💞എന്റെ കൃഷ്ണ 💞

എന്റെ ആദ്യത്തെ കഥയാണ്…എന്റെ ജീവിത സാഹചര്യവും  കഥക്ക് വേണ്ടിയുളള രംഗങ്ങളും ചില കഥാപാത്രങ്ങളെ സങ്കല്പികമായി  കൂട്ടിച്ചേർത്തും ഒക്കെയാണ്  ഈ കഥയെഴുതിയത്….. അനുഗ്രഹിക്കുക…അഭിപ്രായം രേഖപ്പെടുത്തി പ്രോത്സാഹിപ്പിക്കുക 💓💓💓 രാവിലെതന്നെ അമ്മ ആരോടോ പൈസയുടെ പേരിൽ തർക്കിക്കുന്ന  കേട്ടാണ് ഉണർന്നത്…. എന്താമ്മേ അവിടെ ഒച്ചപ്പാടും ബഹളവും…? ഉറക്കം പോയ കലിപ്പിൽ ഇത്തിരി ഒച്ചയെടുത്താണ് ഞാനത് ചോദിച്ചത്

അച്ചു നീ എണീറ്റോ..  ഒന്നിങ്ങു വന്നേടാ..

തെക്കേ വീട്ടിൽ നിന്നാണ് അമ്മ വിളിച്ചതെന്ന് മനസിലായി … കണ്ണും  തിരുമി ചെന്ന് വീടിന്റെ പിന്നിലേക്ക് പോയതും മതിലിനപ്പുറം വീട്ടു സാധനങ്ങൾ കയറ്റിയ  ടെമ്പോ  കിടക്കുന്ന കണ്ടപ്പോളെ ഉറപ്പിച്ചു,  പുതിയ താമസക്കാർ എത്തിയെന്നു…

കിളിവാതിൽ തുറന്ന് ചെന്ന എന്നെ കണ്ടതോടെ അമ്മക്  ഡബിൾ പവർ കിട്ടിയ പോലെയായി…

അമ്മ എന്നെ നോക്കി ഡ്രൈവറോട് : എന്റെ മോനും ലോറി തന്നെയാ ഓടിക്കണെ..തന്റെ ഇത്തിരിപോന്ന  എലിപെട്ടിയല്ല,അതോണ്ട് കൂടുതൽ സംസാരിക്കണ്ട…..തികയാത്ത പൈസ  ഞാൻ തരുമായിരുന്നു… പക്ഷെ താൻ ഈ പാവത്തിനെ തെറി പറഞ്ഞത് കൊണ്ട് തരുന്നില്ല…  ഇവർ 4800  രൂപ തരും… പറ്റുമെങ്കിൽ മതി..

ഡ്രൈവർ : ചേച്ചിക്ക് വേറെ പണിയില്ലേ… ഈ കാര്യം ഞങ്ങൾ തമ്മിൽ പറഞ്ഞോളാം… 5500 കിട്ടാതെ ഞാൻ പോകേമില്ല…. ഈ സാധനങ്ങളും വണ്ടിയിൽ നിന്ന് ഇറക്കില്ല….  ഞാൻ പറഞ്ഞ പൈസ എനിക്ക് കിട്ടണം.. ഞാൻ  അതും വാങ്ങിയേ പോകു

അമ്മ :ആഹാ… എന്ന അതൊന്ന് കാണണമല്ലോ…

അത് കൂടി കേട്ടതോടെ  ഡ്രൈവർക്ക് ദേഷ്യം ഇരച്ചു കയറി……നല്ലൊരു തെറിയും  പറഞ്ഞു അടുത്ത് വാക്കിങ് സ്റ്റിക്ക് കുത്തിപിടിച്ചു നിന്ന ഒരു 80 വയസ്സ് തോന്നിക്കുന്ന കാരണവരുടെ കോളറിൽ പിടിച്ചു അടിക്കാൻ ഓങ്ങിയതും    ഇതെല്ലാം ഉറക്കചടവിൽ കണ്ടുവന്ന  എന്റെ സമനില തെറ്റിയതും ഒരുമിച്ചയിരുന്നു…

ഓടിച്ചെന്നു എന്റെ ഇടതു കയ്യ്  അയ്യാളുടെ വലതു  കയ്യിൽ  കോർത്ത്‌  മടക്കി മറ്റേ കയ്യ് കൊണ്ട് തൊണ്ട കുഴിയിൽ രണ്ട് വിരൽ അമർത്തി ചെറിയൊരു പ്രേയോഗം… (അയ്യപ്പനും കോശിയിലെ കലക്കത്താ  പാട്ട് കഴിഞ്ഞുളള പ്രിത്വിരാജിന്റെ പിടി )എന്നിട്ട് വണ്ടിയുടെ പെട്ടിയിലിട്ട് അങ്ങോട്ടും ഇങ്ങോട്ടും ചേർത്ത് പിടിച്ചു ഉരച്ചു…

അയ്യാളുടെ കണ്ണുകൾ പുറത്ത് വന്നുപോയി… അപ്പോളേക്കും എന്റെ കയ്യിൽ കാർന്നോരുടെ കയ്യ് പതിഞ്ഞു…

വേണ്ട  മോനെ.. ഒന്നും ചെയ്യല്ലേ…

ഇനിയും അമർത്തിയാൽ പണി പാളുമെന്ന് എനിക്കും തോന്നിയതോടെ ഞാൻ പിടിവിട്ടതും അയ്യാൾ വണ്ടിയിൽ ചാരി നിന്ന് ചുമക്കാൻ തുടങ്ങി…

കയ്യിൽ പൈസ ഉണ്ടായിരുന്നതാ മോനെ…വീട്ടിലേക്ക് കേറുന്നതിനു മുന്നേ  ബ്രോക്കർ വന്നു ബ്രോക്കർ കാശും വാങ്ങിക്കൊണ്ടു പോയി… വൈകിയ  കിട്ടില്ലെന്ന്‌ പേടിച്ചിട്ടാവും.

. അതുകൊണ്ടാ ഇങ്ങനെ പൈസക് കുറവ് വന്നേ… അല്ലെങ്കിൽ ഡ്രൈവർ ചോദിക്കുന്ന പൈസ കൊടുത്താനേ..

ഇത് പറഞ്ഞതും ആസ്മയുടെ ബുദ്ധിമുട്ടുകൾ അദ്ദേഹത്തെ തളർത്തി വീഴ്ത്തി ……..

ഞാൻ വേഗം തന്നെ താങ്ങിയത് കൊണ്ട് വീണില്ല… ഞാൻ തലയോന്ന് ഉയർത്തി നോക്കിയപ്പോളാണ്…… അപ്പോൾ മാത്രമാണ് അദ്ദേഹത്തിന്റെ പുറകിൽ നിന്നിരുന്ന പെൺകുട്ടിയെ ഞാൻ കണ്ടത്….

ദൈവമേ….. എങ്ങനെ അവളെ വർണിക്കണം എന്നറിയില്ല… പൂ പോലൊരു പെൺകുട്ടി… വെളുപ്പെന്ന് പറഞ്ഞാൽ പോരാ…അതിലും കൂടുതൽ.. കണ്ണുനീർ  കണ്ണിലെ  കരിമഷി പടർത്തിയിട്ടുണ്ട്… നെറ്റിയിൽ മഞ്ഞ നിറമുളള ചന്ദനം… ചുണ്ടിന്റെ നിറവും ആ മുഖത്തിന്റെ ഐശ്വര്യവും  കണ്ട് നോക്കിനിന്നുപോയി ഞാൻ…

മുത്തശ്ശ…. എന്താ പറ്റ്യേ… വയ്യായ്ക തോന്നണുണ്ടോ…കരഞ്ഞു പോയെങ്കിലും വല്ലാത്ത വേവലാതിയോടെ  അവൾ അപ്പുപ്പനെ വട്ടം പിടിച്ചിരുന്നു…

അമ്മു…. ബാഗിൽ നിന്നും മരുന്നെടുത്തെ…

അപ്പോളാണ് ഒരു 18 വയസ്സ് തോന്നിക്കുന്ന കുട്ടി കൂടി അവിടെയുണ്ടെന്ന് ഞാൻ ശ്രെദ്ധിച്ചത്… വേഗം ഇൻഹേയലർ കൊണ്ട് വന്നു… അത്  വലിച്ചപ്പോളാണു  അദ്ദേഹം നോർമൽ ആയത്… അമ്മ  അപ്പോളേക്കുംപോയി വീട്ടിൽ നിന്നും  കസേര ഒക്കെ കൊണ്ടുവന്നു… അപ്പുപ്പനെ അതിലിരുത്തി…

അന്തരീക്ഷം ഒന്ന് ശാന്തമായപ്പോൾ ഞാൻ കാര്യത്തിലേക്ക് കടന്നു… നേരെ ഡ്രൈവറുടെ അടുത്ത് ചെന്ന് തോളിൽ കൈയ് വെക്കാൻ പോയപ്പോളേക്കും അയ്യാൾ കുതറിമാറി… ഇത് കണ്ടതും അമ്മയുടെ മുഖത്തു ചിരിപൊട്ടി…. അയ്യാളുടെ തോളിൽ ഒന്ന് തട്ടി ചേട്ടന്റെ പൈസ ഞാൻ തരാമെന്ന് പറഞ്ഞു വീട്ടിലേക്ക്  പോയി കാക്കി ഷർട്ടിന്റെ പോക്കറ്റിൽ നിന്നും 5500 രൂപ  എടുത്ത് കൊടുത്തിട്ട്

അയാളോട് സൗമ്യമായി പറഞ്ഞു….

നമ്മൾ ഒരേ പണി ചെയ്യുന്നവർ ആണ്…ഉറക്കം വരാതിരിക്കാൻ പച്ചവെളളം മാത്രം കുടിച്ചു രാത്രിയെ പകലാക്കി പോകുന്നവർ … പൈസക്ക് വേണ്ടി അല്ലെ ചേട്ടൻ ഈ പാവത്തിന്റെ മേൽ കൈ വെച്ചത്…. അതുകൊണ്ടാണ് ഞാൻ ചേട്ടനിട്ടു പൊട്ടിക്കാൻ വന്നതും …

അതുകൊണ്ട് ദേഷ്യം ഒന്നും തോന്നണ്ട …

ഇത്രയും പറഞ്ഞു തീർത്തു തിരിഞ്ഞതും എല്ലാവരും എന്നെ നോക്കി നിൽക്കുകയായിരുന്നു…

എന്നാൽ ഞാൻ നോക്കിയത് അവളുടെ കണ്ണിലേക്കായിരുന്നു…. കണ്ണുകൾ സംസാരിക്കുമെന്ന് അപ്പോളെനിക്ക് മനസിലായി 😊… നന്ദിയിൽ കൂടുതൽ ഞാനാ കണ്ണുകളിൽ കണ്ടത് ആരൊക്കെയോ ഉണ്ടെന്നുളള അവളുടെ ആത്മവിശ്വാസമാണോ.. ! അറിയില്ല…

അപ്പോളേക്കും രണ്ട് ബൈക്കുകളിലായി യൂണിയൻകാരെത്തി…. എന്നെ കണ്ടതും അയ്യപ്പേട്ടൻ  അച്ചുവേ എന്നൊന്ന് നീട്ടി വിളിച്ചു… അച്ഛന്റെ കൂട്ടുകാരനാണ് അയ്യപ്പേട്ടൻ … യൂണിയൻ നേതാവാണ്… പണിയെടുക്കുന്ന ഒരു നേതാവുണ്ടേൽ അത് അയ്യപ്പേട്ടൻ മാത്രമാണെന്ന് എനിക്ക് തോന്നി… പിന്നെയുളള രണ്ട് പേരിൽ ഒരാൾ എന്റെ കൂട്ടുകാരനാണ്…ഫെബിൻ… പിന്നെ മണിയേട്ടനും…..

