💞എന്റെ കൃഷ്ണ 3 💞

അങ്ങനെ ഞങ്ങൾ കാറിൽനിന്നും ഇറങ്ങി….

ഇറയത്തു കസ്സേരയിട്ട് അച്ഛനും മുത്തശ്ശനും വർത്താനം പറഞ്ഞിരിക്കുന്നു….. അവർക്കുളള ചായയുമായി അമ്മയും എത്തി…

അമ്മയെ കണ്ട ജെസ്സിക്ക് വല്ലാത്തൊരു ആശ്വാസം..അമ്മ നിൽക്കുന്ന ധൈര്യത്തിൽ

ജെസ്സി ഞങ്ങളെക്കാൾ മുന്നേ നടന്നു ഇറയത്തേക്ക് കേറി…..

അച്ഛാ അമ്മേ രണ്ടുപേരും അച്ചുചേട്ടനോട് ക്ഷമിക്കണം…..   ഇപ്പോഴത്തെ കാലത്തെ  ആൺകുട്ടികൾക്ക് പറ്റുന്ന തെറ്റെ അച്ചുച്ചേട്ടനും പറ്റിയിട്ടുളളു..

ഒന്നില്ലെങ്കിലും കാര്യവിവരം ഒക്കെയുളള ആളല്ലേ അച്ചുചേട്ടൻ…

സാഹചര്യം അങ്ങനെ ആയതുകൊണ്ടാകും ഇങ്ങനെയൊക്കെ ചെയ്യേണ്ടി വന്നത്..

അതെങ്കിലും നമ്മൾ  ഓർക്കണ്ടേ അമ്മേ….. ഒരു നിലവിളക്ക്  എടുക്കമ്മേ….

ഇത്രയും ഒറ്റ ശ്വാസത്തിൽ പറഞ്ഞു തീർത്ത ജെസ്സിയുടെ തലയിലൊക്കെ തഴുകികൊണ്ട് അമ്മ …

എന്താ മോൾക്ക് പറ്റിയത്… എന്താ പിച്ചും പേയും പറയുന്നേ… ഈശ്വര.. എന്റെ കുട്ടി….

അച്ചു ഫെബിനെ വിളിക്കെടാ…..

അച്ഛന്റെ ഇരിപ്പ് ആണെങ്കിൽ…..

ഇവളെന്താ വല്ല കഞ്ചാവും വലിച്ചോ ദൈവമേ എന്നും വിചാരിച്ചു ഇരിക്കുന്ന പോലെയാ എനിക്ക് തോന്നിയത് 😂

ഹിഹി… അമ്മയുടെ പേടിച്ചുളള കാണിക്കൽ കണ്ടപ്പോ എനിക്ക് ചിരി പിടിച്ചുവെക്കാൻ ആയില്ല…ഞാൻ ചിരിച്ചുപോയിട്ട…….

പിന്നെ പറയണോ… അമ്മുവും കിച്ചുവും കൂടി അവിടെ കൂട്ട ചിരിയായി…

അത് കണ്ടതോടെ അമ്മക് ആശ്വാസമായി…. ഞങ്ങൾ എന്തോ ഒപ്പിച്ചെന്ന് അമ്മക്ക് മനസ്സിലായി…

നമ്മുടെ ജെസ്സിയാകട്ടെ  എന്തിനാ എല്ലാരും പടക്കം പൊട്ടിച്ചേ…. ഇന്നെന്താ വിഷുവാ….അങ്ങനെയൊരു അവസ്ഥയിൽ നിക്കാ 😂😂

എന്താ മോളെ പറ്റ്യേ …… അമ്മ വാത്സല്യത്തോടെ ചോദിച്ചു…

അത് അമ്മേ… അച്ചുചേട്ടൻ പറഞ്ഞു….. ഈ ചേച്ചി…. അപ്പോ എന്നോട് ഇവിടെ  പറയാൻ പറഞ്ഞപ്പോ…

ജെസ്സിയിങ്ങനെ  വിക്കി വിക്കി പറഞ്ഞുതുടങ്ങിയതും അമ്മ കിച്ചുവിനെ നോക്കി..

പോയ കാര്യമൊക്കെ ശെരിയായില്ലേ മോളെ… അകത്തേക്ക് വാ… ചായ എടുക്കാം… നല്ല പഴംപൊരി ഉണ്ടാക്കി വെച്ചിട്ടുണ്ട്… നീയും വായോ ജെസ്സിയെ എന്നും പറഞ്ഞു അമ്മ അകത്തേക്ക് പോയി….

അപ്പോളാണ് അച്ഛൻ ജെസ്സിയോട് മുത്തശ്ശനെയും കിച്ചൂസിനെയും അമ്മുവിനെയും ഒക്കെ പരിചയപ്പെടുത്തിയത്…. എല്ലാം കേട്ട് വണ്ടറടിച്ചു നിൽക്കയാണ് ജെസ്സികൊച്ചു….

ചതി കൊടും ചതി….

ഞാൻ പറ്റിക്കപ്പെട്ടിരിക്കുന്നു എന്ന ബോധം വന്നതോടെ ഈ പാക്കിസ്ഥാൻ തീവ്രവാദികളെ കയ്യിൽ കിട്ടിയ ഇന്ത്യൻ പട്ടാളക്കാരുടെ പോലത്തെ ഒരു ആക്രമണമായിരുന്നു….

ഒരു ak47 കിട്ടിയിരുന്നെങ്കിൽ അവളെന്റെ  നെഞ്ചിൽ തൊളയിട്ട് കളിച്ചാനെ…

എന്നെ പറ്റിച്ചല്ലേ… ദുഷ്ടൻ… ഇനി ഞാനുമായി ഒരു ബന്ധവുമില്ലായെന്നൊക്കെ പറഞ്ഞു അവൾ പിച്ചുകയും അടിക്കുകയും ഒക്കെ ചെയ്തു….

ദുഷ്ടൻ.. എന്തൊരു അഭിനയമായിരുന്നു… ഇനി ഞാൻ മിണ്ടില്ല…

ഞാൻ പോകാ….. ഇനി ഒരു തിരിച്ചുവരവില്ല ശശിയെ എന്ന ഭാവത്തോടെ ബാഗെടുത്തു അവളിറങ്ങി…..

പോകുന്ന പോക്കിൽ കിച്ചൂസിന്റെ കയ്യിൽ പിടിച്ചിട്ടു , എന്നാലും ചേച്ചിയും കൂട്ട് നിന്നല്ലേ….. എന്ന് പറഞ്ഞു ചിണുങ്ങി… കിച്ചൂസിനോട് അവൾ ചിരിച്ചുകൊണ്ടാണ് ഇടപെട്ടത്…

ഈ ഏട്ടൻ പറഞ്ഞിട്ട മോളെ… സോറി 😌…അത് പറഞ്ഞു കിച്ചു അവളുടെ കവിളിൽ തഴുകി..

ഇനി ഇവിടെ നിന്നാൽ ശെരിയാവില്ല… എന്ന ഞാൻ പിന്നെ വരാട്ടോ  എന്നും പറഞ്ഞു അമ്മൂസിനെ നോക്കിയൊന്ന് ചിരിച്ചിട്ട്  അവൾ നടന്നു….

ഡി ജെസ്സി… പഴംപൊരി കഴിച്ചിട്ട് പോ മോളെ… അച്ഛൻ വിളിച്ചു പറഞ്ഞെങ്കിലും….

അതാ ചതിയൻ കളളൻ പട്ടിതെണ്ടിക്ക് കൊടുത്ത മതി എന്നും പറഞ്ഞു തിരിഞ്ഞു നോക്കാതെ തന്നെ  അവൾ നടന്നു

അയ്യോ ഏട്ടാ  പാവം കുട്ടി… വിഷമായിക്കാണും…..

ഈ അമ്മുവും ഏട്ടനും കൂടി ഓരോന്ന് ഒപ്പിച്ചിട്ട്….

അതും പറഞ്ഞു ഞാനൊന്നും അറിഞ്ഞില്ലേ നാരായണ എന്ന ഭാവത്തോടെ കിച്ചൂസ് 😂

അയ്യടാ… അങ്ങനിപ്പോ മോൾ തലയൂരണ്ട…. എന്നും പറഞ്ഞു  കിച്ചുവിനും കൂടി  ഉത്തരവാദിത്തം വെച്ചുകൊടുത്തു  ചിരിച്ചു…

അയ്യോ പഴംപൊരി…തീറ്റയുടെ കാര്യം ഓർത്ത്  അമ്മൂസ് നേരെ അടുക്കളയിലെക്കോടി….

വാ നമുക്ക് നല്ല ചൂട് പഴമ്പൊരീം ചായേം കുടിക്കാമെന്ന് പറഞ്ഞ് ഞങ്ങളും അകത്തേക്ക് കേറി…

കിച്ചൂസിന്റെ ഒപ്പം പോയ എന്നെ അച്ഛൻ അറസ്റ്റ് ചെയ്തു…

ഡാ നീ ഇവിടിരിക്ക്… എനിക്ക് രണ്ട് പറയാനുണ്ട്….

അല്ല അച്ഛാ പഴംപൊരി കഴിച്ചിട്ട് …..

ആഹ് അതൊക്കെ ഇങ്ങോട്ട് വന്നോളും… മോളെ കിച്ചു, … ഇവന് എന്താന്ന് വെച്ച ഇങ്ങോട്ട് കൊണ്ടുവാ…

കിച്ചൂസ് അത് കേട്ടതും  പ്രേശ്നമാണോ ഏട്ടാ എന്നരീതിയിൽ എന്നെ  നോക്കി…

കുഴപ്പമില്ല എന്ന് കണ്ണടച്ചു  കാട്ടിയതോടെ  അവൾ അകത്തേക്ക് പോയി….

അച്ഛൻ ഇതെന്തു  പണ്ടാരമാണ് പറയാൻ പോണെന്നു  കരുതി ഞാൻ  അവിടിരുന്നു…

ഡാ നിനക്ക് വല്ല ഉത്തരവാദിത്തം ഉണ്ടോടാ…… പത്തിരുപത്തഞ്ചു വയസായില്ലേ… അതിന്റെ വല്ല ബോധവും ഉണ്ടോ….?

എനിക്ക് കാര്യം മനസ്സിലായില്ലെന്ന് കണ്ട അച്ഛൻ തന്നെ സംഭവം  പറഞ്ഞു…

നിന്നെയിന്ന് തോമസ് വിളിച്ചിരുന്നോ???

ആഹ്ഹ് ഒരു 4 മണി കഴിഞ്ഞപ്പോ വിളിച്ചിരുന്നു… അപ്പോഴാണ് ഞാൻ തിരിച്ചു വിളിക്കാമെന്ന് പറഞ്ഞ കാര്യം ഓർത്തത്….

ഡാ പോത്തേ… ഇപ്പോ  5 മണിയായി …….നീ മറക്കുമെന്ന് അവനു അറിയാവുന്നത് കൊണ്ടാണ്  നീ എത്തിയാൽ ഉടനെ വിളിക്കാൻ പറയണം… ഓട്ടം ഉണ്ടെന്ന്   എന്നെ വിളിച്ചു പറഞ്ഞത് …

ഇപ്പോളും ഒരു ഉത്തരവാദിത്തവും വന്നിട്ടില്ല അച്ഛാ……എന്ന് എന്നെ കാണിച്ചുകൊണ്ട് മുത്തശ്ശനോടായി പറഞ്ഞു……..

അത് കേട്ടുളള മുത്തശ്ശന്റെ പ്രതികരണം മോണ കട്ടിയുളള ചിരിയായിരുന്നു….

അമ്മു അകത്തു ഞാൻ  ഫോൺ വാങ്ങികൊടുത്ത കാര്യം അമ്മയോട് പറയുന്ന കേൾക്കാം…. ചീവീട്  കരയുന്ന ഒച്ചയാണ് അവൾക്ക് സന്തോഷമുളള എന്തേലും പറയുമ്പോ..

അപ്പോളേക്കും കിച്ചു ചായേം പഴമ്പൊരീം കൊണ്ടുവന്നു….

പക്ഷെ ഞാൻ  തോമസ്സേട്ടനെ വിളിക്കുന്ന തിരക്കിലായിരുന്നു … എടുത്ത പാടെ നല്ല തെറി  കേട്ടെങ്കിലും കിച്ചുപെണ്ണ് അടുത്ത് നിക്കണോണ്ട് സൗമ്യമായി ചിരിച്ചു കേട്ട് നിക്കാനെ  പറ്റിയുളളു….

നിന്റെ വണ്ടി ഇല്ലെങ്കിൽ വേറെ വണ്ടി ഏൽപ്പിക്കാനാ ഈ വിളിക്കണേ… അപ്പോ നിനക്ക് കുട്ടിക്കളി… അല്ലേടാ

ഇത്രയൊക്കെ പറഞ്ഞിട്ടും ചിരിക്കുന്നോ നീ…. നാളെ വെളുപ്പിന്  തന്നെ ലോഡ് എടുക്കാൻ വിട്ടോണം… എന്ന് കട്ടായം പറഞ്ഞു പുളളി ഫോൺ  കട്ട്‌ ആക്കി….

നാളെ  രാവിലെ തന്നെ ഓട്ടമുണ്ടെന്ന് അച്ഛനോട് പറയുംപോലെ പറഞ്ഞിട്ട് നേരെ കിച്ചൂസിനെ നോക്കി….അവൾക്ക്  ചെറിയ ഒരു ഭാവമാറ്റം പോലെ…

പക്ഷെ എനിക്ക് എന്തെന്നില്ലാത്ത വിഷമം…. നാളെ പോയാൽ 4 ദിവസം കഴിയും തിരിച്ചെത്താൻ…. അത് വരെ ഈ പെണ്ണിനെ കാണാൻ പറ്റില്ലലോ ദൈവമേ….

ആഹ് മാസത്തിൽ  4 ഓട്ടം എങ്കിലും ഓടിയാലെ കാര്യങ്ങൾ നടക്കു.. അതോണ്ട് എന്തായാലും പോണം…

അങ്ങനെ ഓർത്ത് ചായേം കുടിച്ചു അച്ഛന്റേം മുത്തശ്ശന്റേം കത്തി കേട്ട് അവിടിരുന്നു…

കുറച്ചു കഴിഞ്ഞു കിച്ചുവും അമ്മുവും മുത്തശ്ശനും വീട്ടിലേക്ക് നടന്നു …. അമ്മു ആണേൽ ഫോണിൽ തോണ്ടിയാണ് നടപ്പ്…. ഫേസ്ബുക്ക്, വാട്ട്സ്ആപ്പ്, ഇൻസ്റ്റാഗ്രാം തുടങ്ങിയ സകല  സാധനങ്ങളും അവൾ റെഡി ആക്കിട്ടുണ്ട്  😂

ഞാൻ നേരെ വണ്ടിക്ക് ഗ്രീസ് അടിക്കാൻ കോട്ടപ്പുറത്തേക്ക് പോയി…

അങ്ങനെ രാത്രി എത്തിയപ്പോ  അമ്മയെ കാണ്മാനില്ല… അല്ലേൽ ടീവിയുടെ ഉളളിൽ കേറി ഇരിക്കണ  കക്ഷിയാണ്….

