൊണ്ട് നടന്നു….

അച്ഛൻ കുറെ നേരമായോ വന്നിട്ട്…?

ആഹ്…. നീ ഇറങ്ങിയതിനു പിന്നാലെ ഞാനും നടന്നു…. നിന്റെ ഉളള് വിഷമിച്ച  എനിക്ക് മനസ്സിലാകും..

എന്താടാ ഇത്, കൊച്ചുപിളേളരെ പോലെ…..

ഏയ്യ്, ഞാൻ വെറുതെ വന്നു കിടന്നതാ…. അല്ലാതെ….

മ്മ്മ്….ഡാ, കൃഷ്ണമോളുടെ കാര്യത്തിൽ ഞാനൊരു സംശയം പറഞ്ഞെന്നല്ലേ ഉളളു….

നീ വിഷമിക്കണ്ട….

മുത്തശ്ശനോട്‌ അച്ഛൻ സംസാരിച്ചോളാം… വെറുതെ സംസാരിക്കാൻ അല്ല… സമ്മതിപ്പിക്കാൻ വേണ്ടി….എന്താ അത് പോരെ….

അത് കേട്ടതും അച്ഛനെ അറിയാതെയൊന്ന് നോക്കിപ്പോയി…

എന്താടാ നോക്കണേ…അച്ഛൻ എന്നെനോക്കി ഗൗരവത്തിൽ തന്നെ ചോദിച്ചു……

ഏയ്യ് വെറുതെ….. ഒരു ചിരിയോടെ ഞാൻ മറുപടി കൊടുത്തു…..

ഡാ… നീ പ്ലസ് 2 തോറ്റപ്പോ ഞാനെന്താ പറഞ്ഞെ…

പരീക്ഷ ജയിക്കാൻ മാത്രല്ല തോല്ക്കാനും ഉളളതാണെന്നല്ലേ…

അത്രേ ഉളെളടാ കാര്യം…നമുക്ക് നോക്കാട ….

നീ വന്നേ ഇങ്ങോട്ട്…..  അച്ഛൻ അത് പറഞ്ഞു എന്നെ നോക്കിയൊന്ന് ചിരിച്ചു 😇…

എന്റെ കണ്ണൊന്നു നിറഞ്ഞു…..

കാര്യം ചിരിച്ചോണ്ട് സംസാരിക്കില്ല ,   ഫോൺ വിളിച്ചു സുഖവിവരം അന്വേഷിക്കില്ല…. പക്ഷെ നമ്മൾക്ക് ഒരു വിഷമം വന്നാൽ അങ്ങോട്ട് മാറി നിക്കെടാ… ഞാൻ നോക്കിക്കോളാമെന്ന് പറഞ്ഞ് മുന്നിൽ നിൽക്കും… അങ്ങനെ നിർവചിക്കാൻ കഴിയാത്ത ഒന്നാണ് അച്ഛൻ….

നടന്നു വീട്ടിൽ എത്തിയതും  അമ്മയുടെ വക വായിലിരിക്കുന്നത്  ഞാനും അച്ഛനും   ഹാപ്പിയായിത്തന്നെ കേട്ടു……

കിച്ചുപെണ്ണ് എവിടെപോയാവോ. 😞

വേഗം വരാൻ പറഞ്ഞു പിണങ്ങിയിട്ട് ഇവളിത് വീട്ടിലേക്ക് പോയോ…….

അപ്പോളാണ്  അടുക്കളയിൽ  പാത്രത്തിന്റെ ഒച്ച കേട്ടത്… ആഹ് അപ്പോ പെണ്ണ്  അടുക്കളയിലുണ്ട്……

വേഗം കൈ കഴുകി ചോറുണ്ണൻ ഇരുന്നു…. രണ്ട് കയ്യിലും കറിയുമായി കിച്ചു എത്തി……

ആഹ് മോള് കഴിച്ചോ…. കിച്ചുവിനെ കണ്ടതും അച്ഛൻ വാത്സല്യത്തോടെ ചോദിച്ചു……

എവിടുന്ന്….. പറമ്പിൽ നിന്നിരുന്ന ചീര കറി വെച്ചിട്ട്  ഇവിടെ ഒരാൾക്ക് കൊടുക്കാൻ വേണ്ടി അവിടെ കിടന്നൊരു വെപ്രാളമായിരുന്നു….

അത് കണ്ടപ്പോ ഞാനാ മോളേം കൊണ്ട് ഇങ്ങോട്ട് വന്നേ….. അമ്മ കിച്ചുവിനെ നോക്കി ചിരിയോടെ അച്ഛനോടായി പറഞ്ഞു… 😊

അച്ഛന്റെ മുന്നിൽ വെച്ച് അമ്മയത് പറഞ്ഞത് കേട്ടിട്ട്  നാണം വന്നു വല്ലാതായി പെണ്ണ്…….

അമ്മയുടെ കമെന്റ് കേട്ട്  ചിരി വന്നെങ്കിലും ഞാൻ മൈൻഡ് ചെയ്യാതിരുന്നു…….

ആഹാ അത്ശെരി….എന്ന നോക്കിനിക്കാതെ  വിളമ്പി കൊടുത്തോ …..എന്ന്  അച്ഛനും ഒരു നമ്പറിട്ട്  അവളെയൊന്ന് നോക്കി… 😄 ഹിഹി…. 😅

കിച്ചു ആകെയൊന്ന് ഉലഞ്ഞു…

അത് അച്ഛാ,  മുത്തശ്ശൻ കിടക്കാൻ നേരായിട്ടുണ്ടാവും എന്നും പറഞ്ഞ് എന്നെയൊന്ന് നോക്കി ചിരിയോടെ  ഓടി…. പാവം…  ചമ്മൽ വന്നിട്ട് പോയതാണെന്ന്  ആർക്കും മനസ്സിലായില്ലാട്ടോ 😂…

അച്ഛനും അമ്മയും ഒരുചിരിയോടെ അത്  നോക്കി ഇരിക്കയാണ്…..

അമ്മ എനിക്ക് നേരെ ഫോൺ നീട്ടിക്കൊണ്ട് , എടാ നാളെ  5 മണിക്ക് അലാറം വെച്ച് തരണം…. അമ്മൂന് കൊണ്ടോകാൻ കറിയൊക്കെ  ഉണ്ടാക്കണം…

ഞാൻ കഴിച്ചുകൊണ്ട് തന്നെ അലാറം വെച്ചു കൊടുത്തു… വേഗം ഫുഡ് കഴിച്ചു മുറിയിൽ കേറി….

അച്ഛന്റെ വാക്കുകൾ ഒന്നുകൊണ്ട് മാത്രമാണ് മനസ്സിനൊരു സമാധാനം… ജോൺസൺ മാഷിന്റെ  പാട്ടും വെച്ച്  കണ്ണടച്ചു കിടന്നു….  എപ്പോളോ ഉറങ്ങിപ്പോയി….

ഡാ എണീക്കേടാ..  നീ എന്ത് കാണിച്ചാട അലാറം വെച്ചത്……

അതും പറഞ്ഞു അമ്മയുടെ വക പുറത്തൊരടിയും കിട്ടിയാണ് എണീറ്റത്…….

ഈ  ചായ പിടിച്ചേ…. എനിക്ക് പണിയുളളതാ…..

അമ്മ എന്നെ എണീപ്പിച്ചു ചായയും തന്ന് പോയി….

അലാറം അടിച്ചില്ല.. അത് തന്നെ കാര്യം… 😁

അടുക്കളയിൽ അമ്മ തകർക്കുന്ന ശബ്ദം കേട്ട് കൊണ്ടാണ്  ബെഡ്കോഫീ കുടിക്കുന്നത്…. എണീറ്റ് ചെന്നതും ഉപ്പേരിയും അച്ചാറും മീൻവറുത്തതും ഒക്കെ റെഡി…

അമ്മയുടെ തിരക്ക് കണ്ട തോന്നും ഇന്ന് അമ്മുവിന്റെ കല്യാണം ആണെന്ന്… 😆

ഡാ നീ നോക്കി നിൽക്കാതെ കുളിക്കാൻ നോക്ക്…. കൊച്ചിനെ സ്കൂളിൽ കൊണ്ടോകണ്ടേ….

ഇനി മന്നിച്ചു നിന്ന അമ്മയുടെ വക വേറെ കിട്ടും… എന്തിനാ റിസ്ക് എടുക്കണേ.. നേരെ പല്ലുതേച്ചു കുളിക്കാൻ കേറി…..

കുളി കഴിഞ്ഞിട്ടും ഷവർ ഓണാക്കി കുറച്ചുനേരം അങ്ങനെ നിന്നു…തലയിലൂടെ തണുത്ത വെളളം വീഴുമ്പോ വല്ലാത്തൊരു കുളിരാണ്…

അച്ചുച്ചേട്ടാ കഴിഞ്ഞോ …. വാതിലിൽ കൊട്ടികൊണ്ടാണ് അമ്മു ചോദിച്ചത്…

ആഹ് അമ്മൂസ്സേ, നീ ഇത്രവേഗം റെഡി ആയാ…. എന്റെ ഇപ്പോ കഴിയും…

മ്മ്… അതെയ് ഞാൻ കഴിക്കാൻ പോകാ… വേഗം റെഡിയായിട്ടു  വായോ… പിന്നെ സ്റ്റൈൽ ഒട്ടും കുറക്കണ്ട…. 😅

അതും പറഞ്ഞ് അവള് പോയി…

അമ്മൂന്റെയൊരു കാര്യം…. 😅

നേരെ മേലൊക്കെ തോർത്തിയിറങ്ങി  ഡ്രെസ്സ് ഇട്ട് ഇത്തിരി പൗഡറും പൂശി… ഇതൊക്കെ തന്നെ നമ്മുടെ  ഒരുക്കം..

റൂമിനു പുറത്തേക്ക് വന്നപ്പോ അമ്മു ടീവി കണ്ടോണ്ട് ഫുഡ് അടിക്കുന്നുണ്ട്…ഇന്നലെ വാങ്ങിച്ച ഗ്രേ കളർ ടോപ്പും ലെഗിങ്‌സും ഇട്ട് അടിപൊളി ആയിട്ടുണ്ട്….

ഡി പതുക്കെ കഴിക്കെടി….. അവളുടെ കഴിപ്പ് കണ്ടാൽ  ആരോ എടുത്തോണ്ട് പോകും എന്ന പോലെയാ….. 😄

അമ്മു എന്നെയൊന്ന് നോക്കി പല്ല് കാട്ടി  ചിരിച്ചിട്ട് പിന്നേം അറ്റാക്കിങ്ങ് തുടങ്ങി…… ഇവള് കഴിക്കുന്നതൊക്കെ എങ്ങോട്ട് പോകുന്നു, അല്ല ശരീരത്തിൽ കാണാനില്ല…  അതും ആലോചിച്ചു  ഞാൻ ചെന്ന് അടുത്തിരുന്നു…….

ഡീ അധികം ബുക്കൊന്നുംഎടുക്കണ്ട,  ടൈംടേബിൾ  മനസിലാക്കി നാളെ തൊട്ട് എല്ലാ ബുക്കും ‌ കൊണ്ടോകാം..

ഞാൻ പറഞ്ഞത്  തലയാട്ടികൊണ്ട്  അമ്മു കേട്ടെന്ന് കാണിച്ചു…..

പുട്ടും പയറും പപ്പടോം കൂട്ടി കുഴച്ചു അടിക്കുകയാണ്…..

ഞാൻ അതുകണ്ട്  ചിരിച്ചുകൊണ്ട്

അവളുടെ തലയിലൊന്ന് തടകി……

അമ്മൂസ്സേ… കിച്ചേച്ചി എവിടെടാ… 😇

അവളെന്തോ പറഞ്ഞു…. വായിൽ പുട്ട് നിറഞ്ഞിരിക്കണോണ്ട് മനസ്സിലായില്ല….. ആഹ് എന്തായാലും  ഇവിടെ ഇല്ല… അപ്പോ വീട്ടിൽ തന്നെ  കാണും……

നൈസ് ആയിട്ട് മുന്നിലൂടെ ഇറങ്ങി ചെരുപ്പിട്ടു നടന്നു…..