ബൈക്ക് ഒതുക്കി വെച്ച് വണ്ടിയുടെ അടുത്തേക്ക് വന്ന അവരോട് അമ്മ നടന്ന സംഭവം ഒക്കെ  ചെറുതായൊന്നു വിവരിച്ചു…. എല്ലാം കേട്ട് കഴിഞ്ഞതും അയ്യപ്പേട്ടൻ തനി പാർട്ടിക്കാരൻ ആയി…

നേരെ ഡ്രൈവറുടെ അടുത്ത് ചെന്നു..  അയ്യപ്പേട്ടന്റെ വണ്ടിയിൽ കൈയ് വെച്ചുളള  ആ നിൽപ്പ് കണ്ടപ്പോ തന്നെ പന്തിയല്ലെന്ന് കണ്ട്   പുളളിക്കാരന്റെ സ്വഭാവം അറിയുന്ന ഞാൻ ഇടപെട്ടു….

പ്രശ്നം ഒക്കെ പറഞ്ഞു തീർത്തതാ അയ്യപ്പേട്ട… ഇനി ഒന്നും വേണ്ട എന്നുപറഞ്ഞു ഒരു വിധത്തിൽ സമാധാനിപ്പിച്ചു…. അങ്ങനെ സാധനങ്ങൾ ഒക്കെ ഇറക്കി ടെമ്പോ പോയതും അമ്മ ചായകൊണ്ട് വന്നു… ചായയൊന്നും വേണ്ടമ്മേ എന്ന് പറഞ്ഞു ഫെബിനും മണിയേട്ടനും പോയി…

ഞാനും അയ്യപ്പേട്ടനും അവിടെ അരമതിലിലും  അപ്പുപ്പൻ ചാരുകസേരയിലും  ഇരുന്ന് ചായ  കുടി തുടങ്ങി… ഇറക്കിയതിനു കൂലി എത്രയായി മോനെ…. അപ്പുപ്പൻ പോക്കറ്റിൽ കയ്യിട്ട്കൊണ്ട് ചോദിച്ചു….

അയ്യപ്പേട്ടൻ ആരോടും അമിതമായി  പൈസ വാങ്ങാറില്ല…. അത് കൊണ്ട് തന്നെ  ഒരു ചിരിയോടെ 900 രൂപ മതി… അതിനുളള  പണിയേ എടുത്തിട്ടുളളു  എന്ന് പറഞ്ഞു എന്നെ നോക്കി….

ദൈവമേ കഷ്ടപ്പാട് മനസ്സിലാക്കുന്നവരും ഈ ലോകത്തുണ്ടല്ലോ എന്ന് പറഞ്ഞു അപ്പുപ്പൻ നെടുവീർപ്പിട്ടു കസേരയിൽ ഒന്നുകൂടെ ചാഞ്ഞിരുന്നു

അയ്യപ്പേട്ടൻ എന്നെ പറ്റിയും, എന്റെ അച്ഛനെ പറ്റിയുമൊക്കെ  ഓരോന്നൊക്കെ പറഞ്ഞ് അപ്പുപ്പനുമായി  ചിരിയായി…

വാതിൽപ്പടിയിൽ ഇതെല്ലാം കൗതുകത്തോടെ നോക്കിനിൽക്കുന്ന  നിൽക്കുന്ന ഒരാളെ  അപ്പോളാണ് ഞാൻ നോക്കിയത്… എന്റെ നോട്ടം കണ്ടപ്പോൾ മുഖം താഴ്ത്തി  പയ്യെ  ഉളളിലേക്ക് വലിയാൻ  തുടങ്ങിയത് കണ്ട് എനിക്കും ചെറിയ ചിരി വന്നു…

വാത്സല്യത്തോടെ  അമ്മ അവളുടെ കവിളിൽ തഴുകികൊണ്ട്…

പേടിച്ചോ എന്റെ കുട്ടി…ഇനി  വിഷമിക്കൊന്നും വേണ്ടാട്ടോ…

ഇനി  അയ്യപ്പേട്ടനും   അമ്മയും പിന്നെ ഈ പോത്തും ഒക്കെയുണ്ട് എന്ന് പറഞ്ഞ് എന്നെ കാണിച്ചു ചിരിച്ചു…

മുല്ലമൊട്ട് പോലത്തെ പല്ല് കട്ടിയുളള ചിരിയായിരുന്നു അവളുടെ മറുപടി….. ഹോ അവളുടെ ചിരി കാണാൻ എന്തൊരു അഴകാണ്…

അതൊക്കെ പോട്ടെ എന്താ മക്കളുടെ പേര്…? അയ്യപ്പേട്ടനാണ് ചോദിച്ചത്…

വീടിന്റെ  ഉളളിൽ നിന്നും അമ്മയുടെയും  അവളുടെയും ഇടയിലൂടെ ഇളയ കുട്ടി  വന്നുകൊണ്ട് പറഞ്ഞു… ഞാൻ അശ്വതി… അമ്മുസ്സെന്ന്  വിളിക്കും…

അടുത്തത് അവളുടെ പേരാണ് പറയാൻ പോകുന്നതെന്ന് മനസിലാക്കിയ എന്റെ  കണ്ണുകൾ വിടർന്നു….

ചേച്ചിടെ പേര് കൃഷ്ണ…. കിച്ചൂന്ന്   വിളിക്കും… എല്ലാവരും അവളുടെ വർത്താനം കേട്ടൊന്ന് ചിരിച്ചു…

ചേട്ടന്റെ പേരെന്താ…? അവളുടെ  ചോദ്യം എന്റെ നേർക്കായി…

എന്റെ പേര് അതുൽ……

അല്ല… അപ്പൊ   അച്ചു എന്ന് കൂടി ഒരു പേരില്ലേ ചേട്ടന്…. അല്ല നേരത്തെ ഈ അയ്യപ്പൻ ചേട്ടൻ വിളിക്കണ കേട്ടെ…അതാ ചോയ്ച്ചേ 😆 ഞാൻ ഉണ്ടെന്ന രീതിയിൽ ചിരിച്ചു തലയാട്ടി….

അവൾ ചൂണ്ടുവിരൽ കവിളിൽ വെച്ച്  ആലോചനയിലെന്ന പോലെ  പറഞ്ഞു… “അച്ചു കിച്ചു ….” നല്ല മാച്ച്… അത് പെട്ടന്ന് കേട്ടതും എന്റെ  ശ്വാസഗതി കൂടി  ….

അവളുടെ തോളിൽ ചെറിയൊരു അടി കൊടുത്തായിരുന്നു  നമ്മുടെ ദേവതയുടെ പ്രതികരണം….. ഞാൻ അത് കണ്ടെന്നു മനസ്സിലായപ്പോൾ നാണം കൊണ്ട് ആ മുഖം ഒന്നൂടെ ചുവന്നു… എന്നിട്ട് പയ്യെ  അകത്തേക്ക് വലിഞ്ഞു….

എനിക്കും ഒരു ചിരി ചുണ്ടിൽ വന്നതും അമ്മയുടെ വക പുറത്തൊരു അടി കിട്ടി… പോയി പല്ലുതേക്കേട…വാ കഴുകാതെ ചായയും വാങ്ങി കുടിച്ചിരിക്കണു… പോത്ത്..

അകത്തുനിന്ന് അടക്കി പിടിച്ചുളള ചിരി കേൾക്കാം…

ഞാൻ :ആഹാ ഇപ്പോ കുറ്റം എനിക്കായോ… ഉറക്കത്തിന്ന് വിളിച്ചെണീപ്പിച്ചിട്ട്… അത് പറഞ്ഞു ചായ ഗ്ലാസ്‌ അമ്മക്ക് കൊടുത്ത് എണീറ്റതും മുത്തശ്ശൻ എന്റെ കയ്യിൽ പിടിച്ചു നന്ദിവാക്ക് പോലെ കണ്ണ് നിറച്ചു…

മോനെ ഞാൻ ഒരു സ്കൂൾ മാഷായിരുന്നു… ഇപ്പോ ആ പെൻഷൻ കൊണ്ടും എന്റെ കുട്ടി  പിള്ളേർക്ക് ട്യൂഷൻ എടുത്തും  ബാക്കി കിട്ടുന്ന സമയം  ഇത്തിരി തയ്യൽ ഒക്കെ ചെയ്തും  കിട്ടണ പണം കൊണ്ടുമാണ് കാര്യങ്ങൾ ഒക്കെ നടക്കുന്നെ…

പാവം…. വുതുമ്പി പോയപ്പോ…  അമ്മ ഇടപെട്ടു…. അച്ഛൻ വിഷമിക്കണ്ട… ഇനി ഞങ്ങളൊക്കെ ഇല്ലേ… എന്നൊക്കെ പറഞ്ഞു സമാധാനിപ്പിച്ചു….

എനിക്കാകെ വിഷമായി… അവിടെ നിന്നും ഇറങ്ങിയപ്പോ ജനലിലേക്ക് ഒന്ന് പാളി നോക്കി… ഇല്ല…അവളെ കാണാനില്ല…കുഞ്ഞോൾ വാതിൽപ്പടിയിൽ ചാരി നില്പ്പുണ്ട്…

എനിക്ക് പുറകെ പിന്നെ വരാമെന്ന് പറഞ്ഞു അയ്യപ്പേട്ടനും… പണിയൊക്കെ ഒതുക്കിട്ട് വരാമെന്ന് പറഞ്ഞു അമ്മയും ഇറങ്ങി….

വീട്ടിൽ എത്തി മുറിയിൽ കേറി കട്ടിലിലേക്ക് ഒറ്റ ചാട്ടമായിരുന്നു…. തലയിണയെ നെഞ്ചോട് ചേർത്ത് പിടിച്ചു ഒരു പൊട്ടനെ പോലെ ചിരിച്ചു കിടന്നു…

ദൈവമേ എനിക്കെന്താ പറ്റിയെ….. ലോഡും കൊണ്ട് കശ്മീർ വരെ പോയിട്ടുണ്ട്… നല്ല സ്ട്രോബറി നിറമുളള പെൺകുട്ടികളെ കണ്ടിട്ടുണ്ട്…അവരെയൊക്കെ കണ്ണ് പാളി നോക്കിയിട്ടുണ്ടെങ്കിലും മനസ്സ് ഇതുവരെ പാളിയിട്ടില്ല…

ആ ഞാൻ ആണ് ഇപ്പോ ഇങ്ങനെ..😇 എന്തൊക്കെയാണോ എനിക്ക് സംഭവിക്കുന്നത്…. ആഹ്ഹ് നോക്കാം…. എണീറ്റ് പല്ലുതേച്ചു കുളിയൊക്കെ  കഴിഞ്ഞ് കണ്ണാടിയുടെ മുന്നിലെത്തി സ്ഥിരം സൗന്ദര്യ ആസ്വാദനം നടത്തി…

ഉയരം  ഒരു ആറടിയിൽ ഇത്തിരി കുറവേ ഉളളു..നല്ല ഷേപ്പ് ഉളള ശരീരം.. വളയം പിടിച്ചു കയ്യൊക്കെ നല്ല പെടയാണ്.. വെളുത്തിട്ട് ആണേലും അങ്ങനെ വെളുത്തിട്ടല്ല 😂…നല്ല മുടിയും കട്ടിമീശയും ഒക്കെയായി ഒരു കൊടുങ്ങല്ലൂർക്കാരൻ ചെക്കൻ … കൊടുങ്ങല്ലൂർ ആണ് വീടെന്ന് ഇനി പറയണ്ടാല്ലോ 😂😉…

ആഹ് മതി പറഞ്ഞത്… വിശന്നിട്ടു വയ്യ… ഡ്രസ്സ്‌ ഇട്ട് കഴിക്കാൻ ചെന്നിരുന്നപ്പോളേക്കും ടേബിളിൽ ഫുഡ് ഐറ്റംസ് ഒക്കെ റെഡി ആയിരുന്നു… പക്ഷെ അമ്മയെ കാണുന്നില്ല… എവിടെ പോയാവോ….