തെക്കേ കിളിവാതിൽ അടയുന്ന ഒച്ച കേട്ടപ്പോളെ മനസ്സിലായി തെക്കേൽ പോയി വരുന്നുണ്ടെന്ന്…

അമ്മ ഇത് ഫുൾ ടൈം  അവിടെ തന്നെ ആണല്ലോ എന്ന് ചെറിയൊരു കനത്തിൽ ചോദിച്ചു…

ഡാ അവർക്ക് ഇത്തിരി  കറി കൊടുക്കാൻ പോയതാടാ… ഞാൻ കറിയുമായി  ചെന്നപ്പോ പപ്പടോം ചമ്മന്തീം മാത്രം കൂട്ടി കഴിക്കായിരുന്നുഡാ  കുട്ടികൾ…ഇന്ന് വന്നിട്ട് കറി  ഒന്നും വെച്ചില്ലല്ലോ….  എനിക്കങ്ങോട്ട് സങ്കടം വന്നെടാ…

ചിക്കൻ കറി കിട്ടിയപ്പോ അമ്മൂന്റെ ഇഷ്ട്ടം ഒന്ന് കാണണം….പിന്നെ  രണ്ടുപേർക്കും ഞാൻ വാരിക്കൊടുത്തു…. അതും പറഞ്ഞു അമ്മ ചെറിയ  കരച്ചിലായി…

സ്നേഹദൂതും,,, മമ്മൂക്കാടെ  സൂര്യമാനസോം കണ്ടിട്ട്  കരയാത്ത എന്നെ  അമ്മ  രണ്ട് ഡയലോഗിൽ കരയിച്ചു… അമ്മ കാണാതെ കണ്ണുനീർ ഞാൻ ഒളിപ്പിച്ചു… അത് നമ്മൾ ആൺപിള്ളേളർക്ക് മാത്രമുളള കഴിവാണ്… എത്ര സങ്കടം വന്നാലും ഒറ്റക്കിരിക്കുമ്പോ  അല്ലാതെ കരയില്ല…. അതിപ്പോ രണ്ട് പ്രളയം ഒന്നിച്ചു വന്നാലും എന്ത് മൈരാണെന്ന് വെച്ച വരുന്നിടത്തു വെച്ച് കാണാമെന്നു പറഞ്ഞു നിക്കും…

അമ്മേ നാളെ ട്രിപ്പ് ഉണ്ട്….ഡ്രസ്സ് ഓക്കെ ‌ ബാഗിലാക്കാൻ അമ്മയോട് പറഞ്ഞു…

ഡാ,   അവരെയൊക്കെ അമ്മ  അന്വേഷിച്ചു എന്ന് പറയണം…. ജാനകി മോളെ കാണാൻ തോന്നണു… നമ്മുടെ അമ്മുവിന്റെ അതേ പ്രകൃതം അല്ലേടാ അവൾക്ക്….

മ്മ്… ഏറെക്കുറെ…  അമ്മ വേഗം  ചോറെടുക്ക് നേരത്തെ  കിടക്കണം….

അങ്ങനെ വേഗം ചോറുണ്ട് കിടന്നു…. വെളുപ്പിനെ പോണം……

കിടന്നതും ഭാവിയെക്കുറിച്ചു ആലോചന വന്നു…. രാത്രി ഉറങ്ങാൻ പോകുന്നതിനു മുന്നേ അതൊരു സ്ഥിരം പരിവാടി  ആണല്ലോ  ആൺകുട്ടികൾക്ക്…. പക്ഷെ കിച്ചൂസിന്റെ മുഖം മനസ്സിൽ വന്നതോടെ  അടിവയറ്റിൽ മഞ്ഞുപെയ്യണ സുഖം….

തമ്മിൽ ഇഷ്ട്ടമുണ്ടെന്ന് പരസ്പ്പരം അറിയാമെങ്കിലും അതൊന്ന് നേരിട്ട് പറയണമല്ലോ ഈശ്വര…….നേരിട്ട്  പറയണോ…അതോ ഇനി അമ്മുവിനോട് അവതരിപ്പിച്ചിട്ട് കിച്ചൂനോട് പറഞ്ഞ മതിയോ   അതൊക്കെ ഓർത്ത് ചെറിയൊരു നാണത്തോടെ കിടന്നു …..എനിക്ക് നാണം എന്താന്നൊക്കെ മനസ്സിലായി തുടങ്ങിയത് കിച്ചൂസിനെ കണ്ടത് മുതലാണ്… അങ്ങനെ തലയിണയും കെട്ടിപിടിച്ചു ഉറങ്ങിപ്പോയി…

ഒരു 4 മണിയായപ്പോ തന്നെ അലാറം അടിച്ചു … വേഗം കുളിച്ചു  റെഡിയായി ആരെയും ഉണർത്താതെ  ബാഗെടുത്തു ഇറങ്ങി…..

രാവിലത്തെ ഫുഡ്‌ ഒക്കെ വഴിയിൽ നിന്ന് കഴിക്കും … നടന്നു ഗേറ്റ് എത്തിയപ്പോളാണ്  ഉളളിൽ ഒരു തോന്നൽ…….

അല്ല… ആഗ്രഹം….

കിച്ചൂനെ ഒന്ന് കണ്ടിട്ട് പോണമെന്ന് …. സമയം  4.30 കഴിഞ്ഞിട്ടുളളു ….അവൾ എണീറ്റിട്ടുണ്ടാകുമോ …. ചെറിയ നിലാവുണ്ട്….കാണണമെന്ന് ആഗ്രഹിചിട്ട്  ഇനിയവളെ  കാണാതെ പോയാൽ ഒരു സമാധാനക്കേട് ആകുമെന്ന് ഉറപ്പുളളത് കൊണ്ട് കാണാൻ തന്നെ തീരുമാനിച്ചു….

ബാഗ് ഇറയത്തു വെച്ച് നേരെ പിന്നിലേക്ക് പോയി കിളിവാതിൽ തുറക്കാതെ,  മതിൽ പോലും അറിയാതെ മതിൽ  ചാടി…. ഒടുക്കത്തെ ശബ്ദമാണ് ആ വാതിൽ തുറക്കുമ്പോ…. അതുകൊണ്ടാട്ടോ മതിൽ ചാടിയത്.. എന്നെ തെറ്റിദ്ധരിക്കല്ലേ 😆😌😇…

അങ്ങനെ വടക്കുവശത്തുളള മുറിയുടെ ജനൽ ഭാഗത്തേക്ക്‌ പോയി ഫോൺ എടുത്ത് കോൾ ആക്കി….

പത്താമത്തെ റിങ്ങിൽ ഫോൺ എടുത്തു…

ഹലോ…..

അവളാകും ഫോൺ എടുക്കാന്ന് എനിക്ക് ഉറപ്പായിരുന്നു… കാരണം അമ്മൂസിന്റെ ഉറക്കം അത്ര മഹനീയം ആണ്…

കിച്ചു ഇത് ഞാനാ….

ആഹ് ഏട്ടാ…എന്താ ഏട്ടാ …

ഉറക്കച്ചടവിലും ഞാൻ  ആണെന്ന് മനസ്സിലായി അവൾക്ക് …..

അത് കിച്ചൂ…. ഒരു കാര്യം ഉണ്ട്…

എന്താ അച്ചേട്ടാ… എന്തെങ്കിലും പ്രശ്നം ഉണ്ടോ… ഉറക്കപ്പിച്ചൊക്കെ  വിട്ടവൾ ചോദിച്ചു…….

ഏയ് പ്രശ്നം ഒന്നുമില്ല കിച്ചൂസ്സേ.. പിന്നെ,  ജനൽ തുറക്കോ…ഞാൻ പുറത്ത് ഉണ്ട്…. എന്ന് ഒറ്റശ്വാസത്തിൽ പറഞ്ഞു….

ഏഹ് പുറത്ത് ഉണ്ടെന്നോ…. ഒരു ഞെട്ടലോടെ അവളത് ചോദിച്ചിട്ട്  പയ്യെ ജനൽ തുറന്നു…….

പരസ്പ്പരം കണ്ടതും ഞങ്ങൾ രണ്ടുപേർക്കും നെഞ്ചിടിപ്പ് കൂടി…

ആ തണുപ്പിലും അവൾ വിയർത്തിരുന്നു… പാവം നല്ല പേടിയുണ്ട്…. എനിക്കും 😆😂  …..

കിച്ചൂസ്സേ എന്ന് അടുത്ത് ചെന്ന് കൊണ്ട്  പയ്യെ വിളിച്ചു….

എന്താ ഏട്ടാ  ….എന്താ പറയാനുളേള… അമ്മു എണീക്കും… വേഗം പറ അച്ചേട്ടാ….

അത് ഞാൻ പോകുവാ…. ഇനി കുറച്ചു ദിവസം കഴിയും വരാൻ…

അപ്പോ ഒന്ന് കാണണമെന്ന് തോന്നി…. അതോണ്ടാ കിച്ചൂസ്സേ…. എന്ന് ചെറിയൊരു ചിരിയോടെയും ഇങ്ങനെ ആരും കാണാതെ നിന്ന് സംസാരിക്കുന്നതിന്റെ പേടിയോടെയും പറഞ്ഞൊപ്പിച്ചു…

കണ്ണുകളിൽ പ്രണയം നിറച്ചു കവിളുകളിൽ നാണം വരുത്തി ചുണ്ടിൽ ഒരു കുഞ്ഞു ചിരിയുമായി എന്റെ പെണ്ണ് അങ്ങനെ കേട്ട് നിൽക്കയാണ്…..

ഒരു വല്ലാത്ത ഫീൽ ആണെട്ടോ അത്….

ജനൽ കമ്പിയിൽ പിടിച്ചിരുന്ന അവളുടെ കയ്യിൽ മെല്ലെ പിടിച്ചുകൊണ്ടു ഞാൻ പോട്ടെ എന്ന് ചോദിച്ചു….

മ്മ്….വേഗം വരണേ അച്ചേട്ടാ  എന്ന്  ഇത്തിരി വിഷമവും ഒത്തിരി സ്നേഹവും നിറച്ചു അവൾ പറഞ്ഞു….

മുത്തശ്ശൻറെ ചുമകേട്ട് ഞങ്ങൾ രണ്ടും ഞെട്ടി…..

ഏട്ടാ വേഗം പൊക്കോ… മുത്തശ്ശൻ എണീറ്റെന്നു പറഞ്ഞു അവൾ ജനൽ അടച്ചു…

ആ നിലാവിൽ ഭിത്തിയിൽ ചാരി  ആകാശത്തേക്ക് നോക്കി ചിരിച്ചൊരു നിൽപ്പായിരുന്നു ഞാൻ….

ഇനിയും നിന്നാൽ ആരെങ്കിലും കണ്ട്  നാളെത്തന്നെ ഞങ്ങളുടെ കല്യാണം നടക്കുമെന്ന് തോന്നിയപ്പോൾ ഞാൻ മതിൽ ചാടി വീട്ടിലേക്ക് നടന്നു..വേറൊന്നും കൊണ്ടല്ല… കല്യാണത്തിന് മുന്നേ ഇത്തിരി പ്രേമിക്കണം എന്നുണ്ടെയ് 😊😊😊…അതോണ്ടാ….

അതേ സമയം  കഴുത്തിലെ  കുഞ്ഞുമാലയും   കടിച്ചുകൊണ്ട് കുഞ്ഞുങ്ങളെക്കാൾ നിഷ്കളങ്കമായ ചിരിയോടെ കിടക്കുകയായിരുന്നു എന്റെ കിച്ചൂസ്….

ചേട്ടൻ പോയല്ലേ….. ഞാൻ കണ്ടു…എന്ന് പറഞ്ഞു അമ്മൂസ്  ഒറ്റ ചിരി….

ഈശ്വര ഇവൾ ഉണർന്നു കിടക്കായിരുന്നോ….. കിച്ചൂസ് ഞെട്ടിപ്പോയി ….

ഇഷ്ട്ടാണെൽ അതങ്ങു തുറന്നു പറഞ്ഞൂടെ രണ്ടിനും എന്നും പറഞ്ഞു അമ്മു കിച്ചൂസിനെ ഇക്കിളിയിടാൻ തുടങ്ങി…..

എന്റ അമ്മുക്കുട്ട്യേ എന്നും പറഞ്ഞു കൊഞ്ചിക്കൊണ്ട്  അവളെ കിച്ചൂസ്  ഞെക്കി കൂട്ടി കെട്ടിപിടിച്ചു  കിടന്നു  …. രണ്ടും തമ്മിൽ എന്ത് സ്നേഹമാണെന്നോ…..

ഞാൻ അപ്പോളേക്കും വണ്ടിയുടെ അടുത്ത് എത്തിയിരുന്നു…. ടയറൊക്കെ എല്ലാം കൊട്ടിനോക്കി

ഡോർ തുറന്ന്  കേറിയിരുന്നു   വണ്ടി സ്റ്റാർട്ട്‌ ചെയ്ത് ഒരു ചന്ദനത്തിരി കത്തിച്ചു വെച്ചു…..

സെറ്റ് ഓൺ ആക്കി പാട്ടും വെച്ചതോടെ ആകെയൊരു പൊളി മൂഡ്…. എന്റെ പെണ്ണിന്റെ കള്ളച്ചിരിയൊക്കെ ഓർത്തു വണ്ടി എടുത്തു….

എന്നിലെ  ചുടു  താളമായി  ഒരു  യാത്രയായി, പദയാത്രയായി

കഥാകാലമേ  കുളിരോർമയായി  ഒരു  യാത്രയായി , പദയാത്രയായി

പറയാൻ  മറന്ന  വാക്കുമായി  മനതാരിൽ  ആരിതാ

നിറ  ദീപമേ  കിനാവുപോലെൻ  കണ്ണിൽ  എകുവാൻ…..

നിഴൽ  പോലെ  അഴലാലേ  വെയിൽ  നീളെ  പദയാത്ര…

നിഴൽ  പോലെ  അഴലാലേ  വെയിൽ  നീളെ  പദയാത്ര……….