അച്ഛൻ എന്തോ ചെടിയൊക്കെ നട്ട് മുറ്റത്തുണ്ട്….  അമ്മയുടെ കണ്ണിൽ പെടാതെ പിന്നിലേക്ക് പോയി ………

അപ്പോഴാണ് കിളിവാതിൽ തുറന്നു മുത്തശ്ശൻ വരുന്നത് കണ്ടത്…..

പെട്ടല്ലോ ദൈവമേ…. 😐

ഞാൻ വേഗം കണ്ണിൽ പെടാതെ വാഴകൾക്കിടയിലേക്ക് കേറി…. കണ്ടാൽ തീർന്നു.. ഞാനും പുളളിയുടെ കൂടെ മുന്നിലേക്ക് പോകേണ്ടി വരും….

ദൈവമേ വെളള ഷർട്ടാണ്, അഴുക്കാവല്ലേ എന്ന് പേടിച്ചു അനങ്ങാതെ നിന്നു……

മുത്തശ്ശനെന്താണ് ബിലാലിന് പഠിക്കണാ… ഒന്ന് വേഗം നടന്ന് പൊക്കൂടെ……😐 അങ്ങനെ

മുത്തശ്ശൻ കടന്ന്  പോയതും പയ്യെ അപ്പുറത്തേക്ക് കടന്നു….

വാതിൽ ചാരിയിട്ടേ ഉളളു….. അകത്തേക്ക് കേറിയതും മുറിയിൽ ശബ്ദം കേട്ടു….

കിച്ചുപെണ്ണ് അപ്പോ മുറിയിലാണ്……😇

ഞാൻ പയ്യെ  മുറിയുടെ വാതിൽ തുറന്നതും കണ്ണാടിയുടെ മുന്നിൽ നിന്ന് ഇന്നലെയെടുത്ത റോസ് കളർ ചുരിദാറും ഇട്ട് ഷാൾ മടക്കി ഞൊറിഞ്ഞു മേത്തേക്കിടുന്ന കിച്ചുവിനെയാണ് കണ്ടത്……..😊

മുടിയുടെ തുമ്പിൽ നിന്നും ഇറ്റുവീഴുന്ന വെളളതുളളികൾ പിന്നിൽ നനവ് പടർത്തിയിട്ടുണ്ട്….

അനങ്ങാതെ പയ്യെ നടന്നു പിന്നിലെത്തി,  കിച്ചു   കണ്ണാടിയിൽ എന്നെ കണ്ടതും പകച്ചു പോയി….

പെട്ടെന്ന് തിരിഞ്ഞ അവളെ  വാ പൊത്തികൊണ്ട് മിണ്ടല്ലേ പെണ്ണെ എന്ന് ചുണ്ടിൽ കൈ വെച്ച് കാണിച്ചു….

കിച്ചുവിന്റെ ഞെട്ടൽ ഒന്ന് മാറിയതോടെ ഞാൻ കൈ മാറ്റി……

അച്ചേട്ടാ എന്താ ഇത്….. മുത്തശ്ശൻ ഉണ്ടെട്ടോ അപ്പുറം….. വേഗം അപ്പുറത്തേക്ക് പൊയ്‌ക്കെ….

കിച്ചുവിന്റെ പേടിച്ചുളള മുഖം കാണാൻ തന്നെ നല്ല  ചേലാണ് … 😊

ഞാൻ എവിടേക്കും പോണില്ല…. മുത്തശ്ശൻ വന്നു കാണട്ടെ…. അതും പറഞ്ഞ് ഞാൻ കിച്ചുവിന്റെ ഇടുപ്പിലൂടെ കയ്യിട്ട് ഒന്ന് ചേർത്തു….

ഏട്ടാ വിട്ടേ… കളിക്കല്ലെട്ടോ….

ആരെങ്കിലും കണ്ടാലുണ്ടല്ലോ ….മാറിക്കെ….. അതും പറഞ്ഞ് കിച്ചു കൈ വിടുവിച്ചു പോകാൻ നോക്കി….

ഹിഹി… ഞാൻ വിടോ…. ഇവിടിപ്പോ ആരുമില്ലെടി പൊട്ടി…. മുത്തശ്ശൻ വീട്ടിലേക്ക് പോയി…… എന്നും പറഞ്ഞ് പിന്നെയും വട്ടം പിടിച്ചു……

അത് കേട്ടതും അതിനൊരു സമാധാനം കിട്ടിയ പോലെ….

അതുശരി…. അപ്പോ അറിഞ്ഞുകൊണ്ട് വന്നതാണല്ലേ…… എന്നും പറഞ്ഞൊരു ചിരിയോടെ എന്റെ വയറിൽ ഒന്ന് നുളളി…..

മ്മ്മ്മ്…. എന്നൊന്ന് മൂളികൊണ്ട് കിച്ചുവിനെ നെഞ്ചോട് ചേർത്ത് കെട്ടിപിടിച്ചു…. ഒരു ചിരിയോടെ അവൾ എന്നിലേക്ക് ചാഞ്ഞു……

കിച്ചൂസ്സേ…….ഞാൻ പയ്യെ  വിളിച്ചു…

മ്മ്മ്…..എന്താ ഏട്ടാ എന്ന് ചോദിച്ചു കിച്ചു പയ്യെ മുഖമുയർത്തി………

ഐ ലവ്  യു… 😊അത് കേട്ടതും  കിച്ചുപെണ്ണിന്റെ കണ്ണൊക്കെ വിടർന്നു,   ഒരു കളളചിരിയോടെ എന്റെ നെഞ്ചിലേക്ക് പിന്നെയും മുഖം ചേർത്തു……

ഹിഹി…. പെണ്ണിന് നാണം വന്നിട്ട് 😊..

ഒന്നുകൂടി മുറുക്കെ കെട്ടിപിടിച്ചിട്ട്  മുഖം താഴ്ത്തി കവിളിലൊരുമ്മ  കൊടുത്തു….ചുണ്ട് പതിയെ ചെവിയിലേക്കടുപ്പിച്ചതും ഇക്കിളി തോന്നി എന്റെ ഷർട്ടിൽ മുറുക്കെ പിടിക്കുന്നുണ്ടായിരുന്നു……

ചെവിയിൽ പയ്യെ കടിക്കാനായി ചുണ്ട് ചേർത്തതും….

യ്യോ അച്ചേട്ടാ….സമയം നോക്ക്യേ എന്നും പറഞ്ഞ് കിച്ചു കുതറി…….

അച്ചേട്ടാ വേഗം വന്നേ എന്നും പറഞ്ഞ് എന്നേം വലിച്ചു ഒറ്റ ഓട്ടം….

എനിക്ക് എന്തേലും പറയാൻ പറ്റുന്നതിനു മുന്നേ അവൾ എന്നെയും കൊണ്ട്   വാതിലിനടുത്തെത്തി…. മുറ്റത്തേക്ക് നോക്കി ആരുമില്ലായെന്ന് ഉറപ്പ് വരുത്തി എന്നെയും കൊണ്ട്  ഇറയത്തേക്കിറങ്ങി….

ഞാൻ വാതിൽ പൂട്ടിയിട്ട് വേഗം വരാം….. ഏട്ടൻ നടന്നോ എന്നും പറഞ്ഞ് കിച്ചു വാതിൽ അടക്കാൻ തുടങ്ങി….

ഒരുമിച്ച് ഇറങ്ങുന്നത്  ആരും കാണണ്ടെന്ന് കരുതിയാകും……. ഇതിന്റൊരു പേടി….

അവൾ വാതിൽ പൂട്ടാൻ തുടങ്ങിയതും

ഞാൻ  ഇടുപ്പിലൊന്ന് തോണ്ടി… ഹിഹി….. കിച്ചു ചാടി പോയി…..

എന്തോന്നാ ഏട്ടാ എന്നൊരു ഭാവത്തോടെ എന്നെ നോക്കിയതും

ഞാൻ വേഗം ഇറങ്ങി നടന്നു…. അല്ലേൽ നല്ലൊരു പിച്ചിന് വകയുണ്ട്

കിളിവാതിൽ കടന്ന് അമ്മ കാണാതെ  മുറ്റത്തേക്ക് എത്തിയതും അച്ഛനും  മുത്തശ്ശനും മാവിൻ ചുവട്ടിൽ നിൽക്കുന്നുണ്ട്…മൈൻഡ് ചെയ്യാൻ പോയില്ല…. ഞാൻ നേരെ ഉളളിലേക്ക് കേറി…. അമ്മൂസിനെ കാണാനില്ലലോ…

അമ്മേ അവളെവിടെ അമ്മു….

ടേബിളിൽ ഭക്ഷണം എടുത്ത് വെക്കുകയാണ് അമ്മ…

ആഹ് നിന്റെ മുറിയിലുണ്ട്…..

നീ കൈ കഴുകി  ഇരിക്കാൻ നോക്ക് ..

കിച്ചു വന്നിട്ട് ഒരുമിച്ച്  കഴിക്കാം എന്ന് കരുതി  ഒന്നും പറയാതെ നേരെ മുറിയിലേക്ക് പോയി   ……

കണ്ണാടിയിൽ തിരിഞ്ഞും മറിഞ്ഞും ഒക്കെ നോക്കുന്ന അമ്മുവിനോട്……

ഹോ മതിയെടി ഭംഗി നോക്കിയത്,  സ്കൂളിലേക്കല്ലേ പോകുന്നെ…. എന്ന്

ചോദിച്ചുകൊണ്ട് മുറിയിലേക്ക് കേറി കട്ടിലിൽ ചാരിയിരുന്നു….

അച്ചുച്ചേട്ടാ സ്പ്രേ എവിടെയാ……

എന്തൊരു ഒരുക്കാടി ഇത്….

ദേ മുന്നിൽ ഇരിക്കുന്നത്  കണ്ടൂടെ…

താങ്ക്സ് എന്നും പറഞ്ഞു ചിരിച്ചുകൊണ്ട്,  അതെടുത്തു നന്നായി തന്നെയവൾ പെരുമാറികൊണ്ട്  നേരെ സോഫയിൽ പോയിരുന്നു…

മുറി മുഴുവൻ സ്പ്രേയുടെ സ്മെല്…

ഞാൻ ഒന്ന് മുടി ചീകികൊണ്ട് പുറത്തേക്കിറങ്ങി…നോക്കിപ്പോ കിച്ചു ഇരുന്ന് ആഹാരം കഴിക്കുന്നു….

അത്കൊളളാം….ഒരുമിച്ച് കഴിക്കാമെന്ന് കരുതിയപ്പോ ഒറ്റയ്ക്ക് കഴിക്കാണല്ലേടി….. അതും പറഞ്ഞുകൊണ്ട് ഞാൻ ടേബിളിനടുത്തേക്ക് നടന്നു….

അച്ചേട്ടൻ കഴിച്ചില്ലേ അപ്പോ….. 😐

കിച്ചു കഴിപ്പ് നിർത്തി എന്നെനോക്കികൊണ്ട് ചോദിച്ചു….

ഏയ്യ് ഇല്ല, ഒരുമിച്ച് കഴിക്കാമെന്ന് കരുതി ഇരുന്നതാ  എന്ന് ഒരു വിഷമത്തോടെ  പറഞ്ഞുകൊണ്ട്  അവളുടെ അടുത്തിരുന്നു… ചുമ്മാ ഒരു  നമ്പറിട്ടത്  😁…..

