💞എന്റെ കൃഷ്ണ 05 💞

ദേ രണ്ടും ഞാൻ പറയുമ്പോ മുഖത്തോട് മുഖം നോക്കുന്ന പോലെ,  ചെറുതായി തല ചരിച്ചു  നോക്കി ചിരിക്കണം…. കേട്ടല്ലോ…

സ്റ്റാറ്റസ് ഇടനാ😇…. എന്നും

പറഞ്ഞ് അമ്മു ഫോൺ എടുത്തു…

അമ്മു ആകെയൊരു  സന്തോഷത്തിലാണ് 😄…..

ഓക്കേ ഡാ അമ്മൂസ്സേ…. ഞാൻ ഡ്രൈവിങ്ങിൽ നിന്നും കണ്ണെടുക്കാതെ പറഞ്ഞു…

എന്ത് ഓക്കേ….. ദേ അച്ചേട്ടാ വണ്ടി ഓടിക്കുമ്പോ കളിക്കല്ലേ ട്ടോ … ഡി അമ്മു… അടങ്ങി ഇരുന്നേ…. ഏട്ടൻ  വണ്ടി ഓടിക്കുമ്പോളാ ഫോട്ടോയെടുക്കൽ…കിട്ടും നിനക്ക്…. കിച്ചു ഞങ്ങൾ  രണ്ടുപേർക്കും തന്നു…ഹിഹി… ഒരാൾക്കു മാത്രം കിച്ചൂന്റെ വഴക്ക് കേട്ടെന്ന് വേണ്ട 😄

അച്ചുച്ചേട്ടാ….കിച്ചേച്ചി വെറുതെ വഴക്ക് പറയണ കേട്ടോ ….. നമുക്ക് ഇതിനെ കൊണ്ടോകണ്ട  എന്നും പറഞ്ഞ് അമ്മു ചിണുങ്ങി…അമ്മു  തമാശക്ക് പറയണതാണെട്ടോ…

പിന്നെ  നീ പറഞ്ഞ എന്റെ അച്ചേട്ടൻ എന്നെ കൊണ്ടൊകില്ല……. കിച്ചു പെട്ടെന്നാണ് ഒരു ഗമയിൽ അത് പറഞ്ഞത്…. 😇

അത് കേട്ട് അമ്മൂന്റെ കണ്ണ് വിടർന്നു… പുരികമുയർത്തി അമ്മു…  എന്തോ…. ആരുടെ അച്ചേട്ടൻ…? ഒന്നൂടെ പറഞ്ഞെ കേട്ടില്ല…..അതെയ് അച്ചുചേട്ടൻ എന്റെയാ……

ഹും… അമ്മുവും ഇത്തിരി ഗമയിൽ തന്നെ പറഞ്ഞു….

ഇതെല്ലാം കേട്ട് ഒരു ചിരിയോടെ ഞാൻ വണ്ടിയോടിക്കയാണ്…

ഓഹ് പിന്നെ പിന്നെ…. കിച്ചുവും വിട്ട് കൊടുത്തില്ല….

പെട്ടെന്നാണ് അമ്മു….അച്ചുച്ചേട്ടാ…. അച്ചുച്ചേട്ടൻ എന്റെയല്ലേ…. അത് ഈ കിച്ചേച്ചിയോട് പറ…വേഗം പറ എന്നും പറഞ്ഞു എന്നെ തോണ്ടിക്കൊണ്ടിരുന്നു…..

കിച്ചുവാകട്ടെ ഞാൻ അത് പറയോ  എന്നാലോചിച്ചു എന്നെ നോക്കുന്നു….അടിപൊളി… 😐

നമ്മുടെ ഹരിശ്രീ അശോകൻ പറയുന്ന പോലെ…ഹായ് എന്തായാലും മരണം ഉറപ്പായി.. 😆😆😆

ശോ ഇങ്ങനെ രണ്ടെണ്ണം എന്ന് മനസ്സിൽ ആലോചിച്ചു ചിരിച്ചു പോയിട്ടാ… 😆

എന്റ അമ്മുകുട്ട്യേ…വണ്ടി ഓടിക്കുമ്പോ കണ്ണ് മാറ്റാൻ പറ്റോഡാ… പിന്നെ പിന്നിലിരുന്ന് എന്റേം കിച്ചൂന്റേം ഫോട്ടോയെടുത്ത  അതിൽ എന്റെ മോൻ എങ്ങനാ ഉണ്ടാവാ…അതോണ്ടല്ലേ  കിച്ചേച്ചി വഴക്ക് പറഞ്ഞപ്പോ ഏട്ടൻ ഒന്നും പറയാഞ്ഞേ…..

ഡി കിച്ചു… ആ ഫോൺ വാങ്ങി സെൽഫി എടുത്തേ… അല്ലാതെ എന്റെ കൊച്ചിനെ വെറുതെ പിണങ്ങല്ലേ…

അത് കേട്ടതും അമ്മു ഒന്ന് സമാധാനപ്പെട്ടു….

നീ ആ ഫോൺ കിച്ചേച്ചിക്ക് കൊടുത്തേ…

ഫോൺ കൊടുത്തതും അമ്മു കൊഞ്ഞനം കുത്തി കാട്ടി…  ഞഞഞാ എന്ന് കിച്ചു തിരിച്ചും പറഞ്ഞതോടെ പ്രശ്നം സോൾവ്… ഹിഹി…. ഇതൊക്കെ കണ്ടിരിക്കാൻ തന്നെയൊരു രസാട്ടോ 😊….

അങ്ങനെ ഒരു സെൽഫി എടുത്തതും അമ്മു അപ്പോ തന്നെ സ്റ്റാറ്റസ് ആക്കി….

നമ്മൾ ലുലുവിൽ പോണത്  എല്ലാരും അറിയട്ടെ😇…..അമ്മു ഒരു കളളചിരിയോടെ പറഞ്ഞു…

അങ്ങനെ ഞങ്ങൾ കോട്ടപ്പുറം പാലം കഴിഞ്ഞപ്പോളാണ്,

ദേ അച്ചേട്ടാ അച്ഛൻ വരുന്നു, ദേ നോക്ക്…. കിച്ചു എതിരെ വരുന്ന അച്ചനെ നോക്കികൊണ്ട് പറഞ്ഞതും, ഞാൻ ലൈറ്റ് ഇട്ട് കാണിച്ചു…….

പക്ഷെ അച്ഛൻ മൈൻഡ് ചെയ്യാതെ പോയി….

അയ്യോ കഷ്ട്ടായി ..അച്ഛൻ കണ്ടില്ല എന്ന് കിച്ചു ചുണ്ടുകോട്ടിക്കൊണ്ട് പറഞ്ഞു…

ഏയ്യ് …. കണ്ടിട്ടുണ്ടാവും…. പിന്നെ വണ്ടി ഓടിക്കുമ്പോ ആൾ എന്തിരൻ ആണെടി… കൈ പൊക്കി കാണിക്കലൊന്നും ചെയ്യില്ല പെണ്ണെ എന്ന് പറഞ്ഞതും കിച്ചൂന് ചിരി വന്നു…..

അങ്ങനെ അമ്മൂനെ ചേർത്ത സ്കൂൾ എത്തിയപ്പോ.. ദേ കിച്ചേച്ചി നോക്ക്…  ഇതാ സ്കൂൾ…. അത് പറഞ്ഞു അമ്മു സീറ്റിൽ നിന്നെണീറ്റ് കിച്ചൂന്റെ തല പിടിച്ചു തിരിച്ചു വെച്ചു 😁……

കിച്ചു തല താഴ്ത്തി സ്കൂൾ ആകെയൊന്ന് നോക്കുകയാണ്…..

ശോ… അമ്മൂസ്സേ…. നമ്മൾ ഒരു കാര്യം മറന്നെടാ…. യൂണിഫോം തയ്പ്പിക്കാൻ കൊടുത്തില്ലലോ..

അത് പറഞ്ഞു ഞാൻ അമ്മൂനെ നോക്കി… 😐

പക്ഷെ അവൾക്കു വല്ല്യ ഭാവമാറ്റം ഒന്നും ഉണ്ടായില്ല…… കുറച്ചു ദിവസം കളർ ഡ്രെസ്സിൽ തകർക്കാം എന്നാവും അവൾ ചിന്തിക്കണേ😆…

പെട്ടെന്നാണ് എന്റെ ഫോൺ അടിച്ചത്….. ഫോൺ എടുത്ത് ആരാണെന്നു നോക്കാൻ കിച്ചുവിന് കൊടുത്തു…..

കഷ്ടപ്പെട്ട് ആഷിക്ക് എന്നവൾ വായിച്ചെടുത്തു…… എടുക്കണോ അച്ചേട്ടാ…

ആഹ് എടുത്തിട്ട് കാര്യം ചോദിക്ക്..   ഞാൻ വണ്ടി ഓടിക്കാന്ന് പറഞ്ഞോ….

എന്റെ സമ്മതം കിട്ടിയതും കിച്ചു ഫോണെടുത്തു……

ഹലോ….

അതേ ഏട്ടൻ വണ്ടി ഓടിക്കാ….അത്യാവശ്യം ആണോ…

ഇപ്പോ ലുലുവിൽ പോകുകയാ….

അവൻ എന്തൊക്കെയോ കിച്ചുവിനോട്  പറയുന്നുണ്ട്..  കിച്ചു അതൊക്കെ കേട്ട് ഒരു ചിരി ഒക്കെയായി ഇരിക്കയാണ്…….

എന്ന വൈകിട്ട് വിളിക്കാൻ പറയാം എന്ന് പറഞ്ഞു കിച്ചു  ഫോൺ കട്ടാക്കി….

എന്താ കിച്ചുവേ… അവളുടെ കളളചിരി കണ്ട് ഞാൻ ചോദിച്ചു…

ആരാ അച്ചേട്ടാ ഇത്….. എന്നോട് ചോദിക്ക്യാ, വീട്ടിൽ അറിയാതെ കറങ്ങാൻ പോകേണോ  എന്നൊക്കെ…😊

ഹിഹി… ഫെബിനെ  പോലെ തന്നെ ഒരു കൂട്ടുകാരനാ…ആഷിക്, ആഹ് ഗുരുവായൂർ പോയി വന്നപ്പോ ഒരു ബസ്സ് ഒപ്പം നിന്ന് ഓടിയപ്പോ നീ  പേടിച്ചത് ഓർക്കണില്ലേ….ആ ബസ്സ് ഓടിക്കണത് ഇവനാ…

അയ്യോ, അന്ന് ഞാൻ എന്ത്മാത്രം പേടിച്ചൂന്ന് അറിയോ…. ഈ ചേട്ടനെ കാണുമ്പോ  വഴക്ക് പറയണേ അച്ചേട്ടാ…. കിച്ചു കാര്യത്തിൽ തന്നെ പറയണ കേട്ടിട്ടു എനിക്ക്   ചിരിയ വരണേ…പാവം…

മ്മ്മ്…നേരിട്ട് കാണുമ്പോ പറഞ്ഞ മതിയെന്ന് പറഞ്ഞു  ഞാൻ ചിരിച്ചു…

കുറച്ചു നേരായിട്ട് അമ്മൂന്റെ അനക്കമൊന്നും ഇല്ലല്ലോ….

ഡാ അമ്മൂസ്സേ… എന്താടാ മിണ്ടാതെ… വഴിയിൽ ഇറങ്ങി പോയ….

അച്ചുച്ചേട്ടാ ഞാൻ വാട്ട്സാപ്പിൽ കേറിയെക്ക…സ്റ്റാറ്റസ് കണ്ട് എത്ര പേരാണ് റിപ്ലൈ തന്നേക്കുന്നെന്ന് അറിയോ😌 …അമ്മൂന്

ഹാപ്പിയാകാൻ അതൊക്കെ തന്നെ ധാരാളം… 😆

അച്ചുച്ചേട്ടാ…. പിന്നെ, ഒരു കാര്യം….

എന്താടാ അമ്മൂസ്സേ…

ഒന്ന് രണ്ട് പേരായി ഇപ്പോ ചോദിക്കുന്നെ… “എന്ന ചേച്ചിടേം ചേട്ടന്റേം കല്യാണമെന്ന് “….. 😇

അത് കേട്ടതും ഒരേ സമയം ഒരുപോലെ ഞാനും കിച്ചുവും പരസ്പ്പരം നോക്കി കണ്ണ് മിഴിച്ചു  ചിരിച്ചുപോയി…കിച്ചുപെണ്ണിന് നാണം വന്നിട്ട്  മുഖം മാറ്റി പുറത്തോട്ട് നോക്കിയിരുന്നു …എന്നാലും കവിളിൽ ചിരി വരുന്നത് എനിക്ക് കാണാം…..

ഇങ്ങനൊരു പെണ്ണ്….

എന്നിട്ട് അവരോടൊക്കെ എന്ത് പറഞ്ഞെടാ….

ഹിഹി…. അത് അനഘ ചോദിച്ചപ്പോ ഞാൻ പറഞ്ഞു രണ്ട് പിളേളരൊക്കെ ആയിട്ട് മതി കല്യാണം എന്നാ തീരുമാനിച്ചേക്കണേന് 😆😝…..

അത് കേട്ടതും കിച്ചു വാ പൊത്തി ചിരി തുടങ്ങി….അതിനു ചിരിയടക്കാൻ പറ്റണില്ല….😆

അങ്ങനെ ഓരോന്നൊക്കെ പറഞ്ഞു 1 മണി ആയപ്പോ ലുലു എത്തി….