നമ്മുടെ ജോബ് കുര്യന്റേം ഹരീഷേട്ടന്റേം പാട്ടും കേട്ടോണ്ട് ഞാൻ  എന്റെ കൊടുങ്ങല്ലൂർക്കാരൻ ചെക്കനായി ഒരു   പൊളിയായിരുന്നു…..

അങ്ങനെ 9 മണിക്ക് ഫുഡ്  കഴിക്കാൻ  ആസാദ് ഹോട്ടലിൽ  നിർത്തി ആഹാരം കഴിക്കുമ്പോളാ  ഫോൺ നോക്കുന്നത്….. നോക്കിപ്പോ ദേ ഒരു മെസ്സേജ് കിടക്കുന്നു…

“വണ്ടി നിർത്തുമ്പോ ഒന്ന് വിളിക്കണേ ഏട്ടാ”

മെസ്സേജ് കണ്ടതും ഒരു കണക്കിന് ഞാൻ  തിരിച്ചു വിളിച്ചു…

ആഹ് ഹലോ…

മിസ്റ്റർ അതുൽ…. താങ്കൾ ഇപ്പോൾ എവിടെയെത്തി? അമ്മൂസ് ആണ് ഫോൺ എടുത്തതെന്ന് ഇനി പ്രത്യേകം പറയണ്ടല്ലോ..

ആഹ് അമ്മൂസ്സേ… ചേച്ചി എവിടെഡി മോളെ …

അതെന്താ ചേച്ചിയോട് മാത്രേ സംസാരിക്കു?…

ഹോ എന്റ മോളെ…. ഒരു മെസ്സേജ് കണ്ടു…. അതാ വേഗം വിളിച്ചേ…

ഓഹോ… എന്നാലേ ആ മെസ്സേജ് അയച്ചത് ഞാനാ.. ചേച്ചി അല്ല…

ഓഹോ… എന്ന  കാര്യം എന്താച്ചാ  പാറയ്യ്യ കുട്ട്യേ… ഞാൻ ഒരു തമാശ പോലെ പറഞ്ഞു..

അതെയ് അച്ചുച്ചേട്ടാ… എവിടെയെത്തി ഇപ്പോൾ?… വല്ലതും കഴിച്ചോ???

ഏഹ് ഇവൾക്ക് ഇങ്ങനെയൊക്കെ ചോദിക്കാനുളള ബോധം ഒക്കെയുണ്ടോ ദൈവമേ… ആഹ് നന്നായി….അങ്ങനെ ആലോചിച്ചുകൊണ്ട് മറുപടി പറഞ്ഞു…

കോഴിക്കോട് എത്തറായെടാ…… ഫാറൂഖ് കോളേജിന്റെ അടുത്ത്  ഫുഡ് കഴിക്കാൻ നിർത്തിയത….

എന്താ കഴിച്ചേന്നു ചോദിക്ക്… പയ്യെ അടക്കി പിടിച്ചുളള  ആ സൗണ്ട് കേട്ടപ്പോ തന്നെ എന്റെ പെണ്ണ്  അമ്മൂന്റെ അടുത്തുണ്ടെന്നു മനസ്സിലായി… എന്റെ കിച്ചൂസ് ആണപ്പോൾ ചോദ്യകർത്താവ്വ്😍… വെറുതെയല്ല…..

അമ്മൂസ്സേ….. ഞാൻ പുട്ടും കടലയും കഴിക്കാന്ന് കിച്ചുചേച്ചിയോട് പറഞ്ഞേക്ക് 😆😊

ഹിഹി…… ചേച്ചി അടുത്തുണ്ടെന്ന്  മനസ്സിലായല്ലേ….എന്നോട് ഏട്ടൻ  തിരിച്ചു വിളിച്ചോന്ന് ചോദിച്ചു  ശല്യം ആയിരുന്നു അച്ചുച്ചേട്ടാ… ആഹ് ഇനി നേരിട്ട് സംസാരിച്ചോ എന്നും പറഞ്ഞു അമ്മു  ഫോൺ കിച്ചൂന് കൊടുത്തു…

ഹലോ…. കിച്ചൂസ്സേ 😊….ഞാൻ ഒരു പ്രത്യേക ഈണത്തിലാണ് വിളിച്ചത്..

ഏട്ടാ…. എന്നൊരു മറുപടി കിട്ട്യപ്പോ തന്നെ മനസ്സ് നിറഞ്ഞു….

വിളിക്കണം എന്നുണ്ടേൽ നേരിട്ട് വിളിച്ചൂടെ എന്റ കുട്ട്യേ…. 😍

അത് നിക്ക് എന്തോ പോലെ ഏട്ടാ…. ഇപ്പോളും  സംസാരിക്കുമ്പോ  ചിരി വരണുണ്ടെട്ടോ…. അതും പറഞ്ഞു പിന്നെയൊരു  കളളചിരിയാണ് ഞാൻ കേട്ടത്…….

എന്നെ ഓരോന്ന്  പറഞ്ഞു കളിയാക്കായിരുന്നു അമ്മു …

ഏട്ടൻ വണ്ടി ഓടിക്കാണെങ്കിലോന്ന് കരുതിയ അച്ചേട്ടാ ആദ്യം മെസ്സേജ് അയച്ചത്…. പിന്നെ അത് അമ്മു അല്ല… ഞാനാട്ടോ   അയച്ചേ….

ആഹാ…. അത്കൊളളാം… എന്നിട്ടാണോ…..

ഇനി അമ്മൂസിനെ ശല്യം ചെയ്യണ്ട… നേരിട്ട് വിളിച്ചോട്ടോ 😉…

അല്ലേൽ അമ്മു ഇനിയും കളിയാക്കും…

അയ്യോ അച്ചേട്ടാ അവൾ കളിയാക്കിയത് എന്തും പറഞ്ഞാണെന്ന്  അറിയോ….

എനിക്ക് സത്യത്തിൽ ചിരി വരാ ഇവളുടെ സംസാരം കേട്ടിട്ട്…… വല്ല്യ എന്തോ കാര്യം പറയണ പോലെ 😆

ഇല്ല… എന്താ കാര്യം കിച്ചൂസ്സേ … അവൾ സംസാരിക്കുന്ന അതേ ഗൗരവത്തോടെ ഞാനും ചോദിച്ചു..

രാവിലെ അമ്മു ഉണർന്ന് കിടക്കായിരുന്നു ഏട്ടാ….. നമ്മൾ സംസാരിച്ചതൊക്കെ അവൾ കണ്ടു…. ആരും കാണാതെ നേരിട്ട് സംസാരിക്കണ ആൾക്കാർക്ക്  ഫോണിലൂടെയും സംസാരിക്കാമെന്ന്

പറഞ്ഞു എന്നെ കൊന്നു 😁

എന്റ ദൈവമേ….. തലയിൽ കൈ വെച്ചുപോയി ഞാൻ 😶….

എന്താടാ അനക്ക് പറ്റ്യേ…. ചിരിച്ചുകളിച്ചു വർത്താനം പറഞ്ഞോണ്ടിരുന്ന ആളിപ്പോ എടങ്ങേറായി ഇരിക്കണ്….

അപ്പോളാണ് ആസാദിക്ക എന്നെ തന്നെ നോക്കിയിരിക്കായിരുന്നു  എന്ന് കത്തിയത്….

ഹലോ ഏട്ടാ…. ഹലോ…

ആഹ് കിച്ചൂസ്സേ…. അമ്മൂന്റെ കാര്യം ആലോചിച്ചതാ… ഇനി എങ്ങനെ ആറ്റം ബോംബിനെ നേരിടും 😒…

ഹിഹി… അതെയ് പൂതി തോന്നി കാണാൻ വന്നപ്പോ ആലോചിക്കണം….

മ്മ്മ്.. വളരെ ശെരിയായിരുന്നു … ഇനി  പറഞ്ഞിട്ട് എന്തിനാ 😑

അച്ചേട്ടാ ദേ അമ്മ ഇങ്ങോട്ട് വരണുണ്ട് .. ഞാൻ വെക്കുവാണേ…. സൂക്ഷിച്ചു പൊക്കോളൂട്ടോ… പയ്യെ പോയ മതി…..

മ്മ് ശെരി എന്റ കിച്ചൂസ്സേ….

അതും കേട്ട് അവൾ ഫോൺ കട്ട്‌ ആക്കി….

എന്റെ ഇരിപ്പ് കണ്ടിട്ട് ആസാദിക്ക എണീറ്റു വന്നു….

ആഹ് ഇക്കാനെ കുറിച്ച് പറഞ്ഞില്ലലോ…അച്ഛന്റെ ഒപ്പം വണ്ടിയിൽ പോകുമ്പോൾ  തുടങ്ങിയ കാലം തൊട്ടുളള  പരിചയമാണ്… വടക്കോട്ട് ഓട്ടം പോകുമ്പോ ഇക്കാന്റെ ഹോട്ടലീന്ന് ആഹാരം കഴിക്കാതെ പോകില്ല

എടാ അച്ചു..

എന്താണ്ടാ  കാര്യം… കുറെ നേരായി കാണാ അന്റെ ചിരീം കളീം….

വല്ല മൊഞ്ചത്തീം ഖൽബിൽ കേറി പറ്റിയ….

ഞാൻ ആകെ ഞെട്ടി… ഇങ്ങേരിത് എങ്ങനെ അറിഞ്ഞു…. 😐

ഇക്ക…. അത്….

സത്യം പറ ഇക്കാക്ക് വല്ല ജിന്നിനേം കിട്ടിയ….

ആഹ് അപ്പോ അത് തന്നെ…. മൊഹബത്….ഈ ഫോണിലുളള കൊഞ്ചലും കുറുകലും കണ്ട തന്നെ മനസ്സിലാവുലേ മോനെ…… പിന്നെ

ഇപ്പൊ മുഖം കാണണ ഒരു ബുക്ക്‌ ഇണ്ടല്ലോ… എന്താ അതിന്റെ പേര്… അളളാഹ് മറന്നല്ലോ പിന്നേം…

ഇക്കാ , അത്  ഫേസ്ബുക്, ഫേസ്ബുക്…

ഹോട്ടലിലെ പാത്രം കഴുകണ മരമാക്രി എന്ന് വിളിക്കണ അസ്സർപ്പ് ആണ് അത് പറഞ്ഞത്…

പ്പ ഹമുക്കേ…. നിന്നോട് ആരേലും ചോദിച്ചോടാ….മുണ്ടാണ്ട് നിന്ന് പണിയെടുത്തോണം…

എന്റ ഇക്ക…അത് വിഡ്…. ഇങ്ങളെ ഞാൻ  സമ്മതിച്ചു…എന്റെ മനസ്സിൽ ഒരു മൊഞ്ചത്തി കേറീന്ന് ഉളളതൊക്കെ ശെരിയ.. പക്ഷെ

ഇത് ഫേസ്ബുക്കും കോപ്പും  ഒന്നും അല്ല….. 😊….. അങ്ങനെ കിച്ചൂസിന്റെ കാര്യം ചെറുതായി ഒന്ന് ഇക്കാനോട് പറഞ്ഞു…

ഹ്മ്മ് മോനെ…. ആരോരും ഇല്ലാത്തവർക്ക് തുണയാകണം…. വിശക്കുന്നവനു ആഹാരം കൊടുക്കണം… അത്രേ ഉളളു…ബാക്കി  പടച്ചോൻ കാത്തോളും നമ്മളെ….

ഹ്മ്മ്…അതൊക്കെ ശെരിയ… എന്നാലേ ഞാൻ പോകാൻ നോക്കട്ടെ…. ഉച്ചക്ക് മുന്നേ ചുരം കേറണം… അല്ലേൽ ബ്ലോക്ക്‌ കിട്ടിയ പെട്ട് പോകും…….

ഇക്കാനോടും അസ്സർപ്പിനോടും ഒക്കെ യാത്ര പറഞ്ഞു ഞാൻ ഇറങ്ങി…

ഇനിയങ്ങോട്ട് ഒരു 13 മണിക്കൂർ ഓട്ടം ഉണ്ടേ…..അവിടെന്ന് വണ്ടിയെടുത്തു ഓട്ടം തുടങ്ങി…

കാളകാത്ത സന്ദന മേരം

വെകുവോകാ പൂത്തിരിക്കോ

പൂ പറിക്ക പോകിലാമോ

വിമേനാത്തെ പാക്കിലമോ

നമ്മുടെ  നഞ്ചിയമ്മയുടെ പാട്ടൊക്കെ കേട്ട് ചുരം കയറി 💓….

ഉച്ചക്ക് ഊണ് കഴിക്കലൊക്കെ കണക്കാ….. ഒരു 2 മണിയായപ്പോ കഞ്ഞി കുടിക്കാൻ നിർത്തി…

ഇന്നലെ   മാളിൽ വെച്ച് അമ്മു എടുത്ത ഫോട്ടോ ഒരെണ്ണം ആരും അറിയാതെ  അടിച്ചുമാറ്റിയിരുന്നു…

അതും നോക്കി കൊണ്ട് കുറച്ചുനേരം ഇരുന്നു…

വിശപ്പൊക്കെ കിച്ചൂസിനെ വിളിച്ചു കഴിഞ്ഞിട്ടെന്ന് കരുതി ആദ്യം ഫോൺ എടുത്ത് കുത്തി…..

മൂന്നാമത്തെ ബെല്ലിൽ ഫോൺ എടുത്തു… പക്ഷെ അത് കിച്ചൂസ് ആയിരുന്നില്ല…. പിന്നെ ആരായിരിക്കും എന്ന് പറയണ്ടല്ലോ…

ഹലോ അമ്മൂസ്സേ…..

ആഹ് എന്താ മിസ്റ്റർ….

ഏട്ടന്റെ മോൾ വല്ലതും കഴിച്ചോടാ….