പിന്നൊന്നും ആലോചിക്കാതെ അവൾ ഒരു കൈകൊണ്ട് പ്ലേറ്റ് എടുക്കലും വിളംബലും ഒക്കെയായി അവസാനം  അവളുടെ ചായ വരെ എന്റടുത്തേക്ക് നീക്കിവെച്ചു…പാവം..

ഞാൻ കിച്ചുവിനെ കണ്ണെടുക്കാതെ നോക്കുന്ന കണ്ടിട്ട്, കണ്ണുകൊണ്ട് എന്താ എന്നർത്ഥത്തിൽ നോക്കിയിട്ട്  കഴിക്ക് അച്ചേട്ടാ എന്നൊരു ചിരിയോടെ പറഞ്ഞു….

ആഹാ  നിന്നോട് നേരത്തെ കഴിക്കാനിരിക്കാൻ പറഞ്ഞിട്ട് നീ തിരിഞ്ഞു നോക്കാതെ മുറിയിൽ കേറിയിട്ട്……

അമ്മ പിണങ്ങിക്കൊണ്ടാണ് അടുക്കളയിൽനിന്നും അമ്മുവിനുളള ചോറും കറിയും ഒക്കെയായി വന്നത്…

ഞാനൊന്നും മിണ്ടാൻ പോയില്ല 😑…

അമ്മ അതൊക്കെ ബാഗിലാക്കി,   ഇറയത്തേക്ക് കൊണ്ടുപോയി വെച്ചു….

ഞാനും  കിച്ചുവും വേഗം ഭക്ഷണം കഴിക്കാൻ തുടങ്ങി…

ചായ കുടിക്കാൻ ഒരു പ്രത്യേക ഇഷ്ട്ടം…ഇത്തിരി കുടിച്ചിട്ട് മതിയായെന്ന് കാണിച്ചു ഗ്ലാസ്സ് അവിടെത്തന്നെ വെച്ച് ഞാൻ എണീറ്റു…… കൈ കഴുകാൻ നിന്നപ്പോൾ കണ്ണാടിയിലൂടെ

ഒന്ന് പാളി നോക്കി …….

ഹിഹി… പ്രതീക്ഷിച്ച പോലെ തന്നെ കിച്ചുപെണ്ണ് ബാക്കി കുടിക്കുന്നുണ്ട്…. 😊

ചുണ്ടിലൊരു  ചിരിയോടെയാണ് കൈ കഴുകിയത്……..

സമയം 8.30 ആയിട്ടുളളു…..

നേരെ അമ്മൂന്റെ അടുത്ത് പോയിരുന്നു,………….

ഡീ പോകണ്ടേ…..സമയം 8.30 കഴിഞ്ഞു……

മ്മ്ഹ്…. കുറച്ച് നേരം കഴിയട്ടെ അച്ചുച്ചേട്ടാ….. എന്നും പറഞ്ഞു ചിണുങ്ങിക്കൊണ്ട് എന്റെ തോളിലേക്ക് തലചായ്ച്ചിരുന്നു …….

കൊഞ്ചല്ലേ പെണ്ണെ എന്നുംപറഞ്ഞു അവളുടെ ചെവിയിൽ പിടിച്ചു നേരെയിരുത്തി….

അയ്യോ പപ്പടം വെച്ചില്ല എന്നും പറഞ്ഞു വെപ്രാളപ്പെട്ട് അമ്മ ഇറയത്തു നിന്ന്  അടുക്കളയിലേക്ക് പോകുന്നുണ്ട്…

അത് കണ്ടിട്ട് ഞാൻ ഐടിഐ യിൽ പോയിരുന്നപോളുളള കാലം ഓർത്തുപോയി….. ക്യാന്റീനിൽ പോയി കഴിക്കാൻ പറഞ്ഞു പൈസ തന്നിരുന്ന ആളാണ്… ഇപ്പോ മോൾക്ക് കൊണ്ടോവാൻ  നാല് കൂട്ടം കറി ഉണ്ടാക്കുന്നെ…😂…..

അച്ചുച്ചേട്ടാ…… അമ്മു പിന്നേം എന്റെ മേത്തേക്ക് ചാരി……

എന്താടി……

ഇന്ന് ബീച്ചിൽ കൊണ്ടൊകോ 😇….

ബീച്ചിലോ…. ആദ്യം പഠിക്കാൻ പോടീ എന്ന് കണ്ണുരുട്ടി  പറഞ്ഞെങ്കിലും….

മ്മ്മ്.. നാളെ സെക്കന്റ്‌ സാറ്റർഡേ അല്ലേ.. നാളെ പോകാമെന്ന്  ചിരിയോടെ പറഞ്ഞതും അവള് ഹാപ്പിയായി….

നല്ല അച്ചുചേട്ടൻ 😙….അതും പറഞ്ഞ് അതെന്റെ കയ്യിന്റെ ഉളളിൽ കേറി…

നേരെയിടിക്കെടി എന്ന് പറഞ്ഞെങ്കിലും അവൾക്ക് തോന്നീത് പോലെ തന്നെയിരുന്നു…..

അപ്പോഴേക്കും പാത്രമൊക്കെ  കഴുകി കിച്ചു എത്തി , എന്നെ നോക്കികൊണ്ട് പോകാമെന്നു തലയാട്ടി കാണിച്ചു…………

എന്ന എണീക്കേടി എന്ന് അമ്മുവിനോട് പറഞ്ഞു

ഞങ്ങൾ മൂന്നുപേരും കൂടി ഇറയത്തേക്ക് ഇറങ്ങി…. അമ്മ അപ്പോളേക്കും സാരിത്തലപ്പുകൊണ്ട് കറിപാത്രം തുടച്ചുകൊണ്ട് ഓടി വരുന്നുണ്ട്…….

ചോറ് മുഴുവൻ കഴിക്കണമെന്ന് അമ്മുവിനോട് ഓഡറിട്ട് പപ്പടം  ബാഗിലാക്കി……

ഞാനപ്പോഴേക്കും  വണ്ടി പോർച്ചിൽ നിന്നും ഇറക്കി തിരിച്ചിട്ടു….

ഡാ മോളെ ആക്കിയിട്ടു വരുമ്പോ നല്ല പഴുത്ത ഏത്തപ്പഴം വാങ്ങിച്ചോ……

വൈകിട്ട് പഴംപൊരി ഉണ്ടാക്കാമെന്ന് അമ്മ ഇറയത്തുനിന്ന് വിളിച്ചു പറഞ്ഞു….

പറമ്പിൽ നിന്ന്  മുത്തശ്ശനും അച്ഛനും ഒക്കെ അപ്പോഴേക്കും  ഹാജരായി…..

അമ്മു നേരെ  കാറിൽ കേറിയിരുന്ന്

അച്ഛാ, അമ്മേ റ്റാറ്റ… മുത്തശ്ശാ  റ്റാറ്റ…  എല്ലാവർക്കും റ്റാറ്റ കൊടുക്കുന്നുണ്ട്…… ഇവളെന്താണ് വല്ല ടൂർ പോകേണ…….😅

കിച്ചു  പോയിട്ട് വരാമെന്ന് പറഞ്ഞ് പിന്നിൽ കേറിയതോടെ വണ്ടിയെടുത്തു……

പുതിയ സ്കൂളും, പുതിയ കൂട്ടുകാരും ഒക്കെ കിട്ടുന്നതിന്റെ യാതൊരു ആകാംഷയും അമ്മുവിന് ഇല്ലാട്ടോ 😂…..അവൾക്ക് എല്ലാവരോടും പെട്ടെന്ന് ഇണങ്ങാൻ പറ്റും എന്ന സ്വഭാവം കൊണ്ടാകും…

അത് പുറത്തേക്ക് വായിനോക്കി ഇരിക്കുകയാണ്……

ഡി അമ്മൂസ്സേ ഫോൺ എടുത്തിട്ടില്ലലോ….അമ്മൂന്റെ ഫോണിൽ കളി ഓർത്തുകൊണ്ട് ഞാൻ ചോദിച്ചു…..

ഏയ്‌, അത് സോഫയിൽ തന്നെ  വെച്ചിട്ടുണ്ട്….പിന്നെ അച്ചുച്ചേട്ടാ അതിനൊരു കവർ വാങ്ങണം ….

മ്മ്മ്… വാങ്ങിക്കാടി…….

ക്ലാസ്സ്‌ 4 മണിക്ക് തന്നെ കഴിയില്ലേടി…

കിച്ചു ഒന്ന് മുന്നിലേക്ക് ആഞ്ഞുകൊണ്ട് ചോദിച്ചു….

ആവോ….. കഴിയുമായിരിക്കും….

അമ്മു കാഴ്ചയിൽ നിന്നും കണ്ണെടുക്കാതെ പറഞ്ഞു….

മ്മ്.. എങ്ങാനും നേരത്തെ കഴിഞ്ഞ ക്ലാസ്സിൽ തന്നെ ഇരുന്നോണം…..കേട്ടല്ലോ…

അമ്മുവിനെ പിണങ്ങുന്ന പോലെയാ

കിച്ചു പറഞ്ഞത്….

ഡി അതിന്  ഞാൻ വഴിയുണ്ടാക്കാം എന്ന്  കിച്ചുവിനോടായി പറഞ്ഞു….. അങ്ങനെ സ്കൂളിൽ എത്തി വണ്ടി പാർക്ക്‌ ചെയ്തിറങ്ങി……

സമയം 9.15 ആകുന്നതേയുളളു…..

നേരെ  അൻസാറിക്കാന്റെ കടയിലേക്ക് പോയി……നല്ലൊരു ബേക്കറിയും, ഒപ്പം ഫോട്ടോസ്റ്റാറ്റ്  ഒക്കെയായി അത്യാവശ്യം വലിയൊരു കടയാണ്….

അകത്തേക്ക് കേറിയതും,

അല്ല ഇതാര്…അന്നെ കണ്ടിട്ട് എത്ര നാളയെടാ……

നൂർജഹാൻ എന്ന നൂറിത്ത മാത്രേ കടയിലുണ്ടായുളളു….

അൻസാറിക്കാടെ  ബീവിയാണ്….

തമിഴ്നാടൊക്കെ ഓട്ടം പോയിവരുമ്പോൾ സേലം മാമ്പഴവും, തണ്ണിമത്തനും, മറ്റു ഫ്രൂട്ട്സും  ഒക്കെ ചെറിയ വിലക്ക് വാങ്ങി അത്യാവശ്യം കടകളിലൊക്കെ വില കൂട്ടി  കൊടുക്കുമായിരുന്നു…

പക്ഷെ ഇക്കാന്റെ കടയിൽ  മാത്രം  വാങ്ങിയ വിലയിലെ കൊടുക്കു…

എന്നോടൊക്കെ വല്ല്യ കാര്യമാ ഇത്തക്കും  ഇക്കാനും….

തിരക്കിലാണ് ഇത്താ…..പിന്നെ ദേ ക്ടാവിനെ ഇവിടെ പഠിക്കാൻ ചേർത്തു… അപ്പോ അങ്ങനെ വന്നതാ…. അമ്മുവിനെ മുന്നിലേക്ക് നിർത്തിക്കൊണ്ട് ഞാൻ പറഞ്ഞു….

ഇതാരൊക്കെയാടാ…… ഇത്ത ചിരിച്ചുകൊണ്ട് കിച്ചുവിനെയും അമ്മുവിനെയും നോക്കി  എന്നോടായി ചോദിച്ചു…..

ഇതെന്റെ അനിയത്തിയാണ് ഇത്താ..

അമ്മുവിന്റെ ഇരുതോളിലും പിടിച്ചുകൊണ്ടാണ് ഞാനത് പറഞ്ഞത്…

അതുശരി……..നിനക്ക് അനിയത്തി ഉണ്ടല്ലേ, അതെനിക്ക്  അറിയില്ലായിരുന്നു…….  അപ്പോ ഇതോ……. കിച്ചു ആരാണെന്നായി അടുത്ത ചോദ്യം…..