രണ്ടിനേം ഇറക്കി വണ്ടി പാർക്ക് ചെയ്തോണ്ടിരുന്നപ്പോ  കിച്ചു അമ്മൂനോട് എന്തൊക്കെയോ പറയുന്നുണ്ട്…അമ്മു അതൊക്കെ തലയാട്ടികൊണ്ട് കേൾക്കുന്നു…

ഞാൻ വണ്ടിയിൽ നിന്നിറങ്ങി അടുത്തേക്ക് ചെന്നപ്പോ വേഗം സംസാരം നിർത്തി…

എന്റെ കൊച്ചിനെ വഴക്ക് പറയേണ നീ…. കിച്ചുവിനോട് ചോദിച്ചു കൊണ്ട് അമ്മൂനെ ചേർത്ത്പിടിച്ചു…

എന്റച്ചേട്ടാ… ഞാൻ വഴക്കൊന്നും പറഞ്ഞില്ല…..ശ്വാസം മുട്ടണു ഇവിടെ നിന്നിട്ട്…. അകത്തേക്ക് കേറാം എന്ന് പറഞ്ഞു കിച്ചു നടന്നു…. പെട്ടെന്ന് അവൾ തിരിച്ചു അടുത്തേക്ക് വന്നിട്ട്…

അതിനു എനിക്ക് വഴി അറിയില്ലലോ  എന്ന് ചിരിയോടെ പറഞ്ഞു😅…..

ഹിഹി… അത് കേട്ടപ്പോ അമ്മുവും ഞാനും ചിരിച്ചു പോയി…

അങ്ങനെ ഞങ്ങൾ  മാളിലേക്ക് കേറി…….

പക്ഷെ പതിവ് തെറ്റിച്ചു അമ്മു  കയ്യിൽ തൂങ്ങിയിട്ടില്ല…

അമ്മൂസ്സേ ആദ്യം എവിടെക്കാ പോകണ്ടേ….ഞാൻ ചോദിച്ചത് കേട്ട്  അമ്മു ചിരിക്കയല്ലാതെ ഒന്നും മിണ്ടുന്നില്ല……

ഹ ചിരിക്കാതെ പറയെടാ…

അച്ചുച്ചേട്ടാ…ക്ലാസ്സിൽ വെച്ച് കൂട്ടുകാരികൾ ഇവിടെ വന്ന കഥയൊക്കെ പറഞ്ഞുകേൾക്കുമ്പോൾ ഒന്ന് കാണാൻ വല്ലാത്ത കൊതി തോന്നിട്ടുണ്ട്… എല്ലാം കാണണം… എനിക്ക് അത്രേ വേണ്ടു…😊

അമ്മു അത് പറഞ്ഞപ്പോ എനിക്ക് ചെറിയൊരു സങ്കടം  തോന്നി….പക്ഷെ അവളുടെ ആഗ്രഹങ്ങളൊക്കെ അറിയാതെ  തന്നെ ഞാൻ സാധിച്ചു കൊടുക്കുകയാണെന്ന് ഓർത്തപ്പോ  സന്തോഷവും…

എന്നാ നമുക്ക് ആദ്യം ഫുഡ്കോർട്ടിൽ പോയി ഫുഡ് അടിച്ചിട്ടേ ബാക്കി കാര്യമുളളു എന്ന് പറഞ്ഞു കൈ അമ്മൂസിനു നേരെ നീട്ടി…

ഹിഹി… കാന്തം ഒക്കെ ഒട്ടിപിടിക്കില്ലേ.. അത് പോലെയാ അവൾ കയ്യിൽ തൂങ്ങിയത്…

കിച്ചുവിനെ നോക്കി അവളുടെ കൈയിൽ ഞാൻ കോർത്തു പിടിച്ചു…

അവൾ അതാഗ്രഹിച്ചിരുന്നു എന്ന് ആ ചിരി കണ്ടപ്പോ മനസ്സിലായി….

ഇവിടെ  എത്രയോ വട്ടം വന്നിട്ടുണ്ട്.. പക്ഷെ അപ്പോഴൊന്നും തോന്നാത്ത ഒരു സന്തോഷമാണ് ഇന്നെനിക്ക്…

സത്യത്തിൽ തെല്ലൊരു അഭിമാനത്തോടെയാണ് ഞാൻ നടക്കുന്നത്…

ഇപ്പോ ആര് കണ്ടാലും കിച്ചു എന്റെ വൈഫും, അമ്മൂസ് എന്റെ അനിയത്തിയും ആണെന്നെ തോന്നു…

നേരെ ഫുഡ് കോർട്ടിൽ പോയി 3സീറ്റ്‌ പിടിച്ചു…. “എന്താടാ കഴിക്കാൻ വേണ്ടേ”…അമ്മുവിനോടായി ചോദിച്ചു…

അച്ചുചേട്ടൻ തന്നെ പറഞ്ഞ മതിയെന്നായിരുന്നു അവളുടെ മറുപടി…..അമ്മു കിച്ചുവിനെ നോക്കിയാണ് അത് പറഞ്ഞതും…

എന്റെ കൊച്ചെന്താ ഇന്ന്  ഇങ്ങനെ… അല്ല അവൾക്ക് വേണ്ടത് ഒരു മടിയും കൂടാതെ പറയുന്ന പെണ്ണാ…അതും ആലോചിച്ചു ഞാൻ കിച്ചുവിനെ നോക്കി…. ആഹ് ഇവിടെ പിന്നെ എന്നിഷ്ടം നിന്നിഷ്ടം ആണല്ലോ   എന്നുപറഞ്ഞു  കളിയാക്കികൊണ്ട് ഞാൻ ഓഡർ കൊടുക്കാൻ പോയി….

ഒരു മഷ്‌റൂം നൂഡിൽസ്, ഒരു ഫ്രൈഡ് റൈസ്, ചപ്പാത്തി,3 പീസ് kfc,  3ചിക്കെൻ മോമോസ്, എന്നിങ്ങനെ പല ഐറ്റംസ് ആണ് ഓഡർ ചെയ്തത്…

അങ്ങനെ ഞങ്ങൾ മൂന്നും കൂടി വന്നവരേം പോണവരേം നോക്കി ,  പിളേളർ ഐസ് സ്കേറ്റിംഗ് ചെയ്യണതൊക്കെ കണ്ട് ഇരിപ്പായി…

സത്യം പറയാലോ… മൂന്നിനും നല്ല വിശപ്പായെന്ന് തമ്മിലുളള നോട്ടം കണ്ടാൽ തന്നെയറിയാം…. 😁

ഇത്തിരി കഴിഞ്ഞപ്പോ തൊപ്പിയൊക്കെ വെച്ച്  ഒരു പെണ്ണും ചെക്കനും ഫുഡ് കൊണ്ടുവന്നു…. ഇവറ്റകളുടെ ജാഡ കാണുമ്പോളാണ് ദേഷ്യം വരുന്നത്… നമ്മളെന്തോ ഫ്രീ ആയിട്ട് കഴിക്കാൻ ഇരിക്കണ പോലെയാ പെരുമാറ്റം…..

അതൊക്കെ നമ്മുടെ   കുഞ്ചൂന്റെ തട്ടുകട… എന്താ സെർവിങ്ങ്…

ചിരിച്ചുകൊണ്ടല്ലാതെ കുഞ്ചു ഒരു ഓംലറ്റ് പോലും അടിക്കില്ല….. 😆

വേഗം തന്നെ അറ്റാക്കിങ്ങ് തുടങ്ങി…

നൂഡിൽസ് അമ്മു കഴിക്കുന്നതിനൊപ്പം എനിക്കും കിച്ചുവിനും  വായിൽ വെച്ച് തരുന്നുണ്ട്…..അപ്പോളാണ് ഒരു പെൺകുട്ടി ഫ്രീ ഡ്രിങ്ക് ആയി പെപ്സി കൊണ്ടുവന്നത്…. എന്നോട് ചിരിച്ചുകൊണ്ട് തന്നെ അത് സെർവ് ചെയ്യുകയാണ്….

അപ്പോളാണ് കിച്ചു  അതിന്റെ മുഖം ശ്രദ്ധിച്ചത്….

അഞ്ജനാ…. ഡി…….

സീറ്റിൽ  നിന്ന് ചാടിയെണീറ്റാണ് കിച്ചു വിളിച്ചത്….   സന്തോഷത്തിൽ ആയിപോയത് കൊണ്ടാകും  ഇത്തിരി ശബ്ദം കൂടിപ്പോയി….

കൃഷ്ണേ….. നീയോ…..ദൈവമേ..

എവിടെയായിരുന്നെടി……

പറ്റുന്നപോലെ എവിടെയൊക്കെ അന്വേഷിച്ചു എന്നറിയോ…..ഒരു വിവരോം അറിയാതെ ഞാൻ വല്ലാതെ വിഷമിച്ചു…. കിച്ചു വിഷമത്തോടെയും ഇത്തിരി ദേഷ്യത്തോടെയും ആണത് പറഞ്ഞത്…

പെട്ടന്നാണ് രണ്ടുപേരുടെയും കണ്ണ് നിറഞ്ഞത്……

ഞാൻ ഇതൊക്കെ കണ്ട് അമ്മൂസിനോട് ഇതാരാണെന്ന് കണ്ണുകൊണ്ട് കാണിച്ചു…

ചുണ്ട് കോട്ടികൊണ്ട് അറിയില്ലെന്ന് അമ്മു ആക്ഷൻ ഇട്ടു… എന്തായാലും അടുത്ത ഏതോ കൂട്ടുകാരിയാണ്…

പെട്ടെന്നാണ് വേറൊരു പയ്യൻ വന്നു ആ കുട്ടിയോട് മാനേജർ ശ്രെദ്ധിക്കുന്നുണ്ടെന്ന് പറഞ്ഞത്…. അത് കേട്ടതോടെ കണ്ണൊക്കെ തുടച്ചു ഒരു 3 മണിയോടെ ഷിഫ്റ്റ്‌ കഴിയും..

അപ്പോ കാണാമെന്നു പറഞ്ഞു പോയി…..

കിച്ചുവിന് വല്ലാത്ത സങ്കടം….

ആരാ കിച്ചൂസ്സേ അത്…. എന്റെ ചോദ്യം കേട്ടപ്പോ കിച്ചുവും കണ്ണൊക്കെ തുടച്ചു നേരെയിരുന്നു…

അതെന്റെ കൂട്ടുകാരിയാ അച്ചേട്ടാ, അഞ്ജന….

കിച്ചേച്ചി ഇതാണോ അഞ്ജന ചേച്ചി…. ഒരിക്കൽ നമ്മുടെ വീട്ടിൽ വന്ന .. ആ ചേച്ചിയാണോ ഇത്???

അമ്മുവിന് ചെറിയൊരു ഓർമ കിട്ടി.

മ്മ്… അതേടാ… മുഖമൊക്കെ  ആകെ മാറിപ്പോയി… കിച്ചു തെല്ലൊരു വിഷമത്തോടെ  അമ്മുവിനോടായി  പറഞ്ഞു…

പ്ലസ് ടു തൊട്ട് ഡിഗ്രി വരെ ഒന്നിച്ചായിരുന്നു ഞങ്ങൾ…..കോളേജ് കഴിയനായപ്പോ ഒരു സംഭവം ഉണ്ടായി… അതിനു  ശേഷം ഇന്നാ കാണുന്നെ… കിച്ചു എന്തൊക്കെയോ ഓർത്തെന്ന പോലെ എന്നോട് പറഞ്ഞു….

എന്താടാ… പ്രശ്നം വല്ലതും…. ഞാൻ ചെറിയൊരു വേവലാതിയോടെയാണ് ചോദിച്ചത്… അമ്മുവും ഒരു ആകാംഷയോടെ ഇരിക്കയാണ്…

പിന്നെ പറഞ്ഞു തരാ ഏട്ടാ….. കിച്ചുവിന് അപ്പോളും ചെറുതായി കണ്ണ് നിറയണുണ്ടായിരുന്നു….

ഹ്മ്മ്… എന്നാ വേഗം കഴിക്ക്…

അങ്ങനെ ഞങ്ങൾ ഒരു തരി ബാക്കി വെക്കാതെ ഫുൾ തട്ടി…..കൈ കഴുകിയതും ഞാൻ കിച്ചുവിനോട്, നമുക്ക് കൂട്ടുകാരിയെ കാണണ്ടേ….

മ്മ്… വേണം ഏട്ടാ… രണ്ട് വർഷായി കാണാതെ പോയ സാധനമാ അത്…

അത് പറഞ്ഞപ്പോ കളഞ്ഞുപോയ എന്തോ തിരിച്ചു കിട്ടിയ സന്തോഷമായിരുന്നു കിച്ചുവിന്…..

മ്മ്…  ഇപ്പോ രണ്ട് മണിയല്ലേ  ആയിട്ടുളളു… ഒരു കാര്യം ചെയ്യാം…ഞാൻ പോയി  നമ്പർ കൊടുക്കാം.. എന്നിട്ട്  താഴേക്ക് പോകാം… അതാകുമ്പോ അതിന്റെ  ജോലി കഴിയുമ്പോൾ വിളിച്ച  നമുക്ക് കാണാമല്ലോ…..

അത് കിച്ചൂനും സന്തോഷായി….. ഞാൻ നേരെ റെസ്റ്റോറന്റിൽ ചെന്ന് നൈസ് ആയിട്ട്  നമ്പർ കൊടുത്ത് പോന്നു…. അങ്ങനെ ഞങ്ങൾ അവിടം ഒന്ന് ചുറ്റി റൈഡ് ഉളള ഭാഗത്തേക്ക് പോയി….

വല്ല്യ ആൾക്കാർക്ക്  കേറാൻ പറ്റിയ ടൈപ്പ് ഒരു റൈഡ് ഉളളു… അത് ആളെ ചെറുതായിട്ടൊന്ന്  കറക്കി പിഴിഞ്ഞെടുക്കും… അത് കൊണ്ട് ഞാനും കിച്ചുപെണ്ണും സുലാൻ പറഞ്ഞു കേറിയില്ല…. അമ്മു പക്ഷെ അതിൽ കേറി വല്ല്യ ധൈര്യമൊക്കെ കാണിച്ചിരുപ്പുണ്ട്……

അപ്പോളാണ് കിച്ചു അമ്മുവിന്റെ ടോപ്  ശ്രദ്ധിക്കുന്നേ… അത് പറക്കാതെ പിടിക്കാൻ കാൽമുട്ടിൽ തട്ടികൊണ്ട് കിച്ചു കൈ കൊണ്ട് കാണിച്ചു…

10 പേരായതോടെ സാധനം കറങ്ങാൻ തുടങ്ങി…..