അയ്യാ എന്താ സ്നേഹം….. അതെയ് എനിക്കറിയാം എന്തിനാ സുഗിപ്പിക്കണേന്ന്… അതുകൊണ്ട് മോൻ വല്ലതും പറയാൻ ഉണ്ടേൽ പറ…

ഹിഹി… അവൾക്ക് മനസ്സിലായി…. 😂

എടാ …. അത് പിന്നെ…. ഏട്ടൻ രാവിലെ പോരാൻ നേരത്ത് കിളികൾക്ക് തീറ്റ കൊടുത്തിട്ട് പോകാമെന്നു കരുതി പിന്നിലേക്ക് വന്നപ്പോളാ,  മുത്തശ്ശന്റെ ചുമ കേട്ടത്… അപ്പോ മരുന്ന് വാങ്ങണോന്ന് ചോദിക്കാൻ വന്നതാ… അല്ലാതെ.. അയ്യേ…

എന്റ ദൈവമേ… എന്തൊരു നുണയാ പറഞ്ഞുകൂട്ടണേ……അതെയ് ഞാൻ എല്ലാം കേട്ടു…. അതോണ്ട് കൂടുതൽ പറഞ്ഞു കഷ്ട്ടപെടണ്ട….. ആഹ് എന്തായാലും പോയിട്ട്  ഇങ്ങോട്ട് വരുമല്ലോ ….എനിക്ക് കുറച്ചു ഡിമാൻഡ്‌സ് ഉണ്ട്….ഒരു ഫുൾ ഡേ എനിക്ക് അടിച്ചുപൊളിക്കണം… അല്ലേൽ ചിലപ്പോ ഈ കാര്യം  അമ്മയൊക്കെ അറിഞ്ഞാൽ അമ്മൂസിനെ സംശയിക്കരുത് കേട്ടോ അച്ചുച്ചേട്ടാ 😎

ദൈവമേ ഒരു ഭീഷണി അല്ലേ ഞാൻ കേട്ടത്…

അയ്യോ മോളെ ഏട്ടൻ ഒന്ന് വന്നോട്ടെ…നമുക്ക് തകർക്കണം, പൊളിക്കണം……. 😍

ആഹ് അങ്ങനെ ആണെങ്കിൽ ഓക്കെ….

എന്ന ശെരി ഡാ… ഏട്ടൻ പിന്നെ വിളിക്കാം…അതും പറഞ്ഞു ഫോൺ കട്ട്‌ ആക്കി…

എന്തിനാ അധികം… ഇത് പോലത്തെ ഒരെണ്ണം മതിയല്ലോ വീട്ടിൽ…. എന്നാലും അതൊരു സുഖമാണെട്ടോ

അങ്ങനെ രാത്രിയോടെ    ഡിസ്റ്റിലറിയിൽ എത്തി…. അപ്പോ തന്നെ  കിച്ചൂസിനു മെസ്സേജ് അയച്ചു….

“കിച്ചൂസ്സേ എത്തിട്ടോ…”

അപ്പോ തന്നെ റിപ്ലൈ കിട്ടി….

“ഏട്ടാ വല്ലതും കഴിച്ചോ ”

പക്ഷെ അത് വായിച്ചപ്പോ സങ്കടം വന്നുപോയി….

വിശന്നിട്ടു കണ്ണ് കാണാൻ പറ്റുന്നുണ്ടായില്ല എങ്കിലും കഴിച്ചു മോളെ എന്ന് റിപ്ലൈയും കൊടുത്തു  ഇത്തിരി വെളളവും കുടിച്ചു  വേഗം കിടന്നു… ഇനി രാവിലെയേ ലോഡ് കയറ്റു…

പിറ്റേ ദിവസം എന്തോ മുഖത്തു ഇഴയുന്നപോലെ തോന്നി ഞെട്ടി എണീറ്റു…. ഇത്തിരി തുറന്നിട്ട ഗ്ലാസിലൂടെ ജാനകി മയിൽപീലി കൊണ്ട് ചെയ്ത പണിയാണ്…

എന്തുവാടി… ഉറങ്ങാനും സമ്മതിക്കില്ലേ…. നിന്നെ ഞാൻ ഇന്ന്… എന്നും പറഞ്ഞു ഡോർ തുറന്നതും അവൾ ചാടി ഇറങ്ങി……..

അയ്യോ ജാനകി ആരാന്ന് പറഞ്ഞില്ലാലോ… ഇന്നലെ രാത്രി അമ്മ ചിലരെ അന്വേഷിച്ചു എന്നൊക്കെ പറയാൻ പറഞ്ഞില്ലെ….

തമിഴ്നാട്ടിൽ നിന്നും ഗോവയിൽ സെറ്റിൽ ആയ

ഡിസ്റ്റിലറി മാനേജർ വരദരാജന്റെയും,  കോലം ആർട്ടിസ്റ് ലക്ഷ്മിഅമ്മാളിന്റെയും ( കോലം ആർട്ടിസ്റ് എന്നൊക്കെ വെറുതെ പറഞ്ഞതാ സാറെ…. വീട്ടിൽ രാവിലെ  കോലം വരച്ചു വെറുതെ ഇരിക്കുന്ന  വീട്ടമ്മയായ ഒരു പാവം അക്ക )  ഒരേയൊരു പുത്രി….. ഏകദേശം നമ്മുടെ അമ്മൂസിന്റെ പ്രായവും  സ്വഭാവവും  ആണ്   ……

കഴിഞ്ഞ താലപ്പൊലിക്ക് ഇവരൊക്കെ വീട്ടിലേക്ക് വന്നിരുന്നു….. വളരെ സന്തോഷത്തോടെ ആണ് ഇവർ ഉത്സവം കൂടാൻ  വന്നത്…. അത്രയും സ്നേഹത്തോടെയാണ് ക്ഷണിച്ചതും സൽക്കരിച്ചതും…  യാത്ര പറഞ്ഞു ഇറങ്ങാൻ നേരം അക്കക്കു വിഷമം വന്നു ചെറിയ കരച്ചിൽ ഒക്കെയായി…..

അണ്ണാ…. അമ്മ  കൂപ്പിട്ടാര്….വേഗം എണീക്ക് അണ്ണാ…… അതും പറഞ്ഞു അവൾ ഓടി  ….

ഇവൾക്കിത്  നടക്കാൻ അറിയാൻ പാടില്ലേ….. എപ്പോ നോക്കിയാലും ഓട്ടം…

അല്ല എന്തേലും പണി ഒപ്പിച്ചിട്ട് ആരെങ്കിലും  അടികൊടുക്കാനും  പുറകെ ഉണ്ടാകും… അപ്പോ പിന്നെ ഓടാതെ പറ്റില്ല….. അതും ഓർത്തോണ്ട് ഞാൻ പിന്നേം കിടന്നു….

ഫോൺ നോക്കിയപ്പോ ഏട്ടാ എണീറ്റോ എന്നൊരു മെസ്സേജ്…. ആഹാ പെണ്ണിന്റെ നാണം ഓക്കെ പോയി… 😄

കിച്ചൂസ്സേ ഇപ്പോൾ എണീറ്റുളളു… ഞാൻ കുറച്ചു കഴിഞ്ഞു  വിളിക്കാട്ടോ എന്ന് റിപ്ലൈയും കൊടുത്ത്,  എണീറ്റ് പല്ലൊക്കെ തേച്ചു കുളിച്ചു റെഡിയായി നേരെ അക്കയെ കാണാൻ പോയി…..വിശന്നു പൊരിയുന്നുണ്ട്…

പോകുന്ന വഴിക്ക് കിച്ചൂനെ ഫോൺ വിളിച്ചു…. പെണ്ണ് എടുക്കുന്നില്ലലോ…

ആഹ് ഹലോ….

ആഹ് അച്ചേട്ടാ…. പണിയിൽ ആയിരുന്നു…. അതാട്ടോ എടുക്കാൻ വൈക്യേ…

ഓടി കിതച്ചാണ് അവൾ ഫോൺ എടുത്തതെന്ന് മനസ്സിലായി…

മ്മ്… എന്തിനാ പെണ്ണെ കിടന്നു ഓടുന്നെ…. എന്ത് പണിയ അവിടെ…

നല്ല ചോദ്യം…..രാവിലെ ഒന്നും ഉണ്ടാക്കണ്ടേ…. പുട്ട് ഉണ്ടാക്കായിരുന്നു ഏട്ടാ….

അച്ചേട്ടൻ രാവിലെ കഴിച്ചോ…?

ഇല്ല കിച്ചുവേ… കഴിക്കാൻ പോകുവാ…. അമ്മു എന്തെ… അവളോട് കൂടി സഹായിക്കാൻ പറ…

ആഹ് നല്ല കാര്യം… ദേ ഉറക്കത്തിൽ നിന്ന് എണീറ്റിട്ടില്ല ഏട്ടാ……

ഏഹ് ഇത്ര നേരായിട്ടും എണീറ്റില്ലേ… ഫോൺ കൊടുത്തേ അവൾക്….

കിച്ചു നേരെ മുറിയിൽ പോയി ഫാൻ ഓഫ്‌ ആക്കി…  അമ്മൂനെ എണീപ്പിക്കാനുളള സൈക്കോളജിക്കൽ മൂവ് ആണത്…

എന്തോന്നാ കിച്ചേച്ചി…. എനിക്ക് ദേഷ്യം വരോട്ടാ… അമ്മു ചിണുങ്ങി പറയുന്നതൊക്കെ എനിക്ക് കേൾക്കാം…

ഡി ഇന്നാ… ഏട്ടനാ….

കണ്ണ് തുറക്കാതെ തന്നെ അമ്മു ഫോൺ വാങ്ങി ലൗഡ് സ്പീക്കറിൽ ഇട്ടിട്ട് …

എന്താ അച്ചുച്ചേട്ടാ.. ഉറങ്ങാനും സമ്മതിക്കില്ലേ….

ഡി മോളെ അമ്മു… എണീക്കാൻ നോക്കെടി…. വയസ്സ് 18 ആയി…അതിന്റെ എന്തെങ്കിലും വിചാരം ഉണ്ടോ നിനക്ക്…  എണീറ്റ് ചേച്ചിയെ ഹെല്പ് ചെയ്യ്… എണീക്ക്.. വേഗം… അല്ലേൽ ഞാൻ ഇപ്പൊ അമ്മയെ വിളിച്ചു അവിടേക്ക് വരാൻ പറയും…..

ആണോ… എന്ന അമ്മ വരട്ടെ…  എനിക്കും പറയാനുണ്ട് ചിലത്…  നിലാവ്വ്, ജനൽ, സംസാരം, മതിൽ ചാട്ടം…. ആഹ എന്തൊക്കെയാ… 😆

അത് കേട്ടതോടെ ഞാൻ വിറച്ചു പോയി….

അയ്യോടാ ഏട്ടൻ വെറുതെ പറഞ്ഞതല്ലേ… മോൾ കൊതി തീരും വരെ ഉറങ്ങിക്കോട്ട……

കിച്ചൂസ്സേ ആ ഫാൻ ഇട്ട് കൊടുത്തെ….

കിച്ചുവും ഒന്ന്  പേടിച്ചു പോയെട്ടോ…… അവൾ വേഗം ഫാൻ ഇട്ട് ഫോണും വാങ്ങി അടുക്കളയിൽ പോയി…

ഹലോ ഏട്ടാ…

കിച്ചൂസ്സേ… ദേ അറിയാതെ പോലും അവളെ വഴക്കൊന്നും പറഞ്ഞേക്കല്ലേ… ഞാൻ എത്തീട്ടു ശെരിയാക്കിക്കോളാം…

മ്മ്… നിക്ക് പേടി ഉണ്ട് ഏട്ടാ… അവൾ പറയുമെന്ന്  വെറുതെ പറയണതാ…എന്നാലും അമ്മ അറിഞ്ഞ… ശോ എനിക്ക് വയ്യ…

ഏയ്യ് പേടിക്കല്ലേഡാ… ഞാൻ വന്നിട്ട് അവളെ കുപ്പിയിൽ ആക്കിക്കോളാം…  അവൾക്ക് അടുക്കളയിൽ  പണി ഉളളത് ഓർത്തുകൊണ്ട് ഞാൻ ഫോൺ വെച്ചു….

അങ്ങനെ രാജേട്ടന്റെ വീട് എത്തി…  ചെന്നപ്പോ രാജേട്ടൻ ഡിസ്റ്റിലറിയിലേക്ക് ഇറങ്ങുന്നു….

ഡേയ് അച്ചു… പാത്തു  റൊമ്പനാളാച്ചെ….

ഒന്ന് പോ രാജേട്ടാ….. രണ്ട് ആഴ്ച അല്ലേ ആയുളളു വന്നു പോയിട്ട് ….. അക്ക എവിടെ….

ആഹ് മറന്നു പോയെടാ…. അക്ക അകത്തു ഇറുക്ക്…. ഞാൻ എന്ന ഇറങ്ങാൻ പോവാട… നീ പ്രാതൽ സാപ്പിഡ്… ഉളെള പോടാ…

അതും പറഞ്ഞു രാജേട്ടൻ ഇറങ്ങി….

എല്ലാവരും എന്റെ കൂടെ കൂടിയതോടെ  ചെറുതായി മലയാളവും പറയും….( അത് പിന്നെ മലയാളികളുടെ പ്രത്യേകത ആണല്ലോ, മറ്റുളളവരെ പഠിപ്പിക്കൽ…)

വെറുമൊരു ഡ്രൈവർ ആയ എന്നെ സ്വന്തം അനിയനെ പോലെയാണ് രാജേട്ടൻ   കാണുന്നെ…..

പതിവ് പോലെ തന്നെ മുറ്റത്ത് കോലം  വരച്ചു തകർത്തിട്ടുണ്ട്…  അക്കാ……മൈ  കോലം ഗേൾ എവിടെയാ… ഉറക്കെ വിളിച്ചോണ്ട് അകത്തേക്ക് കേറി….

ഡേയ് ഇങ്കെ ഇറുക്കെടാ…. കൈ കഴുകി വന്നിരിക്ക്….

കുളിച്ചു കുറി തൊട്ട്, പട്ടുസാരി ഓക്കെയുടുത്തു, കയ്യിൽ ആഹാരവുമായി വരുന്ന അക്കയേ കാണാൻ തന്നെ എന്തൊരു ഐശ്വര്യം ആണ്….

അച്ചു …. നിന്റെ വണ്ടി വന്നു എന്ന് അദ്ദേഹം രാവിലെ പറഞ്ഞപ്പോ  ഉനക്ക് ഇഷ്ട്ടപെട്ട ദോശ ചമ്മന്തി ഉണ്ടാക്കി വെച്ചതാ….. വന്നു സാപ്പിഡട….

എനിക്ക് എന്തെന്നില്ലാത്ത സന്തോഷമാണ്  അക്കയെ കാണുമ്പോ…..ഇടക്ക്   അമ്മയെ പോലെ തോന്നും……അങ്ങനെ ഓർത്ത് ഞാൻ ആഹാരം കഴിക്കാൻ ഇരുന്നു…..

പുറത്ത്‌ പടക്കം പൊട്ടിയപ്പോളാണ് തിരിഞ്ഞുനോക്കിയത്….. ജാനകി ആയിരുന്നു…

ഹോ എന്ത് അടിയാടി അടിക്കുന്നെ….. ഈർക്കിൽ പോലെ ആണെങ്കിലും എന്തൊരു ആരോഗ്യം….