ഇത് കൃഷ്ണ… ഞാൻ കെട്ടാൻ പോണ പെണ്ണാ ഇത്ത …. 😊

കിച്ചുവിനെ നോക്കി ചിരിയോടെ ഞാൻ പറഞ്ഞു….

അത് കേട്ടതും ഇത്ത വല്ലാത്തൊരു സന്തോഷത്തോടെ,  ആണോടാ അച്ചു…….നിക്കാതെ

മൂന്നാളും ഇരുന്നേ…… ഇപ്പോ ജ്യൂസ്‌ എടുക്കാം എന്ന് പറഞ്ഞ് ഇത്ത പണി തുടങ്ങി…..

പയ്യെ മതി ഇത്താ…… പിന്നെ വൈകിട്ട് ക്ലാസ്സ്‌ കഴിഞ്ഞ , ക്ടാവിനെ അച്ഛനോ ഞാനോ വരുന്ന വരെ ഇവിടെയിരുത്തണം….

ആഹ് അതിനെന്താടാ…..ഞാൻ നോക്കിക്കോളാം….അല്ല നിക്കാഹ് എന്ന…… ഇത്ത ജ്യൂസ്‌ അടിച്ചോണ്ട് തന്നെ ചോദിച്ചു…..

ഹിഹി…. എന്നായാലും ഇങ്ങളെ അറിയിക്കും… പോരെ…..

ആഹ് അത് കേട്ട മതി,

എന്ന് പറഞ്ഞു ഇത്ത മിൽക്ക് ജ്യൂസും   നല്ല ചൂട് കട്ട്ലറ്റും ആയിട്ട് എത്തി……

അല്ല ഇക്ക എവിടെ…..ഞാൻ അപ്പോളാണ് അൻസാറിക്കാനെ ചോദിക്കുന്നെ….

ആവോട മോനെ… മൂപ്പര് ഇപ്പോ വരാന്ന് പറഞ്ഞു പോയതാ…..

എന്താ മോളുടെ പേര്….ഇത്ത അമ്മുവിനോടായി ചോദിച്ചു….

അമ്മു കട്ട് ലെറ്റ്‌  വായിലേക്ക്  വെച്ചപ്പോളാണ് ഇത്തയുടെ ചോദ്യം… ഒരുവിധം  അതിറക്കികൊണ്ട്

അശ്വതി എന്ന് പറഞ്ഞൊപ്പിച്ചു 😅….

മോള് ക്ലാസ്സ്‌ കഴിഞ്ഞ നേരെ ഇങ്ങോട്ട് വന്നോട്ടാ……ചേട്ടൻ വരുന്ന വരെ ഇവിടെ ഇരിക്കാം…..

ഇത്ത അമ്മുവിന് സോസ് ഒഴിച്ചുകൊടുത്തുകൊണ്ട് പറഞ്ഞു…

എന്തോ ആലോചിച്ചെന്നോണം ഇത്ത എന്നെ നോക്കി……

എന്താ ഇത്ത….എന്ത്പറ്റി….. ഇത്തയുടെ നോട്ടം കണ്ട് ഞാൻ ചോദിച്ചു….

ആബിത്താടെ മോൾടെ കാര്യം ഓർത്തതാടാ….. ഇയ്യ് അറിഞ്ഞില്ലേ  ആ കാര്യം…….പടച്ചോന്റെ കൃപ  ഒന്ന് കൊണ്ട് മാത്ര ആ കുട്ടി രക്ഷപ്പെട്ടത്…. ഒരു വേവലാതി ഇത്തയുടെ മുഖത്ത് നിഴലിച്ചു…..

ഉവ്വ് ഇത്ത… ഞാൻ അറിഞ്ഞു…….നമ്മുടെ ആഷിക്ക് ഓടിച്ചിരുന്ന ബസ്സിൽ വെച്ച സംഭവം നടന്നത്…….  അന്ന് തന്നെ അവൻ  എന്നെവിളിച്ചു കാര്യം പറഞ്ഞു….

തമിഴ്‌നാട്ടിൽ ഒക്കെയിത് നടന്നിട്ടുണ്ട്… പക്ഷെ നമ്മുടെയിവിടെ ഇങ്ങനൊക്കെ കേൾക്കുമ്പോ  നെഞ്ചിൽ തീയാ ഇത്താ…. ഞാൻ പറഞ്ഞതും എന്റെ മുഖത്ത്

നിഴലിച്ച പേടി കണ്ട്  കിച്ചു എന്നെ കണ്ണ്മിഴിച്ചു  നോക്കി…

മ്മ്മ്…. പരമാവധി നമ്മുടെ കുട്ടികളെ ബസ്സിൽ വിടാതെ നമ്മൾ  തന്നെ കൊണ്ടൊകേം തിരിച്ചുകൊണ്ടുവരേം ചെയ്യുന്നതാ ഇക്കാലത്തു നല്ലത്…

വേവലാതിയോടെ ഇത്ത ആരോടെന്നില്ലാതെ പറഞ്ഞു…..

അയ്യോ ഇത്ത  സമയം 9.30 കഴിഞ്ഞു..

എന്ന സ്കൂളിലേക്ക് പോകാൻ നോക്കട്ടെ…..അതും പറഞ്ഞു  ഞാൻ എണീറ്റു പേഴ്സിൽ നിന്ന് പൈസ  എടുത്തതും….

അല്ല എന്തിനാപ്പാ ഇയ്യ് പൈസ എടുക്കണേ… അത് കൊളളാം…. ഇതിന് നീ പൈസ തന്ന പിന്നെ ഈ വഴിക്ക് വരരുത് ….. ഇത്ത അതും പറഞ്ഞ് എന്നെ സ്നേഹത്തോടെ പിണങ്ങി……..

ഹിഹി…. എന്റ ഇത്താ…. പൈസ തരുന്നില്ല… പോരെ…

ഞങ്ങൾ എന്ന ഇറങ്ങാൻ നോക്കട്ടെ…

അതും പറഞ്ഞു ഞങ്ങൾ കടയിൽനിന്ന് ഇറങ്ങി….

ഇത്ത അപ്പോഴും എന്നെയും കിച്ചുവിനെയും കണ്ണെടുക്കാതെ നോക്കി നിൽക്കുന്നുണ്ട്….

നിക്കാഹ് കഴിഞ്ഞിട്ട് വേണം രണ്ടുപേരേം  നല്ലൊരു  വിരുന്നിനു വിളിക്കാൻ…

ഇത്ത കടയിൽ നിന്നും വിളിച്ചുപറഞ്ഞ കേട്ട് കിച്ചുവിനെ ചേർത്ത് പിടിച്ചു ചിരിച്ചുകൊണ്ട് നടന്നു….. കിച്ചുവിനും ഇത്തയുടെ വർത്താനം കേട്ട് ചിരിവരുന്നുണ്ട്…..

അങ്ങനെ നേരെ ഓഫീസിൽ പോയി അറ്റൻഡൻസ്സ് രജിസ്റ്ററിൽ പേര് ചേർത്ത് ക്ലാസ്സ്‌ ടീച്ചറെ കണ്ടു…..

ബെൽ അടിച്ചതും ടീച്ചറിനൊപ്പം ഞങ്ങൾ നടന്നു….അമ്മുവിനെ  ക്ലാസ്സ്‌ വരെ കൊണ്ടാക്കാമെന്നു കരുതി….

കിച്ചൂസിന്റെ നടത്തം കണ്ടാൽ തോന്നും അവളെയാണ് പഠിക്കാൻ ആക്കുന്നതെന്ന് 😂….. ടീച്ചറിനൊപ്പം ഭയങ്കര  ബഹുമാനത്തോടെയാണ് അവൾ നടക്കുന്നത്…

ക്ലാസ്സിന്റെ മുന്നിലെത്തിയതും ഞാനും കിച്ചുവും പുറത്തുതന്നെ നിന്നു…

ആൺകുട്ടികൾ പതിവ് തെറ്റിച്ചില്ല….

അമ്മുവിനെ നന്നായി തന്നെ വായീനോക്കി…….. 😅

ടീച്ചർ  അമ്മുവിനെ എല്ലാവർക്കും പരിചയപ്പെടുത്തി കൊടുക്കുകയാണ്……. ഞങ്ങൾ പൊക്കോട്ടെയെന്ന്  അമ്മുവിനോട് കൈകൊണ്ട് ആക്ഷൻ കാണിച്ചു ഞാനും കിച്ചുവും  തിരികെ നടന്നു…

രാവിലെ ആണെങ്കിലും നല്ല വെയിലുണ്ട്….

കാറിൽ കേറിയതും ഞാൻ കിച്ചൂസിനോടായി….

ഇനി എങ്ങോട്ടാ……… 😇

ഇനി നേരെ വീട്ടിലേക്ക്… അല്ലാതെ എവിടെക്കാ….. ആഹ് അച്ചേട്ടാ അമ്മ പഴം വാങ്ങാൻ പറഞ്ഞത് മറക്കണ്ട…

ശോ ഇങ്ങനൊരു ബുദൂസ്സ്….  എവിടേക്കെങ്കിലും കറങ്ങാൻ  പോകാന്നു പറ പെണ്ണെ…😑

അത് മനസ്സിലോർത്തുകൊണ്ട് കിച്ചുവിനെ ദയനീയമായൊന്ന് നോക്കി…..

എന്റെ നോട്ടം കണ്ടപ്പോ കാര്യം പിടികിട്ടിയപോലെ…..

ദേ അച്ചേട്ടാ…വേണ്ടാട്ടോ….നേരെ വീട്ടിലേക്ക് തന്നെ പോയാമതിയെന്ന് ഒരു കളളചിരിയോടെ പറഞ്ഞു…..

കിച്ചുപെണ്ണിന് പക്ഷെ പോകണമെന്നുണ്ട്… അത് അവളുടെ ചിരി കണ്ടാൽ അറിയാം……. 😅

ഡി നമുക്കൊരു സ്ഥലം വരെ പോയിട്ട് വരാടി….

അച്ചേട്ടാ വൈകിയാ അമ്മ 😐….

ആഹാ അപ്പോ അമ്മനെ പേടി കാരണമാണ്….. ഡി പെണ്ണെ… അമ്മക്ക് ഒരു കുഴപ്പോം ഉണ്ടാവില്ല… നീ അടങ്ങിയിരുന്നെ….

കിച്ചു പിന്നെ എതിർത്തില്ല……

പിന്നൊന്നും ആലോചിച്ചില്ല… നേരെ കോട്ടപ്പുറം കോട്ടയിലേക്ക് വിട്ടു…

ടിപ്പുസുൽത്താൻ ബ്രിട്ടീഷുകാർക്കിട്ട് നല്ല പണി കൊടുത്തിരുന്ന കോട്ടയാണത്…ബ്രിട്ടീഷ് ജനറൽ ഇട്ടിരുന്ന വെളള ഷഡി ഊരി സമാധാന കൊടി കാണിച്ച സംഭവം വരെ നടന്നിട്ടുണ്ടെന്നാണ് പണ്ടുളളവർ പറയുന്നേ….. 😂

പുറത്തെ കാഴ്ചകളൊക്കെ കണ്ടിരുന്ന കിച്ചുപെണ്ണ് പെട്ടന്നാണ് എന്തോ ഓർത്തെന്ന പോലെ…….

അച്ചേട്ടാ, ആ ഇത്ത ഏത് കുട്ടിയുടെ  കാര്യമാ പറഞ്ഞെ….അച്ചേട്ടനും പറയണ കേട്ടിട്ട് കാര്യം എന്താണെന്ന് അറിയില്ലെങ്കിലും നിക്കും പേടിയായിട്ടോ…..