ആഹാ പമ്പരം കണക്കിന് കറങ്ങി കറങ്ങി ഞാൻ…. പമ്പരം കണക്കിന് കറങ്ങി കറങ്ങി….. 😂

ഹിഹി… ഈ പാട്ടാണപ്പോ മനസ്സിൽ വന്നത്…

കറങ്ങുന്നത് അമ്മു ആണെങ്കിലും കിച്ചൂവിനാണ് പേടി …. എന്റെ കൈവിരലിൽ പിടിച്ചു ഒടിച്ചില്ലെന്നുളളു…പക്ഷെ ഞാൻ ആ സുഖമുളള വേദനയും  ആസ്വാധിച്ചു നിൽക്കയാണ്….. 😇

കൂട്ടുകാരൊക്കെ വളയിട്ട കൈയിൽ കൈ കോർത്തു പിടിച്ചു നടന്നിരുന്നപ്പോ, ഞാൻ കൈ കോർത്തു പിടിച്ചത് വളയത്തിൽ ആണെ….അപ്പോ ഓരോ നിമിഷവും  എനിക്ക് മനസ്സിൽ വല്ലാത്തൊരു ഫീൽ ആണ് നൽകുന്നത്… 😊

ഒരു 5മിനിറ്റ്  കഴിഞ്ഞ് അമ്മു ഇറങ്ങി…. ഒരു ചിരിയോടെയാണ് നടന്നു വരുന്നതെങ്കിലും കിളി പോയ അവസ്ഥയാണ്… നേരെ വന്നു എന്റെയും കിച്ചൂന്റെയും തോളിൽ തൂങ്ങിനിൽക്കയാണവൾ…

വല്ല കാര്യം ഉണ്ടായിരുന്നോ പെണ്ണെ… കിച്ചു അവളുടെ മുടിയൊക്കെ

നേരെയാക്കികൊണ്ട് ചോദിച്ചു….. എനിക്ക് കൊതിയായിട്ടല്ലേ കിച്ചേച്ചി എന്നും പറഞ്ഞു അമ്മു ചിണുങ്ങി…..

എന്നാ നമുക്ക് ഇനി താഴേക്ക് പോകാമെന്നു പറഞ്ഞതോടെ അമ്മു കിച്ചുവിനെ വിട്ട് എന്റെ മേത്ത് ഒട്ടിപ്പിടിച്ചു…

താഴേക്കിറങ്ങി മെട്രോ ബ്രിഡ്ജ് കണ്ടപ്പോ ആലുവ വരെ അതിൽ പോയി തിരിച്ചു വരാമെന്ന് മനസ്സിലോർത്തു….. പക്ഷെ ഒരു ചെറിയ ഷോപ്പിംഗ് മനസ്സിൽ പ്ലാൻ ചെയ്തിട്ടുണ്ടായിരുന്നത് കൊണ്ട് അത് കഴിഞ്ഞിട്ടാകാമെന്ന് കരുതി…

ഞാൻ നേരെ  ഫാഷൻ സ്റ്റോറിന്റെ ഭാഗത്തേക്ക്‌ നടന്നു….. പിന്നാലെ കൗതുകത്തോടെ  എല്ലാം നോക്കി കിച്ചൂസും….

നേരെ ബാഗിന്റെ സെക്ഷനിലേക്കാണ് ആദ്യം പോയത്….ഓരോ ബാഗും ഞാൻ നോക്കികൊണ്ടിരിക്കുമ്പോ അമ്മുവും അതെല്ലാം ഒന്ന് പിടിച്ചൊക്കെ നോക്കുന്നുണ്ടായിരുന്നു….

അമ്മൂസ്സേ….. ഏതാടാ ഇഷ്ട്ടായെ….. നല്ല കളർ നോക്കി എടുത്തോ…. അധികം വീർത്തു നിൽക്കുന്നത് വേണ്ട.. ഒരു ഭംഗി ഉണ്ടാവില്ല…..

ഞാൻ അമ്മുവിനോടതു പറഞ്ഞതും

പെട്ടെന്നാണ് കിച്ചു എന്റെ ഷർട്ടിൽ  പിടിച്ചു ചെറുതായി വലിച്ചുകൊണ്ട്.

അച്ചേട്ടാ ഇതാർക്കാ ഈ ബാഗ്… അമ്മുവിനു  വേണ്ടിയാണോ??

ദേ അച്ചേട്ടാ വേണ്ടാട്ടോ …ഇപ്പൊ  ഒരു  ബാഗുണ്ട് …അത് മതി… എന്നും  പറഞ്ഞു കിച്ചു അമ്മുവിനെ നോക്കി…..

പാവം… കയ്യിലിരുന്ന ബാഗ് അപ്പൊത്തന്നെ  അമ്മു  താഴെ  വെച്ചു….

ഡി  നീ എന്താ  എന്റെ  മോളേ  നോക്കിപ്പേടിപ്പിക്കുയാണോ ….ആഹ അത്  കൊള്ളളാലോ

ഒരു  ചിരിയോടെ , ഇനിയെന്റെ  കൊച്ചിനെ  നോക്കിപ്പേടിപ്പിച്ച  നിന്നെ  ഞാൻ  ഡിവോഴ്സ് ചെയ്യുമെന്ന്  പറഞ്ഞതും  കിച്ചൂന്  ചിരിപൊട്ടി ….ഹിഹി …

ചേച്ചിയെ  നോക്കണ്ട  അമ്മൂസ്സേ …മോൻ  നല്ലത്  നോക്കി  എടുത്തോ ….

അച്ചുച്ചേട്ടാ… ബാഗ് ഒരെണ്ണം   ഉണ്ടെല്ലോ…. എനിക്ക് അത് മതിയെന്ന്  അമ്മു പറഞ്ഞതും…

ഓഹ്  പിന്നെ …അതവിടെ  തൂക്കിയിട്ടേക്കുന്നത് ഞാൻ  കണ്ടു …നിറം ആകെ മങ്ങി ….അതിനി  വേണ്ട ……

അത് കേട്ടതും  അമ്മു ആകെ വല്ലാതായി…..

എന്തിനാ  ഏട്ടാ ഇതൊക്കെ എന്നർത്ഥത്തിൽ കിച്ചുവും എന്നെ  നോക്കുകയായിരുന്നു …

ഞാൻ അല്ലേ   വാങ്ങിത്തരുന്നത് എന്ന് ചിരിയോടെ പറഞ്ഞിട്ട്  അവിടെയിരുന്ന ഏറ്റവും നല്ല ബാഗ്  തന്നെയെടുത്ത് എന്റെ  കൊച്ചിന്റെ  കയ്യിലേക്ക് കൊടുത്തു….

പാവം …അമ്മു ആ ബാഗ് വല്ലാത്ത ഇഷ്ടത്തോടെ  മുറുക്കെ പിടിച്ചുകൊണ്ടു  എന്നെനോക്കി  ….

അതെയ് ഏട്ടൻ മോൾക്ക് എന്ത്  വാങ്ങിത്തന്നാലും  അത്രേം  സന്തോഷത്തോടെയാ  വാങ്ങി  തരുന്നേ …അപ്പോ  ഇങ്ങനെ  വിഷമിക്കാതെ വേണം അതൊക്കെ വാങ്ങി കയ്യിൽ  പിടിക്കാൻ കേട്ടല്ലോ…

അമ്മു തലയാട്ടികൊണ്ട് കിച്ചുവിനെ നോക്കി…. അത് ശെരി… കിച്ചൂനെ പേടിച്ചിട്ടാണപ്പോ……..

ഡി കിച്ചൂസ്സേ… ഇവിടുന്ന് ഒന്നും  വാങ്ങിക്കരുത് എന്നാണല്ലേടി  താഴെവെച്ച്  അമ്മൂനോട്  പറയുന്നുണ്ടായത്….അത്  പറഞ്ഞു ഞാൻ  കിച്ചുവിനെ  കണ്ണുരുട്ടി  കാണിച്ചു😄……വെറുതെയല്ല  എന്റെ  അമ്മൂന് ഒരു  ഉഷാറില്ലാതെ……

അച്ചേട്ടാ  ഇവിടെയൊക്കെ എല്ലാത്തിനും  കുറെ  പൈസയാകും  …അതോണ്ടാ  ഞാൻ  അങ്ങനെ  പറഞ്ഞെ😞……

ഹിഹി …കിച്ചൂനോട്  വെറുതെ  ഒന്നിട്ട്  നോക്കിയതാ …അപ്പോതന്നെ  കാര്യം ഇങ്ങോട്ട് പോന്നു …..ഇതിനൊക്കെ ഒന്നും  മറച്ചുവെക്കാനുളള  കഴിവില്ലലോ ദൈവമേ   എന്നോർത്തു ഞാൻ  ചിരിച്ചുപോയി…… 😅

എന്താ അച്ചേട്ടാ  ചിരിക്കണേ ..കിച്ചു  ഞാൻ  അവളെ കളിയാക്കുകയാണെന്ന  മട്ടിൽ എന്നോട് ചിണുങ്ങി……

ഏയ്യ് ഒന്നുല്ല എന്റെ  പെണ്ണെ ….

വാ,  വാ…..വേറെയും  കുറച്ചു  ഷോപ്പിംഗ് ഉണ്ട് …അത് കഴിഞ്ഞിട്ട്  വേണം  മെട്രോ  കേറാൻ ….

മെട്രോയെന്ന്  കേട്ടതും അമ്മു കണ്ണ്  മിഴിച്ചു ചിരിച്ചോണ്ട്  എന്നെനോക്കി…….

രണ്ടും  വേഗം നടന്നെയെന്ന് പറഞ്ഞു  ഡ്രസ്സ്‌ സെക്ഷനിലേക്ക്  പോയി ….

അച്ചേട്ടാ ..എന്നും  പറഞ്ഞ് കിച്ചു എന്റെ  കയ്യിൽ പിടിച്ചു വലിച്ചു …

ഞാൻ ഒന്ന്  നോക്കിയതോടെ പാവം പേടിച്ചിട്ട്  പിടിവിട്ടു…. ..

ഞാൻ  ഒന്നും  പറയണില്ല… പറഞ്ഞിട്ട്  കാര്യവും  ഇല്ലായെന്ന്  പറഞ്ഞു കിച്ചു  പിണങ്ങി……..

ആഹ് നീ ഒന്നും പറയണ്ട …ഞങ്ങൾ സെലക്ട്‌  ചെയ്തോളാമെന്ന് പറഞ്ഞ്  ഞാൻ അമ്മുവിനേം  കൂട്ടി നടന്നു….

അമ്മു അപ്പോളേക്കും എന്റെ പഴയ അമ്മുകുട്ടിയായി…..

ഡി കിച്ചേച്ചിക്ക് ഉള്ളളത്  ഞാൻ  നോക്കിക്കോളാം ….മോന് ഇഷ്ട്ട്ടോളളത്  എടുത്തോ …വില  നോക്കണ്ട …ഓഫർ ഉണ്ടാകും എന്നും പറഞ്ഞ്  അമ്മുവിനെ  വിട്ട് ഞാൻ  നേരെ  കിച്ചുവിന്റെ  അടുത്തേക്ക്  പോയി ..

കുഞ്ഞുവാവകൾക്ക്  ഇടാൻ  പറ്റിയ  ഡ്രസ്സ്‌  ഒക്കെ  തൊട്ടും  തലോടിയും  ഒക്കെ  നിൽക്കുകയാണ്  കിച്ചുപെണ്ണ്.

എന്നെ  കണ്ടതും പിണങ്ങി എന്ന് കാണിക്കാൻ   മുഖം മാറ്റി…..

ഇതൊക്കെ ഇപ്പോളെ വാങ്ങണോ  പെണ്ണെ …ഒരു 10 മാസം  കഴിഞ്ഞ്  നോക്കിയാൽ പോരേയെന്ന്  ചോദിച്ചതും  അതിന്റെ  പിണക്കം  പോയി പിന്നെ കളളചിരിയായി😇..

ഒരു  കുഞ്ഞുടുപ്പും കയ്യിൽ പിടിച്ചു  ചിരിച്ചു വീഴാറായി….. 😁

ഹിഹി….ഞാൻ  കിച്ചുവിന്റെ  ഇടുപ്പിലൂടെ കയ്യിട്ടതും  അതിന്  ഇക്കിളിയായി …ഞാൻ  കയ്യെടുക്കാനൊന്നും  പോയില്ല….

അച്ചേട്ടാ  ഇത് നല്ല ഭംഗിയില്ലേ എന്ന്  പറഞ്ഞോണ്ട് ഒരു കുഞ്ഞുടുപ്പ് എടുത്ത്  എനിക്ക്  കാണിച്ചുതന്നു…..

മ്മ്മ് ..നല്ല രസോണ്ട്… ..കുഞ്ഞുടുപ്പിനേക്കാൾ എനിക്കിഷ്ട്ടയത്  കിച്ചുവിന്റെ  ആ  ഉടുപ്പും  പിടിച്ചു എന്നെ നോക്കി  ചിരിച്ചുളള നിൽപ്പായിരുന്നു…..

ഇതൊക്കെ  നമുക്ക് എന്തായാലും വാങ്ങേണ്ടതല്ലേ….എന്ന് ഞാൻ സ്വകാര്യം പോലെ ചെവിയിൽ പറഞ്ഞതും കിച്ചുപെണ്ണിനു നാണം വന്നു….

എന്റെ  പെണ്ണെ അടുത്ത് ആൾക്കാരുണ്ടായി പോയി… ഇല്ലേൽ കേട്ടിപിടിച്ചൊരു കിസ്സ് തന്നേനെ എന്ന് പറഞ്ഞതും പിന്നിൽ നിന്നിരുന്ന ഒരു അങ്കിളും ആന്റിയും പെട്ടെന്നാണ് തിരിഞ്ഞു ഞങ്ങളെ  നോക്കി ചിരിച്ചത്…..

എടൊ ഇതൊക്കെ എന്തിനാ വെച്ചു  താമസിപ്പിക്കുന്നെ… അങ്ങോട്ട് കൊടുത്തൂടെയെന്ന് അങ്കിൾ പറഞ്ഞതും ശോ നാണമില്ലാത്ത മനുഷ്യൻ പിളേളർ എന്തെങ്കിലും ആകട്ടേയെന്നും  പറഞ്ഞു ആന്റി പുളളിനേം വലിച്ചോണ്ട് പോയി….