അമ്മോ…. അമ്മേ… കൂയ്…. വിളിച്ചു കൂവിയപ്പോ തെക്കേ കിളിവാതിൽ ഒക്കെ കടന്ന് ആളെത്തി… എന്താടാ നിനക്ക് എടുത്ത് കഴിച്ച പോരെ..ഞാൻ അവിടെവരെയൊന്ന് പോയതാ…. ഞാൻ   ഒരു പല്ലുകാട്ടിയുള്ള ചിരി പാസ്സാക്കി

ദോശയിലേക്ക് ചമ്മന്തി ഒഴിച്ച് തരുന്നതിനിടയിൽ അമ്മ  അവിടത്തെ കാര്യങ്ങൾ പറയാൻ ആരംഭിച്ചു… എടാ അവരുടെ അച്ഛനും അമ്മയും ഇളയ കുട്ടി ജനിച്ചു കുറച്ചു വർഷം കഴിഞ്ഞപ്പോ ഒരു അപകടത്തിൽ മരിച്ചതാടാ… ….മ്മ്…… ഞാൻ ഒന്ന് മൂളുക മാത്രം ചെയ്തു…… എന്തോ ബിസിനെസ്സ് ഒക്കെയായിരുന്നു… മരണശേഷം ഉണ്ടായിരുന്ന  കടം ഒക്കെ തീർക്കാനായി വീടൊക്കെ വിൽക്കേണ്ടി വന്നത്രെ.. അതാ ഇപ്പോ ഇങ്ങനൊരു അവസ്ഥ….

അപ്പൊ അവർക്ക് ബന്ധുക്കൾ ആരുമില്ലേ….

ഉണ്ടെടാ… പക്ഷെ രണ്ട് പെൺകുട്ടികൾ അല്ലെ… കല്യാണം ഒക്കെ നടത്തികൊടുക്കേണ്ടി വന്നാലോ എന്നൊക്കെ പേടിച്ചു ആരും അടുക്കാറില്ല…

…മ്മ്മ് …..

കഴിപ്പ് മതിയാക്കി കയ്യൊക്കെ കഴുകി നേരെ  എന്റെ കിളികൾക് തീറ്റ കൊടുക്കാൻ വീടിനു പിന്നിലെ കൂടിനടുത്തെത്തി..വലിയൊരു പറമ്പിൽ ആണ് എന്റെ വീട് …..കുറെ വാഴയും ഒക്കെയായി അത്യാവശ്യം കൃഷി ഒക്കെയുണ്ട്….

അച്ഛനും ലോറി  ഡ്രൈവർ ആയിരുന്നു… ഇപ്പോ ഞാൻ വലുതായി പണി പടിച്ചപ്പോ പുളളി നൈസ് ആയിട്ടങ്ങ്  പണി നിർത്തി… ഇപ്പോ എന്റെ ബുള്ളറ്റ് ആയിട്ട് കറങ്ങി നടപ്പാണ് പണി…

അതാ രാവിലെ നടന്ന കോലാഹലത്തിൽ അച്ഛന്റെ കുറവുണ്ടായത്…ക്ലബ്ബിൽ പോയിട്ടുണ്ടാകും… അത് എന്തായാലും നന്നായി  … അല്ലേൽ ടെമ്പോക്കാരനെ കാലേ വാരി ഭിത്തിയിലടിച്ചാനെ….

കയ്യിൽ കരുതിയ തെന മണികൾ  കൂട്ടിലേക്ക്  വരി വിതറിയപ്പോ പിന്നിൽ ആരോ നിൽക്കുന്നതായി തോന്നി… തിരിഞ്ഞുനോക്കും മുന്നേ ….ഏട്ടാ …. എന്നൊരു വിളികേട്ടു…

ദൈവമേ…. അവൾ… ഞാൻ തിരിഞ്ഞതും കയ്യിൽ കുറച്ചു നോട്ടുകളുമായി ദേ മുന്നിൽ നിൽക്കയാണ് ഞാൻ നേരത്തെ കണ്ട  ദേവത…. എനിക്ക് പിന്നേം കിളി പോയി മക്കളെ…..

…എ… ഏട്ടാ…. വിക്കി വിക്കി അവൾ പിന്നെയും വിളിച്ചു…..അപ്പോള എനിക്ക് ബോധം വന്നത്….

എന്താ…..എന്ത്പറ്റി  കുട്ടി..

അത് രാവിലെ… ഏട്ടൻ അല്ലെ വണ്ടിക് പൈസ കൊടുത്തത്… അത് തിരിച്ചു തരാൻ വേണ്ടി….

പാവം…..അതിനു സംസാരിക്കാൻ എന്തോ ഒരു പേടിയുള്ളളത് പോലെ  എനിക്ക് തോന്നി…..രാവിലത്തെ എന്റെ പ്രകടനം കണ്ടിട്ടാവും എന്ന് തോന്നാതിരുന്നില്ല…

അതിനു ഞാൻ പൈസ ചോദിച്ചില്ലലോ…. പെട്ടന്ന് അവളൊന്ന് എന്നെ പാളി   നോക്കി

ഇല്ല… എന്നാലും… അത്രയും പറഞ്ഞ് പൈസ എനിക്ക് നേരെ നീട്ടി…

എത്രയുണ്ട്???? മുഴുവനും ഉണ്ടോ…… ഉണ്ടാവില്ല എന്ന് ഉറപ്പായിരുന്നു

അവൾ തല കുനിച്ചു, ഇല്ല എന്നർത്ഥത്തിൽ തലയാട്ടി…

പിന്നെ എന്തിനാ കൊണ്ട് വന്നേ… അതോ കുറച്ചു പൈസ തന്നു കടം തീർത്തെന്ന് വരുത്തുകയാണോ… എന്റെ ശബ്ദം ഇത്തിരി കനത്തിൽ ആയിപോയി…

നോട്ടുകൾ ചുരുട്ടി പിടിച്ചു ഒരു പൊട്ടിക്കരച്ചിൽ ആയിരുന്നു എനിക്ക് കിട്ടിയത്….ഏങ്ങലടിച്ചുളള കരച്ചിൽ എന്റെ നെഞ്ചിൽ ചൂട് കയറ്റി…. ഞങ്ങള്ക് ആരുമില്ല ഏട്ടാ…. അതുകൊണ്ട് ആർക്ക് വേണമെങ്കിലും  ഞങ്ങളെ ഉപദ്രവിക്കാം…. രാവിലെ മുത്തശ്ശനെ അയ്യാൾ ഉപദ്രവിച്ചപ്പോ ഏട്ടൻ മാത്രേ ഉണ്ടായുളളു….നന്ദിയുണ്ട് ഏട്ടാ…. പൊട്ടി പൊട്ടിയുളള കരച്ചിലായിരുന്നു പിന്നീട്…..

…..കൃഷ്ണ….

ഞാൻ പയ്യെ വിളിച്ചു അവളുടെ തോളിൽ പിടിച്ചതും എന്റെ  നെഞ്ചിലേക്ക് ഒറ്റ വീഴ്ചയായിരുന്നു അവൾ.. ഇട്ടിരുന്ന ഷർട്ട്‌ അവളുടെ കണ്ണീരിൽ കുതിർന്നു…. ഞാൻ  അറിയാതെ തന്നെ അവളെ മാറോട് ചേർത്ത് പിടിച്ചുപോയി….

എന്തോ….. വല്ലാത്തൊരു ഫീൽ ആയിരുന്നു എനിക്ക് അപ്പോൾ …

പെട്ടെന്ന് മനോനില വീണ്ടെടുത്ത പോലെ അവൾ അകന്ന് മാറി ഷാൾ കൊണ്ട് കണ്ണൊക്കെ തുടച്ചു…. കുറച്ചു നേരം മൗനം മാത്രം….

പൈസ ഒക്കെ പിന്നെ മതി… ഇനിയും ഒരുപാട് ചിലവ് ഇല്ലേ… അതിനൊക്കെ പണം വേണ്ടേ.. അതോണ്ട് പൈസ കയ്യിൽ ഇരുന്നോട്ടെ..  ഇയ്യാൾ ഇനി കരയണ്ടാട്ടോ… അത് പറഞ്ഞതും കരച്ചിലൊന്നടക്കി കൊണ്ട്  അവളുടെ മുഖമൊന്ന് ഉയർന്നു… കവിളൊക്കെ ചുവന്നു കണ്ണൊക്കെ കലങ്ങിയ ഒരു രൂപം…അതിൽ അവൾ കൂടുതൽ സുന്ദരിയായ പോലെ എനിക്ക് തോന്നി….

ഒരു വല്ലാത്ത അനുഭൂതിയാണ് അവളെ കണ്ടപ്പോൾ മുതൽ… ആ അപ്സരസ്സ് ഇപ്പോൾ ദേ ഇപ്പൊ മുന്നിൽ നിൽക്കുന്നു.. ഇത്രെയും നേരം എന്റെ നെഞ്ചിലും…

ദൈവമേ … നിനക്ക് നന്ദി 😁😙

പെട്ടെന്നാണ്  കട്ടുറുമ്പ് പോലെ അമ്മൂസ്  എത്തിയത്… ആഹാ ചേച്ചി ഇവിടെ നിൽക്കായിരുന്നോ.. ഞാൻ എവിടെയൊക്കെ നോക്കി… എന്താ കണ്ണൊക്കെ കലങ്ങി ഇരിക്കുന്നെ….. ചേച്ചി കരഞ്ഞോ…

എന്താ ചേട്ടാ… ചേട്ടൻ എന്താ എന്റെ ചേച്ചിയെ ചെയ്തേ….

ദൈവമേ… അവളുടെ ചോദ്യം കേട്ട് ഞാൻ   ആകെ ഞെട്ടി…

അത്.. ഞാൻ.. കൃഷ്ണ പൈസ തരാൻ വന്നതാ, എന്നൊക്കെ പറഞ്ഞൊപ്പിച്ചു ആകെ വെട്ടി വിയർത്തു… ചെറുതായി ഉരുകി എന്ന് വേണം പറയാൻ..