ഹ്മ്മ്… എനിക്ക് അപ്പോഴേ തോന്നി,  നീയത്  മനസ്സിൽ കേറ്റിയിട്ടുണ്ടെന്ന്……

ഞാൻ കിച്ചുവിനെ നോക്കാതെ തന്നെ പറഞ്ഞു……

കിച്ചൂസ്സേ സംഭവം പറഞ്ഞുതരാം…  പക്ഷെ സംഭവം കേട്ടിട്ട് അതും ഓർത്തുകൊണ്ട്  നടന്നാലാണ് എന്റെന്നു കിട്ടാൻ പോണേ……

ഇല്ല അച്ചേട്ടാ….ഒന്ന് പറ…..

കിച്ചുവിന് വല്ലാത്ത ആകാംഷ…….

മ്മ്മ്…… കുറച്ച് ദിവസം മുന്നേയാണ്  സംഭവം നടന്നെ….. ഞാൻ ഡ്രൈവിങ്ങിൽ നിന്ന് കണ്ണെടുക്കാതെ പറഞ്ഞുതുടങ്ങി….

ഉച്ചക്ക് രണ്ട് മണിയൊക്കെ ആയിക്കാണും, നമ്മുടെ  ആഷിക്കില്ലേ….അവൻ  തൃശ്ശൂർ സ്റ്റാൻഡിൽ നിന്നും ബസ്സ് എടുത്തു…… ചെറിയ തിരക്ക് ഉണ്ടായിരുന്നു… …..അതിൽ ആബിത്താടെ മോള്  അനീസ്സയും ഉണ്ടായിരുന്നു…….

അവൾ തൃശ്ശൂര്  എന്തോ ആവശ്യത്തിന് പോയതാ……

ആരാ ഏട്ടാ ആബിത്ത…….

ആഹ് പറഞ്ഞപോലെ കിച്ചുവിന് അറിയില്ലലോ….

ഡി ഇപ്പോ കടയിൽനിന്നും കട്ട് ലെറ്റ്‌ കഴിച്ചില്ലേ… അത് ആബിത്ത ഉണ്ടാക്കിയതാ….. കടകളിലൊക്കെ പപ്പ്‌സും,കട്ട് ലെറ്റും ഒക്കെ ഉണ്ടാക്കി വിക്കുന്നതാ  ഇത്തയുടെ പണി…  അങ്ങനെ കിട്ടണ പൈസ കൊണ്ട മോളെ പഠിപ്പിക്കുന്നെ….

വേറെ ആരൂല്ല അവർക്ക്…

നല്ലോണം കഷ്ടപ്പെട്ട ഇത്തയും മോളും ജീവിക്കണെ….പാവം….

അയ്യോ പാവം അല്ലേ ആ ഇത്താ…. ന്നിട്ട് പറ അച്ചേട്ടാ…..

ആഹ് അങ്ങനെ  സ്റ്റാൻഡിൽ നിന്നും ഒപ്പം കേറിയ ഒരു 50 വയസ്സ് പ്രായം തോന്നിക്കുന്നൊരു സ്ത്രീ അനീസ്സയോട്

വളരെ സ്നേഹത്തോടെ  പരിചയപ്പെടുകയും

ഒറ്റയ്ക്കാണോ  എന്നൊക്കെ ചോദിക്കുകയും  ചെയ്തു……

ഉമ്മാന്റെ പ്രായമുളള അവരോട് അനീസ്സയും വളരെ സ്നേഹത്തോടെ തന്നെ  സംസാരിച്ചു  മറുപടിയൊക്കെ കൊടുത്തു………

കണ്ടക്ടർ ടിക്കറ്റായി അടുത്തേക്ക് വരുന്ന കണ്ടപ്പോൾ  അനീസ്സയുടെ ടിക്കറ്റും കൂടി അവരെടുക്കാമെന്ന് പറഞ്ഞു …..ആദ്യം അനീസ്സ വേണ്ടെന്ന് പറഞ്ഞെങ്കിലും സ്നേഹത്തോടെയുളള നിർബന്ധത്തിനു വഴങ്ങി സമ്മതിച്ചു….അങ്ങനെ ബസ്സ് കുറച്ച് ദൂരം ഓടിയപ്പോൾ ആ സ്ത്രീ എണീറ്റ് പോയി  കണ്ടക്ടറോട് എന്തോ പറഞ്ഞു തിരിച്ചു വന്നു….

എന്താ അച്ചേട്ടാ അവർ കണ്ടക്ടറോട് പറഞ്ഞത്….. കിച്ചു ആകാംഷയോടെ എന്റെ നേരെ തിരിഞ്ഞിരുന്നാണ് ചോദിച്ചത്…..

കിച്ചൂസ്സേ , അവർ പറഞ്ഞത്…. കൂടെയുളളത് അവരുടെ മോളാണ്…. മാനസികപ്രശ്നം ഉളള  കുട്ടിയാണ്, ഹോസ്പിറ്റലിലേക്ക് വരില്ല… അതുകൊണ്ട്  ഡോക്ടറെ വീട്ടിൽ പോയി കാണിക്കാൻ കൊണ്ടുപോകുകയാണ്…. അപ്പോ പറയുന്ന സ്ഥലത്ത് ബസ്സൊന്ന്  നിർത്തിതരണമെന്നാണ് ………

അയ്യോ അവരെന്തിനാ അങ്ങനെ പറഞ്ഞെ ……. എന്നിട്ട് എന്താ ഉണ്ടായേ അച്ചേട്ടാ…

അവർ ഒരു സ്ഥലമെത്തിയപ്പോൾ വണ്ടി നിർത്താൻ ആവശ്യപ്പെട്ടു…. ബസ്സ് നിന്നതും അവർ  അനീസ്സയുടെ കയ്യിൽ പിടിച്ചു വലിച്ചു ഇറക്കാൻ നോക്കി….

മോളെ വാ ഇറങ്ങ്… സ്ഥലമെത്തി….. ഡോക്ടറെ കാണാൻ പോകണ്ടേ…..

എന്നൊക്കെ പറയാൻ തുടങ്ങി…..

അനീസ്സ ആകെ പേടിച്ചു….. ആദ്യം പകച്ചുപോയെങ്കിലും മനോനില വീണ്ടെടുത്ത് കയ്യിൽ നിന്ന് വിടാനും , ഇവരെന്റെ ആരുമല്ല എന്നൊക്കെ പറഞ്ഞു നിലവിളിച്ചു…..

ആളുകൾ എന്താ പ്രശ്നം എന്നൊക്കെ ചോദിച്ചു സീറ്റിൽനിന്ന് എണീറ്റുവന്നപ്പോൾ ആ സ്ത്രീ നേരത്തേതന്നെ കണ്ടക്ടറെ കളളം പറഞ്ഞു വിശ്വസിപ്പിച്ചതിന്റെ പേരിൽ കണ്ടക്ടർ ഇത് ഇവരുടെ മകളാണ്, ഡോക്ടറെ കാണിക്കാൻ കൊണ്ടുപോകുകയാണ് എന്ന് പറഞ്ഞു.. അത് കേട്ടതോടെ യാത്രക്കാർ അനീസ്സയോട് അമ്മ പറയുന്ന കേൾക്ക് മോളെ, വേഗം ഇറങ്ങ് എന്നൊക്കെ പറഞ്ഞു നിർബന്ധിച്ചു…..

അവസരം മുതലാക്കികൊണ്ട് ആ സ്ത്രീ ബലം പ്രയോഗിച്ചു അനീസയെ വണ്ടിയിൽ നിന്നിറക്കി….

സ്ത്രീകൾ നിൽക്കുന്നത് കൊണ്ട് ആഷിക്ക് ഇതൊന്നും കാണുന്നില്ല….

അനീസനേം കൊണ്ട് ആ സ്ത്രീ പുറത്തിറങ്ങിയപ്പോഴാണ്

ആഷിക്ക് സൈഡ്  മിററിലൂടെ അനീസ്സയുടെ മുഖം കാണുന്നത്……

അയ്യോ ആബിത്താടെ മോളല്ലേ അത്… അതേ.. അനീസ്സ തന്നെ….. പെട്ടെന്ന് ഡ്രൈവിങ്ങ് സീറ്റിൽ നിന്നും ചാടി എണീറ്റതിനൊപ്പം, അയ്യോ ആ കുട്ടി അവരുടെ മോളല്ല…..അവരെ പിടിക്ക് എന്ന് പറഞ്ഞു ഒച്ചയുണ്ടാക്കി…. അത് കേട്ടതും കണ്ടക്ടറും ഒന്ന് രണ്ട് യാത്രക്കാരും ഇറങ്ങി  അവരുടെ അടുത്തേക്ക് എത്തിയതും വേഗം തന്നെ ആ സ്ത്രീ അനീസ്സയുടെ കൈയിൽ നിന്നും പിടിവിട്ടുകൊണ്ട് ഓടി അടുത്ത് പാർക്ക് ചെയ്തിരുന്ന ഒമിനി വാനിൽ കേറി രക്ഷപെട്ടു…..

പെൺകുട്ടികളെ തട്ടികൊണ്ട് പോകുന്ന സങ്കമായിരുന്നു അത്……

ഞാൻ പറഞ്ഞു തീർന്ന് കിച്ചുവിനെ നോക്കിയതും കണ്ണൊക്കെ മിഴിച്ചു,  ഒരു വല്ലാത്ത പേടിയോടെ എന്നെ തന്നെ നോക്കിയിരിക്കുന്ന കിച്ചുവിനെയാണ് കണ്ടത്…..

അപ്പോഴേക്കും ഞങ്ങൾ കോട്ടയിലേക്ക് എത്തിയിരുന്നു……  ഒരു കുലുക്കി സർബത്ത് കടയുടെ മുന്നിലേക്ക് വണ്ടിയൊതുക്കി………

ദേ കിച്ചൂസ്സേ ഞാൻ ആദ്യമേ പറഞ്ഞു ഒന്നും മനസ്സിൽ കേറ്റരുതെന്ന്….വാ, ഇറങ്ങ്… ഒരു സർബത്ത്‌ കുടിക്കാം…

കാറിൽ നിന്നിറങ്ങി രണ്ട്  കുലുക്കി പറഞ്ഞു……..

കാറിൽ ചാരി നിന്നുകൊണ്ട് ഞാനും എന്റെ ചാരെ നിന്ന് കിച്ചുവും കടക്കാരൻ സർബത്ത്‌ അടിക്കുന്നത് കൗതുകത്തോടെ കാണുകയാണ്…

ഇയ്യാള് കുലുക്കി കുലുക്കി ഭൂമി കുലുക്കം ഉണ്ടാക്കോ ദൈവമേ എന്ന് ചിന്തിച്ചു പോയി…. അമ്മാതിരി കുലുക്ക്….. 😂

അങ്ങനെ സർബത്ത്‌ കയ്യിൽകിട്ടി…

അച്ചേട്ടാ, എന്നിട്ട് കുട്ടിയെ തട്ടിക്കൊണ്ട് പോകാൻ നോക്കിയ ദുഷ്ട്ടയെ  പിടിച്ചോ?

സർബത്ത് കുടിക്കുന്നതിനിടക്ക്  കിച്ചു ചോദിച്ചു…..

ഹിഹി…. പെണ്ണിന്റെ ചിലനേരത്തെ വർത്താനം കേട്ട ചിരി വരും…..

മ്മ്മ്… പിന്നില്ലാതെ കിച്ചുവേ….

കണ്ടക്ടർ അപ്പൊത്തന്നെ പോലീസിനെ വിളിച്ചു കാര്യം പറഞ്ഞു  … വണ്ടിയും, നിറവും  അവർ പോയ റൂട്ടും കൂടി പറഞ്ഞുകൊടുത്തത് കൊണ്ട് വേഗം പിടിക്കാൻ പറ്റി….