ശോ ആകെ നാണം കെട്ടല്ലോ എന്നോർത്തു കിച്ചുവിനെ നോക്കിയതും എന്റ അച്ചേട്ടാ, കഷ്ട്ടണ്ടട്ടോ …. എന്ന് ചുണ്ട്കോട്ടിപ്പിടിച്ചു കിച്ചു ചിണുങ്ങി….

ഇനിയിവിടെ നിന്ന ശെരിയാവില്ലെന്ന് തോന്നിയത്കൊണ്ട് കിച്ചുവിനേം കൊണ്ട് ഡ്രസ്സ്‌ നോക്കാൻ പോയി…

കിച്ചൂസ്സേ ആ അങ്കിളിനു ഒരു നാണവും ഇല്ലെന്ന തോന്നണേ… എന്ന്  കിച്ചുവിനെ ഇടംകണ്ണിട്ട് നോക്കി പറഞ്ഞു…

അയ്യടാ…. അച്ചേട്ടനാ നാണം ഇല്ലാതെ… നാണമില്ലാത്തൊരു  സാധനം എന്നും പറഞ്ഞു കിച്ചു ചിരിച്ചു…..

ഹിഹി… ഞാൻ എന്റെ പെണ്ണിനോടല്ലേ പറഞ്ഞെ… അതിനെന്താ ഇത്ര നാണിക്കാൻ……

മ്മ്… നടന്നെ… അല്ലേൽ നല്ല പിച്ചു തരും ഞാൻ… കിച്ചു അതും പറഞ്ഞെന്നെ ഉന്തിതളളി നടത്തി…

അങ്ങനെ ഞാൻ  നല്ല  മോഡൽ ചുരിദാറൊക്കെ ഡിസ്പ്ലേ ചെയ്ത ഭാഗത്തേക്ക്‌ തിരിഞ്ഞതും  കിച്ചു എന്നോട്…. അച്ചേട്ടാ ഒരെണ്ണം മതിട്ടോ…..

ഞാൻ അവൾക്ക് ഡ്രസ്സ്‌ നോക്കാൻ വേണ്ടി പോകുകയാണെന്ന് മനസ്സിലാക്കിയ കിച്ചു

എന്നോട് ഡ്രസ്സ്‌  വേണ്ടായെന്ന് പറഞ്ഞ നടക്കില്ലെന്നു അറിയാവുന്ന കൊണ്ട് ബുദ്ധിപൂർവം പറഞ്ഞതാണത്….

ഡീ മിണ്ടാതിരുന്നില്ലേൽ ഡിവോഴ്സ് ചെയ്യുമെന്ന്  ഞാൻ കളിയാക്കി പറഞ്ഞതോടെ അത് എന്റെ കയ്യിലേക്ക് ചാരിനിന്ന്  ചിരിക്കാൻ തുടങ്ങി……

പിന്നെ എന്റെ കിച്ചു  ആക്റ്റീവായി …ഞങ്ങൾ രണ്ടും  കൂടി ഓരോന്ന് നോക്കാൻ തുടങ്ങി…..പക്ഷെ എല്ലാം തിരിച്ചും മറിച്ചും നോക്കുമ്പോളും പ്രൈസ് ടാഗ് നോക്കാൻ അവൾ മറക്കില്ല… ഞാൻ കാണാതെയൊക്കെ വില നോക്കുന്നത് കണ്ട് എനിക്ക് ചിരി വരാ  😌…..

ഒരു നീലയും, പിന്നൊരു റോസ് കളർ ചുരിദാറും എനിക്കിഷ്ട്ടായി … അങ്ങനെ ഞാൻ  രണ്ട് ചുരിദാർ എടുത്ത് തിരിഞ്ഞപ്പോളേക്കും കിച്ചുവും ഒരെണ്ണം സെലക്ട്‌ ചെയ്തു..

എന്റെ കയ്യിലിരിക്കുന്നത് കണ്ടിട്ട് അവൾ ദേ  അച്ചേട്ടാ അതൊക്കെ അവിടെ വെച്ചേ…… എന്ന് പറഞ്ഞതും…. മിണ്ടിപ്പോകരുത്… ഡിവോഴ്സ് എന്നും പറഞ്ഞു ഞാൻ ചിരിച്ചോണ്ട് അവളേം ചേർത്ത് പിടിച്ചു നടന്നു……. എന്നെ നോക്കി  ഒരു ചിരിയോടെ  കിച്ചുവും ചേർന്ന് നടക്കുകയാണ്…..എന്നോട് വേണ്ടായെന്ന് ഉറപ്പിച്ചു പറയാൻ പോലും അവൾക്ക് കഴിയുന്നില്ല… 😊

അമ്മു അവൾക്കു വേണ്ടതൊക്കെ എടുത്ത് കൗണ്ടറിൽ നിൽക്കുന്നത് അകലെനിന്ന് തന്നെ ഞാൻ കണ്ടു…..

സൂക്ഷിച് നോക്കിയപ്പോളാണ് അവളെ ചുറ്റിപറ്റി  രണ്ട് ചെക്കന്മാർ നിൽക്കുന്നത് കണ്ടത്….. കിച്ചു എന്നോട് സംസാരിച്ചു നടക്കുന്നത് കൊണ്ട് അതൊന്നും ശ്രെദ്ധിക്കുന്നില്ല..

നാട്ടിൽ കോഴിശല്യം വല്ലാതെ കൂടിയിരിക്കുന്നു😆…. അത് മനസ്സിലോർത്ത്‌ കൗണ്ടറിലേക്ക് നടന്നു….ഞങ്ങളെ കണ്ടപ്പോ അമ്മുവിനൊരു ആശ്വാസം കിട്ട്യപോലെ…അമ്മു എന്നെനോക്കി വേഗം വരാൻ കൈകൊണ്ട് കാണിച്ചത് കണ്ട്  കോഴികൾ വേഗം  കൂട്ടിൽ കേറി….😆

അമ്മു കുറച്ചു ടോപ്പും ലെഗ്ഗിങ്ങ്സും അങ്ങനെ കുറച്ചു ഐറ്റംസ് എടുത്തിട്ടുണ്ട്….. ബില്ല് അടിക്കാൻ നിന്നപ്പോൾ…..മറ്റേ അങ്കിളും ആന്റിയും വരുന്നത് കണ്ടു….

ഇവര് പോയില്ലേ ദൈവമേ…… 😐

എന്റെ പരിങ്ങൽ കണ്ടു  ആന്റിക്ക് ചിരി വന്നു…ആഹ് എന്തായാലും തേഞ്ഞു………

അങ്കിൾ എന്നെ കണ്ടതും ഒന്ന് ചിരിച്ചു…….

എടൊ ഞങ്ങളത് കേട്ടെന്ന് വെച്ച് കുഴപ്പൊന്നും ഇല്ലന്നെ… കെട്ട്യോളോടല്ലാതെ  ഇതൊക്കെ പിന്നെ ആരോടാ പറയ്യാ… അല്ലെ തന്നെ ഇതൊക്കെയല്ലേ  റൊമാൻസ് എന്നൊക്കെ പറയുന്നേ… അല്ലാതെ …. യു നോ….. ഞാൻ ഇവളെ കെട്ടി കഴിഞ്ഞു പളളിയിൽ വെച്ച് തന്നെ കിസ്സ് ചെയ്തിട്ടുണ്ട്….

ആന്റി അതുകേട്ടതും ചെറുതായിട്ട്  ചമ്മി അങ്കിളിന്റെ കയ്യിൽ പിടിച്ചു…….

അമ്മു ഇതൊക്കെ കേട്ട് സംഭവം മനസ്സിലാകാതെ നോക്കി നിൽക്കുകയാണ്…

അങ്കിൾ എന്റെയും കിച്ചുവിന്റെയും കൈ പിടിച്ചിട്ട്……മൈ യങ് കപ്പിൾസ്

എൻജോയ്  എവരി സെക്കന്റ്‌ ഇൻ യുവർ ലൈഫ് എന്നും പറഞ്ഞൊരു വിഷും തന്നു….

ഞാനും കിച്ചുവും അതെല്ലാം ചിരിയോടെ കേട്ട് നിൽക്കുകയാണ്….

കിസ്സിന്റെ കാര്യം പറഞ്ഞപ്പോ അമ്മുവിന് എന്തോ പിടികിട്ടിയിട്ടുണ്ട്…..അതവളുടെ നോട്ടത്തിൽ തന്നെ അറിയാം….

അപ്പോ ശെരി മക്കളെ…. എവിടെയെങ്കിലും വെച്ച് കാണാമെന്നു പറഞ്ഞ് അങ്കിളും ആന്റിയും പോയി …..

അങ്ങനെ ക്യാഷ് കൊടുത്ത് നേരെ മെട്രോ ബ്രിഡ്ജിലേക്ക് നടന്നു…..

അപ്പോഴാണ് അമ്മൂന് ഒരു ചെരുപ്പ് കൂടി വാങ്ങണം എന്ന കാര്യം ഓർമ വന്നത്…..

എടാ അമ്മൂസ്സേ…….ചെരുപ്പ് വാങ്ങാൻ മറന്നല്ലോ എന്ന് പറഞ്ഞ്  ഞാൻ നിന്നതും ദേ അച്ചേട്ടാ  ഇങ്ങോട്ട് വന്നേ എന്നും പറഞ്ഞ് കിച്ചു എന്നേം വലിച്ചു കൊണ്ട് നടന്നു…….

പിന്നെ വാങ്ങാട എന്ന് ഞാൻ  അമ്മുവിനോട് ആക്ഷൻ കാണിച്ചു…….. വേറൊന്നും അല്ല .. കിച്ചു ചിലപ്പോ വല്ലതും പറയും……അതുകൊണ്ട് തന്നെ ഞാൻ എതിർക്കാൻ പോയില്ല….

ടിക്കറ്റ് എടുത്ത് നേരെ മെട്രോ കാത്ത് നിൽപ്പായി…. അമ്മു അത് വരെ സ്റ്റാറ്റസ് ഇടുന്നുണ്ടായിരുന്നു 😂😂😂..

അങ്ങനെ ലൈറ്റ് ഒക്കെ മിന്നിച്ചു സാധനം എത്തി…. വല്ല്യ തിരക്കൊന്നുമില്ല…കേറി ഒരു മിനിറ്റ് കഴിഞ്ഞപ്പോ തന്നെ വണ്ടി ഓടിത്തുടങ്ങി…എന്റെ ഇടവും വലവുമായാണ് അമ്മുവും കിച്ചൂസും ഇരിക്കുന്നെ….

അമ്മു സെൽഫി എടുത്ത് തകർക്കുയാണ്…. 😆

കിച്ചുവിനെ നോക്കിയപ്പോ  അത് എന്നെ നോക്കി ഇരിക്കയാണ്😊….

എന്താ പെണ്ണെയെന്ന് പുരികമുയർത്തി ചോദിച്ചതോടെ ഒന്നുമില്ലെന്ന് കണ്ണടച്ചു കാട്ടി എന്റെ തോളിലേക്ക് തല ചായ്ച്ചു….

ദൈവമേ…… എന്റെ കിച്ചൂസ്സ് തന്നെയല്ലേ ഇത്😇….

അമ്മു കാണാതെ ഇടത്തെ കൈ കൊണ്ട് കിച്ചൂന്റെ കവിളിൽ തലോടിയപ്പോ അവളെന്റെ  ഉളളം കയ്യിലൊന്ന് മുത്തി…എന്നിട്ടൊരു ചിരിയോടെ ഒന്നുകൂടി ചേർന്നിരുന്നു.

നൈസ് ആയിട്ട് അമ്മുവിനെയൊന്ന് നോക്കി… ഭാഗ്യം.. ആരോടോ ചാറ്റിംഗ് ആണ്…. ആശ്വാസം….

പയ്യെ കിച്ചുവിന്റെ നെറ്റിയിലേക്ക് ചുണ്ട് അടുപ്പിച്ചു കണ്ണടച്ചുകൊണ്ടൊരു ചുംബനം നൽകി……. അവളുടെ ചിരി കണ്ടാൽ മതി എന്റെ ചുംബനം അവൾക്കു എത്രമേൽ പ്രിയപെട്ടതാണെന്ന് മനസിലാക്കാൻ…

ശോ… പെണ്ണിന്റെ വെളുപ്പ് കാരണം, ഒന്ന് തൊട്ടാൽ അവിടെ ചോരപാട് വരും….. നെറ്റിയിലും ഒരു പാട് വന്നു…. 😑

കഴിഞ്ഞോ  അച്ചുച്ചേട്ടാ……😉

അമ്മു ചാറ്റിങ്ങിൽ നിന്നും കണ്ണെടുക്കാതെ ചോദിച്ചു….

പെട്ട്.. പെട്ട്… 😐….

കിച്ചു അപ്പോളേക്കും തല താഴ്ത്തി ഇരുന്നു….

എന്താടാ അമ്മൂസ്സേ ചോദിച്ചേ…. ഒന്നും അറിയാത്ത പോലെ ഞാൻ ചോദിച്ചു

ദേ  ഒറ്റ ഇടിതന്നാലുണ്ടല്ലോ…ഞാൻ കാണുന്നുണ്ട് ഒക്കെ…. ഇനി രണ്ടിനേം ഒരുമിച്ചിരുത്തണോ വേണ്ടയോ എന്ന് എനിക്കൊന്ന് ആലോചിക്കണം…

ഹിഹി…. കണ്ടല്ലേ…. ഈ കിച്ചേച്ചിയാ മോളെ ഏട്ടനെ…… 😇

അത് പറഞ്ഞതും കിച്ചൂന്റെ വക  നല്ലൊരു പിച്ചും കിട്ടി…….