സ്നേഹം കൊണ്ട് അല്ലേ അച്ചുച്ചേട്ടാ  എന്നും പറഞ്ഞു അവൾ തന്നെ തടകി തന്നു…..

അങ്ങനെ നാട്ടിലെ വിശേഷം ഓക്കെ പറഞ്ഞു ആഹാരം കഴിച്ചു….

വണ്ടി ലോഡ് കേറ്റാൻ ഇട്ട്കൊടുത്തിട്ട് വരാമെന്ന് പറഞ്ഞു ഇറങ്ങാൻ നേരത്താണ് ഒരു തൊരപ്പൻ വന്നത്…..

അറിവഴകൻ…..നമ്മുടെ ജാനകിയുടെ മുറചെക്കൻ ആണ്…. ഞാനുമായിട്ട് ഒട്ടും രസത്തിലല്ല….. കാരണം വേറൊന്നും അല്ല…. ജാനകി ആയിട്ടുളള എന്റെ അടുപ്പം തന്നെ….

അവൾ എനിക്ക്  അനിയത്തികുട്ടിയെ പോലെയാണെന്ന്  ഈ തൊരപ്പന് എങ്ങനെ മനസ്സിലാവാനാണ്… അതിനുളള ചിന്താശേഷി ഇല്ല… 😂

അവന്റെ നെറ്റി ചുളിച്ചുളള   നോട്ടം കണ്ടപ്പോ തന്നെ എനിക്ക് അവനെയൊന്ന് വാരാൻ തോന്നി…

ഡി ജാനകി … ഇവനാരെടി അറിവഴകൻ എന്ന് പേരിട്ടത്… അത് കേട്ടതും അവളും അക്കയും ചിരി തുടങ്ങി….

ജാനകി… ഉന്നൂടെ എത്തന വാട്ടി സൊല്ലിയിർക്ക് ഇന്ത ഡ്രൈവർ കൂടെ ഇരുക്കരുതെന്ന്….. സൊന്ന പുരിയിലയ….. അവൻ ജാനകിയേ നോക്കി ചൂടാവുകയാണ്….

ആങ്ങളയുടെ മകൻ ആയതുകൊണ്ടാണ് അക്കയും ഇതൊക്കെ  കേട്ട് നിൽക്കുന്നെ….അല്ലേൽ അക്ക അവനെ ചവിട്ടി കൂട്ടിയാനെ…. എന്നെ അത്രക്ക് ഇഷ്ട്ടമാണ് അക്കയ്ക്ക്…

അത് കേട്ടതും  എനിക്കങ്ങോട്ട് പെറുവിരലീന്ന് തരിച്ചു കേറി….

പക്ഷെ ഒപ്പം  ഈ മണ്ടനോട് സഹതാപവും തോന്നി… അവന്റെ അടുത്ത് ചെന്നിട്ട് ഞാൻ…

ഭരണി എന്ന് കേട്ടിട്ടുണ്ടോ നീ….

ആഹ് മാങ്ങാ ഇട്ട് വെക്കണ പാത്രം താന്നെ… അകത്തിറുക്ക് ..

പൊട്ടന്റെ വർത്താനം കേട്ട് എനിക്ക് ചിരി വന്നെങ്കിലും പുറത്ത് കാണിക്കാതെ പറഞ്ഞു തുടങ്ങി…

അത് ഉപ്പുമാങ്ങ ഭരണി….

ഇത് അതല്ല…….

കൊടുങ്ങല്ലൂർ ഭരണി എന്ന് കേട്ടിട്ടുണ്ടോ നീ…

പണ്ട് ദേവി ഭദ്രകാളിയായി  ധാരികനെന്ന അസുരന്റെ തല വെട്ടി കയ്യിൽ പിടിച്ച ഒരു സംഭവം ഉണ്ട്…

അങ്ങനെ ധാരികന്റെ വൈഫ്‌ മനോധരി കുറച്ചു പിളേളരായി വന്നു ഭരണി പാട്ട് പാടാൻ തുടങ്ങി… അത് ഇന്നും നടന്ന്പോരുന്നു…

ഇനി നീ ഇവളെ ചീത്ത പറഞ്ഞ ആ ഭരണിപ്പാട്ട് നിന്റെ ചെവിയിൽ  പാടി രണ്ട് ചെവിയും പൊത്തി ഒരൊറ്റ അടി അടിക്കും ….പിന്നെ ഉറക്കത്തിൽ വരെ നിനക്ക് ആ പാട്ട് ആയിരിക്കും തലയിൽ….  എന്ന അണ്ണൻ പോട്ടെടാ മണ്ട…. അതും പറഞ്ഞു ഞാൻ ഇറങ്ങി……

അവൻ എന്തോ പോയ അണ്ണാനെ പോലെ നിൽക്കുന്നുണ്ട്…. ഞാൻ പറഞ്ഞത് മുഴുവനൊന്നും അവനു കത്തിയില്ലെങ്കിലും ഇനി അവളെ വഴക്ക് പറഞ്ഞ നല്ല പെട കിട്ടുമെന്ന് മനസ്സിലായിക്കാണും

അപ്പോളാണ് ജാനകി,…. ഏയ്‌  മാമാ എന്ന് വിളിച്ചത്….. തിരിഞ്ഞു നോക്കിയപ്പോൾ അവൾ ഒരു  കിസ്സ് കയ്യിലെടുത്തു എനിക്ക് നേരെ എറിഞ്ഞു  ….. അവനെ കുരുപൊട്ടിക്കാൻ വേണ്ടി ചെയ്തതാണ് 😂😂😂..

പിന്നെ പറയണോ…. അവൻ ആ കിസ്സ് ക്യാച് പിടിക്കാൻ വേണ്ടി അവിടെക്കിടന്ന് ചാടാൻ തുടങ്ങി… അപ്പോളേക്കും ഞാൻ വേഗം പിടിച്ചു വായിലേക്കിട്ട് ചിരിച്ചുകൊണ്ട് നടന്നു….

ഡിസ്റ്റിലറിയിൽ എത്തിയപ്പോ അതാ  ശക്തി  പെരുമാൾ എന്ന  സൂപ്പർ വൈസർ തെണ്ടി നോക്കി  നിക്കുന്നുണ്ട്… അവനെ എനിക്ക് ഇവിടെ  വന്ന കാലം തൊട്ടേ കലിപ്പാണ്…. ഏതോ  ഉയർന്ന ജാതി ആയതിന്റെ അഹങ്കാരം ഉണ്ടവന്…ഒരിക്കൽ  അവന്റെ ദേഹത്തു മുട്ടിയതിന് ഒരു പണിക്കാരനെ അശുദ്ധി ആക്കി എന്നും പറഞ്ഞു  ചീത്ത വിളിച്ചത്  കണ്ടപ്പോ മുതലാണ് എനിക്ക് അവനെ കലി….

ഹൌ  മെനി  ടൈംസ്  ഹാസ്   ഇറ്റ്   ബീൻ സെഡ്   ഡോണ്ട് ലീവ് ദി ലോറി  ആൻഡ് ഡോണ്ട് ഗോ  എനിവെയർ….

ഓഹ് തുടങ്ങി അവന്റെ ഇംഗ്ലീഷ്…

കേരളത്തിൽ ബിടെക് കഴിഞ്ഞ പിളേളർ വരെ ഓട്ടോ ഓടിക്കണ്… അപ്പോള പോളിടെക്‌നിക് മാത്രമുളള ഇവൻ സൂപ്പർവൈസർ ചമയുന്നത്…

ഒന്ന് പോട തെണ്ടി എന്ന് മനസ്സിൽ  വിചാരിച്ചു വണ്ടി എടുത്ത് ലോഡാക്കാൻ  ഇട്ട് കൊടുത്തു…

അപ്പോ ജാനകി അവിടെയെത്തി… എന്നോട് ഓരോന്നൊക്കെ പറഞ്ഞു നിന്നു… അത് കണ്ട് വന്ന അവൻ നമ്മൾ മലയാളികൾക്കിട്ട് താങ്ങി….

മലയാളത്താങ്കളെ  നംബക്കൂടാത് ജാനകി….

നീ ഉന്നുടെ വേലയെ പത്തു പോട,

ഇനി ഒരു വാട്ടി അച്ചുചേട്ടക്കിട്ടേ വമ്പ് കാട്ട്നാ  ഒതച്ചിടുവേൻടാ പെരുമാളേ….

ജാനകിയുടെ മാസ്സ് ഡയലോഗ് കേട്ടപ്പോ അവനു ആശ്വാസവും എനിക്ക് ആനന്ദവുമായി…. 😂😂

ജാനകിയുടെ സ്വഭാവം അറിയുന്ന കൊണ്ട് അവൻ വേഗം വിട്ടു….

എൻ ചെല്ലം എന്ന് പറഞ്ഞു  ഞാൻ അവളെ കൊഞ്ചിച്ചപ്പോ അവൾക്കു ചിരി പൊട്ടി

എന്തായാലും പോകുന്നതിനു മുന്നേ ഇവനോട് രണ്ട് പറയണം എന്ന് മനസ്സിൽ ഉറപ്പിച്ചു…

പിന്നെ ഞാനും അവളും കൂടി വീട്ടിലേക്ക് പോയി… ഉച്ചക്ക് ഊണ് കഴിയുമ്പോളേക്കും വണ്ടിയും ലോഡ് ആകും….

അങ്ങനെ പോകുന്ന വഴിക്കാണ്   ഞാൻ അവളോട് കിച്ചൂസിന്റെ കാര്യം പറഞ്ഞത്…. കളളുകുടി , ഇടക്കുളള സിഗരറ്റ് വലി തൊട്ട്   എന്റെ എല്ലാ കാര്യങ്ങളും ജാനകിക്ക്  അറിയാം… അപ്പോ ഇത്രയും പ്രധാനപെട്ട കാര്യവും അറിയണ്ടേ… അങ്ങനെ കിച്ചുവിനെയും അമ്മുവിനെയും ഒക്കെ ജാനകിക്കും മനസ്സിലായി …

എല്ലാം കേട്ട് കഴിഞ്ഞു അവൾ…

കടവുളേ… ഒരു ദിവസം കൊണ്ട് കാതലാ…..നംബവേ മുടിയലേ  തമ്പി……

ഞാൻ ഒന്ന് ചിരിച്ചതല്ലാതെ ഒന്നും പറഞ്ഞില്ല…. പിന്നെ അവൾക്ക് ഫോട്ടോ കാണണമെന്നായി….

അങ്ങനെ ഫോൺ എടുത്ത് ഫോട്ടോ അവൾക്ക് വാട്ട്സ്ആപ്പ് ചെയ്തു… എന്റെ ചിലന്തിമാപ്പിളയിൽ എന്റെ കിച്ചൂസിനെ  കാണിക്കണ്ട എന്ന്  കരുതിയ  അങ്ങനെ ചെയ്തേ….

ഫോട്ടോ നോക്കിയ അവൾ കണ്ണുമിഴിച്ചു നിൽക്കുകയാണ്…

ഇത് എന്ന ദേവതയാടാ ….. ഇളയരാജ പാട്ട് കേൾക്കുംപോത്  ഉളള ഫീൽ താ  ഉന്നൂടെ കിച്ചുവിനെ പാക്കുമ്പോ…. എന്ന അഴക്…..  സൂപ്പർ സെലെക്ഷൻ തമ്പി… 👌👌👌ഉന്നൂടെ ഭാഗ്യം താ ചേച്ചി….

അത് കേട്ട് കുറച്ചൊന്നുമല്ല ഞാൻ പൊങ്ങിയത്….ശെരിക്കും ജാനകി പറഞ്ഞതല്ലേ സത്യം….. എന്റെ ഭാഗ്യം അല്ലേ അവൾ…. 💞

അങ്ങനെ ഓരോന്ന് സംസാരിച്ചു ഞങ്ങൾ വീടെത്തി….

അക്ക അപ്പോളേക്കും ചെറിയ സദ്യ തന്നെ ഒരുക്കി കാത്തിരിക്കുകയായിരുന്നു….

ചെന്ന് കേറിയതും അവൾ… അമ്മ അച്ചുച്ചേട്ടാവുടെ പെണ്ണ് എന്നും പറഞ്ഞ് എന്റെയും കിച്ചുവിന്റെയും ഫോട്ടോ അക്കയെ  കാണിച്ചു കൊടുത്തു….

പക്ഷെ  ഞാൻ പ്രതീക്ഷിച്ച സന്തോഷം അക്കയിൽ കണ്ടില്ല…. ഒരു ചെറിയ ഞെട്ടലോടെയാണ് അക്ക ഫോട്ടോ കണ്ടത് ……

അച്ചു ഉന്നുടെ പെണ്ണ്  അവളോ   അഴകാർക്ക് ഡാ…ഉനക്ക് നന്നായി ചേരും…. പക്ഷെ   അക്കയുടെ ശബ്ദം ഇടറിയിരുന്നു, കണ്ണിൽ നനവ് വന്നത് എനിക്ക് തോന്നിയതാണോ…. അറിയില്ല

ഒരു ഫോൺ വന്നപ്പോൾ ഞാൻ പുറത്തേക്ക് ഇറങ്ങി …. റേഞ്ച് ഇല്ലാത്തത് കൊണ്ട് നേരെ ടെറസ്സിലേക്കാണ് പോയത്… അങ്ങനെ സംസാരിച്ചു കൊണ്ടിരിക്കേ അക്ക കേറി വന്നു….

അക്കയുടെ മുഖം കണ്ടപ്പോളേ എന്തോ പറയാൻ വരികയാണെന്ന് മനസ്സിലായി….. താഴെ വെച്ചും അക്കയുടെ ഉളളിൽ എന്തോ ഉണ്ടെന്ന് എനിക്ക് തോന്നിയതാണ്…. വേഗം ഫോൺ കട്ടാക്കി….

അച്ചൂ… ഒരു കാര്യം കേൾക്കട്ടുമ…

എന്താ അക്ക… എന്താ എന്റെ അക്കയ്ക്ക് പറ്റിയെ…..?

നീയും ജാനകിയും തമ്മിൽ അപ്പോ ഒന്നുമില്ലേ…… അതോ അന്ത പെണ്ണിനെ കണ്ടപ്പോ ഉന്നുടെ മനസ്സ് മറീടിച്ചാ???

എന്റെ മോളെ നീ…. അത് പറയാൻ ഞാൻ സമ്മതിച്ചില്ല….

അക്കാ…….. എന്നുളള എന്റെ വിളിയിൽ പേടിച്ചു പോയി അത്…

എനിക്ക് വന്ന ദേഷ്യം സങ്കടമായി  മാറുകയായിരുന്നു….