ഒരു  കോഴിത്തൂവൽ കിട്ടിയാൽ അതേത് കോഴിയുടെയാണെന്ന് കണ്ടുപിടിക്കണ കേരളാപോലീസിനു

അത്രേം ഡീറ്റെയിൽസ് തന്നെ ധാരാളം…. ഒരു മണിക്കൂറിനുളളിൽ എല്ലാത്തിനേം പിടിച്ചു അകത്തിട്ടു,  പച്ചമടൽ വെട്ടി നല്ല കീറും കീറി……  കരച്ചിലിന്റെ ഒച്ച പോലീസ് സ്റ്റേഷന്റെ ഉളളിൽ നിന്നും കൊടുങ്ങലൂർ അമ്പലം കഴിഞ്ഞ് ചേരമാൻ പളളി വരെ കേട്ടെന്ന ആളുകൾ പറയണേ.. 😂

ഹിഹി…… അവർക്ക് അങ്ങനെ തന്നെ വേണം….. കിച്ചുപെണ്ണിനു സന്തോഷം വന്നിട്ട് വയ്യ……..😅

സർബത്ത് മുഴുവൻ കുടിക്കാനൊന്നും പറ്റിയില്ല… രാവിലത്തെ ഫുഡടിയും കഴിഞ്ഞ്  ഇത്തയുടെ  വക മിൽക്ക് ജ്യൂസും കുടിച്ചപ്പോ തന്നെ വയറു ഫുളളായി….

ഒരു സിഗരറ്റ് വലിക്കാൻ തോന്നിട്ട് വയ്യ…. പെണ്ണ് പ്രശ്നം ഉണ്ടാക്കുമോ എന്നൊരു പേടി…..

ആഹ് വേണ്ട… വെറുതെ എന്തിനാ….

പൈസ കൊടുത്ത് പുഴയരികിലൂടെ

കിച്ചുവിന്റെ കയ്യും പിടിച്ചു  കോട്ടയിലേക്ക് നടന്നു…..

വാകമരങ്ങൾ പണ്ട് വീണ ചോരയെ ഓർമ്മിപ്പിക്കാനെന്നോണം ചുവന്ന പൂക്കൾ പൊഴിച്ചു നിൽക്കുന്നുണ്ട്…..

പുരാവസ്തുവകുപ്പിലെ ആൾക്കാർ എന്തൊക്കെയോ കുഴിയെടുക്കുക ഒക്കെ ചെയ്യുന്നുണ്ട്… അതിനാൽ അധികം അവിടേക്ക് പോകാൻ പറ്റിയില്ല……

ഡി ഇവിടുന്ന് പുഴയിലൂടെ ഒരു തുരങ്കം ഉണ്ട്…… അത് നേരെ പളളിപ്പുറം കോട്ടയിലേക്കാണ് പോകുന്നെ…… പണ്ട് ബ്രിട്ടീഷുകാർ ആക്രമിക്കാൻ വരുമ്പോ അതിലൂടെ ഒക്കെയാണ് ടിപ്പു പോയിരുന്നത്…..

ഒരു തുരങ്കകവാടം കാണിച്ചുകൊണ്ട് ഞാൻ പറഞ്ഞു. …

വെയിലടിച്ചിട്ട് കിച്ചുവിന് കണ്ണ് തുറക്കാൻപോലും പറ്റുന്നില്ല….. നമ്മക്ക് പിന്നെ ഓട്ടം പോകുമ്പോ തീക്കനൽ പോലത്തെ വെയിൽ  കൊണ്ട്  അതൊക്കെ ഒരു ശീലമായി…..

നേരെ മരച്ചുവട്ടിലെ ബെഞ്ചിൽ പോയിരുന്നു…..കിച്ചുവിന്റെ പിന്നിൽ ബെഞ്ചിന്റെ ചാരിൽ കൈ വെച്ചാണ് ഞാൻ ഇരുന്നത്…..

പയ്യെ കിച്ചുവിന്റെ തോളിൽ കൈവെച്ചതും ഒരു ചിരിയോടെ എന്റെ കൈ വിരലിൽ  പിടിച്ചുകൊണ്ട് കിച്ചു  എന്നോട് ചേർന്നിരുന്നു……

നല്ല കാറ്റ്…..പുഴയിൽ അവിടിവിടെയായ് മീൻ ചാടുന്നുണ്ട്…

അതെല്ലാം നോക്കി എന്തോ ആലോചിച്ചു  ഇരിക്കയാണ് കിച്ചു…

അവളെയും  നോക്കിയാണ് എന്റെയിരുപ്പ് …..

പയ്യെ ഞാൻ കിച്ചുവിനെ  ചേർത്ത് പിടിച്ചു….

എന്റെ കൈ  ദേഹത്തമർന്നത്  അറിഞ്ഞപ്പോ

ചിരിയോടെ  എന്നെ നോക്കാതെ തന്നെ  കിച്ചു  തോളിലേക്ക് തല ചായ്ച്ചു………

എന്താടി ആലോചിക്കുന്നേ…..

കുറച്ചു നേരം കൂടി ആലോചന തുടർന്നുകൊണ്ട്……..

അച്ചേട്ടാ , ജോലിയുടെ കാര്യം….

എവിടെങ്കിലും ഒന്ന് നോക്കാമോ……

അതാണോ പെണ്ണെ കാര്യം…….

മ്മ്മ്…ഏട്ടാ  വീടിന്റെ വാടകയൊക്കെ മുത്തശ്ശന്റെ  പെൻഷൻ കൊണ്ട് കൊടുക്കാം…എന്നാലും……

എന്ത് എന്നാലും…ഡി കിച്ചൂസ്സേ…

എന്തിനാ ഓരോന്ന് ആലോചിച്ചു

ടെൻഷൻ ആകണേ…..

ഞാൻ ഉളളപ്പോ എന്തിനാടാ  പേടിക്കുന്നേ…..

അത് കേട്ടതും എന്റെ കയ്യിൽ കിച്ചു  ഒന്നുകൂടെ മുറുക്കെ പിടിച്ചു….

ആഹ് പിന്നെ

ഞാനൊരു കാര്യം മനസ്സിൽ

ആലോചിച്ചു വെച്ചിട്ടുണ്ട്……

വേഗം തലയുയർത്തി എന്നെ നോക്കികൊണ്ട്…. എന്താ ഏട്ടാ അത്…

അതൊക്കെയുണ്ടെടി …. പിന്നെ പറയാമെന്നു പറഞ്ഞ് അതിനെ പിടിച്ചു പിന്നേം തോളിലേക്ക് ചായ്ച്ചിരുത്തി…… ഹിഹി 😅

പിന്നെയും കുറച്ചുനേരം കൂടി

വല്ലാത്തൊരു സമാധാനത്തോടെ അവിടെയിരുന്നു…….

എന്റെ കയ്യിൽ പിടിച്ചു വിരലുകൾ ഞൊട്ടികൊണ്ടിരുന്ന കിച്ചു പെട്ടെന്നാണ് …

അയ്യോ ഏട്ടാ പോകണ്ടേ എന്നും പറഞ്ഞു ഫോൺ എടുത്ത് സമയം നോക്കി……

അയ്യോ 11 ആയല്ലോ….. അച്ചേട്ടാ എണീക്ക്…..വാ പോകാം എന്ന് പറഞ്ഞു കിച്ചു എണീറ്റ് എന്റെ കയ്യിൽ പിടിച്ചു വലിക്കാൻ തുടങ്ങി…

ശോ ഇവളിത്….നിക്ക് പെണ്ണെ… എണീക്കട്ടെ എന്നും പറഞ്ഞു എണീറ്റ് പയ്യെ നടന്നു…..

പിന്നെ സമയം കളയാതെ വണ്ടിയെടുത്തു…..പോകുന്ന

വഴിക്ക് പഴം വാങ്ങുന്ന കാര്യം കിച്ചു ഒന്നൂടെ ഓർമിപ്പിച്ചത് കൊണ്ട് കടയിൽ വണ്ടിയൊതുക്കി….. കിച്ചുവിനോട് കാറിൽ തന്നെയിരിക്കാൻ പറഞ്ഞു ഞാൻ കടയിലേക്ക് കേറി…. സിഗരറ്റും വാങ്ങണം… അയിനാണ് 😂…ഒരു കിലോ പഴവും ഒരു പാക്കറ്റ് ലൈറ്റ്സ്സും വാങ്ങി….

ഒരെണ്ണം ഒക്കെയേ വലിക്കാറുളളു എങ്കിലും  ഇടക്കിടക്ക് വാങ്ങണ്ടല്ലോന്ന് കരുതിയ പാക്കറ്റ് വാങ്ങിയത്……

അങ്ങനെ നേരെ വീട്ടിലെത്തി ….

കാറിന്റെ ഒച്ചകേട്ട് അമ്മ അകത്തുനിന്ന് വരുന്നുണ്ട്….. അടുക്കളയിൽ പണിയായിരുന്നെന്ന് ആ സാരിയിലുളള കൈ തുടക്കൽ കണ്ടാൽ തന്നെയറിയാം……

കാറിൽ നിന്നിറങ്ങി അകത്തേക്ക് കേറിയതും തുടങ്ങി അമ്മയുടെ ചോദ്യങ്ങൾ……

എന്താടാ വൈകിയേ…  ടീച്ചറിനെ കണ്ട് സംസാരിച്ചോ….. എന്നൊക്കെ….

ഉവ്വ് അമ്മേ…ഒരു പാവം ടീച്ചറാണ്…….. കിച്ചുവാണ് മറുപടി പറഞ്ഞത്…… വൈകിയതിന്റെ കാര്യം കിച്ചുപെണ്ണ് മിണ്ടിയതേയില്ല..😆

മ്മ്മ്……അമ്മ ഒന്ന് മൂളികൊണ്ട് അടുക്കളയിലേക്ക് പോയി…   അമ്മയുടെ വാലുപോലെ കിച്ചുവും പുറകെ പോയി……… 😅

ഞാൻ നേരെ ഡ്രസ്സ്‌ മാറി ഒരു മുണ്ട്

എടുത്തുടുത്ത് ഒരു സിഗരറ്റും തീപ്പെട്ടിയും മടിയിൽ തിരുകി  മുറ്റത്തേക്കിറങ്ങി…..

ബൈക്ക് കാണുന്നില്ല… അച്ഛൻ ക്ലബ്ബിൽ പോയിക്കാണും….

ഈ 12 മണിക്കൂറും അവിടെപോയിരിക്കാൻ എന്താണാവോ ഉളേള….

നേരെ കുളക്കടവിലേക്ക് പോകാമെന്നു കരുതി നടന്നു…. പിന്നിലൂടെ പോയാൽ അമ്മയോ കിച്ചുവോ കാണുമല്ലോ…..

പണ്ടായിരുന്നേൽ അമ്മയെ മാത്രം പേടിച്ചാൽ മതി… ഇപ്പോ അവളെയും….ഓരോ അവസ്ഥ …. 😑

അനങ്ങാതെ പിന്നിലേക്ക് നടന്നു വാഴകൾക്കിടയിലൂടെ കിളിവാതിലിനടുത്തെത്തി….. പയ്യെ തുറന്നതും   ‘കിർർർറ്’ എന്നൊരു ഒച്ചയോടെ വാതിൽ തുറന്നു…..

തിരിഞ്ഞു നോക്കാൻ നിന്നില്ല…

ഈ കോപ്പ് തല്ലിപ്പൊളിച്ചു കളയണമെന്ന് മനസ്സിലോർത്തു വേഗം  കുളക്കടവിലേക്ക് നടന്നു….

തൊഴിലുറപ്പ് ചേച്ചിമാർ നല്ല അടിപൊളിയായിട്ടു വൃത്തിയാക്കിയ കുളമാണ്….വലിയൊരു മാവിന്റെ കൊമ്പുകൾ പടർന്നു പന്തലുപോലെ നിൽക്കുന്നത് കൊണ്ട് നല്ല തണലാണ്…  പടിക്കെട്ടിൽ ഇരിപ്പുറപ്പിച്ചു വേഗം സിഗരറ്റ് കത്തിച്ചൊരു  പുകയെടുത്തു …….