അത് കണ്ടതും അവിടെ കൃഷ്ണയും അമ്മൂസും  കൂട്ട ചിരിയായിരുന്നു…. ഹോ  അപ്പോള എന്റെ  ശ്വാസം നേരെ വന്നത്…

അമ്മൂസിന്റെ  വായാടിത്തരവും ഇത് പോലത്തെ കുറുമ്പും ഒക്കെ അറിയാവുന്ന കൊണ്ട് ആണ് കൃഷ്ണയ്ക് പ്രേത്യേകിച്ചു ഞെട്ടൽ ഒന്നും ഉണ്ടാവാതിരുന്നത്…

ചിരി അടക്കികൊണ്ട് അമ്മൂസ്  എന്നോടായി പറഞ്ഞു… എന്തൊരു പാവമാ ചേട്ടൻ.. രാവിലെ കണ്ട ആളെ അല്ലാലോ… അപ്പോ ഇത്രേ ഉളളല്ലേ… അയ്യേ മോശം  എന്ന് പറഞ്ഞു മൂക്കത്തു വിരൽ വെച്ചു.. അത് കേട്ട് കൃഷ്ണയും ചിരിച്ചു…

പെട്ടെന്ന്  മുത്തശ്ശൻറെ വിളി കേട്ടപ്പോ കൃഷ്ണ പോവാന്ന് പറഞ്ഞു തിരിഞ്ഞു നടന്നു… … പോകുന്ന വഴിയിൽ തല തിരിച്ചു  ചെറുതായൊന്നു തിരിഞ്ഞ് നോക്കി…. അവളുടെ തൊണ്ടിപ്പഴം പോലത്തെ ചുണ്ടുകളും കുഞ്ഞു മൂക്കും ഒക്കെ ആദ്യമായി കാണുന്ന പോലെ ഞാൻ പിന്നെയും നോക്കിനിന്നുപോയി

ഞാനും  അവളെ തന്നെ നോക്കി നിൽക്കുകയാണെന്ന് മനസ്സിലായപ്പോൾ അവൾക്  ചിരി വന്നെങ്കിലും ഷാൾ വിരൽ തുമ്പിൽ കോർത്തു ചുണ്ടിൽ വെച്ച് അവളത് മറച്ചു… എന്നിട്ടൊരു ഓട്ടം ആയിരുന്നു… ഇതെല്ലാം വളരെ സൂക്ഷ്മമായി ഒരാൾ വാച് ചെയ്യുകയായിരുന്നു…. അമ്മൂസ്….

വിരൽ ഞൊട്ടികൊണ്ടാണ് എന്നെ അവൾ സ്വപ്നലോകത്തുനിന്ന് ഉണർത്തിയത്… എന്താണ് മാഷേ… ഭയങ്കര വായിനോട്ടം ആണല്ലോ എന്റെ ചേച്ചിയെ….

അത് പറഞ്ഞു കഴിഞ്ഞതും  അവൾ നേരത്തെ എന്നെ വട്ടാക്കിയതിനും  ഒക്കെ ചേർത്ത് ഞാൻ ചെവിക്ക് പിടിച്ചു ഒന്ന് കറക്കി..

അയ്യോ.. അമ്മേ.. വിട് ചേട്ടാ… അയ്യോ എടി കാന്താരി.. ഇനി നീ എന്നെ വട്ടക്കോ..

ഇല്ലാ…..

വിട് വിട്… ഞാൻ ഇനി ഒന്നും പറയില്ലേ… സത്യം

അത് കേട്ട്  ഞാൻ വിട്ടതും…. ദുഷ്ടൻ എന്ന് പയ്യെ പറഞ്ഞ് ചെവി തടകികൊണ്ട് അവൾ എന്നെ നോക്കി…

ഞാൻ ചിരിച്ചു തെന അവളുടെ കയ്യിൽ കൊടുത്ത് കിളികൾക്ക് കൊടുക്കാൻ പറഞ്ഞു…

പാവമാ ചേട്ടാ എന്റെ ചേച്ചി… എന്തോ ഓർത്തെന്ന പോലെയവൾ പറഞ്ഞുതുടങ്ങി… ഒരുപാട് കഷ്ട്ടപെടുന്നുണ്ട്…എന്റെ പഠിപ്പൊക്കെ നോക്കുന്നത് ചേച്ചിയാ… കിളികളെ കൊഞ്ചിച് കൊണ്ട് തന്നെ അവൾ തുടർന്നു…. ആദ്യായിട്ട ചേച്ചിയിൽ ഒരു മാറ്റം ഞാൻ കാണുന്നെ…. ചേട്ടനോട് എല്ലാം പറഞ്ഞതും,  കെട്ടിപിടിച് കരഞ്ഞു പോയതും ഒക്കെ  ഞാൻ കണ്ടു… പിന്നെ ഇവിടേക്ക്  വരാതെ മാറി നിന്നതാ….

അച്ഛനെയും അമ്മയെയും കണ്ട ഓർമ എനിക്കില്ല…. എനിക്ക് എല്ലാം എന്റെ ചേച്ചിയായിരുന്നു… ഇവിടെ വന്നപ്പോൾ മുതൽ ഞങ്ങള്ക് ആരൊക്കെയോ ഉണ്ടെന്നുളള ഒരു തോന്നൽ… അത് പറയുമ്പോ അവളുടെ കണ്ണുകൾ നിറയുന്നത് ഞാൻ കണ്ടു…

നന്ദിയുണ്ട്…. ഒരുപാട്…..

മോളെ…….. എന്റെ വിളിയാണ് അവളെ ഉണർത്തിയത്…

മോൾക് ഇവിടെ ഒരു അമ്മയുണ്ട്… കുറച്ചു കഴിയുമ്പോ ഒരാൾ കൂടി  വരും…. അപ്പോ അച്ഛനുമായി 😌…പിന്നെ ദേ നല്ല തണ്ടും തടിയുമുളള ഏട്ടനും ഇല്ലേ… ഇതിൽ കൂടുതൽ എന്താ വേണ്ടേ….? അപ്പോളേക്കും കരച്ചിലിന്റെ വക്കോളം എത്തിയിരുന്ന അവൾ പയ്യെ ചിരിച്ചു……. അമ്മൂസ്  ഇത്തിരി ധൈര്യം ഉളള  കൂട്ടത്തിൽ ആണെന്ന് എനിക്ക് തോന്നി….

വാ… നമുക്ക് വീട്ടിലേക് പോകാം…. അല്ല മോൾ വല്ലതും കഴിച്ചോ?

ഉവ് ചേട്ടാ… രാവിലെ വരുന്ന വഴി ബ്രെഡും പഴവും  കഴിച്ചു…. പക്ഷെ ഇപ്പോ വിശക്കുന്നുണ്ടെട്ടോ

ആണോ… എന്ന വാ… അമ്മ നല്ല ചൂട് ദോശ ഉണ്ടാക്കി തരും… അവളുടെ കയ്യ് പിടിച്ചു മുന്നിൽ നടന്ന ഞാൻ ഉളളിൽ തോന്നിയ ഐഡിയ  സ്വഭാവികമായി അവതരിപ്പിച്ചു…  “എന്ന ചേച്ചിയെ കൂടി വിളിച്ചോളൂ”…  അത്  പറഞ്ഞതും…

എന്തോ…… എങ്ങനെ… കേട്ടില്ല…. അപ്പൊ എന്റെ വിശപ്പ് മാറ്റാൻ മാത്രം  അല്ലലെ….. എന്നൊക്കെ പറഞ്ഞ് അവൾ ചൊറിയാൻ തുടങ്ങി….

ആറ്റം ബോംബിനോടാണ് ഞാൻ നമ്പർ ഇറക്കുന്നതെന്ന് ഞാനും ഓർക്കണമായിരുന്നു… ഹിഹിഹി… എന്തായാലും കയ്യിന്ന് പോയി…. പിന്നെ പോയി ചേച്ചിയെ വിളിച്ചോണ്ട് വാടി എന്ന് പറഞ്ഞു തലക്കിട്ടു ഒരു കൊട്ട് കൊടുത്ത് വിട്ടു….. ചിരിച്ചുകൊണ്ട് ഓടി പോകുന്ന അവളോട് വല്ലാത്തൊരു സ്നേഹം തോന്നി…

അമ്മോയ്…. എന്താടാ …. എന്തിനാ കിടന്ന് കൂവുന്നേ…

അതെയ് വേഗം ദോശ ഉണ്ടാക്കാൻ നോക്ക്യേ…..

രാവിലെ  തന്നെ 5, 8 എണ്ണം കേറ്റിയതല്ലേ…. ഇനിം വേണോ…

എന്റമ്മേ എനിക്കല്ല…. അവർ രാവിലെ ഇത്തിരി ബ്രെഡ് കഴിച്ചതാ….. അവർക്ക് കഴിക്കാനാ… ഇപ്പൊ വരും, ഞാൻ വരാൻ പറഞ്ഞിട്ടുണ്ട്

ഈശ്വരാ…. ഞാൻ അത് ചോദിക്കാൻ വിട്ട് പോയെടാ…. എന്തായാലും മോൻ വിളിച്ചല്ലോ… അമ്മ ഇപ്പൊ എല്ലാം റെഡി ആക്കാം…. അമ്മ ദോശ ചുടാൻ മാവെടുത്തതും അമ്മൂസും കൃഷ്ണയും അടുക്കള വാതിലിൽ എത്തിയിരുന്നു….

എന്റെ മക്കളെ… രാവിലത്തെ ബഹളത്തിന്റെ ഇടയിൽ ആഹാരം കഴിച്ചൊന്നു ചോദിക്കാൻ അമ്മ മറന്നു…… അല്ല മുത്തശ്ശൻ വന്നില്ലേ… ഇല്ല… വിശപ്പില്ലെന്ന് പറഞ്ഞു അമ്മൂസ് മറുപടി പറഞ്ഞു….

എന്ന എന്റെ കുട്ടികൾ ഇരിക്ക് എന്ന് പറഞ്ഞു അടുക്കളയിൽ തന്നെയുള്ള തീൻമേശയിൽ പിടിച്ചിരുത്തി  ,  അമ്മ ദോശ ചുടാൻ തുടങ്ങി…. പ്ലേറ്റ് എടുത്ത് ദോശ വെച്ച് നല്ല തേങ്ങാച്ചമ്മന്തി ഒഴിക്കുന്നതിന്റെ കൂടെ ഇത്തിരി സ്നേഹവും കൂടി ചേർത്താണ് അമ്മയുടെ സെർവിങ്…..

ഒരു അമ്മയുടെ സ്നേഹം അവിടെയവർക്ക് കിട്ടുന്നത് എന്നിലും ഒരു കുളിർമയുണ്ടാക്കി….

രണ്ടിനും നല്ല വിശപ്പുണ്ടെന്ന് തോന്നുന്നു…. അമ്മൂസ് ആദ്യത്തെ ദോശ കഴിച്ചു കസേരയിനിന്ന് എണീറ്റതും മതിയാക്കിയോ എന്ന എന്റെ ചോദ്യത്തിന് മറുപടി പറയാതെ ഒന്ന് ചിരിക്ക മാത്രം ചെയ്ത് അമ്മയുടെ അടുത്ത് പോയി നിന്നു….

അപ്പോഴാണ് എനിക്ക് മനസ്സിലായത് അവൾ തുടങ്ങാൻ പോകുന്നെയുളളുവെന്ന്……

കൃഷ്ണ ഇതെല്ലാം ചിരിയോടെ നോക്കി പതിയെ കഴിക്കുകയാണ്…. ദേവത ഒരു ചെറിയ കഷ്ണം ദോശയെടുത്തു ചമ്മന്തിയിൽ മുക്കി  വായിലേക്ക് കൊണ്ടുപോയതും ഞാൻ അറിയാതെ വാ പൊളിച്ചു പോയി…. അത് എന്റെ വായിലേക്ക് വെച്ചുതന്നിരുനെങ്കിൽ എന്നാഗ്രഹിച്ചുപോയി…..

ചേട്ടാ വായടച്ചില്ലേൽ ഈച്ച പോകുമെന്ന അമ്മൂസിന്റെ  കമെന്റ് കേട്ടപ്പോളാ ഞാൻ  വായും തുറന്ന് ഇരിക്കാന്നുളള ഓർമ വന്നത്….

അമ്മൂസ് സി ഐ ഡി  തന്നെ… എല്ലാം ശ്രെദ്ധിക്കുന്നുണ്ടെന്ന് എനിക്ക് മനസ്സിലായി…

അമ്മേ ഞാൻ പോയി ലോറിയൊന്ന്  കഴുകി ഇട്ടിട്ടും വരാമെന്ന് പറഞ്ഞു നൈസ് ആയിട്ട് അവിടെന്നു വലിയാൻ നോക്കി  ….