അക്ക എന്തൊക്കെയാ പറയണേ……. ജാനകി എന്റെ കുഞ്ഞ്പെങ്ങൾ അല്ലേ…അവളെ അങ്ങനെയല്ലേ ഞാൻ കണ്ടത്….

രാജേട്ടനു  എന്റെ മനസ്സിൽ  സ്വന്തം ഏട്ടന്റെ സ്ഥാനമാണ്…. അക്കയേ ഞാൻ  എന്റെ ചേച്ചിയെ പോലെയോ അല്ലെങ്കിൽ അതിനുമപ്പുറം ഒരു അമ്മയുടെ സ്ഥാനം ആണ് തന്നത്…. ആ എന്നോട് ഇത് പറയാൻ തോന്നിയല്ലോ അക്ക….

മോനെ…. ക്ഷമിക്കേടാ…..ജാനകിയും നീയും ഇവളോ അടുപ്പം കാട്ടിയപ്പോ ഞാൻ എന്നവോ നെനച്ചെ…   അക്കക്ക്  തെറ്റിപ്പോയി  എന്നൊരു തേങ്ങലോടെ  അക്ക മുഖം പൊത്തി കരഞ്ഞു…..

അണ്ണാ എന്നുളള വിളി കേട്ട് നോക്കിയപ്പോൾ ജാനകി നിൽക്കുന്നു…അവൾ എല്ലാം കേട്ടിരിക്കുന്നു … ഓടി വന്നെന്നെ കെട്ടിപിടിച്ചുകൊണ്ട് കുറച്ചുനേരം  അവൾ അങ്ങനെ തന്നെ നിന്നു….. എന്നിട്ട് പതിയെ  അക്കയോടായി പറഞ്ഞു…

അമ്മ ഇത് എന്നുടെ അണ്ണൻ താ… അവളോ സ്നേഹമിരുക്ക്……

ഒരു ചേട്ടനാകാൻ,,,, ഒരു അനിയത്തിയെ കിട്ടാൻ ഒരു വയറ്റിൽ പിറക്കണമെന്നില്ല എന്ന് 44മത്തെ വയസ്സിൽ അക്ക മനസ്സിലാക്കി….

രാജേട്ടൻ ഗേറ്റ് തുറന്ന് വരുന്ന ശബ്ദം കേട്ട ഞാൻ വേഗം രണ്ടുപേരോടും കണ്ണൊക്കെ തുടച്ചു ഉഷാറാകാൻ പറഞ്ഞു ……

അക്ക ഇനി ഇത് രാജേട്ടൻ അറിയണ്ടാട്ടോ… എന്ന് മുഖത്തു ചിരി വരുത്തി ഞാൻ പറഞ്ഞു

ഡേയ് അച്ചു… അവർ താൻടാ ഇതേ പറ്റി എന്നോട് സൊല്ലിയത്… ഒരു ചിരിയോടെയാണ് അക്ക അത് പറഞ്ഞത്….

ഞാനും ജാനകിയും അത് കേട്ട് ശെരിക്കും  ഞെട്ടി…

അച്ചു…അദ്ദേഹത്തോട്  നീ ഇതേപറ്റി ഒന്നും സൊല്ലവേണ്ട .. എല്ലാം സമയം പോലെ ഞാനെ സൊല്ലിയിരിക്കലാം…

അക്ക അതും പറഞ്ഞു താഴേക്കിറങ്ങി…. പുറകെ ഞാനും ജാനകിയും……

അങ്ങനെ പരസ്പ്പരം കൂടുതൽ മനസ്സിലാക്കിയ സന്തോഷത്തോടെ ഞങ്ങൾ ആഹാരം കഴിക്കാനിരുന്നു….

രാജേട്ടാ… അക്കയുടെ അവിയൽ ഒരു രക്ഷയില്ലാട്ടാ… അടിപൊളി…

ഡാ അച്ചു …. ഇവൾ എന്നെ വീഴ്ത്തിയതേ ഫുഡ്‌ വെച്ച് താ…..

ഇവളുടെ വീടിനു മുന്നാടി പോകുമ്പോ ,   ഒരു പ്രമദമാ  മണം വരും… അപ്പോളേ  വായിൽ കപ്പലോട്ടീടലാം…… അതും പറഞ്ഞു പുളളി ഇത്തിരി റൊമാന്റിക് ആയി…..

എന്നെ ഒന്ന് നോക്കിയ അക്ക ഒരു ഉരുള ചോറെടുത്തു വായിൽ വെച്ച് തന്നു… മനസ്സ് നിറഞ്ഞു  പോയി എന്റെ … അപ്പോളേക്കും ജാനകി ചാടി വീണു… അവൾക്കും ഉരുള  കൊടുത്ത് രാജേട്ടന്റേം അക്കയുടേം റൊമാൻസ് ഓക്കെ കേട്ട്  ആഹാരം കഴിച്ചു…..

അങ്ങനെ രാജേട്ടൻ പോയി, ഞാൻ ടീവിയും കണ്ടിരുന്നപ്പോളാണ്  വണ്ടി ലോഡ് ആയെന്ന് പറഞ്ഞു വിളി വന്നത്….

അക്കയോടും ജാനകിയോടും യാത്ര പറഞ്ഞപ്പോ രണ്ടിനും വിഷമം… എനിക്കും ലേശം സങ്കടമില്ലാതില്ല….

ഞാൻ വിളിക്കാമെന്ന് പറഞ്ഞു അവിടെനിന്നും ഇറങ്ങി….

ഞാൻ ഇപ്പോ ഇവിടെനിന്നും ഇറങ്ങും   എന്നൊരു മെസ്സേജ് കിച്ചുവിന്  അയച്ചു.. അതികം കാത്തിരിക്കേണ്ടി വന്നില്ല  …വേഗം വായോ ഏട്ടാ എന്നൊരു റിപ്ലൈ 😊😊😊

അപ്പൊത്തന്നെ ദേ അടുത്ത മെസ്സേജ്….

അച്ചേട്ടാ വേഗം വരണ്ട…  പയ്യെ നോക്കി ഓക്കെ വന്നാൽ മതിയെന്ന്…. ഹോ ഇങ്ങനെയൊരു പൊട്ടിപ്പെണ്ണ്.. ഒടുക്കത്തെ പേടിയാ…..

നേരെ രാജേട്ടനെ കണ്ട് യാത്രയും പറഞ്ഞു വണ്ടിയെടുത്തു …

അപ്പോളാണ് നമ്മുടെ ശക്തി  തെണ്ടി ഗ്രൗണ്ടിൽ ഫോൺ വിളിച്ചു  നിൽക്കുന്നത് കണ്ടത്…..

വണ്ടി നേരെ അവന്റെ അടുത്തേക്ക്   കൊണ്ടുചെന്നു….കൃത്യം പിന്നിലെത്തിയപ്പോൾ  ഒരു ഹോൺ അങ്ങോട്ട് കാച്ചി……അവന്റെ കിടുങ്ങാമണി വരെ വിറച്ചിട്ടുണ്ടാകും…

തല പുറത്തേക്കിട്ട് അവനെയൊന്ന് നോക്കി…എന്നിട്ട്   പറഞ്ഞുതുടങ്ങി …

ഡാ പെരുമാളേ….. നീ ഓക്കെ ഏത് കാലത്താട ജീവിക്കണെ… അവന്റെയൊരു ദേഹശുദ്ധി…. എടാ മനസ്സ് നശിച്ചവൻ ഏത് ദൈവത്തെ വിളിച്ചിട്ടും കാര്യമില്ല…

നീ നേരത്തെ മലയാളികൾകളെ എന്തോ പറഞ്ഞല്ലോ………

ഡാ മൈരേ……  നിസ്ക്കരിക്കാൻ അമ്പലം തുറന്ന് കൊടുക്കേം ശബരിമല  അയ്യപ്പന്മാർക്ക്  പളളിയിൽ അന്നദാനം നടത്തേo ചെയ്യുന്ന നാടാണെടാ കേരളം…. അതോണ്ട്കൂടുതൽ ഒണ്ടാക്കാൻ വരല്ലെട്ട അണ്ണാച്ചി പെരുമാളേ…..

എന്ന  പോട്ടെടാ മൈരേ എന്നും പറഞ്ഞു വണ്ടിയെടുത്തു….അവൻ കിളിയും കിളിക്കൂടും പാറി നിൽക്കുകയാണ്….

ഹോ എന്തൊരു ആശ്വാസം…. മനസ്സ് അങ്ങോട്ട് നിറഞ്ഞു……  😂😂😂

അങ്ങനെ അവിടെന്ന് നേരെ

പൻവേൽ -കൊച്ചി -കന്യാകുമാരി ഹൈവേ പിടിച്ചു

ലോഡ് ഉളളത് കൊണ്ട് പയ്യെ പോകാനെ  പറ്റു…

അങ്ങനെ കുടിച്ചു കുടിച്ചു സർക്കാരിനെ നിലനിർത്തുന്ന നമ്മുടെ കുടിയൻ സഹോദരങ്ങൾക്ക് വേണ്ടി ഒരു ലോഡ് മദ്യവുമായി ഞാനും വരികയാണ് കേരളത്തിലേക്ക്…. (ഈ ലോക്ക്ഡൗണിൽ തന്നെ ഇങ്ങനെ കൊതിപ്പിക്കണമെന്ന കമെന്റ് നിരോധിച്ചിരിക്കുന്നു 😂😝)

സമയത്തോടൊപ്പം ഞാനും ഓടിക്കൊണ്ടിരുന്നു….. ഇടക്ക് നിർത്തിയുളള ചായകുടിയും കിച്ചൂസ്സുമായുളള  മെസ്സേജിങ്ങും ഒക്കെയായി രാത്രിയായപ്പോ  കേരള ബോർഡർ കടന്നു……..

ഒരു 12 മണിയൊക്കെ ആയപ്പോളാണ് കിച്ചുവിന്റെ ഒരു മെസ്സേജ് കണ്ടത്…

“എന്തിനാ അച്ചേട്ടാ എന്നെ മോഹിപ്പിച്ചേ…അതിനുമാത്രം ഞാൻ എന്ത് തെറ്റാ ചെയ്തേ …”

അത് വായിച്ചതും എന്റെ മനസ്സൊന്നു പാളി… വേഗം വണ്ടിയൊതുക്കി തിരിച്ചു വിളിച്ചു…. എടുക്കുന്നില്ല…… പിന്നെയും പിന്നെയും വിളിച്ചുകൊണ്ടിരുന്നു….

അവസാനം അമ്മു എടുത്തു….

ഹലോ അച്ചുച്ചേട്ടാ….

ഹലോ മോളെ…. എന്താടാ ചേച്ചിക്ക് പറ്റിയെ … അവൾ എവിടെ….

ഏട്ടാ…. ഉറക്കം വരാതെ ഇരുന്നപ്പോ ചേച്ചി ഫോൺ നോക്കി ഇരിക്കായിരുന്നു…. പെട്ടെന്ന കരച്ചിലായി മുറിയിൽ കേറി വാതിലടച്ചത്… എത്ര വിളിച്ചിട്ടും തുറന്നില്ല … അവസാനം മുത്തശ്ശൻ വാതിലിൽ കൊട്ടിയപ്പോളാ ചേച്ചി പുറത്തേക്ക് വന്നേ….

നീ ആരെയാ വിളിക്കണേ…. കിച്ചുവിന്റെ ശബ്ദം ഞാൻ കേട്ടു….

അത് അച്ചുചേട്ടൻ  എന്ന് മുഴുവിക്കാൻ  അമ്മുവിനെ  അവൾ സമ്മതിച്ചില്ല…

ആരെയും വിളിക്കണ്ട…. ആരോടും സംസാരിക്കണ്ട…..നമുക്ക് ആരുമില്ല… എന്നും പറഞ്ഞു ഫോൺ കട്ട്‌ ആക്കി  .. പിന്നെ വിളിച്ചിട്ട് സ്വിച്ച് ഓഫ്‌….

ദൈവമേ എന്താ എന്റെ കിച്ചുവിന് സംഭവിച്ചേ…  ഒരു കളളവും കാണിക്കാതെയല്ലേ ഞാൻ അവളെ സ്നേഹിച്ചേ…. എന്നിട്ടും….

പിന്നെ ഒരു കണക്കിനാണ് ഞാൻ ഓടിച്ചത്….. നെഞ്ചിൽ ഒരു  കരിങ്കല്ല് കയറ്റിവെച്ചാൽ എങ്ങനെയിരിക്കും…..അത്രയും വിഷമത്തോടെയാണ് എന്റെ യാത്ര…

ഒരു 9 മണിയോടെ ഞാൻ കൊടുങ്ങല്ലൂർ എത്തി….അല്ല… ഒരുകണക്കിന് എത്തിച്ചു എന്ന് വേണം പറയാൻ….

അപ്പോഴതാ  അച്ഛനും മുത്തശ്ശനും അമ്മുവും  കാറിൽ പോകുന്നു..  ലൈറ്റ് ഒക്കെ ഇട്ട്  കാണിച്ചെങ്കിലും അച്ഛൻ ശ്രദ്ധിച്ചില്ല… വിളിച്ചിട്ടാണേൽ ഫോണും കിട്ടുന്നില്ല…. അമ്മുവിന്റെ ഫോൺ  ഓൺ ആയിട്ടുണ്ടെങ്കിലും എടുക്കുന്നില്ല…..

എന്താ ദൈവമേ പറ്റിയത്…എന്റെ കിച്ചുവിനെന്തെങ്കിലും…. ഇല്ല അങ്ങനെയൊന്നും വരില്ല….അച്ഛൻ സാധാരണ പോലെയാണ് കാർ ഓടിച്ചത് …. അതുകൊണ്ട് ഒരു പ്രശ്നവും ഉണ്ടാവില്ലെന്ന് സ്വയം സമാധാനിപ്പിച്ചു….

പിന്നെ വണ്ടി ഇട്ട് ഒരു ഓട്ടമായിരുന്നു  വീട്ടിലേക്ക് …. എങ്ങനെയും എന്റെ പെണ്ണിനെ കാണാനുളള വേവലാതി ആയിരുന്നു എനിക്കപ്പോൾ…..

ഓടി കിതച്ചു വീട്ടിൽ എത്തിയപ്പോൾ

നീ എന്താ നേരത്തെ എത്തിയോ എന്ന അമ്മയുടെ  ചോദ്യം…  അമ്മ ഒക്കെ സാധാരണ പോലെ തന്നെ പെരുമാറുന്നു….

സത്യത്തിൽ തെല്ലൊരു ആശ്വാസം തോന്നി….