ഡി വിട് വിട്……ഞാൻ, ഞാൻ… കിച്ചുവല്ല… ഞാനാ ഒക്കെ….. അത് കേട്ടപ്പോളാണ് പെണ്ണ് കയ്യെടുത്തത്…

വീട്ടിൽ എത്തീട്ട് ശെരിയാക്കി തരാടി എന്ന് കണ്ണ് കൊണ്ട് കാണിച്ചു….

ഞങ്ങളൊന്ന് പ്രേമിച്ചോട്ടെ എന്റെ അമ്മൂസ്സേ…എന്ന് കൊഞ്ചി പറഞ്ഞത് കേട്ട് അമ്മൂന് ചിരി വന്നെങ്കിലും,  ഹ്മ്മ്മ് എന്നൊരു സമ്മതം തന്നു…… ഇപ്പോ എനിക്ക് അമ്മയെക്കാളും പേടി ഇതിനെയാ….

അപ്പോളാണ് ഫോൺ അടിച്ചത്…. പരിചയമില്ലാത്ത ഒരു നമ്പർ…. അയ്യോ കിച്ചുവേ ആ കൂട്ടുകാരി ആയിരിക്കും… സമയം നോക്കിയപ്പോ 3 മണി…..

വേഗം കോളെടുത്ത്‌ കിച്ചുവിന് കൊടുത്തു…

അയ്യോ ഡി സോറി സോറി… ഞങ്ങൾ ഇപ്പോ മെട്രോയിൽ കേറിയേക്കാ…

അച്ചേട്ടാ നമ്മളിപ്പോ എവിടെയെത്തി…

ഇപ്പോ ആലുവ എത്താറായി…

തിരിച്ചെത്താൻ ഒരു 20 മിനിറ്റ് ആവുമെന്ന് പറ…

ഡി ഇപ്പോ ആലുവ എത്താറായി… ഒരു 20 മിനിറ്റ് കഴിയും എത്താൻ…

ഒന്ന് ക്ഷമിക്ക് പെണ്ണേ…. കുറെ പറയാനുണ്ടെടി….എന്നാ എത്തുമ്പോ വിളിക്കാമെന്ന് പറഞ്ഞ് കിച്ചു ഫോൺ കട്ടാക്കി….

ആലുവ എത്തിയതും വേഗം എടപ്പളളിക്ക് ടിക്കറ്റ് എടുത്ത് വണ്ടിയിൽ കേറി…..

പണ്ട് മെട്രോന്റെ പണി നടക്കുന്ന സമയത്ത് ലോറിയുമായി പോകുമ്പോ ബ്ലോക്ക്‌ കാരണം പച്ചത്തെറിയാണ് മനസ്സിൽ പറഞ്ഞോണ്ടിരുന്നത്….. ഇന്നാണ് ഇതിന്റെയൊക്കെ ആവശ്യം മനസ്സിലാക്കുന്നേ….

ഓരോ സ്റ്റേഷനിലും ഒരു മിനിറ്റൊക്കെ നിർത്തുന്നുളളു… അതുകൊണ്ട് വേഗം ഞങ്ങൾ ലുലു എത്തി……

ഞാൻ വേഗം ഫോണെടുത്ത് കിച്ചൂന്റെ കൂട്ടുകാരിയെ വിളിച്ചു….

ഹലോ…

ആഹ് ഹലോ…. നിങ്ങൾ ഇത്രവേഗം എത്തിയോ…..എവിടെയാ ഇപ്പോ നിക്കണേ…..

ആഹ് ഞങ്ങൾ ഇപ്പോ സെക്കന്റ്‌ ഫ്ലോറിൽ ഉണ്ടെന്ന് പറഞ്ഞതും,  ഓപ്പോസിറ്റ് സൈഡ് നിന്ന് അത് കൈ വീശി കാണിക്കുന്നത് കണ്ടു…

ആഹ് കണ്ടു, കണ്ടു…. ഇപ്പോ വരാമെന്ന് പറഞ്ഞ് ഞാൻ  ഫോൺ വെച്ചു……

കിച്ചു ഇത്തിരി വേഗത്തിൽ നടന്നു അടുത്തേക്ക് എത്തിയതും കൂട്ടുകാരിയെ  ചെന്ന് കെട്ടിപിടിച്ചു…..

ഒന്ന് വന്നു കാണായിരുന്നില്ലേടി നിനക്കെന്നെ…… കിച്ചുവിന്റെ ശബ്ദം ഇടറിയിരുന്നു….

പറ്റിയില്ലെടി…. അന്നൊരു ധൈര്യത്തിലാ  ഇക്കാന്റെ കൂടെ ഇറങ്ങിവന്നെ…. പിന്നെ നാട്ടിലേക്ക് വരാൻ പേടിയായിരുന്നു…. അച്ഛനൊക്കെ ഇക്കാനെ വല്ലതും ചെയ്ത, പിന്നെ എനിക്ക് ആരാടി ഉളേള….. അത് പറഞ്ഞതും ഒരു പേടി അതിന്റെ മുഖത്ത് നിഴലിക്കുന്നുണ്ടായിരുന്നു….

ഓഹ് അപ്പോ അതാണ് കിച്ചു ഒരു സംഭവം ഉണ്ടായെന്നു പറഞ്ഞ കാര്യം എനിക്ക് മനസ്സിലായത്…. ഹ്മ്മ് വീട്ടിൽ എത്തിയിട്ട് വിശദമായി തന്നെ ചോദിക്കാം…..

അല്ല ഇക്ക എവിടെയാ……കിച്ചു ആകാംഷയോടെ ചോദിച്ചു…

ഇക്കാക്ക് ബാങ്കിൽ കിട്ടിയെടി… പിന്നെ ഒരു വീട് വെക്കാൻ പ്ലാൻ ഉണ്ട്…സ്ഥലം വാങ്ങി……..  ഇന്ന് അതിന്റെ കാര്യത്തിനായി പോയേക്കുവാ….

ഒരു ചെറിയ സേവിങ്സ് ആകുമല്ലോന്ന് കരുതിയ ഇവിടെ ഞാൻ ജോലിക്ക് നിക്കണേ ..

ഇപ്പോ താമസിക്കുന്നിടത് ഒറ്റയ്ക്ക് നിക്കണ്ടല്ലോന്ന് കരുതി ഇക്കാക്കയും  സമ്മതിച്ചു….

അപ്പോഴാണ് അമ്മുവിനെ അഞ്ജന നോക്കിയത്….. അമ്മു അല്ലെ ഇത്…… ചേച്ചിയെ ഓർമ്മയുണ്ടോ മോൾക്ക്…..

ഉവ് ചേച്ചി…..അഞ്ജന ചേച്ചിയെ  ആദ്യം കണ്ടപ്പോ മനസ്സിലായില്ലട്ടോ ……അമ്മു ചിരിയോടെ പറഞ്ഞു..

മ്മ്… അതിനു ഒരു വട്ടം അല്ലെ ഞാൻ വീട്ടിൽ വന്നിട്ടുളളു…

പെട്ടെന്നാണ് അഞ്ജന എന്നെ നോക്കികൊണ്ട്,

ഇതാരായെന്ന മട്ടിൽ കിച്ചുവിനെ നോക്കിയത്…….

കിച്ചുവിന് ഞാൻ അവളുടെ ചെക്കനാണെന്ന് പറയാൻ ഒരു നാണം….

“ഇത് ന്റെ ആളാ”😊….. ഒരു ചിരിയോടെ എന്നെ കളള കണ്ണിട്ട് നോക്കിയാണ് കിച്ചു പറഞ്ഞത് …..

അത് കേട്ടതും അഞ്ജനയുടെ കണ്ണുകൾ വിടർന്നു…..

കാര്യം പരസ്പ്പരം  മനസ്സുകൊണ്ട് സ്വന്തമാണെന്ന് അറിയാമെങ്കിലും

അത് പറഞ്ഞു കേൾക്കുമ്പോൾ

പറഞ്ഞറിയിക്കാൻ പറ്റാത്തൊരു  സുഖമാണ്…..

രണ്ടും തമ്മിൽ ലൗ ആണ് ചേച്ചി…..

ഹിഹി…. പെട്ടെന്നാണ് അമ്മുവിന്റെ കമെന്റ് വന്നത്….. അത് കേട്ടതോടെ കിച്ചുവിന് പിന്നേം നാണം വന്ന്  എന്റെ കയ്യിലേക്ക് ചാരി….

അമ്മുവിന്റെ കമെന്റ് കേട്ട് എനിക്കും ചെറിയ രസം തോന്നി…

അഞ്ജന എന്നെയും കിച്ചുവിനെയും  നോക്കികൊണ്ട്,

എന്റെ ഈശോയെ….. ഞാൻ എന്താ ഈ കേള്ക്കുന്നെ……. എടി കിച്ചു… നീ തന്നെയാണോ ഇത്…. അതും പറഞ്ഞ് ചിരിയായി…..

ചേട്ടാ….ഞാനും ഇവളും  ഒരുമിച്ചു പഠിച്ചതാ….ഇപ്പോ കുറച്ചു നാളായി കണ്ടിട്ട്…… എന്താ ചേട്ടന്റെ പേര്…

അതുൽ….. കിച്ചു പറഞ്ഞു 2വർഷായി കണ്ടിട്ട് എന്നൊക്കെ ….

ഞങ്ങൾ ചിരിച്ചുകൊണ്ട് പരസ്പ്പരം കൈ കൊടുത്തു…..

എന്നാ നമുക്കൊന്ന് നടക്കാമെന്ന് പറഞ്ഞു ഞങ്ങൾ താഴേക്ക് പോയി…..

കിച്ചുവും അഞ്ജനയും വിശേഷങ്ങളും പഴയ തമാശയും ഒക്കെ പറഞ്ഞു മുന്നിലാണ് നടക്കുന്നത്…

അമ്മുപിന്നെ എന്നെ ഒട്ടിപിടിച്ചല്ലാതെ നടക്കില്ലല്ലോ… ഞാനും അമ്മുവും അവിടെയും ഇവിടെയുമൊക്കെ വായിനോക്കി അവരുടെ പിന്നാലെയും…..

ഇടക്ക് അഞ്ജന എന്നെ തിരിഞ്ഞുനോക്കി കിച്ചുവിനോട് എന്തോ പറഞ്ഞു ചിരിക്കുന്നുണ്ട്….

എന്താണാവോ കാര്യം…..😒 ഒന്ന് അറിയണമല്ലോ…..

അമ്മൂസ്സേ….. അവർ എന്തോ പറഞ്ഞു നമ്മളെ കളിയാക്കുന്നുണ്ടോ എന്നൊരു സംശയം…. ഞാൻ നൈസ് ആയിട്ട് അമ്മുവിന് പിരികയറ്റി കൊടുത്തു… അത് ഏറ്റു…..

അമ്മുവിനു പിന്നെ നാക്കിനു ലൈസൻസ് ഇല്ലാത്തോണ്ട് കുഴപ്പമില്ല… അത് കാര്യം നേരെ അങ്ങോട്ട് ചോദിച്ചു……..

എന്താ രണ്ടും കൂടി എന്നേം എട്ടനേം കളിയാക്കുന്നെ….

അത് കേട്ടതും രണ്ടുപേരും നിന്നു….

ഇവൾക്ക് ഒരു മാറ്റവും ഇല്ലല്ലേ കിച്ചു… അന്ന് വീട്ടിൽ വന്നപ്പോ ഉളള അതെ വായാടിത്തരം….. അതും പറഞ്ഞു അഞ്ജനയും കിച്ചുവും ചിരിയായി….

ഞങ്ങൾ ഒന്നും പറഞ്ഞില്ല അമ്മു…

നിന്റെ ചേച്ചിയെ വീഴ്ത്തിയ ആളെക്കുറിച്ച് സംസാരിച്ചതാ എന്ന് പറഞ്ഞു ഒരു ചിരിയോടെ  എന്നെ നോക്കി …….

ഹിഹി…. അതേയ് ഞാൻ  താനെ  വീണു പോയതാ  എന്ന് അപ്പൊത്തന്നെ ഒരു കൗണ്ടർ അടിച്ചു……

മ്മ്മ്…..എനിക്ക് തോന്നി…. ചേട്ടനറിയോ, പഠിക്കുന്ന സമയത്ത് എത്ര പേരാണെന്നോ ഇവളുടെ പുറകെ നടന്നിരുന്നതെന്ന്…..

പ്രേമിക്കുക പോയിട്ട് കല്യാണം പോലും വേണ്ടെന്ന് പറഞ്ഞ പെണ്ണാ ഇപ്പോ…. അത് പറഞ്ഞതും കിച്ചു അഞ്ജനയുടെ കയ്യിലൊന്ന് നുളളി….

യ്യോ ഡി പിച്ചല്ലേ….. ഇവളുടെ ഈ സ്വഭാവത്തിനു  ഇപ്പോളും ഒരു മാറ്റവുമില്ല…

ഹ്മ്മ് അതെയതെ എന്ന് പറഞ്ഞു എന്റെ കൈ ഞാൻ തടകി….. നേരത്തെ കിട്ടിയത് ചുവന്ന് കിടപ്പുണ്ട്……. കിച്ചു അത് കണ്ടു

കണക്കായിപ്പോയെന്ന്  കാണിച്ചു ചിരിച്ചു……..

ആഹ് ചേട്ടനും കിട്ടിക്കാണുമല്ലോ….

അഞ്ജനക്ക് കാര്യം പിടികിട്ടി…

പെട്ടെന്നാണ് അഞ്ജന സമയം നോക്കികൊണ്ട്‌ ഞങ്ങളോടായി….. ഇന്ന് എന്നോട് 4 മണിക്ക് മുമ്പായി ബാങ്കിൽ ഉണ്ടാവണമെന്ന് പറഞ്ഞിട്ട

ഇക്ക പോയേക്കുന്നെ… സ്ഥലം വാങ്ങിയത് എന്റെ പേരിലാണ്… അപ്പോ അത് ഈട് വെച്ച് ലോൺ എടുക്കാൻ ഞാൻ  ഒപ്പിട്ട് കൊടുക്കണം…..

അയ്യോ എന്നിട്ടാണോ ഇങ്ങനെ നിക്കണേ…..നേരത്തെ പറയണ്ടേ…

ഞാൻ അത് പറഞ്ഞതും അഞ്ജന ഒരു വിഷമത്തോടെ എന്നോടായി….