വട്ടത്തിൽ പുക വിടാൻ മിക്ക ദിവസത്തെയും പോലെ ഇന്നും ശ്രമിച്ചു…. പക്ഷെ നടന്നില്ല…..

എങ്ങനെയാണാവോ പിളേളർ അതൊക്കെ  കാണിക്കുന്നേ….

ആഹ് എന്തേലും ആവട്ടെ……

ചെറിയ കാറ്റും, ഇടക്ക്  കാക്ക  മാങ്ങ കൊത്തി വെളളത്തിലിടുന്ന ശബ്ദം ഒക്കെ കേട്ട് ആത്മാവിനു പുക കൊടുത്ത് ഇരുന്നു……

ഇതാണല്ലേ ഇവിടെയിരുന്ന് പണി…….  ശബ്ദം കേട്ട് തിരിഞ്ഞു നോക്കിയതും കിച്ചു എന്നെയും നോക്കി നിൽക്കുന്നു….

പണി പാളി ….. വേഗം എടുത്ത പുകയൂതി വിട്ട്   സിഗരറ്റ് പിന്നിലേക്ക് പിടിച്ചു………

അതേയ് ഒളിപ്പിക്കാനൊന്നും നോക്കണ്ട  ……ഞാൻ കണ്ടു…

അതും പറഞ്ഞു കിച്ചു പടിക്കെട്ടിറങ്ങി താഴേക്ക് വന്നു….

ഹിഹി, കണ്ടല്ലേ …നീയിതെപ്പോ വന്ന്.

ദേ അച്ചേട്ടാ, ചിരിക്കല്ലേട്ടോ…….

കയ്യിലുളളത് കാണിച്ചേ…..

കിച്ചു ഇത്തിരി കലിപ്പിലാണെന്ന് മുഖം കണ്ടാലറിയാം……. 😑

പിന്നിൽ പിടിച്ചിരുന്ന സിഗരറ്റ് കിച്ചുവിനെ കാണിച്ചുകൊടുത്തു…

എന്തോന്നാ അച്ചേട്ടാ……

നിക്ക് ഇതിന്റെ മണം കേട്ട തന്നെ  തലവേദന വരും…….അത് കളഞ്ഞേ…..

ഡി ഇപ്പോ കത്തിച്ചുളളു കിച്ചുവേ…..

എപ്പോ കത്തിച്ചതായാലും അങ്ങോട്ട് കളഞ്ഞേ   എന്നും പറഞ്ഞു കിച്ചു എടുത്ത് കുളത്തിലേക്ക് വലിച്ചെറിഞ്ഞു….

അയ്യോ ഡി കളയല്ലേ…എന്റ   17 രൂപയാടി ആ പൊങ്ങി കിടക്കണേ….

നന്നായി പോയി……ആരോ  വാതിൽ തുറക്കുന്ന ശബ്ദം കേട്ട് നോക്കിതാ… അപ്പോ  അച്ചേട്ടൻ പോണത് കണ്ടു…

വന്നു നോക്കാൻ തോന്നീത് നാന്നായില്ലേ ഇപ്പോ… കളളത്തരം

കണ്ടുപിടിക്കാൻ പറ്റിയല്ലോ……

ഞാൻ പോവാ…. എന്നോട് മിണ്ടണ്ട…. എന്താച്ചാ ആയിക്കോ എന്നും പറഞ്ഞു പിണങ്ങി പോകാൻ നോക്കിയ കിച്ചൂനെ വേഗം കയ്യിൽ പിടിച്ചു നിർത്തി…..

പിണങ്ങല്ലേ കിച്ചുവേ…..

ദേ എന്നെ വിട്ടേ അച്ചേട്ടാ………..

അങ്ങനിപ്പോ വിടുന്നില്ല….  പിണങ്ങാതെ ഇവിടിരുന്നേ….. പറയട്ടെ……. ഹ ഇരിക്ക് എന്റ പെണ്ണെ എന്നും പറഞ്ഞു ഞാൻ ഇരുന്ന് കിച്ചുവിനെയും പിടിച്ചിരുത്തി …….

എന്തിനാ അച്ചേട്ടാ വലിക്കണേ….. കിച്ചു പിണക്കം കാണിച്ചു ചോദിച്ചു..

എടി വല്ലപ്പോളും വലിക്കാറുളളു….

ഇന്ന്  അങ്ങനെ തോന്നിപ്പോ ഒരെണ്ണം..😇

മ്മ്മ്…… എന്ന ഇനി അങ്ങനെ തോന്നണ്ട………. കേട്ടല്ലോ…..

ഓഹ്  ശരി എന്റ കിച്ചുവേ…..

ഇപ്പോ പിണക്കം മാറിയില്ലേ…..

മ്മ്മ്… കിച്ചു ഒന്ന് മൂളി….

എന്താ ഒരു ഉഷാറില്ലാലോ….

മൂളാതെ മാറിയെന്നു പറയെടി എന്നും പറഞ്ഞു  വയറിൽ ഇക്കിളിയിടാൻ തുടങ്ങി……. 😁

അച്ചേട്ടാ.. ഹിഹി….വിട്…. വിട് ..

ചിരി വരോട്ട……ഹിഹി….ഞാൻ ഒച്ചയെടുക്കും…… അമ്മേ…..

എന്ന പിണക്കം മാറിയെന്ന് പറ….

മാറി…. മാറി….. ഇനി വിട്…..

കിച്ചു ചിരിച്ചൊരു പരിവായി…. 😄

പെട്ടെന്ന് ഇക്കിളിയിടൽ നിർത്തി കിച്ചുവിനെ ചുറ്റി പിടിച്ചതും പെണ്ണൊന്ന് ഞെട്ടി……അവളെ എന്നിലേക്കടുപ്പിച്ചു  കുറച്ചു നേരം ആ കണ്ണുകളിലേക്ക്  നോക്കി….

അടുത്തത് എന്താ സംഭവിക്കാൻ പോകുന്നതെന്ന് മനസ്സിലായെന്ന് ആ കണ്ണുകളിലെ നാണം പറയുന്നത് എനിക്ക് കാണാം….

പതിയെ  മൂക്കും മൂക്കുമുരച്ചു

ചിരിയോടെ  ചുണ്ടിലേക്ക് ചുണ്ട് ചേർക്കാൻ പോയതും എന്റെ വാ പൊത്തികൊണ്ട് കിച്ചു മുഖം നീക്കി..

എന്തൊരു നാറ്റ അത് വലിച്ചിട്ടു  ‘ബേഹ്…..എന്നും പറഞ്ഞു മുഖം വക്രിച്ചു…..

അത് കണ്ട് എനിക്ക് ചിരി വന്നതും…..

ഇങ്ങനൊരു സാധനം… ഹും… ഞാൻ പോവാ… കറി ഒന്നും വെച്ചിട്ടില്ല…… അതും പറഞ്ഞു കിച്ചു എണീക്കാൻ നോക്കി….

ഇങ്ങനൊരു പെണ്ണ്… നല്ലൊരു കിസ്സ് കളഞ്ഞു…. ഇരിക്കെടി അവിടെ…  അതൊക്കെ അമ്മ ചെയ്തോളും…… ഞാൻ അതും പറഞ്ഞു കിച്ചുവിനെ ചാരിയിരുന്നു…

പിന്നെ…നല്ല കാര്യായി…. അമ്മ ഒറ്റയ്ക്ക് പണി തുടങ്ങിട്ടുണ്ടാവും…..

അല്ല എന്തോ കാര്യം ആലോചിച്ചു വെച്ചൂന്ന് പറഞ്ഞിട്ട് എന്താന്ന് ഒന്ന് പറ അച്ചേട്ടാ….

ആഹ് അതോ,  അത് ഞാൻ വേറെ കെട്ടിയാലോന്ന് ആലോചിച്ചതാടി…… ഹിഹി 😆……

ദേ അച്ചേട്ടാ…. കൊല്ലും ഞാൻ…..😇

കളി പറയാതെ കാര്യം എന്താന്ന് പറ ഏട്ടാ….

ഹ ഒന്ന് സമാധാനപ്പെട് പെണ്ണെ….. അതൊക്കെ സമയം ആകുമ്പോ പറയും….. അല്ല പിന്നെ…..

ഓഹ് അത്രക്ക് വല്ല്യ കാര്യാണേൽ പറയണ്ട…. നിക്ക് പണിയുണ്ടെന്ന് പറഞ്ഞു എന്നെ തളളി മാറ്റി കിച്ചു എണീറ്റു…..

ഹ്മ്മ്… എന്ന നടക്ക്….  ഉറക്കം വന്നിട്ട് കണ്ണടഞ്ഞു പോണ്… കിച്ചുവിന്റെ പിന്നാലെ ഞാനും നടന്നു…..

മുത്തശ്ശൻ പകലുറക്കത്തിൽ ആണെന്ന് തോന്നുന്നു….

വീട്ടിൽ  കേറിയപാടെ മൊബൈൽ കിടന്ന് അടിക്കുന്ന കേട്ടു….ഓടി ചെന്നപ്പോളേക്കും കട്ടായി…….

നോക്കിയപ്പോ തോമസ്സേട്ടന്റെ മാനേജറാണ്, വേണു ചേട്ടൻ … വേഗം തിരിച്ചു വിളിച്ചു……

ആഹ് ഹലോ… ചേട്ടാ ഫോൺ എടുക്കാൻ വന്നപ്പോളേക്കും കട്ടായി..

എന്താ വിളിച്ചേ..

ഡാ തൃശ്ശൂര്  മണ്ണുത്തിക്ക് ഒരു ഓട്ടം പോകാൻ പറ്റോ….

ആഹ് പിന്നെന്താ വേണുവേട്ടാ…

എന്താ ലോഡ്….

ഡാ അവിടെന്ന് ഇങ്ങോട്ട് കൊണ്ടുവരാനാ….

കൃഷിഗവേഷണ കേന്ദ്രത്തീന്ന്

ചെടികളും, ചെടിച്ചട്ടിയും , കുറച്ച് ജൈവ വളം ഒക്കെയായി  അങ്ങനെ കുറച്ച് സാധനങ്ങൾ……

എന്ന ഇറങ്ങാൻ നോക്കിക്കോ മോനെ….. അവിടെ 2 മണിക്ക് മുന്നേ എത്തണം…..

ആഹ് എന്ന ശരി ചേട്ടാ… ഇപ്പോ തന്നെ വിട്ടേക്കാം……അതും പറഞ്ഞു ഫോൺ കട്ടാക്കി……

സമയം നോക്കിയപ്പോ 11.40….

വേഗം ഔദ്യോഗിക വേഷമായ  കാക്കി ഷർട്ടിട്ട്  ഒരു കളളി മുണ്ടുടുത്തു   അടുക്കളയിലേക്ക് പോയി……

എവിടെക്കാ ഏട്ടാ, വേഷം കണ്ട് കിച്ചു ചോദിച്ചു……

തൃശൂർക്ക് പെട്ടെന്നൊരു ഓട്ടം വന്ന് കിച്ചുവേ…

അയ്യോ  കറി ഒന്നായിട്ടില്ല… വേഗം ഇത്തിരി കഞ്ഞി എടുക്കട്ടേ…..

ഏയ്യ് വേണ്ടെടി….. വൈകി….. അവിടെ നേരത്തേ എത്തണം….

അമ്മയെവിടെ……… ചോദിച്ചപ്പോഴേക്കും അമ്മ അടുക്കളതോട്ടത്തിൽ നിന്നും പച്ചക്കറി പറിച്ചുകൊണ്ട് എത്തി…..

അമ്മേ ഞാൻ ഓട്ടം പോകാ… ഒരു കുപ്പി വെളളം എടുത്തേ വേഗം…..