അമ്മേ അച്ഛൻ എവിടേക്കോ പോകുന്നത് കണ്ടല്ലോ….

ആഹ് ഇപ്പോ അങ്ങോട്ട് ഇറങ്ങിയുളളു അവർ…  നീ കണ്ടല്ലേ.. … ഡാ മുത്തശ്ശന് നല്ല ചുമയുണ്ട് …അപ്പോ അച്ഛൻ ഹോസ്പിറ്റലിൽ കൊണ്ടുപോയതാ….

അമ്മേ അപ്പോ  കിച്ചുവോ….

രാവിലെ കാണാത്തപ്പോ ഞാൻ പോയി നോക്കി…  തലവേദന എന്നും പറഞ്ഞു കിടക്കായിരുന്നു കുട്ടി…

അച്ഛൻ കുറെ വിളിച്ചിട്ടും ആശുപത്രിയിൽ പോകാൻ കൂട്ടാക്കിയില്ല…കിടന്ന കിടപ്പാ… പാവം……

ആഹ് നീ വേഗം കുളിച്ചു ആഹാരം കഴിക്കാൻ  നോക്ക്… എന്നിട്ട് വേണം മോൾക്ക് ഇത്തിരി ചുക്ക് കാപ്പി ഇട്ടുകൊടുക്കാൻ….

അതും പറഞ്ഞു അമ്മ ആഹാരം എടുത്ത് വെക്കാൻ പോയി….

ഉറക്കത്തിന്റെ ക്ഷീണം എന്റെ കണ്ണുകളെ ചുവപ്പിച്ചിരുന്നു…. മുഖമൊന്ന് കഴുകി അമ്മ കാണാതെ ഞാൻ കിച്ചുവിനെ കാണാൻ പോയി…..

വാതിലിൽ കൊട്ടി തുറക്കുന്നതും കാത്ത് വരാന്തയിൽ നിൽക്കയാണ് ഞാൻ……

കുറ്റികൾ താഴുന്ന ശബ്ദം കേൾക്കാം…. വാതിലിന്റെ പാളികൾ ഇരുവശത്തേക്കും തുറന്ന് എന്നെ കണ്ടപാടെ കിച്ചു പിന്നെയും കൊട്ടിയടച്ചു…

ഉള്ളളിൽ നിന്നും ഏങ്ങലടിച്ചുളള കരച്ചിൽ കേട്ടതോടെ    എനിക്ക് പിടിച്ചുനിൽക്കാനായില്ല….

വാതിൽ തുറക്ക് മോളെ… ഏട്ടനല്ലേ വിളിക്കണേ…. എന്താ കാര്യം എന്നെങ്കിലും ഒന്ന് പറഞ്ഞൂടെ…. അത് പറഞ്ഞതും  വിതുമ്പി പോയി ഞാൻ..

ഇത്ര വെറുക്കാൻ മാത്രം ഞാൻ എന്ത് തെറ്റാ  ചെയ്തേ… നിന്നെ ജീവന് തുല്യം സ്നേഹിച്ചതോ….. പറ… എനിക്ക് അറിയണം….

കുറച്ചു നേരം അവളുടെ കരച്ചിൽ ഒന്നടങ്ങിയ പോലെ….

പെട്ടെന്നാണ് എന്നെയവൾ  വാതിൽ തുറന്ന്  അകത്തേക്ക് വലിച്ചത് ……

ദാ നോക്ക്…… കണ്ണ് തുറന്ന് നോക്ക്… ഇനിയും മനസ്സിലായില്ലേ….ഞാൻ നൂറു വട്ടം  പറഞ്ഞതല്ലേ എനിക്ക് ആരുമില്ലെന്ന്.. എന്നിട്ടും   എന്തിനാ എന്നെയൊരു പൊട്ടിയെ പോലെ  കളിപ്പിച്ചേ? മോഹിപ്പിച്ചേ???  …….  അതും പറഞ്ഞു ഫേസ്ബുക്കിലെ ഒരു ഫോട്ടോ എനിക്ക് കാണിച്ചുതന്നു…..

പിന്നെയും പൊട്ടിപ്പൊട്ടിയുളള കരച്ചിൽ മാത്രം….

ഫോട്ടോ  കണ്ടതും ഒരു വാക്ക് പോലും പുറത്തേക്ക് വരാതെ ഞാൻ നിന്നുപോയി…. എനിക്ക്  ദേഷ്യം ഇരച്ചുകയറി….

ഡീ………

എന്റെ വിളിയിൽ  ഏങ്ങലടിച്ചുളള കരച്ചിൽ വരെ അവൾ പൊത്തിപിടിച്ചു നിന്നുപോയി…

നീ എന്താടി പറഞ്ഞു വരുന്നേ?

നിനക്കിത് ആരാണെന്ന് അറിയുമോ…??? ഇവളെക്കുറിച്ച് എന്തെങ്കിലും അറിയുമോ???

ഒന്നും മനസ്സിലാക്കാതെ കിടന്നു

മോങ്ങുന്നു…..

എന്റെ ദേഷ്യം കണ്ട് വിറങ്ങലിച്ചു നിൽക്കയാണ് അവൾ…..

ഏട്ടാ  എന്ന് ശബ്ദം താഴ്ത്തിയുളള  അവളുടെ വിളി കേട്ടതും…

എന്റെ വിഷമവും സങ്കടവും ഒക്കെ തീർക്കാൻ തല മതിലിലിട്ട് രണ്ട് ഇടി…

അയ്യോ അച്ചേട്ടാ എന്നൊരു വിളിയോടെ അവളെന്നെ വട്ടം പിടിച്ചു  നെഞ്ചിലേക്ക് വീണു പൊട്ടിക്കരഞ്ഞു……

പിന്നെ എനിക്ക് പിടിച്ചു നിൽക്കാനായില്ല…. മോളെ  എന്ന് വിളിച്ചു ഞാനും കരഞ്ഞുപോയി…..

കുറച്ചു സമയം അങ്ങനെ തന്നെ നിന്ന്പോയി രണ്ടുപേരും….

ഒന്ന് നോർമൽ ആയതോടെ  അവളുടെ കവിളിൽ രണ്ടു കയ്യും ചേർത്ത്പിടിച്ചു മുഖമൊന്നു ഉയർത്തി….

എന്തിനാ കിച്ചൂസ്സേ  ഇങ്ങനെ തീ തീറ്റിച്ചത്…. ഏട്ടനോട് ഒന്ന് പറഞ്ഞിരുന്നെങ്കിൽ അതാരാണെന്ന് പറഞ്ഞു തരില്ലായിരുന്നോ…

അപ്പോ എന്റെ പെണ്ണിന്റെ  കണ്ണിൽ  ആകാംഷ നിറഞ്ഞിരുന്നു….

അത് ജാനകിയാ….എന്റെ അമ്മൂനെ പോലെ ഞാൻ കാണുന്ന എന്റെ ജാനകി…

അത് കേട്ടതും കിച്ചു ആകെ മരവിച്ചു പോയി…..

ഒന്നുകൂടി ചേർത്ത് പിടിച്ചു കൊണ്ട്,

രാജേട്ടനെയും ലക്ഷ്മി അക്കയെയും, ജാനകിയേയും ഒക്കെ ഞാൻ എന്റെ പെണ്ണിന് പറഞ്ഞുകൊടുത്തു…..

എല്ലാം കേട്ടുകഴിഞ്ഞതും…

എന്നോട് ക്ഷമിക്ക് അച്ചേട്ടാ എന്ന് പറഞ്ഞു എന്റെ ഷർട്ട്‌ ചുരുട്ടി പിടിച്ചു നെഞ്ചിൽ കിടന്നു ഒരു കരച്ചിലായിരുന്നു എന്റെ കിച്ചൂസ്സ്….

കിച്ചൂസിന്റെ തലയിൽ മെല്ലെ തഴുകികൊണ്ട്  ഫേസ്ബുക്കിലെ   ആ ഫോട്ടോ ഒന്നുകൂടി ഞാൻ നോക്കി…..

ലവ് യു മൈ ഡിയർ ഡിയറെസ്റ്റ്  എന്നൊരു ക്യാപ്ഷനും പിന്നിലൂടെ കഴുത്തിൽ കയ്യിട്ട്  എന്റെ കവിളിൽ അവളുടെ മുഖം ചേർത്ത് ഇരിക്കുന്നൊരു ഫോട്ടോയും …. മുന്നേ എപ്പോളോ എടുത്തതാണ്…

ഇത് കണ്ടിട്ടാണോടി പെണ്ണെ എന്നെ നീ ആകാശത്തും ഭൂമിയിലും അല്ലാതെ നിർത്തിയത്…….

അത് കേട്ടതും കരച്ചിലിനിടയിലും  നെഞ്ചിൽ നിന്ന് മുഖമുയർത്താതെ അവളുടെ  ചിരി കേൾക്കാം…. 😊

കിച്ചൂസ്സേ, മാറെടാ… ആകെ വിയർത്തിരിക്ക ഞാൻ… 😇

അപ്പോ അവൾ ഒന്നൂടി മുറുക്കെ കെട്ടിപിടിച്ചിട്ട് പറഞ്ഞു..

അച്ചേട്ടാ…. നിക്ക് അങ്ങനെയൊക്കെ കണ്ടപ്പോ….എന്നെ വിട്ട് പോകുമോ എന്നൊക്കെ തോന്നി…….

എന്റെ പൊട്ടബുദ്ധിക്ക് അങ്ങനൊക്കെ തോന്നി പോയി ഏട്ടാ..

എനിക്ക് അത്രയും ജീവനാ എന്റെ ഏട്ടനെ……

ഹോ എന്റെ നെഞ്ചിൽ കിടന്ന് അവളത്  പറഞ്ഞപ്പോൾ….. ഞാൻ ഈ ലോകം കീഴടക്കിയ  പോലെയാ തോന്ന്യേ… കാരണം അവള എന്റെ ലോകം 😊….

കിച്ചൂസ്സേ……….

മ്മ്… എന്താ അച്ചേട്ടാ…..

അതെയ് ഇന്നലെ ശെരിക്കും എന്താ നടന്നെ… ഈ ഫോട്ടോ എങ്ങനെയാ കണ്ടേ….

പെട്ടന്നവൾ  ചെറുതായി മുഖമുയർത്തി കണ്ണൊക്കെ തുടച്ചിട്ട് …. അതെയ് അച്ചേട്ടാ…. അതില്ലേ… ഞാൻ ഉറക്കം വരാതെ ഇരിക്കായിരുന്നു…. അമ്മൂന്റെ  ഫേസ്ബുക് എടുത്തപ്പോ ഒരു ജാനകി റിക്വസ്റ്റ് അയച്ചേക്ക….ഞാൻ അത് എടുത്ത് നോക്കിപ്പോ ഇല്ലേ അച്ചേട്ടാ….

ഹിഹി…. പെണ്ണിന്റെ വർത്താനം കേട്ടിട്ട് ചിരി വരാ….

മ്മ്….. എന്നിട്ട് എടുത്ത് നോക്കിപ്പോ….പറ കിച്ചുവേ…

നോക്കിപ്പോ ആ കുട്ടി അച്ചേട്ടനെ കെട്ടിപിടിച്ചു ഇരിക്കണ്…….. അപ്പോ എന്റെ പൊട്ടബുദ്ധിയിൽ ഓരോന്ന് തോന്നിപ്പോയി ഏട്ടാ…..

എനിക്ക് ആ സമയം  എന്റെ കിച്ചൂസിനോട് വാത്സല്യമാണ് തോന്നിയത്….. അവളുടെ കണ്ണുകളിൽ നോക്കി

എന്റെ ചുണ്ടുകൾ പതിയെ  അവളുടെ നെറ്റിയിൽ ചേർത്തു…… അവൾ കണ്ണടച്ചു അത് ഏറ്റുവാങ്ങി….

ഞാൻ പെട്ടെന്നാണ്  കുനിഞ്ഞുകൊണ്ട് അവളെ നേരെ പൊക്കിയെടുത്തത്  😊…

കിച്ചു ഒട്ടും പ്രതീക്ഷിക്കാത്ത നീക്കമായിരുന്നു അത്….

ആദ്യം ഒന്ന് മിഴിച്ചു പോയെങ്കിലും പതിയെ ഒരു കളളചിരി ഞാനവളിൽ കണ്ടു….

അവൾ പതിയെ എന്റെ മുടിയിലൂടെ വിരലോടിച്ചു…. വല്ലാത്തൊരു ഭാവമാണ് അവളിൽ…..

മനസ്സുകൊണ്ട് അവൾ എന്നേ എന്റെയായി കഴിഞ്ഞു…… 💓

എന്ത് കോലമാ പെണ്ണെ ഇത്…..പനി വന്നു ഒരാഴ്ച ആയ പോലുണ്ട്….

ഇന്നലെ മുഴുവൻ ഇരുന്ന് കരഞ്ഞിട്ടുണ്ടാവും അല്ലേടി…. ഞാൻ അത് ചോദിച്ചതും…

ഹിഹിഹി …. ഇന്നലേം ഇന്നും ഒക്കെ കരഞ്ഞല്ലോ ഞാൻ……..

ഹോ കരഞ്ഞത്  പറഞ്ഞു ചിരിക്കുന്നൊരു പൊട്ടി…. എന്ന് പറഞ്ഞു ഞാനും ചിരിച്ചു…

ആ  മുടിയൊക്കെ ഒന്ന് ഒതുക്കി വെക്ക്…. അല്ലേൽ ഞാൻ ചെയ്ത് തരാമെന്ന് പറഞ്ഞു അവളെ താഴെയിറക്കി  ക്ലിപ്പ്  ഊരി ചുണ്ട് കൊണ്ട് കടിച്ചു പിടിച്  കൈ കൊണ്ട് ഒന്നുകൂടി  മുടിയൊക്കെ ഒതുക്കി  ക്ലിപ്പ് ഇട്ട് കൊടുത്തു…..

ഇപ്പോ ചുന്ദരി ആയി… ഇനി നമ്മുക്ക്  സ്കൂളിൽ പോകാം എന്ന് പറഞ്ഞതും കിച്ചൂസ്സ് ചിരിച്ചു ഒരു വഴിയായി…..

ഹിഹി…..ഇങ്ങനൊരു പെണ്ണ്…..