ഇവളെ പെട്ടെന്ന്  കണ്ടപ്പോ ശെരിക്കും സങ്കടംവന്നുപോയി…. സംസാരിച്ചു കൊതി തീർന്നില്ല….

അതിനെന്താ…  ഇനി എപ്പോ വേണമെങ്കിലും കാണാലോ….

വേഗം വീടൊക്കെ വെച്ചിട്ട് വേണം ഞങ്ങള്ക് ഒന്ന് വരാൻ…അല്ലേടാ കിച്ചുവേ…..

കിച്ചൂസിനെ ചേർത്ത് പിടിച്ചാണ് ഞാനത് പറഞ്ഞത്……

പെട്ടെന്നാണ് എന്റെയും കിച്ചുവിന്റെയും കൈ പിടിച്ചുകൊണ്ടു എന്നെ നോക്കി…

കിച്ചുവിനെ നോക്കിക്കോണേ ചേട്ടാ എന്ന് പറഞ്ഞതും അഞ്ജനയുടെ കണ്ണ് നിറഞ്ഞു……. പിന്നെ കിച്ചുവിനെ കെട്ടിപിടിച്ചു കരഞ്ഞു…… കിച്ചൂസിനും വല്ലാത്ത സങ്കടായി…

എന്നാ പോകാൻ നോക്കട്ടെ…… രാത്രി വിളിക്കാമെന്ന് പറഞ്ഞു അഞ്ജന യാത്ര പറഞ്ഞു നടന്നു…….

പിന്നെ അവിടെ കറങ്ങാൻ ഞങ്ങള്ക് തോന്നിയില്ല….അത്യാവശ്യം നല്ല ഷോപ്പിംഗ് കവറുകൾ കയ്യിൽ ഉണ്ടായിരുന്നു…. അതും  പിടിച്ചോണ്ട് നേരെ  വണ്ടിയിൽ കേറി……. ബ്ലോക്ക്‌ ഒക്കെക്കഴിഞ്ഞു  എൻ എച് 47 ൽ കേറിയതോടെ വണ്ടി  ഇത്തിരി സ്പീഡിൽ തന്നെ വിട്ടു… ഒരു 5.30 ആകുമ്പോ കോട്ടപ്പുറം എത്തണം….

രണ്ടിനും ഒരു കാര്യം കാണിച്ചു കൊടുക്കണം…. അത് മനസ്സിലോർത്തു ഇത്തിരി സ്പീഡിൽ തന്നെയാണ് ഓടിച്ചത്….. വൈകുന്നേരം ആയത്കൊണ്ട് പോകുന്ന വഴി ബ്ലോക്ക് കിട്ടാതിരിക്കാൻ ചെറിയപ്പളളി വഴി കേറി…….

കായലോരത്തു മീൻ  പിടിക്കുന്നവരുടെ   വല നീട്ടിയെറിയുന്ന കാഴ്ച  ഇളം വെയിലിൽ  കാണാൻ തന്നെ നല്ല രസം…..

അങ്ങനെ ഒരു 5.30 യോടെ കോട്ടപ്പുറത്തെത്തി….

ഞാൻ കോട്ടപ്പുറം പാലത്തിനു മുന്നേ വണ്ടിയൊതുക്കി……..

അച്ചേട്ടാ ഇനിയെവിടെക്കാ……. വൈകിയ അമ്മ വഴക്ക് പറയുട്ടോ… കിച്ചു ചെറിയൊരു പേടിയോടെ പറഞ്ഞു….

ഓഹ് പിന്നെ, ഒരു 10 മിനിറ്റ് വൈകീന്ന് വെച്ച് ആരും വഴക്ക് പറയില്ല .. അമ്മക്കറിയാം ഞാൻ നോക്കിക്കോളുമെന്ന് ….. രണ്ടും വന്നേ എന്ന് പറഞ്ഞു ഞാൻ പുറത്തേക്കിറങ്ങി..അമ്മു ഞാൻ ഇറങ്ങിയപ്പോ തന്നെ എന്റെയൊപ്പം ഇറങ്ങി നടന്നു……. പിന്നാലെ കിച്ചുവും…..

ഒന്ന് പയ്യെ നടക്ക് അച്ചേട്ടാ എന്ന് പറഞ്ഞുകൊണ്ട്  കിച്ചു ഒടി എന്റെ  ഒപ്പമെത്തി……. ഞാൻ ചിരിച്ചുകൊണ്ട് കിച്ചുവിന്റെ കയ്യിൽ പിടിച്ചു…..ഇപ്പോ ഞാൻ രണ്ടുപേരുടെയും നടുക്കാണ്….

ഞങ്ങൾ പാലത്തിലൂടെ ഓരോന്ന് പറഞ്ഞു നടുക്കെത്തിയതും ഞാൻ  തിരിഞ്ഞു നിന്ന് അവിടേക്ക് നോക്കാൻ കൈ ചൂണ്ടി കാണിച്ചു……

ആകാശത്തെ കീറിമുറിച്ചെന്ന പോലെ ചുവപ്പിന്റെ അവസാനം എന്നൊക്കെ പറയാൻ പറ്റുന്ന അത്രേം ചുവപ്പോടെ സൂര്യൻ പയ്യെ താഴേക്കിറങ്ങുന്നു……

ആ വെയിലിനെ ഏറ്റുവാങ്ങുന്ന  എന്റെ പെണ്ണിനെ കണ്ടപ്പോ കുറച്ചൊന്നുമല്ല എനിക്ക് സന്തോഷം തോന്നിയത് …… പറഞ്ഞറിയിക്കാൻ പറ്റാത്ത ഒരുപാട് നിമിഷങ്ങളുണ്ട്…. അതിലൊന്നായി ഇതും ഞാൻ ആസ്വദിച്ചു നിന്നുപോയി……

അമ്മു ഫോണിൽ ഫോട്ടോയെടുക്കുമെന്ന് കരുതിയ എനിക്ക് തെറ്റി…. ഒരു കൊച്ചുകുട്ടിയെ പോലെ നോക്കി നിൽക്കയാണ് അവൾ

പാലത്തിന്റെ കൈവരിയിൽ പിടിച്ചുകൊണ്ടു ഒരു അത്ഭുതത്തോടെ നോക്കി  നിന്ന കിച്ചു പയ്യെ എന്റെ കൈയിലൂടെ അവളുടെ കൈ കോർത്തുകൊണ്ട് എന്റെ തോളിലേക്ക് ചാഞ്ഞു…..

അച്ചേട്ടാ……

മ്മ് എന്തോ…. ഇഷ്ട്ടായോ…. 😊

പണ്ടൊരു വൈകുന്നേരം  അച്ഛന്റേം അമ്മയുടേം കൂടെ ബീച്ച് കാണാൻ പോയത് ഓർമ വരണു….. അച്ഛൻ എന്നെ ചേർത്ത് പിടിച്ചു നിന്നതും, അമ്മ ഐസ്ക്രീം വായിൽ വെച്ച് തന്നതും  ഒക്കെ  നിക്ക് ഓർമ വരാ…..  ഇപ്പോ അച്ചേട്ടന്റെ കൂടെ ഇങ്ങനെ നിൽക്കുമ്പോ എനിക്ക് അന്ന് തോന്നിയ അതെ സന്തോഷം തോന്ന…

ഒക്കെ തിരിച്ചു കിട്ട്യ പോലെ……

നിക്ക് സന്തോഷം വരാ അച്ചേട്ടാ….

അത് കേട്ടതും ഞാൻ കിച്ചുവിനെയൊന്ന് നോക്കി…

എന്നെ പറ്റിച്ചേർന്നു നിന്ന് കണ്ണീരോഴുക്കുകയാ പെണ്ണ്….. കണ്ണീർ കവിളിലൂടെ ഒഴുകി എന്റെ കയ്യിലേക്ക് ഇറ്റു വീഴുന്നുണ്ട്…..

അവൾ പറഞ്ഞതൊക്കെ കേട്ട് എനിക്കും സങ്കടം തോന്നി …..

എന്റെയും കണ്ണ് നിറഞ്ഞു ……

എനിക്കിങ്ങനെ ചെയ്യാൻ മനസ്സിൽ തോന്നിയത് എന്തുകൊണ്ടാണെന്ന് അറിയില്ല…….തോന്നിപ്പിച്ചത് ആരാണെന്നും അറിയില്ല …..

അച്ചേട്ടൻ ഇല്ലേടാ ഇനി എന്ന് പറഞ്ഞു ഞാൻ അവളെ ചേർത്തു പിടിച്ചുകൊണ്ട് അവളുടെ  കണ്ണീരൊക്കെ തുടച്ചു കളഞ്ഞു……

നമ്മൾ ആൺപിളേളരെ കരയിക്കാൻ ഒന്നില്ലേൽ അമ്മ, അല്ലേൽ സ്നേഹിക്കുന്ന പെണ്ണ്… ഇവർ വിചാരിച്ചാൽ മതി….

അച്ഛനേം അമ്മയേം കണ്ട ഓർമ്മ അമ്മുവിന് ഇല്ല…. എന്റെ കൈ മുറുക്കെ പിടിച്ചുകൊണ്ട് കിച്ചു പറഞ്ഞതൊക്കെ  കേട്ട് കരയുകയാണ്  …… അവളുടെ കയ്യിൽ പിടിമുറുക്കി  ഏട്ടൻ ഉണ്ടെന്ന് പറയാതെ ഞാൻ പറഞ്ഞു…. അതിൽ കൂടുതൽ വേറെ എന്ത് വേണം…..

താഴ്ന്നു പോയ സൂര്യനെ നോക്കി, ദേ സൂര്യൻ വരെ  വീട്ടിൽ കേറി…. വന്നേ.. നമുക്കും വീട്ടിൽ എത്തണ്ടേ….

അതുകൊണ്ട് രണ്ടും കണ്ണൊക്കെ തുടച്ചേ…….

ഇനി കണ്ണ് കലങ്ങിയിരിക്കുന്ന കണ്ടിട്ട് വേണം അമ്മ എന്നെ വഴക്ക് പറയാൻ…. അത് കേട്ടതും ഒരു ചിരി വരുത്തി കിച്ചു ഷാളുകൊണ്ട് കണ്ണ് തുടച്ചിട്ട് ഷാൾ  എന്റെ മുഖത്തിന്‌ നേരെ കൊണ്ടുവന്നു…..

അയ്യേ എനിക്കെന്തിനാ….. രണ്ടും കരഞ്ഞതിന് എന്റെ കണ്ണ് എന്തിനാ തുടക്കണേ….😅…

ദേ അച്ചേട്ടാ … കണ്ണ് നിറഞ്ഞത് ഞാൻ കണ്ടുട്ടോ….ഒരു ചിരിയോടെ കിച്ചു പറഞ്ഞു….

ഓഹ് പിന്നെ… വെയിലടിച്ചിട്ട് വെളളം വന്നതാ പെണ്ണെ…. അല്ലേടാ അമ്മൂസ്സേ എന്ന് പറഞ്ഞു ഞാൻ പയ്യെ അമ്മുവിനേം കൊണ്ട് തിരികെ നടന്നു……. അങ്ങനെ കാറിൽ കേറി നേരെ വീട്ടിലേക്ക് പോയി…. നേരം 6 മണി ആയെങ്കിലും അങ്ങനെ ഇരുട്ടിയിട്ടില്ല……….

വീട്ടിലേക്കുളള റോഡിലേക്ക് കാർ തിരിച്ചതും ലോറിയുടെ അടുത്ത് രണ്ട് പേര് നിക്കുന്ന കണ്ട് നോക്കിയപ്പോളാണ്…

ആഹ് ദേ അച്ഛനും മുത്തശ്ശനും ആയിരുന്നോ… ഞാൻ വണ്ടി നിർത്തി ഹോൺ അടിച്ചതും പൊക്കോളാൻ പറഞ്ഞു അച്ഛൻ കൈ കാണിച്ചു….

ചിലപ്പോ നടക്കാൻ വന്നതാകുമെന്ന് കിച്ചുവും പറഞ്ഞതോടെ ഞാൻ വണ്ടിയെടുത്തു…… വീടിന്റെ മുന്നിലെത്തിയതോടെ കിച്ചു ഇറങ്ങി ഗേറ്റ് തുറന്നു…….

ശബ്ദം കേട്ടിട്ടാകണം അമ്മ ഓടി വന്നു….

വാങ്ങിയ സാധനങ്ങളൊക്കെ എടുത്ത് ഞാനും അമ്മുവും കാറിൽ നിന്നിറങ്ങി……

എന്റെ മക്കളെ…ഇത്രേംനേരായിട്ടും കാണാതായപ്പോ വിളിക്കാൻ ഫോൺ എടുക്കാൻ  അകത്തേക്ക് ഇപ്പോ  പോയതാ അമ്മ…..

എന്താ വല്ലാത്ത ക്ഷീണം പോലെ….

അമ്മുവിന്റെ കവിളിൽ തലോടിക്കൊണ്ട് അമ്മ ചോദിച്ചു…..

ആഹ് അത് വേറൊന്നും അല്ലമ്മേ…. ഒരു കറങ്ങണ സാധനത്തിൽ കേറി ഇന്ന്…. അതാകും… അമ്മുവിന്റെ തലയിൽ ഒന്ന് തട്ടികൊണ്ട് ഞാൻ അകത്തേക്ക് കേറി…….

കവറുകൾ ഒക്കെ സോഫയിൽ വെച്ച് ഞാൻ  ടീവി ഓണാക്കി ഫാൻ ഇട്ട് ഇരിപ്പായി…… അമ്മു നേരെ ബാത്റൂമിലേക്ക് ഓടി…കുറച്ചു കഴിഞ്ഞ്  ഒരു ആശ്വാസം കിട്ട്യ പോലെ അമ്മുവും വന്നിരുന്നു……..

ചായ എടുക്കാമെന്ന് പറഞ്ഞു അമ്മ നേരെ അടുക്കളയിലേക്ക് പോയതും, വാല് പോലെ കിച്ചുവും പോയി….