അത് കേട്ടതും കിച്ചു വേഗം കുപ്പി കഴുകി വെളളം പകർത്താൻ തുടങ്ങി…..അമ്മ അവളുടെ ധൃതി കണ്ട് നോക്കി നിൽക്കയ…….

ഞാൻ അപ്പോഴേക്കും ഒരു  തോർത്തെടുക്കാൻ മുറിയിലേക്ക് പോയി…..   കിച്ചു  വേഗം കുപ്പിയുമായി  വന്നു….

അച്ചേട്ടാ വേഗം കറിയുണ്ടാക്കാം….

ഇത്തിരി കഴിച്ചിട്ട് പൊക്കൂടെ……

എന്റ കിച്ചുവേ  സാരില്ലടി….. ഞാൻ അവിടെത്തിട്ട് കഴിച്ചോളാമെന്ന് പറഞ്ഞ് ഇറയത്തേക്ക് നടന്നു…..

മ്മ്മ്… ഊണ് കഴിച്ചോണേ……

ആഹ് ഡി…. ഞാൻ വിളിക്കാമെന്ന് പറഞ്ഞ് ഇറങ്ങി …….

വീട്ടിൽ നിന്ന് കഴിക്കാൻ പറ്റാതെ പോകുന്നത് ഒരു സങ്കടാ…മഹാരാഷ്ട്ര ഒക്കെ പോകുമ്പോ ചില ഹോട്ടലിൽ കേറിയാൽ  അറയ്ക്കും… അത്രേം വൃത്തിയില്ലാത്ത സ്ഥലം ഒക്കെയാകും

വണ്ടിയുടെ അടുത്തെത്തി ടയറൊക്കെ കൊട്ടിനോക്കി….. ചെറിയ എയർ കുറവുണ്ട്… വല്ല്യ ലോഡ് ഇല്ലാത്തത് കൊണ്ട് പ്രശ്നമില്ല….. വണ്ടിയിൽ കേറി കുറച്ചുനേരം സ്റ്റാർട്ട്‌ ചെയ്തിട്ടു…..

സമയം 12 ആയി…. നേരെ തൃശ്ശൂർക്ക് വെച്ച് പിടിച്ചു……. ഉച്ച സമയം ആയതോണ്ട് റോഡിൽ  തിരക്ക് കുറവാണ്.. ഫ്രീക്കൻമാരെകൊണ്ടുളള ബൈക്ക് ശല്യവും ഇല്ല….😇 അത്യാവശ്യം സ്പീഡിൽ തന്നെ വിട്ട് പോകാൻ പറ്റി……

കൃത്യം 2.30ക്ക് തന്നെ മണ്ണുത്തിയിൽ വണ്ടിയെത്തിച്ചു…..

വേണുവേട്ടൻ വിളിച്ചു എല്ലാം സെറ്റാക്കിയത് കൊണ്ട് ചെന്ന പാടെ ലോഡ് കേറ്റാൻ ഇട്ട് കൊടുത്ത് കാന്റീനിൽ പോയി ചോറുണ്ടു….

കിച്ചുവിനോട് ഫുഡ് കഴിക്കുകയാണെന്ന് മെസ്സേജ് അയച്ചതല്ലാതെ വിളിച്ചില്ല…..

അങ്ങനെ ഫുഡ് കഴിച്ചു അവിടമൊക്കെയൊന്ന് കറങ്ങി നടന്നപ്പോളാണ് ഫോൺ വന്നത്… കിച്ചു ആയിരിക്കുമെന്ന് കരുതി നോക്കിയപ്പോ പരിചയമില്ലാത്തൊരു നമ്പർ….

ഹലോ….. ആരാ

ഹലോ, അതുൽ ചേട്ടനല്ലേ….

എന്നെ മനസ്സിലായോ….

ആഹ് …. അതെയ് ആരാന്ന് പിടി കിട്ടിയില്ലാട്ടോ….

ഞാൻ അഞ്ജനയാ ചേട്ടാ…. കിച്ചുവിന്റെ കൂട്ടുകാരി…..

അയ്യോ… എനിക്ക് ശബ്ദം മനസ്സിലായില്ലാട്ടോ…. ആഹ് പിന്നെ എന്തൊക്കെയുണ്ട്….

നല്ലത് തന്നെ…..ചേട്ടാ കിച്ചു അവിടെയില്ലേ….ഒന്ന് കൊടുക്കോ…..

ശോ ഞാനിപ്പോ വീട്ടിൽ അല്ലാട്ടോ ….. ഒരു കാര്യം ചെയ്യ്,  ഞാൻ നമ്പർ പറഞ്ഞ്തരാം…നേരിട്ട് വിളിച്ചോ എന്ന് പറഞ്ഞ് അഞ്ജനയ്ക്ക് നമ്പർ പറഞ്ഞ് കൊടുത്തു…ഫോൺ വെച്ചതും നേരെ വണ്ടിയുടെ അടുത്തേക്ക് പോയി…..

ഒരു കാട്  എടുത്ത് പെട്ടിയിൽ വെച്ച പോലുണ്ട്….. എല്ലാം നല്ലോണം ഒതുക്കി കെട്ടി  വേ ബില്ലും വാങ്ങി  മൂന്നര  മണിയോടെ വണ്ടിയെടുത്തു…….

പയ്യെ പാട്ടൊക്കെ കേട്ടാണ് തിരിച്ചു വരവ്വ്…..

ഫോൺ ബെല്ലടിച്ചപ്പോ ബ്ലുടൂത് സ്‌പീക്കറിൽ കോളെടുത്തു…..

അച്ചേട്ടാ സോറി ….. ഞാൻ നല്ല ഉറക്കായിരുന്നു…. അതോണ്ടാ മെസ്സേജ് കാണാതിരുന്നേ…..

ഒന്ന് വിളിക്കായിരുന്നില്ലേ എന്നെ…..

ഹിഹി… കൊളളാം…. എന്നിട്ട് ഇപ്പോളാണോഡി എണീറ്റെ……

മ്മ്മ്… നല്ലോണം ഉറങ്ങി….

ഞാൻ വേഗം തന്നെ തിരിക്കാമെന്നുളള   കൊണ്ട വിളിക്കാഞ്ഞേ….

ആഹ് പിന്നെ അഞ്ജന എന്നെ വിളിച്ചിരുന്നു…. ആ ഫോണിന്റെ നമ്പർ  കൊടുത്തിട്ടുണ്ട് … വിളിച്ചോ നിന്നെ?

ആണോ..എന്നെ വിളിച്ചോന്നുല്ല…… അവൾ നല്ല ആളാ…….. മറന്നിട്ടുണ്ടാകും….ഏട്ടൻ അവിടെന്ന് എപ്പോഴാ വരണേ………

ഞാൻ എപ്പോഴേ തിരിച്ചു… ഇപ്പോ   വണ്ടി ഓടിക്കാഡി……

ശോ എന്നിട്ടാണോ സംസാരിക്കണേ… ഞാൻ വെക്കാൻ പോവാ…….😒

ഡി വെക്കല്ലേ……. അമ്മുവിനെ കൊണ്ടോരാൻ അച്ഛൻ പോയാ….

ആഹ് ഏട്ടാ…… കുറച്ച് നേരായി ഇറങ്ങിയിട്ട്….

മ്മ്മ്…. എന്ന ചായക്ക് എന്തേലും ഉണ്ടാക്കാൻ നോക്കെടി…. അമ്മുവിന്റെ വിശപ്പ് ഓർത്തു ഞാൻ പറഞ്ഞതാ…..

എന്റച്ചേട്ടാ അതൊക്കെ ഉണ്ടാക്കിക്കോളാം….ശ്രദ്ധിച്ചു ഓടിക്കെന്നും പറഞ്ഞ്  ഞാൻ എന്തെങ്കിലും  പറയണതിനു മുന്നേ കിച്ചു ഫോൺ വെച്ചു….

സമയം 4.30യായി….ഒരു ചായ കുടിക്കാമെന്ന് കരുതി ഹൈവേയിൽ വണ്ടിയൊതുക്കി………

വൈകിട്ടൊരു സ്ട്രോങ്ങ്‌ ചായ കുടിച്ചാൽ പിന്നൊരു  ഉഷാറാണ്….. ഒരു ലൈറ്റ്സും കത്തിച്ചു ചായയും കുടിച്ചു ലോഡും കേറ്റി കിടക്കണ എന്റെ ചെക്കന്റെ ഭംഗിയും ആസ്വദിച്ചു നിന്നു…….

അപ്പോഴാണ് ഒരു മെസ്സേജ് വന്നത്..  പോക്കറ്റിൽ നിന്ന് ഫോൺ എടുത്തു നോക്കിയപ്പോ കിച്ചൂസ്സ് ആണ്….

“അച്ചേട്ടാ, രാവിലെ അമ്മക്ക് അലാറം വെച്ച് കൊടുത്തത് ഇപ്പോഴാ അടിക്കണേ എന്നും പറഞ്ഞു അമ്മ ഏട്ടനെ വഴക്ക് പറയുന്നുണ്ട്..ഹിഹി..”

വായിച്ചതും  എനിക്കും ചിരി വന്നു… അപ്പോ എ മ്മും, പി മ്മും  മാറിപോയതാണ് കാര്യം…. 😇….

ച്ചേ… മോശായി പോയി 😆……

റിപ്ലൈ കൊടുക്കാൻ നിന്നില്ല…… 😄

വേഗം പൈസ കൊടുത്ത് വണ്ടിയെടുത്തു……..

തൃശ്ശൂര് കഴിഞ്ഞ പിന്നെ ബ്ലോക്ക്‌ ഉണ്ടാവില്ല ……

തിങ്കളാഴ്ച സീ സി അടക്കണം….. വണ്ടി സർവീസ് ചെയ്യിക്കണം…അങ്ങനെ  ഒരു നൂറുകൂട്ടം കാര്യങ്ങൾ മനസ്സിലേക്ക് വന്നു….

6 മണിയായപ്പോ കൊടുങ്ങല്ലൂരെത്തി വേണുവേട്ടനെ വിളിച്ചു……

നേരെ   പുളളിയുടെ വീടിനടുത്തുളള  അഗ്രികൾച്ചർ ഗാർഡനിലേക്ക് വരാൻ പറഞ്ഞതനുസരിച്ചു  അവിടേക്ക് പോയി…….

ഗാർഡനിൽ എത്തിയപ്പോ

വേണുവേട്ടനും പണിക്കരും അവിടെ റെഡിയായിരുന്നു…….. അര മണിക്കൂറിൽ വണ്ടി കാലിയാക്കി….

ഞാൻ കണക്ക് പറയാൻ തുടങ്ങിയതും

ഒരു 7000 രൂപ തന്നിട്ട് വെച്ചോടാ എന്ന് പറഞ്ഞു പുളളി പോയി……

കണക്കിൽ കൂടുതൽ പൈസ ഉണ്ടെങ്കിലും ഞാൻ അതും വാങ്ങി  വീട്ടിലേക്ക് വിട്ടു ……..

പോകുന്ന വഴി ബജിക്കട  കണ്ടപ്പോളാണ്

അമ്മുവിനും കിച്ചൂസിനും ബജി  വാങ്ങിക്കൊണ്ടു പോയാലോന്നു മനസ്സിൽ തോന്നിയത്….

ഞാൻ ആകെ മാറിയെന്ന് എനിക്ക് തന്നെ  മനസ്സിലായിത്തുടങ്ങി…..

ആഹ് ആഹാരം കഴിച്ചോയെന്നും, എപ്പോഴാ വീട്ടിൽ എത്തുകയെന്നും  ചോദിക്കാനൊക്കെ  ഇപ്പോഴല്ലേ ഒരാളുണ്ടായത്…….. അതുകൊണ്ടാകും….😊

തുടരും…. 😊