ഡാ നീ എവിടെക്കാ പോയെ……അമ്മയുടെ ശബ്ദം ഞങ്ങളിൽ ചെറിയ

ഞെട്ടലുണ്ടാക്കി…

ദൈവമേ അമ്മ വരുന്നുണ്ടല്ലോ ………

അയ്യോ അച്ചേട്ടാ അമ്മ… ഞാൻ തലവേദന എടുത്ത് കിടക്കാന്ന പറഞ്ഞെ… അതും പറഞ്ഞു  കിച്ചൂസ് നേരെ റൂമിലേക്ക് ഓടി…ഞാൻ വേഗം വാതിലടച്ചു  പുറത്തേക്ക് നിന്നു….

ആഹ് നീ ഇവിടെ നിക്കായിരുന്നോ….

ഇവിടെക്കാ ഇറങ്ങണെന്ന് ഒന്ന് പറഞ്ഞൂടെ നിനക്ക് … ഞാൻ റോഡ് വരെ പോയി നിന്റെ വണ്ടിയിൽ വരെ നോക്കി…..

അല്ല മോൾ എവിടെ….

കണ്ടില്ലമ്മേ…. ഞാൻ ഇപ്പോ വന്നുളളു

ഹ്മ്മ്… അമ്മ എന്നെയൊരു നോട്ടം നോക്കിയിട്ട്  ഇറയത്തേക്ക് കേറിക്കൊണ്ട്…..

മോളെ… എണീറ്റില്ലേ ഇതുവരെ…….

മതി കിടന്നത്….

അതും പറഞ്ഞു അമ്മ വാതിൽ തുറന്നതും   കിച്ചു പുറത്തേക്ക് വന്നു…

ശോ… ഇങ്ങനൊരു ടൈമിംഗ് ഇല്ലാത്ത കഴുത….. അത് മനസ്സിൽ ഓർത്ത് ഞാൻ അവളെയൊന്ന് നോക്കി…..

എന്തിനാ എന്നെയിങ്ങനെ നോക്കണേ എന്നർത്ഥത്തിൽ കിച്ചൂസ്സ് മിഴിച്ചു നിൽക്കുകയാ…

ആഹാ മോൾ ഇവിടെ നിക്കായിരുന്നോ…

അത് കേട്ടപ്പോ കിച്ചു ഒന്ന് പരുങ്ങി😇

അയ്യോ ഇല്ലമ്മേ…. അത് അച്ചുചേട്ടൻ വന്നു വിളിച്ചപ്പോ ആരാണെന്ന് നോക്കാൻ വേണ്ടി ഇപ്പോ മുറിയിൽ നിന്നും  വന്നതാ….

എന്റ ദൈവമേ😐…..ഇവളിനി  മണ്ടത്തരത്തിനാണോ പി ജി എടുത്തേ…. 😆

അമ്മ കിച്ചുവിന്റെ മറുപടി കേട്ട് ചിരിക്കുകയാ…. അപ്പോളും    പൊട്ടിക്ക് പറഞ്ഞ അബദ്ധം മനസ്സിലായിട്ടില്ല…

എന്റ കുട്ട്യേ…. അച്ചു ആണ് വന്നതെന്ന് മുറിയിലിരുന്ന മോൾക്ക് എങ്ങനെയാ മനസ്സിലായെ….

അപ്പോളാണ് എന്റെ ട്യൂബ് ലൈറ്റിന് കാര്യം കത്തിയത്….

അത് അമ്മേ….. ഞാൻ വന്നപ്പോ…. എന്നൊക്കെ പറഞ്ഞു ഉരുണ്ട് കളിച്ച അവളോട് അമ്മ ചിരിയോടെ … ആഹ് മതി മതി… മോൾ വന്നെ…നല്ല വെളേളപ്പവും മുട്ടക്കറിയും ഉണ്ടാക്കി വെച്ചിട്ടുണ്ട്…  അമ്മ കാപ്പിയും ഇട്ട് തരാട്ടോ  എന്ന് പറഞ്ഞു ചേർത്ത് പിടിച്ചു കൊണ്ടുപോയി…

ആഹ് എന്ന എനിക്കും എടുത്തോ എന്ന് പറഞ്ഞ എന്നോട് അമ്മ…

കുളിക്കാതെ പച്ചവെളളം തരില്ല… നാറീട്ടു വയ്യ…. വേഗം കുളിക്കെടാ എന്ന് പറഞ്ഞു ഒരു അടിയും തന്നു വിട്ടു…..

അത് കണ്ട കിച്ചുപെണ്ണ് നന്നായിപ്പോയി എന്ന് അമ്മ കേൾക്കാതെ ചുണ്ട്കൊണ്ട് പറഞ്ഞു    ചിരിക്ക്യ….

നിനക്ക് ഞാൻ വേറെ വെച്ചിട്ടുണ്ടെടി എന്നും കാണിച്ചോണ്ട്

ഞാൻ നേരെ മുറിയിലേക്കോടി…. വിശന്നിട്ടു സോപ്പ് ഏതാ പേസ്റ്റ് ഏതാ എന്ന് തിരിച്ചറിയാൻ പറ്റാത്ത അവസ്ഥ… ഹോ ഒരുകണക്കിന് കുളീം തേവാരോം കഴിഞ്ഞു നേരെ  അടുക്കളയിലേക്ക് പോയി  ….

അവിടെയിരുന്ന് കാപ്പി  ഊതി ഊതി കുടിക്കണ കിച്ചൂസിനെ കണ്ടപ്പോ സത്യം പറഞ്ഞാൽ ചിരിയാട്ടോ വന്നെ…. പാവം…. ആ ഫോട്ടോ കണ്ട് തെറ്റിദ്ധരിച്ചതിൽ ഇവളെ തെറ്റ് പറയാൻ പറ്റില്ല….ആർക്കായാലും അതുകണ്ടാൽ  തോന്നിപ്പോകും…

അങ്ങനെ ആലോചിച്ചു കിച്ചുവിനെ നോക്കി നിന്ന എനിക്ക് പാവം തോന്നി…

അമ്മ എവിടെയാ  കിച്ചുവേ… എന്ന് അധികം ശബ്ദമില്ലാതെ ചോദിച്ചു….

കിളികൾക്ക് തീറ്റ കൊടുക്കാൻ പോയേക്കാ  അച്ചേട്ടാ……. അത് കേട്ടതോടെ  എനിക്ക് ധൈര്യം ആയി😄…

എന്റ  മോളെ…..

രാവിലെ നീ എന്ത് മണ്ടത്തരമാ പറഞ്ഞെ എന്റെ പെണ്ണെ ….

അത് അച്ചേട്ടാ…. ഞാൻ അവിടെ വന്നപ്പോ തന്നെ അമ്മ വാതിൽ തുറന്നു… അപ്പോളില്ലേ  ….അവൾ  വിശദീകരിക്കാൻ പോയപ്പോ…

മതി എന്റ കിച്ചൂസ്സേ…. എന്തായാലും അമ്മക്ക് ഒരു സൂചന കിട്ടിയിട്ടുണ്ട്…

അയ്യോ അപ്പോ….. അവൾ കണ്ണ്മിഴിച്ചു ചോദിച്ചു….

അപ്പോ എന്ത്.. എന്നായാലും അറിയാൻ ഉളളതല്ലേ…. ആഹ് “അപ്പോ” എന്ന് പറഞ്ഞപ്പോളാ  വെളേളപ്പവും മുട്ടക്കറിയും ഉണ്ടെന്ന ഓർമ വന്നെ..

ഡി… വിശന്നിട്ടു വയ്യ… വേഗം കഴിക്കാനെടുക്ക്… അത് കേട്ടതും കിച്ചൂസ്സ് ഓൺ ആയി… വേഗം പ്ലേറ്റ് എടുത്ത് അപ്പം വെച്ച് കറിയൊക്കെ ഒഴിച്ച്  സെർവിങ് കഴിഞ്ഞു…

ഇന്നലെ 7 മണിക്ക് കഴിച്ചതാണേ…

അതൊക്കെ ശീലമാണെങ്കിലും കുറെ വിഷമിച്ചത് കൊണ്ട് വല്ലാത്ത വിശപ്പ്.

ഒരു കഷ്ണം എടുത്ത്  കറിയിൽ മുക്കി നേരെ കിച്ചൂസിനു വായിൽ വെച്ച് കൊടുത്തു… അവളുടെ ചിരി കാണണം….

ഇനി അച്ചേട്ടൻ കഴിക്ക് എന്നും പറഞ്ഞു എനിക്കും  അവൾ വാരി തന്നു…..അങ്ങനെ ഞങ്ങൾ രണ്ടും കൂടി ഒരു പ്ലേറ്റിൽ നിന്നും   6, 7 വെളേളപ്പം കഴിച്ചു…..

പെട്ടെന്നാണ് അമ്മ കേറി വന്നത്…

ആഹ് മോൾ എടുത്ത് കൊടുത്തോളും എന്ന് അറിയാവുന്ന കൊണ്ട, ഇന്നലത്തെ കാറ്റിൽ വീണ  ചെടിയൊക്കെ ഒന്ന് നേരെയാക്കാൻ നിന്നെ…

അല്ല മോൾ കഴിച്ചില്ലേ…

ഉവ്വ് അമ്മേ… അതും പറഞ്ഞു കിച്ചു  പ്ലേറ്റ്  കഴുകാൻ കൊണ്ടുപോയി….

ഡാ അപ്പോ നീ കഴിച്ചില്ലേ… അമ്മ ചോദ്യം  എന്നോടായി …

പിന്നെ…. വയറു ഫുൾ ആയി…

അതും പറഞ്ഞു ഞാൻ ബനിയൻ പൊക്കി വയർ കാണിച്ചു😂..കൈ കഴുകാൻ എണീറ്റപ്പോളാ അമ്മയുടെ അടുത്ത ചോദ്യം….

അപ്പോ നീ കഴിച്ച പ്ലേറ്റ് എവിടെ…..അതും തിന്നോ നീ….

പണി പാളി…..

അമ്മയുടെ ചോദ്യത്തിൽ ഞാനും കിച്ചൂസും സ്റ്റക്ക് ആയി…..

പക്ഷെ ദൈവം ചിലനേരത്തു വല്ലാതെ അങ്ങോട്ട് സഹായിച്ചു കൊല്ലും…

കറക്ക്റ്റ് ആയിട്ട് ഹോസ്പിറ്റലിൽ പോയവർ തിരിച്ചെത്തി….

ആഹ് അവരെത്തിയെട  എന്നും പറഞ്ഞു അമ്മ മുറ്റത്തേക്കോടി…..

ഡീ പെണ്ണെ ഇപ്പോ കയ്യീന്ന് പോയേനെ എന്നും പറഞ്ഞു ഞാനും മുമ്പിലേക്ക്  പോയി…  എന്റെ ആക്ഷൻ കണ്ട് കിച്ചൂസിനും  ചിരി വന്നു…

നേരെ കാറിനടുത്തേക്ക് ചെന്ന എന്നെ കണ്ടതോടെ അമ്മുവിനു വെപ്രാളമായി… ഇന്നലെ കിച്ചുവിന്റെ പ്രകടനം നേരിൽ കണ്ടത് എന്നോട് പറയാനുളള വെപ്രാളമാണതെന്ന് എനിക്ക് മനസ്സിലായി…

നേരെ മുത്തശ്ശനെ പിടിച്ചു  പയ്യെ  അകത്തേക്ക് കൊണ്ടുവന്നു സോഫയിൽ ഇരുത്തി അച്ഛനോട് വിവരങ്ങളൊക്കെ തിരക്കികൊണ്ടിരുന്ന എന്റെയടുത്തു കിച്ചൂസും വന്നു നിന്നു…

മോളുടെ തലവേദന ഒക്കെ മാറിയോ…അച്ഛന്റെ ചോദ്യത്തിന് മുഖത്ത് സന്തോഷം നിറച്ചാണ് അവൾ മാറിയെന്നു പറഞ്ഞത്…

വാങ്ങിച്ച മരുന്നൊക്കെ എടുത്ത് നോക്കുന്ന എന്റെ കയ്യിൽ നിന്നും മരുന്ന് വാങ്ങി നോക്കിയിട്ട്….  കിച്ചൂസ് എന്നോടായി…. അയ്യോ അച്ചേട്ടാ… ഇത് ഉളള മരുന്ന് ആണെല്ലോ….

സാധാരണയിലും സന്തോഷത്തിൽ  കിച്ചുവിനെ കണ്ട അമ്മുവിന് ആകെ കൺഫ്യൂഷൻ… ഇന്നലെ രാത്രി കണ്ട കിച്ചുചേച്ചി തന്നെയാണോ ഇതെന്നാവും അവളുടെ സംശയം…

അപ്പോളാണ്  മുത്തശ്ശനെ അച്ഛൻ എണീപ്പിച്ചു മുറിയിലേക്ക് കൊണ്ടുപോയത്…

അമ്മുവിന്റെ നോട്ടം അപ്പോ ഞങ്ങളുടെ നേരെയായി….

അത് കണ്ട് അടുക്കളയിലേക്ക് വലിയാൻ  നോക്കിയ  കിച്ചുവിനെ അമ്മു കയ്യിൽ പിടിച്ചിട്ട് എന്നെയും വിളിച്ചു  പുറത്തേക്ക് നടന്നു….

ഇവളിത് എന്തിനുളള പുറപ്പാടാണോ എന്തോ .. പക്ഷെ എനിക്ക് നോ ടെൻഷൻ..ഞാൻ സാധാരണ പോലെ അമ്മുവിന്റെ പിന്നാലെ പോയി…. പക്ഷെ കിച്ചൂസ്സ് അങ്ങനെയല്ല 😃 ചെറുതായി പേടിച്ചാണ് നടപ്പ്..

ഇത്തിരി പേടിക്കട്ടേന്ന് ഞാനും വിചാരിച്ചു 😆😆😆……

തെക്കേ വാതിൽ കടന്നു കിഴക്കോട്ടു തിരിഞ്ഞാൽ  വലിയൊരു പറമ്പാണ്…പണ്ട്  നെൽ പാടമായിരുന്നു… ഇപ്പോ പക്ഷെ കൃഷിയൊന്നും ഇല്ലാതെ പുൽതകിടിയായി  കിടക്കുകയാണ്…. കുറച്ചു മാറി വലിയൊരു കുളവും….

ആ കുളക്കടവിലാണ് അമ്മു  നടത്തം നിർത്തിയത്…….

തിരിഞ്ഞു നിന്ന് രണ്ടുകയ്യും കെട്ടിക്കൊണ്ട്  ഞങ്ങളോടായി…

എനിക്ക് മനസ്സിലാവാത്തതുകൊണ്ട് ചോദിക്കാ……. എന്താ രണ്ടിന്റെയും പ്രശ്നം????? 😡

💞💞💞ഇഷ്ട്ടമായെന്ന് കരുതിക്കോട്ടെ… 😊

തുടരും…… 💓💓💓