വണ്ടി എവിടെയാ ചേട്ടാ കിടക്കുന്നെ…. അമ്മൂസ് പ്ലേറ്റ് താഴെവെച്ചു ചോദിച്ചു….

മെയിൻറോഡിന്റെ സൈഡിൽ ഇട്ടേക്കാ….എന്തെ….

എന്ന ഞാനും വന്നോട്ടെ കൂടെ….

ഏയ്യ് വേണ്ട… നീ ഇവിടെ നിന്നാമതി…

അത് കേട്ടതും അമ്മേ ചേട്ടനോട് എന്നെ കൂടി കൊണ്ടുപോകാൻ പറയമ്മേ  എന്നും പറഞ്ഞു അവൾ ചുണുങ്ങി….

അപ്പോളേക്കും കൃഷ്ണ കഴിച്ചു കഴിഞ്ഞു പത്രങ്ങൾ കഴുകാൻ തുടങ്ങി….. അമ്മൂസ് ആ വശത്തേക്കേ  നോക്കുന്നില്ല……

അപ്പോളേക്കും അമ്മ കൃഷ്ണയെ പിടിച്ചു മാറ്റി അവിടെയിരിക്കാൻ ആജ്ഞാപിച്ചു…. ചെറു ചിരിയോടെ അതിനെന്താ അമ്മേ….. ഞാൻ ചെയ്തോളാമെന്ന് പറഞ്ഞു പാത്രമെടുത്തു കഴുകുവാൻ തുടങ്ങി… അവളുടെ നിഷ്കളങ്കമായ പെരുമാറ്റം എനിക്ക് നന്നേ ബോധിച്ചു…..

എന്ന ഞാൻ പോയിട്ട് വരാമെന്ന് പറഞ്ഞു തുണിയും  ബക്കറ്റും കപ്പുമൊക്കെ എടുത്തപ്പോൾ അമ്മൂസ് ചുണ്ട് കോട്ടികൊണ്ട് അമ്മയെ നോക്കി…

ഡാ നീ ഇവളെയും കൊണ്ടുപോ…അത് കേട്ടതും എന്റെ കയ്യിൽനിന്നും കപ്പ്‌ വാങ്ങി പിടിച്ചു ചിരിയോടെ എന്നെ നോക്കിനിൽക്കുന്ന അമ്മൂനെ ഏറ്റെടുക്കാതിരിക്കാൻ കഴിഞ്ഞില്ല….

ഡാ തിരിച്ചു എത്തുമ്പോ അമ്മാ  എന്ന് വിളിച്ചു കൂവണ്ട…ഞാൻ തെക്കേൽ ഉണ്ടാകും ഞാനും മോളും കൂടി അവിടത്തെ അടുക്കള ഒന്ന് ശെരിയാക്കാൻ പോവാ…..

ചെരുപ്പിട്ട് ഇറങ്ങാൻ നേരം ജനലിൽ കൂടി എന്നെയൊരാൾ നോക്കി നിൽക്കുകയാ….. എന്റെ സുന്ദരി പെണ്ണ്(അങ്ങനെ പറയാനേ എനിക്ക് കഴിയുന്നുളളു )….. ഞാൻ കണ്ടതും ഒറ്റ ഓട്ടമായിരുന്നു അവൾ……. മനസ്സ്  ചെറുതായൊന്നു  നിറഞ്ഞു

ചെരുപ്പിട്ട് അമ്മൂസും റെഡിയായി…ഗേറ്റ് ഒക്കെ അടച്ചു ഞാനും അമ്മൂസും കൂടി നടന്നു തുടങ്ങി …. അമ്മൂസ് ശെരിക്കും ഒരു കൊച്ചു സുന്ദരി  തന്നെ…ആഹ് എന്റെ ദേവതയുടെ അനിയത്തി അല്ലെ… മോശം വരില്ല …. കാൽമുട്ട് കഴിഞ്ഞ് ഇത്തിരി കൂടി  ഉള്ളൊരു പാവാടയും നല്ലൊരു ചെക് ഷർട്ടും ആയിരുന്നു അവളുടെ വേഷം…. കയ്യിൽ ഒരു കപ്പും പിടിച്ചു എന്റെ കയ്യിൽ പിടിച്ചാണ്  അവളുടെ നടത്തം….

മണിക്കൂറുകൾ മാത്രമേ പരിചയമുളളു… എന്നിട്ടും സ്വന്തം ചേട്ടനോടെന്ന പോലെ അവളും,  അനിയത്തിയോടെന്ന പോലെ  സ്നേഹം എനിക്കും തോന്നുന്നത് എന്ത്കൊണ്ടാണോ എന്തോ… വല്ലാത്തൊരു ആത്മബന്ധം ഉളളപോലെ….

വീടും റോഡും തമ്മിൽ വലിയ ദൂരമില്ല… പെട്ടെന്ന് തന്നെ ഞങ്ങൾ വണ്ടിയുടെ അടുത്തെത്തി…. ഒരു  ഭാരത്ബെൻസ് 3723r, 2020 മോഡൽ വണ്ടിയാണ് ഞാൻ ഓടിക്കുന്നത്… അവൾ വണ്ടി കണ്ടതും എനിക്കിഷ്ട്ട ചേട്ടാ ഈ വണ്ടി എന്ന് പറഞ്ഞു വണ്ടിയുടെ ചുറ്റുമൊന്ന് നടന്നു…. ഞാൻ പൈപ്പിൽ നിന്നും വെളളമെടുത്തു വണ്ടി കഴുകാൻ തുടങ്ങി…. അപ്പോളവൾ ഒന്നേ രണ്ടേ എന്ന് വിരൽ വെച്ച്  ടയർ എണ്ണാൻ ആരംഭിച്ചു… അങ്ങനെ 14 വീലും എണ്ണിക്കഴിഞ്ഞു എന്റടുത്തു വന്നു നെടുവീർപ്പിട്ടു നിന്നു…..

എന്താ ക്ഷീണിച്ചോടി….

ഓഹ് പിന്നെ…. ഞാൻ അതിനു എന്ത് പണിയ എടുത്തേ..

ആണോ… എന്ന പൊന്നുമോൾ ബക്കറ്റിൽ കുറച്ചു വെള്ളം കൊണ്ടുവന്നെ … അത് കേട്ടതും വല്ലാത്ത ക്ഷീണം എന്ന് പറഞ്ഞു എന്റെ കയ്യിൽ ചാരി നിന്നു ചിരിച്ചു…. എനിക്കും ചിരിപൊട്ടി …. ചെവിക്കു പിടിക്കാൻ പോയതും അവൾ ഓടി മാറി…. ബസ്സിൽ പോകുന്നവരും റോഡിലൂടെ പോകുന്നവരും ഒക്കെ ഞങ്ങളെ നോക്കിപോകുന്നുണ്ട്…..

ഞാൻ തുണി പിഴിയാൻ കുനിഞ്ഞപ്പോളാണ് ലൈറ്റ് നീല ക്യൂട്ടസ്സ്  ഇട്ടൊരു വെളുത്തു സുന്ദരമായ കാൽപാദം കാണുന്നത്…

ദേ വന്നു നിൽക്കുകയാണ് എന്റെ കിച്ചൂസ്…. (അങ്ങനെയെ ഇനി ഞാൻ വിളിക്കു  ) തുണി മുക്കി പിഴിഞ്ഞുകൊണ്ട് നിവർന്നതും രാവിലെയിട്ട വേഷമൊക്കെ മാറ്റി ഇത്തിരി നിറം മങ്ങിയതാണേലും ഇളം നീല ചുരിദാർ ഇട്ട് കയ്യ് രണ്ടും കെട്ടി എന്നെ നോക്കി നിൽക്കയാണ് അവൾ….. ഇവളുടെ സൗന്ദര്യം ഇരട്ടിയായ പോലെ…. എന്റെ കീഴ്താടിയോളമേ അവൾക് ഉയരമുളളു…. അതികം മെലിഞ്ഞിട്ടല്ല…. ഒതുങ്ങിയ അരക്കെട്ട്…..അങ്ങനെ ചുരുങ്ങിയ സമയം കൊണ്ട് അവളെയൊന്ന് ഒപ്പിയെടുത്തു…

പരസ്പ്പരം നോക്കി ചിരിച്ചു…. പിന്നെ അവൾ തന്നെ മിണ്ടിത്തുടങ്ങി…. ഏട്ടൻ ഈ വണ്ടിയാണോ ഓടിക്കുന്നത്…. ഞാൻ അതെയെന്ന് തലയാട്ടി… അവൾ വണ്ടിക്കരികിലേക്ക് നടന്നു തൊട്ട് നോക്കിയ ശേഷം നല്ല വണ്ടിയ എന്ന് ഒരു കമെന്റ് പാസാക്കി…

അപ്പൊ ഓടിക്കുന്ന ഡ്രൈവർ മോശമാണോ എന്ന് ഞാനും ചെറുചിരിയോടെ ചോദിച്ചു….

അപ്പോൾ പെണ്ണിനും ചിരിവന്നു… ഡ്രൈവറും കൊളളാമെന്ന് മുഖത്തു നോക്കാതെ പറഞ്ഞു ചിരിച്ചു…..

മ്മ്മ് മ്മ് മ്മ്…..

അമ്മൂസിന്റെ ആക്കിയുളള ചുമയാണ് ഞങ്ങളെ ഉണർത്തിയത്….. ഞാൻ അവളെ കണ്ണുകൊണ്ട് വെച്ചിട്ടുണ്ടെന്ന് കാണിച്ചു… ഇതൊക്കെ കിച്ചു കൗതുകത്തോടെ നോക്കി കാണുകയാണ്…

അങ്ങനെ വണ്ടി കഴുകിക്കഴിഞ്ഞു ഡോർ തുറന്നതും അമ്മൂസ്  ഡ്രൈവിംഗ് സീറ്റിൽ സ്ഥാനം പിടിച്ചു…… അപ്പോൾ ഞാനും കിച്ചുസും  വണ്ടിയുടെ മുന്നിലായി വർത്താനം പറയുകയായിരുന്നു…

കൃഷ്ണ  പിജി ഒക്കെ കഴിഞ്ഞല്ലേ….മുത്തശ്ശൻ  പറഞ്ഞു…

അതെ ഏട്ടാ … ടീച്ചർ ആകണമെന്ന എനിക്ക്…. …..മ്മ്മ്… നല്ലതാ 😊

അല്ല ഏട്ടന്റെ പഠിപ്പൊക്കെ?

ദൈവമേ പെട്ടല്ലോ….. അത് പ്ലസ് 2 സയൻസ് ആയിരുന്നു…ഒരു സപ്ലി  ഉണ്ടായൊണ്ട് ഡിഗ്രിക്ക് പോകാൻ പറ്റിയില്ല…. അവൾ പുരികം ഉയർത്തി എന്നെ നോക്കി  സപ്ലി ഒരെണ്ണമേ ഉണ്ടായുളളു?…..

വീണ്ടും പെട്ടു…. അല്ല 3എണ്ണം 😁…..

ഹ്മ്മ്മ് അങ്ങനെ പറ….അമ്മ എന്നോട് പറഞ്ഞു….

ഞാൻ അങ്ങ് ഇല്ലാണ്ടായിപോയി 😊😛

പക്ഷെ ഞാൻ എഴുതി എടുത്തെട്ടോ…. കൂടെ ഐ ടി ഐയും കംപ്ലീറ്റ് ചെയ്തു….. ഇപ്പോ ഡിസ്റ്റന്റ് ആയി ഡിഗ്രി ചെയ്തോണ്ടിരിക്ക….. ഒറ്റ ശ്വാസത്തിൽ ഞാൻ പറഞ്ഞവസാനിപ്പിച്ചു ചിരിച്ചു…

ആഹ്ഹ്  സാരമില്ല ചേട്ടായി….പഠിപ്പിച്ചു തരാൻ ഇപ്പോ ട്യൂഷൻ ടീച്ചർ ആയല്ലോ….. സ്റ്റിയറിങ്ങിൽ പിടിച്ചു വെറുതെ തിരിച്ചുകളിച്ചുകൊണ്ട് അമ്മൂസിന്റെ വക  കമന്റ്‌…..