എന്ത് പറ്റിയെടാ പട്ടികുഞ്ഞെ….

എന്റെ ചോദ്യം കേട്ട്

വല്ലാത്ത ക്ഷീണം പോലെയെന്ന് പറഞ്ഞു ചിരിച്ചുകൊണ്ട് അമ്മു  എന്നെ ചാരിയിരുന്നു…

അപ്പോളേക്കും ചായ എത്തി……. എനിക്കും അമ്മുവിനും തന്ന് കിച്ചുവും സോഫയിൽ ഇരുന്നു…

അമ്മ ഒരു പ്ലേറ്റിൽ മുറുക്ക് ആയിട്ട് വന്നു….. ദേ അമ്മ  വെറുതെ ഉണ്ടാക്കി നോക്കിയതാ എന്ന് പറഞ്ഞു ഓരെണ്ണമെടുത്തു കിച്ചുവിന് കൊടുത്തു… അമ്മൂന് പിന്നെ കൊടുക്കണ്ട …..അത് കൈ നീട്ടി എടുത്തോളും…

എനിക്കില്ലേ അമ്മേ…… ഞാൻ ചോദിച്ചതും അവിടെയല്ലേ ഇരിക്കണേ.. എടുത്ത് കഴിച്ചൂടെ നിനക്ക്…..

ഓഹ്😏.. എന്ന് പറഞ്ഞു കൈ നീട്ടി ഒരെണ്ണം എടുത്തു…..

നല്ല ടേസ്റ്റ് ഉണ്ടമ്മേ… എളള്  കടിക്കുമ്പോ ഒരു പ്രത്യേക ടേസ്റ്റ്…കിച്ചു കഴിച്ചുകൊണ്ട് പറഞ്ഞു….

അമ്മായമ്മനെ നല്ലോണം പതപ്പിക്കെടി എന്ന് കിച്ചുവിന് കേൾക്കാൻ മാത്രമായി  ഞാൻ പറഞ്ഞു….. അത് കേട്ടതും പോ ഏട്ടാ എന്നവൾ ചുണ്ട്കോട്ടി കാണിച്ചു…. അമ്മ ഉളളത്കൊണ്ട് ഒരു പിച്ചു ഒഴിവായി…. 😶

അല്ല കവറിൽ എന്തൊക്കെയാ…… അമ്മ കവർ എടുത്ത് കൊണ്ട് ചോദിച്ചു…..

കുറച്ചു ഡ്രെസ്സ് ഒക്കെ വാങ്ങി , ഒരു ചെറിയ ഷോപ്പിംഗ് …. ഞാൻ ടീവിയിൽ നിന്നും കണ്ണെടുക്കാതെ പറഞ്ഞു……

ആഹ് നന്നായി….. പക്ഷെ

ഇതിലെങ്ങാനും നീല ഷർട്ട് കണ്ടാൽ,  കത്തിച്ചു കളയും ഞാൻ … പറഞ്ഞേക്കാം….

ഓഹ് അതിനു ഞാൻ ഒന്നും വാങ്ങിയില്ല…….. അമ്മുവിനും കിച്ചുവിനും മാത്രം എടുത്തുളളു…..  അമ്മ എന്റെ നീല ഷർട്ടിനെ  കളിയാക്കിയത് കേട്ട്   ഇഷ്ടപ്പെടാതെ ഞാൻ  പറഞ്ഞു…..

ഞാൻ പറഞ്ഞതാ അമ്മേ ഒന്നും വേണ്ടെന്ന്…. ഈ അച്ചേട്ടൻ സമ്മതിക്കണ്ടേ…… 😑

അമ്മ  ഒരു കൗതുകത്തോടെ കിച്ചുവിന്റെ അച്ചേട്ടാ ന്നുളള വിളി കേട്ട് അവളെ നോക്കി ചിരിച്ചു ……

കിച്ചുപെണ്ണ്  ചായ രണ്ട് കയ്യും കൊണ്ട് പിടിച്ചു ഊതി ഊതി കുടിക്കുകയാ….ഹിഹി…അത് കണ്ടിട്ടാകണം അമ്മക്ക് പിന്നേം ചിരി വരുന്നത്  ഞാൻ കണ്ടു….

ഞാനും അമ്മുവും കൂടി അവളുടെ ഡ്രെസ്സ് പുറത്തേക്കെടുത്തു നോക്കാൻ തുടങ്ങി……

കിച്ചുവിന്റെ ഡ്രസ്സ്‌ ആണ് അമ്മ ആദ്യം നോക്കിയത്… അപ്പോളേക്കും കിച്ചുവും അമ്മയുടെ അടുത്തേക്ക് ചെന്നു… അമ്മ എണീറ്റ് റോസ് കളർ ചുരിദാർ എടുത്ത് കിച്ചുവിന്റെ മേത്തുവെച്ച് നോക്കി ….

ഇത് നല്ല ഭംഗിയുണ്ട് മോളെ……. അമ്മയുടെ കണ്ണൊക്കെ വിടർന്നു…

അത് എന്റെ സെലക്ഷനാ…. ഞാൻ ഇത്തിരി ഒച്ചയിൽ തന്നെ വിളിച്ചു പറഞ്ഞു…..

അതിനു എന്റെ മോള് എന്തിട്ടാലും ഭംഗിക്ക് ഒരു കുറവും ഇല്ല… കേട്ടോടാ… അല്ലാതെ നിന്റെ സെലെക്ഷൻ ആയോണ്ട് മാത്രമല്ല  😄

അത് പറഞ്ഞ് അമ്മ അടുത്തതായി നീല  ചുരിദാറാണ് എടുത്തത്….. അത് കയ്യിലെടുത്തുകൊണ്ട് എന്നെയൊരു നോട്ടം……..

ഇതും ഏട്ടൻ എടുത്തതാ അമ്മേ…. കിച്ചു പറഞ്ഞതും, ആഹ് അതെനിക്ക് മനസിലായി .. ഇവന് നിലയിൽ ആരെങ്കിലും കൈവിഷം കൊടുത്തിട്ടുണ്ടോ ദൈവമേ എന്ന് പറഞ്ഞു അമ്മ അടുത്തത് എടുത്ത് നോക്കാൻ തുടങ്ങി…….

അത് കേട്ടതും എനിക്കും ചെറുതായി ചിരി വന്നു…..

മോളെ എല്ലാം ഒന്ന് ഷേപ്പ് ചെയ്യിക്കേണ്ടിവരും…. നാളെ നമുക്ക്

ജെസ്സിയുടെ വീട്ടിൽ പോകാം… അവളുടെ അമ്മ ലിസ്സി നന്നായി തയിക്കും… എന്റെ കൂട്ടുകാരിയാ….

അയ്യോ അത് പറഞ്ഞപ്പോളാ…… ജെസ്സിയും ലിസിയും കൂടി  വൈകുന്നേരം വന്നിരുന്നെടാ….

മക്കളെ കാണാൻ വന്നതാ….. ആഹ് എന്തായാലും നാളെ പോകാം….

അമ്മേ…. എന്റെ ഡ്രസ്സ്‌ ഒക്കെ നോക്ക്യേ… എന്നിട്ട് നല്ല ഭംഗിയുണ്ടെന്ന് പറഞ്ഞെ….. 😊

ഹിഹി…. അമ്മൂന്റെ കാര്യം പറഞ്ഞ രസോണ്  …….. അമ്മ കിച്ചുവിനെ ഇങ്ങനെ സ്നേഹിക്കുന്നതിന് അമ്മുവിന് കുശുമ്പ് ഒന്നുമില്ല…. പക്ഷെ അവളേം മൈൻഡ് ചെയ്തോളണം… അതിനു അത്രേ ഉളളു 😊……..

എവിടെ നോക്കട്ടെ……. ‌

ഹായ് സൂപ്പർ…… അമ്മേഡ മോള് ഇതൊക്കെ ഇട്ട ചുന്ദരിയാണ്…

ഹിഹി.. ഈ അമ്മ….😂 കുഞ്ഞിപ്പിളേളരെ  കൊഞ്ചിക്കുന്ന പോലെയാ ചില നേരം കിച്ചുവിനോടും അമ്മുവിനോടും….

ആഹ് ഒരു മോളെ ദൈവം തന്നില്ലാലോ എന്നും പറഞ്ഞു ചിലനേരം മൂക്ക് തുടക്കുന്നത് കാണാം… ഞാൻ അതൊന്നും മൈൻഡ് ചെയ്യാറില്ല…….. ഇപ്പോ രണ്ട് മക്കളെയല്ലേ കിട്ടിയേക്കുന്നെ…..

ഹ്മ്മ്.. ഇങ്ങനെ പോയ ഒരു കാര്യം ഉറപ്പാ…. കിച്ചുവിനെ കെട്ടിക്കഴിഞ്ഞു എന്തെങ്കിലും കാര്യത്തിന്  അവളോടൊന്ന് ദേഷ്യപ്പെടാൻ പോയിട്ട് ഒന്ന് കണ്ണുരുട്ടി പേടിപ്പിക്കാൻ പോലും അമ്മ സമ്മതിക്കില്ല….

ദേ അമ്മുവിനൊരു   ബാഗും വാങ്ങിയെന്ന് പറഞ്ഞു ബാഗ് അമ്മക്ക് നേരെ നീട്ടി…… ബാഗ് തിരിച്ചും മറിച്ചുമൊക്കെ നോക്കികൊണ്ടിരുന്നപ്പോളാണ് അമ്മക്ക് വെളിപാടുണ്ടായ പോലെ,

അയ്യോ നാളെ തുടങ്ങി ക്ലാസ്സിൽ പോകണ്ടേ…..

ഡാ അച്ഛൻ മീൻ വാങ്ങിട്ടുണ്ട്… നാളെ മീൻ മാത്രായി എങ്ങനാ മോൾക്ക്  കൊടുത്തയക്കുക , എന്തെങ്കിലും ഉപ്പേരി കൂടി  വേണം…. നീ പച്ചക്കറി എന്തേലും വാങ്ങിക്കൊണ്ടു വാ….

ആഹ്…..വാങ്ങാം എന്ന് പറഞ്ഞു ഞാൻ നേരെ മുറിയിലേക്ക്  പോയി.

ബാത്‌റൂമിൽ പോയി മൂത്രമൊഴിച്ചു ഫ്രഷ് ആയി ഒരു മുണ്ട് എടുത്തുടുത്തു ഷർട്ട്‌ മാറാനൊന്നും നിന്നില്ല… അമ്മു സോഫയിൽ ഇരിക്കുകയാണോ കിടക്കുകയാണോ എന്ന് പറയാൻ പറ്റാത്ത പോലെ ഇരിപ്പുണ്ട്…..

ഞാൻ നേരെ കടയിലേക്ക് നടന്നു…. പച്ചക്കറികട മെയിൻറോഡിലാണ്….

പോകുന്ന വഴി അച്ഛനും മുത്തശ്ശനും വരുന്നുണ്ടായിരുന്നു…….

നീ എവിടെക്കാ…… അച്ഛൻ ഇത്തിരി ഗൗരവത്തിൽ തന്നെ എന്നോട് ചോദിച്ചു ……. മുത്തശ്ശൻ ഒരു ചിരിയോടെ വടിയും കുത്തിപ്പിടിച്ചു നിൽക്കുകയാണ്….

ഞാൻ പച്ചക്കറി വാങ്ങാൻ……..

മ്മ്…. പോയിട്ട് വാ…. അത് പറഞ്ഞു അച്ഛനും മുത്തശ്ശനും നടന്നു….

എന്താണാവോ ഒരു ഗൗരവം….😐 രാവിലത്തെ കാര്യം അമ്മയെങ്ങാനും പറഞ്ഞോ ആവോ…. 😶ഏയ്‌…..😕 ഇല്ലായിരിക്കും…… 😇

ഇനി പറഞ്ഞു കാണോ 😟….

ആഹ് എന്തെങ്കിലും ആകട്ടെ….. അതും മനസ്സിൽ പറഞ്ഞു ഞാൻ നേരെ കടയിലേക്ക് നടന്നു…….

പീച്ചിങ്ങ വാങ്ങാം…. ചെമ്മീൻ ഇട്ട് വെച്ച പെടയാണ്…. പിന്നെ ക്യാരറ്റ്, വെണ്ടയ്ക്ക അങ്ങനുളള കുറച്ചു ഐറ്റം കൂടി വാങ്ങി നിന്നപ്പോളാണ്

പുളിൽ എന്ന് കളിയാക്കി  വിളിക്കുന്ന അനിൽ വന്നത്, ഒരു 40 വയസ്സുണ്ട് …എന്റെ മുന്നിൽ പെട്ടതും പരിചയം പുതുക്കാനെന്ന പോലെ ചിരിച്ചു കൈ കാണിച്ചു…

നിന്നോട് ഈ പരിസരത്ത് വരരുതെന്ന് പറഞ്ഞിട്ടില്ലെടാ….. നിന്റെ അണ്ടി ഞാൻ ചവിട്ടി പൊട്ടിക്കേണ്ടെങ്കിൽ പൊക്കോ മൈരേ…….നിന്നെ ഈ ഏരിയയിൽ കണ്ട റോഡിലിട്ട് ഉരക്കും…… അന്ന് കിട്ടിയതൊന്നും മറന്നിട്ടില്ലല്ലോ….

എന്റെ വായീന്ന് കേട്ടതോടെ പുളിൽ സ്ഥലം വിട്ടു….

കടയിലെ അജയൻ ചേട്ടൻ  ഞാൻ പറഞ്ഞത്  കേട്ട് ചിരിക്കയാണ്.. 😅

അവനെ ഞാൻ വെറുതെ തെറി പറഞ്ഞതാണെന്ന് കരുതണ്ടാട്ടാ…

ഇവനെ  പണ്ട് ഞാനും ഫെബിനും മണിയേട്ടനും കൂടി  ചവിട്ടി കൂട്ടിയതാണ്…… ഇവന് പുളിൽ എന്ന് പേര് വീഴാൻ കാരണവും അന്നത്തെ പ്രശ്നമാണ്….