കിച്ചൂസ് അമ്മൂനെ നോക്കി കണ്ണുരുട്ടിയെങ്കിലും  കിച്ചൂന്റെ കവിളൊക്കെ ചുവക്കുന്നത്  ഞാൻ കണ്ടു😊………

എന്റെ ആഗ്രഹങ്ങളിൽ ഒന്നായിരുന്നു…ഒരു പാവം പെണ്ണിനെ,  ആരോരുമില്ലാത്തവളെ  വേണം കല്യാണം കഴിക്കാൻ…. എന്നിട്ട് അവളെ എന്നാൽ കഴിയുന്നതിനേക്കാൾ കൂടുതൽ സന്തോഷിപ്പിച്ചു, അവളുടെ എല്ലാ ആഗ്രഹവും സാധിച്ചുകൊടുത്തു എന്റെ എല്ലാമെല്ലാമായി കൊണ്ടുനടക്കണം……..

ഏട്ടാ…. സ്വപ്നം കാണുകയാ ഈ പകൽ നേരത്ത്…. അവളുടെ ശബ്ദം എന്നെ താഴെയിറക്കി….

അതെ… എന്താ പകൽ സ്വപ്നം കണ്ടൂടെ……

അതെയ് പകൽ കാണുന്ന സ്വപ്നം നടക്കുമെന്ന അമ്മ പറഞ്ഞട്ടുളെള…അതുകൊണ്ട്  ആഗ്രഹം ഉളളത് മാത്രേ കാണാവൂ…..

അത്  കേട്ടതും ഞാൻ ഹാപ്പി ആയി….

അപ്പൊ കുഴപ്പമില്ല…. ആഗ്രഹം ഉളള കാര്യം തന്നെയാ കണ്ടേ…..എന്ന് പറഞ്ഞു ബക്കറ്റും കപ്പും കഴുകിയെടുത്തു….

ഡി അമ്മുസേ…. ഇറങ്ങിയേ… വണ്ടി ലോക്ക് ചെയ്യട്ടെ….

ചേട്ടാ ഒന്ന് എന്നെ ഇരുത്തി ഓടിക്കാവോ….പ്ലീസ്

പിന്നെ… ഒന്ന് ഇറങ്ങിയേ പെണ്ണെ….

ചേച്ചി ഒന്ന് പറ…. അത് പറഞ്ഞു അമ്മു കിച്ചുവിനെ നോക്കി… കിച്ചൂസിന്റെ മുഖം കണ്ടപ്പോ അവൾക്കും ആഗ്രഹം ഉണ്ടെന്ന് എനിക്ക് തോന്നി…..

പിന്നെയൊന്നും ആലോചിച്ചില്ല…. കിച്ചൂസിനോട് കേറിക്കോളാൻ പറഞ്ഞു ഡോർ തുറന്നു…. ഇത്തിരി പണിപ്പെട്ട് കേറുന്ന കിച്ചൂസ് പെട്ടെന്നാണ് കാല് സ്ലിപ് ആയി വീഴാനായി പുറകോട്ട് മലന്നത്…….. നേരെ എന്റെ നെഞ്ചിലേക്ക് വീണു…. അപ്പോളേക്കും അവളുടെ അരക്കെട്ടിൽ ഞാൻ പിടുത്തമിട്ടിരുന്നു….. എന്റെ തോളിൽ തല ചരിച്ചു എന്നെ നോക്കി കിടക്കുന്ന അവളെ കണ്ടപ്പോ  ചേർത്ത് പിടിച്ചു നെറ്റിയിൽ ഒരുമ്മ കൊടുക്കാൻ തോന്നി……

അമ്മൂസ്  ഇതൊക്കെ കണ്ട് ചിരിച്ചിരിപ്പുണ്ട്… അങ്ങനെ കിച്ചൂസിനെ പൊക്കി കേറ്റി ഡോർ അടച്ചു… അപ്പുറത്തെ ഡോർ തുറന്ന് ചെന്ന എന്നെ കണ്ടിട്ടും അമ്മൂസ്  മാറാതെ ഡ്രൈവിംഗ് സീറ്റിൽ തന്നെ ഇരിപ്പുണ്ട്…… അങ്ങോട്ട് മാറിയിരിക്കെടി എന്ന് പറഞ്ഞ് ഞാൻ കേറി ഡോർ അടച്ചു…

എനിക്ക് വിന്ഡോ സീറ്റ്‌ വേണം എന്ന് പറഞ്ഞ് അമ്മുസ് ചാടി അപ്പുറത്തായി…

അതിപ്പോ ലാഭായിലോ…. കിച്ചൂനെ അടുത്ത് കിട്ടിയല്ലോ…. താക്കോൽ ഇട്ട് വണ്ടി സ്റ്റാർട്ട്‌ ചെയ്തു  ഹാൻഡ് ബ്രേക്ക് റിലീസാക്കി ദൈവത്തെ മനസ്സിൽ വിചാരിച്ചു വണ്ടി മുന്നോട്ടെടുത്തു…. ഞാൻ ചെയ്യുന്ന ഓരോ കാര്യവും വളരെ കൗതുകത്തോടെ കിച്ചൂസ് നോക്കിയിരിപ്പുണ്ട്…

അങ്ങനെ വണ്ടി കൊടുങ്ങല്ലൂർ ടൌൺ വഴി ഒന്ന് കറക്കി…. വല്ലാത്തൊരു സന്തോഷത്തിലാണ് അമ്മൂസ്…. കിച്ചു ആകട്ടെ എന്നെ നോക്കി ഇടക്ക് ചിരിച്ചും…. ഞാൻ നോക്കുമ്പോൾ തലതാഴ്ത്തിയും ഒക്കെയായി ഇരിക്കുന്നു….

അങ്ങനെ വണ്ടി സിഗ്നൽ കാത്ത് കിടന്നപ്പോൾ

ബസ് സ്റ്റോപ്പിൽ  നിൽക്കുന്ന കുറച്ചു  പെൺകുട്ടികൾ ഞങ്ങളെ നോക്കി ചിരിക്കുന്നുണ്ട്… കൂട്ടത്തിൽ ഒരുത്തി എന്നെ നോക്കി കണ്ണിറുക്കി… എന്നാൽ ഞാനാകട്ടെ ഇതൊന്നും ശ്രെദ്ധിക്കുന്നേയില്ല എന്നുകാണിച്ചു  ഇരിക്കുകയാണ്…. കിച്ചൂസിനു അത് പിടിച്ചില്ല എന്ന് ആ പെണ്ണിനെ നോക്കി ദഹിപ്പിക്കുന്നത് കണ്ടാൽ തന്നെയറിയാം…

പെട്ടെന്നാണ് എന്നെ ഞെട്ടിച്ചുകൊണ്ട് കിച്ചൂസ് എന്റെ തോളിലേക്ക് ചാരിയിരുന്നത്…. ദൈവമേ….. സ്വപ്നം ആണോയിത്….എന്തൊക്കെയാ നടക്കുന്നെ…. പെട്ടെന്ന് പച്ച കത്തിയതും ഞാൻ വേഗം  വണ്ടിയെടുത്തു…..വണ്ടി കുറച്ചു നീങ്ങിയതും അവൾ പഴയപോലെ തന്നെയിരുന്നു……

അപ്പോളാണ് ഞാൻ അമ്മൂസിനെ നോക്കുന്നത്…. എന്റെ അതെ അവസ്ഥ… കിളി പോയി കണ്ണും മിഴിച്ചു ഇരിക്കയാണ് അവൾ

ഞങ്ങളെ രണ്ടുപേരെയും നോക്കികൊണ്ട് കിച്ചൂസ് പറഞ്ഞു തുടങ്ങി …. ആ പെണ്ണ് ഏട്ടനെ നോക്കി അങ്ങനെ കാണിച്ചത് നിക്ക് ഇഷ്ട്ടായില്ല… അതോണ്ടാ…. അതും പറഞ്ഞു ഒരു കള്ളച്ചിരി ആയിരുന്നു കക്ഷിയുടെ മുഖത്തു….

എനിക്ക് എന്തെന്നില്ലാത്ത ഒരു ഫീൽ…. എന്നെ ഇവൾ സ്നേഹിച്ചു തുടങ്ങിയോ..! എന്തായാലും കുശുമ്പത്തി തന്നെ ..ഓരോന്ന് ആലോചിച്ചു വണ്ടി കിടന്നിടത്തു തന്നെ എത്തിച്ചു പാർക്ക്‌ ചെയ്തു….

അമ്മൂസ് അപ്പോളും വണ്ടിയിൽ കേറിയ സന്തോഷത്തിൽ ആയിരുന്നു….

ചേച്ചി വേഗം വായോ… അമ്മയോട് ഇത് പറയണം എന്ന് പറഞ്ഞു കിച്ചൂസിനെയും വലിച്ചു ഓടി… വണ്ടി ലോക്ക് ചെയ്യുന്നതിനിടയിൽ അവരുടെ ഓട്ടം കണ്ട് ഞാൻ ചിരിച്ചു നിക്കുകയാ…

എന്റെ അമ്മയെ  ഞാൻ വിളിക്കുന്നതിലും അധികാരത്തിലാ ഇപ്പോ  അമ്മു വിളിക്കുന്നത്…..

നേരെ ഞാൻ വീട്ടിലേക് നടന്നെത്തിയതും കാണുന്നത് അച്ഛന്റെ മുന്നിൽ നല്ല അടക്കത്തിലും ഒതുക്കത്തിലും നിന്ന് സംസാരിക്കുന്ന കിച്ചുവിനെയും അമ്മുവിനെയുമാണ്.

അച്ഛനെ കുറിച്ച് പറയുകയാണേൽ ഒരു പാവം…. പക്ഷെ ദേഷ്യം വന്നാൽ പറയുകേം വേണ്ട…. അങ്ങനെയൊരു പ്രകൃതം…

എന്നെ കണ്ടതും പുളളിക്ക് അവരോടുളള സ്നേഹം കാണിക്കൽ ഇത്തിരി  കൂടിയ പോലെ…

കാര്യം വേറൊന്നും അല്ല… എപ്പോളും പറയും ഒരു പെൺകുട്ടിയെ ദൈവം തന്നില്ലലോ എന്ന്…അത് കേൾക്കുമ്പോൾ ഞാൻ നന്നായിത്തന്നെ പുച്ഛിക്കും…. ഇപ്പോ അമ്മ രണ്ട് പെൺമക്കളെ പെറ്റിട്ട  പോലെയാ അച്ഛന്റെ ഭാവം.. അതൊക്കെ അമ്മ നോക്കിനിൽക്കുകയാ….

ഞാൻ അടുത്ത് വന്നതും പുളളി  എനിക്കിട്ടൊന്ന് താങ്ങി… എന്തിനാ പിളേളരേ ഈ പോത്തിന്റെ ഒപ്പം വണ്ടിയിൽ പോയെ… എവിടെയും കൊണ്ട് ഇടിപ്പിക്കാഞ്ഞത് ഭാഗ്യം എന്ന് പറഞ്ഞത്‌ നെഞ്ചിൽ കൈ വെച്ചു…

അത് മതിയല്ലോ എല്ലാത്തിനും കൂടി ചിരിക്കാൻ…..

പക്ഷെ അമ്മൂസിന്റെ സപ്പോർട്ടിൽ ഞാൻ ഒന്ന് പൊങ്ങി…

ഏയ്യ് ഇല്ലച്ഛാ.. ചേട്ടൻ കിടു ഡ്രൈവറാ… നല്ലോണം ഓടിച്ചല്ലോ… പിന്നെന്താ… അപ്പോ അച്ഛൻ ചുമ്മാ എന്നെ വട്ടക്കാൻ പറഞ്ഞതായെന്നോണം അവളെ കണ്ണടച്ചു കാട്ടി….

എന്ന ഞങ്ങൾ വീട്ടിലേക്ക്  പോട്ടെ അമ്മേ…കഞ്ഞി വെച്ചിട്ടില്ല…. മുത്തശ്ശന് ആഹാരം വൈകിയ അപ്പോ ഗ്യാസ് കേറും…

ആഹ്ഹ് പിന്നെ…. അത് കൊളളാം ഉച്ചക്ക് ചോറുണ്ണാൻ ഇങ്ങോട്ട് വന്നോണം……ഞാൻ അവിടെ ചെന്ന് മുത്തശ്ശനുമായി കുറെ നേരം സംസാരിച്ചു… ഉച്ചക്ക് ഇങ്ങോട്ട് വരണമെന്നും പറഞ്ഞു… കിച്ചു  അച്ഛന്റെ സംസാരംകേട്ട്  ചിരിച്ചുനിന്നതല്ലാതെ  ഒന്നും മിണ്ടിയില്ല…

ഉച്ചക്ക് മോൾക്കെന്താ കറി വേണ്ടത്? അച്ഛൻ അമ്മൂസ്സിനോടായി ചോദിച്ചു…. എനിക്ക് ചിക്കൻ മതി…. ഒട്ടും ആലോചിക്കേണ്ടി വന്നില്ല അവൾക്…. മോൾക്കോ???….. കിച്ചൂസിനോടായി ചോദ്യം… എനിക്ക് അങ്ങനെ ഇഷ്ടങ്ങളൊന്നും ഇല്ലച്ഛാ… ഭക്ഷണത്തിന്റെ കാര്യത്തിലും വേറെന്തു  കാര്യത്തിൽ ആയാലും…… അത് പറഞ്ഞതും അവളുടെ മുഖമൊന്ന് വാടി… അവൾ ജീവിച്ച സാഹചര്യം വെച്ചാവണം അവൾ അങ്ങിനെ പറഞ്ഞത്…

അത് മനസിലായെന്നോണം അച്ഛൻ തുടർന്നു….. ഇനി അങ്ങനെ പറ്റില്ലെങ്കിലോ….. മോൾക് എന്ത് ഇഷ്ടവും, എന്ത് ആഗ്രഹവും  അച്ഛനോട് പറയാം….. അത് ഞാൻ നടത്തിത്തരും…അത്രതന്നെ …. അതും പറഞ്ഞു അമ്മൂസിനോട് വണ്ടിയിൽ കയറാൻ പറഞ്ഞു അവർ ചിക്കൻ വാങ്ങാൻ പോയി…… അമ്മ അപ്പോളേക്കും കറിയുടെ കാര്യം നോക്കാൻ അടുക്കളയിലേക്ക് പോയി…

ഈ സമയം ഞാനും കിച്ചൂസും മാത്രമായി അവിടെ….. അവളുടെ മുഖം കണ്ടപ്പോ എനിക്കും സങ്കടായി… പാവം… അവളുടെ അച്ഛനെയും അമ്മയെയും ഓർത്തിട്ടുണ്ടാവും…. അതായിരിക്കും സങ്കടപ്പെട്ട് ഇരിക്കണേ

എടൊ തൊട്ടാവാടി…..

അത് കേട്ടതും അവളൊന്ന് എന്നെനോക്കി…. താൻ എന്താടോ ഇങ്ങനെ….. ഈ ആളാണോ ടീച്ചർ ആകണം എന്ന് പറഞ്ഞെ… ഇപ്പോളത്തെ പിളേളരെ പഠിപ്പിക്കണേൽ ഇത്തിരി  കൂടി ബോൾഡ് ആകണം…അല്ലാതെ ഒരുമാതിരി …… അയ്യേ… പൂ… കൂടെ എന്റെ കുട്ടിത്തം ഉളള എക്സ്പ്രഷനും കൂടി ആയപ്പോ കിച്ചൂസ് പൊട്ടിച്ചിരിച്ചു….

അത് കണ്ടപ്പോ ഞാനും ഹാപ്പി ആയി… താങ്ക്സ്….. കിച്ചൂസ് പയ്യെ പറഞ്ഞു…… എന്തിനാ??? എനിക്ക് സംശയമായി… അല്ല വണ്ടിയിൽ കയറ്റി കറക്കിയതിനു…. എനിക്ക് വല്ല്യ ആഗ്രഹമായിരുന്നു അത്… അതിപ്പോ നടത്തിത്തന്നില്ലേ… അതിനാ താങ്ക്സ്…..

അയ്യോ അമ്മ….. പെട്ടെന്നാണ്  അടുക്കളയിൽ അമ്മ ഒറ്റയ്ക്കു പണിയെടുക്കുകയാണെന്ന് അവൾക് ഓർമ വന്നത്…. എന്നെയൊന്നു നോക്കുക പോലും ചെയ്യാതെ അവൾ അകത്തേക്കോടി

അങ്ങനെ സുഖമുളള ഓർമ്മകൾ ഓർത്തുകൊണ്ട് അവിടെ കിടന്ന് ഞാൻ ഉറങ്ങിപ്പോയി…. ആരോ കാലിൽ ഇക്കിളിയിട്ട് എന്നെ എണീപ്പിച്ചതും എനിക്ക് ദേഷ്യം ഇരച്ചു കയറി…. പക്ഷെ ആളെ കണ്ടതും ചിരിയാണ് മുഖത്ത് വന്നത്…..

മുടി ഒരു സൈഡിലേക്കിട്ട് തറയിൽ മുട്ട് കുത്തി എന്നെ നോക്കി ഇരിക്കയാണ് കിച്ചൂസ് …. എന്തൊരു പെണ്ണാ ഇത്… എന്നെ വീഴ്ത്തി കളഞ്ഞല്ലോടി നീ…എന്ത് നല്ല മുടി….. മനസ്സിൽ അങ്ങനെ ഓരോന്ന് ഓർത്തിരുന്നതും എണീക്ക് ഏട്ടാ….എന്നൊരു കൊഞ്ചൽ കലർന്നൊരു വിളി…. ദേ  എല്ലാം റെഡി ആയി  ആഹാരം എടുത്ത് വെച്ചുകഴിഞ്ഞു….

അങ്ങനെ എണീറ്റ് അകത്തേക്ക് ചെന്നതും അമ്മ ഒഴികെ അച്ഛനും മുത്തശ്ശനും അമ്മൂസും ആഹാരം കഴിക്കുന്നു…. വീട്ടിലെ ഇളയ കുട്ടിയുടെ അധികാരത്തോടെ അച്ഛന്റെ വലതു ഭാഗത്തു അമ്മൂസ് ഇരുന്ന് കഴിക്കുന്നു…. എന്നെ കണ്ടപ്പോ മുത്തശ്ശൻ….. .മോൻ എണീറ്റോ… ഞങ്ങൾ തുടങ്ങി… ആഹ്ഹ് കിടന്ന് ഉറങ്ങിപ്പോയെന്നും പറഞ്ഞു ഞാൻ കേറിയിരുന്നു…. മോളെ അവിടെയിരിക്ക്….ഒരുമിച്ച് കഴികാം…. അച്ഛൻ കിച്ചുസ്സിനോടായി പറഞ്ഞു…

അയ്യോ വേണ്ട… ഞാൻ അമ്മയുടെ കൂടെ കഴിച്ചോളാം…

അവൾ ഞാൻ കഴിച്ചു കഴിഞ്ഞ്  എന്റെ പ്ലേറ്റിലെ കഴിക്കു… അതാ അങ്ങനെ നിക്കണേ… മോൾ അവിടെ ഇരിക്കാൻ നോക്ക്… അവൾ അമ്മയെ നോക്കി പയ്യെ എന്റെ ഇടതുഭാഗത്തായി ഇരുന്നു… അതെനിക് വളരെ ഇഷ്ട്ടപെട്ടു…അച്ഛാ നന്ദി…  ഹിഹി….

അമ്മൂസ് എന്റെ കാലിൽ ഒന്ന് ചവിട്ടി എന്നെ നോക്കി കണ്ണുകൊണ്ട് ഒരു കാണിക്കൽ… ഇപ്പോ ഹാപ്പി ആയില്ലേ എന്നർത്ഥത്തിൽ…..

ഞാനും ചിരിച്ചു കൊടുത്ത് പയ്യെ തലയാട്ടി…..

അങ്ങനെ ഓരോ കാര്യങ്ങൾ ഒക്കെ പറഞ്ഞു കഴിച്ചു കഴിഞ്ഞു… അച്ഛനും മുത്തശ്ശനും പയ്യെ നടക്കാൻ  പറമ്പിലേക്ക് ഇറങ്ങി….

ഞാൻ മൂത്രമൊക്കെ ഒഴിച്ച് ഹാളിലേക്ക് വന്നതും അമ്മയ്ക്ക് വിളമ്പി കൊടുത്ത് അടുത്തിരിക്കുന്ന കിച്ചുവിനെയാണ് കണ്ടത്…. ഇത്ര വർഷം ആയിട്ടും ഞാൻ പോലും ഇതുവരെ അങ്ങനെ വിളമ്പി കൊടുത്തിട്ടില്ല…. ഇവളെ ആർക്കും വിട്ട്കൊടുക്കാതെ എന്റെ മാത്രമാക്കണം.എന്റെ പെണ്ണാക്കണം…എന്റെ കണ്ണ് ചെറുതായി നിറഞ്ഞു….

പിന്നെ നേരെ സോഫയിൽ പോയിരുന്നു അമ്മൂസിന്റെ ഒപ്പം ടീവി  കണ്ടിരുന്നു…. അവൾ കുറച്ചു കഴിഞ്ഞ് എന്റെ തോളിൽ ചാരി ഉറങ്ങിപ്പോയി…. പാവം….കുറച്ചു കഴിഞ്ഞ് ഞാൻ അമ്മൂനെ പയ്യെ സോഫയിൽ കിടത്തി മുറിയിലേക്ക് പോയി…. അവിടെ കിടന്ന് പോത്ത് പോലെ ഉറങ്ങി….

വൈകിട്ടോടെ എണീറ്റ് വന്നതും വീട്ടിൽ ആരെയും കാണുന്നില്ല…. ബൈക്ക് ഇല്ലാത്തപ്പോൾ തന്നെ അച്ഛൻ ക്ലബിൽ പോയെന്ന് മനസ്സിലായി…. അമ്മ എവിടെ പോയാവോ…. ആഹ് വേറെ എവിടെ പോകാൻ… തെക്കേൽ തന്നെ കാണും….

അങ്ങനെ ഞാനും മുഖമൊന്ന് കഴുകി സൈക്കിൾ എടുത്ത്  പുറത്തേക്കിറങ്ങി… നേരെ ഫെബിന്റെ വീട്ടിലേക് വെച്ചുപിടിച്ചു… അവന്റെ അച്ഛൻ യൂണിയത്തിൽ ആയിരുന്നപ്പോ മരിച്ചതാ….അങ്ങനെയാ അവനു ആ ജോലി കിട്ടിയത്…. അവന്റെ വീട്ടിൽ അമ്മയും ഒരു അനിയത്തിയും മാത്രേ ഉളളു…..