കാര്യം വേറൊന്നുമല്ല ഒരുദിവസം രാത്രി ഒരു 11.30 ആയപ്പോ ഞാനും ഫെബിനും മണിയേട്ടനും കൂടി ഫെബിന്റെ വീടിനടുത്തുളള പറമ്പിലിരുന്ന് കളള്  കുടിക്കെയിരുന്ന്….

അപ്പോളാണ് ഫെബിന്റെ വീടിന്റെ പിന്നിൽ ഒരനക്കം കണ്ടത്…..

ഒരാളാണെന്ന് മനസ്സിലായതോടെ ഞങ്ങൾ ഒച്ചയുണ്ടാക്കാതെ മൂന്ന് വഴിക്ക് ചെന്നു…..

പണിയൊക്കെ കഴിഞ്ഞു ലിസ്സിആന്റി കുളിക്കാൻ കേറുന്നത് കണ്ടപ്പോ ഓലയുടെ ഇടയിൽ നിന്നും ഒരാൾ എണീറ്റ് ബാത്‌റൂമിന്റെ സൈഡിലേക്ക് ഇഴഞ്ഞു നീങ്ങുന്നു….

ഞങ്ങൾ അടുത്തെത്തിയതൊന്നും അറിയാതെ ആൾ  ഇഴഞ്ഞു ഇഴഞ്ഞു നീങ്ങുകയാണ്….. പെട്ടെന്നാണ് അവന്റെ മുന്നിൽ രണ്ട് കാലുകൾ പ്രത്യക്ഷപ്പെട്ടത് ……വേറാരുമല്ല  അപ്പുറത്തെ സൈഡിലൂടെ വന്ന മണിയേട്ടൻ ആണ്…..

ഹിഹി…. സത്യം പറയാലോ….

പുരുഷു എന്നെ അനുഗ്രഹിക്കണം എന്ന് ജഗതി ചേട്ടൻ പറയുന്ന സീനാണ് ഇപ്പോ ഓർമ വരുന്നത് …. 😂😂😂

പിന്നെ അവിടെയൊരു അലക്ക് മത്സരമായിരുന്നു …. തുണിയൊക്കെ കല്ലിലിട്ട് തിരുമുന്ന പോലെ……50 കിലോ അരിച്ചാക്ക് മലത്തിയടിക്കുന്ന പോലെയാണ്  മണിയേട്ടന്റെ ഇടി…

ഫെബിൻ എന്താണ് കാണിച്ചു കൂട്ടിയതെന്ന് അവന് തന്നെ അറിയില്ല.. അത്രയ്ക്ക് മാരകമായിരുന്നു അത്….. പിന്നെ സ്വന്തം അമ്മയുടെ കുളിസീൻ പിടിക്കാൻ വന്നവനെ ഉമ്മ വെക്കണോ 😁……

എന്റെ കയ്യിലേക്ക് കിട്ടി ഒന്ന് പതം വരുത്തുമ്പോളേക്കും ഫെബിനോ മണിയേട്ടനോ ആരെങ്കിലും എടുത്തോണ്ട് പോകും….

ഒച്ചകേട്ട് പുറത്ത് വന്ന ലിസിയാന്റി പോയി അയൽക്കാരെ  എല്ലാവരെയും വിളിച്ചുകൂട്ടി…

എല്ലാവരും വന്ന് ഞങ്ങളെ പിടിച്ചു മാറ്റിയപ്പോളാണ് നുഴഞ്ഞുകയറ്റക്കാരന്റെ മുഖം കാണുന്നത്……

ഡാ അനിലേ…. നീയായിരുന്നോടാ ഊളെ…… ബാലൻമാഷാണ് അത് പറഞ്ഞത്……

എന്റെ മാഷേ… ഞാൻ ഇവിടെ പുളി പെറുക്കാൻ വന്നതാ  .. ഇത്തിരി നേരം വൈകിയതോണ്ടാ ആരേം വിളിക്കാതെ പറമ്പിലേക്ക് കേറിയത്….എല്ലാവരും കേൾക്കണെ..    ഇവർ  എല്ലാരുംകൂടി എന്നെ തല്ലി കൊന്നേ എന്ന് പറഞ്ഞു  നിലവിളിക്കാൻ തുടങ്ങി……

അയ്യോ അതിനാണോ  മോനെ നിന്നെയിവർ തല്ലിയത്….നീയൊന്ന് നേരെ നിന്നെ……. അത് പറഞ്ഞു മാഷവനെ നേരെ നിർത്തി….

സ്റ്റീൽ കിണ്ണം കൊട്ടുന്ന ഒച്ചയായിരുന്നു…..

ഒരൊറ്റ അടി അടിച്ചിട്ട്,,, പുളിമരം ഇല്ലാത്ത   പറമ്പിലാണോടാ പുളി പെറുക്കാൻ വരുന്നേ……

പിന്നെ പോലീസ് വരുന്ന വരെ വന്നവരും പോണവരും ഇടിയായിരുന്നു…

അന്ന് തൊട്ടാണ്  പുളിൽ എന്ന് പേര് വീണത്..  അന്ന് തൊട്ട് ആ പ്രദേശത്തു പുളിലിനു വിലക്ക് വീണു ……. 😂

സാധനം വാങ്ങിച്ചു വീട്ടിലേക്ക് പോയതും അച്ഛൻ ഫോൺ നോക്കി  ഇറയത്തിരുപ്പുണ്ട്…

അച്ഛനെ മൈൻഡ് ചെയ്യാതെ അമ്മേന്നും വിളിച്ചു അകത്തേക്ക് കേറി….

എല്ലാവരും തെക്കേൽ പോയെടാ…. അച്ഛൻ വിളിച്ചു പറഞ്ഞത് കേട്ട് സാധനം അകത്തു വെച്ച് തെക്കേലെക്ക് പോകാന്ന് കരുതി ഇറയത്തേക്ക് വന്നതും….

നീ എങ്ങോട്ടാ ഇപ്പോ…..

അച്ഛൻ വല്ലാത്ത ഗൗരവത്തിൽ ആണല്ലോ ഇന്ന്….

ഞാൻ തെക്കേൽ വരെ ഒന്ന്….. അത് പറഞ്ഞു ചെരുപ്പിട്ടു…

നീ ഇവിടെയിരിക്ക്…..കുറച്ചു സംസാരിക്കാനുണ്ട്…….അച്ഛൻ നെടുവീർപ്പിട്ടുകൊണ്ട് പറഞ്ഞു….

അച്ഛനെന്താ ഒരുമാതിരി മനുഷ്യനെ ടെൻഷൻ അടിപ്പിക്കണെ എന്നാലോചിച്ചു ഞാൻ നിലത്തിരുന്നു….

എന്താ നിന്റെ ഭാവി പരിവാടി ….

നരസിംഹത്തിൽ തിലകൻ എന്താ ഇന്ദുചൂഢന്റെ ഫ്യൂച്ചർ പ്ലാൻ എന്ന് ചോദിക്കുന്ന പോലെയാ എനിക്ക് തോന്നിയത്…. അത്രേം ഗൗരവമായിരുന്നു അച്ഛന്റെ മുഖത്ത്…..

വണ്ടിക്ക് അടുത്താഴ്ചയെ  ഓട്ടം ഉണ്ടാകു..അപ്പോ അങ്ങനെ….

ഹ അതല്ലെടാ ഞാൻ ചോദിച്ചേ….

ഇന്ന് അമ്മ എന്നോട് ചില സൂചനയൊക്കെ തന്നു…ഇപ്പോ കാര്യം  എന്താണെന്ന് നിനക്ക് മനസ്സിലായല്ലോ അല്ലെ….

ഞാൻ ചെറുതായൊന്നു പകച്ചു… പേടികൊണ്ടല്ല…. അച്ഛനോട് സംസാരം പൊതുവെ കുറവാണ്… മാത്രമല്ല ഇന്ന് വരെ ഒരു കോഴിത്തരത്തിനും പോകാത്തത് കൊണ്ട് ഒരു ലൈൻകേസ്  പോലും എന്റെ പേരിലില്ല… അതുകൊണ്ട് തന്നെ വീട്ടിൽ അത്തരത്തിലുളള ഒരു സംസാരവും ഉണ്ടായിട്ടില്ല…..

ഡാ കൃഷ്ണമോളും നീയും ഇഷ്ട്ടത്തിലാണോ……?

എന്റെ മൗനം കണ്ട് അച്ഛൻ നേരിട്ട് കാര്യം ചോദിച്ചു…..

എനിക്കവളെ ഇഷ്ട്ടാണ്….ഞാൻ കൂടുതൽ ഡെക്കറേഷൻ ഒന്നുമില്ലാതെ തന്നെ കാര്യം പറഞ്ഞു….

കുറച്ചുനേരം എന്തോ ആലോചിച്ചിട്ട്… കൃഷ്ണമോൾക്കോ…???

അവൾക്കും ഇഷ്ട്ടമാണ്…..

കിച്ചു ഒപ്പമുളളപ്പോളാണ് അച്ഛൻ ചോദിച്ചിരുന്നതെങ്കിൽ ഒന്നുകൂടി  റിലാക്സ് ആയി സംസാരിക്കായിരുന്നു….

മ്മ്മ്മ്….. അച്ഛൻ കസേരയിൽ ഒന്ന് ചാഞ്ഞിരുന്നുകൊണ്ട്  മൂളി……

പിന്നെയും ആലോചന തന്നെ….

അത് കണ്ട് എനിക്ക് വല്ലാത്തൊരു ടെൻഷൻ പോലെ…….

ഡാ കൃഷ്ണമോളെ എനിക്ക് അത്രയും ഇഷ്ട്ടമാ…. ആലോചന വിട്ട് അച്ഛൻ സംസാരിച്ചു…..

അമ്മ കാര്യം എന്നോട് സൂചിപ്പിച്ചപ്പോൾ തന്നെ എനിക്ക് വല്ലാത്തൊരു സന്തോഷവും തോന്നി…

അത് കേട്ടതും ഞാൻ ഒന്ന് തണുത്തു…

അച്ഛൻ ഒരിക്കലും എതിര് നിൽക്കില്ലെന്ന് എനിക്കുറപ്പായിരുന്നു പക്ഷെ അച്ഛന്റെ മനസ്സിനെ എന്തൊക്കെയോ അലട്ടുന്നതായി തോന്നി….

എന്താ അച്ഛാ… ഒരു വല്ലായ്മ പോലെ….

ഒന്നുല്ലടാ….കൃഷ്ണമോളുടെ മുത്തശ്ശന് താൽപ്പര്യം ഉണ്ടാകുമോ എന്നൊരു പേടി…..

അവളെ നീ പൊന്നുപോലെ നോക്കുമെന്ന് അച്ഛനറിയാം….

പറയുമ്പോ വീടും, ലോറിയും കാറും ഒക്കെയുണ്ട്…

പക്ഷെ മറ്റുളളവരുടെ മുന്നിൽ നീ വെറും ഡ്രൈവർ അല്ലേടാ….

ഒരു ചിരിയോടെയാണ് അച്ഛനത് പറഞ്ഞു നിർത്തിയത്….

അച്ഛന്റെ വായിൽ നിന്നത്  കേട്ടപ്പോ ഉളളിലുണ്ടായ നീറ്റൽ….അത് പറയാൻ കഴിയില്ല….

ഡാ അച്ഛൻ പറഞ്ഞത് കേട്ട് നിനക്ക് വിഷമായോ….. നിന്നെ വിഷമിപ്പിക്കാൻ പറഞ്ഞതല്ലടാ……

എന്റെ മുഖം മാറിയാൽ അച്ഛനറിയാം….

ഏയ്യ് ഇല്ലച്ഛാ…. എനിക്ക് വിഷമൊന്നും ഇല്ല…….. ഞാൻ ഇപ്പോ വരാമെന്ന് പറഞ്ഞു  അച്ഛന്റെ മറുപടിക്ക് കാത്ത് നിൽക്കാതെ റോഡിലേക്ക് നടന്നു…..നെഞ്ചാകെ ചൂടായ പോലെ….. വണ്ടിയുടെ അടുത്തെത്തി ക്യാമ്പിന്റെ മുകളിലേക്ക് കേറി  ആകാശം നോക്കി കിടന്നു…..

അപ്പോഴും അച്ഛന്റെ വാക്കുകളായിരുന്നു  മനസ്സ് മുഴുവൻ…

അച്ഛൻ പറഞ്ഞതിലെന്താടാ  തെറ്റ്…

ഞാൻ സ്വയം  ചോദിച്ചുപോയി,

വെറും ഡ്രൈവർ അല്ലെ ഞാൻ…..  ഇടതുകാലിന്റെ  ചുവട്ടിൽ കുതിപ്പിനുളള ഊർജവും, വലതുകാലിൽ പ്രതീക്ഷയും ഒപ്പം നടുവിൽ വിശ്വാസവും ഒക്കെയായി പായുന്നവൻ എന്നൊക്കെ പറയാൻ കൊളളാം എന്നല്ലാതെ എനിക്ക് പറയാൻ വേറെന്താ  ഉളേള……

അവളെ സ്നേഹിക്കാൻ എന്ത് യോഗ്യതയാ ഉളേള……….

പെട്ടെന്നാണ് ഫോണിലൊരു മെസ്സേജ് വന്നത്…..

“ന്റെ അച്ചേട്ടൻ ഇതെവിടെക്കാ പോയെ….ഏട്ടനെ കാണാൻ തോന്നിപ്പോ വന്നതാ…അപ്പോ ഇവിടെ  ആരൂല്ല ”

വായിച്ചു കഴിഞ്ഞതും…..

പെട്ടെന്ന്  നക്ഷത്രങ്ങൾ മങ്ങിയ പോലെ…… കണ്ണൊന്നടച്ചു തുറന്നു ….. രണ്ടു തുളളി കണ്ണുനീർ ഒഴുകിയപോലെ….ശോ ഇതെന്ത് മൈരാണ്….  വെയിലടിക്കാൻ സൂര്യൻ ഇല്ലലോ ഇപ്പോ…… എന്നിട്ടും കണ്ണിൽ നിന്ന് വെളളം വരുന്നു …….

തുടരും…………. 😊