അവിടെയെത്തി ബെൽ അടിച്ചു കൂട്ടിയതും പിന്നിൽ നിന്ന് പുറത്തൊരടി കിട്ടി…. ജെസ്സി ആയിരുന്നു അത്… ഫെബിന്റെ അനിയത്തി….ക്ലാസ്സിൽ പോയി വരുന്ന വരവാണ്… ഡിഗ്രി ഫസ്റ്റ് ഇയർ പടിക്കുകയാണ്….

എന്താ ഡ്രൈവർ കുട്ടാ  വിശേഷം…… പുറത്ത് തട്ടിക്കൊണ്ടാണ് അവൾ ചോദിച്ചത്… ഒന്നുല്ല എന്റെ മോളെ…. നിന്റെ  ചേട്ടനെ ഒന്ന് കാണാൻ വന്നതാ…ജിമ്മൻ  ഇല്ലേ  ഇവിടെ….

ഹോ എന്റ ചേട്ടായി…. അകത്തു കേറി നോക്കിക്കൂടെ…. ഇപ്പോ വന്ന എന്നോടാണോ അവൻ ഇവിടെയുണ്ടോന്ന് ചോദിക്കണേ….

അപ്പോളേക്കും ഫെബി  ഉറക്കപിച്ചിൽ വന്നു  കയ്യൊക്കെ നിവർത്തി കോട്ടുവായ ഇട്ട് ഇറയത്തു ഇരിപ്പായി….

ജെസ്സി  കേറി പോകുന്ന പോക്കിൽ പുറത്തൊരു ഇടിയും കൊടുത്തു… അവൻ അവളുടെ കാലിൽ പിടിക്കാൻ നോക്കിതും ജെസ്സി ഓടി റൂമിൽ കേറി… ഇതൊക്കെ സർവ്വസാധാരണം

ആഹ്ഹ് പറയെടാ… പുതിയ വീട്ടുകാർ എങ്ങനുണ്ട്… നല്ല ആളുകളാഡാ…. പാവങ്ങള..

ആഹ് പിന്നെ എനിക്ക് നിന്നോട് ഒരു കാര്യം പറയാനുണ്ട്… ഞാൻ ജെസ്സി വരുന്നുണ്ടോ എന്ന് നോക്കി പറഞ്ഞതും അവൻ എന്താടാ കാര്യമെന്ന് ആകാംഷയോടെ ചോദിച്ചു… പറയാം…. നിന്റെ പെങ്ങള് കേൾക്കണ്ട…. അവൾ അറിയുന്നതിലും നല്ലത് സൈക്കിളിൽ മൈക്ക് വെച്ച് പാടി നടക്കുന്നതാ…..

എന്താ ഞാൻ അറിയാൻ പാടില്ലാത്ത കാര്യം….ജെസ്സി അകത്തുനിന്ന് വന്നു

നിന്നെയാരാ ഇങ്ങോട്ട് വിളിച്ചതെന്നും പറഞ്ഞു ഫെബി അടിക്കാൻ കയ്യോങ്ങിയതും

ആഹാ അത്രക്കായോ….. മര്യാദക്ക് പറഞ്ഞോ… അല്ലേൽ ഞാനിപ്പോ വിളിച്ചു കൂവുമെന്ന് പറഞ്ഞു അമ്മയെ വിളിക്കാൻ പോയതും…. ഞാൻ കൈയ്ക്കൂപ്പി പറഞ്ഞു.. എന്റ ജെസ്സിയെ ഒന്നുമില്ല… ഒരു ബിയർ കഴിക്കണ കാര്യം പറഞ്ഞതാ….. ഞങ്ങൾ ഇപ്പോ പോയിട്ട് വരുമ്പോ KFC  വാങ്ങിച്ചോണ്ട് വരാം… ഇപ്പോ നീ ഒച്ചയെടുക്കല്ലേ..

KFC എന്ന് കേട്ടതും അവളൊന്ന്  ശാന്തമായി….. എന്തായാലും  അച്ചുചേട്ടൻ പറഞ്ഞത് പോലെ ബിയർ അടിക്കുന്ന കാര്യം ഞാൻ വിശ്വസിച്ചിട്ടില്ല …. ആഹ്ഹ് ഞാൻ കണ്ടുപിടിച്ചോളാം…. ഹ്മ്മ്… ഇപ്പോ പൊക്കോ… kFC മറക്കണ്ട…

ഒരു കണക്കിന് അവളുടെ കയ്യിൽനിന്നും ഞങ്ങൾ എസ്‌കേപ്പ് ആയി… ഫെബി  ബൈക്ക് എടുത്ത് നേരെ കൈരളി ബാറിലേക്ക് വിട്ടു…. സമയം അപ്പോളേക്കും 6 ആയി …

ഓരോ  ബിയർ കഴിച്ചോണ്ട് ഞാൻ അവനോട് കാര്യം അവതരിപ്പിച്ചു….. എനിക്കവളെ ഇഷ്ട്ടമായെന്ന് കേട്ടതും അവൻ  അത്ഭുതത്തോടെ എന്നെ നോക്കി…

ഇത്രയും വര്ഷത്തിനിടയിൽ ആദ്യമായാണ് ഞാൻ ഇങ്ങനെ സംസാരിച്ചു അവൻ കേൾക്കുന്നത്… ബിയർ ഒന്ന് സ്വിപ് ചെയ്തിട്ട് അവൻ പറഞ്ഞുതുടങ്ങി…. ഡാ രാവിലെ ആ കുട്ടിയെ ഞാനും കണ്ടതാ…. നല്ല ഐശ്വര്യം…. എന്റെ ഒരു വീക്ഷണകോണാത്തിൽ കൂടി നോക്കുമ്പോ എന്ന് പറഞ്ഞതും ഡാ മൈരേ… നീ കൊണാക്കാതെ പറയുന്നുണ്ടോ…..

അവൻ ചിരിച്ചിട്ട് വീണ്ടും തുടർന്നു നീ വീണുപോയതിൽ ഒന്നും പറയാനില്ല…. പക്ഷെ ഇത്രേം നാളും ഒരു പെണ്ണിലും പിടികൊടുക്കാതെ നടന്നിട്ട് അവളെ കണ്ടപ്പോ ഒറ്റ ദിവസം കൊണ്ട് ഇങ്ങനെ പപ്പാസ്സ് ആയതിൽ മാത്രേ എനിക്ക് അത്ഭുതം ഉളളു….

അതൊരു പാവം പെണ്ണാട….. വയസ്സായ ഒരു മുത്തശ്ശൻ മാത്രേ ഉളളു…. നമ്മുടെ ജെസ്സിയെ പോലെ ഒരു അനിയത്തിയും ഉണ്ട്….

അച്ചു സ്റ്റോപ്പ്‌… എന്താടാ ഫെബി… നീ അടുത്ത ബിയർ പറ…… ഹോ ഈ മൈരൻറെ കാര്യം…

അങ്ങനെ ഓരോ കാര്യങ്ങളും സംസാരിച്ചു  3ഉം 3ഉം 6 ബിയറിൽ ആണ് എല്ലാം അവസാനിച്ചത്…..

ഒരു കണക്കിന് ജെസ്സിക്കുളള  kFCഉം വാങ്ങി അവന്റെ വീട്ടിൽ എത്തി… അവനെ ആരും അറിയാതെ ഇറയത്തു പ്രതിഷ്ഠിച്ചു അവന്റെ അമ്മ കേൾക്കാതെ ജെസ്സിയെ വിളിച്ചു ഫുഡും കൊടുത്ത് ഞാൻ വീട്ടിലേക് പോയി…

അച്ഛൻ മുറ്റത്തു നിന്ന് ആരോടോ ഫോൺ ചെയ്യുന്നുണ്ട്… മൈൻഡ് ചെയ്യാതെ ഉളളിൽ കേറി കുളിച്ചു ഫ്രഷ് ആയി….

അങ്ങനെ ടീവി കണ്ടിരിക്കുമ്പോളാണ് അമ്മയുടെ വരവ്വ്……എത്ര കുളിച്ചാലും കളളുകുടിച്ചത്  അമ്മക്ക് മനസ്സിലാകും…. അത് അങ്ങനൊരു കഴിവ്വ്

ആഹ്ഹ് ഇനി കേൾക്കാം…. ഞാൻ തെറി കേൾക്കാൻ റെഡി ആയിരുന്നു…..

പതിവ് തെറ്റിച്ചു എന്റെ അടുത്ത് വന്നിരുന്നുകൊണ്ട് ഡാ….. നാളെ അമ്മുവിന്റെ പഴയ സ്കൂളിൽ പോയി ടിസി വാങ്ങി ഇവിടെ എവിടേലും ചേർക്കാം എന്ന കൃഷ്ണമോൾ പറഞ്ഞെ …. കൃഷ്ണ എന്ന് കേട്ടതും ഞാൻ ആവേശത്തോടെ അമ്മയെ നോക്കി…. അപ്പൊ നാളെ അമ്മു ആയിട്ട് നീ സ്കൂളിൽ പോയി TC ഒക്കെ വാങ്ങണം… അല്ലേൽ കൃഷ്ണമോൾ അത്രയും ദൂരം ബസിൽ  പോകണ്ടേ

നാളെ അമ്മുവിനെ ഞാൻ കൊണ്ട് പൊക്കോളാം… രാവിലെ ഒരു 8.30 ഇറങ്ങാം എന്ന് പറഞ്ഞേക്ക്… സന്തോഷത്തോടെ ഞാൻ അത് പറഞ്ഞു വീണ്ടും ടീവിയിലേക് നോക്കി.. ഞാൻ അതൊക്കെ പറയുമ്പോ അമ്മ പതിവിലും സന്തോഷവതിയായി കണ്ടു….

എന്തിനും ഏതിനും മടി കാണിക്കുന്ന ഞാൻ  ഇങ്ങനെ പറഞ്ഞതുകൊണ്ടാവാം 😁

അല്ലെങ്കിലും എനിക്ക് അവളെ കണ്ടതുമുതൽ പൊട്ടന് ലോട്ടറി അടിച്ച ഫീൽ അല്ലെ…

രാവിലെ  കിച്ചു എന്നെ കെട്ടിപിടിച്ചു കരഞ്ഞു പോയപ്പോൾ എനിക്ക് എന്താ തോന്ന്യേ… അറിയാതെ തന്നെ അവളെ ചേർത്ത് പിടിച്ചില്ലേ ഞാൻ… ഉച്ചക്ക് എന്റെ കാലിൽ ഇക്കിളിയിട്ടു എനിക്ക് ഏറ്റവും ദേഷ്യമുളള  കാര്യം ചെയ്ത് എണീപ്പിച്ചപ്പോൾ  ഒക്കെ അവളുടെ മുഖത്തുനോക്കി ചിരിക്കാനേ   എനിക്ക് കഴിഞ്ഞുളളു…..

മോനെ അതുലെ….. അങ്ങനെ നീയും പ്രണയത്തിലായെടാ… 😌😆

അങ്ങനെ ചോറുണ്ട് ഉറങ്ങാൻ കിടന്നപ്പോളും ഒരു ദേവതയുടെ മുഖമായിരുന്നു മനസ്സിൽ……

എന്താ ഒരു ഫീൽ…. ഓർക്കുന്തോറും ചുണ്ടിലെ ചിരി കൂടി വരികയാണ്….അങ്ങനെ  പതിയെ  ഞാൻ ഉറക്കത്തിലേക്ക് വീണുപോയി….

തുടരും…… നിങ്ങൾക് ഇഷ്ട്ടമായെങ്കിൽ മാത്രം 💓💓💓